မင်းမင်း
လူဦးရေအားဖြင့် တစ်သိန်းခုနှစ်သောင်းခန့်နေထိုင်သည့် ဒလမြို့နယ်မှ ရန်ကုန်မြို့သို့ ဖြတ်သန်းဆောက်လုပ်မည့် ဒလ-ရန်ကုန်တံတားအား လက်ရှိအစိုးရသက်တမ်းအတွင်း အပြီးတည်ဆောက်သွားမည်ဖြစ်ကြောင်း ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးဝင်းခိုင်ကစက်တင်ဘာ ၂၀ရက်၊ ပြည်သူ့လွှတ်တော်အစည်းအဝေးတွင် ပြောကြားလိုက်သည်။
အဆိုပါ တံတားအား ရန်ကုန်ဘက်ကမ်းမှ လမ်းမတော်မြို့နယ်၊ ဘုန်းကြီးလမ်းနှင့် ဒလဘက်ကမ်းမှ ကမာကဆစ်ရပ်ကွက်၊ ဗိုလ်မင်းရောင်လမ်းကို ဆက်သွယ်ဆောက်လုပ်သွားမည်ဖြစ်ကြောင်း ဦးဝင်းခိုင်က ပြောသည်။
"၂၀၂၀-၂၀၂၁ ဘဏ္ဍာနှစ်မှာ ပြီးစီးရန် စီစဉ်ရေးဆွဲထားပါတယ်" ဟု ၎င်းက ဆိုသည်။
ဧရိယာစတုရန် ၈၇၅မိုင်ကျယ်ဝန်းပြီး လူဦးရေ တစ်သိန်းခုနှစ်သောင်းခန့်နေထိုင်သည့် ဒလမြို့နယ်မှ ရန်ကုန်မြို့သို့ ဆက်သွယ်မည့် ဒလ-ရန်ကုန်တံတားဆောက်လုပ်မည့် အစီအစဉ်အား ဒလမြို့နယ်၊ ပြည်သူ့လွှတ်တော်အမတ် ဒေါက်တာစိန်မြအေးက လွှတ်တော်အစည်းအဝေးတွင် မေးမြန်းမှုအပေါ် ဝန်ကြီးဦးဝင်းခိုင်က အထက်ပါအတိုင်းဖြေကြားခဲ့ခြင်းဖြစ်သည်။
လက်ရှိတွင် တံတားစီမံကိန်းစတင်နိုင်ရန် အတိုင်ပင်ခံ Consultant ကုမ္ပဏီရွေးချယ်ခြင်းအနေဖြင့် Consultant Contract Agreement စာချုပ်ချုပ်ဆိုနိုင်ရေးကို စာချုပ်ပါ အချက်အလက်များအား ပြည်ထောင်စုရှေ့နေချုပ်ရုံးနှင့် စီမံကိန်းနှင့်ဘဏ္ဍာရေးဝန်ကြီးဌာနတို့မှ သဘောထားမှတ်ချက်ရရှိပြီးဖြစ်၍ ပြည်ထောင်စုအစိုးရအဖွဲ့သို့ တင်ပြသွားမည်ဖြစ်ကြောင်း ဝန်ကြီး ဦးဝင်းခိုင်က ပြောသည်။
အတည်ပြုချက်ရရှိပါက အတိုင်ပင်ခံ Consultant ကုမ္ပဏီနှင့် Contract Agreement ချုပ်ဆိုသွားမည်ဖြစ်ပြီး အတိုင်ပင်ခံကုမ္ပဏီမှ အသေးစိတ်ပုံစံရေးဆွဲခြင်းလုပ်ငန်းသည် ၈လခန့် ကြာမြင့်ကာ ကန်ထရိုက်ရွေးချယ်ခြင်းမှာလည်း ၄လခန့် ကြာမြင့်မည်ဖြစ်သည်။
တည်ဆောက်ရေးကန်ထရိုက်တာ ရွေးချယ်ပြီးစီးပါက တံတားတည်ဆောက်ရေးလုပ်ငန်းအား ဆက်လက်ဆောင်ရွက်သွားမည်ဖြစ်ပြီး ၂၀၂၀-၂၀၂၁ ဘဏ္ဍာနှစ်တွင် ပြီးစီးရန် စီစဉ်ရေးဆွဲထားကြောင်း ဦးဝင်းခိုင်က လွှတ်တော်တွင် ပြောသည်။
တံတားတည်ဆောက်စဉ်ကာလအတွင်း ယာဉ်ကြောကြပ်တည်းမှု အနည်းဆုံးဖြစ်စေရေးအတွက် ကိုရီးယား အတိုင်ပင်ခံကုမ္ပဏီနှင့် Traffic Management ကို အသေးစိတ်တွက်ချက် စီစဉ်သွားမည်ဟုလည်း ၎င်းက ပြောကြားသည်။
No comments:
Post a Comment