ယူအန်အက်ဖ်စီ အဖွဲ့ဝင်အဖြစ်က ဆက်လက်ရပ်ဆိုင်းထားရန် ကေအန်ယူဆုံးဖြတ်

နော်နိုရင်း

ညီညွတ်သော တိုင်းရင်းသားလူမျိုးများဖက်ဒရယ်ကောင်စီ UNFC အဖွဲ့ဝင်အဖြစ် ပူးပေါင်းပါဝင်မှုကနေ ဆက်လက် ယာယီရပ်ဆိုင်းပြီး ကော်သူလေးတပ်မတော် KAF ကို အကောင်အထည်ဆက်ဖော်ဖို့ KNU ဗဟိုကော်မီတီ အရေးပေါ်အစည်းအဝေးမှာ ဆုံးဖြတ်လိုက်ပါတယ်။

ကရင်အမျိုသားအစည်းအရုံး(ကေအန်ယူ)ရဲ့ သီတင်းတစ်ပတ်နီးပါကြာ ကျင်းပခဲ့တဲ့ အရေးပေါ် ဗဟိုအမြဲတမ်းကော်မတီ အစည်းအဝေးအပြီး အောက်တိုဘာ ၂၉ ရက်နေ့မှာ ထုတ်ပြန်ကြေညာခဲ့တာပါ။

ဒီအစည်းအဝေးအတွင်း လက်ရှိ မြန်မာနိုင်ငံရေးအခြေအနေ၊ အဖွဲ့အစည်းရဲ့ အခြေအနေ၊ တပ်ပေါင်းစုဆိုင်ရာ လုပ်ငန်းအခြေအနေတွေနဲ့ တနိုင်ငံလုံး အပစ်ခတ်ရပ်စဲရေးဆိုင်ရာ ကိစ္စရပ်တွေကို ပွင့်ပွင့်လင်းလင်း သုံးသပ်ဆွေးနွေးခဲ့ကြတယ်လို့ ကြေညာချက်မှာ ဖော်ပြထား ပါတယ်။

ဒါအပြင် ဒီအစည်းအဝေးအတွင်း အောက်တိုဘာ ၁၃ ရက်နေ့က ထွက်လာခဲ့တဲ့ ကော်သူလေးတပ်မတော် ဖွဲ့စည်းရေးနဲ့ ပတ်သက်လို့ အကြိတ်အနယ်ဆွေးနွေးခဲ့ကြပြီး ဒီတပ်မတော်ကို ဖွဲ့ဖို့ မူအရ လက်ခံထားပြီး အကောင်အထည်ဖော်ရာမှာ ကေအန်ယူရဲ့ ဖွဲ့စည်းပုံ၊ နိုင်ငံရေးလမ်းစဉ်၊ လုပ်နည်းနဲ့အညီ ဆောင်ရွက်နိုင်ဖို့ လာမယ့် ကေအန်ယူ ကွန်ဂရက်က ဆုံးဖြတ်သွားမှာ ဖြစ်တယ်လို့လည်း ထုတ်ပြန်ထားပါတယ်။

ကေအန်ယူဗဟိုစစ်ဦးစီးဌာနချုပ်က တွဲဖက်စစ်ရေးချုပ် ဗိုလ်မှူးချုပ် စရှာထူးဝေါ်က “အမှန်မှာက လက်ရှိ ကေအေအက်ဖ် ဖွဲ့ထားတာကတော့ သူ့အဖွဲ့ ကိုယ့်အဖွဲ့နဲ့ပဲ ရှိကြမယ်။ ကျနော်တို့က အခု ဖွဲ့စည်းပုံတွေ ရေးရအုန်းမယ်။ နောက်ဆုံး ကျနော်တို့အားလုံး ခိုင်ခိုင်မာမာ စုစုစည်းစည်း ရှိတဲ့အချိန်ကျရင်တော့ ဖွဲ့စည်းပုံရေးဆွဲပြီးမှပဲ အတိအကျ ပြောလို့ရနိုင်မယ်”လို့ ဒီဗွီဘီကို ပြောပါတယ်။

ဒါအပြင် ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (ယူအန်အက်ဖ်စီ) အဖွဲ့ဝင်ကနေ ယာယီရပ်ဆိုင်းထားမှာဖြစ်ပြီး ဒီအတောအတွင်း ယူအန်အက်ဖ်စီအဖွဲ့နဲ့ ဆွေးနွေး ညှိနှိုင်းသွားမယ်လို့လည်း ထုတ်ပြန်ထားပါတယ်။

“ကျနော်တို့က မူပိုင်ဆိုင်ရာ ကိစ္စနဲ့ပတ်သက်လို့ မတူညီတဲ့ဟာတွေ ရှိတဲ့အခါကျတော့ ပြီးခဲ့တဲ့ ယူအန်အက်ဖ်စီညီလာခံမှာ ယာယီ ထွက်ထားတာ။ နောက်ပိုင်း မူပိုင်းဆိုင်ရာနဲ့ ပတ်သက်လို့ ပြန်ညှိလို့ ရမယ်။ လောလောဆယ် လာမယ့် ကျနော်တို့ ၁၆ ကြိမ်မြောက် ကွန်ဂရက်အထိတော့ စောင့်ကြည့်မယ်။ ဒီကြားထဲမှာ ကျနော်တို့ ဖွဲ့ထားတဲ့ကော်မတီက ယူအန်အက်ဖ်စီနဲ့ ညှိနှိုင်းမယ်။ လိုတိုးပိုလျော့သဘောမျိုးနဲ့ ညှိနှိုင်းလို့ လက်ခံနိုင်တဲ့ အနေအထားရောက်ရင်တော့ ကျနော်တို့ ပြန်ဝင်မယ်လို့ ဆွေးနွေးထားပါတယ်”လို့ ဗိုလ်မှူးချုပ် စရှာထူးဝေါ် ပြောပါတယ်။

ဒါပေမယ့် လိုအပ်သလို တိုင်းရင်းသာလက်နက်ကိုင်အဖွဲ့အစည်း တဖွဲ့ချင်း ဖြစ်စေ၊ အစုလိုက် ဖြစ်စေ တိုင်းရင်းသားတွေနဲ့ နိုင်ငံရေးရည်မှန်းချက် အကောင်အထည် ဖော်ဆောင်နိုင်ရေး ပူးပေါင်း ဆောင်ရွက်သွားမယ်လို့လည်း ထုတ်ပြန်ထားပါတယ်။

ကေအဲန်ယူက ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (ယူအန် အက်ဖ်စီ) နဲ့ ညှိနှိုင်းမယ်ဆိုတဲ့အပေါ် ယူအင်အက်ဖ်စီ အထွေထွေအတွင်းရေးမှူး ခူးဦးရယ်က ကေအဲန်ယူကို အဖွဲ့ဝင်အဖြစ် ပြန်လည်ဝင်ရောက်လာဖို့ ကြိုဆိုပါတယ်လို့ ပြောပါတယ်။

သူက “ကျနော်တို့ကို တရားဝင် ကမ်းလှမ်းလာတာ၊ ဆက်သွယ်လာတာတော့ မရှိသေး ဘူးခင်ဗျ၊၊ အဲဒီအပေါ်မှာ ကျနော်တို့ ဘာမှ ကြိုပြီးတော့ မပြောလိုပါဘူးခင်ဗျ။ သူတို့ရဲ့ တရားဝင် ဆက်သွယ်လာမယ့် အနေအထားအပေါ်မှာ ကြည့်ပြီးတော့ တုံ့ပြန်ရမှာပါ။ ကျနော်တို့ကတော့ ကြိုဆိုမြဲ ကြိုဆိုဆဲပါပဲ။ ကျနော်တို့ကလည်း နဂိုကတည်းကိုက သူတို့ဖာသာ သူတို့ ယာယီရ ပ်ဆိုင်းထားတဲ့အခြေအနေကနေပြီးတော့ သူတို့ပြန်လာဖို့အတွက်တော့ နေရာ ချန်ထားပေးပါ တယ်လေ။ သူတို့ ပြန်လာမယ် မလာဘူးဆိုတာကတော့ သူတို့ အဖွဲ့အစည်းဆိုင်ရာ ဆုံးဖြတ်ချက်ပဲ။ ကျနော်တို့ လေးစားလိုက်နာရမှာပေါ့။ ပြန်လာခြင်း မလာခြင်းကတော့ သူတို့ လက်ထဲမှာပဲ ရှိပါတယ်” လို့ ပြောပါတယ်။

ယူအန်အက်ဖ်စီဟာ ကေအဲန်ယူ အဖွဲ့ဝင်အဖြစ် ပြန်လည်ဝင်ရောက်တဲ့အခါ တာဝန်ထမ်းနိုင်ဖို့ အတွက် ဒုဥက္ကဋ္ဌ ၂ တာဝန်နဲ့ ဗဟိုအလုပ်အမှုဆောင်အဖွဲ့ဝင် နေရာတွေကို ချန်လှပ်လျာထား ပေးထားပါတယ်။

ကေအန်ယူဟာ ယူအန်အက်ဖ်စီမှာ မပါပေမယ့် အစိုးရနဲ့ တိုင်းရင်းသား လက်နက်ကိုင် တွေအကြား တပြည်လုံး အပစ်အခတ်ရပ်စဲရေးဆိုင်ရာ ဆွေးနွေးနေတဲ့ တပြည်လုံးအပစ် အခတ်ရပ်စဲရေးဆိုင်ရာ ညှိနှိုင်းရေးအဖွဲ့မှာတော့ ပါဝင်ဆောင်ရွက်နေပါတယ်။span>

အသည်းကြားက မဲတစ်ပြား ပြည်သူ့စိတ်ကြိုက် ရွေးချယ်သင့်ဟု တပ်မတော် အမတ်ပြော

စိုးသန်းလင်း

ပြည်သူတို့၏ အသည်းကြားက မဲတစ်ပြားကို အလေအလွင့်မဖြစ်စေဘဲ ပြည်သူ့ ကိုယ်စားလှယ်ကောင်းများ အမှန်တကယ် ပေါ်ပေါက်စေသည့် စနစ်ကိုသာ မြန်မာနိုင်ငံနှင့် လိုက်လျောညီထွေမှုရှိမည့် ရွေးကောက် ပွဲစနစ်အဖြစ် ရွေးချယ်ရန် တပ်မတော်သား ကိုယ်စားလှယ် ဒု-ဗိုလ်မှူးကြီးကျော်မြင့် က ယနေ့ ပြည်သူ့လွှတ်တော် ၁၁ ကြိမ် မြောက်အစည်းအဝေး ၂၅ ရက်မြောက်နေ့ အစီအစဉ်၌ ပါဝင်ဆွေးနွေးရာတွင် တိုက် တွန်းပြောကြားသည်။

“ရွေးကောက်ပွဲဟာ နိုင်ငံရေးအတွက် အရေးပါတဲ့ ကိစ္စဖြစ်ပေမယ့် နိုင်ငံရဲ့ ကံကြမ္မာကို အဆုံးအဖြတ် မပေးနိုင်ပါဘူး။ တကယ် အဆုံးအဖြတ်ပေးနိုင်တာက လွှတ်တော် ကိုယ်စားလှယ်တွေပါ။ ဒါကြောင့် ပြည်သူ တွေအတွက် အမှန်တကယ်ကိုယ် စားပြု ကြိုးပမ်းဆောင်ရွက်နိုင်မယ့် လွှတ်တော်ကိုယ်စားလှယ်တွေ ပေါ်ပေါက်ဖို့က အရေးကြီးပါတယ်။ ပြည်သူ့အသည်းကြားက မဲတစ်ပြားကို အလေအလွင့် မဖြစ် စေဖို့ လက်ရှိ နဲ့ အနာဂတ်အတွက်ပါအကျိုးရှိမယ့် ရွေးကောက်ပွဲစနစ်ကို ပြည်သူကို ချပြပြီး ပြည်သူ့ ဆန္ဒအရ ရွေးချယ်စေလို ပါတယ်” ဟု ၎င်းင်းက တိုက်တွန်းသည်။

မည်သည့် ရွေးကောက်ပွဲစနစ်ကိုပဲ သုံးသုံး ပြည်သူအတွက် ရှင်းလင်းလွယ်ကူ သည့်စနစ်၊ ပြည်သူတို့ ကြိုက်နှစ်သက်သည့် စနစ်ဖြစ်ဖို့ လိုသည်ဟု၎င်းက ပြောသည်။

ရွေးကောက်ပွဲစနစ် လေ့လာသုံးသပ် ရေးကော်မရှင်၏ အစီရင်ခံစာသည် ပြည်သူ့ ဆန္ဒပြည်သူ့သဘော ထားတို့ကို ရယူဖော်ထုတ်ခြင်း မလုပ်ခဲ့သည့်အပြင် လက်ရှိအခြေအနေမှာ အမှန်တကယ် ကန့်ကွက်ဆန္ဒပြ နေသည့် ပြည်သူတို့ကို ဖမ်းဆီးတရား စွဲထောင်ချနေခြင်းများသည် ပြည်သူတို့၏ ဆန္ဒကို လျစ်လျူရ ရာရောက်နေသည်ဟု တံတားဦးမြို့နယ်အမတ် ဒေါ်ခင်သန္တာက လွှတ်တော်၌ ဝေဖန်ထောက်ပြခဲ့သည်။

ရွေးကောက်ပွဲ စနစ်လေ့လာသုံးသပ်ရေးကော်မရှင်၏ အစီရင်ခံစာအပေါ် ယနေ့ဆွေးနွေးကြသော ကိုယ်စားလှယ် ၁၀ ဦးတို့အနက် ပြည်ခိုင်ဖြိုး ပါတီဝင်များ ဖြစ်ကြသည့် ထန်းတပင်အမတ် ဦးသိန်းရီ၊ လွိုင်ကော် အမတ် ဦးခင်မောင်ညို၊ ကျိုက်မရော အမတ် ဒေါ်မိယဉ်ချမ်းနှင့် လောက်ကိုင် အမတ်ဦးကျော်နီနိုင်တို့က အစီရင်ခံစာကို ထောက်ခံဆွေးနွေးခဲ့ကြရုံသာမက အစီရင်ခံစာပါ ရွေးကောက်ပွဲစနစ် အမှတ် (၄)ကို ရွေးသင့်ကြောင်း အကြံပြုကြသည်။

