တန့်ယန်းဗျူဟာမှူး ချောင်းမြောင်း ပစ်ခံရ တန့်ယန်း၌ နေဝင်မီးငြိမ်း အမိန့်ထုတ်

သျှမ်းသံတော်ဆင့်

သျှမ်းပြည်မြောက်ပိုင်း တန့်ယန်းမြို့ဗျူဟာမှူးစီး လာသည့်ကားအား SSPP/SSA ဟုယူဆရသော လက်နက်ကိုင် တစု ချောင်းမြောင်း ပစ်ခတ်ပြီး နောက်ပိုင်း ယခု ရက်ပိုင်း အတွင်း တန့်ယန်းမြို့ အတွင်း နေဝင်မီးငြိမ်း အမိန့်ထုတ် ကာ လုံခြုံရေး အထူး တင်းကျပ် ထားကြောင်း တန့်ယန်း မှလာ သောသတင်း အရသိရသည်။

တရုတ်နိုင်ငံ မိုင်းလျဲမ်း၌ တရုတ်အာဏာပိုင်များနှင့်နယ်စပ်လုံခြုံရေးကိစ္စ သွားရောက်တွေ့ဆုံ၍ ပြန်လာရာမှ တိုက်ခိုက် ခြင်းခံရကြောင်း ၊ တန့်ယန်းဒေသခံ အမျိုးသားတဦးကပြောသည်။

“ ၂၆ ရက်နေ့ မိုင်းလျဲမ်းမှာ တရုတ်အာဏာပိုင်တွေနဲ့ တွေ့တယ်။ ၂၇ ရက်နေ့မှာ ပန်ဆန်းမှာ ပြန်လာအိပ် တယ်။ ၂၈ ရက်မနက် တန့်ယန်းအပြန် ညောင်ပင်ကုန်းစခန်းနဲ့ လွယ်အဲန် ပြည်သူ့စစ်စခန်းအ်ကြားမှာ အပစ်ခံရတာ။ ဗျူဟာမှူးစီး လာတဲ့ SUV အပြာရောင် ကားကို ဘဲ မဲပစ်တာ။ လမ်းမှာ တခြားကားပြောင်း မစီးထားရင်တော့ တော်တော်ထိမှာဘဲ။ ဒါပေမယ့် ခုချိန်ထိ ဗျူဟာမှူးသေလား၊ ထိခိုက် ဒဏ်ရာ ရလား။ ဘယ်နှစ်ယောက်ထိလဲ- မသိရသေးဘူး” ဟု အဆိုပါ အမျိုးသားက ပြောသည်။

ထိခိုက်ဒဏ်ရာမှုမရှိသော်လည်း ဗျူဟာမှူးစီးလာသည့်ကားမှာပျက်စီးသွားကြောင်းအခြားဒေသခံတဦးက လည်း ပြောသည်။

ပန်ဆန်းမှသံလွင်မြစ်ကူး တာ့ကောင်းအက်တံတားဖြတ်သန်းကာ လွယ်လန်းမာ့ကင့်တောင်အကျော် လုတ်ခါး - နမ့်မိုဆွမ် ရွာ အနီး ညောင်ပင်ကုန်းနှင့် လွယ်အဲန်ပြည်သူ့စစ်တပ်စခန်းအကြားချောင်းပစ်ခတ်ခံရခြင်းဖြစ် သည်ဟု သိရသည်။

“အပစ်ခံရတဲ့နေရာမှာ မြန်မာစစ်တပ်က သွား စစ် ဆေးတုံး ကားရောလူရော မနက် ၈ နာရီ က နေ ညနေ ၄ နာရီအထိ အသွားအလာ လုံးဝ ပိတ်ထားတယ်။ မြို့တွင်း ကင်းတွေလှည့်တယ်။ ၂၈၊၂၉၊ ၃၀ ရက်ည တွေမှာ တန့်ယန်းလုံခြုံရေးတွေ တင်းကြပ်ထားတယ်။ ပြည်သူ့စစ်တွေရော၊ မြန်မာစစ်သား တွေရောရပ်ကွက်တိုင်း လမ်းတိုင်းမှာ တွေ့ရတယ်။ နေဝင်မီးငြိမ်းအမိန့်လဲ ထုတ်ထားတယ်။ ဗျူဟာ မှူးကို မထိရင်တော့အဲလောက် မတင်းကျပ်လောက်ဘူး ထင်တာဘဲ” ဟုလည်း တန့်ယန်းမြို့ခံ ရပ် ကွက်အကြီးအကဲ တဦးကလည်းပြော သည်။

မြို့အဝင်အထွက်ဂိတ်များတွင်လည်း တင်းကျပ်စစ်ဆေးရာ ယနေ့တိုင် တန့်ယန်းမြို့နှင့် တယ်လီဖုန်း အဆက်အသွယ် မရသေးကြောင်း ကုန်သည်တဦးကလည်း ပြောသည်။

အဆိုပါ တန့်ယန်းဗျူဟာမှူး ချောင်းပစ်ခံရသည့်အထဲတွင် လားရှိုးစစ်တိုင်းရုံးမှ ဂျီဝမ်း ဗိုလ်မှူးကြီး ထွန်းထွန်းညီ လည်း ပါဝင်ဘွယ် ရှိသည်ဟု အတည် မပြုနိုင် သေးသော သတင်းအရ သိရသည်။

ဂျွန်လ ၂၃ ရက်နေ့ကလည်း တန့်ယန်းမြို့အတွင်း ဗုံး ၈ နေရာထက်မနဲ ပေါက်ကွဲရာ ယနေ့တိုင် လက်သည် မသိရသေး ကြောင်းလည်း တန့်ယန်းဒေသခံများပြောပြချက်အရသိရသည်။

ကျန်းမာရေးဌာနနှင့် IOM ပူပေါင်းပြီး ငှက်ဖျားရောဂါဖြစ်ရာဒေသမှာ ခြင်ထောင်ဝေငှ

လွတ်လပ်သော မွန်သတင်းအေဂျင်စီ

မွန်ပြည်နယ်အတွင်း ငှက်ဖျား ရောဂါဖြစ်နိုင် ချေရှိသည့် ဒေသတချို့မှာ နိုင်ငံတကာ ရွေ့ပြောင်းသွားလာရေးအဖွဲ့ (IOM) နှင့် မြို့နယ်ကျန်းမာရေးဌာနတို့မှ ပူပေါင်းပြီး ခြင်ထောင် လိုက်လံဝေငှပေးနေသည်။

“ကျမတို့ မုဒုံဘက်မှာဆို ငှက်ဖျားအဖြစ်များတယ်၊ ၁၀ ယောက်စစ်ရင် ၃ ယောက်က ငှက်ဖျားပိုးရှိတယ်၊ ဒါက မုဒုံဘက်မှာပေါ့နော်၊ IOM နယ်လှည့်ငှက်ဖျားတိုက်ဖျတ်ရေးအဖွဲ့ကနေ တစ်လတစ်ခါ၊ တခါတလေကျတော့ တစ်လမှာ နှစ်ခါ စစ်ဆေးနေတယ်” ဟု မုဒုံမြို့နယ်ရှိ နိုင်ငံတကာ ရွေ့ပြောင်းသွားလာရေးအဖွဲ့မှ အဖွဲ့ဝင် မသန်းဌေးက ပြောသည်။

ဇွန်လနောက်ဆုံးအပတ်ခန့်မှာ မုဒုံမြို့နယ်အတွင်းရှိ ငှက်ဖျားရောဂါ စစ်ဆေးတွေ့ရှိမှုနှင့် ဖြစ်နိုင်ချေရှိသည့် ကျေးရွာ ၈ ရွာကို ခြင်ထောင် ဝေငှပေးထားပြီးဖြစ်ကြောင်း မသန်းဌေးက ပြောသည်။

“ရှိရင်းအိမ်ခြေထက် ၂ ဆပေးထားတယ်၊ ရွာမှာအိမ်ခြေ တစ်ထောင်ရှိရင် ခြင်ထောင် နှစ်ထောင် ချပေးတယ်၊ ကျမတို့မှာတော့ ကျန်းမာရေးဌာနကနေ အလုံး (၈၀၀) ပေးတယ် IOM ကနေပြီး အလုံး (၅၀၀) ပေးတယ်” သူက ဆက်ပြောသည်။

အခု ဝေငှပေးနေသည့် ခြင်ထောင်များကို ဒေသခံများ အသုံးမပြုမှာကို စိုးရိမ်သည့်အတွက် ခြင်ထောင်ထည့်အိတ်တွေကို ကျန်းမာရေးဌာနမှ ပြန်လည်ယူဆောင်သွားကြောင်းလည်း သူမကဆက်ပြောသည်။

မွန်ပြည်နယ်အတွင်း ငှက်ဖျားရောဂါ စစ်ဆေးတွေ့ရှိသည့် ဧရိယာမှာ အထက်မှ အမိန့်အရ ခြင်ထောင်ဝေပေးနေကြောင်း ကျန်းမာရေးဌာနမှ နယ်မြေဒေသခံများကိုဝေငှပေးပြီး၊ (IOM) အဖွဲ့အနေဖြင့် ၄င်းနယ်မြေဒေသသို့ ပြောင်းရွေ့လာသည့် အလုပ်သမားများကို ဝေငှပေးသည်ဟု မုဒုံမြို့နယ်၊ နှီးပဒေါ်တိုက်နယ်ဆေးပေးခန်းမှ တာဝန်ရှိသူတစ်ဦးက ပြောသည်။

“ဒီရန်ပုံငွေတွေက Global Fund (ကမ္ဘာ့ရန်ပုံငွေအဖွဲ့ ) က ရထားတဲ့ငွေတွေဖြစ်တဲ့အတွက် သတ်မှတ်ထားတဲ့ ဒေသတွေကို အခုလို ဝေငှပေးရတယ်” ဟု ၄င်းက ဆက်ပြောသည်။

နယ်လှည့်ငှက်ဖျားတိုက်ဖျက်ရေးအဖွဲ့နှင့် မြို့နယ်ကျန်မာရေးဌာနတို့၏ သုတေသနပြု ချက်အရ မွန်ပြည်နယ်အတွင်းရှိ မြို့နယ်တချို့တွေမှာ ငှက်ဖျားရောဂါ ဖြစ်နိုင်ချေဧရိယာများ ရှိနေခြင်းကြောင့် ယခုလို ခြင်ထောင် လိုက်ဝေးငှ ပေးရကြောင်း သိရသည်။

“ကျနော်တို့အိမ်တော့ ၂ လုံးရတယ် ဒါပထမဆုံအကြိမ်းရတာပဲ တစ်ခါမှမရဖူးဘူး၊ ဆရာဝန်တွေ ဆရာမတွေ ဆင်းလာပြီးတော့ ဝေပေးတယ်၊ ရပြီးရင်လည်း မသိမ်းထားဖို့ အသုံးပြုဖို့ သူတို့က ပြောတယ်” ဟု ခြင်ထောင်ကို လက်ခံရရှိထားသူ မုဒုံမြို့နယ်၊ ဒိုးမာရွာခံတစ်ဦးက ပြောသည်။

အမေ့အိမ်ပညာဒါနကျောင်း မတက်ရန် ကြံ့ခိုင်ရေးဖိအားပေး

နော်နိုရင်း

လက်ရှိ အာဏာရ ကြံ့ခိုင်ရေးပါတီ အောက်ခြေတာဝန်ရှိသူတွေက အခမဲ့စာသင်ကျောင်း တကျောင်းမှာ တက်တဲ့ ကျောင်းသားတွေကို မတက်ဖို့ မိဘတွေကို ခြိမ်းခြောက် ပြောဆိုနေပါတယ်။

ရန်ကုန်တိုင်း ထန်းတပင်မြို့နယ် မငေးစုကျေးရွာမှာ ပြီးခဲ့တဲ့လက ဒေသခံလူငယ်တွေစုပြီး ဖွင့်လှစ်သင်ကြားနေတဲ့ အမေ့အိမ်အခမဲ့ ပညာဒါနကျောင်းမှာ ကျောင်းသားတွေ မတက်အောင် ပြောဆိုနေတာပါ။

ဒီကျောင်းကို ဇွန်လ ၁၇ ရက်နေ့က ဆိုင်းဘုတ်တင် ဖွင့်ပွဲကျင်းပခဲ့ပြီး အမျိုးသားဒီမိုကရေစီအဖွဲ့ချုပ် (ရန်ကုန်တိုင်း) စည်းရုံးရေးအဖွဲ့က ဦးနိုင်နိုင်းနဲ့ လူငယ်ဖော်ဆောင်းရေးအဖွဲ့ ကိုမျိုးညွန့်တို့လည်း တက်ရောက်ဖွင့်လှစ် ပေးခဲ့ပါတယ်။

နယ်မြေခံ ကြံ့ခိုင်ရေးအတွင်းရေးမှူးက ဇွန် ၃၀ ရက်နေ့မှာ အစည်းအဝေး ခေါ်ယူပြီး ကလေးတွေကို အဲဒီကျောင်းကနေထုတ်ဖို့ ခြိမ်းခြောက်ခဲ့ကြတယ်လို့ ကျောင်းသားမိဘတဦးက အခုလို ပြောပြပါတယ်။

“သူတို့က ဘယ်လောက်အထိ ခြိမ်းခြောက်သလဲဆိုတော့ ဒီကျောင်းသားမိဘ နာမည်တွေပါ နေပြည်တော်မှာ ရောက်နေတယ်။ ဒီအိမ်မှာ တက်နေတဲ့ ကလေးတွေက ကျောင်းမှာ စာရင်းမသွင်းဘူးတို့၊ ၉ တန်း၊ ၁၀ တန်း အောင်ခဲ့ရင်တောင်မှ အောင်မှတ်ကို မပေးဘူးတို့ ဘာတို့နဲ့ အမျိုးမျိုး ခြောက်လှန့်တာ။ တောသူတောင်သားတွေ ဆိုတော့လည်း ကြောက်ကြတယ်ပေါ့။”

ဒီကျောင်းတက်တဲ့ ကလေးအများစုဟာ မရှိဆင်းရဲသူတွေရဲ့ သားသမီးတွေဖြစ်ပြီး အပြင်မှာ အခကြေးငွေရယူ ဖွင့်လှစ်တဲ့ ကျူရှင်တွေမှာ တက်ဖို့ အခက်အခဲ ရှိကြပါတယ်။

အမေ့အိမ်အခမဲ့ ပညာဒါနကျောင်းဟာ မေလဆန်းကစပြီး မူကြိုကနေ ဒဿမတန်းအထိ အခမဲ့ သင်ကြားပေးတာ ဖြစ်ပါတယ်။ လက်ရှိ အဲဒီကျောင်းမှာ ဆရာ/ဆရာမ သုံးဦးက အခမဲ့ စာသင်နေပါတယ်။

ကြံ့ခိုင်ရေးပါတီဝင်တွေရဲ့ ခြိမ်းခြောက်မှုကြောင့် ကျောင်းသား ၆၀ ကျော်သာ ကျန်တော့တယ်လို့ စာသင်ပေးနေတဲ့ ဆရာမ စမ်းစမ်းကြူက ပြောပါတယ်။

“အာဏာပိုင်တွေကတော့ ဒီကို တိုက်ရိုက်လာပြီးတော့ မပြောဘူးပေါ့နော်။ ဒီအမေ့အိမ်က အမဲရောင်နယ်မြေ ဖြစ်တယ်ဆိုပြီး အမျိုးမျိုး ခြိမ်းခြောက်မှုတွေ ပြုတယ်။ သွယ်ဝိုက်ပြီးတော့ပဲ မိဘတွေကိုပဲ ဖိအားပေးတာပေါ့။ ဒီကို သွားတက်ရင် ဘာဖြစ်မယ် ဆိုပြီးတော့ တားမြစ်တာ။ ကလေးတွေကလည်း သူတို့ ခြိမ်းခြောက်ထားတော့ ကြောက်တယ် မတက်ရဲဘူးလေ။ အရင်တုန်းက တရာကျော် လောက်ရှိတယ်၊ အခုတော့ ၆၀ ကျော် ၇၀ လောက်ပဲ ရှိတော့တယ်။ တော်တော်ကျသွားတယ် ကလေးတွေ။”

ဒေသခံ အာဏာပိုင်အဖွဲ့အစည်းတွေဟာ ရန်ကုန်တိုင်း မြောက်ဥက္ကလာပမှာရှိတဲ့ အမေ့အိမ် အခမဲ့ပညာဒါနကျောင်းနဲ့ ဗေဒါအင်စတိကျု တို့ကိုလည်း အိမ်ရှင်ဖြစ်သူကနေ တဆင့် ကျောင်းပြောင်းအောင် ဖိအားပေးနေပါတယ်။

ရခိုင် အမတ်များကို တရားစွဲသည့် ကြံ့ခိုင်ရေး အမတ်လောင်းများ အရှက်ကွဲ

နိရဥ္ဒရာ

ရခိုင်တိုင်းရင်းသားများ တိုးတက်ရေး ပါတီမှ အနိုင်ရ လွှတ်တော် ကိုယ်စားလှယ်များကို မဟုတ်မမှန် လုပ်ကြံတရားစွဲဆိုသူ ကြံ့ဖွတ်အမတ်များမှာ အရှုံးနှင့် ရင်ဆိုင်နေရသည့် အပြင် ငွေကုန် လူပန်း ဖြစ်နေကြရသဖြင့် ပြည်သူများအကြား မျက်နာ မဖေါ်ရဲအောင် အရှက်ရနေ ကြသည်ဟု သတင်း ရရှိသည်။

ဇွန်လ ၂၄ ရက်နေ့က ရခိုင်တိုင်းရင်းသားပါတီမှ တရားစွဲခံ အမတ် ၄ ဦး အမူကို နေပြည်တော် ရွှေးကောက်ပွဲကော်မရှင် အထူးခုံရုံးက ဆုံးဖြတ်ရာ ကြံ့ခိုင်ရေးပါတီမှ တရားစွဲဆိုသူများကို အရှုံးပေးလိုက်ပြီး ရခိုင်အမတ်များကို အနိုင်ပေးခဲ့သည်။

