မြန်မာ အစိုးရတပ်နှင့် ကချင် လွတ်လပ်ရေး တပ်မတော် KIA ကြား ကချင်ပြည်နယ်နှင့် ရှမ်းပြည်နယ် မြောက်ပိုင်းမှာ ယနေ့ တိုက်ပွဲများ ဆက်လက် ဖြစ်ပွားနေပါသည်။
မြစ်ကြီးနား-ဗန်းမော် ကားလမ်းမပေါ် KIA တပ်ရင်း ၃ နယ်မြေ Ga Ra Yang (ဂါးရာယန်) ကျေးရွာတွင် နံနက်ပိုင်း တိုက်ပွဲ ဖြစ်ပွားခဲ့သည်ဟု KIA ဘက်က ပြောပါသည်။ KIA တပ်ရင်း ၃ တပ်ဖွဲ့များ၏ မိုင်းနှင့် တိုက်ခိုက်မှုတွင် အစိုးရ စစ်သားများ သေဆုံး ထိခိုက်မှုများ ရှိကြောင်း ရှေ့တန်း သတင်းများမှ သိရသည်။
၂၀၁၁ တိုက်ပွဲ ဖြစ်ပွားလာပြီးနောက် Ga Ra Yang ရွာသားများသည် မြစ်ကြီးနားနှင့် တရုတ် နယ်စပ် စစ်ပြေးဒုက္ခသည် စခန်းများတွင် ထွက်ပြေး ခိုလှုံနေရပြီး လက်ရှိ ရွာတွင် အစိုးရတပ်မှ စခန်းချ နေပါသည်။
ရှမ်းပြည်နယ်မြောက်ပိုင်း လားရှိုးမြို့နယ် အရှေ့ဘက် KIA တပ်မဟာ ၄၊ တပ်ရင်း ၁၇ နယ်မြေ Shan Htung Bum အနီးတွင် နေ့လယ်ပိုင်းက အစိုးရ တပ်မ ၉၉ တပ်ဖွဲ့များနှင့် ၂ နာရီကြာ တိုက်ပွဲ ဖြစ်ပွားခဲ့ကြောင်း သိရသည်။
ယင်းတိုက်ပွဲမှာ နှစ်ဖက်တပ်ကြား ထိခိုက်မှုများ ရှိသော်လည်း အသေးစိတ်ကိုမှု မသိနိုင်သေးပါ။
ကချင် ပြည်နယ် တရုတ်နယ်စပ် Laiza (လိုင်ဇာ) KIO ဗဟို ဌာနချုပ် နယ်မြေ KIA လှုပ်ရှားတပ်ဖွဲ့ တပ်ရင်း DND ၂၅၂ တပ်ဖွဲ့ရှိရာ Nhkram Bum တွင် အစိုးရ တပ်နှင့် KIA တို့ကြား လွန်ခဲ့သည့်အပတ် စက်တင်ဘာ ၁၂ ရက်မှ စပြီး ယမန်နေ့ အထိ နေ့စဉ် လက်ကြီး အပါအဝင် မြေပြင် တိုက်ပွဲများဖြစ်ပွားခဲ့ကြောင်း KIO ဘက်မှ ပြောပါသည်။
၂၁ ရာစု ပင်လုံညီလာခံ ဖွင့်ပွဲ အပြီး မြန်မာ့ တပ်မတော်သည် ကချင်ပြည်နယ် ဟူးကောင်းချိုင့်ဝှမ်း KIA တပ်ရင်း ၁၄ နယ်မြေ ဘက်ကို စစ်အင်အား တိုးချဲ့လာပြီး၊ KIA တပ်ရင်း ၃ နှင့် Laiza ဗဟို ဌာနချုပ် နယ်မြေတို့တွင် အင်အား တိုးချဲ့လာနေပြီ ဖြစ်ကြောင်း KIA အရာရှိများပြောသည်။
No comments:
Post a Comment