ဒေါ်ခင်သန္တာနည်းတူ လက်ရှိကျင့်သုံးနေသည့် FPTP စနစ်ကိုသာ ရွေးချယ်ရန် ဆွေးနွေးခဲ့ကြသော NLD ပါတီဝင် မြောက်ဥက္ကလာပ အမတ် ဒေါက်တာသန်းဝင်း၊ ပွင့်ဖြူအမတ် ဒေါက်တာအောင်မိုးညို နှင့် ကလောအမတ် ဒေါက်တာဒေါ်သန်းငွေ တို့က ပြည်ခိုင်ဖြိုး အမတ်များ ထောက်ခံသည့် ရွေးကောက်ပွဲနည်း စနစ်အမှတ် (၄) အပါအ၀င် PR နှင့် ပတ်သက်ပြီး အားနည်းချက်များနှင့် တန်းတူအခွင့်အရေး မရှိမှုများကို ဝေဖန်ကြသည်။

ရခိုင်လွှတ်တော်က ပြဌာန်းသော ရေချိုငါးလုပ်ငန်းဥပဒေသစ် ရေလုပ်ငန်းကို ခိုင်မာလာစေမည်ဟုဆို

မာန်ယုကျော် (ရွှေဝမြေ)

ရခိုင်ပြည်နယ် လွှတ်တော်က အတည်ပြုပြဋ္ဌာန်းလိုက်ပြီဖြစ်သည့် ရခိုင်ပြည်နယ် ရေချိုငါးလုပ်ငန်းဥပဒေသည် ရခိုင်ပြည်နယ်၏ ကျဆင်းနေသော ရေလုပ်ငန်းကဏ္ဍ တစ်ခုလုံးကို ပြန်လည်ခိုင်မာလာစေမည်ဟု ရခိုင် ပြည်နယ်ဝန်ကြီးချုပ် ဦးမောင်မောင်အုန်းက ပြောကြားလိုက်သည်။

ယင်းကို အောက်တိုဘာ ၂၇ ရက်နေ့ နံနက်ပိုင်းက စစ်တွေမြို့ ပြည်နယ်အစိုးရ အဖွဲ့ရုံး အစည်းအဝေး ခန်းမတွင် ပြုလုပ်သော “ရခိုင်ပြည်နယ် ရေချိုငါးလုပ်ငန်းဥပဒေရှင်းလင်းခြင်း နှင့် သဘာဝ ပတ်ဝန်းကျင် ထိန်းသိမ်းရေး၊ ငါးသယံဇာတဖွံ့ဖြိုးတိုးတက်ရေးနှင့် ဆင်းရဲနွမ်းပါးမှုလျော့ ကျရေး အလုပ်ရုံဆွေးနွေးပွဲ”တွင် ၀န်ကြီးချုပ်က ယင်းသို့ ပြောဆိုခဲ့ခြင်းဖြစ်သည်။

“ ဒီဥပဒေဟာ လက်ရှိကျဆင်းနေတဲ့ ရခိုင်ပြည်နယ်ရဲ့ ရေလုပ်ငန်းကဏ္ဍတစ်ရပ်လုံးကို ပြန်လည် ခိုင်မာ တိုးတက် မြင့်မားစေမှာ ဖြစ်ပါတယ်။ ခုလို တိုးတက်ခိုင်မာလာဖို့ ရခိုင်ပြည်နယ်ဝန်ကြီးချုပ်တစ်ယောက်အနေနဲ့အထူးပဲ မျှော်လင့်နေတဲ့ အကြောင်း ပြောကြားလိုပါတယ်” ဟု ၀န်ကြီးချုပ် ဦးမောင်မောင်အုန်းက ဆိုသည်။

ရခိုင်ပြည်နယ်အတွင်း ယခုနောက်ပိုင်း စည်းကမ်းမဲ့ ငါးဖမ်းလာနေကြသည့်အတွက် ပြည်နယ် တွင်း ငါးသယံဇာတ ရှားပါးမှုကို ရင်ဆိုင်ကြုံတွေ့နေရသည့်အပြင် ပြည်နယ်အတွင်းငါးလုပ်ငန်းကိုလည်းထိခိုက် ကျဆင်းနေသည်ဆိုသည့် အချက်နှင့်စပ်လျဉ်း၍ ပြည်နယ်ဝန်ကြီးချုပ်က ယခုကဲ့သို့ ပြောဆိုခဲ့ ခြင်းဖြစ်သည်။

အဆိုပါဥပဒေကို ရခိုင်ပြည်နယ်လွှတ်တော် ဥပဒေပြုရေးကော်မတီနှင့် ဥပဒေအကြံပေးအဖွဲ့ အပါအဝင် ရခိုင်ပြည်နယ်ငါးလုပ်ငန်းဦးစီးဌာနမှ တာဝန်ရှိသူများ၊ ရေလုပ်ငန်းလုပ်ကိုင်ကြသူများ၊ လူမှု ကူညီရေး အဖွဲ့ဖြစ်သည့် “ပျိုးပင်”ကဲ့သို့သော အရပ်ဘက်လူ့အဖွဲ့အစည်းများဖြင့် ၂ဝ၁၃ ခုနှစ်၊ စက်တင်ဘာလမှ စတင်ပူးပေါင်းရေးဆွဲခဲ့ကြခြင်းဖြစ်ပြီး ၂၀၁၄ ခုနှစ် စက်တင်ဘာလ ၄ ရက်နေ့ကပြုလုပ်ခဲ့ သည့် ဒသမ အကြိမ်မြောက် ရခိုင်ပြည်နယ်လွှတ်တော်တွင် အတည်ပြုပြဋ္ဌာန်းနိုင်ခဲ့ခြင်းဖြစ်သည်။

အခန်း (၁၅) ခန်းပါရှိသော အဆိုပါဥပဒေ၏ အခန်း (၆) သည်လည်း ရခိုင်ပြည်နယ်ရှိ ရေလုပ်ငန်း လုပ်ကိုင်ကြသော ဆင်းရဲနွမ်းပါးသူများ၏လူနေမှုဘဝအပြင် ရခိုင်ပြည်နယ်တစ်ခုလုံး၏ ဆင်းရဲမှုနှုန်း ကိုပါ လျော့ကျအောင် စွမ်းဆောင်နိုင်သည်ဟု ယင်းနေ့ကပြုလုပ်သည့်အလုပ်ရုံဆွေးနွေးပွဲသို့ တက်ရောက် လာကြသော ပညာရှင် အများစုက သုံးသပ်ဆိုသည်။

ယင်းဥပဒေ၏ အခန်း ၆ ဖြစ်သည့် “ရပ်ရွာအခြေပြု ငါးလုပ် ငန်းအစုအဖွဲ့များဖွဲ့စည်းခြင်းနှင့် လုပ်ငန်းများ လုပ်ကိုင်ခြင်း” ဟူသည့်အခန်းတွင် “ရခိုင်ပြည်နယ်အတွင်း ငါးလုပ်ငန်းလုပ်ကိုင်ဆောင် ရွက်ရာတွင် ပိုမိုတွင်ကျယ်စွာ ဆောင်ရွက်နိုင်ရန်အတွက် ခရိုင်တစ်ခုလျှင် ရပ်ရွာ အခြေပြုငါးလုပ်ငန်း အစုအဖွဲ့ အနည်းဆုံးတစ်ဖွဲ့ကိုဖြစ်စေ၊ တစ်ဖွဲ့ထက်ပို၍ဖြစ်စေ ဖွဲ့စည်းရမည်”ဟု ဖော်ပြထားသည်။

ယင်းအပြင် ရပ်ရွာအခြေပြုငါးလုပ်ငန်းအစုအဖွဲ့များအတွက် လိုအပ်သည့်ရင်းနှီးမြှုပ်နှံငွေများကို အစိုးရထံ လျှောက်ထားလာပါက ပြည်နယ်အစိုးရအဖွဲ့က လိုအပ်သလိုစိစစ်၍ ထုတ်ချေးနိုင်ကြောင်းလည်း အဆိုပါ ဥပဒေတွင် ထည့်သွင်းဖော်ပြထားသည်။

“ဒီဥပဒေပါ ရပ်ရွာအခြေပြု ငါးလုပ်ငန်းအစုအဖွဲ့တွေစုပေါင်းပြီး စီမံခန့်ခွဲရတာက မြန်မာသာမက ကမ္ဘာမှာပါ အောင်မြင်တိုးတက်မယ့်အရာဖြစ်ပါတယ်”ဟု ငါးလုပ်ငန်းကို လေ့လာနေသည့်ပညာရှင် တစ်ဦးဖြစ်သူ Rick Gregory က ယင်းနေ့ကအခမ်းအနားတွင်ပြောကြားသွားသည်။

ယခုအတည်ပြုပြဌာန်းထားသည့်အဆိုပါဥပဒေကိုအသက်ဝင်လာစေရန်အတွက် နည်းဥပဒေ များကို အလျင်အမြင်ရေးဆွဲရန်လိုအပ်ပြီး ယင်းဥပဒေကို ရခိုင်ပြည်သူတိုင်း နားလည် လိုက်နာနိုင်အောင် သရုပ်ဖော်ပြမှုများနှင့် ရိုးရှင်းသောအသုံးအနှုန်းများသုံးကာ ပြည်သူကိုချပြရန်လိုအပ်ကြောင်း လည်းတက်ရောက်လာသည့် ပညာရှင်များက ဆိုသည်။

ရခိုင်ပြည်နယ်အတွင်း လူဦးရေ ၃၂ သိန်းကျော်ရှိသည့်အနက် ထက်ဝက်နီးပါးခန့်ဖြစ်သော ကျေးလက်နေ ပြည်သူများမှာ ငါးလုပ်ငန်းကိုလုပ်ကိုင်၍ အသက်မွေးလျက်ရှိကြောင်း ရခိုင်ပြည်နယ် ငါးလုပ်ငန်းဦးစီးဌာန၏ ညွှန်ကြားရေးမှူးက ယင်းနေ့ကပြုလုပ်သည့်အလုပ်ရုံဆွေးနွေးပွဲတွင် ပြောဆိုခဲ့ကြသည်။

ဓာတ်ပုံ မှုပိုင်ခွင့် ခိုင်ခိုင်မာမာမရှိသေးတဲ့အပေါ် သူတိုပြောစကား

DVB

ရခိုင်ပြည်နယ် မြောက်ပိုင်းတွင် ဘင်္ဂါလီများ အစုအဖွဲ့လိုက် ပြောင်းရွှေ့မှုများရှိဟု အတည်ပြု

ကေဇူး

ရခိုင်ပြည်နယ် မြောက်ပိုင်းဒေသများတွင် ဘင်္ဂါလီအစုအဖွဲ့များ မိသားစုအလိုက် ပြောင်းရွှေ့မှုများကို ဖမ်းဆီးရမှုများ ရှိလာသည်ဟု ရခိုင်ပြည်နယ် အစိုးရအဖွဲ့၊ ပြန်ကြားရေးအဖွဲ့ အတွင်းရေးမှူး ဦးဝင်းမြိုင်က ပြောသည်။

ရခိုင်ပြည်နယ် ဒုက္ခသည်စခန်းများမှ ဒုက္ခသည်များ ၂၀၁၄ သြဂုတ်၊ စက်တင်ဘာနှင့် အောက်တိုဘာလများအတွင်း ဆက်တိုက် ထွက်ပြေးမှုများ ရှိလာခြင်းဖြစ် ပြီး ရခိုင်ပြည်နယ် ရေကြောင်းလုံခြုံရေး တိုးမြှင့်ချ ထားသည်။

ဦးဝင်းမြိုင်က “ထွက်ပြေးတာလား ၀င်လာတာလားဆိုတာ မသိဘူး၊ တရားမဝင် စုဖွဲ့သွားတာတွေရှိတော့ ဒေသတည်ငြိမ်ရေးကို ထိခိုက်တယ်၊ သူတို့ အတွက်လည်းရေကြောင်းက အန္တရာယ်ရှိတယ်” ဟု ပြောသည်။

ယင်းသို့ ထွက်ပြေးမှုများကြောင့် သုံးလအတွင်းလူဦးရေ ငါးရာနီးပါးဖမ်းဆီးထားမိသည်ဟု မောင်တော အမှတ် (၁) အဝင် အထွက်စခန်းမှ တာဝန်ရှိသူကပြောသည်။

ဘင်္ဂါလီများအစု အဖွဲ့အလိုက်ပြောင်းရွှေ့မှုများနှင့် ပတ်သက်ပြီး မောင်တောမြို့နယ်မှ အစ္စလာမ် မြို့မိမြို့ဖ ဦးလှသိန်းက “ဒုက္ခသည် စခန်းကနဲ့ နယ်ဘက်က သူတွေက၊ တချို့ကလည်း သူတို့ ဆွေမျိုးတွေဆီကို ပြောင်းတယ်၊ တချို့ကလည်း ပွဲစားနဲ့ အလုပ်အကိုင်အတွက် သွားကြတယ်”ဟု ဆိုသည်။

ထိုသို့ထွက်ခွာရာတွင် ဘင်္ဂလားဒေ့ရှ် နိုင်ငံ၊ ပါကစ္စတန်နိုင်ငံတို့ကို မိသားစုလိုက် ရွှေ့ပြောင်းမှုများ ရှိသည်ဟု ဆိုသည်။

သြဂုတ်လ အတွင်းက ရခိုင်ပြည်နယ် မြေပုံဒုက္ခသည် စခန်းက ထွက်ပြေးလာသော ဘင်္ဂါလီ ဒုက္ခသည် တစ်ရာကျော်နှင့် ကျောက်ဖြူ ကျောက်တလုံး ဒုက္ခသည် စခန်းမှ ထွက်ပြေးလာသော ဒုက္ခသည် နှစ်ဆယ် ကျော်ကို ဖမ်းဆီးမိခဲ့သည်။

စက်တင်ဘာလ အတွင်းတွင် စစ်တွေ မြို့နယ်မှန်စီချောင်းဝက တစ်ဆင့်ဝင်ရောက်လာသော လှေတစ် စင်းကို ဖမ်းဆီးခဲ့ရာ ထွက်ပြေးသဖြင့် သုံးဦးမှာ ရေနစ်သေဆုံးပြီးရှစ်ဦးဖမ်းဆီးမိခဲ့သည်။

ယင်းအပြင် မင်းပြားမြို့နယ်တွင် ခရီးသွားလှေတစ်စင်းနှစ်မြုပ်ပြီး ဘင်္ဂါလီ ၁၁ ဦးသေဆုံးခဲ့သည်။ လက်ရှိတွင် ရခိုင်ပင်လယ်ပြင် ရေကြောင်း လုံခြုံရေးအတွက် ရေကြောင်းတပ်ဖွဲ့ များတိုးမြှင့်ချထားပြီး လက်နက် တပ်ဆင်ထားသော ကင်းလှည့် ရေယာဉ် နှစ်စင်းကိုလည်းအသုံးပြုမည်ဟု ပြည်နယ်အစိုးရအဖွဲ့က ပြောကြားထားသည်။

