Wednesday, May 5, 2010

လွတ်မြောက်ခွင့် မရှိသေးသော ဘဝများ



ကျမ ရန်ကုန်မှာနေတုန်းက အင်းစိန်ထောင်ကို မကြာမကြာ ထောင်ဝင်စာတွေ ရောက်ရပါတယ်။ အဲဒီတုန်းက ကျမတို့နေတာ မြောက်ဒဂုံမြို့နယ်မှာဆိုတော့ အင်းစိန်က ပြန်လာရင် သမိုင်းလမ်းဆုံမှာ ကားပြောင်းစီးရတာမို့ သမိုင်းလမ်းစုံက အရောင်အသွေး စုံလင်လှတဲ့ လူတန်းစား အလွှာအသီးသီးကို ကျမတို့ညီမတွေ အမြဲတွေ့ကြုံနေကျပါ။

ကျမတို့က တနင်္လာ၊ ဗုဒ္ဒဟူး တရက်ရက်ကို ဦးဇင်း ဦးဂမ္ဘီရနဲ့ အကိုကြီး ကိုအောင်ကျော်ကျော်အတွက် ထောင်ဝင်စာ ပို့နေကျမို့ အဲဒီနေ့တွေဆိုရင် လူပန်းစိတ်ပန်းနဲ့ အမြဲကြုံခဲ့ရတာအမှန်ပဲ။ ထောင်ဝင်စာတွေ့တဲ့ နေရာမှာ တာဝန်ကျဝန်ထမ်းတွေနဲ့ အဆင်ပြေချောမွေ့မှု မရှိတာ၊ သံတိုင်ကြားမှာ ဦးဇင်းနဲ့ အကိုကြီးကို တွေ့ရလို့ စိတ်မကောင်း ဖြစ်ရတာ၊ လမ်းခရီးကလည်း ဝေး - ကားကလည်း ကျပ်ညပ်လှတဲ့အပြင်ကို သွားရတာကလည်း နေပူကြီးထဲမှာဆိုတော့ ဘာပြောကောင်းမလဲ။ ဒါပေမဲ့ တော်သေးတယ်၊ ကျမတို့ညီအမတွေက အညာသူတွေမို့ နေပူဒဏ်ကို သိပ်မမှုကြတာ။

ကျမတို့ တနေ့ ထောင်ဝင်စာ သွားတွေ့ရာကအပြန် သမိုင်းလမ်းဆုံမှာ မတွေ့တာ အတော်ကြာပြီဖြစ်တဲ့ ကိုကျော်မင်းရဲ့ ဇနီးနဲ့ မထင်မှတ်ပဲ သွားဆုံမိတယ်။ ကိုကျော်မင်းဆိုတာက အလုပ်သမား အခွင့်အရေး လှုပ်ရှားနေတဲ့ ကိုသူရိန်အောင်တို့ အုပ်စုထဲက တယောက်ပါ။

သူတို့တွေ အကျဉ်းထောင်ထဲမှာ ရောက်နေတော့ သူ့ဇနီးနဲ့ သမီးလေးက ယောင်လည်လည်နဲ့ ကျန်နေခဲ့ရှာတယ်။ ရိုးရိုးအေးအေးနဲ့ စီးပွားရေးအလုပ်အကိုင် လည်လည်ဝယ်ဝယ် မရှိလှတဲ့ သားအမိ ၂ ယောက်အဖို့ ရန်ကုန်မြို့ကြီးထဲမှာ ဘယ့်နှယ်ရှိမလဲ စဉ်းစားကြည့်ရင်းနဲ့ ကျမ ရင်ဘတ်တွေတောင် အောင့်တက်လာတယ်။ ဘာပဲဖြစ်ဖြစ် ကျမ တကယ့်ကို လေးစားဂုဏ်ယူမိပါတယ်။

သမီးလေး ၆ လဝန်းကျင် အရွယ်လောက်နဲ့ သွေးနုသားနုအချိန်မှာ ခင်ပွန်းသည်အတွက် ထောင်ဝင်စာတွေ့နိုင်ဖို့ လုံးပမ်းနေရတာ တော်ရုံသတ္တိတော့ မဟုတ်ဘူး။ ကျမလေ သူတို့နဲ့တွေ့ရတာ တကယ့်ကို စိတ်ထိခိုက်ရတယ်။ သူ့ခမျာ ပင်ပန်းနွယ်နယ်နေပြီး သမီးလေးကလည်း အာဟာရ ပြည့်ပုံမပေါ်ဘူး။

မတွေ့ရတာ အတော်ကြာပြီဖြစ်တာမို့ ကိုကျော်မင်း ဇနီးကို ကျမ တွေ့တွေ့ချင်းတော့ ဝမ်းသာမိတယ်။ ကိုကျော်မင်းတို့၊ ကိုသူရိန်အောင်တို့ အခြေအနေကို သိချင်ဇောနဲ့မေးဖို့ စဉ်းစားရင်းက သားသည်မိခင်ရဲ့ အခြေအနေကို ကြည့်ပြီး ကျမ စကား စမပြောနိုင်ဘဲ ဖြစ်နေတာ။ ကိုကျော်မင်းတို့၊ ကိုသူရိန်အောင်တို့ အုပ်စုတွေက ဦးဇင်း ဦးဂမ္ဘီရကို အတော်ပဲ သံယောဇဉ်ရှိကြသလို ဦးဇင်းကလည်း သူတို့အပေါ် အမြဲ သတိတရ ရှိနေတာပါ။

‘‘ကိုကျော်မင်းက ဦးဇင်း ကျမ်းမာရေးကောင်းရဲ့လား၊ အဆင်ပြေရဲ့လားဆိုပြီး မေးမေးနေတာ ဆရာမ’’ လို့ ဆိုတော့မှ ကျမလည်း စကားပြောဖို့ သတိရတော့တယ်။ သြော် .. သူတို့ခမျာ ရေဒီယိုသတင်း နားထောင်နိုင်ဖို့လည်း အခွင့်အရေး မရှိကြဘူး ထင်တယ်။

‘‘ဦးဇင်းကို ဖမ်းမိသွားပြီ၊ စစ်ကိုင်းတိုင်း စဉ့်ကိုင်မြို့မှာလေ’’လို့ ကျမပြောလိုက်တော့ ကိုကျော်မင်းရဲ့ဇနီးလည်း စိတ်မကောင်း ဖြစ်သွားတယ်။ ရွှေဝါရောင်တော်လှန်ရေးကြီးဖြစ်တာတော့ သူတို့သိလိုက်တယ်။ ဒါပေမဲ့ ဦးဇင်းလွတ်နေတုန်းပဲ ထင်တာတဲ့။ ဦးဇင်းလွတ်နေရင် အလုပ်တွေ တော်တော်လုပ်နိုင်အုံးမှာနော်။ ဦးဇင်းက လူပင်ပန်း၊ စိတ်ပင်ပန်း အတော်ခံနိုင်တာလို့ ပြောရှာတယ်။

ဒီလိုပဲလေ၊ ဘယ်တတ်နိုင်ပါ့မလဲ။ အများအကျိုးစီးပွားအတွက် လုပ်မယ်လို့ စပြီး စိတ်ကူးကတည်းက ကိုယ်ကျိုးစီးပွားကို စတေးရတဲ့ အနစ်နာခံမှုဆိုတာ စတွေ့တော့တာပဲ။ အဖမ်းခံရ၊ နှိပ်စက်ညှဉ်းပန်းခံရ နောက်ဆုံး အသက်ပါ ပေးဆပ်ရတဲ့အထိ အနစ်နာခံကြရတာ။ ဦးဇင်း အာဘော်အတိုင်း ပြောရရင်တော့ ဓမ္မထွန်းကားရေးအတွက် ပေးဆပ်နေရတာပေါ့။

အများသူငါလို လက်ဖက်ရည်ဆိုင်တို့၊ အအေးဆိုင်တို့မှာ ထိုင်နိုင်ဖို့ အခွင့်အရေး မရှိကြတဲ့ ကျမတို့တွေ ကားမှတ်တိုင် အမိုးစုတ်ကလေးကို အမှီပြုပြီး ကားစောင့်ကြရင်း စကားတွေ ပြောဖြစ်လိုက်တာ။ ဒီလိုနဲ့ အချိန်လည်း လင့်လာပြီဆိုတော့ ကိုကျော်မင်းကို ပြောလိုက်ပါနော်၊ မေဒေးနေ့ နီးလာလို့ သတိတရရှိနေပါတယ်။ ဦးဇင်းလည်း သတိတရရှိပြီး တွေ့ချင်နေမှာပါ။ တနေ့နေ့တချိန်ချိန်တော့ ပြန်ဆုံနိုင်ဖို့ မျှော်လင့်နေပါတယ်ဆိုပြီး နှုတ်ဆက်ခဲ့ရတယ်။

ကားမှတ်တိုင်က ကျမတို့ ထွက်လာတော့မှ စိတ်ထဲမှာ စနောင့်စနင်း ဖြစ်နေတယ်။ တကယ်ဆို အကူအညီတခုခု ပေးလိုက်ရမှာ။ သူတို့ သားအမိ ၂ ယောက်အတွက် တကယ်လိုအပ်နေတာကို စဉ်းစားမိပြီး အကူအညီတစုံတရာ မပေးလိုက်နိုင်တဲ့အတွက် အားမလိုအားမရ ဖြစ်နေရတယ်။

အေးလေ .. ရုပ်ဝတ္ထုပစ္စည်းဆိုင်ရာအရ အကူအညီ မပေးလိုက်နိုင်ပေမယ့် စိတ်ဓာတ်ပိုင်းဆိုင်ရာအရတော့ ရောက်တတ်ရာရာတွေ ပြောရင်း အများကြီး အကူအညီ ပေးလိုက်နိုင်တာမို့ တော်သေးတယ်လို့ ဖြေသိမ့်မိတယ်။

ကိုသူရိန်အောင်တို့အုပ်စုက အလုပ်သမား အခွင့်အရေးတွေ ရရှိဖို့ ကြိုးစားနေကြ၊ ပညာပေးနေကြတဲ့ လူငယ်တွေ စုပြီး လှိုင်သာယာဈေးလေး မှတ်တိုင်အနီးက အိမ်တလုံးမှာ အခြေစိုက်ပြီး လှိုင်သာယာ စက်မှုဇုန်အတွင်းက အလုပ်သမားတွေရဲ့ အလုပ်သမား အခွင့်အရေး ရဖို့၊ မိသားစုဝင်တွေ အသိဥာဏ် ဗဟုသုတ တိုးပွားပြီး လူမှုအဆင့်အတန်း မြင့်မားလာဖို့ဆိုတဲ့ ရည်ရွယ်ချက်တွေနဲ့ သူတို့ အပင်ပန်းဆင်းရဲခံပြီး ရပ်တည်လှုပ်ရှားနေကြတာ။

တကယ်တော့ လွယ်လှတာ မဟုတ်ဘူး။ သူတို့လို ခေတ်ပညာတတ် လူငယ်တွေအနေနဲ့ ကိုယ့်ဘဝ တိုးတက်လမ်းကို တစိုက်မတ်မတ် ဆက်မလျှောက်တော့ဘဲ အခြေခံလူတန်းစား အလွှာထဲကို ဆင်းပြီး ကိုယ့်လူမျိုး၊ ကိုယ့်နိုင်ငံ တိုးတက်ဖို့အတွက် လုပ်နေကြရတာ နည်းတဲ့ သတ္တိတော့ မဟုတ်ဘူးလေ။

ကိုသူရိန်အောင်က ကလေးတွေအတွက် ပညာရေးနဲ့ ပတ်သက်တဲ့ လိုအပ်ချက်တွေကို ဦးဆောင်ပြီး စီစဉ်ပေးနေသလို အလုပ်သမားတွေအတွက်လည်း မလစ်ဟင်းစေခဲ့ရဘူး။ စက်မှုဇုန်တွေမှာ အလုပ်လုပ်နေကြတဲ့ အနယ်နယ်အရပ်ရပ်က လာတဲ့ အလုပ်သမားတွေအတွက် အပတ်စဉ် ပညာပေး ဆွေးနွေးပွဲလေးတွေကို အတတ်နိုင်ဆုံး ကြိုးစားပြီး လုပ်ပေးနေတာ တွေ့ရတယ်။

ကိုဝေလင်းဆိုရင်လည်း ခေတ်လူငယ်ဆန်တဲ့ အနေအထိုင် ရှိပေမယ့် အပြောအဆို နားထောင်ရတာ အနှစ်သာရ ပြည့်ရှာပါတယ်။

ကိုမျိုးမင်းကတော့ အားမလိုအားမရ စကားဆိုတယ်။ ''ကျနော်က တကယ့်ကို ထိရောက်အောင် အလုပ်လုပ်ချင်တာ။ ဒီလောက်နဲ့ အားမရဘူးဆရာမ ရာ'' တဲ့။

ကိုကျော်ကျော်ကတော့ ရှေ့နေပေါက်စဆိုတော့ ဥပဒေအကြောင်းတွေကို တစ်တစ်ခွခွ ပြောလေ့ရှိတယ်။

လူ့အခွင့်အရေးအကြောင်း ပြောရင် အာပေါင်အာရင်းသန်သန်နဲ့ အချိန်နာရီတွေ ဂရုမစိုက်ဘဲ ပြောတတ်တဲ့ ကိုညီညီဇော်ကတော့ အစ္စလာမ် ဘာသာဝင်ဖြစ်ပေမယ့် ဦးဇင်းတို့နဲ့ ဆက်ဆံတဲ့နေရာမှာ အဆင်ကိုပြေလို့။

၂ဝဝ၇ မေလ ၁ ရက်နေ့မှာ အလုပ်သမား အခွင့်အရေးနဲ့ ပတ်သက်ပြီး ဟောပြောတဲ့ အစီအစဉ်တွေ လုပ်မယ်၊ နောက် အလုပ်သမားတွေနဲ့ အပြန်အလှန် ဆွေးနွေးတာတွေ လုပ်မယ်လို့ ဆိုပါတယ်။ စက်မှုဇုန်ထဲက အလုပ်သမားတွေတင် မဟုတ်တော့ဘဲ တခြားမြို့နယ်က အလုပ်သမားထုနဲ့လည်း အဆက်အစပ်ရအောင်ဆိုပြီး အမေရိကန်စင်တာမှာ လုပ်ဖို့ တိုင်ပင်ကြပါတယ်။ ဦးဇင်းကိုလည်း အသိပေးပြီး တိုင်ပင်တတ်တဲ့ ကိုသူရိန်အောင်ကတော့ တက်ကြွနေတာပါပဲ။

ဦးဇင်းကလည်း ကိုသူရိန်အောင်ထက် မလျော့တဲ့ အားပေးမှုတွေနဲ့ တက်တက်ကြွကြွ ကူညီဖို့ အသင့်ဖြစ်နေပါပြီ။ ဦးဇင်းကိုယ်တိုင် မတက်ရောက်နိုင်ပေမယ့် ဒီပွဲမှာ လိုအပ်တာတွေ အားလုံးကို တတ်နိုင်သလောက် အကူအညီပေးဖို့ အဆင်သင့်ပါ။

အမေရိကန်စင်တာမှာ ဟောပြောဖို့အတွက် နေရာကိစ္စကိုလည်း အဆင်ပြေအောင် ကိုသူရိန်အောင်တို့ လုံးပမ်းကြရသေးတယ်။ စင်တာမှာက စကားရည်လုပွဲတွေ၊ ဥပဒေအကြောင်း ရှင်းပြတဲ့ အခမ်းအနားတွေက အမြဲလိုလို ရှိနေတတ်တာမို့ မေလ ၁ ရက်နေ့မှာ အခမ်းအနားလုပ်ဖို့အတွက် ကြိုပြီး ပြင်ဆင်ရတာပါ။

ဧပြီလလောက်ကတည်းက ဇုန်တိုင်းက အလုပ်သမားတွေရဲ့ လက်ထဲကို လက်ကမ်းစာစောင်တွေ ထည့်ပြီးပြီမို့ အလုပ်သမားတချို့လည်း တက်တက်ကြွကြွ ဖြစ်နေကြပြီ။

မေလ ၁ ရက်နေ့ဟာ အပြည်ပြည်ဆိုင်ရာ အလုပ်သမားနေ့ပါပဲ။ အလုပ်သမား အားလုံးနဲ့ သက်ဆိုင်တဲ့ အဲဒီနေ့မှာ အလုပ်သမားတွေရဲ့ ရပိုင်ခွင့်တွေနဲ့ ပတ်သက်ပြီး ဟောပြောတာ၊ အပြန်အလှန် ဆွေးနွေးဖလှယ်တာတွေလုပ်ဖို့ အစီအစဉ် ရှိပါတယ်။ ဦးဆောင်ဆွေးနွေးမယ့်သူက ကိုသူရိန်အောင်လို လက်ကမ်းစာစောင်ထဲမှာ ကြေညာထားပါတယ်။

ကျမကိုယ်တိုင်က အလုပ်သမား မဟုတ်ပေမယ့် ကိုသူရိန်အောင်တို့ ဦးစီးဖွင့်လှစ်တဲ့ စာသင်ကျောင်းလေးမှာ ဆရာမ ဖြစ်နေတော့ ကိုသူရိန်အောင်ကလည်း လေ့လာသူအဖြစ် တက်ဖို့ ဖိတ်တဲ့အတွက် ကျမလည်း တက်ခဲ့ရတယ်။

ကျမ မေဒေးနေ့ အခမ်းအနားကို တက်ဖို့ မနက်အစော ၇ နာရီခွဲလောက် စင်တာရှေ့ကို ရောက်သွားခဲ့ပါတယ်။ အနီးအနားတဝိုက်မှာ ခါတိုင်းနဲ့မတူ လူစုံနေတာတွေတော့ ဘေးပတ်ဝန်းကျင်မှာ အသိမိတ်ဆွေ ရှိလို့ရှိငြား အကဲခတ်မိရင်းက လ္ဘက်ရည်ဆိုင် အဝင်နားမှာ ကိုညီညီဇော် ထိုင်နေတာ တွေ့ရပါတယ်။

ကျမလည်း ကိုညီညီဇော် ထိုင်နေတဲ့ စားပွဲဆီ ဦးတည်ရောက်သွားတော့ ကိုညီညီဇော်က အခြေအနေ မကောင်းဘူး။ ဒါပေမဲ့ .. ခပ်တည်တည်သာ အကဲခတ်နေဆိုပြီး ပြောတဲ့အတွက် ကျမလည်း အင်း .. လို့ပဲ ပြန်ဖြေပြီး ငြိမ်နေလိုက်တယ်။

ခဏကြာတော့ ကိုညီညီဇော်က ‘‘တွေ့လား .. ဒီလက်ဖက်ရည်ဆိုင်နားရော စင်တာပတ်ဝန်းကျင်တလျှောက်လုံး ခြေရှုပ်နေတာ။ လှိုင်သာယာက မယကအဖွဲ့ဝင်တွေနဲ့ ကြံ့ဖွံအဖွဲ့တွေ၊ ရဲတွေလည်း ပါမယ်ထင်တယ်’’ ။ အင်း.. ။ ထင်တော့ ထင်သား။ ဒီလောက် အခြေအနေရှုပ်ပုံမျိုးဆိုရင် ရိုးရိုးသားသားတော့ မဖြစ်နိုင်ဘူးဆိုတာ။ ဒါပေမဲ့လည်း စင်တာထဲမှာ အခမ်းအနား တက်ဖို့အတွက် လူတချို့ ရောက်နေကြပြီဆိုတာနဲ့ နောက်ပြန်ဆုတ်ဖို့ အစီအစဉ် မရှိတော့တဲ့အတွက် ကျမ အရင်ဝင်သွားဖို့ ကိုညီညီဇော်က အကြံပေးတယ်။ အမေရိကန်စင်တာရဲ့ ရှေ့တည့်တည့် ဒဂုံအမှတ် ၃ ကျောင်းထဲမှာ လူအဝင်အထွက်ကို စောင့်ကြည့်နေတဲ့ ထောက်လှမ်းရေးတွေက ရှိနေတော့ ကျမလည်း စာကြည့်တိုက်သွားမယ့် ဟန်နဲ့ပဲ ခပ်တည်တည် ဝင်ခဲ့ရတယ်။

ခဏကြာမှ ကိုညီညီဇော်၊ ကိုကျော်ကျော်နဲ့အတူ လူတချို့ ဝင်လာကြတယ်။ ဟောပြောပွဲက ကိုသူရိန်အောင် လာမှ စမှာဆိုတော့ ကိုကျော်ကျော်တို့တွေက ကြိုပြီး မိတ်ဆက်ထားနှင့်ရတယ်။ သူတို့ မိတ်ဆက်ပြီး မိနစ်ပိုင်းအတွင်းမှာပဲ အခြေအနေက ပြောင်းလဲသွားပါတော့တယ်။

ကိုသူရိန်အောင်နဲ့ အတူထွက်လာတဲ့ အလုပ်သမားတွေအားလုံး လှိုင်သာယာတပ်ထိပ် မှတ်တိုင်နားမှာ အဖမ်းခံရပြီဆိုတဲ့ သတင်းကို ကိုညီဇော်က တိုးတိုးလေး လာပြောတယ်။ ဒါပေမယ့်ဒီပွဲကို ပြီးအောင်လုပ်မယ်လို့လည်း ဆက်ပြောပါတယ်။ ကျမလည်း ပွဲပြီးအောင် စောင့်နားထောင်မယ်လို့ တွေးပြီး ဆက်ထိုင်နေလိုက်တယ်။

သိပ်မကြာပါဘူး။ ကိုကျော်ကျော်က ဦးဆောင်ပြီး အလုပ်သမား အခွင့်အရေးအကြောင်းတွေကို ရှင်းပြတယ်။ အလုပ်သမားတွေနဲ့ အပြန်အလှန် မေးခွန်းထုတ်နေလိုက်တာ မနက် ၁၁ နာရီလောက်မှ ပွဲပြီးသွားတယ်။ ပွဲပြီးတာနဲ့ တက်လာတဲ့ ပရိသတ်ကို အသင့်ဝယ်ထားပြီးသား ထမင်းကြော်ထုပ်လေးတွေ ကမ်းပေးတယ်။

ထမင်းစားပြီးလို့ မကြာခင်ဘဲ သတင်းတပုဒ် ထပ်ကြားရပြန်တယ်။ အဖမ်းခံရတဲ့ ကိုသူရိန်အောင်တို့နောက်ကို ဦးဇင်း လိုက်သွားတယ်တဲ့။ ကျမဆိုတာ ပူထူသွားတာပဲ။ ကျိုက္ကဆံ စစ်ကြောရေးစခန်းဘက်အထိ လိုက်သွားတယ်ဆိုတဲ့ သတင်းကြောင့် ပိုပြီး အစိုးရိမ်ကြီးခဲ့ရတယ်။

ကျမ စိတ်သောက ရောက်နေပြီဆိုရင် လုပ်တတ်တဲ့ အကျင့်အတိုင်း အိမ်ကို ပြန်ချင်လာတယ်။ အိမ်မှာ ကျမ တိုင်ပင်လို့ရတဲ့ သူတွေနဲ့ တိုင်ပင်မယ်ဆိုပြီး ကျမ အိမ်ပြန်ဖို့ ပြင်တော့တယ်။ ကိုညီဇော်ကတော့ တားသေးတယ်။ ဒီအချိန်ထွက်ရင် အပြင်ကလူတွေနဲ့ မလွယ်ဘူး၊ ဖမ်းလိမ့်မယ်လို့ သတိပေးပါတယ်။

ဖမ်းကာမှ ဖမ်းရောပဲ၊ ကျမ ပြန်မယ်လို့ ဇွတ်ပြောရင်း ထွက်လာခဲ့တယ်။ ထင်တဲ့အတိုင်းပါပဲ။ အပြင်မှာ လူတွေ တအုပ်ကြီးကို တွေ့ရပေမယ့် ကျမကတော့ စင်တာက ငှားထားတဲ့ စာအုပ်လေးတွေကို ပိုက်ပြီး ပြန်ထွက်လာခဲ့တယ်။ ကျမကပဲ ဟန်အမူအယာ ကောင်းနေလို့လား မပြောတတ်ဘူး။ ဘာတခုမှ အစစ်အဆေး မခံလိုက်ရဘူး။

ညနေ ၆ နာရီလောက်မှ ဦးဇင်းရောက်လာတော့ ကျမလည်း စိတ်သက်သာရာ ရသွားခဲ့ရတယ်။ ကိုသူရိန်အောင်နဲ့ အလုပ်သမားတချို့တော့ ကျိုက္ကဆံထဲ ရောက်သွားပြီ၊ ဘယ်လိုလိုက်ရမလဲ မသိဘူး။ ဦးဇင်းလည်း စိတ်ညစ်နေတယ်။

အကျိုးရလဒ်တခုက ကိုသူရိန်အောင်ကို တပ်ထိပ်မှာ စတားပြီဆိုကတည်းက ဦးဇင်းနဲ့ ဖုန်းအဆက်အသွယ် ရလိုက်တာ ကျိုက္ကဆံကွင်းနား ရောက်တဲ့အထိပဲ။ ဒါကြောင့် အခြေအနေ အားလုံးကို ဦးဇင်းက သိလိုက်ရတဲ့အတွက် တချို့ကိစ္စတွေကို ဦးဇင်းက စီမံခန့်ခွဲနိုင်ဖို့ ကြိုးစားရတော့တယ်။

နောက်နေ့ ကျမတို့အိမ်ကို လူတယောက် ရောက်လာပြီး ပြောတယ်။ ကိုညီညီဇော်တို့လည်း အဖမ်းခံလိုက်ကြရတယ်။ ကိုညီညီဇော်နဲ့ ကိုကျော်ကျော်က အဲဒီနေ့ တနေ့လုံး စင်တာထဲကနေ မထွက်ကြဘဲ နေပြီး ညနေလောက် အဆင်ပြေနိုင်ပြီဆိုမှ ထွက်လိုက်တာ။ ဒါပေမဲ့ အဖမ်းခံလိုက်ရတယ်ဆိုပြီး ပြောတယ်။

ကျမတို့လည်း စိတ်မကောင်းဖြစ်ရုံမှတပါး ဘာမှ လုပ်မပေးနိုင်တော့ဘူးလေ။ အဲဒီနောက် ဦးဇင်းကတော့ ကိုညီညီဇော်တို့ အိမ်ကို မကြာမကြာ သွားပြီး အားပေးစကားပြောတယ်။ လိုအပ်တာကို ကူညီနိုင်အောင် ကြိုးစားပေးခဲ့တယ်။

