Sunday, October 31, 2010

မွန်ငြိမ်းချမ်းရေးနဲ့ကာကွယ်ရေးတပ်ဖွဲ့ကို နိုင်ငံသားစီစစ်ရေးကာဒ်ပြားပြုလုပ်ပေးနေ

ဆူးပန်း၊ ကောင်းဝါ

လာမည့်အထွေထွေရွေးကောက်ပွဲတွင် ဆန္ဒမဲပေးရန်အတွက် မွန်ငြိမ်းချမ်းရေးနှင့်ကာကွယ်ရေးတပ်ဖွဲ့ဝင် များနှင့်တပ်မိသားစုဝင်များကို ကရင်ပြည်နယ် ကော့ကရိတ်မြို့နယ်လူဝင်မှုကြီးကြပ်ရေးအဖွဲ့မှ နိုင်ငံသားစီစစ်ရေး ကာဒ်များပြုလုပ်ပေးနေသည်ဟု တပ်ဖွဲ့ဝင်တစ်ဦးမှ ပြောပါသည်။

တပ်မိသားစုဝင်နှစ်ရာနီးပါးကို ကော့ကရိတ်မြို့နယ်ကော့ဘိန်းတိုက်နယ်တွင် မြို့နယ်လဝကအဖွဲ့မှ လူအင်အားစာရင်း၊ အိမ်ထောင်စုစာရင်းများကောက်ယူပြီး မကြာမီ နိုင်ငံသားစီစစ်ရေးကာဒ်ပြားများထုတ်ပေးတော့မည်ဟုအဆိုပါတပ်ဖွဲ့ဝင်တစ်ဦးမှ ယခုလိုပြောပါသည်။

“ကျွန်တော်တို့တပ်ဖွဲ့တွေအနေနဲ့ အခုကော့ယက္ခမှာ နဲနဲဘဲထားထားတယ်။ အခုကော့ဘိန်းမှာမှတ်ပုံတင် လာလုပ်နေရတယ်လေ။ လာမဲ့ရွေးကောက်ပွဲမှာမဲထဲ့ဖို့အတွက်ပေါ့။ အခုဓါတ်ပုံတွေရိုက်နေတယ်။ ပုံစံ(၁ဝ)ဖြည့်နေတယ်။”

ပြီးခဲ့သည့် အောက်တိုဘာ(၂၆)ရက်နေ့တွင်အရှေ့တောင်တိုင်းစစ်ဌာနချုပ်တွင် လက်နက်အပ်နှံပွဲ ကျင်းပခဲ့ပြီး မွန်ငြိမ်းချမ်းရေးနဲ့ကာကွယ်ရေးတပ်ဖွဲ့ဝင်(၁၂၅)ဦးနှင့် လက်နက်(၅ဝ)ကျော် လက်နက်ချခဲ့သည်။

အဆိုပါလက်နက်အပ်နှံပွဲအခန်းအနားတွင် အရှေ့တောင်တိုင်း တိုင်းမှူးဟောင်း၊အမှတ်(၄)ကစထမှူး ဗိုလ်ချုပ် သက်နိုင်ဝင်း၊ အရှေ့တောင်တိုင်းတိုင်းမှူးသစ် ဗိုလ်မှူးချုပ်ထွန်းနေလင်း၊ ကရင်ပြည်နယ်အေးချမ်းသာယာရေးနှင့် ဖွံ့ဖြိုးရေးကောင်စီဥက္ကဌ ဗိုလ်မှူးခှုပ်ဇော်မင်း အပါအဝင် စစ်ဘက်ဆိုင်ရာအကြီးအကဲများတက်ရောက်ခဲ့သည်။

အဆိုပါအခန်းအနားတွင် မွန်ငြိမ်းချမ်းရေးနဲ့ကာကွယ်ရေးတပ်ဖွဲ့၏ခေါင်းဆောင် ဗိုလ်မှူးကြီးနိုင်ရှောင်မှ မွန်ပြည် သစ်ပါတီအနေနှင့် တပ်အသွင်ပြောင်းရေးကိုလက်မခံသည့်အပြင် ရွေးကောက်ပွဲကို ဆန့်ကျင်ကန့်ကွက်သော် လည်း မွန်ငြိမ်းချမ်းရေးနဲ့ကာကွယ်ရေးတပ်ဖွဲ့အနေနှင့် ရွေးကောက်ပွဲကိုထောက်ခံသွားမှာဖြစ်သလို မဲပေးသွား မည်ဟု အစိုးရပိုင်သတင်းစာတွင်ဖေါ်ပြထားပါသည်။

လက်နက်ချတပ်ဖွဲ့ဝင်နှင့်မိသားစုများ မဲပေးရန်အတွက် နိုင်ငံသားစီစစ်ရေးကာဒ်ကို ပြုလုပ်ပေးခြင်းဖြစ်သည်ဟု တပ်ဖွဲ့ဝင်များနှင့်နီးစပ်သူတစ်ဦးမှပြောပါသည်။

သို့သော် လည်း မည်သည့်နိုင်ငံရေးပါတီကိုမဲပေးရမည်ဟု ညွှန်ကြားလာခြင်းမရှိသေးဟု မွန်ငြိမ်းချမ်းရေးနဲ့ ကာကွယ်ရေး တပ်ဖွဲ့ဝင်တစ်ဦးကပြောပါသည်။

ပြည်ထောင်စုရွေးကောက်ပွဲကော်မရှင်မှ မဲပေးပိုင်ခွင့်ရှိသောလူဦးရေစာရင်းကို တိုင်းနှင့်ပြည်နယ်အလိုက် ထုတ်ပြန်ခဲ့ပြီးဖြစ်ရာ မွန်ငြိမ်းချမ်းရေးနဲ့ကာကွယ်ရေးတပ်ဖွဲ့များကို နိုင်ငံသားစီစစ်ရေးထပ်မံပြုလုပ်ပေးပြီးမဲဆန္ဒ ဦးရေ ထပ်မံတိုးချဲ့ပြုပေးခြင်းသည် ပြဌာန်းချက်ဥပဒေနှင့်ကိုက်ညီမှုမရှိသော်လည်း စစ်အာဏာပိုင်များ၏ သဘော အတိုင်း ရွေးကောက်ပွဲကော်မရှင်မှ အတည်ပြုပေးနေရသည်ဟု မွန်နိုင်ငံရေးခေါင်းဆောင်တစ်ဦးမှပြောပါသည်။

မွန်ငြိမ်းချမ်းရေးနဲ့ကာကွယ်ရေးတပ်ဖွဲ့ကို (၂ဝဝ၈)နှစ်ကုန်ပိုင်းတွင် မွန်ပြည်သစ်ပါတီမှအနားယူထားသော စစ်ဦးစီးချုပ်ဟောင်းဗိုလ်ချုပ်အောင်နိုင်မှ စစ်အစိုးရနှင့်နားလည်မှုရယူကာ ဖွဲ့စည်းထားသည်။

တပ်အသွင်ပြောင်း လဲရေးကိုလက်မခံသည့်မွန်ပြည်သစ်ပါတီကို မြန်မာစစ်အစိုးရမှ စစ်ရေးအရတိုက်ခိုက်လာခဲ့လျှင် မွန်ပြည်သစ် ထိမ်းချုပ်နယ်မြေများကို ပြန်လည်ရယူရန်အတွက်ရည်ရွယ်ထားသည်ဟု မွန်ငြိမ်းချမ်းရေးနဲ့ကာကွယ်ရေးတပ်ဖွဲ့ ခေါင်းဆောင်တစ်ဦးမှပြောပါသည်။

တပ်ဖွဲ့၏ခေါင်းဆောင်ဗိုလ်ချုပ်အောင်နိုင်ကွယ်လွန်သွားပြီးနောက်(၂ဝ၁ဝ)ခုနှစ် သြဂုတ်လတွင် လက်နက်ချရာမညတပ်ဖွဲ့ခေါင်းဆောင် ဗိုလ်မှူးကြီးနိုင်ရှောင်မှ ဥက္ကဌအဖြစ်တာဝန်ယူခဲ့သည်။

ယခု အခါ ကရင်ပြည်နယ်၊ဖါးအံမြို့နယ်၊ကော့ယက္ခအထူးဒေသတွင် မွန်ငြိမ်းချမ်းရေးနဲ့ ကာကွယ်ရေးတပ်ဖွဲ့ဌာနချုပ်ကို အခြေစိုက်ထားသည်။


ကျောက်ဖြူခရိုင် ဥက္ကဌကို လေဘေး အမျိုးသမီးတစ်ဦးက မက်မန်းခေါက်ဆွဲထုပ်ဖြင့် ပစ်ပေါက်

နိရဉ္စရာ

ကျောက်ဖြူခရိုင် ဥက္ကဌ ဦးအောင်ကျော်ဇောကို လေဘေး ဒုက္ခသည် အမျိုးသမီး တစ်ဦးက လေဘေး အကူအညီပေးစဉ် မက်မန်းခေါက်ဆွဲထုပ်ဖြင့် ပစ်ပေါက်ခဲ့သည်ဟု သတင်း ရရှိသည်။

မည်သည့် အတွက်ကြောင့် သာမန် လေဘေး အမျိုးသမီး တစ်ဦးက ခရိုင် ဥက္ကဌ တစ်ဦးကို မက်မန်းခေါက်ဆွဲ ထုတ်ဖြင့် ပေါက်ပစ်ရပါသလဲဟု လေဘေး ကူညီနေသူ တစ်ဦးကို မေးမြန်းရာ သူက ယခုကဲ့သို့ ပြောသည်။

“ ဖြစ်တာက လွန်ခဲ့တဲ့ ကြာသပတေးနေ့က ကျောက်ဖြူ ဘော်လုံးကွင်းမှာ လေဘေး ဒုက္ခသည်တွေကို ခရိုင် ဥက္ကဌက လေဘေး ပစ္စည်းတွေက်ို ဖြန့်ဝေပေးတဲ့ အခါ ဖြစ်ပွားခဲ့တာ ဖြစ်တယ်။ အဲသလို ပေးတဲ့ အခါ ဒန်အိုး ဒန်ခွက်တွေ အပါအ၀င် ထင်သာ မြင်သာ ရှိတဲ့ ပစ္စည်းတွေကို ပါကင်ထုတ်ပြီး အဲဒီအမျိုးသမီးကို ခရိုင် ဥက္ကဌက ပေးတာပေါ့။ အဲသလို ပေးနေစဉ် ဗွီဒီယို၊ ဓါတ်ပုံ ရိုက်တာပေါ့လေ။ ရိုက်ပီးတဲ့ အခါ ပစ္စည်းတွေကို ပြန်သိမ်း ယူသွားပြီး အဲဒီ အမျိုးသမီးကို မက်မက် ခေါက်ဆွဲ တစ်ထုပ်နဲ့ ဖယောင်းတိုင် တစ်ထုပ်ပေးတယ်။ အဲသလို လုပ်တာကို မကျေနပ်တဲ့ အတွက် အမျိုးသမီးက ခေါက်ဆွဲထုပ်နဲ့ ဖယောင်းတိုင် ထုပ်ကို ခရိုင် ဥက္ကဌ ထိုင်နေတဲ့ ခုံရှေု့ကို ပစ်ပေါက်လိုက်တာ ဖြစ်ပါတယ်။”

ကျောက်ဖြူ ခရိုင် ဥက္ကဌ ဦးအောင်ကျော်ဇောမှာ အဆိုပါ အမျိုးသမီး၏ ပစ်ပေါက်ခံရမူကြောင့် အထူး အရှက်ရသွားခဲ့သည်ဟု သိရသည်။

“ ဒီလောက်များတဲ့ ဒုက္ခသည်တွေ အပါအ၀င် ဌာနဆိုင်ရာက အရာရှိကြီးတွေရှေ့မှာ ခုလို ပစ်ပေါက်ခံရတော့ ခရိုင် ဥက္ကဌ အထူး အရှက်ရသွားတာပေါ့လေ။ ဒီပစ္စည်းတွေဟာ ကယ်ဆယ်ရေးနဲ့ ပြန်လည် နေရာချထားရေး ဒုဝန်ကြီးက လေဘေး ဒုက္ခသည်တွေကို ပေးဖို့ နေပြည်တော်ကနေ ပို့ဆောင်ထားတဲ့ ပစ္စည်းတွေ ဖြစ်တယ်လို့ သိရပါတယ်။ မက်မန်းထုပ်နဲ့ ပစ်ပေါက်တဲ့ အမျိုးသမီးကို အရေးယူရင် ဒီထက် ရှက်စရာကောင်းနိုင်တဲ့ အတွက် အရေး တစုံတရာ ယူတာတော့ မရှိပါဘူး” ဟု သူက ဆက်ပြောသည်။

အလားတူ ဆွေသုံးဆွေ ၀န်ကြီး အဖွဲ့ ( ဦးသိန်းဆွေ၊ ဦးမောင်မောင်ဆွေ၊ ဦးဖုန်းဆွေ) ကျောက်ဖြူကို ရောက်စဉ်ကလည်း ဒုက္ခသည်များကို လေဘေး အကူညီများ ပေးနေပုံများကို ဓါတ်ပုံရိုက်ပြီး နောက်ပိုင်းတွင် အာဏာပိုင်များက လေဘေး ပစ္စည်းများကို ပြန်လည် သိမ်းယူသွားခဲ့သည်ဟု မျက်မြင် ကျောက်ဖြူမြို့ခံ အများအပြားက နိရဉ္စရာသို့ ပြောသည်။

ယခု ခရိုင် ဥက္ကဌ ဦးအောင်ကျော်ဇော မက်မန်းထုတ်ဖြင့် ပစ်ပေါက်ခံရသော နေပြည်တော်ထိ ရောက်ရှိသွားပြီ ဖြစ်ကြောင်းနှင့် အဆိုပါ သတင်းမှာ ယခုအခါ ကျောက်ဖြူတွင် လူပြော အများဆုံး သတင်း ဖြစ်နေကြောင်း သတင်း ရရှိသည်။

လွိုင်ကော်မြို့ပြင် ဂိတ်များတွင် အာဏာပိုင်များ ပိုစစ်လာ

ကို(၂)

ကရင်နီပြည် လွိုင်ကော်မြို့ပြင်ဘက်ရှိ စစ်ဆေးရေး ဂိတ်များတွင် အာဏာပိုင်များက ရွေးကောက်ပွဲ လုံခြုံရေးအတွက် ယခုလဆန်းပိုင်မှ စ၍ စစ်ဆေးမှုများ ပိုမိုတင်းကြပ်လာကြောင်း ဒေသခံများက ပြောသည်။
အာဏာပိုင်များသည် ရွေးကောက်ပွဲ မဖြစ်မြောက်ရန် နှောင့်ယှက်ဖျက်ဆီးလိုသူများအား ကာကွယ်ရန် အကြောင်းပြပြီး မြို့အ၀င် ဂိတ်များ၌ သွားလာသူများကို နိုင်ငံသား စီစစ်ရေး ကဒ်ပြားများ ထုတ်ပြခိုင်းခြင်းနှင့် ပါလာသော အိတ်များနှင့် ပစ္စည်းများ စစ်ဆေးခြင်းတို့ကို ပြုလုပ်နေသည်ဟု လွိုင်ကော်မြို့ခံ တဦးက ပြောသည်။

“ကျနော်တို့ ခုလွိုင်ကော်မြို့မှာ မြို့အပြင် ထွက်တော့မယ်ဆိုရင် ဂိတ်တွေ ရှိတယ်။ အဲဒီဂိတ်တွေကိုမှာ တင်းတင်းကြပ်ကြပ် စစ်ဆေးနေတာ။ အကုန်လုံး စစ်တယ်။ မှတ်ပုံတင်တော့ ကိုယ်နဲ့ အမြဲဆောင်ထားမှ။ တော်ရုံတန်ရုံနဲ့ မှတ်ပုံတင် မရှိတဲ့ လူတွေ သွားလာလို့ မရဘူ” ဟု ၎င်းက ပြောသည်။

မြို့ထဲသို့ ၀င်သည်ဖြစ်စေ၊ မြို့ပြင်သို့ ထွက်သည်ဖြစ်စေ စစ်ဆေးရေး ဂိတ်များ၌ ရောက်ရှိရာတွင် မှတ်ပုံတင်များ မပါလာပါက အာဏာပိုင် များမှာ သွားလာခွင့် မပြုကြောင်း အခြားသော လွိုင်ကော်မြို့ခံ တဦးကလည်း ပြောပါသည်။

သူက “စစ်ဆေးမှုတော့ တအားကြပ်တယ်။ စစ်ဆေးတာကတော့ မြို့အ၀င်မှာ မှတ်ပုံတင်တွေ စစ်တယ်။ မပါရင် မြို့ထဲကို လုံးဝ ၀င်လို့  မရဘူး။ ဒီးမော့ဆိုက လာရင် ဒီးမော့ဆိုကို ပြန်ပဲ။ ပါသမျှ ပစ္စည်း အိတ်တွေ ဆိုင်ကယ်ဖုံးတွေ အကုန်စစ်ပါတယ်” ဟု ပြောသည်။

ယခုလို အာဏာပိုင်များက အစစ်အဆေး တင်းကြပ်လာရခြင်းမှာ ရွေးကောက်ပွဲတွင် လက်နက်ကိုင် တော်လှန်ရေး အဖွဲ့အစည်းမှ နှောင့်ယှက်မှုများ ပေးမည်ကို စိုးရိမ်သည့်အတွက်နှင့် ၀င်ရောက်မနှောင့်ယှက်နိုင်အောင် လုံခြုံရေး ကြိုတင်ယူထားခြင်း ဖြစ်နိုင်သည်ဟု ဒေသခံများက သုံးသပ်ပြောဆိုကြသည်။

ကရင်နီအမျိုးသားတိုးတက်ရေးပါတီ (ကေအဲန်ပီပီ)သည် မြန်မာစစ်အစိုးရမှ အတည်ပြုခဲ့သော ၂၀၀၈ ဖွဲ့စည်းပုံ အခြေခံ ဥပဒေကို လက်မခံသည့်အတွက်ကြောင့် ရွေးကောက်ပွဲကို ဆန့်ကျင်ကြောင်းနှင့် အလားတူ ကရင်နီတပ်မတော်မှာလည်း ရွေးကောက်ပွဲကို စစ်ရေးအရ ဆန့်ကျင်သွားမည်ဟု ထုတ်ပြန်ကြေညာထားခြင်းများလည်း ရှိခဲ့သည်။

ရခိုင် အင်တာနက်လိုင်း ဖြတ်တောက် ခံရ

ထွန်းထွန်း

ရခိုင်ပြည်နယ်တွင် အသုံးပြုနေသော အင်တာနက်လိုင်းများ ဖြတ်တောက် ခံထားရသဖြင့် ယခုအခါ အင်တာနက်မှ တဆင့် ဆက်သွယ်မူများ ပြတ်တောက်နေကြောင်း သတင်း ရရှိသည်။

ကျောက်ဖြူက လူငယ် တစ်ဦးက “ ဂီရိ တိုက်ပီး အောက်တိုဘာလ ၂၅ ရက်နေ့ထိ အင်တာနက် လိုင်းတွေ ကောင်းနေခဲ့ပါတယ်။ ၂၅ ရက်နေ့ နောက်ပိုင်းက စပြီး ဘယ်လိုမှ အင်တာနက်က သုံးလို့ မရတော့ပါဘူး” ဟု ပြောသည်။

စစ်တွေတွင်လည်း အင်တာနက် လိုင်းပြတ်တောက်နေသဖြင့် အလုပ်ပျက် အကိုင်ပျက် ဖြစ်နေ ရသည်ဟု စစ်တွေမှ အင်တာနက် ဆိုင် ပိုင်ရှင် တစ်ဦးက ပြောသည်။

“လိုင်းပြတ်နေတာက ရက်အနည်းငယ် ကြာပါပြီ။ ခုဆိုလို့ ရှိရင် ဆိုင်ကို ပိတ်ထားရမဲ့ အခြေအနေ ကိုတောင် ရောက်နေပါပြီ။ ဘယ်နေ့ လာမယ်ဆိုတာတော့ အသေအချာ မသိရသေးဘူး။ ရွေးကောက်ပွဲ ကြောင့် အဆက်အသွယ် ဖြတ်တယ်ဆိုပီး ဒီမှာတော့ ခုလို သတင်းတွေ ထွက်နေပါတယ်။ ခုလို အကြာကြီး ပိတ်ထားရင် ကျွန်တော်တို့ ဆိုင်ပိုင်ရှင်တွေ အတွက် တကယ့်ကို နစ်နာရတာ ပေါ့ဗျာ” ဟု ပြောသည်။

ယခင် အင်တာနက် လိုင်းကောင်းစဉ်က စစ်တွေနှင့် ကျောက်ဖြူရှိ အင်တာနက် ဆိုင်များတွင် အစိုးရအမှုထမ်းများ၊ ကျောင်းသူ- ကျောင်းသားများနှင့် ကြိတ်ကြိတ်တိုး စည်ကား ခဲ့သော်လည်း ယခုအခါ အင်တာချက် လုပ်သူများမရှိဘဲ တိတ်ဆိတ် ငြိမ်သက်နေကြောင်း သူက ပြောသည်။

ရွေးကောက်ပွဲကာလတွင် အင်တာနက်လိုင်းများ ဖြတ်တောက်ခံရနိုင်ကြောင်း သတင်းများ ထွက်ပေါ်နေသော်လည်း ယခုကဲ့သို့ ရွေးကောက်ပွဲ မကျင်းပမှီကပင် ကြိုတင်ပြီး အင်တာနက် လိုင်းများကို စစ်အာဏာပိုင်များက ဖြတ်တောက်ထားသဖြင့် အများက နားမလည်အောင် ဖြစ်နေကြသည်။

ရွေးကောက်ပွဲ ကာလ အတွင်း ပြည်ပနှင့် ဆက်သွယ် မည်ကို စိုးရိမ်၍ အင်တာနက်ကို ယခု ကတည်းကပင် ဖြတ်တောက်သကဲ့သို့ ဖုံးလိုင်းများကိုပါ ဆက်လက် ဖြတ်တောက်မည်ကို အများက စိုးရိမ်နေကြောင်း သတင်းများ ရရှိသည်။

နာဂစ် ဖွဲ့စည်းပုံနှင့် ဂီရိ ရွေးဂေါက်ပွဲ

ရန်ကုန်သားတာတေ

ဖိုးရှုပ်။ ။ ဦးရုက္ခစိုး … ကြည့်စမ်းပါဦး။ နေပြည်တော် မီးလောင်နေပြီထင်တယ်။

ရုက္ခစိုး။ ။ မဟုတ်ဘူးဟ။ ချိုကုပ်ဒူးကြီး စတိတ်ရှိုးဆိုမလို့ မီးခိုးမှိုင်းတိုက်တာ ဖြစ်မယ်။

ကြွက်စုတ်။ ။ ဟာ မဖြစ်နိုင်ဘူး။ မီးလောင်တာနေမှာ။ မဖြစ်သေးပါဘူး။ ရေနဲ့ ဝိုင်းပက်ပြီး ငြှိမ်းပေးလိုက်ဦးမှ။

ပြောပြောဆိုဆိုနှင့် ကြွက်စုတ်မှာ နီးရာ ရေကန်မှရေကို တွေ့ရာ ရေပုံးဖြင့်ခပ်၍ မီးခိုးများပိတ်မှောင်နေရာသို့ “ဗွမ်း” ခနဲ လှမ်းပက်လိုက်သည်။

“အောင်မလေး သင်္ကြန်ကျပြီလားဟ” ဆိုသည့်အသံနက်ကြီး ထွက်လာရာသို့ ကြည့်လိုက်ရာ ရေများဖြင့်စိုရွှဲနေသော ချိုကုပ်ဒူးကြီး ဖြစ်နေလေသည်။

ရုက္ခစိုး။ ။ ဟာ ချိုကုပ်ဒူးကြီးပါလား။ မီးခိုးမှိုင်းတိုက်ပြီး ဘာတွေလုပ်နေတာလဲဗျ။

ချိုကုပ်။ ။ ဟား … ခင်ဗျားတို့ကတော့ လုပ်ချလိုက်ပြန်ပြီဗျာ။ ဒီမှာ အလံဟောင်း မီးရှို့ပွဲ ကျင်းပနေတာဗျ။ တော်တော်ရှုပ်တဲ့ နတ်နဲ့ လူတွေပဲ။

ကြွက်စုတ်။ ။ မသိဘူးလေ၊ နေပြည်တော် မီးလောင်နေတယ် ထင်လို့ စေတနာနဲ့ ဝင်ငြှိမ်းပေးတာ။ စိတ်မရှိပါနဲ့နော်။

ချိုကုပ်။ ။ စိတ်ရှိတာတွေ မရှိတာတွေ အသာထား ...။ အခု ကျုပ် ယတြာတော့ အပျက်မခံနိုင်ဘူး။ မီး ဆက်ရှို့ရမှာပဲ။

ချိုကုပ်ဒူးကြီးက လက်အုပ်ချီ၍ ဆိုင်ရာပိုင်ရာများထံ ပွစိပွစိနှင့် တောင်းပန်ပြီးနောက် မီးလောင်လက်စ ရေများ စိုရွှဲနေသည့် အလံဟောင်းများကို မီးထပ်ရှို့ဖို့ ကြိုးစားနေသည်။ ချိုကုပ်ဒူးကြီးကို အသေအချာ ကြည့်နေသော ဖိုးရှုပ်က ထအော်သည်။

ဖိုးရှုပ်။ ။ ဟာ ချိုကုပ်ဒူးကြီး … ပြောင်ပြောင်လက်လက် … လေးတေးတေးတွေချိတ်လို့ … ဘယ်လို ပြန်ဖြစ်ရတာတုန်းဗျ။

ကြွက်စုတ်။ ။ ဟုတ်တယ် ဟုတ်တယ် … ကျနော်လည်း အခုမှ သတိထားမိတယ်။ ချိုကုပ်ဒူးကြီးက ဘောင်းဘီကြီးနဲ့ပါလား။

ချိုကုပ်။ ။ ခင်ဗျားတို့ ဘယ်လိုဖြစ်နေကြတာလဲ။ ကိုယ့်ဘာသာ အလံမီးရှို့တာကိုလည်း ရေနဲ့လာပက်လိုပက် … အခုလည်း ဘောင်းဘီဝတ်တာကို ပြောပြန်ပြီ။

ရုက္ခစိုး။ ။ ဟုတ်တော့လည်း ဟုတ်တာပဲ ချိုကုပ်ဒူးကြီးရယ်။ ဟိုတလောကပဲ စွပ်ကျယ်ကြီးနဲ့ ပုဆိုးကြီး မနိုင်မနင်း ဝတ်လို့ ငြိမ်နေပြီးတော့၊ တာတေ့ စာတွေထဲတောင် ခင်ဗျားကို မတွေ့တာ ၂ လလောက်ရှိပြီ ဥစ္စာ။

ချိုကုပ်။ ။ ခက်ပါလား ဦးရုက္ခစိုးရယ်။ ဒါတွေက အကွက်တွေဗျ၊ အကွက်တွေ။

ဖိုးရှုပ်။ ။ ပွေးကွက်တွေ၊ ညှင်းကွက်တွေလား။

ချိုကုပ်။ ။ မဟုတ်ဘူး … ခရုသင်းကွက်တွေ … အာ … ယောင်ကုန်ပြီ။ ကျုပ်က ဘောင်းဘီချွတ်ပြီ … ကာကွယ်ရေး ချုပ်ချုပ်ကြီး မလုပ်တော့ဘူးလို့ ပြောလိုက်တဲ့အချိန်မှာ ပြည်ပမီဒီယာတွေ အလုပ်ရှုပ်၊ တလောကလုံး အလုပ်ရှုပ် ဖြစ်ကုန်တယ် မဟုတ်လား။