ကရင် လက်နက်ကိုင် တပ်ဖွဲ့များ ပေါင်းစည်းရေး ဆွေးနွေး

စနေလင်း

ကရင် တိုင်းရင်းသား လက်နက်ကိုင် တပ်ဖွဲ့များ အားလုံးစုစည်း၍ ကော်သူလေး တပ်မတော် ပြန်လည်ဖွဲ့စည်းရေးနှင့်ပတ်သက်ပြီး ကရင်အမျိုးသား အစည်းအရုံး(KNU) နှင့် ဒီမိုကရေစီ အကျိုးပြု ကရင်အမျိုးသား တပ်မတော်(DKBA) တို့အကြား သဘောထား မတူညီမှုများ ကို ဆွေးနွေးသွားမည်ဖြစ်ကြောင်း သိရသည်။

DKBA တပ်မဟာ ဌာနချုပ် အခြေစိုက်ရာ ကရင်ပြည်နယ် ဆုံဆည်းမြိုင် ကျေးရွာ၌ အောက်တိုဘာ ၂၉ ရက်က စတင်ကျင်းပသော ကော်သူလေး တပ်မတော် ဖွဲ့စည်းခြင်းဆိုင်ရာဆွေးနွေးပွဲတွင် KNU ၏ ဖွဲ့စည်းပုံ၊ နိုင်ငံရေး လမ်းစဉ်၊ လုပ်ငန်းစဉ်နှင့် အညီ ဆောင်ရွက်နိုင်ရန်အတွက် လာမည့် ၂ နှစ်ကြာမှ ကျင်းပမည့် ၁၆ ကြိမ်မြောက် ကွန်ဖရင့်မှ ဆွေးနွေးဆုံးဖြတ်ရန် KNU အဖွဲ့ကိုယ်စားလှယ် က ပြောသည်။

“ဒီကော်သူလေး တပ်မတော် ဖွဲ့စည်းဖို့ကို မူအရတော့ KNU အနေနဲ့ လက်ခံပါတယ်။ ကျနော်တို့အားလုံး တခုတည်းပြန် ဖြစ်ဖို့က ကျနော်တို့အားလုံး အလိုလားဆုံး၊ အလိုအပ်ဆုံးဆိုတာ ဘယ်လိုမှ ငြင်းလို့တော့ မရပါဘူး။ ဒါပေမယ့် လုပ်ဆောင်တဲ့နေရာမှာ မူရှိတယ်၊ လမ်းစဉ်၊ စည်းမျဉ်းစည်းကမ်းရှိတယ်။ မူအတိုင်း လုပ်သွားကြမယ်ဆိုရင် ကျနော်တို့ ညီညီညွတ်ညွတ် လုပ်ဆောင်ကြရင်ရှောရှောရှူရှူ လုပ်ဆောင်နိုင်မှာပါ။ အဖွဲ့အစည်းတခု ပြန်လည်ထူထောင်သွားမယ်ဆိုရင် ခံယူချက်တွေ၊ သဘောထားတွေ၊ ရည်မှန်း ချက်တွေ တူညီကြရမှာဖြစ်ပါတယ်”ဟု KNU အဖွဲ့က ကိုယ်စားလှယ် ဗိုလ်ချုပ် စောဖောဒိုက ပြောသည်။

ကရင်လက်နက်ကိုင် တပ်ဖွဲ့များ ပေါင်းစည်းထားသော ကော်သူလေး တပ်မတော်ဖွဲ့စည်းရန် အစည်းအဝေးသည် တဦးတယောက် တည်းနှင့် အဖွဲ့တခုတည်းနှင့် မပတ်သက်ဘဲ ပြည်သူများအားလုံး၊ လက်နက်ကိုင်တပ်ဖွဲ့များ အားလုံးနှင့် ပတ်သက်နေသောကြောင့် တက်ရောက်လာသည့် ကိုယ်စားလှယ်များအားလုံးကလည်း အကြံပြုပေးကြရန် DKBA ခေါင်းဆောင် ဗိုလ်ချုပ်ကြီး စောလား ပွယ် က ပြောဆိုသည်။

သို့ရာတွင် လာမည့် ကွန်ဖရင့် ကျင်းပရန်မှာ အချိန် ၂ နှစ်ခန့် ကြာဦးမည်ဖြစ်ပြီး ကရင်တမျိုးသားလုံး စည်းလုံးညီညွတ်ရေး အတွက်ကရင် လက်နက်ကိုင်တပ်ဖွဲ့များ စုပေါင်းထားသော တပ်ဖွဲ့တခုတည်း တည်ဆောက်ရေးသည် အချိန်အားဖြင့် နောက်ကျနေသည့် သဘောရှိနေကြောင်း DKBA တပ်ဖွဲ့မှ ဗိုလ်မှူး စောကျော်သက်ကလည်း အဆိုပါ ဆွေးနွေးပွဲတွင် ပြောသည်။

“နောက်ထပ် ၂ နှစ်ကာလဆိုရင် လက်ရှိအုပ်ချုပ်နေတဲ့ သမ္မတ သက်တမ်း ကုန်ပြီ။ KNU က ဥက္ကဌကြီးရဲ့ သက်တမ်းလည်း ကုန်ပြီ။ ဒီကြားထဲမှာ တနိုင်ငံလုံး အပစ်အခတ် ရပ်ဆဲရေးကို လက်မှတ်ထိုးဖြစ်ခဲ့ရင် ကျနော်တို့ ကရင်တွေ တပ်မတော်တခုတည်း ပြန်ဖြစ်နိုင် ပါ့မလား။ ဒါ့ကြောင့် အချိန်ဟာ နောက်ကျတယ် မရှိပါဘူး။ ၂၀၀၇၊ ၂၀၀၉ တုန်းကလည်း KNU ကို DKBA က သွားတွေ့ခဲ့ပါတယ်။ ဒါပေမယ့် အဖြေမရခဲ့ပါဘူး။ လာမယ့် ကွန်ဖရင့်ကမှ ဒီအဖြေကို ဆွေးနွေး၊ တည်ဆောက်မယ်ဆိုရင် ဒီကြားမှာ ယုံကြည်လို့ရမလား။ ဒါကို ထည့်စဉ်းစားဖို့လိုမယ်”ဟုလည်း ၎င်းက ပြောဆိုသည်။

ကော်သူလေး တပ်မတော်ဖွဲ့စည်းနိုင်ရေးအတွက် DKBA တပ်ဖွဲ့ ဌာနချုပ် အခြေစိုက်ရာ ဆုံဆည်းမြိုင်ကျေးရွာတွင် ၃ ရက် ကြာ ဆွေးနွေးသွားမည်ဖြစ်ပြီး တပ်ပိုင်းဆိုင်ရာ ဖွဲ့စည်းပုံများ၊ နိုင်ငံရေး ဦးဆောင်မည့် အဖွဲ့အစည်းများ၊ အရာရှိ၊ စစ်သည်များနှင့် သက်ဆိုင် သော တာဝန်၊ လုပ်ပိုင်ခွင့်များ စသည့်အချက်များကိုလည်း ထည့်သွင်း ဆွေးနွေးသွားမည်ဟု ဆိုသည်။

ယင်းသို့ တပ်မတော်ဖွဲ့စည်းရေး အတွက် ပြီးခဲ့သည့် ၁၅ ကြိမ်မြောက် ကွန်ဖရင့်ကတည်း ဆွေးနွေးခဲ့ခြင်း ဖြစ်ကြောင်း KNU အထွေထွေအတွင်းရေးမှူး ဖဒို စောကွယ်ထူးဝင်း ကလည်း ဧရာဝတီနှင့် အင်တာဗျူး တခုတွင် ပြောဆိုထားသည်။

အဆိုပါဆွေးနွေးပွဲသို့ KNU ၊ ကရင်အမျိုးသား လွတ်မြောက်ရေး တပ်မတော်၊ ငြိမ်းချမ်းရေးကောင်စီ(KNU/ KNLA-PC) ၊ DKBA စသော ကရင်လက်နက်ကိုင်အဖွဲ့များအပြင် ဗမာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး(ABSDF)၊ ကလို ထူး ဘော ကရင် အစည်းအရုံး(KKO) နှင့် ကရင်တိုင်းရင်းသား အရပ်ဘက်အဖွဲ့အစည်းများ၊ လူမှုအဖွဲ့များ အားလုံးမှ လူ ၁၅၀ ကျော် တက်ရောက်ခဲ့ကြကြောင်း သိရသည်

မြန်မာနိုင်ငံမှာ ဘဏ်အသုံးပြုသူရာခိုင်နှုန်း နည်း

DVB

ကိုပါကြီးအမှု တပ်မတော် စုံစမ်းရေးဖွဲ့၍ စစ်ဆေးနေ

ဟိန်းကိုစိုး၊ မင်းဟိန်းထက်

လက်နက်လုယူမှုကြောင့် စစ်တပ်ကပစ်ခတ် ဖမ်းဆီးခဲ့ရပါသည်ဟု တပ်မတော်က သတင်းထုတ်ပြန်ခဲ့သည့် ကိုအောင်ကျော်နိုင် (ခ) ကိုပါကြီးသေဆုံးမှု အမှုကို တပ်မတော်ဘက်က ဗိုလ်မှူးကြီးတစ်ဦး ဦးဆောင်သည့်အဖွဲ့က စုံစမ်းစစ်ဆေးနေသည်ဟု သမ္မတ ပြောခွင့်ရပုဂ်္ဂိုလ် ပြန်ကြားရေး ဝန်ကြီး ဦးရဲထွဋ် က အောက်တိုဘာ ၂၉ ရက်တွင် မဇ္ဈိမကို ပြောသည်။

ယင်းအဖွဲ့ကို အောက်တိုဘာ ၂၆ ရက် တွင် ဖွဲ့စည်းပြီး အမှုမှန်ပေါ်ပေါက်နိုင်ရေး အတွက် စုံစမ်းစစ်ဆေးမှုများ ပြုလုပ်နေပြီး အဖွဲ့၏ တွေ့ရှိချက်များ အပေါ်မူတည်ကာ ရဲတပ်ဖွဲ့နှင့် တပ်မတော်မည်သူ တာဝန်ယူ အရေးယူမည်ကို ဆုံးဖြတ်မည်ဟု ဆိုသည်။

ဦးရဲထွဋ်က “တပ်ဥပဒေတွေထဲမှာ ဖြစ်တဲ့ဖြစ်စဉ်၊ အခြေအနေပေါ်မူတည်ပြီး တပ်ဥပဒေနဲ့ပဲ ဖြေရှင်းတာ၊ ရဲဘက်ကို လွှဲတာရှိတယ် အဲဒီအတိုင်းပြီးရင် ဆုံးဖြတ်မှာပါ”ဟု ပြောသည်။

ကိုပါကြီး အလောင်းပြန်လည်တူးဖော် ရေးနှင့် ပတ်သက်ပြီး ဦးရဲထွဋ်က တစ်စုံတစ်ရာြေ့ပာကြားခြင်း မရှိ သည့်အပြင် စုံစမ်းစစ်ဆေးရေး အဖွဲ့အတွင်း ပါဝင်သူများနှင့် မည်သည့်အချိန်အတွင်း အပြီးဆောင်ရွက် မည်ကိုလည်း မပြောပေ။

ရဲတပ်ဖွဲ့ကလည်း လက်ခံထားသည့် သေမှုသေခင်းပြစ်မှုကို စုံစမ်းမှုများ ပြုလုပ်မည်ဖြစ်ပြီး လိုအပ်သည့် အချက်အလက်များကို တပ်မတော်ထံမှ ရယူဆောင်ရွက်နေသည် ဟု ဦးရဲထွဋ်က ဆိုသည်။

လူ့အခွင့်အရေးကော်မရှင်သို့ တိုင်ပြီ ကိုပါကြီး သေဆုံးခဲ့မှုတွင် လူ့အခွင့် အရေးချိုးဖောက်ခံရမှုများ ညှဉ်း ပန်း နှိပ်စက်မှုများ ခံခဲ့ရကြောင်း သံသယဖြစ်စရာ များရှိနေသောကြောင့် ၈၈ မျိုးဆက် အဖွဲ့အစည်းအပါ အ၀င် အဖွဲ့အစည်း ၄၀ ကျော်မှ မြန်မာနိုင်ငံ အမျိုးသား လူ့အခွင့်အရေး ကော်မရှင်မှ စစ်ဆေးပေးရန် တိုင် စာပေးပို့သွားမည် ဖြစ်ကြောင်း ၈၈ မျိုးဆက် ဦးကိုကိုကြီးက အောက်တိုဘာ ၂၉ ရက် တွင် ပြောသည်။

ကိုပါကြီး ဓာတ်ပုံအတု

ကိုအောင်ကျော်နိုင်(ခ)ကိုပါကြီးကို လက်နက်ကိုင်အဖွဲ့များနှင့် တောတွင်းတွင် တွေ့ရသည်ဟု တပ်မတော် က ထုတ် ပြန်ခဲ့သည့် ဓာတ်ပုံသည် ၂၀၁၀ ပြည့်နှစ်အတွင်း DKBA အဖွဲ့နှင့် စစ်တပ်တိုက်ပွားဖြစ်ပွား ခဲ့ သောကြောင့် ထိုင်းမြန်မာနယ်စပ်သို့ ထွက်ပြေးလာသော စစ်ရှောင်ဒုက္ခသည်များကို သွားရောက် ကူညီ ပေးစဉ် ရိုက်ယူခဲ့ခြင်း ဖြစ်ကြောင်း အဆိုပါ ဓာတ်ပုံတွင်ပါဝင်သူ တစ်ဦးဖြစ်သည့် ဦးကိုကိုအောင်က ပြော သည်။

အောက်တိုဘာ ၂၃ ရက်တွင် တပ်မတော်က ကိုပါကြီးသည် DKBA အဖွဲ့၏ အဖွဲ့ငယ်တစ်ခုဖြစ်သည့် ကလို့ထူးဘော ကရင်အစည်းအရုံး (KKO) စောဆန်းအောင် အဖွဲ့မှ ဗိုလ်ကြီးအဆင့် ပြန်ကြားရေး တာဝန် ခံ တစ်ဦးဖြစ်သည်ဟု တပ်မတော်က သတင်းထုတ်ပြန်ထားသည်။

