‘အ’မင်္ဂလာ သတင်းတွေ

သန်းနိုင်ဦး

မြန်မာတွေရဲ့အစဉ်အလာ လူ့အဖွဲ့အစည်းက မင်္ဂလာရှိတဲ့လူ့အဖွဲ့အစည်းဖြစ်တယ်။ လူတဦးနဲ့ တဦးတွေ့ဆုံလို့ နှုတ်ဆက်တဲ့အခါ မင်္ဂလာပါလို့ နှုတ်ဆက်ကြတယ်။ ၃၈ ဖြာမင်္ဂလာကို ပြည်သူ့နီတိသဖွယ် သဘောထားခဲ့ကြတယ်။

၃၈ ဖြာ မင်္ဂလာအတိုင်း ကျင့်ကြံနေထိုင်တာကိုလည်း မင်္ဂလာတရားတော်နဲ့ အညီ နေထိုင်တယ်လို့ ဂုဏ်ယူခဲ့ကြသူတွေ ဖြစ်တယ်။ မွေးစကနေ ကွယ်လွန်ချိန်ထိ မင်္ဂလာတွေနဲ့ ထုံမွှန်း ရစ်ပတ်ဖွဲ့နှောင်တဲ့ လူ့အဖွဲ့အစည်းလည်းဖြစ်တယ်။

ခေါင်းဆေးမင်္ဂလာ၊ အမည်ပေး ကင်ပွန်းတပ်မင်္ဂလာ၊ ရှင်ပြုနားသမင်္ဂလာ၊ လက်ထပ်မင်္ဂလာ၊ အိမ်သစ်တိုက်သစ်တက် မင်္ဂလာစတဲ့ မင်္ဂလာတွေ ပြည့်နှက်နေပါတယ်။ ဒါပေမယ့် ဒီနေ့ခေတ် လူ့အဖွဲ့အစည်းမှာ မင်္ဂလာတရားတော်နဲ့အညီ နေထိုင်ကြ ပါသေးရဲ့လား။

လောဘ၊ ဒေါသ၊ မောဟတွေနောက် ကောက်ကောက်ပါအောင်လိုက်ပြီး အမိုက်အမှောင် ဖုံးနေကြပြီလား မေးခွန်းထုတ်ရပါလိမ့်မယ်။

မြန်မာနိုင်ငံရဲ့အထင်ကရမြို့ကြီးတွေဖြစ်တဲ့ ရန်ကုန်မြို့နဲ့ တောင်ကြီးမြို့တွေမှာ မိသားစုလိုက် အစုလိုက် အပြုံလိုက် သတ် ဖြတ်ခံရမှု၊ နေပြည်တော် ကောင်စီနယ်မြေ တပ်ကုန်းမြို့နယ်မှာ လင်မယားနှစ်ယောက် သတ်ဖြတ်ခံရမှု၊ မန္တလေးမြို့မှာ မိန်းကလေးက သူ့ချစ်သူ အမျိုးသားကို ဓားနဲ့ ထိုးသတ်မှု၊ ရန်ကုန်မြို့လယ်က အဒေါ်ဖြစ်သူ တိုက်ခန်းမှာ တူဖြစ်သူက အနုကြမ်း စီးရင်း အသတ်ခံရမှု အစရှိတာတွေဟာ လက်တလောမြင်နေကြားနေရတာတွေပါ။

ဟိုးတလောလေးကလည်း အငြိမ်းစား စသုံးလုံး ညွှန်မှူး အသတ်ခံရမှု၊ မုံရွာ-ကျောက္ကာလမ်း ဓားခုတ်ခံရပြီး သေဆုံးမှု၊ ရဲတပ်ဖွဲ့ဝင် အချင်းချင်း ပစ်ခတ်သေဆုံးမှု၊ မန္တလေးရတနာပုံဈေး အပေါ်ထပ်ကနေ ကုမ္ပဏီဝန်ထမ်းတယောက် ပြုတ်ကျသေဆုံး မှု၊ မန္တလေး နန်းရှေ့မှာ ယာဉ်ထိန်းရဲတယောက် တာဝန်ထမ်းဆောင်နေစဉ် ဓားထိုးခံရပြီး သေဆုံးမှုစတဲ့ လူသတ်မှုနဲ့ လူ သေမှုဖြစ်စဉ်တွေကို ခပ်စိပ်စိပ် တွေ့လာနေရတယ်။

