Tuesday, January 31, 2017

ရွေးကောက်ပွဲ ကတိအတိုင်း ၂၀၀၈ ဖွဲ့စည်းပုံ ပြင်ဖို့အချိန် ရောက်ပြီလို့ ပြောကြားခဲ့


မုံရွာသတင်းထောက်အသတ်ခံရမှု ထပ်မံစစ်ဆေးနေသည့် သံသယရှိသူအား ပြန်လွှတ်

မာန်ဇာမြေမွန်

မုံရွာသတင်းထောက်အသတ်ခံရမှုအတွက် ထပ်မံဖမ်းဆီးစစ်ဆေးနေသော သံသယရှိသူအား ဇန်နဝါရီ ၃၀ ရက်နေ့က ပြန်လွှတ်လိုက်ကြောင်း မုံရွာမြို့မရဲစခန်းမှူး ဒုရဲမှူးသိန်းဆွေမြင့်က မဇ္ဈိမသို့ ပြောသည်။

ဇန်နဝါရီ ၂ ရက်နေ့မှစတင်ကာ ရမန်ယူ ဖမ်းဆီးစစ်ဆေးခဲ့သည့် သံသယရှိသူအား ချုပ်နှောင်ခွင့် ၄ပတ်(၂၈ ရက်)ကြာ စစ်ဆေးခဲ့ပြီး ပြန်လွှတ်ခဲ့ခြင်းဖြစ်သည်။

"ကျင့် ၁၆၉ နဲ့ပြန်လွှတ်လိုက်ပါတယ်။ နောက်ထပ်ကတော့ စုံစမ်းဆဲပါ"ဟု မဇ္ဈိမသို့ ပြောသည်။

မုံရွာသတင်းထောက်ကိုစိုးမိုးထွန်း အသတ်ခံရမှုအတွက် သံသယရှိသူနှစ်ဦးအား ဒီဇင်ဘာ ၁၉ ရက်က ဖမ်းဆီးစစ်ဆေးခဲ့ပြီး ဇန်နဝါရီ ၂ ရက်နေ့တွင် နောက်တစ်ဦးအား ထပ်မံဖမ်းဆီးစစ်ဆေးခဲ့ခြင်းသည်။

ဒီဇင်ဘာ ၁၉ ရက်က ဖမ်းဆီးစစ်ဆေးခဲ့သူ နှစ်ဦးအား ဇန်နဝါရီ ၁၆ ရက်က ပြန်လွှတ်ခဲ့ပြီး ဇန်နဝါရီ ၂ ရက်နေ့တွင် ဖမ်းဆီးစစ်ဆေးခဲ့သူ နောက်တစ်ဦးအား ယနေ့ပြန်လွှတ်ခဲ့ခြင်း ဖြစ်သည်။

ဦးကိုနီ ဈာပနအခမ်းအနား လူထောင်ချီတက်ရောက်

မေစစ်ပိုင်


ရန်ကုန်အပြည်ပြည်ဆိုင်ရာ လေဆိပ်ရှေ့မှာ သေနတ်နဲ့ ပစ်ခတ်လုပ်ကြံခံခဲ့ရတဲ့ တရားလွှတ်တော် ရှေ့နေဦးကိုနီရဲ့ ဈာပနကို ယနေ့ ညနေ ၄ နာရီခွဲက ရန်ကုန်မြို့ ရေဝေးသုဿန်မှာရှိတဲ့ မွတ်စလင်သင်္ချိုင်းမှာ မြုပ်နှံခဲ့ပြီး လူထောင်ပေါင်းများစွာ တက်ရောက်ခဲ့ကြပါတယ်။

ဈာပနအခမ်းအနားကို NLD ပါတီ နာယက ဦးတင်ဦး၊ ဦးဉာဏ်ဝင်း၊ ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ မင်းကိုနိုင်၊ ကိုကိုကြီး၊ နိုင်ငံခြားသံရုံးမှ တာဝန်ရှိသူတချို့၊ အရပ်ဘက် လူမှုအဖွဲ့အစည်းများ အစရှိတဲ့ လူပေါင်းထောင်ချီ တက်ရောက်ခဲ့ကြပါတယ်။

ဈာပနအခမ်းအနားကို တက်ရောက်လာတဲ့ NLD ပါတီ နာယကဦးဉာဏ်ဝင်းက “မကြုံချင်တဲ့ နေ့တနေ့ပါ” ဆိုတဲ့ စကားတခွန်းသာ ပြောသွားပါတယ်။

ဦးကိုနီ သေဆုံးသွားတဲ့အတွက် ဝမ်းနည်းကြောင်း ပြသတဲ့အနေနဲ့ ယနေ့ဇန်နဝါရီ ၃၀ ရက် နေပြည်တော်မှာ ကျင်းပတဲ့ အမျိုးသားလွှတ်တော်မှာ တက်ရောက်လာကြတဲ့ အမျိုးသားလွှတ်တော် ကိုယ်စားလှယ်တွေက ဖဲကြိုးနက်ရင်ထိုးတွေ ထိုးပြီး တက်ရောက်လာတာကို တွေ့ရပါတယ်။

ဈာပနာအခမ်းအနားကို တက်ရောက်လာတဲ့ အဆိုတော် ဘိုဖြူက “ ဒီလုပ်ရပ်ကို အင်မတန်မှ ရှုတ်ချတယ်။ အသက်နဲ့ရင်းပြီး ဖမ်းပေးတဲ့ ကိုနေဝင်းကိုလည်း လေးစားတယ်။ ဂုဏ်လည်း ယူတယ်။ တက္ကစီအဖွဲ့ကိုလည်း ကျေးဇူးတင်တယ်။ သူတို့ကူညီလို့ ဒီလူကို ဖမ်းမိတာ။ ဒီထက်ပိုပြီး တရားဥပဒေ စိုးမိုးမှုရှိရင်တော့ ပြည်သူတွေရဲ့ လုံခြုံရေးပိုပြီး အဆင်ပြေမယ်

တူတယ်။ အခုက တယောက်ချင်းစီက လုံခြုံရေးအပေါ် လန့်နေကြတယ်။ ဒါက ကျနော့်အမြင့်ပေါ့လေ။ သူ့နေရာမှာ သူ့လိုအရည်အချင်းရှိတဲ့ သူတယောက် ပေါ်လာပါစေ” လို့ ပြောပါတယ်။

ဦးကိုနီရဲ့ ဆွေမျိုးသားချင်းတဦးက “ ပညာရှင်တယောက်ကို အခုလိုလုပ်လိုက်တာ နိုင်ငံရေးဆက်နွယ်မှု အများကြီး ရှိတယ်။ လူပုဂ္ဂိုလ် အမုန်းကြောင့် လုပ်တာမဟုတ်ဘူး။ နိုင်ငံတော်အတွက် လူတယောက်ကို ဆုံးရှုံးရသလို NLD အတွက် ထောက်တိုင်တခု ဆုံးရှုံးသွားတယ်” လို့ ပြောပါတယ်။

တရားလွှတ်တော် ရှေ့နေဦးကိုနီ လုပ်ကြံခံရမှုက ဘာသာရေး ပြဿနာ မဟုတ်ကြောင်း၊ နိုင်ငံရေး ပြဿနာ ဖြစ်ကြောင်း၊ အခုလုပ်ရပ်က လူမျိုးရေး၊ ဘာသာရေးအသွင်ဖြစ်အောင် ရန်တိုက်နေခြင်း ဖြစ်တာကို နားလည်ဖို့ လိုအပ်တယ်လို့ တရားလွှတ်တော် ရှေ့နေဦးအုန်းမောင် (ရန်ကင်း) က ရှင်းပြပါတယ်။

လူသတ်တရားခံ ကြည်လင်းက ယခင်က ဘုရားခိုးမှုဖြင့် ထောင် ၂၇ နှစ် ကျဖူးထားသူတဦးဖြစ်ပြီး မန္တလေး အိုးဘိုထောင်က ၂၀၁၄ ခုနှစ်မှာ လွတ်ငြိမ်းချမ်းသာခွင့်နဲ့ လွတ်မြောက်လာသူဖြစ်တယ်လို့ မန္တလေးတိုင်းဒေသကြီး နယ်စပ်ရေးရာနဲ့ လုံခြုံရေးဝန်ကြီး ဗိုလ်မှူးကြီး မျိုးမြင့်အောင်က ဧရာဝတီကို ပြောဆိုထားပါတယ်။

ဈာပနအခမ်းအနားကို တက်ရောက်လာသူ အများစုက ဦးကိုနီလုပ်ကြံခံရမှုနဲ့ ပတ်သက်ပြီး ဘာသာရေးနဲ့ မရောထွေးကြဖို့နဲ့ နိုင်ငံရေးပြသနာသာ ဖြစ်တယ်လို့ ပြောဆိုကြပါတယ်။

ယနေ့ မြန်မာ့ရေရာသတင်းများ January, 31st,2017

( 10 )ပုဂံမှာ နေ၀င်နေထွက်ချိန်ကြည့် ရှုနိုင်မယ့် နေရာ ၅ ခု စီစဉ်မည်

( 9 )ရှေ့နေ ဦးကိုနီ လုပ်ကြံခံရမှု လွတ်လပ်စွာ စုံစမ်းစစ်ဆေးဖို့ AI တောင်းဆို

( 8 )ရခိုင်ကော်မရှင်အဖွဲ့ဝင်နှစ်ဦး ဘင်္ဂလားဒေ့ရ်ှနယ်စပ်အခြေအနေ ကို သွားရောက်လေ့လာ

( 7 )တမူးနယ်စပ်မှာ ပုဒ်မ ၁၈၈ ထုတ်ပြန်

( 6 )တပ်ပိုင်မြေမှာ စိုက်ပျိုးခွင့် နဲ့ ဖြတ်သန်းသွားလာခွင့် မပြုကြောင်း အမြောက်တပ် သတိပေး

( 5 )လွှတ်တော်နှစ်ရပ် ပြန်လည်ကျင်းပ

( 4 )ရှေ့နေဦးကိုနီ လုပ်ကြံခံရမှု အမှုမှန်ပေါ်ဖို့ NLD ကြိုးပမ်းမည်

( 3 )မော်တော်ဆိုင်ကယ်ဦးထုပ် ဆောင်းကြရန် မော်လမြိုင်တွင် လှုံ့ဆော

( 2 )NLD ဥပဒေအကြံပေး ဦးကိုနီ လုပ်ကြံခံရ

( 1 )ကိုရီးယားနိုင်ငံရောက် ပအိုဝ်းလူငယ်များ အမျိုးသားနေ့ကျင်းပ

Monday, January 30, 2017

သေနတ်သမားက ဘုရားခိုးမှုနဲ့ ထောင် ၂၇ နှစ် ကျဖူးတယ် - နယ်လုံဝန်ကြီး


ဦးကိုနီ လုပ်ကြံခံရမှုနှင့် ပတ်သက်၍ နိုင်ငံတကာအဖွဲ့အစည်းများ၊ လူပုဂ္ဂိုလ်များ၏ ထုတ်ဖော်ချက်များ

စိုးသူအောင်

ဒေါက်တာ နန္ဒာလှမြင့် (USDP - ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ)

ဒီဖြစ်စဉ်ကို သုံးသပ်လို့ရှိရင် နံပတ် ၁ ပြောချင်တာက ဆရာဦးကိုနီ ဒီလိုလုပ်ကြံခံရတာက ကျွန်တော်တို့နိုင်ငံသားတစ်ယောက် ပညာရှင်တစ်ယောက် ဆုံးပါးသွားတဲ့အတွက်တော့တကယ်ကို ဆုံးရှုံးမှုတစ်ခုပေါ့။ တကယ့်ကို စိတ်မကောင်းစရာဖြစ်တယ် ။ သူတို့မိသားစုကိုယ်စား ခံစားရတယ်ပေါ့ တစ်ချက်ပေါ့။ နောက်တစ်ချက်ကြတော့ ဒီလိုဖြစ်စဉ်ဖြစ်တာကိုက တရားဥပဒေ စိုးမိုးရေးနဲ့ လုံခြုံရေးမှာ အားနည်းချက်ရှိတယ်ဆိုတာကိုက ပြောစရာမလိုလောက်အောင်သိသာသွားပြီလေ။ အရင်ကနဲ့စာရင် ဒီလိုဖြစ်စဉ်မျိုးမဖြစ်တာ ကျွန်တော်တို့ဆီမှာ နှစ်ပေါင်းများစွာရှိနေပြီပဲ။ ဒီလိုမျိုးဖြစ်စဉ်ဟာ ရန်ကုန်မြို့လို လူစည်ကားတဲ့အရပ်၊ တကယ့်နိုင်ငံတကာလေဆိပ်မှာ ဒီလိုဖြစ်တယ်ဆိုတာက တရားဥပဒေစိုးမိုးရေးနဲ့လုံခြုံရေးကို ခြိမ်းခြောက်လာတယ်။ စိုးရိမ်ပူပန်စရာကောင်းလာတဲ့ အနေအထားတွေဖြစ်တယ်။ ဖြစ်စဉ်အရဆိုရင်တော့ ဒီထက်ပိုပြီးတော့ လိုအပ်ချက်တွေရှိလို့ ဒီဖြစ်စဉ်တွေဖြစ်တာပေါ့ဗျ။ ဖြစ်လာတဲ့အပေါ်မှာတော့ ဒါကိုအကောင်းဆုံးလက်ရှိအစိုးရအနေနဲ့ ဒါဘယ်သူ့ကိုမှ အပြစ်ပြောနေလို့မရဘူးလေ။ ဒီချိန်မှာ ကျွန်တော်တို့ အဖွဲ့အစည်းအားလုံးဟာ ကိုယ့်တိုင်းပြည်လုံခြုံရေး၊ ကိုယ့်နိုင်ငံသားတွေရဲ့လုံခြုံရေးအတွက်ကို အဖွဲ့အစည်းအားလုံး ပူးပေါင်းပါဝင်ပြီးတော့မှ သဘောထားကြီးကြီးတွေနဲ့ ကျွန်တော်တို့အဖြေတွေရှာပြီးတော့ စုပေါင်းညီညွှတ်အားတွေနဲ့ပဲလုပ်သွားရမယ်။ ဒါ အစိုးရမှာတာဝန်ရှိတယ် မှန်သော်လည်းပဲ အဖွဲ့အစည်းအားလုံးမှာ တာဝန်ရှိတယ်။ နိုင်ငံသားတိုင်းမှာလည်း တာဝန်ရှိပါတယ်။ ကျွန်တော်ကတော့ အဲ့လိုမြင်တယ် အားလုံးပူးပေါင်းလုပ်ကြမှရမယ် ။ ဒီဖြစ်စဉ်ဖြစ်လာတာ တပ်မတော်မှာ အားနည်းလို့၊ ပြည်ထဲရေးကအားနည်းလို့၊ အစိုးရက အားနည်းလို့၊ ရန်ကုန်တိုင်းအစိုးရက အားနည်းလို့၊ ပြည်ထောင်စုအစိုးရက အားနည်းလို့၊ ရဲတွေအားနည်းလို့၊ ဒါတွေပြောနေရင် ကျွန်တော်တို့ပြီးမှာ မဟုတ်ဘူး။ ဒီဖြစ်စဉ်တွေအပေါ်မှာ အဖွဲ့အစည်းအားလုံး၊ လုံခြုံရေးနဲ့ဆိုင်တဲ့ အဖွဲ့အစည်းအားလုံး၊ အရပ်ဖက်အဖွဲ့အစည်းတွေအားလုံး၊ ပြည်သူလူထုတွေအားလုံးဟာ ၀ိုင်းဝန်းပူးပေါင်းဆောင်ရွက်မှပဲ အဖြေရှာရမယ်။ အဖြေရှာပြီး ဒါကိုကာကွယ်ရမယ်။

တရားလွှတ်တော်ရှေ့နေ ဦးရောဘတ်စန်းအောင်

ကျွန်တော်အနေနဲ့ကတော့ လုံခြုံရေးနဲ့ တရားဥပဒေစိုးမိုးရေးလုပ်ငန်းစဉ်တွေမှာ အားနည်းချက်တွေ အများကြီးရှိလာပြီဆိုတာကို ဒါပြယုဂ်တစ်ခုပဲပေါ့နော်။ ဘာဖြစ်လို့လဲဆိုတော့ နိုင်ငံတကာက ကမ္ဘာလှည့်တွေ ရင်းနှီးမြုပ်နှံမယ့်သူတွေ လာသွားတဲ့ဒေသမှာဖြစ်တာဟာ အင်မတန်မှ ရုပ်ပျက်ဆင်းပျက်ဖြစ်တယ်။ အဲဒီတော့ ဒါမျိုးမဖြစ်အောင် ထပ်မံမဖြစ်ဖို့အတွက် အထူးဆောင်ရွက်ဖို့နဲ့ အခြားသောနေရာတွေမှာလည်း လုံခြုံရေးကိုတိုးမြှင့်ချထားသင့်တယ်။ ရဲတပ်ဖွဲ့ဝင်အင်အားကို တိုးပါ။ ရဲတွေကို ယာဉ်ယန္တရားတွေ ပြည့်စုံအောင်ထုတ်ပေးပါ။ အဲဒါမှလည်းပဲ တရားဥပဒေစိုးမိုးရေး ပြန်လည်ရရှိတော့မယ် ။ အခုဟာက ပြောမယ်ဆိုရင် တရားဥပဒေစိုးမိုးရေးပြန်လည် ပျက်ပြားသွားတယ်ဆိုတဲ့ သဘောမျိုးဖြစ်နေတယ်။ အင်မတန်မှ စိတ်မကောင်းစရာကောင်းတဲ့ ရင်နာစရာပဲ။ အခုဗျာ သတင်းထောက်က ကိုပါကြီးရယ် ၊ကိုစိုးမိုးထွန်းရယ်။ ပြီးတော့ ကချင်ဆရာမနှစ်ယောက် ၊ နောက်တစ်ခါကျောင်းဆရာ၊ ပြီးတော့ ရှေ့နေ ၊ နောက်တစ်ခေါက်ကျရင်တရားသူကြီးပါမှာတောင်မှ ကျွန်တော်စိုးရိမ်နေတယ်။ အဲဒါပါပဲဗျာ။

ဒေါက်တာအေးမောင် (ရခိုင်အမျိုးသားပါတီ ဥက္ကဋ္ဌ )

နေရာရယ် ၊ ဘယ်နေရာဆိုတာကြိုသိနေတာရယ် ၊ဘာကြောင့်အဲ့နေရာမျိုးကိုမှ လုပ်ကြံရတာလည်းနော် ။ တခြားနေရာမှာဆိုရင် လုပ်ကြံတဲ့ပုဂ္ဂိုလ် လွှတ်ကောင်းလွှတ်သွားနိုင်တာပေါ့ဗျာ။ သဘောပြောတာနော် ။ လွတ်စေချင်လို့ပြောတာမဟုတ်ပါဘူး။ အဲ့နေရာမျိုးမှာ ဘာလို့လုပ်ကြံရတာလည်း ဆိုတော့ကျွန်တော်တို့သုံးသပ်တာက ကမ္ဘာကို သို့မဟုတ် ကမ္ဘာဆိုတာအမျိုးမျိုးရှိမှာပေါ့။ ခြိမ်းခြောက်မှုမျိုးစုံကို ကျွန်တော်တို့ကြုံနေရတာကို နိုင်ငံတော်အဆင့် ပုဂ္ဂိုလ်တွေကို ဘာဖြစ်တယ်ညာဖြစ်တယ် ။ ဒါမျိုးလေးလည်း စိုးရိမ်စရာတွေလည်း သတင်းကြားတာကိုဗျ။ တလောကတောင် လွှတ်တော်တောင်မှ လုံခြုံမှုဘာဖြစ်တယ် ၊ ညာဖြစ်တယ်ဆိုတာကို ။ ဒါမျိုးကို လွှတ်တော် ၀င်းအတွင်းမှာကိုလုပ်နေကြတာကို ။ အခုလိုကာလမှာ အကြမ်းဖက်သမားတွေကို အာရုံစူးစိုက်နေတဲ့ကာလမှာ၊ ဘာကြောင့် အဲ့ဒီနိုင်ငံကပြန်လာတဲ့ ခရီးစဉ်မှာမှ ၊ အဲ့လိုလူမြင်ကွင်းမှာ နိုင်ငံတကာ အာရုံစူးစိုက်နိုင်တဲ့အနေအထားမှာ ရည်ရွယ်ချက်ရှိရှိ လုပ်ကြံတာလဲ ဒါကစဉ်းစားရမယ့်တစ်ချက်ပေါ့ ။ အဲ့ဒီအချက်ကို စဉ်းစားရင် ကျွန်တော်တို့ရဲ့ ဂန္ဓီကြီးတောင်မှသူလူတွေရဲ့လုပ်ကြံခြင်းကိုခံရတယ် တခြားလူမဟုတ်ဘူးနော် စဉ်းစားဖို့ နိုင်ငံတကာနဲ့ပက်သက်တဲ့ဟာလေးတွေ ရိုက်ခတ်စေချင်လို့လား။ ပြည်တွင်းမငြိမ်မသက်မှုဖြစ်အောင်များ ရည်ရွယ်တာလား ။ ကျွန်တော်တို့က ယူဆ တွေးကြည့်တာပဲရှိတာပေါ့။ တရားဥပဒေစိုးမိုးမှုအပိုင်းကိုကြည့်ရင် တော်တော်လေးသုံးသပ်ဖို့ ဖြစ်လာတာပေါ့။ သို့သော်လည်းပဲ အခုခရီးစဉ်မှာ ကြည့်ရင် ဦးကိုနီဟာ သာမန်ပုဂ္ဂိုလ်တစ်ဦးပါပဲ။ အစိုးရအဖွဲ့ဝင်ဝန်ကြီးမဟုတ်ဘူး ၊ လွှတ်တော်အမတ်မဟုတ်ဘူး။ လုံခြုံမှုအတိုင်းအတာအရ လုံခြုံမှုစည်းမှာ ၀န်ကြီးဆိုရင်ပိုယူရတာကိုးဗျ။ အမတ်ဆိုရင် လုံခြုံမှုကလျော့သွားတာပေါ့ ။ သာမန်ပုဂ္ဂိုလ်ဆိုရင် တော်တော်လေးကိုလျော့ပါတယ်။ လူထုပေါ့နော် နိုင်ငံသားတစ်ဦးကို သူရဲ့လုံခြုံမှုကိုယူရတဲ့ အဖွဲ့အစည်းတွေ အဲ့လိုယူပေးရတဲ့ ဧရိယာပေါ့နော် ။လေဆိပ်တို့ ရေဆိပ်တို့ ဒါနိုင်ငံတကာ ဒါမျိုးတာဝန်ယူပေးရတဲ့ ဧရိယာပေါ့ဗျာ ။ အဲ့လိုအခင်းအကျင်းမှာဖြစ်တာကိုက လုံခြုံရေးစည်းဟာ ကျိုးပေါက်နေတယ်ဆိုတဲ့ ပြယုဂ်ကိုများပြချင်တာလား ။ ဒါကျွန်တော်တို့ စဉ်းစားစရာလေးကို ပြောတာပါ။ ကျွန်တော်တို့မြင်တာက နိုင်ငံတကာလုံခြုံမှုစည်းပေါ့ဗျ။ အဲဒါလေးတွေ ကျိုးပျက်နေတယ်လို့ ဖော်ညွှန်းချင်လို့လား။ ဒါလေးတွေလည်း စဉ်းစားပါတယ်။ို စဉ်းစားတဲ့သဘောပါပဲ။ ကျန်တာတော့ မရှိပါဘူး။

ကိုဂျင်မီ ( ၈၈ မျိုးဆက်)

လုံခြုံရေးပိုင်းက အများကြီးလုပ်စရာတွေ ကျန်နေသေးတယ်လို့ပဲ မှတ်ချက်ပေးရမှာပဲ။ ဘာကြောင့်လဲဆိုရင် ဒီမှာ CCTV တပ်ဆင်ထားမှုအခြေအနေက အစပေါ့နော် ။ ကျွန်တော်တို့ ပြန်ပြီးတော့ သတိပြုရလိမ့်မယ် ။ ချုပ်ပြောရမယ်ဆိုရင်တော့ လုံခြုံရေးပိုင်းကို သေသေချာချာပြင်ဆင်ရလိမ့်မယ်။ ဒီလိုဖြစ်စဉ်မျိုးကလည်းကျွန်တော်တို့ နှစ်ပေါင်းများစွာမှာ လုပ်ကြံသတ်ဖြတ်မှုဆိုတာ တစ်ခါမှ အဲ့လိုမရှိခဲ့ဘူးလေဗျာ။ ဒါပထမဦးဆုံးအကြိမ် ကျွန်တ်ာတို့ ကြုံရတဲ့ အတွေ့အကြုံပဲ။ ဘာပဲဖြစ်ဖြစ်ဗျာ လုံခြုံရေးနဲ့ပတ်သက်ပြီးတော့ ပိုပြီးတော့ ဂရုစိုက်ဖို့ လိုအပ်နေပြီထင်တယ်။ လုံခြုံရေးပိုင်းမှာ ပြည့်စုံမှုမရှိဘူးဆို ကျွန်တော်တို့ ကြေညာတယ်လေ ။ နောက်ပြီးတော့ CCTV တပ်ဆင်ထားမှုရှိတယ်ဗျ ။ ပလက်ဖောင်းဘေး ဆိုတာက မှန်ခန်းကနေပြီး အပြင်ထွက်လို့ရှိရင် ပလက်ဖောင်းကိုရောက်သွားတာပဲ။ အဲဒီတော့ ဒီဘက်အပြင်တွေမှာ CCTV နဲ့မှတ်တမ်းတင်နိုင်တဲ့အနေအထားတွေ ရှိနေတာပဲ။ ဒါတစ်ပိုင်းပေါ့ နောက်တစ်ခုက လက်နက်ကိုင် သေနတ်ကိုင်လာတယ်ဆိုတဲ့ကိစ္စ၊ ၀င်နိုင်မယ့်ကိစ္စလည်း မဟုတ်ဘူးပေါ့ ။ ဒီအခြေနေမှာတော့၊ နောက်ပြီးတော့ အပြင်ဘက်မှာလည်းဖြစ်နေတာကို ။ အပြင်ဘက်မှာလည်းဖြစ်နေတဲ့အခါကျတော့ ဒီအခြေနေကို လေယာဉ်ကွင်းစ၀င်တည်းကိုက ၊ လက်နက်ကိုင်နဲ့ပတ်သက်ပြီးကိုက လုံခြုံရေးအရ တင်းကျပ်ဖို့လိုနေပြီဆိုတဲ့အထိကို ကျွန်တော်တို့ ထည့်စဉ်းစားဖို့ လိုပါတယ်။ အဲဒီတော့ ခေတ်မှီနည်းပညာတွေကို အသုံးပြုပြီးတော့ ဒီလက်နက်ကိုင်ထားခြင်း ရှိမရှိဆိုတာ သိအောင်လုပ်ရမှာပေါ့နော်။