အဆိုပါ ဓာတ်ပုံတွင် ကိုပါကြီးသည် လက်နက်ကိုင်အဖွဲ့ဝင်များနှင့် မဟုတ်ဘဲစစ် ရှောင်ဒုက္ခသည်များကို ကူညီနေသည့် ၎င်းတို့ နှင့်အတူ ရှိနေခြင်းဟု ဦးကိုကိုအောင်က ၈၈ မျိုးဆက်ငြိမ်းချမ်းရေးနှင့် ပွင့်လင်းလူ့ အဖွဲ့အစည်းရုံးတွင် အောက်တိုဘာ ၂၉ ရက် သတင်းစာရှင်းပွဲတွင် ပြောသည်။

၎င်းက “တိုက်ပွဲဖြစ်နေတဲ့ နေရာတွေကို ကျွန်တော်တို့ ညအိပ်ညနေ သွားကြပါတယ်။ အဲမှာ မနက်မိုးလင်း လက်ဘက်ရည်ကြမ်းသောက် တာကို အမှတ်တရ ရိုက်ခဲ့တာပါ။ ဒါကို ကျွန်တော့်လူမှု ကွန်ရက်စာ မျက်နှာမှာလည်း တင်ခဲ့ပါတယ် အဲဒါကို ကာကွယ်ရေးဝန်ကြီးဌာနက ယူသုံးထားတာပါ”ဟု ဆိုသည်။

ယင်းအပြင် ကိုပါကြီးသည် အလွတ်သတင်းထောက် တစ်ယောက်ဖြစ်ကြောင်းကို ပြောဆိုလိုက်ပြီး ၂၀၀၈ ခုနှစ်တွင် ၎င်းဂျပန်တွင် နေထိုင် စဉ်က ကိုပါကြီး၏ သတင်းဆောင်းပါးများ၊ သတင်းဓာတ်ပုံများ ပေး ပို့ နိုင်ရန် ဂျပန်သတင်းဌာနများနှင့် ချိတ်ဆက်ပေးခဲ့ကြောင်း ၎င်းက အတည်ပြုပြောဆိုသည်။

အမျိုးသမီးများ အတွက် အခမဲ့ သင်ကြားပေးမည့် ယာဉ်မောင်းသင်တန်း ဖွင့်မည်

နန်းဆိုင်နွမ်

မြန်မာ နိုင်ငံတ၀န်းမှ ဆင်းရဲပြီး အခြေခံ ပညာရေး နိမ့်ပါးသည့် အမျိုးသမီးငယ်များ အလုပ်အကိုင် အခွင့်အလမ်း ရရှိရေးအတွက် ယာဉ်မောင်း သင်တန်းကို အခမဲ့ သင်ကြားပေးရန် စီစဉ်နေကြောင်း သိရသည်။

ယင်းအစီအစဉ်ကို ပထမအကြိမ်အဖြစ် မြန်မာ အမျိုးသမီးများ လုပ်ငန်းအခွင့်အလမ်း ဖွံ့ဖြိုးရေး အသင်း(ယာယီ)က ပြုလုပ်ခြင်း ဖြစ် သည်။

သင်တန်းနှင့်ပတ်သက်၍ လျှောက်လွှာများကို စတင် လက်ခံနေပြီ ဖြစ်ပြီး ၂၀၁၄ ခုနှစ် ဒီဇင်ဘာ ၁ရက်တွင် စတင်ဖွင့်လှစ်သွားမည် ဖြစ်ကြောင်း၊ သင်တန်း တကြိမ်လျှင် အမျိုးသမီး ၁၀ ဦးသာ လက်ခံမည်ဖြစ်ကြောင်း မြန်မာ အမျိုးသမီးများ လုပ်ငန်း အခွင့်အလမ်း ဖွံ့ဖြိုးရေး အသင်း(ယာယီ) မှ ပြန်ကြားရေး တာဝန်ခံ ဦးဖြိုးဝေသိန်း က ဧရာဝတီသို့ ပြောသည်။

၎င်းက “အသက် ၁၈ နှစ် က နေ ၄၀ အထိ ကန့်သတ်ထားပါတယ်။ ယာဉ်မောင်း သင်တန်းကတော့ တလ တည်းပါ၊ ဒါပေမယ့် လိုင်စင်ရတဲ့ အထိတော့ ကူညီပေးသွားမှာပါ၊ ပြီးရင် အလုပ်ရဖို့ အတွက် ချိတ်ပေးမယ်၊ လိုင်းကားတွေ၊ အငှားယာဉ်တွေ ကုမ္ပဏီ တွေ မောင်းလို့ရအောင် လုပ်ငန်းနဲ့ချိတ်ပြီး လုပ်ဆောင်ပေးသွားမယ်”ဟုလည်း ပြောဆိုသည်။

အမျိုးသမီးများ အလုပ်အကိုင်ရရှိရေးအတွက် နောက်ပိုင်းတွင် အများပိုင်ကုမ္ပ္ပဏီအနေဖြင့် ဆောင်ရွက်သွားမည် ဖြစ်ကြောင်း၊ အမျိုးသားများနှင့်တန်းတူ ရရှိရေးအတွက် အမျိုးသမီးများ ကိုယ်တိုင် ကြိုးစားရမည် ဖြစ်ကြောင်းလည်း အသင်းတည်ထောင်သူ ဒေါ်ကေ ခိုင်အောင်ခင် က ရန်ကုန်မြို့ ဗဟန်းမြို့နယ် ရွှေဂုံတိုင်ရှိ တော်ဝင်နှင်းဆီ ခန်းမ၌ ယနေ့ ကျင်းပသည့် သတင်းစာရှင်းလင်းပွဲ တွင်ပြော ဆိုသည်။

အမျိုးသမီး အရွယ်စုံ ကြုံတွေ့နေရသည့် ယနေ့ခေတ် လူမှုရေး ပြဿနာ အဆင့်ဆင့်နှင့် အကျဉ်းကျ အမျိုးသမီးများ အတွက်လည်း ဗဟုသုတ ပညာပေး စာပေ ဖတ်ကြားပွဲများကို စီစဉ်ဆောင်ရွက်ပေးပြီး အကျဉ်းကျရက် လျှော့ပေါ့စေရန် ဆောင်ရွက်သွားမည်ဟု လည်း ဒေါ်ကေခိုင်အောင်ခင် က ဆက်ပြောသည်။

၎င်းက“ကျမ အနေနဲ့ အမျိုးသမီးတွေ အတွက် သီးသန့် ယာဉ်လိုင်းတွေ အများကြီးပေါ်ထွက်လာအောင်နဲ့ အမျိုးသမီးငယ်တွေ အလုပ် အကိုင် အခွင့်အလမ်းတွေ ရအောင်ဆောင်ရွက်သွားမှာပါ။ အခုဆိုရင် မထသ ၃၁ အမျိုးသမီး သီးသန့် ယာဉ်လိုင်းတွေ ထွက်လာပြီ။ ဒီနှစ် မကုန်ခင်မှာလည်း ပါရမီ ကနေ အမျိုးသမီး သီးသန့် ယာဉ်လိုင်း ထွက်လာဦးမှာပါ”ဟု ပြောဆိုသည်။

မြန်မာ အမျိုးသမီးများ လုပ်ငန်း အခွင့်အလမ်း ဖွံ့ဖြိုးတိုးတက်ရေး အသင်း (ယာယီ) အနေဖြင့် အမျိုးသမီးများ အလုပ်အကိုင် ရရှိရန် အတွက် ပါရမီ ယာဉ်လိုင်းနှင့်ချိတ်ဆက်၍ အမျိုးသမီးများအတွက် ipay ကတ်ကို ဈေးလျှော့ရောင်းပေးသွားမည် ဖြစ်ကြောင်း လည်း ဒေါ်ကေခိုင်အောင်ခင် က ပြောသည်။

“ကျမတို့ MWODA ဆိုတဲ့ တံဆိပ်ရိုက် အင်္ကျီနဲ့ အမျိုးသမီး သီးသန့်အတွက် ထွက်နေတဲ့ ယာဉ်လိုင်းတွေကို တောင်းဆိုထားပါတယ်။ အဲဒီ မိန်းကလေးတွေကို ၆လ ယာဉ်အကူအဖြစ် ဆောင်ရွက်ပေးဖို့ တေင်းဆိုပေးမယ်၊ ဘာလို့လဲဆိုတော့ ယာဉ် စည်းကမ်း၊ လမ်းစည်းကမ်းရော မောင်းမယ့် အနေအထားရော သိအောင်လို့ပါ။ လိုင်စင် အနက် မရခင်မှာ ယာဉ်နောက်လိုက် အဖြစ် လိုက်ပေး ရမယ်”ဟု ၎င်း က ဆက်လက် ပြောဆိုသည်။

ရန်ကုန်မြို့တွင်း၌ အမျိုးသမီးများအတွက် ၃၁ ယာဉ်လိုင်းကို ယခုလ ၂၇ ရက်နေ့က စတင် ပြေးဆွဲနေပြီး ရုံးတက်၊ ရုံးဆင်းချိန်များ အတွင်း ပြေးဆွဲမည်ဟု ဆိုသည်။

ထို့အတူ ပါရမီ ယာဉ်လိုင်းကလည်း ရန်ကုန် မြို့တွင်း သယ်ယူ ပို့ဆောင်ရေး အတွက် အမျိုးသမီး သီးသန့်လိုင်း တခုကို မကြာမီ ပြေးဆွဲမည် ဖြစ်ပြီး တနေ့လျှင် ကား ၁၀ စီးဖြင့် ပြေးဆွဲမည်ဖြစ်ကြောင်း သိရသည်။

၂၀၁၂ ခုနှစ်ကလည်း ယာဉ်လိုင်း ၅ ခု က အမျိုးသမီးများအတွက် သီးသန့် ပြေးဆွဲပေးခဲ့သေးသည်။

စစ်ဆင်ရေးအသုံးစရိတ်အတွက် ထပ်မံတိုးတောင်း

DVB

စစ်ဆင်ရေး အသုံးစရိတ် ကျပ်သန်းပေါင်း ၁၀၀ လျှော့ချရန် (သို့မဟုတ်) ငြိမ်းချမ်းရေး ခေါင်းစဉ်ပြောင်းရန် လွှတ်တော်အမတ်ပြော

ဝင်းကိုကိုလတ်

ကာကွယ်ရေး ဝန်ကြီးဌာန၏ ၂၀၁၄- ၂၀၁၅ ဘဏ္ဍာရေးနှစ် နောက်ထပ်ဘဏ္ဍာငွေသုံးစွဲရေး ဥပဒေကြမ်းတွင် စစ်ဆင်ရေးလုပ်ငန်းအတွက် ထပ်တိုးတောင်းငွေ ကျပ်သန်း ၁၀၀ ကို ကာကွယ်ရေး ဝန်ကြီးဌာနအောက်ရှိ ငြိမ်းချမ်းရေးခေါင်းစဉ် (သို့မဟုတ်) လျှော့ချရန် လွှတ်တော်အမတ် ဒေါ်နန်းဝါနုက တောင်းဆိုလိုက်သည်။

ကွန်ဟိန်းမြို့နယ်၊ ပြည်သူ့လွှတ်တော်အမတ် ဒေါ်နန်းဝါနုက ၂၀၁၄-၂၀၁၅ ဘဏ္ဍာရေးနှစ် နောက်ထပ်ဘဏ္ဍာငွေ ခွဲဝေသုံးစွဲရေး ဥပဒေကြမ်းတွင် စစ်ဆင်ရေးလုပ်ငန်းအတွက် မူလလျာထားချက်သည် ကျပ်သန်းပေါင်း ၂၀၀ ဖြစ်ပြီး ထပ်မံတိုးတောင်းငွေသည် ကျပ်သန်းပေါင်း ၁၀၀ စုစုပေါင်း ကျပ်သန်း ၃၀၀ သုံးစွဲမည်ဟု ဖော်ပြထားသည်ဟု ဆိုသည်။

၎င်းက "မူလလျာထားချက် ကျပ်သန်းပေါင်း ၂၀၀ ထဲတွင် ပထမငါးလအတွက် အမှန်သုံးစွဲငွေသည် ၂၅ ဒသမ ၄၇ သန်းဖြစ်တဲ့ အတွက်ကြောင့် မူလလျာထားငွေ၏ ၁၃ ရာခိုင်နှုန်း၊ လေးပုံတစ်ပုံသာ သုံးစွဲထားကြောင်းတွေ့မြင်ရပါတယ်။ ကျန် ၇ လအတွက် သုံးစွဲမည့်ငွေသည် ကျပ်သန်းပေါင်း ၂၇၄ ဒသမ ၅၂၇ သန်းဖြစ်လို့ မူလလျာထားငွေရဲ့ ၁၃၇ ရာခိုင်နှုန်းဖြစ်နေလို့ အလွန်များပြားနေပါတယ်’’ ဟု ဆိုသည်။

ဒေါ်နန်းဝါနုက ဥပဒေအရ ခေါင်းစဉ်လွှဲပြောင်းသုံးစွဲခွင့် မပြုဆိုသော်လည်း ယခုအချိန်သည် စစ်မှန်သည့် ငြိမ်းချမ်းရေး ဖော်ဆောင်နေသည့် ကာလဖြစ်သည့်အတွက် စစ်ဆင်ရေးစရိတ်များကို ခေါင်းစဉ်လွှဲပြောင်းသုံးစွဲခြင်း၊ လျှော့ချခြင်းများ ပြုလုပ်ပေးသင့်ပါသည်ဟု ပြောကြားသည်။

အောက်တိုဘာ ၂၉ရက်က ကျင်းပသည့် ပြည်ထောင်စုလွှတ်တော် အစည်းအဝေးတွင် ၂၀၁၄- ၂၀၁၅ ဘဏ္ဍာရေးနှစ် ပြည်ထောင်စု ၏ နောက်ထပ်ဘဏ္ဍာငွေ ခွဲဝေသုံးစွဲရေး ဥပဒေကြမ်းအား လွှတ်တော်အမတ် ၁၁ ဦးက ဆွေးနွေးခဲ့သည်။

ည ၁၀ နာရီနောက်ပိုင်း မီးထွန်းသွားလာလျှင် ပစ်ခတ်ခံရမည်ဟု ဗိုလ်သိန်းစိန် ညွှန်ကြား

သျှမ်းသံတော်ဆင့်

သျှမ်းပြည် တောင်ပိုင်း ကာလိမြို့နယ်ခွဲ အတွင်း တပ်ချ လှုပ်ရှား နေသည့် ခြေလျင် တပ်ရင်း အမှတ် ၁၅၁ လက်အောက်ခံ တပ်ခွဲမှူး ဗိုလ်သိန်းစိန်က ကျေးလက် လူထုအား ည ၁၀ နာရီ နောက်ပိုင်း မီးမထွန်းရ၊ မီးထွန်း သွားလာလျှင် ပစ်ခတ် ခံရမည်ဟု ဒေသခံများအား ဆင့်ခေါ်ကာ ညွှန်ကြား ထားသည်ဟု ဆိုသည်။

