Saturday, October 31, 2015

စစ်ရှောင် ဒုက္ခသည် ၄ ထောင်လောက် အကူအညီ လုိုအပ်


ဒီချုပ်လွှတ်တော် ကိုယ်စားလှယ်လောင်းကို ဓါးခုတ်ခဲ့သူ ၃ဦး တရားရုံးထုတ်


ပစ်ခတ်မှုရပ်စဲရေး ပူးတွဲစောင့်ကြည့်ရေးကော်မတီ အစည်းအဝေး ရန်ကုန်၌ ကျင်းပနေ

မဇ္ဈိမ

အပစ်ရပ်စဲရေးလက်မှတ်ထိုးကြပြီးနောက် တိုက်ပွဲများ ထပ်မံမဖြစ်ပွားစေရေးအတွက် ဆောင်ရွက်ရမည့် ပစ်ခတ်မှုရပ်စဲရေး ပူးတွဲစောင့်ကြည့်ရေးကော်မတီ Joint Monitoring Committee (JMC) အစည်းအဝေးကို အောက်တိုဘာ ၂၉ မှစတင်၍ ရန်ကုန်မြို့တွင် ကျင်းပနေသည်။

အစည်းအဝေးတွင် JMC ၏ ဖွဲ့စည်းပုံနှင့်ပတ်သက်၍ ဆွေးနွေးမှုများရှိခဲ့ပြီး ပြည်ထောင်စုအဆင့်၊ ပြည်နယ်အဆင့်၊ ဒေသန္တရအဆင့်ဟူ၍ အဆင့် ၃ ဆင့်ဖြင့် ဖွဲ့စည်းကြမည်ဟုသိရသည်။ လုပ်ငန်းများကို ဦးဆောင်ရမည့် ဥက္ကဌ၊ ဒုဥက္ကဌ၊ အတွင်းရေးမှူး၊ တွဲဖက်အတွင်းရေးမှူး စသည်ဖြင့် ရွေးချယ်ရန် ဆက်လက်ဆွေးနွေးကြရဦးမည်။ လတ်တလောတွင် JMC ၌ အစိုးရဘက်မှ ကိုယ်စားလှယ် ၁ဝ ဦးနှင့် အပစ်ခတ်ရပ်စဲရေး လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့အစည်းများမှ ကိုယ်စားလှယ် ၁ဝ ဦး ပါဝင်ကြ သည်။

ထပ်တိုး အရပ်သားကိုယ်စားလှယ် အဖြစ် တစ်ဘက်စီမှ ၃ ဦး စီ ရွေးချယ်တင်သွင်းရန် ယေဘုယျသဘောတူထားသည်။ တစ်နိုင်ငံလုံးအပစ်ခတ်ရပ်စဲရေးစာချုပ် Nationwide Ceasefire Agreement (NCA) ကို အစိုးရနှင့် တိုင်းရင်းသား လက်နက်ကိုင်အဖွဲ့အစည်း (၈) ဖွဲ့တို့ ၂ဝ၁၅ ခုနှစ် အောက်တိုဘာ ၁၅ ရက် တွင် နေပြည်တော်၌ လက်မှတ်ထိုးကြသည်။ လက်မှတ်ရေးထိုးပြီးနောက် မွန်းလွဲပိုင်းမှ စ၍ အောက်တိုဘာ ၁၇ ရက်အထိ နေပြည်တော်၌ပင် ပစ်ခတ်တိုက်ခိုက်မှု ရပ်စဲရေးသဘောတူစာချုပ်အကောင်အထည်ဖော်မှုဆိုင်ရာ ညှိနှိုင်းအစည်းအဝေးကို ဆက်လက်ကျင်းပခဲ့ပြီး ပစ်ခတ်မှုရပ်စဲရေးပူးတွဲစောင့်ကြည့်ရေးကော်မတီ Joint Monitoring Committee (JMC) နှင့် ပြည်ထောင်စု ငြိမ်းချမ်းရေးဆွေးနွေးမှုပူးတွဲကော်မတီ Union Peace Dialogue Joint Committee (UPDJC) တို့ကို ဖွဲ့စည်းခဲ့သည်။

အောက်တိုဘာ ၂၉ အစည်းအဝေးသို့ အစိုးရဘက်မှ တက်ရောက်သူများထဲတွင် ပြည်ထောင်စုဝန်ကြီးတစ်ဦး၊ တပ်မတော်အရာရှိ ၅ ဦး၊ MPC မှ ၄ ဦးဖြစ်သည်။ တိုင်းရင်းသားလက်နက်ကိုင်များဘက်မှ NCA လက်မှတ်ထိုး ထားသည့်အဖွဲ့ ၈ ဖွဲ့မှ KNU နှင့် RCSS နှစ်ဦးစီနှင့် ကျန် ၆ ဖွဲ့မှ တစ်ဦးစီဖြစ်သည်။ NCA စာချုပ်သည် လတ်တလောတွင် ယုံကြည်ရမှုအနေအထား မဟုတ်သေးသော်လည်း JMC အဆင့်ဆင့်ဖွဲ့ပြီး၊ လိုက်နာရမည့် စည်းမျဉ်းများနှင့် နှစ်ဘက် စစ်ဘက်ဆိုင်ရာကျင့်ဝတ်များ သတ်မှတ် ပြီးနောက် လူထုအခြေပြုအဖွဲ့များနှင့် နိုင်ငံတကာလေ့လာသူများပါဝင်လာချိန်တွင် ၇၅ ရာခိုင်နှုန်း စိတ်ချရမည်ဟု ဆိုသည်။ ၁၀၀ ရာခိုင်နှုန်း စိတ်ချနိုင်ရမည့် အချိန်သည် နိုင်ငံရေးဆွေးနွေး ပွဲများ ပြုလုပ်ပြီး နှစ်ဘက်သဘောတူညီမှုများရချိန်ဖြစ်သည်ဟု RCSS မှ အကြံပေး ခွန်ဆေကျိုင်ယင်က မြန်မာ့သတင်းစဉ်အား ဖြေကြားထားသည်။

JMC အစည်းအဝေးအား အောက်တိုဘာ ၃၀၊ ၃၁ တို့တွင် ဆက်လက်ကျင်းပကြရန်လျာထားသည်။

မြ၀တီခရိုင် ကျေးရွာတွေမှာ ပယ်မဲ မဖြစ်စေရေးအတွက် လေ့ကျင့်ပေး


နိုင်ငံခြားမှာ ထူးခြားတဲ့ အလုပ်မျိုး သွားလုပ်သူ

အေးမွန်ရာပြည့်


နိုင်ငံခြားမှာ မြန်မာတွေ အလုပ်သွားလုပ်ကြတာ အလုပ်အကိုင်အမျိုးစုံ ရှိပါတယ်။ ဆရာဝန် ၊အင်ဂျင်နီယာ၊ စာရင်းအင်း ပညာရှင်က အစ အိမ်ဖော်အထိ အမျိုးစုံပါပဲ။ ဒါပေမယ့် ဘယ်သူမှ တွေးထင်ကြည့်မိမှာ မဟုတ်တဲ့ အလုပ်မျိုးကို လုပ်ခဲ့သူ တယောက်နဲ့ တွေ့ခဲ့ရပါတယ်။ အနာကြီးရောဂါသည်တွေ အများစုနေထိုင်တဲ့ မတ္တရာမြို့နယ် နံ့သာမြိုင်ကျေးရွာမှာ သူ့ကို တွေ့ရတာပါ။

ခြံဝင်းထဲက ကွပ်ပျစ်လေးတခုပေါ်မှာ ထိုင်ပြီး အမျိုးသားကြီးတယောက်က ရေဒီယိုနီနီရဲရဲအသေးစားလေးတခုကို လိုင်း ရှာရင်း လျှောက်ကလိနေတယ်။ တကိုယ်လုံးမှာ အထူးခြားဆုံးကတော့ တခေါင်းလုံးက သူ့ဆံပင်တွေ ဖြူဖွေးနေတာပဲ။ ဖြတ်သန်းလာခဲ့တဲ့ သက်တမ်းတလျှောက်လုံး ဘယ်လောက် ခက်ခက်ခဲခဲ ရုန်းကန်လှုပ်ရှားခဲ့ရသလဲဆိုတာ သက်သေပြ နေသယောင်။ မျက်နှာကတော့ ကြည်နေတယ်။ လောဘ ဒေါသမာန် မာနတွေ တော်တော်နည်းနေတဲ့မျက်နှာ အေးပြီး ကြည်နေတယ်။ သူက အသက်၇၀ရှိပြီဖြစ်တဲ့ ဦးကျော်ရင်(အမည်လွှဲ) ပါ။

ဦးကျော်ရင်ရဲ့ပုံစံကို ရုတ်တရက်ကြည့်ရင် ဘ၀ကို အေးအေးသာသာလေး ဖြတ်သန်းခဲ့ရတယ်လို့ ထင်စရာပါ။ ဒါပေမယ့် တကယ့်တကယ် သူဖြတ်သန်းလာခဲ့ရတဲ့ ဘ၀တခုလုံးကို ခြုံကြည့်မယ်ဆိုရင်တော့ အရမ်းကို ပင်ပန်းဆင်းရဲလွန်းလှပါ တယ်။ ရုန်းကန်ခဲ့ရတယ်။ သာမာန်လူကောင်းတယောက်အတွက် တဆ ရုန်းကန်ရရင် ဦးကျော်ရင်ဟာ နှစ်ဆရုန်းကန်ခဲ့ရ တယ်။ ပိုပင်ပန်းခဲ့ရတယ်။ ဘာလို့လဲဆိုတော့ ဦးကျော်ရင်ဟာ ဆင်းရဲနွမ်းပါးသူဖြစ်တဲ့အပြင် လူအများရဲ့ရှောင်ဖယ်ခြင်းကို ခံကြရတတ်တဲ့ အနာကြီးရောဂါသည်တယောက်လည်း ဖြစ်နေလို့ပါပဲ။ သူများတွေအတွက် အပူတပူဆိုရင် သူ့မှာ အပူနှစ်ပူ ကို တပြိုင်နက်တည်း ရင်ဆိုင်ဖြေရှင်းခဲ့ရပါတယ်။

ဦးကျော်ရင်ရဲ့ဘ၀အတွေ့အကြုံတွေမှာ စံနမူနာ ယူချင်စရာတွေနဲ့ ပြည့်နေပါတယ်။

ဘ၀ရပ်တည်ရေးအတွက် အနာကြီးရောဂါဖြစ်နေရင်းတောင် ဆိုက်ကားနင်း၊ အုတ်သယ်၊ သဲထမ်းတာတွေ လုပ်ခဲ့သလို နိုင်ငံရပ်ခြားတွေအထိကို သွားရောက်ပြီး တောင်းရမ်းတာတွေလည်း လုပ်ခဲ့ရပါတယ်။ ဦးကျော်ရင်ကို မန္တလေးမြို့ မင်းတဲ အီကင်းရပ်မှာ မွေးပါတယ်။ ဒုတိယကမ္ဘာစစ်ဖြစ်တဲ့အချိန်မှာတော့ သူ့အဖေရဲ့ ရွာဖြစ်တဲ့ မိတ္ထီလာဘက်ကို ရွှေ့ပြောင်း နေ ထိုင်ခဲ့ရတယ်။

အဲဒီမှာ မိဘတွေရဲ့ နှမ်းစိုက် တောင်သူအလုပ် ကူလုပ်ပေးရာကနေ လက်ကို တံစဉ် ရှတယ်။ ဒီက ပိုးဝင်ရာက အနာ ကြီးရောဂါစဖြစ်ခဲ့တယ်လို့ သူက ယူဆတယ်။ သူ့အသက် (၇)နှစ်သားအရွယ်မှာ မျက်နှာပေါ်မှာ အဖြူကွက်လေး ပေါ် လာတယ်။ အဲဒီအဖြူကွက်လေးကို ရွာက ဘကြီး ဘုန်းကြီးက စုတ်ထိုးပေးတယ်။ မျက်စိတွေ၊ ပါးတွေ၊ နှုတ်ခမ်းတွေက အကြောတွေ ကလာပ်စည်းတွေ သေပြီး ပျက်စီးကုန်ခဲ့တာ။ ခုချိန်ထိပဲ။ သူရဲ့မျက်နှာကိုကြည့်လိုက်တော့ ညာဘက်မျက် လုံး၊ ပါးနဲ့ နှုတ်ခမ်းတွေဟာ တမျိုးပဲ။ ပုံမှန် လူကောင်းနဲ့ မတူဘူး။ အကြောတခုခု ထိထားသလို ဖြစ်နေပါတယ်။

နောက်ပိုင်း ၁၁နှစ်သားအရွယ်မှာ မန္တလေးကို သူပြန်လာတယ်။ ဒီပုံအတိုင်း မန္တလေးမှာ နေလာရင်းကနေ ရောဂါ အခြေ အနေဟာ တဖြည်းဖြည်း ဆိုးလာတာကြောင့် ၆၂လမ်းနဲ့ ၃၅လမ်းထောင့်ဝန်းကျင် တ၀ိုက်က ခရစ်ယာန် သီလရှင်တွေ ဦးစီးတဲ့ စိန်ဂျွန်းအနာကြီးရောဂါဆေးရုံကို တက်တယ်။ ဆေးရုံတက်ရင်း ဆေးရုံဝန်းကျင်က အနာကြီးရောဂါသည်တွေ စုနေတဲ့ ရပ်ကွက်တွေမှာပဲ ပြောင်းရွှေ့နေထိုင်ခဲ့ပြန်တယ်။

