Sunday, March 31, 2013

မူဆလင်ဘာသာဝင်သုံးဦးမှ တရားထိုင်နေသော သံဃာတော်အား ကိုယ်ထိလက်ရောက်စော်ကား

စောရှင်ထွီး(ဘူးသီးတောင်)

ရခိုင်ပြည်နယ် ဘူးသီးတောင်မြို့ နယ် ဓမ္မမဏ္ဍိုင်ကျောင်းတိုက်အတွင်း တရားထိုင်နေသော ဦးပညာသီရိအား မူဆလင်ဘာသာဝင် ဘင်္ဂလီသုံးဦးမှ ကိုယ်ထိလက်ရောက် ပါးရိုက်ကာ စော်ကားသဖြင့် အဆိုပါတရားခံသုံးဦးအား ဘူးသီးတောင်ရဲစခန်းမှ ဖမ်းဆီးလိုက်ကြောင်း သိရှိရသည်။

ပုဇွန်ချောင်းကျေးရွာမှ ကာမာလ်(၂၂) ဟာမတ်တူဆောင်း(၂၀)နှင့် အီနူးဆ်(၁၉)နှစ်တို့မှာ မတ်လ(၂၈)နေ့ ညနေ(၇)နာရီခွဲအချိန်ခန့်တွင် ဓမ္မမဏ္ဍိုင်ကျောင်းတိုက်သို့ ဝင်ရောက်လာပြီး ဦးပညာသီရိ တရားထိုင်နေစဉ် ဆေးလိပ်မီးတောင်းရာ စကားပြန်မပြောသသဖြင့် ဆရာတော်၏ ပါးအား တအားလွှဲရိုက်လိုက်ခဲ့ကြောင်း သိရသည်။

ဆရာတော်လဲကျသွားခိုက် ကျောင်းတိုက်မှ တခြားကိုယ်တော် တကာများ ထွက်လာစဉ် အဆိုပါကုလားများ ထွက်ပြေးသွားပြီး ဆရာတော်ပါးပြင်ပေါ်ဝယ် ညိုမဲနေသော လက်ဝါးရာကို မြင်တွေ့ကြသော တကာများ မှ သက်ဆိုင်ရာသို့ တိုင်ကြားခဲ့ကြောင်း သိရသည်။

ဦးပညာသီရိမှာ သက်တော်( ၃၅)နှစ် သိက္ခါတော်(၁၀)ဝါ ရှိပြီး ဓမ္မမဏ္ဍိုင်ကျောင်းတိုက်တွင် သီတင်းသုံးနေသော သံဃာတော် တစ်ပါးဖြစ်သည်။

ဦးပညာသီရိအား စော်ကားသောသတင်းမှာ ဘူးသီးတောင်မြို့ သူမြို့ သားများထံ ချက်ချင်းပြန့်နှံ့သွားသောကြောင့် ဘူးသီးတောင်ရဲတပ်ဖွဲ့ဝင်များမှ အချိန်မှီ ဆူပူမှုမဖြစ်ရန် ရပ်မိရပ်ဖများကိုတားမြစ်ခဲ့ကြောင်း ဘူးသီးတောင်ရဲတပ်ဖွဲ့ ဝင်တစ်ဦးက ဆိုသည်။

" သတင်းကြားတာနဲ့ ဒေါ်သထွက်ကြတာပေါ့ ဒါပေမဲ့ ကျွန်တော်တို့ ရခိုင်အမျိုးသားဗုဒ္ဓဘာသာဝင်တွေကို အတတ်နိုင်ဆုံးတားကြတာပေါ့ ၊ဥပဒေနဲ့အညီ ဘူးသီးတောင်ပြည်သူ့ရဲတွေက တာဝန်ကျေပါတယ် မကြာခင်တရားခံတွေကို ဖမ်းမိပြီလို့ ရဲကအတည်ပြုပြောပါတယ်။ " ဟု ဘူးသီးတောင်မှ ရခိုင်လူငယ်တစ်ဦးက ပြောပါသည်။

ဖမ်းဆီးရမိထားသော တရားခံမူဆလင်ဘာသာဝင် ဘင်္ဂလီသုံးဦးမှာ ငယ်ငယ်ကတည်းက အဆိုပါကျောင်းနှင့် ရင်းနှီးမှုရှိနေပြီး မူဆလင်ဘာသာဝင် ဘင်္ဂလီငယ်များ မမြဲတမ်း ဝင်ထွက်သွားလာနေကြပြီး ဆရာတော်များဖြင့် ရင်းနှီးနေကြကြောင်း သိရသည်။

ဆရာတော်အား ကိုယ်ထိကာယကျူးလွန်သည်မှာ မှန်ကန်ကြောင်းကို တရားခံများ ထွက်ဆိုထားသဖြင့် တရားဥပဒေအရ ပုဒ်မ(၄၅၂)၊ သာသနာကို အကြည်ညိုပျက်စေမှု ပုဒ်မ (၂၉၅)တပ်ကာ ရဲ စွဲချက်တင်မည်ဟု ဘူးသီးတောင်ရဲတပ်သားတစ်ဦးက အတည်ပြု ပြောကြားခဲ့သည်။

ရခိုင် တကျော့ပြန် ပဋိပက္ခတွင် ဖမ်းဆီးခံရသူ မြောက်ဦးမှ (၄)ဦးလွတ်မြောက်

မိုးဇော်

ရခိုင်တိုင်းရင်း အမျိုးသား(၄)ဦး မတ်လ(၂၈)ရက်နေ့က ပြန်လည်လွတ်မြောက်လာစဉ်တွင် မြင်တွေ့ရစဉ်

ရခိုင်ပြည်တွင် ၂၀၁၂ ခုနှစ် အောက်တိုဘာလက ဖြစ်ပေါ်ခဲ့သော တကျော့ ပြန်ပဋိပက္ခတွင် အစိုးရမှ ပဋိပက္ခအတွင်း ဦးဆောင်ပါဝင်သူဟု သံသယရှိသူများအား ဖမ်းဆီးအရေးယူခဲ့ရာတွင် ပါဝင်သူ မြောက်ဦးမြို့နယ်မှ ရခိုင်တိုင်းရင်းသား အမျိုးသား (၄) ဦးမှာ အပြစ်ဒဏ်များကျခံပြီး မတ်လ (၂၈) ရက်နေ့က ပြန်လည် လွတ်မြောက်လာကြောင်း သိရသည်။

အဆိုပါ ပဋိပက္ခတွင် ဦးဆောင်ပါဝင်သူဟု သံသယရှိသူများအား ဖမ်းဆီးအရေးယူခဲ့ရာတွင် မြောက်ဦးမြို့နယ်မှ ရခိုင်အမျိုးသား (၁၇) ဦးရှိခဲ့ပြီး ယခုလ လွတ်မြောက်လာသူများမှာ ဦးစော လှအောင်(ကြက်ဈေးရပ်ကွက်)၊ ဦးထွန်းယဉ်(ကြက်ဈေးရပ်ကွက်)၊ စံသိန်းကျော်(ကျောက်ရာဇ်ကေရပ်ကွက်)တို့ ဖြစ်ကြောင်း သိရသည်။

" ကျနော်တို့ကို ဖမ်းဆီးသွားတာကတော့ ခိုးဝင်ဘင်္ဂလီတွေနဲ့ ပဋိပက္ခဖြစ်တာမှာ ရှေ့ကနေ ဦးဆောင်တိုက်သူဆိုပြီးတော့ ခေါင်းစဉ်တပ်ကာ ဖမ်းဆီးတာဖြစ်တယ်။ သူတို့တွေနဲ့ တိုက်ခိုက် ပြီးတော့ ပြဿနာဖြစ်ပေါ်လာအောင် အားပေးအားမြောက်ပြုမှုနှင့် မီးရှို့တာတွေကို ဖြစ်ပေါ်အောင် လုပ်ဆောင်တယ်လို့ပြောပြီး အဖမ်းခံရတာဖြစ်ပါတယ်။ " ဟု ပြန်လည်လွတ်မြောက် လာ သူ တစ်ဦးဖြစ်သည့် အသက် ၅၃ နှစ် ဦးလှစောအောင်က ပြောသည်။

ဖမ်းဆီးခံ(၁၇)ဦးမှာ မီးဖြင့်ဖြစ်စေ၊ ပေါက်ကွဲစေတတ်သော ပစ္စည်းဖြင့်ဖြစ်စေ၊ ပဋိပက္ခ ဖြစ်ပေါ်လာအောင် အားပေးအားမြောက်ပြုမှု၊ မီးရှို့မှုများကို ဖြစ်ပေါ်အောင် လုပ်ဆောင်မှု၊ ပုဒ်မ ၄၃၆ ဖြင့် တရားစွဲဆို ဖမ်းဆီးခံရခြင်း ဖြစ်ကြောင်း လွတ်မြောက်လာသူ ဦးလှစောအောင်က ဆိုသည်။

" ပြန်လွတ်လာတာကိုတော့ ၀မ်းသာပါတယ်။ ကျနော်တို့ပြန်လွတ်လာတာကို မြောက်ဦးမြို့သူ/သားတွေက တခဲနက်ကြိုဆိုကြပါတယ်။ မြို့သူမြို့သားတွေကို အရမ်းကျေးဇူးတင်ပါတယ်။ ဂုဏ်လေးဂုဏ်ယူပါတယ်။ ဒါပေမယ့် ကျနော်တို့ပြန်လွတ်လာပေမယ့် မလွတ်ဘဲကျန်နေခဲ့ကြတဲ့ ရခိုင်သူရဲကောင်းတွေအတွက် ၀မ်းနည်းမိပါတယ်။ လုံးဝကို စိတ်မကောင်းပါဘူး။ " ဟု ဆက် လက်ပြီး ဦးလှစောအောင်က ပြောသည်။

အဆိုပါ ပုဂ္ဂိုလ်များမှာ စစ်တွေအကျဉ်ထောင်အတွင်း၌ ကျခံခဲ့ရပြီး ပြန်လည်လွတ်မြောက်လာစဉ်မှာ မိသားစုဝင်များ၊ ရခိုင်မျိုးချစ်ပုဂ္ဂိုလ်များနှင့် မြို့မိမြို့ဖများက စုပေါင်းကာ လူပေါင်း ၅၀၀ ကျော်က ကြိုဆိုခဲ့ကြောင်း သိရသည်။



မတ်လ(၂၈)ရက်နေ့က ပြန်လည်လွတ်မြောက်လာသော ရခိုင်အမျိုးသား(၄)ဦးအား မြောက်ဦးမြို့သူ/သားများက သောင်းသောင်းဖြဖြကြိုဆိုနေစဉ်

လက်ပံတောင်းတောင်သပိတ် စခန်း အကြမ်းဖက်ဖြိုခွဲခံခဲ့ရမှု ၄လပြည့် ရန်ကုန်တွင် ဆန္ဒပြ

နန်းသူးလေ (ကေအိုင်စီ)

မြန်မာနိုင်ငံတွင် တရားဥပဒေစိုးမိုးရေးနှင့် လက်ပံတောင်းတောင်ကြေးနီစီမံကိန်း ဖြိုခွဲခံခဲ့ရမှု ၄လပြည့်သည့် ယနေ့တွင် အကြမ်းဖက်ဖြိုခွဲခဲ့သူအား အစိုးရမှ အမြန်ဆုံးအရေးယူပေးရန် ပြည် တွင်းလူမှုအဖွဲ့ အစည်းများ စုပေါင်းပြီး ရန်ကုန်မြို့တွင် ဆန္ဒထုတ်ဖော် ခဲ့ကြသည်။

သံဃာတော်များ၊ ပြည်တွင်းလူမှုအဖွဲ့အစည်းများ၊ ရန်ကုန်မြို့ခံများစသည့် လူဦးရေ ၃၀ခန့်က ရန်ကုန်တိုင်း ဒေသကြီး၊ ဆူးလေဘုရားအနီးရှိ မဟာဗန္ဓုလပန်းခြံရှေ့တွင် စုဝေးကြပြီး ညနေ ၄နာရီအချိန်မှစ၍ ဆူးလေ ဘုရားကို လေးပတ်ပတ်ကာ ဆန္ဒထုတ်ဖော်ခဲ့ကြခြင်းဖြစ်ပြီး ညနေ ၆နာရီအချိန်တွင် ပြီးဆုံးသွားခဲ့ကြောင်း သိရသည်။

ယနေ့ဆန္ဒထုတ်ဖော်မှုတွင် ပါဝင်သည့် ငြိမ်းချမ်းရေးကွန်ရတ်မှ ကိုမိုးသွေးက


“လက်ပံတောင်းတောင်သပိတ် စခန်းမှာ ဆန္ဒပြခဲ့ကြတဲ့ပြည်သူတွေနဲ့ သံဃာတော်တွေကို အစိုးရတာဝန်ရှိတဲ့ သူတွေက မီးလောင်ဗုံးတွေသုံးပြီး တော့ ရက်ရက်စက်စက်ဖြိုခွင်းခဲ့တာဒီနေ့မှာ ၄လတိတိပြည့်ခဲ့ပြီ။ ဒီကိစ္စနဲ့ပတ်သက်ပြီးတော့ အကြမ်းဖက်ဖြိုခွဲခဲ့ တဲ့ ကိစ္စမှာ တာဝန်ရှိတဲ့ ပုဂ္ဂိုလ်ကို အမြန် ဆုံးဖော်ထုတ်အရေးယူပေးဖို့ လက်ရှိအစိုးရနဲ့ သမ္မတကို ဆန္ဒပြတောင်းဆိုနေကြတာ ဖြစ်ပါတယ်”ဟု ပြောဆိုသွားခဲ့သည်။

ပြီးခဲ့သည့် ၂၀၁၂ ခုနှစ်၊ နိုဝင်ဘာလ ၂၉ရက်နေ့က စစ်ကိုင်းတိုင်း၊ မုံရွာခရိုင်၊ လက်ပန်းတောင်းတောင် ကြေးနီ စီမံကိန်းရပ်ဆိုင်းရေးအတွက် ဖွင့်လှစ်ထားသည့် သပိတ်စခန်းများကို အစိုးရ ရဲတပ်ဖွဲ့မှ အကြမ်းဖက်တိုက်ခိုက်ခဲ့ မှုကြောင့် ရဟန်းသံဃာတော်များအပါအ၀င် လူပေါင်းရာနှင့် ချီထိခိုက်ဒဏ် ရာရရှိခဲ့ကြသည်။

စစ်တွေ တက္ကသိုလ်ဝင်းထဲ မီးလောင်မှု ဖြစ်ပွား

သိန်းလှိုင်

စနေနေ့ မနက် ၁၀း၄၅ နာရီခန့်က စစ်တွေ တက္ကသိုလ်ခြံဝင်းအတွင်း၌ မီးလောင်မှု တခုဖစ်ပွားခဲ့သည်။

မီးလောင်မှုမှာ တက္ကသိုလ် အဆောက်အဦများကို လောင်ကျွမ်းခြင်းမဟုတ်ဘဲ တက္ကသိုလ်ကျောင်း၏နောက်ဘက် မြက်ခင်းပြင်ပေါ်၌ ဖြစ်ပွား ခဲ့သည်ဟု အခင်းဖြစ်စဉ် တက္ကသိုလ်ဝင်းထဲသို့ ရောက်နေသော တာဝန်ကျ လုံခြုံရေး ဝန်ထမ်းတဦးက မဇ္ဈိမကို ပြောသည်။

“ဖြစ်စဉ်အစအဆုံး အဲဒီမှာ ကျနော် ရှိနေခဲ့ပါတယ်။ ၁၂ နာရီဝန်းကျင် လောက်မှာ အကုန်လုံး ငြိမ်းသွားပါတယ်။ ဘယ်သူ့ပယောဂမှ မပါပါဘူး။ မြက် ခြောက်က စလို့ မီးလောင်ခြင်းသာ ဖြစ်ပါတယ်။ မီးသတ်ကား နှစ်စီးနဲ့ ငြိမ်းသတ်ခဲ့တယ်။ တက္ကသိုလ်ခြံဝင်းက အရမ်းကျယ်တော့ မြက် ခြောက်တွေကို မီးငြိမ်းတဲ့အခါ နဲနဲပိုကြာသွားတယ်။ အဆောက်အဦတွေ ထိခိုက်မှုတော့ မရှိပါဘူး။ ကျောင်းဆောင်နဲ့ ကိုက် ထောင်ချီဝေးတဲ့ နေရာက စဖြစ်တယ် ဆိုတော့ တက္ကသိုလ် ဝန်ထမ်းတွေ၊ ဆရာ/ဆရာမတွေ၊ ကျောင်းသားတွေတော့ မဖြစ်နိုင်ဘူး” ဟု၎င်းက ဆို သညိ။

မီး စလောင်သည့် နေရာမှာ တက္ကသိုလ် အဆောက်အဦများနှင့် အလွန်ဝေးကွာသည့် နောက်ဘက်ခြံစည်းရိုး အနီးတွင် ရှိနေပြီး ခြံစည်းရိုး အ ပြင် ဖက်တွင် ဝါးရုံတောနှင့် “ဘုမေ”အမည်ရှိ သော မူဆလင်ရွာ ရှိသည်။

နောက်ဆုံး အခြေအနေနှင့် ပတ်သက်၍ စစ်တွေအမှတ်(၁)ရဲစခန်းမှ ရဲဝန်ထမ်းတဦးက “သာမန် ဆေးလိပ်မီးကနေ တဆင့်လောင်တဲ့မီးလား။ ဒါမှမဟုတ် တစုံတယောက်ကနေ တမင် ရည်ရွယ်ပြီး လုပ်တာလားဆိုတာကို စစ်ဆေးနေတုန်းပဲ ရှိပါတယ်။ လုံခြုံရေးကတော့ အဲဒီမှာ အမြဲရှိ နေပါတယ်” ဟု ပြောသည်။

အခင်းဖြစ်ပွားချိန်၌ စစ်တပ်၊ ရဲ၊ မီးသတ်နှင့် ဌာနဆိုင်ရာများစု ရောက်ရှိလာပြီး လုံခြုံရေးကိုလည်း တိုးမြှင့်ချထားခဲ့ ရာမှ ယခုအခါ ပုံမှန်အ နေအထားသို့ ရောက်ရှိနေပြီဟု သိရသည်။

ရှမ်းမြောက်တွင် KIA နှင့် တိုက်ပွဲပြင်းထန်

ကချင်သတင်း

ရှမ်းပြည်မြောက်ပိုင်း ဒေသရှိ ကချင်ပြည် လွတ်လပ်ရေးတပ်မတော် (KIA) တပ်မဟာ (၄) နယ်မြေ ဂန်မိန်းဒေသ ကောင်းဝွေဘွမ် (Kawng Woi Bum) သို့ အစိုးရတပ်က ထိုးစစ်ဆင် လာသောကြောင့် တိုက်ပွဲပြင်းထန်စွာ ဖြစ်ပွားခဲ့ကြောင်း သိရသည်။

ကွတ်ခိုင်အရှေ့ဘက်ရှိ ကွန်လုံ၊ နမ်ဂျရပ်ရှိ မြန်မာအစိုးရတပ်ဖွဲ့ဝင် အင်အား ၁၀၀ ကျော်မှ KIA တပ်ရင်း (၁၇) ရှိရာသို့ မတ်လ (၂၈) ရက်နေ့က ထိုးစစ်လာခဲ့ရာ နံနက် ၉ နာရီခွဲမှ မွန်းတည့် ၁၂ နာရီခန့် အထိ ဖြစ်ပွားခဲ့ကြောင်း တပ်မဟာ (၄) မှ အမည်မဖော်လိုသူ အရာရှိ တစ်ဦးက KNG ကချင်သတင်းဌာန သို့ပြောဆိုသည်။

“ပစ်ရင်းပစ်ရင်းနဲ့ ၁၂ နာရီထိဖြစ်သွားတယ်။ သူတို့ဖယ်သွားရင်တော့ ဘာမှဖြစ်စရာမရှိဘူး။ သူတို့ပြန်ထိုးလာရင်တော့ ဆက်ပြီးတော့ဖြစ်မှာပဲ။ ကျနော်တို့ဘက်က သူတို့ရှိတဲ့နေရာမှာ တမင်သွားတိုက်တာ မရှိဘူး။ သူတို့လာလို့ဘဲ ပစ်ခတ်မှုကဖြစ်လာတာ။”

ဆက်လက်၍ “ဒီနေ့သူတို့ဘက်က အရမ်း ထိခိုက်မယ်။ ငိုတဲ့သူတွေ အော်တဲ့သူတွေနဲ့ ညည်းငြူတဲ့ အသံတွေကြားနေရတယ်။ အားလုံး နမ်ဂျရတ် ဘက်ပဲ ပြန်ဆုတ်သွားတယ်။ အရမ်းဝေးတဲ့နေရာတော့ မပြေးလောက်ဘူး” ဟုလည်း ဆိုသည်။

ယမန်နေ့ တိုက်ပွဲတွင် အစိုးရတပ်မှ ထိခိုက်ကျဆုံးမှုများပြီး KIA တပ်ဖွဲ့ဝင်များဘက်မှ တစုံတရာ ထိခိုက်မှု မရှိကြောင်း KIA ဖက်က ပြောဆိုသော်လည်း ယင်းကိစ္စ သီးခြား အတည်ပြုချက် မရသေးပါ။

လောလောဆယ်တွင် မုံးကိုးဒေသရှိ စင်လီ(၆၉) အဖွဲ့နှင့် ထန်ဆီ ဦးဆောင်သည့် ကွတ်ခိုင် ပြည်သူ့စစ် တပ်ဖွဲ့ဝင် အင်အား (၇၀) ခန့်သည် ပန်ဆိုင်းမြို့နယ် အတွင်းရှိ လူလီနှင့် ခလဲန် ကျေးရွာ များသို့ ရောက်ရှိနေပြီး ဒေသခံ များ၏ အိမ်မွေး တိရိစ္ဆာန်များကို ယူငင် စားသောက် နေကြောင်း KIA အရာရှိက ပြောဆိုသည်။

“အိမ်ဆိုင်ခန်းထဲဝင်ပြီး ကြိုက်သလိုယူ မွှေနှောက်ပြီးတော့ စိတ်ကြိုက်လုပ်နေတယ်။ အိမ်တအိမ်မှာက ပိဿာ ၃၀ ရှိတဲ့ ဝက်ကို ပစ်သတ်စားပေးတယ်။ ပြည်သူတွေက ပိုက်ဆံမတောင်းရဲပဲ ကြောက်ပြီးထွက်ပြေးနေရတယ်” ဟု ဆိုသည်။

သို့သော် ယင်းကိစ္စ အတည်ပြုချက် ရနိုင်ရန် ဒေသခံများထံ ဆက်သွယ်ခဲ့သော်လည်း ဆက်သွယ်၍ မရပေ။

လောလောဆယ် ကွန်လုံ ဘက်တွင် အစိုးရ၏ ခြေလျင်တပ်ရင်း ခလရ ၁၄၇၊ ၁၀၅၊ ၁၄၅ နှင့် ၂၉၀ တပ်ရင်းများ ရောက်ရှိနေပြီး KIA တပ်ရင်း (၁၇) အနီး တပ်အင်အား (၃၀၀) ကျော် ရောက်ရှိနေကြောင်း သိရသည်။

ရခိုင် ကလေးငယ်တစ်ဦးအား မွတ်ဆလင်ပိုင် ဂျစ်ကားတိုက်မိ၍ သေဆုံး

ပျို့ အောင်(နတ်မြစ်)

ကားတိုက်ခံရသည့် ရခိုင်ကလေးငယ် ဆေးရုံသို့ပို့ရန်စီစဉ်နေစဉ်

မတ်လ (၂၉) ရက်နေ့က ဘင်္ဂလာဒေခ်ျ့နိုင်ငံ ကောဆ့်ဘာဇာ(ခ)ဖလောင်းချိတ်ခရိုင် တက္ကနာမြို့ နယ် သော်ဒလီပါရာ(ခ) မြစ်နားရွာ အာသော က ကျောင်းတိုက်ရှေ့ လမ်းမကြီးပေါ်တွင် ရခိုင် ကလေးငယ်တစ်ဦးအား ဂျစ်ကား(Dhaka metro 164)ဖြင့် ၀င်တိုက်မိသဖြင့် သေဆုံးသွား ကြောင်း သိရသည်။

အဆိုပါ ဂျစ်ကားမှာ ဖလောင်းချိတ်မှလာသော ခရီးသည်တင်ကားတစ်စီးဖြစ်ပြီး တက္ကနာသို့အသွား အဆိုပါခလေးငယ်အား မတ်လ ၂၉ ရက် နေ့ ညနေ (၆) နာရီခန့်တွင် တိုက်မိရာ ခလေး ငယ်မှ ဦးခေါင်းပိုင်း ထိမှန်၍လွင့်စဉ်ကျသွားသဖြင့် ချက်ချင်း ဖလောင်းချိတ်ဆေးရုံသို့ ပို့ ဆောင်ခဲ့ရာ ဆေးရုံသို့အရောက် ည(၉)နာရီတွင် သေဆုံးသွားကြောင်း ဖလောင်းချိတ် အာလ်ဖေါ်ဝပ် ဆေးရုံတာဝန်ခံ ဆရာဝန်မှ အတည်ပြု ပြောကြားသည်။