ဖိုးရှုပ်။ ။ ဟုတ်တယ်လေ။ အဲဒီတုန်းက ကျနော်တို့လည်း ပါတာပေါ့။

ချိုကုပ်။ ။ အဲဒါ … အဲဒါပဲ။ အဲဒီလို မီဒီယာတွေ အလုပ်ရှုပ်ကုန်တာ၊ ဗျာများကုန်တာကို ဇိမ်နဲ့ ထိုင်ကြည့်ချင်လို့၊ တမင် သတင်းလွှင့်လိုက်တာ။ ဟားဟား အကုန်ယုံကုန်တာပဲ။

ရုက္ခစိုး။ ။ အဲဒီတုန်းက တာတေကတော့ မယုံပါဘူးဗျာ။

ချိုကုပ်။ ။ တာတေလောက်ကတော့ဗျာ … ပေါတောတောနဲ့ ပေါက်တတ်ကရတွေ လျှောက်ရေးနေတဲ့သူပဲဟာ။ ဂရုစိုက်စရာ မလိုပါဘူး။ အေးဆေးပါ။ အဲဒီတုန်းက ရယ်လိုက်ရတာ။ သတင်းသဲ့သဲ့ လွှင့်ရုံတင်မကဘူး ရုပ်တည်နဲ့ နုတ်ထွက် မယ်ဆိုပြီး လက်မှတ်ပါ ထိုးပေးလိုက်လို့ ကျုပ် အောက်က ချိုကုပ်တွေတောင် အကုန်ယုံသွားရော မဟုတ်လား ဟီဟိ။

ကြွက်စုတ်။ ။ ဒါဖြင့် မဟုတ်ဘူးပေါ့။ အခု ကာကွယ်ရေးချုပ်ချုပ်ကြီး ပြန်လုပ်ဦးမယ်ပေါ့ဟုတ်လား။

ချိုကုပ်။ ။ လုပ်ရမှာပေါ့။ ကျုပ်မလုပ်လို့ ဘယ်သူလုပ်မလဲ။ ကျုပ်က ဘယ်သကောင့်သားကိုများ စိတ်ချရဦးမှာလဲ။ ဦးနေပြင်းလျှောက်ခဲ့တဲ့ လမ်းဟောင်းကြီး ကျုပ်က လျှောက်မလားဗျာ။

ရုက္ခစိုး။ ။ ဟာ … ဒါဆို အဲဒီတုန်းက ကာကွယ်ရေးချုပ်ချုပ်ကြီး ရာထူးကို ပေးလိုက်တဲ့ ဒုတိယချိုကုပ်ကြီး ကိုယ်ရ မြင့်ပြောင် … ဘယ်သွားထားမလဲ။

ချိုကုပ်။ ။ သူလား … သူက နာမည်ပြောင်းသွားပြီဗျ။ အခု ကိုယ်ရမြင့်ပြောင် မဟုတ်တော့ဘူး။ ဆံ့တငံ့ငံ့ မြင့်ပြောင် ဖြစ်သွားပြီ။ ဟီဟိ။

ဖိုးရှုပ်။ ။ နေပါဦး … ချိုကုပ်ဒူးကြီးက နိုင်ငံတော်အလံကို ခပ်တည်တည်နဲ့ ပြောင်းတယ်၊ ကာကွယ်ရေးချုပ်ချုပ်ကြီး ရာထူးကနေ နုတ်ထွက်ပါတယ်ပြောပြီး မြန်မာ့အမှောင်မှာ ကာကွယ်ရေးချုပ်ချုပ်ကြီးဆိုတဲ့ ရာထူးပြန်တပ်တယ်။ ဘာတွေလဲဗျာ။

ချိုကုပ်။ ။ ဘာတွေမှ မဟုတ်ပါဘူး။ ဒါတွေက ယတြာအစီအမံတွေပါ။ ကျုပ်အကွက်တွေ မဟုတ်ဘူး ကွိုင်ကွိုင့် အကွက်တွေလေ။

ကြွက်စုတ်။ ။ သြော် … ဒေါ်ကွိုင်ကွိုင့် ခရုသင်းကွက်တွေကိုး ...။

ချိုကုပ်။ ။ မဟုတ်ဘူး … ဆင်ဖြူတော် ခရုသင်းကွက် … အာ ယောင်ကုန်ပြန်ပြီ။ ခင်ဗျားတို့ တော်တော် ရှုပ်ကြပါလား။ ဒီမှာ ယတြာ အောင်ခါနီးမှ ရေနဲ့လာပက်လို့ ယတြာမအောင်ရင်တော့ အကုန်လုံး ပြန်လျော်ရမှာနော်။

ရုက္ခစိုး။ ။ ဘာအတွက်များ ယတြာခြေနေရတာလဲ ချိုကုပ်ဒူးကြီးရယ်။ ရွေးဂေါက်ပွဲမှာ ကြံ့ဖွံ့နိုင်ဖို့အတွက် အစီအမံတွေက အားလုံး လုပ်ထားပြီးသား မဟုတ်လား။

ချိုကုပ်။ ။ ဒါတော့ ဒါပေါ့ ဦးရုက္ခစိုးရယ်။ ကြံ့ဖွံ့နိုင်ဖို့အတွက် ရှိသမျှ၊ ကြားဖူးသမျှ ကလိန်ကကျစ်ပေါင်းစုံနဲ့ လုပ်တာကလည်း လုပ်တာပေါ့။ အဲဒါတွေကတော့ တပည့်လက်သားတွေနဲ့ လွှဲထားလို့ရပါတယ်။ သူတို့ကလည်း ကြိုးစားကြပါတယ်။ တတ်နိုင် သလောက်လည်း မျက်နှာပြောင်တိုက် မဲဆွယ်ကြရှာပါတယ်။

ဖိုးရှုပ်။ ။ အဲဒါဆိုပြီးပြီ မဟုတ်ဘူးလား။ အလံသစ်တင်တာတို့ အလံဟောင်းမီးရှို့တာတို့ လိုသေးလို့လား။

ချိုကုပ်။ ။ မရဘူး၊ မရဘူး ...။ အဲဒီလို ဟာကွက်မရှိအောင် လုပ်တဲ့ကြားက အမှောင့်ပရောဂဝင်မယ်လို့ ကွိုင်ကွိုင်က အိပ်မက်မက်တယ်လေ။ ကိုယ့်ကိုယ်ကိုယ် ယုံကြည်မှု မရှိတာလည်း ပါတာပေါ့။ အဲဒါကြောင့် ဆင်ဖြူတော်တွေ တကောင်ပြီး တကောင်ရအောင် ထုံးသုတ် … အဲ ရှာ ဖမ်းနေရတာ။

ဖိုးရှုပ်။ ။ ဆင်ဆိုလို့ အခုမှ သတိရတယ်။ မြန်မာပြည်မှာ နှာခေါင်းမပါတဲ့ မျောက်မျိုးစိတ်သစ် တခုလည်း တွေ့တယ် ပြောတယ်နော်။

ချိုကုပ်။ ။ ဟုတ်ပါ့၊ ဟုတ်ပါ့။ အဲဒါကြောင့် ကျုပ်အတွက် နည်းနည်းခံသာသွားတာပေါ့ဗျ။ အဲဒါနိမိတ်ကောင်းတယ်။

ကြွက်စုတ်။ ။ ဟင် … မျောက်တွေ့တာနဲ့ နိမိတ်ကောင်းတယ်တဲ့ … ဘာမှလည်း မဆိုင်ဘူး။

ချိုကုပ်။ ။ ဘာလို့ မဆိုင်ရမှာလဲ။ အားလုံးက စပ်ဆက်နေတာဗျ။ စဉ်းစားကြည့်။ မျောက်ဆိုတာ ကြာသပတေးနံလေ၊ ကျုပ်မြှောက်ပေးထားတဲ့ သိန်းဂိန်ရဲ့ ကြံ့ဖွံ့ပါတီ နာမည်အရင်းကလည်း ပြည်ခိုင်ဖြိုးဆိုတော့ ကြာသပတေးနံပဲ။ ဒါ … ပြည်ခိုင်ဖြိုး အင်အားကြီးမယ့် သဘောဆောင်တယ်။

ဖိုးရှုပ်။ ။ ဒါဆို နှာခေါင်းမပါတာ ကျတော့ကော။ ဘာအဓိပ္ပာယ်လဲ။

ချိုကုပ်။ ။ ဒါလား … နှာခေါင်းမရှိရင် အီအီးကျွေးတောင် စားတယ်ဆိုတဲ့စကား မကြားဖူးဘူးလား။ နှာခေါင်းမပါတဲ့ မျောက် ပေါ်တာဆိုတော့ ကျုပ် အီအီးကျွေးတောင် စားမယ့် ပြည်ခိုင်ဖြိုးပါတီက အင်အားကြီးလာမယ်ဆိုတဲ့ သဘောဗျား။

ကြွက်စုတ်က “တော်တော် နံမယ့် သဘောပဲ” ဟု မကြားတကြား ပြောလိုက်သည်။ ချိုကုပ်ဒူးကြီးကတော့ ခပ်တည်တည်နှင့် မကြားချင်ယောင် ဆောင်ကာ အလံဟောင်းမီးရှို့သည့်ကိစ္စကို ဆက်လုပ်နေသည်။ ရေစိုနေသဖြင့် အလံဟောင်းမှာ မီးမတောက်ဘဲ မီးခိုးများသာ အူထွက်လာသည်။

ရုက္ခစိုး။ ။ အဟွတ် … အဟွတ် … တော်ပါတော့ဗျာ။ ၂၀၀၈ ဖွဲ့စည်းပုံ အတည်ပြုတုန်းကလည်း ခပ်တည်တည်နဲ့ ပြောင်လိမ်ပြီး အတည်ပြုခဲ့တာပဲ။ အခုလည်း အဲဒီလိုပဲ လုပ်ဦးမှာပဲဟာ။ မီးမရှို့ပါနဲ့တော့ဗျာ။ ဒီမှာ ချောင်းတွေ ဆိုးကုန်ပြီ … အဟွတ် … အဟွတ် ...။

ချိုကုပ်။ ။ အာ … မရဘူး မရဘူး … ကျုပ်ယတြာတော့ ပြီးအောင်လုပ်မှ ဖြစ်မယ်။ အစီအမံဆိုတာ ဟိုဟာချန် ဒီဟာချန် မလုပ်ရဘူးလေ။ အခုမှ ယတြာက အောင်တယ်လို့ ပြောရရုံရှိသေးတယ်။

ကြွက်စုတ်။ ။ ရွေးဂေါက်ပွဲတောင် မလုပ်ရသေးဘူး။ ယတြာက ဘယ်လိုအောင်တာလဲဗျ။

ချိုကုပ်။ ။ ၂၀၀၈ ဖွဲ့စည်းပုံနဲ့ လိုက်သွားအောင် ရွေးဂေါက်ပွဲကိုလည်း နာမည် ပေးချင်နေတာလေ။ အဲဒါ အောင်မြင်သွားပြီ။ ကျုပ်ယတြာတွေရဲ့ အစွမ်းပေါ့ဗျ။

ဖိုးရှုပ်။ ။ ဘယ်လို နာမည်လဲ ချိုကုပ်ဒူးကြီးရဲ့။

ချိုကုပ်။ ။ ၂၀၀၈ တုန်းက နာဂစ်ဆိုင်ကလုန်း ဝင်မွှေလိုက်တော့ နာဂစ်ဖွဲ့စည်းပုံ ဖြစ်သွားတယ်မဟုတ်လား။ အခုလည်း မုန်တိုင်းတခု ဝင်အောင်ကျုပ်က ယတြာခြေလိုက်တာ။ ဒါမှ ကျုပ်သမိုင်းမှာ မှတ်တိုင်ကျန်ခဲ့အောင်လို့လေ။ ကျုပ်ရဲ့ ယတြာ အလံသစ်လည်း တလူလူလွင့်ရော တခါတည်း ဂီရိ ဆိုင်ကလုန်းကြီးက ရခိုင်ကို ဝင်မွှေရောမဟုတ်လား။ အခုတော့ နာမည် ပေးလို့ရသွားပြီ။ ဂီရိ ရွေးဂေါက်ပွဲလို့ နာမည်ပေးမယ်။

ရုက္ခစိုး။ ။ နေပါဦး။ လေဘေးသင့်တာက ရခိုင်ဒေသ။ မြန်မာ့အမှောင်ထဲမှာတွေ့တာက ချိုကုပ်ဒူးကြီး ဧရာဝတီတိုင်း နာဂစ်ဒဏ်ခံတဲ့ဒေသတွေကို လှည့်လည်နေတယ်ဆိုပါလား။ တမျိုးပဲနော်။

ချိုကုပ်။ ။ ရခိုင်ဒေသကို မသွားဘူးဆိုတာက ကြောက်တယ်လေ။ ကျုပ်က အပျက်အစီးတွေ၊ ဒုက္ခသည်တွေကို မကြည့်ရဲဘူးဗျ။ ဒါပေမယ့်လည်း နိုင်ငံတော်အကြီးအကဲ လုပ်နေပြီး ဒုက္ခသည်တွေကို သွားမတွေ့ဘူးဆိုရင် မကောင်းပြန်ဘူးလေ။ အဲဒီတော့ ယတြာကြေသွားအောင် ၂၀၀၈ တုန်းက မုန်တိုင်းဒဏ်ခံထားရတဲ့ ဒုက္ခသည်ဟောင်းတွေကို သွားတွေ့လိုက်တာ။ အဟဲ။

ကြွက်စုတ်။ ။ သြော် ခေါင်းရှောင် ပီသတာပေါ့နော်။ ဒါဆို ဒီအလံဟောင်းတွေ မီးရှို့တာကကော။ ဘာအတွက် ယတြာလဲဗျ။

ချိုကုပ်။ ။ ဘာအတွက်လဲ ဟုတ်လား ...။ တော်တော် စကားများတဲ့ဟာတွေ။ နင်တို့လို နည်းလမ်းပေါင်းစုံနဲ့ ဝင်လာပြီး ရွေးဂေါက်ပွဲကို စောင့်ကြည့်မယ့် ဂျာနယ်လစ်လိုလို၊ NGO လိုလို၊ လူလိုလို၊ နတ်လိုလိုတွေကို အပြုတ်နှံဖို့ဟေ့ သိပြီလား။ ကဲ … ယတြာမစွမ်းသေးခင် အရင်ဆုံး ငါ့ရဲ့ လက်နက်စာ မြည်းထားလိုက် ...။ ပြေးနိုင်မှ လွတ်မယ်ဟေ့နော်။

ချိုကုပ်ဒူးကြီးက ပြောပြောဆိုဆို ခါးကြားမှ လေးခွကိုထုတ်ကာ လောက်စာလုံးများဖြင့် ဆက်တိုက် ပစ်ခတ်သောကြောင့် ဦးရုက္ခစိုး၊ ဖိုးရှုပ်နှင့် ကြွက်စုတ်တို့မှာ နေပြည်တော်တွင် ဟိုယောင်ယောင် သည်ယောင်ယောင် မလုပ်ရဲတော့ဘဲ တချိုးတည်း လစ်ခဲ့ရလေတော့သည် …။ ။

CoI ဖွဲ့စည်းရေး မထောက်ခံရန် တရုတ် စည်ရုံး

စိုင်းဇွမ်ဆိုင်း

စစ်အစိုးရ၏ စစ်ရာဇဝတ်မှုများနှင့် လူသား မျိုးနွယ်အပေါ် ကျူးလွန်သည့် ပြစ်မှုများကို စစ်ဆေးရန် စုံစမ်းစစ်ဆေးရေး ကော်မရှင် (CoI) ဖွဲ့စည်းရေးကို မထောက်ခံကြရန် နယူးယောက်မြို့ရှိ ကုလသမဂ္ဂ ရုံးချုပ်တွင် တရုတ်နိုင်ငံက အပြင်းအထန် စည်းရုံးနေကြောင်း သတင်းရရှိသည်။

အမေရိကန် နိုင်ငံခြားရေးဌာန၏ ပြောရေးဆိုခွင့်ရှိသူ မစ္စတာ ပီဂျေ ခရော်လေ က အမေရိကန် အနေဖြင့် CoI ဖွဲ့စည်းရေးကို ထောက်ခံကြရန် ကျယ်ကျယ်ပြန့်ပြန့် ဆွေးနွေးနေချိန်တွင် တရုတ်နိုင်ငံက တခြား ကုလသမဂ္ဂအဖွဲ့ဝင် နိုင်ငံများအပေါ် ခြိမ်းခြောက်သည့်သဘောမျိုးဖြင့် မထောက်ခံကြရန် ပြောဆိုမှုများရှိနေသည်ဟု ၎င်း၏ ပုံမှန် သတင်းစာရှင်းလင်းပွဲတွင် ပြောကြောင်း သိရသည်။

“ဒီအခြေအနေမှာ ဘယ်လို အပြန်အလှန် ပြောဆိုမှုတွေ ပေါ်လာဦးမလဲ ဆိုတာကိုတော့ မပြောတတ်သေးပါဘူး။ သေချာတာ တခုက ကျနော်တို့ ကျယ်ကျယ်ပြန့်ပြန့် ဆွေးနွေးနေပါတယ်။ တရုတ်အရာရှိတွေနဲ့ ဆွေးနွေးဖို့ ကျနော့်အနေနဲ့ အတင်းအကျပ် လုပ်ဆောင်မှာ မဟုတ်ပါဘူး” ဟု ပီဂျေခရော်လေ က ဆိုသည်။

မစ္စတာ ပီဂျေခရော်လေ က မြန်မာပြည်တွင် ဖြစ်ပျက်နေသည့် ကိစ္စများအပေါ် ကုလသမဂ္ဂအဖွဲ့ဝင် နိုင်ငံများအနေဖြင့် မတူညီသော အမြင် သဘောထားများ ရှိကြကြောင်း၊ တချို့နိုင်ငံများသည် CoI ဖွဲ့စည်းရေးကို ထောက်ခံမှုသော်လည်း ကျန်ရှိနေသော နိုင်ငံများသည်း မတူညီသည့် အကြောင်းပြချက်ပေါင်း ၂၅ ခုကြောင့် နှောင့်နှေးနေကြခြင်း ဖြစ်ကြောင်း ပြောသည်။

CoI ဖွဲ့စည်းရေးအတွက် လှုံ့ဆော်နေသည့် အဖွဲ့အစည်းတခုဖြစ်သော ထိုင်းနိုင်ငံအခြေစိုက် လူ့အခွင့်အရေးပညာပေး ဌာန (မြန်မာနိုင်ငံ) (HREIB) အဖွဲ့မှ မချယ်ရီဇောင်ဟောင်း က တရုတ်နိုင်ငံအပြင် အိန္ဒိယနိုင်ငံသည်လည်း CoI ဖွဲ့စည်းရေးကို ထောက်ခံခြင်းမရှိဟု ဧရာဝတီသို့ ပြောသည်။

“သူတို့တွေက စစ်အစိုးရကို ကာကွယ်နိုင်သလောက် ကာကွယ်ကြမှာပဲလေ။ အဲဒီလို အကာအကွယ်ပေးနိုင်မှပဲ မြန်မာနိုင်ငံက သယံဇာတတွေ အကျိုးအမြတ်တွေ ရရှိမယ်လေ။ ဒါကတော့ ထူးထူးခြားခြား မဟုတ်ဘူးလို့ ကျမ မြင်ပါတယ်” ဟု ၎င်းက ဆိုသည်။

စစ်အစိုးရအား ယခုကဲ့သို့ အကာအကွယ်ပေးနေခြင်းသည် မြန်မာနိုင်ငံသားများကို ဖိနှိပ်ရာရောက်ကြောင်း၊ လူ့အခွင့်အရေးကို အလေးအနက်ထားရန် တိုက်တွန်းနေသည့် နိုင်ငံတကာ အသိုင်းအဝိုင်းကိုလည်း ဆန့်ကျင်ရာရောက်ကြောင်းနှင့် ၎င်းတို့ နိုင်ငံအနေဖြင့်လည်း သိက္ခာကျကြောင်း မချယ်ရီဇောင်ဟောင်း က ဝေဖန်သည်။

CoI ဖွဲ့စည်းရေးကို အမေရိကန်၊ ကနေဒါ၊ ဗြိတိန်၊ နယူးဇီလန်၊ နယ်သာလန်၊ ချက်သမ္မတနိုင်ငံ စသည့် နိုင်ငံများအပါအဝင် နိုင်ငံပေါင်း တဒါဇင်ကျော်က ထောက်ခံကြောင်း ထုတ်ဖော်ပြောဆိုခဲ့ကြပြီး ဖြစ်သည်။

ရွေးကောက်ပွဲနှင့် သမိုင်းတရားခံ

ဗမာကြီး

အနှစ် ၂၀ အတွင်း တကြိမ်မှ မကျင်းပခဲ့ဘူးသော ရွေးကောက်ပွဲရက်မှာ နီးကပ်လာနေပါပြီ။ တာဝန်မဲ့ နေလာခဲ့သော စစ်အစိုးရ အဖို့ ရွေးကောက်ပွဲ မကျင်းပခဲ့ခြင်းကို တာဝန်ပျက်ကွက်မှုတခုဟု ယူဆဟန်မရှိပါ။

ယနေ့ ပြည်သူလူထုအများစု လက်ခံနားလည်ထားကြသည်မှာ ရပ်တည်ချက်မှန်ကန်သော ပါတီများသည် လွှတ်တော်တွင် နေရာအများစုမရနိုင်၊ အမျိုးသား ဒီမိုကရေစီ အဖွဲ့ချုပ် (NLD) ဝင်ပြိုင်ခဲ့လျှင်လည်း ပြည်သူအများစုက မဲပေးခဲ့လျှင်ပင် အနိုင် ပေးမည်မဟုတ်၊ အာဏာကို လွှဲပြောင်းပေးလိမ့်မည် မဟုတ်ဟူ၍ ဖြစ်ပါသည်။

လွှတ်တော်တွင် မိမိပါတီက နေရာအများစုရမှ မိမိလုပ်ချင်တာ လုပ်နိုင်မည်၊ တခြားပါတီများ အများစုရနေလျှင် မိမိဖြစ်စေချင် သည်များ ဖြစ်လာနိုင်မည်မဟုတ်ဟု ယူဆကြပါသည်။

အင်အားသာသူက အနိုင်ယူဗိုလ်ကျသည့်စနစ်မှာ “တော၏ ဥပဒေသ” (Law of The Jungle) သာ ဖြစ်ပါသည်။ လူယဉ်ကျေး တို့ မသုံးသင့်ပါ။

လက်နက်ကိုင်ထားသူက လက်နက်အားကိုးဖြင့် အနိုင်ယူတတ်ကြသလို လူထုအင်အား/ကိုယ်စားလှယ်အင်အား သာသူကမူ ကိုယ်ထင်တာ ကိုယ်လုပ်တတ်ကြပါသည်။

အမတ်အများစု အနိုင်မရလျှင် လူထုလှုပ်ရှားမှုနည်းကို သုံးလိုကြပါသည်။

လက်နက်အင်အားနှင့် လူထုအင်အား ပြိုင်ကြလျှင် အဆုံးတနေ့၌ လူထုအင်အားကသာ အနိုင်ရမည်မှာ မှန်ပါသည်။ သို့သော် ယင်းနည်းလမ်းသည် တွေ့ဆုံဆွေးနွေး အဖြေရှာရေး နည်းလမ်းနှင့် ဆန့်ကျင်နေပါသည်။

ယင်းနည်းလမ်းသည် အကောင်အထည် ဖော်ရန်ခက်ခဲပြီး တဦးတယောက်က ဖန်တီးယူ၍လည်း ဖြစ်နိုင်သည် မဟုတ်ပါ။ လက်နက်နှင့် လူထုအင်အား ပြိုင်ပွဲအဖြစ်မှ အမှန်တရား၏ အင်အားပြိုင်ပွဲအဖြစ်သို့ ပြောင်းလဲသင့်ပါသည်။ အသိဉာဏ် အတွေး အခေါ်များ (Intellectual power) ကိုသာ ရှေ့တန်းတင်သင့်ပါသည်။

ယနေ့မြန်မာနိုင်ငံ၏ အခြေအနေမှာ အမျိုးသားရင်ကြားစေ့ရေးကို တည်ဆောက်ပြီး ပူးပေါင်းဆောင်ရွက် အဖြေရှာရမည့် အခြေ အနေဖြစ်ပါသည်။ ရွေးကောက်ပွဲကို အာဏာလုပွဲ သက်သက်အဖြစ် မသတ်မှတ်သင့်ပါ။ ဤကဲ့သို့သော အခြေအနေမျိုးတွင် ပုဂ္ဂိုလ်စွဲ၊ ပါတီစွဲ မထားဘဲ အမှန်တရား၊ နည်းလမ်းကို တင်ပြနိုင်သူကို ဝိုင်းဝန်းထောက်ခံခြင်းဖြင့်သာ ပူးပေါင်းလုပ်ဆောင်နိုင်ပါသည်။ ရေဒီယို၊ အင်တာနက် စသော မီဒီယာများ၏ အစွမ်းဖြင့် အမှန်တရားကို တင်ပြနိုင်ပါသည်။

ယနေ့ ဗိုလ်ချုပ်မှူးကြီး သန်းရွှေ၏ တဖက်သတ် တဇွတ်ထိုး ဆောင်ရွက်မှုများကို ဗိုလ်ချုပ်အများကပင် လက်မခံလိုကြပါ။
ကျောရိုးမရှိသော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ(ကြံ့ဖွံ့ပါတီ) ကို နိုင်ငံအာဏာ ထိုးအပ်ခြင်းသည် တိုင်းပြည်ကို ပရမ်းပတာ ဖြစ်စေနိုင်ပါသည်။ ဗိုလ်ချုပ်မှူးကြီး သန်းရွှေအနေနှင့် ယခင်ကကဲ့သို့ ဆက်ပြီးထင်တိုင်းကြဲ နေနိုင်ပါလိမ့်မည်။

ယနေ့အချိန်အထိ ဗိုလ်ချုပ်မှူးကြီး သန်းရွှေ၏ လုပ်ဆာင်မှုများမှာ မျက်ကန်းလမ်းလျှောက် တလှမ်းချင်း စမ်းတိုးသွားနေ ပါ သည်။ ရှေ့မှာ ချောက်ကမ်းပါးကြီး ရှိနေသည်ကို သိပုံမပေါ်ပါ။

ကြံ့ဖွံ့ပါတီသည် လက်ရှိရင်ဆိုင်နေရသော တိုင်းပြည်၏ စီးပွားရေးပြဿနာများ၊ တိုင်းရင်းသား လူနည်းစုပြဿနာများကို ဖြေရှင်းနိုင်စွမ်း လုံးဝရှိမည်မဟုတ်ပါ။ စစ်တပ်ကို လက်ကိုင်တုတ်လုပ်၍ ဖြေရှင်းပြီး နောက်ထပ် စစ်ဗိုလ်တစု သြဇာတက်လာ စေမည်သာ ဖြစ်ပါသည်။

တိုင်းရင်းသားအုံကြွမှုနှင့် စီးပွားရေးအုံကြွမှုများကို လက်နက်အားကိုးဖြင့်သာ ဖြေရှင်းကြမည်မှာ အသေအချာဖြစ်ပါသည်။
ဗိုလ်ချုပ်များက လူဝတ်လဲ၍ အရပ်သားအုပ်ချုပ်ရေးပုံစံဖြစ်ရန် မည်မျှကြိုးစားသော်လည်း လက်နက်ကိုင်ထားသူ လူတစု ကသာ သြဇာကြီးထွားလာဦးမည် ဖြစ်ပါသည်။

နိုင်ငံရေးချွတ်ခြုံကျသောကြောင့် အရပ်သားအစိုးရထံမှ စစ်တပ်က အာဏာသိမ်းခြင်းကို ၁၉၅၈ ခုနှစ်တွင်တကြိမ်၊ ၁၉၈၈ ခုနှစ် တွင်တကြိမ် ကြုံခဲ့ရပြီးဖြစ်ပါသည်။ မကြာမီ ဤအဖြစ်မျိုး ဆိုက်ရောက် ရဦးမှာ မလွဲမသွေဖြစ်ပါသည်။ သမိုင်းသည် တပတ် လည်ြ့ပီး ပြည်သူတို့ မွဲပြာကျနေသော အဖြစ်ဆိုးမှ လွတ်မြောက်ရန် အလှမ်းဝေးလှပါသည်။ ဒီမိုကရေစီ ပါတီများအနေဖြင့် ဖြစ်နိုင်သော ဒီမိုကရေစီနည်းလမ်းများကို ဘက်မလိုက်ဘဲ စူးစမ်းရှာဖွေသင့်ကြပါသည်။