ဒေါက်တာ ရန်မျိုးသိမ်း နိုင်ငံရေးလေ့လာ သုံးသပ်သူ

ကျွန်တော့်အမြင်ကတော့ ဒီလိုလူမြင်ကွင်းတစ်ခုမှာ သေနတ်အပစ်ခံရတာကိုတော့ ကျွန်တော့ သက်တမ်းတစ်လျောက်မှာတစ်ခါမှ မကြုံဖူးဘူး။ အဲ့တော့ လက်ရှိအခြေအနေမှာ ဒီမိုကရေစီအပြောင်းအလဲကို ဥိးဆောင်နေတဲ့ ပြည်သူ့အစိုးရက ဦးဆောင်နေတဲ့ခေတ်မှာ ဒါဟာ လုံခြုံရေးစည်းကျိုးပေါက်မှုပဲလို့မြင်တယ်။ အဲ့တော့ လုံခြုံရေးကိစ္စနဲ့ပက်သက်လို့ရှိရင် ဒါအားလုံးမှာတာဝန်ရှိတယ်လို့ ဆိုနိုင်ပေမယ့် အဓိကအားဖြင့် တော့ ဒီ ပြည်ထဲရေးဝန်ကြီးဌာနမှာ အဓိကတာဝန်ရှိတယ်လို့ ပြောရမှာပေါ့လေ။ ဒီလိုဖြစ်စဉ်မျိုးဟာ အင်မတန်မှ ၀မ်းနည်းစရာလည်းကောင်းတယ်။ တိုင်းပြည်နဲ့ ပြည်သူလူထုအတွက် အင်မတန်မှ အရှက်ရစရာကိစ္စလည်းဖြစ်တယ်။ အဲ့ဒီအတွက်ကြောင့်မို့လို့ ကျွန်တော့အမြင်အနေနဲ့တော့ ဦးကိုနီရဲ့မိသားစုနဲ့ကိစ္စရပ်နဲ့ပတ်သက်ပြီးတော့လည်း ကျန်ရစ်တဲ့မိသားစုနဲ့ထပ်တူထပ်မျှအင်မတန်မှ ၀မ်းနည်းစရာလည်းကောင်းတယ်။ မြန်မာပြည်အပြောင်းအလဲအတွက်လည်း အင်မတန်မှ နစ်နှာဆုံးရှုံးတယ်ပေါ့လေ။ အမည်းစက်ကြီးတစ်ခုအနေနဲ့ ကျွန်တော်ကတော့မြင်ပါတယ်။

မစုမွန် (ရန်ကုန်မြို့ခံတစ်ဦး)

လုံခြုံမှုတော့ရှိတယ်။ ဒါပေမယ့် ပထမကလိုတော့ ရဲတင်းမှုတော့မရှိတော့ဘူးပေါ့နော်။ အခုဆိုကားမှတ်တိုင်တွေမှာပါ ရဲတွေတွေ့ရတယ်။ ဒါဟာဘာပဲဖြစ်ဖြစ် ပထမနဲ့စာရင် လုံခြုံရေးတင်းကြပ်သွားတယ်လို့ ထင်ပါတယ်။ ခါတိုင်းဆိုရင် ကားမှတ်တိုင်တွေမှာ ရဲတွေမရှိဘူးလေ။ အဲ့ဒါလေးတော့ သတိထားမိတယ်။ ဒါမယ့် နည်းနည်းပါးပါးတော့ ကိုယ်က သတိထားရတာပေါ့နော် ကိုယ်သွားနေလာနေတာလေးတွေကို။ဖြစ်နိုင်မယ် ဆိုရင် ပန်းခြံလိုနေရာမျိုးတွေကလည်း အန္တရာယ်ရှိတဲ့ နေရာတွေပဲလေ။ လူအများသွားလာနေတဲ့အတွက် လုပ်ကြံတဲ့လူတွေ ရှိလားမရှိလား မသိနိုင်ဘူးလေ။ ဒါကြောင့် ဒီလိုနေရာတွေလည်း လုံခြုံရေးထားဖို့ လိုအပ်တယ်လေ။

ကျော်ကျော်နိုင် (ရန်ကုန်မြို့ခံတစ်ဦး)

လုံခြုံမှုအားနည်းလို့ ဖြစ်သွားတာပါ။ ဒီလိုလူကြီးတစ်ယောက် သွားလာမှုတွေမှာ လုံခြုံရေးတော့ လိုအပ်တယ်လေ။ သတိထားဖို့ဆိုတာက နေရာဒေသနဲ့ဆိုင်တာပေါ့နော်။ ကိုယ့်အနေနဲ့လည်း စိတ်လွတ်ဖို့လိုတယ်လေ။

Hon. Charles Santiago (MP, Malaysia)

Chairperson, ASEAN Parliamentarians for Human Rights (APHR)

လေးစားအားကျဖွယ်ကောင်းသည့် ရှေ့နေကောင်းတစ်ဦးဖြစ်သလို နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် သူမ၏ အမျိုးသားဒီမိုကရေစီအဖွဲ့ချုပ်ပါတီ၏ ဥပဒေပိုင်းဆိုင်ရာ အကြံပေးပုဂ္ဂိုလ် ဦးကိုနီ ယမန်နေ့က လုပ်ကြံသတ်ဖြတ်ခံရသည့် သတင်းကြားကြားချင်း မိမိအနေဖြင့် ကြီးစွာတုန်လှုပ်ဝမ်းနည်းခဲ့မိပါသည်။

ဦးကိုနီ သေဆုံးမှုက မြန်မာနိုင်ငံအတွက်သာမက အာဆီယံနိုင်ငံများအားလုံးအတွက်ပါ ကြီးမားသည့် ဆုံးရှုံးမှုကြီးတစ်ခုလည်း ဖြစ်ပြီး ၎င်းမှာ မြန်မာနိုင်ငံ၏ ဒီမိုကရေစီခရီးကြမ်းတွင် တောက်လျှောက်ပါဝင်ထားခဲ့သူဖြစ်သကဲ့သို့ လူ့အခွင့်အရေး၊ ဖိနှိပ်ကန့်သတ်မှုတို့နှင့်ပတ်သက်၍လည်း အမှန်တရားဘက်က ရပ်တည် ထုတ်ဖော်ပြောဆိုလာခဲ့သူဖြစ်သည်။ ယခု ၎င်းသေဆုံးခဲ့ရသည့်အတွက် ၎င်း၏ မိသားစု၊ ချစ်ခင်ရသည့် ဆွေမျိုးများ၊ မြန်မာပြည်သူပြည်သားအားလုံးနှင့် ထပ်တူဝမ်းနည်းရကြောင်း ဖော်ပြလိုသည်။

ယခု ဦးကိုနီ လုပ်ကြံခံရခြင်းက နိုင်ငံတွင် တည်ငြိမ်မှု မရှိသေးသည့် ပုံကို ထုတ်ဖော်ခဲ့သကဲ့သို့ ယနေ့အချိန်ထိ အောင်မြင်ထားသော ပြုပြင်ပြောင်းလဲထားမှုများကိုလည်း ခြိမ်းခြောက်နေလျက်ရှိသည်။

အမေရိကန်သံရုံးထုတ်ပြန်မှု

ယမန်နေ့က ရန်ကုန်အပြည်ပြည်ဆိုင်ရာ လေဆိပ်တွင် တရားလွှတ်တော်ရှေ့နေ ဦးကိုနီ လုပ်ကြံခံရသည့်သတင်းကြောင့် မိမိတို့ များစွာ တုန်လှုပ်မိပါသည်။ ၎င်း၏ မိသားစုနှင့် မိတ်ဆွေအပေါင်းအသင်းများနှင့် ထပ်တူ ၀မ်းနည်းမိပါကြောင်း ပြောကြားလိုပြီး ဦးကိုနီမှာ နိုင်ငံနှင့်ပြည်သူပြည်သားတို့အတွက် ဒီမိုကရေစီအရေးနှင့် လူ့အခွင့်အရေးတို့အတွက် ပါဝင်လုပ်ဆောင်မှုများကြောင့် ပြည်တွင်းပြည်ပတွင်ပါ လူအများ၏ လေးစားအားကျခံရသူလည်း ဖြစ်သည်။

ဆွီဒင်သံရုံး ထုတ်ပြန်မှု

တရားလွှတ်တော် ရှေ့နေ ဦးကိုနီနှင့် အခြား အပြစ်မဲ့သူတစ်ဦး ယမန်နေ့က လုပ်ကြံခံရမှု ဖြစ်စဉ်ကြောင့် မိမိတို့ ဆွီဒင်သံရုံးအနေဖြင့် များစွာတုန်လှုပ်ဝမ်းနည်းမိပါသည်။

၎င်းတို့၏ မိသားစုဝင်များနှင့် ထပ်တူ ၀မ်းနည်းမိပါကြောင်း ပြောကြားလိုပြီး ယခုကဲ့သို့ စာနာစိတ်ကင်းမဲ့သည့် အကြမ်းဖက်မှုအပေါ် ပြင်းထန်စွာ ပြစ်တင်ရှုံ့ချလိုသည်။

ဒီမိုကရေစီအရေး၊ လူ့အခွင့်အရေးနှင့် တရားဥပဒေစိုးမိုးရေး တို့အတွက် ကာကွယ်မြှင့်တင်ပေးရေးပိုင်းတွင် ဦးကိုနီတစ်ယောက် လုပ်ဆောင်သွားခဲ့သည့် တန်ဖိုးများကို မိမိတို့ ဆက်လက်အားပေးထောက်ခံသွားမည်ဖြစ်သည်။

Esther Htusan (အေပီသတင်းထောက်)

" ဦးကိုနီဟာ အမြဲတမ်းပဲ အမှန်တရားပဲ ပြောတဲ့သူပါ၊ ကျွန်မတို့ နိုင်ငံအတွက် ကျောက်ဆောင်တစ်ခုလို အမှန်တရားဘက်က ခိုင်ခိုင်မာမာ ရပ်တည်ပေးခဲ့တဲ့သူပါ" ဟု မြန်မာနိုင်ငံရဲ့ ပထမဆုံး ပူလစ်ဇာဆုရ အေပီသတင်းထောက် Esther Htusan က လူမှုကွန်ရက်ပို့စ်တစ်ခုတွင် ရေးထားသည်။

Josef Benedict (လက်ထောက်ဒါရိုက်တာ၊ Amnesty International)

" ထင်ရှားကျော်ကြားတဲ့ ရှေ့နေတစ်ဦးဖြစ်တဲ့ ဦးကိုနီ လုပ်ကြံခံရတာက လုပ်ကြံသတ်ဖြတ်မှုရဲ့ ၀ိသေသလက္ခဏာရပ်တွေအားလုံးပါဝင်နေတဲ့ ကြောက်မက်ဖွယ် လုပ်ရပ်တစ်ခုဖြစ်ပါတယ်။ အာဏာပိုင်တွေအနေနဲ့ စေ့စပ်သေချာပြီးလွတ်လပ်တဲ့ဘက်မလိုက်တဲ့ စုံစမ်းဖော်ထုတ်မှု ချက်ချင်းစတင်ဖို့တောင်းဆိုလိုပါတယ်၊ ယင်းကဲ့သို့ အကြမ်းဖက်ဖြစ်စဉ်မျိုးကို အလေးထားဖြေရှင်းရမယ်ဆိုတဲ့ ထုတ်ဖော်မှုမျိုးလုပ်ဆောင်ရမှာလည်း ဖြစ်ပါတယ်

International Crisis Group

ဦးကိုနီလုပ်ကြံသတ်ဖြတ်ခံရခြင်း၏ နောက်ကွယ်က ရည်ရွယ်ချက်နှင့် ပတ်သက်၍ သိရှိရသေးခြင်းမရှိသော်လည်း ယင်းမှာ အမုန်းတရား အခြေခံသည့် အမှုအခင်းတစ်ခု၏ လက္ခဏာရပ်အားလုံး ရှိနေသည်ဟု မြန်မာနိုင်ငံအရေး အနီးကပ်စောင့်ကြည့်နေသည်ဟု ပြောသည်။

ရန်ကုန်လေဆိပ် သေနတ်သမားကို ကားသမားများ ၀ိုင်းဖမ်းဆီးမှု ရုပ်သံ


နမ့်​စန်​မြို့ပြင် မူးယစ်​​ဆေးဝါး ​ရောင်းဝယ်​သုံးစွဲ​သည့်​နေရာအား ပူး​ပေါင်းအဖွဲ့ ဖမ်းဆီး

သန်းစိုးအောင်


ရှမ်းပြည်နယ်တောင်ပိုင်း လွိုင်လင်ခရိုင်၊ နမ့်စန်မြို့၊ နမ့်စန်-မိုးနဲသွားလမ်း ညာဘက်ဘေးရှိ ချောက်အနီး ချုံနွယ်ထဲမှာ မူးယစ်ဆေးဝါး သုံးစွဲ အရောင်းအဝယ်ဖြစ်နေတဲ့ နေရာကို တာဝန်ရှိသူတွေက ဇန်နဝါရီ ၂၉ ရက် နေ့လယ်ပိုင်းက ဝင်ရောက်ရှင်းလင်း ဖမ်းဆီးခဲ့ပါတယ်။

တပ်မတော်၊ ရဲတပ်ဖွဲ့၊ နမ့်စန် NLD ပါတီ၊ ကျေးရွာအုပ်ချုပ်ရေး၊ ပြည်သူများပါဝင်တဲ့ ပူးပေါင်းအဖွဲ့ ဝင်ရောက်ရှင်းလင်းဖမ်းဆီးစဉ် မူးယစ်ဆေးဝါး လာရောက်သုံးစွဲသူတွေနဲ့ ရောင်းချသူတွေ အပါအဝင် လူ ၁၈ ဦး ဖမ်းဆီးရမိကာ တဲငယ်တွေထဲမှ WY စိတ်ကြွဆေးပြား ၆၈၉၄ ပြားနဲ့အတူ ဆိုင်ကယ်တွေ သိမ်းဆည်းရမိခဲ့ပါတယ်။

“အခု ဖမ်းဆီးတဲ့နေရာမှာ မူးယစ်ဆေးဝါး ရောင်းဝယ်ဖောက်ကားသုံးစွဲနေတာ ၁ နှစ်ကျော်ကျော်ရှိနေပြီ ဖြစ်ပြီး မူးယစ်ဆေးဝါး သုံးစွဲသူတွေဟာ ဓားတွေကိုယ်စီ ကိုင်ဆောင်ထားတဲ့အတွက် ရဲတွေဝင်ဖမ်းဖို့တာ မလွယ်ဘူး။ အဲဒီနေရာက ပွဲလိုမျိုး စည်ကားတယ်။ မနေ့ကဖမ်းတာတောင် အများကြီး လွတ်သွားကြသေးတယ်။ အဖွဲ့စုံမို့ မနေ့က အဲဒီနေရာကို ရှင်းလင်းနိုင်တာ။ နောက်ထပ်သတင်းအရ ရှင်းလင်းရမယ့်နေရာတွေက ၁-ရပ်ကွက်၊ ၃-ရပ်ကွက်၊ ၄-ရပ်ကွက်၊ ၅-ရပ်ကွက်ထဲက တောစပ်တွေ ချောင်းဘေးတွေ လူအရောက်အပေါက်နည်းတဲ့ နေရာတွေမှာ မူးယစ်ဆေးဝါး ရောင်းဝယ်သုံးစွဲတဲ့နေရာတွေ ကျန်ရှိနေသေးတယ်” လို့ မနေ့က ဖမ်းဆီးရာမှာ ပါဝင်တဲ့ ဦးတူးက ပြောပါတယ်။

နမ့်စန်မြို့မှာ မူယစ်ဆေးဝါးတွေက လူငယ်တွေအကြားမှာ ပျံ့နှံ့နေပြီး မိဘတွေလည်း သားသမီးတွေကို မသုံးစွဲကြဖို့ ပြောဆိုဆုံးမလို့မရတော့တဲ့အဆုံး မြို့ကတာဝန်ရှိသူတွေ တိုင်ပင်ဆွေးနွေးပြီး အခုလို ဖမ်းဆီးမှု ပြုလုပ်ခဲ့ကြတာပါ။

ဖမ်းဆီးရမိတဲ့ လူတွေကို နမ့်စန်မြို့မရဲစခန်းသို့ ခေါ်ဆောင်ပြီး ဖမ်းဆီးရမိတဲ့ မူးယစ်ဆေးဝါးတွေရဲ့ ပိုင်ရှင်တွေကို စစ်ဆေးဖော်ထုတ် အရေးယူနိုင်ဖို့ ဆောင်ရွက်နေတယ်လို့ သိရပါတယ်။

အခုစုပေါင်းအဖွဲ့က ရှင်းလင်းခဲ့တဲ့ မူးယစ်ဆေးဝါး ရောင်းဝယ်သုံးစွဲဖောက်ကားနေတဲ့ နေရာဟာ နမ့်စန်မြို့မှာ နာမည်ကြီးနေရာတစ်နေရာဖြစ်ပြီး သာမန်လူတွေဝင်ရောက်ဖို့ ခက်ခဲတဲ့နေရာ ဖြစ်ပါတယ်။

ကရင်ပြည်နယ်သားတွေရဲ့ ၂၀၁၆ အမြင် ၂၀၁၇ မျှော်လင့်ချက် (၁)


ကွယ်လွန်သူ ကိုနေ၀င်း၏ သားများအတွက် ပညာရေးရန်ပုံငွေထူထောင်

ဇေယျာမော်

တရားလွှတ်တော်ရှေ့နေ ဦးကိုနီလုပ်ကြံခံရမှု၌ တရားခံဝိုင်းဝန်းဖမ်းဆီးပေးရာတွင် အသက်ဆုံးရှုံးသွားခဲ့ရသည့် အငှားယာဉ်မောင်း ကိုနေ၀င်း(ခ) ကိုဝင်းလွင်၏ သားများအတွက် ပညာရေးရံပုံငွေ တစ်ရပ်ကို ၈၈ မျိုးဆက် (ငြိမ်းချမ်းရေးနှင့်ပွင့်လင်းလူ့အဖွဲ့အစည်း)က ယနေ့ ဇန်နဝါရီ ၃၀ ရက်က ထူထောင်လိုက်သည်။

ကွယ်လွန်သူ ကိုနေ၀င်း(ခ)ကိုဝင်းလွင် (အငှားယာဉ်မောင်း) နှင့် ဇနီး မစုသက်ခိုင်တုိ့၏ သားများဖြစ်သည့် သားကြီး ဖုန်းမြတ်ကျော်(ဒုတိယတန်း)၊ သားလတ် လင်းလက်ကျော်(မူကြို)၊ သားငယ်(၄၅ ရက်သား ၊အမည်မပေးရသေး) တို့ ပညာရေးဆုံးခန်းတိုင် သင်ကြားနိုင်ရန် အဆိုပါ ရန်ပုံငွေထူထောင်ခြင်းဖြစ်ကြောင်း ၈၈ မျိုးဆက်(ငြိမ်းချမ်းရေးနှင့် ပွင့်လင်းလူ့အဖွဲ့အစည်း) က ထုတ်ပြန်ထားသည်။

လက်ရှိတွင် ၈၈ မျိုးဆက်(ငြိမ်းချမ်းရေးနှင့် ပွင့်လင်းလူ့အဖွဲ့အစည်း) မှ ငါးသိန်းကျပ် ၊ ကမ္ဘောဇအနာဂတ် အလင်းတန်းဖောင်ဒေးရှင်းမှ ကျပ်သိန်းတစ်ရာ ၊ Sky Net ရုပ်သံ မှ ကျပ်သိန်းတစ်ရာ၊ ကျား မသန်းဌေး မိသားစုမှ ကျပ်ဆယ်သိန်း လှူဒါန်းထားပြီးဖြစ်ကြောင်းသိရသည်။

ထပ်မံလှူဒါန်းလိုသူများ အနေဖြင့် ကမ္ဘောဇ(KBZ)ဘဏ်၊ ရွှေဘုံသာဘဏ်ခွဲ(၁)စာရင်းနံပါတ်(04030100401548401) သို့ ထည့်ဝင်လှူဒါန်းနိုင်သည်ဟု ၈၈မျိုးဆက်(ငြိမ်းချမ်းရေးနှင့်ပွင့်လင်းလူ့အဖွဲ့အစည်း) က ကြေညာထားသည်။

ရန်ကုန်တိုင်း တွံတေးမြို့နယ်ထဲက ငါးမွေးမြူရေး


လျှပ်စစ်ဌာနက ဖိတ်ကြားသည့် ဓါတ်အားခွဲရုံဖွင့်ပွဲ အခမ်းအနား SSPP/SSA အား ခိုလမ်စစ်တိုင်းမှူး တက်ခွင့်မပြု

ဟွမ်ဟိန်း

နှင့် ကျေးသီးမြို့ ဓါတ်အားခွဲရုံဖွင့်ပွဲတက်ရောက်ရန် လျှပ်စစ်ဝန်ကြီးဌာန ကျေးသီး၊ မိုင်းရှူး ရုံးအဖွဲ့တာဝန်ခံ၏ ဖိတ်ကြားမှုကြောင့် ဖွင့်ပွဲတက်ရောက်လာသည့် သျှမ်းပြည် တပ်မတော် SSPP/SSA အား အရှေ့အလယ်ပိုင်း တိုင်းစစ်ဌာနချုပ် တိုင်းမှူးက ပွဲတက် ခွင့်မပြုဟု သိရသည် ။

ဇန်နဝါရီ ၂၆ ရက် မွန်းတည့် ၁၂ နာရီအချိန် မိုင်းရှူးမြို့ အားကစားရုံ၌ ကျင်းပသည့် မိုင်းရှူးမြို့ ဓါတ်အား ခွဲရုံ ဖွင့်ပွဲသို့သော်လည်းကောင်း၊ မွန်းလွဲ ၃ နာရီ ကျေးသီးမြို့ ဓါတ်အားခွဲရုံဖွင့်ပွဲသို့ သော်လည်း ကောင်း တက်ရောက်ပေးပါရန် လျှပ်စစ်ဓါတ်အားခွဲရုံ ဖွင့်ပွဲ ဖြစ်မြောက်ရေး က သျှမ်းပြည်တပ်မတော် SSPP/SSA အား ဖိတ်ကြားထားသော်လည်း နမ့်စန်မြို့နယ် ခိုလမ်အခြေစိုက် အရှေ့အလယ်ပိုင်းတိုင်း စစ်ဌာနချုပ် (ရလခ) တိုင်းမှူး က ခွင့်မပြုသည့်အတွက် SSPP/SSA ကိုယ်စားလှယ်များတက်ရောက်ခွင့် မရခဲ့ဟု ဆိုပါသည် ။

“အစိုးရ ဌာန က ကျနော်တို့အပေါ် ယုံကြည်လို့ ဖိတ်ကြားထားတယ်။ ကျနော်တို့လည်း ဒီဖိတ်ကြားမှုကို အလေးထားလို့ ယုံကြည်လို့ သွားတာ။ တိုင်းမှူးကဘယ်လိုသဘောထားကြောင့် ဘာအတွက်ကြောင့်ဟန့် တားလဲဆိုတာ ကျနော်တို့လဲ နားမလည်ဘူး။ ဒီလုပ်ရပ်က နိုင်ငံတော်က လုပ်လိုတဲ့ ငြိမ်းချမ်းရေး၊ တိုင်း ရင်းသားစည်းလုံးညီညွတ်ရေးအတွက် အပြုသဘောမဆောင်ဘူး” – ဟု ပြောခွင့်ရ ပုဂ္ဂိုလ် ဗိုလ်မှူးဘုန်း ဟန် ကပြောသည် ။

လျှပ်စစ်ဓါတ်အားခွဲရုံ ဖွင့်ပွဲ တက်ရောက်ရန် SSPP/SSA ဌာနချုပ်အရာ ရှိ စဝ်တွန်းခမ်း နှင့် အဖွဲ့ဝင် သုံးဦးအား စေလွတ်ကြောင်းကြားသိရသည် ။

ရလခ တိုင်းမှူး ဗိုလ်ချုပ်သန်းလှိုင်သည် တန့်ယန်း – မိုင်းရှူး ကြား လမ်းမပေါ် မှ အရှေ့ဘက် သံလွင်မြစ် သို့ (လွယ်နိုင်း – တာ့ဝန်းနောင်း) တပ်မတော်သားအင်အားဖြင့် လမ်းဖေါက်လုပ်မည်ဟု သျှမ်းပြည်တပ် မတော်ထံ ပြောကြားသည့်နောက်ပိုင်း သျှမ်းပြည်တပ်မတော် SSPP/SSA ဘက်မှ တပ်မတော်အင် အားဖြင့် လမ်းဖေါက်လုပ်ရန်မသင့်တော်ကြောင်း၊ လမ်းဖေါက်လုပ်ရေးလုပ်သားဖြင့် ဖေါက်လုပ်ရန်သာ သင့်တော်ကြောင်း နေပြည်တော်သို့ အကြောင်းပြန်ကြားသည့်နောက်ပိုင်း စစ်ရေးတင်းမာလာခဲ့သည် ။

ဘိန်းခြံရှင်းလင်းရေးအကြောင်းပြချက်ဖြင့်လည်း ဇန်နဝါရီ ၂၁ ရက်ကနေ့က နှစ်ဘက် ရင်ဆိုင် တိုက်ခိုက်မှုဖြစ်ပွားခဲ့ပေါသေးသည်။ နှစ်ဘက်စစ်ရေးတင်းမာသည့်အနေအထားကြားက သျှမ်းပြည် တပ်မတော် တပ်ဖွဲ့ဝင်များ အစိုးရ တပ်မတော်၏ ဖမ်းဆီးထိန်းသိမ်းမှုများလည်းရှိခဲ့သည် ။