သေဆုံးသွားသော ရခိုင်အမျိုးသား ခလေးငယ်မှာ အဖဦးသန်းထွန်းအောင်(ခ)ဒုံးချေနှင့် အမိ ဒေါ်ဖြူမေတို့၏သား မောင်မောင်ချေ(ခ) သန်း ကျော်ထွန်း (၇)နှစ်ဖြစ်ကြောင်း အမိဖြစ်သူ ဒေါ်ဖြူမေမှာ ရခိုင်အမျိုးသမီးများ အစည်းအရုံး (RWU)အဖွဲ့ဝင် တစ်ဦးဖြစ်ကြောင်း သိရှိရ သည်။

ဂျစ်ကား(Dhaka metro 164) မွတ်ဆလင်အမျိုးသား ကားဒရိုင်ဘာ အေကလာ၏ သားဖြစ်သူ နူရူအီဆလမ်(၂၅)ဖြစ်ကြောင်း တရားခံနှင့် အဆိုပါဂျစ်ကားအား တက္ကနာမြို့ နယ် ရဲစခန်းမှ ဖမ်းဆီးထားကြောင်း တက္ကနာရဲစခန်းမှ တာဝန်ရှိသူက ဆိုသည်။

သေဆုံးသွားသူမှာ မြစ်နားရွာ ကျေးရွာတွင် လာမည့်ဧပြီ (၃၊ ၄၊ ၅ )ရက်တို့တွင် ကျင်းပမည့် အသောက ကျောင်းတိုက်ဆရာတော် ဦးပဏ္ဍိ ဈာ ပနအတွက် ဒုံယိမ်းကလေ့ကျင့်နေမှုကို သွားရောက်ကြည့်ရာမှ အပြန်လမ်းဖြတ်ကူးရာ ကားတိုက်ခံရခြင်းဖြစ်ကြောင်း ရွာသားတစ်ဦးဖြစ်သူ ဦးမောင်ထွီးလှမှ ပြောသည်။

ကားဒရိုင်ဘာဖြစ်သူမှာ ကားမောင်းခွင့်လိုင်စင် မရှိဘဲကြုံသလို မောင်းနေသူလူငယ်ဖြစ်ကြောင်း၊ ဘင်္ဂလာဒေခ်ျ့နိုင်ငံတွင် နှစ်စဉ်ကားတိုက်မှု များပြားလာသည်ဟု လူအခွင့်အရေးတာဝန်ခံ ကိုဝင်းသိန်းက ဆိုသည်။

ကလေးငယ်အား ကားဖြင့်တိုက်သည့် ကားဆရာ(အင်္ကျီမပါ)

အကြမ်းဖက်မှုများတွင် စနစ်တ ကျလေ့ကျင့်ထားသည့် ပုံစံမျိုး မြင်တွေ့နေရဟု ကိုမင်းကိုနိုင် ပြော

စောထွန်းလင်း (ကေအိုင်စီ)

မြို့ကြီးအချို့၌ လက်ရှိဖြစ်ပွားနေသော အကြမ်းဖက်မှုဖြစ်ရပ်များတွင် ပါဝင်နေသူများသည် စနစ်တကျ လေ့ကျင့်ထားသည့် ပုံစံမျိုး မြင်တွေ့နေရကြောင်း ၈၈မျိုး ဆက်ကျောင်းသား ခေါင် ဆောင် ဦးမင်းကိုနိုင်က ရန်ကုန်ရှိ ၎င်းတို့ရုံးခန်းတွင် ယမန်နေ့က ပြုလုပ်သည့် သတင်းစာရှင်းလင်းပွဲ၌ ထုတ်ဖော်ပြောကြား လိုက်သည်။

တိုက်ခိုက်မှုပုံစံမှာ လူမျိုးရေး ဘာသာရေး ခွဲခြားတိုက်ခိုက်ခြင်းမျိုး မဟုတ်ဘဲ တမင်ရည်ရွယ်၍ စနစ်တကျတိုက်ခိုက်နေသည့်ပုံစံမျိုးဖြင့် တိုက်ခိုက်ခဲ့သည်ကို မတ်လ ၂၂ရက်နေ့က ဖြစ်ပွားခဲ့သည့် မိထ္ထီလာအကြမ်းဖက်မှုကို ကြည့်ပါက ထိုသို့ ပြောဆိုနိုင်ကြောင်း ဦးမင်းကိုနိုင်က ယခုလို ပြောသည်။

“ကျနော်တို့က ဘယ်သူဘယ်ဝါဆိုတာ မခိုင်မာပဲနဲ့ ဘယ်တော့မှ စွပ်စွဲဖို့ မရှိဘူး။ စိုးရိမ်ပူပန်မှုကိုတော့ ပြောရ လိမ့်မယ်။ ဘာဖြစ်လို့လဲဆိုတော့ ဒါဟာ စနစ်တကျလေ့ကျင့်ထားတဲ့ တိုက်ခိုက်ရေးသမားပုံစံမျိုး အပြည့်အဝ ပေါက်နေတယ်။ အရင့်ရင်ကလည်း ဒီလို ဖြစ်ခဲ့ပြီးပြီ။ ဝီစီမှုတ်ပြီးတော့ တပ်တွေ ဖြန့်တာ၊ ခရာမှုတ်ပြီးတော့ ခိုင်း တာ၊ ဝီစီမှုတ်ပြီးတော့ လူပြန်စုပြီးတော့ ထွက်ခွာတာမျိုးတွေကအစ အကုန်တတယ့်အချက်ပဲ”ဟု ဦးမင်းကိုနိုင် က ပြောသည်။

အကြမ်းဖက်အုပ်စုများတွင် သီးခြားသင်္ကေတများ အမှတ်အသားများပါဝင်သည်ကို တွေ့ရကြောင်း၊ လက်ကောက်ဝတ်များတွင် ဝတ်ဆင်ထားသည်များရှိသလို ဘောင်းဘီတွင် အမှတ်အသား တစ်မျိုးပြန်ပြောင်းပြီး တပ်ဆင်ထားကြောင်းလည်း ဦးမင်းကိုနိုင်က ဆက်လက်ပြောကြားသည်။

အဆိုပါ အကြောင်းရင်းများကို ကြည့်ခြင်းအားဖြင့် ဒေသခံများက ပြုလုပ်ခြင်း မဟုတ်ဘဲ အကြမ်းဖက်အုပ်စု များသည် တဖြည်းဖြည်း အဝေးပြေးလမ်းအတိုင်းဆင်းလာကာ တစ်မြို့ပြီးတစ်မြို့ ထိပါးလာသည်ကို တွေ့ရ ကြောင်းနှင့် ထိပါးလုပ်ဆောင်ရာ၌လည်း မီးပျက်သွားမှုများ၊ တယ်လီဖုန်းလိုင်း ပျက်သွားမှုများ ချိန်ကိုက် ဖြစ်ပွားလေ့ရှိ သည်ဟု ၈၈ မျိုးဆက်ကျောင်းသားအဖွဲ့က ဆိုသည်။

မြန်မာနိုင်ငံတွင် လတ်တလောဖြစ်ပွားနေသော အကြမ်းဖက်မှုများကို သက်ဆိုင်ရာဒေသအသီးသီးရှိ ဘာသာ ရေး၊ လူမှုရေး၊ အရပ်ဖက် လူ့အဖွဲ့အစည်းများစုစည်း ညှိနှိုင်းကာ ပဋိပက္ခကြိုတင်တားဆီးရေးပြင်ဆင်မှုများ ဆောင်ရွက်ထားကြရန် တိုက်တွန်းထားသည့် သဘောထားထုတ်ပြန်ချက်တစ်စောင်ကို ၈၈မျိုးဆက် (ငြိမ်းချမ်းရေးနှင့် ပွင့်လင်းလူ့အဖွဲ့အစည်း)မှ မတ်လ၂၇ ရက်နေ့က ထုတ်ပြန်ခဲ့သည်။

ကိုရဲမင်းဦး ပျောက်ဆုံးမှု AYO အပူတပြင်းစုံစမ်းနေ

ဇင်ကီး


မတ်လ၂၇ ရက် နေ့ နေ့လည်၁၂ နာရီ ရန်ကုန်မြို့၊ အနောက်ရွှေဂုံတိုင်လမ်းရှိ ရွှေရသာစားသောက်ဆိုင်တွင် ကိုရဲမင်းဦးကိစ္စ AYO က သတင်းစာရှင်းလင်းပွဲပြုလုပ်စဉ်

လွန်ခဲ့သည့်ရက်ပိုင်းက အမည်မသိလူနှစ်ဦး ခေါ်ဆောင်သွားခဲ့ရာမှ ပျောက်ခြင်းမလှ ပျောက်ဆုံးနေသော ကိုရဲမင်းဦး ကိစ္စနှင့်ပတ်သက်၍ ရခိုင်လူမှုရေးအဖွဲ့အစည်းတခုဖြစ်သော ရခိုင်လူ ငယ်များအဖွဲ့ (Arakan Youths Organization- AYO) အဖွဲ့မှ အပူတပြင်း စုံစမ်းလျက်ရှိကြောင်း သိရသည်။

ကျောင်းသားသမဂ္ဂ ဖြစ်မြောက်ရေးကော်မတီ အတွင်းရေးမှူးလည်းဖြစ်၊ AYO အဖွဲ့ဝင်လည်းဖြစ်သော ကိုရဲမင်းဦးမှာ ဗဟန်းမြို့နယ် ဦးသာသနာ့ကျောင်းတွင်ရှိနေခိုက် မတ်လ (၂၅)ရက်နေ့ ည(၉)နာရီခန့်တွင် ၄င်းအား အမည်မသိ လူနှစ်ဦး လာရောက်ခေါ်ဆောင်သွားခဲ့ရာမှ ပျောက်ဆုံးသွားခဲ့သဖြင့် ဗဟန်းရဲစခန်း၌ ၁၃/၂၀၁၃ လူပျောက်မှုဖွင့်ကာ ဆက်လက်စုံစမ်းလျက်ရှိရာ မတ်လ(၂၉)ရက်နေ့ ညနေအထိ စုံစမ်းမရရှိ သေးဟု AYO အဖွဲ့ဝင် ကိုဖိုးသားက ပြောသည်။

အပြင်မှာ သတင်းတွေမျိုးစုံထွက်နေပေမယ့်၊ အာဏာပိုင်တွေဖက်က အရေးယူထားတယ်၊ မထားဘူးဆိုတာ တရားဝင် ပြောတာမရှိသေးဘူး။ ဖမ်းထားတယ် ဆိုရင်လည်း ဖမ်းထားတယ် ပေါ့။ ဘာကြောင့်ဖမ်းထားတယ်၊ ဘယ်မှာထားတယ်ဆိုတာ တရားဝင်ပြောရမှာပေါ့။ အခုဟာက ဘာမှပွင့်လင်းမြင်သာမှုမရှိတော့ အားလုံးက စိုးရိမ်နေရတာပေါ့ဗျာ" ဟု ကိုဖိုးသားက ဆို သည်။

၎င်းအား မတ်လ ၂၅ ရက်နေ့တွင်ခေါ်ယူသွားပြီးနောက် ၂၆ ရက်နေ့တွင် ဗဟန်းမြို့နယ် ရဲတပ်ဖွဲ့နှင့် ရန်ကုန်တိုင်းရဲတပ်ဖွဲ့တို့မှတာဝန်ရှိသူများ၊နယ်မြေခံ SB များကို AYO မှ စုံစမ်းမေးမြန်းခဲ့ သော်လည်း ၄င်းတို့အနေဖြင့် မသိရှိရကြောင်း ဖြေကြားခဲ့သည်ဟု AYO အဖွဲ့ဝင် ကိုမောင်လေးက ရှင်းပြသည်။

အဆိုပါ ကိုရဲမင်းဦးမှာ စီးပွားရေး တက္ကလိုလ်ဂုဏ်ထူးတန်း နောက်ဆုံးနှစ် ကျောင်းသားတစ်ဦးဖြစ်ပြီး၊ ရွှေဝါရောင် တော်လှန်ရေးတွင် တက်ကြွစွာပါဝင်ဆောင်ရွက်ခဲ့၍ အကျဉ်းတောင်တွင်း၌ (၄)နှစ်ကျော်နေခဲ့ရပြီးနောက် ပညာဆက်သင်ခွင့် ရပ်ဆိုင်းခံထားရာမှ လက်ရှိတွင် သမ္မတ၏ခွင့်ပြုချက်နှင့်အတူ ကျောင်းဆက်တက်ရန် စောင့်ဆိုင်းနေခြင်း ဖြစ်သည်။

မိသားစုဝင် ဦးလေးဖြစ်သူ ဦးကျော်ကျော်ကလည်း " ဂွမြို့နယ် ပိန္နဲကုန်းရွာမှာနေတဲ့ ကိုရဲမင်းဦးရဲ့ မိဘတွေက သူ့သားကို ကျနော်တို့ဆီမှာ အပ်ထားခဲ့တာပါ။ အခု သားပျောက်နေတာကြား ရတော့ နေမကောင်းဖြစ်နေတဲ့ သူ့အဖေဟာ သားအတွက် စိုးရိမ်စိတ်နဲ့ ထမင်းလည်းမစားတော့ဘူး။ အိပ်ရာထဲမှာ ဘုန်းဘုန်းလဲတော့တာပဲ။ " ဟု ပြောသည်။



ပျောက်ဆုံးနေသည့် ကျောင်းသားသမဂ္ဂဖြစ်မြောက်ရေး ကော်မတီ အတွင်းရေးမှူး ကိုရဲမင်းဥိး(ဓါတ်ပုံ- အင်တာနက်)


ကိုရဲမင်းဦး ပျောက်နေမှုအား စိုးရိမ်ခြင်းပြသသည့်အနေဖြင့် ရခိုင်လူငယ်များအဖွဲ့(AYO)မှ ဦးဆောင်၍ မတ်လ (၂၇)ရက်နေ့က အနောက်ရွှေဂုံတိုင်လမ်းရှိ " ရွှေရသာ " စားသောက်ဆိုင်၌ သတင်းစာ ရှင်းလင်းပွဲ တရပ် ပြုလုပ်ခဲ့သလို၊ မတ်လ၂၉ရက် နေ့တွင်လည်း ၄င်းပျောက်ဆုံးမှု အပေါ်ပြည်သူ့လွှတ်တော်တရား ဥပဒေ စိုးမိုးရေးကော်မတီ၊ ရခိုင်နိုင်ငံရေး ပါတီများနှင့်ရခိုင် လူမှုအဖွဲ့အစည်းများ၊ နိုင်ငံတကာကြက်ခြေနီအဖွဲ့(ICRC)၊ ကမ္ဘာ့အလုပ်သမား အဖွဲ့ချုပ်(ILO)၊ နိုင်ငံခြားသံရုံးများသို့ AYO က အသိပေးစာများ ပေးပို့ခဲ့ကြောင်း သိရသည်။

ရခိုင်လူငယ်များအဖွဲ့ AYO ကို ၂၀၁၂ ခုနှစ် ဇွန်လ ၁၁ရက်နေ့တွင် ရခိုင်ပြည်နယ်(၁၇)မြို့နယ်မှ ရခိုင်ကျောင်းသား လူငယ်များနှင့် ဖွဲ့စည်းခဲ့ပြီး၊ အမျိုးဘာသာသာသနာနှင့် ဘေးဒုက္ခရောက် နေသူများကို ကူညီဆောင်ရွက်ရန် ရည်ရွယ်သည်ဟု သိရသည်။


ကိုကြီးအောင်ရဲ့ အပြန်လမ်းမဲ့ခရီး

မင်းချမ်းထိ်ုက

ဘာလိုလိုနဲ့ နှစ်သစ်ကူးခဲ့ပြီဆိုတော့ တယောက်ထဲတည်းခိုနေတဲ့ ရန်ကုန်တိုက်ခန်းကနေ ကိုကြီးအောင်ကို မဆီမဆိုင် သတိရနေမိတယ်။

ကိုကြီးအောင်လို့ ကျနော်တို့ကြားမှာ ချစ်စနိုးခေါ်ကြပေမဲ့ သူ့နာမယ်အရင်းက နိုင်အောင်တင်။ မွန်ပြည်နယ်၊ ရေးမြို့နယ်၊ ကော့ဒွတ်ရွာက ရိုးသားဖြောင့်မတ်တဲ့ မျိုးချစ်တော်လှန်ရေးသ မား၊ ဗုဒ္ဓဘာသာ ပရိယတ္တိစာပေ အကြီးတန်းအောင်ပြီးမှ လူ ဝတ်လဲပြီး ရန်ကုန်တက္ကသိုလ်မှာ သမိ်ုင်းဘာသာ အဓိကနဲ့ ဘီအေ (ဝိဇ္ဇာ) ဘွဲ့ရပြီး မွန်အမျိုးသားရေးအတွက် သက်ဆုံး တိုင် အနစ်နာခံရုန်းကန်တိုက်ပွဲဝင်ခဲ့တဲ့တော်လှန်ရေး သမားပါ။ သူခရီးထွက်မလို့ပြင်နေဆဲမှာ အသိတယောက်က “ဥက္ကဌ ဘယ်ကို ပြန်မလဲ” လို့ မေးတော့၊ ကိုကြီးအောင်က “ငါ့မှာ အပြန် လမ်းကြောင်းမရှိဘူး။ အသွားခရီးဘဲရှိတယ်။” လို့ ခပ်ပြတ် ပြတ် ပြန်ဖြေတယ်။

အခုတလော အပြင်ထွက်စရာ သိပ်မရှိတော့ တွေ့ကရာ သတင်းစာ၊ ဂျာနယ်တွေကို စိတ်ဝင်တစား လှန်လှော ကြည့်ဖြစ် တယ်။ အိပ်ရာထ ရင် စတုတ္ထမဏ္ဍိုင် မီဒီယာဖြစ်တဲ့ သတင်းစာ ဂျာနယ်တွေကိုဖတ်ရမှ ကျနော့်မနက်စာက လဖက်ရည် ပေါ့ ဆိမ့်ထက် ပိုပြီးအရသာရှိနေ တယ်။ ရန်ကုန်တိုင်းမ်၊ သံလွင်တိုင်းမ်၊ ကြေးမုံ၊ ပြည်မြန်မာ၊ မော်ဒန်၊ သတင်းသစ်၊ ပန်း သတင်း (Flower News)၊ မြန်မာ့အလင်း နဲ့ Popular News, Myanmar News Week တွေက ကျနော့်စားပွဲခုံကို သိမ်းပိုက်ထားကြတယ်။ ၂၀၁၀ ရွေးကောက်ပွဲအပြီး သမ္မတဦးသိန်း စိန်အစိုးရ တက် လာတဲ့နောက် ပြည်သူတွေ လွတ်လပ် စွာ ရဲရဲဝံ့ဝံ့ ပြောဆို ရေးသားလာကြတာ အားရစရာ။

ရန်ကုန်မြို့တော်ကြီးကို စင်ကာပူလို ကမ္ဘာ့အဆင့်မှီ ပြန်လည်တည်ဆောက်ဘို့ စီမံကိန်းတွေ ဆွဲနေတယ်၊ မီးရထားလမ်း၊ ကားလမ်းတွေ ဘယ်လိုဖေါက်မယ့်အကြောင်းတွေကို ဝမ်းသာ အားရစွာ တွေ့ရတယ်။ သီလဝါ အထူးစီးပွားရေးဇုန်၊ ထား ဝယ် ရေနက်ဆိပ်ကမ်း၊ သံဖြူဇရပ်-ဘုရားသုံးဆူ မီးရထားလမ်း၊ စက်မှုဇုန်၊ ဟိုတယ်ဇုန်နဲ့ တန်ဘိုးနဲ အိမ်ယာ ဆောက်မဲ့သတင်း တွေ ပျော်ရွှင်အားရစရာပါ။ “မီဒီယာကို မှန် မှန်ကန်ကန်ဖြေပေးဖို့ ဝန်ကြီးများအား မှာကြားထားကြောင်း သမ္မတပြောဆို” “နေပြည်တော်တွင် ရွေး ကောက်ပွဲစနစ်ဆိုင်ရာ အလုပ်ရုံဆွေးနွေးပွဲကျင်းပ” “မော်လမြိုင်တက္ကသိ်ုလ် ဝန်းကျင် သာယာလှပရေး ပြင်ပကျောင်းဆောင်ပိုင်ရှင်များနှင့် တွေ့ဆုံဆွေးနွေး”။ ပြင်သင့်တဲ့ ဥပဒေတွေပြင် ဖို့ သမ္မတသဝဏ်လွှာပို့။ “စက်မှုလယ်ယာစနစ် အဆင့်မြင့် လယ်ယာမြေဧက ၃၀၀၀ ဖေါ်ထုတ်”၊ “လှည်းကူးဟိုတယ်ဇုန် လာပြီ” “ဆောင်းသီးနှံအတွက် ကျပ်သန်းပေါင်း ၅၉၀၀၀ ခန့် လယ်ယာဖွံဖြိုးရေးဘဏ်က ထုတ်ချေးမည်” ဆိုတာတွေနဲ့ သတင်းခေါင်းစဉ်များက တက်ကြွ ကျေနပ်စရာ။

၂၀၁၂ ဟာ ရင်ခုန်စိတ်လှုပ်ရှားစွာနဲ့ ကျော်လွန်လာခဲ့ပြီ။ မွန်ပြည်နယ် မော်လမြိင်မြို့အခြေစိုက် သံလွင်တိုင်းမ်ဂျာနယ် ကတော့ “ပြည်နယ်ငြိမ်းချမ်း ရေးပြန်လည်ရရှိခဲ့ပြီး နိုင်ငံတော် သမ္မတ၊ ဒေါ်အောင်ဆန်းစုကြည်နှင့် မင်းကိုနိုင်ဦးဆောင်သည့် ၈၈ ကျောင်းသားများ လာရောက်၍ ပြည်သူလူထု မျက်စိဖွင့်နားဖွင့်နိုင်ရေး လှုပ်ရှားလုပ် ဆောင်ခဲ့သည်” လို့ သုံးသပ် ပြတယ်။

ဒီထက်ပိုပြီးဂုဏ်ယူဝင့်ကြွားစရာ၊ ၂၀၁၂ မှာ ပြည်ထောင်စုမြန်မာနိုင်ငံတော်သမ္မတကြီဦးသိန်းစိန်နဲ့ ဒေါ်အောင်ဆန်းစုကြည် တို့ဟာ ကမ္ဘာတစ်ဝန်း ထိပ်တန်း တွေးခေါ်မြော်မြင်သူ စာရင်း တွေထဲမှာ ပထမနေရာအပြင် Time မဂ္ဂဇင်းရဲ့ Person of the Year စာရင်းမှာလဲ ပူးတွဲရရှိခဲ့ကြတယ်။

ပြည်သူ့ လွှတ်တော်ဥက္ကဌ သူရဦးရွှေမန်းကလဲ ဒီမိ်ုကရေစီလမ်းကြောင်း ပေါ်ကနေ နောက်ပြန်မလှဲ့ဘူးလို့ အခိုင်အမာ ပြနေ တယ်။ ပြည်သူ့လွှတ်တော်အစည်းအဝး ပထမနေ့၊၂၀၁၃ နှစ်သစ် ဇန်နဝါရီ ၉ ရက် မှာ ဥပဒေစိုးမိုးခြင်း၊ တည်ငြိမ်အေးချမ်း ခြင်းတို့နဲ့အတူ ငြိမ်းချမ်းရေးအလျင်အမြန်ဖေါ်ဆောင်နိုင်ကြပါစေလို့ သူရဦးရွှေမန်းက သူ့နှုတ်ခွန်းဆက်စကားမှာ ဆုမွန် တောင်းခဲ့တယ်။

ဒီလိုအားရ ဝမ်းသာစရာသတင်းတွေသင်းပျံ့နေချိန်မှာ အခြားတဖက် ကချင်ပြည်နယ် သွေးချင်းသတင်းတွေ ကြားရတာ စိတ်မအေးစရာ ဖြစ်ရပါတယ်။ ညီအကိုတိုင်းရင်းသားတွေရဲ့ ဂျိန်း ဖေါမြေမှာ ယမ်းငွေ့နဲ့ သေနတ်သံတွေကြောင့် စာသင် ကျောင်းတွေ၊ ဈေးတွေလဲပိတ်ခဲ့ရပြီ။ “လိုင်ဇာမှာ လေယာဉ်သံ၊ ဗုံးသံ ပလူပျံ ဆူညံနေတယ်။” (မော်ဒန် သတင်း ဂျာနယ်)၊ ပြည်တွင်းစစ်ဒဏ်ကြောင့် ကိုယ့်အိုးအိမ်နဲ့ ယာခင်းကို စွန့်ပြီးထွက်ပြေးရတဲ့ စစ်ပြေးဒုက္ခသည်တွေလဲ ၇၅၀၀၀ ဝန်းကျင် ရှိနေတယ်။ ကချင်စစ်ပွဲအ တွင်း မြန်မာတပ်မတော်က လေကြောင်းအသုံးပြုမှုရှိတော့ လူတွေလဲသေတယ်လို့ သတင်းတွေ ကဖေါ်ပြတယ်။