အမှုကျူးလွန်ကြသူတွေထဲမှာ ခေတ်ပညာတတ်ဘွဲ့ရတွေလည်း ပါဝင်တယ်ဆိုတာ သတိပြုကြစေလိုပါတယ်။ တချို့ကျူး လွန်သူတွေထဲမှာ ဆရာဝန်၊ အင်ဂျင်နီယာ၊ ရဲအရာရှိ၊ တက္ကသိုလ်ကျောင်းသား အချို့လည်း ပါဝင်နေကြတယ်။ သူတို့တွေဟာ ခေတ်ပညာတွေ တတ်မြောက်ပါရဲ့နဲ့ ဘာကြောင့် ရာဇ၀တ်မှုတွေ ကျူးလွန်ခဲ့ကြပါသလဲ။

တချို့အမှုဖြစ်စဉ်တွေမှာ လူသေဆုံးတဲ့အထိ မဖြစ်ခဲ့ပေမယ့် မကြားဝံ့မနာသာ အမှုတွေလည်း အများအပြား ရှိတယ်။ ကိုယ့် အိမ်ထဲမှာ ထိုင်နေရင်း နေ့ခင်းကြောင်တောင် အလုယက်ခံရတာ၊ လမ်းမှာ သွားရင်းလာရင်း ပိုက်ဆံအိတ်လုခံရတာ ဆွဲ ကြိုးဖြတ်ခံရတာအစရှိတဲ့ ဒုစရိုက်မှုတွေလည်း နေ့စဉ်နဲ့အမျှ ကြားနေရတယ်။

ချစ်သူရည်းစားတွေက လက်ဝတ်လက်စားယူရုံမက ကာမပါ လိမ်လည်ရယူသွားတာ၊ သွေးရင်းသားရင်းတွေ ကိုယ်တိုင်က လူကုန်ကူးရောင်းစားခဲ့ကြတာ၊ အရွယ်မရောက်သေးတဲ့ ကလေးငယ်တွေနဲ့ ကာမရယူကြတဲ့အထဲမှာ ရင်းနှီးကျွမ်းဝင်သူ တွေ ပါဝင်နေတာစတဲ့ အမှုတွေလည်း ရှိနေပါတယ်။

မူးယစ်ဆေးဝါး၊ ငွေကြေးကိစ္စနဲ့ လူမှုရေး အရှုပ်အရှင်းတွေမှာ အနုပညာသမားအချို့ပါဝင်ပတ်သက်မှု ရှိနေပါတယ်။ မူးယစ် ဆေးကြောင့် ထောင်ကျနေတဲ့ ရုပ်ရှင်မင်းသားရှိသလို တရားရင်ဆိုင်နေရဆဲ မင်းသားတယောက်လည်း ရှိနေတယ်။ အဆို တော်နဲ့ ရုပ်ရှင်မင်းသားတချို့ မူးယစ်သားကောင်ဘ၀ ရောက်ခဲ့ပြီး ဘ၀ပျက်ခဲ့ကြရသူတွေရှိတယ်။

တချို့မင်းသားတွေကတော့ မူးယစ်ဆေးကြောင့် အသက်ပါဆုံးခဲ့ရတဲ့ သာဓကတွေလည်း ရှိခဲ့ပါတယ်။ မင်းသမီး အချို့ လည်း လူမှုရေး အရှုပ်အရှင်းနဲ့ ငွေကြေးပြဿနာတွေ ရှိနေပြီး တရားရင်ဆိုင်နေကြရတယ်။ မင်းသား၊ မင်းသမီးနဲ့ အဆို တော်တွေက လူငယ်တွေရဲ့ဟီးရိုးဖြစ်တာကြောင့် အနေအထိုင် အပြောအဆို ပိုပြီး ဆင်ခြင်ကြရမှာဖြစ်ပါတယ်။

ပြဿနာတွေ ရာဇ၀တ်မှုတွေ ဆင်းရဲနွမ်းပါးမှုတွေ ထူပြောလာခြင်းက လူတွေကို မလုံမခြုံဖြစ်စေပါတယ်။ မင်္ဂလာရှိတဲ့ လူ့ အဖွဲ့အစည်းအဖြစ်က ယုတ်လျော့စေတယ်။ အမင်္ဂလာ ဖြစ်စေတယ်။ မင်္ဂလာရှိပြီး လွတ်လပ်ပျော်ရွှင်တဲ့ လူ့အဖွဲ့အစည်းဖြစ် ဖို့ ဘယ်လိုတည်ဆောက်ကြမလဲ။