ဒီမိုကရေစီပါတီများ၏ အခန်းကဏ္ဍ ပိုမိုပါဝင်လာနိုင်ရန် ပြည်သူလူထုအနေဖြင့်လည်း ဒီမိုကရေစီပါတီများမရှိသော မဲဆန္ဒနယ် များတွင် ကြံ့ဖွံ့ပါတီကို မဲမပေးဘဲ လုံးဝ သပိတ်မှောက်၍ဖြစ်စေ ပြည်သူ့ဆန္ဒကို ထုတ်ဖော်သင့်ပါသည်။ အကြောက် တရား ကို အခြေခံ၍ဖြစ်စေ၊ မသိနားမလည်မှုကြောင့်ဖြစ်စေ ကြံ့ဖွံ့ပါတီကို မဲပေးမိပါက တိုင်းပြည်ကြီး ငါးပါးမှောက်ပျက်စီးလျှင် မိမိတို့ လည်း အတိဒုက္ခရောက်ကြမည်ကို သတိထားသင့်ပါသည်။

အနာဂတ် နိုင်ငံတော် ကံကြမ္မာကို ယနေ့ပြည်သူတို့က ဆုံးဖြတ်ကြရပါသည်။ အလိမ်အညာပွဲတွင် မဲမှားပေးမိ၍ မိမိကိုယ်တိုင် သမိုင်းတရားခံ ဖြစ်သွားစေနိုင်ပါသည်။

ယနေ့ မြန်မာ့ရေးရာ သတင်းများ Oct,31st,2010

( 13 )ကျောက်ဖြူ ရဲစခန်းပြန်ပြင်ရေး အစည်းအဝေးပျက်

( 12 )UN Officials Call For Credible Transition

( 11 )ကသာမြို့နယ်က ၀န်ထမ်းမျာကို ကြိုတင်မဲပေးရန် ညွန်ကြားထား

( 10 )Upcoming Myanmar Polls Must Be Inclusive

( 9 )နအဖ စစ်သား တစ်ဦး လက်နက်နှင့် အတူထွက်ပြေး

( 8 )Maehara renews call for Myanmar's early release of Suu Kyi

( 7 )ရွေးကောက်ပွဲကနေ ဘာမှ မပြောင်လဲနိုင်ဟု ချက်နိုင်ငံ ယူဆ

( 6 )Australia to maintain sanctions on Burma

( 5 )UN Chief Presses Burmese PM on Election

( 4 )ကုလ အတွင်းရေးမှူးချုပ် ၀န်ကြီးချုပ် ဦးသိန်းစိန်နဲ့ သီးခြားတွေ့ဆုံ

( 3 )Mekong Countries Call for Fair Elections in Burma

( 2 )လမ်းခင်းပြီး မဲဆွယ်တဲ့ ကြံ့ခိုင်ရေး

( 1 )Views Differ on UN Commission of Inquiry on Burma

Saturday, October 30, 2010

စစ်အစိုးရကြံ့ဖွံ့ပါတီမှ NDF ကိုယ်စားလှယ် ကြော်ငြာဆိုင်းဘုတ်ဖြုတ်

KNG

ကချင်ပြည် မြစ်ကြီးနားမြို့နယ် အမျိုးသားဒီမိုကရေစီအင်အားစု (NDF) မှ ပြည်သူ့လွှတ်တော် ကိုယ်စားလှယ်လောင်းဦးမာခါး၏ ကြော်ငြာဆိုင်းဘုတ်ဖြုတ်သူများသည် မြန်မာစစ်အစိုးရ ကြံ့ဖွံ့ပါတီဝင်များဖြစ်ကြောင်း သိရသည်။

ယင်းကြော်ငြာဆိုင်းဘုတ်အား သူ၏ပြိုင်ဘက်ဖြစ်သည့် ကြံ့ဖွံ့ပါတီမှ ဖြုတ်လိုက်သည်ဖြစ်ပြီး ယနေ့တွင် ပြည်နယ်ကော်မရှင်ရုံးသို့ စာတင်လိုက်ကြောင်း “ကျွန်တော် ဒီကချင်ပြည်နယ် ပြည်နယ်ကော်မရှင်အဖွဲ့ကို စာတင်ထားတယ်။ နောက်ပြီးမှ မိတ္တူကျတော့ နေပြည်တော် ပြည်ထောင်စု ရွေးကောက်ပွဲကော်မရှင်ကို ကျွန်တော်စာပို့ထားတယ်၊ ခရိုင်တို့၊ မြို့နယ်အဆင့်ဆင့်ကို စာပို့ထားတယ်။ ကြံ့ခိုင်ရေးနဲ့ဖွံ့ဖြိုးရေးပါတီ မြစ်ကြီးနားမြို့နယ်ရုံးကိုလည်း စာပို့ထားတယ်။” ဟု ဦးမာခါးပြောသည်။

မြစ်ကြီးနားမြို့အထက် ၁၀ မိုင်အကွာရှိသည့် နောင်နန်းကျေးရွာအုပ်စု၌ စိုက်ထူထားသည့် ဦးမာခါး ကြော်ငြာဆိုင်းဘုတ် နှစ်ခုအား ကြံ့ဖွံ့ပါတီ၏တွဲဖက်စည်းရုံးရေးမှုး ဦးလှမြင့်နှင့် ဦးဇော်မင်းထွန်းတို့ ဖြုတ်သွားသည်ဟု သိရသည်။

“ကျွန်တော်တို့အဲဒီချိန်မှာ နောင်နန်းတိုက်နယ်မှူးဖြစ်တဲ့ ဦးဒိုင်လွမ်းလည်းရှိတယ် ဒါပေမဲ့သူကလည်း ဘာမှ မပြောမဆို ဘာမှလည်း တားမြစ်မှုမရှိခဲ့ဘူး။” ဟု ဦးမာခါးဆက်ပြောသည်။

National Democratic Force (NDF) ပါတီမှ လူထုမဲဆွယ်စည်းရုံးရေးအတွက် ငွေကြေးအခက်အခဲရှိသောကြောင့် လက်ကမ်းစာစောင်ဖြန့်ဝေခြင်းအပြင် ကြော်ငြာဆိုင်းဘုတ် အခု ၆၀ ခန့်စိုက်ထူထားရာ ဆိုင်းဘုတ် ၁၀ ခုမှာ အစအန မရှိ ပျောက်ဆုံးနေပြီး အချို့မှာ ဆုတ်ဖြဲထားသည်ဟု ဦးမာခါးပြောသည်။

မြစ်ကြီးနားပြည်သူ့လွှတ်တော်ကိုယ်စားလှယ်အဖြစ် ၀င်ရောက်ယှဉ်ပြိုင်မည့် သူ၏ပြိုင်ဘက်မှာ ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီ (USDP) မှ စာတိုက်၊ ကြေးနန်းနှင့် ဆက်သွယ်ရေးဝန်ကြီး ဦးသိန်းဇော၊် တိုင်းရင်းသားစည်းလုံးညီညွှတ်ရေးပါတီ (NUP) မှ ဦးလနန်ဘောက်နှင့် ရှမ်းတိုင်းရင်းသားများဒီမိုကရက်တစ်ပါတီ (SNDP) မှ ဦးစိုင်းကျော်ဦး(ခ)ဂုံးကွေ့တို့ဖြစ်သည်။

အသက် (၂၇) နှစ်ရှိ ဦးမာခါးသည် မူဆယ်မြို့နယ် ရှမ်းပြည်နယ်မြောက်ပိုင်း၌ မွေးဖွားခဲ့ ပြီး မြစ်ကြီးနားတက္ကသိုလ် ကချင်တိုင်းရင်းသားစာပေနှင့်ယဉ်ကျေးမှုကော်မတီမှာ မဂ္ဂဇင်းတွဲဖက် အတွင်းရေးမှူးလုပ်ခဲ့ပြီး ရှေ့နေ လုပ်ငန်းကိုလုပ်ကိုင်နေသူဖြစ်သည်။

သျှမ်းတပ်သတင်းကြောင့် ကျေးလက်လူထုရွာပြင်ထွက်လျှင် အပစ်ခံရမည်ဟု နအဖတပ် ခြိမ်းခြောက်

သျှမ်းသံတော်ဆင့်

သျှမ်းပြည်တပ်မတော်က မိုင်တုံမြို့နယ်နှင့် ပုံပါကျင်မြို့နယ်ခွဲအတွင်း တပ်သားသစ် စုဆောင်းရေးအတွက် ဒေသခံအား ၀င်ခေါ်သည့်သတင်း ထွက်ပြီးနောက်ပိုင်း ဒေသခံ နအဖ စစ်တပ်က လူထုအား ရွာပြင်မထွက်ရ၊ အိမ်ပြင်မထွက်ရ ကာဖျူး နေ၀င်မီးငြိမ်းအမိန့်ချထားသဖြင့် အခက်ကြုံ နေကြရကြောင်း ထိုင်းနယ်စပ် ရောက် မိုင်းတုံဒေသခံတဦးကပြောသည်။

“ယာခင်းတွေသွားမကြည့်ရ။ နေ့ခင်းပိုင်းလဲ ရွာပြင်မထွက်ရ။ ညနေ ၆ နာရီကနေ မနက် ၆ နာရီအထိ အိမ်ပြင်မထွက်ရလို့ အမိန့်ထုတ် ထားတယ်။ ယာစပါးတွေလဲ ရိတ်ချိန်တန်ပြီ။ နှမ်းတွေလဲ တချို့ဆို သီးကွဲနေပြီ။ သွားယူလို့မရဘူး” ဟု ပြောသည်။

ရွာပြင်မထွက်ရအမိန့် မလိုက်နာဘဲ နယ်လှည့်စစ်ကြောင်းနှင့် ပက်ပင်းတိုးမိပါက အပစ်ခံရမည်ဟုဆိုသဖြင့် ဒေသခံများ အခက်တွေ့ နေရ၏။ ထို့ပြင် ပုံပါကျင်မြို့နယ်ခွဲ ၅ ရပ်ကွက်စလုံးအား သျှမ်းသူပုန် များသတင်း တနေ့ ၃ ကြိမ် ဗျူဟာရုံး သို့သတင်း ပို့ရမည်ဟုလည်း ဗျူဟာမှူးက အမိန့်ထုတ်ထားသည်။

“သျှမ်းသူပုန်သတင်းက ရှိရှိ မရှိရှိ မနက် နေ့လည် ညနေ တနေ့ ၃ ကြိမ် ပို့ကိုပို့ရမယ်တဲ့” - ဟု မိုင်းတုံ ၀မ့်မိုင်ရပ်ကွက် သားများ ပြောပြသည်။

ယခုလ ၁၆ ရက် မိုင်းတုံမြို့နယ် ၀မ့်မိုင်ရပ်ကွက် ဖယောင်းတိုင်တထောင် မီးပူဇော်ပွဲ၌ သျှမ်းတပ်ဖွဲ့က ဒေသခံ ၂၅ ယောက် အား ဖမ်းဆီးခေါ်ဆောင် သွားရာ အရပ်ဝတ် နအဖ စစ်သား ၅ ယောက်ပါ ပါသွားသည်ဟုလည်း အဖမ်းခံရသည့် မိသားစုဝင် တဦးက ပြန်လည် ပြောပြသည်။

“အဲ့ နောက်ပိုင်း လူငယ်တွေက ကြောက်လို့ တချို့လဲ ခမရ ၂၂၅ နဲ့ ၂၂၇ တပ်ထဲသွားအိပ်တာ။ တပ်ရင်းမှူး က သူတို့ကို - ကြောက်ရင် ပြည်သူ့စစ်လုပ်။ သေနတ်ထုတ်ပေးမယ်။ သျှမ်းတပ်ဖွဲ့ကိုသွားပစ်ပေါ့ လို့ပြော တော့ အဲ့လူငယ်တချို့လဲ ချက် ချင်းအိမ်ထပြန် တယ်ဆိုဘဲ” ဟု ၄င်းကဆက်ပြောသည်။

ယခုလ ၁၂ ရက် ပုံပါကျင်ဗျူဟာမှူး မိုင်းတုံသို့ရောက်နေစဉ်ပုံပါကျင်၌ သျှမ်းပြည်တပ်မတော်က တပ်သား သစ်စုစောင်း ခဲ့ပြီး ၁၆ ရက် ပုံပါကျင်သို့ ဗျူဟာမှူးပြန်လည်ရောက်ရှိသော် မိုင်းတုံ မီးပူဇော်ပွဲ၌ ၀မ့်မိုင် ဒေသခံများ သျှမ်းစစ်သားထပ် သွားကောက် ခြင်းဖြစ်၏။ ဘီဘီစီသတင်းဌာနမှ ထိုအကြောင်း အသေးစိတ်သတင်း ထုတ်လွှင့်ချက်ကို ဗျူဟာမှူးသိသွား သဖြင့် ဒေါသပေါက်ကွဲကာ သျှမ်းသူပုန်များလှုပ်ရှားမှုစောင့်ကြည့်ရန် ထိုကဲ့သို့ ကာဖျူးအမိန့် ချလိုက်ခြင်းဖြစ်သည်ဟု ကြားသိရသည်။

မြေပုံမြို့နယ်တွင် မုန်တိုင်း ဒုက္ခသည်များအား ကိုယ်တိုင် သွားရောက် ကူညီပေးနေသူ

နိရဉ္စရာ

မေး။ ။ မုန်တိုင်းတိုက်ခိုက်ခဲ့တဲ့ မြေပုံမြို့နယ်က အခြေအနေ ဘယ်လိုရှိပါလဲ

ဖြေ။ ၊ မုန်တိုင်းတိုက်ခိုက်ခဲ့တဲ့အခြေအနေက ကျွန်တော်တို့ စုံစမ်းသလောက်က ကျေးရွာ ၅၀ မှာ အိမ်ခြေ ၆၀၀၀ ကျော်ပျက်တယ်။ အိမ်ခြေ ၆၀၀ ကျော်လောက်ဘဲ ကျန်ပါတယ်။ သေတဲ့လူစာရင်းက ရွာ ၅၀ကျော်က စာရင်းကို ကောက်ယူလိုက်တဲ့ အခါ သေဆုံးသူ ၁၀၀ ကျော်စာရင်းရပြီးပြီ။

မေး။ ။ အခုလက်ရှိ ကယ်ဆယ်ရေးအခြေအနေက ဘယ်လိုရှိပါလဲ။

ဖြေ။ ။ ကူညီရေး အခြေအနေကတော့ တောရွာတွေမှာရှိတဲ့ အမိုးအကာ ပျက်နေတဲ့ အိမ်တွေကို ဘယ်သူကမှ အခုအချိန်ထိ လုပ်မပေးနိုင်သေးဘူး။ အန်ဂျီအိုတွေကလည်း လုပ်မပေးနိုင်သေးဘူး။ အစိုးရဌာနကလည်း လုပ်မပေးသေးဘူး။ မြို့ပေါ်မှာတောင်မှ ပျက်စီးသွားတဲ့ ၃၀ ရာခိုင်နှုန်းလောက်ဘဲ လုပ်ပေးနိုင်သေးတယ်။ အမိုးအကာ မရှိတဲ့အောက်မှာ နေရသူတွေ အများကြီးရှိနေသေးတယ်။

မေး။ ။ လူတွေ ၀မ်းရောဂါ ဖြစ်နေတယ်လို့လည်း ကျွန်တော်တို့ကြားတယ်။ အဲဒီရောဂါ အခြေအနေက ဘယ်လိုရှိလဲ။

ဖြေ။ ။ ၀မ်းရောဂါ အခြေအနေက ကျီးခေါင်းပြင် ကျေးရွာဘက်မှာ နည်းနည်း စိုးရိမ်ရတဲ့ အခြအနေရှိတယ်။ ကျန်တဲ့ဘက်က အနေထားတွေကိုတော့ သိပ်ပြီး သတင်းမရသေးဘူး။

မေး။ ။ သက်ဆိုင်ရာ အာဏာပိုင်တွေဘက်က ကျန်းမာရေးနဲ့ပတ်သတ်လို့ ဘယ်လိုကူညီတာတွေ ရှိလဲ။

ဖြေ။ ။ မြို့ပေါ်မှာတော့ ပြည်နယ် ဆရာဝန် ခေါင်းဆောင်တဲ့ အဖွဲ့နဲ့ ဆေးတပ်က ဆရာဝန်တွေ ခေါင်း ဆောင်တဲ့ အဖွဲ့တွေကတော့ သူတို့လည်း မီနိုင်သလောက် လုပ်ဆောင်ပေးနေတဲ့ အနေထားတွေ ရှိပါတယ်။ နယ်တွေကိုတော့ ဘယ်ဆရာဝန်မှ မရောက်ရှိနိုင်သေးပါဘူး။

မေး။ ။ အခုလက်ရှိ မုန်တိုင်း ဒုက္ခသည်တွေ စားဝတ်နေရေး အခြေအနေက ဘယ်လိုရှိပါလဲ။

ဖြေ။ ။ စားဝတ်နေရေးအခြေအနေက အာဏာပိုင်တွေလည်း ရွာတိုင်အရောက် လိုက်လို့မပေးနိုင်ဘူး။ ကျေးရွာလူကြီးတွေက သက်ဆိုင်ရာလူကြီးတွေဆီက စာရင်းတင်ပြီး လာထုတ်လို့ မိသားစု လူဦးရေအရ တနပ်စာလောက်ဘဲ ပေးနိုင်တဲ့အခြေအနေရှိတယ်။ နောက်ပြိး အန်ဂျီအိုတွေနဲ့ စေတနာရှင်တွေက လာရောက်လှူဒါန်းတဲ့ ဆန်နဲ့တခြားပစ္စည်းတွေကို လက်ခံပြီး ဖြန့်ဖြူး ပေးနေတာလည်း ရှိတယ်။

မေး။ ။ မုန်တိုင်းဒုက္ခသည်တွေ အရင် နဂိုအနေထားပြန်ရောက်ဖို့ အခြေအနေ ဘယ်လောက်လို အပ်မယ်လို့ ထင်လဲ။

ဖြေ။ ။ နဂိုအနေထားပြန်ရောက်ဖို့ အချိန်က အနည်းဆုံးနှစ်နဲ့ချီပြီး ကြာမယ်လို့ထင်ပါတယ်။ တချို့ နေရာတွေမှာပေါ့။ တချို့ရွာတွေမှာဆို ဘယ်လိုဖြေမလဲ တအိမ်ဘဲကျန်တယ်။ နှစ်အိမ်ဘဲကျန် တယ်။ တချို့နေရာတွေမှာဆို လုံးဝမကျန်ဘူး။ အိမ်ခြေ ၅၀၀ လောက်ရှိတဲ့ ရွာတွေတောင်မှ အိမ်ခြေ ၂၅ ဆောင် ၅၀ လောက်ဘဲကျန်တဲ့ သဘောရှိတယ်။

မဲတစ်ပြား ငွေ ၁ သောင်းပေးမည်ဟု ကြံ့ဖွံ့ပါတီ စည်းရုံး

သျှမ်းသံတော်ဆင့်

ရွေးကောက်ပွဲတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေး (ကြံ့ဖွံ့) ပါတီအား မဲထည့်ပါက ငွေကျပ်တစ်သောင်း ပေးမည်ဆို ကာ နမ့်ခမ်းမြို့နယ်အတွင်းရှိ ကျေးရွာများ၌ ကြံ့ဖွံ့ပါတီက ပြောဆိုစည်းရုံးနေကြောင်း ဒေသခံများ အဆိုအရ သိရသည်။

ယခုလ ၂၅ ရက်နေ့က ကြံ့ဖွံ့ပါတီ၏ နမ့်ခမ်းမြို့နယ် မန့်မြန်၊ ဟန်ကမ်း၊ ဟင်လုံကျေးရွာအုပ်စု မဲဆွယ် စည်းရုံးရေး ခရီးတွင် ထိုသို့ ပြောဆိုခဲ့ကြောင်း သိရသည်။

“အရင်အမျိုးသားညီလာခံတက်ခဲ့တဲ့ ဦးစိုင်းရီမွန်ဆိုတာ ကြံ့ခိုင်ရေးပါတီကနေပြီး ဒီလ ၂၅ ရက်နေ့က စည်းရုံးရေးလာလုပ် တယ် စည်းရုံးရေးမှူးပေါ့ ကြံ့ခိုင်ရေးပါတီကို မဲပေးရင် တစ်ယောက် ငွေတစ်သောင်းစီပေးမယ် ဆိုပြီးစည်းရုံးတယ်” ဟု ဒေသခံတစ်ဦးက သျှမ်းသံတော်ဆင့်သို့ ပြောသည်။

ဟင်လုံအုပ်စုအတွင်းရှိ တောင်ပေါ်ရွာများဖြစ်သော မော့တောင်းနှင့် ပန်ကူရွာများတွင် ဦးစိုင်းရီမွန်က မဲတစ်ပြား ကျပ် ၃၀၀၀ ပေးမည် ဟု ပြောဆို စည်းရုံးခဲ့ကြောင်း သိရသည်။

နမ့်ခမ်းမြို့နယ် မဲဆန္ဒနယ်မြေတွင် ၀င်ပြိုင်မည့် ကြံ့ဖွံ့ပါတီကိုယ်စားလှယ်လောင်း ပန်းဆေးကျော်မြင့်က ကွန်ဟိုင်းရွာ၌ ယမန်နေ့က စည်းရုံးဆင်းရာ တက်ရောက်သူများအား ကျပ်ငွေ ၂၀၀၀ စီပေးခဲ့ကြောင်း သိရသည်။

“မနေ့က ပန်ဆေးပြည်သူ့စစ်ခေါင်းဆောင် ကျော်မြင့် ကွန်ဟိုင်းရွာမှာ စည်းရုံးရေးဆင်းတာ လူအယောက် ၇၀ လောက်တက် တယ် တစ်ယောက်ကို ၂၀၀၀ စီပေးတယ် ရွာကိုကျတော့ ငွေ ၂ သိန်းလှူသွားတယ်” ဟု နောက်ထပ်ဒေသခံ တစ်ဦးက ပြော သည်။

ရွေးကောက်ပွဲတွင် နမ့်ခမ်းမြို့နယ် မဲဆန္ဒနယ်မြေတွင် ကြံ့ဖွံ့ပါတီ အပါအ၀င် သျှမ်းကျားဖြူပါတီ၊ ပလောင်ပါတီ၊ တစညပါတီ စသည့် ၄ ခု ယှဉ်ပြိုင်မည် ဖြစ်ကြောင်း သိရသည်။

ဒေါ်အောင်ဆန်းစုကြည် တကယ်လွတ်မှာလား

အောင်ဇော်

ဒေါ်အောင်ဆန်းစုကြည်ကို နေအိမ်အကျယ်ချုပ် သက်တမ်းပြည့်မယ့် နိုဝင်ဘာလ ၁၃ ရက်နေ့မှာ လွှတ်ပေးမယ်လို့ အမည်မဖော်လိုတဲ့ စစ်ဖက် အသိုင်းအဝိုင်းက ပြောပါတယ်။ ဒါဆိုရင် အထိန်းသိမ်းခံ နိုဗဲလ်ဆုရှင်ကို လွှတ်ပေးဖို့ မြန်မာစစ်အစိုးရမှာ အစီအစဉ် တကယ်ပဲ ရှိလို့များလား။ ဒီမေးခွန်းအတွက် အဖြေကတော့ ဗိုလ်ချုပ်မှူးကြီး သန်းရွှေပေါ်မှာပဲ မူတည်နေပါတယ်။

တကယ်လို့ ဒေါ်အောင်ဆန်းစုကြည်က နိုဝင်ဘာလမှာ လွတ်ရင်တောင် ရွေးကောက်ပွဲမတိုင်ခင်တော့ လွတ်မှာမဟုတ်ပါဘူး။ စစ်အစိုးရအလိုကျပါတီတွေက ရွေးကောက်ပွဲမှာ ရတဲ့နည်းနဲ့ အနိုင်ရအောင် လုပ်ကြမှာမို့ ဒေါ်အောင်ဆန်းစုကြည်သာ နေအိမ်အပြင် ထွက်ခွင့်ရတယ်ဆိုရင် ဒီအခြေအနေအပေါ် သူဘယ်လို တုံ့ပြန်မလဲဆိုတာနဲ့ ပတ်သက်ပြီး မေးစရာရှိလာပါတယ်။

ဒေါ်အောင်ဆန်းစုကြည်ကို လွှတ်ရေး မလွှတ်ရေးဟာ ဗိုလ်ချုပ်မှူးကြီး သန်းရွှေအတွက် အလွန်အရေးကြီးတဲ့ကိစ္စ ဖြစ်ပါတယ်။ သူက ဒေါ်အောင်ဆန်းစုကြည်ဟာ နိုင်ငံတော်လုံခြုံရေးအတွက် ခြိမ်းခြောက်နိုင်သူ၊ အန္တရာယ်ရှိသူလို့ သတ်မှတ်ထားတာပါ။ ဒါကြောင့် ဒေါ်အောင်ဆန်းစုကြည် လွတ်လာပြီးတဲ့အခါ သူ့အာဏာကို ထိပါး နှောင့်ယှက်နိုင်သေးတယ်လို့ ယူဆရင် အကြောင်းရှာပြီး အချိန်အကန့်အသတ်မရှိ ဆက်လက်ထိန်းသိမ်းထားဦးမှာ ဖြစ်ပါတယ်။

မြန်မာပြည်သူတွေကတော့ ဒေါ်အောင်ဆန်းစုကြည် လွတ်မယ်ဆိုတဲ့ သတင်းကိုကြားရတာနဲ့ ၀မ်းမြောက်ဝမ်းသာ ဖြစ်ကြမှာပါ။ ဒါပေမယ့် ဒါနဲ့ပတ်သက်ပြီး ဘယ်လောက်မျှော်လင့်လို့ ရမရကို သူတို့ ပိုသိကြပါတယ်။ သူတို့စိတ်ထဲမှာ ဒေါ်အောင်ဆန်းစုကြည် လွတ်လာပါစေဆိုတဲ့ အကောင်းဘက်ကအမြင်တွေ ရှိနေကြမှာပါ။

ဒေါ်အောင်ဆန်းစုကြည် လွတ်လာပြီးရင် ခရီးသွားခွင့်ရှိ မရှိဆိုတာနဲ့ ပတ်သက်ပြီး လူထုက အဓိက စောင့်ကြည့်ကြလိမ်မယ်လို့ ယူဆပါတယ်။ ၁၉၉၅ ခုနှစ် လွတ်လာတုန်းက ဒေါ်အောင်ဆန်းစုကြည်အပါအ၀င် အဖွဲ့ချုပ်ခေါင်းဆောင်တွေကို ရန်ကုန်ကနေ ပြင်ပခရီးသွားခွင့် ပိတ်ပင်ထားခဲ့ပါတယ်။ သူတို့ထွက်ဖို့ ကြိုးစားတိုင်း ထောက်လှမ်းရေးတွေ လိုက်နှောင့်ယှက်တာကို ခံခဲ့ရပါတယ်။ ၂၀၀၃ ခုနှစ် မေလက ဒေါ်အောင်ဆန်းစုကြည်ရဲ့ ကားတန်းကို တိုက်ခိုက်ဖို့ မီးစိမ်းပြလိုက်တဲ့အထဲမှာ ဗိုလ်ချုပ်မှူးကြီး ကိုယ်တိုင်တောင် ပါတယ်လို့ စွပ်စွဲတာတွေရှိပါတယ်။ အဲဒီတိုက်ခိုက်မှုကြောင့် ဒေါ်အောင်ဆန်းစုကြည်ကို ထောက်ခံသူအများအပြား အသက်ဆုံးရှုံးခဲ့ရပါတယ်။