မြေပုံမြို့နယ် ပြည်သူ့ လွှတ်တော် အမတ် ဦးဖေသန်းက ကြံ့ခိုင်ရေးမှ တရားစွဲသူများ အရှက် ရနေကြောင်းကို ယခုကဲ့သို့ ပြောသည်။

" သူတို့က လုပ်ကြံတဲ့ ဇာတ်လမ်းကို သူတို့ဘဲ ခံသွားရတာပါဘဲ။ ပထမ တခါ ပြည်သူတွေက သူတို့ကို လူထုကို အနိုင်ကျင့်တဲ့အတွက် ရွှေးကောက်ပွဲနဲ့ ဆုံးဖြတ်ပေးလိုက်ပြီ ဖြစ်တယ်။ အခုတခါ သူတို့က အဲဒီ အပေါ်မှာ မကျေနပ်လို့ တရားလာစွဲပြန်တယ်။ တရားရုံးက သူတို့ရဲ့ စွပ်စွဲ ချက်တွေဟာ လုပ်ဇာတ်တွေဘဲ ဖြစ်တယ်ဆိုပြီး သူတို့ကို ထပ်ပြီး အရှုံးပေးလိုက်တာပေါ့ဗျာ။ အခုတော့ သူတို့ နှစ်ခါ ရှုံးသွားပြီ ဗျာ" ဟု ပြောသည်။

၎င်းပြင်သူက " ဒါတွေတောင် ဘယ်ကမလဲဗျာ။ ဒါ့ပြင်သူတို့က စရိတ်စခတွေလည်း အများကြီး သုံးရတယ်။ ကော်မရှင်ကို အမူတင်တဲ့ အခါမှာလည်း ၁၀ သိန်း ကုန်တယ်။ အခုတစ်ခါရှုံးတော့ ကျပ် ၁၀ သိန်း လျော်ရတယ်။ အထပ်ထပ်အခါခါ ရှုံးတာပေါ့ဗျာ"

ယခုအခါ တရားစွဲဆိုသူများမှာ ပြည်သူများ၏ မျက်မုန်းကျိုးခြင်းကို ခံနေကြရကြောင်း သူက ဆက်ပြောသည်။

" အဲဒီထက် ဆိုးတာက ပြည်သူတွေက သူတို့ကို မကျေမနပ် ဖြစ်သွားပြီး မျက်မုန်း ကျိုးသွား တာပေါ့ဗျာ။ နောက်ဆုံးမှာတော့ သူတို့ အနာဂတ် နိုင်ငံရေး လောကမှာ မျှော်လင့်ချက် မရှိတော့ဘူးလို့ ပြည်သူတွေ မြင်သွားတယ်။ နိုင်ငံရေး အညွှန့်ကျိုးသွားတာပေါ့ဗျာ။ နိုင်ငံရေး လမ်းကြောင်းဘက်မှာ ပြန်လည်လို့ ခေါင်းဆောင်နိုင်မယ့် အနေအထား မရှိတော့ဘူပေါ့ဗျာ။ ခုလို မဟုတ်မတရား လုပ်ကြံ တရားစွဲတဲ့ အတွက် ကျွန်တော်ဘက်ကတော့ ပြည်သူတွေရဲ့ ထောက်ခံမူကို အများကြီး ရရှိ လိုက်တာပေါ့ဗျာ" ဟု သူက ပြောသည်။

ဇွန်လ ၂၄ ရက်နေ့က နေပြည်တော် ကော်မရှင် တရားရုံးက အနိုင်ပေးလိုက်သော ရခိုင်အမတ်များမှာ ရသေ့တောင် အမှတ်(၁) ပြည်နယ် လွှတ်တော်အမတ် ဦးလှမောင်သိန်းနှင့် မြေပုံမြို့နယ်မှ ပြည်သူ့ လွှတ်တော် အမတ် ဦးဖေသန်း၊ ပြည်နယ်လွှတ်တော်အမတ်များ ဖြစ်ကြသည့် ဦးအောင်ဝင်းနှင့် ဦးမောင်လုံးတို့ ဖြစ်ကြသည်။

ယခင် အနိုင်ရရှိခဲ့သည် အမတ် ၂ ဦးမှာ ကျောက်ဖြူမြို့နယ်မှ ပြည်သူ့လွှတ်တော် အမတ် ဦးကျော်လွှင်နှင့် ပြည်နယ် လွှတ်တော် အမတ် ဦးအုံးတင်တို့ ဖြစ်ကြသည်။

ရခိုင်တိုင်းရင်းသားများ တိုးတက်ရေး ပါတီမှ အမတ် (၉) ဦးတရားစွဲခံထားရသည့် အထဲမှ ၆ ဦးအနိုင်ရရှိခဲ့ပြီး ၃ ဦးသာ ကျန်ရှိတော့ကြောင်း သိရသည်။ သူတို့ ၃ ဦးမှာ ပေါက်တောမြို့နယ်မှ ဖြစ်ပြီး ယခု ၆ ရက်နေ့တွင် သူတို့ အမူကို ဆုံးဖြတ်မည် ဖြစ်ကြောင်း သိရသည်။

ရခိုင်ပြည်နယ် ၀န်ကြီးဌာန အပြောင်းအလဲ ပြည်သူများ စိတ်မ၀င်စား

နိရဉ္စရာ

ရခိုင်ပြည်နယ်က ၀န်ကြီးဌာန (၉) ခုကို အပြောင်းအလဲ ပြုလုပ် လိုက်သော်လည်း အဆိုပါ အပြောင်းအလဲ အပေါ် ရခိုင်ပြည်သူများမှ စိတ်ဝင်စားမူ မရှိကြောင်း သိရသည်။

သမ္မတ ဦးသိန်းစိန် လက်မှတ်ရေးထိုးပြီး အဆိုပါ အပြောင်းအလဲကို တခြား တိုင်းနှင့် ပြည်နယ်များ နည်းတူ ဇူလိုင်လ (၁) ရက်နေ့က ပြုလုပ် လိုက်ခြင်း ဖြစ်သည်။

အမည်မဖေါ်လိုသူ နိုင်ငံရေး စိတ်ဝင်စားသူ လူငယ် တစ်ဦးက " ရခိုင်ပြည်နယ် ၀န်ကြီးအဖွဲ့ဟာ ဘာမှ အစစ်အမှန် အာဏာမရှိဘဲ လက်ညိုးထောင် ခေါင်းညိတ် နေရတဲ့ ရုပ်ပြ အစိုးရ တစ်ရပ်သာ ဖြစ်တဲ့ အတွက် ရခိုင်ပြည်နယ် အစိုးရ အပေါ်မှာ လူတွေက မျှော်လင့် ချက် သိပ်မထားခဲ့ပါဘူး။ ဒါကြောင့်လည်း အခု ၀န်ကြီးဌာနများ အပြောင်းအလဲအပေါ် ရခိုင်ပြည်သူများက စိတ်ဝင်စားမူ မရှိပါဘူး" ဟု ပြောသည်။

ယခု အပြောင်းအလဲ လုပ်လိုက်သော ၀န်ကြီးများနှင့် ဌာနများမှာ- ဗိုလ်မှူးကြီးထိန်လင်း (လုံခြုံရေးနှင့် နယ်စပ်ရေးရာဝန်ကြီးဌာန)၊ ဦးစိုးအေး (ဘဏ္ဍာရေးနှင့် အခွန်ဝန်ကြီးဌာန)၊ ရတပ အမတ် ဦးကျော်သိန်း (စိုက်ပျိုးရေးနှင့် မွေးမြူရေးဝန်ကြီးဌာန)၊ ရတပ အမတ် ဦးအောင်သန်းတင် (သစ်တောနှင့် သတ္တုဝန်ကြီးဌာန)၊ ဦးမြအောင် (စီမံကိန်းနှင့် စီးပွားရေးဝန်ကြီးဌာန)၊ ဦးကျော်ခင် (လမ်းပန်းဆက်သွယ်ရေးဝန်ကြီးဌာန)၊ ရတပ အမတ် ဦးသာလူချေ (လျှပ်စစ်နှင့် စက်မှုလက်မှုဝန်ကြီးဌာန)၊ ဦးလှဟန် (စည်ပင်သာယာရေးဝန်ကြီးဌာန)၊ ဒေါက်တာအောင်ကျော်မင်း (လူမှုရေးဝန်ကြီးဌာန) တို့ဖြစ်သည်။

ယခုကဲ့သို့ ၀န်ကြီးဌာနများ အပြောင်းအလဲ လုပ်လိုက်ခြင်း အပေါ် ပြည်နယ် လွှတ်တော် အမတ် ဦးအောင်မြကျော်ကလည်း သူ့အမြင်ကို ယခုကဲ့သို့ ပြောပါသည်။

" ၀န်ကြီး အပြောင်းအလဲက သမ္မတက အမိန့်နဲ့ ပြောင်းလဲလိုက်တာ ဖြစ်ပါတယ်။ ကျနော်တို့ လေ့လာ သုံးသပ်မူ အရ ပြောရရင်တော့ တိုင်းနဲ့ ပြည်နယ်တွေရဲ့ ၀န်ကြီးဌာန ဘားဂျတ်ကို တပြေးညီ သတ်မှတ်လိုတဲ့ အတွက် ၀န်ကြီးဌာန ၉ ခုကို အတူတူ သတ်မှတ်လိုက်တယ်လို့ မြင်ပါတယ်" ဟု ပြောသည်။

သို့သော်လည်း ယခု အပြောင်းအလဲ လုပ်ရာတွင် ပြည်နယ် ၀န်ကြီးဌာနများထဲမှ အရေးကြီးသော ၀န်ကြီးဌာနများကို ရုတ်သိမ်းသွားသည်မှာ စိတ်မကောင်းစရာ ဖြစ်ကြောင်း သူက ပြောကြားသည်။

" အဓိက အရေးကြီးတဲ့ ပညာရေး၊ ကျန်းမာရေး၊ လူဝင်မူကြီးကြပ်ရေး၊ သာသနာရေးနဲ့ ယဉ်ကျေးမူ ၀န်ကြီးဌာနတွေကို အားကုန်လုံးကို ဗဟိုက ပြန်ရုတ်သိမ်းသွားပါတယ်။ သာမန် ဌာနတွေ ကိုထားရှိပီး တခြား လုပ်ပိုင်ခွင့် ရှိတဲ့ တိုင်းရင်းသားတွေ အတွက် အရေးကြီးတဲ့ ဌာနတွေကို ရုတ်သိမ်းသွားတာကတော့ စိတ်မကောင်းစရာပါဘဲ" ဟု ပြောသည်။

ယခုကဲ့သို့ ပြည်နယ်နှင့်တိုင်း ၀န်ကြီးဌာနများကို ဦးသိန်းစိန် အစိုးရမှ ရက် (၁၀၀) မပြည့်မှီ အကြောင်းပြချက် တစုံတရာ မရှိဘဲ ရုတ်သိမ်းသွားသဖြင့် နိုင်ငံရေး အသိုင်းအ၀ိုင်း အကြားတွင် အမျိုးမျိုး ဝေဖန် ပြောဆိုမူများ ထွက်ပေါ် နေကြောင်း သိရသည်။

ရှမ်းပြည်ရှိ စစ်တပ်အတွက် သိမ်းမြေများ လျော်ကြေးပေး

ဟိန်းသူ Saturday, 02 July 2011

ရှမ်းပြည်တောင်ပိုင်း ခိုလမ်မြို့နယ်ခွဲတွင် စစ်တပ်အတွက် မြေဧက ရာချီ သိမ်းခဲ့သည့်ကိစ္စကို သက်ဆိုင်ရာက ပြန်လည်ဖြေရှင်းပေး သည့်အတွက် မြေသိမ်းခံဒေသခံများနှင့် ပြေလည်မှုရရှိသွားပြီ ဖြစ်သည်။

“ရွာသားတွေကို ပိုက်ဆံနဲ့မြေကွက် အစားပြန်ပေးတယ်။ အပြည့်အ၀ ပေးတာတော့မဟုတ်ဘူး။ ဒါပေမယ့် ရွာသားတွေကတော့ ကျေ နပ်တယ်လို့ ပြောပါတယ်”ဟု အဆိုပါအမှုအား လိုက်လံ ဆောင်ရွက်ပေးနေသူ စိုင်းသူရိန်ဦးက ပြောသည်။

အရှေ့အလယ်ပိုင်းတိုင်း စစ်ဌာနချုပ် တည်ဆောက်ရန်အတွက် တောင်ကြီးနှင့် ကျိုင်းတုံဒေသအကြား ခိုလမ်မြို့နယ်ခွဲရှိ မြေဧက ၁၀၀ ကျော်ကို မြေပိုင်ရှင် ၄၀ ခန့်ထံမှ ပြီးခဲ့သည့် ဧပြီလက သိမ်းခဲ့ခြင်းဖြစ်သည်။

ထိုအထဲမှ လက်မှတ်ထိုးပေးလိုက်သူများရှိသော်လည်း မကျေနပ်သည့်ရွာသား ၇ ဦးက ရှမ်းပြည်နယ် ၀န်ကြီးချုပ်ထံ တိုင်တန်းခဲ့ကြ သည်။

တိုင်တန်းသည့် ရွာသား ၇ ဦးအပါအ၀င် လက်မှတ်မထိုးပေးသော မြေပိုင်ရှင်များကို သိမ်းယူထားသည့် မြေ၏ ထက်ဝက် အတွက် အခြားနေရာမှ မြေအစားပြန်ပေးကြောင်း၊ ကျန်သိမ်းယူမြေအတွက် တဧက လျှင် ကျပ် တသိန်းခွဲနှုန်းဖြင့် လျော်ကြေး ပေးကြောင်း သိရသည်။

ခိုလမ်မြို့နယ် အုပ်ချုပ်ရေးမှူးက မြေစာရင်းဦးစီးဌာနနှင့် ညှိနှိုင်းကာ မြေကွက်များကို ပြန်လည် နေရာချထားပေးခဲ့ ခြင်းဖြစ်သည်။

“မြို့ထဲမှာတော့ မဟုတ်ဘူး။ အဓိက ကတော့ ခြံလုပ်ငန်း ပြန်လုပ်လို့ရတဲ့ နေရာမျိုးပြန်ရတဲ့အတွက် ကျေနပ်လိုက်တာပါ”ဟု ခိုလမ်ရွာ သား တဦးက ပြောသည်။

မြေသိမ်းစဉ်က လက်မှတ်ထိုးပေးလိုက်သော မြေပိုင်ရှင် ၁၃ ဦးထဲမှ တချို့မှာ သိမ်းယူခံ မြေတဧကအတွက် ကျပ် တသိန်းခွဲ လျော်ကြေးငွေ ရရှိသော်လည်း တချို့မှာ လျော်ကြေးငွေ မရရှိဘဲ ပေ ၄၀ x ၆၀ မြေကွက်များသာ အစားထိုး ရရှိကြောင်း၊ ထိုသို့ သိမ်းယူ ထားသည့် မြေများထဲတွင် ကျပ်သိန်း ၅၀၀ ကျော် ပေါက်ဈေးရှိသည့် လိမ္မော်ခြံများလည်း ပါဝင်သည်ဟု သိရသည်။

လက်မှတ်ထိုးပြီးသူများကို အခြားသူများနည်းတူ လျော်ကြေးထပ်ပေးခြင်း မရှိကြောင်း၊ ယခုအချိန်ထိ အပြီးသတ် လျော်ကြေး မရသေးသူ အနည်းငယ်ကျန်သေးကြောင်း လိုက်လံ ဆောင်ရွက်ပေးနေသူ စိုင်းသူရိန်ဦးက ပြောသည်။

ဘင်္ဂလာဒေခ်ျ့ဝန်ကြီးချုပ်မှ မြန်မာသို့ ကုန်ပစ္စည်းများ တင်ပို့သူ မှောင်ခိုသမားကြီး ၁၇ ဦးအား ဖမ်ဆီးရန် အမိန့်ထုတ်

နိရဉ္စရာ

ဘင်္ဂလာဒေခ်ျ့ ၀န်ကြီးချုပ် ရှိတ်ဟာဆီးနာမှ မြန်မာနိုင်ငံသို့ တားမြစ်ကုန်ပစ္စည်းများ တင်ပို့နေသူ မှောင်ခို စီးပွားရေးသမားကြီး ၁၇ ဦးကို ဖမ်းဆီးရန် ပြည်ထဲရေး ၀န်ကြီးဌာနသို့ အမိန့်ထုတ် လိုက်ကြောင်း သတင်း ရရှိသည်။

ယခုကဲ့သို့ ၀န်ကြီးချုပ်မှ အမိန့်ထုတ်ပြန်ခြင်းမှာ ပထမဆုံး အကြိမ် ဖြစ်ပြီး အဆိုပါ စာကို ဇွန်လ ၁၃ ရက်နေ့က ၀န်ကြီးချုပ်ရုံးမှ ပြည်ထဲရေး ၀န်ကြီးဌာနသို့ ပေးပို့ခဲ့သည်ဟု သိရသည်။ မည်သည့်အတွက်ကြောင့် ညွန်ကြားချက် အမိန့်ထုတ်ပြန်ရသည်ကို ၀န်ကြီးချုပ်ရုံး တာဝန်ှရှိသူ တစ်ဦးက ယခုကဲ့သို့ ပြောကြားသည်။

" သူတို့က ဘင်္ဂလာဒေခ်ျ့နိုင်ငံက အဓိက ပြည်သူတွေ မရှိမဖြစ် လိုအပ်တဲ့ ကုန်ပစ္စည်းတွေကို မြန်မာနိုင်ငံကို ရေလမ်းကြောင်းကတဆင့် တင်ပို့နေတယ်။ ဒီနိုင်ငံက အဓိက တားမြစ်ထားတဲ့ ဒီဇယ်ဆီ၊ ဓါတ်မြေသြဇာ၊ စားသုံးဆီနဲ့ အ၀တ်စ (အ၀တ်အထည်)တွေကို နေ့တိုင်းလိုလို တင်ပို့နေကြတဲ့ အတွက် တိုင်းပြည်တွင်းမှာ နစ်နာမူတွေ ရှိလာတယ်။ ဒါနဲ့ ခုလို သူတို့ကို ဖမ်းဆီးဖို့ ၀န်ကြီးချုပ် ကိုယ်တိုင်အမိန့်ထုတ်ပြန်ရတာ ဖြစ်ပါတယ်" ဟု ပြောသည်။