တပ်မတော်တပ်မှူးနှင့် SSPP/SSA တပ်မှူးတို့ တန့်ယန်းမြို့နယ်အတွင်းရှိ တပ်စခန်းများ ပူးတွဲကွင်းဆင်းမှု ရှိခဲ့သော်လည်း နှစ်ဘက်စစ်ရေးပြေလျော့မှုမရှိသေးပေ။

ယခုကဲ့သို့ စစ်ရေးတင်းမာမှုသည် ဧပြီလ ကြားဖြတ်ရွေးကောက်ပွဲအား အဟန့်အတား ဖြစ်စေနိုင် သည်ဟု နိုင်ငံရေးပါတီဝင်များက သုံးသပ်ပြောဆိုသည်။ ၂၀၁၅ အထွေထွေရွေးကောက်ပွဲကလည်း အဆိုပါဒေသအတွင်း အစိုးရတပ်မတော် ထိုးစစ်ဆင်တိုက်ခိုက်မှုကြောင့် လူပေါင်း တသိန်းခန့် မဲပေးပိုင်ခွင့် လှစ်ဟင်းခဲ့သည် ။

သျှမ်းပြည်တပ်မတော် SSPP/SSA သည် ပြည်နယ်အဆင့် ပြည်ထောင်စုအဆင့် ငြိမ်းချမ်းရေးလက်မှတ် ရေးထိုးထားသည့် သျှမ်းလက်နက်ကိုင် တပ်ဖွဲ့ဖြစ်သည်။

ဒေါ်သင်းသင်းမြတ်(ဥက္ကဋ္ဌ) မြ၀တီနယ်စပ် ကုန်သည်ကြီးများအသင်း တွေ့ဆုံမေးမြန်းခန်း အပိုင်း(၂)


ငြိမ်းချမ်းရေးအတွက် စိတ်ဝမ်းကွဲစေမယ့် ပြောဆိုမှုတွေရှောင်ရှားဖို့ ဦးဝင်းမြင့် ပြော

မင်းမင်း

ဒီမိုကရေစီဖက်ဒရယ်ပြည်ထောင်စု ဖြစ်ပေါ်လာရေးအတွက် အလေးထားကြိုးပမ်းနေသည့်ကာလဖြစ်သောကြောင့် လွှတ်တော်အမတ်များအနေဖြင့် ဥပဒေပြုရေးမဏ္ဍိုင်ကို ကိုယ်စားပြုပြီး ဒီမိုကရေစီစံချိန်စံညွှန်းများနှင့်အညီ ဝိုင်းဝန်းကြိုးပမ်းကြရန်နှင့် စိတ်ဝမ်းကွဲပြားစေသည့် အပြုအမူ၊ အပြောအဆိုများကို ရှောင်းရှားကြရန် ပြည်သူ့လွှတ်တော်ဥက္ကဌ ဦးဝင်းမြင့်က တိုက်တွန်း ပြောဆိုလိုက်သည်။

“ဒီမိုကရေစီဖက်ဒရယ်ပြည်ထောင်စုတည်ဆောက်ရာမှာ လျှောက်လှမ်းကြရမယ့် အရေးအကြီးဆုံးအရွေ့တစ်ခုဖြစ်တဲ့ ထာဝရငြိမ်းချမ်းရေးရရှိနိုင်ဖို့အတွက် တိုင်းရင်းသားညီအစ်ကိုမောင်နှမများအားလုံးက ငြိမ်းချမ်းရေးအတွက် စုပေါင်းဆွေးနွေး အဖြေရှာနေတဲ့ကာလမှာ ကျွန်တော်တို့ကိုယ်စားလှယ်များအနေနဲ့လည်း အချင်းချင်း စိတ်ဝမ်းကွဲပြားစေမယ့် အထင်အမြင်လွဲမှားစေမယ့် အပြုအမူ၊ အပြောအဆိုတွေကို သတိပြုရှောင်ရှားကြစေလိုပါတယ်” ဟု ဦးဝင်းမြင့်က ပြောသည်။

ဇန်နဝါရီ ၃၀ရက်က စတင်ကျင်းပသည့် ဒုတိယအကြိမ်ပြည်သူ့လွှတ်တော် စတုတ္ထပုံမှန်အစည်းအဝေး ပထမနေ့တွင်ကျင်းပသည့် ပြည်သူ့လွှတ်တော်အစည်းအဝေးတွင် ကြိုဆိုနှုတ်ခွန်းဆက်စကားပြောကြားစဉ် ဦးဝင်းမြင့်က အထက်ပါအတိုင်း ပြောဆိုလိုက်ခြင်း ဖြစ်သည်။

“လွှတ်တော်များရဲ့ သဘောသဘာဝအတိုင်း သဘောကွဲလွဲခြင်း၊ အမြင်မတူခြင်းတွေ ရှိနိုင်ပေမယ့်လည်း မိမိတို့အားလုံးဟာ အမျိုးသားအကျိုးစီးပွားကို ရှေးရှု၍ ဆွေးနွေးညှိနှိုင်းကြပြီး စည်းလုံးညီညွတ်စွာ ဆွေးနွေးဆောင်ရွက်ကြရမှာ ဖြစ်ပါတယ်” ဟုလည်း ဦးဝင်းမြင့်က တိုက်တွန်းပြောဆိုသည်။

ယင်းအပြင် လွှတ်တ်ာသို့ တင်သွင်းသည့် အဆိုများနှင့် မေးခွန်းများသည်လည်း နိုင်ငံဖွံ့ဖြိုးတိုးတက်ရန်၊ ပြည်သူလူထု၏ လူမှုစီးပွားဘဝတိုးတက်ရန်နှင့် လူ့အဖွဲ့အစည်း စည်းလုံးညီညွတ်မှုကို အမြဲဦးထိပ်ပန်ဆင်ဆောင်ရွက်ကြရန်လည်း လွှတ်တော်ကိုယ်စားလှယ်များကို ဦးဝင်းမြင့်က တိုက်တွန်းခဲ့သေးသည်။

ယခုကျင်းပသည့် စတုတ္ထပုံမှန် ပြည်သူ့လွှတ်တော်အစည်းအဝေးတွင် ဥပဒေကြမ်း ၁၂ခု၊ အဆို ၁၄ခုနှင့်၊ ကြယ်ပွင့်ပြမေးခွန်းပေါင်း ၁၀၀ကျော်အား မေးမြန်း၊ ဆွေးနွေး၊ အတည်ပြုသွားရန် ရှိနေသည်ဟု ဦးဝင်းမြင့်က ဆိုသည်။

တိုင်းပြည်၏ ဘဏ္ဍာငွေ ရငွေနှင့်သုံးငွေသည် အလွန်အရေးကြီးသည့်အတွက် “လေလွင့်ဆုံးရှုံးမှုတွေ၊ ငွေယိုပေါက်တွေမရှိအောင် ဂရုစိုက်ပေးကြပါ”ဟုလည်း ဦးဝင်းမြင့်က ပြောဆိုခဲ့သေးသည်။

ရန်ကုန်လေဆိပ်မှာ သေနတ်သမားကို ၀င်ဖမ်းရင်း သေဆုံးခဲ့သူ ကားသမား ဇနီးသည်


ကိုနေဝင်း၏ကလေး ၃ ဦး ပညာရေး နာရေးကူညီမှုအသင်း တာဝန်ယူမည်

နော်နိုရင်း


မနေ့ညနေက လုပ်ကြံခံခဲ့ရတဲ့ အန်အယ်ဒီ ဥပဒေအကြံပေး တရားလွှတ်တော်ရှေ့နေ ဦးကိုနီအား ပစ်သတ်သူသွားကို လိုက်လံဖမ်းဆီးရင် သေဆုံးသွားတဲ့ တက္ကစီယာဉ်မောင်း ကိုနေ၀င်းရဲ့ ကျန်ရစ်တဲ့ သား ၃ ဦးအတွက် ပညာရေးနဲ့ ကျန်းမာရေးကိစ္စတွေကို နာရေးကူညီမှုအသင်း ရန်ကုန်က တာဝန်ယူမယ်လို့ ကြေညာလိုက်ပါတယ်။

သေဆုံးသူ ကိုနေ၀င်းကိုယ်စား သား ၃ ဦးရဲ့ ပညာရေးနဲ့ကျန်းမာရေးအတွက် လူလားမြောက်တဲ့အထိ တာဝန်ယူသွားမယ်လို့ နာရေးကူညီမှုအသင်း (ရန်ကုန်) ရဲ့ ဦးဆောင်တာရိုက်တာအဖွဲ့ဝင် ဒေါ်နီလာက ပြောပါတယ်။

“ကျမတို့ကတော့ ကလေးတွေ အငယ်ဆုံးလေးကစပြီးတော့ လူလားမြောက်တဲ့အထိ ဘွဲ့ရ ပညာတတ်ဖြစ်တဲ့အချိန်အထိ ပညာရေးကို ပုံမှန် ထောက်ပံ့သွားမယ်။ ပညာရေးနဲ့အတူ ကျန်းမာရေးပါ ထောက်ပံ့သွားမယ်။ လူလားမြောက်တဲ့အထိ၊ ပညာရေးဆုံးခန်တိုင်တဲ့အထိပေါ့နော်။ အများပြည်သူ ကောင်းမှုနဲ့ ကျမတို့ လုပ်ဆောင်သွားမှာဖြစ်ပါတယ်။ ”

ကလေးတွေအတွက် တာဝန်ယူဖို့ ကတိပြုထားပြီဖြစ်ပြီး ကိုနေ၀င်းရဲ့ဈာပန ပြီးတဲ့အချိန်ကျမှ မိသားစုဝင်တွေနဲ့အတူ တိုင်ပင်ဆွေးနွေးပြီး အသင်းအနေနဲ့ ဘယ်လိုပုံစံကူညီမလဲ၊ မိသားစုဝင်တွေဘက် ဘယ်လိုပုံစံလက်ခံလိုလဲဆိုတာကို တိုင်ပင်ဆွေးနွေးသွားမယ်လို့လည်း ဒေါ်နီလာက ပြောပါတယ်။

ဒါ့အပြင် ကိုနေ၀င်းဟာ နိုင်ငံသားကောင်းတစ်ဦးအနေနဲ့ နိုင်ငံတော်ပြု ပြင်ပြောင်းလဲရေးမှာ တစ်ထောင့်တစ်နေရာကနေ ပါဝင်သူဖြစ်ပြီး တာဝန်ကျေပွန်ခဲ့တဲ့ နိုင်ငံသားတစ်ဦး ဖြစ်ပါတယ်။

တာဝန်ကို အသက်ပေးပြီး ထမ်းဆောင်ခဲ့တဲ့အပေါ် နာရေးကူညီမှုအသင်း(ရန်ကုန်)ကနေ အစဉ်အောက်မေ့သတိရလျက် ကျေးဇူးတင်ဂုဏ်ပြုတဲ့အနေနဲ့ ကိုနေ၀င်းရဲ့ကျန်ရစ်သော သားငယ် ၃ ဦးကို သားသမီးများအဖြစ်ခံယူပြီး သူရဲကောင်း ကိုနေ၀င်းရဲ့ ဖခင်တာဝန်ကို ပခုံးပြောင်းထမ်းဆောင်ပေးသွားမယ်လို့ အသင်းက ကြေညာပါတယ်။

တက္ကစီယာဉ်မောင် ဦးနေ၀င်းဟာ အန်အယ်ဒီပါတီဝင်တဦးဖြစ်ပြီး မနေ့ညနေက ရန်ကုန်အပြည်ပြည်ဆိုင်ရာလေဆိပ်မှာ တရားလွှတ်တော်ရှေ့နေ ဦးကိုနီကို သေနတ်နဲ့ပစ်သွားသူကို လိုက်လံဖမ်းဆီးရင်း သေနတ်သမားရဲ့ ပစ်ခတ်မှုကြောင့် သေဆုံးခဲ့ရတာဖြစ်ပါတယ်။

သူ့ရဲ့ကျန်ရှိနေသေးတဲ့ ရုပ်ကလာပ်ကိုတော့ မနက်ဖြန် ဇန်န၀ါရီလ ၃၁ ရက် မနက် ၁၁ နာရီခွဲ မီးသင်္ဂြိုဟ်မှာဖြစ်ပါတယ်။

ဦးကိုနီ လုပ်ကြံခံရစဉ် အနီးကပ်ရှိခဲ့သူ သမီးဖြစ်သူ ပြောကြားချက်


အစိုးရသစ်လက်ထက် ပြည်လည်ထွက်ပေါ်လာသည့် နောက်ကွယ်က လက်မည်းကြီးများ

ကိုရွှေအောင်


အစိုးရသစ်လက်ထက် နောက်ကွယ်က လက်မည်းကြီးများ တဖန်ပြည်လည် ထွက်ပေါ်လာပြီလို့ နိုင်ငံပိုင်ပြန်ကြားရေးဝန်ကြီးဌာနက ဒီဇင်ဘာ ၇ ရက် မနက်အစောပိုင်းမှာ သူ့ အမ်အိုအိုင် ဝက်ဘ်ဆိုဒ်ကနေ တရားဝင်ထုတ်ပြန် ရေးသားဖော်ပြလိုက်ပါတယ်။

“ရခိုင်ပြည်နယ်မှ အကြမ်းဖက်ဖြစ်စဉ်နှင့် လက်မည်းကြီးများ၏ ဝါဒဖြန့်တိုက်ပွဲ” လို့ ခေါင်းစဉ်တပ် ရေးသားဖော်ပြထားတဲ့ စာစုထဲမှာ လက်မည်းကြီးတွေဟာ ရခိုင်ပြည်နယ်၊ မောင်တောက ပုံကြီးချဲ့သတင်းတွေကို ထပ်ဆင့်လှုံ့ဆော်ရင်း ထွက်ပေါ်လာကြတာလို့ ဆိုထားပါတယ်။

“လူမျိုးရေး၊ ဘာသာရေး ခွဲခြားဖိနှိပ်မှု၊ လူမျိုးသုဉ်းသတ်ဖြတ်မှု (Genocide)၊ လူမျိုးရေး သန့်စင်မှု (Ethnic Cleansing) စသည့် ပုံကြီးချဲ့သတင်းများ ထွက်ပေါ်လာမှုနှင့်အတူ နောက်ကွယ်မှ လက်မည်းကြီးများကလည်း ထပ်ဆင့်လှုံ့ဆော်ကြပြန်ရာ နားယောင်သူအချို့မှာ မခံမရပ်နိုင်ဖြစ်ကာ နိုင်ငံအချို့တွင် ဆန္ဒပြပွဲများ ပြုလုပ်ခြင်း၊ ပြည်ပရှိ လူနည်းစု မြန်မာနိုင်ငံသားများ ခြိမ်းခြောက်ခံရခြင်း စသည်ဖြင့် ပဋိပက္ခမျိုးစုံကို ဂယက်ထ ဆူပွက်စေခဲ့သည်။ ထို့အတူ ကုလသမဂ္ဂနှင့် နိုင်ငံတကာအဖွဲ့အစည်းများ၊ လူမှုရေးအသင်းအဖွဲ့များနှင့် နိုင်ငံအချို့မှ တာဝန်ရှိသူများကလည်း သံယောင်လိုက်ပြီး လူသားချင်း စာနာထောက်ထားမှုပြကာ ပဏ္ဏာယူခြင်း၊ စွက်ဖက်ခြင်း၊ ဖိအားပေးခြင်းများဖြင့် ”ပွဲလန့်တုန်း ဖျာခင်းဆိုသကဲ့သို့” ပွဲဆူအောင် တွန်းပို့ကြလေသည်။”

မောင်တောအရေး စတင်ခဲ့တဲ့ အောက်တိုဘာ ၉ ရက် နောက်ပိုင်းမှာ မွတ်စလင် အစွန်းရောက် အဖွဲ့အစည်းအချို့က ၎င်းတို့ လုပ်ကြံဖန်တီးထားသော လူမျိုးစုအမည်ဖြင့် အင်တာနက် လူမှုကွန်ရက်တခုကို ဖန်တီးပြီး အကြမ်းဖက်သမားများကို အမွှမ်းတင် ထုတ်လွှင့်တယ်။

ဒီလို မဟုတ်မမှန် လုပ်ကြံဖန်တီးထားတဲ့ လုပ်ကြံထုတ်လွှင့်ခြင်းတွေကို နိုင်ငံတကာ သတင်းမီဒီယာများထံ အစီအစဉ်ရှိရှိ ပေးပို့တယ်။ နိုင်ငံတကာ မီဒီယာကြီးများအနေနဲ့လည်း အဲဒီ လုပ်ကြံဖန်တီးထားတဲ့ သတင်းတွေကို တလေသံတည်း ထပ်ဆင့်ထုတ်လွှင့်ခဲ့လို့ သတင်းမှားတွေက ဖြစ်ရပ်မှန်တွေကို လွှမ်းမိုးပြီး မုသာဝါဒများက ကမ္ဘာတဝန်းသို့ ပျံ့နှံ့လွှမ်းခြုံသွားတော့တယ်လို့ အစိုးရပြန်ကြားရေးက ရေးပါတယ်။

တခါ ဒီသတင်းအတုအယောင်တွေကို ချေဖျက်ဖို့ အစိုးရရဲ့ အရေးပေါ် သတင်းထုတ်ပြန်ရေး အဖွဲ့ဟာ ရခိုင်ပြည်နယ် မောင်တောဒေသသို့ သွားရောက်ပြီး နိုဝင်ဘာလ ၁ ရက်နေ့မှစပြီး မြေပြင်သတင်းများ ထုတ်ပြန်ပေးလျက်ရှိတယ်လို့ ပြန်ကြားရေးက ဆိုပါတယ်။

အရေးပေါ် သတင်းထုတ်ပြန်ရေးအဖွဲ့ သွားရောက်ခဲ့မှုအပေါ် အခြေခံပြီး ပြည်တွင်း၊ ပြည်ပ သတင်းမီဒီယာအဖွဲ့များ စုဖွဲ့သွားရောက် သတင်းရယူနိုင်ရေးအတွက် ခရီးစဉ်နေရာ လုံခြုံရေး၊ ခရီးစဉ်လမ်းကြောင်း လုံခြုံရေးနှင့် ယာဉ်တန်းလုံခြုံရေး ကိစ္စရပ်များအပြင် အုပ်ချုပ်မှုကိစ္စရပ်များ လိုအပ်မှုအတွက် သက်ဆိုင်ရာများနှင့် ညှိနှိုင်းစီစဉ်ဆောင်ရွက်လျက် ရှိနေတယ်လို့လည်း ဆက်လက်ဖော်ပြထားတာ တွေ့ရပါတယ်။

“ယနေ့ ရခိုင်ပြည်နယ် မောင်တောဒေသ၏ အနေအထားမှာလည်း သတင်းမှားများကြောင့် သံသယအကျိုးဆက်များ ဖြစ်ပွားနေခြင်းအပေါ် နိုင်ငံတကာမီဒီယာကြီးများက ကျင့်ဝတ်နှင့်အညီ သတင်းမှန်များ ထုတ်လွှင့်၍ အမှန်တရားကို ဖော်ထုတ်ပေးခြင်းဖြင့် လောကပါလတရားများ ဖြစ်ထွန်းပြီး အကျိုးကျေးဇူးများ ရရှိခံစားနိုင်သည်ကို တွေးတောမိရင်း ”ရခိုင်ပြည်နယ်မှ အကြမ်းဖက် ဖြစ်စဉ်နှင့် လက်မည်းကြီးများ၏ ဝါဒဖြန့်တိုက်ပွဲ” ဟု သုံးသပ်တင်ပြလိုက်ရပါသည်” လို့ ပြန်ကြားရေးစာစုက အဆုံးသတ်ထားပေမယ့် ဘယ်နိုင်ငံတကာမီဒီယာ ဆိုတာကိုတော့ တိတိကျကျ မဖော်ပြထားပါဘူး။

အစိုးရသစ်လက်ထက် နိုင်ငံတကာမီဒီယာတွေအပေါ် ပြစ်တင်ဝေဖန်မှု အစောဆုံးဖြစ်ပြီး အရင် ဦးသိန်းစိန်အစိုးရလက်ထက်တုန်းကလိုပဲ နောက်ကွယ်က လက်မည်းကြီးတွေလို့ သုံးနှုန်း ရေးသားဖော်ပြလာတာ ဖြစ်တယ်။ ရေးသားသူ နာမည်ဖော်ပြမထားဘဲ ပြန်ကြားရေးဝက်ဘ်ဆိုဒ်မှာ ရေးသားဖော်ပြခဲ့တဲ့အတွက် အစိုးရအာဘော်လို့ပဲ သုံးသပ်ရမှာဖြစ်တယ်။

လူထုတင်မြှောက်ထားတဲ့ အစိုးရတရပ်အနေနဲ့ ဒီထက် တိကျသေချာတဲ့ သတင်းထုတ်ပြန်မှုမျိုး ရေးသားထုတ်ပြန်ဖို့လိုပြီး ဘယ်နေ့ ဘယ်အချိန်မှာ နိုင်ငံတကာ မီဒီယာတွေအနေနဲ့ မောင်တောဒေသမှာ သတင်းဝင်ရောက် ရယူနိုင်တယ်ဆိုတဲ့ သတင်းစကား တိတိကျကျ ပါးဖို့လိုတယ်။

အခု ပြန်ကြားရေးဝက်ဘ်ဆိုဒ်က ရေးသားဖော်ပြထားတဲ့ စာစုမျိုးကို အရင်အစိုးရ အဆက်ဆက် လက်ထက် တွေ့မြင်နေကျဖြစ်လို့ ထိရောက်မှု သိပ်ရှိမှာမဟုတ်ဘူးလို့ပဲ မြင်မိတယ်။

နှစ်၁၀၀လောက် သက်တမ်းရှိတဲ့ ရှေးဟောင်းကားတွေနဲ့ ဆိုင်ကယ်တွေပြပွဲ


စာသင်ကျောင်းကို ကားဝင်တိုက်၍ ကလေးတစ်ဦး သေဆုံးပြီး မိခင်ဖြစ်သူ ဒဏ်ရာရ

ကျော်ဝင်း၊ ကျောက်ဖြူ


ကျောက်ဖြူမြို့နယ်၊ အုန်းတောကျေးရွာအုပ်စု၊ ကျောက်တင်ဆိပ်ကျေးရွာ၊ အမက(ခွဲ)တွင် ဇန်န၀ါရီလ(၂၈)ရက် နေ့လယ်(၂)နာရီခန့်က အစည်းအဝေးပြုလုပ်နေစဉ် ကားတစ်စီးမှ ၀င်တိုက်ခဲ့သောကြောင့် စတုတ္ထတန်းကျောင်းသားတစ်ဦး နေရာတွင်ပင် သေဆုံးသွားပြီး တစ်ဦးဒဏ်ရာရရှိသွားကြောင်းသိရသည်။

ကားတိုက်ခံရပြီးသေဆုံးသွားသူမှာ အုန်းတောကျေးရွာအုပ်စု၊ ကျောက်တင်ဆိပ်ကျေးရွာမှ ဦးခင်ခင်အောင် + ဒေါ်ခင်ခင်သိန်း၏သား မောင်ထက်မြက်အောင် အသက်(၈)နှစ်ဖြစ်သည်။

‘‘ ဘယ်သူ့ကားတိုက်သွားသလဲဆိုတာကို မသိရသေးပါ။ စုံးစမ်းနေဆဲဖြစ်ပါတယ်။ ကားသမားထွက်ပြေးသွားတယ်။ ရွာသားတွေအစည်းအဝေးလုပ်နေစဉ်တိုက်သွားတယ်လို့ ပြောပါတယ်။ သေဆုံးသွားတဲ့ ကလေးရဲ့ မိခင်က အစည်းအဝေးမှာ ပါပါတယ်။ အစည်းအဝေးတက်နေတဲ့ သူ့မိခင်ဆီကိုသွားရင်းနဲ့ အတိုက်ခံရတာပါ’’ဟု ကျောက်ဖြူမြို့မရဲစခန်းမှ ရဲအုပ်ရဲထွန်း ကပြောသည်။

ကျောက်ဖြူမြို့ဘက်မှ တေဘာနှစ်ကျင်းဆန့် အပြာရောင်ကားနှစ်စီး မောင်းနှင်လာရာ ရှေ့ကားမှ လမ်းမဘေးတွင်ရှိသော အမက(ခွဲ)စာသင်ကျောင်းကို ၀င်ရောက်တိုက်လိုက်၍ သေဆုံးခြင်းဖြစ်ပြီး ကားမောင်းသူမှာ နောက်မှလိုက်ပါလာသောကားနှင့် ထွက်ပြေးသွားကြောင်း ဒေသခံတွေကဆိုသည်။

ကားတိုက်ခံရသူ မောင်ထက်မြတ်ကျော်မှာ ဦးနှောက်ပြိုထွက်သွားပြီး နေရာတွင် ပွဲချင်းပြီးသေဆုံးသွားပြီး အစည်းအဝေးတက်ရောက်လာသူ ဒေါ်သိန်းသိန်းဝေမှာလည်း ဒဏ်ရာရရှိသွား၍ ဆေးရုံတင်ထားရသည်။

ကျောက်ဖြူအထူးစီးပွားရေးဇုန်နှင့်ပတ်သက်ပြီး INGO တစ်ခုမှ အသိပညာပေးဟောပြောကြားနေစဉ် ကားဝင်တိုက်ခံရခြင်းဖြစ်သည်။ စာသင်ကျောင်းမှာ ဓနိမိုး၊ ၀ါးထရံကာ၊ ဓနိထရံကာ၊ ၀ါးခင်းဖြစ်ပြီး ကားတိုက်ခံရမှုကြောင့် ထရံနှင့် အခင်းပျက်စီးသွားကြောင်းဒေသခံတွေကပြောသည်။

အဖေရယ်သားရယ် မြေးရယ်လို့ နာမယ်ပေးထားတဲ့ မင်းကိုနိုင် ပန်းချီပြပွဲ


ရှေ့နေဦးကိုနီအား သေနတ်ဖြင့်ပစ်ခတ်မှုမှာ ကြိုတင်ကြံစည်မှု ဖြစ်ကြောင်း ဦးရောဘတ်စန်းအောင် ပြော