အဲဒီတုန်းက အနာကြီးရောဂါဆေးရုံဝန်းကျင်မှာ အကောက်တဲ၊ ဆိတ်သဲကုန်း၊ နဂါး၊ ဥယျာဉ်တန်း၊ ၀က္စလီ ရပ်ကွက် ဆိုပြီး အနာကြီး ရောဂါသည်တွေ စုပေါင်းနေထိုင်ကြတဲ့ ရပ်ကွက်ကြီး ၅ ခုရှိခဲ့တာပါ။ ဒါပေမယ့် ဆေးရုံမှာ နှစ်နှစ်တက်ပြီးနောက် မှာ သူ့ဘ၀ကြီးကို သူအားမရတော့ဘူး။

ဘာမှ တက်လမ်းလည်းမရှိဘူးဆိုပြီး ဆေးရုံက ဆင်းတယ်။ အုတ်ကား၊ သဲကားတွေမှာ အလုပ်ဝင်လုပ်တယ်၊ ဆိုက်ကား နင်းတယ်။ ရသမျှနည်းနဲ့ ငွေရှာတယ်။ အဲဒီတုန်းကတော့ ရောဂါ သိပ်မဆိုးသေးခင် အချိန်တွေပေါ့။ ဘယ်လက်လက်နဲ့ ဘယ်ခြေချောင်းလေးတွေ ပြတ်တာတွေ ဖြစ်လာတဲ့အထိ ရောဂါက တဖြည်းဖြည်း ဆိုးလာပြီး နောက်ပိုင်းမှာတော့ ခြေ ထောက်ကို ရှူးဖိနပ်စီး၊ လက်ကို အ၀တ်လေးနဲ့ အုပ်ပြီး ဆိုက်ကားနင်းတယ်။ စက်ဘီးနဲ့ လမ်းတကာ လျှောက်သွားပြီး အထည်ရောင်းတယ်။

အဲဒီလိုတွေ လုပ်ပြီး ငွေလေးစုမိဆောင်းမိ ရှိလာတဲ့ နောက်ပိုင်းမှာတော့ အိမ်မှာပဲ အရက်ပုန်းချက်တော့တယ်။ ဦးကျော်ရင် တို့စုနေကြတဲ့ ရပ်ကွက်က ရောဂါသည်အများစုဟာ သာမာန်လူကောင်းတွေလို အလုပ်လုပ်နိုင်စွမ်း မရှိတာကြောင့် တောင်းရမ်းစားသောက်ပြီးမှ ရတဲ့ငွေနဲ့သာ ဘ၀ရပ်တည်နေကြရတယ်။ တောင်းရမ်းတာအပြင် သူတို့ လုပ်နိုင်တဲ့အလုပ် တခုကတော့ အရက်ချက်တာပေါ့။ သူတို့အိမ်တွေထဲမှာ အရက်ချက်ကြပြီး မြို့ထဲက အရက်ဆိုင်တွေကို သွားပို့ ကြရတာ ပါ။

နောက်ပိုင်း ၁၉၉၀ခုနှစ် မန္တလေးတိုင်းမှူး ဗိုလ်ချုပ်ထွန်းကြည် လက်ထက်မှာတော့ ဒီအနာကြီးရပ်ကွက်တွေဟာ မန္တလေး မြို့ကြီးရဲ့ဂုဏ်သိက္ခာကို ထိခိုက်စေတယ်၊ ယုတ်လျော့စေတယ်ဆိုပြီး မတ္တရာမြို့နယ်ထဲက နံ့သာမြိုင်စခန်းကို ပြောင်းရွေ့ ပစ်ခဲ့တယ်။ နံ့သာမြိုင်စခန်းမှာ လူနာတဦးအတွက် ခြံဝိုင်းတ၀ိုင်းနဲ့ စိုက်ပျိုးဖို့ မြေတဧကစီ ပေးပြီး ပြောင်းရွှေ့စေခဲ့တာပါ။ အဲဒီတုန်းက နံ့သာမြိုင်စခန်းကို ပြောင်းရွှေ့ခဲ့တဲ့ အိမ်ထောင်စုပေါင်းက ၄၅၀ ကျော် ပါတယ်။ စခန်းနေရာဟာ ငှက်ဖျား ပေါ တာကြောင့် ပြောင်းရွှေ့ခါစ ပထမနှစ်မှာပဲ ငှက်ဖျားမိပြီး လူတွေ ဆုံးကြတာ အများကြီးပဲ။ ငှက်ဖျားမိတဲ့အထဲ ဦးကျော်ရင် ကတော့ မပါခဲ့ပါဘူး။

အနာကြီးရောဂါသည်တွေရဲ့ မူလလက်ရင်း နေထိုင်ခဲ့တဲ့နေရာတွေကိုတော့ မြို့မြေကွက်ရိုက်ပြီး ခွဲဝေတယ်။ ယခု အချိန်မှာ တော့ အဲဒီနေရာ မြေတကွက်ဟာ သိန်းပေါင်းသောင်းချီပြီး တန်ကြေးဖြစ်နေပါပြီ။

ဦးကျော်ရင်က ရေနံ့သာနံ့သာမြိုင်စခန်းမှာပဲနေရင်း နိုင်ငံခြားကိုလည်း ထွက်ပြီး စီးပွားရှာ (တောင်းရမ်း) ခဲ့ဖူးတယ်။ ရေနံ့ သာ စခန်းကနေ နိုင်ငံခြားကို သွားရောက် စီးပွားရှာသူတွေ အယောက်သုံးဆယ်ကျော် လေးဆယ်နီးပါးရှိပါတယ်။

ဦးကျော်ရင်က သူ့ဘ၀မှာ အမှတ်တရ အရှိဆုံးအချိန်တွေကတော့ နိုင်ငံခြားကိုထွက်ပြီး တောင်းရမ်းခဲ့ရတဲ့ အချိန်တွေပါပဲ လို့ လက်ထဲက ရေဒီယိုလေးကို ဟိုပွတ်ဒီပွတ်လုပ်ပြီး ပြောတယ်။

ဦးကျော်ရင်ပြောတဲ့ နိုင်ငံခြားဆိုတာကတော့ မြန်မာပြည်နဲ့ နယ်မြေချင်း ထိစပ်နေတဲ့ ယိုးဒယားနိုင်ငံတို့၊ တရုတ်နိုင်ငံတို့ ဘက်ကိုပါ။ ဦးကျော်ရင် နောက်ဆုံးအကြိမ်သွားခဲ့တာကတော့ လွန်ခဲ့တဲ့ သုံးနှစ်လောက်ကပါ။ ဦးကျော်ရင် နေထိုင်နေတဲ့ နံ့သာမြိုင်ရွာကနေ နိုင်ငံခြားကို ထွက်ပြီး တောင်းရမ်းရှာဖွေစားသောက်ကြသူ ပမာဏဟာ ပျမ်းမျှ အယောက်၃၀ လောက်ရှိ တယ်။ မိုးကုန်လို့ ဆောင်းဦး အ၀င်က သွားလိုက်ရင် နောက်နှစ်မိုးဦးအစမှ ပြန်လာကြတော့တာပါပဲ။ မိုးရာသီကိုတော့ ရွာ မှာပဲ အေးအေးဆေးဆေး နေထိုင်ဖြတ်သန်းလေ့ရှိကြတယ်။

သွားပြီဆိုရင် ကားနဲ့ လေယာဉ်နဲ့ သွားကြတယ်။ အဲဒီလို ခရီးသွားနေတုန်းမှာတော့ အ၀တ်အစားကောင်းတွေ ၀တ်ရတာ ပေါ့။ ဖုံးသင့်တာတွေ ဖုံးဖိရတယ်။ သားသမီး၊ မိတ်ဆွေ လူကောင်းတွေနဲ့ အသာလေးရော လိုက်သွားကြရတယ်။ ခရီးစရိတ် တွေက တခေါက်ခေါက်ဆိုရင် သိန်းချီကုန်တယ်။ ဒါပေမယ့်လည်း ဟိုမှာပြန်ရတာနဲ့ ယှဉ်လိုက်တော့လည်း ဘာမှမဟုတ် တော့ပြန်ဘူး။ သူတို့စကားနဲ့ပြောရရင်တော့ တွက်ခြေကိုက်တယ်။ စုမိဆောင်းမိကြတယ်။ နိုင်ငံခြားကို ထွက်ရှာကြပေမယ့် လည်း ဦးကျော်ရင်လို စုမိဆောင်းမိသူကတော့ တော်တော့်ကို နည်းမယ်။ တချို့က နိုင်ငံခြားကို ထွက်ရှာကြတယ်။ ဒါပေ မယ့်လည်း ဟိုမှာ အပျော်အပါးလောင်းကစားတွေလုပ်ပြီး ငွေတွေ သိပ်မစုမိကြဘူး။ စုမိရင်လည်း အနည်းအကျည်း လောက် သာစုမိတယ်။ ဦးကျော်ရင်ကတော့ မဟုတ်ဘူး။ ရသလောက်ရှာတယ်။ ကျစ်နေအောင်စုတယ်။ လှူသင့်တာ လှူ တယ်။

သူထွက်ခဲ့တဲ့ နိုင်ငံခြားခရီးစဉ်တွေထဲမှာ မှတ်မှတ်ရရ အဖြစ်ဆုံးကတော့ လွန်ခဲ့တဲ့သုံးနှစ်လောက်က သွားခဲ့တဲ့ ယိုးဒယား ခရီးစဉ်ပါတဲ့။

အဲ့ဒီအချိန်က ဦးကျော်ရင်ဟာ အိမ်တွင်းရေး အဆင်မပြေမှုတွေကြောင့် တခြားမိတ်ဆွေတွေနဲ့အတူ ယိုးဒယားဘက်ကို သွားခဲ့တယ်။ တံတားဦးလေဆိပ်ကနေ တဆင့် တာချီလိတ်ကို လေယာဉ်ပျံနဲ့သွားတယ်။ “လူတွေမှာ အ၀တ်အစားက အဓိကပဲ။ ကောင်းကောင်းမွန်မွန်ဝတ်သွားတော့ လေးစားသမှုတောင် ပြုခံရသေးတယ်။ တရားကျဖို့လည်း ကောင်းပါတယ် ”လို့ ဦးကျော်ရင်က တချက်ရယ်လိုက်ရင်း ပြောတယ်။ ဒါပေမယ့် သူ့ရယ်သံထဲမှာ နာကြည်းသံ နည်းနည်းစွက်နေတာသိ သာတယ်။

တာချီလိတ်က တဆင့် ယိုးဒယားဘက်ကို ၀င်တယ်။ တခါတလေ တာချီလိတ်ဘက်မှာလည်း အလုပ်ဖြစ်တယ်။ ဟိုဘက်နဲ့ ဒီဘက်ကို ကူးလိုက်သန်းလိုက် လုပ်ပြီးတောင်းရမ်းတယ်။ အဲဒီမှာ ဦးကျော်ရင်တို့လို ဘ၀တူတွေကလည်း အများကြီးပဲ။ သူတို့တွေနေဖို့အတွက် မိုးကာရွက်ဖျင်တဲအိမ်လေးတွေ လပေးငှားကြရတယ်။ ထမင်းကိုလည်း လပေးစားကြရတယ်။ ဒါကြောင့် နေရေးစားရေးက အခက်အခဲမရှိပါဘူး။ “ဒါပေမယ့် တောင်းရမ်းတဲ့အခါမှာတော့ ယူနီဖောင်းလဲရတာပေါ့” လို့ တချက်ရယ်လိုက်ရင်း ပြောပြန်တယ်။ ဒီတခါမှာတော့ စိတ်လိုလက်ရ ပွင့်ပွင့်လင်းလင်းရယ်တာပါ။ အခုလို အတွေ့အကြုံ တွေ ပြန်ပြောပြရတာကိုလည်း တက်ကြွနေတယ်။

ဒီခရီးစဉ်မှာ ၇ လကြာအောင် နေခဲ့တယ်။ ၇လအတွင်း ငွေကျပ်သိန်းခြောက်ဆယ်ကျော် စုဆောင်းနိုင်မိခဲ့တယ်။ လူတွေ ကတော့ လက်ဖက်ရည်ဖိုးလေး၊ မုန့်ဖိုးလေးလောက်သာ ပေးကမ်းကြပေမယ့် မြန်မာငွေနဲ့ ပြန်တွက်လိုက်တော့ အများကြီး ဖြစ်သွားတာကြောင့်ပါ။ ဒါပေမယ့်လည်း ဒီလို လပိုင်းလေးအတွင်းမှာ အခုလို ငွေများစွာ စုမိဖို့ကတော့ မလွယ်လှပါဘူး။ သူက တော်လို့သာ အခုလို စုနိုင်ဆောင်းနိုင်တာ ဖြစ်တယ်လို့ ဦးကျော်ရင်က ၀င့်ဝင့်ကြွားကြွားကြီး ပြောတယ်။