မြစ်ကြီးနားမြို့ကစီးပွားရေးလုပ်ငန်းရှင် ငြိမ်းချမ်းရေးအကျိုးဆောင်ဦးယွပ်ဇော်ခေါင်က တိုင်းရင်းသားငြိမ်းချမ်းရေး အကောင် အထည်ဖေါ်ဖို့ ဒေါ်အောင်ဆန်းစုကြည်မှာလဲတာဝန်ရှိ တယ် လို့တောင်းဆိုတာကို မြန်မာ့ဒီမိုကရေစီခေါင်းဆောင်ဒေါ်အောင် ဆန်းစုကြည်က အစိုးရရဲ့ခွင့်ပြုချက်မပါဘဲ ဝင်ရောက်ကူညီမှာမဟုတ်ဘူးလို့ ဇန်နဝါရီ ၆ ရက်ထုတ် ချယ်နယ်နယူး အေး ရှားသတင်းမှာ ပါလာတယ်။

နိုင်ငံတော်အစိုးရနဲ့ အပစ်အခတ်ရပ်စဲထားတဲ့ မွန်ပြည်သစ်ပါတီနဲ့ ကရင်အမျိုးသားအစည်းအရုံးတို့ကတော့ ကချင် လွတ် လပ်ရေး လက်နက်ကိုင်တပ်ဖွဲ့ (KIA) နဲ့ အစိ်ုးရတပ်မတော် ကြား က လက်နက်ကိုင်ပဋိပက္ခတွေကိ်ုဖြေရှင်းဘို့ တောင်းဆို နေတယ်။ ရန်ကုန်မှာရော၊ တခြားမြို့တွေမှာပါ ကချင်ပြည်နယ်စစ်ပွဲရပ်စဲရေးနဲ့ ပြည်တွင်းငြိမ်းချမ်းရေးအတွက် လူထုတွေ တောင်းဆို ဆန္ဒဖေါ်ထုတ်နေတယ်။

၁၉၈၈ နောက်ပိုင်းမှာ နိုင်ငံတကာရဲ့ စီးပွားရေးပိတ်ဆို့မှုဒဏ်ခတ်ခံရပြီး ကမ္ဘာ့ဆက်ဆံမှုအထီးကျန်ဘဝကနေ၂၀၁၀ ရွေး ကောက်ပွဲအပြီး အာဏာဆက်ခံတဲ့ မြန်မာအစိုးရရဲ့ ပြုပြင် ပြောင်းလဲမှုကြောင့် နိုင်ငံတကာမှာ မြန်မာနိုင်ငံရဲ့ နိုင်ငံရေး သိက္ခာ ပြန်တက်လာနေတယ်။ အိမ်နီးချင်းအပြင် တခြားဥရောပ၊ အမေရိက အနောက်နိုင်ငံနဲ့ လက်တွဲ ပူးပေါင်းပြီး မြန်မာ နိုင် ငံတော်ကြီး ဖွံ့ဖြိုးတိုးတက်ရေးအတွက် အစိုးရက အစွမ်းကုန်ကြိုးစားနေတယ်။

ဒါပေမဲ့ ပြည်တွင်းစစ်မီးလျှံအရှိန်မသေသေးသ၍တော့ နိုင်ငံတော်ရဲ့ဖွံ့ဖြိုးတိုးတက်ရေးကို အချိန်မီတည်ဆောက်ဘို့ မလွယ်လှပါ။ ၁၉၄၈ ကတဲက မြန်မာနိုင်ငံလွတ်လပ်ရေးရပြီးတဲ့ နောက်ပိုင်း တိုင်းရင်းသားတွေရဲ့ ကိုယ်ပိုင်ပြဌာန်းခွင့် တိုက်ပွဲတွေကိုလျစ်လျူရှု ငြင်းပယ်ခဲ့လို့လဲ လွတ်လပ်ရေးရခါစ ပြည်ထောင်စု မြန်မာနိုင်ငံဟာ အိမ်နီးချင်းနိုင်ငံတွေထက် စီးပွားရေးအရဖူလုံပြီး တိုးတက်ခေတ်မှီတဲ့ အနေအထားကနေ ကမ္ဘာ့အဆင်းရဲဆုံးနိုင်ငံအဖြစ်ကို ရောက်ခဲ့တယ်။ အခုဆိုရင် မြန်မာနိုင်ငံဟာ ကမ္ဘာ့နိုင်ငံကြီးတွေနဲ့ ရင်ဘောင်တန်းဘို့ မပြောနဲ့၊ အိမ်နီးချင်း လာအိုကို အမှီလိုက်နိုင်ဘို့ အများကြီး လျှောက်ရမှာပါ။ တခြား အေဆီယံအဖွဲ့ဝင် စင်ကာပူ၊ ထိုင်းနဲ့ မလေးရှားဆို ဝေလာဝေးပါဘဲ။

နိုင်ငံရေးလေ့လာသုံးသပ်သူ ဆရာကျော်ဝင်းပြောသလို “မြန်မာပြည်မှာက ဖွံဖြိုးရေးနောက်ကျနေလို့ ပြည်တွင်းစစ်ဖြစ်တာ မဟုတ်ဘူး။ ပြည်တွင်းစစ် ဖြစ် လို့ ဖွံ့ဖြိုးရေးနောက်ကျတာ” ဖြစ်ပါတယ်။ ပြည်တွင်းစစ်ရှည်ကြာတော့လည်း နိုင်ငံ့ စီးပွားရေး၊ ပညာရေး၊ ကျမ်းမာရေးတွေ ဆုတ်ယုတ်ကျဆင်းလာတယ်။ အခြေခံနိုင်ငံရေး ပြဿနာကို စားပွဲဝိုင်းပေါ် အဖြေမရှာနိုင်သမျှ ပြည်တွင်းစစ်မီးတွေတောက်ပြီး အခြေခံအဆောက်အအုံတွေပျက်စီးလာတယ်။ ပြည်သူလူထု ဆင်းရဲကျပ်တည်းလာပြီး စားဝတ်နေရေး မဖူလုံ တော့ အကျင့်ပျက်ခြစားမှု၊ ရာဇဝတ်မှုတွေများလာမယ်။ အခွင့်ထူးခံ ခရိုနီတစုဘဲ ကောင်းစားပြီး အများစုနစ်နာတော့ လူ့အခွင့်အရေးတိုက်ပွဲတွေ၊ ဆန္ဒပြပွဲတွေနဲ့ ရင်ဆိုင်နေရမှာ သ ဘာဝပါ။

တချိန်တုံးက အာရှစပါးကျီလို့ သမုတ်ခံရပြီး တိုးတက်ခဲ့တဲ့ အနေအထားကနေ ကမ္ဘာ့အလယ်မှာ ဝင့်ဝင့်ကြွားကြွားပြန်လည်ရပ်တည်နိုင်ဘို့ ဝိုင်းဝန်းအဖြေရှာဘို့က ပြည်သူလူထုအား လုံးရဲ့ တာဝန်ပါဘဲ။ ဒီနေ့ ပထဝီနိုင်ငံရေးအရ အရေးကြီး နေတဲ့ကာလ၊ နိုင်ငံတကာရဲ့ အာရုံစူးစိုက်မှု အခွင့်ကောင်းတုံးအချိန်မှာ ခေါင်းဆောင်နဲ့ ပြည်သူ ရှေ့သွားနောက်လိုက် ညီ အောင် လျှောက်ဘို့တော့လိုပါပြီ။

သမ္မတဦးသိန်းစိန်ဦးဆောင်တဲ့ အစိုးရအဖွဲ့တက်လာပြီးတဲ့နောက်မှာ လက်နက်ကိုင်တိုင်းရင်းသား တော်လှန်ရေး အဖွဲ့ အစည်းတွေနဲ့ ငြိမ်းချမ်းရေးဆွေးနွေးမှု၊ အပစ်အခတ်ရပ်စဲမှုတွေရှိ လာ တဲ့ ဖြစ်စဉ်အမှန်တရားကို မှတ်တမ်းတင် အသိ အမှတ် ပြုရပါလိမ့်မယ်။ တိုင်းရင်းသား လက်နက်ကိုင် အဖွဲ့အစည်းကြီးတွေဖြစ်တဲ့ ရှမ်းပြည်တပ်မတော် -တောင်ပိုင်း (SSA South)၊ မွန်ပြည်သစ်ပါတီ (New Mon State Party)၊ ကရင်အမျိုးသားအစည်းအရုံး (KNU)၊ ချင်းအမျိုးသားတပ်ဦး (Chin National Front) စတဲ့အဖွဲ့တွေနဲ့ သက်ဆိုင်ရာပြည်နယ်တွေမှာမက နေပြည်တော် (ပြည်ထောင်စုအစိုးရ) အဆင့်အထိ ဆွေးနွေးနိုင်ခဲ့ကြတာ ကြိုဆိုရပါလိမ့်မယ်။ ဒါပေမဲ့ ဒီအဆင့်နဲ့ မရပ်တန့်သင့်ဘဲ နိုင်ငံရေးအရ ကျယ်ကျယ်ပြန့်ပြန့် အဖြေရှာနိုင်ဘို့ တပြည်လုံးအပစ်အခတ်ရပ်စဲရေးနဲ့ နိုင်ငံရေးဆွေးနွေးပွဲတွေလုပ်နိုင်အောင် ဆက်လှမ်းဘို့တော့ လိုပါတယ်။

မြန်မာနိုင်ငံရဲ့ ပြဿနာကို ဝိုင်းဝန်းအဖြေရှာနိုင်ဘို့ အဓိကအင်အားစုဖြစ်တဲ့ နိုင်ငံတော်အစိ်ုးရ၊ ဒီမိုကရေစီအင်အားစုနဲ့ တိုင်းရင်းသားအဖွဲ့အစည်းကဘဲအခရာကျတာကို နိုင်ငံတကာရော ပြည်တွင်းနိုင်ငံရေးသမားကပါ လက်ခံနား လည်ပြီးသားမို့ သုံးပွင့်ဆိုင်အင်အားစုကဘဲ ဝိုင်းဝန်း လက်တွဲ အကောင်အထည်ဖေါ်ဘို့လိုအပ်ပါတယ်။ ကိုယ်ဆက် လျှေက်ရမဲ့ခရီးနီးသလား၊ ဝေးသလားဆိုတာ ကိုယ်တိုင်ဘဲသိတာမို့ စပ်ကူးမပ်ကူးကာလ တခြားစိမ်ခေါ်မှုတွေ၊ အခက်အခဲတွေကြောင့် ကြိုးရှည်လှန်ထားမယ်ဆိုရင်လဲ ပြေလည်မှာမဟုတ်ပါဘူး။ အချိန်ဆွဲ မသိကျိုး ကျွမ်ပြုတဲ့ အနေအထားကနေ အချိန်ကာလ အကန့်အသန့်နဲ့ အပစ်အခတ်ရပ်စဲရေး၊ ပြည်တွင်းစစ်ရပ်စဲရေး၊ နိုင်ငံရေး တွေ့ဆုံဆွေးနွေးရေးပန်းတိုင်ဆီ ဆက်လျှောက်မှ ခရီးပေါက်မယ် လို့ ထင်ပါတယ်။

နှစ်သစ်မှာ အကောင်းမြင်နိုင်အောင်ကြိုးစားရင်း ရန်ကုန်မြို့ရဲ့ အနိမ့်အမြင့် မညီမညာဖြစ်နေတဲ့ ပလက်ဖေါင်းပေါ် မှာ တယောက်ထဲ လမ်းလျှောက်ရင်း ကိုကြီးအောင်ရဲ့ “အပြန်လမ်းကြောင်းမရှိဘူး။ အသွားခရီးဘဲရှိတယ်” ဆိုတာကို ထပ်ပြီးသတိရနေတယ်။ လိုချင်တဲ့ ခရီးပေါက်ဘို့ ရှေ့ဆက် လမ်းလျှာက် ဘို့လိုပါ တယ်။

နှစ်သစ်မှာ အားလုံး ကံကောင်းနိုင်ကြပါစေ။

SSPP/SSA အား အစိုးရ စစ်ဆင်နေ

ရွှေဟင်္သာ

ရှမ်းပြည် မြောက်ပိုင်း၊ တန့်ယန်းမြို့နယ်ရှိ ရှမ်းပြည် တိုးတက်ရေး ပါတီ SSPP/SSA တပ်ဖွဲ့နှင့် အစိုးရ တပ်ဖွဲ့တို့ လွယ်လန်း နှင့် လွယ်စေး တောင်ကြော တဝိုက်၌ ယမန်နေ့ ညနေပိုင်း အချိန်က တိုက်ပွဲများ ဖြစ်ပွားခဲ့သည်ဟု အဖွဲ့၏ ပြောခွင့်ရပုဂ္ဂိုလ် ဗိုလ်မှူး စိုင်းလက ဆိုသည်။

“မတ်လ ၂၃ ရက်နေ့ ကတည်းက အဲဒီတောင်ကုန်း၂ ခုကို သူတို့ တပ်ဖွဲ့တွေ တက်တိုက်နေတာ မတ်လ ၂၅ ရက်နေ့ကျမှ နယ်မြေ ရှင်းမယ် ဆိုတာ အကြောင်းကြားလာပြီး ၂၆ ရက်နေ့အထိ ဆက်တိုက်ပြန်တယ်။ (၂၇) ရက်နေ့မှာ တရက်နား ပြီးတော့ ၂၈ ရက်နေ့ (၂) နာရီခွဲလောက်မှာ ပြင်းပြင်း ထန်ထန် လာတိုက်ပြန်တယ်။” ဟု ဆိုသည်။

အစိုးရ၏ လားရှိုးမြို့ အခြေစိုက် ခြေလျင်တပ်ရင်း ခလရ ၂၉၁ ၊ ခလရ ၃၃ ခြေမြန်တပ်ရင်း ခမရ ၃၂၆ တို့မှ အင်အား (၄၀၀) ခန့်ဖြင့် စစ်ကြောင်း (၄) ကြောင်းဖွဲ့ကာ လာရောက် တိုက်ခိုက်ခဲ့ခြင်း ဖြစ်ပြီး အစိုးရ ဖက်မှ ထိခိုက် ဒဏ်ရာမှုများစွာ ရှိသော်လည်း အတိအကျ မသိရသေးကြောင်း ၎င်းက ဆက်ပြောသည်။

အစိုးရသည် ၄င်းတို့၏ နယ်မြေ ရှင်းလင်းမှု စစ်ဆင်ရေး အစီစဉ်ကို အရှေ့မြောက်ပိုင်းတိုင်း စစ်ဌာနချုပ် (ရမခ) တိုင်းမှူးမှ တဆင့် လားရှိုးမြို့ပေါ်ရှိ SSPP/SSA ဆက်ဆံရေးရုံးသို့ အကြောင်းကြား ခဲ့ကြောင်း သိရသည်။

အစိုးရ တပ်ဖွဲ့က လွယ်လန်း တောင်တန်း တဝိုက်ကို ဖေဖော်ဝါရီလ (၁၉) ရက်နေ့၌ တိုက်ပွဲများ စတင်ခဲ့ပြီး ဖေဖော်ဝါရီ (၂၀) ရက်နေ့တွင် ထိုနေရာမှ ဆုတ်ခွာပေးရန် ရာဇသံ ပေးခဲ့သည်။

သို့သော် နောက်ပိုင်းတွင် တိုက်ပွဲများ ဆက်လက် ဖြစ်ပွား လာသဖြင့် SSPP က သမ္မတထံ ဖေဖော်ဝါရီလ ၂၀ ရက်နေ့နှင့် ဖေဖော်ဝါရီလ (၂၂) ရက်နေ့များက အကြောင်းကြား ခဲ့သော်လည်း သမ္မတမှ တစုံတရာ အကြောင်းပြန်ကြားမှု မရှိခဲ့ကြောင်း ဗိုလ်မှူး စိုင်းလက ဆိုသည်။

အလားတူ ဖေဖော်ဝါရီလအတွင်းနှင့် မတ်လလယ်ပိုင်းအထိ အစိုးရတပ်က ဒေသတွင်း အင်အား ဖြည့်တင်းခဲ့ပြီး SSPP/ SSA တပ်ဖွဲ့ဝင်များ အခြေစိုက်ရာ လွယ်လန်းနှင့် လွယ်စေး တပ်စခန်းများအား ထိုးစစ်ဆင် တိုက်ခိုက်ခဲ့ကြောင်း ၎င်းကဆက်လက်ပြောဆိုသည်။

ယင်း အခြေအနေများကြောင့် SSPP အနေဖြင့် ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုဥက္ကဌ ၀န်ကြီး ဦးအောင်မင်းထံ ထပ်မံ စာရေး အကြောင်းကြား ခဲ့သော်လည်း ထူးလာခြင်း မရှိသည့်အပြင် အဆိုပါ တောင်တန်းအား ရှင်းလင်းတော့မည် ဖြစ်ကြောင်းနှင့် SSPP တပ်ဖွဲ့ဝင်များ ဆုတ်ခွာပေးရန်အရှေ့မြောက်ပိုင်း တိုင်း စစ်ဌာနချုပ် ရမခ တိုင်းမှူးက အကြောင်းကြားခဲ့သည်။


SSPP/SSA နှင့် အစိုးရတို့ ၂၀၁၂ ခုနှစ် ဇန္နာဝါရီလ (၂၈) ရက်နေ့က အပစ်အခတ် ရပ်စဲရေး သဘောတူ လက်မှတ် ရေးထိုး ခဲ့သော်လည်း နှစ်ဖက် တိုက်ပွဲပေါင်း အကြိမ်(၁၀၀) ကျော် ဖြစ်ပွားခဲ့ကြောင်း SSPP က ဆိုသည်။

ဘင်္ဂလားဒေ့ရှ် ဗုဒ္ဓဘာသာ ဆန့်ကျင်ရေး ဦးဆောင်သည်ဟု ယူဆသူကို ရုံးတင်

ငြိမ်းချမ်း

ရိုဟင်ဂျာ သွေးစည်း ညီညွတ်ရေးအဖွဲ့ (Rohingya Solidarity Organization ခေါ် RSO) မှ ခေါင်းဆောင်တဦးဟု ဘင်္ဂလားဒေ့ရှ် လုံခြုံရေးအာဏာပိုင်များက ယူဆစွပ်စွဲထားသူ အသက် ၅၀ အရွယ်ရှိ ဟာဖက်ဇ် စနောလ် အစ္စလမ် (Hafez Sanaul Islam) ကို ရဲတပ်ဖွဲ့က ဖမ်းဆီးပြီး တပတ်အကြာတွင် ရာမူးဒေသတွင် ဖြစ်ပွားခဲ့သော ဗုဒ္ဓဘာသာ ဘုန်းတော်ကြီးကျောင်းများ အား မီးရှို့ဖျက်ဆီးမှုကို စီစဉ်မှုဖြင့် ရုံးတင် တရားစွဲလိုက်ကြောင်း သတင်းရရှိသည်။

ဟာဖက်ဇ် စနောလ် အစ္စလမ်ကို ဖမ်းဆီးပြီး တပတ်အကြာတွင် ရမန် ၁၀ ရက်ယူရန် တရားရုံးသို့ တင်ပြတောင်းဆို သော်လည်း တရားသူကြီးက ခွင့်မပြုခဲ့ကြောင်း ကောက်စ်ဘဇား ရဲစခန်းမှ အရာရှိ မူဟာမက် ဇော်ရှင်း အူအင် စီဒစ်ကီကို ကိုးကားပြီး ကောက်စ်ဘဇားထုတ် သတင်းစာက ရေးသားသည်။

“တရားရုံးမှာ စစ်ဆေးခွင့် ရမန် ၁၀ ရက်တောင်းတော့ တရားသူကြီး တိုဘီဒူလ်ဟောက်က ခွင့်မပြုဘူး။ သို့သော် မေးမြန်းစရာ ရှိတယ်ဆိုရင်တော့ ထောင်အချုပ်က ရုံးခန်းမှာ မေးလို့ရမယ်လို့ဘဲ ခွင့်ပြုတယ်” ဟု ကောက်စ်ဘဇားထုတ် သတင်းစာတွင် ရေးသားသည်။

ဟာဖက်ဇ် စနောလ် အစ္စလမ်ကို ယခုလ ၂၁ ရက်နေ့တွင် ကော့စ်ဘာဇာ ခရိုင်၊ တာ့ခ်နာမြို့အတွင်းရှိ Hila Darus Sunnah Madrasah ဘာသာရေးစာသင်ကျောင်း တကျောင်းတွင် အစည်းဝေးလုပ်နေချိန် ညနေ ၅ နာရီခန့်တွင် သတင်းအရ ရဲတပ်ဖွဲ့ဝင်များက ဝင်ရောက် စီးနင်းရာမှ ဖမ်းဆီးရမိခြင်း ဖြစ်ကြောင်း ကောက်စဘဇား ခရိုင် ASP ရဲမှူးကြီး ဘာဘူအက်တာ ပြောသည်။

ဟာဖက်ဇ် စနောလ် အစ္စလမ်သည် မြန်မာနိုင်ငံ ရခိုင်ပြည် မောင်တောမြို့မှ နီဇမ်အူဒင်၏ သားဖြစ်ပြီး ဘင်္ဂလာဒေ့ရ်ှနိုင်ငံသို့ ၁၉၇၈ ခုနှစ်က တရားမဝင် ဝင်ရောက်ကာ RSO နှင့် စတင် ဆက်စပ်ခဲ့ပြီး ပြည်တွင်းပြည်ပ အကြမ်းဖက် အဖွဲ့အစည်းများဖြင့် ဆက်စပ်လျက်ရှိနေသည်မှာ အချိန်ကြာမြင့်နေပြီ ဖြစ်ကြောင်း ဘင်္ဂလားဒေ့ရ်ှနိုင်ငံ ထုတ် NUO အင်္ဂလိပ် သတင်းစာက ရေးသားသည်။

ဟာဖက်ဇ် စနောလ် အစ္စလမ်ကို ၂၀၁၂ ခုနှစ် စက်တင်ဘာလအတွင်း ဘင်္ဂလာဒေ့ရ်ှနိုင်ငံ ရာမူး (ပန်းဝါ)၊ တာ့ခ်နာနှင့် ပန်းဝါမြို့များတွင် ဗုဒ္ဓဘာသာ ဘုန်းတော်ကြီးကျောင်းများနှင့် ဘုရားများကို မီးရှို့ဖျက်ဆီးမှုတွင် စီစဉ်လုပ်ဆောင်မှုကြောင့် ဘင်္ဂလာဒေ့ရ်ှအစိုးရက အလိုရှိနေသူ ဖြစ်သည်။

RSO ၏ ပင်မစခန်းသည် မောင်တောမြို့ အနောက်မြောက်ဘက် ၄၅ မိုင်ခန့် အကွာ ဘင်္ဂလာဒေ့ရ်ှနိုင်ငံ၊ ဘန်တရိုဘန်ခရိုင်၊ နတ်ကျောက်စရီမြို့၊ ဒူဆိုရီဒေသတွင် တည်ရှိနိုင်ကြောင်း မြန်မာနယ်ခြားစောင့်တပ် နစကမှ အရာရှိတဦးက ပြောသည်။

“မြန်မာနယ်စပ်ကနေ ၅ မိုင်လောက် ဝေးတဲ့ ဘင်္ဂလားပိုင်နက်ထဲမှာ ဖြစ်နေတော့ သူတို့က မြန်မာထဲကို ဝင်လိုက်ထွက်လိုက် လုပ်လို့ရတယ်။ ပြီးခဲ့တဲ့ လတွေက ဖြစ်ပွားခဲ့တဲ့ ဖမ်းဆီးမှုတွေ၊ ကားမီးရှို့မှုတွေက သူတို့အဖွဲ့ပဲ လုပ်တာ” ဟု ယင်းအရာရှိက ဆိုသည်။

RSO တပ်ဖွဲ့ဝင်များ အနေဖြင့် ၎င်းတို့ စခန်းအနီးရှိ ကျေးရွာများကိုလည်း ရံဖန်ရံခါ ဝင်ရောက်လေ့ ရှိကြောင်း မြန်မာ-ဘင်္ဂလာဒေ့ရှ် နယ်စပ် အနီး ဘင်္ဂလာဒေ့ရ်ှနိုင်ငံ ဘက်ခြမ်းရှိ နတ်ကျောက်စရီမြို့နယ် ပန်းချောင်း (ပိုင်ဆိုးရီ) ကျေးရွာသား တဦးက ပြောသည်။

“တခါတလေ ရွာထဲကို ဝင်လာတာရှိတယ်။ တခါတခါ လာရင် လက်နက် အပြည့်အစုံနဲ့ လူ ၄၀- ၅၀ လောက်စီပါတယ်။ ရွာသားတွေကို ဘာမှ လုပ်တာတော့ မရှိဘူး” ဟု ယင်းရွာသားက ပြောသည်။