ကျမတို့နိုင်ငံမှာ တိုင်းပြည်နဲ့ လူမျိုး ကောင်းကျိုးအတွက် အလုပ်လုပ်ချင်စိတ်ရှိတဲ့ လူငယ်တွေ၊ အလုပ်လုပ်နေကြတဲ့ ခေတ်ပညာတတ် လူငယ်တွေ အများကြီးပါ။ ဒါပေမဲ့ သူတို့လည်း ပိတ်ပင်တားဆီးခံရတာတွေ၊ ဖမ်းဆီးနှိပ်စက်ခံရတာတွေနဲ့ ကြုံကြုံနေရတော့ ကျမတို့ တိုင်းပြည်ရဲ့ အနာဂတ်အတွက် တကယ့်ကို ရင်လေးစရာ ကောင်းနေပြီလို့ ဆိုချင်ပါတယ်။

အခုဆို ကိုသူရိန်အောင်တို့ အကျဉ်းထောင်တွင်း ရောက်သွားခဲ့တာ ၃ နှစ် ပြည့်သွားခဲ့ပါပြီ။ ဒီ ၃ နှစ်အတွင်း အကျဉ်းထောင်ထဲမှာပဲ အချိန်ကုန်နေရတာ ဘယ်လောက်များ ခံရခက်လိုက်မလဲ။ တကယ့်လွတ်မြောက်မှုကို ကိုယ်တိုင်လည်း လိုချင်ကြသလို၊ အများသူငါအတွက်လည်း လွတ်မြောက်မှု တစုံတရာရှိအောင် ကြိုးစားပေးနေကြတဲ့ လူငယ်တွေ ဘယ်တော့များမှ လွတ်မြောက်နိုင်ကြပါ့မလဲလို့ ကျမ တွေးနေရင်းက …. ၂ဝ၁ဝ .. မေလ ၁ ရက်နေ့တောင် ကျော်ခဲ့ပြန်ပြီကော။


နအဖက မိုင်းလားတပ်ဖွဲ့အား ဖျော်ဖြေရေးအပါအ၀င်နည်းအမျိုးမျိုးဖြင့် စည်းရုံး

သျှမ်းသံတော်ဆင့်

နအဖစစ်အစိုးရသည် မိုင်းလားတပ်ဖွဲ့အား နယ်ခြားစောင့်တပ်အသွင်ပြောင်းရန် ချောက်တလှည့်၊ ချော့တလှည့်နည်း အမျိုးမျိုး ဖိအားပေးစည်းရုံးလျက်ရှိသည်။

တြိဂံတိုင်းမှူး ဗိုလ်ချုပ်ကျော်ဖြိုးဦးဆောင်သော အပေါင်းပါနှစ်ဆယ်ကျော်သည် ကား(၄)စီးနှင့် မိုင်းလားသို့ ဧပြီလ ၂၈ ရက် ဗုဒဟူးနေ့ နံနက်ပိုင်းတွင် သွားရောက်ပြီး မိုင်းလားတပ်ဖွဲ့ခေါင်းဆောင် အချို့နှင့် နယ်ခြားစောင့်တပ် အသွင်ပြောင်းရေး ကိစကို ထပ်မံသွားရောက်ဖြောင်း ဖြတိုက်တွန်းခဲ့ ကြောင်း စုံစမ်းသိရှိရသည်။

မိုင်းလားမြို့သို့ မြန်မာအဆိုတော် ၇-၈ ယောက်အပါအ၀င်တီးဝိုင်းသားအားလုံးပေါင်း ၁၀ ယောက် ကျော်လည်းလိုက်ပါ သွားပြီး ထိုညတွင် မြန်မာသီချင်းများနှင့် ဖျော်ဖြေခဲ့ပြီး အစီအစဉ်ကိုသန်းခေါင် ယံ ကျော် ၁ နာရီ၊ ၂နာရီလောက်မှ ရပ်နားခဲ့ကြောင်း သိရှိရသည်။

“အဲဒီဖြေဖျော်ပွဲကို မိုင်းလားတပ်က အရာရှိတွေကတော့ သိပ်မကြည့်ကြဘူး။ မိုင်းလားမှာလာပြီး အလုပ်လုပ်ကြတဲ့ ဗမာလူမျိုးငါးရာ-ခြောက်ရာလောက်ဘဲ ကြည့်ရှုအားပေးကြတယ်” ဟု ဒေသခံ တဦးကပြောပါသည်။

“မိုင်းလားနဲ့ဝတပ်ဖွဲ့က အရင်ကထက် စစ်ရေးပြင်ဆင်မှုလုပ်ပြီး တပ်တွေထပ်ဖြည့် ပိုတင်းတပ် လှန့်ထားတော့ နအဖတို့က လွယ်လွယ်နဲ့စည်းရုံးလို့မရဘူးလေ။ ဒါကြောင့် အနုပညာရှင်တွေ ခေါ်ပြီးသွားရောက် ဖြေဖျော်ခိုင်းတာဟာ အနုနည်းနဲ့ သိမ်းသွင်းယူတာပဲ” ဟု အချို့က သုံးသပ်ကြသည်။

နောက်ဆုံးကန့်သတ်ချိန်ကျော်လွန်ပါက အပစ်ရပ်အဖွဲ့များအား နအဖ က ထိုးစစ်ဆင် တိုက်ခိုက်မည်ဆိုသောသတင်း သည် ဘန်းပြခြင်းသာဖြစ်ကြောင်း၊ KIA နှင့် UWSA အဖွဲ့များလည်း နအဖ၏ ဖိအားပေးမှုကို လုံးဝလက်မခံတင်းမာ နေဆဲဖြစ်ကြောင်း လေ့လာသူများ သုံးသပ်နေကြသည်။


ဒီလိုချွတ်လိုက်မှ အမြင်ရှင်းမှာ ... ရွေးကောက်ပွဲဝင်ဖို့

ဟန်လေး

တောင်ပေါ်သား လူနည်းစုများကို ပေါ်တာ အဖြစ် နအဖ စစ်တပ်မှ ခိုင်းစေနေ

မောင်အေး (နိရဉ္စရာ)

ရခိုင်ပြည်နယ် မြောက်ပိုင်း ဘူးသီးတောင်မြို့နယ်မှ တောင်ပေါ် တိုင်းရင်းသားများကို ဒေသ အခြေစိုက် စစ်တပ် တပ်ရင်းများမှ အခကြေးငွေ တစုံတရာ မပေးဘဲ အထမ်းသမား ပေါ်တာများ အဖြစ် အသုံးပြု နေကြောင်း ဒိုင်းနက် အမျိုးသား တဦးက ပြောသည်။

“စစ်တပ်တွေက ရွာတွေကို အဖွဲ့လိုက် အထမ်းသမားတွေ အတင်း တောင်းပီး ခိုင်းစေနေတာ ဖြစ်ပါတယ်။ ကျွန်တော်တို့ ရွာသားတွေ အနေနဲ့ ဘူးသီးတောင်မြို့နယ် မြောက်ပိုင်း တောင်ဘဇားဈေးက ရိက္ခာတွေကို ဒိုးတန်း တောင်ကို ဖြတ်ပြီး ၀ါးနက်ရုံစခန်းနဲ့ နဟုံး နဟန်း ရှေ့တန်း စခန်းတွေကို ပို့ပေးရပါတယ်။ ခရီးက အသွားအပြန်က ၂ ရက် ကြာပါတယ်။ တခါတခါ ပိုက်ဆံ တကျပ်မှ မရပါ။ တခါတခါ တလေကျတော့လည်း စစ်ဗိုလ်တွေက တယောက်ကို ၁၀၀ ကျပ် အဲသလိုမျိုးပေးတာ ရှိပါတယ်။ တနေ့လုပ်အားခ ကျပ် ၁၀၀၀ ရှိတဲ့ နေရာမှာ ကျပ် ၁၀၀ ရလို့ကတော့ ဘာမှ ထူးတာ မဟုတ်ပါဘူး။”


ဝါးနက်ရုံ စခန်းနှင့် နဟုံးနဟန်း ရှေ့တန်း စခန်းများ နအဖ စစ်တပ်၏ အမာခံ ခြေကုတ် ရှေ့တန်း စခန်းများ ဖြစ်ပြီး ဘူးသီတောင်မြို့နယ် မြောက်ပိုင်း ဘင်္ဂလာဒေခ်ျ့ နယ်စပ်နှင့် နီးကပ်စွာ တည်ရှိနေသော စခန်းများ ဖြစ်ကြသည်။

အဆိုပါ ဘူးသီးတောင်မြို့နယ် မြောက်ပိုင်းတွင် အဓိက နေထိုင်သော ရခိုင်မျိုးနွယ်စုများမှာ ဒိုင်းနက်နှင့် မြို လူမျိုးများ ဖြစ်ကြပြီး သူတို့ကို စစ်တပ် အတွက် ရိက္ခာများ သယ်ယူရာတွင် အမြဲ ခိုင်းစေနေကြောင်း သူက ပြောသည်။

“အခုက မိုးရာသီ လာတော့မယ်ဆိုတော့ စစ်တပ်က ရိက္ခာတွေကို အလုံအရင်းနဲ့ ရှေ့တန်းစခန်း တွေကို တင်ပို့နေပါတယ်။ မိုးရာသီဆိုရင် စိုင်းတင် ချောင်းက ရေစီးသန်တဲ့ အတွက် အဲဒီ ချောင်းကို ဖြတ်ပီး ရှေ့တန်း စခန်းတွေကို ရိက္ခာတွေ တင်ပို့လို့ မရဘူး။ ဒါကြောင့် စစ်တပ်က ကျေးရွာတွေ အလိုက် လူတွေကို ဆင့်ခေါ်ပီး ရိက္ခာတွေကို အခု ရှေ့တန်း စခန်းတွေကို ပို့ပေးနေတာ ဖြစ်ပါတယ်။”

ယခု စစ်တပ်မှ ရိက္ခာသယ်ရန် ပေါ်တာ အထမ်းသမားများ ခေါ်ယူ ခံနေကြရသော ကျေးရွာများမှာ ပန်းကုံးမ၊ ချောင်းရှည်၊ ပေါက်ကျပ်ဝ၊ စအုန်းခါး၊ ဘိုလီဖြူ၊ ပဲသတူ၊ ဂုတ်ပ်ီနှင့် သရဂူကျေးရွာများ ဖြစ်ကြသည်ဟု သူက ပြောသည်။

“ယခု လက်ရှိ ၀ါးနက်ရုံစခန်းမှာ စခန်းထိုင်နေတာကတော့ ပုဏ္ဍားကျွန်းမြို့ အခြေစိုက် ခမရ ၅၅၀ တပ်ရင်း ဖြစ်ပါတယ်။ များမကြာမီ ရက်ပိုင်းအတွင်း ရသေ့တောင် အခြေစိုက် ခမရ ၅၃၈ တပ်ရင်းနဲ့ အလဲအလှယ် ပြုလုပ်မယ်လို့ သိရပါတယ်။ တပ်ရင်း အလဲအလှယ် လုပ်ရင်လည်း ကျွန်တော်တို့ ဒေသခံတွေကို ပိုက်ဆံ တပြားမှ မပေးဘဲ အထုတ်အပိုးတွေကို သယ်ခိုင်းပါတယ်။ လက်နက်ခဲယမ်း မီးကျောက်တွေကိုလည်း သယ်ခိုင်းပါတယ်” ဟု သူက ဆက်ပြောသည်။

ယခုကဲသို့ ကျေးရွာသားများကို စစ်တပ်မှ ပေါ်တာ အထမ်းသမားများ အဖြစ် အသုံးပြုနေသဖြင့် ဒိုင်းနက်နှင့် မြိုလူမျိုး အများစုမှာ မိုးရာသီ နီးကပ်လာပြီ ဖြစ်သော်လည်း တောင်ယာ လုပ်ငန်းများကိုလည်း လုပ်ကိုင်နိုင်ခြင်း မရှိဘဲ ဖြစ်နေကြသည်ဟု သိရသည်။

မုန်တိုင်းအလွန်...

မိုးယံ



နေရောင်ခြည် အလင်းရောင် ကွယ်ပျောက်လုနီးအချိန်တွင် အမွှေးနံ့သာများမွှေးကြိုင်စွာ လိမ်းခြယ်ထားပြီး အနက်ရောင် တီရှပ်၊ ဂျင်းဘောင်းဘီ အပြာရောင် ၀တ်ဆင်ထားသော မိန်းကလေးတဦးသည် ရှည်လျားသောလမ်းမကြီးဆီသို့ မျက်နှာမူရင်း တစုံတရာ ကို စောင့်မျှော်လျက်ရှိသည်။

နာဂစ် ဆိုင်ကလုန်း မုန်တိုင်းတိုက်ခတ်ပြီးနောက် တနှစ်ခွဲကျော် ကာလကတည်းက ယခုကဲ့သို့ ရန်ကုန်- လပွတ္တာ ကားလမ်းမ တဘက်တချက်ရှိ ခုန်တန်းလျားများပေါ်တွင် တစုံတခုကို စောင့်ဆိုင်းနေခဲ့ရသည်မှာ သူ့အတွက် ပုံမှန်အလုပ်တခု ဖြစ်ခဲ့သည်။ “အိမ်မှာ ထမင်းစားဖို့စောင့်နေတဲ့ မိသားစုမျက်နှာကြောင့် ဒီအလုပ်ကိုလုပ်မိတာ၊ စားဖို့အတွက် ခန္ဓာကိုယ်နဲ့ရင်းပြီး ပိုက်ဆံရှာဖြစ် ခဲ့တာပဲ”ဟု ရီဝေသော မျက်လုံးများထဲမှ လိမ့်ကျလာသည့် မျက်ရည်စများကို လက်ကိုင်ပ၀ါနှင့် သုတ်ရင်း အသက် ၁၉ နှစ်အရွယ် ဒါဒါက ပြောပြသည်။

စားဝတ်နေရေး အခက်အခဲများအတွက် လိင်အလုပ်သမ ဘဝကို ခံယူခဲ့ရသည့် ဒါဒါ၏ ဘခင်မှာ တံငါသည် တဦးဖြစ်ပြီး ၂၀၀၈ ခုနှစ် မေလက နာဂစ်ဆိုင်ကလုန်း မုန်တိုင်းကြောင့် သေဆုံးခဲ့ရသည်။ အရွယ်မရောက်သေးသော မောင်နှမများ၏ အနာဂတ် အတွက် သူ့ အနာဂတ်ကို စတေးခဲ့ရသည်ဟု ဒါဒါကပြောရင်း သူတို့ရွာက တခြားမိန်းကလေးများပါ သူ့လို လိင်အလုပ်သမ ဖြစ်လာကြပုံကို ဆက်ပြောပြသည်။

“ကျမ ဒီအလုပ်လုပ်တာ နေ့စဉ် ၀င်ငွေရှိလာတော့ ရွာက သူငယ်ချင်းတယောက်လည်း အတူလာလုပ်နေတယ်၊ အိမ်က ညီမလေး ကလည်း သူကြီးလာရင် မမနဲ့ အလုပ်အတူ လိုက်လုပ်မယ်လို့ ပြောတယ်၊ အဲဒါမှ ထမင်းနေ့တိုင်းစားရမှာလို့ ပြောတယ်”ဟု ဒါဒါက ဆိုသည်။

မုန်တိုင်းတိုက်ခတ်ခဲ့ပြီးနောက် အဆိုပါ လပွတ္တာမြို့အ၀င်ဝရှိ အသစ်တိုးချဲ့ တည်ဆောက်နေသော သုံးမိုင်မြို့သစ်အနီးတွင် လိင်အလုပ်သမ မိန်းကလေးများစွာ အခြေချလာကြသည်ကို တွေ့ရသည်။

၂၀၀၈ ခုနှစ် မေလ၂ရက်နှင့် ၃ ရက်နေ့များတွင် နာဂစ်ဆိုင်ကလုန်းမုန်တိုင်း တိုက်ခတ်ခဲ့မှုကြောင့် မုန်တိုင်းပြင်းထန်သည့် ဧရာဝတီတိုင်း အတွင်းရှိ လူဦးရေ ၇ သန်းရှိသည့်အနက် လူဦးရေ ၂. ၄ သန်း ထိခိုက်နစ်နာခဲ့ရပြီး ယင်းမုန်တိုင်းကြောင့် လူဦးရေ ၁၄၀၀၀၀ ခန့် သေကြေပျောက်ဆုံးခဲ့ရသည်။ ၈ သိန်းခန့်မှာ အိုးမဲ့အိမ်မဲ့ဘ၀ ရောက်ကာ အိမ်ပေါင်း ၄၅၀၀၀၀ ခန့်ပျက်စီးခဲ့သည်ဟု စာရင်းဇယားများအရ သိရသည်။

အဆိုပါ မုန်တိုင်းကြောင့် အသက်မသေဘဲ အိုးမဲ့အိမ်မဲ့ဘ၀ ရောက်ခဲ့သူများသည် အချိန် ၂ နှစ်ခန့် ကြာမြင့် လာခဲ့သော်လည်း နာလန်မထူနိုင်သေးသည့် အပြင် စားဝတ်နေရေး ခက်ခဲနေကြဆဲ ဖြစ်သည်။

အသက်မသေဘဲ ကျန်ရှိသူများသည် စားဝတ်နေရေး အခက်အခဲများကြောင့် ၀င်ငွေရနိုင်သော မည်သည့် အလုပ်ကိုမဆို လုပ်ကိုင်ရန် ၀န်မလေးကြတော့ကြောင်း လပွတ္တာမြို့နယ် စစ်တွဲကျေးရွာနေ မသီတာက ပြောသည်။

“သုံးမိုင်မြို့သစ်မှာ အုတ်သယ်တဲ့ အလုပ် လာလုပ်ရင်းက အဆင်မပြေတာနဲ့ ဒီနားက အနှိပ်ခန်းမှာ အလုပ်လုပ်ဖြစ်သွားတယ်”ဟု အသက် ၂၄ နှစ်အရွယ် မသီတာ(အမည်ရင်း မဟုတ်) က ၀ါးလက်စ ကွမ်းယာကို ထွေးထုတ်ရင်းဆိုသည်။

မုန်တိုင်းကြောင့် မိသားစုများသေဆုံးကာ နေထိုင်စားသောက်ရန် အခက်အခဲဖြစ်နေသည့်အတွက် မုဆိုးဖိုတဦးနှင့် ပေါင်းသင်းခဲ့ရပြီး ၎င်းအမျိုးသား၏ နှိပ်စက်မှုများစွာလည်း ခံစားခဲ့ရကြောင်း မသီတာကပြောသည်။

“အားကိုးမရှိလို့ ယူမိတာ၊ သူ့ကို ပင်ပင်ပန်းပန်း ပြန်ရှာကျွေးနေရတယ်၊ ဒါကြောင့် မထူးဇာတ်ခင်းလိုက်တော့တယ်၊ စလုပ်လုပ်ချင်း တောသူတွေ ဆိုတော့ ဒီလိုအလုပ်လုပ်ရတော့ ရှက်တာ မပြောပါနဲ့၊ ဘယ်လုပ်ချင်မလဲနော်” ဟု သူက ဆက်ပြောသည်။

အဆိုပါ သုံးမိုင်မြို့သစ်တွင် ကာရာအိုကေ၊ အနှိပ်ခန်းများ ယခင်ထက် ပို၍ ဖွင့်လှစ်လာသောကြောင့် အလုပ်အကိုင်ရှားပါးပြီး ငွေကြေးလိုအပ်မှုကြီးမားလာသော မိန်းကလေးအများစုအတွက် ရွေးချယ်ခွင့်တခု ဖြစ်လာခဲ့သည်။

“လက်တွေ အသားမာတက်အောင် ရှာတဲ့ အလုပ်တွေမှ အဆင်မပြေတာ၊ မကောင်းတဲ့ မိန်းမဆိုတဲ့ နာမည်ကြီးကို ဘယ် ယူချင်မလဲ” ဟု မသီတာကပြောရင်း အမျိုးသား ၂ ဦးမောင်းနှင်လာသော ဆိုင်ကယ်ရှိရာသို့ ထွက်ခွာသွားသည်။

လပွတ္တာမြို့အ၀င်တွင် လိင်အလုပ်သမ အဖြစ် လုပ်ကိုင်နေသော မိန်းကလေးများသည် ငွေကျပ် ထောင်ဂဏန်း ၀န်းကျင် ရရှိရန်အတွက်ပင် ၎င်းတို့ ခန္ဓာကိုယ်ကို အရင်းပြုနေရသည်ဟု ဒါဒါက ဆိုသည်။

“ငွေ ၅၀၀၀ ရဖို့ ယောက်ျား တယောက်နဲ့ နေပေးရတယ်” ဟု ဒါဒါကပြောသည်။ သို့ရာတွင် သူ့အတွက် ငွေ ၅၀၀၀ ပေးမည့်သူကို ၃ နာရီကျော်ကြာ စောင့်နေရသော်လည်း ရောက်မလာသေးပေ။

မုန်တိုင်းတိုက်ခတ်ပြီးနောက်တွင် ပြန်လည်ထူထောင်ရေးလုပ်ငန်း လာရောက်လုပ်ကိုင်သူများနှင့် လပွတ္တာခရိုင်မှာ ပိုမိုစည်ကား ခေတ်မီလာခဲ့ပြီး ငွေကြေးတောင့်တင်းသူ တချို့က အမျိုးသမီး စားပွဲထိုးများပါသော အရက်ဆိုင်၊ ကာရာအိုကေနှင့် အနှိပ်ခန်းများ ဖွင့်လာကြတော့သည်။

“အရင်က ဒီမှာအနှိပ်ခန်းတွေ၊ ကာရာအိုကေတွေ မရှိတော့ ဒီလို အလုပ်မျိုးလုပ်တဲ့ မိန်းကလေးလည်း နည်းပါတယ်၊ အခု ကျနော်တို့မြို့မှာ အဲဒါတွေ ရှိလာတော့ ပိုများလာတယ်၊ သူတို့ရှိနေတဲ့ နေရာတခု သတ်မှတ်ထားပေးသလိုဖြစ်လာတယ်၊ ရန်ကုန်မှာ လောက်တော့ ပိုက်ဆံဘယ်ရမလဲ” ဟု လပွတ္တာမြို့ပေါ်ရှိ ကုန်သည်တဦးကပြောသည်။

မုန်တိုင်း အလွန် ၂ နှစ်တာ အတွင်း လပွတ္တာ ခရိုင်အတွင်းရှိ ကျေးရွာများတွင် အလုပ်အကိုင် ရှားပါးလာကာ နေ့စဉ် စားဝတ်နေရေး အတွက် ခက်ခဲလာသောကြောင့် လယ်ယာလုပ်ကိုင်သူများမှာ လယ်ကိုစွန့်ခဲ့ရပြီး ရေလုပ်ငန်းလုပ်ကိုင်သူများ မှာလည်း ပိုက်ကွန်ကိုစွန့်ကာ နေ့စဉ်စားသောက်နေထိုင်ရန်အတွက် ကြုံရာကျပန်း အလုပ်များ လုပ်ကိုင်ကြရကြောင်း ဒေသခံများထံမှ သိရသည်။

“ရွာမှာ စားဖို့ အရမ်းခက်ခဲနေကြတာ၊ ကျမ ဒီအလုပ်လုပ်တာတောင် ကလေးတွေ ၀၀လင်လင်မစားရဘူး၊ ကျောင်းလည်း မနေနိုင်ကြဘူး၊ ဒါကြောင့် ဒီအလုပ်ကို မစွန့်နိုင်ဖြစ်နေရတာ”ဟု ဒါဒါက ဆိုသည်။

ယင်း အလုပ်ကို လုပ်ကိုင်သည့်အတွက် ရွာရှိဆွေမျိုးသားချင်းများ၏ ပြောဆိုရိုက်နှက်မှုများစွာခံရသည့်အပြင် နေအိမ်မှ မောင်းထုတ်ခံရသောအကြိမ်ပေါင်းများစွာခံခဲ့ရသော်လည်း မွေးရပ်မြေလပွတ္တာသို့ မကြာခဏပြန်ဖြစ်ခဲ့ကြောင်း ရန်ကုန်မြို့ရှိ အနှိပ်ခန်းတခုတွင်အလုပ်လုပ်ကိုင်နေသော အသက်၁၇နှစ်အရွယ် အေးမိုးကပြောသည်။

“အနှိပ်ခန်းထက် ပိုက်ဆံပိုရလို့ ဒီအလုပ်ပြောင်းလုပ်တာ ရွာကအမျိုးတွေသိသွားတော့ အိမ်ပေါ်ကနှင်ချတယ်လေ၊ ဆင်းရဲပြီး မစားနိုင်မသောက်နိုင်ဘ၀ကို မနေနိုင်လို့မြို့တက်ပြီး ဒီအလုပ်လုပ်ဖြစ်တာ၊ မုန်တိုင်းတိုက်ပြီးတော့ ရွာကမိန်းကလေးတွေ ဒီလိုနေရာတွေမှာအလုပ်လာလုပ်ကြတယ်”ဟု လက်နှစ်ဘက်ကိုသုတ်လက်စ စနိုးတာဝါကိုကိုင်ကာ ဧည့်သည်စောင့်နေသော အခန်းဘက်သို့ ခြေလှမ်းများစတင်လှမ်းရင်းဆိုသည်။

လိမ္မော်ရောင်မီးတပွင့်သာထွန်းထားသော တဦးမျက်နှာတဦး ထင်းထင်းမမြင်ရသည့် ၁၂ ပေ ပတ်လည်အခန်းထဲရှိ မအေးမိုးက “မပျော်ဘူး ဒီအလုပ်လုပ်နေရတာ၊ စာမှမတတ်တာ ဘယ်လိုအလုပ်က ခေါ်ခိုင်းမှာလဲ”ဟု ပြောရင်း စကားလုံးများ အက်ကွဲလာ သည်။

ရန်ကုန်မြို့ရှိ ကေတီဗီ၊ မာဆတ်များ၌ နယ်မြို့များမှ မိန်းကလေးအများအပြား လာရောက်လုပ်ကိုင်မှုများထဲတွင် ဧရာဝတီ တိုင်းအတွင်းမှ မိန်းကလေးများ သုံးပုံတပုံ ခန့် ပါဝင်လျက်ရှိပြီး နာဂစ်ဆိုင်ကလုန်း မုန်တိုင်းတိုက်ခတ်အပြီးတွင် မုန်တိုင်းဒဏ်သင့် မိန်းကလေးတချို့ ထပ်မံဝင်ရောက် လုပ်ကိုင်လာကြကြောင်း ကျောက်တံတားမြို့နယ်အတွင်း ဖွင့်လှစ်ထားသော အနှိပ်ခန်း ဆိုင်မန်နေဂျာတဦးက ပြောသည်။

“နေ့ဘက်ကို လူစုံတဲ့လှေဆိပ်တွေမှာ သွား သွားစောင့်ရတယ်” ဟု မသီတာက သူ ၀င်ငွေ ပိုမိုရရှိစေရန် နေ့ခင်းဘက်များ တွင်ပါ အလုပ်လုပ်ကိုင် နေရသည့်အကြောင်း ပြောသည်။