ဒေါင်းလူ

ဇန်န၀ါရီ ၂၉ ရက်၊ ညနေ ၅ နာရီခန့်က ရန်ကုန်အပြည်ပြည်ဆိုင်ရာလေဆိပ်တွင် ရှေ့နေဦးကိုနီအား သေနတ်ဖြင့် အနီးကပ်ပစ်သတ်ခဲ့မှုမှာ သေစေလိုသော ရည်ရွယ်ချက်ဖြင့် ကြိုတင်ကြံစည်မှုဖြစ်ကြောင်း တရားလွှတ်တော်ရှေ့နေ ဦးရောဘတ်စန်းအောင် က ယနေ့ညတွင် ထုတ်ပြန်ကြေညာသည်။

မြန်မာနိုင်ငံရှေ့နေများကွန်ရက်၏ ဦးဆောင်အဖွဲ့ဝင် ဦးရောဘတ်စန်းအောင်က ယခုလုပ်ရပ်သည် လူ့အခွင့်အရေး၊ ဒီမိုကရေစီရေးအတွက်သာမက တရားဥပဒေစိုးမိုးရေးအတွက် ဆောင်ရွက်နေသော ရှေ့နေများကို တုန်လှုပ်ခြောက်ခြားစေလိမ့်မည်မဟုတ်ကြောင်း၊ မိမိအနေဖြင့် တောင်းဆိုလိုသည်မှာ သေနတ်ထုတ်ပေးသူ ၊ စေခိုင်းသူ ၊ပူးပေါင်းကြံစည်သူအစရှိသည်ဖြင့် ကွင်းဆက်တရားခံများအားလုံးကို ဥပဒေနှင့်အညီ စစ်ဆေးဖော်ထုတ်အရေးယူပေးရန် သက်ဆိုင်ရာတာဝန်ရှိသူများအား တောင်းဆိုကြောင်း သူ၏ လူမှုကွန်ယက်စာမျက်နှာတွင် ထုတ်ပြန်ထားသည်။

“ ကျွန်တော်အပါအဝင်ရှေ့နေများကို တုန်လှုပ်ခြောက်ခြားစေလိမ့်မည်မဟုတ်ကြောင်း သတိပေးလိုက်သည်” ဟု ပြောထားခဲ့ပြီး သေနတ်ထုတ်ပေးသူ၊ စေခိုင်းသူ ၊ပူးပေါင်းကြံစည်သူများအား ဖော်ထုတ်ပေးရန်တောင်းဆိုလိုက်ကြောင်း ပါရှိသည်။

ယနေ့ နေ့လည် ၃နာရီ ၁၅ နာရီ စင်္ကာပူလေကြောင်းလိုင်းနဲ့ ရန်ကုန် ပြန်သွားတဲ့ ဦးကိုနီအား ညနေ ၅ နာရီခန့်တွင် ရန်ကုန်လေဆိပ်၌ သေနတ်နဲ့ လုပ်ကြံခံရကြောင်း ဦးရောဘတ်စန်းအောင်က မဇ္ဈိမသို့ အတည်ပြုသည်။ ပစ်ခတ်သူအားလည်း သေနတ်ဖြင့် ပြန်လည်ပစ်ခတ်ဖမ်းဆီးထားသည်ဟု သိရသည်။

ကူးစက်ရောဂါဖြစ်ပွားခဲ့တဲ့နာဂလူမျိုးတွေကိုပြန်လည်ထူထောင်ရေးအတွက်ရန်ပုံငွေဖျော်ပွဲ


လုပ်ကြံခံရတဲ့ ရှေ့နေဦးကိုနီရဲ့ ဘဝကောက်ကြောင်း

ဧရာဝတီ


အမျိုးသား ဒီမိုကရေစီအဖွဲ့ချုပ်(NLD) ဗဟိုဥပဒေအထောက်အကူပြုအဖွဲ့မှ ရှေ့နေဦးကိုနီ(အသက် ၆၅နှစ်)ရဲ့ ရုပ်ကလပ်ဟာ ယနေ့ ညနေ ၄နာရီမှာ ရေဝေးသုဿန်က မွတ်ဆလင်သင်္ချိုင်းမှာ သဂြိုလ်ဖို့ ရောက်ရှိနေပြီဖြစ် ပါတယ်။

နာရေးကိုတက်ရောက်လာတဲ့ NLD ပါတီ နာယက ဦးဉာဏ်ဝင်းကတော့ “မကြုံချင်တဲ့ နေ့တနေ့ပါ”ဆိုတဲ့ စကား တခွန်းကို ပြောသွားခဲ့ပါတယ်။

တရားလွှတ်တော် ရှေ့နေ ဦးကိုနီကို ဖခင် ဦးစူလတန်၊ မိခင် ဒေါ်ခင်လှ (ခ)ဒေါ်ဟလီမာတို့က စစ်ကိုင်းတိုင်း ဒေသကြီး၊ ကသာမြို့နယ်၊ အင်းရွာမှာမွေးဖွားခဲ့ပါတယ်၊ သူဟာ တက္ကသိုလ်ဝင်တန်း စာမေးပွဲကို ကသာမြို့ အထက ၁ ကျောင်း ကနေအောင်မြင်ခဲ့ပြီး ရန်ကုန်ဝိဇ္ဇာ-သိပ္ပံ တက္ကသိုလ်မှ ၁၉၇၅ ခုနှစ်မှာ B.A(Law) ဘွဲ့၊ ၁၉၇၆ ခုနှစ်မှာ LL.B ဘွဲ့ရရှိခဲ့ပါတယ်။

၁၉၇၅- ၁၉၇၆ ပညာသင်နှစ် အတွင်းမှာ ရန်ကုန်တက္ကသိုလ် ဥပဒေ အသင်းကြီးရဲ့ဒုတိယဥက္ကဋ္ဌ အဖြစ် တာဝန် ထမ်းဆောင်ခဲ့ပြီး၊ ၁၉၇၇ ခုနှစ်ကနေ ၁၉၇၉ ခုနှစ်အတွင်း ရန်ကုန် အဝေးသင်တက္ကသိုလ် ဥပဒေပညာဌာန မှာ နည်းပြဆရာ အဖြစ်တာဝန်ထမ်းဆောင်ခဲ့ပါတယ်။ တက္ကသိုလ် နည်းပြ ဘဝမှာပဲ ရှေ့နေကြီး ဆရာဦးကိုယုထံမှာ အလုပ်သင် ရှေ့နေ၊ အမှုလိုက် ရှေ့နေ စတဲ့တာဝန်များကိုလည်း ပူးတွဲထမ်းဆောင်ခဲ့ပါတယ်။

ကျောင်းဆရာ အလုပ်ကို ဝါသနာပါ နှစ်သက်တဲ့အတွက် မေတ္တာဖြင့်ဟောပြောပို့ချမှုများကိုလည်း တတ်နိုင်သမျှ ပြုလုပ်ခဲ့သလို ၁၉၉၅ ခုနှစ်ကစပြီး Laurel Law Firm ကို တရားဝင် မှတ်ပုံတင် တည်ထောင်ကာ ဥက္ကဋ္ဌ အဖြစ် တာဝန်ယူ ထမ်းဆောင်ခဲ့ပါတယ်။

သူမကွယ်လွန်မီ အချိန်ထိ NLD ပါတီရဲ့ ဥပဒေအကြံပေး အဖြစ် တာဝန်ထမ်းဆောင်ခဲ့ပြီး၊ သူဟာ ၂၀၁၂ ခုနှစ် ကြားဖြတ်ရွေးကောက်ပွဲ ကာလက စတင်ပြီး အခြေခံဥပဒေ ပြင်ဆင်ရေး လုပ်ငန်းစဉ်တွေမှာ တက်တက်ကြွကြွ ပြောဆိုခဲ့သလို White ကတ် ကိစ္စ နဲ့ ပတ်သက် ပြီးလည်း ဝေဖန် သုံးသပ်ခဲ့သူပါ။

NLD ပါတီ ဗဟိုအလုပ် အမှုဆောင် ဦးဝင်းထိန်ကတော့ ဦးကိုနီက ပါတီမှာဥပဒေပိုင်း ကိစ္စ ရပ်တွေမှာ အားကိုး ရတဲ့ ပုဂ္ဂိုလ် ဖြစ်ပြီးခေါင်းဆောင်ပိုင်းအပေါ် အကြံပေးလေ့ ရှိကြောင်း၊ ပါတီရဲ့ ခေါင်းဆောင်ပိုင်းနေရာမှာ မပါ ဝင်ပေမယ့် ဥပဒေကြောင်းအရ အရေးပါတဲ့ ဆုံးဖြတ်ချက်များ၊ဝေဖန်ချက်များကို ပေးနိုင်သူ တဦးဖြစ်တယ်လို့ ဧရာဝတီ ကို ပြောပြပါတယ်။

ဦးကိုနီသည် တရားခွင်မှ တိုက်ပွဲများ၊ ဖွဲ့စည်းပုံ အခြေခံ ဥပဒေကို ဘယ်လိုပြင်ကြမှာလဲ၊ လာမည့်ရွေးကောက် ပွဲမှာ မဲဘယ်လိုပေးမှာလဲ စတဲ့စာအုပ်များကို ရေးသား ထုတ်ဝေခဲ့ပါတယ်။

၂၀၁၇ ခုနှစ်၊ ဇန်နဝါရီ ၂၉ ရက် ညနေ ၅ နာရီခန့်က အင်ဒိုနီးရှားနိုင်ငံခရီးစဉ်က အပြန် ရန်ကုန် အပြည်ပြည် ဆိုင်ရာ လေဆိပ် အရောက်မှာ သေနတ်သမားကြည်လင်း ဆိုသူရဲ့ အနီးကပ် ပစ်ခတ် လုပ်ကြံ သတ်ဖြတ်ခြင်း ခံရပြီးကွယ်လွန်ခဲ့တာပါ။

တရုတ်ရိုးရာနှစ်သစ်ကူးပွဲတော်ကို စည်ကားအောင်ကျင်းပခွင့်ရ


တရားလွှတ်တော်ရှေ့နေ ဦးကိုနီ၏ ကိုယ်ရေးအကျဉ်း

မဇ္ဈိမ

တရားလွှတ်တော်ရှေ့နေ ဦးကိုနီအား အဖ ဦးစူလ်တန်၊ မိခင် ဒေါ်ခင်လှ(ခ) ဒေါ်ဟလီမာတို့မှ စစ်ကိုင်းတိုင်းဒေသကြီး၊ ကသာခရိုင်၊ ကသာမြို့နယ်၊ အင်းရွာကျေးရွာတွင် မွေးဖွားခဲ့သည်။ ကသာမြို့ အထက (၁) ကျောင်းမှ ၁၉၇၁ ခုနှစ်တွင် တက္ကသိုလ်ဝင်တန်းအောင်မြင်ခဲ့ပြီး ရန်ကုန်ဝိဇ္ဇာနှင့်သိပ္ပံတက္ကသိုလ်တွင် ပညာဆည်းပူးခဲ့ကာ ၁၉၇၅ ခုနှစ်တွင် B.A(Law) ဘွဲ့ရရှိခဲ့သည်။ ၁၉၇၆ ခုနှစ်တွင် LL.B ( ဥပဒေဘွဲ့) ကို ရရှိခဲ့သည်။

၁၉၇၅- ၁၉၇၆ ပညာသင်နှစ်တွင် ရန်ကုန်တက္ကသိုလ် ဥပဒေအသင်းကြီး၏ ဒုဥက္ကဋ္ဌ အဖြစ်လည်းကောင်း၊ ၁၉၇၇ မှ ၁၉၇၉ ခုနှစ်အတွင်း ရန်ကုန်အဝေးသင်တက္ကသိုလ်၊ ဥပဒေပညာဌာနတွင် နည်းပညာဆရာအဖြစ် တာဝန်ထမ်းဆောင်ခဲ့သည်။

၁၉၇၆ ခုနှစ်တွင် ဥပဒေဘွဲ့ရရှိပြီးနောက် အဝေးသင်တက္ကသိုလ်တွင် နည်းပြဆရာအဖြစ် ထမ်းဆောင်ရင်း ဆရာကြီးဦးကိုယုထံတွင် အလုပ်သင်ရှေ့နေ၊ အမှုလိုက်ရှေ့နေအဖြစ် လုပ်ကိုင်ခဲ့ကာ၁၉၉၅ ခုနှစ်တွင် Laurel Law Firm ကို တရားဝင်မှတ်ပုံတင်ပြီး ဥက္ကဋ္ဌအဖြစ် ဆောင်ရွက်ခဲ့သည်။

ဇနီး ဒေါ်တင်တင်အေးနှင့် သားသမီး ၃ ဦး ရှိပြီး သမီးကြီး ဒေါက်တာယဉ်နွယ်ခိုင်၊ ဒေါက်တာအေးသီခိုင်၊ သားငယ် ကိုသန့်ဇင်ဦး (စင်ကာပူ) တို့ဖြစ်ပြီး အမှတ် ၁၈၀ (အပေါ်ဆုံးထပ်)၊ ၃၇ လမ်း(အလယ်)၊ ကျောက်တံတားမြို့နယ်၊ ရန်ကုန်မြို့တွင် နေထိုင်ကာ ယနေ့ ကွယ်လွန်ချိန်တွင် အသက် ၆၁ နှစ်ရှိပြီဖြစ်သည်။

အမျိုးသားဒီမိုကရေစီအဖွဲ့ချုပ်ပါတီ၏ ဗဟိုဥပဒေအဖွဲ့ အဖွဲ့ဝင် တရားလွှတ်တော်ရှေ့နေလည်း ဖြစ်ပြီး ပြန်ကြားရေးဝန်ကြီးဌာန၏ အင်ဒိုနီးရှားလေ့လာရေးခရီးစဉ်လိုက်ပါပြီး လေဆိပ်ပြန်လည်ရောက်ရှိလာစဉ် သေနတ်နှင့် ပစ်ခတ်လုပ်ကြံခံရခြင်းဖြစ်သည်။

ဦးကိုနီ ဖြစ်စဉ်ကြောင့် နိုင်ငံ့ခေါင်းဆောင်တွေ လုံခြုံရေးကို တိုးမြှင့်ပေးသွားဖို့ တိုက်တွန်း



အကြံသစ် ဉာဏ်သစ်များနဲ့ ပေါ်ထွက်လာနေတဲ့ လူငယ်စွန့်ဦးတီထွင်လုပ်ငန်းရှင်တွေ

တင်ထက်ပိုင်


မြန်မာနိုင်ငံမှာ စီးပွားရေးအခွင့်အလမ်းတွေ ပွင့်လင်းလာတဲ့အလျောက် စွန့်ဦးတီထွင်လုပ်ငန်းရှင်တွေလည်း အများအပြား ပေါ်ထွန်းလာပါတယ်။

ပြီးခဲ့တဲ့နှစ် အောက်တိုဘာလမှာ မြန်မာနိုင်ငံရဲ့ပထမဆုံး စွန့်ဦးတီထွင်စွမ်းဆောင်ရှင်များညီလာခံကို နေ ပြည်တော်မှာ မြန်မာနိုင်ငံလူငယ်စွန့်ဦးတီထွင်လုပ်ငန်းရှင်များ အသင်း (MYEA) က ဦးဆောင်ပြီး ကျင်းပ နိုင်ခဲ့ပါတယ်။

ဖွံ့ဖြိုးဖို့ အရှိန်ယူနေတဲ့ နိုင်ငံရဲ့စီးပွားရေးလောကထဲမှာ ငယ်ရွယ်တဲ့ စွန့်ဦးတီထွင်လုပ်ငန်းရှင်တွေဟာ တီထွင် ဆန်းသစ်မှု အခြေခံတဲ့ ခြေလှမ်းတွေနဲ့ လုပ်ငန်းနယ်ပယ်အသီးသီးမှာ ခြေကုပ်ယူဖို့ ကြိုးစားနေကြပါပြီ။

ဒီထဲမှာ Mamper လို့ ခေါ်တဲ့ ကုမ္ပဏီလည်း အပါအဝင် ဖြစ်ပါတယ်။ Mamper ဟာ ကုမ္ပဏီတွေအတွက် ပရို မိုးရှင်းလက်ဆောင်ပစ္စည်း အမျိုးမျိုးကို ဒီဇိုင်းကစပြီး နောက်ဆုံးထုပ်ပိုးမှုပုံစံအထိ စီစဉ်ပြုလုပ်ပေးတဲ့ Start-up ကုမ္ပဏီ ဖြစ်ပါတယ်။

“ကိုယ့်ရဲ့Brand ကို အော်ပြီးပေးတဲ့ ပစ္စည်းတွေ လက်ဆောင်တွေပေါ့” လို့ တည်ထောင်သူ မမေမွန်သူက Mamper ရဲ့လက်ဆောင်ပစ္စည်းတွေအကြောင်း ဧရာဝတီကို ပြောပြပါတယ်။

အမှတ်တံဆိပ်ကို ကျယ်ကျယ်လောင်လောင် အော်ပြီးပေးတယ်ဆိုတာဟာ ဖောက်သည်တွေကို ပေးလိုက်တဲ့ ပရိုမိုးရှင်းလက်ဆောင်ပစ္စည်းတွေမှာ ကုမ္ပဏီတွေရဲ့ အမှတ်တံဆိပ်တွေကို မြင်သာထင်သာရှိအောင် ဆွဲ ဆောင်မှုရှိရှိ တီထွင်ဖန်တီးပေးတာ ဖြစ်တယ်လို့ မမေမွန်သူက ရှင်းပြပါတယ်။

Mamper ကို မမေမွန်သူနဲ့အတူ ကိုကျော်ထက်နိုင်နဲ့ ကိုပြည်စိုးသိမ်းတို့က အတူတူ တည်ထောင်ထားတာ ဖြစ်ပါတယ်။ လွန်ခဲ့တဲ့ ၂နှစ်၊၂၀၁၅ ခုနှစ် အစောပိုင်းမှာ သူတို့ ၃ယောက်ဟာ မတူတဲ့ နိုင်ငံ ၃နိုင်ငံမှာ နေရင်း နဲ့ပဲ ဒီ Mamper ကို စလုပ်ဖို့ စိတ်ကူးရခဲ့ကြတာ ဖြစ်ပါတယ်။

မမေမွန်သူဟာ ထိုင်းနိုင်ငံမှာ ဆက်သွယ်ရေးကုမ္ပဏီတွေအတွက် အလုပ်လုပ်ပေးရင်း ဒီကုမ္ပဏီတွေမှာ သူ တို့ဖောက်သည်တွေအတွက် ထူးထူးခြားခြား ပစ္စည်းလေးတွေ လက်ဆောင်ပေးတတ်တဲ့အလေ့အထ ရှိတာ ကို သင်ယူခဲ့ရပါတယ်။ ဒါပေမယ့် ဒီလိုအလေ့အထက မြန်မာပြည်ရဲ့ ကုမ္ပဏီတွေမှာ သိပ်ခေတ်မစားသေး တာကိုလည်း သတိထားလိုက်မိပါတယ်။

တချိန်တည်းမှာပဲ ထိုင်းလူမျိုး သူငယ်ချင်းတယောက်က အရည်အသွေးကောင်းကောင်းနဲ့ ရာဘာပျော့သော့ ချိတ်ပုံစံအမျိုးမျိုး ရောင်းမယ်ဆိုတော့ အဲဒီရာဘာသော့ချိတ်တွေကို မြန်မာပြည်မှာ ဖြန့်ချိရောင်းချခဲ့ပါသေး တယ်။

ဒီသော့ချိတ်တွေကို မတူတဲ့ ဒီဇိုင်းအမျိုးမျိုးနဲ့ မှာယူအားပေးတဲ့သူတွေ တဖြည်းဖြည်း များလာပြီး ဒီလိုသော့ ချိတ် တမျိုးတည်းမဟုတ်ဘဲ တခြားပရိုမိုးရှင်း လက်ဆောင်ပစ္စည်းအမျိုးမျိုးကိုလည်း ဖောက်သည်တွေ မှာ တဲ့ပုံစံအတိုင်း ကိုယ်တိုင်ဒီဇိုင်းဆွဲပြီး ရောင်းရင် ဖြစ်နိုင်တယ်ဆိုတဲ့ စိတ်ကူးနဲ့ မမေမွန်သူ Mamper ကို စတင် တည်ထောင်လိုက်ပါတယ်။

Mamper ကို စတည်ထောင်မယ်ဆိုတော့ သူမက ထိုင်းမှာ ရှိနေပြီး သူမရဲ့ အကိုဝမ်းကွဲတော်စပ်တဲ့ကို ကျော် ထက်နိုင်က သြစတေးလျမှာပဲ ရှိပါသေးတယ်။ သူငယ်ချင်းဖြစ်တဲ့ ကိုပြည်စိုးသိမ်းကတော့ စင်ကာပူကနေ မြန်မာပြည်ကို ပြန်ရောက်နေခဲ့ပါပြီ။

“၃ယောက်လုံးက တနိုင်ငံဆီမှာဆိုတော့ ဖြစ်ပါ့မလားဆိုပြီး တွေးလိုက်သေးတယ်၊ ဒါပေမယ့် ဖြစ်တယ်၊ ရ တယ်၊ ရအောင် လုပ်မယ်ဆိုပြီး အွန်လိုင်းကနေပဲ နေ့တိုင်း တိုင်ပင်ပြောဖြစ်ခဲ့ကြတယ်”

ခရီးကြမ်းကြမ်း အစခြေလှမ်း

Mamperရဲ့တည်ထောင်သူတွေလိုပဲ နောက်ထပ်လူငယ်စွန့်ဦးတီထွင်လုပ်ငန်းရှင်တယောက်က အွန်လိုင်း ဟို တယ်ဘွတ်ကင် ဝက်ဘ်ဆိုဒ် lodggy.com ကို တည်ထောင်ထားတဲ့ ကိုအောင်သန်းတိုး ဖြစ်ပါတယ်။

Lodggy.com ဟာ မြန်မာနိုင်ငံမှာရှိတဲ့ ဈေးနှုန်းသင့်ဟိုတယ်တွေနဲ့ တည်းခိုခန်းတွေကို နိုင်ငံခြားသွား ခရီး သွားနဲ့ ပြည်တွင်းဧည့်သည်တွေ အွန်လိုင်းကနေ ကြည့်ပြီး အလွယ်တကူ ဘွတ်ကင်လုပ်နိုင်တဲ့ ဝက်ဘ်ဆိုဒ် တခု ဖြစ်ပါတယ်။

၂၀၁၁ ခုနှစ်နောက်ပိုင်း မြန်မာနိုင်ငံကို နိုင်ငံခြားသားခရီးသွားတွေ စိတ်ဝင်စားမှု အရမ်းများလာပြီး လာ ရောက်လည်ပတ်မှု ချက်ချင်းကို မြင့်တက်လာတာကို သတိထားမိခဲ့ပါတယ်။ တချိန်တည်းမှာပဲ မြန်မာနိုင်ငံမှာ အွန်လိုင်းကနေ ဘွတ်ကင်တင်လို့ရတဲ့ ဟိုတယ်တွေဟာ များသောအားဖြင့် ဈေးအရမ်းကြီးပြီး ဈေးသက်သာ တဲ့ တည်းခိုခန်းတွေက အွန်လိုင်းပေါ်မှာ ရှိမနေဘူးလို့ စင်ကာပူက သူငယ်ချင်းတယောက်က ကိုအောင်သန်း တိုးဆီ လာညည်းညူပါတယ်။

“စိတ်ကူးက အဲဒီကနေ စရတာ၊ နိုင်ငံထဲက အသေးစား တည်းခိုခန်းတွေကို အွန်လိုင်းပေါ် ရောက်အောင် တင်ပေးပြီး ပြည်တွင်းခရီးသွားတွေလည်း ဒီတည်းခိုခန်းတွေမှာ အွန်လိုင်းကနေတဆင့် အကြွေးဝယ်ကတ် တွေ ဘာတွေမလိုဘဲ ဘွတ်ကင်တင်လို့ရအောင် လုပ်ပေးမယ်ဆိုတဲ့ စိတ်ကူးပေါ့” လို့ ကိုအောင်သန်းတိုးက ပြန်ပြောပြပါတယ်။

ဒီလိုမျိုး အလားတူ တခြားအွန်လိုင်းဝက်ဘ်ဆိုက်တွေ ရှိပေမယ့် ယေဘုယျဆန်ဆန်ပဲ တင်ပေးထားပြီးတော့ Lodggy လိုမျိုး မြန်မာတွေရဲ့ ထူးခြားတဲ့ အခြေအနေတွေအကြောင်း သေချာနားမလည်ကြဘူးလို့ သူက ဆက်ပြောပါတယ်။

“Lodggy ကတော့ ပြည်တွင်းအခြေအနေကို သေချာနားလည်ပြီး ဒီနိုင်ငံနဲ့ဒီနိုင်ငံထဲက လူတွေရဲ့လိုအပ်ချက် နဲ့စိန်ခေါ်မှုတွေကို သေချာနားလည်တဲ့ ပြည်တွင်း Start-up ကုမ္ပဏီတခု ဖြစ်ပါတယ်”

စွန့်ဦးတီထွင်မှု လုပ်ငန်းတွေရဲ့ အခက်အခဲများ

မြန်မာလူငယ် စွန့်ဦးတီထွင်စွမ်းဆောင်ရှင်များအသင်းက ၂၀၁၆ ခုနှစ် အောက်တိုဘာလက ထုတ်ခဲ့တဲ့ အစီ ရင်ခံစာအရဆိုရင် ဒီနိုင်ငံအတွင်းမှာရှိတဲ့ စွန့်ဦးတီထွင်သူတွေရဲ့ တဝက်ကျော်ကျော်ဟာ ကုမ္ပဏီတခုမက တည်ထောင်ခဲ့ဖူးပြီး အများစုက မိသားစုရဲ့ ငွေကြေးကျောထောက်နောက်ခံ ရှိသူတွေ ဖြစ်တယ်လို့ သိရပါ တယ်။ သုတေသနပြုခဲ့တဲ့ လုပ်ငန်း ၃၆၅ ခု ရဲ့ ၄၆ ရာခိုင်နှုန်းကို အမျိုးသမီး စွမ်းဆောင်ရှင်တွေက ဦးဆောင် တာ ဖြစ်တယ်လို့လည်း ဆိုထားပါတယ်။