သူသွားခဲ့တဲ့နေရာတွေက ပိုက်ဆံတွေ အများကြီးရသလို ပိုက်ဆံကုန်ပေါက်၊ အပျော်အပါးတွေကလည်း များလွန်းလှတဲ့ နေရာတွေပါ။ မိန်းမကိစ္စ၊ လောင်းကစားကိစ္စတွေကြောင့်လည်း သူရဲ့လုပ်ဖော်ကိုင်ဖက်တယောက်ဆို ငွေမစုမိခဲ့ပါဘူးတဲ့။ အ၀တ်အစားကောင်းကောင်းဝတ်လိုက်ရင် ဘယ်ကိုသွားသွား ပျော်လို့ရတာကြောင့်ပါ။

သူစုဆောင်းလာခဲ့တဲ့ ငွေသိန်းခြောက်ဆယ်ထဲမှာ လှူတာတန်းတာတွေ မပါသေးပါဘူး။ သူအလုပ်လုပ်နေရင်း တာချီ လိတ်ဘက်မှာ တရားပွဲတခုနဲ့ ကြုံကြိုက်လို့ အလှူဖလားထဲကို ဘတ်သုံးထောင် (ငွေကျပ်တသိန်းခန့်) လှူခဲ့တယ်။ တရားနာပရိ သတ်တွေကို အကြောလိမ်းဆေးတဘူးဆီ ကမ်းနိုင်ခဲ့တယ်။ အလှူခံဖြတ်ပိုင်းရေးတဲ့အခါ လှူဒါန်းသူ အမည်နေရာမှာတော့ သူ့နာမည်အစား သူ့ကို ပေးကမ်းခဲ့ကြတဲ့ ကျေးဇူးရှင်တွေ ဆိုပြီး ရေးထိုးခိုင်းခဲ့ပါတယ်။ အလှူငွေ လက်ခံတဲ့သူတွေက သူ့ကို အရမ်းချီးကျူးသွားကြပြီး ‘အဘ. အဘ’ နဲ့ကို ဖြစ်သွားကြတာပဲတဲ့။ သူ့ကို ကြည့်ရတာ တော်တော်ပီတိဖြစ်နေပြီး ကိုယ်ပါ တက်ကြွလာသလို ခံစားရတယ်။ သူ့စကားသံတွေကလည်း အာပေါင်အာရင်းသန်သန်နဲ့ တဖြည်းဖြည်း တက်ကြွ လာတယ်။

အခုချိန်မှာတော့ ဦးကျော်ရင်ဟာ အသက်၇၀ကျော်လာပါပြီ။ သားသမီးတွေ အားလုံးကလည်း အဝေးမှာ အခြေကျ နေကြပြီ။ သူတယောက်တည်းပဲ တရားလေးနာလိုက်၊ ရေဒီယိုလေးနားထောင်လိုက်နဲ့ ဘ၀ကို အေးအေးဆေးဆေးဖြတ် သန်းနေပြီ။ ဒီလို အေးအေးဆေးဆေး ဖြတ်သန်းနေရတဲ့အချိန်ကလည်း တကယ်တော့ သိပ်မကြာလှသေးပါဘူး။ သူ့ဘ၀ မှာ ဆင်းဆင်းရဲရဲ ရုန်းကန်ခဲ့ရတာတွေကလည်း အများသားကိုး။ ဒီနေ့အချိန်ထိ သူ့ကို ပေးကမ်းတဲ့သူတွေ အကုန်လုံးကို “အဘ လိုအင် ဆန္ဒ ပြည့်သလို သူတို့လည်း လိုအင်ဆန္ဒ ပြည့်ပါစေဆိုပြီး” နေ့စဉ် မေတ္တာပို့ပေးနေဆဲပါတဲ့။

အခုချိန်မှာဆိုရင် ဦးကျော်ရင်ဟာ ဘ၀တလျှောက်ကြုံတွေ့ရတဲ့ အခက်အခဲအတားဆီးတွေကို အေးအေးသက်သာပဲ အောင်အောင်မြင်မြင် ဖြတ်သန်းနိုင်ခဲ့ပါပြီ။ လက်ရှိအနေအထားမှာ သူ့ဘ၀ဟာ တော်တော့်ကို တည်ငြိမ်အေးဆေးနေပါပြီ။

ဟင်္သာတမြို့ပေါ် စစ်တပ်တွင်း မဲပေးနိုင်သူရဲ့ သုံးပုံတပုံ ကြိုတင်မဲ ပေးမည်


ဓါးခုတ်ခံရသည့် NLDအမတ်လောင်း အသက်အန္တရာယ် စိုးရိမ်စရာမရှိဟု ဆရာဝန် အတည်ပြု

မဇ္ဈိမ

မဲဆွယ်စည်းရုံးစဉ် ဓါးဖြင့်ခုတ်ခံရသည့် အမျိုးသားဒီမိုကရေစီအဖွဲ့ချုပ်ပါတီ၏ အမတ်လောင်း ဦးနိုင်ငံလင်းမှာ ရန်ကုန်ဆေးရုံကြီးတွင် ခွဲစိတ်မှုအောင်မြင်ပြီး အသက်အန္တရာယ်စိုးရိမ်စရာ လုံးဝမရှိဟု ဒေါက်တာ တင်မျိုးဝင်းက ခွဲစိတ်မှုအပြီး အတည်ပြု ပြောကြားသည်။

“အသက်အန္တရာယ် လုံးဝမရှိပါဘူး။ ကောင်းတယ်ပဲ ပြောရမှာပေါ့။ ဦးနှောက်ထဲမှာ သွေးယိုတာတို့ လုံးဝမရှိဘူး။ သွေးထွက်လွန်တာတို့၊ အရေးကြီးတဲ့ အစိတ်အပိုင်းလည်း ထိတာ မတွေ့ရဘူး။ ခွဲစိတ်မှုအောင်မြင်တယ်လို့ ပြောလို့ရပါတယ်” ဟု ဒေါက်တာ တင်မျိုးဝင်းက ပြောသည်။

NLDပါတီ၏ တိုင်းလွှတ်တော်အမတ်လောင်း ဦးနိုင်ငံလင်းအပါအဝင် ပါတီဝင် သုံးဦးမှာ အောက်တိုဘာ ၂၉ရက်၊ ည ၉နာရီက သာကေတမြို့နယ်ရှိ မန်ပြေ(၈)လမ်းတွင် ဓါးဖြင့် တိုက်ခိုက်ခံရပြီး ရန်ကုန်ဆေးရုံကြီးတွင် ဆေးကုသမှု ခံယူနေရခြင်းဖြစ်ပြီး ဦးနိုင်ငံလင်းမှာ ဦးခေါင်း၊ လက်နှစ်ဖက်နှင့် နဖူးတို့တွင် ဓါးဒဏ်ရာ ရရှိခဲ့ခြင်းဖြစ်သည်။ ဒဏ်ရာရရှိသူများအနက် ဦးနိုင်ငံလင်းမှာ အပြင်းထန်ဆုံး ဒဏ်ရာရရှိခဲ့သူ ဖြစ်သည်။

ထားဝယ်တွင် မလုံခြုံသည့် ကြိုတင်မဲပုံများကို ပြင်ဆင်

DVB


ထားဝယ်မြို့မှာ အောက်တိုဘာ ၂၉ ရက်နေ့က ခရီးသွားဖို့ရှိတဲ့ ၀န်ထမ်းတွေ ကြိုတင်မဲပေးတဲ့နေရာမှာ ရပ်ကျေးကော်မရှင်ရုံးတွေရဲ့ မဲပုံးအနေအထား မလုံခြုံတဲ့အတွက် ကော်မရှင်က ပြန်လည်ပြင်ဆင်မှုတွေ ပြုလုပ်ခဲ့ပါတယ်။

ကြိုတင်မဲပုံး လုံခြုံမှုမရှိကြောင်း မဲရုံစောင့်ကြည့်လေ့လာရေးအဖွဲ့တွေက တင်ပြလာတာကြောင့် အောက်တိုဘာ ၁၉ ရက် ညနေ ၃ နာရီမှာ မြို့နယ်ရွေးကောက်ပွဲကော်မရှင် ဥက္ကဋ္ဌ ဦးစိုးလွင်နဲ့ ပါတီတွေက ကိုယ်စားလှယ်လောင်းတွေ၊ ရွေးကောက်ပွဲလေ့လာစောင့်ကြည့်နေတဲ့ အီးယူအဖွဲ့က တာဝန်ရှိသူတွေ တွေ့ဆုံပြီး ပြင်ဆင်ခဲ့ကြတာပါ။

ဒါကြောင့် အောက်တိုဘာ ၂၉ ရက်နေ့က ကြိုတင်မဲမပေးဖြစ်တော့ဘဲ ဒီနေ့မှာတော့ ခရီးသွားဖို့ရှိတဲ့ ၀န်ထမ်းတွေ ကြိုတင်မဲ စပေးနေကြပြီ ဖြစ်ပါတယ်။

တနင်္သာရီတိုင်းဒေသကြီးမှာ တပ်မတော်သားမဲဆန္ဒရှင် ၂၈၅၀ အပါဝင် မဲဆန္ဒရှင် ၁၀၇၈၀၁ ဦး ရှိပြီး မဲရုံပေါင်း ၁၁၇၀ ရှိတယ်လို့ သိရပါတယ်။

ရွေးကောက်ပွဲကော်မရှင်က တိုင်းနဲ့ပြည်နယ် မြို့နယ်တွေဆီကို ဖြန့်ဖြူးပေးလိုက်တဲ့ ကြိုတင်မဲပုံးတွေဟာ လုံခြုံမှုမရှိတဲ့အတွက် မဲမသမာမှုတွေဖြစ်မှာကို စိုးရိမ်ပူပန်နေကြပါတယ်။

ယနေ့ မြန်မာ့ရေးရာသတင်းများ October,31st,2015

( 20 )ဗကသကျောင်းသားခေါင်းဆောင် ကိုကျော်ကိုကို ကို ဖမ်းဆီး ၊ နောက်တစ်ဦးကို ဖမ်းဝရမ်းထုတ်

( 19 )Myanmar student leader arrested after months on the run

( 18 )ယင်းမာပင်မြို့နယ်တွင် ကြိုတင်မဲ စတင်ပေ

( 17 )Khun Tun Oo: ‘I Have No More Faith in the Election Commission’

( 16 )မဲဆွယ်ပွဲမှာ အစိုးရပိုင်ကား အသုံးပြုမှု ကြံ့ခိုင်ဖွံ့ဖြိုးရေးပါတီကို အန်အယ်လ်ဒီ တိုင်ကြား

( 15 )Security concerns for Myanmar Aung San Suu Kyi as campaign attacked

( 14 )မြိတ်နှင့် ကျွန်းစုမှ ရေလုပ်သားများ မဲပေးခွင့် ဆုံးရှုံး

( 13 )The soundtrack to Myanmar's election campaign

( 12 )အစိုးရပိုင်ပစ္စည်း မသုံးစွဲဖို့ ကိုယ်စားလှယ်လောင်းတွေကို ညွှန်ကြားထားကြောင်း ဦးဌေးဦး ပြောကြား

( 11 )Siam Makro eager to open first store in Myanmar

( 10 )ရန်ကုန်နဲ့ နေပြည်တော်မှာ ကြိုတင်မဲ စတင်ပေး

( 9 )Student Leader Kyaw Ko Ko Arrested After Months in Hiding

( 8 )အစိုးရနှင့်အပစ်ရပ် ၈ ဖွဲ့ ပစ်ခတ်တိုက်ခိုက်မှု ပူးတွဲစောင့်ကြည့်ရေးကော်မတီ အစည်းအဝေးစတင်

( 7 )As Poll Nears, Open-for-Business Burma Struggles for Global Foothold

( 6 )ဒေါ်အောင်ဆန်းစုကြည် ရန်ကုန်ဟောပြောပွဲ သုဝဏ္ဏမြို့ဦးစေတီကွင်းမှာ ကျင်းပမည်

( 5 )Burma’s media fixate on ‘Mother Suu’

( 4 )ရှမ်းပြည်တပ်မတော်မြောက်ပိုင်း ဌာနချုပ်ကို အစိုးရတပ် လက်နက်ကြီးဖြင့် ပစ်ခတ်

( 3 )Myanmar opposition party members attacked in Yangon

( 2 )လူမျိုးတုံး သုတ်သင်သတ်ဖြတ်မှု စုံစမ်းဖော်ထုတ်ပေးဖို့ တောင်းဆို

( 1 )Myanmar media stack the deck for "Mother" Suu Kyi ahead of polls

Friday, October 30, 2015

ဂျပန် ဟီတာချီက ပြည်တွင်းတွင် ဓာတ်လှေကား တပ်ဆင်ခြင်းလုပ်ငန်းများ တိုးချဲ့လုပ်ဆောင်မည်