ဖမ်းဆီးရန် အမိန့်ထုတ်ပြန်ခံရသူများမှာ မြန်မာ နယ်စပ်အနီးတွင် တည်ရှိသော ကော့စ်ဘဇားခရိုင် အတွင်းမှ ဖြစ်ကြသည်။ အများစုမှာ မောင်တောမြို့နှင့် မျက်နာချင်းဆိုင်တွင် တည်ရှိသော တက်ကနက် မြို့နယ်မှ ဖြစ်ကြသည်။

" သူတို့က ဒီကစ္စည်းတွေကို မော်တော်ဘုတ်ကြီးတွေနဲ့ ရေလမ်းကြောင်းက တင်ပို့နေကြတာ ဖြစ်ပါတယ်။ ဒါ့အပြင် ဒေသဆိုင်ရာ လုံခြုံရေးတပ်ဖွဲ့တွေ ဖြစ်ကြတဲ့ ဘီဂျီဘီနဲ့ ရဲအရာရှိတွေကိုလည်း မှောင်ခိုသမားကြီးတွေက ငွေပေး ပေါင်ထားနိုင်တော့ သူတို့က လွတ်လွတ်လပ်လပ် ဒီပစ္စည်းတွေကို မြန်မာနိုင်ငံကို မှောင်ခို တင်ပို့နိုင်ကြတယ်လေ။ ဒါကြောင့် သူတို့ကို ဖမ်းဆီးမယ့်သူလည်း မရှိ ဖြစ်နေတော့ ပြည်ထဲရေး ၀န်ကြီးဌာနကို ၀န်ကြီးချုပ်က အမိန့်ထုတ်လိုက်တာ ဖြစ်ပါတယ်" ဟု သူက ပြောသည်။

မြန်မာနိုင်ငံသို့ ဘင်္ဂလာဒေခ်ျ့နိုင်ငံသို့ မှောင်ခိုင်တင်ပို့နေသည့် လမ်းကြောင်း ထွက်ပေါက် ၀င်ပေါက် ၃၀ ရှိပြီး အဆိုပါ လမ်းကြောင်းများမှ မော်တော်ဘုတ်များ စက်လှေများဖြင့် အဆိုပါ ပစ္စည်းများကို မှောင်ခို တင်ပို့နေကြသည်ဟု ဖေါ်ပြသည်။

ဘင်္ဂလာဒေခ်ျ့ စွမ်းအင်ဝန်ကြီဌာနမှ ထုတ်ပြန်ချက်အရ တနှစ်ကို စက်သုံးဆီ တန်ချိန် နှစ်သိန်း အိမ်နီးချင်းနိုင်ငံများသို့ လမ်းကြောင်း ၃၃ ခုမှ မှောင်ခို တင်ပို့နေကြသည်ဟု ဖေါ်ပြပြီး အများဆုံး ဆီမှာ ဒီဇယ်ဆီ ဖြစ်ကြောင်း ပြောဆိုသည်။

ယခုအခါ တက်ကနက်မြို့နယ် တစ်ခုတည်းမှ မြန်မာသို့ မှောင်ခို တင်ပို့နေသော ရေလမ်းကြောင်း ၁၃ ခုကို ပိတ်ပစ်မည် ဖြစ်ပြီး ရေတပ်၊ ကမ်းခြေစောင့်တပ်၊ ဘီဂျီဘီ၊ ရဲနှင့် ဒေသ ပြည်သူ့စစ်များကို မှောင်ခို လုပ်ငန်းများကို ရပ်တန့်နိုင်ရေး အတွက် အမြင့်ဆုံး တိုးမြှင့် လုပ်ဆောင်သွားမည် ဖြစ်ကြောင်း သိရသည်။

မြန်မာနိုင်ငံနှင့် ဘင်္ဂလာဒေခ်ျ့နိုင်ငံ အကြားတွင် မှောင်ခို လုပ်ငန်းမှာ အကြီးအကျယ် ဖြစ်ထွန်းနေပြီး မြန်မာနိုင်ငံမှလည်း အဖိုးတန် သစ်များ၊ ယာဘားများကို မှောင်ခို လမ်းကြောင်းမှ တစ်ဆင့် ဘင်္ဂလာဒေခ်ျ့ကို တင်ပို့ကြကြောင်း သိရသည်။

နယ်ခြားစောင့် အဟောင်း-အသစ် တိုက်ပွဲဖြစ်

ကိုဝိုင်း

တိုးတက်သော ဗုဒ္ဓဘာသာ ကရင်အမျိုးသား တပ်မတော် ပြန်လည် ဖြစ်သွားသော နယ်ခြားစောင့် တပ်ဖွဲ့ဝင်ဟောင်းများနှင့် အစိုးရတပ်များ ပါဝင် ပူးပေါင်းထားသည့် လက်ကျန် နယ်ခြားစောင့် တပ်ဖွဲ့ဝင်များအကြား ကရင်ပြည်နယ် လှိုင်းဘွဲနှင့် ဖိပွန်မြို့နယ်တို့တွင် တိုက်ပွဲများ ဖြစ်နေကြောင်း DKBA ဗျူဟာမှူး ဗိုလ်မှူးကျော်သက် က ပြောသည်။

တပ်ရင်းမှူး ဗိုလ်မှူးစိုးနိုင် ဦးစီးသော နယ်ခြားစောင့်တပ် အမှတ် ၁ဝ၁၁ နှင့် အစိုးရတပ်မှ တပ်မ ၄၄၊ ၆၆ ၊ ၂၂ တို့ ပူးပေါင်းတပ်ဖွဲ့များနှင့် တပ်ရင်းမှူး စောဘိဦးစီးသော DKBA များ ကြာသပတေးနေ့ညနေက ကရင်ပြည်နယ် လှိုင်းဘွဲ့မြို့နယ်ထဲရှိ တခေါ့ဖိုးရွာအနီး၌ တနာရီကျော် တိုက်ပွဲဖြစ်သည်ဟု ဆိုသည်။

တိုက်ပွဲတွင် နယ်ခြားစောင့်တပ်ဘက်မှ ဗိုလ်မှူးစိုးနိုင် ကျဆုံးသည်ဟု သတင်း ထွက်ပေါ်နေသော်လည်း DKBA နှင့် KNU က အတည် မပြုနိုင်သေးဟု ဆိုသည်။

ဇွန်လ ၂၉ ရက် ညကလည်း သံလွင်မြစ်အနောက်ဘက် ဖာပွန်မြို့နယ် ကမမောင်းရွာအနီး၌ အစိုးရတပ်များနှင့်ဖြစ်ပွားရာ အရပ်သားတဦး သေဆုံးသည်ဟု ဗိုလ်မှူးကျော်သက်က ပြောသည်။

“ သူပစ်ကိုယ်ပစ်လေ ဘယ်သူ့လက်နက်ထိတယ်ဆိုတာ ပြောလို့မရသေးဘူး” ဟု သူက ပြောသည်။

သောကြာနေ့တွင် တိုက်ပွဲများဆက်ဖြစ်သည်ဟု မကြားရသေးသော်လည်း နှစ်ဖက်တပ်စွဲထားပြီး တဖက်နှင့်တဖက် ခြေလျင်တနာရီအကွာ၌ ရင်ဆိုင်အနေအထားဖြင့် အသင့်ရှိနေကြသည်ဟု ဆိုသည်။

တိုက်ပွဲနေရာသည် သံလွင်အနောက်ခြမ်း သထုံ-ကမမောင်း-ဖာပွန် ကားလမ်း၊ အရှေ့ခြမ်း ဘားအံ-သခေါ့ဖိုး ကားလမ်းတို့နှင့် နီးပြီး KNLA ၏ ဘားအံခရိုင် တပ်မဟာ ၇၊ ဖာပွန်ခရိုင် တပ်မဟာ ၅၊ သထုံခရိုင် တပ်မဟာ ၁ စသည့် တပ်မဟာ ၃ ခု ဆက်စပ်နယ်မြေ ဖြစ်သည်ဟု ကရင်အမျိုးသား အစည်းအရုံး KNU အတွင်းရေးမှူး ၁ ဗိုလ်မှူးလှငွေက
ပြောပြသည်။

KNLA တပ်မဟာ ၅ နယ်မြေအတွင်း၌ အစိုးရနယ်မြေခံတပ်မ ၁ဝ၁ နှင့် အရှေ့တောင်တိုင်း စစ်ဌာနချုပ် လက်အောက်ခံ တပ်ရင်းပေါင်း ၁၁ ရင်း၊ တပ်မဟာ ၇ နယ်မြေအတွင်း၌ အရှေ့တောင်တိုင်း စစ်ဌာနချုပ်နှင့် စကခ ၁၂ လက်အောက်ခံ တပ်ရင်း ပေါင်း ၁၂ ရင်းခန့် လှုပ်ရှားနေကြောင်း ဗိုလ်မှူးစောလှငွေက ပြောသည်။

စစ်ကိုင်းလွှတ်တော်သို့ KIAကို ကန့်ကွက်ရန် အဆိုတင်သွင်း

KNG

ကချင်ပြည်နယ် အစိုးရကိုယ်စားလှယ်များနှင့် ကချင်လွတ်မြောက်ရေးအဖွဲ့(KIO)အရာရှိများ ဇွန် ၃၀ ရက် တွေ့ဆုံစဉ် တစ်ရက်တည်းတွင် စစ်ကိုင်း လွှတ်တော်က KIAကို ကန့်ကွက်သည့် အဆိုတင်သွင်းချက်ကို ဆွေးနွေးသွားမည်ဟု ဇူလှိုင် ၁ ရက် မြန်မာ အစိုးရ အာဘော် သတင်း စာတွင် ပါရှိသည်။

ပထမအကြိမ် စစ်ကိုင်းတိုင်းဒေသကြီးလွှတ်တော်အထူးအစည်းအဝေးတွင် ထီးချိုင့်မြို့နယ် အမှတ် ၂ တိုင်းဒေသကြီး လွှတ်တော် ကိုယ်စားလှယ် ဦးစန်းမောင် က “ကချင်ပြည်နယ်အခြေစိုက် KIA အဖွဲ့၏ ကချင်ပြည်နယ် ဒေသဖွံ့ဖြိုးရေးစီမံကိန်းလုပ်ငန်း ဆောင်ရွက် မှုများကို တားမြစ်ခြင်း၊ လုပ်ငန်းများ မအောင်မြင်အောင် နှောင့်ယှက်ခြင်း၊ ရေအားလျှပ်စစ်လုပ်ငန်းများ ဆောင်ရွက်နေသည့် တရုတ်နိုင်ငံသားဝန်ထမ်းများကို ခြိမ်းခြောက်ခြင်း၊ ဟန့်တားနှောင့်ယှက်ခြင်း၊ ပြည်နယ်တွင်းရှိ ဌာနဆိုင်ရာဝန်ထမ်းများနှင့် အရပ်သား များအား KIA မှ ဖမ်းဆီးခေါ်ဆောင်ခြင်းများကို ကန့်ကွက်ကြောင်း” တင်သွင်းချက်ကို လက်ခံဆွေးနွေးသွားရန် သတင်းစာတွင် ဖော်ပြထားသည်။

ထို့အတူ ဇွန် ၁၇ ရက် ပြည်နယ်အစိုးရကိုယ်စားလှယ်များနှင့် KIO/KIA တွေ့ဆုံပြီးနောက်ရက်တွင်လည်း အစိုးရအာဘော် သတင်း စာ၌ “KIA တပ်ဖွဲ့များက ခြိမ်းခြောက်ခြင်း၊ စတင်ပစ်ခတ်ခြင်းများ ဆောင်ရွက်ခဲ့သည့်အတွက် မိမိတပ်မတော်စစ်ကြောင်းများက မလွှဲမရှောင်သာ ပြန်လည်တိုက်ခိုက်ခဲ့ရ” ဟု ဖော်ပြထားပြန်သည်။

ဇွန် ၉ ရက် ဗန်းမော်ခရိုင် အင်မောက်မြို့နယ် တာပိန်ရေအားလျှပ်စစ်စီမံကိန်းများအနီး ဆန်ဂန်တွင် မြန်မာစစ်တပ်က KIO/KIA အခြေစိုက်စခန်း Bum Sen (ဘွမ်ဆဲန်)ကို ၀င်ရောက်သိမ်းပိုက်ရာမှ နှစ်ဖက်ကြား တိုက်ပွဲများစတင်လာပြီး ရှမ်းပြည်မြောက်ပိုင်းနှင့် ကချင်ပြည်နယ် တ၀န်း စစ်ပွဲများ ပျံ့နှံ့လာသည်။

ကချင်ပြည်နယ်အတွင်းတွင် စစ်ကိုရှောင်ရှားရန် နေရပ်စွန့်ခွာလာသည့် ပြည်သူများ ၂၀၀၀၀ ကျော်လာကာ ယခုချိန်ထိ အရေအတွက်တိုးလာနေဆဲဖြစ်သည်။

အာဆီယံပါလီမန်က ကချင်လွတ်မြောက်ရေးအဖွဲ့/တပ်ဖွဲ့ (KIO/KIA)နှင့် (၁၇) ကြာပစ်ရပ်ဆိုင်းခဲ့ခြင်းကို အဆုံးသတ်ကာ ကချင်ပြည်နယ်သို့ လူလက်နက်အင်အား ကြီးမားစွာ ပို့လွှတ်သည့် မြန်မာအစိုးရ၏ အပြုအမူအား ပြင်းထန်စွာ ဝေဖန်လိုက်သည်။

ထို့အပြင် နိုင်ငံတကာရှိ ကချင်အမျိုးသားများနှင့်အတူ စစ်ပွဲကို မလိုလားသူများသည် သက်ဆိုင်ရာနိုင်ငံအသီးသီးတွင် ကန့်ကွက်ဆန္ဒပြပွဲများကို ဇွန် ၂၄ ရက်တွင် တပြိုင်နက် ကျင်းပခဲ့သည်။

မြန်မာအစိုးရအာဘော်၏ဖော်ပြချက်သည် ဗဟိုအစိုးရအဆင့်မဟုတ်ဘဲ ကချင်ပြည်နယ်အစိုးရ ကိုယ်စားလှယ်များနှင့် KIO တို့ အပစ်အခတ်ရပ်စဲရေးအတွက် ပဏာမ အဆင့် ဆွေးနွေးနေချိန်တွင် ထွက်ပေါ်နေခြင်းဖြစ်သည်။

ဓါးစာခံရွာသား ၁၀၀ကျော်အား အစိုးရစစ်တပ် ပြန်လွှတ်ပေးခဲ့

စောသိန်းမြင့် (ကေအိုင်စီ)

ပြီးခဲ့သည့်အပတ်က ကရင်ပြည်နယ်၊ ကြာအင်းဆိပ်ကြီးမြို့နယ်တွင် ဓါးစာခံအဖြစ် ဖမ်းဆီးထိန်းသိမ်းခံခဲ့ရသော အဇင်းရွာသား ၁၀၀ကျော်ကို အစိုးရစစ်တပ်က ယမန်နေ့တွင် ပြန်လွှတ်ပေးလိုက်ပြီဟု သိရသည်။

ထိုဒေသရှိ ကရင်တပ်ဖွဲ့များက ၎င်းတို့ အရှင်ဖမ်းဆီးရမိသည့် စစ်တပ်မှ ဒုတပ်ကြပ်တဦးအား ယမန်နေ့က ပြန်လွှတ်ပေးလိုက်ပြီး နောက် စစ်တပ်ဘက်မှလည်း ဓါးစာခံအဖြစ် ၎င်းတို့ ဖမ်းဆီးထိန်းသိမ်းထားသည့် ရွာသားများကို ယခုလို ပြန်လွှတ်ပေးလိုက်ခြင်း ဖြစ်ကြောင်း ဒေသခံများက ပြောသည်။

ယင်းသို့ ရွာသားများ ပြန်လည် လွတ်မြောက်လာသော်လည်း ရွာပြင်ရှိ ၎င်းတို့၏ လုပ်ငန်းခွင်သို့သွားပါက ယခင်လို ညအိပ်သွားလာ ခွင့်မရှိတော့ဘဲ နေ့ချင်းပြန်ဖြင့်သာ သွားလာခွင့်ရှိသည်ဟု ကရင်လူ့အခွင့်အရေးအဖွဲ့(ကေအိတ်ခ်ျအာရ်ဂျီ)၏ ပြောခွင့်ရ စောအဲလ် ဘတ်က ပြောသည်။

“စစ်တပ်က သုံးလေးရက် ထိန်းသိမ်းထားပြီးတော့ အခု ပြန်လွှတ်လိုက်ပြီလို့ ကျနော်တို့ သိရတယ်။ ဒါပေမယ့် အလုပ်ခွင်ကိုသွား ရင် ညအိပ်သွားလို့ မရဘူး။ နေ့ချင်းပြန်ပဲ သွားခွင့်ရှိတယ်။”ဟု ပြောသည်။

ဒီကေဘီအေတပ်ဖွဲ့များ အစိုးရကို ပြန်လည် တိုက်ခိုက်ပြီးနောက်ပိုင်း အဇင်းကျေးရွာတွင် ပစ်ခတ်မှုများ မကြာခဏ ဖြစ်ပွားလျှက် ရှိပြီး ပြီးခဲ့သည့် ဧပြီလကလည်း အစိုးရစစ်တပ်နှင့် ကရင်တပ်ဖွဲ့များအကြား ဆက်တိုက် ဖြစ်ပွားခဲ့သည့် တိုက်ပွဲများကြောင့် ရာနှင့် ချီသည့် ရွာသားများ ထိုင်းနိုင်ငံနယ်စပ်၊ အုန်းဖန်မြို့နယ်သို့ ခေတ္တ ထွက်ပြေးခိုလှုံခဲ့ရသည်။