အစီရင်ခံစာက သုတေသနပါ စွန့်ဦးတီထွင်လုပ်ငန်းရှင်အားလုံးဟာ ငွေကြေးအရင်းအနှီးရဖို့ ချေးငွေအတွက် နဲ့ ကျွမ်းကျင်လုပ်သား ရရှိရေးအတွက် အခက်အခဲတွေ ရှိတယ်လို့လည်း ဆိုထားပါတယ်။ ၁၀ ရာခိုင်နှုန်း လောက်ပဲ အစိုးရရဲ့အထောက်အပံ့ ရခဲ့ကြတယ်လို့ ဖော်ပြထားပါတယ်။

နီးစပ်ရာဆွေမျိုးကောင်းစားရေးဝါဒ အမြစ်စွဲခဲ့တဲ့ မြန်မာနိုင်ငံရဲ့စီးပွားရေးမှာ ပြီးခဲ့တဲ့ ဆယ်စုနှစ်တွေတုန်းက အစိုးရ အရာရှိတွေနဲ့ ခင်မင်ရင်းနှီးတဲ့ ခရိုနီနဲ့ ရေပေါ်စီအချို့သာ စီးပွားရေးအခွင့်အလမ်းတွေ ရရှိခဲ့ကြတာ ဖြစ်ပြီး ငွေကြေးကျောထောက်နောက်ခံမရှိတဲ့ စွန့်ဦးတီထွင်သူတွေဟာ လုပ်ငန်းလုပ်ကိုင်ဖို့ အင်မတန် ရုန်း ကန်ခဲ့ကြရပါတယ်။

“တခြား ပိုက်ဆံအရမ်းချမ်းသာတဲ့ မိသားစုတွေက သားသမီးတွေလို ကျနော်တို့မှာ အရင်းအနှီးအတွက် ငွေ ကြေးအလုံးအရင်း မရှိဘူး၊ ကိုယ့်အတွေ့အကြုံတွေနဲ့ ကိုယ့်ဘာသာပဲ ရုန်းကန်ကြရတယ်။ ဘဏ်တွေမှာ ချေး ငွေရဖို့ကလည်း မလွယ်ဘူး။ စာရွက်စာတမ်းတွေ အများကြီး ပြရတယ်၊ အဆင့်တွေ အများကြီးပဲ” လို့ Mamper ရဲ့ အမှုဆောင်ဒါရိုက်တာ ကိုကျော်ထက်နိုင်က ရှင်းပြပါတယ်။

ဒါပေမယ့် Mamper အတွက် ခေါင်းအကိုက်ဆုံး ကိစ္စတခုကတော့ ငွေကြေးအရင်းအနှီး ပြဿနာ မဟုတ်ပါ ဘူး။ ကုမ္ပဏီတွေကို ပရိုမိုးရှင်းလက်ဆောင်ပစ္စည်းတွေအတွက် ထိုက်သင့်တဲ့ ငွေကြေးသုံးစွဲဖို့နဲ့ ဒီလိုသုံးစွဲ တာဟာ ကုမ္ပဏီအတွက် အကျိုးရှိတယ်ဆိုတာကို ရှင်းပြရတာ ဖြစ်တယ်လို့ ဆိုပါတယ်။

“ကိုယ့်ရဲ့Brand က ဘယ်လောက်တန်တယ်ဆိုတာက ကိုယ်ပေးလိုက်တဲ့ လက်ဆောင်ရဲ့ တန်ဖိုးနဲ့ တိုက် ရိုက်အချိုးကျနေတယ်” လို့ Mamper ရဲ့ အမှုဆောင် အရာရှိချုပ် ကိုပြည်စိုးသိမ်းက ရှင်းပြပါတယ်။

“ကိုယ့်ရဲ့တံဆိပ်ကို လူတွေက သေသေချာချာ တန်ဖိုးထားစေချင်တယ်ဆိုရင် အမှတ်တရ ရှိစေချင်တယ်ဆို ရင် ကိုယ်ပေးတဲ့လက်ဆောင်ဟာ သူတို့အတွက် အသုံးလည်း ဝင်ရမယ်၊ အရည်အသွေးလည်း ကောင်းရ မယ်၊ ထူးလည်း ထူးခြားရမယ်” လို့ ကိုပြည်စိုးသိမ်းက ပြောပါတယ်။

လတ်တလောမှာ မြန်မာကုမ္ပဏီတော်တော်များများဟာ ပရိုမိုးရှင်းလက်ဆောင်ပစ္စည်းတွေအဖြစ် တီရှပ်၊ သော့ချိတ်၊ ထီး၊ ခွက် အစရှိတာတွေ ပေးတတ်ကြပြီး ဒီပစ္စည်းတွေပေါ်မှာ ကုမ္ပဏီတံဆိပ်ကို ရိုက်နှိပ်ပေးတဲ့ ဆိုင်တွေလည်း အများအပြား ရှိနေပါတယ်။ ဒါပေမယ့် Mamper ကတော့ ဒီလိုမျိုး သမာရိုးကျထဲက ခွဲထွက် ပြီး ဖန်တီးပြချင်တယ်လို့ ဆိုပါတယ်။

ကုမ္ပဏီတခုချင်းစီအတွက် ကုမ္ဗဏီတွေရဲ့ တံဆိပ်အမှတ်အသားနဲ့ ကုမ္ပဏီတွေက ဖောက်သည်တွေကို ပြော ချင်တဲ့ သတင်းစကားတွေကို ဒီဇိုင်းတွေ၊ အရောင်အသွေးတွေနဲ့ ကုမ္ပဏီရဲ့ပရိုမိုးရှင်း လက်ဆောင်ပစ္စည်း တွေမှာ ရောင်ပြန်ဟပ်ထည့်သွင်းပေးတဲ့ ဝန်ဆောင်မှုမျိုးကို ပေးတာ ဖြစ်တယ်လို့ ကိုကျော်ထက်နိုင်က ရှင်း ပြပါတယ်။

ကုမ္ပဏီတွေက ကျနော်တို့ကို ကတ်တလောက်ပြ၊ ဈေးပြောဆိုပြီး ဒီလက်ဆောင်ပစ္စည်းတွေကို မအပ်စေ ချင် ဘူး၊ အဲဒီလိုမျိုး ဘောင်ခတ်မထားချင်ဘူး၊ ကုမ္ဗဏီတခုက ဒီလိုမျိုးလုပ်ရင် ကိုယ်က မတူအောင် ဘယ်လို ဒီ ဇိုင်း လုပ်မလဲ၊ အဲဒီလိုမျိုး လုပ်ခိုင်းစေချင်တယ် လို့ ကိုကျော်ထက်နိုင်က ပြောပါတယ်။

Lodggy ရဲ့တည်ထောင်သူ ကိုအောင်သန်းတိုး ရင်ဆိုင်ရတဲ့ အခက်အခဲတွေကတော့ ကျွမ်းကျင်လုပ်သား ရှာဖွေရတာနဲ့ ငွေကြေးအရင်းအနှီး ရှာဖွေရတာ ဖြစ်တယ်လို့ ဆိုပါတယ်။

“နိုင်ငံဟာ ဆယ်စုနှစ်ပေါင်းများစွာ ပိတ်ဆို့အမှောင်ချခံခဲ့ရတော့ လူသားအရင်းအမြစ်တွေ သိပ်ကို ရှားပါးကုန် ပါတယ်။ ဝက်ဘ်ဆိုဒ်အတွက် အသင့်တော်ဆုံး developer ရှာရတာက ခေါင်းအကိုက်ဆုံး အလုပ်တခုပါပဲ” လို့ ကိုအောင်သန်းတိုးက ဆိုပါတယ်။

ဘဏ်တွေက ချေးငွေကို အာမခံ (အပေါင်) မရှိဘဲ မပေးတာကလည်း သူ့အတွက် ကြီးမားတဲ့ နောက်ထပ် ပြ ဿနာတခုလို့ ပြောပါတယ်။

ရေရှည်ရပ်တည်ရေး

လူငယ်စွန့်ဦးတီထွင်သူ အများအပြားဟာ လုပ်ငန်းတွေ စတည်ထောင်လာကြပေမယ့် အနည်းငယ်ကပဲ ရေ ရှည်ရပ်တည်နိုင်ကြပါတယ်။ MYEA ကတော့ အစိုးရဘက်က တိကျတဲ့ မူဝါဒ ဒါမှမဟုတ် ဥပဒေတခု ချမှတ် ပေးပြီး စွန့်ဦးတီထွင်လုပ်ငန်းတွေကို မြေတောင်မြှောက်ပေးသင့်တယ်လို့ တိုက်တွန်းထားပါတယ်။

လုပ်ငန်းအချင်းချင်း ပူးပေါင်းဆောင်ရွက်မှုတွေမှာ ကျင့်ဝတ်စောင့်ထိန်းဖို့၊ လူငယ်တွေရဲ့လုပ်ကိုင်နိုင်စွမ်း အ ပေါ် လူကြီးတွေက ယုံကြည်ပေးဖို့နဲ့ ဖောက်သည်တွေအပေါ် စိတ်ကောင်းစေတနာထားဖို့တွေက လူငယ်တွေ ဦးဆောင်တဲ့ စွန့်ဦးတီထွင်လုပ်ငန်းတခု ရေရှည်ရပ်တည်ရာမှာ မရှိမဖြစ် လိုအပ်တယ်လို့ Mamper အဖွဲ့သား တွေက ရှင်းပြပါတယ်။

“ကိုယ်က ဖောက်သည်နေရာက ဝင်စားသုံးပေးဖို့ လိုတယ်၊ ငါသာဆိုရင် ဘယ်လိုမျိုးလိုချင်မလဲဆိုတဲ့ စေတ နာက အရမ်းအရေးကြီးတယ်၊ ငါသာဆို ဒါကို ဝယ်မလား၊ ယူမလားပေါ့” ဟု ကိုကျော်ထက်နိုင်က ပြော သည်။

“စေတနာက ကျန်တဲ့ပစ္စည်းတွေ ဈေးတွေစတဲ့ ဆွဲဆောင်မှုတွေထက် ပိုပြီး ထိရောက်တယ်” ဟု ကိုပြည်စိုး သိမ်းက ပြောပါတယ်။

“ကျနော်တို့အတွက်ကတော့ ဟိုတယ်ပိုင်ရှင်တွေနဲ့ ခရီးသည်ဖောက်သည်တွေရဲ့ အကြံပေးမှုက အရေးကြီး ပါတယ်၊ သူတို့ အကြံပေးတာတွေကို ကျနော့်ရဲ့ဝက်ဘ်ဆိုက် အဆင့်မြှင့်တဲ့အခါတိုင်း ထည့်သွင်းစဉ်းစား ပေးရပါတယ်” လို့ ကိုအောင်သန်းတိုးက ဆိုပါတယ်။

NLD ဥပဒေအကြံပေး ရှေ့နေကြီး ဦးကိုနီ လေဆိပ်မှာ သေနတ်နဲ့ လုပ်ကြံခံရ


မကွေးတိုင်းဒေသကြီး လူငယ်စင်တာဖွင့်ပွဲနှင့် ရှေ့ဆက်ဆောင်ရွက်မည့် စီမံကိန်းများ ရှင်းလင်း

တင်ရွှေ(မဇ္ဈိမ)

မကွေးတိုင်းဒေသကြီး လူငယ်စင်တာဖွင့်ပွဲနှင့် ရှေ့ဆက်ဆောင်ရွက်မည့် စီမံကိန်းများ ရှင်းလင်းတင်ပြခြင်းအား ယနေ့ ဇန်နဝါရီ(၂၉)ရက် နံနက်ပိုင်းက မကွေးမြို့ အောင်စေတနာရပ်ကွက် (၃)လမ်းရှိ မကွေးတိုင်းဒေသကြီး လူငယ်ကွန်ရက်ရုံးတွင် ကျင်းပပြုလုပ်ခဲ့သည်။

အဓိက ကျင်းပရခြင်း ရည်ရွယ်ချက်မှာ မကွေးတိုင်းဒေသကြီး လူငယ်ကွန်ရက်၏ ရှေ့ဆက်ဆောင်ရွက်မည့် စီမံကိန်းများအား ပါဝင်ပတ်သက်သူများ ပိုမိုသိရှိလာစေရန်နှင့် ကူညီပံ့ပိုးမှုများ ရရှိနိင်စေရန်၊ သစ်တောများ
ရေရှည်တည်တံရေး ထိန်းသိမ်းနိင်ရန်နှင့်ဒေသခံများ အလုပ်အကိုင် အခွင့်လမ်း ရရှိစေနိင်ရန် ရည်ရွယ်၍ ပြုလုပ်ခြင်းဖြစ်ကြောင်း တိုင်းဒေသကြီးလူငယ်ကွန်ရက်ထံမှ သိရှိရသည်။

“ တိုင်းဒေသကြီး လူငယ်ကွန်ရက် ဆောင်ရွက်ခဲ့တဲ့ လုပ်ငန်းတွေနဲ့ ရှေ့ဆောင်ရွက်မယ့် လုပ်ငန်းစဉ်တွေကို ကျွန်တော်က ရှင်းလင်းတင်ပြတယ် ။ ရုံးတာဝန်ခံ ကိုဇင်မင်းထိုက်က တိုင်းဒေသကြီးနဲ့ ဝါစိုက်ပျိုးခြင်း၊ တန်ဖိုးမြှင့်ပစ္စည်များ ထုတ်လုပ်ရောင်းချခြင်းနဲ့ ဒေသတွင်း အလုပ်အကိုင် အခွင့်အလမ်းများ အကြောင်း ပြောတယ်။ ပုဂံက ဝါးလက်မှုပညာရှင် ကိုဇော်လွင်ဦးက ဝါးလက်မှုပစ္စည်း ထုတ်လုပ်ရောင်းချမှုဆိုင်ရာအတွေ့အကြုံတွေကို ရှင်းလင်းပြောပါတယ်” ဟု တိုင်းဒေသကြီး လူငယ်ကွန်ရက် ညှိနိင်းရေးမှူး ကိုသင့်ထက်ဝေက မဇ္ဈိမသို့ ပြောသည်။

“သဘာဝပတ်ဝန်ကျင် ထိန်းသိမ်းရေးအတွက် လူငယ်တွေ အင်အားအများကြီးလိုပါတယ် အခုလူငယ်တွေ စိတ်ဓာတ်ကို များစွာဂုဏ်ယူပါတယ်။ အားလည်းပေးတယ်။ ပူးပေါင်းဆောင်ရွက်သွားမယ်” ဟု မကွေးတိုင်းဒေသကြီးအစိုးရအဖွဲ့ သဘာဝပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာန ဝန်ကြီးဦးမြင့်ဇော်က ပြောသည်။

အဆိုပါ လူငယ်ကွန်ရက်ဖိုရမ်သို့ မကွေးတိုင်းဒေသကြီးအစိုးရအဖွဲ့ သဘာဝပတ်ဝန်းကျင်ထန်းသိမ်းရေးနှင့် သစ်တောရေးရာဝန်ကြီး ဦးမြင်ဇော်နှင့် တာဝန်ရှိသူများ၊ အရပ်ဘက် လူမှုရေးအဖွဲ့အစည်းများနှင့် မကွေးတိုင်း(၂၅)မြို့နယ်မှ လူငယ်ကွန်ရက်အဖွဲ့ဝင်များ စုစုပေါင်း လူအင်အား(၈၀)ဦး တက်ရောက်ခဲ့ကြောင်း သိရှိရသည်။

ဦးကိုနီလုပ်ကြံခံရမှုကြောင့် ခေါင်းဆောင်များ လုံခြုံရေးမြှင်တင်ရန် အကြံပေးမည်ဟု ဦးဝင်းထိန်ပြော

ဧရာဝတီ


အမျိုးသားဒီမိုကရေစီအဖွဲ့ချုပ်(NLD)ဥပဒေအကြံပေးတရားလွှတ်တော်ရှေ့နေ ဦးကိုနီလုပ်ကြံခံရခြင်းမှာ အစားထိုးမရ သောဆုံးရှုံးမှုဖြစ်ကြောင်း၊ ထို့အတွက် လက်ရှိခေါင်းဆောင်များ၏ လုံခြုံနှင့်ပတ်သက်၍ မြှင့်တင်ရန် အကြံပေးမည် ဖြစ် ကြောင်း ဗဟိုအလုပ်အမှုဆောင် ဦးဝင်းထိန်က ဧရာဝတီသို့ပြောသည်။

“မြန်မာနိုင်ငံမှာ အခုလို လုပ်ကြံတဲ့အကြမ်းဖက် ကိစ္စတွေကို ဒေါ်အောင်ဆန်းစုကြည် ကိုယ်တိုင်လည်းလုံးဝအားမပေး ဘူး။ ဒါက အင်မတန်ဆိုးဝါးတဲ့ ဖြစ်ရပ် တခုပဲ။ ဦးကိုနီဟာ နိုင်ငံရေး အရ ဘာအန္တရာယ်မှ မရှိတဲ့ ပုဂ္ဂိုလ်၊ အဲဒီလို ပုဂ္ဂိုလ်ကို ဘယ်သူတွေက ထိုးနှက်ချင်တာလဲဆိုတာ အဖြေပေါ်လာတော့မှာပါ။ ခရီးစဉ်က အပြန်မှာ အနီးကပ် သွေးအေးအေးနဲ့ လုပ်သွားတာ။ သတ်ပြီး အေးအေးဆေးဆေးနဲ့ ထွက်သွားတာကို အနားက လူတွေ ဝိုင်းဖမ်းလို့ မိတယ်” ဟု ဦးဝင်းထိန် က ဧရာဝတီသို့ ပြောသည်။

ဦးကိုနီသည် ပါတီအတွက် ဥပဒေပိုင်းဆိုင်ရာ ကိစ္စများတွင် အားကိုးအားထားရသူ ဖြစ်ကြောင်း၊ NLD ထိပ်ပိုင်း ခေါင်းဆောင်များကို အကြံပေးမှုများ ပြုလုပ်ပေးခဲ့သူ ဖြစ်ကြောင်း၊ ယခုဖြစ်ရပ်သည် စိတ်မကောင်းစရာ ဖြစ်သလို အစားထိုးမရသည့် ဆုံးရှုံးမှုဖြစ်ကြောင်း၊ လုံခြုံရေး ပိုင်းအရ ကြည့်ရှုမည်ဆိုပါက အန္တရာယ်ရှိကြောင်း၊ ဒီဖြစ်စဉ်ကြောင့် လက်ရှိခေါင်းဆောင်များရဲ့ လုံခြုံရေးကို တဆင့်မြှင့်ရန် အကြံပေးမည်ဖြစ်ကြောင်းလည်း ဦးဝင်းထိန်ကဆိုသည်။

ဦးကိုနီနှင့် ကိုယ်စားလှယ် အဖွဲ့ဝင် ၂၁ ဦးသည် အင်ဒိုနီးရှားနိုင်ငံသို့ သွားရောက်ကာ Senior Leadership Program လေ့လာခဲ့ပြီးနောက် ယနေ့ ပြန်လည်ရောက်ရှိလာစဉ် ရန်ကုန်လေဆိပ်မှာ ကြည်လင်းဆိုသူ၏ ၉မမ ပစ္စတိုဖြင့် အနီးကပ်လုပ်ကြံခြင်းကို ခံခဲ့ရခြင်းဖြစ်သည်။

အဆိုပါ ကြည်လင်းဆိုသူအား ဖမ်းဆီးရမိရေးအတွက် ကူညီခဲ့သော တက္ကစီယာဉ်မောင်း ဦးနေဝင်းဆိုသူလည်း သေနတ်ဒဏ်ရာဖြင့် သေဆုံးခဲ့ရသည်။

သေနတ်ဖြင့် ပစ်သတ်သူမှာ တရုတ်လူမျိုး အသက် ၅၃ နှစ်အရွယ် ကြည်လင်းဆိုသူ ဖြစ်ပြီး မန္တလေးမြို့ မဟာအောင်မြေ မြို့နယ် ပုဏ္ဍားကုန်း ရပ်ကွက်၊ ၃၄ လမ်း မှ ဖြစ်ကြောင်း သိရသည်။ ၎င်းထံမှ ၉ မမ ပစ္စတို ၁ လက်၊ ၅ လုံးပြူး သေနတ်တလက်နှင့် စုစုပေါင်း ကျည် ၁၃ တောင့် ကို သိမ်းဆည်းရမိခဲ့ကြောင်း၊ တရားခံကို ရောမမာန်စားသောက်ဆိုင်ရှေ့တွင် ဖမ်းဆီးမိခဲ့ကြောင်း ရဲစစ်ချက်အရ သိရသည်။

လက်ရှိတွင် ဦးကိုနီနှင့် တရားခံကို ဝင်ရောက် ဖမ်းဆီးပေးရင်း သေဆုံးသွားသည့် ကိုနေဝင်း၏ အလောင်းများကို မြောက်ဥက္ကလာပ ဆေးရုံကြီး မှုခင်းဆေးပညာဌာနတွင် ထားရှိ စစ်ဆေးနေပြီး ရန်ကုန်တိုင်း ဝန်ကြီးချုပ် ဦးဖြိုးမင်းသိန်း လာရောက်နေကြောင်း၊ ဦးမြအေး၊ ဦးကိုကိုကြီးနှင့် သေဆုံးသူများ၏ မိသားစုဝင်များလည်း ရောက်ရှိနေသည်။

ဦးကိုနီ၏ ရုပ်ကလပ်ကို ရေဝေးသုဿန်ရှိ မွတ်ဆလင်သင်္ချိုင်းတွင် မနက်ဖြန်ညနေ ၄နာရီခွဲ၌ သင်္ဂြိုလ်မည်ဖြစ်ကြောင်း သိရသည်။

ယနေ့ မြန်မာ့ရေရာသတင်းများ January, 30th,2017

( 20 )ဆားလင်းကြီး အက်စစ်စက်ရုံ ဝန်ထမ်းအိမ်ရာ မီးလောင်၊ နေအိမ် ၁ လုံး ဆုံးရှုံး

( 19 )စစ်မှန်တဲ့ငြိမ်းချမ်းရေးဖော်ဆောင်ဖို့ အစိုးရကို ကချင်တိုက်တွန်း

( 18 )ဖြူးမြို့နယ်တွင် ဆိုင်ကယ်နှင့်ကား မျက်နှာချင်းဆိုင်တိုက်၊ ၂ ဦးသေ

( 17 )ဆိုရှယ် ဒီမိုကရက်တစ် ညီညွတ်ရေး တပ်ဦးက ၂၀၀၈ ဖွဲ့စည်းပုံ ဖျက်သိမ်းရေး ဆောင်ရွက်မည်ဟု ဆို

( 16 )ပြည်ထောင်စုနေ့ကို ဂုဏ်ပြုသည့်အနေဖြင့် ရှမ်းပြည်နယ်အစိုးရ ဝန်ကြီးများ အမှိုက်ကောက်

( 15 )ထိုင်း- မြန်မာနယ်စပ်အနီး မူးယစ်မှောင်ခိုအဖွဲ့နှင့် ထိုင်းစစ်တပ် ပစ်ခတ်မှုဖြစ်

( 14 )လမိုင်းမြို့တွင် မီးကြွင်းမီးကျန်မှတဆင့် နေအိမ် ၂ လုံး မီးလောင်ကျွမ်း

( 13 )မြောက်ပိုင်း စစ်ပွဲများ ရပ်တန့်ရန် လူသားချင်းစာနာမှု အဖွဲ့များ တောင်းဆို

( 12 )ပင်လည်ဘူးတွင် တရားမ၀င် တမလန်းသစ်များ ဖမ်းမိ

( 11 )ရန်ကုန်တိုင်းဝန်ကြီးချုပ် Bar Camp Yangon 2017 ဖွင့်ပွဲ တက်ရောက်

( 10 )ဂျပန် - မြန်မာချစ်ကြည်ရေး ချယ်ရီ ပန်းစိုက်ပျိုးပွဲတော် ဒေါ်အောင်ဆန်း စုကြည် တက်ရောက်

( 9 )FDA ထောက်ခံချက်မရှိတဲ့ ရေသန့် ၆ မျိုးကို တရားစွဲဆိုထား

( 8 )မြန်မာကို ကူညီမှု ကန် လျှော့ ချနိုင်ဟု တရုတ် ပြောကြား

( 7 )ဖေဖော်ဝါရီ ၄ ရက်နေ့မှာ ငြိမ်းချမ်းရေးလမ်းလျှောက်ပွဲ ကျင်းပမည်

( 6 )ရင်းနှီးမြှုပ်နှံရေး အခက်အခဲတွေ ဒေါ်အောင်ဆန်း စုကြည်ကို ဂျပန် တင်ပြ

( 5 )ဆိုရှယ်ဒီမိုကရက်တစ် ညီညွတ်ရေး တပ်ဦး သတင်းစာရှင်းလင်း

( 4 )ဒုက္ခသည်တွေအတွက် အလှုငွေလိုအပ်နေ

( 3 )သိမ်ဖြူမီးရထား ဝန်ထမ်းအိမ်ယာ မီးလောင်

( 2 )စစ်ပွဲတွေရပ်တန့်ရေး လှုပ်ရှားမှု မြို့နယ် ၄ ခုမှာ စတင်

( 1 )မြန်မာပြည်မှာ အကြွေးကဒ် ၂ ခုထုတ်ဝေ

Sunday, January 29, 2017

တောင်ကြီးမြို့ သျှမ်း – အမျိုးသားအဆင့် နိုင်ငံရေးဆွေးနွေးပွဲ အကြိုပြင်ဆင်ရေး အလုပ်ရုံဆွေးနွေး ပွဲအား ထောက်လှမ်းရေးများ အချိန်ပြည့်စောင့်ကြည့်သတင်းယူသည့်အတွက် တက်ရောက်သူများ စိတ်အနှောင့် အယှက်ဖြစ်

