မြန်မာနိုင်ငံတွင် နှစ်ပေါင်း ၆၀ ခန့် ကြာအောင် တိုင်းရင်းသားလက်နက်ကိုင် အဖွဲ့အစည်းပေါင်းစုံနှင့် ပြည်တွင်းစစ် ဖြစ်ပွား ခဲ့ရာ ထောင်ပေါင်းများစွာသော စစ်သည်များ သေဆုံးခဲ့ရသည်။ ကိုယ်လက်အင်္ဂါများ ထိခိုက်ပျက်စီးခဲ့ရသည်။ ထိခိုက် ဆုံးရှုံးမှုများနှင့် ပတ်သက်၍ မြန်မာ့တပ်မတော်က အထူးလျှို့ဝှက် ထားခဲ့သလို ဒဏ်ရာရ စစ်သည်များကိုလည်း အများမြင်ကွင်းတွင် ရှိ မနေအောင် ထားခဲ့သည်။
ယခုအခါ ၂၀၁၁ ခုနှစ်က စတင်ခဲ့သော လူမှုရေး နှင့် စီးပွားရေး ပြုပြင်ပြောင်းလဲမှုများ နှင့်အတူ နှစ်ပေါင်းများစွာ ဖြစ်ပွား ခဲ့သော တိုက်ပွဲများ၏ ရလဒ်က တဖြည်းဖြည်း ထွက်ပေါ်လာခဲ့သည်။
အသက် ၅၀ အရွယ်ရှိသော ဦးခင်နိုင်သည် ၂၀၀၉ ခုနှစ်က ကယားပြည်နယ်မှ စစ်ပွဲအတွင်း မြေမြုပ်မိုင်းတခုကို တက် နင်းမိ၍ ၎င်း၏ခြေထောက် ဆုံးရှုံးခဲ့သည်။
အသက်လိမ်ပြောခဲ့ပြီး မြန်မာတပ်မတော်သို့ ဝင်ရောက်ခဲ့သည့် ဦးကျော်ကျော်ဦး အဖို့လည်း မသန်စွမ်းတယောက်အဖြစ် ရန်ကုန်မြို့ လူဝင်လူထွက်များသော ဈေးတခု၏ အများသုံးအိမ်သာတွင် ဝင်ကြေး ကောက်ခံ နေရသော ဘဝက အသက် ၁၆နှစ် အရွယ်က စိတ်ကူးယဉ် မျှော်လင့်ခဲ့သော စစ်သားတယောက်၏ ဘဝ မျိုးမဟုတ်ပါ။
၎ နှစ်ကြာပြီးနောက် မြန်မာနိုင်ငံအရှေ့ဖက်ပိ်ုင်းမှ တိုက်ပွဲများအတွင်း မြေမြုပ်မိုင်းပေါက်ကွဲမှုကြောင့် ဦးကျော်ကျော်ဦး၏ ခြေထောက် ဒဏ်ရာရခဲ့သည်။ ဆေးရုံသို့ ရောက်ရန် ၈ ရက်ကြာခဲ့ရပြီးနောက် ရောဂါပိုးဝင်ရောက်ခြင်းကြောင့် ဦးကျော် ကျော်ဦး သေလုနီးပါး ဖြစ်ခဲ့ရပြီး သူ၏ခြေထောက်၂ ချောင်းလုံး ဆုံးရှုံးခဲ့ရသည်။
၁၉၉၉ ခုနှစ်တွင် ဦးကျော်ကျော်ဦး စစ်တပ်မှ ထွက်ခဲ့ပြီး အလုပ်လက်မဲ့အဖြစ် သက်ကြီးရွယ်အို မိဘများထံမှ အထောက် အပံ့ကို မှီခို၍ နေအိမ်တွင် နေထိုင်ခဲ့ပါသည်။ ၂၀၀၈ ခုနှစ်တွင် တိုင်းပြည်၏ အကြီးဆုံးမြို့တော်ဖြစ်သော ရန်ကုန်သို့ ဦးကျော်ကျော်ဦး ရွေ့ပြောင်းခဲ့ပြီး သူ့ကို သနားသော အရာရှိတဦးက ဈေးတွင် အလုပ်တခုရရှိရန် ကူညီပေးခဲ့သည်။