အောက်တိုဘာ ၂၇ ရက်နေ့က သျှမ်းပြည်တောင်ပိုင်း ကွန်ဟိန်းမြို့နယ် ကာလိမြို့နယ်ခွဲ နှင့် မိုင်းစံ မြို့နယ်ခွဲကြား ဟောင်လိတ်ကျေးရွာ ဘုန်းကြီးကျောင်း၌ တပ်စခန်းချနေထိုင်သည့် ခလရ ၁၅၁ လက်အောက်ခံ တပ်ခွဲမှူးဗိုလ်သိန်းစိန် က ဒေသခံများအား ခေါ်ယူက မီးထွန်းသွားလာခြင်းမပြုရန် ၊ တွေ့ရှိပါ က ပစ်ခတ်ခြင်းခံရလျှင် တာဝန်ယူမည် မဟုတ် ကြောင်း ပြောသည်။

“ဒီ စစ်ဗိုလ်က ဒီကိုရောက်တာ လပိုင်းဘဲရှိတယ်။ လလယ်ပိုင်းတုန်းကလဲ ည ၁၀ နာရီလောက် အလ ကား နေရင်း သေနတ်ပစ်ဖေါက်တယ်။ အားလုံးလန့်သွားတာပေါ့။ ပီးခဲ့တဲ့အပတ်က ရွာသူကြီးကိုခေါ်ပြီး ပြောတယ်။ ည ၁၀ နာရီ နောက်ပိုင်းမီးမထွန်းရဘူးတဲ့။ အခု မနေ့က ထပ်ခေါ်ပြောတာ က ပစ်သတ်ခံ ရရင် တာဝန်မယူဘူးတဲ့” - ဟု အမည် မဖေါ်လိုသည့် ရွာသားတဦးကပြောသည်။

ခလရ ၁၅၁ လက်အောက်ခံ တပ်ခွဲတခုသည် ဟောင်လိတ်ကျေးရွာဘုန်းကြီး၌ အခြေချနေထိုင်သည်မှာ ၂ နှစ်ခန့်ရှိပြီ ဖြစ်ကြောင်း၊ ဝါတွင်းဥပုသ်သည်များအခက်အခဲကြောင့်ဖယ်ရှားပေးဖို့ ကူညီပြောဆိုပေးရန် ကွန်ဟိန်းပြည်သူ့လွှတ် တော်ကိုယ်စားလှယ် နန်းဝါနုထံ ရွာသားများတင်ပြပြီးနောက် တပတ်ခန့်သာရှောင်ပေးကြောင်း၊ ယခုထက်ထိဘုန်းကြီး ကျောင်းအား တပ်စခန်းအဖြစ်ပြန်လည်အသုံးပြုနေဆဲဖြစ်ကြောင်း ပြောသည်။

အဆိုပါဒေသသည် အစိုးရတပ်မတော်လက်အောက်ခံ ကာလိပြည်သူ့စစ်တပ်ဖွဲ့ လှုပ်ရှားသွားလာ ရာဒေသဖြစ်သည်။ ၎င်းတို့သည် သျှမ်းပြည်တပ်မတော် SSPP/SSA တပ်မဟာ ၇ တပ်ဖွဲ့ဝင်ဟောင်း များဖြစ်ကြသည်။

တတိယအကြိမ်မြောက်ပြုလုပ်တဲ့အမျိုးသမီးဖိုရမ်

DVB

ရန်ကုန်အတွက် တယ်လီနောဆင်းမ်ကတ် တစ်သန်းချထားပေးပြီး လိုအပ်ပါက ကတ် ၁၀ သန်း အသင့်ရှိ

မောင်မန်း

နော်ဝေ အခြေစိုက် မိုဘိုင်း အော်ပရေတာ တယ်လီနောက ရန်ကုန်မြို့အတွက် အောက်တိုဘာ ၂၆ ရက်တွင် ဆင်းမ်ကတ် တစ်သန်းချထားပေးပြီး လိုအပ်ပါက ဆက်လက်ချထားပေးရန် ကတ် ၁၀ သန်း အသင့်ရှိသည်ဟု တယ်လီနောမြန်မာ၏ ပြန်ကြားရေးအရာရှိ ကိုစိုးသူထွန်းက မဇ္ဈိမကို ပြောသည်။

ကိုစိုးသူထွန်းက "ရန်ကုန်အတွက် ကတ်တစ်သန်း ချထားပေးပါတယ်။ လိုအပ်ချက်ရှိတယ်ဆိုရင် ဆက်ပြီးချပေးဖို့ ကတ် ၁၀ သန်းအသင့်ရှိပါတယ်။ လိုအပ်တယ်ဆိုရင် ကိုယ်စားလှယ်တွေ ထပ်မှာသလောက် ချထားပေးမှာပါ" ဟု ဆိုသည်။

တယ်လီနော၏ ဆင်းမ်ကတ်ရောင်းသည့် ကိုယ်စားလှယ်ဆိုင်အချို့တွင် မှတ်ပုံတင်ပြ၍ ၀ယ်ရန်မလိုဘဲ ရောင်းချခြင်းမျိုး ရှိနေပြီး ယင်းကဲ့သို့ ရောင်းချခြင်းမျိုးများကို တယ်လီနောထံသို့ အကြောင်းကြားပေးရန် ကိုစိုးသူထွန်းက ပြောသည်။

၎င်းက" ဆိုင်တွေက မှတ်ပုံတင်မလိုဘဲ ရောင်းနေတာရှိရင် တယ်လီနောဆီကို အကြောင်းကြားပေးဖို့ တောင်းဆိုပါတယ်။ ကတ်ပျောက်တာတို့ ပျက်တာတို့ ဆိုရင် မှတ်ပုံတင်ပြပြီး ဝယ်ထားတာ မဟုတ်တဲ့အတွက် အဲ့ဒီနံပါတ် ပြန်မရနိုင်တော့ဘူး" ဟု အသိပေးပြောကြားသည်။

မင်္ဂလာတောင်ညွှန့်မြို့နယ်နေ တယ်လီနောဖုန်းအသုံးပြုသူ တစ်ဦးက "ဆိုင်တွေမှာ ငွေဖြည့်ကတ် ဘယ်လောက်တန်နဲ့မှ တွဲရောင်းမယ် ဆိုတာမျိုးတွေက စိတ်ပျက်ဖို့ ကောင်းတယ်" ဟု ပြောသည်။

တယ်လီနော အနေဖြင့် ဆင်းမ်ကတ် စတင် ဝယ်ယူသည့် အချိန်တွင် ငွေဖြည့်ကတ် ၃၀၀၀ ကတ်နှင့် တွဲဖက် ဝယ်ယူရန် တယ်လီနော မြန်မာ၏ အမှုဆောင်အရာရှိချုပ်က ရန်ကုန်တွင် စတင်ရောင်းချသည့်နေ့က သတင်းစာရှင်းလင်းပွဲတွင် ပြောကြားထားသည်။ ယင်းသို့ ရောင်းချခြင်းမှာ မှောင်ခို ဈေးကွက်မဖြစ်ပေါ်စေရန် ကာကွယ်ခြင်း ဖြစ်သည်ဟုလည်း ပြောကြားထားသည်။

တယ်လီနောဆင်းမ်ကတ် အရောင်းဆိုင်များတွင် ငွေဖြည့်ကတ်ဖြင့် တွဲရောင်းခြင်းနှင့်ပတ်သက်ပြီး ကိုစိုးသူထွန်းက "ငွေဖြည့်ကတ်နဲ့ တွဲရောင်းတာကို ဝယ်ဖို့တော့ တိုက်တွန်းချင်ပါတယ်။ ပထမဆုံးဖြည့်တဲ့ ငွေဖြည့်ကတ်အလိုက် ပရိုမိုးရှင်း ပေးတာတွေရှိတယ်။ တကယ်သုံးဖြစ်မယ်ဆိုလည်း ငွေဖြည့်ကတ်က ဝယ်ရမှာပဲလေ" ဟု ဆိုသည်။

နေပြည်တော်တွင် နိုင်ငံရေး ထိပ်သီးများ တွေ့ဆုံမည်

ထက်နိုင်ဇော်

အမေရိကန် သမ္မတ အိုဘားမား မြန်မာနိုင်ငံ လာရောက်ရန် နီးကပ်လာချိန်တွင် နေပြည်တော်၌ သမ္မတဦးသိန်းစိန်၊ ကာချုပ် ဗိုလ်ချုပ်မှူးကြီး မင်းအောင်လှိုင်၊ လွှတ်တော်နာယက သူရ ဦးရွှေမန်း၊ ဒေါ်အောင်ဆန်းစုကြည် အပါအ၀င် နိုင်ငံရေး ခေါင်း ဆောင်များ ပါဝင်သော နိုင်ငံရေးထိပ်သီးတွေ့ဆုံပွဲ အောက်တိုဘာလ ၃၁ ရက်နေ့တွင် ကျင်းပပြုလုပ်မည် ဖြစ်ကြောင်း သိရှိရသည်။

နိုင်ငံရေးထိပ်သီးများတွေ့ဆုံပွဲသို့ သမ္မတ ဦးသိန်းစိန်၊ ဗိုလ်ချုပ်မှူးကြီး မင်းအောင်လှိုင် ၊ ဦးရွှေမန်း၊ ဒေါ်အောင်ဆန်း စုကြည် တို့အပြင် ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေး၊ အာဏာရ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ ဒုဥက္ကဋ္ဌ ဦးဌေးဦး ၊ တိုင်းရင်းသား စည်းလုံးညီညွှတ်ရေး ပါတီ ဥက္ကဋ္ဌ ဦးသန်းတင် ၊ ညီညွှတ်သော တိုင်းရင်း သားများ မဟာမိတ်အဖွဲ့ (UNA) ခေါင်းဆောင်လည်းဖြစ်၊ ရှမ်းအမျိုးသားဒီမိုကရေစီအဖွဲ့ချုပ်ဥက္ကဋ္ဌလည်းဖြစ်သူ ဦးခွန် ထွန်းဦး ၊ ဖက်ဒရယ် ဒီမိုကရေစီ မဟာမိတ်အဖွဲ့(FDA) ခေါင်းဆောင် ဦးခင်မောင်ဆွေ ၊ တိုင်းရင်းသား ညီနောင်များ ဖက်ဒ ရေးရှင်း(NBF) အဖွဲ့ ခေါင်း ဆောင် လည်းဖြစ်၊ ရှမ်းတိုင်းရင်းသားများ ဒီမိုကရက်တစ်ပါတီဥက္ကဋ္ဌလည်းဖြစ်သူ ဦးစိုင်းအိုက် ပေါင်း စုစုပေါင်း ၁၀ ဦးပါဝင် မည်ဖြစ်ကြောင်း သိရှိရသည်။

နိုင်ငံရေး တွေ့ဆုံပွဲ မတိုင်မီ အစိုးရက တရားဝင် သတင်းထုတ်ပြန်မည်မဟုတ်ဘဲ တွေ့ဆုံပွဲ တက်ရောက်မည့် နိုင်ငံရေး ခေါင်းဆောင်များကိုလည်း သတင်းမထုတ်ပြန်ရန် ပြောဆိုထားကြောင်း၊ တွေ့ဆုံပွဲ၏ ခေါင်းစဉ် ကို နိုင်ငံရေးခေါင်းဆောင် များ ကိုယ်တိုင် သိရှိခြင်းမရှိကြောင်း၊ တွေ့ဆုံပွဲအတွက် ဖိတ်ကြားမှုများ လက်ခံရရှိထားပြီးဖြစ်ကြောင်း စုံစမ်းသိရှိရသည်။

“အခုဖိတ်တဲ့ အထဲမှာ ဦးစိုင်းအိုက်ပေါင်းဆိုရင် NBF ကို ကိုယ်စားပြုတယ် ။ ဦးခင်မောင်ဆွေ ဆိုရင် FDA ကို ကိုယ်စား ပြုတယ်။ ဦးခွန်ထွန်းဦးဆိုရင် UNA ကို ကိုယ်စားပြုလိမ့်မယ်။ NLD ၊ ပြည်ခိုင်ဖြိုးနဲ့ တစညကိုပဲ ပါတီ အနေနဲ့ ဖိတ်ထား တယ်”ဟု ရှမ်းတိုင်းရင်းသားများ ဒီမိုကရက်တစ်ပါတီ၏ ပြောရေးဆိုခွင့်ရှိသူ ဦးစောသန်းမြင့်က ပြောဆိုသည်။

မြန်မာနိုင်ငံတွင် လတ်တလော ဖြစ်ပေါ်နေသော ဖွဲ့စည်းပုံအခြေခံ ဥပဒေ ပြင်ဆင်ရေး အကျပ်အတည်း၊ ရှေ့ဆက် မတိုး နိုင်တော့သည့် ငြိမ်းချမ်းရေး ဆွေးနွေးပွဲ ၊ နိုင်ငံရေး အကျပ်အတည်းနှင့် ပြုပြင် ပြောင်းလဲရေး လုပ်ငန်းစဉ်များအတွက် အဆိုပါ တွေ့ဆုံပွဲသည် အရေးကြီးပြီး နိုင်ငံအတွက် အပြောင်းအလဲဖြစ်ရန် လိုအပ်ကြောင်း မြန်မာနိုင်ငံရေးစောင့်ကြည့် လေ့လာသူများက သုံးသပ်သည်။