RSO ၏အဓိက ရည်ရွယ်ချက်မှာ မြန်မာနိုင်ငံ ရခိုင်ပြည်နယ်မှ ဘူးသီးတောင်၊ ရသေ့တောင်၊ မောင်တောနှင့် ဘင်္ဂလာဒေ့ရ်ှနိုင်ငံ စစ်တကောင်း တောင်တန်းဒေသကို သိမ်းယူပြီး လွတ်လပ်သော မွတ်စလင်နိုင်ငံတော် တည်ထောင်ရန် ဖြစ်ကြောင်း ဘင်္ဂလာ-မြန်မာ နယ်စပ်ဒေသ စစ်ရေး ကျွမ်းကျင်သူ ဦးရွှေမောင်းက ပြောသည်။

၁၉၇၀ ခုနှစ်ဝန်းကျင် Rohingya Patriotic Front (RPF) ကို ဥက္ကဌ မူဟာမက် ဂျာဖား ဟာဗစ်က ဦးဆောင်ပြီး ၁၉၈၀ ခုနှစ်တွင် RPF မှ မူဟာမက် ယူနွတ် ဦးဆောင်သော အဖွဲ့သည် RSO အမည်ဖြင့် ခွဲထွက်ခဲ့သည်။

အကြမ်းဖက်မှု ၉၆၉ နဲ့ ဆက်နွယ်နေသလား

သာလွန်ဇောင်းထက်

မိတ္ထီလာဖြစ်စဉ်အပြီး မန္တလေးတိုင်းဒေသကြီး၊ နေပြည်တော်ကောင်စီနဲ့ ပဲခူတိုင်းဒေသကြီးအတွင်းက အကြမ်းဖက်ဖြစ်စဉ် တွေနဲ့ ပတ်သက်ပြီး လူ ၆၈ ဦးကို ဖမ်းဆီးစစ်ဆေးထားကြောင်း၊ မိတ္ထီလာအကြမ်းဖက်မှုဖြစ်စဉ်ကြောင့် လူ ၄၂ ဦးသေဆုံးကြောင်း မြန်မာနိုင်ငံရဲတပ်ဖွဲ့က တရားဝင်ထုတ်ပြန်လိုက်ပါတယ်။

မိတ္ထီလာမြို့ ရွှေဆိုင်အရောင်းအ၀ယ်မှ စတင်ဖြစ်ပေါ်ခဲ့တဲ့ ဘာသာရေးနဲ့ လူမျိုးရေးပုံစံ အဓိကရုဏ်းတွေ ပဲခူးတိုင်းဒေသကြီးကိုပါဆူပူအကြမ်း ဖက်မှုတွေ ကူးစက်လာပါတယ်။

ပဲခူးတိုင်းဒေသကြီး အိုးသည်ကုန်းမြို့မှာ ဘာသာရေး အစွန်းရောက်အဖွဲ့တွေရဲ့ လာရောက်ဟောပြောမှုတွေဖြစ်ပွားပြီး တဲ့နောက်မှာ အဲဒီဒေ သတွင်းမှာ ဆူပူအကြမ်း ဖက်မှုတွေ ဖြစ်ပေါ် လာတာဖြစ်တယ်လို့ ပဲခူးတိုင်းဒေသကြီးရဲတပ်ဖွဲ့ရုံးက ရဲအရာရှိ တဦးက ပြောပါတယ်။

ဆူပူအကြမ်းဖက်မှုတွေ မစတင်ခင်မှာ စာရွက်ဖြန့်ဝေမှုတွေ၊ အစ္စလမ်ဘာသာဝင်တွေရဲ့ ပိုင်ဆိုင်မှု အိုးအိမ်ဆိုင်ခန်းတွေနဲ့ ဗလီတွေဖျက်ဆီးပြီး တဲ့ အခါမှာ ချန်ထားရစ်ခဲ့တဲ့ အမှတ်အသား တံဆိပ်တွေအရ ဘာသာရေး အစွန်းရောက်တွေ ပါဝင်နေတယ်လို့ သိရပါတယ်။

ဘာသာရေးအစွန်းရောက်လို့ ဆိုတဲ့နေရာမှာ ဗုဒ္ဓဘာသာနဲ့ ဆက်နွယ်နေတဲ့ အမှတ်အသားတွေ တွေ့နေရတယ်လို့ ပဲခူးတိုင်း ဒေသခံတွေက ဆိုပါတယ်။

ပဲခူးတိုင်းဒေသကြီး၊ ကြို့ပင်ကောက်မြို့နယ် အမျိုးသားဒီမိုကရေစီိအဖွဲ့ချုပ်မှ တွဲဘက်အတွင်းရေးမှူး ဦးမင်းသူရက ဆူပူအကြမ်းဖက်မှုတွေ မ ဖြစ်ပွားမီက ၉၆၉ အမှတ်တံဆိပ်ပါ စာရွက်စ တစ်ကာတွေ၊ ဘာသာခြား ဆန့်ကျင်ရေး အဓိက ဦးတည်တဲ့ တရားခွေတွေ မြို့တွင်းအထိ လာ ရောက်ဝေငှခဲ့မှုတွေဖြစ်ပေါ်ခဲ့တယ်လို့ ဆိုပါတယ်။

“မတ်လ၂၃ ရက်နေ့ မှာ ၉၆၉ စတစ်ကာ စာရွက်တွေ လာဝေတယ်။ ဝေတဲ့အထဲမှာ သက်ဆိုင်ရာ ရပ်ကွက်အုပ်ချုပ်ရေးက လူတွေ တချို့လူ တွေ လည်းပါတယ်။ အချို့လူတွေက ဒီဟာကို ဘာမှန်းမသိဘဲ တဆင့် ဖြန့် ဝေတာ မျိုးလည်း ဖြစ်ကောင်း ဖြစ်နိုင်ပါတယ်။ ဒီဖြစ်စဉ် တွေမှာ သူတို့ ပါတယ်လို့ စွပ်စွဲတာမဟုတ်ဘူး။ ဒီဟာက ဘာ သာရေး ဖြစ်တဲ့အခါကျတော့ တဆင့်ပြန်ဝေခိုင်းရင်းနဲ့ ကျယ်ပြန့်လာ တယ်။ နောက်ဆုံး ရွာတွေထိကို မိတ္တူကူး၊ ခွေတွေ ကူးပြီး ကျယ်ပြန့်လာတယ်”လို့ ဦးမင်းသူရက ဆိုတယ်။

ဆိုတော့ ၉၆၉ ဆိုတာ ဘာလဲ။ ၉၆၉ ဆိုတာ ဘုရားဂုဏ်တော် ၉ ပါး၊ တရားဂုဏ်တော် ၆ ပါး၊ သံဃာ့ ဂုဏ်တော် ၉ ပါး ကို ဦးထိပ်ထားပြီး ဗုဒ္ဓ ဘာသာဝင်တွေ စုစုစည်းစည်းဖြစ်စေဖို့ဆိုတဲ့ ရည်ရွယ်ချက်နဲ့ တီထွင်ထားတဲ့ အမှတ်တံဆိပ်တခုဖြစ်တယ်လို့ မန္တလေး မစိုးရိမ်ကျောင်းတိုက်က ဆရာတော်ဦးဝီရသူက မိန့်ပါတယ်။

ကြို့ပင်ကောက်မြို့နယ်မှာ ဆူပူအကြမ်းဖက်မှုတွေမဖြစ်ခင် လာဝေငှတဲ့အထဲမှာ ဆရာတော် ၄ ပါးထက်မနည်း ဟောပြောထားတဲ့ တရား ခွေ တခွေလည်းပါဝင်နေပါတယ်။ DVD ရော CD ရောပါ ဖြန့်ဝေနေတဲ့ အဲဒီအခွေမှာ အရှင်ပညာဝရ ရဲ့ လမ်းခွဲတရားတော်၊ အရှင်ကောသလ္လရဲ့ ဘာကို အရင်လုပ်ကြမှာလဲ၊ အရှင်သုနန္ဒရဲ့ ဗုဒ္ဓလမ်းစဉ် ကျင့်စေချင်၊ အရှင်ဝိစိတ္တာဘိဝံသ(၀ီရသူ)ရဲ့ အမျိုးသားရေး ပေါ့ပေါ့မတွေးနဲ့ စတဲ့ တရားဟောပြောမှုတွေပါဝင်ပါတယ်။

ဒီဟောကြားမှုတွေဟာ အဓိကအားဖြင့် မွတ်စလင်ဘာသာဝင်တွေရဲ့ နယ်ချဲ့မှုတွေကြောင့် ဗုဒ္ဓဘာသာ ပျောက်ကွယ်နိုင်တာမို့ ဗမာလူမျိုးတွေ အနေနဲ့ အမျိုးသား၊ ဘာသာ၊ သာသနာကို စောင့်ရှောက် ထိန်းသိမ်းကြဖို့ အတိအလင်း ပြဆို ဟောပြော ထားပါတယ်။ အဲဒီအခွေရဲ့ အပေါ် မှာ “ငါတို့အရိုး စည်းရိုးထိုး၍ ကာသင့်ပါလျှင် ကာရ မည်” ဆိုတဲ့ ဆောင်ပုဒ် တခုကိုလည်း ရေးထိုးထားပါတယ်။

၉၆၉ အမှတ်တံဆိပ်နဲ့ တရားခွေတွေဟာ အခြားဘာသာတွေကို တိုက်ခိုက်တာ မဟုတ်ဘဲ ဗုဒ္ဓဘာသာဝင်တွေအနေနဲ့ မိမိတို့ရဲ့ ဆိုင်၊အိမ်တွေ နဲ့ လုပ်ငန်းတွေမှာ ကပ်ထားဖို့ အတွက် အဓိက ဖြစ်တယ်လို့ ဦးဝီရသူက မိန့်ဆိုပါတယ်။

”အခြား ဘာသာတွေကို တိုက်ခိုက်ဖို့ မဟုတ်ပါဘူး။ကိုယ့်ဆိုင် ကိုယ့်အိမ်မှာ ကပ်ထားရင် ဗုဒ္ဓဘာသာအိမ်ဖြစ်တယ်၊ ဆိုင်ဖြစ်တယ် ဆိုတာသိ ပြီးတော့ ဈေးဝယ်ဖို့ ၀င်နားဖို့ ဒီလောက်ပါပဲ။ ၉၆၉ ၀တ်စုံတွေ ၀တ်တယ် ဆိုတာလည်း လှုံ့ဆော်တာ မဟုတ်ပါဘူး။ စည်းရုံးတာပါ”လို့ ဦးဝီရသူက မိန့်ပါတယ်။

မိတ္ထီလာမြို့ကို သွားရောက်လေ့လာခဲ့တဲ့ ကုလသမဂ္ဂအထူးကိုယ်စားလှယ် မစ္စတာ ဗီဂျေးနမ်ဘီးယားကလည်း အခုလို ဘာသာရေး အကြမ်း ဖက်မှုများဟာ “မီးမွှေးပေးတဲ့ ဝါဒဖြန့်မှုများ”ကြောင့်လို့ ဆိုလိုက်ပြီး “ရက်စက်လွန်းတဲ့ ပိရိသေသပ်မှု”လို့လည်း ကောက်ချက်ချ ပြောဆိုခဲ့ပါတယ်။ ဒါပေမယ့် ဒီလိုပြောဆိုချက်ဟာ ၉၆၉ အဖွဲ့ကြောင့်လို့ တိုက်ရိုက်စွပ်စွဲပြောဆိုချက်တော့ မဟုတ်ပါဘူး။

ဒါပေမယ့် ကြို့ပင်ကောက်မြို့ပေါ်က ဗလီတွေ၊ နေအိမ်တွေ ၊ ကားတွေ ဖျက်ဆီးခံရပြီးတဲ့နောက်မှာတော့ ၉၆၉ ဆိုတဲ့ အမှတ်တံဆိပ်ကို မင်အ စိမ်းရောင်တွေနဲ့ ရေးသားခဲ့တယ်လို့ မြို့ခံ တွေက ဆိုပါတယ်။

“ဖျက်ဆီးခံထားရတဲ့ အစ္စလမ်တွေရဲ့အိမ်တွေမှာ၊ ကားတွေမှာ ၉၆၉ ဆိုတဲ့ ဂဏန်းကို မှင်အစိမ်းနဲ့ အတည့်ပုံစံတမျိုး၊ ဇောက်ထိုးပုံစံမျိုးတွေနဲ့ ရေးသား ထားတယ်။ တော်တော်များများမှာ အဲလိုရေးထားတယ်” လို့ ကြို့ပင်ကောက် ဒေသခံတဦးက ဆိုပါတယ်။

၉၆၉ တံဆိပ်ကို အသုံးချ ဖျက်ဆီးမှုတွေလုပ်ခဲ့တာလား၊ ဘယ်လိုရည်ရွယ်ချက်တွေနဲ့ ဆူပူဖျက်ဆီးမှုတွေ လုပ်ခဲ့သလဲဆိုတာ အဖြေက မရှင်း လင်းပေမယ့် ဘာသာရေး အစွန်းရောက်မှုတွေ ရှိနေတာတော့ သေချာလို့ စုံစမ်းဖော်ထုတ်မှုတွေလုပ်နေတယ်လို့ ပဲခူးတိုင်းဒေသကြီးရဲတပ်ဖွဲ့ရုံးက တာဝန်ကျ ရဲအရာရှိက ဆိုပါတယ်။

“ပဲခူးတိုင်းထဲမှာ ပထမဆုံးစဖြစ်တာက အိုးသည်ကုန်း မှာစဖြစ်တယ်။ အဲဒီစဖြစ်တဲ့ အိုးသည်ကုန်းကိုလည်း အခင်းမဖြစ်မီ၊ ဆူပူအကြမ်းဖက်မှု တွေ မ ဖြစ်မီ ဘာသာရေးအစွန်းရောက် အဖွဲ့ တွေလာပြီး ဟောပြောတာတွေ လုပ်သွားတယ်လို့ သိထားပါတယ်။ ဒါတွေနဲ့ ပတ်သက်လို့လည်း ကျနော်တို့ အခု ဓာတ်ပုံမှတ်တမ်းတွေနဲ့ ဖော်ထုတ် နေပါပြီ။ အခု လောလောဆယ်တော့ ပေါင်းတည်မှာ လူ ၂ ဦး၊ မိုးညိုမှာ ၂ ဦး၊ မင်းလှမှာ ၁၀ ဦး စုစုပေါင်း လူ ၁၄ ဦး ဖမ်းဆီး စစ်ဆေးနေပါတယ်။ အားလုံးက ဒေသခံတွေချည်းပါပဲ” လို့ ရဲအရာရှိက ပြောတယ်။

နေပြည်တော် သာသနာရေးဝန်ကြီးဌာနက ရုံးအဖွဲ့မှူး ဦးမြင့်ဦးက ၉၆၉ တံဆိပ်ကို ဗုဒ္ဓဘာသာရဲ့ တရားဝင် အမှတ်တံဆိပ် အဖြစ် အသိ အ မှတ် မပြုတဲ့အပြင် မှတ်ပုံတင်ထားတာမျိုးလည်း မရှိကြောင်း၊ ခွင့်ပြုထားတာလည်း မရှိကြောင်း ဧရာဝတီကို ပြောပါတယ်။

”၉၆၉ ဖြစ်စဉ်တွေကိုတော့ သိရတယ်။ သိပေမယ့် ဘယ်လိုအရေးယူရမလဲ ဆိုတာတော့ ဒေသအလိုက် ဖြစ်တဲ့ကိစ္စတွေ ကိုတော့ဒေသအာ ဏာပိုင်က ရှင်းရမှာပဲ။ သူတို့ကို လုပ်ပိုင်ခွင့် အပြည့်ပေးထားပြီးသား ”ဟု ဦးမြင့်ဦးက ဆိုတယ်။

ဦးဝီရသူက ၉၆၉ အဖွဲ့ကို မော်လမြိုင်မြို့က သံဃာ ၅ ပါးက စဖွဲ့စည်းပြီး ၁၉၉၉ ခုမှာ ကွယ်လွန်သူ သာသနာရေး ဦးစီးဌာန အငြိမ်းစား ညွှန် ကြားရေးမှူးချုပ် နှစ်ဖက်လှ ဦးကျော်လွင်ကတ ဆင့် စတင်သိရှိခဲ့တယ်လို့ ဆိုပါတယ်။ ဘယ်သူတွေပါဝင်ဖွဲ့စည်းထားမှန်း မသိရပေမယ့် အခုအခါ ရန်ကုန်မြို့တော်မှာလည်း ၉၆၉ စတစ်ကာတွေနဲ့ တရားခွေ တော်တော်များများ ပျံ့နှံ့ နေပြီး အခမဲ့ ဖြန့်ဝေတာဖြစ်တယ်လို့ သိရပါတယ်။ ဗုဒ္ဓဘာသာဝင်အများစုကတော့ ၉၆၉ စတစ်ကာတွေကို ဆိုင်တွေ၊ ကားတွေ၊ အိမ်တွေမှာ ကပ်ထားကြပါတယ်။

ဒါပေမယ့် ရန်ကုန်ဒေသခံအချို့တွေကတော့ ၉၆၉ ကို ဗုဒ္ဓဘာသာရဲ့ တရားဝင် အမှတ်အသားအဖြစ် အသိအမှတ် မပြုလိုကြပါဘူး။

“ကျနော်တို့ သိတာက ဗုဒ္ဓရဲ့အဆုံးအမက ငြိမ်းချမ်းတယ်။ အေးချမ်းတယ်။ မေတ္တာထားရမယ်။ အဓိက ချုပ်ငြိမ်းမယ့် ၊ သံသရာခရီးမ ဆက်နိုင်မယ့် နိဗ္ဗာန်ရောက်ကြောင်း တရားကို ရှာတာပေါ့။ ဒါက ဗုဒ္ဓရဲ့ တကယ့်အနှစ်သာရလို့ ဆရာတော်ကြီးတွေ ဟောထား ပြောထားတွေကို သိထားရလို့ ဒီလို ၉၆၉ စတစ်ကာ ကပ်ထားမှ ဆိုတာမျိုး ကို လက်မခံဘူး။ ဘုရားရှင်ရဲ့ တရားတော်တွေကို နာတယ်။ အဆုံးအမကို နာခံတယ်။ ငါးပါးသီလလုံအောင်စောင့်တယ်” လို့ အသက် ၃၀ အရွယ် ရန်ကုန်မြို့ခံ အမျိုးသားတဦးက ဆိုပါတယ်။

အပြည်ပြည်ဆိုင်ရာ ဓမ္မစက္ကဖောင်ဒေးရှင်းက ဦးမောင်မောင်ကတော့ ဗုဒ္ဓဘာသာဝင်တွေအနေနဲ့ စည်းရုံးဖို့ လှုပ်ရှားခဲ့တဲ့ ၉၆၉ အမှတ်တံဆိပ်က ရည်ရွယ်ချက်လွဲမှားတာမျိုး ဖြစ်နေတယ်လို့ သုံးသပ်ပြောဆိုပါတယ်။

”ကိုယ့်ဘာသာကို စည်းလုံးဖို့ လုပ်တာ။ဒါပေမယ့် မြန်မာလူမျိုးကတော့သိတဲ့ အတိုင်း ခုတ်ရာတခြား ရှရာတခြား ဖြစ်တာပေါ့”ဟု ဦးမောင် မောင် က ပြောသည်။

ယနေ့ မြန်မာ့ရေးရာသတင်းများ March,31st,2013

( 54 )ကရင့်အနာဂတ် တည်ဆောက်ရေး အကောင်အထည်ဖော်ရန် ၃၇ဦးပါ ကော်မတီ ဖွဲ့စည်း

( 53 )Myanmar violence leaves more Muslims dead, disappear

( 52 )သစ် အလုံးလိုက် ပြည်ပတင်ပို့မှုခွင့် ရပ်ဆိုင်းမည်

( 51 )Myanmar forms central management committee to deal with riots

( 50 )ကူမင်တန်တို့၏ ဒုတိယ ကမ္ဘာစစ် ဓာတ်ပုံပြပွဲ

( 49 )Blair heads for gold-rush Burma: Former Prime Minister opens new front to his personal empire after the junta relaxes its grip

( 48 )အမျိုးသမီးများ ကာကွယ်စောင့်ရှောက် ရေး သံတွဲမှာ ဆန္ဒပြမည်

( 47 )Pakistan hope to conquer NZ in Myanmar

( 46 )ပထမအကြိမ်မြောက် ကရင်ရေးရာ အစည်းအဝေး စတင်ကျင်းပခြင်း

( 45 )Death toll in Myanmar violence reaches 43

( 44 )ကရင်နီ ခေါင်းဆောင်နဲ့ လူငယ်အကြား ကွက်လပ်များ ရှိနေဆဲ

( 43 )Plight of Muslims

( 42 )မိုင်းအန္တရာယ်ကင်းရှင်းရေးနေ့ ထိုင်း-မြန်မာနယ်စပ် ဒုက္ခသည် စခန်းများတွင် ကျင်းပ

( 41 )US news agency opens Burma bureau

( 40 )ဘာသာပေါင်းစုံ ငြိမ်းချမ်းစွာ ယှဉ်တွဲနေထိုင်နိုင်ရေး ဆွေးနွေးပွဲ

( 39 )OIC to raise issue of violence in Myanmar

( 38 )သမ္မတပြောသည့်အတိုင်း လိုက်လုပ်ရန်လိုအပ်ကြောင်း ဘာသာရေးခေါင်းဆောင်အချို့ ထောက်ပြ

( 37 )5.6-magnitude quake hits Myanmar

( 36 )ပဲခူးတိုင်းမြို့နယ်တွေမှာ ပြန်လည် တည်ငြိမ်အေးချမ်းနေ

( 35 )OIC holds a Contact Group meeting on Rohingyas

( 34 )ခွင့်ပြုချက် မရှိသဖြင့် ကြို့ပင်ကောက်မြို့အထိသာ ကူညီရေးပစ္စည်းများ ပေးအပ်နိုင်

( 33 )Muslims vanish as mobs approach Myanmar’s biggest city

( 32 )ဖွဲ့စည်းပုံ ပြင်ဆင်ရေး တစ်နိုင်ငံလုံး အတိုင်းအတာ ဆွေးနွေးသင့်

( 31 )OIC to meet on Myanmar unrest

( 30 )BBC လျှော့ချမှုကို ဝန်ထမ်းများ ဆန္ဒပြ၊ မြန်မာ ဌာန ထိခိုက်မှု သိပ်မ​ရှိနိုင်

( 29 )Carter heads to Myanmar, Nepal

( 28 )မြေမြှုပ်မိုင်း ရှင်းလင်းရေး အချိန်ယူရဦးမည်လို့ပြော

( 27 )World Muslim body to discuss Myanmar violence

( 26 )ခွင့်ပြုချက် မရှိသဖြင့် ကြို့ပင်ကောက်မြို့အထိသာ ကူညီရေးပစ္စည်းများ ပေးအပ်နိုင်

( 25 )OIC states to discuss deadly violence against Muslims in April

( 24 )BBC လျှော့ချမှုကို ဝန်ထမ်းများ ဆန္ဒပြ၊ မြန်မာ ဌာန ထိခိုက်မှု သိပ်မ​ရှိနိုင်

( 23 )World Muslim body to meet on Myanmar violence

( 22 )မင်းလှမြို့ ဆူပူအကြမ်းဖက်မှုကြောင့် ဒုက္ခသည် ၁၀၀ ကျော် ရန်ကုန် ရောက်ရှိ

( 21 )UK-based campaign urges an end to Myanmar violence

( 20 )မြန်မာနိုင်ငံဆိုင်ရာ ကနေဒါ သံအမတ်ကြီး ခန့်အပ်

( 19 )Muslims Vanish as Buddhist Attacks Approach Burma’s Biggest Cities

( 18 )ပိတ်ဆို့မှုများ ဆက်ထားရန် လူ့အခွင့်အရေး ကွန်ယက်က EU ကို တိုက်တွန်း

( 17 )Myanmar denies blame for riots

( 16 )အမေရိကန် သမ္မတဟောင်း ဂျင်မီကာတာ နီပေါနဲ့ မြန်မာနိုင်ငံခရီး စတင်

( 15 )Rangoon Learns to Rock With Danish Pop Band

( 14 )မြန်မာ-အိန္ဒိယ ပထမဆုံး နယ်စပ်ဈေး ဖွင့်လှစ်မည်

( 13 )Myanmar rejects UN human rights official's claim that authorities share blame for riots