“ကျနော်တို့မှာ မိဘလိုမျိုး မှီခိုစရာ မရှိခဲ့ရင် ကျနော်တို့အတွက် အရမ်းခက်ခဲပါလိမ့်မယ်” ဟု ဦးကျော်ကျော်ဦးက ပြောသည်။
အလုပ်အကိုင် အခွင့်အလမ်းနည်းပါးသော ဒဏ်ရာရ စစ်ပြန် စစ်မှုထမ်းများမှာ အနည်းငယ်မျှသော ကျန်းမာရေး စောင့်ရှောက်မှုနှင့် ငွေကြေးထောက်ပံ့မှု ရရှိနိုင်သည့် စစ်ပြန် စစ်မှုထမ်းများကို ထောက်ပံ့ပေးသော အစီအစဉ် အပေါ်တွင် မှီခိုနေကြရပါသည်။
ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ် NLD ဦးဆောင်သော အစိုးရသစ်က စစ်တပ်က ရေးဆွဲခဲ့သော ဖွဲ့စည်းပုံ အခြေခံဥပဒေ လက်အောက်တွင် အာဏာကျန်ရှိသေးသော သူတို့၏ တချိန်က ရန်ဘက်ဟောင်းများဖြစ်သည့် တပ်မတော်မှ ထိပ်တန်းအရာရှိကြီးများ နှင့် အတူအကွ လုပ်ဆောင်ရမည်ကို သဘောပေါက်ထားပါသည်။
သို့သော်လည်း မြန်မာနိုင်ငံ၏ ရှည်လျားသော ပဋိပက္ခများမှ သာမန်အဆင့် စစ်မှုထမ်းဟောင်းများက ၎င်းတို့ ဝန်းကျင် တွင် ဖြစ်ပေါ်နေသော အပြောင်းအလဲများ၏ အပြင်ဘက်တွင် ကျန်ခဲ့မည်ကို စိုးရွံ့နေကြသည်။
မြန်မာစစ်တပ်သည် ၁၉၆၂ ခုနှစ်တွင် တိုင်းပြည်ကို အာဏာသိမ်းအုပ်ချုပ်ခဲ့ပြီး ၂၀၁၁ ခုနှစ်တွင်မှ ၎င်းတို့ တိုက်ရိုက် ထိန်းချုပ်ခြင်းကို စွန့်လွှတ်ခဲ့သည်။
ချမ်းသာကြွယ်ဝမှုများ ပိုင်ဆိုင်ထားသော ထိပ်တန်းအာဏာသိမ်းခေါင်းဆောင် အများအပြားကို သံဆူးကြိုးတပ် အုတ် တံတိုင်းများ၏ နောက်တွင် တည်ဆောက်ထားသည့် အိမ်ကြီးအိမ်ကောင်းများ ရှိရာ ရန်ကုန်မြို့ နှင့် နေပြည်တော် မှ လူကုံထံ ရပ်ကွက်များတွင် တွေ့မြင်နိုင်ပါသည်။
၁၉၇၉ ခုနှစ်အတွင်းက ကွန်မြူနစ်များနှင့် တိုက်ခိုက်ရင်း မြေမြုပ်မိုင်းကြောင့် ခြေထောက် ၂ ချောင်းစလုံး ဆုံးရှုံးခဲ့ရသော အသက် ၅၆ နှစ်အရွယ် ဦးအောင်ကြီးကမူ ယခုအချိန်တွင် ဘဝကို ခက်ခက်ခဲခဲ ရုန်းကန် နေရပါသည်။
၂၀၁၂ ခုနှစ်တွင် ဦးကျော်ကျော်ဦးနှင့် အခြားသော အသက် ၅၀ ၀န်းကျင် ဒဏ်ရာရ စစ်မှုထမ်းဟောင်းများကဲ့သို့ ပင် ဦးအောင်ကြီးလည်း ရန်ကုန်မြို့ပြင်သို့ ၄၅ မိနစ် ခရီးအကွာတွင် နေစရာအိမ် ရရှိခဲ့သည်။