အောင်သူရ

ဂျပန်နိုင်ငံ ဟီတာချီကုမ္ပဏီက ဓာတ်လှေကားနဲ့ စက်လှေကား တပ်ဆင်ခြင်း လုပ်ငန်းတွေကို မြန်မာနိုင်ငံမှာ တိုးချဲ့လုပ်ကိုင် သွားမှာဖြစ်တယ်လို့ ဟီတာချီရဲ့ တာဝန်ရှိသူတွေက အောက်တိုဘာလ နောက်ဆုံးပတ်ထဲမှာပြောဆိုလိုက်ပါတယ်။တစ်ဘက်မှာကလည်း ပြည်တွင်း ဈေးကွက်ထဲမှာ ၀င်ရောက်နေပြီးသား ဥရောပဈေးကွက် ရှိနေတဲ့အတွက် နှစ်အနည်းငယ်ထဲမှာ ကျော်တက်သွားချင်တယ်လို့ ဟီတာချီရဲ့ ဒုတိယ ဥက္ကဋ္ဌနဲ့ အမှုဆောင်အရာရှိချုပ် ဟီရိုရှိဆာတိုက ဆိုပါတယ်။

“ဥရောပ ဈေးကွက်က ဒီမှာရှိနေပြီးသား ဆိုတာ သိထားပါတယ်၊ သူတို့ထက်စာရင် ကျွန်တော်တို့ နောက်ကျ နေမယ်လို့ ပြောလို့ရတယ်ဗျ၊ ဒါပေမယ့် ဒီအချိန်မှာတွေ့ရတဲ့ ဖွံ့ဖြိုးမှုက ပိုပြီးအခွင့်အလမ်းတွေ များမယ်လို့ ထင်တယ်၊ ဒီအခြေအနေကနေ အမှီလိုက်ပြီးကျော်တက်သွားနိုင်ဖို့ ကျွန်တော်တို့ ခြေလှမ်းကြဲကြဲနဲ့ လုပ်ကိုင်သွားမှာပါ” လို့ သူက ပြောပါတယ်။

ပြည်ပ ရင်းနှီးမြှုပ်နှံထားတဲ့ အဆောက်အဦး တွေမှာဆိုရင်လည်း ဟီတာချီရဲ့ ဓာတ်လှေကား အစီးရေပေါင်း ၇၀ လောက်ကို ဒီနှစ်အကုန်မှာ တပ်ဆင်ဖို့လည်း အမှာစာတွေ ရထားတယ်လုို့ ဟီတာချီကပြောပါတယ်။ တစ်နှစ်ကို ဓာတ်လှေကား ယူနစ်ပေါင်း ၁၀၀ လောက် ပြည်တွင်းဈေးကွက်မှာ တပ်ဆင်သွားနိုင်ဖို့ကိုလည်း ဟီတာချီကမျှော်လင့်ထားပါတယ်။

“ကျွန်တော်တို့ရဲ့ လုပ်ငန်းလည်ပတ်မှုတွေကနေ ရှေ့ဘဏ္ဍာနှစ်၊ ဈေးကွက်မှာ အနည်းဆုံး ၁၀ရာခိုင်နှုန်း လောက်တိုးတက်လာဖို့ ကျွန်တော်တို့ မျှော်မှန်းထားတယ်ဗျ။ ဒီနှစ်မှာတော့ ယူနစ်ပေါင်း ၁၀၀ တပ်ဆင်ဖို့ မျှော်မှန်းထားပြီး ဈေးကွက်တိုးတက်မှု ၈ရာခိုင်နှုန်း ပတ်ဝန်းကျင်လောက် ရှိပါတယ်” လို့လည်း Hitachi Elevator ဦးဆောင်ညွှန်ကြားရေးမှူး ကီယိုရှိအဲဂူချီက ပြောပါတယ်။

ဂျာမနီနိုင်ငံအခြေစိုက် Thyssenkrupp (သင်ဆင်ခရု) ကုမ္ပဏီကတော့ မြန်မာ နိုင်ငံမှာ ကုမ္ပဏီရုံးခွဲ ဖွင့်လှစ်ခဲ့တာဟာအချိန် (၂)နှစ်ထဲကိုရောက်လာပါပြီ။ သူတို့ကုမ္ပဏီအနေနဲ့ လက်ရှိမှာတော့ ဓာတ်လှေကားအစီးရေ (၂၀)လောက်ပဲ တပ်ဆင်နိုင်သေးတယ်လို့ ပြောပါတယ်။ လက်ရှိ မြန်မာနိုင်ငံ ရင်းနှီးမြှုပ်နှံမှုကော် မရှင်ကခွင့်ပြုထားတာက နိုင်ငံခြား ကုမ္ပဏီတွေအဖို့ အကန့်အသတ်တေ ရှိနေတယ်လို့ Thyssenkrupp (သင်ဆင်ခရု)ရဲ့ မြန်မာပြည်ဆိုင်ရာမန်နေဂျာကပြောပါတယ်။

“အခုလက်ရှိ အချိန်ကအားမရသေးဘူး၊ တိုးတက်မှုက နှေးကွေးနေတယ်၊ ကျွန်တော်တို့ရတဲ့ ဆိုဒ်တွေက အရွယ်အစား သေးငယ်နေတယ်။ ThyssenKrupp (သင်ဆင်ခရု)က အကြီးစား ထုတ်လုပ်ရေးတွေရှိတယ်၊ ဒါပေမယ့် အစိုးရက နိုင်ငံခြား ကုမ္ပဏီတွေကိုကုန်သွယ်ခွင့် မပြုထားတော့ ကျွန်တော်တို့ ကြီးထွားဖို့ အခက်အခဲတွေဖြစ်နေတယ်” လို့ Business Line Manager ဦးဇော်ဝင်းနိုင်က ဆိုပါတယ်။

ကမ္ဘာ့ထိပ်တန်း ဓာတ်လှေကား လုပ်ငန်းပေါင်း ၆ခုထက် မနည်း ပြည်တွင်း စီးပွားဘက်တစ်ချို့နဲ့ ပူးပေါင်း လုပ်ကိုင်နေကြပါတယ်။ ကုမ္ပဏီ ၃ခုလောက်က ဥရောပ နိုင်ငံတွေကဖြစ်ပြီး ကျန်တဲ့ ကုမ္ပဏီတွေကတော့ အာရှနဲ့ အမေရိကန်က ဖြစ်ပါတယ်။

ကြိုတင်​မဲပုံးများ လုံခြုံ​ရေး မင်္ဂလာ​တောင်​ညွန့်​မြို့နယ်​တွင်​ ချိပ်​ပိတ်​စနစ်​ ကျင့်​သုံး

ပိုင်စိုး


လက်​နဲ့အလွယ်​တကူတကူ နှိုက်​လို့ရတယ်​လို့ လူ​ပြောများ​နေတဲ့ ကြိုတင်​မဲပုံး​တွေ လုံခြုံ စိတ်​ချရဖို့အတွက်​ မင်္ဂလာ​တောင်​ညွန့်​မြို့နယ်​၊ သ​ပြေကုန်းရပ်​ကွက်​မှာ ချိပ်​ပိတ်​တံဆိပ်​နှိပ်​ခဲ့ ပါတယ်​။

“လွန်​ခဲ့တဲ့ရက်​​တွေက ​ဖေ့စ်​ဘွတ်ခ်​မှာ ဒါနဲ့ပတ်​သက်​တာ​တွေတက်​လာတယ်​။ လက်​နှိုက်​နိုင်​တယ်​ ဆိုတာမျိုး​ပေါ့။ အဲဒါ​ကြောင့်​ ပါတီ​​တွေက ကိုယ်​စားလှယ်​​တွေ၊ ရပ်​ကွက်​ အ​ထောက်​အကူပြု ​ကော်​မတီ​တွေ​ ခေါ်ပြီး ဘယ်​လိုလုပ်​မလဲတိုင်​ပင်​ကြတယ်​။ ​နောက်​ဆုံး​တော့ ​လက်​ကိုင်​ကလစ်ကို ချိပ်​​လောင်းပြီး ​ကော်​မရှင်​ တံဆိပ်​နှိပ်​လိုက်​တယ်​” လို့ မင်္ဂလာ​တောင်​ညွန့်​မြို့နယ်​၊ သ​ပြေကုန်းရပ်​ကွက်​ အုပ်​ချုပ်​​ရေးမှူး ဦး​ကျော်​ဇင်​ဦးက ဒီဗွီဘီကို ​ပြောပါတယ်​။

ပလတ်​စတစ်​ပုံး​တွေဖြစ်​တဲ့အတွက်​ ​ဘေး​ထောင့်​​တွေကို အလွယ်​တကူ ဟလို့ ရ​နေတာပါ။ ဒါကို ဘယ်​လိုလုံခြုံ​အောင်​ လုပ်​ရမယ်​လို့​တော့ ပြည်​​ထောင်​စု ​ရွေး​ကောက်​ပွဲ​ကော်​မရှင်​က သီးခြားညွှန်​ကြားတာ​တော့ မရှိ​သေးပါဘူး။

“ရပ်​ကွက်​ အုပ်​ချုပ်​​ရေးမှူးက ​ခေါ်ပြီး မဲပုံး​တွေကို ဒီလိုလုပ်​လို့ရတယ်​ ​ပြော​တော့ လန့်​သွားတယ်​။ သူကပဲ ချိပ်​ပိတ်​ဖို့ အကြံ​ပေးတယ်​။ သူ့စိတ်​ကူးကို သ​ဘောကျပြီး ​ကော်​မရှင်​​ရောက်​လာ​တော့ ဒါကိုပဲ အတည်​ပြုလုပ်​ဖြစ်​သွားတယ်​” လို့ အမျိုးသားဒီမိုက​ရေစီအဖွဲ့ချုပ်​ ကိုယ်​စား ရပ်​ကွက်​ကိုယ်​စားလှယ်​အဖြစ်​ တက်​​ရောက်​ခဲ့တဲ့ ​ဒေါ်ရင်​စိန်​က ​ပြောပါတယ်​။ ကြိုတင်​မဲ​တွေကို ​အောက်​တိုဘာ ၂၉ ရက်​က စ​ပေးနေပြီဖြစ်​ပါတယ်​။

Miss International Beauty Pageant 2015 ၏ Miss Internet ဆုအတွက် အွန်လိုင်း မဲပေးမှုတွင် မြန်မာနိုင်ငံမှ အလှမယ် အမရာငြိမ်း မဲအများဆုံးဖြင့် ရပ်တည်

ပန်းမြတ်ဇော်

ဂျပန်နိုင်ငံတွင် ပြုလုပ်လျက် ရှိသည့် Miss International Beauty Pageant 2015 ပြိုင်ပွဲတွင် မြန်မာနိုင်ငံ ကိုယ်စားပြု အဖြစ် ဝင်ရောက် ယှဉ်ပြိုင်နေသည့် အလှမယ် အမရာငြိမ်းသည် Miss Internet ဆုအတွက် အွန်လိုင်း မဲပေးမှုတွင် မဲအများဆုံးဖြင့် ပထမနေရာတွင် ရပ်တည်နေသည်။

Miss International Beauty Pageant 2015 ပြိုင်ပွဲကို ဂျပန်နိုင်ငံတွင် ၅၅ကြိမ်မြောက် ကျင်းပ ပြုလုပ်ခြင်း ဖြစ်ပြီး ယခုနှစ်တွင် မြန်မာနိုင်ငံ ကိုယ်စားပြု အဖြစ် အလှမယ် အမရာငြိမ်း မှ ၀င်ရောက် ယှဉ်ပြိုင်ခြင်း ဖြစ်သည်။

ယခုနှစ် Miss International Beauty Pageant 2015 ပြိုင်ပွဲ တွင် Miss Internet ဆု အတွက် official voting ဆိုပြီး မရှိတော့ပဲ Miss Internet ဆုအတွက် Miss တစ်ယောက်အပေါ် online ဆိုင်ရာ ထည့်သွင်း တွက်ချက် မှုများတွင် အလှမယ် အမရာငြိမ်း ၏ ဖေ့ဘုတ် အကောင့် မှ ပုံတွေ၏ like များ ၊ အမရာငြိမ်း၏ Instragram account မှ ပုံများ၏ like တွေအပြင်၊ လက်ရှိ http://m.listas.20minutos.es/lista/miss-internacional-2015-candidatas-39... link မှ voting ရလာဒ်များကို ထည့်သွင်း တွက်ချက် သွားမည် ဖြစ်သည်။

အလှမယ် အမရာငြိမ်းကို ၎င်း၏ ဖေ့ဘုတ်မှ ပုံများ၊ Instragram account မှ ပုံများတွင် Like ပေးနိုင်ပြီး လက်ရှိတွင် http://m.listas.20minutos.es/lista/miss-internacional-2015-candidatas-39... တွင် အလှမယ်များအား မဲပေးရာတွင် မြန်မာနိုင်ငံမှ အမှတ်အများဆုံးဖြင့် ပထမနေရာတွင် ရပ်တည်နေသည်။ Miss Myanmar International 2015 ဆုရှင် Emerald Nyein သည် Miss International Beauty Pageant 2015 ပြိုင်ပွဲ ၀င်ရောက် ယှဉ်ပြိုင်ရန် အောက်တိုဘာလ ၁၇ ရက် တွင် ဂျပန်နိုင်ငံ တိုကျိုမြို့ သို့  ထွက်ခွာသွားခြင်း ဖြစ်သည်။