စစ်အာဏာရှင်ခေတ် မြန်မာနှင့် အိန္ဒိယ ဆက်ဆံရေး

အောင်လင်းထွဋ်

အိန္ဒိယနိုင်ငံ တောင်ပိုင်းရှိ တမီလ်နာဒူး ပြည်နယ်တွင် ၁၉၉၁ ခုနှစ် မေ လ ၂၁ ရက်နေ့က အိန္ဒိယ ၀န်ကြီးချုပ် ရာဂျစ်ဂန္ဓီ (Rajiv Gandhi) လုပ်ကြံခံခဲ့ရပြီး နောက်ပိုင်း မြန်မာနိုင်ငံ၏ ဒီမိုကရေစီရေး လှုပ်ရှားမှုများအပေါ် အိန္ဒိယခေါင်းဆောင် အဆက်ဆက်သည် ယနေ့ထိတိုင် လျစ်လျူရှုခဲ့ကြသည်။ ကမ္ဘာ့ အင်အားအကြီးဆုံး ဒီမိုကရေစီနိုင်ငံတော်ဟု ကြွေးကြော်နေသော အိန္ဒိယနိုင်ငံသည် မြန်မာ့ဒီိမိုကရေစီအရေးကို မျက်ကွယ်ပြု၍ တရုတ်အရေးနှင့် စီးပွားရေးကို ရှေ့တန်းတင်ပြီး ၁၉၉၂ ခုနှစ်မှစ၍ မြန်မာစစ်အာဏာရှင်အစိုးရကို ဆက်သွယ်မှုများ ပြုလုပ်ခဲ့သည်။

၁၉၈၈ ခုနှစ် အရေးအခင်းပြီးကာစတွင် တရုတ်နှင့် အမေရိကန်သည် မြန်မာနိုင်ငံ၏ ရန်သူဖြစ်လာဖွယ်နိုင်ငံ (Potential Enemy Country) ဟု သတ်မှတ်ခဲ့ပြီး တရုတ်နယ်စပ်နှင့် ထိုင်းနယ်စပ်တို့အား မြန်မာ စစ်အာဏာရှင်တို့အနေဖြင့် ကာကွယ်ရေး စစ်ရေးစီမံချက်များ ရေးဆွဲပြင်ဆင်မှုများ ရှိခဲ့သည်။ သို့သော် ၁၉၈၉-၁၉၉၀ ခုနှစ် တရုတ်နယ်စပ်တွင် တိုင်းရင်းသား လက်နက်ကိုင်များဖြင့် ငြိမ်းချမ်းရေးရရှိသွားခြင်း၊ ထိုင်းတပ်မတော် စစ်ဦးစီးချုပ် ဗိုလ်ချုပ်ကြီး ချာဗလစ် ယောင်ချိုင်ယု (General Chavalit Yongchaiyudh) လာရောက် လည်ပတ်ပြီးနောက် ထိုင်း-မြန်မာ ဆက်ဆံရေး ကောင်းလာခြင်းတို့ကြောင့် ထိုစဉ်အချိန်အခါက တရုတ်နှင့် အမေရိကန်သည် ရန်သူဖြစ်မလာနိုင်၊ မြန်မာ့ ဒီမိုကရေစီရေး လှုပ်ရှားမှုကို ပြင်းပြင်းထန်ထန် အားပေးနေသော အိန္ဒိယနိုင်ငံသည်သာ ရန်သူဖြစ်လာနိုင်ဖွယ်ရှိသည်ဟု ပြောင်းလဲသတ်မှတ်ခဲ့သည်။

၁၉၉၂ ခုနှစ် ဧပြီလတွင် ဗိုလ်ချုပ်မှူးကြီး သန်းရွှေ အာဏာရယူခဲ့ပြီးနောက် ရန်ကုန်ရှိ မြန်မာနိုင်ငံဆိုင်ရာ အိန္ဒိယ သံအမတ်ကြီးနှင့် သံရုံးရှိ အိန္ဒိယ ထောက်လှမ်းရေးအရာရှိတို့မှ မြန်မာစစ်ထောက်လှမ်းရေးကို ဆက်သွယ်လာခဲ့ပြီး အိန္ဒိယနိုင်ငံ၏ အရှေ့မျှော်မူဝါဒ (Look East Policy) ကို ရှင်းပြ၍ မြန်မာ-အိန္ဒိယ ဆက်ဆံရေး ကောင်းမွန်အောင် ဆောင်ရွက်လိုကြောင်း စတင်ကမ်းလှမ်းမှုများ လုပ်ခဲ့သည်။

၁၉၉၂ ခုနှစ် သြဂုတ်လတွင် စစ်ထောက်လှမ်းရေးမှ ဒု ဗိုလ်မှူးကြီး ကျော်သိန်း (ဗိုလ်မှူးချုပ် ကျော်သိန်း)၊ နိုင်ငံခြားရေးဝန်ကြီးဌာနမှ ညွှန်ကြားရေးမှူး ဦးအေး (ကနေဒါနှင့် သြစတြေးလျနိုင်ငံ သံအမတ်ကြီးဟောင်း) တို့ ၂ ဦးကို ဗိုလ်ချုပ်မှူးကြီး သန်းရွှေက အိန္ဒိယနိုင်ငံသို့ စေလွှတ်ခဲ့သည်။ ၎င်းတို့ ၂ ဦးကို အိန္ဒိယအစိုးရ၊ တပ်မတော်နှင့် ထောက်လှမ်းရေးဆိုင်ရာ အဆင့်မြင့် တာဝန်ရှိသူများမှ အထူးကိုယ်စားလှယ်အနေဖြင့် လက်ခံတွေ့ဆုံခဲ့သည်။ အိန္ဒိယနိုင်ငံဘက်မှ စစ်ရေးပူးပေါင်းဆောင်ရွက်မှုနှင့် ပတ်သက်၍ နယ်စပ်ဒေသရှိ နာဂနှင့် ကသည်း လူမျိုးစုသူပုန်များ ပူးပေါင်းနှိမ်နင်းရေး၊ စစ်ဘက်ဆိုင်ရာ ပစ္စည်းများ ထောက်ပံ့ရေး၊ စစ်ဘက်အရာရှိများ အိန္ဒိယနိုင်ငံတွင် သင်တန်းတက်ရောက်ခွင့်၊ ထောက်လှမ်းရေးသတင်းများ အပြန်အလှန်ဖလှယ်ရေး၊ စီးပွားရေးအတွက် အိန္ဒိယနိုင်ငံ နယ်စပ် မိုးရေးမြို့မှ တမူး၊ ကလေးသို့ ဖောက်ထားသော ကားလမ်းပြုပြင်ရေး အစရှိသည်တို့ကို အိန္ဒိယနိုင်ငံဘက်မှ ကမ်းလှမ်းခဲ့သည်။

ကိုယ်စားလှယ်အဖွဲ့ မြန်မာနိုင်ငံသို့ ပြန်ရောက်ပြီး ဗိုလ်ချုပ်မှူးကြီး သန်းရွှေကို သတင်းပို့သည့်အခါ ဗိုလ်ချုပ်မှူးကြီး သန်းရွှေ၏ မှတ်ချက်က “ဒီ ကုလားတွေ စိတ်ချရတာမဟုတ်ဘူး။ မင်းတို့ သတိထားပြီး ဆက်ဆံကြ” ဟု ပြောခဲ့သည်။ ထိုနောက်ပိုင်းတွင် မြန်မာစစ်တပ်ဘက်က စစ်ရေးအရ လိုက်လျောသည့်အနေဖြင့် အိန္ဒိယမှ နာဂသူပုန်တို့ကို တိုက်ခိုက်ပေးခဲ့သေးသည်။ နာဂသူပုန် အင်အား ၁၀၀ ကျော် ဘင်္ဂလားဒေ့နိုင်ငံ စစ်တကောင်းတောင်တန်းတွင် စစ်သင်တန်းတက်ရောက်ပြီး မြန်မာနိုင်ငံနယ်နမိတ်အတွင်းမှ ဖြတ်မည်ဟူသောသတင်းကို အိန္ဒိယထောက်လှမ်းရေးက ပေးခဲ့သဖြင့် ဗိုလ်ချုပ်မှူးကြီး သန်းရွှေကို တင်ပြခဲ့သည်။ ကာကွယ်ရေးဦးစီးချုပ်ရုံး (ကြည်း) ၏ ကွပ်ကဲမှုဖြင့် မြောက်ပိုင်းတိုင်း စစ်ဌာနချုပ်နှင့် အနောက်မြောက်တိုင်း စစ်ဌာနချုပ် လက်အောက်ခံ ခြေလျင် ခြေမြန် တပ်ရင်းများ စေလွှတ်ကာ တိုက်ခိုက်ခဲ့သဖြင့် နာဂသူပုန် ၇၅ ယောက်ကျော် သေဆုံးခဲ့ပြီး အများအပြား ဒဏ်ရာရရှိခဲ့သည်။ မြန်မာစစ်တပ်ဘက်မှ အနည်းငယ်သာ ထိခိုက်ဒဏ်ရာရရှိခဲ့သည်။

ထိုစဉ်က ဦးသိန်းစိန်မှာ ကာကွယ်ရေး ဦးစီးချုပ်ရုံး (ကြည်း) ၏ စစ်ဦးစီး ဗိုလ်မှူးကြီး ဖြစ်သည်။ နာဂ၊ ကသည်း တော်လှန်ရေးသမားတို့၏ သတင်းများကို ယခင်က မကြာခဏ မြန်မာစစ်ထောက်လှမ်းဌာနက ရရှိ၍ ကာကွယ်ရေး ဦးစီးချုပ်ရုံး (ကြည်း) သို့ တင်ပြခဲ့သော်လည်း ဗိုလ်ချုပ်မှူးကြီး သန်းရွှေ အနေဖြင့် ယခုကဲ့သို့ ခွင့်မပြုခဲ့ပါ။ ၁၉၉၃ ခုနှစ်မှစ၍ အိန္ဒိယနိုင်ငံ ကာကွယ်ရေးတက္ကသိုလ်၌ ဗိုလ်မှူး မိုးဟိန်း (ဗိုလ်ချုပ် မိုးဟိန်း၊ အငြိမ်းစား နိုင်ငံတော်ကာကွယ်ရေးတက္ကသိုလ် ကျောင်းအုပ်ကြီး)၊ ဗိုလ်မှူး ဉာဏ်ဝင်း (ဗိုလ်ချုပ် ဉာဏ်ဝင်း၊ နိုင်ငံခြားရေးဝန်ကြီးဟောင်း၊ ပဲခူးတိုင်းဒေသကြီးဝန်ကြီးချုပ်) တို့အပါဝင် မြန်မာစစ်တပ်အရာရှိများ နှစ်စဉ် သင်တန်းတက်ရောက်ခဲ့ကြသည်။

နာဂ တော်လှန်ရေးသမားများအား နှိမ်နင်းပေးခြင်းကို အကြောင်းပြု၍ မြန်မာ-အိန္ဒိယ ဆက်ဆံရေး ကောင်းတော့မည်ဟု ထင်ခဲ့ကြသော်လည်း ၁၉၉၃ ခုနှစ်တွင် ဒေါ်အောင်ဆန်းစုကြည်အား အိန္ဒိယအစိုးရမှ ၁၉၉၂ ခုနှစ်အတွက် ဂျဝါဟလာ နေရူးဆု (Jawaharlal Nehru Award) ကို ပေးခဲ့သဖြင့် ဗိုလ်ချုပ်မှူးကြီး သန်းရွှေ အကြီးအကျယ် ဒေါသထွက်ခဲ့သည်။ “ဒီကုလားတွေ ကုလားမူ လာမူတိုင်း မင်းတို့မယုံကြနဲ့၊ နောင်ဒီကောင်တွေ တောင်းတိုင်း မပေးနဲ့တော့” ဟု ပြောခဲ့ကြောင်း သိရသည်။ ထို့နောက်ပိုင်း မြန်မာ-အိန္ဒိယ ဆက်ဆံရေးတွင် မြန်မာဘက်က ခပ်ခွာခွာနေခဲ့ပြီး နိုင်ငံတကာအရေးများတွင် လိုအပ်သည့် ထောက်ခံမှုများရရန် ကိစ္စများ၌သာ တရုတ်နှင့် ဆက်ဆံရေး၊ သဘာဝဓာတ်ငွေ့ အရေးများကို အကြောင်းပြ ဆက်ဆံခဲ့ကြသည်။ နိုင်ငံတကာနိုင်ငံရေး ပထ၀ီမဟာဗျူဟာအရ အိန္ဒိယကို တရုတ်နှင့် ထိန်းညှိထားခြင်းသာဖြစ်သည်။

မြန်မာစစ်တပ်မှ သတင်းလွှင့်ထားသော မြန်မာပိုင် ကိုးကိုးကျွန်း ရေဒါစခန်း၌ တရုတ်များက အိန္ဒိယကို ထောက်လှမ်းမှုများ ပြုလုပ်နေသည်ဆိုသော သတင်းကို အိန္ဒိယသည် ယခုအထိ ယုံနေကြဆဲဟု ယူဆပါသည်။ နာဂ၊ ကသည်း သူပုန်များ နှိမ်နင်းရေးအတွက် အိန္ဒိယဘက်မှ သတင်းထပ်မံ ပေးခဲ့သော်လည်း ယခုအချိန်အထိ အရေးယူဆောင်ရွက်ခြင်း ပြုလုပ်ရန် ခွင့်မပြုတော့ပါ။ ၁၉၉၃ ခုနှစ် နှောင်းပိုင်းလောက်မှစ၍ မြန်မာနယ်နမိတ်အတွင်းရှိသော အိန္ဒိယ သူပုန်များကို အားလည်းမပေး၊ နှောက်လည်း မနှောက်ယှက်သောမူကို ယခုအထိ ကျင့်သုံးနေဆဲဖြစ်သည်။ ရံဖန်ရံခါ အိန္ဒိယ သူပုန်များ မြန်မာနယ်မြေမှဖြတ်၍ လက်နက်ဝယ်ယူမှုများ ရှိခဲ့သော်လည်း ကာကွယ်ရေး ဦးစီးချုပ်ရုံး (ကြည်း) အမိန့်ဖြင့် မသိဟန် ဆောင်ခိုင်းခဲ့သည်များ ရှိခဲ့သည်။ ၁၉၉၄ ခုနှစ်ခန့်မှစ၍ ပါကစ္စတန် ထောက်လှမ်းရေးကလည်း မြန်မာစစ်အစိုးရအား ချဉ်းကပ်ပြီး ပါကစ္စတန်တွင် မြန်မာ စစ်အရာရှိများနှင့် ထောက်လှမ်းရေးများအား သင်တန်းပေးရေး၊ အဆင့်မြင့်အရာရှိများ လည်ပတ်ရေး၊ အိန္ဒိယနယ်စပ်တွင် အဆင့်မြင့် ဆက်သွယ်ရေး ကိရိယာများ တပ်ဆင်ပေးရေးတို့ကို ကမ်းလှမ်းလာခဲ့သည်။

၁၉၉၆ ခုနှစ် နောက်ပိုင်းတွင် အေးတိအေးစက်ဖြစ်နေသော ဆက်ဆံရေးကို ပြန်လည် အသက်သွင်းသည့်အနေဖြင့် အိန္ဒိယ စစ်ထောက်လှမ်းရေးက မြန်မာနိုင်ငံဖွား ဒု ဗိုလ်မှူးကြီးအဆင့်ရှိ ဂရေးဝါးလ် (မြန်မာအမည် မျိုးမြင့်) ကို စေလွှတ်၍ မြန်မာစစ်အစိုးရကို ဆန့်ကျင်နေသော ကရင်နှင့် ရခိုင် သူပုန်များကို အိန္ဒိယစစ်တပ်အနေဖြင့် နှိမ်နင်းပေးမည်ဟု ကမ်းလှမ်းလာခဲ့သည်။ အလားတူ ထိုစဉ်က မြန်မာနိုင်ငံဆိုင်ရာ အိန္ဒိယသံအမတ်ကြီး (ယခု အိန္ဒိယ နိုင်ငံခြားရေးဝန်ကြီးဌာန အတွင်းဝန်) အနေဖြင့် ဆက်ဆံရေး ပြန်လည်ကောင်းမွန်စေရန် အထူးကြိုးစားခဲ့သည်။

ဒုဗိုလ်မှူးကြီး ဂရေးဝါးလ်သည် ထိုင်းနိုင်ငံ တောင်ပိုင်းရှိ အိန္ဒိယ စစ်ထောက်လှမ်းရေး သတင်းပေးများ အကူအညီဖြင့် ကရင်နှင့် ရခိုင် တော်လှန်ရေးသမားများနှင့် အဆက်အသွယ်ရယူခဲ့ပြီး ဘင်္ဂလားဒေ့နိုင်ငံ စစ်တကောင်းတောင်တန်းတွင် သင်တန်းတက်နေသော နာဂ၊ ကသည်း သူပုန်များအတွက် လက်နက်မှောင်ခို ၀ယ်ယူရေး အသွင်ယူ တွေ့ဆုံမှုများ လုပ်ခဲ့သည်။ ထို့ပြင် ကရင်နှင့် ရခိုင် တော်လှန်ရေးသမားများကိုလည်း လှည့်ဖြားကာ နိုင်ငံရေးအရ အကူအညီပေးမယောင် စည်းရုံးသိမ်းသွင်းခဲ့သည်။ ဂရေးဝါးလ်က လှုပ်ရှားမှုအသေးစိတ်ကို နှစ်နှင့်ချီ၍ မြန်မာအစိုးရအား သတင်းပို့ကာ ယုံကြည်မှု တည်ဆောက်ခဲ့သည်။ ၁၉၉၈ ခုနှစ် ဖေဖော်ဝါရီလတွင် သက်သေပြသည့်အနေဖြင့် မြန်မာအစိုးရကို ဆန့်ကျင်သော ကရင်နှင့် ရခိုင် တော်လှန်ရေးသမားများကို အိန္ဒိယမှ နှိမ်နင်းပေးသည်ဟု သဘောသက်ဝင်အောင် သတ်သူကိုသတ်ပြီး ဖမ်းသူကိုဖမ်းပြခဲ့သည်။