“ရပ်ကွက် (၆)၊ စိုက်ပျိုးရေးနှင့် မွေးမြူရေး – ၁” ဟု တရားဝင် အမည်တပ်ထားသည့် ရပ်ကွက်သည် ဒဏ်ရာရ စစ်မှုထမ်း ဟောင်းများ စုပေါင်းနေထိုင်ကြသည့် နေရာ ဖြစ်သည်ဟု ဒေသခံများက ပြောကြသည်။
ဆံသ သမားတဦး၏ ခြေထောက်တွင် ဟောင်းနွမ်းနေသည့် ခြေတုတခု တပ်ထားသည်ကို သူဝတ်ထားသော လုံချည် အောက်နားတွင် တွေ့မြင်ရပါသည်။ သူက ဆိုင်အပြင်ဘက်တွင် ထိုင်လျက် မိတ်ဆွေများနှင့် စကားပြောနေပါသည်။ လမ်းအောက်ဘက်သို့ ပြေးဆင်းသွားသော လမ်းလျောက်ခါစကလေးငယ်တဦး၏နောက်သို့ ခက်ခက်ခဲခဲ လိုက်နေသည့် အခြားအမျိုးသားတယောက်ကိုလည်း တွေ့ရသည်။
အခန်း တခန်းတည်းသာပါသည့် နေအိမ်များတွင် မသန်စွမ်းများအတွက် အဆင်ပြေစေမည့် အိမ်တွင်း အိမ်သာကဲ့ သို့သော အထူးတလည် ဖန်တီးပေးထားမှုများ ရှိမနေပါ။
အိမ်တွင် မိသားစုဝင် ၅ ဦးနှင့်အတူ နေထိုင်သော ဦးအောင်ကြီးက စစ်တပ်မှ ပင်စင်လစာ တလလျှင် ၄သောင်းကျပ် ရရှိပါသည်။
သို့သော်လည်း ဦးအောင်ကြီးသည် ထိုသို့နေထိုင်ရခြင်းမှာ အခြားသူများထက် ကံကောင်းဖြစ်သည်ကို နားလည်ပါသည်။ “အခုထက်ထိ နေစရာမရှိတဲ့ ဒဏ်ရာရ စစ်ပြန် စစ်မှုထမ်းတွေ အများကြီး ရှိတယ်”ဟု သူက ပြောသည်။
ဆယ်စုနှစ်များစွာ အုပ်ချုပ်ခဲ့သည့် စစ်အစိုးရကြောင့် ဆင်းရဲမွဲတေခဲ့ရသည့် နိုင်ငံတခုကို အလျှင်အမြန် ပြောင်းလဲ ပေးနိုင်လိမ့်မည်ဟု မိုးထိအောင် မြင့်မားသော မျှော်လင့်ချက်များနှင့် ရင်ဆိုင်နေရသော NLD အစိုးရ အနေဖြင့်လည်း စစ်ပြန် စစ်မှုထမ်းဟောင်းများအတွက် ငွေကြေး ပိုမို ရှာဖွေနိုင်ဖွယ် မရှိပါ။
“မသန်စွမ်း စစ်ပြန် စစ်မှုထမ်းတွေကို အကူအညီပေးဖို့ ကျနော်တို့မှာ ဘာ အထူးအစီအစဉ်မှ မရှိပါဘူး။ ကျနော်တို့က နိုင်ငံရေး အကျဉ်းသားဟောင်းတွေကိုပဲ ကူညီတာပါ။ ကျနော်တို့ အများကြီး မတတ်နိုင်ပါဘူး”ဟု NLD ဗဟိုအလုပ်အမှုဆောင် ကော်မတီအဖွဲ့ဝင် ဦးဟံသာမြင့်က Reuters သတင်းဌာနသို့ပြောသည်။