လက်ရှိတွင် အလှမယ် အမရာငြိမ်းသည် Miss International Beauty Pageant Organization နှင့်အတူ ပြိုင်ပွဲ နှင့် ပတ်သက်သည့် Activity များကို နိုင်ငံအသီးသီးမှ အလှမယ်များနှင့် အတူ လုပ်ဆောင်လျက်ရှိသည်။ Miss International Beauty Pageant ပြိုင်ပွဲကို ၂၀၁၂ ခုနှစ်တွင် မြန်မာနိုင်ငံမှ အလှမယ် နန်းခင်ဇေယျာ က ပထမဆုံး ၀င်ရောက် ယှဉ်ပြိုင် ခဲ့ပြီး ၊ ၂၀၁၃ ခုနှစ်တွင် အလှမယ် ဂုဏ်ရည်အေးကျော် ၊ ၂၀၁၄ ခုနှစ်တွင် အလှမယ် မေဘရဏီသော် တို့မှ ၀င်ရောက် ယှဉ်ပြိုင် ခဲ့ကြသည်။ Miss International Beauty Pageant 2015 ဖိုင်နယ် ပြိုင်ပွဲကို နိုဝင်ဘာ ၅ရက် တွင် ဂျပန်နိုင်ငံ တိုကျိုမြို့ရှိ Shinagawa Prince Hotel ၌ ကျင်းပမည် ဖြစ်သည်။

ရိုးရာယဉ်ကျေးမှုကို အလေးထားဖော်ထုတ်ပြီး ကရင်လက်နက်ကိုင်အဖွဲ့များ ကရင်နှစ်သစ်ကူး ပူးပေါင်းကျင်းပမည်

စဖန်းရှောင်း

ကရင်အမျိုးသားနှစ်သစ်ကူးပွဲတော်ကို ကရင်လက်နက်ကိုင်အဖွဲ့များက ဦးဆောင်ကာ ယခုနှစ်တွင် ရိုးရာ ယဉ်ကျေးမှုဖော်ထုတ်မှုများကို အလေးထားပြီး ငွေကျပ်သိန်းပေါင်း ၂၅၀၀ ခန့်အနည်းဆုံး ခန့်မှန်းကာ ကရင်ပြည်နယ် မြဝတီမြို့နယ် ရွှေကုက္ကိုလ်မြိုင်ကျေးရွာတွင် ကျင်းပပြုလုပ်သွားမည်ဖြစ်ကြောင်း သိရသည်။

၂၀၁၆ ခုနှစ်၊ ဇန်နဝါရီ ၁၀ ရက်နေ့တွင် ကျရောက်မည့် ၂၇၅၅ခုနှစ်မြောက် ကရင်သစ်ကူးနေ့ ကျင်းပနိုင်ရေး အတွက် ရွှေကုက္ကိုမြိုင်ကျေးရွာတွင် ၂၀၁၅ခု အောက်တိုဘာ၂၅ရက်နေ့က ကျင်းပပြုလုပ်ခဲ့သည့် တတိယအကြိမ် ညှိနှိုင်းအစည်းအဝေအပြီးတွင် ဆုံးဖြတ်ခဲ့ခြင်းဖြစ်သည်။

ပွဲတော်ကျင်းပရေးကော်မတီမှ နာယကတစ်ဦးဖြစ်သူ KNU မှ ပဒိုစောအားတိုးက “ဒီနှစ်မှာတော့ ကရင်ရိုးရာ ယဉ်ကျေးမှု ဓလေ့ထုံးတမ်းတွေကို ဖော်ထုတ်ဖို့ အဓိကထားတယ်။ အဲဒါကြောင့်မို့လို့ အခုနှစ်က ကျပ်ငွေ သိန်း ၂၅၀၀ ကနေ ၅၀၀၀ အထိသုံးစွဲဖို့ ဆုံးဖြတ်ထားတယ်”ဟု ကေအိုင်စီသို့ ပြောသည်။

ကရင်အမျိုးသားနှစ်သစ်ကူးပွဲတော်ကို KNU၊ BGF၊ KNU/KNLA PC၊ DKBA၊ KPF စသည့် လက်နက်ကိုင် အဖွဲ့များနှင့်အတူ နိုင်ငံရေးပါတီ၊ လူမှုအဖွဲ့အစည်း၊ ဘာသာရေးအဖွဲ့အစည်းများနှင့် အလွှာအသီးသီးမှ ပါဝင်ကူညီမည်ဖြစ်ပြီး လိုအပ်သည့် ငွေကြေးစိုက်ထုတ်မှုများကို BGFမှ ဗိုလ်မှူးကြီးစောချစ်သူက တာဝန်ယူသွားမည်ဖြစ်ကြောင်း သိရသည်။

ကရင်အမျိုးသားနှစ်သစ်ကူးပွဲတော်ကို ဇန်နဝါရီ ၄ ရက်နေ့မှ ၁၁ ရက်နေ့အထိ (၈)ရက်တိုင်တိုင်ကျင်း ပသွားမည်ဖြစ်ပြီး ဟောပြောပွဲ၊ ရိုးရာဒုံးအကပြိုင်ပွဲ၊ ရိုးရာဖျော်ဖြေရေးအစီအစဉ်၊ ဘောလုံးပြိုင်ပွဲ၊ ရိုးရာ လက်ဝှေ့စိန်ခေါ်ပွဲ၊ ဇာတ်ဖျော်ဖြေရေးအစီအစဉ်များပါဝင်မည်ဖြစ်ကာ ယခုနှစ်တွင် စစ်ရေးပြ ချီတက်ခြင်း အခမ်းအနားမဟုတ်ပဲ လူထုချီတက်အလေးပြုခြင်းအနေဖြင့်သာ ကျင်းပပြုလုပ်သွားမည် ဖြစ်သည်။

ကရင်အနုပညာအစည်းအရုံး ဥက္ကဌနှင့် ပွဲတော်ကျင်းပရေးအကြံပေးဖြစ်သူ စောသမော့အဲဖောင်က “အခုလို ကရင်လက်နက်ကိုင်အဖွဲ့တွေအားလုံးက လွတ်လွတ်လပ်လပ်နဲ့ စည်းစည်းလုံးလုံးဖြစ်တာမြင်ရတော့ ဝမ်းသာတယ်။ နောက်ပြီး ဒီနှစ်က ကရင်ယဉ်ကျေးမှုဓလေ့တွေကို အများဆုံး ဖော်ထုတ်မယ့်ပွဲလည်း ဖြစ်တဲ့အတွက် အရင်နှစ်တွေထက် ဒီနှစ်က ပိုထူးခြားတယ်”ဟု ကေအိုင်စီသို့ ပြောသည်။

အဆိုပါ ပြုလုပ်သွားမည့် ပွဲတော်တွင် ဧရာဝတီတိုင်းဒေသကြီးမှ ဒုံးအဖွဲ့(၂)အဖွဲ့အပါအ၀င် ဒုံးအဖွဲ့စုစုပေါင်း (၅၀)ခန့် ပါဝင်ယှဉ်ပြိုင်မည်ဖြစ်ပြီး ဆုအနေဖြင့် အဆင့်မြင့် ပြည်နယ်ဒုံးအဆင့် ပထမ ၁၀၀ သိန်း၊ ဒုတိယ ၆၀ သိန်း၊ တတိယ ၄၀ သိန်း၊ အကြီးတန်းအဆင့် ပထမ ၆၀ သိန်း၊ ဒုတိယ ၄၀ သိန်း၊ တတိယ ၃၀ သိန်း၊ အငယ်တန်းအဆင့် ပထမ ၃၀ သိန်း၊ ဒုတိယ ၂၀ သိန်း၊ တတိယ ၁၀ သိန်းနှင့် နှစ်သိမ့်ဆုများကိုလည်း ချီးမြှင့်သွားမည် ဖြစ်သည်။

ထို့အပြင် ကရင်-မြန်မာစတိတ်ရှိုးစင်တင်တေးကဏ္ဍ၊ ဂုဏ်ထူးဆောင်ဆုရပုဂ္ဂိုလ်များ ချီးမြှင့်ခြင်း၊ ထူးချွန်ဆုရ လူငယ်များ ချီးမြှင့်ခြင်း၊ ကရင်ခေါင်းဆောင်များ တွေ့ဆုံဆွေးနွေးရေးအပြင် ကရင်လူငယ်များ နှီးနှောဖလှယ်ပွဲကို တဆက်တည်း ကျင်းပပြုလုပ်သွားမည်ဖြစ်ကြောင်း သိရသည်။

ကရင်လက်နက်ကိုင်အဖွဲ့များ ပူးပေါင်း၍ ကရင်နှစ်သစ်ကူးနေ့ကို ပြီးခဲ့သည့် ၂၀၁၄ ခုနှစ်လည်း မြဝတီမြို့နယ် ရွှေကုက္ကိုလ်မြိုင်ကျေးရွာတွင် ပူးပေါင်းကျင်းပခဲ့ဖူးသည်။

ဖရူဆိုမြို့နယ် ကြိုတင်မဲကောက်ရာတွင် လုံခြုံရေးမရှိ ကိုယ်စားလှယ်လောင်းအားလုံးမပါ

မဇ္ဈိမ/ Kantarawaddy Times

ဖရူဆိုမြို့နယ် ညောင်ဇင်ရပ်ကွက်၌ အောက်တိုဘာ ၂၉ တွင် ကြိုတင်မဲပေးကြရာသို့ လေ့လာ စောင့်ကြည့်ရာတွင် ပါတီကိုယ်စားလှယ်လောင်းများ အားလုံးမပါဝင်ကြောင်း သိရသည်။

မဲလာထည့်ချိန်တွင် လုံခြုံရေးတာဝန်ယူမှုလည်း မရှိခဲ့ကြောင်း ဖရူဆိုမြို့နယ် ပြည်သူ့လွှတ်တော် အမတ်လောင်းထံမှသိရသည်။ ဖရူဆိုမြို့နယ် ပြည်သူ့လွှတ်တော်ကိုယ်စားလှယ်လောင်း ဦးသဲရယ်က “အမှန်က ကြိုတင်မဲ လုပ်မယ်ဆိုရင် ပါတီကိုယ်စားလှယ်အားလုံးကို ဖိတ်ရမယ်။ ခေါ်ရမယ်။ မလာနိုင်ရင်တော့ သူတို့အပိုင်းပေါ့။ အခုက အားလုံးမသိလိုက်ဘူး ဖြစ်နေတယ်။” ဟု ပြောသည်။

ညောင်ဇင်ရပ်ကွက်တွင် အောက်တိုဘာ ၂၉ ရက် ကြိုတင်မဲ ကောက်ခံရာ လေ့လာစောင့်ကြည့်သူ တစ်ဦး၊ မီဒီယာနှင့် ကိုယ်စားလှယ်တချို့သာ လာရောက်ကြည့်ရှုခဲ့ခြင်းဖြစ်သည်။ လုံခြုံရေးတာဝန်ရှိသည့် သက်ဆိုင်ရာ ရဲသို့ ဆက်သွယ်မေးမြန်းရာတွင်လည်း တောခူကျေးရွာသို့ လုံခြုံရေးသွားနေသည်ဟု သိခဲ့ရသည်။

ကြိုတင်မဲကာလတွင် လုံခြုံရေးများအနေဖြင့် မဲကောက်ခံရာ ရပ်ကွက်တိုင်းသို့ လိုက်ပါသင့်ကြောင်း၊ မဲထားရှိရာ နေရာတွင်လည်း ညလုံခြုံရေးပါ ယူရမည်ဖြစ်ကြောင်း ဦးသဲရယ်က ပြောသွားသည်။ ဖရူဆိုမြို့နယ် ညောင်ဇင်ရပ်ကွက်တွင် မဲဆန္ဒရှင် ၆၂၆ ဦးရှိပြီး ကြိုတင်မဲစာရင်းဦးရေ လက်ရှိမဲထည့်သူ ၄ ဦးသာရှိသည်ဟု ညောင်ဇင်ရပ်ကွက် အုပ်ချုပ်ရေးအဖွဲ့ဝင် ဦးစောဝေစတာ က ပြောသည်။

ကြိုတင်မဲပုံးများပေါ်တွင် လုံခြုံရေးကြိုး၊ တိပ်ခွေနှင့် ကပ်ထားသော်လည်း မဲပုံးပေါ်တွင် စည်းတံဆိပ် တစ်ခုရှိရန် လိုအပ်နေသည်ဟု အမျိုးသားတိုးတက်ရေးပါတီ ဖရူဆိုမြိုနယ် မဲဆန္ဒနယ် အမှတ် (၅) အမျိုးသားလွတ်တော် ၀င်ပြိုင်မည့် ဦးလောရင့်ဦးက ပြောသည်။ ဖရူဆိုမြို့နယ်တွင် မဲဆန္ဒရှင် ၁၇၃၈၆ ဦးရှိပြီ ကျေးရွာအုပ်စု ၁၄ အုပ်စုနှင့် မြို့ပေါ်တွင် ၅ ရပ်ကွက် ရှိသည်ကို သိရှိရသည်။