ထို့အပြင် ဂရေးဝါးလ်က မြန်မာရေပြင်နယ်နမိတ် ခရစ္စတီးကျွန်းတွင် လက်နက်များရှိသည်ဟု သတင်းများပေးသဖြင့် ဗိုလ်ချုပ်မှူးကြီး သန်းရွှေ၏ ကာကွယ်ရေး ဦးစီးချုပ်ရုံး (ကြည်း) အမိန့်ဖြင့် ၁၉၉၈ ခုနှစ် ဧပြီလတွင် စစ်ဦးစီးအရာရှိချုပ် (ရေ) ဗိုလ်မှူးချုပ် ကြည်မင်း (ယခု ထားဝယ် ပြည်သူ့လွှတ်တော် ကိုယ်စားလှယ်)၊ စစ်ဦးစီးအရာရှိချုပ် (လေ) ဗိုလ်မှူးချုပ် မြင့်ဆွေ (ဦးနေ၀င်း၏ မြေးများကိစ္စဖြင့် အဖြုတ်ခံရသူ)၊ အမှတ် (၁၃) စစ်ဆင်ရေး ကွပ်ကဲမှုအဖွဲ့ချုပ် တပ်မမှူး ဗိုလ်မှူးချုပ် မြင့်အောင် (စစ်ရေးချုပ်ဟောင်း၊ ကာကွယ်ရေးဝန်ကြီး မလုပ်လို၍ အဖြုတ်ခံရသူ) တို့ ဦးစီးသည့် ကြည်း၊ ရေ၊ လေ ပူးပေါင်းစစ်ဆင်ရေးကို ပြုလုပ်ခဲ့သည်။

ထိုစစ်ဆင်ရေးတွင် ခရစ္စတီးကျွန်းပေါ်ရှိ သစ်ခုတ်၊ ၀ါးခုတ်၊ ငါးဖမ်း လုပ်ကိုင်စားသောက်နေသော ကလေးငယ်များ၊ အမျိုးသမီးများ အပါဝင် သာမန်အရပ်သူအရပ်သား ၈၁ ဦးကို ဖမ်းဆီးခဲ့သည်။ ၁၉၉၈ ခုနှစ် မေလတွင် အဆိုပါ သာမန်အရပ်သူအရပ်သား ၈၁ ဦးကို ဗိုလ်ချုပ်မှူးကြီး သန်းရွှေ အမိန့်ဖြင့် ပူးပေါင်းစစ်ဆင်ရေး ကွပ်ကဲမှုအဖွဲ့မှ ကော့သောင်းအခြေစိုက် စစ်ဗျူဟာမှူး ဗိုလ်မှူးကြီး ဇော်မင်း (လက်ရှိ အမှတ် ၁ လျှပ်စစ်ဝန်ကြီးနှင့် ယခင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်း တွဲဘက် အထွေထွေ အတွင်းရေးမှူး) ကို အားလုံး သတ်ပစ်ရန် ဆက်လက် အမိန့်ပေးခဲ့သည်။ တာဝန်ယူ ပစ်သတ်ခဲ့သည့် တပ်ရင်းမှူး နှစ်ဦးမှာ ဒု ဗိုလ်မှူးကြီး စိုးတင် (အမှတ် ၂၆၂ ခြေလျင်တပ်ရင်း)၊ ဒု ဗိုလ်မှူးကြီး ၀င်းဆွေ (အမှတ် ၄၀၃ ခြေလျင်တပ်ရင်း) တို့ ဖြစ်သည်။ ထိုအချိန်က ကာကွယ်ရေး ဦးစီးချုပ်ရုံး (ကြည်း) ၏ စစ်ဦးစီး ဗိုလ်မှူးချုပ်မှာ ဗိုလ်မှူးချုပ် မြင့်ဆွေ (ဒု ဗိုလ်ချုပ်ကြီးဟောင်း၊ လက်ရှိ ရန်ကုန်တိုင်ဒေသကြီး ၀န်ကြီးချုပ်) ဖြစ်သည်။

အဆိုပါဖြစ်စဉ်များပြီးနောက် အိန္ဒိယ ရေနံကုမ္မဏီများကို ရခိုင်ကမ်းလွန်ရေနံနှင့် သဘာဝဓာတ်ငွေ့ ရှာဖွေရေး လုပ်ကိုင်ခွင့်များတွင် ပါဝင်ခွင့်များ ချပေးခဲ့သည်။ သဘာဝဓာတ်ငွေ့များ ထွက်လာသည့်အခါ အိန္ဒိယနိုင်ငံအား ဦးစားပေး၍ ရောင်းချပေးမယောင် မက်လုံးများ ပေးခဲ့သည်။ နယ်စပ်သူပုန်များ အရေးနှင့်ပတ်သက်၍ ကိုယ်တိုင်ဝင်ရောက် မတိုက်ပေးသော်လည်း သူပုန်များကို အတိုင်အတာတခုအထိ အားပေးအားမြှောက် မပြုလုပ်တော့ပါ။ ဤသို့ဖြင့် အိန္ဒိယအစိုးရအပေါ် ဗိုလ်ချုပ်မှူးကြီး သန်းရွှေက မလျှော့မတင်းမူဝါဒကို ကျင့်သုံးပြီး နိုင်ငံတကာဆက်ဆံရေးအတွက် ထောက်ခံမဲတမဲ အိတ်ကပ်ထဲသို့ ထည့်ထားနိုင်ခဲ့သည်။

၂၀၀၄ ခုနှစ် အောက်တိုဘာလက ဗိုလ်ချုပ်ကြီး ခင်ညွန့်နှင့် စစ်ထောက်လှမ်းရေးအဖွဲ့ကို ဖမ်းဆီးပြီး ရက်ပိုင်းအတွင်း ဗိုလ်ချုပ်မှူးကြီး သန်းရွှေသည် အိန္ဒိယနိုင်ငံသို့ သွားရောက်လည်ပတ်ခဲ့သည်။ အဆိုပါခရီးစဉ်တွင် မြန်မာအစိုးရနှင့် အိန္ဒိယအစိုးရအကြား သမားရိုးကျ မဟုတ်သော လုံခြုံရေးကိစ္စများ ပူးပေါင်းဆောင်ရွက်ရေး သဘောတူညီချက်၊ ထမံသီ ရေအားလျှပ်စစ်ထုတ်လုပ်ရေးစီမံကိန်း သဘောတူညီချက်၊ ၂၀၀၄-၂၀၀၆ ခုနှစ်အတွက် ယဉ်ကျေးမှုဖလှယ်ရေး အစီအစဉ်သဘောတူညီချက်၊ စုစုပေါင်း သဘောတူညီချက် ၃ ခု လက်မှတ်ရေးထိုးခဲ့ကြသည်။ အဆိုပါ သဘောတူညီချက် ၃ ခုအနက် အိန္ဒိယဘက်က နယ်စပ်လုံခြုံရေးနှင့် ပတ်သက်၍ ဦးစားပေးဆောင်ရွက်စေချင်သကဲ့သို့၊ မြန်မာဘက်ကလည်း ထမံသီ ရေအားလျှပ်စစ် ထုတ်လုပ်ရေးစီမံကိန်းကို အမြန် အကောင်ထည်ဖော်စေချင်ခဲ့သည်။

၂၀၀၆ ခုနှစ် မတ်လတွင် အိန္ဒိယသမ္မတ ဒေါက်တာ အဗ္ဗဒူ ကလမ် (Dr. Abdul Kalam) နှင့်အဖွဲ့ မြန်မာနိုင်ငံသို့ လာရောက်စဉ် အချိန်တွင်လည်း အိန္ဒိယအစိုးရက နယ်စပ်ရှိ နာဂ၊ ကသည်း သူပုန်များထံ လက်နက်ခဲယမ်းများ ရောက်ရှိနေမှု တပ်မတော်ချင်းပူးပေါင်း၍ နှိမ်နင်းလိုကြောင်း၊ ကုလားတန်မြစ် ဘက်စုံစီမံကိန်းနှင့် စစ်တွေမြို့တွင် ရေနက်ဆိပ်ကမ်း တည်ဆောက်ရေးစီမံကိန်း အမြန်အကောင် ထည်ဖော်လိုကြောင်း၊ မဲခေါင်-ဂင်္ဂါ ပူးပေါင်းဆောင်ရွက်ရေးအတွက် အိန္ဒိယ-မြန်မာ-ထိုင်း လမ်းမကြီးကို အမြန်အကောင်ထည်ဖော်လိုကြောင်း ပြောကြားခဲ့သည်။

ထို့အပြင် နည်းပညာနှင့် ပတ်သက်၍ ကွန်ပြူတာနည်းပညာများ အကူအညီပေးသွားရန်၊ မြန်မာနိုင်ငံရှိ သိပ္ပံဓာတ်ခွဲခန်းများ အဆင့်မြင့်စေရေး အကူညီပေးသွားရန်၊ e-Government စီမံကိန်းများအတွက် မြန်မာအရာရှိများအား သင်တန်းများ ပို့ချပေးသွားရန်နှင့် မကြာမီကာလတွင် မြန်မာနိုင်ငံ၌ Entrepreneurship Development Center တည်ဆောက်ပေးသွားရန် အိန္ဒိယ သမ္မတက ဆိုသည်။

နိုင်ငံတကာရေးရာနှင့် ပတ်သက်၍ အိန္ဒိယ သမ္မတက ကုလသမဂ္ဂ လုံခြုံရေးကောင်စီတွင် အိန္ဒိယနိုင်ငံက အမြဲတမ်းအဖွဲ့ဝင်အဖြစ် ၀င်ခွင့်ရရှိရန် အဆိုပြုထားချက်အပေါ် မြန်မာနိုင်ငံမှ ထောက်ခံမှုပေးခြင်းအတွက် ကျေးဇူးတင်ကြောင်း၊ အိန္ဒိယနိုင်ငံ အနေဖြင့်လည်း မြန်မာနိုင်ငံကို ကုလသမဂ္ဂ ညီလာခံအစည်းအဝေးများ၊ ILO အစည်းအဝေးများ၊ Human Right Council အစည်းအဝေးများတွင် ထောက်ခံမှု ပေးသွားမည်ဖြစ်ကြောင်း ပြောခဲ့သည်။

မြန်မာစစ်အစိုးရက ပြန်လည် ဆွေးနွေးရာတွင် နယ်စပ်ရှိ နာဂ၊ ကသည်း သူပုန်များထံ ရောက်ရှိနေသော လက်နက်ခဲယမ်းများသည် ထိုင်းနှင့် ကမ္ဘောဒီးယား နိုင်ငံများမှ ဖြစ်ကြောင်း၊ အိန္ဒိယ-မြန်မာ-ထိုင်း လမ်းမကြီးအတွက် မြန်မာနိုင်ငံအတွင်း တံတားကြီး ၅ စင်းတည်ဆောက်ရန် အိန္ဒိယအစိုးရမှ အမေရိကန်ဒေါ်လာသန်း ၂၅၀ ကို ချေးငွေအဖြစ် ထုတ်ပေးစေလိုကြောင်း၊ ကွန်ပြူတာနည်းပညာများ အကူအညီပေးရေးနှင့် ပတ်သက်၍ မေမြို့တွင် ICT Park တည်ဆောက်ရန် အိန္ဒိယအစိုးရမှ ငွေကြေးနှင့် နည်းပညာ အကူညီ တောင်းလိုကြောင်း၊ သံ၊ ကြေးနီ၊ နီကယ် သတ္တုရိုင်းများ တန်ချိန် သန်းပေါင်းများစွာ မြန်မာနိုင်ငံ အထက်ပိုင်းတွင် ထုတ်လုပ်ရန် လျှပ်စစ်ဓာတ်အားလိုကြောင်း၊ ထို့ကြောင့် ၂၀၀၄ ခုနှစ်တွင် ဗိုလ်ချုပ်မှူးကြီး သန်းရွှေ အိန္ဒိယနိုင်ငံသို့ လည်ပတ်စဉ် သဘောတူ လက်မှတ်ရေးထိုးခဲ့သော ထမံသီ စီမံကိန်းကို အမြန်အကောင်ထည် ဖော်လိုကြောင်း ပြောခဲ့သည်။

နိုင်ငံတကာ ဆက်ဆံရေးနှင့် ပတ်သက်၍ မြန်မာစစ်အစိုးရ၏ လမ်းပြမြေပုံကို ရှင်းပြပြီး အနောက်နိုင်ငံများကို အနှောက်အယှက်မပေးရေး အိန္ဒိယနိုင်ငံအနေဖြင့် တိုက်တွန်းပြောကြားပေးစေလိုကြောင်း၊ နိုင်ငံတကာတွင် မြန်မာစစ်အစိုးရဘက်မှ ထောက်ခံ ရပ်တည်ပေးသည့်အတွက် ကျေးဇူးတင်ကြောင်း မြန်မာစစ်အစိုးရက ပြောဆိုခဲ့သည်။

၂၀၁၀ ခုနှစ် ဇူလိုင်လတွင် ဗိုလ်ချုပ်မှူးကြီး သန်းရွှေ၏ အိန္ဒိယနိုင်ငံသို့ ဒုတိယအကြိမ် လည်ပတ်သည့် ခရီးစဉ်တွင် ၂၀၁၀ ရွေးကောက်ပွဲနှင့် အစိုးရသစ်ကို အိန္ဒိယနိုင်ငံမှ ထောက်ခံပေးရေး၊ နိုင်ငံတကာ၏ အသိအမှတ်ပြုမှုခံရရေးတို့ကို ကူညီဆောင်ရွက်ပေးရန် မေတ္တာရပ်ခံခဲ့ခြင်းနှင့် ယခင်အတိုင်း နောင်အစိုးရလက်ထက်တွင်လည်း ချစ်ကြည်ရေးကို ထိန်းသိမ်းသွားရန်တို့ ဆွေးနွေးခဲ့ကြောင်း သိရသည်။ သို့သော် ခရီးစဉ်၏ အဓိကရည်ရွယ်ချက်မှာ မိသားစု ဘုရားဖူး လည်ပတ်ခြင်းသာ ဖြစ်သည်။

နှစ်ပေါင်း ၂၀ နီးပါး မြန်မာ-အိန္ဒိယ ဆက်ဆံရေးကို လေ့လာကြည့်လျှင် အပေါ်ယံ အဆင်ပြေသယောင် ထင်ရသော်လည်း အမှန်တကယ်၌ နောက်ကွယ်တွင် မရိုးသားမှု အများအပြားရှိနေသည်ကို တွေ့ရမည်ဖြစ်သည်။ မြန်မာ-အိန္ဒိယ ခေါင်းဆောင်ချင်း သဘောတူညီချက်များစွာ လက်မှတ်ထိုးခဲ့ကြသော်လည်း ယနေ့အချိန်အထိ ပီပီပြင်ပြင် အကောင်အထည်ပေါ်လာသော စီမံကိန်းများ မတွေ့ရသေးပါ။ အဆင်ပြေလိုက်၊ မပြေလိုက်နှင့် ဆွေးနွေးနေသည့်အဆင့်သာ ရှိနေသည်။ အိန္ဒိယကလည်း မပြတ်မသား လုပ်နေသကဲ့လို မြန်မာအစိုးရကလည်း လိမ်လိုက်ညာလိုက် လှည့်ဖျားနေသည်ကို တွေ့ရသည်။

နှစ်ပေါင်း ၂၀ နီးပါး မြန်မာ-အိန္ဒိယ ဆက်ဆံရေးတွင် မြန်မာအစိုးရ မရှုံးဟု ယူဆနိုင်သည်။ ကမ္ဘာ့ အကြီးဆုံး ဒီမိုကရေစီနိုင်ငံကြီးဖြစ်သည့် အိန္ဒိယနိုင်ငံကို အာဏာရှင်စနစ်ကျင့်သုံးသည့် စစ်အစိုးရက အရင်းအနှီး သိပ်မစိုက်ရဘဲ အိတ်ကပ်အတွင်းထည့်ထားပြီး အနောက်နိုင်ငံများနှင့် နိုင်ငံတကာ ညီလာခံများကို နိုင်ငံရေးကစားခွင့်ရခဲ့သည်။ မြန်မာအစိုးရအနေဖြင့် တရုတ်နိုင်ငံ၏ ထောက်ခံမှု ရရှိရန်အတွက်မူ စီးပွားရေး၊ နိုင်ငံရေး၊ လူမှုရေး အရင်းအနှီးများစွာ ပေးပြီးမှ ရသည်ကို တွေ့ရမည်ဖြစ်သည်။ မြန်မာစစ်ခေါင်းဆောင်များသည် အိန္ဒိယကို အဆိပ်မရှိသော ရေမြွေကဲ့သို့ သဘောထားသော်လည်း တရုတ်ကိုမူ အဆိပ်ပြင်းသော မြွေပွေးကဲ့သို့ သဘောထားပြီး ဆက်ဆံကြသည်။

မြန်မာနှင့် အိန္ဒိယသည် အင်္ဂလိပ်၏ ကိုလိုနီကျွန်အဖြစ် နှစ်ပေါင်းရာချီ၍ နေခဲ့ကြရပြီး လွတ်လပ်ရေး တိုက်ပွဲဝင်စဉ် အချိန် ကာလ တွင်လည်း အိန္ဒိယ ခေါင်းဆောင်ကြီးများဖြစ်သည့် မဟတ္တမ ဂန္ဒီ၊ ဂျဝါဟလာ နေရူးတို့သည် မြန်မာ ခေါင်းဆောင်ကြီး များဖြစ်သည့် ဗိုလ်ချုပ်အောင်ဆန်း၊ ဦးနုတို့နှင့် လုပ်ဖော်ကိုင်ဖက်များ ဖြစ်ခဲ့ကြသည့်အပြင် ပုဂ္ဂိလ်ရေးအားဖြင့်လည်း ရင်းနှီးခဲ့ကြသူများဖြစ်သည်။ လွတ်လပ်ရေး၊ ဒီမိုကရေစီအရေးတို့အတွက် အသက်ပေး၍ တိုက်ပွဲဝင်ခဲ့ကြသူများလည်းဖြစ်သည်။ ထို့ကြောင့် သမိုင်းကြောင်းအရ ဒီမိုကရေစီအတွက် တိုက်ပွဲဝင်ခဲ့သော မြန်မာ-အိန္ဒိယ ဆက်ဆံရေးကို ထောက်ရှု၍လည်းကောင်း၊ အိန္ဒိယအပေါ် စိတ်ရင်းစေတနာမမှန် လိမ်လည် လှည့်ဖျားနေသော စစ်အာဏာရှင်တို့၏လုပ်ရပ်ကို ထောက်ရှု၍လည်းကောင်း၊ ဒီမိုကရေစီစနစ်ကို ကျင့်သုံးနေသည့် ကမ္ဘာ့အကြီးဆုံး ဒီမိုကရေစီနိုင်ငံကြီးဖြစ်သည့် အိန္ဒိယအစိုးရအနေဖြင့် မြန်မာစစ်အာဏာရှင်အစိုးရအား ထောက်ခံနေမှုအပေါ် ပြန်လည်စဉ်းစား သုံးသပ်သင့်ပါသည်။

ယနေ့ မြန်မာ့ရေးရာ သတင်းများ July,2nd,2011

( 29 )Mystery surrounds China border photo

( 28 )CRPP မှာ လူငယ်တွေကို နေရာပေးမယ်

( 27 )Myanmar carrying out 'ethnic cleansing': missionary agency

( 26 )ပိုင်ရှင်နှိပ်စက်မှု ကလေး အလုပ်သမား ဆေးရုံတင်ထားရ

( 25 )Suu Kyi dismisses junta's request to halt activities.