SHAN


သျှမ်းပြည် မြို့တော် တောင်ကြီးမြို့ပေါ် ဟော်တယ်ကြီး ၆ ခု၌ ခေါင်းစဉ်ကြီး ၆ ခု သီးခြားခွဲကာ လုပ် ဆောင်နေသော ‘ သျှမ်း – အမျိုးသားအဆင့် နိုင်ငံရေးဆွေးနွေးပွဲ’ အကြိုပြင်ဆင်ရေး အလုပ်ရုံဆွေး နွေးပွဲအား စစ်ထောက်လှမ်းရေးများ ၊ ရဲအထူးသတင်းတပ်ဖွဲ့များ အချိန်ပြည့်စောင့်ကြည့်သတင်းယူသည့်အတွက် စိတ်အနှောင့်အယှက်ဖြစ်ရသည်ဟု အစည်းအဝေးတက်ရောက်သူများပြောပြချက်အရ သိရသည် ။

တောင်ကြီးမြို့ – တောင်ကြီးဟော်တယ်၊ ရွိုင်ရယ်စတားဟော်တယ်၊ ဟတ်ဟွမ်ဟော်တယ်၊ BH ဟော် တယ်၊ ချယ်ရီကွင်းဟော်တယ် နှင့် 21 Century Hotel တို့တွင် နေရာတခု အနည်းဆုံး ၅ ယောက် နှုန်းဖြင့် စစ်ထောက်လှမ်းရေးအဖွဲ့များက သတင်းဓါတ်ပုံများ၊ ဗီဒီယို မှတ်တမ်းများ၊ လှုပ်ရှားသည့် ပုံရိပ်တိုင်း စောင့်ကြပ်ရိုက်ယူနေသည်ဟု သိရသည် ။

အဆိုပါ အလုပ်ရုံဆွေးနွေးပွဲအား နိုင်ငံတော်အစိုးရဦးဆောင်ပြီးကျင်းပမည့် အမျိုးသားပြန်လည် ရင်ကြားစေ့ရေးနှင့် ပြည်တွင်းငြိမ်းချမ်းရေးကိုအထောက်အကူပြုစေနိုင်ရေးအတွက် တတ်နိုင်သည့် ဘက်မှ နိုင်ငံတော်အစိုးရနှင့် ပူးပေါင်းဆောင်ရွက်သည့် လုပ်ငန်းသာ ဖြစ်သည့် အတွက် သက်ဆိုင် ရာဌာနများထံ အစိုးရဌာနများထံ တရားဝင်တင်ပြပြီး ကျင်းပရခြင်းဖြစ်ကြောင်း အလုပ်ရုံဆွေးနွေးပွဲ ဖြစ်မြောက်ရေး ပြောရေးဆိုခွင့်ရှိသူ စိုင်းလိတ်က ပြောသည် ။

“ အဲ့ဒီအပေါ်မှာကျနော်တို့အနေနဲ့လုံးဝ စိတ်မကောင်းဘူး။ ပြောင်းလဲပြီ ဆိုပေမယ့် ၊ နိုင်ငံရေး စနစ် ပြောင်းလဲပြီဆိုပေမယ့် ကျနော်တို့လူနေမှုစနစ်ကြီးဟာ ကျနော်တို့သံသယဖြစ်စရာကောင်း လောက် အောင်ကိုအရင်ပုံစံနဲ့မခြား မကွဲမပြားဖြစ်နေတာ ကိုတော့ ကျနော်တို့စိတ်မကောင်းဘူး။ အဲဒီအတွက် သက်ဆိုင်ရာအစိုးရ သျှမ်းပြည်နယ်အစိုးရ ဌာနဆိုင်ရာတာဝန်ရှိပုဂိုလ်လူကြီးမင်းတို့ အားလုံး ဝိုင်းဝန်း ကြပ်မတ်ပေးကြပါ လို့ကျနော်တို့တောင်း ဆိုချင်ပါတယ်” – ဟု သျှမ်းတိုင်းရင်းသား များ ဒီမိုကရေစီ အဖွဲ့ချုပ်ပြောခွင့်ရ ပုဂ္ဂိုလ်လဲဖြစ် သျှမ်းပြည်ပူးပေါင်းဆောင်ရွက်ရေးကော်မတီ CSSU အတွင်းရေး မှူးများအဖွဲ့ဝင်လည် ဖြစ်သည့် စိုင်းလိတ် ကပြောသည် ။

‘သျှမ်း – အမျိုးသားအဆင့် နိုင်ငံရေးဆွေးနွေးပွဲ’ အကြိုပြင်ဆင်ရေး အလုပ်ရုံဆွေးနွေးပွဲတွင် – နိုင်ငံရေး၊ စီးပွားရေး၊ လူမှုရေး၊ လုံခြုံရေး၊ မြေယာနှင့်သဘာဝ သယံဇာတ စသည့် ခေါင်းစဉ်ကြီးများဖြင့် ဆွေးနွေး လေ့ကျင့်သင်ယူခြင်းဖြစ်သည် ။

“ အစက သူတို့ ထောက်လှမ်းရေးမှန်းမသိဘူး။ သျှမ်းဘောင်းဘီတွေလဲ ဝတ်ထားတော့ ရှမ်းလိုသွား ပြောတော့ မသိဘူး။ သူတို့ဘယ်သူလဲ ဆိုတာ မသိတဲ့သူတွေလဲ ရှိတယ်။ သူတို့က ထောက်လှမ်းရေး မှန်းသိတော့ မေးချင်တာတွေ၊ သိချင်တာတွေ လွတ်လွတ်လပ်ဘယ်မေးရဲတော့မှာလဲ။ ဖုန်းနှစ်လုံးစီနဲ့ တလုံးက အချိန်ပြည့်ခေါ်ထားတယ်။ ကျန်တလုံးက ဓါတ်ပုံလိုက်ရိုက်တယ်” – ဟု အမည်မဖေါ်လိုသည့် ပုဂ္ဂိုလ်တဦးက ပြောသည် ။

အဆိုပါ အလုပ်ရုံဆွေးနွေးပွဲ ပြုလုပ်ပြီးစီးသွားပါက ဆိုင်ရာကိုယ်စားလှယ်များသည် အုပ်စု ၁၅ စုခွဲပြီး သျှမ်းလူမျိုးများနေထိုင်ရာမြို့များသို့ ကွင်းဆင်းကာ လူထု နှင့် တွေ့ဆုံနွေးသွားမည်ဟုသိရသည် ။

လူထုနှင့်ကွင်းဆင်းတွေ့ဆုံဆွေးနွေးမှုမှ ရရှိလာသောလူထုအသံများအား ‘သျှမ်း – အမျိုးသားအဆင့် နိုင်ငံရေးဆွေးနွေးပွဲ’ သို့ တင်ပြဆွေးနွေးသွားမည်ဖြစ်သည်။ ရရှိလာသည့် ရလဒ်များအား ပြည်နယ် အဆင့်သို့သော်လည်းကောင်း၊ နိုင်ငံတော် အတိုင်အပင်ခံ ဒေါ်အောင်ဆန်းစုကြည် ဦးဆောင်ကျင်းပမည့် ၂၁ ရာစု ပင်လုံ (ဒုတိယအကြိမ်) ညီလာခံသို့သော်လည်း သျှမ်းအမျိုးသားထုအတွင် တင်ပြဆွေးနွေး သွား မည်ဖြစ်သည် ။

ထောက်ခံချက်မရှိပဲထုတ်လုပ်ရောင်းချနေတဲ့ ရေသန့် (၆) မျိုးကို တရားစွဲဆို


ချင်းအမျိုးသားအဆင့် နိုင်ငံရေးဆွေးနွေးပွဲ ပြုလုပ်ရန် စီစဉ်နေ

စိုးသူအောင်

ချင်းပြည်နယ်တွင် “ချင်းအမျိုးသားအဆင့် နိုင်ငံရေးဆွေးနွေးပွဲ” ကျင်းပရန်အတွက် စီစဉ်ဆောင်ရွက်နေသည်ဟု ချင်းအမျိုးသားတပ်ဦး (CNF) အထွေထွေအတွင်းရေးမှူး ဆလိုင်းထလာဟေးက မဇ္စျိမသို့ ပြောသည်။

“ကျွန်တော်တို့ဘက်ကတော့ ကြိုတင်ပြင်ဆင်မှုတွေလုပ်တယ် ဖြစ်နိုင်မယ်ဆိုရင် ဖေဖော်ဝါရီလတွင်းမှာတော့ ချင်းအမျိုးသားအဆင့် နိုင်ငံရေးတွေ့ဆုံဆွေးနွေးပွဲတော့ ချင်းပြည် နယ်ရဲ့မြို့တော် ဟားခါးမြို့မှာ ကျင်းပချင်တယ်။ အဲ့ဒီအတွက် လိုအပ်တာတွေ ကျွန်တော်တို့ဘက်ကတော့ ပြင်ဆင်ထားတယ်။ နောက်ပြီးတော့ ချင်းပြည်နယ်အစိုးရဆီကိုလည်း စာပို့ထားပြီးပြီ။ UPJDC အတွင်းရေးမှူးအဖွဲ့တွေဆီကိုလည်း ကျွန်တော်တို့ ကျင်းပဖို့ အဆင်သင့်ဖြစ်တဲ့အကြောင်း စာတွေရေးခဲ့ပြီးပြီ ” ဟု ဆလိုင်းထလာဟေးက ပြောဆိုသည်။

အပစ်ရပ်လက်မှတ် NCA ရေးထိုးထားသည့် တိုင်းရင်းသားလက်နက်ကိုင်များ၏နယ်မြေထဲမှ ဆွေးနွေးပွဲကျင်းပရန် အဆင်သင့်ဖြစ်သည့်နေရာတွင် ပြည်ထောင်စုငြိမ်းချမ်းရေးပူးတွဲကော်မတီ (UPDJC) မှအတည်ပြုချက်ရယူပြီး ကျင်းပခွင့်ရှိကြောင်း သိရသည်။ ပြည်ထောင်စုငြိမ်းချမ်းရေးပူးတွဲကော်မတီ (UPDJC) သို့အမျိုးသားအဆင့်ဆွေးနွေးပွဲကျင်းပရန် ချင်းအမျိုးသားတပ်ဦး (CNF) ဘက်မှစာပို့ အကြောင်းကြားထားသော်လည်း ပြန်လည်အကြောင်းကြားခြင်းမရှိသေးကြောင်း ဆလိုင်းထလာဟေးက ပြောသည်။

အကြိုပြင်ဆင်ရေးကော်မတီ အတွင်းရေးမှူး ဦးလှမောင်ရွှေက “ အဲဒါကတော့ UPDJC မှာ ဒုတိယဥက္ကဋ္ဌတွေနဲ့ ညှိနှိုင်းပြီးတော့ အားလုံးက အတည်ပြုရင်တော့ လုပ်လို့ရပါတယ် ။ သူတို့တစ်ဦးတည်းအနေနဲ့ UPDJC အတည်ပြုချက်မရှိဘဲ လုပ်ရင်တော့ အမျိုးသားအဆင့် မသတ်မှတ်ပါဘူး။ ဒါကလည်း UPDJC ဥက္ကဋ္ဌ တစ်ဦးဦးနဲ့ ညှိနှိုင်းပြီးတော့ အဆင်သင့်ဖြစ်တယ်ဆိုရင်တော့ ဆောင်ရွက်လို့ရမယ့်အနေအထားရှိပါတယ်” ဟု ပြောဆိုသည်။

ဖေဖော်ဝါရီလအတွင်း ပြုလုပ်မည့် ဒုတိယအကြိမ် ၂၁ ပင်လုံညီလာခံတွင် အမျိုးသားအဆင့်နိုင်ငံရေးဆွေးနွေးပွဲများမှ ရလာဒ်များကို အခြေခံမည်ဖြစ်သောကြောင့် NCA ရေးထိုးထားသည့် အဖွဲ့ ၈ဖွဲ့ထဲမှ ချင်း၊ ရှမ်း စသည့်အဖွဲ့များမှ ညီလာခံအမီ အမျိုးသားအဆင့်ဆွေးနွေးပွဲများ ကျင်းပနိုင်ရန်ပြင် ဆင်နေကြသည်။ အစိုးရအနေဖြင့် ကရင်ပြည်နယ် တွင် လူမျိုးအလိုက်၊ တနင်္သာရီတိုင်းဒေသကြီးတွင် ဒေသအလိုက်နှင့် နေပြည်တော်တွင် CSO ဖိုရမ် အခြေခံသည့် နိုင်ငံရေးဆွေးနွေးပွဲများတွင်သာ ကျင်းပရန်စီစဉ်ထားပြီး ချင်းပြည်နယ်တွင် အမျိုးသား အဆင့်ဆွေး နွေးပွဲများပြုလုပ်ရန် CNF မှ စီစဉ်လာခဲ့ခြင်းဖြစ်သည်။

အဆိုပါကိစ္စနှင့်ပတ်သက်ပြီး ဦးလှမောင်ရွှေက “ ၃ နေရာက ဖေဖော်ဝါရီလ ကုန်လောက်မှာ ပြည်ထောင်စုငြိမ်းချမ်းရေးညီလာခံမှာတင်သွင်းနိုင်ဖို့ လုပ်နေတယ်ပေါ့။ နောက်ထပ် ထပ်လုပ်ဖို့ညှိနှိုင်းလို့ရမယ် ဆိုရင်လည်း ခုနက ညှိနှိုင်းလို့ရတဲ့ပေါ်မူတည်မှာပေါ့ ။ ဒါပေမယ့် ညီလာခံပြီးတော့လည်း အမျိုးသားအဆင့်တွေက ဆက်ရှိဦးမှာပေါ့ ” ဟု ပြောဆိုသည်။

ကရင်ပြည်နယ်နှင့် တနင်္သာရီတိုင်းဒေသကြီးရှိ အမျိုးသားအဆင့်နိုင်ငံရေးဆွေးနွေးပွဲများကို လူမျိုးအလိုက် ဒေသအလိုက်ကျင်းပပြီးစီးခဲ့ပြီး နေပြည်တော်တွင်လည်း CSO ဖိုရမ်များ ပြုလုပ်တော့မည် ဖြစ်သည်။ အဆိုပါ ဆွေးနွေးပွဲရလာဒ်များကို ဒေါ်အောင်ဆန်းစုကြည်ဦးဆောင်သည့် ပြည်ထောင်စုငြိမ်းချမ်းရေးပူးတွဲကော်မတီ (UPDJC) တွင် အတည်ပြုချက် ရယူပြီး ဖေဖော်ဝါရီလနှောင်းပိုင်းတွင် ကျင်းပမည့် ၂၁ ပင်လုံသို့ တင်ပြဆွေးနွေးကြမည်ဖြစ်သည်။

ပြည်ထောင်စုနေ့ကို ဂုဏ်ပြုတဲ့အနေနဲ့ အမှိုက်ကောက် လူပ်ရှားမှုပြုလုပ်


ကြက်ရိုးပြင်ကျေးရွာအုပ်ချုပ်ရေးမှူး အသတ်ခံရ

ဧရာဝတီ


ရခိုင်ပြည်နယ် မောင်တောမြို့နယ် ကြက်ရိုးပြင်ကျေးရွာမှ ခေတ္တအုပ်ချုပ်ရေးမှူး ဇော်ကီမူဟာမတ် (၃၃နှစ်)သည် ပျောက်ဆုံးနေရာ ယမန်နေ့က သူ၏ အလောင်းကို ပြောင်ပိုက်ကျေးရွာ အနောက် တောင်ဘက်ရှိ ရွှံနွံအိုင်အတွင်း တွေ့ရကြောင်း နိုင်ငံတော်အတိုင်ပင်ခံသတင်းထုတ်ပြန်ရေးကော်မ တီက သတင်းထုတ်ပြန်သည်။

အလောင်းကို အကိုဖြစ်သူ ဒီမာမတ်က တွေ့ရှိခြင်းဖြစ်ပြီး၊ တာဝန်ရှိသူများမှ စစ်ဆေးရာ ယာပါးပြတ်ရှ ဒဏ်ရာ ၁ ချက်၊ ယာနံဘေး ထိုးသွင်းဒဏ်ရာ ၂ ချက်၊ လည်ပင်းလှီးပြတ်ဒဏ်ရာ ၂ ချက်၊ ယာဒူးပြတ်ရှ ဒဏ်ရာ ၁ ချက်၊ ဝဲရင်အုံထိုးသွင်းဒဏ်ရာ ၁ ချက်၊ ဝဲ လက်ကောက် ဝတ် ပြတ်ရှ ဒဏ်ရာ ၁ တစ်ချက်တို့ဖြင့် သေဆုံးနေကြောင်း တွေ့ရှိရသည်ဟု သိရသည်။

ပြီးခဲ့သည့် ဒီဇင်ဘာလကလည်း မောင်တောမြို့နယ် အကြမ်းဖက်တိုက်ခိုက်ခံရမှုများနှင့် ပတ်သက်၍ ပြည်တွင်းပြည်ပ သတင်းဌာနများအား သတင်းဖြေကြားပေးခဲ့သည့် ငါးခူရကျေးရွာ စေတနာ့ဝန်ထမ်း စာကြည့်တိုက်မှူး ဒုစ်မာမတ်(ခ)ရှူနာသည်လည်း အသတ်ခံရသေးသည်။

ကက်သလစ်ကချင်လူငယ်များအဖွဲ့(ရန်ကုန်) စစ်ဘေးရှောင်ပြည်အတွက် သီချင်းဆို


တိုက်မိရေယာဉ်နှစ်စီးသာ ပိတ်သိမ်းရန် ပြည်ထောင်စုဝန်ကြီးမှ တိုင်းအစိုးရသို့ တင်ပြပေးမည်ဟု ပြော

မာန်ဇာမြေမွန်

တိုက်မိခဲ့သော ရေယာဉ်နှစ်စီးတည်းကိုသာ ပိတ်သိမ်းရန်အတွက် ပြည်ထောင်စုဝန်ကြီးက တိုင်းအစိုးရသို့ တင်ပြပေးမည်ဟုပြောဆိုခဲ့ကြောင်း ပုဂ္ဂလိကရေယာဉ်များ စနစ်တကျပြေးဆွဲရေး ကော်မတီက တာဝန်ရှိသူတစ်ဦးက ပြောသည်။

ဇန်နဝါရီလ တတိယပတ်အတွင်းက ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ပြည်ထောင်စုဝန်ကြီး၊ ပုဂ္ဂလိကရေယာဉ်များ စနစ်တကျပြေးဆွဲရေးကော်မတီတို့ တွေ့ဆုံပွဲတွင် ယင်းသို့ပြောကြားခဲ့ခြင်း ဖြစ်ကြောင်း ၄င်းကော်မတီအဖွဲ့ဝင်များက မဇ္ဈိမသို့ ပြန်လည်ပြောပြသည်။

ပိတ်သိမ်းခဲ့သော ရေယာဉ်အသင်းများမှ မိသားစုဝင် ၁၀၀၀ ခန့်မှာ စားဝတ်နေရေး ခက်ခဲလာသည့်အတွက် ပြည်ထောင်စုဝန်ကြီး ထံသို့ ပုဂ္ဂလိကရေယာဉ်များ စနစ်တကျ ပြေးဆွဲရေးကော်မတီမှ တင်ပြခဲ့သည်။

ပြည်ထောင်စုဝန်ကြီးမှ မတော်တဆမှုဖြစ်စဉ် တွင် တိုက်ရိုက်သက်ဆိုင်သော ရေယာဉ်နှစ်စီး ကိုသာ ပိတ်သိမ်းသင့်ကြောင်း ဆွေးနွေးခဲ့ပြီး တိုင်းဒေသကြီး လမ်းပန်းဆက်သွယ်ရေးဝန်ကြီးမှတဆင့် တိုင်းအစိုးရသို့ တင်ပြပေးသွားမည်ဟု ပြောကြားခဲ့ကြောင်း ၄င်းကော်မတီအဖွဲ့ဝင်များက ပြောပြသည်။

ချင်းတွင်းမြစ်အတွင်း ဇန်နဝါရီ ၅ ရက်က ရေယာဉ်နှစ်စီးတိုက်မိခဲ့ပြီး ဇန်န၀ါရီ ၉ ရက်နေ့တွင် ၄င်းရေယာဉ်နှစ်စီး၏ အသင်းများကို ၆ လ ပိတ်သိမ်းခဲ့သဖြင့် ရေယာဉ်ပေါင်း ၉၀ မှ လူများ အလုပ်လက်မဲ့ဖြစ်ခဲ့ရသည်။

ရှမ်းပြည်နယ်အတွင်းက ခရိုင်မြို့ကြီး(၇)မြို့မှာ မှုးယစ်စွဲကုသရေးဌာနေဖွင့်လှစ်ဖို့ဆောင်ရွက်


သက်သေ အထောက်အထား မရှိသဖြင့် ရခိုင်လက်နက်ကိုင်တပ်ဖွဲ့ဝင်များဟု ယူဆရသည့် လူ ၁၃ ဦး မီဇိုရမ် တရားရုံးက ပြန်လွှတ်

ADMIN


ရခိုင်လက်နက်ကိုင်တပ်ဖွဲ့ဝင်များဟုယူဆကာ မသင်္ကာမှုဖြင့် အဖမ်းခံခဲ့ရသည့် ရခိုင်လူမျိူး ၁၃ ဦးကို သက်သေအထောက် အထားမရှိ၍ မီဇိုရမ်တရားရုံးက ပြန်လွှတ်လိုက်သည်ဟု မီဇိုရမ်နေ့စဉ်ထုတ် Aizawl Post သတင်းစာ၏ ဖော်ပြချက်အရသိရသည်။

အဆိုပါ ၁၃ ဦးတို့သည် ရခိုင်လက်နက်ကိုင်တပ်ဖွဲ့ Arakan Liberation Army (ALA) များဟု ယူဆကာ ယခုရက်ပိုင်းအတွင်း မီဇိုရမ်ပြည်နယ် လောင်တလိုင်ရဲတပ်ဖွဲ့များက ၇ ဦးကို ဖမ်းဆီးခဲ့ပြီးနောက် ရက်အနည်း ငယ်အကြာတွင် ၆ ဦးကို ထပ်မံဖမ်းဆီး ခဲ့ခြင်းဖြစ်သည်။

မီဇိုရမ်တာဝန်ရှိရဲတစ်ဦးက “လက်နက်ကိုင်တပ်ဖွဲ့ဟုတ်မဟုတ် မသိရဘူး၊ သူတို့ဘက်ကလည်း ဘာတစ်ခုမှ မပြောတော့ Foreigner case(နိုင်ငံခြားသားမှု) နဲ့ တရားရုံးမှာ ဆွဲချက်တင်ပြီး ရှုပီး ၅၀၀ စီ ဒဏ်ငွေရိုက်ပြီး ပြန်လွှတ်လိုက်တယ်’’ ဟု Aizawl Post သတင်းစာတွင်ဖော်ပြထားသည်။

ပြီးခဲ့သည့် ၂၀၁၆ ခုနှစ် ဒီဇင်ဘာ ၈ ရက်နေ့ကလည်း မီဇိုရမ်ပြည်နယ် ဆိုင်ဟားမြို့ရဲတပ်ဖွဲ့နှင့် အာသံရိုင်ဖယ်တပ်ဖွဲ့တို့ကလည်း ပူးတွဲစစ်စင်ရေး ပြုလုပ်ရာတွင် ဆိုင်ဟားခရိုင် Lomasu ကျေးရွာမှ ၅ ကီလိုမီတာအကွာ ကုလားတန်မြစ်ဘေးတွင် စခန်းချ နေထိုင်ကြသော ရခိုင်လက်နက်ကိုင်တပ်ဖွဲ့ဟု ယူဆထားသူ ၈ ဦးနဲ့အတူ လက်နက်အမြောက်အများကို ဖမ်းဆီးခဲ့ပြီးဖြစ်သည်။

အဆိုပါဒေသတ၀ိုက်သည် ရခိုင်လွတ်မြောက်ရေးတပ်မတော် Arakan Liberation Army (ALA) နှင့် ရက္ခိုင့်တပ်မတော် (AA) တပ်ဖွဲ့တို့ ခြေကုပ်ယူလှုပ်ရှားသည့်နေရာဖြစ်သည်။

ရခိုင်ပြည်လွတ်မြောက်ရေးတပ်မတော် ALA/ALP သည် အစိုးရနှင့် ငြိမ်းချမ်းရေးရယူထား သည့်လက်နက်ကိုင်တပ်ဖွဲ့ဖြစ်ပြီး ရက္ခိုင့်တပ်မတော် AA သည် ယခုလက်ရှိ မြန်မာ့တပ်မတော် တိုက်ပွဲများဖြစ်ပွားနေသည့် လက်နက်ကိုင်တပ်ဖွဲ့တစ်ခုဖြစ်သည်။

နံနက်ပိုင်းမိုးလေ၀သခန့်မှန်းချက်(၂၉.၁.၂၀၁၇)


မြိတ်မြို့ သာရမဲကျေးရွာတွင် ဘိန်းစာမှုန့် ၁၆ ဒသမ ၈၄ ကီလိုဂရမ်နှင့် အမျိုးသား ၄ ဦးကို ဖမ်းဆီး

ဇော်နီ

တနင်္သာရီတိုင်းဒေသကြီး ၊ မြိတ်မြို့၊ စန္ဒ၀တ်ကျေးရွာအုပ်စု ၊ သာရမဲကျေးရွာတွင် ဘိန်းစာမှုန့် ၁၆ ဒသမ ၈၄ ကီလိုဂရမ်နှင့်အတူ အမျိုးသား၎ ဦးကို ဇန်န၀ါရီ ၂၈ ရက်က အမှုဖွင့် ဖမ်းဆီးခဲ့ကြောင်း အမှတ်၃၅ မူးယစ်ဆေးဝါးတားဆီးနှိမ်နှင်းရေး ရဲတပ်ဖွဲ့စု (မြိတ်)ထံမှ သိရသည်။

အုပ်စုဖွဲ့ မူးယစ်ဆေးဝါးရောင်းချနေကြောင်းသတင်းအရ သာရမဲကျေးရွာတွင်းရှိ နေအိမ် ၄ အိမ်ကို ၀င် ရောက်ရှာဖွေခဲ့ရာ ဒေသပေါက်ဈေး ကာလတန်ဖိုး (၁၆၈၄၀၀၀) ကျပ် တန်ကြေးရှိ ဘိန်းစာမှုန့်များကို ရှာဖွေတွေ့ရှိခဲ့ပြီး အဆိုပါမူးယစ်ဆေးဝါးနှင့်အတူ အမျိုးသား ၄ ဦးကို မူးယစ်ဆေးဝါးနှင့်စိတ်ကို ပြောင်းလဲစေသော ဆေးဝါးများဆိုင်ရာ ဥပဒေအရ မြိတ်မြို့ မြို့မရဲစခန်းမှ အမှုဖွင့်စစ်ဆေး ဆောင်ရွက် လျက်ရှိကြောင်း သိရသည်။