လားရှိုးတွင် ပေါက်ကွဲမှု ဖြစ်ပွား

နန်းမြနဒီ


ရှမ်းပြည်မြောက်ပိုင်း လားရှိုးမြို့မှာ အောက်တိုဘာလ ၂၉ ရက် ည ၇ နာရီ ခွဲလောက်က ပေါက်ကွဲမှု တခုဖြစ်ပွားခဲ့ပါတယ်။

လားရှိုးမြို့ ရပ်ကွက် ၉ နဲ့ အမှတ် ၆၂၆ ထောက်ပို့တပ်ရင်းရုံး အစပ်နားမှာ ပေါက်ကွဲမှု ဖြစ်ပွားခဲ့တာဖြစ်ပြီး ပျက်စီးဆုံးရှုံး မရှိဘူးလို့ လားရှိုးမြို့နယ် ရဲတပ်ဖွဲမှူးရုံး တာဝန်ကျရဲအရာရှိ တဦးက ဒီဗွီဘီကို ပြောပါတယ်။

“မနေ့က ပေါက်ကွဲသံကြားကြားချင်း ကျနော်တို့ရဲတပ်ဖွဲ့ဝင်တွေ သွားပြီးစစ်ဆေးပါတယ်။ ပေါက်ကွဲတဲ့ နေရာမှာ မြေကြီးနည်းနည်းဖွာသွားတာကလွဲလို့ ဘာမှထိခိုက်ပျက်စီးတာ မရှိပါဘူး။ ထိခိုက်ဒဏ်ရာရသူလည်း မရှိပါဘူး။ ပေါက်ကွဲတဲ့နေရာနားမှာ ဘောစိလေးတွေ ပြန့်ကျဲနေတဲ့ အတွက် လက်လုပ်ဗုံးလို့ ယူဆရပါတယ်။”


အခုလို ပေါက်ကွဲမှုဖြစ်ပွားခဲ့ပေမယ့် ဒီကနေ့ လားရှိုးမြို့အခြေအနေကတော့ ပုံမှန်ဘဲလို့ ဆိုပါတယ်။

ဒီပေါက်ကွဲမှုနဲ့ ပတ်သက်ပြီး တရားခံကိုဖော်ထုတ်နိုင်ဖို့ ဆက်လက်စုံစမ်းနေဆဲဘဲဖြစ်ကာ ရဲတပ်ဖွဲ့ရော စစ်တပ်ပါ ပူးပေါင်းပြီးတော့ လားရှိုးမြို့ကို လုံခြုံရေးပေး စောင့်ရှောက်နေတယ်လို့ တာဝန်ကျရဲအရာရှိက ပြောသွားပါတယ်။

ဓါးခုတ်ခံရသည့် NLDအမတ်လောင်း အသက်အန္တရာယ် စိုးရိမ်စရာမရှိဟု ဆရာဝန် အတည်ပြု

မဇ္ဈိမ

မဲဆွယ်စည်းရုံးစဉ် ဓါးဖြင့်ခုတ်ခံရသည့် အမျိုးသားဒီမိုကရေစီအဖွဲ့ချုပ်ပါတီ၏ အမတ်လောင်း ဦးနိုင်ငံလင်းမှာ ရန်ကုန်ဆေးရုံကြီးတွင် ခွဲစိတ်မှုအောင်မြင်ပြီး အသက်အန္တရာယ်စိုးရိမ်စရာ လုံးဝမရှိဟု ဒေါက်တာ တင်မျိုးဝင်းက ခွဲစိတ်မှုအပြီး အတည်ပြု ပြောကြားသည်။

“အသက်အန္တရာယ် လုံးဝမရှိပါဘူး။ ကောင်းတယ်ပဲ ပြောရမှာပေါ့။ ဦးနှောက်ထဲမှာ သွေးယိုတာတို့ လုံးဝမရှိဘူး။ သွေးထွက်လွန်တာတို့၊ အရေးကြီးတဲ့ အစိတ်အပိုင်းလည်း ထိတာ မတွေ့ရဘူး။ ခွဲစိတ်မှုအောင်မြင်တယ်လို့ ပြောလို့ရပါတယ်” ဟု ဒေါက်တာ တင်မျိုးဝင်းက ပြောသည်။

NLDပါတီ၏ တိုင်းလွှတ်တော်အမတ်လောင်း ဦးနိုင်ငံလင်းအပါအဝင် ပါတီဝင် သုံးဦးမှာ အောက်တိုဘာ ၂၉ရက်၊ ည ၉နာရီက သာကေတမြို့နယ်ရှိ မန်ပြေ(၈)လမ်းတွင် ဓါးဖြင့် တိုက်ခိုက်ခံရပြီး ရန်ကုန်ဆေးရုံကြီးတွင် ဆေးကုသမှု ခံယူနေရခြင်းဖြစ်ပြီး ဦးနိုင်ငံလင်းမှာ ဦးခေါင်း၊ လက်နှစ်ဖက်နှင့် နဖူးတို့တွင် ဓါးဒဏ်ရာ ရရှိခဲ့ခြင်းဖြစ်သည်။ ဒဏ်ရာရရှိသူများအနက် ဦးနိုင်ငံလင်းမှာ အပြင်းထန်ဆုံး ဒဏ်ရာရရှိခဲ့သူ ဖြစ်သည်။

နမ့်ခမ်းမြို့၌ ကျားဖြူ ကျားခေါင်းအပြိုင် စည်းရုံးဆင်းရေး

သျှမ်းသံတော်ဆင့်


သျှမ်းပြည်မြောက်ပိုင်း မူစယ်ခရိုင် နမ့်ခမ်းမြို့၌ ကျားဖြူပါတီ ဥက္ကဌ ဦးစိုင်းအိုက်ပေါင်း နှင့် ကျားခေါင်းပါတီ ဥက္ကဌ ခွန်ထွန်းဦး တို့ အပြိုင်အဆိုင် စည်းရုံးရေးဆင်းကြသည်ဟု ဒေသခံများက ပြောသည် ။

အာက်တိုဘာ ၂၄ ရက်နေ့ ၌ ကျားဖြူပါတီ ဥက္ကဌ ဦးစိုင်းအိုက်ပေါင်း နှင့် အမျိုးသားလွှတ်တော် အမတ် ပြည်ထောင်စုဝန်ကြီး ဒုဝန်ကြီး ဒေါက်တာစိုင်းကျော်အုန်း တို့ နမ့်ခမ်းမြို့၌ ရောက်ရှိလာ ကြောင်း ၊ ပန်ပွဲကွင်း နမ့်ခမ်းမြို့လယ်၌ လူထု နှင့်တွေ့ ဆုံကာ စည်းရုံးဟောပြောကြောင်း ၊ နမ့်ခမ်းမြို့ခံ ထောင်ပေါင်းများစွာ လာရောက်ကြိုဆို ကြကြောင်း တက်ရောက်သည့် စိုင်းလုံ က ပြောပါသည် ။

“ ခွန်ထွန်းဦး ခေါင်းဆောင်တဲ့အဖွဲ့က ၂၁ ရက်နေ့ကလာတယ် ။ စိုင်းအိုက်ပေါင်းက မနေ့က လာတယ် ။ ဒီမှာက ပါတီတခုဘဲ ရှိစေချင်တာလေ ။ အခုတော့ နမ့်ခမ်းမြို့မပြောနဲ့ မိသားစု အချင်းချင်းတောင် အကွဲအပြဲဖြစ်နေပြီ ။ တချို့က ကျားခေါင်း ၊ တချို့ ကျားဖြူ ဖြစ်နေတယ် ” - ဟု ပြောသည် ။

“ ပါတီ နှစ်ခု သုံးခုမကလို့ ဘယ်နှစ်ပါတီဘဲရှိရှိ ဒါ အခွင့်အရေးတရပ်ပဲ ။ ယူတတ်ရင် ။ ကောင်းတဲ့ပါတီ ၊ ကောင်းတဲ့ ကိုယ်စားလှယ်လောင်းတွေကို ကျနော်တို့မှာ ရွေးချယ် ပိုင်ခွင့်ရှိတယ် ။ မူမမှန်တဲ့ပါတီ ။ ရပ်တည်ချက် အားမကောင်းတဲ့ပါတီက သူ့ဟာသူ ကျသွားမှာဘဲ ။ သျှမ်းပါတီ နှစ်ခု ပြိုင်လာတာ နိုင်ငံရေး လေ့လာဖို့ အခွင့်အလှမ်းတရပ်ပဲ ” - ဟု စိုင်းလူ က လည်း သျှမ်းသံတော်ဆင့်သို့ပြောသည် ။

ကျားဖြူပါတီက ၁၄ ပြည်နယ် ၊ ၁၄ ယူနစ်ကို လက်ခံပြီး သျှမ်းပြည်နယ် အစိုးရ ဖြစ်ရေးအတွက် အားသန်သည် ။

ကျားခေါင်းပါတီကမူ မြေပြန့်ဗမာလည်း တောင်တန်းသားများနည်းတူ တစ်ယူနစ်တာ ခံစားခွင့်ရှိသည် ဟူသည့် ၈ ယူနစ်မူကိုလက်ခံထားပြီး ဖက်ဒရယ် ပြည်ထောင်စု တည်ဆောက်ရန် ဖွဲ့စည်းပုံပြင်ရေး သို့ မဟုတ် အသစ်ရေးဆွဲရေးဘက်အား သန်သည် ။

လက်ရှိနေပြည်တော် အစိုးရ ကမူ နေပြည်တော် အထူးတိုင်း အပါအဝင် ဗမာလူမျိုးအများစုဖြစ်သည့် တိုင်းဒေသကြီး ၈ တိုင်း နှင့် တိုင်းရင်းသား ပြည်နယ် ၇ ပြည်နယ် ကို ၂၀၀၈ ဖွဲ့စည်းပုံဖြင့် လက်တွေ့အကောင်အထည်ဖေါ်ကာ အုပ်ချုပ်မင်းလုပ်နေပါသည် ။

အရင်ထက် သတိပြုရမယ့်အချိန်လို့ ဦးမင်းကိုနိုင်ပြော

မဇ္ဈိမ

ဥပဒေ၏ ကာကွယ်စောင့်ရှောက်မှု အပြည့်အဝ မရသည့် အနေအထားတွင် ဖြစ်လာနိုင်မည့် အန္တရာယ်ကို စဉ်းစားပြီး တစ်ယောက်နှင့်တစ်ယောက် သတိပြု စောင့်ရှောက်သင့်သည်ဟု ၈၈မျိုးဆက် ကျောင်းသားခေါင်းဆောင် ဦးမင်းကိုနိုင်က ပြောဆိုလိုက်သည်။

“ကျွန်တော်တို့ နိုင်ငံသားတွေက ဒီလိုအရေးကြီးတဲ့ အချိုးအကွေ့မှာ ဥပဒေရဲ့ စောင့်ရှောက်မှုကိုလည်း လိုတယ်ဗျ။ ဒါပေမယ့် ဥပဒေရဲ့စောင့်ရှောက်မှုဟာ အပြည့်အဝ မရနိုင်ဘူး။ မရနိုင်တဲ့အခါကျတော့ အချင်းချင်း ပြန်စောင့်ရှောက်ကြရလိမ့်မယ်။ အဲ့တော့ စောင့်ရှောက်ခြင်းနဲ့အတူ ထိန်းကျောင်းခြင်းလည်း ပါကြရလိမ့်မယ်” ဟု ဦးမင်းကိုနိုင်က ပြောသည်။

မဲဆွယ်စည်းရုံးစဉ် ဓားဖြင့် တိုက်ခိုက်ခံရသည့် NLDပါတီဝင်များ ဆေးကုသမှုခံယူနေသည့် ရန်ကုန်ဆေးရုံကြီးသို့ အောက်တိုဘာ ၂၉ရက်၊ ညသန်းခေါင်အချိန်တွင် ရောက်ရှိလာသည့် ဦးမင်းကိုနိုင်က ထိုသို့ ပြောဆိုလိုက်ခြင်း ဖြစ်သည်။

“အရင်ထက်စာရင် သတိလည်း ပိုပြုကြရမယ်။ တစ်ယောက်နဲ့တစ်ယောက် ပိုပြီးတော့ စောင့်ရှောက်ကြရမယ်ပေါ့ဗျာ” ဟု ၎င်းက ဆိုသည်။

NLDပါတီ၏ တိုင်းလွှတ်တော်အမတ်လောင်း ဦးနိုင်ငံလင်းအပါအဝင် ပါတီဝင် သုံးဦးမှာ အောက်တိုဘာ ၉ရက်၊ ည ၉နာရီက သာကေတမြို့နယ်ရှိ သာကေတ (၃)ရပ်ကွက်တွင် ဓါးဖြင့် တိုက်ခိုက်ခံရပြီး ရန်ကုန်ဆေးရုံကြီးတွင် ဆေးကုသမှု ခံယူနေရခြင်းဖြစ်သည်။

မီးပုံးပျံပျက်ကျ၍ ဒဂုံမြို့သစ်မြောက်ပိုင်းတွင် မီးလောင်

DVB


ရန်ကုန်မြို့ ဒဂုံမြို့သစ်မြောက်ပိုင်း ၄၄ ရပ်ကွက် န၀ရတ် ၂ လမ်းက နေအိမ်တလုံး ခေါင်မိုးပေါ် မီးပုံးပျံ ပျက်ကျတာကြောင့် အောက်တိုဘာ ၂၉ ရက် ည ၉ နာရီခန့်က မီးလောင်ကျွမ်းမှု ဖြစ်ပွားခဲ့ပါတယ်။