မြန်မာနိုင်ငံရေးလေ့လာသုံးသပ်သူ ဒေါက်တာ ရန်မျိုးသိမ်းက “ဒီတွေ့ဆုံ ဆွေးနွေးပွဲကနေ မြန်မာ့နိုင်ငံရေး လမ်းပြမြေပုံ အသစ်တခု ပထမဆုံး စပြီးလှမ်းတဲ့ ခြေလှမ်းတခု ဖြစ်ဖို့ လိုတယ်။ ရေရှည် အမြင်နဲ့ အမျိုးသား ပြန်လည်သင့်မြတ်ရေး ၊ ပြည်တွင်း ငြိမ်းချမ်းရေး ၊ ဒီမိုကရေစီ ပြုပြင်ပြောင်းလဲရေးကို လက်တွေ့ကျကျ ဦးတည်နိုင်တဲ့ အခြေခံကောင်းတွေကို ချမှတ် နိုင်တဲ့ နိုင်ငံရေး ဆွေးနွေးပွဲမျိုး ဖြစ်ဖို့ လိုတယ်။ ဒါပေမယ့် အမေရိကန် သမ္မတ အိုဘာမား မလာခင်မှာ နိုင်ငံရေး အရ မျက်လှည့်ပြတဲ့ တွေ့ဆုံမှုမျိုး မဖြစ်ဖို့ လိုတယ်။ တိုင်းရင်းသား မြန်မာပြည်သူ လူထုအများစု ကလည်း ဒီတွေ့ဆုံမှုနဲ့ ဒီတွေ့ဆုံမှု နောက်ပိုင်းမှာ ဖြစ်လာမယ့် အခြေအနေတွေ အပေါ်မှာ မျှော်လင့်ချက် ကြီးကြီး ထားပြီးတော့ စောင့်ကြည့် နေကြတယ်” ဟု သုံးသပ်ပြောဆိုသည်။

ဧရာဝတီမဂ္ဂဇင်း အယ်ဒီတာချုပ် ဦးအောင်ဇော်က မြန်မာအစိုးရ အဆက်ဆက်သည် ပြည်တွင်း၊ ပြည်ပ နိုင်ငံရေး အကျပ် အတည်းများရှိတိုင်း ဖိအားများလျော့ကျရေး လက်တွေ့မပါသော ဟန်ပြ တွေ့ဆုံဆွေးနွေးမှုများ အကြိမ် ကြိမ်ပြုလုပ် ခဲ့ ကြောင်း၊ လက်ရှိ သမ္မတဦးသိန်းစိန်အစိုးရ လက်ထက် နိုင်ငံရေး၊ စီးပွားရေးနှင့်လူမှုရေး အကျပ် အတည်း တွေ့ကြုံ နေရ ချိန် နေပြည်တော် နိုင်ငံရေးထိပ်သီးတွေ့ဆုံပွဲ ပေါ်ထွန်းလာခြင်းအတွက် သံသယဖြင့် စောင့်ကြည့် ရမည် ဖြစ်ကြောင်း ပြောသည်။

“၁၉၉၄ ခုနှစ်ကတည်းက အာဏာရှင်တွေနဲ့ ဒေါ်အောင်ဆန်းစုကြည်နဲ့ တချိန်လုံး တွေ့ခဲ့ကြတာ။ တွေ့တဲ့ အခါတိုင်း မှာ လည်း နိုင်ငံတကာရဲ့ Pressure တွေ ၊ ပြည်တွင်းမှာ ရှိတဲ့ Pressure တွေ ရှိတဲ့ အခါတိုင်း တွေ့လေ့ရှိတယ်။ ပြီးတော့ ဘာမှ ဖြစ်လာခဲ့တာ မရှိဘူး။ ဦးသိန်းစိန်နဲ့ ဒေါ်အောင်ဆန်းစုကြည်လည်း ဒီဘက်ခေတ်မှာ တွေ့ခဲ့တာပဲ။ ဘာမှ ဖြစ်လာ တာ မဟုတ်ဘူး။ အခုလည်း အစိုးရက အကျပ်အတည်း ဖြစ်နေတဲ့ ကာလ စီးပွားရေးအရရော ၊ လူမှုရေး အရရော အကျပ် အတည်းတွေ ဖြစ်နေတဲ့ ကာလမိုလို့ ဒီတွေ့ဆုံမှုဟာ မျက်လှည့်ပြကွက်တခုက လွဲလို့ ဘာမှ မထူးဘူး။ နောက်တချက်က အိုဘာမား ခရီးစဉ်ကြောင့် မျက်လှည့် ပြကွက်တခု ဆိုရင်တော့ မကောင်းဘူး။ တကယ် တမ်းက Legal Binding (သို့မဟုတ်) ပဋိညာဉ် လိုတယ်။ ပဋိညာဉ် မရှိလို့ကတော့ လက်ဖက်ရည်ပွဲ သာသာနဲ့ပဲ ပြီးသွားမှာ။ ပဋိညာဉ် စာချုပ် မရှိလို့ မရ ဘူး။ ပဋိညာဉ် စာချုပ် မရှိဘဲ လက်ဖက်ရည်ဝိုင်းသာသာ တွေ့လို့ကတော့ တိုင်းပြည်အတွက် ဘာမှ ဖြစ်လာမှာ မဟုတ် ဘူး” ဟု ၎င်းက ဆိုသည်။

မြန်မာ့နိုင်ငံရေး အကျပ်အတည်းကြုံနေရချိန် အမေရိကန်အစိုးရအနေဖြင့် ကျရှုံးလျက်ရှိနေသော နိုင်ငံခြားရေးမူဝါဒကို အဖတ် ဆယ်သည့်အနေဖြင့် မြန်မာနိုင်ငံအပေါ်ထားရှိသည့် အမေရိကန်အစိုးရပေါ်လစီကို အောင်မြင်မှုတခုပြသရန် ကြိုး ပမ်းမည် ဆိုပါက သမ္မတဦးသိန်းစိန်အစိုးရသာလျှင် အကျိုးရှိမည်ဖြစ်ပြီး မြန်မာပြည်သူများနှင့် ဒီမိုကရက်တစ် အင်အား စုများ အတွက် တစုံတရာ အကျိုးရှိမည်မဟုတ်ဟု ဦးအောင်ဇော်က ဆက်လက်ပြောဆိုသည်။

မြန်မာ့အရေး လေ့လာသူ ဘာတေးလ်လင့်တနာကမူ အမေရိကန်သမ္မတအိုဘားမား မြန်မာနိုင်ငံမလာမီ ကျင်းပမည့် နေပြည်တော် နိုင်ငံရေးထိပ်သီးတွေ့ဆုံပွဲသည် လက်ရှိ နိုင်ငံတွင်း တွေ့ကြုံနေရသည့် နိုင်ငံရေးအကျပ်အတည်းကို ပြေလည်မည်ဟု မယုံကြည်ကြောင်း ပြောဆိုသည်။

“နေပြည်တော်ထိပ်သီးတွေ့ဆုံပွဲမှာ ဘာတွေ ပြောကြမလဲဆိုတာ ကျနော် မသိဘူး။ ဒါပေမယ့် ကျနော့်အမြင်မှာတော့ တွေ့ဆုံမှုက နိုင်ငံရေး အကျပ်အတည်းကို ပြေလည်စေဖို့ထက် တိုင်းရင်းသားလက်နက်ကိုင်တွေကို အပစ်အခတ် ရပ်စဲ ရေးမှာ လက်မှတ်ရေးထိုးဖို့ ထပ်ပြီး ဖိအားပေးနိုင်တယ်။ မြန်မာအစိုးရအနေနဲ့ အမေရိကန်သမ္မတ အိုဘားမားကို အပစ် အခတ် ရပ်စဲရေး သဘောတူညီချက်နဲ့ ကြိုဆိုချင်တယ်။ မြန်မာနိုင်ငံမှာ ငြိမ်းချမ်းရေး ရနေပြီလို့ မြန်မာအစိုးရက ပြောချင် နေတာ။ အပစ်အခတ်ရပ်စဲရေးရလို့ ငြိမ်းချမ်းသွားရင် အမေရိကန်ကုမ္ပဏီတွေက မြန်မာနိုင်ငံထဲ ၀င်လာပြီး တရုတ် ကုမ္ပဏီ တွေကို ကန်ထုတ်ပစ်နိုင်တယ်” ဟု ဘာတေးလ်လင့်တနာက ရှင်းပြသည်။

ရှမ်းအမျိုးသားဒီမိုကရေစီအဖွဲ့ချုပ်မှ ပြောရေးဆိုခွင့်ရှိသူ ဦးစိုင်းညွှန့်လွင်ကမူ နေပြည်တော်ထိပ်သီးတွေ့ဆုံ မှုသည် နိုင်ငံရေးအကျပ်အတည်းအတွက် အဖြေတခု ထွက်ပေါ်နိုင်မည်ဟု မျှော်လင့်ကြောင်း ပြောဆိုသည်။

“ကျနော်ကတော့ အကောင်းမြင်တယ်။ တွေ့ဆုံမှုက နိုင်ငံအတွက် အဖြေတခုခုတော့ ထွက်လာနိုင်မှာပါ” ဟု ဦးစိုင်းညွှန့်လွင်က ပြောသည်။

ဒေါ်အောင်ဆန်းစုကြည်နှင့်ရင်းနှီးသော ပြည်တွင်းစီးပွားရေးလုပ်ငန်းရှင်ကြီးတဦးကမူ နေပြည်တော်နိုင်ငံရေးထိပ်သီးများ တွေ့ဆုံပွဲအပေါ် သံသယဖြင့် ကြိုဆိုကြောင်း၊ သို့သော တွေ့ဆုံဆွေးနွေးမှုကို မယုံကြည်ဟုဆိုကာ ပယ်ချက်၍ မရနိုင် ကြောင်း သုံးသပ်ပြောဆိုသည်။

မြန်မာနိုင်ငံက လာမည့် နိုဝင်ဘာလတွင် အိမ်ရှင်အဖြစ် လက်ခံကျင်းပမည့် အာဆီယံထိပ်သီး အစည်းအဝေး တက် ရောက်ရန် အမေရိကန်သမ္မတအိုဘားမား နိုဝင်ဘာလအတွင်း နေပြည်တော်သို့ လာရောက်မည်ဖြစ်ကြောင်း သိရှိရသည်။

ကော်သူ့လေးတပ်မတော် အဖွဲ့ပေါ်ပေါက်ရေးအတွက် ကရင်လက်နက်ကုိုင် အဖွဲ့တွေ တွေ့ဆုံဆွေးနွေး

DVB

တောင်ကုတ်လူသတ်မှု နိုဝင်ဘာလတွင် အယူခံဝင်မည်

ကေဇူး

ရခိုင်ပြည်နယ်၊ တောင်ကုတ် မြို့နယ်တွင် အစ္စလာမ် ဘာသာရေးခေါင်းဆောင် ၁၀ ဦး အသတ်ခံရမှုနှင့် စပ်လျဉ်းပြီးထောင် ခုနှစ် နှစ်စီကျခံရသူများက နိုဝင်ဘာလတွင် အယူခံဆက်တင်သွားမည်ဟု ၎င်းတို့၏ အမှုလိုက်ရှေ့နေ ဒေါ်နွေးနွေးငြိမ်းကမဇ္ဈိမကို ပြောသည်။

ယင်းအမှု နှင့် သက်ဆိုင်သူ ၇ ဦးကို သံတွဲခရိုင်တရားရုံးက အောက်တိုဘာ ၂၄ ရက်တွင် ထောင်ဒဏ် ၇ နှစ်စီ စီရင်ချက်ချခဲ့ပြီး နိုဝင်ဘာလ ၁၅ရက်မတိုင်မှီ အယူခံဝင်ရမည်ဖြစ်သည်။

အမှုလိုက်ရှေ့နေ ဒေါ်နွေးနွေးငြိမ်းက “တောင်ကုတ်မှာ ဆယ်ဦးသေတယ်ဆိုတာ မှန်တယ်၊ ဒါပေမယ့် သူတို့ သတ်ပါတယ်ဆိုတာ သက်သေအထောက်အထားလည်း မရှိတဲ့အတွက် ကျွန်မတို့မှာ အခွင့်အရေးရှိပါ သေးတယ်"ဟု ဆိုသည်။

အဆိုပါ ပြစ်ဒဏ်စီရင်ခြင်းခံရသူ ခုနှစ်ဦးမှာ တောင်ကုတ်မြို့ပေါ်က ဖြစ်ပြီ ၎င်းတို့ကို ၂၀၁၂ ခုနှစ် ဇွန်လ အတွင်းက တရားစွဲဆို ဖမ်းဆီးခဲ့ခြင်းဖြစ်သည်။

၂၀၁၂ ဇွန်လ ၂ ရက်က ကျောက်နီမော်တွင် မသီတာထွေး သတ်ခံရမှုဖြစ်ရပ် အပြီး ဒုတိယမြောက်နေ့တွင် သံတွဲမြို့က ထွက်ခွာလာသော အစ္စလာမ် ဘာသာရေးခေါင်းဆောင် ဆယ်ဦးသတ်ခံရခြင်းဖြစ်သည်။

ပြစ်မှု စီရင်ခြင်းခံရသူများမှ တစ်ဦးဖြစ်သည့် ကိုအေးငြိမ်း၏ အစ်မဖြစ်သူ မချောစုက "လူအုပ်စု တစ်ခုက ကြောင့်ဖြစ်တဲ့ ကိစ္စကို မဖော်ထုတ်နိုင်ဘဲ နီးရာလူကို ဖမ်းဆီးထောင်ချခဲ့တယ်လို့ ကျွန်မတို့ယူဆတယ်၊ ဒါကြောင့် လက်ရှိကျခံရတဲ့ ပြစ်ဒဏ်အပေါ်မှာလည်း မကျေနပ်ဘူး”ဟု ဆိုသည်။

ထိုသို့ အသတ်ခံရမှုအတွက် မူလက ပုဒ်မ ၃၀၂ (လူသတ်မှု)ဖြင့် တရားစွဲဆိုထားသော်လည်း စစ်ဆေး ပေါ်ပေါက်ချက်နှင့် တရားလို သက်သေ ခိုင်လုံမှုမရှိခြင်းကြောင့် ပုဒ်မ ၃၂၅ (တုံးသောလက်နက်ဖြင့် နာကျဉ်စေမှု)ဖြင့် စီရင်ချက်ချခဲ့ခြင်းဖြစ်သည်။

ကျောက်နီမော် ကျေးရွာ မသီတာထွေး သတ်ဖြတ်ခံရမှုကို တောင်ကုတ်မြို့တွင် ဓာတ်ပုံနှင့် လှုံ့ဆော်စာများ ရေးသားဖြန့်ဝေမှုများ ရှိခဲ့ပြီးနောက် အစ္စလာမ်ဘာသာရေးခေါင်းဆောင် ဆယ်ဦးသတ်ခံရခြင်းဖြစ်သည်။

ထိုမှတစ်ဆင့် ရခိုင်တစ်ပြည်နယ်လုံး အတိုင်းအတာဖြစ် ပဋိပက္ခများ ကူးစက်ကာ အိုးမဲ့အိမ်မဲ့ ဒုက္ခသည် တစ်သိန်းကျော် ဖြစ်ခဲ့ပြီး လူ နှစ်ရာထက်မနည်း သေဆုံးခဲ့သည်။