အရှိတရားကို လက်ခံပြီး ရောင့်ရဲ တင်းတိမ်နိုင်ကြမှသာ စစ်မှန်တဲ့ပျော်ရွှင်မှုကို ရရှိမှာဖြစ်တယ်။ လိုချင်တပ်မက်မှု ရသတဏှာနောက် ကောက်ကောက်ပါအောင် လိုက်နေရင် ရလေလိုလေ အိုတစ္ဆေဖြစ်ပြီး ပိုင်ဆိုင်မှု တိုးပွားကောင်း တိုးပွားလာ ပေမယ့် ပျော်ရွှင်မှု အစစ်အမှန်ကို မရနိုင်ပါဘူး။

စားဝတ်နေရေးကို အရေးတကြီး ဖြေရှင်းနေရပါများတော့ လူတွေမှာ လောဘ၊ ဒေါသ၊ မောဟတွေ များသထက် များလာတယ်။ လူအများစုက အေးအေးလူလူ စီးပွားရှာဖို့ အခွင့်အရေးမရှိဘူး။ ကျောတခင်းစာအတွက် မိသားစုဝင်ငွေရဲ့ ထက်ဝက်ကို သုံးနေကြရသူတွေရှိတယ်။

နေ့စဉ်ဘ၀တွေမှာလည်း အလုပ်သွား အလုပ်ပြန် မွန်းကျပ် ပိတ်လှောင်တဲ့ ခပ်ညံ့ညံ့ သယ်ယူပို့ဆောင်ရေးစနစ်ကို မသုံးချင်ဘဲ သုံးနေကြရတယ်။ သက်သောင့်သက်သာနဲ့ လိုရာခရီးကို အချိန်တိုအတွင်း လုံခြုံစိတ်ချ သွားလာနိုင်အောင် ဘယ်သူကမှ စီစဉ်မပေးနိုင်သေးဘူး။

ယာဉ်ကြော ကျပ်တည်းမှုဒဏ် အလွန်ခံစားရတဲ့ ရန်ကုန်သူ ရန်ကုန်သားတွေက ဒီမိုကရေစီတွေ လူ့အခွင့်အရေးတွေ မရ ချင်နေပါစေ။ ဘတ်စ်ကားစီးတဲ့အခါ စိတ်လွတ် ကိုယ်လွတ် စီးခွင့်ရရင် တော်ပါပြီဆိုမလားဘဲ။

အလုပ်ခွင် ဖိစီးမှု၊ အလုပ်သွား အလုပ်ပြန် အဆင်မပြေမှု၊ အခြေခံစားကုန်တွေ ဈေးကြီးမြင့်မှုစတဲ့ နေ့စဉ်ဘ၀ရဲ့အဆင်မပြေ မှုတွေက လူတွေရဲ့စိတ်တွေကို ပိုပြီး ကြွပ်ဆတ်လာစေတော့တာပါပဲ။

နန်းတော်ရှေ့ဆရာတင်က သူဌေးဝါဒသီချင်းမှာ အခုလို ရေးဖွဲ့ခဲ့တယ်။

စိန်လိုချင်ရင် စိန်ဖြစ်ရမယ်××× အိမ်လိုချင်ရင် အိမ်ဖြစ်ရမယ်×××လူ့စိတ်ဓာတ်ဟာ လောက အမြတ်ဆုံးကွယ် ××× တ ကယ်ချစ်တဲ့ ရည်းစား ××× စွဲလန်းတော့×××မကြာဧကန် ရတတ်တယ်။ ဤပမာလို ×××မှတ်ကြကွယ် ×××မောင်လို ချင်တာ ×××ရစေ့မယ်။ ခင်လိုချင်တာ××× ပို့လိုက်မယ်။ နန်းတော်ရှေ့ကို မေးလာကြရင်××× သူဌေးဝါဒကို ××× ကျ နော် ပြောပြလိုက်ပါ့မယ်…..။

မင်္ဂလာရှိတဲ့ အဖွဲ့အစည်းဖြစ်ဖို့ တဦးချင်း တယောက်ချင်းမှသည် အရပ်ဘက်အဖွဲ့အစည်းတွေအထိ တတ်နိုင်သလောက် ကြိုးစားဖော်ဆောင်ကြပါ။ မင်္ဂလာရှိရာ မင်္ဂလာစုပါလိမ့်မယ်။