မီးလောင်ရာကို မီးသတ်ကား ၅ စီးခန့် လာရောက်ငြှိမ်းသတ်ပြီး နေအိမ်တလုံး မီးလောင်ဆုံးရှုံးခဲ့ပါတယ်။အဲဒီမီးလောင်မှုကို Level 1 အဆင့် သတ်မှတ်ထားပြီး မီးလောင်မှုကြောင့် သေဆုံးဒဏ်ရာရသူ မရှိဘူးလို့ ဆိုပါတယ်။

ဒီလို မီးပုံးပျံလွှတ်မှုကြောင့် အောက်တိုဘာ ၂၈ ရက် သီတင်းကျွတ်လပြည့်နေ့ကလည်း နေပြည်တော် လျှပ်စစ်စွမ်းဝန်ကြီးဌာန သပြေဝ ၂၃၀ KV ဓာတ်အားခွဲရုံ Switch Yard အတွင်းက ဓာတ်အားအဖွင့်အပိတ် ပြုလုပ်တဲ့ Bus DS အပေါ် မီးပုံးပျံပြုတ်ကျခဲ့တဲ့အတွက် ဓာတ်အားပြတ်တောက်ခဲ့လို့ တနိုင်ငံလုံးနီးပါး အချိန်ပိုင်း မီးပြတ်တောက်ခဲ့ပါတယ်။

SSPP နှင့် အစိုးရတပ် တိုက်ပွဲအတွင်း လက်နက်ကြီးထိကာ နေအိမ်သုံးလုံးပျက်ဆီးဟုဆို

ဖနိဒါ

ရှမ်းပြည်တိုးတက်ရေးပါတီ၊ ရှမ်းပြည်တပ်မတော်(SSPP/SSA) ဝမ်ဟိုင်းဌာနချုပ်အနီးရှိ ကျေးရွာအတွင်း အောက်တိုဘာလ ၂၈ ရက် ည ၁၂ နာရီ ဝန်းကျင်က အစိုးရစစ်တပ်ဘက်မှ လက်နက်ကြီး ပစ်ခတ်ခဲ့သဖြင့် နေအိမ်သုံးလုံး ပျက်ဆီးခဲ့သည်ဟု SSPP/SSA ၏ ပြောရေးဆိုခွင့် ရှိသူ ဒုဗိုလ်မှူးကြီး စိုင်းလက ပြောသည်။

မိုင်းရှူးမြို့နယ် SSPP/SSA ဝမ်ဟိုင်းဌာနချုပ်အနီးရှိ ကျေးရွာတွင် ကျူမောင်ခေါင်တွင် အခြေစိုက်ထားသော အစိုးရ စစ်တပ်၏ ၁၂၀ လက်နက်ကြီး ၈ လုံး ကျရောက်ခဲ့သဖြင့် ကျေးရွာရှိ နေအိမ်နှစ်လုံး ထိခိုက်ပျက်ဆီးခဲ့သည်ဟု SSPP/SSA ၏ ပြောရေးဆိုခွင့် ရှိသူ ဒုဗိုလ်မှူးကြီး စိုင်းလက ပြောသည်။

“ည ၁၂ နာရီခွဲလောက်မှာ ၁၂၀ လက်နက်ကြီးနဲ့ ကျူမောင်ခေါင်ကနေ ပစ်တာ။ ၁ နာရီထိ လက်နက် ၈ လုံးပစ်တယ်။ ဌာနချုပ်မှာပဲ ကျတာ။ နေအိမ် နှစ်အိမ် မီးဖိုဆောင်တွေ ပျက်ဆီးသွားတယ်။ တခြား လက်နက်ကြီး ထိမှန်တာတော့ ရှိတာပေါ့နော်။ စာသင်ကျောင်းနားမှာ ဖြစ်တာဆိုတော့ ကျောင်းသားတေါလည်း ထွက်းပြေးရတယ်”ဟု သူက မဇ္ဈိမကို ပြောသည်။ ၎င်းက ဆက်ပြီး “မနေ့က ဝမ်ဟိုင်းဘုန်းကြီးကျောင်းမှာ သီတင်းကျွတ်ပွဲလေ။ အဲဒီမှာ ပွဲရှိတယ်။ အဲဒီထဲကို ပစ်လာတာ။ ပွဲထဲပစ်လာတာပေါ့။ ဘုန်းကြီးကျောင်းနဲ့ ၂၀ ကိုက်ကျော်လောက်ရှိမယ်ထင်တယ်။ လမ်းမပဲ ခြားတယ်။ ရွာသားတွေက နည်းနည်းဝေးတဲ့နေရာကို ထွက်ပြေးသွားတာတွေ ရှိတယ်”ဟု ပြောသည်။

ထိုလက်နက်ကြီး အထက်တန်းကျောင်းအနီး ကျရောက်ခဲ့သဖြင့် စာသင်ကျောင်းတွင် နေထိုင်နေသော ကျောင်းသူကျောင်းသား ၂၀၀ ကျော် ကျေးသီးမြို့နယ် ပန်လော့ကျေးရွာဘက်သို့ ထွက်ပြေးတိမ်းရှောင်သွားပြီဖြစ်သလို၊ ရွာသားများလည်း ထွက်ပြေးတိမ်းရှောင်နေရသည်ဟု သူက ပြောသည်။ အစိုးရစစ်တပ်ဘက်မှ လက်နက်ကြီး ပြန်လည် ပစ်ခတ်မည်ကို စိုးရိမ်သဖြင့် ယနေ့ (အောက်တိုဘာ ၂၉ရက်) နံနက်ပိုင်းတွင် ဝမ်ဟိုင်းမှ ရွာလူကြီးများက ဝမ်ဟိုင်းကျေးရွာမှ ကလေးနှင့် သက်ကြီးရွယ်အိုများကို ရှောင်တိမ်းခိုင်းထားလိုက်သည်ဟု ဝမ်ဟိုင်းဒေသခံ ကျောင်းသား ဝမ်ဟိုင်းမှ ကျောင်းသား အိုက်စိုင်းလင်းက ပြောသည်။

ယနေ့တွင် တိုက်ပွဲဖြစ်ပွားခြင်း မရှိသော်လည်း အစိုးရစစ်တပ်က ဝမ်ဟိုင်းဌာနချုပ် အနီးတဝိုက်တွင် လှုပ်ရှားနေသဖြင့် စစ်ရေးတင်းမာနေဆဲ ဖြစ်သည်ဟု သူက ပြောသည်။ လက်ရှိ မိုင်းရှူးမြို့ပေါ် ဘုန်းကြီးကျောင်းနှစ်ကျောင်းနှင့် အိမ်တစ်အိမ် သုံးနေရာနှင့် ဟိုင်းပါကျေးရွာနှင့် ဝမ်ဆော့ ကျေးရွာများတွင် စစ်ပြေးဒုက္ခသည်စခန်းများဖွင့်လစ်ထားပြီး စစ်ပြေး ဒုက္ခသည် စုစုပေါင်း ၃၀၀၀ ခန့်ရှိနေပြီ ဖြစ်ကာ တိုက်ပွဲများ မရပ်စဲသဖြင့် ထပ်မံ တိုးမြင့်လာဖွယ်ရှိနေသည်ဟု မိုင်းရှူးဒေသခံ နန်းဆိုင်ဟိန်းက ပြောသည်။

တစ်နိုင်ငံလုံး အပစ်အခတ်ရပ်စဲရေးစာချုပ်မူကြမ်းအား တိုင်းရင်းသား လက်နက်ကိုင် အဖွဲ့အစည်းများအားလုံး ပါဝင်နိုင်ခြင်းမရှိသဖြင့် SSPP/SSA ကလည်း လက်မှတ်မထိုးသေးပေ။ အောက်တိုဘာလ ၆ ရက်မှစတင်၍ အစိုးရ စစ်တပ်ဘက်မှ ဝမ်ဟိုင်းဌာနချုပ်အနီးသို့ ထိုးစစ်ဆင်တိုက်ခိုက်ခဲ့သဖြင့် တိုက်ပွဲများ ဖြစ်ပွားခဲ့ခြင်း ဖြစ်သည်။ အောက်တိုဘာလ ၁၅ ရက်တွင် အစိုးရနှင့် တခြားတိုင်းရင်းသားလက်နက်ကိုင် အဖွဲ့အစည်း ၈ ဖွဲ့နှင့် NCA ကို လက်မှတ်ရေးထိုးခဲ့ပြီး ဖြစ်သော်လည်း လက်မှတ်မထိုးသေးသည့် ကချင်လွတ်လပ်ရေးတပ်မတော် (KIA) ၏ တပ်မဟာ ၄ လက်အောက်ခံ တပ်များနှင့် အစိုးရ စစ်တပ်တို့ တိုက်ပွဲများ ဖြစ်ပွားနေဆဲ ဖြစ်သည်။

NCA မထိုးသည့် အဖွဲ့များ ပန်ဆန်းမြို့၌ တွေ့ဆုံမည်

သျှမ်းသံတော်ဆင့်


ဝ ပြည်သွေးစည်းညီညွတ်ရေး တပ်မတော် UWSA ကမကထ ပြုမှုဖြင့် တနိုင်ငံလုံး ပစ်ခတ် တိုက်ခိုက်မှု ရပ်စဲရေးစာချုပ်လက်မှတ် မထိုးသည့် တပ်ဖွဲ့ဝင်များ ပန်ဆန်းမြို့၌ လာမည့်နိုဝင်ဘာလ ဆန်းပိုင်း၌ တွေ့ဆုံမည်ဟု သိရသည် ။

အဆိုပါ တွေ့ဆုံဆွေးနွေးပွဲကို နိုဝင်ဘာ ၁ - ၃ ရက်နေ့အထိ ကျင်းပမည်ဖြစ်ကြောင်း ၊ NCA လက်မှတ် မထိုးသည့် အဖွဲ့များကိုသာ ဖိတ်ကြားထားသည်ဟု ဆိုသော်လည်း ကရင်အမျိုးသား အစည်းအရုံး KNU လက်အောက်ခံ နယ်ဒါးမြ ဦးဆောင်သည့် KNDO တပ်ဖွဲ့ကိုတော့ ဖိတ်ကြားထားကြောင်း ၊ အစည်းဝေးပွဲ တက်ရောက်ရန် အောက်တိုဘာ ၂၄ ရက်နေ့က ဖိတ်စာလက်ခံထားရသည့် တိုင်းရင်းသား ခေါင်းဆောင်တဦးက ပြောသည် ။

“ ဆွေးမယ့်အကြောင်းရင်းက ဒီရွေးကောက်ပွဲ ကျင်းပမယ့် ကိစ္စရယ် ၊ ရွေးကောက်ပွဲ အပြီးတက်လာမယ့် အစိုးရ ကိစ္စရယ် အဓိက က အဲဒီ နှစ်ချက်ပဲပါတယ် ။ အဲဒီကိစ္စအပေါ် ဘယ်လိုသဘောထားရှိမလဲပေါ့ ” - ဟု အဆိုပါ ပုဂ္ဂိုလ်က ပြောသည် ။

“ အစည်းအဝေးဖိတ်တာတော့ UNFC အဖွဲ့ဝင် အများစုပါတယ် ။ လက်မှတ်ထိုးလိုက်တဲ့ UNFC အဖွဲ့ဝင် တွေတော့မပါဘူးပေါ့ ။ ဆိုပေမယ့်လဲ UNFC အဖွဲ့ဝင်တွေ ဖြစ်တဲ့ လားဟူ LDU ၊ ‘ ဝ’ WNO ၊ ရခိုင် ANC တို့တော့မဖိတ်ဘူး ၊ ဒါပေမယ့် ကရင် KNDO နဲ့ ကယန်း KNLP တို့ကိုတော့ဖိတ်ထား တယ်လို့သိရတယ် ” - ဟု UNFC အဖွဲ့ဝင် ခေါင်းဆောင်ပိုင်းတဦးက ပြောသည် ။

အစည်းဝေးတက်ရောက်မည့် အဖွဲ့အစည်းများမှာ ၀ တပ်ဖွဲ့အပါအဝင် ၁၂ ဖွဲ့ ရှိကြောင်း ၊ ထိုအဖွဲ့များ တွင် မွန်ပြည်သစ်ပါတီ NMSP ၊ သျှမ်းပြည်တိုးတက်ရေးပါတီ SSPP/SSA ၊ ကိုးကန့်တပ်ဖွဲ့ MNDAA ၊ ပလောင် (တအာင်း) တပ်ဖွဲ့ TNLA ၊ ရခိုင့်တပ်မတော် AA ၊ ကရင်နီအမျိုးသားတိုးတက်ရေးပါတီ KNPP ၊ မိုင်းလားတပ်ဖွဲ့ NDAA – ESS ၊ ကချင်လွတ်လပ်ရေး တပ်မတော် KIA ၊ ကရင် KNDO ၊ ကယန်း ပြည်သစ်ပါတီ KNLP ၊ နာဂ NSCN – K နှင့် အိမ်ရှင် ဝ ပြည်သွေး စည်းညီညွတ်ရေးပါတီ UWSP/UWSA တို့ဖြစ် ကြသည် ။