( 24 )ကချင် စစ်ပြေးဒုက္ခသည်တွေ မြစ်ကြီးနားမြို့ပေါ်တက်

( 23 )I'm not leaving Burma

( 22 )ပါတီတွေ တာဝန်မကျေဘူးလို့ PDP ပါတီက ဝေဖန်

( 21 )Japan to support Myanmar rights, Suu Kyi assured

( 20 )သြစတြေးလျ နိုင်ငံခြားရေး ၀န်ကြီး မြန်မာနိုင်ငံ ရောက်ရှိ

( 19 )Global Protests Against Burmese Military Actions At Dams

( 18 )ရွှေလီရေအားလျှပ်စစ် စီမံကိန်း ဓါတ်အားပေး စက်ရုံခွဲ ဗုံးကွဲမှု ဖြစ်ပွား

( 17 )Missionary News Service Says Burma is Ethnic Cleansing

( 16 )မြန်မာနယ်စပ် လုံခြုံရေး အခြေအနေ ထိုင်းနိုင်ငံ စောင့်ကြည့်

( 15 )Mystery Surrounds China Border Photo

( 14 )မြန်မာနယ်စပ် လုံခြုံရေး အခြေအနေ ထိုင်းနိုင်ငံ စောင့်ကြည့်

( 13 )Australian editor convicted, released in Burma

( 12 )ဒေါ်အောင်ဆန်းစုကြည်အပေါ် အစိုးရသစ် ခြိမ်းခြောက်ပြောဆိုမှု ဗြိတိန် စိုးရိမ်

( 11 )German weapons firm in Burma capital

( 10 )ဒေါ်အောင်ဆန်းစုကြည် ဘုရားဖူးထွက်မည်

( 9 )German weapons firm in Burma capital

( 8 )ဒေါ်အောင်ဆန်းစုကြည်နဲ့ သားငယ် ပုဂံဘုရားဖူးခရီး ထွက်မည်

( 7 )Suu Kyi plans first private trip with son

( 6 )ဒေါ်အောင်ဆန်းစုကြည် ဘုရားဖူးထွက်မည်

( 5 )Australian diplomat meets leaders in Burma

( 4 )ဒေါ်အောင်ဆန်းစုကြည် ဘုရားဖူးထွက်မည်

( 3 )Clinton Puts Belarus on a Par with Burma

( 2 )တိုင်းရင်းသား စည်းလုံး ညီညွတ်ရေးအတွက် လူ့အခွင့်အရေး အဓိကကျ

( 1 )Clinton Puts Belarus on a Par with Burma

မြန်မာ့ဒီမိုကရေစီလူ့အဖွဲ့အစည်း ရောက်တော့မည်ဟု ဒေါ်အောင်ဆန်းစုကြည် ပြော

ခင်ဦးသာ Friday, 01 July 2011

မြန်မာပြည်သူလူထု တရပ်လုံး ဒီမိုကရေစီ လူ့အဖွဲ့အစည်းဆီသို့ မကြာမီ ရောက်ရှိတော့မည် ဟုမျှာ်လင့်ကြောင်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောဆိုလိုက်သည်။

ဥရောပနိုင်ငံ တနိုင်ငံဖြစ်သော လစ်သူယေးနီးယား(Lithuania) နိုင်ငံ၌ ဇွန်လ ၃၀ ရက်နေ့က ကျင်းပခဲ့သော ဒီမိုကရေစီ လူထု အခြေပြု အဖွဲ့များ (Community of Democracies) ၀န်ကြီးအဆင့် အစည်းအဝေးတွင် ဒေါ်အောင်ဆန်းစုကြည်က ဗီဒီယို မိန့်ခွန်းပြောရာ၌ ထိုသို့ ထည့်သွင်း ပြောဆိုခဲ့ခြင်း ဖြစ်သည်။

လစ်သူယေးနီးယား နိုင်ငံသည်လည်း ဒီမိုကရေစီရရှိရေးအတွက် မြန်မာနိုင်ငံကဲ့သို့ ကြိုးပမ်းခဲ့ပြီး ဒီမိုကရေစီနိုင်ငံ ဖြစ်ခဲ့ကြောင်း၊ ယခုအစည်းအဝေးအား ဥက္ကဋ္ဌ အဖြစ် တာဝန်ယူ ဆောင်ရွက်နေချိန်သည် မိမိနေအိမ် အကျယ်ချုပ်မှ လွတ်လာချိန်နှင့် တိုက်ဆိုင်နေကြောင်း ဒေါ်အောင်ဆန်းစုကြည်က ပြောဆိုသည်။

နိုင်ငံတကာ၌ ကျင်းပနေသော အစည်းအဝေးများ၊ နှီးနှောဖလှယ်ပွဲများ၊ လွှတ်တော်များသို့ ဗီဒီယိုမိန့်ခွန်းများ ပေးပို့ရာတွင် “မြန်မာနိုင်ငံရဲ့ မပြီးဆုံးသေးတဲ့ ဒီမိုကရေစီတိုက်ပွဲကို ၀ိုင်းဝန်းကူညီကြပါ” ဟု ဒေါ်အောင်ဆန်းစုကြည်က အစဉ် တိုက်တွန်းသည်ကို တွေ့ရသည်။

ဒီမိုကရေစီအရေး လုပ်ဆောင်နေသည့်အတွက် လူထုအခြေပြု အဖွဲ့ကြီးအား ထောက်ခံကြောင်းနှင့် တန်ဖိုးထား ကျေးဇူးတင်ပါကြောင်းလည်း ၎င်းက ပြောဆိုခဲ့သည်။

ထိုအစည်းအဝေးသို့ မြန်မာနိုင်ငံအပါအ၀င် အရှေ့တောင်အာရှ နိုင်ငံများဖြစ်သော အင်ဒိုနီးရှား၊ မလေးရှား၊ ကမ္ဘောဒီးယား၊ အိန္ဒိယ စသည့် နိုင်ငံများမှ လူထုအခြေပြု အဖွဲ့များ တက်ရောက်၍ မိမိတို့နိုင်ငံ၏ လူ့အခွင့်အရေး ချိုးဖောက်ခံနေရမှုများ၊ နိုင်ငံရေး အခြေအနေများ ကိုဆွေးနွေးခဲ့သည်။

မြန်မာနိုင်ငံ ကိုယ်စားပြု တက်ရောက်ဆွေးနွေးခဲ့သော ပြည်ပအခြေစိုက် ဒီမိုကရေစီနှင့် ဖွံ့ဖြိုးတိုးတက်ရေး ကွန်ယက်၏ ဥက္ကဋ္ဌ ဒေါ်ခင်ဥမ္မာကလည်း ကချင်ပြည်နယ်အတွင်း ဒေသတချို့၌ မြန်မာအစိုးရ စစ်တပ်၏ ထိုးစစ်ဆင် တိုက်ခိုက်နေမှုနှင့် ကချင်အမျိုးသမီး ၁၈ ဦးအား မုဒိန်းကျင့် စော်ကားမှု ကိစ္စကို ကမ္ဘာ့ကုလသမဂ္ဂမှ စုံစမ်းစစ်ဆေးရေး ကော်မရှင်တရပ်ဖွဲ့၍ အရေးယူမှု လုပ်ဆောင်ရန် အစည်းအဝေးတွင် တောင်းဆိုခဲ့သည်ဟု ဆိုသည်။

“အဓိက ဆွေးနွေးခဲ့တာတော့ မြန်မာနိုင်ငံမှာ ရွေးကောက်ပွဲအပြီး နိုင်ငံရေး အခြေအနေတွေ ပိုဆိုးလာတာရယ်၊ ကချင်ဒေသမှာ အမျိုးသမီးတွေကို စစ်တပ်က မုဒိန်းကျင့်၊ သတ်ဖြတ်နေတာတွေ၊ ထိုးစစ်ဆင်နေတဲ့ ကိစ္စတွေ ရယ်ပါ” ဟု
ဒေါ်ခင်ဥမ္မာ က ဧရာဝတီကို ပြောသည်။

ယခုလဆန်းပိုင်း၌ ကချင်ပြည်နယ်အတွင်း တိုက်ပွဲများပြင်းထန်ခဲ့ပြီး ဇွန်လ ၁၀ ရက်နေ့မှ ၁၈ ရက်နေ့အတွင်း အမျိုးသမီး ၁၈ ဦး မုဒိန်းကျင့်ခံရကာ ၄ ဦး အသတ်ခံခဲ့ရကြောင်း၊ ထိုလုပ်ရပ်အား အစိုးရ၏ ခြေမြန်တပ်ရင်း အမှတ် ၄၃၇၊ ခြေလျင်တပ်ရင်း အမှတ်၂၃၇၊ ၁၄၁ ၊ ၁၄၂၊ ၁၃၉ တို့မှ စစ်သားများက ကျူးလွန်ခဲ့ခြင်း ဖြစ်ကြောင်း ကချင်အမျိုးသမီးအစည်းအရုံးကချင် - ထိုင်းနိုင်ငံ (KWAT) က ဇွန်လ ၂၁ ရက်နေ့က ထုတ်ပြန်ခဲ့သည်။

လစ်သူယေးနီးယန်း နိုင်ငံတွင် ကျင်းပသည့် အစည်းအဝေးသို့ အမေရိကန်နိုင်ငံခြားရေးဝန်ကြီး ဟီလာရီကလင်တန်နှင့် ဒီမိုကရေစီ ဖွံ့ဖြိုးပြီးနိုင်ငံများ၊ ဖွံ့ဖြိုးဆဲ နိုင်ငံများမှ နိုင်ငံခြားရေးဝန်ကြီးများ၊ ၀န်ကြီးများ တက်ရောက်ခဲ့ကြသည်။

မစ္စ ဟီလာရီကလင်တန်သည် မြန်မာနိုင်ငံနှင့်ပတ်သက်၍ အစည်းအဝေး၌ သီးသန့် ထင်မြင်ပြောဆိုခြင်း မရှိခဲ့သော်လည်း မြန်မာနိုင်ငံ၏ လက်ရှိအခြေအနေများကို အလေးထား မှတ်တမ်းတင်ယူသွားကြောင်း ဒေါ်ခင်ဥမ္မာက ဆိုသည်။

ဟီလာရီကလင်တန်သည် နိုင်ငံခြားရေးဝန်ကြီး တာဝန်ယူပြီးနောက် မြန်မာအစိုးရနှင့် တိုက်ရိုက်ဆံမှု လုပ်ဆောင်ခြင်းနှင့်အတူ စီးပွားရေး ပိတ်ဆို့ကန့်သတ်မှုများကိုပါ တဘက်မှလုပ်ဆောင်သွားမည်ဟု အမေရိကန် အစိုးရ၏ မူဝါဒကို ပြောဆိုထားခဲ့သည်။

ဒီမိုကရေစီ လူထုအခြေပြု အဖွဲ့သည် သက်တမ်း ၁၁ နှစ်ဝန်းကျင်ရှိပြီး ဒီမိုကရေနိုင်ငံများ စုပေါင်းဖွဲ့စည်းထားကာ ဒီမိုကရေစီ ထွန်းကားရေး၊ ရရှိပြီး ဒီမိုကရေစီစနစ်အား ပိုမိုခိုင်မြဲလာရေးအတွက် ဆောင်ရွက်နေသော အဖွဲ့ကြီးတခု ဖြစ်သည်။

ရွာသစ် ရေကာတာတွင် အစိုးရတပ်မှ တပ်အင်အား တိုးမြှင့်

ကေဒီအာရ်ဂျီ

ကရင်နီပြည်နယ် ဘောလခဲမြို့နယ်အတွင်းရှိ ရွာသစ် ရေကာတာ တည်ဆောက်ရေး စီမံကိန်း လုံခြုံရေးအတွက် မြန်မာအစိုးရတပ်မှ တပ်အင်အား တိုးမြှင့်ချထားကြောင်း သိရသည်။

“အရင်တုန်းက ဗိုလ်မှူး လှိုင်းလင်းကျော် ဦးဆောင်တဲ့ ၅၂၅ တပ်ရင်း တစ်ရင်းပဲ စီမံကိန်း လုံခြုံရေးအတွက် တာဝန်ယူပေးတယ်။ အခုတော့ ဗိုလ်မှူး ဇော်မန်းဖြိုး ဦးဆောင်တဲ့ ၄၂၃ တပ်ရင်း၊ ရှမ်းပြည်နယ်၊ ဖယ်ခုံ အခြေစိုက် တပ်ရင်းက တပ်အင်အား ဖြည့်လာတယ်။ ပြီးတော့ လူသွားလူလာဂိတ်တွေမှာ စစ်ဆေးမေးမြန်းမှုတွေကို လုပ်လာပါတယ်” ဟု ရွာသစ်ဒေသခံတစ်ဦးက ပြောသည်။

ဗိုလ်မှူးလှိုင်းလင်းကျော် ဦးဆောင်သည့် တပ်ရင်း ၅၂၅ မှ တပ်အင်အား ၆၀ ဖြင့် ရွာသစ်ရေကာတာ တည်ဆောက်ရေးစီမံကိန်းကို အနီးကပ်လုံခြုံရေး ယူပေးလျက်ရှိရာမှ ယခု ၄၂၃ တပ်ရင်း ထပ်မံတိုးချဲ့ချထားခြင်းဖြစ်သည်။ သို့သော် ၄၂၃ တပ်ရင်းမှ တပ်အင်အား မည်မျှထပ်မံတိုးချဲ့သည်ကို အတိအကျမသိရှိရသေးပေ။

ပြီးခဲ့သည့် မေလဆန်းပိုင်းက ရှမ်းပြည်နယ် တာဆန်း ရေကာတာ စီမံကိန်းတွင် တရုတ်အင်ဂျင်နီယာ ၄ ဦး ပျောက်ဆုံးပြီးသည့်နောက် ဘောလခဲမြို့နယ် သံလွင်မြစ်ပေါ်တွင် ရွာသစ် ရေကာတာကို စတင်တည်ဆောက်နေသော တရုတ်အင်ဂျင်နီယာများအတွက် အစိုးရစစ်တပ်များက လုံခြုံရေးအင်အား တိုးမြှင့်လာဖြင်းဖြစ်နိုင်သည်ဟု ဒေသခံများက ခန့်မှန်းကြသည်။

အခြားသော ရွာသစ်ဒေသခံတစ်ဦးကလည်း “ကြည့်ရတာ ဒီတာဆန်းဖက်မှာ အင်ဂျင်နီယာတွေ အဖမ်းခံရပြီးတဲ့နောက်ပိုင်း ရွာသစ်မှာ ရှိတဲ့ တရုတ် အင်ဂျင်နီယာတွေက သူတို့ လုံခြုံရေးအတွက် ပိုပြီး ဂရုစိုက်လာပါတယ်။ လုံခြုံရေးအတွက် သူတို့ကို သတင်း ပေးမယ့် သူတွေကို အလုပ်သမားကြားမှာ ပြီးတော့ ရွာသားကြားမှာ ကိုယ်တိုင် လိုက်ထားလာတယ်” ဟု ပြောသည်။

တာဆန်း ရေကာတာ စီမံကိန်းတွင် ပျောက်ဆုံးခဲ့သော တရုတ်အင်ဂျင်နီယာ ၄ ဦးမှာ လမ်းပြနှင့် စကားပြန် ဆောင်ရွက်ပေးသူ ဒေသခံတစ်ဦးနှင့်အတူ စက်လှေ ငှားရမ်းပြီး ရေကာတာ တည်ဆောက်ရာ ဒေသမှ အထက်ဘက်သို့ ဆန်တက်သွားစဉ် အမည်မသိ လက်နက်ကိုင် တစ်စုမှ သေနတ် ပစ်ဖောက်ခြိမ်းခြောက်ပြီး ဖမ်းဆီးခေါ်ဆောင်သွားခဲ့ကြောင်း ကရင်နီ ဖွံ့ဖြိုးရေးသုသေတနပြုအဖွဲ့မှ သတင်းရရှိထားသည်။