( 12 )ပြည်နယ် သုံးခုအတွက် ဂျပန်အစိုးရ ဒေါ်လာ ၇ သန်းကျော် ထောက်ပံ့ကူညီ

( 11 )Myanmar conflicts threaten reform

( 10 )သဲကုန်းအခြေအနေ တင်းမာဆဲ

( 9 )UK priest in bizarre blood ritual for Burma

( 8 )ပြည်နယ် သုံးခုအတွက် ဂျပန်အစိုးရ ဒေါ်လာ ၇ သန်းကျော် ထောက်ပံ့ကူညီ

( 7 )Time to enforce rule of law in Myanmar

( 6 )လူ့အခွင့်အရေး ချိုးဖေါက်မှုတွေ မလုပ်ကြဖို့ အစိုးရကော်မရှင် တောင်းဆို

( 5 )Muslims vanish as Buddhist attacks approach Myanmar's biggest city

( 4 )မြန်မာနိုင်ငံဆိုင်ရာ ကနေဒါသံအမတ်ခန့်အပ်

( 3 )Myanmar sectarian clash toll hits 43

( 2 )သပိတ်စခန်းဖြိုခွင်းမှု ၄ လပြည့် အထိမ်းအမှတ် ရန်ကုန်မှာ ဆန္ဒပြ

( 1 )In Myanmar, conflict threatens reform, 2 years on

Saturday, March 30, 2013

အဓိကရုဏ်း ဖြစ်ခဲ့သော်လည်း ကုန်ဈေးနှုန်းများ တည်ငြိမ်နေ

မေခ

အဓိကရုဏ်း ဖြစ်ပေါ်ခဲ့သော မိတ္ထီလာ၊ ရမည်းသင်း၊ အုတ်ဖို၊ မင်းလှ၊ နတ်တလင်း၊ ကြို့ပင်ကောက်၊ မအောင်မြင်၊စစ်ကွင်းစသော မြို့များအပါအဝင် ရန်ကုန်မြို့တွင် အခြေခံစားကုန်များ ဈေးတက်ခြင်း၊ ပစ္စည်းပြတ်လပ်ခြင်း ပစ္စည်း ၀ယ်စုဆောင်းခြင်း၊ သိုလှောင်ထားခြင်းများ မရှိဘဲ ကုန်စည်စီးဆင်းမှု ကောင်းမွန်လျှက်ရှိကြောင်း အခြေခံစားကုန်များ ရောင်းချနေသည့် ဈေး ကွက်အတွင်းမှ စုံစမ်းသိရှိရသည်။

“များများစားစား ၀ယ်စုတာမျိုး မရှိပါဘူး။ ဈေးကလည်း ပုံမှန်အနေအထား လောက်ပါပဲ။ နောက်တခုက လကုန်ခါနီး ဖြစ်နေတော့လည်း ငွေကပြတ်နေပြီလေ။ စုဆောင်းတာမျိုးတွေ မရှိဘူး” ဟု ရန်ကင်းဈေး အတွင်းမှ မေတ္တာရောင်ခြည် ဆန်ဆီ ရောင်းဝယ်ရေးမှ ဒေါ်အေးဖြူဖြူက ပြောသည်။

ပဋိပက္ခ စတင်ဖြစ်ပွားခဲ့သည့် နေ့များမှာသာ အနည်းငယ် ဈေးကစားမှု ရှိခဲ့ကြောင်း၊သို့ရာတွင် နောက်ပိုင်း၌ မူလ အခြေအနေတိုင်းသာ ရှိကြောင်း၊ ကုန်စည်စီးဆင်းမှုမှာလည်း ယခင်ကဲ့သို့ ကြန့်ကြာမှုများ မရှိသည့်အတွက် ဈေးကစားမှု နည်းပါးကြောင်း စားသောက်ကုန် တင်ပို့ရောင်းချသူများ အသင်းမှ အသင်းဝင်တဦးထံမှ သိရသည်။

“ပဋိပက္ခ စဖြစ်တဲ့နေ့ကနေ ဒီနေ့အထိကို စားသောက်ကုန် ပြတ်တာတွေမရှိဘူး။ ဈေးကလည်းပုံ မှန်ဈေးအတိုင်းပဲ ရှိတယ်။ရှားတယ်ဆိုတာ မရှိဘူး။ ရောင်းရေးဝယ်ရေးကော၊ ပစ္စည်းတွေကောက ပုံမှန်တိုင်းပါပဲ။ဘာမှ ပြောင်းလဲတာမရှိပါဘူး” ဟုမိတ္ထီလာ မြို့ခံတဦးက ပြောသည်။

လက်ရှိအစိုးရမှာ ငွေကြေးဖောင်းပွမှုကို ထိန်းသိမ်း လာနိုင်သည့်အတွက် မြန်မာ့ငွေတန်ဖိုး မှာလည်း တည်ငြိမ်နေလျှက် ရှိသည့်အတွက် ကုန်ဈေးနှုန်း တက်လာခြင်း မရှိကြောင်း၊ ထို့အပြင် ကုန်စည်စီးဆင်းမှု တွင်လည်း ယခင်ကထက် ပိုမို မြန်ဆန်လာသည့်အတွက် ကုန်စည်များဈေးမတက်ခြင်း ဖြစ်ကြောင်း၊ ယခင် အခြေအနေများကဲ့သို့ ကုန်ပစ္စည်း စီးဆင်းမှု ကြန့်ကြာခြင်းများ မရှိတော့သည့်အတွက် ပဋိပက္ခဖြစ်ပွားခဲ့သော်လည်း စီးပွားရေး နောက်ဆက်တွဲ ဆိုးကျိုး နည်းပါးခြင်း ဖြစ်နိုင်ကြောင်း စီးပွားရေးလေ့လာသူ တဦးက သုံးသပ်သည်။

“ပဋိပက္ခတွေဆိုတာက ခဏပဲ။ မထိန်းနိုင်တာလည်းမဟုတ်ဘူး။ ထိန်းနိုင်နေတာဘဲလေ။ သိပ်ပြီး ဈေးကစားမှာ မဟုတ်ဘူး။ရေတိုကိစ္စတွေပါ။ လက်ရှိ အခြေအနေကြောင့် ဈေးအတက်အကျ ရှိလာတာတွေ၊ အရင်လို သိုလှောင် သိမ်းတာတွေ မရှိနိုင်ဘူး” ဟု စီးပွားရေးပညာရှင် ဒေါက်တာခင်မောင်ညို (ဘောဂဗေဒ) က ရှင်းပြသည်။

ပဋိပက္ခများ နယ်ပယ်စုံတွင် ဖြစ်ပွားခဲ့သော်လည်း တနိုင်ငံလုံး အတိုင်းအတာ မဟုတ်ခြင်း၊အစိုးရအနေဖြင့် ထိန်းနိုင်သည့် အနေအထားတွင် ရှိနေခြင်း တို့ကြောင့် ကုန်ဈေးနှုန်း မတက်ခြင်း ဖြစ်နိုင်ကြောင်း စီးပွားရေးလုပ်ငန်းရှင် ဦးသန်းဇော်က ပြောသည်။

“၀ယ်ယူမှုတွေမှာ ခေါက်ဆွဲခြောက် ၀ယ်တာကတော့ အရင်ကထက် များတယ်။ ဒါပေမယ့် ဒါကလည်း နေရာတိုင်းမှာ မဟုတ်ဘူး။ တနေရာနဲ့တနေရာက မတူဘူး။ ပြောရခက်တယ်။ သိမ်းကျုံး ပြောရရင်တော့ အရင်ကလို ၀ယ်စုတာတို့ ဘာတို့တော့ မရှိပါဘူး” ဟု ABC စတိုးရုံးချုပ်မှ မန်နေဂျာ တဦးက ဆိုသည်။

ကုန်ပစ္စည်းဈေးများမှာ အတက်အကျမရှိဘဲ ပုံမှန်အတိုင်းသာ ရှိသော်လည်း ရွှေဈေးနှုန်းမှာ မေလဆန်းတွင် ကျပ် ၇ သိန်း ၅ သောင်းကျော် ရှိရာမှ မေ ၂၇၊ ၂၈ မှ စတင်ကာ ၇ သိန်း ၄ သောင်းကျော်သို့ ကျသွားခဲ့ပြီး မေ ၂၉ တွင် ၇၄၃၅၀၀ ဈေးသာ ရှိတော့ကြောင်း ရွှေဈေးကွက် အတွင်းမှ သိရသည်။

ဒေါ်လာ ဈေးနှုန်းမှာမူ မေလဆန်းတွင် ကျပ် ၈၉၀ ကျော် ရှိရာမှ မေ ၂၆၊ ၂၇ မှ စတင်ကာ ၈၇၀ ပတ်ဝန်းကျင်သာ ရှိခဲ့ပြီး မေ ၂၉ တွင် တဒေါ်လာလျှင် ၈၇၆ ကျပ်ဈေး ပေါက်နေသည်။

လွိုင်ကော်မြို့ပေါ် ငြိမ်းချမ်းစွာ စီတန်းလှည့်လည် ဆန္ဒဖော်ထုတ်ခွင့် လျှောက်ထားချက် ငြင်းပယ်သည့်အမိန့် ထုတ်ပြန်

ကယားထဲ

ဖရူဆိုမြို့နယ်တွင် အမှတ် ၁၄ စစ်ရေးလေ့ကျင့်ရေးကျောင်း တည်ဆောက်နေမှု ကိစ္စနဲ့ပတ်သက်လို့ ငြိမ်းချမ်းစွာ စီတန်းလှည့်လည် ဆန္ဒဖော်ထုတ်ခွင့်ပြုမိန့်လျှောက်ထားချက်ကို ယမန် နေ့က ငြင်းပယ်လိုက်ပြီ ဖြစ်ကြောင်း လွိုင်ကော်မြို့နယ် ရဲတပ်ဖွဲ့မှူးမှ ငြင်းပယ်သည့် အမိန့်( အမှတ်စဉ် ၊ ၁ / ၂၀၁၃ ) ဖြင့် အမိန့် ထုတ်ပြန်လိုက်ပြီ ဖြစ်ပါတယ်။

ခွင့်ပြုမိန့်လျှောက်ထားသည့် ဆရာဦးသဲရယ်က "ပြည်နယ်အစိုးရအနေနဲ့ ကျနော်တို့ကို စဉ်းစားပေးမယ်လို့ သူပြောထားခဲ့တယ်။ နောက်ဆုံးတော့ ဒီမိတ္ထီလာမှာ ဖြစ်ပျက်နေတဲ့ ပဋိပက္ခကြောင့် ဒီလွိုင်ကော်မှာလည်း
ကူးစက်လာနိုင်တယ်ဆိုတဲ့ အကြောင်းပြချက်နဲ့ ဧပြီလ ၁ ရက်နေ့ ဒီအစီအစဉ်ကို ပြန်ရွှေ့ခိုင်းလိုက်တယ်။ အဲဒီနေ့မှာ ကျနော်တို့တင်ထားတဲ့ ခွင့်ပြုမိန့်စာကို ပယ်ချလိုက်တယ်"
လို့ ပြောပါတယ်။

လွိုင်ကော်မြို့နယ် မြို့နယ်ရဲတပ်ဖွဲ့မှူးထံကို မတ်လ ၂၂ ရက်က ခွင့်ပြုမိန့် တင်ထားတာဖြစ်ပါတယ်။ ဆန္ဒဖော်ထုတ်ပွဲကိုတော့ ထပ်မံပြုလုပ်ဖို့တော့ ဆုံးဖြတ်ထားကြောင်း ဆက်လက်အယူခံ ဝင်ဖို့ရှိကြောင်း ဆရာသဲရယ်က ဆက်ပြောပါတယ်။

စီတန်းလှည့်လည် ဆန္ဒဖော်ထုတ်မည့်နေ့ကို ဧပြီလ ၁ ရက်နေ့တွင် လျှောက်တင်ထားတာဖြစ်ပြီး အဓိက အမှတ် ၁၄ စစ်ရေးလေ့ကျင့်ရေးကျောင်းကို ပြန်ရုတ်သိမ်းဖို့၊ လယ်ယာမြေ သိမ်းဆည်းမှုတွေနှင့် လူ့အခွင့်အရေး ချိုးဖောက်ခံရမှုတွေ ရပ်တန့်ပေးဖို့ဆိုတဲ့ အချက်တွေနဲ့ ပတ်သက်လို့ ဆန္ဒဖော်ထုတ်ဖို့ လျှောက်တင်ထားတာ ဖြစ်ပါတယ်။

ငြင်းပယ်လိုက်ရသည့် အမိန့်စာထဲတွင် အကြောင်းအရင်း ၄ ချက်ဖော်ပြထားပါတယ်။ မိတ္ထီလာမြို့တွင် ဘာသာရေး အဓိကရုဏ်းဖြစ်ပေါ်နေခြင်း၊ ၂၃ ရက်နေ့တွင် ရမည်းသင်းမြို့နယ်တွင် လူစုလူဝေးဖြင့် မီးရှို့မှုများဖြစ်ပွားခဲ့ခြင်း၊ ၂၄ ရက်နေ့တွင် မန္တလေးတိုင်းဒေသကြီး အကြမ်းဖက်မှု ဖြစ်စဉ်များ ပေါ်ပေါက်ခဲ့မှုများ ရှိနေခြင်း၏၊ လွိုင်ကော်မြို့ပေါ်တွင် အစ္စလာမ်ဘာသာ ဝင်များနေထိုင်လျက်ရှိသည့်အပြင် ဆွေမျိုးညာတကာ သဘောအရ ပဋိပက္ခဖြစ်ပွားလျက်ရှိသည့် ဒေသနှင့် အနီးတဝိုက်၌ ဘာသာတူသူများပါ လာရောက်တည်းခို နေထိုင်မှုများ ရှိကြောင်း စိစစ်တွေ့ရှိရခြင်းအရ လက်ရှိဖြစ်ပွားနေသည့် ပြဿနာများသည် မိမိဒေသသို့ ကူးစက်လာနိုင်ပြီး ရပ်ရွာအေးချမ်းသာယာရေးနှင့် တရားဥပဒေစိုးမိုးရေး ကောင်းမွန်တည်ငြိမ်မှုကို ထိခိုက်နိုင်သည်ဟု ယုံကြည်ရခြင်းဆိုပြီး လွိုင်ကော်မြို့နယ် ရဲတပ်ဖွဲမှူးရုံးက ထုတ်လိုက်တဲ့ အမိန့်စာထဲမှာ ဖော်ပြထားတာပါ။

ပဋိပက္ခများကြောင့် ငပလီ ခရီးသွား လုပ်ငန်းတွင် ဂယက်ရိုက်မှုရှိ

မြတ်စုမွန်

မြန်မာပြည် အလယ်ပိုင်းတွင် ဖြစ်ပွားသည့် ပဋိပက္ခများကြောင့် ခရီးသွားလာမှု သတိပြုရန် အမေရိကန် သံရုံးက ၎င်းတို့၏ နိုင်ငံသားများကို သတိပေးစာ ထုတ်ပြန်လိုက်ပြီးနောက်ပိုင်း ရခိုင် ပြည်နယ် သံတွဲမြို့ရှိ ငပလီကမ်းခြေသို့ အမေရိကန်နှင့် ဗြိတိန်နိုင်ငံသားများ လာရောက် လည်ပတ်မှုနှုန်း လျော့ကျသွားကြောင်း ငပလီကမ်းခြေ ဟိုတယ်ဇုန်ဥက္ကဋ္ဌက ပြောသည်။

“အမေရိကန်နဲ့ ဗြိတိန်တွေ အလာနည်းသွားပေမယ့် ကျန်တဲ့ နိုင်ငံသားတွေကတော့ ပုံမှန်ရှိပါတယ်။ အဓိကတော့ ဂျာမန် နိုင်ငံသားတွေ များတယ်” ဟု ဟိုတယ်ဇုန် ဥက္ကဋ္ဌ ဦးကျော်စွာမောင်မောင်က ဧရာဝတီသို့ ပြောသည်။

ငပလီကမ်းခြေ ဟိုတယ်ဇုန်များတွင် နိုဝင်ဘာ၊ ဒီဇင်ဘာနှင့် ဇန်န၀ါရီလများသည် ကမ္ဘာလှည့်ခရီးသွားများ အများဆုံး လာရောက်အပမ်းဖြေသည့် ကာလဖြစ်ပြီး ဖေဖော်ဝါရီ၊ မတ်နှင့် ဧပြီလများသည့် ပြည်တွင်း ဧည့်သည်များ လာရောက် လည်ပတ်လေ့ရှိသည့် ကာလများဖြစ်ကြောင်း သိရသည်။

မြန်မာပြည်အလယ်ပိုင်းနှင့် ပဲခူးတိုင်းအတွင်း ဖြစ်ပွားနေသည့် ပဋိပက္ခ ဂယက်များကြောင့် ယခုနှစ် ငပလီ ကမ်းခြေ သင်္ကြန်သို့ ဧည့်သည်ဝင်ရောက်မှုနှုန်း ကျဆင်းနိုင်ကြောင်း ဟိုတယ်နှင့် ခရီးသွား လုပ်ငန်းများနှင့် ဆက်စပ်နေသူများက ခန့်မှန်းပြောဆိုသည်။

“နှစ်တိုင်း ဒီချိန်ဆိုရင် ပြည်တွင်းဧည့်သည်တွေ ရောက်နေပြီ။ ဒီချိန်က ကလေးတွေ စားမေးပွဲပြီးလို့ ကျောင်းတွေလည်း ပိတ်တဲ့အချိန်။ ဒီနှစ် လုံးဝ မလာကြဘူး။ သိသိသာသာကို နည်းနေတယ်။ ဒီမှာတော့ အခြေအနေတွေ အားလုံးက ကောင်းပါတယ်” ဟု ကိုကျော်စိုးထွန်းက ပြောသည်။

ငပလီကမ်းခြေရှိ ပုဂ္ဂလိက လေကြောင်းများ လက်မှတ်အရောင်း ကောင်တာမှ တာဝန်ရှိသူတဦးကလည်း “ဒီနှစ်မှာ မိတ္ထီလာ ဂယက်ကြောင့် ကမ်းခြေသင်္ကြန် လူနည်းမယ်ထင်တယ်” ဟု ပုံမှန်အခြေအနေနှင့် နိုင်းယှဉ်၍ ခန့်မှန်းပြော ဆိုသည်။

ယမန်နှစ် နှစ်လယ်ပိုင်းမှ စတင်၍ ရခိုင်ပြည်နယ်တွင် ဖြစ်ပွားခဲ့သည့် ပဋိပက္ခများကြောင့်လည်း ခရီးသွားလုပ်ငန်းကို ထိခိုက်မှုများရှိခဲ့ကြောင်း ငပလီကမ်းခြေမှ ဟိုတယ်လုပ်ငန်း လုပ်ကိုင်နေသူများထံမှ သိရသည်။

ငပလီကမ်းခြေသို့ ကမ္ဘာလှည့်ခရီးသွား လာရောက်လည်ပတ်မှုမှာ နိုင်ငံစုံမှ ဖြစ်လာကြောင်း Boat Trip ၀န်ဆောင်မှု အသင်းမှ တာဝန်ရှိသူတဦးဖြစ်သည့် ကိုကျော်စိုးထွန်းက ပြောသည်။

“အစိုးရ အပြောင်းအလဲ ဖြစ်ပြီးတဲ့နောက်ပိုင်း ဒီနှစ်မှာ မလာဖူးတဲ့ တိုင်းပြည်တွေက ဧည့်သည်တွေ အ၀င်များလာတယ်။ နော်ဝေ၊ ချက်ဇ်နဲ့ စလိုဘေးနီးယားလို နိုင်ငံမျိုးတွေက အုပ်စုလိုက် ရောက်လာကြတယ်” ဟု ကိုကျော်စိုးထွန်းက ဆိုသည်။

သို့သော် ကမ်းခြေတခုလုံး အနေဖြင့် ခြုံကြည့်လျှင် နှစ်စဉ် ကမ္ဘာလှည့်ခရီးသွား နည်းပါးလေ့ရှိသည့် ယခုလတွင် ပုံမှန်ထက် များနေဆဲဖြစ်ကြောင်း ကိုကျော်စိုးထွန်းက ပြောသည်။

ငပလီကမ်းခြေတွင် ယခုလက်ရှိတွင် ထပ်မံဖွင့်လှစ်မည့် ဟိုတယ်အသစ် နှစ်လုံး အပါအ၀င် ဟိုတယ်စုစုပေါင်း ၁၆ လုံးရှိကြောင်း သိရှိရသည်။

KIA တပ်ရင်း ၁၇ သို့ ထိုးစစ်ဆင်လာသော အစိုးရတပ်များ KIA နှင့် တိုက်ခိုက်ပြီးနောက် ပြန်ဆုတ်ထား

KNG

ရှမ်းပြည်မြောက်ပိုင်း ကချင်လွတ်မြောက်ရေးတပ်ဖွဲ့ (KIA) တပ်မဟာ (၄) နယ်မြေ ဂန်မိန်း (Gang Mying) ဒေသ ကောင်းဝွေဘွမ် (Kawng Woi Bum)တွင် အစိုးရတပ်များ ထိုးစစ်ဆင် လာ သောကြောင့် ယနေ့ နံနက် ၉ နာရီနာခွဲမှ ၁၂ နာရီထိ ပြင်းထန်သောပစ်ခတ်မှုဖြစ်ပွားခဲ့ရာ အစိုးရတပ်ဖက်မှ ပြန်လည်ဆုတ်ခွာသွားခဲ့ကြောင်း သိရသည်။

KIA တပ်ရင်း (၁၇) မှ အဖွဲ့အင်အား ၅၀ ကျော်ရှိသော MHH (Mungmasha Hpyen Hpung) ပြည်သူ့စစ်တပ် နှင့် ကွတ်ခိုင်အရှေ့ဘက်ရှိ ကွန်လုံ (Kun Lung) နမ်ဂျရပ် (Nam Jarap) ရှိ မြန်မာအစိုးရတပ် အင်အား ၁၀၀ ကျော်သည် KIA ရှိရာသို့ ထိုးစစ်လာခဲ့ရာ အတန်ကြာပစ်ခတ် တိုက်ခိုက်ခဲ့ရာ အစိုးရဖက်မှ ထိခိုက်မှုများမည်ဟု တပ်မဟာ (၄) မှ အမည်မဖော်လိုသူအရာရှိတစ်ဦး KNG ကချင်သတင်းဌာန သို့ပြောဆိုသည်။

“ပစ်ရင်းပစ်ရင်းနဲ့ ၁၂ နာရီထိဖြစ်သွားတယ်။ သူတို့ဖယ်သွားရင်တော့ ဘာမှဖြစ်စရာမရှိဘူး။ သူတို့ပြန်ထိုးလာရင်တော့ ဆက်ပြီးတော့ဖြစ်မှာပဲ။ ကျနော်တို့ဘက်က သူတို့ရှိတဲ့နေရာမှာ တမင်သွားတိုက်တာ မရှိဘူး။ သူတို့ လာလို့ဘဲ ပစ်ခတ်မှုက ဖြစ်လာတာ။ ဒီနေ့ သူတို့ဘက်က အရမ်းထိခိုက်မယ်။ ငိုတဲ့သူတွေ အော်တဲ့သူတွေနဲ့ ငြီးတဲ့အသံတွေကြားနေရတယ်။ အားလုံး နမ်ဂျရတ် ဘက်ပဲ ပြန်ဆုတ်သွားတယ်။ အရမ်းဝေးတဲ့နေရာတော့ မပြေးလောက်ဘူး” ဟုဆိုသည်။

ယခုချိန် ကွန်လွန် (Kun Lung) ဘက်တွင် အခြေချလျက်ရှိသောအစိုးရတပ်သည် ခလရ ၁၄၇၊ ၁၀၅၊ ၁၄၅ နှင့် ခလရ ၂၉၀ တပ်ပေါင်းစုများ ဖြစ်ကြောင်း သိရသည်။

ယနေ့တိုက်ပွဲတွင် KIA တပ်ရင်း (၁၇) အောက် MHH ပြည်သူ့စစ်တပ်မှ ထိခိုက်ဒဏ်ရာမရှိကြောင်း KIA အရာရှိ ပြောဆိုပြီး အစိုးရတပ်မှ ထိခိုက်ဒဏ်ရာရ သေဆုံးမှုရှိသည်ဟု ပြောဆိုသော်လည်း နှစ်ဖက်တပ်များသို့ အတည်မပြုနိုင်ခဲ့ပါ။

၎င်းဒေသသည် အဓိကကျသည့်နေရာ မဟုတ်သော်လည်း KIA အဖွဲ့များရှိသည့် နယ်မြေကိုသိမ်းပိုက်လိုသောကြောင့် တိုက်ခိုက်လာခြင်းဖြစ်သည်ဟု KIA ဖက်မှပြောသည်။

၎င်းအစိုးရတပ်သည် တပ်ရင်း (၁၇) ရှိသည့်နေရာသို့ ခြေလျင်ဖြင့်ထိုးစစ်ဆင်လာခြင်းဖြစ်ပြီး ယခုချိန် တပ်ရင်း (၁၇) နေရာ အနီးတွင် စစ်အင်အား ၃၀၀ ကျော်ခန့် ချထားကြောင်း သိရသည်။

ထို့အတူ ပန်ဆိုင်း (Pangsai) မြို့နယ် ကားလမ်းမကြီးနှင့် နီးသော ဖိုင်ကောင်း (Hpai Kawng) ကျေးရွာအနီး လူလီရွာ ခလဲန် (Hka Len) ရွာသို့ အစိုးရတပ်များ ရောက်ရှိနေပြီး ထိုကျေးရွာမှ နေအိမ်များတွင် လုယက်မှုများ ဖြစ်ပေါ်နေကြောင်းသိရသည်။