“ အခု အစည်းအဝေးက ရွေးကောက်ပွဲ နဲ့ အစိုးရသစ်အတွက်ပဲ တကယ်ဆွေးနွေးမယ်ဆိုရင် လက်နက် ကိုင်တပ်ဖွဲ့အားလုံးကို ဖိတ်ရမှာပေါ့ ။ အခုက လက်မှတ်မထိုးတဲ့ အဖွဲ့ကိုဘဲ ရွေးဖိတ်တယ်ဆိုတော့ NCA ကိစ္စလည်း ပါနိုင်တယ် ။ မြောက်ပိုင်းဒေသအတွင်းမှာ ဖြစ်ပွားနေတဲ့ ထိုးစစ်ဆင်ကိစ္စတွေလဲ ပါနိုင်တယ် ” - ဟု ငြိမ်းချမ်းရေး အကျိုးတော်ဆောင်တဦးကလဲ ပြောသည် ။

ပြီးခဲ့သည့် မေလကလဲ ထိုကဲ့သို့ တိုင်းရင်းသား လက်နက်ကိုင်တပ်ဖွဲ့ အစည်းအဝေး ပန်ဆန်းမြို့၌ ပထမ တကြိမ်ကျင်းပခဲ့ဖူးသည် ။ အဆိုပါ အစည်းအဝေးဆုံးဖြတ်ချက် အရ ထိပ်သီးအစည်းအဝေး အား ၀ တပ်ဖွဲ့မှ နောက်ထပ်တကြိမ် ကမကထ ပြုကျင်းပမည် ၊ ငြိမ်းချမ်းရေးဖြစ်စဉ်တွင် ၀ တပ်ဖွဲ့မှ ဦးဆောင် ဦးရွက်ပြုမည် စသဖြင့်ပါဝင်သည် ။

တပ်နဲ့တပ်မိသားစု မဲစာရင်း ကြားဖြတ်ရွေးကောက်ပွဲရဲ့ တ၀က်လောက်သာ ပါဝင်လာ


အများနှင့်သက်ဆိုင်သော ရန်ကုန်ဘတ်စ်ကားကုမ္ပဏီ အစုရှယ်ယာများရောင်းမည်

မဇ္ဈိမ

ရန်ကုန်ဘတ်စ်ကား အများနှင့်သက်ဆိုင်သော ကုမ္ပဏီလီမိတက်မှ အစုရှယ်ယာများ ရောင်းချမည့် အခမ်းအနားတစ်ရပ်ကို အောက်တိုဘာ ၃၀ တွင် ရန်ကုန်မြို့၌ ကျင်းပမည်ဖြစ်သည်။

နိုင်ငံတော်-ပုဂ္ဂလိက ပူးပေါင်းဆောင်ရွက်မှုအစီအစဉ်ဖြင့် ရန်ကုန်ဘတ်စ်ကား အများနှင့်သက်ဆိုင်သော ကုမ္ပဏီလီမိတက် (Yangon Bus Public Company Limited) သည် လုပ်ငန်းစတင်ဆောင်ရွက် ခွင့်ကို အောက်တိုဘာ ၂၂ ရက်နေ့တွင် ရရှိခဲ့ကြောင်း နိုင်ငံပိုင်သတင်းစာက အောက်တိုဘာ ၂၉ ၌ ဖော်ပြသည်။

အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဌာန၊ ရင်းနှီးမြှုပ်နှံမှုနှင့် ကုမ္ပဏီများမှတ်ပုံတင်ရုံးတွင် ဇူလိုင် ၂၇ ရက်က ဖွဲ့စည်းခွင့်ရရှိခဲ့ကြောင်း သိရသည်။ ရန်ကုန်မြို့ အများပြည်သူသွားလာမှု အဆင်ပြေချောမွေ့စေရမည်ဟုဆိုသည့် ရန်ကုန်ဘတ်စ်ကား အများနှင့် သက်ဆိုင်သော ကုမ္ပဏီလီမိတက်၏ အစုရှယ်ယာများကို ၀ယ်ယူရင်းနှီးမြှုပ်နှံလိုသူ လုပ်ငန်းရှင်များ၊ ကုမ္ပဏီများနှင့် မြန်မာနိုင်ငံသား မည်သူမဆို အခမ်းအနားသို့ တက်ရောက်နိုင်သည်။ ရန်ကုန်တိုင်း၊ မင်္ဂလာခန်းမ၌ နံနက် ၁၀ နာရီမှ ၁၁ နာရီခွဲအထိ ကျင်းပမည်ဖြစ်ကြောင်း ကုမ္ပဏီဒါရိုက်တာအဖွဲ့၏ ဖိတ်ကြားလွှာတွင် ဖော်ပြထားသည်။

အမျိုးသားဒီမိုကရေစီအဖွဲ့ချုပ် ကိုယ်စားလှယ်လောင်း ဓါးခုတ်ခံရမှု အခြေအနေ


ကျောင်းသားခေါင်းဆောင် ကျော်ကိုကို ဖမ်းဆီးခံရ

သူဇာ


ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် (ဗကသ) ဥက္ကဋ္ဌ ကိုကျော်ကိုကို ကို ယနေ့နေ့လယ် ၁၂ နာရီခန့်က ရန်ကုန်မြို့ သင်္ဃန်းကျွန်း စံပြဈေးအနီး၌ အာဏာပိုင်များက ဖမ်းဆီးခေါ်ဆောင်သွားကြောင်း သိရသည်။

“ကျော်ကိုကိုနဲ့အတူ လူငယ်တဦးပါတယ်။ သူ့ကိုတော့ ပြန်လွှတ်လိုက်ပြီလို့ ကြားတယ်။ ကျနော်တို့ အခုပြန်လွတ်လာသူနဲ့ အဆက် အသွယ်ရဖို့ ကြိုးစားနေပါတယ်။ ဘယ်ရဲဌာနက ခေါ်သွားလဲဆိုတာ မသိရသေးဘူး။ ကမာရွတ်မြို့နယ် ရဲစခန်းလို့တော့ ကျနော် ထင် ပါတယ်”ဟု ဗကသ အဖွဲ့ဝင် ကိုလင်းထက်နိုင်က ဧရာဝတီကို ပြောပြသည်။

ပြီးခဲ့သည့် မတ်လ ၁၀ ရက်က လက်ပံတန်းမြို့၌ ကျောင်းသားများ အကြမ်းဖက် ဖြိုခွင်းခံရမှုအပြီး မတ်လ ၁၁ ရက်တွင် ရန်ကုန်မြို့ လှည်းတန်းမှတ်တိုင်အနီး ပြည်လမ်းပေါ်၌ ကျောင်းသားများ ဆန္ဒပြရာ၌ ဦးဆောင်ပါဝင်မှုဖြင့် ကမာရွတ်ရဲစခန်းက အမှုဖွင့်ခဲ့သော ကျောင်းသား ၆ ဦးတွင် ဗကသ ဥက္ကဋ္ဌ ကိုကျော်ကိုကိုလည်း တဦးအပါအ၀င် ဖြစ်သည်။

အမှုဖွင့်ခံထားသူ ၆ ဦးမှာ ကိုကျော်ကိုကို၊ ကိုဝင်းကျော်မိုး၊ ကိုနန္ဒာစစ်အောင်၊ ကိုလင်းထက်နိုင်၊ ကိုထက်ခိုင်စိုးနှင့် ပိုပိုတို့ ဖြစ်ကြပြီး ၎င်းတို့အား ကမာရွတ် ရဲစခန်းက ပုဒ်မ ၁၄၃၊ ပုဒ်မ ၁၄၅၊ ပုဒ်မ ၁၄၇ နှင့် ပုဒ်မ ၅၀၅(ခ) တို့ဖြင့် အမှုဖွင့် တရားစွဲထားသည်။

ထို့အပြင် ဗကသ ကျောင်သားခေါင်းဆောင် ကိုကျော်ကိုကိုသည် သာယာဝတီ ခရိုင် ရဲတပ်ဖွဲ့မှ အလိုရှိနေသူ စာရင်းတွင်လည်း ပါဝင် နေသည်ဟု ဗကသ အဖွဲ့ဝင် ကိုလင်းထက်နိုင်က ပြောသည်။

ဖမ်းဆီးခံလိုက်ရသည့် ကျောင်းသားခေါင်းဆောင် ကိုကျော်ကို ကို လွှတ်ပေးရန် ကမာရွတ်ရဲစခန်း အရှေ့၌ လာရောက်တောင်းဆိုကြသူ တချို့ကိုပါ ဖမ်းဆီးထားသည်ဟု လူမှုကွန်ရက် စာမျက်နှာများ၌ သတင်းများ ထွက်ပေါ်နေသည့်အတွက် ကမာရွတ် ရဲစခန်းသို့ ဧရာဝတီက တယ်လီဖုန်းဖြင့် ဆက်သွယ်မေးမြန်းသော်လည်း ဖြေကြားမည့်သူ မရှိပေ။

လက်ရှိတွင် ကို ကျော်ကိုကိုအား အောင်သပြေ စစ်ကြောရေးတွင် ထိန်းသိမ်းထားသည်ဟု သိရကြောင်း ဗကသ ကျောင်းသားများက ပြောသည်။

အလားတူ လက်ပံတန်းမြို့၌ ပညာရေးဥပဒေ ပြန်လည်ပြင်ဆင်ရေးအတွက် ဆန္ဒပြမှုကြောင့် သာယာဝတီ အကျဉ်းထောင်၌ ဖမ်းဆီး ချုပ်နှောင်ခံနေရသည့် ကိုအောင်မှိုင်းဆန်းက နိုင်ငံရေး အကျဉ်းသားများ လွှတ်ပေးရန် အစာငတ်ခံ ဆန္ဒပြ တောင်းဆိုမှုသည်လည်း ယနေ့တွင် ၇ ရက် ရှိပြီဖြစ်သည်။

ပြီးခဲ့သည့် အောက်တိုဘာ ၂၇ ရက် သာယာဝတီခရိုင် ကျောင်းသားများ တရားရုံးထုတ်ချိန်တွင် ကိုအောင်မှိုင်းဆန်း၏ အခြေအနေ သည် ဆိုးဝါးသည့် အခြေအနေ မရှိသေးကြောင်း၊ သို့သော် ယနေ့အချိန်အထိ မည်သည့်အခြေအနေ ရှိသည်ကို မသိရသေးကြောင်း ကိုအောင်မှိုင်းဆန်း၏ ဇနီးဖြစ်သူ မလဲ့လဲ့နွယ်က ပြောသည်။

“ရုံးထုတ်တဲ့ အချိန်တုန်းကတော့ ပေါင် ၂၀ လောက် ကျသွားတယ်။ ဒါပေမယ့် သူ့ဟာသူ လမ်းလျှောက်နိုင်သေးတယ်။ အခု၂ ရက်ရှိပြီ။ ဘယ်လို အခြေအနေရှိလဲ လုံးဝစုံစမ်းလို့ မရသေးဘူး”ဟု မလဲ့လဲ့နွယ်က ဆိုသည်။

ကိုအောင်မှိုင်းဆန်းသည် တနိုင်ငံလုံးရှိ နိုင်ငံရေး အကျဉ်းသားများကို မလွှတ်ပေးလျှင် အစာငတ်ခံ ဆန္ဒပြတောင်းဆိုမည်ဟု သမ္မတ ဦးသိန်းစိန်ထံ စာရေးသားပေးပို့ တောင်းဆိုခဲ့သော်လည်း တစုံတရာ ထူးခြားမှု မရှိသည့်အတွက် အောက်တိုဘာလ ၂၃ ရက်မှ စတင်ပြီး အစာငတ်ခံ ဆန္ဒပြနေခြင်း ဖြစ်သည်။

နိုင်ငံရေးအကျဉ်းသားများ လွှတ်ပေးရန် အဖွဲ့အစည်းအသီးသီးမှ တောင်းဆိုနေစဉ် ယခုကဲ့သို့ ကျောင်းသားခေါင်းဆောင် ကို ကျော်ကိုကို အဖမ်းခံလိုက်ရခြင်းသည် ကောင်းမွန်သည့် အလားအလာ မရှိကြောင်း ဒီမိုကရေစီအရေး လှုပ်ရှားသူများက ပြောသည်။

“နိုင်ငံရေး အကျဉ်းသားတွေကို လွှတ်ပေးဖို့ အဖွဲ့အစည်းအသီးသီးက တောင်းဆိုနေတဲ့ အချိန်လည်း ဖြစ်တယ်။ နောက်ပြီး လူ့အခွင့် အရေးကော်မရှင်ကလည်း နိုင်ငံရေးအကျဉ်းသားတွေ လွှတ်ပေးသင့်တယ်လို့ ပြောနေတဲ့ အချိန်မှာ အခုလို ကျော်ကိုကို အဖမ်းခံရ တာဟာ ကျနော်တို့အတွက် တော်တော် စိတ်ပျက်စရာပါပဲ”ဟု ကိုလင်းထက်နိုင်က ပြောဆိုသည်။