ရွာသစ် ရေကာတာတွင် အုတ်မြစ် ချရန်အတွက် တရုတ်အင်ဂျင်နီယာများက ယခုနှစ်ဆန်းပိုင်းမှ စ၍ မြေအောက်ထဲ အပေါက်များကို တူးချလျက်ရှိသည်။ အပေါက်များ တူးချနေသော တရုတ်အင်ဂျင်နီယာများသည် ပြီးခဲ့သည့် မတ်လ သင်္ကြန်ကာလတွင် ရွှေဟု ယူဆရသော ခဲများကို တွေ့ရှိခဲ့သည်။ သို့သော် ထိုခဲများသည် ရွှေအစစ် ဟုတ်မဟုတ် ဆိုသည်ကို ယခုအချိန်ထိ အတည်မပြုသေးပေ။

ကရင်နီပြည်နယ်တွင် သံလွင်မြစ်ပေါ်တွင် ယခု တည်ဆောက်နေသော ရွာသစ် ရေကာတာ အပါအ၀င် ဘောလခဲမြို့နယ်ရှိ ပွန်ချောင်း ရေကာတာနှင့် လွိုင်ကော်မြို့နယ်မြောက်ဘက်ရှိ သဖက်ချောင်း ရေကာတာ ၃ ခု တည်ဆောက်ပြီး ရေအားလျှပ်စစ်ဓါတ်အား ထုတ်လုပ်ရန် ယခင် မြန်မာစစ်အစိုးရက တရုတ်နိုင်ငံတောင်ပိုင်း ယူနန်ပြည်နယ် အကြီးစား ရေအားလျှပ်စစ် ထုတ်လုပ်ရေး ကုမ္ပဏီ ဖြစ်သည့် ဒါးတန်း ကော်ပိုရေးရှင်းနှင့် ပြီးခဲ့သည့် ၂၀၁၀ ခုနှစ် ဇန်န၀ါရီလတွင် နားလည်မှု စာချွန်လွှာတစ်ရပ် ရေးထိုးခဲ့ကြသည်။

ယင်းရေကာတာ စီမံကိန်းများကြောင့် ကရင်နီပြည်နယ်တွင် ကျေးရွာပေါင်း ၂၁၂ ရွာနှင့် ဒေသခံပြည်သူ ၃၂၀၀၀ ကျော် အခက်အခဲနှင့် ရင်ဆိုင်ရဖွယ်ရှိသည်ဟု ပြီးခဲ့သည့် မတ်လ ၁၀ ရက်နေ့က ထိုင်းနိုင်ငံ ချင်းမိုင်မြို့၌ ပြုလုပ်ခဲ့သော သတင်းစာ ရှင်းလင်းပွဲတွင် ကေဒီအာရ်ဂျီက ပြောခဲ့သည်။

မူဆယ်အနီး မြန်မာစစ်ယာဉ်တန်းအား KIA တိုက်ခိုက်

KNG

ရှမ်းပြည်မြောက်ပိုင်း တရုတ်နယ်စပ် ကုန်သွယ် ရေး မန္တလေး-မူဆယ်လမ်းတွင် မြန်မာစစ်ယာဉ်တန်းအားကချင် လွတ်မြောက်ရေးအဖွဲ့ (KIA)က ဇွန် ၃၀ မွန်းလွဲ ၂ နာရီခန့်တွင် တိုက်ခိုက်ခဲ့သည်ဟု မြင်တွေ့သူများ ပြောသည်။

မူဆယ်မှတောင်ဘက် ၁၅ မိုင်အကွာ ခိုမုန်းကျေးရွာအနီးတွင် မန္တလေးသို့ဦးတည်လာသည့် ၎င်းယာဉ်တန်းအား KIA တပ်ရင်း ၉ မှ မြေမြှုပ်မှိုင်းနှင့် လက်နက်ငယ်များအသုံးပြုပြီး အချိန်တို တိုက်ခိုက်ခဲ့သည်ဟု ဆက်ဆိုသည်။

သေကြေဒဏ်ရာရမှု အတိအကျကို မသိရသော်လည်း ဒဏ်ရာရသူ မြန်မာစစ်သားများအား မူဆယ်ဆေးရုံသို့ ကားဖြင့်ပို့ဆောင်နေကြသည်ဟု မျက်မြင်သက်သေများပြောသည်။

ကွတ်ခိုင်မြို့နယ် လွယ်ကန်အခြေစိုက် KIA တပ်မဟာ ၄ လက်အောက် တပ်ရင်း ၉ နယ်မြေထဲ မြန်မာစစ်သားများဝင်ရောက်လာခြင်းကို ဟန့်တားပစ်ခိုက်ခြင်းဖြစ်သည်ဟု ကချင်ပြည်နယ် KIA ဌာနချုပ် လိုင်ဇာမှ အရာရှိတစ်ဦး ပြောသည်။

ယခုပစ်ခတ်မှုသည် ကချင်ပြည်နယ်အစိုးရကိုယ်စားလှယ်နှင့် KIA အရာရှိများကြား လိုင်ဇာဌာနချုပ်အနီး လဂျားယန်တွင် ငြိမ်းချမ်းရေးကိစ္စ ဒုတိယအကြိမ် တွေ့ဆုံခြင်းနေ့တွင် ဖြစ်ပွားခြင်းဖြစ်သည်။

ကရင်နယ်ခြားစောင့်ချင်း တိုက်ပွဲ ဖြစ်၊ တပ်ရင်းမှူး တဦးကျ

ဧရာဝတီ Friday, 01 July 2011

ကရင် နယ်ခြားစောင့်တပ်ဖွဲ့ချင်း ယမန်နေ့က တိုက်ပွဲဖြစ်ပွားသောကြောင့် နယ်ခြားစောင့်တပ်ရင်းမှူး တဦး ကျဆုံးသွားသည်။

ကရင်ပြည်နယ် လှိုင်းဘွဲ့မြို့နယ် မြိုင်ကြီးငူရွာအနီးရှိ တခွက်ဖိုးရွာ တွင် အစိုးရကို သစ္စာခံသည့် ကရင် နယ်ခြားစောင့်တပ်နှင့် သစ္စာမခံသည့်တပ်များ ယမန်နေ့ညနေ ၄ နာရီခန့်က စတင်ဖြစ်ပွားသည့်တိုက်ပွဲတွင် ကရင်နယ်ခြားစောင့်တပ် အမှတ် ၁၀၁၁ ၏ တပ်ရင်းမှူး ဒု ဗိုလ်မှူးကြီး စိုးနိုင် ကျဆုံးသွားခြင်း ဖြစ်သည်။

ထိုဒေသတွင် တိုးတက်သော ဗုဒ္ဓဘာသာ ကရင် အမျိုးသား တပ်မတော်(DKBA)ဗဟိုမှ အသွင်ပြောင်းထားသည့် နယ်ခြားစောင့် တပ်ရင်း ၁၀၁၁၊ ၁၀၁၂၊ ၁၀၁၃၊ ၁၀၁၄ စသည့် တပ်ရင်းများအခြေစိုက်ပြီး လက်ရှိအစိုးရ၏ အုပ်ချုပ်မှုအောက်တွင် ဆက်မနေလိုသဖြင့်၊ တပ်ရင်း ၁၀၁၁ မှလွဲ၍ ကျန်တပ်ရင်း ၃ ရင်းမှာ ယခင်လကစ၍ DKBA အဖြစ် ဘက်တံဆိပ်များကိုပြန်လည် တပ်ဆင်ခဲ့ကြပြီး မကျေနပ်မှုများကို အရေးဆိုခဲ့ကြသည်။

အစိုးရကို သစ္စာမခံသည့် နယ်ခြားစောင့်တပ်ရင်း ၃ ရင်းကိုဦးဆောင်သည့် တပ်ရင်း ၁၀၁၂ တပ်ရင်းမှူး ဒု ဗိုလ်မှူးကြီး စောဘိ (ဗိုလ်ဘိ)က ယမန်နေ့ညနေတွင် တခွက်ဖိုးရွာ အနီး အခြေစိုက်သည့် တပ်ရင်းမှူး ဒု ဗိုလ်မှူးကြီး စိုးနိုင်၏ တပ်ရင်း ၁၀၁၁ ကို ၀င်ရောက် တိုက်ခိုက်ရာ ဒု ဗိုလ်မှူးကြီး စိုးနိုင် ကျဆုံးသွားရခြင်း ဖြစ်သည်။

၂ နာရီနီးပါးကြာသည့် အဆိုပါတိုက်ပွဲတွင် ဗိုလ်ဘိ ဦးဆောင်သည့်တပ်ဖွဲ့က စစ်ရေးအရ အချက်အခြာကျသည့် မီးဆိုင်းရွာတံတား၊ လက်ခတ်ရွာ တံတားနှင့် အခြား တံတားတစင်းတို့ကို ဖျက်ဆီးလိုက်သည်ဟု ဗိုလ်ဘိအဖွဲ့က ပြောသည်။

တံတား ၃ စင်းဖျက်ဆီးလိုက်သည့် သတင်းနှင့်ပတ်သက်၍ ဧရာဝတီက သီးခြားအတည်ပြုချက်ရယူနိုင်ခြင်း မရှိသေးပါ။

တိုက်ပွဲဖြစ်စဉ်နှင့်ပတ်သက်၍ ကရင်အမျိုးသား လွတ်မြောက်ရေး တပ်မတော်(KNLA)တပ်ရင်း ၁၀၁ ၏ တပ်ရင်းမှူး ဒု ဗိုလ်မှူး ကြီးဖောဒိုက“မနေ့ညနေ ၄ နာရီကနေ ၆ နာရီအထိဖြစ်တာ စိုးနိုင်က မြန်မာအစိုးရကိုသစ္စာခံပြီး ကိုယ့်အချင်းချင်းပြန်တိုက်ဖို့လုပ်လို့ ဗိုလ်ဘိအဖွဲ့က သွားတိုက်တာ၊ တိုက်ပွဲမှာစိုးနိုင်ကျသွားတယ်၊ အဲဒီ ဒေသမှာ စစ်ရေးအရ လုံးဝတင်းမာသွားပြီ” ဟုဧရာဝတီသို့ ပြောသည်။

KNLA တပ်မဟာ ၇ ၏ တပ်မဟာမှူး ဗိုလ်မှူးချုပ် ဂျော်နီကလည်း ယမန်နေ့က ဖြစ်ပွားခဲ့သည့်တိုက်ပွဲကို အတည်ပြုပြောကြား ပြီး အသေးစိပ် အခြေအနေများကို မသိရှိရသေးကြောင်း ပြောဆိုသည်။

ဗိုလ်ဘိ ဦးဆောင်သောအဖွဲ့သည် လွန်ခဲ့သည့် ဗုဒ္ဓဟူးနေ့ညကလည်း ကမမောင်းရွာရှိ အစိုးရ စစ်တပ် ၏ တပ်စခန်းတခုကို ၀င်ရောက်တိုက်ခိုက်ရာ ဒေသခံရွာသားတဦး သေဆုံးပြီး တံတားတစင်း ပျက်စီးခဲ့သည်ဟု ဒေသ ခံရွာသားများက ပြောသည်။

ဘားအံမြို့ခံ ကရင်နိုင်ငံရေးပါတီတခု၏ တာဝန်ရှိသူတဦးက ဘားအံမြို့မှတဆင့် အစိုးရစစ်တပ်များ လှိုင်းဘွဲ့မြို့နယ်ဘက် သို့ ကုန်းလမ်း ရေလမ်းများမှတဆင့် လက်နက် ခဲယမ်းများနှင့် အင်အားတိုးမြှင့်ပို့ဆောင်မှုများ ရှိနေသဖြင့် ကရင်ပြည်နယ် အတွင်း မကြာမီ စစ်မီး တောက်လောင်နိုင်သည်ဟု သုံးသပ်ပြောကြားသည်။

ဗိုလ်ဘိ ဦးဆောင်သည့်အဖွဲ့ကို ပြန်လည်စည်းရုံး၍နားချပေးရန် ကရင်ပြည်နယ်အစိုးရအဖွဲ့ က DKBA နာယက ဆရာတော် နှင့် အကြံပေးအဖွဲ့များကို စေလွှတ်ခဲ့သော်လည်း ဗိုလ်ဘိ ခွဲထွက်အဖွဲ့က လုံးဝလက်ခံခြင်းမရှိဟုလည်း ၎င်းကပြောသည်။

DKBA သည် ယခင် နအဖ စစ်အစိုးရ ကမ်းလှမ်းသည့် နယ်ခြားစောင့်တပ်အဖြစ် ၂၀၁၀ ပြည့်နှစ် သြဂုတ်လ ၁၈ ရက်နေ့မှ စတင် အသွင်ပြောင်းခဲ့ပြီး လက်ရှိတွင် တပ်ရင်း ၁၀ ရင်းရှိရာ အင်အား၂၀၀၀ ၀န်းကျင်ရှိကြောင်း DKBA တာဝန်ရှိသူများက ပြောဆိုထားသည်။

ဗိုလ်မှူးကြီး စောလားပွယ် ဦးဆောင်သည့် DKBA တပ်မဟာ ၅ တပ်ဖွဲ့သည် နယ်ခြားစောင့်တပ်ဖွဲ့စည်းရေးကို လက်မခံဘဲရွေး ကောက်ပွဲ ကျင်းပနေသည့်၂၀၁၀ နိုဝင်ဘာ ၇ ရက်နှင့် ၈ ရက်နေ့များမှစတင်၍ ကရင်ပြည်နယ်အတွင်းရှိ အစိုးရတပ်များကို တိုက်ပွဲများ ဆင်နွှဲခဲ့သည်။

DKBA သည် ၁၉၉၄ ခုနှစ်တွင် KNU မှ ခွဲထွက်၍ ယခင် စစ်အစိုးရနှင့် ငြိမ်းချမ်းရေးယူခဲ့သော တိုင်းရင်းသား လက်နက်ကိုင် အဖွဲ့ ဖြစ်သည်။

ဓာတုလက်နက်အသုံးပြုမှုကြောင့် ဒေသခံများကို ပြောင်းရွှေ့ခိုင်း

ဒီဗွီဘီ

မြန်မာ့တပ်မတော်ရဲ့ ရှမ်းပြည်နယ်အတွင်း ထိုးစစ်တွေမှာ ဓာတုလက်နက် အသုံးပြုမှု ရှိလာတာကြောင့် ဒေသခံပြည်သူတွေ မထိခိုက်ရအောင် ရှမ်းပြည်တပ်မတော်က ပြောင်းရွှေ့ဖို့ သတိပေး ပြောကြားထားပါတယ်။

ရှမ်းပြည်တပ်မတော် ၀မ်ဟိုင်းဌာနချုပ်တည်ရှိရာ မိုင်းရှူးမြို့နယ်ထဲကို မြန်မာ့တပ်မတော်က ထိုးစစ်ဆင်တဲ့အခါ ဓာတုလက်နက်တွေ အသုံးပြုမယ်လို့ သတင်းတွေ ထွက်လာတဲ့အတွက် ဒေသခံပြည်သူတွေ ထိခိုက်မှုမရှိအောင် ပြောင်းရွှေ့ခိုင်းတာ ဖြစ်တယ်လို့ ရှမ်းပြည်တပ်မတော်ရဲ့ ဆက်သွယ်ရေး အရာရှိ ဗိုလ်မှူးကြီးပိုင်ဖက ခုလို ပြောပါတယ်။

“တပ်မတော်က ဓာတုဗေဒဆေး သုံးမယ်လို့ ကျနော်တို့ သတင်းရတော့ ကျနော်တို့ ပြည်သူတွေ ၀န်ထမ်းတွေကို ပြောင်းရွှေ့နေထိုင်ဖို့ အမိန့်ပေးလိုက်ပြီ။ ဘာဖြစ်လို့လဲဆိုတော့ ပြည်သူတွေကို ထိလို့ရှိရင် တော်တော်ဒုက္ခရောက်မယ်။ ဒါကြောင့်မို့ အထိအခိုက် နည်းနိုင်သမျှ နည်းအောင် ကျနော်တို့ ကြိုတင်ပြင်ဆင်မှု အနေနဲ့ ပြည်သူနဲ့ ၀န်ထမ်းတွေကို ဘေးလွတ်ရာမှာ ထွက်ခိုင်းထားပြီ။”

ဌာနေပြည်သူ့စစ် အသွင်ပြောင်းဖို့ ငြင်းဆန်ခဲ့တဲ့ ရှမ်းပြည်တပ်မတော်ကို မြန်မာ့တပ်မတော်က ပြီးခဲ့တဲ့ မတ်လက ထိုးစစ်ဆင်နေခဲ့ရာ ဇွန်လ ၃ ရက်နေ့က တန့်ယန်းနဲ့ မိုင်းရှူးမြို့နယ်ကြားမှာရှိတဲ့ ရှမ်းပြည်တပ်မတော် ၇ မိုင် တပ်စခန်း တိုက်ပွဲမှာ ရှမ်းတပ်သားအချို့ မူးဝေလဲကျသွားတာတွေ ရှိခဲ့တဲ့အတွက် အစိုးရတပ်ဘက်က ဓာတုလက်နက်တွေ သုံးခဲ့တယ်လို့ ရှမ်းပြည်တပ်မတော် တပ်မဟာ ၃၆ က တပ်မှူးက အတည်ပြုပြောကြားခဲ့ပါတယ်။

လက်ရှိအခြေအနေမှာလည်း ၀မ်ဟိုင်းအနီးတ၀ိုက်မှာ ဒေသခံတွေ မရှိသလောက် ဖြစ်ပြီး အခြားဒေသတွေကို ပြောင်းရွှေ့နေထိုင်နေတယ်လို့ ဒေသခံအချို့က ဆိုပါတယ်။