မူးယစ်ဆေးဝါးလက်ဝယ်တွေ့ရှိသူ ရန်ကျော်(ခ)ကျော်ကျော် ကို မယ(ပ)၁၃/၂၀၁၇ ၊ မူးစိတ်ပုဒ် ၁၅/ ၁၉(က)၊ အောင်ဇော်လင်း မယ(ပ)၁၄/၂၀၁၇၊ မူးစိတ်ပုဒ် ၁၅/၁၉(က)၊ရန်အောင် မယ(ပ)၁၅/၂၀၁၇ ၊ မူးစိတ်ပုဒ် ၁၅/၁၆(ဂ)နှင့် မောင်စိုး(ခ)ရခိုင် မယ(ပ)၁၆/၂၀၁၇ ၊ မူးစိတ်ပုဒ် ၁၅/၁၆(ဂ) တို့ဖြင့် အမှုဖွင့် ဆောင်ရွက်လျက်ရှိကြောင်းသိရသည်။

အိမ်ရာဖွံ့ဖြိုးရေးအတွက် ဘယ်လိုအကောင် ထည် ဖေါ်သင့်သလား


ကျူးကျော်အရေး ဖြေရှင်းပေးရန် စက်မှုဇုန် လုပ်ငန်းရှင်များ တောင်းဆို

ထွန်းထွန်း


လှိုင်သာယာမြို့နယ် ရွှေလင်ဗန်း စက်မှုဇုန်အတွင်း ကျူးကျော်များနှင့် ပတ်သက်၍ အစိုးရအဖွဲ့အနေဖြင့် အမြန်ဆုံး ကိုင်တွယ်ဖြေရှင်းပေးရန် ယမန်နေ့က UMFCCI တွင် ပြုလုပ်သည့် စက်ရုံးလုပ်ငန်းရှင်များနှင့် တိုင်းဒေသကြီး လွှတ်တော် ကော်မတီ အဖွဲ့ဝင်များ တွေ့ဆုံပွဲတွင် လုပ်ငန်းရှင်များက တောင်းဆိုလိုက်သည်။

ရွှေလင်ဗန်းဇုန် စီမံကော်မတီ အတွင်းရေးမှူး ဦးနေလင်းဇင်က “အထောက်အထား မရှိတဲ့ လယ်သမားဆိုသူတွေက အုပ်ချုပ်ရေးမှူး ထောက်ခံစာနဲ့ လုပ်နေတာတွေ ရှိတယ်၊ ခြိမ်းခြောက် ငွေတောင်းမှုကိုလည်း အမှုဖွင့်မရတဲ့ အခြေအနေတွေ ဖြစ်နေတယ်၊ ဒါတွေကို ထိရောက်တဲ့ ဥပဒေနဲ့ အကာအကွယ် ပေးစေလိုပါတယ်” ဟု ပြောသည်။

ကျူးကျော်တချို့က လယ်သမားဟုဆိုကာ လုပ်ငန်းရှင်များကို ဟန့်တားမှုများနှင့် ခြိမ်းခြောက် ငွေတောင်းမှုများ ကြုံတွေ့နေရပြီး တရားဥပဒေ စိုးမိုးရန် လိုအပ်နေကြောင်း ရွှေလင်ဗန်းစက်မှုဇုန် စီမံကော်မတီ ဥက္ကဋ္ဌ ဦးအေးသောင်းက ပြောသည်။

တိုင်းလွှတ်တော် ဘဏ္ဍာရေး၊ စီမံကိန်းနှင့် စီးပွားရေး ကော်မတီ အတွင်းရေးမှူး ဦးကျော်ဇေယျကမူ လယ်သမားများနှင့် ပတ်သက်၍ အငြင်းပွားမှုများ ဖြစ်ပွားလျက်ရှိရာတွင် ၎င်းတို့ အနေဖြင့် လယ်သမား ဟုတ်သည် ဖြစ်စေ၊ မဟုတ်သည် ဖြစ်စေ ခေါ်ယူ ညှိနှိုင်းမှုများ ဆောင်ရွက်ရာတွင် စက်မှုဇုန် ရုံးခန်းသို့ လာရောက်သည့် အချက်ကပင် ရိုးသားမှုကို ပြနေကြောင်း ပြောဆိုသည်။

သို့သော် စက်ရုံများရှေ့တွင် တဲထိုးပိတ်ဆို့ကာ လယ်ယာမြေ အငြင်းပွားမှုဖြင့် ငွေတောင်းခံမှုများတွင် သက်ဆိုင်ရာ ဌာနဆိုင်ရာများက ဖြေရှင်း မပေးနိုင်သည့်အတွက် နှစ်ဖက်ညှိနှိုင်းကာ ကျပ် ၂၅ သိန်းမှ ကျပ်သိန်း ၁၂၀ဝ အထိ ပေးခဲ့ရမှုများ ရှိကြောင်း လုပ်ငန်းရှင်များက ပြောသည်။

ရန်ကုန်တိုင်းဒေသကြီး လွှတ်တော် ဥပဒေကြမ်းကော်မတီ အတွင်းရေးမှူး ဦးဝင်းမောင် “ကျူးကျော်တွေနဲ့ ပတ်သက်လို့ ဌာနဆိုင်ရာ လုပ်ထုံးလုပ်နည်းတွေက အရမ်းအားနည်းပါတယ်၊ ဥပဒေအရလည်း အားနည်းမှုတွေက ကျူးလွန်သူတွေကို ထပ်ပြီး လုပ်နိုင်ဖို့ တွန်းအားပေးနေသလိုပါပဲ” ဟု ပြောသည်။

ကျူးကျော်များနှင့် ပတ်သက်၍ လက်ရှိအစိုးရ၏ ကိုင်တွယ်ဖြေရှင်းပုံကို လုပ်ငန်းရှင်တဦးက ဝေဖန်ခဲ့ရာ ဆွေးနွေးပွဲအတွင်း သဘောထား ကွဲလွဲမှုဖြစ်ပေါ်ခဲ့ပြီး တိုင်းလွှတ်တော် ဘဏ္ဍာရေး၊ စီမံကိန်းနှင့် စီးပွားရေးကော်မတီ အတွင်းရေးမှူး ဦးကျော်ဇေယျက လုပ်ငန်းရှင်များ အနေဖြင့် တဖက်သတ် ပြောကြားနေသည်ဟုဆိုကာ ဆွေးနွေးပွဲမှ ထွက်ခွာသွားခဲ့သည်။

လုပ်ငန်းရှင်များ အနေဖြင့် ခြိမ်းခြောက် ငွေတောင်းခံရမှုများ ရှိပါက တိကျစွာ စာရေးသား တိုင်ကြားစေလိုကြောင်းနှင့် ထိရောက်သော ဥပဒေများနှင့် ကိုင်တွယ်မှသာ ဖြေရှင်းနိုင်မည်ဖြစ်သည့်အတွက် အားလုံး ပူးပေါင်းဆောင်ရွက်ကြရန် ရန်ကုန်တိုင်း ရဲတပ်ဖွဲ့မှ ရဲမှူးကြီး မျိုးဆွေက အကြံပြု တိုက်တွန်း ခဲ့သည်။

တိုင်းလွှတ်တော် ဘဏ္ဍာရေး၊ စီမံကိန်းနှင့် စီးပွားရေးကော်မတီ ဥက္ကဋ္ဌ ဒေါ်စန္ဒာမင်းက ဆွေးနွေးချက်များအပေါ် လွှတ်တော် ကော်မတီ အနေဖြင့် ဆုံးဖြတ်၍မရဘဲ အစီအရင်ခံစာ ရေးကာ လွှတ်တော်မှတဆင့် တိုင်းဒေသကြီး အစိုးရအဖွဲ့ထံ တင်ပြသွားမည် ဖြစ်ကြောင်း ပြောသည်။

မန္တလေးမြိုက ကလေးစာပေပွဲတော်ကိုဒုတိယနေ့


ရှေ့နေဦးကိုနီအား ညနေ ၅ နာရီခန့်တွင် ရန်ကုန်လေဆိပ်၌ သေနတ်နဲ့ လုပ်ကြံခံရ

မဇ္ဈိမ


ယနေ့ နေ့လည် ၃နာရီ ၁၅ နာရီ စင်္ကာပူလေကြောင်းလိုင်းနဲ့ ရန်ကုန် ပြန်သွားတဲ့ ဦးကိုနီအား ညနေ ၅ နာရီခန့်တွင် ရန်ကုန်လေဆိပ်၌ သေနတ်နဲ့ လုပ်ကြံခံရကြောင်း ဦးရောဘတ်စန်းအောင်က မဇ္ဈိမသို့ အတည်ပြုသည်။ ပစ်ခတ်သူအားလည်း သေနတ်ဖြင့် ပြန်လည်ပစ်ခတ်ဖမ်းဆီးထားသည်ဟု သိရသည်။

ဖြစ်စဉ်မှာ လေဆိပ်အပေါ်ထပ်တွင် အသက် ၅၀ ခန့်ရှိ သေနတ်သမားမှ ဦးကိုနီအား ပစ်ခတ်ခဲ့ပြီး ပစ်ခတ်သူမှ အောက်ထပ်သို့ထွက်ပြေးစဉ် လေဆိပ်တက်စီသမားများမှ ၀ိုင်းဝန်းဖမ်းဆီးပေးခဲ့ရာတွင် ၎င်းမှ ထပ်မံပစ်ခတ်ခဲ့သဖြင့် တက်စီသမားတစ်ဦး သေဆုံးခဲ့သည်။ ပစ်ခတ်သူမှာ အသက် ၅၀ ကျော်ဝန်းကျင်ရှိပြီး ၎င်းကို ပစ်ခတ်ဖမ်းဆီးခဲ့ရာတွင် သေဆုံးမှုမရှိကြောင်း သိရသည်။ ဦးကိုနီမှာ နေရာတွင် သေဆုံးကြောင်း သိရသည်။

မြန်မာ့စာပေတိုးတက်ဖို့အတွက် စာကြည့်တိုက်တိုးမြင့်ဖို့လို


ကချင် ဒုက္ခသည် ၁၈၀၀ ကျော် အမိုးအကာနှင့် အနွေးထည်များ လိုအပ်နေ

နန်းလွင်နှင်းပွင့်


ကချင်ပြည်နယ် ဝိုင်းမော်မြို့နယ်အတွင်း တိုက်ပွဲများကြောင့် ဇိုင်းအောင် နှင့် ခေါင်ရှောင် စစ်ရှောင်စခန်းတို့မှ ထွက်ပြေး လာ ကြသည့် စစ်ဘေး ဒုက္ခသည် ၁၈၀၀ ကျော် လက်ရှိခိုလှုံနေသည့် ရှအိယန်ရွာတွင် အအေးဓာတ်လွန်ကဲပြီး ရေခဲမှုန် များ ကျနေသဖြင့် အနွေးထည်များ၊ အမိုးအကာများ လိုအပ်နေသည်ဟု သတင်း ရရှိသည်။

ဇိုင်းအောင် နှင့် ခေါင်ရှောင် စစ်ရှောင်စခန်းမှ စစ်ဘေးဒုက္ခသည် ၁၈၉၄ ဦးသည် ဒီဇင်ဘာလ အတွင်းက ၎င်းတို့ စခန်းများ အနီး တပ်မတော်နှင့် ကချင် လွတ်လပ်ရေး တပ်မတော် (KIA) တို့ တိုက်ပွဲများ ဖြစ်ပွားပြီး လက်နက်ကြီးများ ကျသဖြင့် ထွက်ပြေးလာကြခြင်း ဖြစ်ကြောင်း သိရသည်။

လက်ရှိတွင် ၎င်းတို့ ရောက်ရှိနေသည့် ရှအိယန်ရွာသည် KIA ထိန်းချုပ်နယ်မြေ လိုင်ဇာခရိုင်အတွင်း တည်ရှိပြီး တရုတ်-မြန်မာ နယ်စပ်တွင် တည်ရှိသည်။

ရှအိယန်ရွာသို့ ရောက်ရှိနေသည့် စစ်ဘေးရှောင် ဒုက္ခသည်များကို ကချင် လွတ်လပ်ရေး အဖွဲ့(KIO) ၏ စစ်ပြေး ဒုက္ခသည် များ ကူညီစောင့်ရှောက်ရေး IRRC မှ ပလတ်စတစ် မိုးကာများဖြင့် ယာယီတဲများ ဆောက်လုပ်ပေးထားသည်ဟု ရှအိယန် IRRC တာဝန်ခံ ဦးခရော်တူးဒန်က ပြောသည်။

“သူတို့ ဇန်နဝါရီ ၂၂ က မနက် ၁နာရီ ၃ နာရီလောက်က စပြီး တယောက်ချင်း ရောက်လာကြတယ်။ ရောက်တဲ့ညကတော့ ဒီရွာက နွားတင်းကုတ်ကို ငှားပြီး စုအိပ်ခိုင်းရတယ်။ နောက်ရက်တော့ ဒီမိုးကာတဲတွေ ဆောက်ပေးတယ်”ဟုဦးခရော်တူးဒန် က ပြောသည် ။

ရောက်ခါစတွင် စစ်ရှောင်ဒုက္ခသည်များသည် ပလတ်စတစ်မိုးကာ ယာယီတဲ အတွင်း မြေကြီးပေါ်တွင် ပလတ်စတစ် မိုးကာ များ ခင်းကာ အိပ်ကြရသည်ဟု သိရသည်။

ရှအိယန် ဒေသအတွင်း အပူချိန် အနုတ် ၄ ဒီဂရီ စင်တီဂရိတ် အထိ ကျဆင်းနေပြီး ညပိုင်းတွင် ရေခဲမှုန်များ ကျသဖြင့် သက်ကြီးရွယ်အို တချို့ ခြေလက်များ မလှုပ်မရှားနိုင်တော့ခြင်း၊ ထုံကျင်ခြင်းများ၊ အအေးမိဖျားနာခြင်းများ ဖြစ်နေသည်ကို တွေ့ရသည်။

ဇိုင်းအောင်မှ ရှအိယန်သို့ ရောက်ရှိနေသည့် အသက် ၅၅ နှစ်ခန့်ရှိ စစ်ပြေးဒုက္ခသည် ဦးဇော်ရာက “ပြေးလာတုန်းက ကောင်းသေးတယ်၊ အခု ညာဘက်ခြေက လှုပ်မရဘူး ကျင်နေတယ်၊ ပါးတွေလည်း ကျင်နေတာ လေဖြတ်တော့မယ် ထင်တ ယ်”ဟု ပြောသည် ။

ရှအိယန် ရွာအတွင်း နေရာချထားသည့် စစ်ဘေးရှောင်ဒုက္ခသည် ယာယီစခန်းတွင် အသက် ၅၀ နှင့်အထက် ဦးရေ ၁၀၀ ဝန်းကျင်ရှိသည်ဟု သိရသည်။

အဆိုပါ စစ်ဘေးရှောင်စခန်းတွင် ကျန်းမာရေး စောင့်ရှောက်မှု ပေးရန် KIA ကျန်းမာရေး ဌာနမှ တာဝန်ရှိသူများက ဆေးခန်း ထားရှိပြီ ဖြစ်သော်လည်း လက်ရှိတွင် စစ်ရှောင်များအတွင်း မည်သူဖျားနာနေသည်ကို စာရင်း ကောက်ယူ ထားခြင်း မရှိခြင်းတို့ကြောင့် ဖျားနာသူဦးရေ အတိအကျ မသိရှိရသေးပါ။

ဦးခရော်တူးဒန်က “ဒီတိုင်းဆို မဖြစ်ဘူး။ အကုန် ကျန်းမာရေး ထိခိုက်ကုန်မယ်။ လေဖြတ်ကုန်မယ်။ ကျနော်တို့လည်း အမြန်စီစဉ်နေပါတယ်။ သူတို့ကို အိမ်ဆောက်ပေးဖို့လည်း တိုင်ပင်နေပါတယ်။ လက်ရှိမှာတော့ ခင်းအိပ်ဖို့ သုံးထပ်သား ပြားတွေ စဝေနေပါတယ်”ဟု ပြောသည်။

ဇိုင်းအောင်နှင့် ခေါင်ရှောင် စစ်ဘေးဒုက္ခသည်များသည် ၂၀၁၁ ခုနှစ်မှ စ၍ ဝိုင်းမော်မြို့နယ် အတွင်း တိုက်ပွဲများကြောင့် စစ်ဘေးရှောင်နေရသည့် ဒုက္ခသည်များ ခိုလှုံနေရသည့် စခန်းဖြစ်သည်။

ဒေါ်သင်းသင်းမြတ်(ဥက္ကဋ္ဌ) မြ၀တီနယ်စပ် ကုန်သည်ကြီးများအသင်း တွေ့ဆုံမေးမြန်းခန်း အပိုင်း(၁)


ဒေါက်တာအေးမောင်အား ဆုပေးအပ်ပွဲတွင် နိုင်ငံတော်အကြီးအကဲများ ဂုဏ်သိက္ခာညှိုးနွမ်းစေသော ပြောဆို၊ ဖျော်ဖြေမှုများ မပြုရန် အမိန့်ထုတ်

RiA

ပြည်ပရောက်ရခိုင်များမှ ချီးမြှင့်သည့် ၂၀၁၆ ခုနှစ် ရခိုင်အမျိုးသားစွမ်းဆောင်ရည်ဆု ရရှိသူ ANP ဥက္ကဋ္ဌ ဒေါက်တာအေးမောင်အား ယနေ့ဆုပေးအပ်ပွဲတွင် နိုင်ငံတော်နှင့် နိုင်ငံတော်အကြီးအကဲများ၏ ဂုဏ်သိက္ခာကို ညှိုးနွမ်းစေမည့် သီဆိုကပြဖျော်ဖြေ၊ ပြောဆိုမှုများမပြုရန် အမ်းမြို့နယ်အုပ်ချူပ်ရေးမှူးမှ အမိန့်ထုတ်ပြန်လိုက်သည်။

အမိန့်ထုတ်ပြန်ချက်တွင် နိုင်ငံတော်နှင့် နိုင်ငံတော်အကြီးအကဲများ၏ ဂုဏ်သိက္ခာညှိုးနွမ်းစေမည့် သီဆိုကပြ၊ ဖျော်ဖြေမှုများ မပြုလုပ်ရန်၊ သာသနာကို ညှိုးနွမ်းပုတ်ခတ်စေသည့် သီဆိုကပြဖျော်ဖြေမှုများ မပြုလုပ်ရန်၊ နိုင်ငံရးပါတီများ၊ အဖွဲ့အစည်းများအား ပုတ်ခတ်သည့် သီဆိုကပြဖျော်ဖြေမှုများ မပြုရန်၊ လူမျိုးရေးအား ပုတ်ခတ်သည့် အပြုအမှုပြောဆိုမှုများ မပြုရန်၊ ယဉ်ကျေးမှုနှင့် ဆန့်ကျင်သည့် ဝတ်စားဆင်ယင်မှု၊ ဖျော်ဖြေမှုများ မပြုလုပ်ရန်၊ လူမျိုးရေးအဓိကရုဏ်းဖြစ်ပေါ်စေသည့် သွေးထိုးလှုံ့ဆော်စေသည့် သီဆိုကပြဖျော်ဖြေမှုများ မပြုလုပ်ရန်၊ သတ်မှတ်နေ့ရက်၊ သတ်မှတ်အချိန်ထိသာ ကျင်းပရန် စသည့် စည်းကမ်းချက်များ ပါဝင်သည်။

ဆုပေးအပ်ပွဲအခမ်းအနားကို အမ်းမြို့နယ်၊ ရွှေအမ်းတောင်ခန်းမတွင် ယနေ့ ဇန်နဝါရီ ၂၉ ရက်နေ့ နံနက် ၁၁ နာရီ မှ ညနေ ၅ နာရီထိ ပြုလုပ်ရန် ခွင့်ပြုထားခြင်း ဖြစ်သော်လည်း ပွဲကျင်းပရန် မိနစ်အနည်းငယ် အလို၌ ဒေသအာဏာပိုင်များမှ ခွင့်မပြုတော့ကြောင်း သတိပေး တားမြစ်လာခဲ့သည်။

ပြည်နယ်အထွေထွေအုပ်ချူပ်ရေးမှူး ဦးတင်မောင်ဆွေက “ ပုဂ္ဂိုလ်ရေးအခမ်းအနားဖြစ်တာကြောင့် ဒီခန်းမကို အသုံးပြုခွင့် မပြုတာပါ” ဟု ဖြေကြားခဲ့သည်။

အခမ်းအနား စီစဉ်သူများနှင့် အပြန်အလှန် ညှိနှိုင်းပြီးနောက် ယခုကဲ့သို့ စည်းကမ်းချက်များ ထုတ်ပြန်လာပြီး ခွင့်ပြုပေးခဲ့ခြင်းလည်း ဖြစ်သည်။

အမ်းမြို့နယ်တွင် မကြာမီကျင်းပမည့် ကြားဖြတ်ရွေးကောက်ပွဲကို ဝင်ရောက်ယှဉ်ပြိုင်မည့်သူထဲတွင် ANP ဥက္ကဋ္ဌ ဒေါက်တာ အေးမောင်လည်း ပါဝင်နေပြီး မလိုလားအပ်သော မဲဆွယ်ပြောကြားမှုများ မဖြစ်ပေါ်စေရန် တားမြစ်ခြင်း ဖြစ်နိုင်ကြောင်း နိုင်ငံရေးအကဲဖြတ်များက သုံးသပ်ကြသည်။

“ ပြီးခဲ့တဲ့ ရွေးကောက်ပွဲတုန်းကဆိုရင် ဒေါ်အောင်ဆန်းစုကြည်ကို ဂုဏ်သိက္ခာညှိုးနွမ်းအောင် လုပ်ပြီးမှ မဲဆွယ်ခဲ့တာတွေ ရှိပါတယ်။ ခုက ရွေးကောက်ပွဲကလည်း နီးနေလာပြီဆိုတော့ ချီးမြှင့်ပွဲကနေ အရင်ကလို ပြောဆိုမှုတွေ ရှိလာမှာကို တားမြစ်တဲ့ သဘောပါ” ဟု ရခိုင်နိုင်ငံရေးလေ့လာသူ ဦးဝေသာစိန်က ပြောသည်။

ပြည်ပရောက် ရခိုင်အမျိုးသားများမှ ၂၀၁၂ ခုနှစ်မှ စတင်ကာ ပြည်နယ်အတွင်း ရခိုင်အမျိုးသားနှင့် ပြည်နယ်၏ အကျိုးစီးပွားကို မြှင့်တင်ပေးသူတို့အား နှစ်စဉ်ချီးမြှင့်လာခဲ့ခြင်း ဖြစ်ပြီး ယခုနှစ်တွင် ဒေါက်တာ အေးမောင် အပါအဝင် တက်ကြွလှုပ်ရှားသူ စာရေးဆရာ ဝေဟင်အောင်၊ AA နှင့် ဆက်စပ်ပြီး ဖမ်းဆီးခံထားရသူ ကျောက်ဖြူမြို့နယ်မှ ကိုမောင်အေးတို့ကို ရခိုင်အမျိုးသားစွမ်းဆောင်ရည်ဆု ရရှိသူများအဖြစ် ချီးမြှင့်ခံထားရခြင်းလည်း ဖြစ်သည်။

စစ်ကိုင်းတိုင်းဒေသကြီးအစိုးရကစီစဉ်တဲ့ ပြည်သူ့အငှားအိမ်ရာ လျှောက်လွှာစတင်ရောင်းချ


အစိုးရတပ်မတော် စွပ်စွဲပြောဆိုမှု မဟုတ်မှန်ဟု SSPP/SSA တုန့်ပြန်

SHAN


သျှမ်းပြည်တောင်ပိုင်း မိုင်းရှူးမြို့နယ်အတွင်း ဘိန်းခင်းဖျက်ဆီးသည့် အစိုးရတပ်မတော် စစ်ကြောင်းများ အား သျှမ်းပြည်တပ်မတော် SSPP/SSA မှ နှောင့်ယှက်တိုက်ခိုက်သည်ဆိုသည့် ကိစ္စက မဟုတ်မှန်ကြောင်း တပ်မတော်စစ်ကြောင်းများမှ စတင်တိုက်ခိုက်ပြီး SSPP/SSA အပေါ် အပြစ်ပုံချခြင်းသာဖြစ်သည်ဟု SSPP/ SSA မှ ပြောဆိုသည် ။

“အစိုးရပိုင် သတင်းစာကနေ အခုလိုထုတ်ပြန်တာဟာ ကျနော်တို့အဖွဲ့အပေါ် အသရေဖျက်တာဘဲ။ ဒီထုတ်ပြန်ချက်က တကယ်လဲ မမှန်ဘူး။ အခုတိုက်ပွဲဖြစ်တဲ့နေရာကလဲ ဘိန်းခင်းနဲ့လဲမဆိုင်ဘူး။ ကျနော်တို့ နဂိုကတည်းကနေလာတဲ့ တပ်စခန်းကို တပ်မတော် ခမရ ၃၇၉ စစ်ကြောင်း က လက်နက်ကြီးနဲ့ အရင်ထု ပြီး နာမည်ကောင်းရအောင် သတင်းထုတ်ပြန်တဲ့ သဘောဘဲဖြစ်တယ်။ဒီစစ်ဆင်မှုက ပြည်သူလူထုအသိဆုံးဘဲ”- ဟု ပြောခွင့်ရ ဗိုလ်မှူးဘုန်းဟန်က ပြောသည် ။

ဇန်နဝါရီ ၂၂ ရက်နေ့က ထုတ် အစိုးရ ပိုင် ကြေးမုံ သတင်းစာတွင် မိုင်းရှူးမြို့နယ်အတွင်း တပ်မတော်သား များ၊ ရဲတပ်ဖွဲ့များ ဌာနဆိုင်ရာများ နှင့် ပြည်သူများပါဝင်သော ပူးပေါင်းက ဘိန်းခင်းများဖျက်ဆီးစဉ် SSA ၀မ့်ဟိုင်းအဖွဲ့က လက်နက်ကြီးလက်နက်ငယ်ဖြင့် ပစ်ခတ်တိုက်ခိုက်ခဲ့သည်ဟု ရေးသားဖေါ်ပြထား ခြင်းဖြစ် သည် ။