ဒါအပြင် ဒေါ်အောင်ဆန်းစုကြည်က ဘယ်လိုဗျူဟာတွေချမှတ်လာမလဲ၊ အနာဂတ်မှာ သူကိုယ်တိုင်ကရော ဘယ်အခန်းကဏ္ဍကနေ ပါဝင်ဆောင်ရွက်မလဲ ဆိုတာတွေကိုလည်း လူထုက အလွန်စိတ်ဝင်စားကြပါလိမ့်မယ်။ သေချာတာကတော့ နိုင်ငံရေး အခင်းအကျင်းအသစ်တခုကို ဒေါ်အောင်ဆန်းစုကြည် ရင်ဆိုင်ရမှာပဲ ဖြစ်ပါတယ်။ အနီးဆုံး မဟာမိတ်နဲ့ လုပ်ဖော်ကိုင်ဖက်တွေထဲက တချို့လူတွေ သူ့အနားမှာ ရှိတော့မှာ မဟုတ်ပါဘူး။ သူ့ရဲ့လုပ်ဖော်ကိုင်ဖက် တော်တော်များများက နိုင်ငံရေးကအနားယူ ဒါမှမဟုတ် ကွယ်လွန်ကုန်ကြပါပြီ။ တချို့လည်း ထောင်တွေထဲမှာ ရှိနေကြဆဲပါ။ ဒေါက်တာသန်းငြိမ်းနဲ့ ဦးခင်မောင်ဆွေတို့လို တချို့လူတွေကလည်း သူရဲ့ပါတီကို စွန့်ခွာပြီး ရွေးကောက်ပွဲဝင်ဖို့ ပါတီသစ် ထူထောင်သွားကြပါပြီ။

ဆိုတော့ ဒေါ်အောင်ဆန်းစုကြည်ရဲ့ နောက်ခြေလှမ်းက ဘာလဲ။ တချိန်က လူကြိုက်များ ကျော်ကြားခဲ့တဲ့ သူ့ရဲ့ တက္ကသိုလ်ရိပ်သာလမ်း ခြံအမှတ် ၅၄ ရှေ့က အပတ်စဉ် “ဒီမိုကရေစီမိန့်ခွန်းများ” ဟောပြောခြင်း အစီအစဉ်ကိုတော့ ပြန်လုပ်နိုင်ဖို့ ဖြစ်နိုင်ချေနည်းလှပါတယ်။

ဒေါ်အောင်ဆန်းစုကြည်နဲ့ နီးစပ်တဲ့ တချို့သတင်းရပ်ကွက်တွေကတော့ သူနဲ့ သူ့လုပ်ဖော်ကိုင်ဖက်တွေဟာ လူမှုရေးနဲ့ လူသားချင်းဆိုင်ရာ ကူညီပံ့ပိုးတဲ့လုပ်ငန်းတွေမှာ ပိုပါဝင်လာနိုင်တယ်။ အထူးသဖြင့် ပညာရေးနဲ့ ဆင်းရဲနွမ်းပါးမှု တိုက်ဖျက်ရေး လုပ်ငန်းတွေမှာ ဆောင်ရွက်လာနိုင်တယ်လို့ ခန့်မှန်းပြောဆိုကြပါတယ်။ အကယ်လို့များ ဒေါ်အောင်ဆန်းစုကြည်က အဲဒီလမ်းကြောင်းအတိုင်း ဆက်သွားမယ်ဆိုရင်တော့ သူ့ကိုနိုင်ငံရေးအရ တိုက်ရိုက် အန္တရာယ်ပေးလာနိုင်တယ်လို့ သတ်မှတ်ထားတဲ့ စစ်ခေါင်းဆောင်တွေအတွက် စိတ်သက်သာရစေမှာ ဖြစ်ပါတယ်။

ဒါပေမယ့် အဲဒီလမ်းကြောင်းကို ဒေါ်အောင်ဆန်းစုကြည် လျှောက်ရင်တောင်မှပဲ ထိုးနှက်မှုတွေနဲ့ ရင်ဆိုင်ရနိုင်ပါသေးတယ်။ ဘာဖြစ်လို့လဲဆိုတော့ မြန်မာပြည်မှာ ရေပန်းစားလာနေတဲ့ “လူသားချင်းဆိုင်ရာ အကူအညီပေးရေး ဈေးကွက်” ကို သိမ်းပိုက်ဖို့ စစ်အစိုးရနဲ့ နီးစပ်သူတွေက ပြီးခဲ့တဲ့နှစ်တွေအတွင်းမှာ ကြိုးစားလာခဲ့ကြလို့ပါပဲ။ တကယ်တော့ ဒီ “ဈေးကွက်” ဟာ မြန်မာနိုင်ငံမှာ လုပ်ငန်းတွေချဲ့ထွင်လိုကြတဲ့ နိုင်ငံတကာ အကူအညီပေးရေးအုပ်စုတွေက ဖန်တီးပေးထားတဲ့ အရာပဲ ဖြစ်ပါတယ်။ တကယ်လို့ အနောက်နိုင်ငံတွေက ချမှတ်ထားတဲ့ Sanctions လို့ခေါ်တဲ့ ပိတ်ဆို့မှုတွေ အပေါ်မှာထားတဲ့ ဒေါ်အောင်ဆန်းစုကြည်ရဲ့သဘောထားဟာ စစ်အစိုးရနဲ့ ပိုမိုပူးပေါင်းဆောင်ရွက်လိုတဲ့ သူတို့အတွက် အန္တရာယ်ရှိမယ်လို့ တွက်ဆမိတယ်ဆိုရင် သူတို့ထဲက အချို့ဟာ ဒေါ်အောင်ဆန်းစုကြည်ကို အာဏာပိုင်တွေထက် ဗွေဆော်ဦး ဝေဖန်တိုက်ခိုက်ကြမယ့် သူတွေဖြစ်လာကြပါလိမ့်မယ်။

ဒေါ်အောင်ဆန်းစုကြည်ကို ဝေဖန်သုံးသပ်သူတွေကတော့ သူ့အနေနဲ့ တွေ့ဆုံဆွေးနွေးရေးအတွက် ထပ်ခါတလဲလဲ တောင်းဆိုခဲ့ပေမယ့် အခုအချိန်ထိ အရာမရောက်သေးတာဟာ တွေ့ဆုံဆွေးနွေရေးစကားဝိုင်းကို စစ်အစိုးရ ရောက်လာအောင် တွန်းအားပေးနိုင်ဖို့အတွက် သူ့မှာ အားမရှိလို့ ဖြစ်တယ်လို့ ဆိုပါတယ်။

တချို့အတိုက်အခံတွေကတော့ အင်္ဂလိပ်နယ်ချဲ့ကို ထိထိရောက်ရောက် တော်လှန်တိုက်ထုတ်နိုင်ခဲ့တဲ့ သူ့ဖခင် လွတ်လပ်ရေးသူရဲကောင်း ဗိုလ်ချုပ်အောင်ဆန်းလို အစွမ်းအစမျိုး ဒေါ်အောင်ဆန်းစုကြည်မှာ မရှိဘူးလို့ ပြောကြပါတယ်။ တချို့ကလည်း ဒေါ်အောင်ဆန်းစုကြည်ဟာ ပြတ်သားမှုမရှိဘူး၊ သူ့မှာ ဗိုလ်ချုပ်တွေကို အလဲထိုးနိုင်ဖို့ ကြွယ်ဝတဲ့ နိုင်ငံရေးပရိယာယ် မရှိဘူးလို့ ဆိုပြန်ပါတယ်။ သူဦးဆောင်တဲ့ အကြမ်းမဖက်လှုပ်ရှားမှုတွေ ၂၂ နှစ် ကြာလာပြီးတဲ့ အခါမှာတော့ မြန်မာပြည်ရဲ့ စစ်မှန်တဲ့ဒီမိုကရေစီ အသွင်းကူပြောင်းမှုဟာ သွေးထွက်သံယို အသွင်ကူးပြောင်းမှုမျိုးပဲ ဖြစ်လာတော့မယ်လို့ မြန်မာပြည်သူတွေ ပိုပြီး ယူဆလာကြပါတယ်။

အဖွဲ့ချုပ်ရဲ့ ရွေးကောက်ပွဲမဝင်ရေး ဆုံးဖြတ်ချက်က ဒေါ်အောင်ဆန်းစုကြည်ရဲ့ ဗိုလ်ချုပ်တွေနဲ့ တွေ့ဆုံဆွေးနွေးရေး ကြိုးပမ်းချက်တွေ အပေါ်မှာ ဘယ်လောက်ထိ အကျိုးသက်ရောက်မှုရှိမရှိကို ဆက်စောင့်ကြည့်ရမှာပဲ ဖြစ်ပါတယ်။ ဒီဆုံးဖြတ်ချက်ကြောင့် အဖွဲ့ချုပ်ကို ဖျက်သိမ်းလိုက်ရပေမယ့် ပြည်တွင်းရော ပြည်ပမှာပါ ဒေါ်အောင်ဆန်းစုကြည်ဟာ ထင်ပေါ် ကျော်ကြားနေဆဲပါ။ အကန့်အသတ်ရှိပေမယ့်လည်း ဒီအချက်က ဒေါ်အောင်ဆန်းစုကြည် အလုပ်တွေလုပ်နိုင်ဖို့ အထောက်အကူ ဖြစ်စေပါလိမ့်မယ်။

သံဃာတော်တွေဦးဆောင်တဲ့ ရွှေဝါရောင်တော်လှန်ရေးကို စစ်အစိုးရက ရက်ရက်စက်စက် ဖြိုခွင်းပြီးခဲ့တဲ့အချိန် ၂၀၀၇ ခုနှစ် နိုဝင်ဘာလမှာ ဒေါ်အောင်ဆန်းစုကြည်က ကြေညာချက်တခုထုတ်ပြီး တိုင်းပြည်အတွက် အတူလက်တွဲ ဆောင်ရွက်ကြဖို့ စစ်အစိုးရကို တိုက်တွန်းခဲ့ပါသေးတယ်။ ဒီကြေညာချက်ကို ကုလသမဂ္ဂ အထူးကိုယ်စားလှယ် အီဗရာဟင်ဂန်ဘာရီကတဆင့် ပေးပို့ခဲ့တာပါ။

သူ့အနေနဲ့ ဗိုလ်ချုပ်မှူးကြီး သန်းရွှေ စွပ်စွဲထားသလို အလုံးစုံပျက်သုဉ်းရေးနဲ့ ထိပ်တိုက်ရင်ဆိုင်ရေးဆီ ဦးတည်နေတာ မဟုတ်ဘဲ တွေ့ဆုံဆွေးနွေးရေးလမ်းကြောင်း ပေါ်ပေါက်လာစေရေးအတွက်သာ အားထုတ်ကြိုးပမ်းနေတယ်ဆိုတဲ့ အကြောင်းကို ဒေါ်အောင်ဆန်းစုကြည်က ကြေညာချက်ထဲမှာ အလေးအနက် ထည့်သွင်းပြောထားခဲ့ပါတယ်။ ဒါပေမယ့် ဒေါ်အောင်ဆန်းစုကြည်ရဲ့စကားလုံးတွေက ခေါင်းမာတဲ့ ဗိုလ်ချုပ်တွေအပ်ါမှာ မဆိုစလောက်ဘဲ အကျိုးသက်ရောက်မှု ရှိခဲ့ပါတယ်။

ဗိုလ်ချုပ်မှူးကြီးက ဒေါ်အောင်ဆန်းစုကြည်အပေါ် ပျော့ပျော့ပြောင်းပြောင်း ပုံစံမျိုးလုပ်ပြီး အမှတ်ယူခဲ့တာ မနှစ်က တခါပဲ ရှိပါတယ်။ အဲဒါကတော့ သူ့အိမ်ကို ရေကူးပြီးရောက်လာတဲ့ အမေရိကန်နိုင်ငံသားကို လက်ခံခဲ့မှုအတွက် ဒေါ်အောင်ဆန်းစုကြည်ကို ထောင်ဒဏ်သုံးနှစ် အပြစ်ပေးတုန်းကပါ။ သူ့ပြစ်ဒဏ်ကို တရားသူကြီးက ဖတ်ကြားပြီး မကြာခင်မှာဘဲ ပြည်ထဲရေးဝန်ကြီး ဗိုလ်ချုပ်မောင်ဦးက တရားခွင်ထဲ ၀င်လာပြီးတော့ ဗိုလ်ချုပ်မှူးကြီးပါးလိုက်တဲ့ အမိန့်စာကို ဖတ်ပြခဲ့ပါတယ်။ အဲဒီအမိန့်စာမှာပါတာကတော့ ဒေါ်အောင်ဆန်းစုကြည်ဟာ လွတ်လပ်ရေးဖခင် ဗိုလ်ချုပ်အောင်ဆန်းရဲ့သမီး ဖြစ်တာမို့ သူ့အပြစ်ဒဏ်ကို ထက်ဝက်လျှော့ချလိုက်တယ် ဆိုတာပါပဲ။

အဲဒီအဖြစ်အပျက်က ပြီးခဲ့တဲ့ ၁၇ လမှာ ဖြစ်ခဲ့တာပါ။ အခုဆိုရင် ဒေါ်အောင်ဆန်းစုကြည် လွတ်ရတော့မယ့် အချိန်ရောက်လာပါပြီ။ ဒါပေမယ့် သူ့ကိုလွှတ်ပေးဖို့ ဗိုလ်ချုပ်မှူးကြီးက ဆုံးဖြတ်ချက်ချပြီး မပြီး မသေချာသေးပါဘူး။ တကယ်လို့ ဗိုလ်ချုပ်မှူးကြီးက ဒေါ်အောင်ဆန်းစုကြည်ကို လွှတ်ပေးတယ်ဆိုရင်တောင်မှပဲ ရန်သူကို သဘောထားကြီးကြီးနဲ့ လွှတ်ပေးတာမျိုးမဟုတ်ဘဲ နိုင်ငံအရေးအရ အသေအချာတွက်ချက်ပြီးမှ လွှတ်ပေးလိုက်တာမျိုးပဲ ဖြစ်ပါလိမ့်မယ်။

နှစ်ဘက်စလုံးက လက်ရှိအခြေအနေကို ဘယ်လိုရင်ဆိုင် ဖြေရှင်းကြမလဲဆိုတဲ့အပေါ် လူတော်တော်များများက စောင့်ကြည့်နေကြမှာပါ။ တကယ်လို့ ဒေါ်အောင်ဆန်းစုကြည် လွတ်လာပြီဆိုရင် အနောက်နိုင်ငံတွေ၊ ကုလသမဂ္ဂနဲ့ အာဆီယံနိုင်ငံတွေက အမှတ်ဝင်ယူကြမယ့် အသံတွေကို ကြားကြရပါလိမ့်မယ်။ အမှန်တကယ် တိုးတက်မှုတွေ ဖြစ်လာလိမ့်မယ်လို့တော့ မျှော်လင့်စရာမရှိပါဘူး။

နိုင်ငံတကာ အသိုင်းအ၀န်းအနေနဲ့ မြန်မာပြည်အတွက် တကယ်လက်တွေ့ အသုံးကျတဲ့အရာတခုခု လုပ်ချင်တယ်ဆိုရင်တော့ ဒေါ်အောင်ဆန်းစုကြည် တယောက်တည်း လွတ်မြောက်ဖို့အတွက် မတောင်းဆိုသင့်ပါဘူး၊ လက်ရှိအကျဉ်းကျနေတဲ့ ရဟန်း၊ သီလရှင်အပါး ၂၀၀ ကျော်အပါအ၀င် နိုင်ငံရေးအကျဉ်းသား ၂၀၀၀ ကျော် လွတ်မြောက်ဖို့အတွက်ပါ တောင်းဆိုသင့်ပါတယ်။ ဒီတောင်းဆိုချက် မပါဘူးဆိုရင်တော့ မြန်မာပြည်လွတ်မြောက်ဖို့ ကြိုးပမ်းချက်တွေအားလုံးဟာ အဓိပ္ပာယ်မဲ့ နေပါလိ့မ်မယ်။ ။

ယနေ့ မြန်မာ့ရေးရာ သတင်းများ Oct,30th,2010

( 16 )စမ်းချောင်း မြို့နယ် အန်အယ်လ်ဒီ လူငယ်များ မဲမပေးရေး စည်းရုံး

( 15 )Act Now on Burma Commission of Inquiry

( 14 )ရွေးကောက်ပွဲ အခင်းအကျင်း ကောင်းအောင်လုပ်ဖို့ အချိန်မနှောင်းသေး

( 13 )Obama may raise Burma issue

( 12 )အမျိုးသားပြန်လည်သင့်မြတ်ရေး ခြေလှမ်းစဖို့ အာဆီယံနဲ့ကုလ တိုက်တွန်း

( 11 )Not Too Late for Burma to Change

( 10 ) ရွေးကောက်ပွဲအပြီး အစိုးရမူဝါဒ ပြောင်းလဲဖွယ်မမြင်

( 9 )Myanmar court postpones decision on Aung San Suu Kyi's release

( 8 )ဒေါ်စုအမှု နိုင်ငံတော် တရားသူကြီးချုပ် ကြားနာ

( 7 )UN rights chief slates Burma election

( 6 )ကြိုတင်မဲပေးမှုစနစ် ဒီမိုကရက်တစ်ပါတီ ကန့်ကွက်

( 5 )Burma extension complete next month

( 4 )မြန်မာရွေးကောက်ပွဲ ဟီလာရီ ကလင်တန် ပြင်းပြင်းထန်ထန် ဝေဖန်

( 3 )Cut out of Burma election, Kachin minority could turn guns on junta

( 2 )ရွေးကောက်ပွဲပြီးမှ ဒေါ်စုကို လွှတ်မယ်ဆိုတာ သူရဲဘောကြောင်တဲ့ လုပ်ရပ်

( 1 )Win Tin slates UN head’s rights report omissions

Friday, October 29, 2010

ကရင်နီတပ်မတော်က မြန်မာအစိုးရ တပ်စခန်း ၀င်စီး၊ ရွေးကောက်ပွဲ ဆန့်ကျင်ရေးမှုကြောင့်ဟု ကရင်နီတပ်မတော်ကပြော

ဒေလီထက်

ကရင်နီ (ကယား)ပြည်နယ်၊ လွိုင်ကော်နှင့် ရှားတောမြို့နယ်တို့ အကြားရှိ ပွန်ချောင်းတံတား အနီးတွင် တပ်စွဲထားသော မြန်မာတပ်ဖွဲ့နှင့် ကရင်နီတပ်မတော်တို့ ၂၆ ရက် အင်္ဂါနေ့က တိုက်ပွဲ ဖြစ်ပွားခဲ့သည်။

ကရင်နီတပ်မတော်မှ ဗိုလ်မှူး မူရှေး ဦးဆောင်သည့် တပ်ရင်း ၃ က အဆိုပါ တံတားကို ဖောက်ခွဲပြစ်ခဲ့သည့်အပြင်၊ တံတားအနီး တပ်စွဲ ထားသည့် ဗိုလ်ကြီး ကျော်ကိုသန်း ဦးဆောင်သည့် ခလရ ၇၂ တပ်စခန်းကိုလည်း သုံးနာရီကြာ ၀င်ရောက်စီးနင်း တိုက်ခိုက်ခဲ့ခြင်း ဖြစ်သည်။

၎င်းတိုက်ပွဲ ဖြစ်ပွားမှုနှင့် ပတ်သက်၍ ကရင်နီဗဟို သတင်းနှင့် ပြန်ကြားရေး တာဝန်ခံ ဦးအောင်ဆန်းမြင့်က “အဓိကက စစ်ရေး လေကွာ၊ ရန်သူရဲ့ အဓိက စစ်တပ်စခန်းကို ၀င်တီးတာပေါ့။ ပညာသား နည်းလေးနဲ့ ပါရင် ပါမှာပေါ့ကွာ။ နည်းနည်း အကြောင်းပြတာ ဖြစ်ရင်လဲ ဖြစ်မှာပေါ့။ ငါတို့က ၂၀၁၀ ရွေးကောက်ပွဲ မဖြစ်ရေးမူ ချထားတာကိုး” ဟု ပြောပါသည်။

၎င်းတိုက်ပွဲတွင် မြန်မာစစ်တပ်ဘက်က ၄ ဦး ကျဆုံးသွားပြီး၊ ဒု-ရဲအုပ် ထွန်းထွန်းဝင်း၊ ဒု-တပ်ကြပ် အောင်ကျော်မိုး၊ ဒု-တပ်ကြပ် ရန်မျိုးအောင်၊ တပ်ကြပ် ၀င်းစိုး (ခလရ ၇၂) တို့ကို ကရင်နီ တပ်မတော်က ဖမ်းဆီးရမိလိုက်သည့်အပြင် လက်နက်ခဲယမ်း အချို့ကိုပါ သိမ်းဆည်းရမိလိုက်သည်ဟု ကရင်နီတပ်မတော်ဖက်က ပြောသည်။

“ဗိုလ်မှူး တစ်ယောက်နဲ့ ရဲနှစ်ယောက်ပဲ လွတ်သွားတယ် ပြောတယ်။ စခန်းကို မီးရှို့လိုက်တယ်။ ပွန်ချောင်း တံတား အောက်ခံ ပျဉ်တွေ ကွာကုန်ပြီး ယိုင်နေလို့ ကားတွေသွားမရ ဖြစ်နေတယ်” ဟု ဒေသခံတစ်ဦးက ပြောသည်။

ယခုလို တိုက်ပွဲ ဖြစ်ပွားသည့်အတွက် တံတားအနီးရှိ ပွန်ချောင်း ကျေးရွာသားများ အနေနှင့် ၎င်းတို့၏ နေအိမ်များအား မြန်မာစစ်တပ် များက လာရောက် မီးရှို့မည်ကို ကြောက်လန့်နေကြသည်ဟု ပွန်ချောင်းရွာသား တစ်ဦးက ပြောသည်။ “ရွာသားတွေ အရမ်းကို လန့်နေကြတယ်။ ဘုန်းကြီးကျောင်းမှာ ပစ္စည်းတွေ လာစုထားကြတယ်” ဟု ပြောသည်။

ရွာသားများ ယခုကဲ့သို့ ကြောက်လန့်နေကြရခြင်းမှာ မြန်မာစစ်အစိုးရ တပ်ရင်းများက ကရင်နီတပ်မတော်နှင့် တိုက်ပွဲ ဖြစ်ပွားရာတွင် ၎င်းတို့ဘက်မှ အကျအဆုံးများ ရှိပါက ဒေသခံများ၏ နေအိမ်များအား မီးရှို့ခြင်း၊ ရွာသားများအား ပေါ်တာဆွဲခြင်း၊ ဖမ်းဆီးရိုက်နှက်ခြင်း၊ စစ်ဆေးမေးမြန်းခြင်း၊ တောင်ယာသွားခွင့် ပိတ်ပင်ခြင်း၊ ကျေးရွာများအား မောင်းထုတ်ခြင်းများ ပြုလုပ်လေ့ ပြုလုပ်ထ ရှိခြင်းကြောင့်ဟု ကရင်နီ ဗဟိုသတင်းနှင့် ပြန်ကြားရေး အဖွဲ့ဝင် ခူးဒယ်နီယာက ပြောသည်။

“အဲလိုမျိုး အမြဲတမ်း အဖြစ်ခံရတာပဲ။ အထူးသဖြင့် ဒီအချိန်က စပါးရိတ်သိမ်းတဲ့အချိန်၊ သီးနှံရိတ်သိမ်းတဲ့ အချိန်တွေ ဆိုတော့ အရေး ကြီးတယ်” ဟု ပြောသည်။

ကရင်နီပြည်အတွင်း ရွေးကောက်ပွဲ မဲဆွယ်စည်းရုံးမှုများ မပြုလုပ်ရန်နှင့် ပြုလုပ်မှု ရှိပါက စစ်ရေးအရ ကြုံသလို အရေးယူ ဆောင်ရွက် သွားမည်ဟု ကရင်နီတပ်မတော်က လွန်ခဲ့သည့် လက စာများ ဖြန့်ဝေခဲ့သည်။

အထူးအယူခံက ဥပဒေစိုးမိုးမှုကို သက်သေပြရန်ဖြစ်ဟု ဒေါ်အောင်ဆန်းစုကြည် ပြောကြား

ဝီရ / ၂၉ အောက်တိုဘာ ၂၀၁၀

ယနေ့ အပြီးသတ်လျှောက်လဲချက်ပေးသည့် ၎င်း၏အထူးအယူခံသည် မြန်မာနိုင်ငံတရားရုံး၏ ဥပဒေစိုးမိုးမှု မည်မျှရှိကြောင်း သက်သေပြရန် ဥပမာကောင်းတရပ် ဖြစ်လာမည်ဟု ဒေါ်အောင်ဆန်းစုကြည်က မျှော်လင့်ထားကြောင်း သိရသည်။

ဒေါ်အောင်ဆန်းစုကြည်၏ အကျိုးဆောင်ရှေ့နေတဦး ဖြစ်သူ ဦးဉာဏ်ဝင်းက “ဒေါ်အောင်ဆန်းစုကြည်ရဲ့ အယူခံ နိုင်မနိုင် ဆိုတာက ဒီအထူးအယူခံဟာ မြန်မာပြည်မှာ တရားဥပဒေ စိုးမိုးရေး ဘယ်လောက်ရှိသလဲ၊ အဲဒီ ဥပဒေစိုးမိုးမှုကို ဘယ်လောက်ထိ လိုက်နာမလဲဆိုတာ သက်သေပြဖို့ ဖြစ်တယ်။ တကယ်လို့ တရားဥပဒေ စိုးမိုးမှုရှိရင် နိုင်မှာပေါ့။ တရားသေ လွှတ်ပေးရမယ်ပေါ့။ ဒါကြောင့် တရားရုံးက ဘယ်လိုအမိန့်ချမလဲဆိုတာ ဒေါ်အောင်ဆန်းစုကြည်က စောင့်ကြည့်ရမယ်လို့ ပြောပါတယ်” ဟု ခေတ်ပြိုင်သို့ ပြောကြားသည်။

ဒေါ်အောင်ဆန်းစုကြည် အပါအဝင် ဒေါ်ခင်ခင်ဝင်းနှင့် မဝင်းမမတို့၏ နေအိမ်အကျယ်ချုပ် ဖောက်ဖျက်မှု ပြစ်ဒဏ်နှင့်ပတ်သက်၍ အောက်တိုဘာ (၂၉) ရက်နေ့ နံနက် (၁၀) နာရီမှစ၍ နေပြည်တော် ဗဟိုတရားရုံးချုပ်၌ (၅) ဦးထိုင် တရားသူကြီး ရှေ့မှောက်တွင် နှစ်ဘက်ရှေ့နေများ အပြီးသတ် လျှောက်လဲချက် ကြားနာခဲ့ကြောင်း သိရသည်။

ဒေါ်အောင်ဆန်းစုကြည်သည် ၎င်း၏ နေအိမ်ခြံဝင်းအတွင်းသို့ ကျူးကျော်ဝင်ရောက်လာသူ အမေရိကန်နိုင်ငံသား ဂျွန်ဝီလီယံ ယက်တောကို လက်ခံခဲ့မှုကြောင့် ၁၉၇၄ ခုနှစ် ဥပဒေပါ ပြည်တွင်းလုံခြုံရေး ဥပဒေ ချိုးဖောက်မှုဖြင့် နေအိမ်အကျယ်ချုပ် ပြစ်ဒဏ် ချမှတ်ခံရခြင်း ဖြစ်သည်။

ချမှတ်ထားသည့် အဆိုပါပြစ်ဒဏ်သည် စစ်အစိုးရ ဗိုလ်ချုပ်မှူးကြီး သန်းရွှေ ကိုယ်တိုင် ဖျက်သိမ်းကြောင်း လက်မှတ်ရေးထိုးထားပြီး ဖြစ်၍ ဥပဒေကြောင်းအရ လွဲချော်နေသဖြင့် ပြင်ဆင်ပေးရန် ယနေ့ နောက်ဆုံးအဆင့် လျှောက်လဲခဲ့ခြင်း ဖြစ်ကြောင်း ဦးဉာဏ်ဝင်းက ပြောသည်။