မြန်မာနိုင်ငံ၏ စပါးကျီ ဆန်အိုးကြီး ဟု ခေါ်ဝေါ်တင်စားရသော ဧရာဝတီတိုင်းတွင် အလုပ်အကိုင်ပြောင်းလဲ လုပ်ကိုင်လာမှုများ ကြောင့် နောင် စပါးစိုက်မည့်သူ ရှားပါးလာနိုင်ကြောင်း ရန်ကုန်အခြေစိုက် စီးပွားရေး ဂျာနယ် အယ်ဒီတာ တဦးက ပြောဆိုသည်။

မုန်တိုင်း တိုက်ခတ်မှုကြောင့် လယ်ယာလုပ်ငန်း၊ ရေလုပ်ငန်းနှင့် ဆားလုပ်ငန်းများ ဆုံးရှုံးမှုကြီးမားခဲ့ပြီး မုန်တိုင်းလွန် ၂ နှစ်တာ ကာလအတွင်း လုပ်ငန်းများ ပြန်လည် လုပ်ကိုင်ကြသော်လည်း ထင်ထားသလောက် အောင်မြင်မှု မရှိကြောင်း ပြင်ခရိုင်မြို့နယ်ခွဲ အဆင်းချိုင် ကျေးရွာတွင် ရေလုပ်ငန်းကို နှစ် ၃၀ ကြာ လုပ်ကိုင်လာသော ဦးသောင်းစိန်ကပြောသည်။

“ဘယ်လုပ်ငန်းမှ ကောင်းကောင်း အဆင်မပြေတော့ လုပ်ငန်းတိုင်း လူများများခေါ်မသုံးနိုင်ဘူး၊ ဘောက်သမား တော်တော်များများ ဒုက္ခရောက်ကုန်တာ၊ ငတ်ကုန်တော့ ရတဲ့အလုပ်လုပ်ကုန်ကြတယ်” ဟု ၎င်းကဆိုသည်။

လပွတ္တာခရိုင် သုံးမိုင်မြို့အ၀င်ကို နာဂစ်နောက်ပိုင်းတွင် လိင်အလုပ်သမ အများစု အခြေစိုက်ရာ နေရာတခုအဖြစ် မြင်လာကြပြီး နာဂစ်ဒဏ်ကြောင့် ဇနီးမယားများ သေဆုံးခဲ့ရသော ဆားကွင်းများရှိ လုပ်သားများနှင့် လယ်လုပ်သားများအတွက် လာရောက် ခေါ်ယူကြကြောင်း သိရသည်။

“ဆားကွင်းပိုင်ရှင်တို့၊ ငါးဒိုင်တို့၊ လယ်ပိုင်ရှင်တို့က သူတို့အလုပ်ထဲကို တပတ်၊ ဆယ်ရက် လာခေါ်တတ်တယ်။ အဲဒီလိုမျိုးဆိုရင် ပိုက်ဆံများများ တခါတည်းနဲ့ ရတယ်” ဟုမသီတာက ဆိုသည်။

နာဂစ်ဆိုင်ကလုန်းဒဏ် ခံစားခဲ့ရသော ဒေသများတွင် ပြန်လည်ထူထောင်ရေး ကာလ တိုတောင်းသည့်အပြင် ဆုံးရှုံးမှုများကို ပြန်လည်တည်ဆောက်ရာတွင် လိုအပ်ချက်များစွာ ရှိနေသောကြောင့် ယခုအချိန်အထိ လုပ်ငန်းများ အသားပြန်ကျသည် မရှိဘဲ ပိုမိုဆိုးဝါးလာသည်မှာ လပွတ္တာ သုံးမိုင်တွင် ခန္ဓာကိုယ်ရင်း၍ ရှာဖွေစားသောက်ရသော မိန်းကလေးအများစုက သက်သေထူလျက်ရှိသည်။

“ဟိုးအရှေ့ကို လှမ်းမကြည့်ချင်၊ မတွေးချင်တော့ဘူး၊ တွေးကြည့်ရင် ကြောက်လာတယ်၊ ဒီနေ့ ထမင်းစားရဖို့ အတွက် ဒီနေရာမှာ ရှိနေရမယ်ဆိုတဲ့ အတွေးနဲ့ အသက်ရှင်နေတာ”ဟု လပွတ္တာမှ ရန်ကုန်သို့ပြန်ထွက်သော ခရီးသည်တင်ကားကြီးများ သွားလာ နေသည်ကို မျက်စိတဆုံးလိုက်ကြည့်ရင်း ပြောနေသည့် ဒါဒါသည် အမျိုးသား ၄ ဦး ပါလာသည့် ထော်လာဂျီ ယာဉ်ပေါ်သို့ အပြေး တက်သွားတော့သည်။



ယနေ့ မြန်မာ့ရေးရာ သတင်းများ May,5th,2010

( 37 )မွန် ၁ဝ၃ ဦးကို ထိုင်းရဲက ပြန်လွှတ်ပေး

( 36 )ကမ်းဘဲလ်နှင့် တွေ့ခွင့်ရရန် အတိုက်အခံများလိုလား

( 35 )Visa-On-Arrival Issued At Two Myanmar International Airports

( 34 )ပါတီငယ်များ ရွေးကောက်ပွဲ မဝင်သင့်ဟု CRPP ပြော

( 33 )Tight Censorship on Reporting USDP

( 32 )မြန်မာသင်္ဘောသား ၂၁ ဦး လွတ်မြောက်မည်ဟု မျှော်လင့်

( 31 )စိစစ်ရေးကြောင့် သတင်းထောက်နှင့် နိုင်ငံရေးသမား အထင်လွဲမှု ဖြစ်ပွားရ

( 30 )Security Increased in Arakan

( 29 )နိုင်ငံရေးပါတီသစ်အဖြစ် အဖွဲ့ပေါင်း (၃၀) လျှောက်ထား

( 28 )NLD should remain as a legal Political Party

( 27 )ထိုင်းနိုင်ငံသို့ တရားမ၀င် ၀င်ရောက်သော မြန်မာ (၁၀၃) ဦး ဖမ်းမိ

( 26 )ILO, junta print anti-forced-labour leaflets

( 25 )အန်အယ်လ်ဒီ ရပ်တည်ရေး စီအာပီပီအဖွဲ့ဝင်များ စည်းဝေး

( 24 )Defence ministry Chin tour urges ‘successful polls’

( 23 )တရုတ်ပိုင် သတ္တုတွင်း မြေပြို ၁၃ ဦးသေ

( 22 )US wary of Burma reshuffle

( 21 )တိမ်းရှောင်ရာမှ နေရပ်ပြန် တောင်ပိုင်း ၀ ကျေးလက်လူထုနေထိုင်မှု ဒုက္ခတွေ့

( 20 )Thailand detains 100 Mon migrants

( 19 )EU’s policy on Myanmar

( 18 )အာဏာပိုင်များ ဝေစုမတည့်၍ လောင်းကစားဝိုင်း ပိတ်ထားရ

( 17 )Rescuers in Myanmar after mine accident

( 16 )ရွေးကောက်ပွဲအောင်မြင်ရေး ကစထမှူးတိုက်တွန်း

( 15 )13 Chinese workers dead, 2 others missing in landslide in China-Myanmar border region

( 14 )Myanmar grants formation of 10 more new political parties for election

( 13 )မြစ်ဆုံနှင့် အနီးဆုံး နှစ်ရပ်ကွက် ပြောင်းခိုင်းပြီ

( 13 )US envoy eyes Myanmar trip

( 12 )မြစ်ဆုံနှင့် အနီးဆုံး နှစ်ရပ်ကွက် ပြောင်းခိုင်းပြီ

( 11 )Makeovers and Takeovers in Burma

( 10 )ဒီကေဘီအေ တပ်ဖွဲ့ဝင်များ ခွဲထွက်၍ နယ်စပ်သို့ထွက်ခွာ

( 9 )ILO အဓမ္မလုပ်အားပေး ပညာပေးစာစောင် ဖြန့်ချီမည်

( 8 )US envoy looks at Myanmar trip

( 7 )နရဲစွမ် ရုပ်ရှင် ဘတ်ဂျက်ခွဲဝေမှု အငြင်းပွား

( 6 )My Unforsaken Nation

( 5 )အရပ်ဝတ်လဲ စစ်အရာရှိတွေ သိုးရေခြုံတဲ့ ၀ံပုလွေမျိုး မဖြစ်ဖို့ အမေရိကန် သတိပေး

( 4 )Burma on the brink of civil war

( 3 )အမေရိကန် လက်ထောက် နိုင်ငံခြားရေးဝန်ကြီး မြန်မာပြည် သွားဖွယ်ရှိ

( 2 )MYANMAR – INDIA Burmese exile calls Than Shwe, the ‘Terminator’ who crushed democracy in Myanmar

( 1 )ခရီးသွားတွေအတွက် မြန်မာနိုင်ငံ ဆိုက်ရောက်ဗီဇာ ပေးပြီ

Tuesday, May 4, 2010

ရွေးကောက်ပွဲကာလ သတင်းလွတ်လပ်ခွင့် မရှိနိုင်ဟု RSF ထုတ်ပြန်

ခက်ထန် Tuesday, May 04, 2010

လွတ်လပ်ပြီး တရားမျှတသည့် ရွေးကောက်ပွဲ ကျင်းပမည် ဆိုသော်လည်း စာနယ်ဇင်း လွတ်လပ်ခွင့်ကို ဆိုးရွားစွာ ဖိနှိပ်သူများ ထဲတွင် စစ်အစိုးရ ခေါင်းဆောင်သည် အပါအဝင် ဖြစ်နေဆဲဟု သတင်း လွတ်လပ်ခွင့် စောင့်ကြည့်သည့် အဖွဲ့တခုက ထုတ်ပြန် လိုက်သည်။

၂၀၁၀ တွင်လည်း ဗိုလ်ချုပ်မှူးကြီး သန်းရွှေသည် စာနယ်ဇင်း လွတ်လပ်ခွင့်ကို ဖိနှိပ်သူအဖြစ် နယ်စည်းမခြား သတင်းထောက်များ အဖွဲ့ (RSF) က မေလ ၃ ရက်နေ့၌ ကျရောက်သော နိုင်ငံတကာ သတင်း လွတ်လပ်ခွင့် နေ့တွင် ထုတ်ပြန် လိုက်ခြင်း ဖြစ်သည်။

ရွေးကောက်ပွဲ ကာလတွင် လွတ်လပ်စွာ ထုတ်ဖော် ပြောဆို ရေးသားခြင်း မပြုနိုင်ရန် ဂျာနယ်လစ်၊ ဘလော့ဂါနှင့် လူ့အခွင့်အရေး လှုပ်ရှားသူများကို ဗိုလ်ချုပ်မှူးကြီး သန်းရွှေက အကျဉ်းချထား သည်ဟု RSF ၏ ကြေညာချက်တွင် ဖော်ပြထားသည်။


NLD ခေါင်းဆောင် တဦးဖြစ်ပြီး ဝါရင့် သတင်းစာဆရာလည်း ဖြစ်သူ ဦးဝင်းတင်က ရွေးကောက်ပွဲနှင့် လိုက်လျောညီထွေ ရှိသော လွတ်လပ်သည့် အတိုင်းအတာ ရှိသင့်သည်ဟု သုံးသပ်သည်။

“လွတ်လပ်ခွင့်ဆိုတာက ရိုက်ချိုးခံရတဲ့ အခါလည်း ရှိတယ်၊ လွတ်လပ်ခွင့်ဆိုတာ ရုန်းကန်မှုရှိရတယ်၊ ကိုယ့်အပေါ်လာပြီး တင်းကျပ် ဖိနှိပ်တာတွေကို ငုံ့မခံရဘူး”ဟု ဦးဝင်းတင်က ဧရာဝတီသို့ ပြောသည်။

ဒေါ်အောင်ဆန်းစုကြည်က ၂၀၁၀ ရွေးကောက်ပွဲမှ မဟုတ်၊ မည်သည့် ရွေးကောက်ပွဲကာလမဆို ပြည်သူများ၏ လွတ်လပ်စွာ ရေးသားခွင့်၊ ပြောဆိုခွင့်၊ ဖော်ထုတ်ခွင့် ရှိသင့်သည်ဟု ဆိုကြောင်း၊ စစ်အစိုးရ စာပေစိစစ်ရေးမှူးကမူ ရွေးကောက်ပွဲ ပြီးသွားမှသာ စာပေစိစစ်ရေး မရှိနိုင်တော့ဟု ပြောကြောင်း ဦးဝင်းတင်က ဆိုသည်။

“စာပေစိစစ်ရေးမှူး ပြောတာက သည်းခံပါတဲ့၊ ရွေးကောက်ပွဲပြီးသွားရင်တော့ စာပေစိစစ်ရေးဆိုတာလည်း ရှိတော့မှာ မဟုတ် ဘူးတဲ့၊ အခုတော့ ရှိနေတယ်၊ ဒါကို ဆင်ခြေမတက်နဲ့၊ ဒီအတိုင်းပဲ လက်ခံလို့ ပြောတဲ့သဘောဖြစ်နေတယ်”ဟု ဦးဝင်းတင်က ဝေဖန်သည်။

နိုင်ငံရေး သတင်းများကို ပြည်တွင်း ပုဂ္ဂလိက ဂျာနယ်များက စတင်ဖော်ပြလာခြင်းနှင့် ပတ်သက်၍ အမျိုးသားဒီမိုကရေစီ အဖွဲ့ချုပ်(NLD)၏ သတင်းတချို့ကို မတ်လ ၂၉ ရက်နေ့တွင် ပြုလုပ်သော ဗဟို အလုပ်အမှုဆောင် အစည်းအဝေး မတိုင်ခင် မှစ၍ ဖော်ပြခွင့်ပြုကြောင်း သိရသည်။

ပြည်တွင်းမှ ဂျာနယ်လစ်တဦးက“ဂျာနယ်တွေမှာ နိုင်ငံရေး အချပ်ပို ထည့်ကြတယ်၊ စီးပွားရေးအရဆိုရင် ဂျာနယ်ဈေးကွက်မှာ အချိန်ကိုက် စီးပွားရှာတဲ့ သဘောပါပဲ၊ လက်ရှိ လူစိတ်ဝင်စားမှု များနိုင်တဲ့ အကြောင်းအရာကို ဖော်ပြတာပဲ၊ နောက်တခုက နိုင်ငံရေး(လက်ရှိမှာ ရွေးကောက်ပွဲ)ဆိုင်ရာ သတင်းအချက်အလက်တွေကို စာဖတ်ပရိသတ်ကို ချပြပေးတာပါ”ဟု ပြောသည်။

သို့သော် စာပေစိစစ်ရေးအနေနှင့် အစိုးရမူဝါဒကို ဆန့်ကျင်မှုထက် ထောက်ခံမှု ပိုများသည့် အရေးအသားဆိုလျှင် ဆင်ဆာ ပိုလွတ်နိုင်ကြောင်း ၄င်းက ဆက်လက်ပြောကြားသည်။

ထိုသို့ ဖော်ပြရာတွင် ပြည်တွင်းဂျာနယ်များ၌ ဘက်လိုက်သည့် သဘော ရှိနေမှုများနှင့် ပတ်သက်၍ NLD ပြန်ကြားရေး အဖွဲ့ဝင် ဦးအုန်းကြိုင်က“စာပေစိစစ်ရေးက တဖက်သတ်ခွင့်ပြုလို့ တဖက်သတ် ဖော်ပြထားတာ နေမှာပေါ့၊ တဖက်ပိတ်ထားသော လွတ်လပ်ခွင့်ပေါ့၊ ဆင်ဆာရှိနေသရွေ့ဘယ်လိုလုပ် လွတ်လပ်တယ် ပြောလို့ရမလဲ၊ ဆင်ဆာအောက်က လွတ်လပ်ခွင့်ပေါ့” ဟု ပြောသည်။

သို့သော် ပြည်တွင်းမှ အယ်ဒီတာ တဦးကမူ“ရှုထောင့် နှစ်ခုက ရေးပေမယ့် စိစစ်ရေးက တဖက်ကို ဖြုတ်ပစ်လိုက်ရော၊ counter လုပ်ထားတာကို ဖြုတ်လိုက်တော့ တဖက်စောင်းနင်း ရေးသလို ဖြစ်သွားတာ ကြုံရတယ်”ဟု ဆိုသည်။

စာရေးဆရာ၊ အယ်ဒီတာ မောင်ဝံသက အစိုးရကိုယ်တိုင် စိတ်ဝင်စားနေသဖြင့် ဆင်ဆာ မဖြတ်တောက်ဖြင်း ဖြစ်နိုင်သည်ဟု ပြောဆိုသည်။

“အစိုးရ ကိုယ်တိုင်က ၉၀ မှာ အဓိက နိုင်ထားတဲ့ ပါတီကြီး မှတ်ပုံမတင်တာကို သိချင်ပုံ၊ စိတ်ဝင်စားပုံရတယ်၊ ဦးခင်မောင်ဆွေ တို့က ဝင်မယ်ဆိုတဲ့ လိုင်းကို တင်တာကို၊ ဒီတော့ ဦးခင်မောင်ဆွေတို့ ဘာပြောမလဲ၊ သူတို့ ရည်ရွယ်ချက် ဘာရှိမလဲ၊ သိချင်ပုံ ရတယ်၊ စာဖတ်တဲ့သူထက် အာဏာပိုင်တွေက ပိုသိချင်ပုံရတယ်၊ ဒါကြောင့် ခွင့်ပြုတာ ဖြစ်မယ်”ဟု မောင်ဝံသက ပြောသည်။

ပြည်တွင်းမှ ဘလော့ဂါ တဦးက“ပြည်တွင်း သတင်းတွေက လွတ်လပ်မှု မရှိတော့ ဖတ်ရတဲ့လူပါ လွတ်လပ်မှု မရှိသလို ခံစား ရလို့ မဖတ်ဖြစ်တော့တာ ကြာပြီ၊ သူငယ်ချင်းတွေ ဝယ်လာရင်တော့ ဖတ်ဖြစ်တာပေါ့လေ၊ အင်တာနက်ပေါ်ကပဲ အများဆုံး ဖတ်ပါတယ်”ဟု ဆိုသည်။

လျှောက်ထားသည့် ပါတီများ မှတ်ပုံတင် ကျလာလျှင် ပြည်တွင်းဂျာနယ်များက ပိုမို ရေးသား ဖော်ပြလာကြဖွယ် ရှိသည်ဟု အယ်ဒီတာတဦးက သုံးသပ်သည်။

“ဆင်ဆာရှိတော့ ဆင်ဆာနဲ့ လွတ်မယ့် လမ်းကြောင်းလောက်ပဲ လုပ်ကြတာပဲလေ၊ ပါတီတွေက လျှောက်ထားဆဲရှိသေးတယ်၊ မှတ်ပုံတင်ကျပြီးရင် ဒီထက်ပိုပြီး ရေးလာကြမယ်၊ ရှေ့လျှောက် ပိုများလာမယ် ထင်တယ်”ဟု ယင်းအယ်ဒီတာက ပြောသည်။

မီဒီယာအများစုက ဘက်မလိုက်ဘဲ လုပ်လိုကြောင်း၊ ဘက်လိုက်သူလည်း ရှိကြောင်းနှင့် ပါတီများကလည်း ချဉ်းကပ်လာနိုင် ကြောင်း ၄င်းက ဆက်လက်ပြောကြားသည်။

နိုင်ငံရေးပါတီများသည် ထုတ်ဝေလိုသည့် ပါတီ၏ မူဝါဒ၊ သဘောထားရပ်တည်ချက်၊ မဲဆွယ်စည်းရုံးရေးဆိုင်ရာ အကြောင်း အချက်အလက်များ ပါရှိသော စာရွက်စာတမ်း၊ စာအုပ်နှင့် လက်ကမ်းစာစောင်များကို စာပေစိစစ်ရေးသို့ ကြိုတင် စိစစ်မှုခံယူ ရန် မလိုဘဲ ထုတ်ဝေနိုင်ကြောင်း မတ်လကုန်တွင် စစ်အစိုးရက ပါတီများကို အသိပေးခဲ့သည်။

“ပါတီတွေကိုလည်း ထုတ်ဝေခွင့် ပေးမယ် ပြောထားပြီးသားလေ၊ ဆင်ဆာ မတင်ရဘူး၊ ထုတ်ဝေပြီးမှ ကော်ပီတင်လိုက်ရုံပဲ၊ မကြိုက်ရင်တော့ အဲဒီစာစောင်ကို ပိတ်မှာပေါ့”ဟု ဂျာနယ်လစ်တဦးက ပြောသည်။

လွတ်လပ်စွာ ထုတ်ဖော်ပြောဆိုခြင်းကြောင့် အကျဉ်းချခံထားရသူများထဲတွင် လူရွှင်တော် ဇာဂနာ၊ ဘလော့ဂါ နေဘုန်းလတ်၊ ကဗျာဆရာ စောဝေ စသည်တို့ ပါဝင်သည်။

ထောင်ဒဏ် ၂၇ နှစ်ကျော် ချမှတ်ခံရသော ဒီမိုကရက်တစ် မြန်မာ့အသံ(DVB) သတင်းဌာနမှ ရုပ်သံ သတင်းထောက် တဦး ဖြစ်သူ မလှလှဝင်း၏ အယူခံကို မကွေးတိုင်း တရားရုံးက ဧပြီလ ၂၈ ရက်နေ့တွင် ပယ်ချခဲ့သည်။

ပြည်ပသို့ သတင်းများပို့သည်၊ ဗီဒီယိုများ ပို့သည်ဟု သံသယရှိသူများကိုလည်း စစ်အစိုးရက ဖမ်းဆီးလျက်ရှိရာ နောက်ဆုံး ဖမ်းဆီးခံရသူများမှာ သတင်းထောက် ဦးဇေယျနှင့် သားဖြစ်သူ စည်သူဇေယျတို့ ဖြစ်သည်။ သင်္ကြန်အကြတ်နေ့ ရန်ကုန် ဗုံးပေါက်ကွဲမှုတွင် ဓာတ်ပုံရိုက်သဖြင့် ဧပြီ ၁၇ ရက်နေ့က ဖမ်းဆီးခဲ့ခြင်းဖြစ်သည်။

ကျောက်တံခါး၌ ဗုံး ၃ လုံးကွဲ၊ တဦး ဒဏ်ရာရ

ရန်ပိုင် Tuesday, May 04, 2010

ပဲခူးတိုင်း ကျောက်တံခါး မြို့နယ်ရှိ စက်မှုလယ်ယာ ထွန်စက် စခန်းတွင် ပြီးခဲ့သည့် သောကြာနေ့ညနှင့် စနေနေ့က ဗုံးသုံးလုံး ဆက်တိုက် ပေါက်ကွဲခဲ့ရာ မြို့နယ် ရဲအထူး သတင်းတပ်ဖွဲ့ (SB) မှ တပ်ကြပ်တဦး ထိခိုက်ဒဏ်ရာ ရရှိသွားကြောင်း သိရသည်။


အဆိုပါ စခန်းအတွင်းရှိ ထွန်စက်တစီး၏ အင်ဂျင်အောက်မှ ပေါက်ကွဲခြင်း ဖြစ်ပြီး သောကြာနေ့ည ၁၂ နာရီခန့်တွင် တကြိမ်၊ စနေနေ့ ည ၂နာရီခန့် တွင် တကြိမ်၊ စနေနေ့ ညနေ ၄နာရီခန့်တွင် တကြိမ်ပေါက်ကွဲခြင်း ဖြစ်ကြောင်း ကျောက်တံခါးမြို့ခံတဦးက ဧရာဝတီသို့ ပြောသည်။

“အသံကတော့ သိပ်မကျယ်ဘူး၊ စခန်းက မြို့ပြင်မှာဆိုတော့ သိပ်မသိကြဘူး၊ နောက်မှသိတာ၊ ဒုတိယ ရဲချုပ်လာစစ်တယ်”ဟု ၎င်းကဆိုသည်။

ပထမဗုံးပေါက်ကွဲမှုတွင် လယ်ထွန်စက်တစီး ပျက်စီးသွားပြီး ဂိုဒေါင်အမိုးများလည်း ပျက်စီးသွားကြောင်း၊ ဒုတိယပေါက်ကွဲမှု တွင် ပျက်စီးခြင်း မရှိဘဲ၊ တတိယဗုံးပေါက်ကွဲချိန်သည် SB တပ်ဖွဲမှ စစ်ဆေးနေသော အချိန်ဖြစ်သည့် အတွက် ရဲတပ်ဖွဲ့ဝင် တပ်ကြပ် တဦး ခန္ဓာကိုယ် အောက်ပိုင်း ထိခိုက်ဒဏ်ရာရရှိသွားခြင်းဖြစ်သည်ဟု အဆိုပါ မြို့ခံကပြောသည်။

ထိုကဲ့သို့ ဗုံးပေါက်ကွဲခဲ့သော်လည်း မြို့နယ် အာဏာပိုင်များက လုံခြုံရေး တိုးမြှင့် ချထားခြင်းမရှိသေးကြောင်း၊ ယခင် လေးငါးနှစ် ခန့်ကလည်း ကျောက်တံခါးမြို့တွင် ဗုံးပေါက်ကွဲမှုများ ဖြစ်ပွားခဲ့ဖူးကြောင်း၊ ဗုံးပေါက်ကွဲမှု ကြောင့် လုံခြုံရေးအကြောင်းပြကာ ဒေသ ခံများကို ကင်းများစောင့်ခိုင်းခြင်း၊ ကင်းကြေးများ တိုးမြှင့် ကောက်ခံခြင်းများ ပြုလုပ်လာနိုင်ကြောင်း ၎င်းမြို့ခံက ဆက်လက်ရှင်း ပြ သည်။

ယခုဗုံးပေါက်ကွဲမှုကို စစ်အစိုးရ သတင်းစာများတွင် ဖော်ပြထားခြင်း မရှိပေ။

ပြီးခဲ့သည့် ဧပြီလ၂၈ ရက်နေ့ကလည်း လွိုင်ကော် ရဲစခန်းအတွင်း ဗုံးပေါက်ကွဲမှုဖြစ်ပွားခဲ့ရာ လူတဦးသေဆုံးပြီး တာဝန်ကျ ရဲဝန် ထမ်းများလည်း ဒဏ်ရာရရှိသွားကြောင်း သိရသည်။

ယခုနှစ်အတွင်း မြန်မာနိုင်ငံတွင် ဗုံးပေါက်ကွဲမှုများ ဆက်တိုက်ဖြစ်ပွားလာရာ ယင်းကျောက်တံခါးမြို့နယ် ဗုံးပေါက်ကွဲမှု အပါအ၀င် ၉ ကြိမ်ရှိပြီး မည်သည့် အဖွဲ့အစည်းက လုပ်ဆောင်သည်ကို အစိုးရ တိတိကျကျ ထုတ်ပြန်အရေးယူနိုင်ခြင်းမရှိဘဲ ပြည်ပရှိ နိုင်ငံရေး အဖွဲ့အစည်းများကိုသာ စွပ်စွဲပြောဆိုလေ့ရှိသည်။