ထိုသို့ စွပ်စွဲရေးသားထားသည့်နောက်ပိုင်း သျှမ်းပြည်တိုးတက်ရေးပါတီ သျှမ်းပြည်တပ်တော် အခြေစိုက်ရာ ၀မ့်ဟိုင်းဌာနချုပ်အနီးသို့ အစိုးရတပ်များ အင်အားထပ်မံဖြည့်တင်း လာနေသည့် အပြင် ဂျက်ဖိုက်တာ အမျိုး အစား တိုက်လေယာဉ် MIG 29 အများအစား ၂ စီးအား ၀မ့်ဟိုင်း ဌာနချုပ် အပါအဝင်၊ သျှမ်းပြည်တပ် မတော် တပ်စခန်းတည်ရှိရာ ကျေးသီး မိုင်းရှူး၊ တန့်ယန်း မြို့နယ်အတွင်း ၃-၄ လာရောက်လှည့်ပတ် ပျံသန်း သည်ဟု ၀မ့်ဟိုင်းဌာနချုပ် အရာရှိများ ပြောပြချက်အရသိရသည် ။

အဆိုပါဒေသသည် လာမည့် ဧပြီလ ၁ ရက်နေ့ ကြားဖြတ်ရွေးကောက်ပွဲ ကျင်းရန်အတွက် ပြင်ဆင်နေထား သည့် မြို့နယ်များဖြစ်ကြသည် ။

ဇန်နဝါရီ ၂၁ ရက်နေ့က မိုင်းရှူးမြို့တောင်ဘက် ၃ မိုင်ကျော်အကွာ မိုင်းစံ – မိုင်းရှူးကြား ဝမ့်ပန်င ရွာအနီး လွယ်ကတ်တောင်ကြောရှိ SSPP/SSA တပ်စခန်းအား တပ်မတော်စစ်ကြောင်းမှ ၀င်ရောက် တိုက်ခိုက်ခဲ့သည် ။

တိုက်ပွဲတွင် တပ်မတော်ဘက်အပါဝင် သျှမ်းပြည်တပ်တော်ဘက်ကပါ ထိခိုက်နစ်နာသေဆုံးမှုများ ရှိကြသည် ။

သျှမ်းပြည်တိုးတက်ရေးပါတီ သျှမ်းပြည်တပ်မတော် SSPP/SSA သည် တနိုင်ငံလုံးအပစ်အခတ်ရပ်စဲရေး စာချုပ်တွင် လက်မှတ်မထိုးရ သေးသော်လည်း ပြည်ထောင်စုအဆင့် ပြည်နယ်အဆင့်ငြိမ်းချမ်းရေးလက် မှတ်ရေးထိုးသည် ။

ရုပ်ရှင်ရုံတစ်ရာစီမံကိန်းအတွက် ဒီနှစ်အတွင်း ရုပ်ရှင်ရုံပေါင်း၄၅ရုံဖွင့်လှစ်သွားမယ်


ရခိုင်အကြံပေးကော်မရှင်အဖွဲ့ ဘင်္ဂလားဒေ့ရ်ှနိုင်ငံသို့ သွားရောက်

RiA

ရခိုင်ပြည်နယ်ဆိုင်ရာ အကြံပေးကော်မရှင်အဖွဲ့ဝင် အချို့သည် ပြည်နယ်အတွင်း ကြုံတွေ့နေရသည့် အခြေအနေများနှင့် ပတ်သက်၍ အိမ်နီးချင်း ဘင်္ဂလားဒေ့ရ်ှနိုင်ငံ၏ အမြင်များကို လေ့လာနိုင်ရန် သွားရောက်နေကြောင်း သိရသည်။

“ အိမ်နီးချင်းနိုင်ငံတွေရဲ့ အမြင်သဘောတွေကို သိရဖို့အတွက် ကျွန်မတို့ ဒေသတွင်း နိုင်ငံတွေကို သွားရောက်ဖို့ စီစဉ်ထားပါတယ်။

အဲဒီထဲမှာ မလေးရှားကို သွားပြီးပါပြီ။ ခု ဘင်္ဂလားဒေ့ရ်ှပေါ့နော်။ နောက်ပြီးတော့ အင်ဒိုနီးရှားကို သွားဖို့ စီစဉ်ထားပါတယ်” ဟု ကော်မရှင်အဖွဲ့ဝင် ဒေါ်စောခင်တင့်က ပြောသည်။

ယခု ခရီးစဉ်ကို ကော်မရှင်အဖွဲ့ဝင်များဖြစ်သည့် ဦးဝင်းမြနှင့် ဦးအေးလွင်တို့က သွားရောက်နေခြင်း ဖြစ်ပြီး ယနေ့ ဇန်နဝါရီလ ၂၉ ရက်တွင် နယ်စပ်အနီး ကော့ဘဇားရှိ မြန်မာနိုင်ငံမှ ရောက်ရှိလာသော ဘင်္ဂလီဒုက္ခသည်စခန်းများကို သွားရောက်မည် ဖြစ်ကြောင်း သိရသည်။

ဘင်္ဂလားဒေ့ရ်ှနိုင်ငံခြားရေးဝန်ကြီးဌာနမှ ထုတ်ပြန်ချက်အရ မြန်မာနိုင်ငံမှ ရောက်ရှိလာသူ ၄ သိန်း အပါအဝင် အောက်တိုဘာ ၉ ရက်တိုက်ခိုက်မှု နောက်ပိုင်း ထပ်မံ ဝင်ရောက်လာသည့် ဒုက္ခသည် ၆၅၀၀၀ ခန့်တို့သည် နိုင်ငံအတွင်း ရောက်ရှိနေကြောင်း ၎င်းတို့ဘက်မှ ပြောထားသည်။

၂လကျော် ကြာမြင့်နေပြီဖြစ်တဲ့ လှိုင်သာယာ စက်မှုဇုန် ၁ ရွှေမိစက်ရုံက အလုပ်သမား သပိတ်ရုပ်သိမ်း


ရနောင်းက ထိုင်းကျောင်းသူ အသတ်ခံရမှု သက်သေ အထောက်အထား တင်ပြရန် ပျက်ကွက်

ကျော်ခ


ထိုင်းနိုင်ငံ တောင်ပိုင်း ရနောင်းမြို့က အထက်တန်း ကျောင်းသူတဦး အသတ်ခံရမှုနှင့်ပတ်သက်ပြီး တရားရုံးက စစ်ဆေး ရန် ခေါ်ယူခဲ့သော်လည်း တရားလိုဘက်မှ လူသတ်မှုသက်သေ အထောက်အထားများ တင်ပြရန် ပျက်ကွက်ခဲ့ကြောင်း သိရ သည်။

ယင်းအမှုအတွက် စွပ်စွဲခံထားရသော မြန်မာနိုင်ငံသား ၄ ဦးဘက်မှ လိုက်ပါဆောင်ရွက်နေသည့် ထိုင်းတောင်ပိုင်း အခြေ စိုက် ပညာရေးနှင့် ဖွံ့ဖြိုးတိုးတက်ရေး ဖောင်ဒေးရှင်း (FED) က အထက်ပါအတိုင်း ပြောပြခြင်း ဖြစ်သည်။

အဆိုပါ ရနောင်းလူသတ်မှုနှင့် ပတ်သက်ပြီး ဇန်နဝါရီလ ၂၆ -၂၇ ရက်နေ့တွင် တရားလိုများဘက်မှ သက်သေထွက်ဆိုမည့် ခရိုင် စုံစမ်းစစ်ဆေးရေး ရဲမှူး က တရားခွင်သို့ ကိုယ်တိုင် ရောက်လာခဲ့သော်လည်း လူသတ်မှု စစ်ဆေးချက် သက်သေ အထောက်အထားများ တပါတည်း ယူဆောင်လာရန် ပျက်ကွက်ခဲ့ခြင်း ဖြစ်ကြောင်း သိရသည်။

FED အလုပ်သမားရေးရာ တာဝန်ခံ ဦးမင်းဦး က “ကျနော်တို့ဘက်က ရှေ့နေတွေကလည်း သူတို့ တင်ပြမယ့်ဟာတွေ အပေါ်မှာ ဟာကွက်တွေကို ထောက်ပြ မေးမြန်းဖို့ ပြင်ဆင်ထားတယ်။ သူတို့တင်ထားတဲ့ ဗီဒီယိုတို့ဘာတို့ ဓာတ်ပုံ မှတ် တမ်းတွေပြရမှာ အဲဒါကို မတင်ပြနိုင်တော့ ဘာမှဆက်လုပ်လို့ မရဘူးလေ။ ဒါမျိုးကတော့ ပြောရရင် ဘောင်ထဲကနေ ညစ်တဲ့သဘောပေါ့”ဟု ဧရာဝတီသို့ ပြောသည်။

ပထမနေ့ စစ်ဆေးမှုတွင် ရဲဘက်က တင်ပြထားသော သေဆုံးသူ၏ ဒဏ်ရာ၊ လူသတ်လက်နက် စသည့် ကိစ္စများနှင့် ပတ် သက်ပြီး စွဲဆိုထားချက်များသည် လျော်ညီမှုမရှိကြောင်း အစိုးရ မှုခင်းဆရာဝန်အား စွပ်စွဲခံ မြန်မာရွှေ့ပြောင်းလုပ်သား ၄ ဦး ဘက်မှ ရှေ့နေများက တရားရုံး၌ မေးမြန်း၍ အတည် ပြုချက် ရယူခဲ့ကြောင်း သိရသည်။

ထိုင်းနိုင်ငံတောင်ပိုင်း ရနောင်းမြို့၌ ၂၀၁၅ ခုနှစ် စက်တင်ဘာလ၂၈ ရက်က အသက် ၁၉ နှစ် အရွယ်ရှိ Orawee Samphaothong ခေါ် Apple ဆိုသူ ထိုင်းကျောင်းသူ တဦး အသတ်ခံရမှုနှင့် ပတ်သက်၍ မြန်မာလုပ်သား ၄ ဦးကို စွပ်စွဲဖမ်းဆီးခဲ့ခြင်း ဖြစ်သည်။

သေဆုံးသူ Samphaothong ခေါ် Apple သည် အခင်းဖြစ်ပွားခဲ့သော ညက သူငယ်ချင်းဖြစ်သူထံသို့ တဦးတည်း အလည် သွားစဉ် လမ်းခရီး၌ အသတ်ခံရခြင်း ဖြစ်ကြောင်း၊ ဓား ဒဏ်ရာများဖြင့် သေဆုံးခြင်းဖြစ်ပြီး ဓားဒဏ်ရာ ၁၇ ချက် စစ်ဆေး တွေ့ရှိ ကြောင်း ရဲမှတ်တမ်း ဖော်ပြမှုကို ကိုးကားပြီး ထိုင်း သတင်းစာများက ရေးသားခဲ့ကြသည်။

ထိုလူသတ်မှုနှင့် ပတ်သက်၍ စွပ်စွဲ ဖမ်းဆီးခံ မြန်မာလူငယ် ၄ ဦး အနက် မိုးဇင်အောင်နှင့် ကျော်စိုးဝင်းတို့သည် အသက် မပြည့်သေးသူများ ဖြစ်ပြီး ကိုဝေလင်းနှင့် ကိုစိန်ဂတုံးတို့သည် အသက် ၁၈ နှစ် ပြည့်ပြီးသူများ ဖြစ်သည်။

၎င်းတို့သည် ရေလုပ်သားများ ဖြစ်ကြပြီး ရနောင်းမြို့ရှိ ပင်လယ်အစားအစာများ ထုတ်လုပ်သည့် အလုပ်ရုံတွင် လုပ်ကိုင် နေကြသူများ ဖြစ်ကြောင်း သိရသည်။

မြန်မာလူငယ်များသည် လူသတ်မှု၌ ၎င်းတို့ ပါဝင်ခြင်းမရှိဟု မူလက ထွက်ဆိုထားသော်လည်း လူသတ်မှုဖြင့် စတင် ဖမ်းဆီး စစ်ဆေးစဉ်က ထိုင်းရဲတပ်ဖွဲ့က ၎င်းတို့အား ညှဉ်းပန်းနှိပ်စက်ခြင်း၊ ခြိမ်းခြောက်ခြင်းများကြောင့် ပြစ်မှုကျူးလွန်ခဲ့ ကြောင်း ဝန်ခံခဲ့ရသည်ဟု ဆိုသည်။

လက်ရှိ အချိန်အထိ စစ်ဆေးထားသည့် သက်သေခံပစ္စည်း အထောက်အထားများ အရ ခိုင်မာသည့် သက်သေ အထောက် အထား တစုံတရာ မတွေ့ရသေးကြောင်း၊ သေဆုံးသူ အမျိုးသမီးငယ်၏ အဝတ်အစားများနှင့် ဖမ်းဆီးခံထားရသည့် မြန်မာ လူငယ် များ၏ အဝတ်အစားများ၊ အသုံးအဆောင် ပစ္စည်းများကို မျိုးဗီဇ (DNA) စစ်ဆေးရာ၌ တူညီမှုမရှိကြောင်း သိရ သည်။

“အမှုမှာ အခုအချိန်အထိ သူတို့ဘက်ကတင်တဲ့ သက်သေ အထောက်အထား DNA ကိစ္စတွေက အစ အကုန်လုံးခြုံကြည့် မယ် ဆိုရင် ကိုယ့်ဘက်က သာတာပေါ့။ DNA ဆိုရင်လည်း သေဆုံးသူ ခန္ဓာကိုယ်မှာတွေ့တဲ့ သွေးတို့၊ အဝတ်အစားတို့မှာ ရှိတဲ့ ဟာတွေ၊ ကလေးမလေး လက်သည်းမှာ ရှိတဲ့ဟာတို့ စသဖြင့် ၁၃ မျိုးလောက်ရှိတယ် ဒီကလေး ၄ ယောက်လုံးနဲ့ လုံးဝ မတူဘူး”ဟု ဦးမင်းဦး ကပြောသည်။

အဆိုပါ ရနောင်းလူသတ်မှုကို FED အဖွဲ့နှင့်အတူ ထိုင်းနိုင်ငံ ဆိုင်ရာ မြန်မာသံရုံး၊ ထိုင်းနိုင်ငံရှေ့နေများ ကောင်စီ၊ ထိုင်း အမျိုးသား လူ့အခွင့်အရေး ကော်မရှင်တို့က ပူးပေါင်းဆောင်ရွက်နေကြောင်း သိရသည်။

၂၀၁၄ ခုနှစ် စက်တင်ဘာ လအတွင်းက ဖြစ်ပွားခဲ့သည့် ထိုင်းနိုင်ငံ လိပ်ကျွန်းတွင် ဗြိတိန်နိုင်ငံသား ၂ ဦးဖြစ်သော ဒေးဗစ် မီလာနှင့် ဟန်နာ ဝစ်ထာရစ်ခ်ျတို့ ၂ဦး အသတ်ခံရမှုနှင့် ပတ်သက်၍လည်း မြန်မာနိုင်ငံသား လူငယ် ၂ ဦးဖြစ်သည့် ကိုဇော်လင်းနှင့် ကိုဝင်းဇော်ထွန်းတို့ ၂ဦးသည် လူသတ်မှု၊ အဓမ္မကျင့်မှု၊ ပစ္စည်းခိုးမှု စသည့် ပုဒ်မများ တပ်ပြီး သေဒဏ် အမိန့် ချခံထားရသည်။

တရားသောစစ်အောင်မြင်စေကြောင်း ထောက်ခံပွဲအပေါ်အမြင်


ရှေးဟောင်းကားပြပွဲတွင် နှစ် ၁၀၀ကျော်သက်တမ်းရှိ ကားဟောင်းများ ပါဝင်ပြသခဲ့

စိုးသူရ

ရန်ကုန်မြို့ ပြည်သူ့ရင်ပြင်တွင်ပြုလုပ်နေသည့် ရန်ကုန်အမွေနှစ်ရှေးဟောင်းကားပြပွဲတွင် နှစ် ၁၀၀ကျော်သက်တမ်းရှိ ကားဟောင်းများ ပါဝင်ပြသခဲ့ပြီး ဇန်န၀ါရီလ ၂၈ ရက်မှ ၂၉ ရက်အထိ နှစ်ရက်ကြာကျင်းပပြုလုပ်နေခြင်း ဖြစ်သည်။

ယနေ့ ဇန်န၀ါရီလ ၂၈ ရက်တွင်မော်လ်ဒယ်အစုံပါဝင်သည့်ကားဟောင်း ၃၆ စီးနှင့် ဆိုင်ကယ်အဟောင်း ၆ စီး ပြသထားသည်ကိုတွေ့ရပြီး ဗိုလ်အုန်းသီးစက်ဘီးကဲ့သို့ လက်ရှိအချိန်တွင် ဈေးကွက်အတွင်း မမြင်တွေ့ရတော့သည့် ကလေးစီးသုံးဘီးစက်ဘီးများကိုလည်း ပြသထားသည်။

ကားပြပွဲတွင်ပါဝင်ပြသသူတစ်ဦးက ပြပွဲတွင်ပါဝင်တဲ့ရည်ရွယ်ချက်ကိုပြောခဲ့ပြီး ရှေးဟောင်းကားများအား လိုင်စင်ချပေးစေလိုကြောင်း ပြောခဲ့သည်။

“နိုင်ငံတကာမှာလည်း ကားဟောင်းချစ်တဲ့သူတွေ အများကြီးရှိသလို ကျွန်တော်တို့နိုင်ငံမှာလည်း ရှိတယ်ဆိုတာကို ပြတဲ့သဘောပါ။ နောက်တစ်ခုက ကျွန်တော်တို့အဖေတွေခေတ်တုန်းက ကားဟောင်းတွေ ပြန်ပြင်လို့ရရင်လည်း နိုင်ငံတကာလို လိုင်စင်ချပေးစေချင်ပါတယ်”ဟု ကားပိုင်ရှင်တစ်ဦးဖြစ်သည့် ကိုထွန်းထွန်းလင်းပင်က ပြောသည်။

ယင်းပြပွဲကို ၀င်ကြေး ၁၀၀၀ သတ်မှတ်ထားပြီးရန်ကုန်မြို့ရှိ ကားဝါသနာရှင်များနှင့် ဆိုင်ကယ်ဝါသနာရှင် အများအပြား လာရောက်ကြည့်ရှုခဲ့ကြသည်။

လာရောက်လေ့လာသူတစ်ဦးဖြစ်သည့် ကိုရဲဝင်းထွန်းက” ဒီလိုပွဲမျိုးကို အားလုံး လာရောက် ကြည့်ရှုစေချင်တဲ့ အတွက် ၀င်ကြေး ၁၀၀၀ က မများပေမယ့် အားလုံးကြည့်နိုင်ဖို့ အခမဲ့ဖြစ်အောင် လုပ်ပေးဖို့ အကြံပြုလိုပါတယ်” ဟု ပြောသည်။

ယခုကားပြပွဲကို Myanmar Classic Car Club မှ ဦးစီး ပြသခဲ့ခြင်းဖြစ်ပြီး၂၀၁၅ခုနှစ် ကလည်း ရှေးဟောင်းကားပြပွဲကို ပထမဆုံးအကြိမ် ကျင်းပခဲ့သေးသည်။

ပြည်တွင်းစစ်တွေရပ့်ဖို့အတွက်၊ပဲခူးတိုင်း၊ပြည်မြို့မှာ ငြိမ်းချမ်းရေးလမ်းလျှောက်


အဖမ်းခံ မုံးကို ကချင် ခရစ်ယာန် ဆရာ နှစ်ပါး ကို မူဆယ် ရဲစခန်းသို့ လွဲပြောင်း

Kachinnews


ရှမ်းပြည်နယ် မြောက်ပိုင်း မုန်းကို ကချင် နှစ်ခြင်း ခရစ်ယာန် အဖွဲ့ချုပ် KBC အသင်းတော် အမှုတော်ဆောင် ဆရာ ၂ ပါးကို မတရား မြန်မာစစ်တပ်မှ ထိန်းချုပ်ထားရာမှ ယခု မူဆယ် မြို့မ ရဲစခန်းကို လွဲပြောင်းခဲ့ပြီး မိသားစုနှင့် အသင်းတော်လူကြီးများကို တွေ့ဆုံခွင့် ပေးခဲ့သည်။

အသက် ၆၅ နှစ် သင်းထောက် Dumdaw Nawng Lat (ဒွမ်ဒေါ့နောင်လတ်) နှင့် အသက် ၃၅ နှစ် ဓမ္မဆရာ Langjaw Gam Seng (လန်ဂျော် ဂမ်ဆိုင်း) တို့ နှစ်ဦး ကို လက်နက်ကိုင် တော်လှန်ရေး အဖွဲ့အား ကူညီပေးမှု မသင်္ကာမှုနှင့် ဒီဇင်ဘာ ၂၄ ရက်နေ့ မုံးကို စစ်ဗျူဟာမှ ဖမ်းဆီးခဲ့ခြင်းဖြစ်သည်။

ယနေ့ အဆိုပါ အမှုတော်ဆောင် ဆရာ နှစ်ပါး ကို သွားရောက်တွေ့ဆုံခဲ့သည့် KBC မုန်မောင်ဇုံနယ် အသင်းတော် အတွင်းရေးမှုး Sara Zau Ra (ဆရာ ဇော်ရာ) က အခြေအနေကို အခုလို ပြောပါသည်။

“သူတို့ နှစ်ဦး ကို ကြည့်ရတာ ကျန်းမာရေး ကတော့ ပုံမှန်ပါပဲ။ ဒါပေမယ့် အရမ်း စိတ်မကောင်းတော့ ဖြစ်နေတယ်။ တခြား ရိုက်နက်တာလည်း မရှိဘူး လို့ ဆရာ နှစ်ယောက် ပြောတယ်။”

ဆရာ နှစ်ပါး ဒီဇင်ဘာ ၂၄ ရက်နေ့ ည ဖမ်းဆီး ခံရချိန်မှ ဇန်နဝါရီ ၂၂ ရက်နေ့ အထိ မြန်မာ စစ်တပ် Nampaka (နမ့်ဖတ်ကာ) နယ်မြေခံ ခလရ ၁၂၃ တပ်စခန်းတွင် ထိန်းချုပ်ခံခဲ့ရ ပြီးနောက် မူဆယ် ရဲစခန်းကို ပြောင်းရွှေ့ခဲ့ခြင်း ဖြစ်ပြီး ယခုချိန်ထိ အထက်အမိန့် တစ်စုံတရာ မရသေးသဖြင့် ဒီအတိုင်း ထိန်းသိမ်းထားခြင်းဖြစ်သည်ဟု ရဲတာဝန်ရှိသူက ဆိုခဲ့ကြောင်း Sara Zau Ra က ပြောသည်။

မိသားစုဝင်များ နှင့်လည်း ယမန်နေ့ က တွေ့ဆုံခွင့် ပေးခဲ့ကြောင်း သိရသည်။

လောလောဆယ် ဒီအမှုနှင့် ပတ်သက်ပြီး “တပ်မတော်ဘက်က စွဲထားတဲ့ ပုဒ်မ ရဲစခန်းကို ချပြမှ ကျနော်တို့ KBC ဘက်ကလည်း အစိုးရကို ဘယ်လိုတောင်းဆိုသွားမယ်ဆိုတာ အဲချိန်မှ သိမယ်။ အခုတော့ သူတို့လည်း ဘာမှ မချရသေးဘူး” ဟု Sara Zau Ra က ဆက် ပြောသည်။

တပ်မတော်ဘက်က ဖမ်းဆီးခံ KBC ဆရာ နှစ်ပါး ကို ‘၂၀၁၆ ဖေဖော်ဝါရီလ KIA တပ်မဟာ ၆ အသစ် ဖွဲ့စည်းခြင်း အဖွင့် ဆုတောင်းပွဲမှာ ပါဝင်မှု၊ ပြည်ပ မီဒီယာများနှင့် ဆက်သွယ်ပြီး တပ်မတော် ဂုဏ်သိက္ခာကျဆင်းစေမှု အပြင် တော်လှန်ရေးအဖွဲ့ကို ကူညီမှု’ စတဲ့ အချက်တွေနှင့် တရားစွဲထားခြင်းဖြစ်သည်။

သို့သော်လည်း အဆိုပါ သင်းထောက် Dumdaw Nawng Lat နှင့် Sara Langjaw Gam Seng တို့ နှစ်ဦးမှာ မည်သည့် လက်နက်ကိုင်အဖွဲ့နှင့်မျှ မဆိုင်ဘဲ အမှုတော်လုပ်ငန်းကို တာဝန်ကျေကျေ လုပ်ဆောင်နေသည်မှာ မုန်းကို အသင်းသားများ အားလုံး သက်သေပင် ဖြစ်ကြောင်း ဒီဇင်ဘာ ၂၄ ရက်နေ့ KBC အဖွဲ့ချုပ် က ၄င်း၏ Facebook စာမျက်နှာမှာ ဖော်ပြထားသည်။

ထို့အပြင် နိုင်ငံတကာ လူ့အခွင့်အရေး စောင့်ကြည့်ရေး အဖွဲ့ဖြစ်တဲ့ HRW နှင့် Fortify Rights တို့ကလည်း ဆရာ နှစ်ပါး အား ဥပဒေမဲ့ ဖမ်းဆီးထားမှုကို ချက်ချင်းလွတ်ရန် သို့မဟုတ် တရားဥပဒေအတိုင်း တရားစွဲဆိုရန် ယမန်နေ့က ထပ်မံ တောင်းဆိုထားသည်ကို တွေ့ရသည်။

ဆရာ နှစ်ပါး ကို ဖမ်းဆီးထားခြင်း မရှိကြောင်း တပ်မတော်က ငြင်းဆိုနေရာမှ KBC အဖွဲ့ချုပ် အပြင် နိုင်ငံတကာ လူ့အခွင့်အရေး အဖွဲ့များ၏ တောင်းဆိုမှုများကြောင့် ဇန်နဝါရီ ၁၉ ရက်ည ၄င်းတို့ ဖမ်းဆီးထားသည်ဟု တပ်မတော် ဘက်က တရားဝင် ဝန်ခံခဲ့သည်