“အမိန့်ချဖို့ သာမန်အားဖြင့် အနည်းဆုံး (၁) ပတ် ကြာတတ်ပါတယ်။ အခုလည်း ဘယ်နေ့ အမိန့်ချမလဲဆိုတာ သေချာ မသိသေးပါဘူး” ဟု ဦးဉာဏ်ဝင်းက ပြောသည်။

ဒေါ်အောင်ဆန်းစုကြည်၏ ပြစ်ဒဏ် (၁၈) လသက်တမ်းသည် လာမည့် နိုဝင်ဘာ (၁၃) ရက်နေ့၌ ကုန်ဆုံးမည် ဖြစ်ပြီး အဆိုပါ လွတ်မြောက်ရက်သည် ရွေးကောက်ပွဲ ကျင်းပရက်နောက်ပိုင်း (၆) ရက်အကြာတွင် ဖြစ်သည်။

ရှေ့နေ ဦးဉာဏ်ဝင်းက “အခု အယူခံဝင်တာက တရားလမ်းကြောင်းအရ အသက်မရှိတော့တဲ့ ဥပဒေနဲ့ ပြစ်ဒဏ်ပေးတာကို ထောက်ပြတာ ဖြစ်တယ်။ ကျနော်တို့ဘက်က အနိုင်ရရင် မြန်မာပြည်အတွက် နိုင်ငံတော် တရားရုံးက တရားဥပဒေအတိုင်း လိုက်နာမှုရှိတဲ့ ဥပမာကောင်းတခု ဖြစ်မှာပါ” ဟု ပြောသည်။

ချမှတ်ခဲ့သည့် ပြစ်ဒဏ်များအပေါ် အယူခံဝင်ခဲ့ရာတွင် ရန်ကုန်တိုင်း တရားရုံးက ပယ်ချခဲ့သည့်နောက်ပိုင်း ပြီးခဲ့သည့် မေလမှစ၍ ဗဟိုတရားရုံးချုပ်သို့ အကြိမ်ကြိမ် တင်သွင်းလျှောက်ထားခဲ့ရာမှ ယခုကဲ့သို့ နေပြည်တော် ဗဟိုတရားရုံးချုပ်၌ နောက်ဆုံးအဆင့် လျှောက်လဲခွင့် ရရှိခဲ့ခြင်း ဖြစ်သည်။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို နေအိမ်အကျယ်ချုပ် ထိန်းသိမ်းထားရာမှ ရှေ့လအတွင်း ပြန်လွှတ်ပေးမည် ဖြစ်ကြောင်း ဗီယက်နမ်နိုင်ငံ၊ ဟနွိုင်းမြို့တွင် ကျင်းပသည့် အရှေ့တောင်အာရှနိုင်ငံများအသင်း (အာစီယံ) ထိပ်သီးညီလာခံ တက်ရောက်နေသော မြန်မာနိုင်ငံခြားရေးဝန်ကြီး ဦးဉာဏ်ဝင်း၏ ပြောကြားချက်ကို ကိုးကား၍ အင်ဒိုနီးရှား နိုင်ငံခြားရေးဝန်ကြီး မာသီ နတ်တလီဂါဝါက ပြောဆိုခဲ့သည်။

ဒေါ်အောင်ဆန်းစုကြည်အမှု နေပြည်တော်တွင် ကြားနာ

မင်းနိုင်သူ Friday, 29 October 2010 18:06

အမျိုးသား ဒီမိုကရေစီ အဖွဲ့ချုပ် (NLD) အထွေထွေ အတွင်းရေးမှူး ဒေါ်အောင်ဆန်းစုကြည်၏ နေအိမ်အကျယ်ချုပ် အယူခံအမှုကို နေပြည်တော်ရှိ တရားရုံးချုပ်က ယနေ့ လက်ခံကြားနာ စစ်ဆေး ခဲ့သည်။

ယနေ့ တရားရုံးချုပ် ကြားနာမှုနှင့် စပ်လျဉ်း၍ NLD ဒုဥက္ကဌ ဦးတင်ဦးက “ဒီနေ့ မနက် ၁၀ နာရီတိတိမှာပဲ တရားသူကြီးချုပ် ဦးအောင်တိုး အပါအ၀င် တရားသူကြီး ၃ ဦးပါ အဖွဲ့က အမှုကို စတင် ကြားနာပါတယ်။ ဒီဘက်က ဦးကြည်ဝင်း၊ ဦးဥာဏ်ဝင်းနဲ့ ဒေါ်ခင်ဌေးကြွယ်တို့က အယူခံလျှောက်လဲချက်ပေးပြီး တဘက်ရှေ့နေကလည်း လျှောက်လဲချက်ပေးပါတယ်။ လိုက်ပါသွားကြတဲ့ ပါတီဝင်တွေကိုလည်း တရားရုံးချုပ်က ၀င်ရောက် နားထောင်ခွင့်ပြုခဲ့ပါတယ်။ နေ့လည် ၁ နာရီလောက်မှာ သူတို့ နှစ်ဘက် လျှောက်လဲချက် ပေးပြီးပြီလို့ သိရပါတယ်” ဟု ဧရာဝတီသို့ ပြောသည်။

ယနေ့ ကြားနာမှုသည် နေအိမ်အကျယ်ချုပ် အယူခံအတွက် နောက်ဆုံးတရားခွင်ဖြစ်ခဲ့ပြီး မည်ကဲ့သို့ ဆုံးဖြတ်သည်ကိုမူ တရားရုံးချုပ်က ချက်ခြင်းမထုတ်ပြန်သေးပေ။

“ဒီလိုကိစ္စမျိုးက ချက်ခြင်း ဆုံးဖြတ်ချက်ချလေ့မရှိပါဘူး။ သူတို့ နှစ်ဘက် လျှောက်လဲချက်တွေအပေါ် စဉ်းစား ဆုံးဖြတ်ပြီးမှ တရားရုံးချုပ်တွေမှာ ထုတ်ပြန်ပါလိမ့်မယ်။ အဲဒါကို ကျနော်တို့က စောင့်ကြည့်ကြရမှာပါ။ ဒီတပတ် သောကြာနေ့မှာ ကြားနာတဲ့ အမှုကို နောက်တပတ် သောကြာမတိုင်မီမှာ ထုတ်ပြန်လိမ့်မယ်လို့ ထင်ပါတယ်။ ဒါက ကျနော့်ထင်မြင်ချက်ပါ” ဟု ဦးတင်ဦးက ဆိုသည်။

နေအိမ်အကျယ်ချုပ်လျှောက်လဲချက် ပေးခဲ့ကြသော ဒေါ်အောင်ဆန်းစုကြည်၏ ရှေ့နေများသည် ယနေ့ ရန်ကုန်သို့ ပြန်လာနေကြဆဲ ဖြစ်သဖြင့် မည်ကဲ့သို့ လျှောက်လဲချက်ပေးခဲ့ကြသည်ကိုမူ မသိရသေးပေ။

ဒေါ်အောင်ဆန်းစုကြည်သည် ၂၀၀၂ ခုနှစ် မေလက နေအိမ်အကျယ်ချုပ်မှ လွတ်မြောက်လာစဉ် နိုင်ငံအနှံ့ ခရီးထွက်ပြီး လူထု တရားပွဲများကို ကျင်းပခဲ့ရာ ၂၀၀၃ ခုနှစ် မေလ၌ စစ်ကိုင်းတိုင်း ဒီပဲယင်းဒေသတွင် ဒေါ်အောင်ဆန်းစုကြည်၏ ယာဉ်တန်းကို စစ်အစိုးရ ကျောထောက်နောက်ခံပြုထား သူများက တားဆီး ရိုက်နှက်ပြီးနောက်ပိုင်း နေအိမ် အကျယ်ချုပ် ချမှတ်ခံခဲ့ရသည်။

နေအိမ်အကျယ်ချုပ်ဖြင့် နေရစဉ် ဒေါ်အောင်ဆန်းစုကြည်၏ နေအိမ်အတွင်း အမေရိကန် နိုင်ငံသား ဂျွန် ဝီလျံ ယက်ထောက ၂၀၀၉ ခုနှစ် သြဂုတ် ၁၁ ရက်နေ့တွင် ဝင်ရောက်ခဲ့သောကြောင့် ဒေါ်အောင်ဆန်းစုကြည်သည် နေအိမ်အကျယ်ချုပ် ဥပဒေကို ချိုးဖောက်သည်ဟု ဆိုကာ ထောင်ဒဏ် ၃ နှစ် ထပ်မံ ချမှတ်ခံခဲ့ရသည်။ ထို့နောက် စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေ အမိန့်ဖြင့် နေအိမ်အကျယ်ချုပ် ၁၈ လ သို့ လျှော့ချခဲ့သည်။

အဆိုပါ စီရင်ချက်အတွက် အယူခံလွှာကို ပြီးခဲ့သည့်နှစ် စက်တင်ဘာ ၄ ရက်တွင် ရန်ကုန်တိုင်း တရားရုံးသို့ တင်သွင်းရာ လက်ခံခဲ့သော်လည်း အောက်တိုဘာ ၂ ရက် ရုံးချိန်းတွင် ပလပ်ခံခဲ့ရသည်။

ထို့နောက် တရားရုံးချုပ် (ရန်ကုန်) က ယခုနှစ် အောက်တိုဘာ ၂၀ ရက်တွင် ပြန်လည် လက်ခံကြားနာခဲ့ပြီး နေပြည်တော် တရားရုံးချုပ်တွင် ဆက်လက်ကြားနာရန် ဆုံးဖြတ်ပေးခဲ့သည်။

နေပြည်တော်တရားရုံးချုပ်က ဗိုလ်ချုပ်မှူးကြီး သန်းရွှေအမိန့်ဖြင့် ချထားသော နေအိမ်အကျယ်ချုပ် ၁၈ လ ပြည့်ရန် ၁၅ ရက် အလိုတွင် လက်ခံ ကြားနာခဲ့ခြင်း ဖြစ်သည်။

လွန်ခဲ့သော နှစ်ပေါင်း ၂၀ ကျော်အတွင်း ဒေါ်အောင်ဆန်းစုကြည်ကို စစ်အစိုးရက ၁၅ နှစ်ကျော်ကြာ နေအိမ်အကျယ်ချုပ်ဖြင့် ထိန်းသိမ်းထားခဲ့သည်။

အဲပုဂံကို မစီးရန် သပိတ်မှောက်

သန်းထိုက်ဦး Friday, 29 October 2010

စစ်အစိုး ရနှင့် နီးစပ်သည့် စီးပွားရေး လုပ်ငန်းရှင်ကြီး ဦးတေဇ၏ အဲပုဂံ (Air Bagan) လေကြောင်းလိုင်းကို ခရီးသွားများအနေဖြင့် မစီးကြရန် မြန်မာ့အရေး လှုပ်ရှားနေသော နိုင်ငံခြားသားတချို့က ထိုင်းနိုင်ငံမြောက်ပိုင်း ချင်းမိုင်မြို့ရှိ အဲပုဂံ ရုံးခွဲရှေ့တွင် ယမန်နေ့က ကန့်ကွက် ဆန္ဒပြခဲ့ကြသည်။

ဆန္ဒပြသူများက ဒေါ်အောင်ဆန်းစုကြည်၏ ဓာတ်ပုံနှင့် အဲပုဂံကို ဆန့်ကျင်ကြောင်း ပိုစတာများ ကိုင်ဆောင်၍ ဆန္ဒပြခဲ့ကြခြင်း ဖြစ်သည်။

“ဒီ လေကြောင်းလိုင်းကို စီးတာဟာ မြန်မာစစ်အစိုးရကို ထောက်ပံ့နေတာနဲ့ အတူတူပဲ ဆိုတာကို ခရီးသည်တွေ နားလည်စေ ချင်ပါတယ်။ အဲပုဂံကို လုံးဝ မစီးပါနဲ့၊ ဘာဖြစ်လို့လဲဆိုတော့ ဒီလူက ဗိုလ်ချုပ်ကြီးတွေရဲ့ အကျိုးတူ စီးပွားဖက်ဖြစ်နေလို့ပဲ” ဟု ဆန္ဒပြပွဲတွင်ပါဝင်ခဲ့သူ အမျိုးသမီးတဦးက ပြောသည်။

ချင်းမိုင်မြို့တွင် အဲပုဂံရုံးခွဲ မရှိသင့်ကြောင်း တောင်းဆိုခဲ့ကြပြီး အဲပုဂံ လေကြောင်းလိုင်းအား ကန့်ကွက်သည့် စာရွက်စာတမ်းများကိုလည်း လူစည်ကားရာ ကားဂိတ်နှင့် ဈေးများတွင်လည်း လိုက်လံ ပေးကမ်းခဲ့ကြောင်း သိရသည်။

နိုင်ငံခြားသားများ၏ ဆန္ဒပြ ကန့်ကွက်မှုစတင်သည်နှင့် အဲပုဂံရုံး တံခါးများကို ချက်ချင်း ပိတ်လိုက်သည်ဟု သွားရောက်ကြည့်ရှုသူတဦးက ပြောသည်။

အဲပုဂံရုံးခွဲသို့ ဧရာဝတီက ယနေ့ ဆက်သွယ်မေးမြန်းခဲ့ရာ တာဝန်ရှိသူ ဝန်ထမ်းတဦးက “ဆန္ဒပြတာ ရွေးကောက်ပွဲနဲ့ ပတ်သက်လို့ နေမှာပေါ့။ ကျနော်က ထိုင်းနိုင်ငံသားဆိုတော့ သိပ်တော့ မသိဘူး” ဟု ဖြေကြားသည်။

ယနေ့တွင် အဲပုဂံရုံးခွဲကို ပြန်လည် ဖွင့်လှစ်ထားကြောင်းလည်း သိရသည်။

အဲပုဂံ လေကြောင်းလိုင်းသည် ရန်ကုန်-ချင်းမိုင် ခရီးစဉ်ကို တပတ်လျှင် ၂ ကြိမ်နှုန်းဖြင့် ကြာသပတေးနှင့် တနင်္ဂနွေနေ့တို့တွင် ပြေးဆွဲနေကြောင်း၊ မြန်မာနိုင်ငံမှ ချင်းမိုင်သို့ လာရောက်သူများထဲတွင် အလည်အပတ် ခရီးထွက်သူများ၊ စီးပွားရေးသမားများ၊ ကျောင်းသူကျောင်းသားများ၊ ရဟန်းသံဃာများ ပါဝင်ကြောင်း သိရသည်။

သက်တမ်း ၅ နှစ်ကျော်လာပြီ ဖြစ်သည့် အဲပုဂံ လေကြောင်းလိုင်းသည် ယခုအခါ မြန်မာပြည်တွင်း ၁၆ မြို့နှင့် ပြည်ပတွင် အာရှ ၇ နိုင်ငံသို့ ပြေးဆွဲနေသည်။

အဲပုဂံတွင် စုစုပေါင်း လေယာဉ် ၈ စီး ရှိပြီး လေယာဉ် အမျိုးအစား များမှာ A310 ၂ စီး၊ F-100 ၂ စီး၊ ATR-72 ၂ စီး၊ ATR-42 ၂ စီးတို့ ဖြစ်သည်ဟု အဲပုဂံ၏ ဖေဖော်ဝါရီလထုတ် Lotus စာစောင်တွင် ဖော်ပြထားသည်။

ယခင်ကလည်း ချင်းမိုင်မြို့သို့ အပြည်ပြည်ဆိုင်ရာ မြန်မာ့လေကြောင်း (MAI)၊ အဲမန္တလေး (Air Mandalay) စသည့် ပုဂ္ဂလိက လေကြောင်းလိုင်းများ ပြေးဆွဲခဲ့ဖူးသည်။ အဲမန္တလေးက ၂၀၀၈ ခုနှစ် စက်တင်ဘာလတွင် ရန်ကုန်-ချင်းမိုင် ခရီးစဉ်ကို ရပ်နားခဲ့သည်။

ဗုံးဖေါက်ခွဲမှု၌ တပ်မတော်သားများကိုယ်တိုင် ပါဝင်ဟု ABSDF တုန့်ပြန်

သျှမ်းသံတော်ဆင့်

ပဲခူးမြို့ ဥသာမြို့သစ် အမှတ် ၈ ရပ်ကွက် အေးချမ်းသာယာရေးနှင့်ဖွံ့ဖြိုးရေး ကောင်စီရုံး စက်တင်ဘာလ ၂၉ ရက် ဗုံးဖေါက် ခွဲမှုတွင် တပ်မတော်သားများကိုယ်တိုင် ပါဝင်ကြောင်း မြန်မာနိူင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး ABSDF က ပြောဆိုလိုက်သည်။

အဆိုပါ ဗုံးဖေါက်ခွဲမှုကို ABSDF မှ ဒုဗိုလ်မှူးကြီးအဆင့်ရှိ ကိုဝေလင်းဇင်နှင့် အဖွဲ့ဝင် ကိုခင်ကျော်တို့က ကြိုးကိုင်စေခိုင်းခဲ့ သည် ဆိုသော ယခုလ ၂၆ ရက်ထုတ် မြန်မာ့အလင်းသတင်းစာပါ နအဖ၏ စွပ်စွဲချက်ကို ABSDF က တုန့်ပြန် လိုက်ခြင်း ဖြစ်သည်။

အောက်တိုဘာ ၂၈ ရက်က ထုတ်ပြန်သည့် ABSDF ကြေငြာချက်၌ နအဖ၏ သတင်းထုတ်ပြန်ချက်အရ ပဲခူး ဗုံးဖေါက်ခွဲမှု တွင် အဖမ်းခံခဲ့ရသူ ၄ ဦးအနက် ကိုမင်းမင်းထွန်းမှာ ရန်ကုန်တိုင်း တောင်ဥက္ကလာပမြို့နယ် စစ်ဘက်ရေးရာ လုံခြုံရေးတပ်ဖွဲ့ မှ တပ်ဆွယ်မှူးဖြစ်ကြောင်း၊ ကိုအောင်မျိုးမင်းသူမှာလည်း ရန်ကုန်တိုင်း အင်းတိုင်ပင်မစစ်လက်နက် ပစ္စည်း ထုတ်လုပ်ရေး တပ်မှ တပ်ကြပ်ကြီး ဖြစ်ကြောင်း ဖေါ်ပြထားသည်။

စစ်အုပ်စု ဆန့်ကျင်ရေးလှုပ်ရှားမှုတွင် တပ်မတော်သားများ ကိုယ်တိုင် ပါဝင်လာသည့်အချက်ကို စစ်အုပ်စု သတင်းထုတ်ပြန် ချက်က ဖုံးကွယ်ထားကြောင်း ABSDF ဥက္ကဋ္ဌ ရဲဘော်သံခဲက RFA သတင်းဋ္ဌာနနှင့် ဆက်သွယ်မေးမြန်းချက်တွင် ပြောကြား ခဲ့သည်။

ထို့အပြင် လွတ်မြောက်ရေးတိုက်ပွဲဝင်မှုများ၏ အဓိကတာဝန်ရှိသူမှာ ဖိနှိပ်အုပ်ချုပ်သည့် စစ်အစိုးရသာ ဖြစ်ပြီး တိုင်းပြည် အတွင်း ဖြစ်ပေါ်နေသည့် နိုင်ငံရေးပြဿနာများ မှန်ကန်စွာမဖြေရှင်းသ၍ တိုက်ပွဲဝင်မှုများ လိုအပ်နေဦးမည် ဟု ကြေငြာ ချက်က ဆိုသည်။

စစ်အာဏာရှင်စနစ်အောက်၌ သာမန်ပြည်သူများသာမက တပ်မတော်သားများပါ အဖိနှိပ်ခံရမှုကြောင့် စစ်အာဏာရှင် စနစ် တိုက်ဖျက်ရေးတွင် တပ်မတော်သားများပါဝင်လာခြင်း ဖြစ်ပြီး ABSDF ကကြိုဆိုထောက်ခံကြောင်း ဖေါ်ပြထားသည်။

ပဲခူးမြို့ရှိ လူ့အခွင့်အရေးလှုပ်ရှားနေသော လမ်းပြကြယ်အဖွဲ့မှ ရှေ့နေဦးအေးမြင့်ကလည်း ပဲခူးဗုံးဖေါက်ခွဲမှုတွင် ပါဝင်သူမှာ ရန်ကုန်တိုင်း စရဖအဖွဲ့မှ ဖြစ်ကြောင်း ရဲအရာရှိများ၏ ပြောကြားချက်ကို ကိုးကား၍ ၄င်းဗုံးခွဲမှု ဖြစ်ပွားသည့် နေ့၌ RFA သတင်း ဋ္ဌာနသို့ ပြောကြားခဲ့သေးသည်။

မြန်မာနိူင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦးသည် ၁၉၈၈ မြန်မာ့ဒီမိုကရေစီလူထုအုံကြွမှုအပြီး နဝတ စစ် အုပ်စုကို လက်နက်ကိုင်တော်လှန်ရန် ကျောင်းသားအများစုပါဝင် ဖွဲ့စည်းခဲ့သည့် အဖွဲ့ဖြစ်ပြီး ယနေ့တိုင် နအဖ စစ်အုပ်စုကို လက်နက်ကိုင်ဆန့်ကျင်နေသော တပ်ဖြစ်သည်။

ဗိုလ်ချုပ်မှူးကြီး သန်းရွှေ သမ္မတ မလုပ်ဘူးလား

ရန်ပိုင်

ရွေးကောက်ပွဲတွင် ပြည်ထောင်စု ကြံ့ခိုင်ရေးနှင့် ဖွံဖြိုးရေးပါတီ (ကြံ့ဖွံ့ပါတီ) အနိုင်ရလျှင် ဗိုလ်ချုပ်မှူးကြီး သန်းရွှေ နှင့် ဒု ဗိုလ်ချုပ်မှူးကြီး မောင်အေးတို့ကို ပါတီဝင် မဟုတ်သည့် အတွက် သမ္မတလောင်း စာရင်း တင်သွင်းရန် သေချာမည် မဟုတ် ကြောင်း ကြံ့ဖွံ့ပါတီ အတွင်းရေးမှူး ဦးဌေးဦးက ယမန်နေ့တွင် ပြုလုပ်သည့် သတင်းစာရှင်းလင်းပွဲတွင် ပြောဆိုလိုက်သည်။

ဦးဌေးဦးက“ဗိုလ်ချုပ်မှူးကြီးက နိုင်ငံတော်အပေါ်မှာ အတော်သံယောဇဉ်ရှိပါတယ်။ တိုးတက်ဖို့လည်း အမြဲတွေးတောနေတာပါ။ ဒါကြောင့်လည်း ဒီလို တိုးတက်မှုတွေ ဆောင်ရွက်မယ့် အဖွဲ့အစည်းကို ထူထောင်တာပါ။ ဒါပေမယ့် သူမပါပါဘူး”ဟု ဆိုသည်။

ထို့အပြင် ကြံ့ဖွံ့ပါတီ အနိုင်ရခဲ့လျှင် တင်သွင်းမည့် သမ္မတလောင်း စာရင်းကို လျာထားပြီး ဖြစ်ကြောင်းလည်း သိရသည်။

လယ်ယာ စိုက်ပျိုးရေးနှင့် ဆည်မြောင်းဝန်ကြီးဌာန ၀န်ကြီး ဦးဌေးဦးသည် ဗိုလ်ချုပ်ဟောင်းတဦးဖြစ်ပြီး ပြည်သူ့လွှတ်တော် ကိုယ်စားလှယ်လောင်းအဖြစ် ၎င်း၏ ဇာတိဖြစ်သည့် ဧရာဝတီတိုင်း ဟင်္သာတမြို့နယ်မှ ၀င်ရောက် အရွေးခံမည်ဖြစ်သည်။

အဆိုပါ သတင်းစာရှင်းလင်းပွဲကို ရန်ကုန်မြို့ တက္ကသိုလ်ရိပ်သာလမ်းရှိ ကြံ့ဖွံ့ပါတီ ရုံးတွင်ပြုလုပ်ခဲ့ခြင်းဖြစ်ပြီး ရန်ကုန်မြို့တော် ၀န် ဦးအောင်သိန်းလင်းလည်း တက်ရောက်ခဲ့သည်ဟု သိရသည်။

မြို့တော်ဝန် ဦးအောင်သိန်းလင်းသည် ပြည်တွင်းပြည်ပမှ စာနယ်ဇင်းသမားများ၏ မေးခွန်းများကို မချေမငံ တုံ့ပြန်သည့် အတွက် ဦးဌေးဦးမှသာ တာဝန်ယူဖြေကြားခဲ့သည်ဟု တက်ရောက်ခဲ့သည့် စာနယ်ဇင်းသမားတဦးက ပြောသည်။

ရန်ကုန်မြို့တွင် ခင်းပေးနေသည့် လမ်းများနှင့် ပတ်သက်၍ မြို့တော်စည်ပင်က ပြုလုပ်ပေးခြင်းလား၊ ပါတီမှ ခင်းပေးနေခြင်း လား ဆိုသည့် မေးခွန်းကို မြို့တော်စည်ပင်မှ ခင်းပေးနေခြင်းသာဖြစ်သည်ဟု ဦးဌေးဦးက ဖြေကြားခဲ့သော်လည်း ဦးအောင်သိန်းလင်းက ဖြေကြားရန် ငြင်းဆိုခဲ့သည်။

ဦးအောင်သိန်းလင်းသည် ဗိုလ်မှူးချုပ်ဟောင်းတဦးဖြစ်ပြီး ရန်ကုန်တိုင်း တောင်ဥက္ကလာပမြို့နယ်မှ ပြည်သူ့လွှတ်တော် ကိုယ်စားလှယ်လောင်း အဖြစ် ၀င်ရောက်အရွေးခံမည် ဖြစ်သည်။

ကြံ့ဖွံ့ပါတီသည် ယခင်က လူမှုရေးအသင်းအဖြစ် ရပ်တည်ခဲ့သော်လည်း ယခုနှစ် ဧပြီလ ၂၉ ရက်နေ့မှစ၍ နိုင်ငံရေးပါတီ အဖြစ် ပြည်ထောင်စု ရွေးကောက်ပွဲ ကော်မရှင်တွင် မှတ်ပုံတင်ခဲ့သည်။

ကြံ့ဖွံ့ပါတီ၏ လက်ရှိ သုံးစွဲနေသည့် ရန်ပုံငွေနှင့် ပတ်သက်၍လည်း ဥပဒေနှင့် ငြိစွန်းနိုင်သည့်အတွက် အစိုးရထံမှ ထောက်ပံ့ ကြေး မယူပါကြောင်း၊ ယခင်ကတည်းက ပါတီ တည်ထောင်ရန် ရည်ရွယ်ချက်ရှိသည့်အတွက် မည်သည့် ငွေကြေး အထောက် အပံ့ကိုမျှ မယူခဲ့ကြောင်း ဦးဌေးဦးက ပြောသည်။

အကယ်၍ ကြံ့ဖွံ့ပါတီ အနိုင်ရခဲ့ပါက စာနယ်ဇင်းလွတ်လပ်ခွင့်ကို ဒို့တာဝန်အရေး သုံးပါးနှင့် မဆန့်ကျင်သရွေ့ လွတ်လပ်ခွင့် ပေးမည်ဖြစ်ကြောင်း၊ သို့သော်လည်း စာနယ်ဇင်းများအနေဖြင့် တိုင်းပြည်နှင့် လူမျိုးအတွက် စေတနာထားရန် လိုအပ်ကြောင်း ၎င်းက ဆက်လက် ပြောကြားသည်။

လက်ရှိ အနေအထားအရ ကြံ့ဖွံ့ပါတီသည် မဲဆန္ဒနယ် ၅၂ နေရာတွင် ပြိုင်ဘက်ပါတီများ မရှိသည့်အတွက် အနိုင်ရရန် သေချာပြီး ဖြစ်သည်။

သတင်းစာရှင်းလင်းပွဲသည် အချိန် ၃နာရီကျော်ကြာပြီး ညနေ ၄ နာရီ မိနစ် ၃၀ တွင် ပြီးဆုံးခဲ့သည်။

