မျိုးသူအောင်
ကချင်ပြည် ဖားကန့်ဒေသ စွန့်ပစ်မြေဇာပြိုကျမှု တစ်ခု ဇန်န၀ါရီလ ၂၅ရက်နေ့ ညနေ ၃:၁၀ အချိန်က ထပ်မံဖြစ်ပွားခဲ့ကြောင်း သိရသည်။
ဆိပ်မူ (ဆိုင်းတောင် ) ကျေးရွာအုပ်စု ဥရုချောင်းအနောက်ဘက်ကမ်းရှိ ဆွတ်အောင်ကျေးရွာနှင့် ရှမ်းစုကျေးရွာကြားရှိ တစ်သုံးလုံး ကုမ္ပဏီနှင့် အောင်ဟိန်းမင်း ကုမ္မဏီစွန်ပစ်မြေဇာပုံပြိုကျ ခဲ့ခြင်းဖြစ်ကြောင်း ဒေသခံများထံမှ သိရသည်။ အဆိုပါ မြေစာပုံ ပြိုကျမှုကြောင့် လူပေါင်း(၁၀၀)နီးပါးသေဆုံးနိုင်သည်ဟု လွတ်မြောက်လာသူ ဟင်းတင့်ရွာသားတစ်ဦးက ပြောသည်။
“ မြေဇာက နှစ်ပုံပြိုသလိုဖြစ်သွားတာဗျ ။ တစ်သုံးလုံးကမြေဇာက ပြိုကျပြီး အောင်ဟိန်းမင်း မြေဇာပုံကို ခါးဖြတ်ရိုက်သလိုဖြစ်ပြီး အောင်းဟိန်းမင်းမြေဇာပုံလည်းထပ်ပြိုကျပြီး နှစ်ပုံပေါင်း လူတစ်ရာလောက်ပါ မယ်ဗျ "ဟု ဖားကန့်ဒေသခံ ဟင်းတင့်ရွာသား ကိုဇော်ထိုက်က ပြောသည်။ ယင်းမြေစာပုံ ပြိုကျရာတွင် ဟင်းတင့်ကျေးရွာမှ ရှမ်းအမျိုးသား(၃) ဦးပါသွားသည်ဟု ဟင်းတင့်ကျေးရွာသားများ က ပြောဆိုနေကြ သော်လည်း အတည်ပြုနိုင်ခြင်းမရှိသေးကြောင်း ၎င်းက ဆိုသည်။
မြေဇာပုံပြိုကျရာသို့ မည်သည့်အဖွဲ့အစည်းမှကယ်ဆယ်ရေးလုပ်ငန်းများ လာရောက်လုပ်ဆောင်ခြင်းများ မရှိသေးကြောင်းလည်း သိရသည်။
No comments:
Post a Comment