မကြာသေးမီက ဖြစ်ပွားခဲ့သည့် ကချင်ပြည်နယ် မြစ်ကြီးနား မြစ်ဆုံ ရေအားလျှပ်စစ်စီမံကိန်း ဗုံးပေါက်ကွဲမှုနှင့် ပတ်သက်၍လည်း စုံစမ်းဖော်ထုတ်နိုင်ခြင်း မရှိဘဲ ဖောက်ခွဲသူအား ဖမ်းဆီးနိုင်ရန် သတင်းပေးနိုင်ပါက ကျပ်ငွေ သိန်း ၅၀၊ ပေ ၄၀x ပေ ၆၀ မြေကွက် တကွက်နှင့် ဒေသတွင်းသုံး CDMA တယ်လီဖုန်း တလုံး ပေးမည်ဟု ပြည်နယ်အေးချမ်းသာယာရေးနှင့် ဖွံဖြိုးရေးအဖွဲ့မှ တရားဝင် ကြေညာချက်များ ထုတ်ပြန်ထားကြောင်း အဆိုပါ အုပ်ချုပ်ရေး ရုံးအဖွဲ့မှ ၀န်ထမ်းတဦးက ဧရာဝတီသို့ပြောသည်။

ပြီးခဲ့သည့် သင်္ကြန်အကြတ်နေ့ ရန်ကုန် ဗုံးပေါက်ကွဲမှုတွင်လည်း ဗုံးဖောက်ခွဲ သူကို ဖမ်းဆီးရမိရန် သတင်းပေးနိုင်ပါက ဆုငွေ ကျပ် (၁၀) သိန်းပေးမည်ဟု မြို့နယ်၊ ရပ်ကွက်အုပ်ချုပ်ရေး ရုံးများတွင် စာများ ကပ်ပြီး ကြေညာချက်ထုတ်ပြန်ခဲ့သည်။

ထိုဗုံးပေါက်ကွဲခဲ့သည့် ရန်ကုန်မြို့ ကန်တော်ကြီး ကန်ပတ်လမ်း X2O မဏ္ဍပ်ရှေ့မှ မပေါက်ကွဲသေးသည့် ချိန်ကိုက်ဗုံးတလုံးကို မြန်မာဘီယာ သံဘူး အခွံထဲမှ ထပ်မံရှာဖွေ တွေ့ရှိပြီး မဏ္ဍပ်ရှေ့ပေါက်ကွဲခဲ့သည့် ဗုံးမှာ လက်ပစ်ဗုံးဖြစ်ကြောင်း ယခုအပတ်ထုတ် Weekly Eleven ဂျာနယ်တွင် ရေးသား ထားသည်။

X2O မဏ္ဍပ်ရှေ့ ဗုံးပေါက်ကွဲမှုတွင် လူ၁၀ ဦးသေဆုံးပြီး ၁၇၀ ကျော် ဒဏ်ရာရခဲ့ကြောင်း အစိုးရက တရားဝင် ထုတ်ပြန် ထားသည်။


ကေအဲန်ယူ စစ်ဆင်ပြင်ဆင်မှုများ ပြုလုပ်နေ

သတင်းနှင့်မီဒီယာ ကွန်ယက်။ ခွန်အောင်မြတ်။
မေလ ၄ ရက်၊ ၂၀၁၀ ခုနှစ်။

ကရင်အမျိုးသားအစည်းအရုံး (ကေအဲန်ယူ) လက်အောက်ခံ ဖာပွန်ခရိုင်အခြေစိုက် တပ်မဟာ(၅)ဒေသကို စစ် အစိုးရတပ်က ထိုးစစ်ဆင်မည့် သတင်းထွက်ပေါ်လာသည့် အတွက်ကြောင့် ကေအဲန်ယူဘက်မှ စစ်ဆင်ရေး ပြင် ဆင်မှုများပြုလုပ်ပြီး အပြန်အလှန် စောင့်ကြည့်နေကြသည်။

ယခုပတ်တွင်း တိုက်ပွဲဖြစ်ပွားမှုများသည် မြန်မာစစ်အစိုးရတပ်က ကေအဲန်ယူကို သွေးတိုးစမ်းသည့် သဘော မျိုးဖြစ်ပြီး ထိုးစစ်ဆင်မှုများ ဖြစ်ပေါ်လာနိုင်သည်ဟု ကရင်အမျိုးသားအစည်းအရုံး(ကေအဲန်ယူ)၏ တွဲဖက်အတွင်း ရေးမှူး(၁) ဗိုလ်မှူးစောလှငွေ က ပြောသည်။

“တပ်မဟာ(၅)က လူ(၉၀)လောက်နဲ့ ခမရ(၄၀၅)က လေးငါးခြောက်ဆယ်၊ ခုနစ်ဆယ် လောက် အဲဒီ မှာ လှုပ်ရှားနေတယ်တဲ့။ သူတို့ကို တိုက်မှာလား မတိုက်ဘူးလား သေချာတော့ မပြောတတ်ဘူး။ ဒါ ပေမယ့် လှုပ်ရှားမှုတော့ နည်းနည်းထူးခြားတယ်ပေါ့။ (၃၀)ရက် နေ့နဲ့ (၁)ရက်နေ့နဲ့ မနေ့ကတုန်း ကတော့ သုံးရက်နေ့တုန်းကတောင် စောင်တယ်။ အဲဒါ တိုက်ပွဲတွေရဲ့နောက်ဆက်တွဲက သူတို့ကိုပဲ လာပြီးတော့ တစုံတခုလာပြီးတော့ လက်တုန့်ပြန်မှာလား ဘာလားလို့တော့ မပြောတတ်ဘူးပေါ့ လေ။”

တပ်မဟာ(၅)လက်အောက်ခံ တပ်ရင်း ၂၀၁ တွင် ပြီးခဲ့သည့် ဧပြီလ ၃၀ ရက်နေ့နှင့် မေလ ၁ ရက်နေ့တွင် စစ် အစိုးရတပ်နှင့် တိုက်ပွဲ နှစ်ကြိမ်ဖြစ်ပွားရာ ကေအဲန်ယူဘက်မှ အရာခံ ဗိုလ် ၁ဦးကျဆုံးပြီး၊ စစ်အစိုးရတပ်ဘက်မှ ၁ ဦးကျဆုံးကာ ငါးဦး ဒဏ်ရာရှိခဲ့သည်။

ယခုရက်ပိုင်းအတွင်း တိုက်ပွဲများထပ်မံဖြစ်ပွားနိုင်မည့်အခြေအနေရှိသဖြင့် ၎င်းတို့တပ်ဖွဲ့များကို တပ်လှန့်ထား သည်ဟု တပ်ရင်း ၂၀၁ တပ်ရင်းမှူး စောဘူးဖောက ပြောသည်။

“တခုတော့ သူတို့စစ်ဆင်ရေးတွေ ရေးဆွဲတာရှိတယ်။ သူတို့ ၄၀၅နဲ့ ၄၀၆ က ကျနော်တို့ကို အလစ် အငိုက်အလုံးအရင်းနဲ့ဝင်တိုက်မယ်။ သူတို့ အဲလိုအစီအစဉ်ရှိတယ်။ ကျနော်တို့ဘက်ကတော့ အဆင် သင့်ကို ရှိရမယ်။ ကိုယ်ညံ့ကိုယ်ခံပဲ ဒီတခါတော့။”

ယင်းဒေသရှိ ဒီကေဘီအေ တပ်အဖွဲ့အချို့က နယ်ခြားစောင့်တပ်ဖွဲ့စည်းရန် သဘောမတူ သည့် တပ်လည်း ရှိသဖြင့် ကေအဲန်ယူနှင့်ပူးပေါင်းကာ စစ်အစိုးရကို ပြန်လည်တိုက်ခိုက်ရန် သတင်းထွက်ပေါ်နေသဖြင့် ဒေသတွင်း မတည်ငြိမ်မှုများဖြစ်ပေါ်နေသည်ဟု ဒီကေဘီအေ နှင့် နီးစပ်သူတဦးက ပြောသည်။

ကော့ကရိတ်မြို့နယ် ဝေါ်လေဒေသတွင် ကေအဲန်ယူအပြင် စစ်အစိုးရတပ်နှင့် ဒီကေဘီအေ တပ်ဖွဲ့များ လှုပ်ရှား နေသဖြင့် တိုက်ပွဲများ ထပ်မံ ဖြစ်ပွားမည်ကို ဒေသခံများက စိုးရိမ်နေကြသည်ဟု ယင်းဒေသရှိ ကေအဲန်ယူ အရာ ရှိများက ပြောသည်။


နာဂစ်ဒေသ (၂) နှစ်ပြည့်သော်လည်း နာလန်ထူနိုင်ခြင်း မရှိသေး

မျိုးချစ်သူ/ ၄ မေ ၂ဝ၁ဝ

၂၀၀၈ ခုနှစ် မေလ (၂) ရက်နှင့် (၃) ရက်တို့တွင် နာဂစ် ဆိုင်ကလုန်း မုန်တိုင်း တိုက်ခတ်ခဲ့ သည်မှာ ၂၀၁၀ ပြည့်နှစ် မေ (၂) ရက်နှင့် (၃) ရက်တွင် (၂) နှစ် တင်းတင်း ပြည့်ခဲ့ ပြီဖြစ်သော်လည်း နာဂစ်သင့် ဒေသတွင် နာလန် ထူနိုင်ခြင်း မရှိသေးသည်ကို တွေ့ရသည်။

၂၀၀၈ ခုနှစ် မေလအတွင်း တိုက်ခတ်ခဲ့သည့် နာဂစ်မုန်တိုင်းကြောင့် အထိအနာဆုံးဒေသမှာ ဧရာဝတီတိုင်းဖြစ်ပြီး ဒုတိယ အထိအနာ ဆုံးဒေသမှာ ရန်ကုန်တိုင်းဖြစ်သည်။

လူပေါင်း (၁) သိန်းခွဲနီးပါး သေဆုံးခဲ့ကြရကာ လူဦးရေ (၂) သန်းကျော် အိုးအိမ်မဲ့ခဲ့ကြရသည့်အတွက် ယနေ့တိုင် အဆိုပါ ဖြစ်ရပ်ဆိုးကို မည်သူမျှ မမေ့နိုင်ဘဲ ရှိနေကြခြင်းဖြစ်သည်။

“ဘယ်သူမှ မမေ့ပေမယ့် အစိုးရကတော့ အားလုံးကို မေ့ထားနေပါတယ်။ အခုဆိုရင် ရပ်ရွာတွေမှာ ရေတွေခန်းပြီး ရေအခက်အခဲကိုလည်း ကြုံနေရပြီလေ။ မိုးမြန်မြန်ရွာစေချင်တယ်၊ ကန်တွေရေခန်းကုန်ပြီ” ဟု ဘိုကလေးမြို့နယ် ရေနက်ချောင်း ရွာသားတဦးက ပြောသည်။

နာဂစ်သင့်ဒေသတွင် ရေအခက်အခဲသာမက စားဝတ်နေရေးပြဿနာများလည်း ရင်ဆိုင်နေရဆဲဖြစ်ကြောင်း ဒေသခံများက ပြောကြသည်။

“ဒီမှာက အဓိက ပြဿနာတွေထဲမှာ စပါးစိုက်မျိုးမှု ပြဿနာ ရှိနေပါတယ်။ မနှစ်က ဖြုတ်တွေကျလို့ စပါးထွက်တဲ့ အရေအတွက် နည်းသွားတဲ့အတွက် လယ်သမားတွေ အရှုံးပေါ်တယ်။ လယ်စိုက်ဖို့ အတိုးနဲ့ ငွေချေးရတယ်။ ငွေကို စပါးပေါ်ချိန်မှာ ဆပ်ရမှာဖြစ်ပေမယ့် တချို့က ပြန်မဆပ်နိုင် ဖြစ်ကြတယ်” ဟု ဘိုကလေးမြို့နယ် ကျောင်းစုရွာမှ လယ်ပိုင်ရှင်တဦးက ပြောသည်။

စပါးစိုက်တောင်သူတို့သည် တဧက စပါးစိုက်စရိတ် ကုန်ကျငွေ (၂) သိန်းခွဲခန့်ရှိပြီး ယင်းဒေသတွင် အချွန်ခေါ် စပါးအမျိုးအစားကို စိုက်ရသောကြောင့် စပါးဈေးမရဟု ၎င်းက ရှင်းပြသည်။

နာဂစ်ဒေသတွင် ဒေသခံများ၏ လယ်ယာလုပ်ငန်းအတွက် တွဲဖက်ရုန်းကန်ခဲ့ကြရသည့် ကျွဲနွားတိရစ္ဆာန်များသည်လည်း သိန်းနှင့်ချီ သေဆုံးခဲ့ကြပြီး လယ်ယာမြေဧကများစွာမှာလည်း ဆားငန်ရေ ၀င်ရောက်ခြင်းကြောင့် ပျက်စီးခဲ့ရသည်။

ထိုအခြေအနေများကို ကျော်လွန်စေရန် ပြန်လည်ထူထောင်ရေးကာလကို (၃) နှစ်အထိ လုပ်ဆောင်ရမည်ဖြစ်သော်လည်း နအဖစစ်အစိုးရက နာဂစ်သင့်ဒေသများတွင် လွန်စွာဖွံ့ဖြိုးနေပြီဖြစ်ကြောင်း နိုင်ငံပိုင်သတင်းစာများမှတဆင့် ရေးသားဖော်ပြခဲ့သည်။

ပြန်လည်ထူထောင်ရေးလုပ်ငန်းများ လုပ်ဆောင်ရန် အမေရိကန်ဒေါ်လာသန်း (၇၀၀) နီးပါး အကူအညီလိုအပ်နေကြောင်း ၂၀၀၉ ခုနှစ် ဖေဖော်ဝါရီ (၉) ရက် ဘန်ကောက်တွင် ပြုလုပ်သော သတင်းစာရှင်းလင်းပွဲ၌ သုံးပွင့်ဆိုင်ဗဟိုအဖွဲ့ (TCG) က တရားဝင်ပြောကြားခဲ့သည်။

ဘိုကလေးမြို့နယ် ဦးမှုန်စုရွာသူတဦးက “အရင်ကတော့ အလှူပေးတဲ့သူတွေ လာတယ်၊ အခု မလာတာ ကြာပြီ။ ဒီလိုပဲ ရုန်းရကန်ရတာပေါ့လေ။ မိုးရာသီဆိုရင် သူများဆီမှာ ကောက်စိုက်၊ နွေဆိုရင် ပိုက်တဲတွေဆီမှာ ငါးရွေးပေါ့” ဟု ပြောသည်။

ဧရာဝတီတိုင်းတွင် ၀မ်းရောဂါ ဖြစ်ပွားမှုကြောင့် ဆေးကုသမှုခံယူကြရကာ သေသူများလည်း ရှိနေကြောင်း သိရသည်။

ဘိုကလေးမြို့နယ် ဘုရားချောင်းရွာသည် တံငါလုပ်ငန်းဖြင့် အသက်မွေးရသူများ၊ လက်လုပ်လက်စားများ ပေါကာ သောက်သုံးရေကို ကန်မှ သောက်ရသောကြောင့် ရေမသန့်သည့်အတွက် ၀မ်းကိုက်ရောဂါ ဖြစ်ပွားကြကြောင်း ဒေသကျန်းမာရေး ဆရာမတဦးက ပြောသည်။

“အမှန်တော့ ဒီဒေသတွေမှာ ရေက ပြဿနာရှိပါတယ်။ ဒေသအာဏာပိုင်တွေအနေနဲ့ကလည်း ဒီအချိန်မှာ ဒီရေပြဿနာ ရှိတယ်ဆိုတာကို ခေါင်းထဲမှာ ထည့်ထားဖို့ လိုပါတယ်။ အခုက ဘာသိဘာသာ နေကြတာ တွေ့ရတယ်” ဟု ယင်းဆရာမက ပြောသည်။

ဧရာဝတီတိုင်းအတွင်းတွင် နာဂစ်မုန်တိုင်းကြောင့် ရေကန်များကို ဆားငန်ရေများ လွှမ်းခဲ့သည့်နောက်ပိုင်း မိုးရာသီတကြိမ် ကြုံပြီးဖြစ်သည့်တိုင် အချို့ရေကန်များမှာ သုံးမရဘဲ ရှိနေဆဲဖြစ်သည်။

သုံးပွင့်ဆိုင်အဖွဲ့သည် လာမည့်ဇူလိုင်လတွင် နာဂစ်ဒေသ ပြန်လည်ထူထောင်ရေး လုပ်ငန်းများကို ရပ်နားတော့မည်ဖြစ်ပြီး မြန်မာနိုင်ငံ နာဂစ်မုန်တိုင်းသင့်ဒေသများအတွက် ပြန်လည်ထူထောင်ရေး လုပ်ငန်းများဖြစ်သည့် အိမ်ရာနှင့် အသက်မွေး ၀မ်းကျောင်းလုပ်ငန်း ကဏ္ဍများတွင် ရန်ပုံငွေလိုအပ်ချက် မြင့်မားဆဲဖြစ်ကြောင်း သုံးပွင့်ဆိုင်အဖွဲ့က ပြီးခဲ့သည့် ဧပြီ (၂၀) ရက်တွင် အစီရင်ခံစာထုတ်ပြန်ထားသည်။

ရန်ကုန်မြို့တွင် တနေ့ (၂) နာရီခန့်သာ မီးလာ

တက်လူ/ ၄ မေ ၂ဝ၁ဝ

ရန်ကုန်တွင် ယခုရက်ပိုင်းအတွင်း လျှပ်စစ်မီးပြတ်တောက်မှု အလွန်ဆိုးရွားနေကြောင်း ရန်ကုန်မြို့ခံများက ပြောသည်။


“ဘာ့ကြောင့်လဲ မသိဘူး၊ အရင်ကမီးပြတ်မယ့်အချိန်ကို တွက်လို့ရပေမယ့် အခုက ဘာမှန်းကိုမသိတော့ဘူး။ လုံးဝမလာတဲ့ရက်က ရှိသေးတယ်။ အီးပီစီကို မေးတော့လည်း မသိဘူးလို့ ပြောတယ်” ဟု ရန်ကုန် စမ်းချောင်းမြို့နယ်တွင် နေထိုင်သူတဦးက ပြောသည်။

လွန်ခဲ့သည့် (၃) ရက်ခန့်ကစ၍ တနေ့လျှင် (၂) နာရီခန့်သာ မီးလာတော့ကြောင်း ၎င်းကပြောသည်။

စမ်းချောင်းမြို့နယ် ကျွန်းတောလမ်းနေ ပြည်သူတဦးက “မီးလာချိန်ကို ပြောလို့မရတော့ဘူး။ လာချင်တဲ့အခါ လာတယ်၊ ပြတ်ချင်တဲ့အခါ ပြတ်တယ်။ မီးလာလို့ မီးပူတိုက်ဦးမယ်ဆိုပြီး ပြင်ဆင်နေတုန်းရှိသေး မီးကပြတ်သွားပြန်ရော” ဟု ပြောသည်။

မြန်မာ့ရေနံနှင့်သဘာဝဓာတ်ငွေ့လုပ်ငန်းက ယမန်နှစ်၌ သဘာဝဓာတ်ငွေ့ပိုက်လိုင်းများ ပြင်ဆင်မှုပြုလုပ်နေချိန်ကလည်း ဓာတ်အားပြတ်တောက်မှု ဖြစ်ပေါ်ခဲ့သေးသည်။

ရန်ကုန်လျှပ်စစ်အားအတွက် သာကေတ၊ ရွာမ၊ လှော်ကား၊ အလုံသဘာဝဓာတ်ငွေ့သုံး စက်ရုံများနှင့် လောပိတ ရေအားလျှပ်စစ်စက်ရုံတို့မှ ဖြန့်ဖြူးနေခြင်းဖြစ်ပြီး မည်သည့်အတွက်ကြောင့် ယခုကဲ့သို့ လျှပ်စစ်မီး မကြာခဏ ပြတ်တောက်နေရသည်ကိုလည်း သက်ဆိုင်ရာ လျှပ်စစ်ပေးဝေရေးဌာနတို့က တိတိကျကျ ပြောဆိုခြင်းမရှိဟု မြို့ခံများက ပြောသည်။

လက်ရှိတွင် တနင်္သာရီ-ရန်ကုန် သဘာဝဓာတ်ငွေ့လိုင်း မကြာခဏပေါက်သည့်အတွက် တာဘိုင်စက်များ မလည်ပတ်နိုင် ဖြစ်ရကြောင်း၊ ထို့ကြောင့် လျှပ်စစ်ဓာတ်အား ဖြန့်ဖြူးမှု ကျဆင်းနေပြီး ယခုအခါ မုတ္တမပင်လယ်ကွေ့-ရန်ကုန် သဘာဝဓာတ်ငွေ့ ပိုက်လိုင်းအသစ်တခုကို ဖျာပုံမြို့နယ် ဒေါ်ငြိမ်းကျေးရွာအနီးမှ သွယ်တန်းမှုပြုနေရာ မေလကုန်တွင် ပြီးစီးမည်ဟုလည်း စွမ်းအင်ဝန်ကြီးဌာနက ထုတ်ပြန်ထားသည်။

ရန်ကုန်မြို့၏ လျှပ်စစ်စွမ်းအား သုံးစွဲမှုစာရင်းအရ ရန်ကုန်လူဦးရေ (၆) သန်းကျော်အတွက် မဂ္ဂါဝပ် (၅ဝဝ) ကျော် လိုအပ်ကြောင်း၊ လောလောဆယ် ထုတ်လွှတ်နိုင်သော မဂ္ဂါဝပ်မှာ (၃၀၀) ခန့်သာရှိကြောင်း သိရသည်။

ဗိုလ်ချုပ်လွယ်မောဝ်းနှင့်အဖွဲ့ သောင်မတင် ရေမကျဖြစ်နေ

သျှမ်းသံတော်ဆင့်

ပြည်သူ့စစ်တပ်ဖွဲ့ အသွင် ပြောင်းရန် စည်းရုံး သိမ်းသွင်း ခံလိုက်ရပြီဟု အများ ထင်မှတ်သည့် ဗိုလ်ချုပ် လွယ်မောဝ်း နှင့်အဖွဲ့ သောင်မတင် ရေမကျ အခြေအနေ၌ ရောက်နေကြောင်း စုံစမ်း သိရှိရပါသည်။

“နအဖ က အသွင်ပြောင်းဖို့ သဘောတူပြီး လူသူလက်နက်စာရင်းပေးပို့ထားတဲ့ ဗိုလ်ချုပ်လွယ်မောဝ်းနဲ့အဖွဲ့ -အသွင် ပြောင်းဖို့ လက်မခံ တဲ့ တပ်မဟာ ၁ ကို ဆက်လက်စည်းရုံးခိုင်းပေမယ့် ဗိုလ်ချုပ်လွယ်မောဝ်းနဲ့ အဖွဲ့ကိုယ်၌ ကမပြောင်းချင်ဘူး၊ မိမိနယ်မြေ အတွင်း အရင် သေနတ်သံမထွက်ရလေအောင်ရှောင်ရှားချင်လို့သာ သဘောတူ လိုက်တဲ့သဘော” - ဟု အပစ်ရပ်အသိုင်းအ၀ိုင်းနှင့် ၀င်ဆန့်သူတဦးက ပြောပါသည်။

ဧပြီ ၂၂ ရက်နေ့ ဗိုလ်ချုပ်လွယ်မောဝ်းနှင့်အဖွဲ့ လားရှိုးတိုင်းမှူး ဗိုလ်ချုပ်အောင်သန်းထွဋ်နှင့်တွေ့ဆုံပြီး အသွင် ပြောင်းဖို့ သဘော တူ လိုက်သကဲ့သို့ ဧပြီ ၂၅ ရက်နေ့က ဌာနချုပ်တပ်ဖွဲ့အပါဝင် တပ်မဟာ ၃ ၊ ဧပြီ ၂၇ ရက် နေ့က တပ်မဟာ ၇ တို့ကလဲ လူသူ လက်နက် အင်အားအချို့ပေးအပ်လိုက်ပြီဟု ၎င်းင်းကပြော၏။ ထို့အပြင် တိုင်းမှူးကပေးသော စိန်ကျော့ ဌာနေပြည်သူ့စစ်တံဆိပ်ကိုလည်း လက်ခံထားလိုက်ပြီဟု ဆိုသည်။

“ဗိုလ်ချုပ်လွယ်မောဝ်းဦးဆောင်တဲ့အဖွဲ့က နအဖလက်အောက်ခံ ပြည်သူ့စစ်တပ်ဖွဲ့ လုံးလုံးဖြစ်သွားတာမဟုတ် ဘူးတဲ့၊ သောင်မတင်ရေမကျပေါ့၊ ကျန်တဲ့အဖွဲ့တွေကိုဆက်လက် စည်းရုံးဖို့လွတ်ထားတယ်။ သူတို့အနေနဲ့လဲ အဲဒီအခွင့် အရေးကို အသုံးချပြီး အချိန်ထပ်ဆွဲထားချင်တယ်။ အားလုံးလက်နက်မအပ်သေးသလို တံဆိပ်လဲမခွာ/တရားဝင် အသွင်ပြောင်းတာလဲမရှိသေးဘူး။ နယ်မြေလဲချုပ်ကိုင်ထားဆဲပဲ”- ဟု အပစ်ရပ်ခေါင်းဆောင်တဦးက ပြောပါ သည်။

သင်္ကြန်ကာလက အပစ်ရပ် UWSA ,KIA ,NDAA , SSA တို့ ၄ ဖွဲ့ ပန်ဆန်းမြောက်ဘက် တနေရာ၌တွေ့ဆုံ၍ နအဖမှ စတင်ပစ်ခတ်/ကျူးကျော်လာခဲ့လျှင် နေရာအသီးသီး၌လည်း တန်ပြန်တိုက်ခိုက်ရမည်၊ အချိန်ကိုက်တိုက်ပွဲကျင့်သုံးသွား မည်ဟု သဘောတူခဲ့ကြသော်လည်း အပစ်ရပ် SSA က အသွင်ပြောင်းရန်လက်ခံလိုက်ခြင်း အပေါ် တခြားမဟာမိတ် များက အမြင်ရှုပ်ထွေး တွေဝေစေခဲ့၏။

၁၉၆၄ ညောင်ရွှေစော်ဘွား မဟာဒေ၀ီ စ၀်မယ့်နန်းဟိန်းခမ်း တည်ထောင်ခဲ့သည့် တော်လှန်ရေးသမိုင်းဝင် တပ်မ တော် ပျောက်ကွယ်သွားတော့မည်လောဆိုသည့် သျှမ်းပြည်မျိုးချစ်ပုဂ္ဂိုလ်များ စိုးရိမ်မှုဖြစ်နေချိန်တွင် လွယ်တိုင်း လျဲန်း အခြေစိုက် SSA ကလည်း သဘောထားကြေငြာချက်ထုတ်ပြန်ကြေငြာခဲ့သေးသည်။