စစ်ပြန် စစ်မှုထမ်းဟောင်းများ၏ အရေးကိစ္စများကို ကြီးကြပ်ရသော နေပြည်တော်ရှိ မြန်မာနိုင်ငံ စစ်မှုထမ်းဟောင်းများ အဖွဲ့ မှ တာဝန်ရှိသူတဦးကမူ လက်ရှိ အချိန်တွင် ၎င်းတို့ထံ စာရင်းသွင်းထားသော စစ်မှုထမ်းဟောင်း ဦးရေ ၂၅၀၀၀၀ ရှိကြောင်း ပြောသည်။
တိုက်ပွဲတွင် ဒဏ်ရာရခဲ့သူ ဦးရေ ၁ သိန်း ၀န်းကျင်ရှိကြောင်းနှင့် ဘဏ္ဍာရေး အခြေအနေက အဓိက ပြဿနာ ဖြစ်နေသေးကြောင်း သူက ပြောသည်။ မီဒီယာသို့ ဖြေကြားရန် သူ့တွင် အခွင့် အာဏာ မရှိသည့်အတွက် သူ၏ အမည်ကို ဖော်ပြခြင်း မပြုရန်လည်း မေတ္တာရပ်ခံခဲ့ပါသည်။
အိမ်ရာမဲ့ စစ်မှုထမ်းဟောင်း အချို့က ရန်ကုန်မြို့ လမ်းမများတွင် တောင်းရမ်းခြင်းနှင့် စာအုပ်လိုက် ရောင်း ခြင်းများ ပြုလုပ်နေခြင်းကို တားမြစ်ရန် မြန်မာနိုင်ငံ စစ်မှုထမ်းဟောင်း အဖွဲ့က ကြိုးစားခဲ့သည်ဟု အဆိုပါ တာဝန်ရှိသူကပြောသည်။
“သူတို့ကို ကျနော်တို့ အဖွဲ့နဲ့ ဆက်သွယ်ဖို့ ဖိတ်ခေါ်ပါတယ်။ အဲဒါမှ ကျနော်တို့ တတ်နိုင်သလောက် အကူအညီတွေ ပေးနိုင်မှာပါ” ဟု ၎င်းကပြောသည်။
ဈေးထဲတွင် အလုပ်ရရန် ကူညီပေးခဲ့သော အရာရှိ အလုပ်ထွက်သွားသောအခါ ၂၀၁၃ ခုနှစ်တွင် ဦးကျော်ကျော်ဦး အလုပ် ပြုတ်ခဲ့သည်။ ထို့နောက် အိမ်တွင် ပြုလုပ်သော ဘီးတပ်ကုလားထိုင်နှင့် သူက ထီ လက်မှတ် စရောင်းခဲ့သည်။ သို့သော် လည်း မြို့ပြင်တွင်တည်ရှိသော သူ၏အိမ်မှ ရန်ကုန်မြို့လယ်သို့ သွား၍ ထီရောင်းရန် အခက်အခဲများ ရှိခဲ့သည်။
“ကျနော်တို့ နိုင်ငံတော်ကနေ အထောက်အပံ့တွေ ပိုပေးသင့်တယ်လို့ ထင်ပါတယ်။ ကျနော်နဲ့ ကျနော် မိသားစုက တိုင်း ပြည်အတွက် အများကြီး အနစ်နာခံခဲ့ရတယ်ဆိုတာ ယုံကြည်ပါတယ်”ဟု ဦးကျော်ကျော်ဦးက ပြောသည်။ သူ၏ ဖခင် ဖြစ်သူနှင့် ဦးလေး ၂ ဦး မှာလည်း စစ်သားများ ဖြစ်ကြသည့် အတွက် သူလည်း စစ်ထဲဝင်ခဲ့ခြင်း ဖြစ်သည်။
( Reuters သတင်းထောက် Timothy Mclaughlin ၏ Myanmar’ war veterans left behind ကို ဘာသာပြန်ဆိုသည်)
No comments:
Post a Comment