နအဖတပ်နယ်ထပ်ကျွံလာရင် နောက်မဆုတ်တမ်းခုခံရန် အပစ်ရပ် SSA စစ်မိန့်ထုတ်ထား

သျှမ်းသံတော်ဆင့်

ပြည်သူ့စစ်လုပ်ရန်ငြင်းဆန်သည့် သျှမ်းပြည်တပ်မတော် မြောက်ပိုင်းတပ်မဟာ၁ ထိန်းချုပ်နယ်မြေသို့ တပ်အင်အားဖြည့် တင်းခဲ့သော နအဖစစ်တပ်များ နယ်ထပ်ကျွံဝင်လာပါက မဆုတ်တမ်း ခုခံတိုက်ခိုက်ရန် ဌာနချုပ်က တပ်လှန့်အမိန့်ပေး ထားကြောင်း စုံစမ်းသိရှိရသည်။

“ဒီလ 20 ရက်နေ့နောက်ပိုင်း နအဖတပ်တွေ တိုးဖြည့်ရတဲ့အကြောင်းရင်းက ၃ ခုရှိတယ် ၁။ နယ်မြေကျွမ်းကျင် မှုပိုရှိဖုို့၊ ၂။ ကျေးလက်လူထုအပေါ် နအဖစစ်တပ်သြဇာကိုဖြန့်ပြီး၊ တပ်မဟာ ၁ ရဲ့ သြဇာချေဖျက်ဖုို့ ၃။ SSA တပ်မဟာ ၁ လက်နက်ချ လာအောင်(သို့) ပြည်သူ့စစ်အသွင်ပြောင်းလာအောင် ကျေးလက်လူထုကနေဖြောင်း ဖြခိုင်းဖို့၊ စစ်ဖြစ်လာရင်လူထုကဘဲ စစ်ဒဏ်ခံရမှာမို့နအဖကိုအလိုလိုက်ပါ ဆိုပြီး SSA တပ်မဟာ ၁ ဆီိ အသနား ခံခိုင်းမယ်လို့သတင်းတွေကြားနေရတယ်” - ဟု တပ်မဟာ ၁ မှ တပ်မှူးတဦးက ပြောသည်။

လွယ်လင်အခြေစိုက် ခလရ ၉ က အင်အား ၇၀ ဖြင့် တပ်မဟာ ၁ ဌာနချုပ်အနောက် တောင်ဘက် မိုင်းနန်း တိုက်နယ်နှင့် ၀မ့်ဇါတ်ဂျူတောင်းတိုက်နယ်ဘက်သို့လည်းကောင်း၊ ကျေးသီးအခြေစိုက် ခလရ ၁၃၁ ကလည်းအင်အား ၆၀ ဖြင့် မိုင်း ကောဝ် နောင်ဆွမ်းတိုက်နယ် ပန်ယိမ်း ပန်မုန့်ရွာဘက်သို့ လည်းကောင်း၊ ကွန်ဟိန်းဗျူဟာ လက် အောက်ခံ ခလရ ၂၄၆ က အောင်ဆန်းဦး ဦးဆောင်သည့်စစ်ကြောင်းကလည်းတပ်မဟာဌာနချုပ်တောင်ဘက် 7-8 မိုင်အကွာ ဟိုင်းပါတိုက်နယ် မိုင်းအတ်ရွာ၊ နမ့်ပူ၊ နမ့်ပုတ်၊ လွယ်ရွဲ၊ နောင်ခေတ် ရွာဘက်မှ လည်းကောင်း ဖြည့်တင်းလှုပ်ရှားလာသည်သည်ဟု ဆို၏။

“ကျနော်တို့ကို ဗမာစစ်သားတွေလာပြောတယ် - သူတို့တက်လာတာက သျှမ်းတပ်ကိုတိုက်ဖို့ မဟုတ်ဘူး။ သျှမ်းတပ်ဖွဲ့ တွေသွားလာလှုပ်ရှားတဲ့လမ်းကြောင်းကိုပြောပေးပါ။ ပက်ပင်းတိုးမိရင် ပစ်မိ ခတ်မိမှာစိုးလို့- တဲ့။ သျှမ်းတပ်ကတော့ နောက် မဆုတ်ရင် တိုက်မယ်လို့ပြောတယ်” ဟု မိုင်းနန်းဒေသ ခံတဦးက ပြောသည်။

နအဖ၏ နည်းဗျူဟာကို ကြိုသိထားသော SSA တပ်မဟာ ၁ ဘက်ကလည်း ခုခံကာကွယ်ရန်ပြင်ဆင်မှုများ ပြုလုပ်ထား သည့် အပြင် တိုက်ပွဲဖြစ်ပွါးခဲ့ပါကတပ်ဆုပ်ခွင့်လုံးဝ မရှိကြောင်း ရှေ့တန်းတပ်မှူးများအား အမိန့်ထုတ်ထားသည်ဟုလည်း တပ်ရင်းမှူးတဦးကပြောပြသည်။

“နအဖတပ်ရုံးအဖွဲ့တွေ ရွာထဲမှာ စခန်းချတယ်။ ရွာထဲတောထဲကို တပ်စိတ်တွေလွှတ်တယ်။ သူတို့မှာ GPS Global Position System လို့ခေါ်တဲ့ မြေပုံညွှန်းကိရိယာတွေပါတယ်” - ဟု ၄င်းကပြောပါသည်။

ပြီးခဲ့သည့် ၂၀ ရက်က တာ့ကော့အခြေစိုက် ခလရ ၂၉၆ မှ အင်အား ၇၀ ခန့်ရှိ တပ်ဖွဲ့တဖွဲ့ SSA တပ်မဟာ ၁ ထိန်းချုပ် နယ်မြေ လွယ်ဖာဇင်းမ်ရှိ ခေါက်စန့်တိုက်နယ်အတွင်းနယ်ကျွံဝင်ရာ ပြန်မဆုတ်ခွါပါက ပစ်ခတ်မည်ဟု SSA က ရာဇသံပေး တော့မှ နောက်ပြန်ဆုတ်သွားခဲ့သည်ဟုလည်း သိရ၏။

အဆိုပါကိစ္စနှင့်ပါတ်သက်၍ - တပ်မဟာ ၁ သတိဝိရိယရော့ရဲပြီး ပေါ့လျော့သတိလစ်စေရန်ကစားနေခြင်းဖြစ်ပြီး အချက်ပိုင် သည်နှင့် လျှပ်တပြတ်ဝင်ရောက်တိုက်ခိုက်နိုင်ရန် နည်းဗျူဟာသုံးနေသည်ဟု SSA လွယ်တိုင်း လျဲန်းဌာနချုပ် အရာရှိတဦး က ကောက်ချက်ချပြောကြားပါသည်။

ကြံ့ဖွံ့ပါတီ အင်အားတောင့်၍ အနိုင်ရမည်ဟု ဆို

နရီလင်းလက်

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) ၀င် အင်အား ၁၆ သန်းမှ ၁၈ သန်း ကြားတွင် ရှိပြီး ကြံ့ဖွံ့ပါတီက ရာနှုန်းပြည့် အနိုင်ရမည်ဟု ပါတီတာဝန်ရှိသူ တဦးက ပြောကြောင်း သိရသည်။

ယမန်နေ့က ပြုလုပ်သော ကြံ့ဖွံ့ပါတီ၏ သတင်းစာရှင်းလင်းပွဲတွင် ပါတီအထွေထွေ အတွင်းရေးမှူးဖြစ်သူ လယ်ယာနှင့် ဆည်မြောင်းဝန်ကြီး ဦးဌေးဦးက ထိုသို့ ပြောကြားလိုက်ခြင်း ဖြစ်သည်။ ထိုသတင်းစာ ရှင်းလင်းပွဲသို့ ရန်ကုန်မြို့တော်ဝန် ဦးအောင်သိန်းလင်းလည်း တက်ရောက်သည်။

“သူတို့ပြောတဲ့ စကားတွေကို သေချာ ချတွက်ကြည့်မယ်ဆို ကြံ့ဖွံ့ပါတီကနေ ၀င်ပြိုင်မယ့် လူကပဲ ၁၆ သန်းကနေ ၁၈ သန်း။ ကျန်တဲ့ ပါတီတွေက တပါတီကို သန်းနဲ့ချီ မရှိဘူး။ ဒီမှာတင် သူ့ပါတီကို သူထည့်တာနဲ့တင် အနိုင်ရမှာက တခု၊ ကြံ့ဖွံ့ပါတီဝင် မဟုတ်ဘဲ စည်းရုံးလို့ ရလာမယ့် နေရာကတခု၊ ဒီလောက်နဲ့ တင် သေချာပေါက် နိုင်နေပြီ” ဟု သတင်းစာ ရှင်းလင်းပွဲသို့ တက်ရောက်ခဲ့သည့် သတင်းထောက်တဦးက ဧရာဝတီသို့ ပြောသည်။

မြန်မာတနိုင်ငံတဝန်း မဲဆန္ဒပေးပိုင်ခွင့်ရှိသည့် လူဦးရေ ၂၉ သန်းရှိကြောင်း သိရှိရသည်။

ကြံ့ဖွံ့ပါတီသည် ပါတီဝင်များပြားသောကြောင့် လွှတ်တော်တွင် နေရာအများအပြား ရမည်ဟုထင်ကြောင်း၊ ကြံ့ဖွံ့ပါတီမှ တင်သွင်းမည့် သမ္မတလောင်းအား စဉ်းစားထားပြီး ဖြစ်သော်လည်း ယခုအချိ်န်တွင် ပြောဆိုရန် မသင့်သေးကြောင်း ဦးဌေးဦးက ပြောသည်။

ကြံ့ဖွံ့ပါတီသည် ပြိုင်ဘက်နိုင်ငံရေးပါတီများထက် ငွေကြေးအင်အား၊ လူအင်အား အတောင့်တင်းဆုံးပါတီ ဖြစ်သည်ဟု ဆိုသော်လည်း လာမည့်ရွေးကောက်ပွဲတွင် အနိုင်ရရှိရန် နည်းလမ်းမျိုးစုံအသုံးပြုလျက် ရှိသည်။

စစ်အစိုးရ ဦးဆောင်ကျင်းပမည့် ၂၀၁၀ ရွေးကောက်ပွဲတွင် နိုင်ငံရေးပါတီ အသီးသီးမှ လွှတ်တော်ကိုယ်စားလှယ်ပေါင်း ၃၀၇၁ ဦးနှင့် တသီးပုဂ္ဂလ ကိုယ်စားလှယ်ပေါင်း ၈၂ ဦး ပါဝင်ယှဉ်ပြိုင်ကြမည်ဖြစ်ပြီး ရွေးကောက်ပွဲ မဲဆန္ဒပေးရန် ၉ ရက်သာ လိုတော့ သည်။

စစ်အာဏာရှင် အသက်ဆက်မယ့် ရွေးကောက်ပွဲ

လင်းသန့်

လာမယ့်နိုဝင်ဘာ ၇ ရက်နေ့မှာကျင်းပမယ့် ရွေးကောက်ပွဲဟာ တရားမျှတပြီး လွတ်လပ်တဲ့ အားလုံးပူးပေါင်း ပါဝင်နိုင်တဲ့ ရွေးကောက်ပွဲတရပ်အဖြစ် အားလုံးကတောင်းဆိုနေကြစဉ်မှာ လေးနက်တဲ့နောက်ကြောင်းပြန် လေ့လာမှုတွေ လုပ်နေသူတွေ ဒု နဲ့ ဒေးပါ။

ဒီ ရွေးကောက်ပွဲ အကြောင်း ပြောတော့မယ်ဆိုရင် ပထမဆုံး ပြီးခဲ့တဲ့ ရွေးကောက်ပွဲကို ပြန်ပြောင်း ကြည့်တာ ပိုကောင်းမယ် ထင်ပါ တယ်။

ပြီးခဲ့တဲ့ ၁၉၉၀ ပြည့် မေလ ၂၇ ရက်နေ့ က ကျင်းပခဲ့တဲ့ ရွေးကောက်ပွဲဟာ ပါတီစုံ ဒီမိုကရေစီ အထွေထွေ ရွေးကောက်ပွဲကြီး ဖြစ် တယ်။ အဓိပ္ပာယ်က တိုင်းပြည်ရဲ့အာဏာ သုံးရပ်လို့ ခေါ်တဲ့ အုပ်ချုပ်ရေး အာဏာ( Administrative Power)၊ တရားစီရင်ရေး အာဏာ(Judicial Power)၊ ဥပဒေပြုရေး အာဏာ(Legislative Power) ဆိုတဲ့ အာဏာသုံးရပ်လုံးနဲ့ယှဉ်တဲ့ ပါတီစုံ ဒီမိုကရေစီ အထွေထွေ ရွေးကောက်ပြွဲကီးဖြစ်တယ်။ ဒီရွေးကောက်ပွဲကြီးဟာ မြန်မာ့သမိုင်းမှာ အမြဲရှေ့တန်းက ဦးဆောင်ပါဝင်လေ့ရှိကြ
တဲ့ ကျောင်းသားတွေ ဦးဆောင်မှုကနေ ပေါက်ဖွားလာတဲ့ ရှစ် လေးလုံး ဒီမိုကရေစီ အရေးတော်ပုံကြီးရဲ့အသီးအပွင့် တရပ်လည်း ဖြစ်တယ်။

၁၉၈၈ ခု လူထု အုံကြွမှုမှာ မြန်မာ့ဆိုရှယ်လစ် လမ်းစဉ်ပါတီ အစိုးရ၊ ဦးစိန်လွင် အစိုးရ၊ ဒေါက်တာမောင်မောင် အစိုးရ ဆိုတဲ့ အစိုးရ သုံးဆက် ပြုတ်ကျအောင် နိုင်ငံသားတွေက ဆန့်ကျင်ကန့်ကွက် ဆန္ဒပြမှုများဖြစ်ပေါ်ပြီး ရက်စက်စွာ သတ်ဖြတ်ညှဉ်းဆဲ ဖြိုခွင်း ခဲ့ အပြီး န၀တ ခေါ် စစ်ကောင်စီက အာဏာ သိမ်းယူခဲ့တယ်။

ဒီလို အာဏာသိမ်းယူခဲ့ပြီး တိုင်းပြည်ကို ဒီမိုကရေစီ စနစ်ကိုဖေါ်ဆောင်ပေးပါမယ်၊ အထွေထွေရွေးကောက်ပွဲကြီး ကျင်းပပေးမယ် ဆိုတဲ့ ကတိတွေ နဲ့ တက်လာခဲ့တယ်။ အဲဒီအချိန်တုန်းက နိုင်ငံရေးပါတီပေါင်း နှစ်ရာလောက် မှတ်ပုံတင်ခဲ့ကြတယ်။ ဒါဟာ မြန်မာ နိုင်ငံမှာ ဒီမိုကရေစီ စနစ်ကိုသွားရာမှာ နိုင်ငံရေးပါတီတွေအနေနဲ့ တိုင်းပြည်တပြည်မှာ ရွေးကောက်ပွဲဆိုတာ ဒီမိုကရေစီ ဖြစ်စဉ် ရဲ့ ဖြတ်သန်း သွားကြရမယ့်မှတ်တိုင်တွေ ပဲလို့ သဘောထားခဲ့ကြတာ တကြောင်း ၊ ဒီမိုကရေစီ စံနစ်ကို အသွင်ကူး ပြောင်းကြ ရာ မှာ ငြင်သာသိမ်မွေ့ စေလိုပြီး နိုင်ငံသူနိုင်ငံသားတို့ ရဲ့အသက်သွေးချွေး ဘ၀တွေကို ထပ်မံသွေးမစွန်းစေလိုသော ဆန္ဒတွေနဲ့ နိုင်ငံသားတွေလိုလားတောင့်တနေကြတဲ့ ဒီမိုကရေစီကို အကောင်းဆုံးကြိုးပမ်းဆောင်ရွက်ဖို့ ဆိုတာတွေနဲ့ ရွေးကောက်ပွဲကြီးမှာ ပူးပေါင်းပါဝင် ယှဉ်ပြိုင်ခဲ့ကြတယ်။ တပ်မတော်အစိုးရ ကျောထောက်နောက်ခံပြုထားတဲ့ အာဏာရှင်ဟောင်း ဦးနေ၀င်း ရဲ့ မြန်မာ့ ဆိုရှယ်လစ် လမ်းစဉ်ပါတီ တဖြစ်လဲ တိုင်းရင်းသား စည်းလုံးညီညွတ်ရေးပါတီ လည်း ၀င်ရောက်ယှဉ်ပြိုင်ခဲ့တယ်။

တိုင်းရင်းသားပါတီတွေလဲ ၀င်ရောက်ယှဉ်ပြိုင်ခဲ့ကြတယ်။ တသီးပုဂ္ဂလတွေလည်း ၀င်ရောက်ယှဉ်ပြိုင်ခဲ့ကြတယ်။ ဒါပေမယ့် ဒေါ်အောင်ဆန်းစုကြည်၊ ကျောင်းသားခေါင်းဆောင် ကိုမင်းကိုနိုင် အစရှိတဲ့ သူတွေကတော့ အကျဉ်းထောင်ထဲ ရောက်နေသူတွေ နဲ့ နေအိမ် အကျယ်ချုပ်ကျခံနေရသူတွေ အဖြစ်နဲ့ ၁၉၉၀ ရွေးကောက်ပွဲကို ဖြတ်သန်းခဲ့ကြရတယ်။ နိုင်ငံသူနိုင်ငံသားတွေကလည်း အကျဉ်းထောင်တွေထဲက နိုင်ငံရေးအကျဉ်းသားတွေ လွတ်ဖို့ ၊ လူမူ ဘ၀ ဆင်းရဲ့မူတွေကနေ ကျော်လွှားနိုင်ဖို့၊ လွတ်လပ်တဲ့ လူ့ အဖွဲ့အစည်း တရပ် ပေါ်ပေါက်လာပြီး လူ့ အခွင့်အရေးတွေ အပြည့်အ၀ရရှိဖို့ လူတိုင်း တန်းတူအခွင့်အရေးတွေနဲ့တရားမျှတတဲ့ လူမူ ၀န်းကျင်တရပ်ပေါ်ပေါက်လာစေဖို့ စတဲ့ ရည်ရွယ်ချက်တွေနဲ့ ပါတီစုံဒီမိုကရေစီ အထွေထွေ ရွေးကောက်ပွဲကြီးမှာ အားလုံး ပူးပေါင်း ပါဝင်ခဲ့ကြတယ်။

ဒါဟာ မြန်မာ့နိုင်ငံရေးသမိုင်းမှာ နိုင်ငံသားတိုင်းရဲ့နိုင်ငံရေးမှာ မိမိတို့ တဦးချင်းစီက မိမိတို့သမိုင်း မိမိတို့ ကိုယ်တိုင်ဝင်ရောက် ရေးထိုးနိုင်ရေးအတွက် အားတက်သရော ဆန္ဒမဲပေးခဲ့ကြတယ်။ သူတို့ လိုချင်မျှော်လင့်တောင့်တမှုတွေကို ဆန္ဒမဲပြားတွေနဲ့ ပြသ ခဲ့ကြတယ်။ နိုင်ငံရေးပါတီတွေကလည်း နိုင်ငံသားတွေရဲ့လိုလားတောင့်တမှုတွေကို ဖေါ်ဆောင် အကောင်အထည်ဖေါ်ပေးပါ မယ် ဆိုတဲ့ ကတိတွေနဲ့ ပြည်သူ့ ဆန္ဒမဲတွေကို တောင်းခံခဲ့ကြတယ်။

အဲဒီရွေးကောက်ပွဲကြီးရဲ့ရလဒ် ပေါ်ထွက်လာတော့ ဒီရလဒ်ကို ကမ္ဘာ့ ကုလသမဂ္ဂ အဖွဲ့ ကြီးနဲ့ အိမ်နီးချင်း တရုတ်၊ အိန္ဒိယ၊ အာဆီယံ နိုင်ငံတွေ အပါအ၀င် အနောက်နိုင်ငံတွေနဲ့ နိုင်ငံတကာအသိုင်းအ၀ိုင်း တခုလုံးကနေပြီး သောင်းသောင်း ဖြဖြ ထောက်ခံအားပေးခဲ့ ကြတယ်။

တကယ်တော့ ၁၉၉၀ ပါတီစုံ ဒီမိုကရေစီ အထွေထွေ ရွေးကောက်ပွဲကြီးဟာ ကျင်းပပေးခဲ့တဲ့ တပ်မတော် အစိုးရရဲ့ဂုဏ်သိက္ခာရော၊ ၀င်ရောက်ပူးပေါင်းပါဝင်ယှဉ်ပြိုင်ခဲ့ကြတဲ့ နိုင်ငံရေးပါတီတွေရဲ့ ဂုဏ်သိက္ခာရော၊ ဆန္ဒမဲ ပေးခဲ့ကြတဲ့နိုင်ငံသူ၊ နိုင်ငံသားတွေရဲ့ဂုဏ် သိက္ခာ ဆိုတဲ့မြန်မာတမျိုးသားလုံးရဲ့ဂုဏ်သိက္ခာနဲ့ ယှဉ်တဲ့ရွေးကောက်ပွဲကြီး ဖြစ်တယ်။ ဒီ့အပြင် ၀ိုင်းဝန်းအသိအမှတ်ပြုခဲ့ကြတဲ့ နိုင်ငံတကာ မိသားစုကြီးရဲ့ဂုဏ်သိက္ခာလည်း ဖြစ်ပါတယ်။

ဒါကြောင့်လည်း ဒီရွေးကောက်ပွဲရဲ့ရလဒ်ကို တနည်းနည်းနဲ့ အကောင်အထည်ဖေါ်ဖို့အတွက် နိုင်ငံရေးပါတီများ၊ တိုင်းရင်းသား အဖွဲ့ အစည်းများ၊ ကျောင်းသားတွေ၊ နိုင်ငံသူ၊ နိုင်ငံသားတွေနဲ့ နိုင်ငံတကာ အသိုင်းအ၀ိုင်းက ချဉ်းကပ်ကြိုးစား လုပ်ဆောင်နေခဲ့ကြ တာပါ။ ဒီလိုကြိုးစားလုပ်ဆောင် နေပေမယ့် တပ်မတော်အစိုးရက အခုဆိုရင် တဖက်သတ်ရေးဆဲထားတဲ့၂၀၀၈ ဖွဲ့ စည်းပုံ အခြေခံ ဥပဒေကို အတင်းအဓမ္မ အတည်ပြုခဲ့တယ်။

ဖွဲ့စည်းပုံအခြေခံဥပဒေဟာလဲ တိုင်းပြည်မှာ၂၀၀၇ ခုနှစ် စက်တင်ဘာ ရွှေဝါရောင်တော်လှန်ရေးဆိုတဲ့ မြန်မာ့လူ့အဖွဲ့အစည်းမှာ လေးစားကြည်ညိုရတဲ့ ရဟန်းသံဃာတွေ၊ ကျောင်းသား၊ အရပ်သားတွေကို ရက်ရက်စက်စက် သတ်ဖြတ်ချေမှုန်းအပြီး လုပ်ဆောင် ခဲ့တာဖြစ်သလို ၊ မေလ ၃ ရက်နေ့က မြန်မာပြည် အောက်ပိုင်း တလျှောက် လူပေါင်း တသိန်းကျော် သေကြေပျောက်ဆုံးပြီး သန်းနဲ့ ချီတဲ့ မြန်မာနိုင်ငံသားတွေ စားရမယ့် သောက်ရမယ့် ဒုက္ခသည်တွေ အဖြစ် ရုတ်ချည်းဖြစ်ခဲ့ရတဲ့ နိုင်ငံတော် သမိုင်းမှာ လွန်စွာ ကြေ ကွဲ ဖွယ်ရာ အဖြစ်ဆိုးကြီး ရင်ဆိုင်ခံစားရပြီး ရက်ပိုင်းအတွင်းမှာပဲ အဓမ္မ လူထုဆန္ဒခံယူပွဲကိုကျင်းပခဲ့တယ်။ ဒီဆန္ဒခံယူပွဲကနေ ၂၀၀၈ ဖွဲ့ စည်းပုံအခြေခံဥပဒေကို အတည်ပြု လိုက်တယ်။

အခု ဒီရွေးကောက်ပွဲဟာ၂၀၀၈ ဖွဲ့ စည်းပုံ အခြေခံဥပဒေကို အသက်သွင်းတဲ့ ရွေးကောက်ပွဲဖြစ်တယ်။ ဖွဲ့ စည်းပုံ အခြေခံ ဥပဒေ ကလည်း ဒီမိုကရေစီ စံချိန်စံညွှန်းတွေ အလွန်အားနည်းတဲ့ ဖွဲ့ စည်းပုံလည်း ဖြစ်တယ်။ စစ်တပ်က တရားဝင် ရာသက်ပန် စစ်
အာဏာရှင်တွေအဖြစ် ဇာတ်သွင်းမယ့် ရွေးကောက်ပွဲလည်း ဖြစ်တယ်။

ဒီနေရာမှာ ပြောစရာကတော့ ဒီရွေးကောက်ပွဲကို အမျိုးသားဒီမိုကရေစီ အဖွဲ့ ချုပ်က ကန့်ကွက် သပိတ်မှောက်လိုက်တယ်။ တကယ်ဆိုရင် အမျိုးသား ဒီမိုကရေစီ အဖွဲ့ ချုပ် အပါအ၀င် နိုင်ငံရေးပါတီတွေဟာ ၁၉၉၀ ပြည့် ပါတီစုံ ဒီမိုကရေစီ အထွေထွေ ရွေးကောက်ပွဲကြီးမှာ အာဏာသုံးရပ်နဲ့ ယှဉ်တဲ့ရွေးကောက်ပွဲရလဒ်ကို န၀တ ထုတ်ပြန်လိုက်တဲ့ ၁/၉၀ အမိန့်နဲ့ အာဏာ သုံးရပ် အစား အာဏာ တရပ်တည်းသာ လက်ခံပါတော့မယ်ဆိုပြီး အမျိုးသားညီလာခံမှာ ဥပဒေ ပြုရေးအာဏာ ဆိုတဲ့ ကိုယ့်လက်ထဲ က ရလဒ်ကို သုံးချိုးတချိုး လျှော့ဈေးပေးလိုက်ပြီး အမျိုးသားပြန်လည်သင့်မြတ်ရေး ၊ ဒီမိုကရစီ အသွင်ကူးပြောင်းမှု ညင်သာ ချောမွေ့ စေရေး၊ နိုင်ငံသားတို့ရဲ့အသက်သွေးချွေးတွေကို ငဲ့ညှာသောအားဖြင့် နိုင်ငံရေးပါတီတွေက အမျိုးသားညီလာခံမှာ အပြု သဘော ဆောင်တဲ့ ခြေလှမ်းတွေအဖြစ် တပ်မတော်အစိုးရနဲ့ပူးပေါင်းဆောင်ရွက်ခဲ့ကြပြန်တယ်၊ အမျိုးသားညီလာခံ ကလည်း လွတ်လပ်ပြီးတရားမျှတစွာ အခြေခံဥပဒေကို တိုင်ပင်ရေးဆွဲ ပိုင်ခွင့်မရခဲ့ပြန်ဘူး။

အမျိုးသားညီလာခံ ကနေ အမျိုးသား ဒီမိုကရေစီ အဖွဲ့ ချုပ် အပါအ၀င် ရှမ်းအမျိုးသားဒီမိုကရေစီ အဖွဲ့ ချုပ်နဲ့ တိုင်းရင်းသား အင်အားစုတွေဟာ တင်ပြဆွေးနွေးခွင့်တွေ အပြည့်အ၀ မရခဲ့ကြပါဘူး။ ဒီလိုကနေ အမျိုးသားညီလာခံက ကျောခိုင်း ထွက်ခဲ့ ကြတယ်။ အဲဒီမှာ မိမိတို့ လက်ဝယ်ကျန်ရှိတဲ့ ၁၉၉၀ ရွေးကောက်ပွဲရလဒ် ရဲ့သုံးပုံတပုံ ဟာ မသေချာတဲ့ အခြေအနေကို ဆိုက်ခဲ့ ရ ပြန်တယ်။