သွေးချင်းတွေ သွေးချင်းချင်း ထပ်မနီစေချင်

မန်းကိုကို

မြန်မာပြည်မှာ ကြီးနိုင် ငယ်ညှင်းပြီး အာဏာ ယစ်မူး တတ်ကြတဲ့ အလေ့အကျင့် တွေဟာ သက်ဦး ဆံပိုင် စနစ်ကနေ မြစ်ဖျားခံ ခဲ့တယ်လို့ ယူဆနိုင်တယ်။ ဒီကနေ့ အထိလဲ စဉ်ဆက်မပြတ် သက်ရောက်နေ သေးတယ်။ လူတန်းစား အဆင့်ဆင့် တုံးအောက်က ဖားတွေလို ပြားနေ ကြရတာ ခံစားတတ်သူ့ ပုထုဇဉ် တိုင်းအတွက် စိတ်မကောင်း စရာပါ။

အသက်၊ သွေး၊ ချွေး နဲ့ မျက်ရည်ပင်လယ်တွေ ဝေနေခဲ့ကြရတာလဲ ထောင်စုနှစ်တစ်ခုပြည့်ဖို့ သိပ် မလိုတော့ပါဘူး။ ဝမ်းနည်း ကြေကွဲစရာ၊ ခံပြင်းဒေါသထွက်စရာ၊ အံသြတုန်လှုပ်စရာတွေနဲ့ ရှက်ရွံ့ စရာတွေ မရေတွက်နိုင်လောက်အောင်ပဲ ဖြတ်သန်းခဲ့တယ်။ ဒါပေမယ့် မက်စရာ လုပ်ပိုင်ခွင့်အာဏာနဲ့ (လူထုဘဝမှာ အခရာကျတဲ့) သတင်းကဏ္ဍကို ချုပ်ကိုင် ချယ်လှယ်ပြီး “တိုင်းပြည်အတွက်” ဆိုတဲ့ မရိုးနိုင်တဲ့ ဓါတ်ပြားဟောင်းဆက်ဖွင့်ရင်း လိုရာဆက်ဆွဲ နေခဲ့ကြတာကြောင့် အဆုံးဆိုတာ မမြင်နိုင်လောက်အောင်ပါ။


သောင်းကျန်းသူ၊ သူပုန်” တွေလို့ နာမည်တပ်ရပြီး မိသားစုတွေ အားလုံးပေါင်းမှ ၃-၄ ထောင် လောက်သာသာ အရေအတွက်ရှိတယ်လို့ ဆိုတဲ့တိုင်းရင်းသားအဖွဲ့တွေ ဒီကနေ့အထိ“အမြစ်ပြတ် ချေမှုန်း” ခံနေခဲ့ကြရတာတောင် လျှော့မသွားပဲ ပိုတိုးလာခဲ့ကြတာ “ဆန်းကျယ်တယ်” လို့များ ဆိုကြရလေမလား။ မဟုတ်ရင်လည်း ဝါဒဖြန့်ချီရေးရဲ့ မအောင်မြင်တဲ့လုပ်ဇာတ်တစ်ခု ဖုံးလို့မရ ဖိလို့မနိုင် ဖြစ်တာလား။

“ရဲသော်မသေ သေသော်ငရဲမလား” သံပြိုင်သီချင်းတွေဆိုပြီး အစီး ၃-၄၀ သော စစ်ကားတန်းတွေနဲ့ “တရားသောစစ်” ဆင်နွဲဖို့ ထွက်သွားရာက ၄-၅ စီးလောက်နဲ့ ချောက်ချက်ဖြစ်နေတဲ့ စစ်သည်တွေ ပြန်တင်လာတဲ့ အပြန်ခရီး။ မြို့ကြီးများမှာ အသွားတုံးက အောင်သပြေနဲ့ပန်းကုံးတွေ စွပ်ပေးခဲ့သူများ မမြင်မိကြတာလား၊ မဟုတ်ရင်လည်း မမြင်ချင်ကြတာလား။

နှစ်စဉ်ထောင်နဲ့ချီတဲ့ တိုက်ပွဲတွေကြား မရေတွက်နိုင်တဲ့ အသက်ဆုံးရှူံးမှုတွေဟာ တနိုင်ငံလုံး ဆင်းရဲ ချွတ်ခြုံကျမှုနဲ့ အမုန်းတွေပြည့်လျှံနေတဲ့ သောင်း၊ သိန်းမက စိတ်နှလုံးတွေကို မွေးထုတ်ပေးဖို့ အာမ ခံချက်တွေပါ။

“သူပုန်တွေက ဗမာစစ်သားတွေကို သေနတ်နဲ့တောင်မပစ်ပဲ လက်ဗလာနဲ့တင် တက်ဖမ်းကြတယ်” ဆိုတဲ့ သတင်းမျိုး တောင်ပေါ်တိုင်းရင်းသားတွေကြားဘယ်လောက်အထိ အမုန်းတရားတွေ လောင် မျိုက်အောင် အလုပ်ခံခဲ့ကြရသလဲဆိုတာ တွေးမိနိုင်ဖို့ အကြောင်းရင်းတွေဟာ အနာဂါတ်ငြိမ်းချမ်း ရေးအတွက် မျှော်လင့်ချက်သိပ်မရှိနိုင်ပါ။


မြို့ပေါ်မှာ လမ်းမတွေပေါ် ပင်ပင်ပန်းပန်း ဝမ်းစာဖွေရှာ စားနေကြရချိန်၊ တောထဲမှာလဲ ကျေးလက် မောင်နှမတွေဟာ အကြောက်တရားအပြည့်နဲ့ သစ်ဥသစ်ဖုတွေ ရှာဖွေစားနေကြရတာ သိစေလိုပါ တယ်။

ရပ်ကွက်ထဲ တချို့မိခင်တွေ သူတို့ရဲ့ စစ်ထွက်သားမောင်များအတွက် ဗျာပါဒရောက်သောကတွေ ဝေနေချိန်မှာ ဟိုအဝေး တောင်တန်းပြာပြာတောနက်လျှိုမြှောင် အမှောင်ထဲစမ်းတဝါးဝါး နဲ့ တစ် တီတူးများလို မလုံခြုံတဲ့စိတ်နဲ့ ပုန်းအောင်း အိပ်စက် နေရသူတွေ ဒုနဲ့ဒေးပါ။ ဆေးပေးခန်းရှေ့ စုတ်ပြဲ နေတဲ့ ငွေစက္ကူတွေနဲ့ လူတစ်ချို့တန်းစီစောင့်ဆိုင်းနေကြရ ချိန်မှာ စိမ့်စမ်းရေကိုဆေးလုပ်သောက် နေကြသူတွေလဲ မရေတွက်နိုင်လောက်အောင်ပါပဲ။

ဒါတွေဖြစ်အောင် ဖန်တီးခဲ့ကြသူတွေအတွက် သာယာယစ်မူးမှုတွေ ရှိနေကြပေမယ့် အဲ့ဒီအကျိုး ဆက်တွေကိုယ်တိုင်ခံစား နေရသူတွေအတွက်တော့ စက္ကန့်တိုင်း၊ မိနစ်တိုင်း လောကငရဲ အချိန် ကာလတွေပါ။

ခုချိန်မှာ တနိုင်ငံလုံး သံသယရှိစရာ ဗုံးတွေပေါက်နေတာ ကြားလာကြရပြန်ပါပြီ်။ စစ်ရေးပြင် တိုက်ပွဲ ခေါ်သံတွေဆိုတာ ထပ်ပြီးပြောပြစရာတောင် လိုတော့မယ် မထင်ပါ။

ပြတ်ပြတ်သားသား ပြောချင်တာကတော့ “ဒီရူးသွပ်မှုတွေကို ရပ်တန်းက ရပ်လိုက်ကြ ပါတော့” ဆိုတာပါပဲ။

မေတ္တာရပ်ခံ တောင်းပန်နေတာ မဟုတ်ပါ၊ မသိနိုင်လောက်အောင် အမြင်ပိတ်ပိန်းနေသူတွေ သတိဝင်စေဖို့နဲ့ ဒီဖြစ်စဉ်ကြီး ကို ရပ်တန့်အောင်လုပ်ဖို့ တတ်စွမ်းနိုင်သူများထံ တောင်းဆိုနေတာပါ။ သွေးချင်းတွေ သွေးချင်းချင်း ထပ်မနီပါစေနဲ့တော့။


ဗုံးခွဲမည့် သတင်းကြောင့် စစ်တွေနှင့် ရန်ကုန်-စစ်တွေ ကားလမ်းတွင် လုံခြုံရေး တင်းကျပ်

မင်းဆက်ခိုင်(နိရဉ္စရာ)

ရခိုင်ပြည်နယ် စစ်တွေမြို့တွင် ဗုံးဖေါက်ခွဲ မည်ဟု သတင်းများ ထွက်ပေါ် နေသောကြောင့် စစ်တွေမြို့ရှိ အဓိက အချက်အချာ ကျသော နေရာများနှင့် ရန်ကုန်-စစ်တွေ ကားလမ်း တလျှောက်တွင် လုံခြုံရေးကို အထူး တိုးမြှင့် ချထားကြောင်း မျက်မြင် စစ်တွေမြို့ခံများနှင့် ခရီးသွားပြည်သူများက ပြောသည်။

စစ်တွေ တက္ကသိုလ်မှ ကျောင်းသား တဦးက စစ်တွေမြို့ရှိ အရေးကြီးသော နေရာများတွင် လုံခြုံရေး တိုးမြှင့် ချထားခြင်းကို ယခုကဲ့သို့ ပြောသည်။


"မနေ့ကစပီး လုံထိန်းတွေနဲ့ ရဲတွေကို အဖွဲ့လိုက် ဦးဥတ္တမ ပန်းခြံ၊ လောကာ နန္ဒာစေတီ၊ ဘုရားကြီး၊ စစ်တွေ- ရန်ကုန် ဘတ်စ်ကားဂိတ်တွေ အပါအ၀င် နေရာအတော်များများမှာ တင်းတင်းကျပ်ကျပ် ချထားတာကို တွေ့ရတယ်။ တနေရာစီမှာ ရဲနဲ့ လုံထိန်းကား ၃စီး လောက်ကိုပါ တွေ့ရပါတယ်။ အခု စစ်တွေမှာ ဗုံးဖေါက်ခွဲမယ် ဆိုပြီး သတင်းတွေ ပြန့်နေပါတယ်။ အဲဒါကြောင့် ခုလို လုံခြုံရေး တိုးမြှင့် ချထားတာ ဖြစ်တယ်လို့ လူတွေက ပြောနေကြပါတယ်။" ဟု ပြောသည်။

၎င်းအပြင် စစ်တွေ-ရန်ကုန် ကားလမ်း တလျှောက်တွင်လည်း လုံခြုံရေးကို တိုးမြှင့်ထားပြီး တံတားများနှင့် စစ်ဆေးရေးဂိတ်များတွင် ခရီးသည်များ အားလုံး ကားပေါ်မှ ဆင်းကာ စစ်ဆေးခံရသည်ဟု ရန်ကုန်မှ စစ်တွေသို့ ဘတ်စ်ကားဖြင့် လာသူ တဦးက ပြောသည်။

"အခု ခရီးသည်တိုင်း စစ်ဆေးရေးဂိတ်နဲ့ တံတားတွေကို ရောက်ရင် ကားပေါ်က ဆင်းပြီး လမ်းလျှောက်ရပါတယ်။ စစ်ဆေးရေး ဂိတ်တွေနဲ့ တံတားတွေကို ရောက်ရင် ကားပေါ်မှာ နေခွင့် မပြုပါဘူး။ အရင်က ဒီလို လုပ်တာ မရှိပါဘူး၊ ခုတရက်နှစ်ရက်အတွင်းမှာ ခုလို လုပ်တာ ဖြစ်ပါတယ်။ စစ်သားတွေနဲ့ ရဲတွေက အထုတ်အပိုးတွေကို စစ်ဆေးပါတယ်။ လူတွေကို သေသေချာချာ စစ်ဆေး မေးမြန်းတာတွေ လုပ်ပါတယ်။ ခုလို လုပ်တဲ့ အတွက် ပုံမှန်ရောက်ချိန်ထက် အချိန် ၂ နာရီခန့် နောက်ကျပီးမှ စစ်တွေကို ရောက်ပါတယ်။" ဟု ပြောသည်။

ထိုသို့ စစ်ဆေးသည့် အတွက် ခရီးသွားပြည်သူများ ဒုက္ခရောက်ကြရပြီး စစ်ဆေးရာတွင် စစ်တွေမှ အထွက်ကိုရော အ၀င်ကိုပါ စစ်ဆေးသည်ဟု သူက ပြောသည်။

"ရန်ကုန်-စစ်တွေ ဘတ်စ်ကားဂိတ်ကနေ အထွက် စစ်တွေက တပ်ထိန်း ဂိတ်မှာ အရမ်း စစ်ဆေးပါတယ်။ ကျောက်တော်က ဂစ္ဆပနဒီတံတားနဲ့ မင်းပြားမြို့ ရာမောင်တံတားမှာဆိုရင် ခရီးသည်တွေကို ကားပေါ်ဆင်းခိုင်ပြီး တံတားထိပ် ဟိုဘက် ဒီဘက် လမ်းလျှောက်ရပါတယ်။ ဗုံးလှန့်ထားတဲ့ အတွက် ခုလို ဆောင်ရွက်တာလို့ သိရပါတယ်။"

ယခုအခါ စစ်တွေတွင် ဗုံးခွဲမည်ဆိုသော သတင်းကြောင့် စစ်တွေ လူထု အနေဖြင့် လူစုလူဝေး ရှိသော နေရာများ မသွားကြသဖြင့် ဈေးများနှင့် ပွဲလန်း သဘင်များတွင် လူအရောက် နည်းပါးနေကြောင်း သိရသည်။

ရခိုင်ပြည်နယ် အနောက်ဘက် နယ်စပ် ဘူးသီးတောင်နှင့် မောင်တောမြို့နယ်များတွင်လည်း ဗုံးလှန့်ထားကြောင်း သတင်းရရှိသည်။

ပေးကားပေး၏ မရပါ

ဝေလင်း
(နှစ် ၁၂၀ ပြည့် မေဒေးနေ့ အထူးဆောင်းပါး)

တရုတ်ပြည်က စက်မှုဇုန်အလုပ်သမားပြဿနာ

၁၉၇၈ ခုနှစ် (၁၁) ကြိမ်မြောက် ပါတီကွန်ဂရက်ကနေ တံခါးဖွင့် စီးပွားရေးပေါ်လစီ ချမှတ်ပေးပြီးတဲ့နောက် (ရှင်ကျန်း၊ ကျူဟိုင်းတုံး၊ ရှန်တုံး၊ စီမင်း) ဒေသက အထူးစီးပွားရေးဇုန် (၄) ခုကို ၁၉၈၀ ခုနှစ်မှာ စတင်ဖွင့်လှစ် နိုင်ခဲ့ကြပါတယ်။ ပဉ္စမမြောက် ဟိုင်နန်အထူးစီးပွားရေးဇုန်ကို ၁၉၈၁ ခုနှစ် မှာလည်းကောင်း၊ ကျန်စီးပွားရေးဇုန် အသီးသီးကို ယန်စီ၊ ပုလဲမြစ်ဝှမ်း ဒေသတွေမှာပါ ဆက်လက်တိုးချဲ့ဖွင့်လှစ်နိုင်ခဲ့တာကြောင့် ၁၉၈၀-၁၉၉၅ ခုနှစ် ထုတ်လုပ်မှုတန်ဖိုးဟာ (၄၅၁.၈) ဘီလီယံယွမ်ကနေ (၅,၈၂၆) ဘီလီယံယွမ်အထိ မြင့်မားလာခဲ့ပါတယ်။ စီးပွားရေးတိုးတက်မှုနဲ့ထပ်တူ အစိုးရ၊ တိုင်းရင်းသား၊ နိုင်ငံခြားသားပိုင် စက်မှုဇုန်လုပ်ငန်းအသီးသီးက အလုပ်သမား ပြဿနာတွေလည်း နှစ်စဉ် (၁၀) ရာခိုင်နှုန်းမက လိုက်ပြီးတိုးလာခဲ့ပါတယ်။

ဈေးကွက်စီးပွားရေးတံခါးဖွင့်လိုက်ရင် လေကောင်းလေသန့်နဲ့အတူ ပြင်ပအနှောင့်အယှက် အညှီအဟောက် (ယင်ကောင်) တွေပါ ၀င်လာမယ်လို့ တရုတ်ခေါင်းဆောင်တွေက ထင်မှတ်ပြောဆိုခဲ့ပေမယ့် တကယ်ဖြစ်လာတာ သူတို့မျှော်လင့်မထားတဲ့ အခုလို ပြည်တွင်းက အလုပ်သမားဆူပူအုံကြွမှုတွေပါပဲ။ တရုတ်စီးပွားရေးတံခါး စဖွင့်တဲ့ ၁၉၈၇ ခုနှစ်အတွင်း လုပ်သားဆန္ဒပြမှုပေါင်း (၅,၆၀၀) ရှိရာကနေ ၁၉၉၁ ခုနှစ်မှာ (၁၀,၀၀၀)၊ ၂၀၀၀ ခုနှစ်မှာ (၄၀,၀၀၀)၊ ၂၀၀၁ ခုနှစ်ထဲမှာ (၁၅၄,၆၀၀ ခု)၊ ၂၀၀၉ ခုနှစ်မှာ အမှုပေါင်း (၃၀၀,၀၀၀) ကျော်အထိ (၅၃) ဆနီးပါး မြင့်တက်လာခဲ့ကြောင်း သိရပါတယ်။ ၂၀၀၆ ခုနှစ်မှာ (၁၂၆,၀၀၀) မှုသာရှိခဲ့တဲ့ အလုပ်သမားအငြင်းပွားမှုတွေကနေ ၂၀၀၉ ခုနှစ်အတွင်း အငြင်းပွားမှုပေါင်း (၃၁၇,၀၀၀) ခုထိ ဖြစ်လာခဲ့ပါတယ်။

ဒါဟာ အရင် ၂၀၀၈ ခုနှစ်ထက်ကို (၁၀.၈) ဆ ပမာဏ တိုးပွားလာခြင်းပါ။ အထူးသဖြင့် အိုဗာတိုင်ကြေး၊ လုပ်ငန်းခွင်အာမခံနဲ့ စီးပွားရေးထောက်ပံ့မှုတွေ မရတာအပြင် အလုပ်ချိန် ပိုအလုပ်ရဆုံး ဒေသတခုလည်းဖြစ်တဲ့ တရုတ်ပြည် ဒေါင်ဂွမ်း၊ တိန်ဆီးမြို့နယ်တရားရုံးမှာ အခြားတရားရုံးတွေ တနှစ်ဖြေရှင်းနေရတဲ့ (၄၅) မှု စံနှုန်းထက်ပိုပြီး တနှစ် အလုပ်သမားအမှုပေါင်း (၁,၀၀၀) လောက်အထိ ထူးထူးခြားခြား ဖြေရှင်းပေးနေရပါတယ်။ လစာမရတာ၊ ငွေလျှော့ပေးတာတွေလောက်ကိုသာ တရုတ်ပြည်မှာ အငြင်းပွားလေ့ရှိပြီး တခြားဥရောပလုပ်သားများလို အလုပ်သမားရပိုင်ခွင့်နဲ့ အခြေခံအခွင့်အရေးတွေအတွက် တောင်းဆိုလေ့မရှိကြပါဘူး။

အလုပ်သမားတို့ရဲ့ လွတ်လပ်ခွင့်

အလုပ်သမားသမဂ္ဂများ ဖြေရှင်းပေးလို့ အဆင်မပြေခဲ့တဲ့ ပြဿနာတွေကို ဒေသခံ အာဏာပိုင်တွေ တဖက်လှည့် ကူညီပေးနေတာမျိုးကိုလည်း တရုတ်ပြည်မှာ ထူးခြားစွာ တွေ့မြင်နိုင်ပါသေးတယ်။ ဒါကတော့ ကန့်သတ်ချက်ဘောင်အောက်မှာ စက်ရုံပိုင်ရှင်တွေဆီကနေ လုပ်သားအခွင့်အရေးများ တောင်းယူကြဖို့ အာဏာပိုင်တွေရဲ့ ခွင့်ပြုချက်နဲ့ ဆန္ဒပြခိုင်းနေတဲ့ကိစ္စပါ။ သူတို့မသိဘဲနဲ့တော့ လွတ်လပ်စွာ သွားဆန္ဒပြလို့ မရနိုင်ပါဘူး။ ဘယ်နေ့ ဘယ်နေရာမှာ ဆန္ဒပြကြဆိုတဲ့ ဒေသခံပုလိပ်အဖွဲ့ ခွင့်ပြုချက်နဲ့ ဆန္ဒပြလို့ရပါတယ်။ ဒီလို လွတ်လွတ်လပ်လပ် ဆန္ဒပြခွင့်တွေနဲ့အတူ ဖမ်းဆီးအရေးယူမှုတွေကလည်း တဖက်မှာ ရှိပြန်ပါသေးတယ်။ လုပ်သားနဲ့ အလုပ်ရှင်ကြား ဖြစ်သမျှ စက်မှုဇုန်ပြဿနာတွေအားလုံးကို ညှိနှိုင်းယူရေးနဲ့ အမှုကိစ္စတိုင်း (တခုတည်းသော) အလုပ်သမားသမဂ္ဂရဲ့ ဖြေရှင်းမှုကို ခံယူကြဖို့သာ အစိုးရက လိုလားပါတယ်။

လွတ်လပ်စွာ သတင်းဆက်သွယ်၊ ပြောဆို၊ စည်းရုံး၊ သပိတ်မှောက်ခွင့်စတဲ့ အခွင့်အရေးတွေကို တရုတ် ဖွဲ့စည်းအုပ်ချုပ်ပုံ အခြေခံဥပဒေမှာ ရေးထားပေမယ့် တကယ်တော့ အလုပ်သမားများ အချင်းချင်း သတင်းဆက်သွယ်ခွင့်ကို မန်နေဂျာက ကိုင်ထားတာ၊ လွတ်လပ်စွာ ပြောဆိုခွင့်မရတဲ့ အင်တာနက်ဆင်ဆာ၊ တခုတည်းသော တရုတ်အလုပ်သမားသမဂ္ဂကလွဲလို့ လွတ်လပ်စွာ ဖွဲ့စည်းခွင့်မရှိတဲ့ အလုပ်သမားအစည်းအရုံးများ အပါအ၀င် ကိစ္စအတော်များများ အစိုးရက ထိန်းချုပ်ထားပါတယ်။ ဒါကြောင့် အာဏာပိုင်တွေ ခွင့်ပြုချက်အောက်က ထိုင်သပိတ်၊ လမ်းပိတ်ဆို့ တားသပိတ်တွေကိုပဲ တရားဝင်သဖွယ် လုပ်ခွင့်ရနေကြတဲ့ အလုပ်သမားဆန္ဒပြမှု (၁၀၀) အနက် (၄၇) ခုမှာ လုပ်သားဒါဇင်အချို့ကနေ အင်အား (၁၀,၀၀၀) လောက်အထိ ပါဝင်ဆန္ဒပြခဲ့ကြပြီး ဘာတခုမှ ကြိုတင်သတ်မှတ်ချက်မရှိဘဲ လုပ်ငန်းခွင်က ပစ္စည်းတွေပစ်ချ၊ ထ၊ တန်းမှောက်ခဲ့တဲ့ သပိတ်မျိုးတွေပါ။ ဘယ်မီဒီယာကမှ ဒီသတင်းတွေကို ရာနှုန်းပြည့် မဖော်ပြခဲ့ကြသလို တခုတည်းသော တရုတ်ပြည်လုံးဆိုင်ရာ အလုပ်သမားသမဂ္ဂများအဖွဲ့ချုပ် (ACFTU) ကလည်း ဘယ်သောအခါကမှ ဦးဆောင်သပိတ်မှောက်တာမျိုး မလုပ်ခဲ့ကြပါဘူး။

ဒေသတည်ငြိမ်ရေးကို ထိပါးလာရင် အထူးသဖြင့် အလုပ်သမားအခွင့်အရေးလှုပ်ရှားမှုမျိုးနဲ့ အခွင့်အရေးလှုပ်ရှားသူလို့ ယူဆရတဲ့သူတွေကို တရုတ်အစိုးရက မညှာမတာ နှိပ်ကွပ်လေ့ရှိတတ်ပါတယ်။ အလုပ်ပြုတ်ခဲ့တဲ့ မိတ်ဆွေတွေကို စည်းရုံးပြီး ၂၀၀၁ မှာ လုပ်သားအခွင့်အရေး ဆန္ဒပြခဲ့မိသူ (ဟိုင်နန်) ရေနံမြေလုပ်သားဟောင်း လီဂူးဟောင်ဟာ ၂၀၀၇ အောက်တိုဘာ (၃၁) ရက်နေ့မှာ အချုပ် (၁၅) ရက်၊ (၁၈) လကြာ ပြစ်ဒဏ်တွေနဲ့ ပြန်လည်ပညာပေးရေး အလုပ်စခန်းကို ပို့ဆောင်ခြင်းခံရသလို ဒေသဥပဒေပြုအဖွဲ့ဝင်ဟောင်း၊ စာရေးဆရာအသင်းဝင် ဇင်ကျိန်ယုဟာလည်း ဖေဖော်ဝါရီ (၁၅) ရက် ၂၀၀၇ ခုနှစ်တုန်းက (၂) နှစ်ခွဲ အပြစ်ပေးခံရပြီး အလုပ်ပြုတ်ခဲ့တဲ့အပြင် ဇီချွမ် ရေနံလုပ်သားတွေကို ကူညီမှု၊ လူဇောင်ဂျိန်ဘိုင် လျှပ်စစ်စက်ရုံအတွက် မြေနေရာအသိမ်းခံ လယ်သမားတွေကို အားပေးမှု၊ ယခင်ကလည်း ၂၀၀၁ ခုနှစ် လူဇောင် တက္ကစီကားဒရိုင်ဘာ အခွင့်အရေးအတွက် ပါဝင်မှု … စတဲ့ ပြစ်မှုအသီးသီးကြောင့် ထောင်ဒဏ်တနှစ် အပြစ်ထပ်ကျခဲ့ရပါတယ်။