စားထိုးမြေယာ ပြန်မပေးလျှင် တောင်သူများ အခက်ခဲကြုံမည်

ဖြိုးဝေအောင်

ရဲတပ်ဖွဲ့လေ့ကျင့် ကွင်းပြုလုပ်ရန် အတွက် ကန့်ကွက်ထားသောမြေယာများပေါ်တွင် လုပ်ကိုင်စားသောက်ခွင့် သို့မဟုတ် အစားထိုးမြေယာ ပြန်မပေးနိုင်လျှင် မိမိတို့အနေဖြင့် အခက်ခဲကြုံလာနိုင်သည်ဟု မထောခူကျေးရွာမှ တောင်သူများကဆိုသည်။

“တကယ်လို့သူတို့ ပြန်မပေးဘူး။ ကန့်ကွက်မယ် ။သိမ်းမယ်ဆိုရင် အစားထိုးမြေပြန်ရှာပေးရမယ်လေ။ ဘာလို့လဲဆိုတော့ ဒီမြေပဲရှိတယ်။ တခြားလုပ်ကိုင်ဖို့ မြေမရှိဘူး။” ဇရပ်ဖြူကျေးရွာမှ ဦးစေးရယ်ကပြောသည်။

လွိုင်ကော်မြို့နယ် မထောခူကျေးရွာအုပ်စုတွင် တောင်သူ ၁၂ ဦး ပိုင်ဆိုင်သည့် မြေ ၅၈ ဧကကို ရဲတပ်ဖွဲ့ လေ့ကျင့်ရေးကွင်းပြုလုပ်ရန် လောပိတရဲစခန်းမှ ယခင်နှစ် တကည်းက ကန့်ကွက်ထားကြောင်းဒေသခံများကဆိုသည်။

“ရှိတာက ဒီမြေပဲလေ။ သူ့တို့သိမ်းသွားမယ်ဆိုရင် အခက်အခဲများကြီးရှိတာပေ့ါ။ အဲမြေတွေကိုပဲ မှီခိုနေရတယ်လေ။ ပြီးတော့ တကယ်လို့နစ်နာကြေးပေးမယ်ဆိုရင်လည်း တန်ရာတန်ကြေးပေးမှ အခြားမြေကိုပြန်ရှာဝယ်လို့ရမယ်။” တောင်သူတဦးကပြောသည်။

ယခုအခါတွင် ၎င်းတို့ ကန့်ကွက်တားမြစ်ထားသော မြေယာများပေါ် ကို တိုင်းတာပြီး မှတ်တိုင်(အလံတိုင်) များစိုက်ထူထားခဲ့ကြောင်း ဒေသခံများဆိုသည်။

၎င်းမြေ ၅၈ ဧကကို မထောခူကျေးရွာအုပ်စုရှိ ဇရပ်ဖြူ၊ သတ္တပလူ၊ နမ့်ပ၀ါနှင့် လောဓလေးစသည့် ကျေးရွာများ မှ တောင်သူ ၁၂ ဦးပိုင်ဆိုင်ကြောင်းသိရသည်။

၎င်းမြေပေါ်တွင် ပြောင်း၊စပါးကို အဓိက စိုက်ပျိုးလေ့ရှိပြီး တစ်နှစ်လျှင် စပါးက (၁)ဧက (၁၂၅၀)ပိသာ ၊ ပြောင်းက အတင်း(၄၀) ပုံမှန်ထွက်ရှိကြောင်း တောင်သူတဦးကပြောသည်။

၎င်းမြေကို ပြန်လည်ရရှိရန်အတွက် ကန့်ကွက်စာ၊အသနားခံစာ ကို ပြည်နယ်အစိုးရအဖွဲ့ရုံးနှင့် ဌါနဆိုင်ရာအသီးသီးတွင် အောက်တိုဘာ (၂၁) ရက်နေ့ က စာတင်ထားခဲ့ပြီးဖြစ်ကြောင်း သိရပါသည်။

Miss International Beauty Pageant 2014

DVB

ကရင်တပ်တခုတည်း ဖွဲ့စည်းရေးနှင့် ကော်သူလေး တပ်မတော်ကိစ္စ ဆွေးနွေးနေ

မင်းအောင်ခိုင်

ကော်သူလေး တပ်မတော် ဖွဲ့စည်းခြင်းသည် ကရင်အမျိုးသား သွေးစည်းညီညွတ်ရေးထက် ပြန့်ကျဲနေသည့် ကရင်လက်နက်ကိုင်အဖွဲ့များ တစ်ပေါင်းစည်းတည်း ပြန်လည်ဖြစ်ပေါ်ရေးကို ဦးတည်သည်ဟု DKBA စစ်ဦးစီးချုပ် ဗိုလ်ချုပ်စောလားပွယ်က အောက်တိုဘာ ၂၉ ရက်က ကရင်ပြည်နယ်ရှိ DKBA ဌာနချုပ် ဆုံဆည်းမြိုင်ကျေးရွာတွင် ပြုလုပ်သည့် ကော်သူလေးတပ်မတော် ဖွဲ့စည်းခြင်းဆိုင်ရာ အစည်းအဝေး၌ ပြောကြားခဲ့သည်။

“ဒီကော်သူလေး တပ်မတော်ဆိုတာဟာ တစ်ဦးတစ်ယောက်တည်း၊ အဖွဲ့အစည်းတစ်ခုတည်းနဲ့ ပတ်သက်တာမဟုတ်ဘူး။ ကျွန်တော်တို့ တစ်မျိုးသားလုံးနဲ့ လက်နက်ကိုင်တပ်ဖွဲ့ အားလုံးနဲ့ သက်ဆိုင်တယ်။ ကျွန်တော်တို့ ပြည်သူအားလုံးပိုင်တဲ့ တပ်မတော်တစ်ရပ် ဖြစ်တယ်” ဟု ဗိုလ်ချုပ်စောလားပွယ်က ပြောသည်။

ကော်သူလေးတပ်မတော် ဖွဲ့စည်းခြင်းဆိုင်ရာ အစည်းအဝေးကို အောက်တိုဘာ ၂၉ ရက်မှ ၃၁ ရက်အထိ ဆွေးနွေးသွားမည်ဖြစ်သည်။ ယင်းကော်သူလေး တပ်မတော်ကို ကရင်လက်နက်ကိုင် အဖွဲ့အစည်းများဖြစ်သည့် ကရင်အမျိုးသား လွတ်မြောက်ရေးတပ်မတော် KNLA၊ ကရင်အမျိုးသား ကာကွယ်ရေး အဖွဲ့အစည်း KNDO၊ ဒီမိုကရေစီအကျိုးပြု ကရင့်တပ်မတော် DKBA၊ ကရင်အမျိုးသား အစည်းအရုံး/ကရင်အမျိုးသား လွတ်မြောက်ရေးတပ်မတော် (ငြိမ်းချမ်းရေးကောင်စီ) KNU/KNLA တို့ ပူးပေါင်းဖွဲ့စည်းကြောင်း စက်တင်ဘာ ၁၃ ရက်က ကြေငြာချက်ထုတ်ကာ ကြေငြာခဲ့ခြင်း ဖြစ်သည်။

သို့သော် ကရင်အမျိုးသားအစည်းအရုံး (KNU)ကမူ ယင်းကိစ္စကို ဗဟိုကော်မတီ အစည်းအဝေးတွင် ဆုံးဖြတ်မည်ဟု ဆိုထားပြီး ဗဟိုကော်မတီ အစည်းအဝေးအတွင်း အောက်တိုဘာ ၂၈ ရက်က မူအားဖြင့် သဘောတူခဲ့သည်။

လူသတ်မှု အတွက် AC အရက်ဘား ပိုင်ရှင် လိပ်ကျွန်း သူကြီးသား DNA စစ်ဆေးခံမည်

လင်းသန်

ထိုင်းနိုင်ငံတောင်ပိုင်း လိပ်ကျွန်း လူသတ်မှုနှင့် ပတ်သက်ပြီး မျိုးဗီဇ(DNA) စစ်ဆေးခံရန် ငြင်းဆိုထားသော AC အရက်ဘား ပိုင်ရှင် ကျွန်း သူကြီးသား Warot Tuwichianက ယခုအခါ လူသိရှင်ကြား စစ်ဆေးခံယူတော့မည်ဟု ယမန်နေ့က သတင်းစာ ရှင်းလင်းပွဲ ပြုလုပ်၍ ပြောဆိုလိုက်သည်။

လူသတ်မှုတွင် ပါဝင်ပတ်သက်နေသည်ဟု ကောလာဟလများ ပျံ့နှံ့နေ၍ DNA စစ်ဆေးခံရန် ဆုံးဖြတ်ခြင်းဖြစ်ကြောင်း ယမန်နေ့ထုတ် ဘန်ကောက်ပို့စ် သတင်းစာတွင် ဖော်ပြထားသည်။

သတင်းစာ ရှင်းလင်းပွဲ၌ ထိုင်း အမျိုသား ရဲတပ်ဖွဲ့ ရဲချုပ် မစ္စတာ Somyot Pumpanmuang နှင့် ထိုင်း အာဏာပိုင် တချို့ လည်း အတူရှိနေခဲ့ကြောင်း သိရသည်။

သတင်းစာ ရှင်းလင်းပွဲမတိုင်ခင် AC ဘားဆိုင်ပိုင်ရှင် လိပ်ကျွန်းသူကြီး မစ္စတာ Woraphan က ထိုင်းအမျိုးသား ရဲတပ်ဖွဲ့ ရဲချုပ် နှင့် သွားရောက်တွေ့ ဆုံပြီး ထိုင်းလူမှုကွန်ရက် စာမျက်နှာများက လိပ်ကျွန်းလူသတ်မှုတွင် ၄င်းတို့မိသားစု ပါဝင်ပတ်သက် နေ သည်ဟူသော စွပ်စွဲနေမှုများကို သံသယရှင်းလင်းစေရန် သားဖြစ်သူက DNA စစ်ဆေးပြမည်ဖြစ်ကြောင်း၊ ထို့အပြင် ထိုင်းနိုင်ငံ ဆိုင်ရာ ဗြိတိန်သံရုံးမှ တာဝန်ရှိသူများနှင့်အတူ သတင်းစာရှင်းလင်းပွဲ လုပ်မည်ဖြစ်ကြောင်း သတင်းထောက်များကို ပြောဆိုခဲ့ သည်​။

လိပ်ကျွန်း သူကြီး မစ္စတာ Woraphan ၏ ညီဖြစ်သူ အသက် ၄၅ နှစ်ရှိ မစ္စတာ Montriwat Tuwichian နှင့် သားဖြစ်သူ အသက် ၂၂ နှစ် ရှိ တက္ကသိုလ် ကျောင်းသား Warot Tuwichian တို့သည် လိပ်ကျွန်း လူသတ်မှုနှင့် ပတ်သက်၍ DNA စစ် ဆေးမှု ခံယူခြင်း မရှိသေးကြောင်း ထိုင်းသတင်းများက ရေးသားကြသည်။

၎င်းတို့ ၂ ဦးသည် အခင်းဖြစ်ပွားသည့်ကာလက CCTV မှတ်တမ်းများတွင် လူသတ်မှု ကျူးလွန်သည်ဟု သံသယရှိသူများအဖြစ် CSI LA ဆိုသည့် ထိုင်း လူမှုကွန်ရက် စာမျက်နှာအပါအ၀င် အခြားသော လူမှုကွန်ရက် စာမျက်နှာများက ကျယ်ကျယ်ပြန့်ပြန့် ဝေဖန်နေခြင်း ဖြစ်သည်။

လိပ်ကျွန်းလူသတ်မှုနှင့်ပတ်သက်၍ တရားခံအဖြစ် ထိုင်းရဲက ဖမ်းဆီးထားသူ မြန်မာနိုင်ငံသား မောင်ဝင်းဇော်ထွန်းနှင့် မောင် ဇော်လင်းတို့ကလည်း ၄င်းတို့အား ရဲနှင့် စကားပြန်တို့က အသက်အန္တရာယ် ခြိမ်းခြောက်နှိပ်စက်၍ ၀န်ခံခဲ့ရခြင်းဖြစ် ကြောင်း ၄င်းတို့၏မိသားစုအပါအ၀င် မြန်မာသံရုံး အထူးအဖွဲ့ကို တရားဝင် ပြောဆိုထားသည်။

ယမန်နေ့က မောင်ဝင်းဇော်ထွန်းနှင့် မောင်ဇော်လင်းတို့၏ ပြစ်မှု လုံးဝ မကျူးလွန်ကြောင်းထွက်ဆိုချက်နှင့် ရဲစခန်းထွက်ဆိုချက် ကို တရားဝင်ရုပ်သိမ်းသည်စာအား ၄င်းတို့၏ မိဘများနှင့်အတူ မြန်မာသံရုံးအထူးအဖွဲ့တို့က ထိုင်းနိုင်ငံ အမျိုးသားလူ့အခွင့် အရေးကော်မရှင်ထံ ပေးအပ်ခဲ့သည်။

လိပ်ကျွန်း လူသတ်မှုနှင့်ပတ်သက်၍ တရားမျှတမှု ရရှိရေး အတွက် ထိုင်းနိုင်ငံဆိုင်ရာ မြန်မာသံရုံး သံအမတ်ကြီး ဦးဝင်းမောင်၊ အတွင်းဝန် ဦးထွန်းအေး အပါအဝင် သံရုံး အထူးစုံစမ်းရေး အဖွဲ့နှင့် မောင်ဝင်းဇော်ထွန်း၊ မောင်ဇော်လင်းတို့၏ မိဘများက လည်း အမှုကို တရားဝင် လိုက်ပါဆောင် ရွက်ခွင့်အတွက် ထိုင်းနိုင်ငံ ရှေ့နေများ ကောင်စီထံ ယနေ့ နံနက်ပိုင်းက အပ်နှင်း လိုက်ကြောင်း သိရသည်။

မောင်ဝင်းဇော်ထွန်းနှင့် မောင်ဇော်လင်းတို့ကို ထိုင်းနိုင်ငံတောင်ပိုင်း Koh Tao ခေါ် လိပ်ကျွန်းပေါ်၌ ပြီးခဲ့သည့် စက်တင်ဘာ လ ၁၅ ရက်က ဗြိတိန်နိုင်ငံသား နှစ်ဦး အသတ်ခံခဲ့ရမှုတွင် တရားခံများအဖြစ် ထိုင်းရဲက စွပ်စွဲဖမ်းဆီးထားပြီး လူသတ်မှု၊ မုဒိန်းမှု၊ ပစ္စည်း လုယူမှု၊ တရားမဝင် ခိုးဝင်မှု၊ အမှုထိန်ချန်မှု များနှင့် စွဲဆိုထားသည်။