၎င်းအစိုးရတပ်သည် မုံဂိုးဒေသရှိ စင်လီ (၆၉) နှင့် မုံဂိုးတွင် ရုံးဖွင့်ထားသည့် ထန်ဆီ (Htang Si) ဆိုသူ၏ ကွတ်ခိုင်ပြည်သူ့စစ်များဖြစ်ပြီး အင်အား ၇၀ ခန့်နှင့် မြင်း ၂ ကောင်တွင် စစ်အင်အားများတင်ကာ ကျေးရွာအတွင်းသို့ လုယက်မှုပြုလုပ်နေသည်ဟု ပန်ဆိုင်းမှ MHH တပ်ခွဲ (၅) အရာရှိ KNG ကချင်သတင်းဌာန သို့ပြောသည်။

“အိမ်ဆိုင်ခန်းထဲဝင်ပြီး ကြိုက်သလိုယူ မွှေနှောက်ပြီးတော့ စိတ်ကြိုက်လုပ်နေတယ်။ အိမ်တအိမ်မှာက ပိဿာ ၃၀ ရှိတဲ့ ဝက်ကို ပစ်သတ်စား ပေးတယ်။ ပြည်သူတွေက ပိုက်ဆံမတောင်းရဲပဲ ကြောက်ပြီးထွက်ပြေးနေရတယ်” ဟု ဆိုသည်။

KIA ဖက်မှပြောဆိုချက်အရ ထိုသို့အစိုးရတပ်များ ဒေသခံများထံမှမတရားလုယက်မှု ဆက်လက်ပြုလုပ်နေမည်ဆိုပါက MHH တပ်ခွဲ (၅) နှင့် ထိပ်တိုက် တိုက်ပွဲဖြစ်ပွားလာနိုင်ကြောင်း MHH တပ်ခွဲ (၅) အရာရှိ KNG ကချင်သတင်းဌာန သို့ပြောသည်။

သို့သော် အဆိုပါကိစ္စနှင့်ပတ်သက်၍ သိရှိရန် လုယက်ခံရသော ဒေသခံများနှင့်ဆက်သွယ်မှု မရရှိခဲ့ပေ။

၎င်းအစိုးရတပ်သည် ဖိုင်ကောင်း (Hpai Kawng) တွင် အယောက် ၂၀၊ ကောင်းစဌေး (Kawng Sahte) တွင် အယောက် ၂၀ ကျော်နှင့် ခလဲန်ရွာ (Hka Len) တွင် အယောက် ၃၀၊ ရှမ်းရွာ နမ်ဟူး (Nam Hu) တွင် အယောက် ၃၀ ကျော် ဖြင့် ကျေးရွာများတွင် အသီးသီးနေထိုင်လျက် လှည့်ပတ်နေခြင်းဖြစ်ကြောင်း သိရသည်။

အကြမ်းဖက်သူများကို လူသတ်မှု၊ မီးရှို့မှုတို့ဖြင့် စတင် အရေးယူ

ထက်နိုင်ဇော်

အကြမ်းဖက် မီးရှို့မှုများ ဖြစ်ပွားခဲ့သော နေပြည်တော်ကောင်စီနယ်မြေ မန္တလေးတိုင်းဒေသကြီးနှင့် ပဲခူးတိုင်းဒေသကြီးတို့တွင် ပါဝင်ပတ်သက်ခဲ့သူများကို လူသတ်မှု၊ မီးရှို့မှုတို့ဖြင့် စတင် အရေးယူနေပြီဖြစ်ကြောင်း နေပြည်တော် မှုခင်းဋ္ဌာနမှ ဒုတိယ ရဲမှူးကြီးမင်းအောင်က ဧရာဝတီသို့ အတည်ပြု ပြောကြားသည်။

ပဋိပက္ခဖြစ်စဉ်များထဲတွင် မိတ္ထီလာမြို့မှ လူသတ်မှု ၁၁ မှု၊ မီးရှို့မှု ၇ မှု၊ လုယက်မှု ၁မှု နှင့် နာကျင်စေမှု ၁ မှု အပါအ၀င် နိုင်ငံတော် အဆောက်အဦ်ဖျက်ဆီးမှုတို့ဖြင့် အရေးယူထားကြောင်းလည်း ဆိုသည်။

မိတ္ထီလာမြို့နှင့် ပဲခူးတိုင်း အနောက်ခြမ်းရှိ ဘာသာရေး လူမျိုးရေး အကြမ်းဖက်မှုများတွင် ပါဝင်ပတ်သက်ခဲ့သူ ၆၈ ယောက်ကို ဖမ်းဆီး ထိန်းသိမ်းထားပြီး ၁၅ ဦးကို မသင်္ကာမှုဖြင့် စစ်ဆေးလျက် ရှိသည်။

ဖမ်းဆီး အရေးယူထားသူများတွင် သံဃာများ ပါဝင်ခြင်း မရှိကြောင်း၊ မြို့ခံ ဒေသခံများသာ ပါဝင်ကြောင်း၊ ပဋိပက္ခ ဖြစ်စဉ်များမှာ ဒေသအလိုက် သီးခြားဖြစ်ပေါ်ခဲ့ခြင်း ဖြစ်ပြီး ဆက်စပ်မှု မရှိကြောင်း၊ ဆက်လက်ဖြစ်ပေါ်လာမည့် ဆူပူ အကြမ်းဖက်မှုများကို ရဲလုပ်ထုံးလုပ်နည်းနှင့် အညီ ဆက်လက် ဆောင်ရွက်သွားမည်ဖြစ်ကြောင်း ဒုတိယ ရဲမှူးကြီးမင်းအောင်က ဆိုသည်။

”မြို့နားမှာနေတဲ့ ရွာက လူတွေပဲ လာလုပ်နေကြတာ။ ဒေသခံတွေပဲ လုပ်ကြတာ။ ကားနဲ့ တင်ခေါ်လာပြီး လာချသွားတယ် ဆိုတာမျိုးတွေ မဟုတ်ပါဘူး။ အခု ဖမ်းထားတဲ့လူတွေက ရွာက လူတွေချည်းပဲ”ဟု ဆိုသည်။

ကသမ္မတဦးသိန်းစိန်က ပြည်သူလူထု၏ အသက်အိုးအိမ်စည်းစိမ် လုံခြုံမှုကို ထိပါးလာသော လုပ်ရပ်မှန်သမျှကို လုံးဝ လက်မခံမည်မဟုတ်ဘဲ ဥပဒေနှင့်အညီ ထိထိရောက် တားဆီးနှိမ်းနင်းရန် ရဲတပ်ဖွဲ့ကို အမိန့်ပေးထားသည်။

သမ္မတ အမိန့် ထုတ်ပြန်ပြီးနောက်ပိုင်းတွင် ဆူပူ အကြမ်းဖက်မှုများ ဆက်လက်ဖြစ်ပွားခြင်း မရှိသေးသော်လည်း အခြေအနေကို စောင့်ကြည့်နေကြောင်း၊ လုံခြုံရေးအတွက် တပ်မတော်ကိုပါ အကူအညီ တောင်းခံထားကြောင်း ပဋိပက္ခမှုများ ဖြစ်ပွားလျက်ရှိသော ဒေသနှစ်ခုမှ ရဲအရာရှိများက ပြောသည်။

”ပထမ အသိပေးမယ်။ လူစုခွဲဖို့ ပြောမယ်။ လော်စပီကာနဲ့ အော်မယ်။ သေနတ်နဲ့ ပစ်တယ်ဆိုတာ နောက်ဆုံးအဆင့်ပါ။ လက်ရှိ အချိန်အထိတော့ ကျည်အစစ်နဲ့
မပစ်သေးပါဘူး”
ဟု ဒုတိယရဲမှူးကြီး မင်းအောင်က ပြောသည်။

ဖြစ်ပွားခဲ့သည့် ဖြစ်စဉ်များမှ ထိခိုက်၊ ဒဏ်ရာရ၊ သေဆုံးမှုနှင့် ပျက်စီးဆုံရှုံးမှုများမှာ အကြမ်းဖက် ပဋိပက္ခများကြောင့် ၄၂ဦး သေဆုံးခဲ့ပြီး လူနေအိမ် ၁၂ဝဝ ကျော်၊ ဗလီ ၃၇လုံး ၊ဈေးဆိုင် ၇၇ ခုလည်း ပျက်စီးခဲ့သည်ဟု မတ်လ ၂ဝရက်နေ့မှ ၂၈နေ့အထိ ရရှိသော စာရင်းကို မြန်မာနိုင်ငံ ရဲတပ်ဖွဲ့က တရားဝင် ထုတ်ပြန်ထားသည်။

ကုလသမဂ္ဂ၏ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ် မစ္စတာ တောမတ်စ်အိုဂျေး ကင်တားနားက သမ္မတဦးသိန်းစိန်၏ မိန့်ခွန်းကို ကြိုဆိုလိုက်သော်လည်း နယ်မြေခံ ရပ်ကွက် အုပ်ချုပ်ရေးမှူးများနှင့် နိုင်ငံရေးသမားများ ပါဝင်ပတ်သက်နေမှုများကို ဖော်ထုတ်စစ်ဆေးရန်လိုကြောင်း ထုတ်ပြန်ပြောဆိုသည်။

ထို့ပြင် ဗလီနှင့် အဆောက်အဦး ဖျက်ဆီးမှု များတွင် အစိုးရ လုံခြုံရေး အဖွဲ့အစည်းများ၏ တာဝန်ယူ စောင့်ရှောက်ပေးမှု အားနည်းခဲ့ကြောင်း၊ ၎င်းအပြင် စနစ်တကျ စုစည်းထားသည့် ဖျက်ဆီးရေးအဖွဲ့များလည်း ပါဝင်ပတ်သက်နေကြောင်း အထောက်အထားများ ရရှိထားသည်ဟု ဆိုသည်။

သမ္မတ ပြောရေးဆိုခွင့် ရှိသူ ဦးရဲထွဋ်ကမူ “မစ္စတာကင်တားနားအနေနဲ့ မြေပြင်အခြေအနေများကို မှန်မှန်ကန်ကန်လေ့လာမှု မရှိဘဲ တစ်ဆင့်ကြားသတင်းများကိုသာ အခြေပြုပြောကြား နေခြင်းဟာ အခြေအနေကို ထိန်းသိမ်းနိုင်အောင်ဝိုင်းဝန်းကြိုးပမ်းဆာင်ရွက်နေတဲ့ အစိုးရ၊ လုံခြုံရေးဆိုင်ရာအဖွဲ့အစည်းများ၊ သာသာရေးခေါင်းဆောင်များ၊ လူမှုအဖွဲ့အစည်းများရဲ့ လုပ်ဆောင်ချက်များကို မျက်ကွယ်ပြုရာရောက်တဲ့ အတွက် ၀မ်းနည်းစရာဖြစ်ပါတယ်” ဟု ၎င်း၏ ဖေ့ဘွတ်တွင် တုန့်ပြန်ရေးသားထားသည်။

ကြို့ပင်ကောက်မြို့နယ် ရဲတပ်ဖွဲ့မှူး ဦးမြင့်ကြိုင်က မတ်လ ၂၆ရက်နေ့တွင် ဧရာဝတီသို့ ပြောဆိုရာ ဖျက်ဆီးခြင်း မခံရမီအချိန်တွင် ရဲအစောင့်များ ချထားသော်လည်း သံဃာတော်နှင့် ရဲများ ထိပ်တိုက်မဖြစ်စေရန် ရှောင်ပေးလိုက်ခြင်း ဖြစ်ကြောင်း သိရသည်။

သျှမ်းမြောက် နမ့်ခမ်းမြို့ရှိ ဗလီကျောင်းတွင် လုံခြုံရေးများ ချထားနေရ

သျှမ်းသံတော်ဆင့်

သျှမ်းပြည်မြောက်ပိုင်း တရုတ်နယ်စပ် နမ့်ခမ်းမြို့ ပေါက်တိုက်ရပ်ကွက်အတွင်း ရှိ မွတ်ဆလင် ဘုရားရှိခိုးကျောင်း တခုဖြစ်သော ဂျာမေ့ဗလီကျောင်းတွင် မတ်လ ၂၈ ရက် ညပိုင်းကစပြီး အာဏာပိုင်ဘက်မှ လုံခြုံရေးများချထားကြောင်း သတင်းရရှိသည်။

“ ကျမတို့ရပ်ကွက် ထဲရှိဗလီ ကျောင်းလေ ရဲ နဲ့စစ်တပ်ပေါင်းပြီးအင်အား ၃၀ လောက် မနေ့ညကစပြီး လက်နက် အပြည့်နဲ့ လုံခြုံရေး ယူထားတာ တွေ့ရတယ်၊ မွတ်ဆလင်ဘာသာဝင်သူတွေက လဲ အာဏာ ပိုင်ဘက်က လုံခြုံ ရေး မယူပေးမှီ လွန်ခဲ့တဲ့ ၄ ရက်ကတည်းက သူတို့ကိုယ်တိုင် ဒုတ်တွေ ဓါးတွေကိုင်ပြီးဗလီကို လုံခြုံရေးယူထားကြတယ်၊ သူတို့ကိုကြည့်ပြီးလူတွေက လှန့်ကုန်တာပေါ့။ ကျမတို့သျှမ်းတွေက ငြိမ်းချမ်းငြိမ်းချမ်းချမ်းနေတတ်တဲ့သူတွေလေ”ဟု ပေါက်တိုက်ရပ်ကွက်နေ အမျိုးသမီးကြီးတစ်ဦးကပြောသည်။

မိထ္တိလာ ဘက်ကနည်းတူ အဓိဂရုဏ်းများ ကူးစက်ပြန့်ပွား လာမည်ကို ကာကွယ်လိုတာကတစ်ကြောင်း ၊ မိထ္တိလာ ဘက်ရှိ ဆူပူသူတွေက တရုတ်နယ်စပ်ဘက် လာပြီး ဗလီများကို လာရောက်ဖျက်ဆီးမည်ဟူသော ကောဠာဟာဠ သတင်းကြောင့်လည်းကောင်း လုံခြုံရေးယူထားရခြင်းဖြစ်သည်ဟု ၄င်းသူမက ဆိုသည်။

“ဒီတရုတ်နယ်စပ်တလျှောက်ဆိုရင် မွတ်ဆလင်ဘုရားရှိခိုးကျောင်း(ဗလီ) ဟာ ဒီတခုပဲရှိတာ ၊လွန်ခဲ့သည့် ၁၀ နှစ်ကတည်းက ကချင်ပြည်နယ် မန့်ဝိန်းကြီးကျေးရွာ တွင် ဆောက်လုပ်စဉ် ကန့်ကွက်ခံရပြီး ဆက်မ ဆောက် လုပ်နိုင်ပဲ ခုထိ ဒီအတိုင်းထားနေရတယ်၊ကျနော်ကတော့ ဘာ လူမျိုးရေးဘာသာရေးအဓိဂရုဏ်းများမလိုဘူး”ဟု မွတ်ဆလင်ဘာသာဝင် နီးစပ်သူ သျှမ်းလူမျိုးတစ်ဦးက ပြောသည်။

နမ့်ခမ်းမြို့တွင် မွတ်ဆလင်ဘာသာဝင်လူမျိုးများ ၁၀၀၀ ကျော်ခန့်ရှိနေပြီး အောင်မေတ္တာ ၊အောင်မင်္ဂလာ၊ အောင်ချမ်းသာ၊ပေါက်တိုက်၊ ဟိုကတ်၊ကောင်းနောင်မို ၊မိုခမ်း စသောရပ်ကွက်များ တွင်နေထိုင် ကြကြောင်း ဒေသခံများထံမှ သိရှိရသည်။

မြို့နယ် ၂၀ အတွင်း စမ်းသပ်သန်းခေါင်စာရင်း ကောက်ယူမည်

မေခ

မတ်လ ၃၀ ရက်နေ့မှ စတင်ကာ စမ်းသပ် သန်းခေါင်စာရင်း အဖြစ် မြို့နယ် ၂၀ အတွင်း ကောက်ယူသွားမည် ဖြစ်ကြောင်း လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာန ပြည်ထောင်စုဝန်ကြီး ဦးခင်ရီက ပြောဆိုခဲ့သည်။

ထိုသို့ စမ်းသပ်သန်းခေါင်စာရင်း ကောက်ခံရာတွင် သတ်မှတ် ဒေသများ အတွင်းရှိ လူမျိုးမရွေး ဘာသာမရွေး၊ နိုင်ငံသား၊ နိုင်ငံခြားသား မခွဲခြားဘဲ ကောက်ခံသွားမည်ဖြစ်ကြောင်း၊ သန်းခေါင်စာရင်း ရှိမရှိ၊ မှတ်ပုံတင် ရှိမရှိ စသည်တို့ကို စစ်ဆေးသွားမည် မဟုတ်ဘဲ မေးခွန်း ၄၁ ခုကိုသာ မေးမြန်းသွားမည် ဖြစ်ကြောင်း သိရသည်။

“ကောက်ယူမယ့် စမ်းသပ်မြို့နယ် ၂၀ ရွေးထားတယ်။ ၁၂ ရက်ကြာ ကောက်ပါမယ်။ မတ် ၃၀ ကနေ ဧပြီ ၁၀ ရက်နေအထိ ကောက်သွားမယ်။ ၂၀၁၄ အတွက် ရည်ရွယ်ပြီး ကြိုကောက်တာပါ။ စမ်းသပ်ကောက်တာမှာ ဘာအခက်ခဲတွေရှိမလဲ၊ မေးတဲ့ မေးခွန်းတွေမှာ အခက်ခဲတွေ ရှိမလား သိရအောင် ကောက်တာပါ” ဟု လူဝင်မှု ကြီးကြပ်ရေးနှင့် ပြည်သူ့အင်အား ဦးစီးဌာန သန်းခေါင်စာရင်း ဌာနခွဲမှ ဌာနမှူး ဒေါက်တာခိုင်ခိုင်စိုးက ဧရာဝတီသို့ ပြောသည်။

စမ်းသပ်သန်းခေါင်စာရင်း ကောက်ယူရာတွင် သာမန် အနေအထားရှိ မြို့များထက် ထူးခြား အနေအထားရှိသည့် မြို့များဖြစ်သည့် နယ်စပ်မြို့များ၊ တောင်ပေါ်မြို့များကို အများဆုံး ရွေးချယ်ကောက်ယူရန် စီစဉ်ထားကြောင်း သိရသည်။

“နယ်စပ်တွေကို အများဆုံး ရွေးကောက်တာက အဲဒီမှာ ဒုက္ခသည်တွေ ရှိတော့ တကယ်ကောက်တဲ့ အခါအခက်အခဲတွေ မရှိအောင်ဆိုပြီး စီစဉ်တာပါ” ဟု ဒေါက်တာခိုင်ခိုင်စိုးက ပြောသည်။

ကောက်ယူရာတွင် တမြို့နယ်လျှင် ကောက်ကွက် ၅ ကွက်ထား၍ ကောက်ယူမည် ဖြစ်ကြောင်း၊ကောက်ကွက် တကွက်လျှင် စာရင်းကောက် ဆရာမအဖြစ် ပညာရေးဌာနမှ မူလတန်းပြ ဆရာမ တယောက်က ကောက်ယူမည် ဖြစ်ပြီး တမြို့နယ်အတွက် မူလတန်းပြ ဆရာမ ၅ ယောက်မှ တာဝန်ယူ ကောက်သွားမည် ဖြစ်ကြောင်း၊ အဆိုပါကောက်ကွက် ၅ ကွက်ကို ပြန်လည် အုပ်ချုပ် စစ်ဆေးမည့် အလယ်တန်းပြ သို့မဟုတ် အထက်တန်းပြ ဆရာမတဦးက စစ်ဆေးသွားမည် ဖြစ်ကြောင်း သိရသည်။

“မြစ်ကြီးနားက ကထောင် ရပ်ကွက်ကို ရွေးထားပါတယ်။ ဒီအထဲမှာ စစ်ဘေး ဒုက္ခသည်တွေက စမ်းသပ် ကောက်ခံမယ့် နေရာထဲမှာ ရှိနေရင် ကောက်ယူသွားမှာပါ။ စမ်းသပ် ကောက်တာဖြစ်တဲ့အတွက် တမြို့လုံးကိုတော့ ကောက်ခံသွားဦးမှာ မဟုတ်ပါဘူး” ဟု ဒေါက်တာ ခိုင်ခိုင်စိုးက ပြောသည်။

၂၀၁၄ တွင် ကောက်ယူမည့် ပြည်လုံးကျွတ် သန်းခေါင်စာရင်း အတွက် စမ်းသပ်သည့် အနေဖြင့် သန်းခေါင်စာရင်းကို ကောက်ယူခြင်း ဖြစ်ကြောင်း၊ ယခုကောက်ယူမှုမှာ နိုင်ငံသားကတ်ထုတ်ခြင်း၊အိမ်ထောင်စု စာရင်းပြုလုပ်ခြင်းနှင့် မသတ်ဆိုင်ကြောင်း၊ ကောက်ယူခဲ့သည့် တဦးခြင်း အကြောင်းအရာကို လုံခြုံမှု အပြည့်ဖြင့် ထိန်းသိမ်းထားမည် ဖြစ်ပြီး ထုတ်ပြန်သွားရန် အစီအစဉ်မရှိကြောင်း၊ ယခုကောက်ယူမှု အတွက် ကောက်ယူရရှိသည့် လူဦးရေစာရင်းကိုသာ ထုတ်ပြန်သွားမည် ဖြစ်ကြောင်း သိရသည်။

ဝန်ကြီးဌာနအနေဖြင့် ၂၀၁၄ တွင် ကောက်ယူမည့် ပြည်လုံးကျွတ် သန်းခေါင်စာရင်းအတွက် ၂၀၁၁ မှ စတင်ကာ မြေပုံရေးဆွဲခြင်းများ စတင် ဆောင်ရွက်ခဲ့ကြောင်း၊ ၎င်းမှာ တနိုင်ငံလုံးအတွက် ရည်ရွယ်ရေးဆွဲသော မြေပုံဖြစ်ကြောင်း ဒေါက်တာခိုင်ခိုင်စိုးက ဆိုသည်။

လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာနမှ စမ်းသပ်သန်းခေါင်စာရင်း တိုင်းဒေသကြီးနှင့် ပြည်နယ် အသီးသီးရှိ မြို့နယ် ၂၀ တွင် ၁၂ ရက်ကြာ ကောက်ယူသွားမည် ဖြစ်ပြီး သန်း ခေါင်စာရင်း ကောက်ယူမည့် ဒေသများမှာ ကချင်ပြည်နယ် အတွင်းရှိ မြစ်ကြီးနား၊ ကယားပြည်နယ်အတွင်းရှိ လွိုင်ကော်၊ ကရင်ပြည်နယ် အတွင်းရှိ မြ၀တီ၊ ချင်းပြည်နယ်ရှိ ဟားခါးနှင့် တမူး၊ တနင်္သာရီတိုင်းရှိ ထားဝယ်၊ ပဲခူးတိုင်း ရွှေကျင်မြို့နယ်၊ မကွေးတိုင်းအတွင်းရှိ မကွေးမြို့၊ မန္တလေးတိုင်းရှိ မိုးကုတ်နှင့် ချမ်းအေးသာဇံ မြို့နယ်၊ မွန်ပြည်နယ်ရှိ မော်လမြိုင်နှင့် ကျိုက်ထို၊ ရခိုင် ပြည်နယ်ရှိ စစ်တွေ၊ ရန်ကုန်တိုင်းအတွင်းရှိ ရွှေပြည်သာ နှင့် လမ်းမတော်မြို့နယ်၊ ရှမ်းပြည်နယ် ညောင်ရွှေ၊ တာချီလိတ်နှင့် မူဆယ်၊ ဧရာဝတီတိုင်းရှိ မြောင်းမြနှင့် ငပုတောမြို့နယ်တို့ ဖြစ် ကြောင်း သိရသည်။

စမ်းသပ် သန်းခေါင်စာရင်း ကောက်ယူရာတွင် ပြည်သူများ အလွယ်တကူ ခွဲခြား သိရှိနိုင်ရေးအတွက် ကူညီမည့် ပညာရေး ၀န်ထမ်းများကို လူဝင်မှု ကြီးကြပ်ရေးဌာနမှ ၀န်ထမ်းများ၏ ၀န် ထမ်းဝတ်စုံအရောင် ဖြစ်သော ကာကီရောင် ၀တ်စုံနှင့် ဦးထုတ်၊လက်ဆွဲအိတ်များ ထုတ်ပေးထားကြောင်း ပြည်သူများ အလွယ်တကူ ခွဲခြားသိရှိနိုင်ရန် ရည်ရွယ်ကာ ထုတ်ပေးထားခြင်း ဖြစ် ကြောင်း သိရပြီး စမ်းသပ် သန်ခေါင်စာရင်း ကောက်ပါက အဆိုပါ ၀တ်စုံများဖြင့် ၀တ်ဆင်ကောက်ယူမည် ဖြစ်ကြောင်း သိရသည်။