ရှန်ဇန်း ဒဂုံဇီ ပုဂ္ဂလိကလုပ်ငန်းက အလုပ်သမားဌာန အလုပ်သမားအခွင့်အရေးလှုပ်ရှားသူ ဟောင်ကျင်နန်ဟာ နိုဝင်ဘာ (၂၀) ရက် ၂၀၀၇ မှာ ဒေသစက်ရုံပိုင်ရှင် ဇောင်ဝေကျီရဲ့ တပည့်လူဆိုးတွေ တိုက်ခိုက်ခံရပြီး ကျောနဲ့ခြေမှာ ပြင်းထန်စွာ ဒဏ်ရာရခဲ့ပါတယ်။ ကာလရှည် စစ်မေးပြီး ၂၀၀၉ မေ (၁၈) ရက်နေ့ကျမှ စက်ရုံပိုင်ရှင်ကို ထောင်ဒဏ် (၄) နှစ်သာ အပြစ်ပေးပြီး အလုပ်သမားအခွင့်ရေးလှုပ်ရှားသူကိုတော့ ထောင်ဒဏ် (၅) နှစ် ပြစ်ဒဏ်ချမှတ်ခဲ့ကြောင်း သိရပါတယ်။

ဒီဖြစ်ရပ်တွေကို ကြည့်ရင် အလုပ်သမားအခွင့်အရေး လှုပ်ရှားသူတွေအပေါ် တရုတ်အစိုးရပေးတဲ့ အပြစ်ဒဏ်တွေဟာ အလုပ်သမားလှုပ်ရှားမှုတခုဖြစ်လေတိုင်း မြန်မာနအဖတို့ရဲ့ ဆယ်စုနှစ် (၂) စု (၃) စုကြာ မတရား နှိပ်ကွပ် အပြစ်ပေးမှုတွေလောက် မပြင်းထန်ကြောင်း တွေ့ရမှာပါ။

တိုက်ပွဲဝင် သပိတ်ပုံစံများ

စက်မှုဇုန် သပိတ်ပေါင်း (၁၀၀) မှာ တားဆီးပိတ်ဆို့ သပိတ်အမျိုးအစား (၄၃) ရာခိုင်နှုန်းဖြစ်ပွားလေ့ရှိပြီး ဒီလိုပိတ်ဆို့မှုကို ဆန္ဒပြသူ (၁၇) ရာခိုင်နှုန်းက ဒုတိယဦးစားပေး ကျင့်သုံးပြီး ကျန် (၂၆) ရာခိုင်နှုန်းက ပထမဦးစားပေးအဖြစ် ကျင့်သုံးသင့်တယ်လို့ ယူဆထားကြပါတယ်။

ထိုင်သပိတ်အမျိုးအစား (၁၈) ရာခိုင်နှုန်းလောက်သာ တရုတ်စက်မှုဇုန်တွေမှာ ဖြစ်ပွားလေ့ရှိပြီး ဒီအထဲက (၆) ရာခိုင်နှုန်းဟာ သပိတ်ကို ထောက်ကူဖို့အတွက် လုပ်ကြတာပါ။ ၁၉၉၃ ခုနှစ်အတွင်း ထိုင်သပိတ်ပေါင်း (၁၀,၀၀၀) ကနေ ၂၀၀၃ ခုနှစ်မှာ (၆၀,၀၀၀) အထိ ဖြစ်ပွားခဲ့ကြောင်း ဆန္ဒပြသူအင်အားကလည်း (၇၃၀,၀၀၀) မှ (၃.၀၇) သန်းအထိ တိုးပွားလာခဲ့ကြောင်း သိရပါတယ်။

အာဏာပိုင်တွေဆီ ကိုယ်စားလှယ်စေလွှတ်တဲ့ တောင်းဆိုဆန္ဒပြသပိတ်မျိုးကို (၂၁) ရာခိုင်နှုန်း ပြုလုပ်တတ်ပြီး ဖျက်လိုဖျက်ဆီး အကြမ်းဖက်သပိတ်အမျိုးအစား (၅) ရာခိုင်နှုန်းသာ အလုပ်သမားတွေ ကျင့်သုံးလေ့ရှိတတ်ကြောင်း စီစစ်တွေ့ရှိရပါတယ်။ အရေးအခင်းဖြစ်တဲ့ နေရာကို တရုတ်ပုလိပ်တွေ အလျင်အမြန် စေလွှတ်ပြီး ၂၀၀၇ ခုနှစ် အရေးပေါ်ဖြေရှင်းနည်း ဥပဒေ ပုဒ်မ ၅၂ အရ နေရာက စွန့်ခွာဖို့ ဆော်သြတာ၊ အင်အားသုံးပြီး ၀င်ရောက်ဖြေရှင်းတာမျိုးအပြင် လူထုငြိမ်ဝပ်ပိပြားမှု ချိုးဖောက်ခြင်းဥပဒေ (သို့) အခြားရာဇ၀တ်ဥပဒေတွေ သုံးပြီး ဖမ်းဆီးအရေးယူခြင်းမျိုးတွေနဲ့ အာဏာပိုင်တွေဘက်က သပိတ်တွေကို ဖြိုခွဲတတ်ကြပါတယ်။

၂၀၀၇ ခုနှစ် သြဂုတ်လ (၈) ရက်နေ့ ဟူနန်ပြည်နယ် ဆင်တန် ကျောက်မီးသွေးတွင်းသပိတ်မှာ လုပ်သား (၈၀၀) ကျော်ကို လုံထိန်းအင်အား (၂၀၀) လောက်က အင်အားသုံး အတင်းဝင်ရှင်းခဲ့လို့ (၁) ယောက်သေ (၂၀) ကျော်ဒဏ်ရာရပြီး ပုလိပ်ကား (၂) စီး ပျက်ခဲ့ရတဲ့ အဖြစ်မျိုးလို ဆန္ဒပြမှုပေါင်း (၁၀၀) မှာ (၆၁) ခုကို ပုလိပ်တွေ ၀င်ရောက်ရှင်းလင်းလေ့ရှိပြီး ဒီအထဲက သပိတ် (၁၉) ခုကို အင်အားသုံး အကြမ်းဖက်တဲ့နည်း သုံးခဲ့တာမို့ နှစ်ဖက်ဒဏ်ရာရခဲ့ပါတယ်။

စီးပွားရေးပျက်ကပ်နဲ့ တရုတ်စက်မှုဇုန်များ

တရုတ်ပြည် စက်မှုစီးပွားရေးထုတ်လုပ်မှုဇုန် ဗဟိုချက်မဖြစ်တဲ့ ဂွမ်ဒေါင်းစက်မှုဇုန်တခုထဲမှာကို ၂၀၀၇ စက်တင်ဘာ/ အောက်တိုဘာ (၂) လအတွင်း စက်ရုံတွေပိတ်ပစ်ပြီး အလုပ်ရှင်ထွက်ပြေးမှုပေါင်း (၁၁၇) ခုဖြစ်ခဲ့ကြောင်း၊ လုပ်သား (၂၀၀,၀၀၀) လောက် လစာမရဖြစ်ခဲ့ကြောင်း သိရပါတယ်။ ဒီအထဲ ထင်ရှားတဲ့ Nicewell Ceramics (Gaungzhou plant) Lichang Shoe Industies factory in Panyu Chunyu၊ Textile factory in Wujaiang City၊ Jianrong Suitcase Factory in Donggun စတဲ့ စက်ရုံ (၃) ခုက (အီတလီ၊ တိုင်ဝမ်သား) နိုင်ငံခြားသားလုပ်ငန်းရှင်တွေ ထွက်ပြေးသွားလို့ လုပ်သားတွေ လုပ်ခ (၄) လစာမရတဲ့အဖြစ်၊ လစာငွေ (၂၀) ရာခိုင်နှုန်း၊ (၄၀) ရာခိုင်နှုန်းလောက်သာ ပြန်ရရှိခဲ့ကြတဲ့ ကိစ္စတွေဖြစ်ခဲ့ပါတယ်။

ဒါ့အပြင် တိုင်းခြားသားပိုင်မဟုတ်တဲ့ အစိုးရပိုင်လုပ်ငန်းများ၊ အစိုးရဆီက လက်လွှဲယူလုပ်ကိုင်တဲ့ ပုဂ္ဂလိကလုပ်ငန်းများစွာထဲက လုပ်သားပြဿနာတပုံကြီး ကျန်ရှိနေပြန်ပါသေးတယ်။ တရုတ်အစိုးရ ပြည်သူ့ကွန်ဂရက်ကို တင်သွင်းတဲ့ အစီရင်ခံစာမှာ စက်မှုလုပ်ငန်းရှင်တွေ ဒေ၀ါလီခံရတယ်လို့ တဖက်က ပြောနေချိန်မှာကို တရုတ်ပြည်ပပို့ကုန်တန်ဖိုး နဂို (၂၄၆၆၁.၉) ဘီလီယံယွမ်ကနေ (၃၁၄၀၄.၅) ဘီလီယံယွမ်အထိ တိုးလာတာမို့ (၄၅.၄) ရာခိုင်နှုန်းတိုးလာကြောင်း လေ့လာသူတချို့က ထောက်ပြနေပါတယ်။ The True Cost of China’s Competitive Advatage: Penguin 2008 ကို ကိုးကားပြီး နိုင်ငံခြားဖြစ်တွေထက် အဖိုးလျှော့ပြီး ဈေးချိုချိုရောင်းချပေးနေတဲ့ တရုတ်လုပ် (၃၂) ဒေါ်လာတန် DVD ပြစက် ထုတ်လုပ်မှုတခုမှာ ပစ္စည်းတန်ဖိုး (၁၈) ဒေါ်လာနဲ့ ထုတ်လုပ်မှုတန်ဖိုး (၁၃) ဒေါ်လာ စုစုပေါင်း (၃၁) ဒေါ်လာသာကျပြီး ပစ္စည်းတခုတိုင်းမှာ အလုပ်ရှင်အတွက် (၁) ဒေါ်လာ အမြတ်ရနေကြောင်း၊ အလားတူ (၃၂.၅) ဒေါ်လာတန် ပစ္စည်းအပေါ်ကနေလည်း (၁.၅) ဒေါ်လာ အစွန်းထွက်မြတ်နေတာမို့ စီးပွားရေးကပ်ပျက်မှာ အလုပ်ရှင်တွေဘက်က ဒေ၀ါလီခံနိုင်ဖွယ်မရှိကြောင်း စောဒကတက်ထားပါတယ်။

ဆယ်စုနှစ်များအတွင်း ပုဂ္ဂလိကပိုင် စီးပွားရေးလုပ်ငန်းများ ဖွံ့ဖြိုးမှုနဲ့အတူ အလုပ်ရှင်-အလုပ်သမား အငြင်းပွားမှုတွေကို တရုတ်အလုပ်သမားပြဿနာ စေ့စပ်ညှိနှိုင်းရေးကော်မတီ (LDAC) က ၁၉၉၅ ခုနှစ် အမှု (၄၇,၉၅၁) မှုကို ကိုင်တွယ်ဖြေရှင်းပေးခဲ့ရပြီး ၂၀၀၇ ခုနှစ်မှာ ဒါထက် (၇) ဆ ပမာဏ (၃၅၀,၁၈၂) မှု ဖြေရှင်းပေးခဲ့ရပါတယ်။ ၂၀၀၈ ခုနှစ် အစိုးရရဲ့ ကန်ထရိုက်နဲ့ အလုပ်သမားပြဿနာ စေ့စပ်ညှိနှိုင်းဖျန်ဖြေပေးရေး လက်စွဲဥပဒေတွေ ထွက်လာပြီးတဲ့နောက်မှာလည်း ဒါထက် (၂) ဆ (ပြဿနာပေါင်း ၆၉၃,၀၀၀ ခု) ဖြစ်ပွားခဲ့ပါသေးတယ်။ နိုင်ငံခြားစက်မှုဇုန်အမျိုးအစားအသီးသီးက အလုပ်သမားအငြင်းပွားမှုတွေနဲ့ ထပ်တူ ကျောင်းဆရာ၊ တက္ကစီဒရိုင်ဘာ စတဲ့ သီးခြားအလွှာ အလုပ်သမားဆန္ဒပြမှု ပြဿနာတွေလည်း အများကြီး ကျန်နေပါသေးတယ်။ ၂၀၀၈-၂၀၀၉ ခုနှစ် စီးပွားပျက်ကပ်ကြောင့် ပို့ကုန်တွေပျက်ပြီး တရုပ်အလုပ်သမား သန်းဆယ်နဲ့ချီ အလုပ်လက်မဲ့ ဖြစ်ကုန်မယ့်အရေးမို့ ဒီလိုလက်စွဲဥပဒေတွေ သုံးပြီး ငြိမ်းချမ်းစွာ ပြဿနာဖြေရှင်းပေးနိုင်ရေးဟာ တရုတ်အစိုးရအတွက် ထိပ်တန်းဦးစားပေး ကိစ္စတခုပါ။

တရုတ် အလုပ်သမားပြဿနာ ဖြေရှင်းနည်း

အလုပ်သမားဆန္ဒပြမှုကို ဥပဒေအရ လုံးဝတားမြစ်ထားပြီး စီးပွားရေးပြုပြင်ပြောင်းလဲမှုကာလအတွင်း ၁၉၅၇ ခုနှစ်ကတည်းက ဖျက်သိမ်းထားပစ်ခဲ့တဲ့ စေ့စပ်ညှိနှိုင်းယူရေးဆိုတဲ့ စနစ်ကို အလုပ်သမားတွေနဲ့ ပြန်လည်မိတ်ဆက်ပေးခဲ့ပါတယ်။ ၁၉၉၃ ခုနှစ်မှာ ကုမ္ပဏီလုပ်သားပြဿနာများ လက်စွဲဥပဒေနဲ့ ၂၀၀၈ ခုနှစ် အလုပ်သမားကန်ထရိုက် လက်စွဲဥပဒေတွေကို ထုတ်ပြီး ကြိုးပမ်းဖြေရှင်းချက်တွေအပြင် ရွှေ့ပြောင်းလုပ်သား (၆၆) သန်း အပါအ၀င် အလုပ်သမားအဖွဲ့ဝင် (၂၀၉) သန်းကို ကိုယ်စားပြုထားတဲ့ တခုတည်းသော တရုတ်အလုပ်သမားသမဂ္ဂ (ACFTU) ကြိုးကိုင်ဖြေရှင်းမှုအောက်မှာ ဖြစ်ပေါ်လာသမျှ အလုပ်သမားအမှုများကို (၄) ဆင့်သော ဖြေရှင်းနည်းတွေနဲ့ အစိုးရက ဆက်ဖြေရှင်းခိုင်းနေပါတယ်။

ပထမအဆင့် အမှုဖြစ်လာရင် နှစ်ဖက်တွေ့ဆုံညှိနှိုင်း၊ နောက်တဆင့် ပြဿနာရဲ့ သော့ချက်ကို တွေ့အောင်အဖြေရှာ စေ့စပ်ယူကြ၊ ဒီလိုမျိုးမှ လုပ်မရရင် တတိယအဆင့်အနေနဲ့ ဒေသတရားရုံးကို တက်ဖြေရှင်း၊ နောက်ဆုံး ပြည်နယ်တရားရုံးမှာ ရင်ဆိုင်ပြီး ဆုံးဖြတ်မှုခံယူကြဆိုတဲ့ တဆင့်ချင်း ကျော်ဖြတ်ဖြေရှင်းတာမျိုးပါ။ ဒီနည်းဟာ တရုတ်တို့ရဲ့ ထုံးစံတခုဖြစ်တာမို့လည်း ကျေးလက်တိုင်း၊ စက်ရုံ၊ လုပ်ငန်းတိုင်းမှာ တွေ့ဆုံဆွေးနွေး အဖြေရှာရေးကော်မတီ အသီးသီး ဖွဲ့စည်းထားပါတယ်။ အလုပ်ရှင်နဲ့ နဂိုသဘောတူချက် (ကန်ထရိုက်) အခွင့်အရေးတွေ လုံးဝမရှိရှာသူ အလုပ်သမားတွေအတွက်တော့ စေ့စပ်ဖြေရှင်းနည်းဆိုတာ စာရွက်ပေါ်ရှိရုံသက်သက်မျှပါပဲ။ ၁၉၉၀ လောက်အထိသာ ဒီနည်းတွေနဲ့ အလုပ်ဖြစ်ခဲ့ပြီး နောက်ဥပဒေတရပ်လို အာဏာမရှိတာကြောင့် တစတစ မှေးမှိန်သွားခဲ့ပါတော့တယ်။

၁၉၉၀ ခုနှစ်မှာ အမှု (၇၂) ရာခိုင်နှုန်းကို ဖြေရှင်းပေးနိုင်ခဲ့ရာကနေ ၂၀၀၇ ခုနှစ်လည်းရောက်ရော (၁၉) ရာခိုင်နှုန်းလောက်ကိုသာ ဖြေရှင်းပေးနိုင်တော့ကြောင်း တွေ့ရပါတယ်။ ဒါ့အပြင် မြို့နယ်တခုက စေ့စပ်အဖြေရှာပေးရေးအဖွဲ့ဟာ တခြားမြို့နယ်တွေကျော်ပြီး ၀န်နဲ့အားမမျှ အမှုတွေလိုက် ဖြေရှင်းနေရတာမျိုးလည်း ရှိပြန်ပါသေးတယ်။ ခရိုင်၊ မြို့နယ်၊ ပြည်နယ်အဆင့် တရားရုံးတွေကို စွဲတင်တဲ့ အလုပ်သမားအမှုတွေကလည်း ၂၀၀၂ ခုနှစ် (၈၄,၇၀၀) မှုကနေ ၂၀၀၆ ခုနှစ် (၁၂၆,၀၀၀) မှု၊ ၂၀၀၈ ခုနှစ်မှာ (၂၈၆,၂၂၀) မှု စသဖြင့် မြင့်တက်လာတာမို့ ၂၀၀၈/၂၀၀၉ ခုနှစ်ဟာ ၂၀၀၇ ထက် (၉၄) ရာခိုင်နှုန်း တိုးလာကြောင်း တရုတ်ပြည်သူ့ကွန်ရယက် အစီရင်ခံစာမှာ အတိအကျ ဖော်ပြထားပါတယ်။

၂၀၀၈ ခုနှစ် ဇူလိုင် (၃၀) ရက်နေ့မှာ ဟူနန်ခရိုင် ဇင်ဖန်းမြို့က မော်တော်ယာဉ်အလုပ်ရုံ အလုပ်သမား (၂၈) ဦးဟာ သူတို့လုပ်ခငွေနဲ့ အိုဗာတိုင်ကြေး ယွမ် (၃၄,၁၄၂) ရဖို့ ဒေသဆိုင်ရာ အလုပ်သမားအကြံပေးအဖွဲ့ အကူညီပေးရေးဌာနကို ဆက်စပ်ခဲ့ပါတယ်။ တရုတ်အလုပ်သမား ဥပဒေ အပိုဒ် (၅၀) နဲ့ (၇၂) အရ ဒီကိစ္စကို (၁၀) ရက်အတွင်း ဖြေရှင်းပေးခဲ့သလို အလုပ်သမား (၂၁) ဦးရဲ့လစာ (၃၃,၈၆၅) ယွမ်အစား ဥပဒေအပိုဒ် (၈၂) အရ နှစ်ဆ (၆၉,၂၃၈ ယွမ်) တိုးရရှိခဲ့ပြီး အလုပ်ရှင်ကိုလည်း (၂၀၀၈ ခုနှစ် အလုပ်သမားကန်ထရိုက် အက်ဥပဒေအရ) အလုပ်သမားကန်ထရိုက်မှာ လက်မှတ်ရေးထိုးမထားတဲ့ အပြစ်ဒဏ်နဲ့ နောင် အလုပ်သမား-အလုပ်ရှင် ဆက်ဆံရေးတွေမှာ ပါဝင်ဆက်စပ်သွားဖို့ ညွှန်ကြားပေးနိုင်ခဲ့ကြောင်း တွေ့ရပါတယ်။ အလုပ်မဖြစ်ပေမယ့် အလုပ်သမားတွေအပေါ်မှာ တရုတ်အစိုးရ လျစ်လျူရှုမနေခဲ့ကြောင်းကို ဒီလိုကိစ္စတချို့မှာ တွေ့မြင်နိုင်ပါတယ်။ ဖြစ်ရိုးဖြစ်စဉ် အလုပ်သမားအမှုတွေမဟုတ်ဘဲ အစိုးရကိုယ်တိုင် ၀င်ရောက်ဖြေရှင်းပေးရတဲ့ အခြားထူးထူးခြားခြား ပြဿနာတချို့လည်း တရုတ်ပြည်မှာ ရှိနေပြန်ပါသေးတယ်။

ချုံကင်း ပြန်ပေးဆွဲခံ အကျဉ်းသားအလုပ်သမားများအရေး

၂၀၀၇ ဇွန် (၁၇) ရက်နေ့မှာ တရုတ်ပြည်အလယ်ပိုင်း နေရာအနှံ့က တရားမ၀င် မိုင်းသတ္တုတွင်း၊ အုတ်လုပ်ငန်းမျိုးစုံကို တရုတ်ရဲတပ်ဖွဲ့ဝင် (၃၅,၀၀၀) ၀င်ရောက်စီးနင်း ဖော်ထုတ်ခဲ့မှုကြောင့် အတင်းအကျပ် ပြန်ပေးဆွဲ အလုပ်စေခိုင်းခံရသူ အသက် (၈) နှစ်အရွယ်နှင့် အခြားကလေး (၃၈) ဦး အပါအ၀င် အလုပ်သမား (၅၄၈) ဦးကို ကယ်တင်နိုင်ခဲ့ကြပါတယ်။ သမ္မတဟူဂျင်တောင် ကိုယ်တိုင်က ဒီလိုစစ်ဆင်ရေးဝင်ဖို့ စေလွှတ်လိုက်တာဖြစ်ပြီး ရှန်စီတောင်ပိုင်းဒေသအတွင်းမှာ တရားမ၀င် မိုင်းတွင်းနဲ့ အုတ်လုပ်ငန်းတွေ ထောင်နဲ့ချီ ရှိနေခဲ့ပါတယ်။ လူမှောင်ခိုတွေဆီကနေ ကလေးတွေ ၀ယ်ပြီး ကျေးရွာကွန်မြူနစ်ပါတီ အကြီးအကဲတွေ အကူအညီနဲ့ စက်ရုံထူထောင်ထားသူ၊ အုတ်လုပ်ငန်းများရဲ့ ရှေ့ဆောင်၊ ရှန်စီပြည်နယ် ဟုန်တောင်းမြို့နေ ဟန်တင်ဟင် (၄၂) နှစ်ကို တရုတ်အစိုးရကိုယ်တိုင် ဖမ်းဝရမ်းထုတ်ကာ ဆုငွေ ယွမ် နှစ်သောင်း (ပေါင် ၁,၃၃၀) ထုတ်ပြန်ပေးခဲ့တာမို့လည်း ရှန်စီနယ်အတွင်းမှာ လူပေါင်း (၃၈) ဦးကို ဆက်အရေးယူနိုင်ခဲ့သလို ကျန်လူ (၁၂၀) လောက်က ရှောင်တိမ်းနေဆဲပါ။

တရုတ် စက်မှုဇုန်အလုပ်သမားဥပဒေအသစ်

တရုတ်အစိုးရအနေနဲ့ အလုပ်သမားအကျိုးအတွက် ၁၉၉၂ ခုနှစ် အလုပ်သမားသမဂ္ဂဥပဒေ၊ ၁၉၉၅ အလုပ်သမားဥပဒေအသစ်၊ ၂၀၀၈ ခုနှစ် လုပ်ငန်းများတိုးတက်ရေးနဲ့ အလုပ်သမားကန်ထရိုက်ဥပဒေ … စတဲ့ အလုပ်သမားဥပဒေ အသီးသီးထုတ်ပြန်ခဲ့ကြပါတယ်။ ၂၀၀၆ ခုနှစ် ဇွန် (၂၆) ရက်နေ့ကတည်းက မဖွံ့ဖြိုးသေးတဲ့ အနောက်နဲ့ ကမ်းရိုးတန်း အရှေ့ဘက်ဒေသတွေအတွက် ချမှတ်ပေးခဲ့ပြီး ၂၀၀၈ ဇွန်လမှာစပြီး အသက်ဝင် အာဏာတည်မယ့် တရုတ်စက်မှုဇုန်လုပ်သားကန်ထရိုက် ဥပဒေအသစ်မှာ တရုတ်အလုပ်သမားတိုင်းအတွက် တလ စုစုပေါင်း အလုပ်ချိန် (၄၀) နာရီ သတ်မှတ်ချက်ထားပါတယ်။ ဥရောပက စံနှုန်းတွေထက်ကို (၄) နာရီ လျော့နေသေးပေမယ့် တရုတ်ပြည်က အခြားဒေသတွေမှာ တပတ် နာရီ (၅၀) လောက် လုပ်နေရဆဲပါ။ အလုပ်သမားတွေကိုယ်တိုင်ကလည်း တပတ် နာရီ (၅၀-၆၀) ကျော် လုပ်ခွင့်ရဖို့ တောင်းဆိုနေဆဲဖြစ်တာမို့ ဒါဟာ အလုပ်သမားဘ၀တွေနဲ့ အတော်ကြီး ကွာခြားနေတဲ့ ဥပဒေတခုပါပဲ။

ဒီလိုလက်တွေ့မဆန်တဲ့ ဥပဒေတွေဟာ တရုတ်ပြည်တွင်း အလုပ်သမားသမဂ္ဂတွေ ဖွင့်ခွင့်မရတာကို အစားထိုးတာပဲလို့ နိုင်ငံတကာအလုပ်သမားသမဂ္ဂက ပြောပြီး ရေရှည်မှာ အလုပ်မဖြစ်နိုင်ပါဘူးလို့ ယူဆနေတယ်။ ကုမ္ပဏီတွေဘက်ကတော့ အလုပ်သမားရဲ့ အလုပ်ချိန် လျှော့ချလိုက်ရင် ကုန်ကျစရိတ်တွေ ထပ်တက်လာမှာမို့ လုပ်ငန်းတွေ ရွေှ့ပြောင်းဖို့ပဲ စဉ်းစားနေကြရပါပြီ်။ နိုင်ငံခြားကုမ္ပဏီတွေက တရုတ်ပြည်တွင်း စက်မှုဇုန်တွေကို စိတ်ဝင်စားခြင်းဟာ လုပ်ခလျော့နည်းတဲ့ ကိစ္စတခုသက်သက်မဟုတ်ဘဲ အကျိုးအမြတ်ရှိမှု၊ လုပ်ငန်းထိရောက်မှုတွေကြောင့်ဖြစ်ပါတယ်။ အခုလို အလုပ်သမားဥပဒေကိုသာ ပြင်ဆင်မယ်ဆိုရင် အခြားနိုင်ငံ (အိန္ဒိယ၊ ပါကစ္စတန် အရှေ့တောင်အာရှ) တွေဘက်ကို စက်မှုဇုန်လုပ်ငန်းတွေ ရွှေ့ပြောင်းသွားပါလိမ့်မယ်လို့ ပြောနေကြပါပြီ်။ ဥပဒေအသစ်တွေထုတ်ပြီး ဘယ်လိုပဲလုပ်ပေးသည်ဖြစ်စေ ပိုထိရောက်မလာတဲ့အပြင် စက်မှုဇုန်လုပ်ငန်းတွေပါ သွားထိခိုက်မယ့် အခြေမျိုးကို ဆိုက်ခဲ့ပါပြီ။