နောက် ၂၀၀၈ ဖွဲ့ စည်းပုံ အခြေခံဥပဒေ ပေါ်လာပြီး ရွေးကောက်ပွဲ ကျင်းပတော့မယ် ဆိုတော့ ၁၉၉၀ အနိုင်ရ ပါတီ အမျိုးသား ဒီမိုကရေစီ အဖွဲ့ ချုပ် ဟာ သူတို့ တဖက်သတ် ရေးဆွဲထားတဲ့ ဖွဲ့ စည်းပုံကို ပြင်ဆင်ခွင့်သာတောင်းပြီး အမျိုးသားပြန်လည် သင့်မြတ်ရေး အတွက် ဟူသော တိုင်းပြည်မှာ နိုင်ငံရေးတင်းမာမူတွေကိုရှောင်ရှားပြီး အတတ်နိုင်ဆုံး ဒီမိုကရေစီ အသွင်ကူးပြောင်း ရေးကို ငြင်သာစေချင်လွန်းတာကြောင့် တောက်လျှောက်အလျှော့ပေးပြီး တပ်မတော်အစိုးရကို ချဉ်းကပ် လုပ်ဆောင်ခဲ့ကြတယ်။ ဒီထက်ပိုပြီး၂၀၀၈ ဖွဲ့ စည်းပုံ အခြေခံဥပဒေ မထွက်ပေါ်လာခင် ၂၀၀၈ ဖေဖော်ဝါရီလ ၁၂ ရက် ပြည်ထောင်စုနေ့မှာ အမျိုးသား ဒီမိုကရေစီ အဖွဲ့ ချုပ် က ကြေညာချက် တစောင်ထုတ်ပြန်ခဲ့တယ်။

ဒီကြေညာချက်အရ တမျိုးသားလုံးရဲ့ ဂုဏ်သိက္ခာနဲ့ ယှဉ်တဲ့ ၁၉၉၀ ရွေးကောက်ပွဲရလဒ်ကို တနည်းနည်းနဲ့ အကောင်အထည် ဖော် နိုင်ရေးအတွက် လက်ရှိတည်ဆဲ စစ်အစိုးရ ရဲ့တရားမ၀င် ဒီဖက်တို(Government De facto) အဖြစ်ကနေ လွှတ်တော် ခေါ်ပေး ရေး ပျက်ကွက်နေတဲ့ တပ်မတော်အစိုးရက ၁၉၉၀ ရွေးကောက်ပွဲကို အသိအမှတ်ပြုတဲ့အနေနဲ့ ရွေးချယ်ခံခဲ့ကြရတဲ့ ပြည်သူ့ လွှတ် တော် ကိုယ်စားလှယ်တွေကို လွှတ်တော် ခေါ်ပေးပြီး ၄င်းလွှတ်တော်ကနေ တရားဝင် အစိုးရ ဒီဂျူရီ(Government De jure) အဖြစ် လွှတ်တော် က အသိအမှတ်ပြုပေးမယ်လို့ပင် ကမ်းလှမ်းခဲ့ပါသေးတယ်။

ဒါကိုကြည့်ခြင်းအားဖြင့် အမျိုးသား ဒီမိုကရေစီအဖွဲ့ချုပ်နဲ့ ဒီမိုကရေစီအင်အားစုတွေရဲ့ နိုင်ငံတော်နဲ့ နိုင်ငံသူနိုင်ငံသားတွေရဲ့ ရေ ရှည် အကျိုးစီးပွားကို မျှော်ကိုးပြီး အပြုသဘောဆောင် ချဉ်းကပ်မှုတွေကို လုပ်ဆောင်ခဲ့ကြတာ အထင်အရှားဖြစ်ပါတယ်။ ဒီလို ကမ်းလှမ်းလုပ်ဆောင်ခဲ့လင့်ကစား လက်ရှိတည်ဆဲ စစ်အစိုးရ ရဲ့ စစ်ခေါင်းတချို့ဟာ ဒီမိုကရေစီ အင်အားစုတွေရဲ့ အပြုသဘော ဆောင်ချဉ်းကပ်ကမ်းလှမ်းမှုတိုင်းကို ပယ်ချပစ်ပြီး ၄င်းတို့ စစ်မင်းဆက် တရားဝင် ရာသက်ပန် ရပ်တည် အုပ်စိုးနိုင်ရေးကိုသာ အာရုံထားလုပ်ဆောင် နေကြတာ တွေ့ နေရတယ်။

ဒါကြောင့်အခု လာမယ့် ရွေးကောက်ပွဲဟာ ပြည်ထောင်စု ကြံ့ခိုင်နှင့်ဖွံ့ ဖြိုးရေး လူမူအသင်းကြီးတဖြစ်လဲ ကြံ့ဖွံ့ပါတီ က လက်ဦးမှု ယူ အခွင့်ထူးယူ လုပ်ထားခြင်းတွေ၊ နောက် အခြေခံဥပဒေကို ပြင်ဆင်နိုင်ဖို့ အနည်းဆုံးလွှတ်တော်မှာ ၇၅ ရာခိုင်နှုန်း ရမှသာ ဥပဒေ ကို ပြင်ဆင်နိုင်ခွင့် ဆိုရာမှာလဲ တပ်မတော်သား လွှတ်တော်ကိုယ်စားလှယ်က ၂၅ ရာခိုင်နှုန်းက ဥပဒေအတိုင်း လွှတ်တော် ထဲမှာ ရှိနေနှင့်ပြီး ကျန် ၇၅ ရာခိုင်နှုန်း ထဲမှာ မိမိတို့ ဒီမိုကရေစီ အင်အားစုတွေက အများဆုံး အခုရထားနေတဲ့ အခွင့်အရေးက အရမ်းနည်းပါး နေတာကို အားလုံးအသိပဲဖြစ်မှာပါ။

ဒီလိုအခြေအနေမှာ ၀င်ရောက်ယှဉ်ပြိုင်ကြမယ့် ဒီမိုကရေစီ အင်အားစုပါတီတွေ ဟာ မိမိတို့ရဲ့ယုံကြည်ချက်ကြောင့်သော် လည်း ကောင်း၊ အကြောင်းကြောင်းကြောင့် ၀င်ရောက်ယှဉ်ပြိုင်မှုဟာ စစ်အာဏာရှင်တွေကို တရားဝင်ဖြစ်အောင် မိမိတို့ရဲ့စွန့်လွှတ်
ရင်းနှီးပေးဆပ်မှုတွေကိုရင်းပြီး တိုင်းပြည်ကို စစ်အာဏာရှင် ရာသက်ပန် တည်ရှိစေရေးအတွက် ထောက်ပံ့ ကူညီပေးတဲ့လုပ်ရပ် ဖြစ်မှန်းမသိဖြစ်နေတာကို အထူးပဲ သတိချပ်သင့်ပါတယ်။

အကျဉ်းချုပ်အားဖြင့် ပြောရရင် လာမယ့်ရွေးကောက်ပွဲဟာ စစ်အာဏာရှင်သက်ဆိုးရှည်စေရေးအတွက် တရားမ၀င် စစ်အစိုးရ အဖြစ်မှသည် တရားဝင် စစ်အစိုးရ အဖြစ် ဟန်ပြ အရပ်ဝပ်လဲကာ နိုင်ငံတကာနဲ့မြန်မာနိုင်ငံသားတွေရဲ့ ဆန္ဒကို မျက်ကွယ်ပြုဖို့ ကြိုးစားချက် တရပ်သာဖြစ်ကြောင်း နဲ့ ရွေးကောက်ပွဲကြီး အောင်မြင်စွာပြီးဆုံးသွားပါက ဒီမိုကရေစီအင်အားစုတွေနဲ့ နိုင်ငံတကာ မိသားစုကြီးကို ပိုမိုခက်ခဲကြမ်းတမ်းတဲ့ လမ်းတွေကို လျှောက်လှမ်းစေခြင်းသာဖြစ်ပါကြောင်း တင်ပြလိုက်ပါတယ် ။

မန္တလေးမီး လူဦးရေ ၁၂ဝ ကျော် အိုးအိမ်မဲ့

ဆလိုင်း ဟံသာစန်း

နယူးဒေလီ (မဇ္ဈိမ)။ ။ မန္တလေးတိုင်း အောင်မြေသာစံမြို့၌ လူဦးရေ ၁၂ဝ ကျော် အိုးအိမ်မဲ့ဖြစ်စေသည့် မီးလောင်မှုတရပ် ယမန်နေ့ ညနေတွင် ဖြစ်ပွားခဲ့သည်။

ညနေ ၃ နာရီ ၄၅ မိနစ်ခန့်တွင် အမဲရိုးတန်းရပ်ကွက်ရှိ နေအိမ်တလုံးမှ စတင်ခဲ့ရာ အိမ်ခြေ ၂၂ လုံး လောင်ကျွမ်းခဲ့ပြီး၊ နယ်မြေခံ မီးသတ်ကားများ ငြှိမ်းသတ်သဖြင့် မိနစ် ၃ဝ ခန့်အကြာ၌ မီးညွန့်ကျိုးခဲ့သည်။

“အိပ်ခန်းထဲမှာ ခြင်ဆေးခွေထွန်းပြီး ကလေးတွေနဲ့ ထားခဲ့တာ။ အဲဒီခြင်ဆေးခွေက စလောင်တာ။ အိမ် ၂၂ လုံး ပါသွားတယ်။ ဆုံးရှုံးမှုတန်ဖိုးတော့ တွက်နေတုန်းပါပဲ” ဟု မန္တလေး ဗဟိုမီးသတ်ဌာနမှ တာဝန်ကျ အရာရှိတဦးက ပြောသည်။

အောင်မြေသာစံမှ ဒေသခံတဦးက “မီးလောင်တဲ့ နေရာက ကျမတို့နဲ့ နီးတယ်။ ဟိုဘက်ရပ်ကွက်ပေါ့။ အိမ် ၂၂ လုံး ပါသွားတယ်။ ရပ်ကွက်ကတော့ လက်လုပ်လက်စားတွေ အများစုနေကြတဲ့ ရပ်ကွက်ပါ” ဟု ပြောသည်။

မီးဘေးသင့် အိမ်ထောင်စု ၃၄ စုကို ၂၂ လမ်းနှင့် ၈၆-၈၇ လမ်းကြားရှိ ရွှေအံတော်ဘုရား ဓမ္မာရုံတွင် ယာယီနေထိုင်ရန် ဒေသအာဏာပိုင်များက ဒုက္ခသည်စခန်း ဖွင့်လှစ်ပေးထားသည်။

မီးလောင်မှုနှင့်ပတ်သက်၍ အသေးစိတ်သိရန် အောင်မြေသာစံ ရဲစခန်းသို့ မေးမြန်းကြည့်သော်လည်း ဖြေကြားခြင်း မရှိပါ။

၂ဝဝ၈ ခုနှစ် မတ်လ ၂၅ ရက်နေ့တွင် မန္တလေးမြို့ ၃၂ လမ်းနှင့် ၇၈ လမ်းထောင့်ရှိ ရတနာပုံဈေးကြီးတွင် ၁၂ နာရီကြာ မီးလောင်မှုကြီး ဖြစ်ပွားခဲ့ရာ အမေရိကန်ဒေါ်လာ သန်း ၅ဝ ဖိုးခန့် ပျက်စီးဆုံးရှုံးခဲ့သည်။

ယနေ့ မြန်မာ့ရေးရာ သတင်းများ Oct,29th,2010

( 37 )Govt Media Crank Up Propaganda

( 36 )Asean Leaders Ignore Burma Issues

( 35 )Than Shwe Hedges His Bets

( 34 )ယခုနှစ် ငှက်ဖျား ဖြစ်ပွားမှု ရာနှုန်းခန့် မြင့်တက်လာ

( 33 )Burma Pressed to Free Suu Kyi

( 32 )အစိုးရဌာနများတွင် ကြိုတင်မဲပေးရန် စာရင်းကောက်

( 31 )US Reaffirms Support for UN Commission of Inquiry

( 30 )'Not too late' for Myanmar

( 29 )Ne Win's Loyalists Emerge in Burma

( 28 )ဘိလပ်မြေစက်ရုံအတွက် ကြံ့ဖွံ့ပါတီပိုင် ကုမ္ပဏီက လယ်မြေသိမ်းမည်

( 27 )China and India move to insulate Burma's junta

( 26 )ကြံ့ဖွံ့ပါတီက အခွင့်ထူးများရယူ မဲဆွယ်

( 25 )Burma court hears Suu Kyi appeal

( 24 )ဂီရီကြောင့် ဆန်နှင့် ကြက်သွန် ဈေးတက်

( 23 )Rudd laments human rights in Burma

( 22 )ရန်ကုန်တွင် မဲမပေးလိုသူ ၇၀ ရာခိုင်နှုန်းရှိ

( 21 )ASEAN under pressure to confront Burma

( 20 )CoI ဖွဲ့စည်းရေး အမေရိကန် ဖိအား ထပ်ပေးမည်

( 19 )Suu Kyi release would awaken Burma, says ally

( 18 )ကော်မရှင်ကမဲရုံမှူးများအား မဲလက်မှတ် ခုနှစ်ထောင်ကျော် ကြိုတင်လက်မှတ် ထိုးခိုင်း

( 17 )စစ်အစိုးရသတင်းစာ ရေးသားမှု မမှန်ကန်

( 16 )Aquino urges Burma to free Suu Kyi now

( 15 )ရွေးကောက်ပွဲအရင် မီဒီယာသစ်မှာ သီချင်းနဲ့ အပြိုင်စည်းရုံး

( 14 )Clinton backs UN probe on Myanmar rights

( 13 )မြန်မာ စစ်ရာဇဝတ် စုံစမ်းရေးကော်မရှင်ကို အိန္ဒိယ မေးခွန်းထုတ်

( 12 )In Burma's rare elections, fresh faced candidates run against the grain

( 11 )လွှတ်တော်ခေါ်ပြီးမှ နအဖ ဆင်းနိုင်မယ်

( 10 )Gillard jets off to East Asia Summit

( 9 )မွန်ပြည်သစ်ဟောင်းတစု လက်နက်ချ

( 8 )Burma human rights on regional summit's agenda

( 7 )Villagers Receive Aid After Cyclone Giri Hits Burma

( 6 )ရွေးကောက်ပွဲအပြီး ဒေါ်စုကို ပြန်လွှတ်မည်

( 5 )Burma claims it will release Aung San Suu Kyi after elections

( 4 )သမ္မတသစ် လျာထားပြီး၊ ကြံ့ဖွံ့ပါတီ ပြော

( 3 )Don't Legitimize Burma's Elections

( 2 )စီးပွားရေး ပူးပေါင်းဆောင်ရွက်မှုနဲ့ မြန်မာ့အရေး အာဆီယံ ခေါင်းဆောင်တွေ ဦးစားပေး ဆွေးနွေး

( 1 )Burma a major concern, says Rudd

Thursday, October 28, 2010

လမ်းခင်းတာ ကြံ့ဖွံ့မဟုတ်ပါဟု ဦးဌေးဦး ငြင်းဆို

မျိုးချစ်သူ / ၂၈ အောက်တိုဘာ ၂၀၁၀

ရန်ကုန်လမ်းများကို ကြံ့ဖွံပါတီမှ ခင်းခြင်းမဟုတ်ဘဲ ရန်ကုန်စည်ပင်မှ ခင်းခြင်းသာဖြစ်ကြောင်း ကြံ့ဖွံ့ပါတီအတွင်းရေးမှူး ဦးဌေးဦးက ပြောသည်။

၎င်းက “လမ်းတွေကို စည်ပင်က ခင်းတာလေ” ဟု ပြောသည်။

ရန်ကုန်မြို့ ဗဟန်းမြို့နယ် ဆရာစံပလာဇာအနီးရှိ ကြံ့ဖွံ့ပါတီရုံးချုပ်တွင် အောက်တိုဘာ (၂၇) ရက်၊ ယမန်နေ့ မွန်းလွဲ (၂) နာရီကျော်တွင် ကြံ့ဖွံ့ပါတီမှ အထွေထွေအတွင်းရေးမှူး၊ လယ်ယာနှင့်ဆည်မြောင်းဝန်ကြီး ဦးဌေးဦးနှင့် ရန်ကုန်မြို့တော်ဝန် ဦးအောင်သိန်းလင်းတို့က ပြည်တွင်းပြည်ပ သတင်းစာဆရာများနှင့် တွေ့ဆုံစဉ်ပြောကြားခြင်းဖြစ်သည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့) က သတင်းမီဒီယာများနှင့် တွေ့ဆုံမှုကို ယမန်နေ့ မွန်းလွဲပိုင်း၌ ပါတီရုံးချုပ်တွင် ပြုလုပ်ခဲ့ခြင်းဖြစ်သည်။

ယင်းသို့တွေ့ဆုံမှုတွင် မီဒီယာများက ရန်ကုန်တွင် ခင်းနေသောလမ်းများကို ရန်ကုန်စည်ပင်မှ ခင်းခြင်းလော၊ ကြံ့ဖွံပါတီမှ ခင်းခြင်းလောဆိုသည်ကို ကွဲကွဲပြားပြား သိလိုသောကြောင့် မေးမြန်းရာတွင် မြို့တော်ဝန်က မဖြေလိုကြောင်း ပြောသောကြောင့် ဦးဌေးဦးက မြို့တော်ဝန်အစား ပြောကြားလိုက်ခြင်း ဖြစ်သည်။

ရန်ကုန်မြို့နေရာအနှံ့ လမ်းများကို ကြံ့ဖွံပါတီက ရန်ကုန်စည်ပင်နှင့်ပေါင်းကာ ခင်းပေးလျက်ရှိပြီး လမ်းခင်းပြီးပါက လမ်းထိပ်တို့တွင် ကြံ့ဖွံ့ပါတီမှခင်းပေးကြောင်း ကမ္ဗည်းထိုးထားသည်ကိုလည်း တွေ့ရကြောင်း ရန်ကုန်မြို့ခံတို့က ပြောသည်။

“လမ်းထိပ်တွေမှာ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီက အခမဲ့ခင်းပေးတယ် ဆိုတာပါတယ်၊ ကျမတို့မြို့နယ်မှာ အများကြီးပဲတွေ့တယ်၊ ပါတီအမှတ်အသားနဲ့ သေသေချာချာ လုပ်ထားတာလေ၊ သူတို့က အဲဒါ မဲဆွယ်တာပေါ့” ဟု စမ်းချောင်းမြို့နယ် ဗဟိုလမ်းနေသူ တဦးက ပြောသည်။

ရန်ကုန်လမ်းများကို ရန်ကုန်စည်ပင်က ခင်းရမည့်အစား ကြံ့ဖွံပါတီက ခင်းပေးနေခြင်းသည် ပါတီအနေဖြင့် ပြည်သူများအား မဲဆွယ်လို၍သာ ခင်းပေးနေခြင်းဖြစ်ကြောင်း ရန်ကုန်မြို့ခံတို့က ပြောဆိုကြသည်။

“သူတို့က စေတနာနဲ့လုပ်တာမှ မဟုတ်တာ၊ အကျိုးလိုလို့ ညောင်ရေလောင်းတာပဲလေ၊ အမှန်ဆိုရင် ရန်ကုန်လမ်းတွေက ပျက်နေတာ ကြာပေါ့၊ စည်ပင်အလုပ်ကို စည်ပင်လုပ်ပေါ့၊ တသက်လုံးက မလုပ်ခဲ့တဲ့လမ်းတွေကို အခုမှလာပြီးတော့ ကြံ့ဖွံ့က လုပ်နေတယ်ဆိုတာ အဖြေက ရှင်းနေတာပဲ” ဟု ပုစွန်တောင်မြို့နယ် ရေကျော်လမ်းမတွင်နေသူ ပြည်သူတဦးက ပြောသည်။

ပြည်တွင်းထုတ် သတင်းဂျာနယ်တစောင်ဖြစ်သော မော်နီတာ သတင်းဂျာနယ်တွင် ပြီးခဲ့သည့် (၃) ပတ်ခန့်က ရန်ကုန်မြို့တော်ဝန် ဦးအောင်သိန်းလင်းက ရန်ကုန်ရှိလမ်းများကို ပြည်ခိုင်ဖြိုး( ကြံ့ဖွံ့ပါတီ) ပါတီက ခင်းနေခြင်းဖြစ်ကြောင်း၊ ပါတီဝင်များက လုပ်အားပေးကြကြောင်း၊ အခကြေးငွေပေးရန် မလိုကြောင်း၊ လမ်းခင်းရန် လိုအပ်သောပစ္စည်းများကို ရန်ကုန်စည်ပင်က ကူညီကြောင်း ပြောဆိုထားမှုကို ဝေေ၀ဆာဆာ ဖော်ပြခဲ့သည်။

ကြံ့ဖွံ့ပါတီမှ ဖါးကန့်တွင် ယာယီမှတ်ပုံတင် အခမဲ့ လုပ်ပေးပြီး လူထုစည်းရုံး

KNG

ကမ္ဘာ့အဖိုးတန်ဆုံး ကျောက်စိမ်းထွက်ရှိရာ ကချင်ပြည်နယ် ဖားကန့်မြို့နယ်တွင် ကြံ့ဖွံ့ပါတီ၏ ပြည်သူ့လွှတ်တော် ကိုယ်စားလှယ်လောင်း ဗိုလ်ချုပ်ဟောင်း ဦးအုန်းမြင့်သည် မှတ်ပုံတင်မရှိသူများအား အဝါရောင် ယာယီမှတ်ပုံတင် အခမဲ့ ပြုလုပ်ပေးခြင်းဖြင့် မဲဆွယ်စည်းရုံးနေသည်ဟု ဒေသခံများပြောသည်။

“ယာယီကဒ် အဝါရောင်မှာ၊ မှတ်ပုံတင်နံပါတ် PKK (Phakant Kachin) မှာ နံပါတ်ရေးကပ်ထားပေးတာပါ။ လဝက တွေ ပေးတာပါ။” ဟု ဆိုင်းတောင် (ဆိပ်မူ) ကျေးရွာမှ ဆယ်အိမ်မှူးတစ်ဦးပြောသည်။

၎င်းယာယီမှတ်ပုံတင်ကဒ်ပြားသည် အကျယ် ၆လက်မရှိပြီး အမည်၊ နေရပ်လိပ်စာနှင့် PKK နံပါတ်များပါရှိသည်။ သို့သော် ယာယီမှတ်ပုံတင်ကဒ်တွင် ဓါတ်ပုံ မ ပါ ရှိကြောင်း ဆယ်အိမ်မှူးမှ ပြောသည်။

ယာယီလက်မှတ်အား ရပ်ကွက်စုပေါင်းရုံးသို့ မှတ်ပုံတင်မရှိကြောင်းနာမည်ပေးသူအားလုံးအတွက် လဝကနှင့် ဦးအုန်းမြင့်တို့ ပူပေါင်းကာ ကြံ့ဖွံ့ပါတီထံ မဲထည့်နိုင်ဖို့ရန် အခမဲ့ လုပ်ဆောင်ပေးခြင်းဖြစ်သည်ဟု ဆယ်အိမ်မှူးက ပြောသည်။

၂၀၀၅-၂၀၀၈ ကချင်ပြည်နယ် (မြောက်ပိုင်းတိုင်းစစ်ဌာနချုပ်) တိုင်းမှူးဟောင်း ဦးအုန်းမြင့်သည် အခမဲ့ ယာယီမှတ်ပုံတင်ဖြင့် မဲဆွယ်ခြင်းသာမက ရောက်ရှိသည့် ဒေသခံအိမ်များသို့ ကျပ် ၁၀၀တန်နှင့် ငွေအကြွေစေ့များပေးကာ လိုက်လံစည်းရုံးနေသည်။

“၁၀၀ဆိုတာ ငွေစက္ကူ ကျပ် ၁၀၀တန်တစ်သောင်းနဲ့ အကြွေစေ့ ၅၀တွေ လိုက်ပေးနေတယ်။” ဟု ငွေလက်ခံရရှိသည့် ဖားကန့်ဒေသခံတစ်ဦးပြောသည်။

ဦးအုန်းမြင့်သည် ကျောက်စိမ်းလောင်းပန်းများထံမှ ငွေလိုက်ကောက်နေသည်ကို “သူကတော့ မဟုတ်ဘူး။
သူ့လက်အောက်က ဗျူဟာမှူးတွေကို သူဌေးတွေဆီကနေ ကျပ် ၁၀သိန်း၊ ၁၀သိန်းစီ ကောက်ပြီး အဲပိုက်ဆံနဲ့ပဲ လောင်ပန်း၊ သူဌေး၊ လူထုတွေကို ပြန်စည်းရုံးနေတယ်။” ဟု ဒေသခံတစ်ဦးပြောသည်။

ရပ်ကွက်ဥက္ကဋ္ဌများအား ဦးအုန်းမြင့်၏ကိုယ်ရေးအကျဉ်းစာရွက်နှင့် ငွေစက္ကူများ ဝေခိုင်းနေသည်။

ငွေလက်ခံသူ ဒေသခံများသည် ကြံ့ဖွံ့ပါတီမှ ဦးအုန်းမြင့်အား မ ကြိုက် မ နှစ်သက်သော်လည်း မဲထည့်ပေးရတော့မည်ဟု ဒေသခံများ ဝေဖန်ပြောဆိုနေကြသည်။

ဖားကန့်မြို့နယ်တွင် နိုင်ငံသားစီစစ်ရေးကဒ်ပြား မှတ်ပုံတင်တစ်ခုလုပ်ရန် ကျပ် ၁သိန်းခွဲ ကုန်ကျသည်ဟု မှတ်ပုံတင်လုပ်ထားသည့် ဒေသခံတစ်ဦးပြောသည်။

အလံသစ်နှင့် မဲပြား သယ်လာသည့် စစ်ကြောင်းကို KNU ဝင်တိုက်

ဘစောတင် Thursday, 28 October 2010

ကရင်ပြည်နယ် ဘုရားသုံးဆူ မြို့နယ်တွင် နိုင်ငံတော် အလံသစ်နှင့် မဲပြားများ သယ်လာသော နအဖ စစ်ကြောင်း တကြောင်းကို ကရင်အမျိုးသား အစည်းအရုံး (KNU) ပြောက်ကျား တပ်ဖွဲ့က ယခု ရက်အတွင်း တိုက်ခိုက်ခဲ့ကြောင်း သတင်းရရှိသည်။

ဗိုလ်မှူးကြီး မျိုးမြင့်အောင် ဦးစီးသော မခရ ၄၀၅ စစ်ကြောင်း ၂ ကို KNU တပ်ရင်း ၁၆၊ တပ်ခွဲ ၂ မှ ပြောက်ကျားတပ်ဖွဲ့ က ၂ ကြိမ် တိုက်ခိုက်ခဲ့ကြောင်း KNU တပ်မဟာ ၆ မှ ဗိုလ်ကြီး စောထဲနေက ဧရာဝတီသို့ ပြောသည်။

“၂၆ ရက်နေ့ က အပလုံနဲ့ မြိုင်သာယာ ရွာကြားမှာ တိုက်ပွဲတပွဲဖြစ်တယ်။ ကျနော်တို့ ပြောက်ကျားတပ်ဖွဲ့က လမ်းက စောင့်တိုက်တာ။ နအဖ တပ်သား ၂ ယောက်ကျပြီး ၃ ယောက် ဒဏ်ရာရတယ်လို့ သိရတယ်။ နောက်တပွဲကတော့ ၂၇ ရက်နေ့မှာ ချောင်းဆုံရွာ မရောက်ခင် ဇီးဖြူတောင်နဲ့ တားတိန် ရွာကြားက ဇီးဖြူတောင် ကားလမ်းပေါ်မှာဖြစ်တယ်။ အထိအခိုက် အကျအဆုံးတော့ မသိရသေးဘူး” ဟု ဗိုလ်ကြီး စောထဲနေက ဆိုသည်။