“ပြည်သူတွေက မေးခွန်းလာမေးတဲ့အခါ ဘာလဲဆိုတာမျိုး၊ လန့်တာမျိုး မဖြစ်အောင် သတ်မှတ်ဝတ်စုံ ဆင်ပေးတာပါ။နောက် စာရင်းစစ်တဲ့ သူကို တနေ့ ၄၀၀၀ နှုန်း၊ ကောက်တဲ့သူကို တ နေ့ ၃၀၀၀ နှုန်းနဲ့ ၁၂ ရက်စာ ပေးထားပါတယ်” ဟု ဒေါက်တာ ခိုင်ခိုင်စိုးက ပြောသည်။

မြန်မာနိုင်ငံတွင် ပြည်လုံးကျွတ် သန်ခေါင်းစာရင်း ကောက်ယူမှုကို ၁၉၇၃ တွင် တကြိမ်၊၁၉၈၃ တွင် တကြိမ် ကောက်ယူခဲ့ဖူးပြီး နှစ်ပေါင်း ၃၀ အကြာ ၂၀၁၄ မတ်လ ၃၀ ရက်နေ့တွင် ပြည် လုံးကျွတ် သန်းခေါင်စာရင်းကို ထပ်မံ ကောက်ယူသွားမည် ဖြစ်သည်။

ထိုသို့ သန်းခေါင်စာရင်း ကောက်ယူရေးအတွက် UNFCA (United Nations Funds Clearance Authority) အဖွဲ့မှ ကူညီပေးလျှက် ရှိကြောင်း လူဝင်မှုကြီးကြပ်ရေး ဌာနမှ သိရသည်။

“အနာဂတ်တွေကို မဖျက်ဆီးကြပါနဲ့”

ခင်ဦးသာ

ကလေးစစ်သားအဖြစ် အဓမ္မ စုဆောင်းခံခဲ့ရပြီး တပ်မတော်တွင်း ၄ နှစ်ဝန်းကျင် တာဝန်ထမ်းဆောင် ခဲ့ပြီး နောက် ထွက်ပြေးလွတ် မြောက်ကာ ထိုင်းနိုင်ငံ မယ်ဟောင်ဆောင် ခရိုင်ရှိ ကရင် နီ ဒုက္ခသည် စခန်း၌ ကျောင်း ဆရာ လုပ်ကိုင်နေသည့် အသက် ၂၅ နှစ်အရွယ် ကိုရဲလင်း ခေါ် ကိုမင်းမင်းထွန်း ကို ဧရာဝတီ သတင်းထောက် ခင်ဦးသာက တွေ့ဆုံ မေးမြန်းထား ပါတယ်။ ကိုမင်းမင်းထွန်း ဇာတိက ပဲခူးတိုင်း ကြို့ပင်ကောက်မြို့ ဖြစ်ပြီး ဗမာလူမျိုး ဖြစ်ပါတယ်။

မေး။ ။ ကလေးစစ်သား ဘယ်အရွယ်မှာ ဖြစ်ခဲ့တယ်၊ ဘယ်လိုဖြစ်ခဲ့ရတယ်ဆိုတာ ပြောပြပေးပါ။

ဖြေ။ ။ ကလေးစစ်သားဖြစ်တုန်းက ၁၃ နှစ်ပဲရှိသေးတယ်၊ စစ်သားဖြစ်ရတဲ့ တစ် အချက်က ကျနော်က ဗီဒီယို ကြည့်တာ တအား ၀ါသနာပါတယ်၊ မိသားစု စီးပွားရေးလည်း အဆင်မပြေတော့ စိတ်လေပြီး ဗီဒီယို သွား ကြည့်ရင်း စစ်သားစုဆောင်းတဲ့ ရဲဘော် ၃ ယောက်နဲ့ ဆုံပြီး အဖမ်းခံရတယ်၊ ညက တအားမှောင်နေ တော့ မသင်ကာတဲ့ အမှုနဲ့ဖမ်းတာပေါ့။ ပြီးရင် ခြိမ်းခြောက်တာပေါ့၊ မှောင်ရိပ်ခိုမှုနဲ့ ထောင်ချမယ်၊ ထောင်ချ မခံချင်ရင် စစ်တပ်ထဲ ၀င်ရင် ထောင်မကျဘူးလို့ ပြောကြတယ်။

ကျနော်ကလည်း ငယ်သေးတော့ ကြောက်တာပေါ့၊ မိဘတွေကလည်း ဆုံးမဖူးတာရှိတယ် ထောင်ကျ တာ မကောင်းဘူးပေါ့၊ ရာဇ၀င်ပါသွားမယ်ပေါ့၊ အဲဒီတော့ ထောင်ကျ မခံဘဲ စစ်သားပဲလုပ်ဖို့ ဆုံးဖြတ်လိုက်တယ်။ အဲဒီ အချိန်တုန်းက ကျနော်က ကျောင်းထွက်ပြီး အမေ့ကိုကူပေးနေတာပါ။

မေး။ ။ ငယ်ငယ်လေးနဲ့ကျောင်းထွက် အလုပ်လုပ်ပြီး အမေနဲ့မိသားစုကို ကူညီခဲ့တယ်ဆိုတော့ အမေကို ကူညီခဲ့တာတွေ ပြောပြ ပေး ပါ။

ဖြေ။ ။ ကျနော်တို့မှာက မိသားစု ငါးယောက်ရှိတယ်၊ ကျနော်က အငယ်ဆုံးပေါ့၊ ကျနော်တို့မှာက အိမ်ပိုင် မရှိတော့ အိမ်ငှားနေရ တယ်၊ တရက်လုပ်မှ တရက်စားပေါ့၊ အိမ်လခလည်းပေးရတော့ ငွေကအပိုမရှိဘူးပေါ့၊ အဲဒီတော့ အကုန် အလုပ်လုပ်ရတယ်၊ အဖေ က ဆိုက်ကားနင်းတယ်၊ တခါတလေ စီးပွားရေး အဆင်မပြေရင် ကန်စွန်းဥလည်း ပြုတ်စားရတဲ့အခါ ရှိတယ်၊ ဆန်ပြုတ်လည်း သောက်ရတဲ့အခါ ရှိတယ်ပေါ့။

အဆိုးဆုံးကတော့ ကျနော် ၉ နှစ်သားအရွယ် လေးတန်းတက်မယ့် အချိန်မှာ အဖေက ဆုံးသွားတယ်၊ ဒီဟာက ကျနော့်အတွက် ဆုံးရှုံးမှုကြီး တခုလည်းဖြစ်တယ်၊ အမှတ်တရ သတိထားစရာတခုလည်း ရသွားတယ်။

မေး။ ။ အမှတ်တရ သတိထားစရာ တခု ရသွားတာက ဘယ်လိုကိစ္စမျိုးပါလဲ။

ဖြေ။ ။ ဘာကြောင့်လည်း ဆိုတော့ အဖေသေတာက ရိုးရိုးသေတာ မဟုတ်ဘူးလေ၊ သူ့ရဲ့အရင်း နှီးဆုံးသူ ငယ်ချင်းတွေက သတ်ပစ်လိုက်တဲ့အတွက်ပါ၊ အဲဒါကြောင့် လောကကြီးမှာ ဘယ်သူ့ကိုမှ မယုံရပါလားဆိုတဲ့ အသိတခုကို သတိထားစရာ အဖြစ် ကျနော်ရလိုက်တယ်။သူနဲ့အမြဲတမ်းပေါင်းသင်းနေတဲ့ သူငယ်ချင်း ၃ ယောက်က ပြန်သတ်လိုက်တယ်ဆိုတော့ လောကမှာ သူများယုံဖို့နေနေသာသာ ကိုယ့်ဒူးတောင် ကိုယ်မယုံ ရ ဘူးဆိုတာကိုလည်း သင်ခန်းစာရလိုက်တယ်။

နောက်အဖေသေတဲ့ အချိန်မှာ ကျနော့်အမေမှာ ကိုယ်ဝန်နေ့စေ့ လစေ့နဲ့ပေါ့၊ ကျနော့်အောက်က ကျနော့် ညီလေးမွေးဖို့ တပတ်ပဲ လိုတဲ့ အချိန်ပါ။ တပတ်နေပြီး ညီလေးကိုမွေးတယ်။ အမေက ဘာမှ မလုပ်တတ်တော့ မွေးပြီး တလကြာတာနဲ့ဈေးရောင်းတယ်။ ညနေ ၄ နာရီဆို ကျနော်က အမေ့ဆီသွားပြီး ဈေးတောင်း ကူ သယ် ပေးတယ်။ ဈေးသိမ်းပေးတယ်။

မေး။ ။ ကလေးစစ်သား အဖြစ် အဖမ်းခံရတဲ့ညမှာ ဘယ်နေရာ၊ ဘယ်စစ်တပ်ကို အပို့ခံလိုက်ရတာလဲ။

ဖြေ။ ။ ကျနော့်ကိုဖမ်းတဲ့ည ၁၂ နာရီလောက်မှာ ညတွင်းချင်းပဲ မီးရထားနဲ့ရန်ကုန်ကို ခေါ်သွားတယ်၊ ရန်ကုန် ရောက်တော့ ဒညင်းကုန်း စစ်သားစုဆောင်းရေးတပ်ကို ပို့တယ်၊ အဲဒီမှာ တချို့ဆို အကြာကြီးနေကြရတယ်၊ ကျနော်ကတော့ တပတ်ပဲနေခဲ့ရတယ်၊ ကံကောင်းတာက ကျနော်က စစ်သားအဖြစ် တာဝန်ပေးဖို့ ဆေးစစ် တော့ ဆေးမအောင်ဘူး၊ အဲဒါနဲ့ ကျနော်တို့ကို တာဝန်ယူပေးတဲ့ ဆရာကြီးက သူ့အသိဆေးခန်းက သူတွေ ပိုက်ဆံပေးပြီး ကျနော့်ကို ဆေးအောင်လက်မှတ်လုပ်ပေးလိုက်ပြီး စစ်သားအဖြစ် အသိအမှတ်ပြုလိုက်တယ်။ ကျနော်လိုမျိုး ကလေးစစ်သားတွေ အများကြီးရှိနေတာတွေ့ခဲ့ရတယ် စစ်တပ်တွေထဲမှာ။

မေး။ ။ စစ်သားဖြစ်ပြီးတော့ ဘယ်တပ်တွေမှာ တ၀န်ထမ်းဆောင်ခဲ့ရလဲ၊ တာဝန်ထမ်းဆောင်စဉ်မှာ ကြုံတွေ့ ခဲ့ရတာ၊ လုပ်ခဲ့ရ တာတွေ၊ ဘယ်လိုနေထိုင် စားသောက်ခဲ့ရတယ်ဆိုတာတွေ နည်းနည်းရှင်းပြပေးပါ။

ဖြေ။ ။ စစ်သားဖြစ်ပြီး တပတ်ကြာတာနဲ့ ကျနော့်ကို ရှမ်းပြည်နယ်ဘက်ပို့ လိုက်တယ်။ စစ်သား သင်တန်း တက် ဖို့ပေါ့။ အစား အသောက်တွေကတော့ တအားဆိုးတယ်၊ ကိုယ်က စစ်သားဖြစ်နေပြီ ဆိုတော့ မထူး တော့ဘူး ဆိုပြီး ခံနိုင်ရည်ရှိအောင် ကြိုးစားရတာပေါ့။ နောက် ကျနော့်ကိုယ် ကျနော်လည်း တိုင်းပြည် ကာကွယ်ဖို့ စစ်သား လုပ်တာပဲလို့ ခံယူလိုက်တယ်။

တိုင်းရင်းသား ပြည်နယ်တွေမှာ စိတ်မကောင်းစရာ ကြုံတွေ့ခဲ့ရတာကတော့ စစ်သားတွေ လာတာ မြင်တာနဲ့ ထွက်ပြေးကြတယ်၊ တအားကြောက်ကြတယ်။ မော်ချီး၊ ရှားတော ဘက်တွေ နယ်စပ်ဘက်တွေမှာ စစ်သား ဆိုရင် အရမ်းကြောက်ကြတယ်။ ကရင်နီနဲ့ ရှမ်းပြည် နယ်စပ်ဒေသတွေပေါ့။

ကျနော်တပ်ထဲရောက်တုန်းက သေနတ်တောင် ကောင်းကောင်းမနိုင်သေးဘူး၊ နောက် ကျနော်ရောက်တဲ့ တပ်ရင်းကလည်း တည်ထောင်ခါစ၊ ၁၃၅ တပ်ရင်းပေါ့။ တပ်ရင်းဆောက်ဖို့ ခြုံတွေရှင်းရ၊ အဆောင်တွေ ဆောက်ရတော့ အတွေ့အကြုံကလည်း မရှိတော့ ငှက်ဖျားမိသွားပြီး ဆေးရုံတင်လိုက်ရသေးတယ်။

မေး။ ။ ကျန်းမာရေး စောင့်ရှောက်မှုအတွက် တပ်ထဲမှာ ဘယ်လိုတာဝန်ယူပေးလဲ။

ဖြေ။ ။ ငှက်ဖျား တနှစ်ကျော်လောက်အထိ မိတယ်၊ ကျန်းမာရေးမကောင်းပေမယ့် မနားရဘူး၊ ညနေ ကင်း စောင့်ရတယ်၊ မလုပ်နိုင်ရင် နှိပ်စက်ခံရတယ်။ နေမကောင်းတဲ့ အချိန်မှာ ကိုယ့်ကိုပြုစုမယ့်သူ မရှိတဲ့အပြင် ကောင်းကောင်းလည်း မနေရဘူး၊ အထက် အမိန့်အရဆိုပြီး ကျနော်နဲ့ကျနော့်သူငယ်ချင်း တယောက်ကို ပစ္စည်း တွေ သွားသယ်ဖို့ အမိန့်ပေးတယ်၊ အမိန့်အရဆိုတော့ မလုပ်လို့လည်း မရတော့ကျနော်တို့ အတော့်ကို စိတ်ဓာတ်ကျသွားတယ်။

စိတ်ဓာတ်ကျပြီး ကျနော်တို့ နှစ်ယောက် ကိုယ့်ကိုယ်ကိုယ် ပစ်သတ်ဖို့အထိ ကြံစည်ခဲ့သေးတယ်၊ ဒါပေမယ့် မလုပ်ဖြစ်ခဲ့ဘူး။ ကျနော်စဉ်းစားတာပေါ့၊ ကျနော့်အမေကို နောက်ဆုံးတွေ့ချင်သေးတယ်၊ အမေကို ပြုစုလုပ် ကျွေးချင်သေးတယ်၊ သေလို့မဖြစ်သေးဘူးပေါ့။ ဒါပေမယ့် ကျနော့်စိတ်က စစ်သားဖြစ်ချင်တဲ့ စိတ်က လုံးဝ မရှိ တော့ မနေချင်ဘူး၊ အဲဒါကြောင့် ၂၀၀၃ ခုနှစ်မှာ တခေါက်ထွက်ပြေးခဲ့သေးတယ်။ တပ်က ပြန်မိသွား တာပေါ့။

မေး။ ။ ကိုယ့်ကိုယ်ကိုယ် ပစ်သတ်ဖို့ ကြံစည် ကြတယ်ဆိုတော့ တပ်ထဲမှာ အဲဒီလိုမျိုး သတ်သေသွားတဲ့လူ ရှိလား။
ဖြေ။ ။ ကျနော်တို့အရွယ်တွေ၊ ၁၃၊ ၁၄၊ ၁၅ နှစ် ကလေးစစ်သား ၃ ယောက်လောက် ကိုယ့်ကိုယ်ကိုယ် သတ်သေ သွားတာရှိတယ်။ တချို့ကတော့ ပါးစပ်ထဲကို သေနတ်ပစ်ဖောက်ပြီး သေကြောင်း ကြံသွားကြတယ်။ တယောက် ဆိုရင် ဆရာကြီးနဲ့ စကားများတယ်၊ စကားများတာကို ဘယ်ဘက်ကပဲ ကြည့်ကြည့် ဆရာကြီးဘက်ကပဲ မှန်တယ်ပေါ့၊ နောက်ဆုံး စိတ်ညစ်တော့ သေနတ်ကိုပါးစပ်နဲ့ငုံ ပစ်သတ်ပြီး သေကြောင်းကြံသွား တယ်။ နောက်တယောက်ကတော့ ဗိုက်မှာသေနတ်ချိန်ပြီး ပစ်သေတယ်။ အသက် ၁၈ နှစ် အောက်တွေပါ။

မေး။ ။ ဘယ်အချိန်မှာ စစ်တပ်က ထွက်ပြေးလွတ်မြောက်ပြီးတော့၊ ဒီကရင်နီ ဒုက္ခသည် စခန်းရောက်လာတာလဲ။

ဖြေ။ ။ စစ်တပ်က ပထမ တခေါက်ထွက်ပြေးတယ်၊ ပြန်မိသွားတယ်၊ နောက်တခေါက်ထပ်ပြေးတယ်၊ မော်ချီး မှာပေါ့၊ ပြန်မိသွားတယ်၊ မိတော့ လက်နှစ်ဘက် ကြိုးတုပ်ထားပြီးတော့ ရင်ဘတ်တွေကို ထိုးတယ်၊ ကန် တယ်၊ ကျောက်တယ်၊ ပြီးရင် အချုပ်ခန်းထဲမှာထည့်ထားပြီး အ၀တ်အစားလုံးဝ ပေးမ၀တ်ဘူး။ တမံတလင်း ဆိုတော့ တအားအေးတယ်လေ၊ အတွင်းခံဘောင်းဘီနဲ့ပဲ ညအိပ် ခိုင်း တာပေါ့။

တည အိပ်ပြီးတော့ စောင့်တဲ့ဆရာတွေက သဘောနည်းနည်းကောင်းတော့ မကြည့်ရက်ဘူးထင်တယ်၊ အ၀တ်အစားပြန်ဝတ် ခိုင်း တယ်။လက်ကိုတော့ ကြိုးတုပ်ပြီး အိပ်ရတာပေါ့။ပြန်မိလို့ စစ်သားပြန်မလုပ်ချင်ရင် ထောင်တနှစ်ချတယ်၊ ဒါပေမယ့် စစ်ပြေးမှု မဟုတ်ဘဲ အမြင်ကတ်ပုဒ်မနဲ့ မုဒိန်းမှုတို့ လိုမျိုးနဲ့ချလေ့ ရှိတော့ ကြောက်တာပေါ့။

နောက်ဆုံးလွတ်မြောက်တာက ၂၀၀၆ ခုနှစ်၊ တလပိုင်းမှာပါ။ ချားတောမြို့နယ်၊ တပ်ရင်း ၁၃၅ ကနေ ထွက်ပြေး လွတ်မြောက်လာတာပေါ့။ ထွက်ပြေးဖို့ စီစဉ်ထားတာက ၆ ယောက်ရှိတယ်၊ ၁၅ ၊ ၁၆ ကလေး စစ်သားတွေပေါ့၊ ဒါပေမယ့် သတ်မှတ်တဲ့ ရက်ပြောင်းလိုက်တော့ ပြေးခါနီးမှာ ၃ ယောက်က စိတ်ပြောင်း သွားပြီး ထွက်မပြေး တော့ဘူးလို့ပြောတယ်။ အဲဒီတော့ သူတို့ကိုလည်း ကျနော်မယုံတော့ဘူး ဆိုတော့ ရက်ပြောင်းပြီး ထွက် ပြေး ဖို့ စဉ်းစားကြရတယ်။

ထွက်ပြေးမယ့်ရက် မနက် ၂ နာရီမှာ ၁၃၅ တပ်ရင်းရဲ့ရှေ့တန်း တပ်စခန်းက ထွက်ပြေးကြတာပေါ့။ မနက် ၉ နာရီ၊ ၁၀ နာရီလောက် မှာတော့ ကရင်နီ အမျိုးသား တိုးတက်ရေးပါတီ(KNPP)တပ်တွေရှိတဲ့ နယ်စပ်က တောင်ကျောတွေဆီ ရောက်သွားတယ်။ အဲဒီအချိန်မှာ စစ်တပ်ကသိသွားတော့ ဗမာစစ်တပ်ကလည်း လိုက် ရှာတယ်၊ ထိုင်းစစ်တပ်ကလည်း လိုက်ရှာတယ်။ ညနေ လောက်မှ ကရင်နီတပ်ဖွဲ့ဝင် တချို့နဲ့ အဆက်အသွယ် ရပြီး သူတို့ စခန်း ခေါ်သွားတယ်။

မေး။ ။ လက်နက်တွေပါကြလား။ KNPP က ဘာတွေပြောလဲ။

ဖြေ။ ။ လက်နက်တွေ ပါလာကြတယ်၊ လက်ပစ်ဗုံးတွေလည်း ပါလာတယ်။ ၃ ယောက်စလုံးမှာပါ။ အဲဒီ အချိန်မှာ ကျနော် ၁၇ နှစ်ရှိပြီပေါ့။ KNPP က မေးတယ်၊ မေးတို့ ဘာလုပ်ကြမလဲ၊ ရဲဘော်လုပ်မလား၊ ကျောင်းတက် မလားပေါ့။ ကျနော်လည်း မခံချင်စိတ်က ရှိတော့ ရဲဘော်လုပ်မယ်လို့ ပြောလိုက်တယ်။ အဲဒီ အချိန်မှာပဲ ကိုထွန်းထွန်းဆိုတဲ့ ကရင်နီ အကိုတယောက်က ကျနော့်ကို သူ့ညီတယောက်လို သဘောထားပြီးတော့ ပြောတယ်၊ ငါ့ညီ ရဲဘော် ပြန်မလုပ်နဲ့ အသက်က ငယ်ငယ်လေးရှိသေးတော့ ကျောင်းပဲတက်ပါ ဆိုပြီး တိုက်တွန်း တော့ ကျနော် ကျောင်းတက်ဖို့ ဆုံးဖြတ်လိုက်တယ်။ သူ့အိမ်မှာပဲ ခေါ်ထားလိုက်တာပေါ့။

အဲဒီအချိန်မှာ ကျနော်က အသက် ၁၇ နှစ်ရှိပြီ ဖြစ်ပေမယ့် ကရင်နီ ဒုက္ခသည်မှာ ဖွဲ့ထားတဲ့ကျောင်းမှာပဲ ကျနော် ၆ တန်းက ပြန်တက်တယ်။ ဆယ်တန်းပြီးတဲ့အခါကျတော့ KNPP ကဖွင့်ထားတဲ့ Social ကျောင်းမှာ ၂ နှစ်ထပ် တက်ရတာပေါ့။ အဲဒီကျောင်းပြီးတော့ ဒီကျောင်းမှာပဲ အလယ်တန်းကျောင်းသားတွေကို စာပြန်သင် ပေးနေတယ်၊ တဘက်ကလည်း ဒီကျောင်းရဲ့ စည်းကမ်းထိန်းသိမ်းရေးတာဝန်ခံ လုပ်နေပါတယ်။ ဥပဒေ ပညာ ကိုလည်း လေ့လာနေတယ်။

မေး။ ။ ဥပဒေပညာကိုလည်း လေ့လာနေတယ်ဆိုတော့၊ အနာဂတ်မှာ ဘာတွေလုပ်သွားမယ် ဆိုတာမျိုး ရည်ရွယ်ထားတာ ရှိရင် ပြောပြပါဦး။

ဖြေ။ ။ အဓိက ရည်ရွယ်ချက်က အမေနဲ့ပြန်တွေ့ချင်တယ်၊ ပြီးရင် ကျနော်တို့ ပတ်ဝန်းကျင်က ကလေး သူငယ် တွေကို ကာကွယ်ပေးချင်တယ်၊ ၁၅ နှစ်အောက်ကလေးတွေပေါ့။ သူများဆီမှာ အလိမ်မခံရ အောင်ပေါ့၊ သူတို့ ဘ၀တွေက မလုံခြုံဘူး၊ လမ်းဘေး တွေမှာ ပလတ်စတစ် လိုက်ကောက်နေတာတွေ၊ ချို့တဲ့ဆင်းရဲတဲ့ ကလေးတွေကို ကာကွယ်ပေးချင်တဲ့ အတွက် ကျနော်က ရှေ့နေ တယောက်ဖြစ်ချင်တယ်။

ဒုက္ခရောက်နေတဲ့ ကလေးစစ်သားတွေလည်း အများကြီးရှိနေသေးတယ် ဆိုတော့ ကူညီချင်တယ်။ အဓိက BLC (Burma Lawyers Council)ကို ကျနော် စိတ်ဝင်စားတယ်။ နောက်တခုက ဒီစခန်းက ကလေးတွေကို လည်း ပိုပြီးတော့ သူတို့ရဲ့ စိတ်နေ စိတ်ထားတွေ ပြောင်းလဲစေချင်တယ်။ ကိုယ့်ကိုယ်ကိုယ် ယုံကြည်မှုတွေ ရှိ လာအောင်၊ တိုးတက်လာအောင် ကြိုးစားဖို့ လုပ်ပေးချင်တယ်။