ဖွဲ့စည်းပုံဥပဒေအရ အလုပ်သမားဆန္ဒပြခွင့် လုံးဝမရှိတဲ့ တရုတ်ပြည်က ပုလဲမြစ်ဝကျွန်းပေါ်ဒေသ စက်ရုံတွေမှာ အလုပ်သမား ထောင်ကျော်ပါဝင်တဲ့ သပိတ်တွေ နေ့စဉ် ဖြစ်နေခဲ့ကျမို့လည်း အခုလိုမျိုး ဥပဒေတွေသာရှိပြီး အလုပ်သမားအခွင့်အရေးအတွက် အမှန်တကယ် အကာအကွယ်ပေးမယ့် အင်အားစုတွေ မရှိဘူးပါလို့ လုပ်သားထုက ယုံကြည်နေကြပါတယ်။ အစိုးရ လုပ်ပေးနိုင်တာထက်ကို တရုတ်အလုပ်သမား လိုအပ်ချက်တွေ ကြီးမားနေတာမို့လည်း တရုတ်ပြည်က စက်မှုဇုန်အလုပ်သမားအခွင့်အရေးဆိုတာဟာ ဆင့်ပါးစပ် နှမ်းပက်တဲ့ ကိစ္စမျိုးလိုပါပဲ။

လက်ရှိ စီးပွားရေး၊ လူမှုရေး အခြေအနေ တွေနဲ့ ကိုက်ညီအောင် ဖြေရှင်း ပေးနိုင်တဲ့ အလုပ်သမား ဥပဒေ အသစ်တွေနဲ့အတူ ပြဿနာ တွေကို ဖြေရှင်းပေးနိုင်မယ့် အလုပ်သမားတရားရုံးများ ပေါ်ပေါက်ရေး၊ အလုပ်သမားအကျိုးအတွက် တကယ်လိုက်ပါဆောင်ရွက်ပေးမယ့် စစ်မှန်ပြီး အလုပ်သမားတွေကိုယ်တိုင် ရွေးချယ်ခွင့်ရတဲ့ အလုပ်သမားသမဂ္ဂတွေ ထပ်မံဖွဲ့စည်းခွင့်ရရှိရေးအတွက် တရုတ်စက်မှုဇုန် အလုပ်သမားအများစု မျှော်လင့်နေကြဆဲ၊ ဆက်လက်တိုက်ပွဲဝင်နေကြဆဲဖြစ်ကြောင်းပါ။ ။



ယနေ့ မြန်မာ့ရေးရာ သတင်းများ May,4th,2010

( 35 )နာဂစ် မြို့သစ် စီမံကိန်းအတွက် အဓမ္မ ပြောင်းရွှေ့ခိုင်းနေ

( 34 )Campbell Back to Burma

( 33 )မူးယစ်ဆေးသမား ခိုးယူမှုများသဖြင့် ဒေသခံများ အခက်တွေ့

( 32 )China’s fears over Wa fighting grow

( 31 )မင်္ဂလာဆောင် အသွင်းကြေးကို မပေးဆပ်နိုင်၍ ဘင်္ဂလီ အမျိုးသမီး ၂၂ ဦး ဧပြီ တလတည်းတွင် သတ်ဖြတ်ခံရ

( 30 )Burma Issues Visas On Arrival

( 29 )တည်းခိုမည့်နေရာ အတိအကျ ရှိပါက ဆိုက်ရောက်ဗီဇာ ထုတ်ပေးမည်

( 28 )Navy Officers Accused of Extortion

( 27 )အင်ဗွိုင်းဂျာနယ် ရပ်နားမှုကြောင့် သတင်းထောက်များ အခက်တွေ့

( 26 )Myanmar generals order Suu Kyi party out

( 25 )ဗုံးပေါက်ကွဲမှု သတင်းစာရှင်းလင်းပွဲလုပ်မည်

( 24 )Donors View Civil Society in New Light after Nargis

( 23 )Burma introduces visa on arrival

( 22 )လူ ၁ သိန်း ၈ သောင်း သောက်သုံးရေ ပြတ်တောက်

( 21 )6 Chinese workers dead, 9 others missing in landslide in China-Myanmar border region

( 20 )Myanmar cyclone victims struggle two years on

( 19 )လယ်မြေအသိမ်းခံရသူများ စစ်ခေါင်းဆောင်ထံ တိုင်ကြားရန်ပြင်

( 18 )Burma on Red-Alert for Bombs on Western Frontier

( 17 )နာဂစ်ဒေသ သိန်း ၁၄ဝဝ ကျော် သုံးစွဲဟု NLD ပြော

( 16 )Orphans rebuild their lives

( 15 )ကျောက်ပန်းတောင်းတွင် ရထားခြင်း တိုက်မိ၍ လူအများ အပြား ဒဏ်ရာရ

( 14 )Suu Kyi wins court battle

( 13 )မည်သည့်နိုင်ငံသား မဆို ဆိုက်ရောက် ဗီဇာ ထုတ်ပေးသည့် အစီအစဉ် စတင်

( 12 )Nargis Victims Forced Into Sex Trade

( 11 )After Renewing Sanctions, E.U. Seeks Face-Time with Burma Junta

( 10 )ဓါတ်ဆားထုပ် အရောင်းသွက်ပြီး မြစ်ဝကျွန်းပေါ် စပါးဈေး ကျနေဆဲ

( 9 )Report Highlights Lack Of Humanitarian Access To Cyclone Nargis Survivors In Myanmar

( 8 )သတင်းလွတ်လပ်ခွင့် အဖိနှိပ်ဆုံး စာရင်းမှာ ဗိုလ်ချုပ်မှူးကြီးသန်းရွှေ ထိပ်ပြေး

( 7 )The courage of clandestine video journalists

( 6 )Pro-junta Karen militia ‘splits’

( 5 )We Won't Abandon Our People

( 4 )မြန်မာ့စာနယ်ဇင်း လွတ်လပ်ခွင့် အလားအလာ မှေးမှိန်နေဆဲ

( 3 )Myanmar verifies water festival bombs as grenades

( 2 )အင်တာနက် အသုံးပြုမှုအပေါ် ကန့်သတ်မှုနဲ့ အခက်အခဲတွေ ပိုများလာ

( 1 )Breaking Burma’s Isolation

Monday, May 3, 2010

၇ တန်းကျောင်းသူလေးအား နအဖရဲဘော်ဟောင်းအုပ်စု မုဒိမ်းကျင့်သတ်ဖြတ်

မွေခေါဝ် Monday, 03 May 2010

သျှမ်းပြည်မြောက်ပိုင်းနေ အသက် ၁၃ နှစ်အရွယ် ၇ တန်းကျောင်းသူလေးတဦးအား နအဖ တပ်ထွက်အဖွဲ့ တစ်ဖွဲ့က မုဒိမ်းကျင့် သတ်ဖြတ်ခဲ့ကြောင်း စုံစမ်းသိရှိရသည်။

သျှမ်းပြည်မြောက်ပိုင်း၊ မိုင်းရယ်မြို့နယ်၊ လုခိုက်ကျေးရွာအုပ်စု၊ နားယန်း ကျေးရွာနေ အဖစိုင်းတိနှင့် အမိ နန်းလိုင်(နာမည်ရင်းမဟုတ်) တို့၏သမီး နန်းရွက်(အမည်ရင်းမဟုတ်) အား ဧပြီ ၂၄ ရက် (စနေနေ့) က စစ်ထွက်မြင့်ဆွေ ဦးဆောင်သည့် နမ့်လောင်းချောင်း သဲကျုံးရောင်းသည့် ရဲဘော်ဟောင်းအဖွဲ့က မုဒိမ်းပြု သတ်ဖြတ်ခဲ့ခြင်းဖြစ်သည် ဟုဆိုသည်။

“ပြီးခဲ့တဲ့လ နောက်ဆုံးပတ်ကပေါ့ ရွာနီးချုပ်စပ် သူမ ကျွဲကျောင်းသွားတဲ့အချိန်မှာ မိုင်းရယ်-သီပေါလမ်းမကြီး ဘေး နမ့်လောင်းချောင်းတံတားအပေါ်ဘက် သဲတူးဖို့်လာကြတဲ့ တပ်ရင်း(၆၄)မှစစ်ထွက် လေးယောက်က မုဒိမ်းကျင့်ပြီး သတ်ဖြတ်ခဲ့တယ်” ဟု ရွာသားတစ်ဦးကပြောပါသည်။

ထိုစစ်သားထွက်များမှာ အသက်(၅၀) ရှိ စစ်ထွက်မြင့်ဆွေ၊ အသက်(၄၉) ရှိ စစ်ထွက်ထွန်းသိန်းနှင့် အမည် မသိသေးသော ၎င်းတို့၏တပ်ထွက်အဖော်နှစ်ယောက်ဖြစ်ကြောင်း ရွာသားများကပြောပြပါသည်။

“အလောင်းကို နားယန်းနဲ့ ဖာလုံဝက်အကွာ နမ့်လောင်းချောင်းသဲသောင်ပြင်မှာ ပစ်ထားခဲ့တယ်” ဟု လည်း အဆိုပါရွာသားက သျှမ်းသံတော်ဆင့်သို့ဆက်လက်ပြောပြပါသည်။

အဆိုပါကိစ္စနှင့် ပတ်သက်၍ သျှမ်းအမျိုးသမီးရေးရာလှုပ်ရှားမှုကွန်ယက်အဖွဲ့(SWAN) ကလည်း အသေးစိတ် အချက်အလက်များ ဆက်လက်စုံစမ်းနေကြောင်း တာဝန်ရှိသူတဦးကပြောပါသည်။

မြန်မာ အနောက်ဘက် နယ်စပ်တွင် အာဏာပိုင်များမှ ဗုံးလှန့်ထား

တာကလူး(နိရဉ္စရာ)

မြန်မာ နိုင်ငံ အနောက်ဘက် နယ်စပ် ဘူးသီးတောင် နှင့် မောင်တော မြို့နယ် များတွင် ဒေသခံ အာဏာပိုင် များမှ ဗုံးလှန့်ထားပြီး အစိုးရ ဌာန ဆိုင်ရာ အဆောက် အဦးများ၊ ကားလမ်းမ များနှင့် လူစည်ကားရာ အရပ်များတွင် လုံခြုံရေး တိုးမြှင့်ချ ထားသည်ဟု သတင်း ရရှိသည်။

ဘင်္ဂလာ နယ်စပ် ဘက်မှ ဖောက်ခွဲရေး သမား (၄၀) ကျော်သည် ဖောက်ခွဲ ဖျက်ဆီး မှုများ ပြုလုပ်ရန် မြန်မာဘက်သို့ ၀င်ရောက် နေသည်ဟု စစ်ဘက် ဆိုင်ရာမှ သတင်း ထုတ်ပြန်ပြီးနောက် ယခုကဲ့သို့ လုံခြုံရေးကို တိုးမြှင့် လိုက်ခြင်း ဖြစ်သည်ဟု မောင်တောမှ အမည် မဖေါ်လိုသူ ရဲအရာရှိ တစ်ဦးက နိရဉ္စရာ သတင်း ဌာနကို ပြောသည်။

"အနောက်ဘက် နယ်စပ် ဘင်္ဂလာနယ်ဘက်က တဆင့်ပေါ့နော် ဖောက်ခွဲရေးသမား ၄၀ ကျော်ဟာ ဖေါက်ခွဲရေး ပစ္စည်းတွေနဲ့ အတူ မောင်တော၊ ဘူးသီးတောင် နယ်မြေထဲကို ၀င်နေတယ်လို့ စစ်ဘက်ဆိုင်ရာ ကနေ သတင်းတွေ ထွက်ပေါ်လာပြီးနောက်ပိုင်း လွန်ခဲ့တဲ့ စနေနေ့က စပီး ခုလို လုံခြုံရေး တိုးမြင့် လိုက်တာ ဖြစ်ပါတယ်။" ဟု ပြောသည်။

၁၆ မိုင် အရှည်ရှိ မောင်တော-ဘူးသီးတောင် ကားလမ်းမ တလျှောက်ရှိ ယခင်က ရဲသားများအား လုံခြုံရေးချထားသည့် နေရာများတွင် ယခုအခါ ဘူးသီးတောင် ဗျူဟာတပ်ရင်းမှ တပ်စိပ် (၅)စိပ်ဖြင့် အစားထိုး ချထားပြီး တခြား အရေးကြီးသော အစိုးရ အဆောက်အဦးများတွင်လည်း လုံခြုံရေး တိုးမြင့် ချထားသည်ဟု သိရသည်။

မျက်မြင်ကလည်း ဘူးသီးတောင် အခြေစိုက် (BE) ခေါ် ဗုံးရှာဖွေရေးအဖွဲ့မှ လည်း အစိုးရ ဌာနဆိုင်ရာ ရုံးအဆောက်ဦးများတွင် ဗုံးရှာဖွေရေးများ ပြုလုပ်နေကြောင်း အတည်ပြု ပြောကြားသည်။

ဒေသခံများ၏ အဆိုအရ ထောက်လှမ်းရေးများကိုလည်း နေရာအနှံ့ ဖြန့်ကျက်ချထားပြီး ရဲတပ်ဖွဲ့မှ လည်း ဒေသတွင်း ကျေးရွာများတွင် ညအချိန် ဧည့်စာရင်း စစ်မှုများကို တိုးမြှင့် ပြုလုပ်နေကြောင်း စုံစမ်း သိရှိရသည်။

နအဖခေါင်းဆောင် ဗိုလ်ချုပ်မှူးကြီး သန်းရွှေက အလုပ်သမားနေ့ မိန့်ခွန်းတွင် ပြည်တွင်းပြည်ပမှ အဖျက်သမားများသည် လာမည့် ရွှေးကောက်ပွဲ လမ်းလျှော် ပျက်ပြားသွားအောင် ဖောက်ခွဲ ဖျက်ဆီးမှုများ ပြုလုပ်ရန် ကြံရွယ်နေသည်ဟု ပြောကြားခဲ့သည်။

မြန်မာ နှစ်သစ်ကူး သင်္ကြန်ပွဲတော် အကြတ်နေ့ ဧပြီလ ၁၅ ရက်နေ့တွင် ရန်ကုန် X2O မဏ္ဍပ်၌ ဗုံးပေါက်ကွဲခဲ့သဖြင့် လူ ၁၀ ဦးသေဆုံးခဲ့ပြီး လူပေါင်း ၁၇၀ ဒဏ်ရာ ရရှိခဲ့သည်။ ၄င်းနောက်ပိုင်းတွင် အစိုးရ ရေကာတာ စီမံကိန်းများတွင်လည်း ဗုံးများ ဆက်တိုက် ပေါက်ကွဲခဲ့သည်။

အဆိုပါ ဗုံးများ အပါအ၀င် မြန်မာနိုင်ငံ၌ ပေါက်ကွဲခဲ့သော ဗုံးများ၏ လက်သည် တရားခံ အဖြစ် မြန်မာ နအဖစစ်အစိုးရသည် တိုင်ရင်းသား လက်နက်ကိုင် တော်လှန်ရေး တပ်ဖွဲ့များ နှင့် ပြည်ပ အခြေစိုက် ဒီမိုကရေစီ အတိုက်အခံ အင်အားစုများကို စွပ်စွဲ ပြောဆိုလေ့ရှိသည်။

မြန်မာအနောက်ဘက်ရှိ ဘင်္ဂလားဒေ့ရ်ှနယ်စပ်တွင် ယခင်က ရခိုင် လက်နက်ကိုင်တပ်ဖွဲ့များ အင်အား အများအပြားဖြင့် တပ်စွဲ အခြေစိုက်လျက် ရှိနေခဲ့ကြသော်လည်း ၂၀၀၁-ခုနောက်ပိုင်းမှ စ၍ လက်နက်ကိုင်အဖွဲ့များမှာ အင်အားလျော့နည်း သွားခဲ့ကြောင်း နယ်စပ် သတင်း ရပ်ကွက်များ အရ သိရသည်။

ကေအန်အယ်လ်အေကို နအဖတပ်များ ထပ်မံထိုးစစ်ဆင်ရန် ပြင်ဆင်

ရဲရင့်/ ၃ မေ ၂ဝ၁ဝ

ကရင်ပြည်နယ် ကော့က ရိတ်မြို့နယ် ထိုင်း နယ်စပ် အနီးရှိ ဝေါ်လေ ဒေသတွင် အခြေစိုက်သည့် ကရင်အမျိုးသား လွတ်မြောက်ရေး တပ်မတော် (ကေအန်အယ်လ်အေ) တပ်ရင်း (၂၀၁) လှုပ်ရှား ဒေသကို မကြာမီ အချိန်အတွင်း နအဖတပ်များ ထပ်မံ ထိုးစစ် ဆင်ရန် စစ်ရေး ပြင်ဆင်မှုများ ပြုလုပ်နေသည်ဟု ကရင်တပ်မှူး တဦးက ပြောသည်။

တပ်ရင်း (၂၀၁) မှ တပ်ရင်း အရာခံဗိုလ် ဗိုလ်ကြီး စောထိခုက “မနေ့ တနေ့က ကျနော်တို့ တပ်ရင်း နဲ့ နအဖတပ် ခမရ (၄၀၅) တပ်နဲ့ တိုက်ပွဲဖြစ် ခဲ့တယ်။ အဲဒါ သူတို့က ပြောက်ကျား လှုပ်ရှားတဲ့ ကျနော်တို့ တပ်ရင်းကို ထပ်တိုက်ဖို့ ပြင်ဆင် မှုတွေ လုပ်နေတယ်၊ မကြာ ခင်မှာ တိုက်ပွဲတွေ ပြန်ဖြစ်ဖို့ ရှိတယ်” ဟု ခေတ်ပြိုင် သို့ ပြောသည်။

ခမရ (၄၀၅) အပါအ၀င် နအဖတပ်များ၏ထိုးစစ်ကို ပြန်လည်ထိုးစစ်ဆင်နိုင်ရန်အတွက် မိမိတို့တပ်များကိုလည်း တပ်လှန့်ထားသည်ဟု ဗိုလ်ကြီးစောထိခုက ပြောသည်။

ပြီးခဲ့သည့် စနေနေ့က ဝေါ်လေဒေသရှိ ကနဲလေးရွာနှင့် မော်ဖိုးကလိုးရွာ အကြားတွင် ကေအန်အယ်လ်အေ တပ်ရင်း (၂၀၁) နှင့် နအဖတပ် ခမရ (၄၀၅) တို့ ထိပ်တိုက်ရင်ဆိုင် တိုက်ပွဲဖြစ်ပွားခဲ့ရာ ခမရ (၄၀၅) ဘက်မှ (၁) ဦးကျဆုံးပြီး အချို့ဒဏ်ရာရရှိကာ ကေအန်အယ်လ်အေတပ်ရင်း (၂၀၁) ဘက်မှ အရာခံဗိုလ် (၁) ဦး ကျဆုံးခဲ့သည်။

ဒီကေဘီအေ တပ်မဟာ (၅) မှ အရာရှိတဦးက “နအဖက တပ်တွေတိုးချထားတယ်။ ဒီခွင်မှာက ကေအန်အယ်လ်အေတပ်တွေ အပြင် နအဖရဲ့နယ်ခြားစောင့်တပ် အသွင်ပြောင်းတာကို လက်မခံတဲ့ ဒီကေဘီအေက တပ်တချို့ရှိတယ်။ အဲဒီတပ်တွေကလည်း နအဖကို ရင်ဆိုင်ဖို့ စစ်ရေးပြင်တာတွေရှိတယ်။ ဒီခွင်မှာက အချိန်မရွေး စစ်ဖြစ်မယ့် အနေအထားရှိတယ်” ဟု ပြောသည်။

ဒေသတွင်း စစ်ရေးတင်းမာမှုများကြောင့် ဒေသခံရွာသား (၃၀၀) ကျော်သည် မကြာသေးမီရက်ပိုင်းမှ စတင်ကာ ထိုင်းဘက်ခြမ်းသို့ တိမ်းရှောင်လာကြကြောင်း၊ စစ်ပွဲများ ပြင်းထန်လာပါက အနည်းဆုံးဒုက္ခသည် (၁) သောင်းခန့် ထိုင်းဘက်သို့ ရောက်လာနိုင်ကြောင်း ထိုင်း-မြန်မာနယ်စပ် အခြေစိုက် လူသားချင်းစာနာထောက်ထား အကူအညီပေးသည့် အဖွဲ့များက ပြောသည်။

အဆိုပါ ဝေါ်လေဒေသတွင် ကေအန်အယ်လ်အေ၊ ဒီကေဘီအေနှင့် နအဖကွပ်ကဲရေးဌာနချုပ် စကခ (၈) လက်အောက်ခံ ခမရတပ်များ အခြေချလှုပ်ရှားကြသည်။



ကြံ့ဖွံ့ပါတီသာ အနိုင်ရမည်ဟု အများက ယူဆ

ဧရာဝတီ Monday, May 03, 2010

ဝန် ကြီး ချုပ် ဦးသိန်းစိန်၏ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီသည် ၂၀၁၀ ရွေးကောက်ပွဲတွင် အနိုင်ရလိမ့် မည်ဟု ပြီးခဲ့သည့် ရက်ပိုင်း အတွင်း ဧရာဝတီက ပြုလုပ်သည့် စစ်တမ်းငယ် တခုတွင် ပါဝင်သူများက ဖြေဆိုကြသည်။

စစ်တမ်းတွင် ပါဝင်သူ ၄၅၀ အနက် ၄၁၈ ဦးက ရွေးကောက်ပွဲတွင် ကြံ့ဖွံ့ပါတီ အနိုင်ရမည်ဟု ယူဆနေ ကြကြောင်း တွေ့ရသည်။

အစိုးရက ကြံ့ဖွံ့ပါတီ အနိုင်ရအောင် စီစဉ်မည် ဖြစ်ကြောင်း၊ သို့သော် ရွေးကောက်ပွဲကို တရားမျှတစွာသာ ပြုလုပ်ခဲ့လျှင် ကြံ့ဖွံ့ပါတီ အနိုင်ရမည် မဟုတ်ဟု အများစုက ဖြေဆိုကြသည်။

စစ်တမ်းတွင် ရန်ကုန်မြို့နေ အလွှာ အသီးသီးမှ လူပုဂ္ဂိုလ် ၄၅၀ ပါဝင်ပြီး ၀န်ကြီးချုပ် ရာထူး ယူထားသော ဦးသိန်းစိန် ခေါင်းဆောင်သည့် အဖွဲ့က ကြံ့ဖွံ့ပါတီ ဖွဲ့စည်းပြီး ရွေးကောက်ပွဲ ၀င်မည့် အစီအစဉ်ကို ကျေနပ်ခြင်း ရှိမရှိ၊ ထို ပါတီအား မဲထည့် မထည့်၊ ရွေးကောက်ပွဲတွင် ထိုပါတီ အနိုင်ရ မရ ဟူသော မေးခွန်း ၃ ခုကို ပြီးခဲ့သည့် ရက်ပိုင်းအတွင်း ဖြေဆိုခဲ့ကြခြင်း ဖြစ်သည်။

ပါဝင်သည့် ပုဂ္ဂိုလ်များမှာ အစိုးရ၀န်ထမ်း ၁၅၀၊ စစ်မှုထမ်း ၂၀၊ စစ်မှုထမ်းဟောင်း ၃၀၊ တက္ကသိုလ် ကျောင်းသူ ကျောင်းသား ၅၀၊ အသက် ၂၀မှ အသက် ၆၀ ကြား အရပ်သား ၂၀၀ တို့ ဖြစ်ကြသည်။

“သူတို့ပဲ နိုင်မယ် ဆိုတာ သိသာနေပြီပဲ၊ အမှန်တော့ ရွေးကောက်ပွဲတောင် လုပ်နေစရာ မလိုတော့ပါဘူး၊ အဖြေက ထွက်နေပြီပဲ” ဟု ၀န်ထမ်းတဦးက ပြောသည်။

အသက် ၂၀ အရွယ် ကျောင်းသား တဦးက “အဖြေက ရှင်းနေပြီပဲ၊ ကြံ့ဖွံ့ကပဲ နိုင်တော့မှာ၊ မနိုင်ခဲ့ရင်လည်း နိုင်အောင် လုပ်တော့မှာ၊ ဗြောင်ကို လုပ်ဦးမှာ” ဟု သူ့အမြင်ကို ပြောသည်။

၂၀၀၈ အခြေခံ ဥပဒေ ဆန္ဒခံယူပွဲတွင် အစိုးရက မဲမသမာမှုမျိုးစုံဖြင့် ၎င်းတို့စိတ်ကြိုက်ဖြစ်စေရန် စီစဉ်ခဲ့သကဲ့သို့ ၂၀၁၀ ရွေးကောက်ပွဲတွင်လည်း ထိုသို့ လုပ်ဆောင်ဖွယ်ရှိသည်ဟု အသက် ၄၈ နှစ်အရွယ် အမျိုးသားတဦးက ရှင်းပြသည်။

စစ်အစိုးရ ၀န်ကြီးများ ပါတီထောင်ပြီး ရွေးကောက်ပွဲဝင်ခြင်းကို ကျေနပ်ခြင်း ရှိမရှိ ဟူသော မေးခွန်းကို အစိုးရ၀န်ထမ်း ၁၅၀ က ဖြေဆိုရာတွင် ကျေနပ်မှု မရှိဟု ဆိုသူပေါင်း ၁၄၃ ဦးရှိကြောင်း တွေ့ရသည်။

သို့သော်လည်း စစ်မှုထမ်း ၂၀ ၏ အဖြေက ထိုဝန်ထမ်းများ၏ အဖြေနှင့် ဆန့်ကျင်ဘက် ဖြစ်နေသည်။

စစ်သား ၂၀ ဦးကို မေးမြန်းရာတွင် ၁၇ဦးက ကျေနပ်သည်ဟု ဆိုကြသည်။

စစ်မှုထမ်းဟောင်း ၁၈ ဦးက ကျေနပ်မှု မရှိကြောင်း ဖြေဆိုခဲ့ပြီး ကျန် ၁၂ဦးက ကျေနပ်ကြောင်း ဖြေဆိုသည်။

တက္ကသိုလ် ကျောင်းသားများတွင် ၄၁ ဦးက မကျေနပ်ကြောင်း ဖြေဆိုကာ ၉ ဦးက ကျေနပ်သည်ဟု ဆိုသည်။

အရွယ်စုံ အရပ်သား ၂၀၀ တွင် ၁၉၆ ဦးက မကျေနပ်ဟု ဖြေဆိုသည်။ ကျေနပ်သည်ဟု ဆိုသူ ၄ ဦးသာ ရှိကြောင်း တွေ့ရသည်။