ယင်းစစ်ကြောင်းသည် နိုဝင်ဘာလ ၇ ရက်နေ့တွင် ကျင်းပမည့် ရွေးကောက်ပွဲအတွက် ကြီးကြပ်ရန် ကြာအင်းဆိပ်ကြီး မှ ရွေးကောက်ပွဲ ကော်မရှင်လူကြီး ၂ ဦး၊ မဲပြားများနှင့် နိုင်ငံတော်အလံသစ်များကို သယ်ဆောင်လာစဉ် ယခုကဲ့သို့ တိုက်ခိုက်ခံရခြင်းဖြစ်ကြောင်း ဘုရားသုံးဆူမြို့နယ် အာဏာပိုင် အသိုင်းအ၀ိုင်းနှင့် နီးစပ်သူတဦးက ပြောသည်။

“မဲကြီးကြပ်ဖို့ ကြာအင်းဆိပ်ကြီးက ကော်မရှင်လူကြီး ၂ ယောက်နဲ့ မဲပြားတွေပါတယ်။ အလံသစ်လည်း ပါတယ်။ အဲဒါကို KNU က လမ်းမှာ ဆွဲမိုင်းနဲ့ ခြုံခိုတိုက်တယ်။ ပါလာတဲ့ လူကြီး ၂ ယောက်က ကျောင်းဆရာတွေလို့ သိရတယ်” ဟု ၎င်းက ပြောသည်။

နအဖတပ် ခြုံခို တိုက်ခိုက်ခံရမှုနှင့် ပတ်သက်၍ Guiding Star မွန်သတင်းစာ အယ်ဒီတာ ကိုနိုင်အာကာက “ဇီးဖြူတောင် မရောက်ခင်မှာ တားတိန်ဆိုတဲ့ မွန်ဂိတ်ရှိတယ်။ အဲဒီဂိတ်ကို ဖြတ်ပြီး ဇီးဖြူတောင်ကို တက်ရတယ်။ ဒီတောင်က တော်တော်မတ်တယ်။ တောင်တက်ကို လမ်းလျှောက်လို့ပဲရတယ်။ အပေါ်က စီးကြည့်နေရင် အကုန်မြင်နေရတယ်။ အဲဒီအတက်မှာ အခုလို တိုက်ခိုက်ခံရတာဖြစ်တယ်”ဟု ဆိုသည်။

ယခုကဲ့သို့ ခြုံခိုတိုက်ခိုက်ခြင်းကို KNU နှင့် မွန်ပြည်သစ်ပါတီ တပ်ဖွဲ့ဝင်တို့ ပူးပေါင်းတိုက်ခိုက်ကြခြင်းဖြစ်သည်ဟု နအဖ ဘက်မှ စွပ်စွဲကြောင်း ကိုနိုင်အာကာ က ပြောသည်။

ကြာအင်းဆိပ်ကြီးမှ လိုက်ပါလာသူ ရွေးကောက်ကော်မရှင် အဖွဲ့ဝင် ကျောင်းဆရာ ၂ ဦး၏ အမည်များကို မသိရသေး ပေ။

ရွေးကောက်ပွဲ ကျင်းပရန် ၉ ရက်သာ လိုတော့သည်။

ကချင်ရွာဥက္ကဋ္ဌအိမ်ထဲ KDA ဟောင်းက ဗုံးပစ်သွင်း၊ ၇ ဦးခန့်ဒဏ်ရာရ

သျှမ်းသံတော်ဆင့်

ယခင် ကချင်ကာကွယ်ရေးတပ်မတော် KDA တပ်ဖွဲ့ဝင် ဟောင်းတစ်ဦးက သျှမ်းပြည် (မြောက်ပိုင်း) မူစယ်မြို့နယ် ကချင် နောင်ရှဲန်ရွာ ဥက္ကဋ္ဌနေအိမ်အတွင်းသို့ လက်ပစ်ဗုံးပစ်သွင်းမှု ယမန်နေ့ည ၁၀ နာရီကျော်က ဖြစ်ပွားခဲ့သည်။

ရွာဥက္ကဋ္ဌ၏ ဇနီးအပါအ၀င် လူ ရ ဦး ထိခိုက်ဒဏ်ရာရခဲ့ကြောင်း မူစယ် လုံခြုံရေး အသိုင်းအ၀ိုင်းက သျှမ်းသံတော်ဆင့်သို့ ပြောသည်။

“ရွာဥက္က္ကဋ္ဌအိမ်ထဲကို KDA အဖွဲ့ဝင်ဟောင်းတစ်ဦးက လက်ပစ်ဗုံးနဲ့ပစ်တာ ဥက္ကဋ္ဌရဲ့ ဇနီးက ပေါင်နဲ့တင်ပါးမှာ ကျန်လူ ၆ ယောက်လည်း အနည်းငယ်စီဒဏ်ရာရကြတယ်” လို့ လုံခြုံရေးနှင့်နီးစပ်သူက ပြောသည်။

အခင်းမဖြစ်မီ ညပိုင်းက နောင်ရှဲန်ရွာအတွင်းသေနတ့် ပစ်ဖေါက်နေသဖြင့် ၄င်းအား ရွာဥက္ကဋ္ဌက ခေါ်ယူဆုံးမခဲ့ရာ မကျေနပ် ၍ တိုက်ခိုက်ခြင်း ဖြစ်ကြောင်း သိရသည်။

လွန်ခဲ့သည့်လဆန်းပိုင်းက ငွေကြေးကိစ္စနှင့်ပတ်သက်၍ အဆိုပါနောင်ရှဲန်ရွာ အလယ်တန်းပြဆရာမတစ်ဦးအား ၄င်းတပ်ဖွဲ့ ၀င်ဟောင်းက ပြန်ပေးဆွဲခဲ့သေးကြောင်း၊ ထိုအမှုဖြင့် အရေးယူခံထားရစဉ် ၄င်း၏ဇနီးသည် ပျောက်ဆုံးသွားကြောင်း၊ ဇနီး သည် ပျောက်ဆုံးသည့် အပေါ် ပေါက်ကွဲကာ သေနတ်ပစ်ဖေါက်ခြင်း ပြုလုပ်ခဲ့ကြောင်း သိရသည်။

အဆိုပါ နောင်ရှဲန်ရွာတွင် ကချင်အပိုင်းနှင့် သျှမ်းအပိုင်းဟူ၍ ၂ ရွာရှိပြီး ကချင်ရွာတွင်း ယခုအခင်းဖြစ်ပွားခဲ့ကြောင်း သိရ သည်။

ရွေးကောက်ပွဲနေ့ နှောင့်ယှက်လျှင် အစစ်အဆေးမရှိ ထောင်ချမည်

ဆက်နိုင် Thursday, October 28, 2010

ရွေးကောက်ပွဲ ကျင်းပမည့် နိုဝင်ဘာလ ၇ ရက်နေ့သည် တနင်္ဂနွေနေ့ ဖြစ်သော်လည်း တရားရုံးများကို ဖွင့်လှစ်ထားမည် ဖြစ်ပြီး မဲရုံများတွင် ရမ်းကား နှောင့်ယှက်မှုများ ပေါ်ပေါက်လာပါက အစစ်အဆေး အမေးအမြန်းမရှိ ထောင်ချမည်ဟု သတင်းရရှိ သည်။

ရှမ်းပြည်နယ်မှ မြို့နယ် တရားသူကြီး တဦးက “အဲဒီနေ့ အမှုအခင်းတွေဖြစ်လာရင် အမေးအမြန်းမရှိ၊ တခါတည်း ထောင်ချ ပစ်မှာ။ မြို့နယ်အဆင့်၊ ခရိုင်အဆင့် တရားရုံးတွေအားလုံး ဖွင့်လှစ်ဖို့ မှာထားတယ်”ဟု ဧရာဝတီသို့ ပြောသည်။

မဲရုံများ လုံခြုံရေးအတွက် သက်ဆိုင်ရာ မြို့နယ် ရဲတပ်ဖွဲ့၊ ရဲအထူးသတင်း တပ်ဖွဲ့ (SB) နှင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်းဝင်ဟောင်းများက ပူးတွဲတာဝန်ယူသွားကြမည်ဖြစ်ကြောင်း ရပ်ကွက်များတွင် မဲရုံစောင့် တာဝန်ယူမည့် ကျောင်း ဆရာမများထံမှ သိရသည်။

ရွေးကောက်ပွဲဆိုင်ရာ ဥပဒေများအရ မဲဆန္ဒပေးရန် ထားရှိသည့် မဲစာရင်းများကို ဆုတ်ဖြဲခြင်း၊ ဆန္ဒမဲလက်မှတ်၊ မဲရုံတို့ကို ဖျက်လိုဖျက်ဆီးပြုလုပ်ခြင်း၊ အယောင်ဆောင် မဲပေးခြင်း၊ တကြိမ်ထက်ပိုပြီး မဲပေးခြင်း၊ မဲလက်မှတ်အတုကို မဲပုံးထဲ ထည့်သွင်းခြင်း၊ အရွေးချယ်ခံ ပါတီကိုယ်စားလှယ် လောင်းများအား တားဆီးနှောင့်ယှက်ခြင်း၊ မဲရုံမှ ကိုက် ၅၀၀ အတွင်း အသံချဲ့စက် စသည့် ဆူညံသံများ အော်ဟစ်ခြင်းများပြုလုပ်ခြင်း၊ မဲဆွယ်ခြင်း၊ မဲပေးရန် တိုက်တွန်းခြင်း စသည့် အပြု အမူ များသည် ရွေးကောက်ပွဲဆိုင်ရာ ပြစ်မှုများဖြစ်သည်ဟု စစ်အစိုးရသတင်းစာများတွင် ရေးသားထားသည်။

ယင်းပြစ်မှုများ ကျူးလွန်ဖောက်ဖျက်ပါက ပြစ်မှုထင်ရှားလျှင် ထောင်ဒဏ်တနှစ် အထိဖြစ်စေ၊ ဒဏ်ငွေ ကျပ် တသိန်း အထိ ဖြစ်စေ၊ ပြစ်ဒဏ်နှစ်ရပ်လုံးကိုဖြစ်စေ ချမှတ်နိုင်ကြောင်း၊ အဆိုပါပြစ်မှုများ ကျူးလွန်ကြောင်း လိမ်လည်တိုင်တန်းသူကိုလည်း ထောင်ဒဏ် သုံးနှစ်အထိဖြစ်စေ၊ ငွေဒဏ် သုံးသိန်းအထိဖြစ်စေ၊ ပြစ်ဒဏ်နှစ်ရပ်လုံးဖြစ်စေ ချမှတ်နိုင်ကြောင်း ဖော်ပြထား သည်။

ရွေးကောက်ပွဲနေ့ စည်းကမ်းဖောက်ဖျက်မှုများမှာ အခြားပါတီများထက် စစ်အစိုးရ ကျောထောက် နောက်ခံပြု နိုင်ငံရေး ပါတီဖြစ်သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ(ကြံ့ဖွံ့ပါတီ)ကသာ ကျူးလွန်ဖွယ်ရှိသည်ဟု နိုင်ငံရေးပါတီများက ဝေဖန်သည်။

အမျိုးသားဒီမိုကရေစီ အင်အားစု(NDF) အတွက် မဲရုံကိုယ်စားလှယ်အဖြစ် ဆောင်ရွက်ပေးရန် ပြင်ဆင်နေသူတဦးက “လိမ်လည်တိုင်တန်းသူကို ထောင်ဒဏ် သုံးနှစ်အထိဆိုတော့ ကြံ့ဖွံ့ပါတီက တခုခုကျူးလွန်လို့တိုင်ရင် တိုင်တဲ့သူတောင် ထောင်ပြန်ကျမယ့်ကိန်း ဖြစ်နေတယ်။ တခြားပါတီတွေက မဲရုံကိုယ်စားလှယ်တွေ ရဲရဲဝံ့ဝံ့ မလုပ်ရဲအောင် တားမြစ်ထားတာနဲ့ တူနေတယ်”ဟု ပြောသည်။

၎င်းက ဆက်လက်၍ “ရွေးကောက်ပွဲ မဲဆွယ်စည်းရုံးစဉ် ကာလမှာလည်း ကော်မရှင်ကထုတ်ထားတဲ့ စည်းကမ်းတွေကို ကြံ့ဖွံ့ ပါတီ တခုတည်းကချည်း ဒိုင်ခံဖောက်ဖျက်နေတယ်။ ရွေးကောက်ပွဲနေ့မှာလည်း သူတို့ပဲ အမျိုးစုံ လုပ်ကြဦးမယ်။ ဒါတွေကို ကျန်တဲ့ပါတီတွေက မတိုင်ရဲအောင် လုပ်ထားတာ”ဟု ထောက်ပြသည်။

စစ်အစိုးရ ဦးဆောင်ကျင်းပမည့် ၂၀၁၀ ရွေးကောက်ပွဲတွင် နိုင်ငံရေးပါတီ အသီးသီးမှ လွှတ်တော်ကိုယ်စားလှယ်ပေါင်း ၃၀၇၁ ဦးနှင့် တသီးပုဂ္ဂလ ကိုယ်စားလှယ်ပေါင်း ၈၂ ဦး ပါဝင်ယှဉ်ပြိုင်ကြမည်ဖြစ်ပြီး တနိုင်ငံလုံးတွင် မဲရုံပေါင်း လေးသောင်းကျော် ထားရှိသွားမည်ဟု ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးသိန်းစိုးက မီဒီယာများနှင့်တွေ့ဆုံစဉ် ပြောကြားခဲ့သည်။

ရွေးကောက်ပွဲ မဲဆန္ဒပေးရန် ၉ ရက်သာ လိုတော့သည်။

ကြံ့ဖွံ့အမတ် ဗိုလ်ချုပ်ကြီးဟောင်း သာအေးနှင့် ဆောက်လုပ်ရေး ဝန်ကြီးတို့ အာဏာအားပြိုင်

ဧရာဝတီ Thursday, October 28, 2010

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (ကြံ့ဖွံ့ပါတီ) ၏ လွှတ်တော် အမတ်လောင်းများ ဖြစ်သည့် ဒုတိယ ဗိုလ်ချုပ်ကြီးဟောင်း ဦးသာအေးနှင့် ဆောက်လုပ်ရေးဝန်ကြီး ဗိုလ်ချုပ်ဟောင်း ဦးခင်မောင်မြင့်တို့ အကြား အဆောက်အအုံ ၉ လုံးရရှိရေး အာဏာ အားပြိုင်မှုဖြစ်ပွားခဲ့ပြီး ၎င်းတို့ နှစ်ဦး အကြား မကျေမလည် ဖြစ်နေကြောင်း သတင်းရရှိသည်။

စစ်ကိုင်းတိုင်း ဘုတလင်မြို့နယ် တိုင်းဒေသကြီး လွှတ်တော်မဲဆန္ဒနယ် အမှတ် ၂ တွင် ကြံ့ဖွံ့ပါတီက ပြိုင်ဘက်မရှိသဖြင့် အနိုင်ရထားပြီးဖြစ်သည်ဟု သိရသည်။ ထို့ကြောင့် ထိုဒေသ၏ ကြံ့ဖွံ့လွှတ်တော်ကိုယ်စားလှယ် ဒုတိယဗိုလ်ချုပ်ကြီးဟောင်း ဦးသာအေးက စစ်ကိုင်းတိုင်း ၀န်ကြီးချုပ်အဖြစ် တာဝန်ထမ်းဆောင်ရန် ကြိုတင်ပြင်ဆင်သောအားဖြင့် ၎င်းနှင့် တိုင်းအဆင့် ၀န်ကြီးများ နေထိုင်ရန် မုံရွာမြို့ပေါ်မှ ဆောက်လုပ်ရေးဝန်ကြီးဌာနပိုင် အဆောက်အအုံ ၉ လုံးကို ယခု လဆန်းပိုင်းတွင် သိမ်းယူခဲ့ကြောင်း သိရှိရသည်။

“မုံရွာမှာရှိတဲ့ အဆောက်အအုံ ၉ လုံးကို ဒုတိယဗိုလ်ချုပ်ကြီးဟောင်း ဦးသာအေးအမိန့်နဲ့ သိမ်းယူလိုက်တယ်။ အဲဒီ အဆောက်အအုံတွေက စစ်ကိုင်းတိုင်း ဆရာဝန်ကြီး၊ ရဲမင်းကြီးနဲ့ ဌာန ဆိုင်ရာ အကြီးအကဲတွေ နေနေတဲ့ အဆောက်အအုံ တွေပါ။ ဦးသာအေးက ဒု ဗိုလ်ချုပ်ကြီးဟောင်း ဖြစ်ခဲ့တာဆိုတော့ သူတို့ကလည်း ဦးသာအေးအမိန့်ကို မလွန်ဆန်ရဲဘဲ အိမ်တွေကနေ ဆင်းပေးလိုက်ကြတယ်” ဟု နေပြည်တော် စစ်ဘက်ဆိုင်ရာ သတင်း ရပ်ကွက်နှင့် နီးစပ်သူတဦးက ရှင်း ပြသည်။

ဆောက်လုပ်ရေးဝန်ကြီး ဦးခင်မောင်မြင့်က အဆိုပါသတင်းကို ကြားသိသောအခါ ဦးသာအေးသည် ယခုအချိန်တွင် သာမန်လွှတ်တော်ကိုယ်စားလှယ်လောင်း တဦးသာဖြစ်သောကြောင့် ၀န်ကြီးဌာနပိုင် နေအိမ်များကို သိမ်းယူနိုင်ခွင့်မရှိကြောင်း၊ ဦးသာအေးသည် စစ်ကိုင်းတိုင်းဝန်ကြီးချုပ် မဖြစ်သေးသည့်အတွက် နေအိမ်များကို ၀န်ကြီးဌာနလက်ပြန်အပ်ရန် တောင်းဆို ခဲ့ကြောင်း သိရှိရသည်။

ဦးသာအေးက ၎င်းသည် မကြာမီ စစ်ကိုင်းတိုင်း ၀န်ကြီးချုပ်အဖြစ် တာဝန်ထမ်းဆောင်မည့် သူဖြစ်သည့်အပြင် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီတွင် ထိပ်တန်းရာထူး တာဝန် ထမ်းဆောင်ခဲ့သူဖြစ်သောကြောင့် ဆောက်လုပ်ရေးဝန်ကြီး၏ တောင်းဆိုချက်ကို အကြောင်းမပြန်နိုင်ဟု ပြောဆိုခဲ့သည်။

ဝန်ကြီးဦးခင်မောင်မြင့်က ဦးသာအေး၏ ဥပဒေနှင့် မညီညွတ်ဘဲ ၀န်ကြီးဌာနပိုင် အဆောက်အအုံများ သိမ်းယူခဲ့ခြင်းအပေါ် ဗိုလ်ချုပ်မှူးကြီးသန်းရွှေအပါအ၀င်ထိပ်တန်း စစ်ခေါင်း ဆောင်များထံ စာတင်တိုင်ကြားခဲ့ကြောင်း၊ ထိုသို့ တိုင်ကြားလိုက်သည့် အတွက် စစ်အစိုးရ ထိပ်တန်းခေါင်းဆောင်များက ဦးသာအေးကို အဆောက်အအုံများ ဆောက်လုပ်ရေးဝန်ကြီး ဌာနထံ ပြန်လည် ပေးအပ်ရန် ညွှန်ကြားခဲ့ကြောင်း သိရှိရသည်။

“ဦးသာအေးက တော်တော်ရှက်သွားပုံရတယ်။ တချိန်က ဒုတိယဗိုလ်ချုပ်ကြီး တဦးဖြစ်ခဲ့ပေမယ့် အခုအချိန်မှာ သူက ဘာမှ မဟုတ်တော့ဘူး။ စစ်ဘက်မှာ သူ့သြဇာမရှိတော့ဘူး” ဟု နေပြည်တော် စစ်ဘက်ဆိုင်ရာ သတင်းရပ်ကွက်မှ အစိုးရ အရာရှိတဦးက ဆိုသည်။

ဝန်ကြီး ဦးခင်မောင်မြင့်သည် ကြံ့ဖွံ့ပါတီ၏ ပြည်သူ့လွှတ်တော် ကိုယ်စားလှယ်လောင်းအဖြစ် စစ်ကိုင်းမြို့နယ် ကိုယ်စားပြု ၀င်ရောက်ယှဉ်ပြိုင်မည့်သူ ဖြစ်သည်။

ဦးသာအေးနှင့် ၀န်ကြီးဦးခင်မောင်မြင့်တို့ နှစ်ဦးအကြား မပြေလည်မှုသည် ရွေးကောက်ပွဲအပြီး ဖြစ်ပေါ်လာမည့် အစိုးရသစ် လက်ထက်တွင်ပါ ဆက်လက် အားပြိုင်ကြဖွယ်ရှိသည်ဟု စစ်ဘက် သတင်းရပ်ကွက်နှင့် နီးစပ်သူများက သုံးသပ်သည်။

ဗိုလ်ချုပ်မှူးကြီးသန်းရွှေ၏ အမိန့်အရ စစ်ဘက်ဆိုင်ရာ ရာထူးများ စွန့်လွှတ်ပြီး လွှတ်တော် ကိုယ်စားလှယ်လောင်းအဖြစ် ရွေးကောက်ပွဲတွင် ပါဝင်ရန် စေခိုင်းခံထားရသော ဗိုလ်ချုပ်ကြီး၊ ဒုတိယဗိုလ်ချုပ်ကြီး အများစုသည် ဗိုလ်ချုပ်မှူးကြီးအပေါ် မကျေမနပ် ဖြစ်နေကြကြောင်း နေပြည်တော်စစ်ဘက် သတင်းရပ်ကွက်မှ သိရှိရသည်။

“ယူနီဖောင်း ချွတ်လိုက်ရတဲ့ ဗိုလ်ချုပ်ကြီးတွေ၊ ဒုတိယဗိုလ်ချုပ်ကြီးတွေ အားလုံးစိတ်ထဲမှာ တူညီတဲ့ ခံစားချက် တခုရှိတယ်။ အဲဒါက လက်ရှိအခြေအနေကို သူတို့ စိတ်မသက်မသာဖြစ် နေကြတာပဲ” ဟု စစ်တပ်အရာရှိတဦးက ဆိုသည်။

ဒုတိယဗိုလ်ချုပ်ကြီးဟောင်းများ ဖြစ်သည့် ဦးမြင့်ဆွေ(ရန်ကုန်)၊ ဦးခင်ဇော် (တနင်္သာရီ)၊ ဦးအုန်းမြင့် (ကချင်ပြည်နယ်) တို့သည် တိုင်းဒေသကြီး လွှတ်တော်ကိုယ်စားလှယ်များအဖြစ် ရွေးကောက်ပွဲတွင် ယှဉ်ပြိုင်ကြမည်ဖြစ်ကြောင်း သိရသည်။

ရွေးကောက်ပွဲကို လာမည့်နိုဝင်ဘာလ ၇ ရက်နေ့တွင် ကျင်းပမည်ဟု စစ်အစိုးရက ကြေညာထားသည်။

နိုင်ရှောင်းတို့အဖွဲ့လက်နက်အပ် ပြည်သူ့စစ်လုပ်ပြီ

မင်းချမ်း၊ ကောင်းဝါ

လက်ရှိနိုင်ရှောင်းဦးစီးသော မွန်ငြိမ်းချမ်းရေးထိန်းသိမ်းရေးတပ်ဖွဲ့ဝင်များ ယမန်နေ့တွင် စစ်အစိုးရထံလက်နက်ချအခမ်းအနားပြုလုပ်ခဲ့ပြီး ပြည်သူ့စစ်အသွင်ပြောင်းလဲဖွဲ့စည်းလိုက်ပြီဟု ယင်းအဖွဲ့နှင့်နီးစပ်သူ မြဝတီမြို့ခံစီးပွားရေးလုပ်ငန်းရှင်တစ်ဦးက ပြောသည်။

အဆိုပါအခမ်းအနားကို မော်လမြိုင်မြို့ရှိ အရှေ့တောင်တိုင်းစစ်ဌာချုပ်ဝင်းအတွင်း၌ ယမန်နေ့မွန်းလွဲပိုင်း(၃) နာရီခန့်တွင်ကျင်းပခဲ့သည်ဟု မွန်ပြည်သစ်ပါတီမှ အရာရှိတစ်ဦးအတည်ပြု ပြောကြားသည်။

“အခမ်းအနားက မြို့ခံတွေတောင်မှ သိပ်မသိကြပါဘူး၊ ဌာနဆိုင်ရာကအရာရှိအချို့နဲ့ နိုင်ရှောင်းတို့အဖွဲ့ဝင်တွေပဲ အကျဉ်းရုံးလုပ်လိုက်တာတာဖြစ်တယ်” ဟု မြဝတီမြို့ခံစီးပွားရေးလုပ်ငန်းက ဆက်ပြောသည်။

အဆိုပါအခမ်းအနားကို ယခင်ရတခတိုင်းမှူးဟောင်း ဗိုလ်ချုပ်သက်နိုင်ဝင်း တက်ရောက်ခဲ့သည်ဟု စရဖနှင့်နီးစပ်သူတစ်ဦးက ပြောသည်။

အခမ်းအနားကျင်းပသည့်သတင်းများကို ယနေ့ညပိုင်းတွင် စစ်အစိုးရတီဗွီသတင်းဌာနများမှ တုတ်လွှင့်နိုင်ဖွယ်ရှိသည်ဟု ယူဆနေကြသည်။

ယခုပြောင်းလဲဖွဲ့စည်းလိုက်သော ပြည်သူ့စစ်တပ်ဖွဲ့အမည်အပြည့်အစုံနှင့် အသေးစိတ်အချက်အလက်များကို မနက်ဖြန်စစ်အစိုးရထုတ်သတင်းစာများတွင် ဖတ်ရှုနိုင်မည်ဟု ယူဆနေကြသူများလည်း ရှိကြသည်။

“အခုနိုင်ရှောင်းတို့အဖွဲ့ကို မွန်ငြိမ်းချမ်းရေးပြည်သူ့စစ်အဖွဲ့လို့ စရဖတွေပြောဆိုနေတာကြားမိတယ်” ဟု မော်လမြိုင်မြို့ခံတစ်ဦးက ပြောသည်။

အတည်မပြုနိုင်သောသတင်းအရ စစ်အစိုးရအားနိုင်ရှောင်းတို့အဖွဲ့မှ လူအင်အား(၁၂၀) ကျော်၊ လက်နက်အင်အား(၆၀)လက်ခန့်၊ မှီခိုသူမိသားစုဝင်ပေါင်း (၄၀၀)ခန့် စာရင်းပေးထားသည်ဟု သိရသည်။

မွန်ငြိမ်းချမ်းရေးကာကွယ်ရေးတပ်ဖွဲ့ကို ကွယ်လွန်သူမွန်ပြည်သစ်ပါတီမှ ဗိုလ်ချုပ်ဟောင်းအောင်နိုင်(၂၀၀၈) ခုနှစ်ကစတင်ဖွဲ့စည်းခဲ့သည်။

လွန်ခဲ့သည့်သြဂုတ်လတွင် နိုင်အောင်နိုင်ကွယ်လွန်ပြီးနောက် နိုင်ရှောင်းက မွန်ငြိမ်းချမ်းရေးကာကွယ်ရေးတပ်ဖွဲ့ ဥက္ကဌအလိုလိုဖြစ်လာသည်။

နိုင်ရှောင်းသည် ဗိုလ်မှူးကြီးအဆင့်ဖြင့် မွန်ပြည်သစ်ပါတီမှအနားယူပြီးနောက် စစ်အစိုးရအားတိုက်ခိုက်ရန် ရာမညတပ်ဖွဲ့(မွန်ခွဲထွက်)အားဖွဲ့စည်းခဲ့ပြီး ယမန်နှစ်တွင်စစ်အစိုးရထံလက်နက်ချခဲ့ပြန်သည်။

“နယ်ခြားစောင့်တပ်မဖွဲ့တဲ့ မွန်ပြည်သစ်ပါတီကို တနည်းတဖုံဖိအားပေးဖို့စစ်အစိုးရဖန်တီးမှုတရပ်ပါ” ဟု ထိုင်းနယ်စပ်စစ်ရေးစောင့်ကြည့်လေ့လာသူများ သုံးသပ်ကြသည်။