မေး။ ။ နောက်ဆုံးမေးချင်တာက မြန်မာနိုင်ငံမှာ ကလေးစစ်သား စုဆောင်းတဲ့ ပြဿနာက ကြီးမားနေဆဲ ဆိုတော့ ကလေး စစ်သား ဖြစ်ခဲ့သူ တဦးအနေနဲ့ ကလေးတွေကို အဓမ္မစုဆောင်းတဲ့ အပေါ်မှာ ဘာပြောချင်လဲ။
ဖြေ။ ။ ဒီပြဿနာဟာ ကြီးမားပါတယ်၊ ဘာကြောင့်လည်းဆိုတော့ တပ်ထဲမှာ မလုပ်ချင်ဘဲ စိတ်ညစ်ခံ လုပ်နေရတဲ့ ကလေး စစ်သား တွေ အများကြီးပါ၊ တချို့ဆို အသက် မပြည့်ဘဲ ငယ်ငယ်လေးနဲ့ ရှေ့တန်းမှာ တိုက်ပွဲ ကျပြီး သေသွားတာတွေရှိတယ်။ ဒီတော့ လူကြီးတွေကို ပြောချင်တာက ကလေးဆိုတာ နောင်တချိန်မှာတိုင်း ပြည်ကို ခေါင်းဆောင်မယ့်လူတွေ၊ တိုင်းပြည်ကို အုပ်ချုပ်မယ့် လူတွေဆိုတော့ သူတို့ကို လွတ်လပ်စွာနေထိုင် ခွင့်ပေးပါ၊ ရှင်သန်ခွင့် ပေးပါ၊ သူတို့ရဲ့လွတ်လပ်မှုတွေ၊ အနာဂတ်တွေကို မဖျက်ဆီးကြပါနဲ့လို့ ပြောချင်ပါ တယ်။ ။

SSPP/SSA အား အစိုးရ စစ်ဆင်နေ

ရွှေဟင်္သာ

ရှမ်းပြည် မြောက်ပိုင်း၊ တန့်ယန်းမြို့နယ်ရှိ ရှမ်းပြည် တိုးတက်ရေး ပါတီ SSPP/SSA တပ်ဖွဲ့နှင့် အစိုးရ တပ်ဖွဲ့တို့ လွယ်လန်း နှင့် လွယ်စေး တောင်ကြော တဝိုက်၌ ယမန်နေ့ ညနေပိုင်း အချိန်က တိုက်ပွဲများ ဖြစ်ပွားခဲ့သည်ဟု အဖွဲ့၏ ပြောခွင့်ရပုဂ္ဂိုလ် ဗိုလ်မှူး စိုင်းလက ဆိုသည်။

“မတ်လ ၂၃ ရက်နေ့ ကတည်းက အဲဒီတောင်ကုန်း၂ ခုကို သူတို့ တပ်ဖွဲ့တွေ တက်တိုက်နေတာ မတ်လ ၂၅ ရက်နေ့ကျမှ နယ်မြေ ရှင်းမယ် ဆိုတာ အကြောင်းကြားလာပြီး ၂၆ ရက်နေ့အထိ ဆက်တိုက်ပြန်တယ်။ (၂၇) ရက်နေ့မှာ တရက်နား ပြီးတော့ ၂၈ ရက်နေ့ (၂) နာရီခွဲလောက်မှာ ပြင်းပြင်း ထန်ထန် လာတိုက်ပြန်တယ်။” ဟု ဆိုသည်။

အစိုးရ၏ လားရှိုးမြို့ အခြေစိုက် ခြေလျင်တပ်ရင်း ခလရ ၂၉၁ ၊ ခလရ ၃၃ ခြေမြန်တပ်ရင်း ခမရ ၃၂၆ တို့မှ အင်အား (၄၀၀) ခန့်ဖြင့် စစ်ကြောင်း (၄) ကြောင်းဖွဲ့ကာ လာရောက် တိုက်ခိုက်ခဲ့ခြင်း ဖြစ်ပြီး အစိုးရ ဖက်မှ ထိခိုက် ဒဏ်ရာမှုများစွာ ရှိသော်လည်း အတိအကျ မသိရသေးကြောင်း ၎င်းက ဆက်ပြောသည်။

အစိုးရသည် ၄င်းတို့၏ နယ်မြေ ရှင်းလင်းမှု စစ်ဆင်ရေး အစီစဉ်ကို အရှေ့မြောက်ပိုင်းတိုင်း စစ်ဌာနချုပ် (ရမခ) တိုင်းမှူးမှ တဆင့် လားရှိုးမြို့ပေါ်ရှိ SSPP/SSA ဆက်ဆံရေးရုံးသို့ အကြောင်း ကြား ခဲ့ကြောင်း သိရသည်။

အစိုးရ တပ်ဖွဲ့က လွယ်လန်း တောင်တန်း တဝိုက်ကို ဖေဖော်ဝါရီလ (၁၉) ရက်နေ့၌ တိုက်ပွဲများ စတင်ခဲ့ပြီး ဖေဖော်ဝါရီ (၂၀) ရက်နေ့တွင် ထိုနေရာမှ ဆုတ်ခွာပေးရန် ရာဇသံ ပေးခဲ့သည်။

သို့သော် နောက်ပိုင်းတွင် တိုက်ပွဲများ ဆက်လက် ဖြစ်ပွား လာသဖြင့် SSPP က သမ္မတထံ ဖေဖော်ဝါရီလ ၂၀ ရက်နေ့နှင့် ဖေဖော်ဝါရီလ (၂၂) ရက်နေ့များက အကြောင်းကြား ခဲ့သော်လည်း သမ္မတမှ တစုံတရာ အကြောင်းပြန်ကြားမှု မရှိခဲ့ကြောင်း ဗိုလ်မှူး စိုင်းလက ဆိုသည်။

အလားတူ ဖေဖော်ဝါရီလအတွင်းနှင့် မတ်လလယ်ပိုင်းအထိ အစိုးရတပ်က ဒေသတွင်း အင်အား ဖြည့်တင်းခဲ့ပြီး SSPP/ SSA တပ်ဖွဲ့ဝင်များ အခြေစိုက်ရာ လွယ်လန်းနှင့် လွယ်စေး တပ်စခန်းများအား ထိုးစစ်ဆင် တိုက်ခိုက်ခဲ့ကြောင်း ၎င်းကဆက်လက်ပြောဆိုသည်။

ယင်း အခြေအနေများကြောင့် SSPP အနေဖြင့် ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုဥက္ကဌ ၀န်ကြီး ဦးအောင်မင်းထံ ထပ်မံ စာရေး အကြောင်းကြား ခဲ့သော်လည်း ထူးလာခြင်း မရှိသည့်အပြင် အဆိုပါ တောင်တန်းအား ရှင်းလင်းတော့မည် ဖြစ်ကြောင်းနှင့် SSPP တပ်ဖွဲ့ဝင်များ ဆုတ်ခွာပေးရန်အရှေ့မြောက်ပိုင်း တိုင်း စစ်ဌာနချုပ် ရမခ တိုင်းမှူးက အကြောင်းကြားခဲ့သည်။


SSPP/SSA နှင့် အစိုးရတို့ ၂၀၁၂ ခုနှစ် ဇန္နာဝါရီလ (၂၈) ရက်နေ့က အပစ်အခတ် ရပ်စဲရေး သဘောတူ လက်မှတ် ရေးထိုး ခဲ့သော်လည်း နှစ်ဖက် တိုက်ပွဲပေါင်း အကြိမ်(၁၀၀) ကျော် ဖြစ်ပွားခဲ့ကြောင်း SSPP က ဆိုသည်။

ဂတ်စ်ပိုက်လိုင်း လျှော်ကြေး ခြံပိုင်ရှင် အစစ်အမှန်များ မရ

မောင်အေး

ရခိုင်ပြည်နယ် အမ်းမြို့နယ်တွင် ဂတ်စ်ပိုက်လိုင်း သွယ်တန်းသည့်အတွက် သိမ်းဆည်းခံရသည့် ဥယာဉ်ခြံမြေများ အတွက် သီးနှံ လျှော်ကြေးငွေများ ထုတ်ပေးနေရာတွင် ပိုင်ရှင် အစစ်အ မှန်များ လျှော်ကြေးငွေ မရဘဲ ဖြစ်နေကြောင်း သတင်း ရရှိသည်။

၎င်းလျှော်ကြေးငွေများကို ပိုင်ရှင် မဟုတ်သူများက အာဏာပိုင်များနှင့် ပေါင်းပြီး လိမ်လည်ထုတ်ယူနေကြောင်း ဒေသခံ တစ်ဦး ဖြစ်သူ မသွယ်သွယ်စိုးက ပြောသည်။

“ ပိုင်ရှင် အစစ်တွေက လျှော်ကြေးမရပါဘူး။ ပိုင်ရှင်မဟုတ်တဲ့ အာဏာပိုင်တွေနဲ့ နီးစပ် သူတွေက အရေးပေါ် ပြေစာ အတုတွေလုပ်ပြီး သီးနှံ လျှော်ကြေးပေးတဲ့အဖွဲ့က ငွေတွေကို အာဏာပိုင်တွေနဲ့ ပေါင်းပြီး ထုတ်နေကြပါတယ်” ဟု ဆိုသည်။

လျှော်ကြေးငွေများ လိမ်လည် ထုတ်ယူခံနေရသည့် ကျေးရွာသားများမှာ နွားရုံတောင်အုပ်စု၊ အောက်ရွာ အုပ်စုအပါအ၀င် ပိုက်လိုင်းတလျှောက် ကျေးရွာအများအပြားမှ ရွာသားများဖြစ်ကြောင်း သူမက ဆိုသည်။

လျှော်ကြေးငွေများကို မြို့နယ်အုပ်ချုပ်ရေးမှူး ဦးဆောင်သည့် သီးနှံလျှော်ကြေးပေးရေးကော်မီတီမှ ထုတ်ပေး နေခြင်းဖြစ်သည်။

သိမ်းဆည်းခံနေရသည့် ဥယာဉ်ခြံမြေများ အတွက် လျှော်ကြေးပေးရာတွင် လယ်မြေ အပါအ၀င် တခြားမြေ လျှော်ကြေးနှင့် သီးနှံလျှော်ကြေးဟူ၍ နှစ်မျိုး ခွဲခြား ပေးနေခြင်းဖြစ်ပြီး တချို့မှာလည်း အစိုးရ မြေစာရင်း ဌာနတွင် စာရင်းပေါက်မရှိ သည့်အတွက် မြေလျှော်ကြေး မရသူများလည်းရှိကြောင်း သိရသည်။

မသွယ်သွယ်စိုး တစ်ဦးတည်းတွင် စိုက်ခင်း ၂ ခု စုစုပေါင်း ဧက ၂၀ ကျော်သိမ်းဆည်းခံရပြီး စိုက်ခင်း တစ်ခုအ တွက်သာ မြေနှင့်သီးနှံလျှော်ကြေးရရှိပြီး ကျန်စိုက်ခင်း တစ်ခု အတွက် တ ပြားတချပ်မှ မရရှိသေးကြောင်း ပြောသည်။

ယခုကဲ့သို့ စိုက်ခင်းပိုင်ရှင်မဟုတ်သူများ လျှော်ကြေးများကို လိမ်လည်ထုတ်ယူနေသည့်အတွက် မြို့နယ်အတွင်း နစ်နာရသူ တောင်သူများစုပေါင်းပြီး ရတပ ပါတီမှတစ်ဆင့် ပြည်နယ်အ စိုးရနှင့် ပြည်ထောင်စုလွတ်တော်သို့ ဥပဒေကြောင်းအရ တင်ပြရန်စီစဉ်နေကြောင်း ပြောသည်။

“ ကျမတို့အခု အုပ်စုအလိုက် စာရင်းကောက်ပြီး လက်မှတ်တွေစုနေပါတယ်။ တမှန်တကယ် နစ်နာတဲ့သူတွေ ကတော့ ကျောက်မြောင်းအုပ်စု တောင်ရင့်ကြီးရွာ၊ ပဒေါင်းချဉ်ရွာ၊ နောက်ပြီး ပဒက်မော်အုပ်စု အိုးပုံရွာ၊ ငါးလုပ်ကျရွာ၊ ဇာတီမော် ရွာ၊ နောက်ပြီးအောက်ရွာအုပ်စုက အောက်ရွာစသဖြင့် အုပ်စုလိုက် စာရင်းကောက်နေပါ တယ်။ တော်တော်များမယ်။ အတိကျတော့ စာရင်း မရတဲ့ အတွက် မသိရသေးဘူး” ဟု မသွယ်သွယ်စိုးက ပြောသည်။

ဒေသအတွင်း လယ်မြေ၊ ဥယာဉ်ခြံမြေများ သိမ်းဆည်းခံရသည့်အတွက် တောင်သူများ၏ စိုးရိမ်ပူပင်များကို မည်သူမှ လာရောက် ဖြေသိမ့် ပေးခြင်း မရှိသလို ဥယာဉ်ခြံမြေ ပိုင်ရှင်များနှင့် ညှိနှိုင်းခြင်း ၊ အသိပညာပေးခြင်းလည်း မရှိဟု ဆိုသည်။

တောင်သူများကို မြေတစ်ဧကို လျှော်ကြေး ဘယ်လောက်ပေးမည်။ ဖျက်ဆီးခံရသည့် ဥယျာဉ်များမှ အပင်ကြီး တစ်ပင်ကို မည်ရွေ့မည်မျှ လျှော်ကြေးပေးမည်။ သတ်မှတ်နုန်းထား မည်မျှ ရှိသည်ကို တောင်သူများအား တစ်စုံတစ်ရာ ရှင်းပြခြင်း မရှိဘဲ အတင်းအဓမ္မ လက်မှတ် ရေးထိုးခိုင်းက လျှော်ကြေးငွေများကို ခွဲဝေ ပေးနေသည်ဟု သိရသည်။

ဗကသ မှ KIO နယ်မြေရှိ ဒုက္ခသည်များ ပညာရေးအတွက် ကူညီ

KNG

တရုတ်-မြန်မာနယ်စပ် ကချင်လွတ်မြောက်ရေးအဖွဲ့ (KIO) ထိန်းချုပ်နယ်မြေ လိုင်ဇာမြို့ရှိ ပညာရေးအခက်ခဲဖြစ်နေသော ဒုက္ခသည်များကို ဗ မာနိုင်ငံလုံးဆိုင်ရာ ကျောင်းသားသမ္မကများ အဖွဲ့ချုပ်(ဗကသ) မှလာရောက်အကူအညီပေးကာ ဆက်လက်ကူညီနိုင်ရန်လေ့လာ ကြည့်ရှု ခဲ့ကြသည်။

ယမန်နေ့ ရန်ကုန်မြို့မှရောက်ရှိလာသော ဗကသအဖွဲ့များအနေဖြင့် ဒုက္ခသည်များ၏ ပညာရေးနှင့် ပတ်သက်ပြီး ရှေ့ဆက်ထပ်မံကူညီသွား နိုင် ရန် လိုအပ်ချက်များကိုလေ့လာကြည့်ရှုကာ ရန်ကုန်ရှိ ပြည်သူများထံမှ ကောက်ခံရရှိသော အလှူငွေကိုကူညီပေးရန်ဖြစ်သည်ဟု ဦးဆောင်သူ ဗမာနိုင်ငံလုံးဆိုင်ရာ ကျောင်းသားသမ္မကများ အဖွဲ့ချုပ် ဒုတိယ ဥက္ကဌ ကိုမိုးထက်နေ ကပြောသည်။

“အဓိကတော့ ကျနော်တို့ ကချင်ဒုက္ခသည်စခန်းမှာ ရှိတဲ့ ကျောင်းသားတွေရဲ့ ပညာရေးကိစ္စမှာ ဘာ တွေပူးပေါင်းဆောင်ရွက်နိုင်မလဲ။ ဘာတွေလုပ်ပေးနိုင်တာရှိလဲ ဆိုတဲ့ဟာတွေကို လာပြီးတော့ လေ့လာတာပါ။ ပြီးတော့ ကျနော်တို့ ရန်ကုန်မြို့နယ်တွေက ကချင်စစ်ပြေးအတွက်ပေါ့နော်။ လိုက်ပြီး အလှူခံထားတာရှိပါတယ်။ အ၀တ်အစားနဲ့ ငွေ ၁၄ သိန်းရှိပါတယ်။ အ၀တ်အစားကိုတော့ ရန်ကုန်က ကချင်ကွန်ယက်တွေနဲ့ လှမ်းပို့ထားပါတယ်။ အဲဒါက အချိန်ကျရင် သူတို့လာပေးမှာပါ။ ငွေကိုတော့ ပညာရေးနဲ့ ပတ်သက်တဲ့ ကိစ္စတွေမှာ သုံးဖို့အတွက် မနက်ဖြန် ကျနော်တို့ လှူပါမယ်”
၎င်းတို့အဖွဲ့သည် ယနေ့တွင် လိုင်ဇာနယ်မြေအနီးတ၀ိုက်ရှိ ဒုက္ခသည်များ၏ ကျောင်းနှင့် အခက်ခဲအခြေအနေများကို လိုက်လံကြည့်ရှုစစ်ဆေးခဲ့ကြောင်း KIO ဒုက္ခသည်ကယ်ဆယ်ရေးကော်မတီ ဥက္ကဋ္ဌ ဆလန်ကဘာ ဒွဲပီဆာ (Salang Kaba Doi Pyi Sa) ကပြောသည်။

“ဒီနေ့ စစ်ပြေးဒုက္ခသည်စခန်းတွေမှာလိုက်ခေါ်သွားတယ်။ သူတို့က ပညာရေးကျောင်းနဲ့ ပတ်သက်ပြီး လာလေ့လာတယ်ဆိုလို့ ကျောင်းတွေကိုလိုက်ခေါ်သွားတယ်။ ကျောင်းပိတ်ပြီဆိုတော့ ကျောင်းဆရာတွေနဲ့ လိုက်တွေ့ပေးတယ်။ ကျောင်းဆရာတွေက သူတို့ အဖြစ်အပျက် အတွေ့အကြုံတွေကိုပြောပြတယ်။ သူတို့လည်း မှတ်ယူတယ်။ သိချင်တာတွေမေးကြတယ်”
ထိုသို့ လေ့လာကြည့်ရှုခြင်းအားဖြင့် ဒုက္ခသည်များအတွင်း ကျောင်းအဆောက်အဦးများ၊ ပုံနှိပ်စာအုပ်၊ ရေးစာအုပ်များ မလုံလောက်သည့်ပြဿနာများတွေ့ရပြီး ယခုတွေ့ရှိခဲ့သမျှအခြေအနေများကို ပြန်သွားသည့်အခါ ရန်ကုန်နှင့် မန္တလေးတို့တွင် သတင်းစာရှင်းလင်းပွဲပြုလုပ်သွားမည်ဖြစ်ကြောင်းလည်း သိရသည်။

ထို့ပြင် ဗကသ ကို ခရိုင် ၁၆ ခုဖြင့်ဖွဲ့စည်းထားပြီး ၎င်းခရိုင်များတွင်ရှိသော ကျောင်းသားများကိုလည်း ကချင်ဒုက္ခသည်များ၏ ပညာရေးနှင့်ပတ်သက်ပြီး အခက်အခဲ လိုအပ်ချက်များကို အသိပေးသွားကာ ကူညီပေးနိုင်မည့်နည်းလမ်းကိုရှာပြီး အမြန်ဆုံးထောက်ပံ့ပေးသွားနိုင်အောင် ကြိုးစားသွားမည်ဟု ကိုမိုးထက်နေက KNG ကချင်သတင်းဌာနသို့ပြောသည်။

ယခုကဲ့သို့ ပြည်သူများ ပညာရေးနှင့် အခက်ခဲဒုက္ခအမျိုးမျိုးခံနေရခြင်းသည် စစ်ပွဲကြောင့်ဖြစ်ပြီး စစ်ပွဲဖြစ်ရခြင်းသည်လည်း အချင်းချင်းမတူညီကွဲပြားမှုများရှိနေသောကြောင့် ဖြစ်သည်ဟု ကိုမိုးထက်နေက ဆက်ဆိုသည်။

“ဒီစစ်ဖြစ်တာကလဲ ကျနော်တို့ ရှင်းရှင်းလင်းလင်းမြင်တာက တူညီတဲ့အခွင့်အရေးတွေမရှိလို့ဖြစ်တယ်လို့ မြင်ထားပါတယ်။ မတူညီတဲ့ အမြင်တွေ ကွဲပြားတဲ့အမြင်လိုအပ်ချက်တွေရှိနေတယ်။ အဲဒီရှိတဲ့ဟာကို စစ်ရေးအားဖြင့် ရှင်းလို့မရဘူး။ စစ်ရေးနဲ့က တိုင်းရင်းသားဒေသ ပြည်သူတစ်ရပ်လုံးကို ထိခိုက်တယ်။ အဲတော့ တူညီတဲ့ အခွင့်အရေးပေးတယ်ဆိုရင် ဘယ်သူမှ စစ်တိုက်မှာမဟုတ်ဘူး။ စစ်တိုက်ဖို့လည်းလိုမှာ မဟုတ်ဘူး။ အဲဒီအတွက် ကျနော်တို့တိုင်းရင်းသား လူမျိုးစုကြားမှာ တန်းတူညီမျှမှု ရှိဖို့လိုတယ်။ အဲဒီဟာအတွက်လည်း ကျနော်တို့ အစိုးရကို တောင်းဆိုသွားမှာဖြစ်တယ်”
ယခုလိုင်ဇာသို့ရောက်ရှိလာနေသော မြန်မာနိုင်ငံလုံးဆိုင်ရာ ကျောင်းသားသမ္မကများ အဖွဲ့ချုပ်(ဗကသ)မှ ၆ ဦး နှင့် ရွှေရောင်တွဲလက်မှ ၂ ဦး စုစုပေါင်း ၈ ဦးသည် ရန်ကုန်မြို့မှလာခဲ့ခြင်းဖြစ်သည်။

ယခုချိန် ကချင်လွတ်မြောက်ရေးအဖွဲ့ (KIO) နယ်မြေရှိ အစိုးရတက္ကသိုလ်ဝင်တန်းစာမေးပွဲဖြေဆိုရမည့် (၁၀)တန်းကျောင်းသူကျောင်းသားများ အခက်ခဲရင်ဆိုင်နေရပြီး ၄င်းတို့သည် မြန်မာအစိုးရတပ်နှင့် ကချင်လွတ်မြောက်ရေးတပ်ဖွဲ့ (KIA) ကြား တိုက်ပွဲဖြစ်ပွားလာချိန်မှစ၍ အစိုးရအုပ်ချုပ်နယ်မြေသို့ စာမေးပွဲသွားရောက်ဖြေဆိုရန် လုံခြုံရေးစိုးရိမ်မှုကြောင့် ယမန်နှစ်မှ ဖြေဆိုခြင်းမရှိတော့ပေ။

အဆိုပါ ကျောင်းသားများ၏ ပညာရေးမနစ်နာစေရန် တက္ကသိုလ်ဝင်တန်းစာမေးပွဲအတွက် KIO ပညာရေးအဖွဲ့၏ ဗဟိုကော်မတီမှ ၀ိုင်းဝန်း၍မေးခွန်းထုတ်ကာ လာမည့် ဧပြီလ ၁ နေ့မှစ၍ စစ်ဆေးပေးသွားမည်ဖြစ်သော်လည်း ရေရှည်အတွက်ကလေးများ အနာဂတ်ပညာရေးမထိခိုက်စေလိုကြောင်း လိုင်ဇာ အထက်တန်းကျောင်းအုပ် ဆရာမကြီး ဒေါ်ဂျာမိုင် KNG ကချင်သတင်းဌာနသို့ပြောသည်။

“ကျမတို့ကလေးတွေကလည်း မြန်မာနိုင်ငံရဲ့တက္ကသိုလ်ကိုတက်ခိုင်းစေချင်တာပေါ့ ကျမတို့ကလေးတွေကို သူတို့အနာဂတ်အတွက် စစ်ရေးကြောင့် နိုင်ငံရေးကြောင့် အဲလိုဖြစ်တယ်ရင်လည်း ကျမတို့ပညာရေးမှာ ကျမတို့ကို ဒီလို ပြစ်မထားတာကို လိုချင်တယ်လို့ အဲလိုပဲပြောချင်တယ်”
ကချင်လွတ်မြောက်ရေးအဖွဲ့ နယ်မြေ လိုင်ဇာ၊ မိုင်ဂျာယန်၊ အင်ဂွမ်းလဒေသရှိ အထက်တန်းကျောင်းများတွင် တက္ကသိုလ်ဝင်တန်းဖြေဆိုရမည့် ကျောင်းသားပေါင်း ၂၀၀ ကျော်ရှိသည်ဟု သိရသည်။

ထိုသို့ ကချင်ဒုက္ခသည်များ၏ လက်ရှိ ပညာရေးဖက်တွင် အခက်ခဲတွေ့ကြုံနေချိန် မြန်မာနိုင်ငံလုံးဆိုင်ရာ ကျောင်းသားသမ္မကများအဖွဲ့ချုပ်မှ ပညာရေးအတွက် အခြေအနေအသီးသီးကိုလာ ရောက်ကူညီ ကြည့်ရှု လေ့လာခြင်းအားဖြင့် နောင်အတွက် အကူအညီအခွင့်အလမ်းများ ပိုမိုအလားအလာကောင်းလာနိုင်သည်ဟု ဆလန်ကဘား ဒွဲပီဆာ (Salang Kaba Doi Pyi Sa) ပြောဆိုသည်။