ကျေနပ်မှု မရှိဟု ဆိုသူ စာအုပ်ထုတ်ဝေရေး လုပ်ငန်းရှင် တဦးက “ပြည်သူကို စော်ကားတာလို့ မြင်တယ်၊ သူတို့ လုပ်ချင်ရာ လုပ်မယ်၊ လူတွေ သူတို့ လုပ်သမျှ ခံရမယ်၊ ဂရုမစိုက်ဘူး ဆိုတဲ့ သဘောပဲကို ပြလိုက်တာလို့ပဲ ကျနော် မြင်တယ်” ဟု ပြောသည်။

ဝန်ထမ်းတဦးက “၀န်ထမ်းတွေ ပါတီနိုင်ငံရေးနဲ့ ကင်းရှင်းရမယ် ဆိုတဲ့ ဥပဒေ ထုတ်လို့ ကျမတို့မှာ အကြိမ်ကြိမ် လက်မှတ် ထိုးနေရတယ်၊ ခုတော့ ၀န်ကြီးချုပ်က ရွေးကောက်ပွဲ ၀င်မယ် တဲ့၊ လုပ်ချင်တိုင်း လုပ်တာပဲ၊ ဒီအတိုင်းဆို ရွေးကောက်ပွဲတောင် လုပ်နေစရာ မလိုဘူး၊ အလကား လူတွေ အလုပ်ရှုပ်အောင်” ဟု မကျေမနပ်ဖြင့် ပြောပြသည်။

ဦးသိန်းစိန် နှင့် ၀န်ကြီးများသည် တာဝန် ထမ်းဆောင်ဆဲ ၀န်ထမ်းများ ဖြစ်သောကြောင့် နိုင်ငံရေးပါတီ ထောင်ပြီး ရွေးကောက်ပွဲ ၀င်စေရန် အစိုးရက စီစဉ်နေခြင်းမှာ ရွေးကောက်ပွဲ၏ မမျှတမှုတခု ဖြစ်သည်ဟု သူက ဆိုသည်။

အငြိမ်းစား စစ်မှုထမ်းဟောင်းတဦးက “ပြောရရင်တော့ မကျေနပ်ဘူး၊ ဒါပေမယ့် ကျနော်တို့ ဘာလုပ်နိုင်မှာလဲ၊ ဘာမှ လုပ်လို့ မရဘူးလေ” ဟု ပြောသည်။

ကျေနပ်ကြောင်း ဖြေဆိုသူများထဲမှ အရာခံဗိုလ် အဆင့်ရှိ စစ်မှုထမ်း တဦးက “စစ်တပ်အုပ်ချုပ်မှ အေးချမ်းနိုင်မယ်လေ” ဟု ပြောပြီး ကျောင်းသူတဦးက “ကျေနပ်ပါတယ်၊ လူကြီးတွေ ကောင်းမယ်ထင်လို့ စီမံကြတဲ့ အပေါ်မှာ ဝေဖန်စရာ မလိုပါဘူး” ဟု ပြောသည်။

ကြံ့ဖွံ့ပါတီကို မဲပေးမည်လား ဟူသည့် မေးခွန်းကိုလည်း စစ်တမ်းတွင် ပါဝင်သူများက ဖြေဆိုကြသည်။

“မဲပေးမည် မဟုတ်” ဟု ဖြေကြားသူ ၀န်ထမ်း ၁၄၄ ဦး ရှိပြီး၊ မဲပေးမည်ဟု ဆိုသည့် ၀န်ထမ်း ၆ ဦးသာ ရှိကြောင်း တွေ့ရသည်။

မဲပေးမည်ဟု ဆိုသူ ၀န်ထမ်းတဦးက “ကျမတို့က အစိုးရ ၀န်ထမ်းတွေပါ၊ ကြံ့ခိုင်ဖွံ့ဖြိုးရေး ပါတီက ၀န်ထမ်းပါတီ ဖြစ်နေတော့ ဒီပါတီကိုပဲ မဲပေးရမှာပေါ့” ဟု သူ့အမြင်ကို ပြောသည်။

စစ်ဘက်ဆိုင်ရာမှ ဖြေဆိုသူ ၂၀ တွင် မဲပေးမည်ဟု ဆိုသူ များပြားသည်။ မဲပေးမည်မဟုတ် ဟု ၃ ဦးကသာ ဖြေဆိုသည်။

“ကြံ့ဖွံ့တွေတော့ မဲမထည့်နိုင်ဘူး၊ အဲဒါကြောင့် ပြစ်ဒဏ် ခံရမယ် ဆိုရင်တောင် ခံလိုက်ဦးမယ်” ဟု တပ်ကြပ်ကြီး တဦးက သူ့သဘောထားကို ပြောသည်။

ကျောင်းသား ၅၀ တွင် ၄၄ ဦးက ကြံ့ဖွံ့ပါတီကို မဲမပေးဟု ဆိုပြီး၊ ၆ ဦးက မဲပေးမည်ဟု ဖြေကြသည်။

စစ်မှုထမ်းဟောင်း ၃၀ တွင် ၂၃ ဦးက ကြံ့ဖွံ့ပါတီကို မဲမထည့်ပါဟု ဆိုကြသည်။ ကျန် ၇ ဦးကတော့ မဲထည့်မည်ဟု ဆိုသည်။

မဲထည့်မည်ဟု ဖြေဆိုသူ ကျောင်းသူတဦးက “မဲထည့်မယ်လို့ အိမ်က လူကြီးတွေက ကတိ ပေးလိုက်ပြီးပြီ၊ အိမ်ကို မီတာဘောက် ကျအောင် ကြံ့ခိုင် ဖွံ့ဖြိုးရေး အသင်းက ထောက်ခံချက် ပေးတာ ဆိုတော့ မထည့်လို့ မရဘူး” ဟု ပြောပြသည်။

ဝန်ကြီးချုပ် ဦးသိန်းစိန်၏ ကြံ့ဖွံ့ပါတီသည် စစ်အစိုးရ၏ သက်တမ်း ၁၇ နှစ်ရှိ အသင်းကြီးဖြစ်သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်းကို အသွင်ပြောင်းမည့် ပါတီဖြစ်မည်ဟု ကျယ်ကျယ် ပြန့်ပြန့် ယူဆနေကြသည်။

ကြံ့ဖွံ့အသင်းက ဒေသ အများအပြားတွင် ငွေချေးခြင်း၊ သောက်သုံးရေ ရရှိရေး ဆောင်ရွက်ပေးခြင်း၊ နိုင်ငံသား စိစစ်ရေး ကတ်များ ရရှိစေရန် စီစဉ်ပေးခြင်း၊ အခဲ့ ကျူရှင် ဖွင့်ခြင်း၊ အခမဲ့ ဆေးကုပေးခြင်းတို့ ပြုလုပ်ပေးလျက်ရှိပြီး ထိုလုပ်ငန်းများနှင့် ပတ်သက်သူများမှာ အသင်းက ဖွဲ့စည်းမည့် ပါတီကိုသာ မဲထည့် ပါမည်ဟု ကတိပြုထားခဲ့ရကြောင်း ကြားသိရသည်။

“ကြံ့ဖွံ့တွေကို မဲ မပေးချင်ဘူး၊ ကြံ့ဖွံ့အစား အခြား ဘယ်သူ ဖြစ်ဖြစ် မဲပေးမှာပဲ” ဟု အသက် ၃၀ ၀န်းကျင် အမျိုးသမီးတဦးက ပြောသည်။

အရွယ်စုံ အရပ်သားများထဲတွင် ၁၇၈ ဦးက ကြံ့ဖွံ့ ပါတီကို မဲမထည့်ပါဟု ဖြေဆိုပြီး ကျန် ၂၂ ဦးက မဲထည့်မည်ဟု ဖြေဆိုကြသည်။

“မဲမပေးလို့ ပြဿနာမရှိဘူး ဆိုရင်တော့ မပေးပါဘူး၊ အင်း ဒါပေမယ့် မဲပေးရမယ် ဆိုရင်တော့ မတတ်နိုင်ဘူး၊ ပေးရမှာပဲ၊ ပြဿနာတော့ အဖြစ် မခံနိုင်ဘူး” ဟု အသက် ၅၀ ၀န်းကျင် အရွယ် အမျိုးသားတဦးက ပြောသည်။

ကြံ့ဖွံ့ပါတီကို မဲပေးမည်ဟု ဖြေဆိုသူ အသက် ၄၀ ၀န်းကျင်အရွယ် အမျိုးသမီးက ကြံ့ဖွံ့အသင်းကို နှစ်သက်သူဖြစ်သည်။

“ရပ်ကွက်ထဲက ကြံ့ဖွံ့ အသင်း ဥက္ကဋ္ဌကတော့ ကောင်းပါတယ်၊ ငွေလိုတဲ့သူတွေ ဘာတွေကိုလည်း ပိုက်ဆံ ချေးပေးတယ် ဆိုတော့ မဆိုးပါဘူး၊ ရပ်ရေး ရွာရေးလည်း စိတ်ဝင်တစား ရှိပါတယ်” ဟု သူက ပြောသည်။

မပြောင်းရွှေ့ချင်သည့် ကျေးရွာသားများ ဖိအားပေးခံနေရ

ပေါက်ပေါက်/ ၃ မေ ၂ဝ၁ဝ

ဧရာဝတီ မြစ်ဆုံရေကာတာ စီမံကိန်းနယ်မြေအတွင်း ကျရောက်နေသည့် ကျေးရွာများ နေရာရွှေ့ပြောင်းရမည်ဖြစ်ရာ ပထမဦးဆုံးအနေဖြင့် ကချင်ပြည်နယ်၊ တန်ဖရဲကျေးရွာမှ ရပ်ကွက် (၂) ခုအား ယခုလအတွင်း အပြီးပြောင်းရွှေ့ခိုင်းထားသည်။

တန်ဖရဲကျေးရွာတွင် ရပ်ကွက် (၆) ခုရှိရာ အမှတ် (၁) နှင့် (၂) ရပ်ကွက်အား ယခုလမကုန်ခင် အပြီးပြောင်းရွှေ့ ရမည်ဖြစ်ကြောင်း နယ်မြေတာဝန်ကျ စစ်တပ်က ပြီးခဲ့သည့် စနေနေ့တွင် သတိပေးပြောဆိုထားသည်ဟု တန်ဖရဲ ကျေးရွာသားက ပြောသည်။

၎င်းက “ရပ်ကွက် (၁) နဲ့ (၂) အရင်ပြောင်းလို့ ပြောတယ်။ ကျန်တဲ့ဟာလည်း ပြောင်းရမှာပေါ့။ အခုလောလောဆယ် အဲဒီရပ်ကွက် (၂) ခုကို အရင်ပြောင်းခိုင်းတာ။ သူတို့ပြောတာက နိုင်ငံတော် စီမံကိန်း နယ်မြေတွေဖြစ်လို့ အရင်ကတည်းက ရွှေ့ပြောင်းဖို့ ပြောထားပြီးပြီ။ ဒါကြောင့် အခုလို ရွှေ့ပြောင်းခိုင်းတာ၊ ဒါအမိန့်ပဲဆိုပြီး ပြောတယ်” ဟု ပြောသည်။

နေရာပြောင်းရွှေ့သူများအတွက် ကျိန်ခရန်ကျေးရွာ အနောက်ဘက်တွင် အေးရှားဝေါလ်ကုမ္ပဏီက တန်ဖိုးနည်း အိမ်ရာများ ဆောက်လုပ်နေဆဲဖြစ်ပြီး ဒေသခံတို့မှာ မိမိတို့ ဘိုးဘွားစဉ်ဆက် နေလာခဲ့သည့်နေရာမှ မပြောင်းရွှေ့လိုကြောင်း ဆန္ဒထုတ်ဖော် တောင်းဆိုနေကြသည်။

နေရာ မပြောင်းရွှေ့ရေးအတွက် မြောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ် စိုးဝင်းထံ လက်မှတ်ထိုး စာရေးတောင်းဆိုရန် ပြီးခဲ့သည့်လ အစောပိုင်းက စီစဉ်ခဲ့ကြသည့် တန်ဖရဲကျေးရွာသားများကို စစ်တပ်က ယမန်နေ့တွင် ခေါ်ယူမေးမြန်းမှုများ လုပ်နေသည်ဟု တန်ဖရဲကျေးရွာသားက ပြောသည်။

၎င်းက “လက်မှတ်ထိုးထားတဲ့သူတွေ၊ စာရေးတဲ့သူတွေကို စစ်တပ်က ခေါ်မေးတယ်။ ဘယ်သူလုပ်ခိုင်းတာလဲ၊ ဘာကြောင့် မပြောင်းချင်တာလဲ၊ အစိုးရလုပ်ငန်းတွေကို ကလန်ကဆန် လုပ်တာဟာ အစိုးရကို ဆန့်ကျင်တာ ဖြစ်တယ်၊ ဥပဒေအရ အရေးယူနိုင်တယ်ဆိုပြီး ပြောနေတယ်တဲ့” ဟု ပြောသည်။

ယခုလ (၁၇) ရက်က မြစ်ဆုံရေကာတာစီမံကိန်း ဧရိယာအတွင်း ဗုံးများပေါက်ကွဲမှုနှင့် ပတ်သက်၍ ဒေသအတွင်းရှိ ခရစ်ယာန်ဘာသာရေးခေါင်းဆောင်များ အပါအဝင် ဒေသခံများကို ခေါ်ယူစစ်ဆေးမေးမြန်းနေချိန်တွင် ယခုကဲ့သို့ နေရာရွှေ့ပြောင်းပေးရန် ဖိအားပေးသဖြင့် ဗုံးပေါက်ကွဲမှုအပေါ် သံသယရှိနေကြောင်း မြစ်ကြီးနားမြို့ခံ ကချင် နိုင်ငံရေး သမားတဦးက ပြောသည်။

၎င်းက “ရွာသားတွေက မရွှေ့ချင်ကြဘူး။ အခု ဗုံးတွေပေါက်တာကို အကြောင်းပြုလို့ စစ်တပ်က ဟိုစစ် ဒီစစ်လုပ်တယ်။ ဟိုလူ့ဖမ်း ဒီလူ့ဖမ်းလုပ်တယ်။ ရွာသားတွေက သူတို့တွေကို ကြောက်နေချိန်မှာ အခုလို ဒါအမိန့်ပဲ ရွှေ့ရမယ်ဆိုပြီး လုပ်လာတော့ ဒီလို ရွှေ့ပြောင်းအောင် သူတို့ကိုယ်တိုင် ဗုံးတွေ ခွဲခဲ့တာလားဆိုပြီး သံသယ ဖြစ်နေကြတယ်။ ဘယ်သူခွဲခွဲ ရွာသားတွေကတော့ နေရာပြောင်းရဖို့ အကျပ်ရိုက်နေပြီ” ဟု ပြောသည်။

မေခ-မလိခ မြစ်နှစ်သွယ်ဆုံရာ၏ အောက်ဘက် (၃) မိုင်အကွာတွင် ရေကာတာတည်ဆောက်ပြီး ရေအားလျှပ်စစ်ထုတ်ယူမည့် စီမံကိန်းကို အေးရှားဝေါလ်ကုမ္ပဏီနှင့် တရုတ်နိုင်ငံ လျှပ်စစ်ဓာတ်အားရင်းနှီးမြှုပ်နှံမှု ကော်ပိုရေးရှင်း (CPI) တို့က ရင်းနှီး မြှုပ်နှံထားသည်။

မြစ်ဆုံဒေသအပြင် ချီဗွေအနီး မေခမြစ်ပေါ်တွင် ရေအားလျှပ်စစ် ထုတ်ယူမည့် စီမံကိန်းများပါ ရှိနေပြီး အဆိုပါ စီမံကိန်းများကြောင့် ကျေးရွာ (၆ဝ) ခန့်နှင့် ဥယျာဉ်ခြံမြေများ ရေဝပ်ဧရိယာအဖြစ် ကျရောက်ပျက်စီးတော့မည်ဖြစ်သည်။

တိုင်းမှူးကတော်မှာယူသော သဇင်ဥ ရရှိရေး ဒေသခံရွာသားများ အတင်း အဓမ္မ စေခိုင်း ခံနေရ

(ထွန်းထွန်း)

အနောက်ပိုင်း တိုင်းမှူးကတော် မှာယူသော ရှားပါး သဇင်ဥများကို ဒေသခံ စစ်တပ်များမှ ကျေးရွာသားများကို အတင်း အဓမ္မ ရှာဖွေပြီး စစ်တပ်သို့ ပို့ဆောင်ခိုင်းနေသည်ဟု ကျေးရွာသားများက ပြောသည်။

“အနောက်ပိုင်းတိုင်း တိုင်းမှူးကတော် ဒေါ်မြမြစံက ရှားပါး သဇင်ဥ ပိသာ ၂၀ ကို ပို့ပေးရမယ်ဆိုပြီး ပလက်ဝမြို့နယ် အခြေစိုက် တပ်ရင်း တပ်ဖွဲ့တွေကို အမိန့်ပေးထားတဲ့အတွက် စစ်တပ်တွေက ကျေးရွာသားတွေကို ရွာအလိုက် သဇင်ဥတွေ ပေးသွင်းရမယ်ဆိုပီး အမိန့်ပေးထားပါတယ်။ အခုအခါ ကျေးရွာတွေအလိုက် ရှားပါး သဇင်ဥ တွေကို တောအနှံ့တောင်အနှံ့ လိုက်ရှာနေကြရပါတယ်။”


အဆိုပါ ခိုင်းစေမှုကို ပလက်ဝ အခြေစိုက် စစ်ဗျူဟာ (၁) လက်အောက်ခံ တပ်ရင်း၊ တပ်ဖွဲ့များမှ ပြုလုပ်နေခြင်း ဖြစ်ကြောင်း သိရသည်။

“အခု သဇင်ဥ ရှာပုံတော် ဖွင့်နေရတဲ့ ကျေးရွာသားတွေကတော့ ပလက်ဝမြို့နယ်က တရွိုင်အိုင်၊ မီးလက်ဝ၊ သဲမ၀၊ စက်ပစ်ပြင်၊ မီးချောင်း၊ အုပ်သလင်းဝ၊ ဒလက်မေနှင့် အခြားကျေးရွာတွေက ဖြစ်ပါ တယ်။ စေခိုင်းနေတဲ့ တပ်ရင်းတွေက ခမရ ၂၈၉ တပ်ရင်း၊ များမကြာခင်ကမှ ရှေ့တန်း လှုပ်ရှား စစ်ကြောင်း အဖြစ် ရောက်ရှိလာတဲ့ ခမ ရ ၂၃၄ နဲ့ ကျောက်ဖြူ အခြေစိုက် ၃၄ တပ်ရင်းတို့ ဖြစ်ကြပါတယ်။”

တပ်ရင်း တရင်းကို ၇ ပိသာစီ ပေးရသွင်းမည်ဟု တိုင်းမှူးကတော်မှ မှာယူထားသဖြင့် တပ်ရင်းမှူးများ အနေဖြင့် သဇင်ဥ ရရှိရေးကို အထူး ဦးစားပေး လုပ်ငန်း အဖြစ် ဆောင်ရွက်နေကြသည်ဟု သိရသည်။

၎င်းပြင် အဆိုပါ ဒေသမှ ရောက်ရှိလာသူ ကိုညီညီနိုင်ကလည်း သဇင်ဥ ရှာဖွေရန် ကျေးရွာသားများကို အတင်း အဓမ္မ စေခိုင်းနေခြင်းကို အတည်ပြု ပြောကြားပြီး မပေးသွင်းနိုင်သည့် ကျေးရွာများ အနေဖြင့် ဒဏ်ငွေ ပေးဆောင်ရမည်ဟု ပြောသည်။

“ဒီနှစ် ဇန္န၀ါရီလ ပထမအပတ် ကတည်းက စစ်တပ်တွေကို သဇင်ဥ ပိသာ ၂၀ စီ ပို့ပေးရမယ်ဆိုပီး အနောက်ပိုင်းတိုင်းက ခိုင်းထားတယ်လို့ သိရပါတယ်။ သဇင်ဥက မြင်တဲ့ နေရာမှာ ပေါက်ရောက်တာ မဟုတ်တော့ စစ်သားတွေက ရှာဖွေလို့ မရနိုင်ဘူး။ သူတို့ ရှာဖွေလို့ မရတော့ ကျေးရွာ တိုင်းက ဥက္ကဌတွေကို ခေါ်ပီး တရွာကိုသဇင်ဥ အနည်းဆုံး ၅ ပိသာ ရှာပေးရမယ်။ ရှာမပေးနိုင်တဲ့ ရွာကို ကျပ်ငွေ ၅၀၀၀၀ ဒဏ်တပ်မယ်ဆိုပီး စစ်တပ်က ပြောထားတယ်လို့ သိရပါတယ်။”

ဒေသခံစစ်တပ်၏ အမိန့်ကိုမဖီဆန်နိုင်သောကြောင့် ကျေးရွာသားများမှာ သဇင်ဥရရှိရေးအတွက် တတောင်တက် တတောင်ဆင်း တတောဝင် တတောထွက်ဖြင့် နေ့ရောညပါ သဇင်ဥများကို ရှာဖွေနေကြရသည်ဟု သိရသည်။

အဆိုပါ သဇင်ဥများကို အနောက်ပိုင်းတိုင်း စစ်ဌာနချုပ်တွင် စိုက်ပျိုးရန် အတွက် တိုင်းမှူးကတော်မှ မှာယူခြင်း ဖြစ်ကြောင်း သိရှိရသည်။

စစ်အစိုးရတပ်နှင့်ပြည်သူစစ်စခန်းအား မွန်အမျိုးသားကာကွယ်ရေးတပ်ဖွဲ့စီးနင်းပစ်ခတ်

မင်းချမ်း၊ ကောင်းဝါ

တနင်္သာရီတိုင်းမြောက်ဖက် ရေဖြူမြို့နယ်၊ အလယ်စခန်းကျေးရွာ ပြည်သူ့စစ်စခန်းနှင့် စစ်အစိုးရတပ်ဖွဲ့ဝင်အချို့အခြေစိုက်ရာ အဆိုပါကျေးရွာရယကဥက္ကဌနေအိမ်အား MNDA ခေါ် မွန်အမျိုးသားကာကွယ်ရေးတပ်ဖွဲ့က တပြိုင်တည်းဝင်ရောက်စီးနင်းပစ်ခတ်ခဲ့ကြောင်း ၄င်းတပ်ဖွဲ့မှတပ်ရင်းမှူးဖြစ်သူ ဗိုလ်မှူးဂျလွန်းထောက ကောင်းဝါသတင်းဌာနသို့ အတည်ပြုပြောကြားပါသည်။

လွန်ခဲ့သည့်ဧပြီလ (၃၀) ရက်နေ့၊ ညပိုင်း(၈) နာရီခွဲအချိန်တွင် (၁၅) မိနစ်ခန်အကြာ ယင်းသို့အပြန်အလှန်ပစ်ခတ်ခဲ့ပြီးနောက် အခင်းဖြစ်ပွားရာ အလယ်စခန်းရွာရှိ ပြည်သူ့စစ်စခန်းအဆောက်အဦးနှင့် ကျေးရွာရယက ဥက္ကဌနေအိမ်တို့ မီးစွဲလောင်ခဲ့သည်ဟု ဆိုပါသည်။

ထိုသို့ဝင်ရောက်ပစ်ခတ်မှုကြောင့် အရာရှိတစ်ဦးအပါအဝင် စစ်အစိုးရတပ်ဖွဲ့ဝင် (၃) ဦး၊ ပြည်သူ့စစ် (၂)ဦး၊ ရယကဥက္ကဌသမီး (၂) ဦး ဒဏ်ရာရရှိခဲ့သည်ဟု MNDA ကကောင်းဝါသတင်းဌာနသို့ ပြောကြားခဲ့သည်။

သို့ရာတွင် ယနေ့နံနက်ပိုင်း ဘီဘီစီမြန်မာပိုင်ထုတ်လွှင့်ချက်၌ ခမရ ၂၈၂ မှမြန်မာစစ်အရာရှိတစ်ဦးနှင့် ရဲဘော်တစ်ဦးသာ ဒဏ်ရာရရှိခဲ့သည်ဟု ဆိုပါသည်။

ယင်းကဲ့သို့ စီးနင်းပစ်ခတ်မှုဖြစ်ပွားပြီးနောက်တစ်နေ့တွင် ၄င်းတို့ကိုဝင်ရောက်ပစ်ခတ်ခဲ့သည့် MNDA အဖွဲ့အား လိုက်လံချေမှုန်းရန်အတွက် အနီးအနားရွာတစ်ဝိုက်ရှိကျေးရွာများကို တစ်ရွာလျှင်ပေါ်တာ(၁၀) ယောက် မဖြစ်မနေစီစဉ်ပေးရန် မြန်မာစစ်တပ်တောင်းဆိုခဲ့သည်။

အခင်းဖြစ်ပွားရာ အလယ်စခန်းကျေးရွာသည် ရေး-ထားဝယ်မော်တော်ကားလမ်းမပေါ်တွင်တည်ရှိပြီး စစ်အစိုးရထိန်းချုပ်ရာဒေသဖြစ်သဖြင့် MNDA တပ်ဖွဲ့များ ပြောက်ကြားလှုပ်ရှားရာ ဒေသတစ်ခုဖြစ်နေသည်။
အဆိုပါ MNDA တပ်ဖွဲ့ကို နယ်ခြားစောင့်တပ်လက်မခံသည့် မွန်ပြည်သစ်ပါတီမှအရာရှိအချို့ လှို့ဝှက်ခွဲထွက်ကာ ယမန်နှစ်က ဖွဲ့စည်းခဲ့ခြင်းဖြစ်သည်။

မွန်အမျိုးသားကာကွယ်ရေးတပ်ဖွဲ့ MNDA သည် မွန်ပြည်သစ်ပါတီနယ်မြေအတွင်း ဝင်ရောက်လှုပ်ရှားခွင့်မရှိသဖြင့် စစ်အစိုးရထိမ်းချုပ်နယ်မြေများဖြစ်ကြသည့် တနင်္သာရီတိုင်းမြောက်ပိုင်းရှိ ရေဖြူမြို့နယ်နှင့် မွန်ပြည်နယ်တောင်ပိုင်းရှိ ရေးမြို့နယ်တောင်ပိုင်းရှိ အချို့ဒေသများတွင် စစ်အစိုးရတပ်ဖွဲ့များ ပြောက်ကျားစစ်ဆင်လျှက်ရှိသည်။

မွန်အမျိုးသားကာကွယ်ရေးတပ်ဖွဲ့ MNDAသည် မွန်ပြည်သစ်ပါတီ NMSP လက်အောက်ရှိ မွန်အမျိုးသားလွတ်မြောက်ရေးတပ်မတော် MNLA တို့နှင့် လုံးဝမပတ်သက်ကြောင်း ၂၀၁၀ ခုနှစ်၊ ဇန်နဝါရီလ(၁) ရက်နေ့ထုတ် မွန်ပြည်သစ်ပါတီကြေညာချက်တစ်ရပ်တွင် ဖေါ်ပြပါရှိသည်။