ပဲနှမ်း ကုန်စည်ဒိုင်ဈေးကွက်

DVB

နိုင်ငံခြားငွေလဲနှုန်း ဆက်လက်မြင့်တက်လျက်ရှိပြီး ပို့ကုန်ရငွေ တစ်ဒေါ်လာ ၁,၀၁၂ ကျပ်အထိ ရောက်ရှိ

ဆန်းနယုန်

နိုင်ငံခြားငွေလဲနှုန်း ဆက်လက်မြင့်တက်လျက်ရှိပြီး ပို့ကုန်ရငွေ (Earning) တစ်ဒေါ် လာလျှင် ၁,၀၁၂ ကျပ်အထိ ရောက်ရှိလာသည်ဟု ရန်ကုန်မြို့အခြေစိုက် ပြည်တွင်း ငွေကြေးဈေးကွက်အတွင်း ရောင်းဝယ် နေကြသူများက ပြောသည်။

ပြီးခဲ့သည့်အပတ်မှ တရိပ်ရိပ်တက်လာ သော နိုင်ငံခြားငွေလဲနှုန်းသည် အောက်တိုဘာ ၂၇ ရက်မှ စတင်ကာ အတက်ကြမ်းလာခြင်း ဖြစ်သည်။ အောက်တိုဘာ ၂၂ ရက် က ကန်တစ်ဒေါ်လာလျှင် ရောင်းဈေး ၉၉၇ ကျပ်ခန့် ဖြစ်ပေါ်နေရာမှ အောက်တို ဘာ ၂၇ ရက်တွင် ၁,၀၀၃ ကျပ်အထိ မြင့် တက်ခဲ့ပြီး အောက်တိုဘာ ၂၈ ရက် မွန်းလွဲ ပိုင်းတွင် ၁,၀၀၇ ကျပ်အထိ ဆက်လက် မြင့်တက်ခဲ့သည်။

တရားဝင်ဘဏ်ငွေလဲကောင်တာများတွင်လည်း ငွေလဲနှုန်း ဆက်လက်မြင့်တက်နေပြီး အောက်တိုဘာ ၂၈ ရက်က ကန်တစ်ဒေါ်လာလျှင် ၀ယ်ဈေး ကျပ် ၁,၀၀၀၊ ရောင်းဈေး ကျပ် ၁,၀၁၀ ၀န်းကျင်ဖြစ်ပေါ် နေကာ ဗဟိုဘဏ်၏ ရည်ညွှန်းငွေလဲနှုန်းမှာ ကန်တစ်ဒေါ်လာ ၁,၀၀၄ကျပ်ဖြစ်သည်။

ပို့ကုန်လုပ်ငန်းရှင်များ ကုန်သွယ်ရာတွင် အသုံးပြုသော စင်ကာပူနိုင်ငံမှတစ်ဆင့် အခြားနိုင်ငံများသို့ ငွေလွှဲ ပေါက်ဈေးသည် အောက်တိုဘာ ၂၈ ရက်တွင် ကန်တစ် ဒေါ်လာလျှင် အ၀ယ် ၁,၀၁၄ ကျပ် ဖြစ်ပေါ်နေပြီး အရောင်း ၁,၀၁၅ ကျပ်ခန့် ဖြစ်ပေါ် နေသည်။

“ပို့ကုန်ရငွေဈေးရော၊ စင်ကာပူဘဏ်လွှဲနှုန်းရော ဈေးဆက်တက်နေပါတယ်။ သွင်းကုန် အဆွဲများတာရယ်၊ နိုင်ငံတကာမှာ ဒေါ်လာဈေးတက်ပြီး ရွှေဈေးပြန်ကျတာ ရယ်ကြောင့်ပါ။ ရက်ပိုင်းလောက် ဈေးလှုပ်ဦးမှာ ပါ။ စိုးရိမ်စရာတော့ မရှိပါဘူး”ဟု ဈေးကွက်အတွင်း နေ့စဉ် ဒေါ်လာသိန်းချီ ရောင်းဝယ်နေသူတစ်ဦးက ပြောသည်။

ကန်ဒေါ်လာဈေး ဆက်လက်မြင့်တက်မှုနှင့်အတူ ရွှေဈေးမှာလည်း ဆက်လက် ကျဆင်းခဲ့သည်။ အောက်တို ဘာ ၂၈ ရက်တွင် မြန်မာ့ရွှေဈေးသည် ၁၆ ပဲရည် တစ်ကျပ်သားလျှင် ကျပ် ၆၅၈,၀၀၀ ဖြစ်ပေါ်ခဲ့ပြီး ကမ္ဘာ့ ရွှေဈေးသည် တစ်အောင်စလျှင် ကန်ဒေါ်လာ ၁,၂၂၇ ဖြစ်လာကာ အောက်တိုဘာ ၂၇ ရက်ထက် ကန် သုံးဒေါ်လာကျဆင်းခဲ့သည်။

ယခုငွေဈေးနှုန်းသည် ၂၀၁၂ ခုနှစ် ဧပြီ လတွင် စတင်ခဲ့သော ထိန်းကျောင်းမှုရှိသည့် နှုန်းရှင်ငွေလဲနှုန်း စနစ်သို့ ပြောင်းလဲခဲ့ သည့် နောက်ပိုင်းအမြင့်ဆုံး ဖြစ်သည်။ မြန်မာငွေဈေးနှုန်းသည် ၂၀၁၀ ပြည့်နှစ် ဇူလိုင် လလယ်၌ ကျပ် ၁,၀၀၀ အောက်သို့ စတင်ကျဆင်းခဲ့ခြင်းဖြစ်သည်။

မြန်မာနိုင်ငံတွင် ဖြစ်ပေါ်ခဲ့သော အမြင့်ဆုံးငွေလဲနှုန်းမှာ ကန်တစ်ဒေါ်လာ ၁,၃၆၅ ကျပ်ဖြစ်ပြီး ၂၀၀၇ ခုနှစ် ဇူလိုင် ၁ ရက်တွင် ဖြစ်ပေါ်ခဲ့သည်။ အနိမ့်ဆုံး ငွေလဲနှုန်းမှာ ၇၂၅ ကျပ်ဖြစ်ပြီး ၂၀၁၁ခုနှစ် သြဂုတ် ၁၈ ရက်တွင် ဖြစ်ပေါ်ခဲ့ခြင်းဖြစ်သည်။

UNFC တပ်ပေါင်းစုကိစ္စ ဆက်ညှိနှိုင်းလုပ်ဆောင်ရန် KNU-EC အား တာဝန်ပေး

ကေအိုင်စီ

ကရင်အမျိုးသားအစည်းအရုံး(ကေအဲန်ယူ)၏ ဗဟိုအမြဲတမ်းကော်မတီ အရေးပေါ် အစည်းအဝေးကို အောက်တိုဘာလ ၂၃ရက် နေ့က စတင် ကျင်းပပြုလုပ်ခဲ့ရာ တပ်ပေါင်းစုကိစ္စနှင့် ပတ်သက်၍ ဗဟိုအလုပ်အမှုဆောင်ကော်မတီမှ UNFC နှင့် ဆက်လက် ညှိနှိုင်းဆောင်ရွက်သွားရန် ယနေ့ ဆွေးနွေးဆုံးဖြတ်လိုက်သည်ဟု ကေအိုင်စီက စုံစမ်းသိရှိရသည်။

“ဒီနေ့မှာတော့ UNFC ကိစ္စ ဆွေးနွေးတဲ့ အစီအစဉ်က ပြီးသွားပြီ။ တပ်ပေါင်းစုအနေနဲ့ ပါဝင်သွားမယ် မသွားဘူးဆိုတာက လော လောဆယ် ယာယီရပ်ဆိုင်းသဘောမျိုးပဲ ရှိနေသေးပြီး UNFC ခေါင်းဆောင်တွေနဲ့ ဆက်လက် ဆွေးနွေးသွားဖို့ကို အမြဲတမ်း ကော်မတီက ဗဟိုအလုပ်အမှုဆောင်ကော်မတီ ၁၁ဦးကို တာဝန်ပေးလိုက်တယ်”ဟု KNLA တပ်ဖက်ဆိုင်ရာ ထိပ်ပိုင်းအရာရှိ တဦး၏ ပြောဆိုချက်အရ သိရသည်။

အဆိုပါအစည်းအဝေးမှာ ယနေ့အချိန်ထိ မပြီးစီးသေးသော်လည်း ဆွေးနွေးပြီးခဲ့သည့်အထဲတွင် ညီညွှတ်သော တိုင်းရင်းသားလူ မျိုးများဖက်ဒရယ်ကောင်စီ (UNFC)နှင့် ပတ်သက်၍ ယခုကဲ့သို့ တာဝန်ပေးအပ်မှုများကို အလုပ်အမှုဆောင်များအနေဖြင့် အချိန် ကာလ မည်မျှကြာ သတ်မှတ်သွားမည်ကိုလည်း တပ်အပ် မပြောဆိုနိုင်သေးကြောင်း ကေအဲန်ယူ အသိုင်းအ၀ိုင်းက ပြောသည်။

အစည်းအဝေးတွင် ပြီးခဲ့သည့် ၁၅ကြိမ်မြောက် ကေအဲန်ယူကွန်ဂရက်မှ ဆုံးဖြတ်ချမှတ်ထားသော လမ်းစဉ်၊ လုပ်ငန်းစဉ်များနှင့် လက်တွေ့ အကောင်အထည်ဖော် ဆောင်ရွက်နေမှုများကို ပြန်လည် သုံးသပ်ကာ ဆွေးနွေးခဲ့ကြရာ ကိုက်ညီမှုရှိကြောင်း တက် ရောက်လာသည့် ဗဟိုအမြဲတမ်းကော်မတီဝင်များက သဘောတူခဲ့ကြသည်ဟု သိရသည်။

ထို့အပြင် အောက်တိုဘာလ ၁၃ရက်နေ့က ဖွဲ့စည်းကာထုတ်ပြန်လိုက်သည့် ကော်သူးလေတပ်မတော် (KAF)ကိစ္စ ဆွေးနွေးရာ တွင် တက်ရောက်လာသူ ဗဟိုအမြဲတမ်းကော်မတီဝင် ခရိုင်၊ တပ်မဟာအသီးသီးမှ ခေါင်းဆောင်များက KAF မှာ ယခင်က ဖွဲ့ စည်းထားခဲ့ဖူးသည်ဖြစ်၍ ၎င်းကို မူအားဖြင့် သဘောတူခဲ့ကြသော်လည်း ဖွဲ့စည်းရေး အတည်ပြုရန်မှာ လာမည့် ၁၆ကြိမ်မြောက် ကေအဲန်ယူ ကွန်ဂရက်ကျင်းပသည့်အခါမှသာ ဆုံးဖြတ်ပေးနိုင်မည်ဖြစ်သည်ဟု သိရသည်။

ကော်သူးလေတပ်မတော် ဖွဲ့စည်းရာတွင် KNLA, KNDO, KNU/KNLA ငြိမ်းချမ်းရေးကောင်စီနှင့်အတူ ပါဝင်လက်မှတ်ထိုးထား သည့် ဒီမိုကရေစီအကျိုးပြု ကရင့်တပ်မတော်(DKBA)က ကော်သူးလေ တပ်မတော်ဖွဲ့စည်းမှုနှင့် ပတ်သက်သည့် ဆွေးနွေးပွဲတစ် ခုကို ၎င်းတို့ဌာနချုပ်ရှိရာ ကော်သူးမွဲခီး(ဆုံဆည်းမြိုင်ကျေးရွာ)၌ အောက်တိုဘာ ၂၉ရက်နေ့တွင် ကျင်းပပြုလုပ်သွားမည်ဖြစ် သည်။

ကရင်သဘာဝပတ်ဝန်းကျင်ဆိုင်ရာ လူမှုလှုပ်ရှားကွန်ယက်အဖွဲ့(KESAN) ဒါရိုက်တာ စောပေါလ်စိန်ထွားက “အားလုံး စိုးရိမ်နေ ကြတာက ကေအဲန်ယူထဲ အကွဲအပြဲ ဖြစ်သွားမှာကိုပါပဲ။ ကေအဲန်ယူဟာ ကိုယ့်အဖွဲ့အစည်းထဲမှာဖြစ်စေ၊ ကရင်လက်နက်ကိုင် တွေ အချင်းချင်းဖြစ်စေ၊ အခြားအဖွဲ့တွေနဲ့ဖြစ်စေ၊ စည်းလုံးညီညွှတ်မှုရှိစေချင်တယ်။ တနိုင်ငံလုံးရဲ့ နိုင်ငံရေးကို ဆောင်ရွက်ရာမှာ အခြားတိုင်းရင်းသားတွေနဲ့ ပူးပေါင်းလုပ်ဆောင်မှုက အရေးကြီးသလို ဒီအပေါ်မှာ လူထုတွေကလည်း တိကျပြတ်သားတဲ့ ဆုံး ဖြတ်ချက်ရလဒ်ကို မြင်ချင်ကြပါတယ်”ဟု ပြောသည်။

ပြီးခဲ့သည့် သြဂုတ်လကုန်ပိုင်းက ထိုင်းနိုင်ငံ၊ ချင်းမိုင်မြို့တွင် ကျင်းပပြုလုပ်ခဲ့သည့် ညီညွှတ်သော တိုင်းရင်းသားလူမျိုးများ ဖက်ဒ ရယ်ကောင်စီ(UNFC) ၏ ပထမအကြိမ် ညီလာခံမှ ကေအဲန်ယူ ကိုယ်စားလှယ်များ ထွက်ခွါလာခဲ့ပြီးနောက်ပိုင်း UNFC အဖွဲ့ဝင် အဖြစ် ဆက်လက်ပါဝင်မည်၊ မပါဝင်မည်ကို ဆုံးဖြတ်နိုင်ရေးအတွက် ကေအဲန်ယူက ၎င်းတို့၏ ဗဟိုအမြဲတမ်းကော်မတီ အရေး ပေါ် အစည်းအဝေးကို ယခုလို ခေါ်ယူကျင်းပခဲ့ရပြီး ဗဟိုကော်မတီဝင် ၄၉ဦးအနက် ၄၇ဦး တက်ရောက်ခဲ့ကြသည်။

ကိုပါကြီးသေဆုံးမှုအတွက်တာဝန်ရှိသူကိုဖော်ထုတ်ဖို့ ပြည်မှာဆန္ဒပြ

DVB