အလားတူ သီပေါမြို့နယ် ဆိုင်ကျော့ဒေသမှာလည်း ရှမ်းတပ်မတော်ရဲ့ ကောင်းစ၀်မိုင်း ခြေကုပ်စခန်းကို အစိုးရတပ်က ၀င်သိမ်းပြီးနောက်ပိုင်း တိုက်ပွဲတွေ ဆက်လက်ဖြစ်ပွားနေပြီး ဒေသခံတွေကိုပါ မှားယွင်းပစ်ခတ်မှုတွေနဲ့ ရှမ်းတပ်မတော်ကလို့ စွပ်စွဲပြီး နှိပ်စက်တာတွေ ရှိနေတဲ့အတွက် အဲ့ဒီဒေသက ရွာ ၅ ရွာထက် မနည်း ဒေသခံတွေ ထွက်ပြေးတိမ်းရှောင်နေရပါတယ်။

မတ်လကနေ ဇွန်လအထိ အစိုးရတပ်နဲ့ ရှမ်းပြည်တပ်မတော်တို့ ချုံခိုတိုက်ပွဲ ပေါင်း အနည်းဆုံး ၈၀ ကျော် ဖြစ်ပွားခဲ့ပြီး ရှမ်းပြည်တပ်မတော်ဘက်က ခြေကုပ်စခန်း ၃ ခု လက်လွှတ်ခဲ့ရပါတယ်။

မနေ့ညနေ ၃ နာရီလောက်ကလည်း သီပေါမြို့နယ် မိုင်းလာ ကျေးရွာအုပ်စု ဟိုတွန်ရွာနားမှာလည်း တိုက်ပွဲဖြစ်ပွားနေပြီး အသေးစိတ်ကို မသိရသေးဘူးလို့ အက်စ်အက်စ်အေ တပ်မှူးတယောက်က ပြောပါတယ်။

ဖားကန့်မြို့နယ်တွင် ဆိုးဆိုးဝါးဝါး ရေကြီးမှုဖြစ်

နော်နိုရင်း

ကချင်ပြည်နယ် ဖားကန့်မြို့နယ်အတွင်း ဒီကနေ့ ရေကြီးရေလျှံမှု ဆိုးဆိုးဆိုးဝါးဝါး ဖြစ်ပွားနေပါတယ်။

ဖားကန့်မြို့ အပါအ၀င် ဥရုချောင်းတလျှောက်က ရွာတွေမှာ ရေနစ်နေတာ ဖြစ်ပြီး ဖားကန့်မြို့နယ် လုံးခင်းရွာလယ်လမ်းမမှာ ရေ ၇ ပေလောက် မြင့်တက်ခဲ့လို့ အကုန်လုံး ခေါင်မိုးတွေပေါ်မှာ တက်နေကြရတယ်လို့ လုံးခင်းရွာသားတဦးက ပြောပါတယ်။

ဒါကြောင့် ပျက်စီးမှုနှုန်းက သိန်းပေါင်း သောင်းချီမယ်လို့ သူက ပြောပါတယ်။

“ဆုံးရှုံးတာပေါ့။ ရှိရှိသမျှ ပတ်ပတ်လည် အကုန်လုံး။ ကိုယ်လည်း သူ့ကို မကယ်နိုင်၊ သူလည်း ကိုယ့်ကို မကယ်နိုင် အကုန်ဆုံးရှုံးတာပဲ။ ဆန်အိတ်တွေ နို့ဆီဖာတွေ အကုန်လုံးပဲ။ ခန့်မှန်းတွက်ရင်တော့ သိန်းပေါင်း သောင်းချီမှာပေါ့။”

ညနေပိုင်းမှာတော့ ရေဆက်မတက်ပေမယ့် ရွာတွင်းရေတွေ တန့်နေတယ်လို့ ဆိုပါတယ်။

လုံးခင်းရွာဟာ အိမ်ခြေ ၇ ထောင်လောက်ရှိတဲ့ ရွာကြီးတရွာဖြစ်ပြီး ချင်းတွင်းမြစ် အတွင်း စီးဆင်းနေတဲ့ ဥရုချောင်းဘေးမှာ တည်ရှိနေတဲ့အတွက် အခုလို ရေဘေးကြုံရတာလို့ ဆိုပါတယ်။

လက်ရှိရေကြီးနေတဲ့အတွက် ဒေသခံရွာသားတွေဟာ အိမ်ခေါင်မိုးတွေမှာ တက်နေကြပြီး တချို့တော့ စားရေးသောက်ရေးအတွက် မိမိဘာသာ အဆင်ပြေသလို လုပ်ဆောင်နေကြရတယ်လို့ အဲဒီ ရွာသားက ပြောပါတယ်။

“ကိုယ့်အစီအစဉ်နဲ့ ကိုယ်ပဲ။ ခေါက်ဆွဲပြုတဲ့သူက ပြုတ်၊ ဆန်ရှိတဲ့သူက ခေါင်မိုးပေါ်မှာ ထမင်းအိုးလေး တည်ပြီးတော့ စားကြပေါ့။ တခြားကတော့ ဘာမှ မျှော်စရာမရှိပါဘူး။”

ဒီလိုဆိုးဆိုးဝါးဝါး ရေကြီးမှု ဖြစ်ပွားတာဟာ စီးပွားရေးသမားတွေက ရွှေတူးဖော်ရာမှာ ချောင်းတွင်း မြေစာတွေဖို့ပြီး ပြန်လည်တူးဖော်တာ မရှိတဲ့အတွက် ချောင်းရေကြီးလာပြီး ရွာထဲ ရေမြုပ်ကုန်တာလို့ ဆိုပါတယ်။

“အဓိက ရေကြီးတာက ချောင်းကိုမဖော်လို့ပါ။ ရွှေကျင်းတွေလုပ်တဲ့ဟာတွေက အကုန်လုံး ချောင်းထဲကို မြေစာတွေ ဖို့ထားတော့ မြေစာက တက်လာလို့ ချောင်းက မြင့်တက်လာပြီး ရွာက နိမ့်ပြီး မြုပ်သွားတယ်။ ဒီနှစ်က ပိုဆိုးတယ်။ ခေါင်းမိုးတွေဘာတွေ ဖောက်ထွက်ပြီးမှ နေရတာဆိုတော့ ပိုဆိုးတာပေါ့။ စားတဲ့လူကတော့ လုပ်စားသွားကြတာပေါ့၊ သူဌေးတွေက ချမ်းသာပြီးရင် ချမ်းသာ၊ ကျုပ်တို့ ဆင်းရဲသားတွေကတော့ နစ်ပြီးရင်း နစ်ကြတာပေါ့။ ”

ဒီအခု ရေကြီးမှု ဖြစ်တာဟာ နှစ်ပေါင်း ၃၀ အတွင်း ရေကြီးမှု အဆိုးဝါးဆုံး ဖြစ်တာလို့ ဒေသခံက ပြောပါတယ်။ အရင် ၁၉၉၄ ခုနှစ်ကလည်း ဖြစ်ပွားခဲ့ဖူးပေမယ့် ဒီနှစ်လောက် မဆိုးဝါးဘူးလို့ ဒေသခံတွေက ပြောပါတယ်။

ဘင်္ဂလာစစ်ဦးစီးချုပ် မြန်မာ ခရီးစဉ်တွင် အချက်လေးချက် အဓိကဆွေးနွေးခဲ့ကြောင်း ထုတ်ဖေါ်

မောင်အေး

ဘင်္ဂလာစစ်ဦးစီးချုပ် အမ်း အဘဒူလ်မိုဘိန်း M Abdul Mubeen မြန်မာနိုင်ငံသို့ သွားရောက်ခဲ့သည့် ၅ ရက်ကြာ ခရီးစဉ်တွင်း နှစ်နိုင် ငံပူး ပေါင်းဆောင်ရွက်မည့် အချက်လေးချက်ကို အဓိက ဆွေးနွေး ခဲ့ကြောင်း ထုတ်ဖေါ် ပြောဆိုလိုက်သည်။

ယမန်နေ့က ဘင်္ဂလာသမ္မ ဇီလူ ရဟာမန်နှင့် တွေ့ဆုံစဉ် ဘင်္ဂလာစစ်ဦးစီးချုပ်က မြန်မာနိုင်ငံသို့ သွားရောက်လည်ပတ်စဉ် တွေ့ဆုံခဲ့သည့် အချက် (၄) ချက်ကို ထုတ်ဖော် ပြောကြား လိုက်ခြင်း ဖြစ်သည်။

အဆိုပါ ဆွေးနွေးခဲ့သည့် အချက် လေးချက်မှာ ဘင်္ဂလားမြန်မာနှစ်နိုင်ငံ လေကြောင်းလိုင်း ပြေးဆွဲရေး၊ နှစ်နိုင်ငံ အကြား ဆက်သွယ်မည့် ကားလမ်း ဖောက်လုပ်ရေး၊ မြန်မာဘက်မှ လယ်မြေ ငှားရမ်းရေးနှင့် နှစ်နိုင်ငံ ပူးပေါင်း အကြမ်းဖက် တိုက်ဖျက် ရေးတို့ ဖြစ်ကြောင်း ယနေ့ထုတ် ဘင်္ဂလီ သတင်းစာ တစောင်တွင် ရေးသားသည်။

ဘင်္ဂလာစစ်ဦးစီးချုပ် အမ်းအဘဒူလ်မိုဘိန်းမှာ ယခင်လ ၂၃ ရက်ကနေ ၂၇ ရက်နေ့အထိ မြန်မာ နိုင်ငံသို့ သွား ရောက်လည်ပတ်ခဲ့စဉ် အဆိုပါ အချက်များကို အဓိကထား ဆွေးနွေးခဲ့ကြောင်း ပြောကြားသည်။

မြန်မာနိုင်ငံ ဘင်္ဂလာဒေခ်ျ့ အကြားတွင် အကြမ်းဖက် တိုက်ဖျက်ရေးကို ပူးပေါင်း လုပ်ဆောင်ရန် ယခင်က သဘောတူညီမူ မရှိသဖြင့် ယခု အချက်မှာ နှစ်နိုင်ငံကြား စစ်ရေးအရ ပူးပေါင်းဆောင်ရွက်ရန် ခြေလှမ်း သစ် တရပ် ဖြစ်သည်။

အဆိုပါ ခရီးစဉ်အတွင်း ဘင်္ဂလာဒေခ်ျ့ စစ်ဦးစီးချုပ်သည် နေပြည်တော်တွင် ဗိုလ်ချုပ် စိုးဝင်းအပါအ၀င် မြန်မာ ကြည်း၊ ရေ၊ လေမှ အဆင့်မြင့် အရာရှိများနှင့် နှင့်တွေ့ဆုံ ဆွေးနွေးခဲ့သည်။

ယခုဆွေးနွေးခဲ့သည့် အချက်များထဲမှ တချို့မှာ လွန်ခဲ့သည့် နှစ်အနည်းငယ်ကတည်းက မြန်မာ နအဖ စစ်အစိုးရ လက်ထက်ကတည်းက သဘောတူညီမှုများရှိခဲ့သည့် အချက်များ ဖြစ်ပြီး ယခုထက်တိုင် အကောင်အထည် ဖေါ်ဆောင်ရွက်နိုင်ခြင်း မရှိသေးကြောင်း သိရသည်။

ရာနှင့်ချီသည့် တရုတ်လုပ်စစ်ကားများ မူစယ် လေယာဉ်ကွင်းသို့ရောက်ရှိ

သျှမ်းသံတော်ဆင့်

ရာနှင့်ချီသည့် တရုတ်လုပ်စစ်ကားများ မူစယ် လေယာဉ်ကွင်းသို့ ဂျွန်လ နောက်ဆုံး အပတ်က ရောက်ရှိလာရာတိုင်းရင်းသားလက်နက်ကိုင် တပ်ဖွဲ့များအား ထိုးစစ် ဆင်ရာ ၌မြန်မာ စစ်တပ် အသုံးပြု ရန်ဖြစ်နိုင် ကြောင်းသျှမ်းပြည် မြောက်ပိုင်း သတင်း ရပ်ကွက် ကဆိုပါသည်။

“တရုတ်ပြည်ထဲစက်ရုံရှိတဲ့ ဂျပန် HOWO ကုမ္ပဏီထုတ် SINO Truck အမျိုးအစား ၆ ဘီးတပ် အပေါ့စား ယာဉ် တွေ။ တရုတ်ပြည် ရွေလီ ၊ ကျယ်ဂေါင် - မူစယ် နယ်စပ်လမ်းအတိုင်း ဝင်လာတာ” ကိုယ်တိုင်မြင် တွေ့ရသည့် လူလတ် ပိုင်း အမျိုးသားတဦးကပြောသည်။

အဆိုပါကားများအား မောင်းနှင်ရန် မြန်မာထောက်ပို့တပ်မှ ရာနှင့်ချီသော စစ်သားများလည်း မူစယ် လေယာဉ် ကွင်းသို့ ရောက်နေကြောင်း ၄င်းက ဆိုပါသည်။

“ မူစယ်လေယာဉ်ကွင်းကို ဗမာစစ်သားတွေရောက်နေတာ ၃ ရက်လောက်ရှိပြီ။ သူတို့ကကျယ်ဂေါင် မြို့ ထဲကို ဝင်လည်ကြတာတွေ့ရတယ်။ တချို့ကလည်း မြန်မာစစ်တပ်တွေ တရုတ်ဖက်ကနေ ကေ အိုင် အိုကို ဝင်တိုက် မှာ လို့ သတင်းလွှင့်ကြတယ်။ နိုင်ငံရေးစိတ်ဝင်စားတဲ့လူတွေကတော့တိုင်းရင်း သားလက်နက် ကိုင်တပ်ဖွဲ့တွေ ကို အင်အားပြ ခြိမ်းခြောက်တာ၊ စိတ် ဓါတ်စစ်ဆင်ရေးလုပ်နေတာလို့ ပြောနေ ကြတယ်” - ဟုလည်း ဆိုပါ သည်။

၎င်းနှင့်ပါတ်သက်၍ ဗကပ ပြောခွင့်ရပုဂ္ဂိုလ် ရဲဘော်ဖိုးသံချောင်းကမူ “ တရုတ်ကတော့ သူ့ဘေးမှာ စစ်ဖြစ်ရင် သူကတားမှာဘဲ။ နယ်စပ်ကုန်သွယ်ရေးကိုထိခိုက်မှာစိုးလို့။ သူ့အကျိုးစီးပွါးကိုထိခိုက်မှာ စိုးလို့ သူ့နယ်မြေထဲ ကနေ ဝင်တိုက်မယ်ဆိုတာ ခွင့်ပေးမှာမဟုတ်ဘူး။ နောက်ပြီး သူ့အတွက် ဝန်ထုပ်ဝန်ပိုးကြီးဖြစ်စေမယ့် စစ်ပြေး ဒုက္ခ သည်တွေလဲ သူကမလိုလားဘူး။ ဆိုတော့ ဒီကိစ္စမဖြစ်နိုင်ဘူးလို့ကျနော်ထင်တယ် ” ဟု ဆိုပါသည်။

ပြည်တွင်းစစ်နှင့်ပါတ်သက်၍လည်း- မြန်မာစစ်တပ်သည် တိုင်းရင်းသားလက်နက်ကိုင်တပ်ဖွဲ့ များနှင့် ဆွေးနွေး ရန် ဘူးခံငြင်းဆန်သကဲ့သို့ မိမိအာဏာတည်မြဲရေးအတွက်- မိမိတပ်ဖွဲ့များ တိုင်းရင်းသားနယ် မြေထဲ ဆက် လက်ဝင်ရောက်နိုင်ရေးအတွက် စစ်ရေးနည်းဖြင့်သာ နိုင်ငံရေးပြဿနာဖြေရှင်း သွားမည် ကိုတွေ့ရကြောင်း၊ အုပ်ချုပ်သူအစိုးရသည် ကျူးကျော်စစ်ပြည်တွင်းစစ်ကြောင့်သာ သက်ဆိုးရှည်ရပ်တည်နေနိုင်ခြင်းဖြစ်ကြောင်း၊ ထို့ကြောင့် အဆိုပါ မူဆယ်သို့ရောက်နေသော တရုတ်လုပ် စစ်ကားများ ကိုအသုံး ပြု၍ တိုင်းရင်းသားများအား ဆက်လက်ထိုးစစ်ဆင်တိုက်ခိုက်သွားမည်မလွဲကြောင်း ရဲဘော် ဖိုးသံချောင်းက ပြောသည်။

စစ်အာဏာ ရှင်စနစ်ရှိသေသရွေ့ ပြည်တွင်းစစ် ဆက်လက်ဖြစ် နေဦး မည်ဖြစ်ကြောင်းလည်း ၎င်းက သုံးသပ် ပြောဆိုခဲ့သည်။

မီးရှို့ခံရသည့် ကားနှစ်စီးတွင် ဗိုလ်ကြီး ၁ ဦးနှင့် ရဲဝန်ထမ်း ၂ ဦး ဖမ်းဆီးခံရ

နိုင်မာန်၊ ဂျူရီချိုင်း

ယမန်နေ့က မွန်ပြည်နယ် သံဖြူဇရပ်မြို့နယ် မော်လမြိုင်-ရေးကားလမ်းပေါ်ရှိ ရွာသာအေးအနီးရှိ တံထားစွန်းတွင် လက်နက်ကိုင်တပ်ဖွဲ့တစ်ဖွဲ့မှ မှန်လုံယာဉ်နှစ်စီး မီးရှို့ပြီး ကား၌ပါလာသည့် ဗိုလ်ကြီးတစ်ဦးနှင့် ရဲဝန်ထမ်း ၂ ဦးပါ ဖမ်းဆီးခေါ်ဆောင်သွားခဲ့ကြောင်း မျက်မြင်ခရီးသည်များက ပြောသည်။

“သူတို့က ကားကိုရပ်ခိုင်းပြီး ခရီးသည်တွေ ပေးဆင်းလိုက်တယ်၊ ကားကို လက်နက်ကြီးနဲ့ပစ်ပြီး မီးရှို့လိုက်တယ်၊ ပြီးတော့ အဲဒီလူတွေကို ခေါ်သွားတယ် အခုထိ ပြန်မလွတ်လာသေးဘူး” ဟု ရွှေလီရတနာ မှန်လုံယာဉ်မှ မျက်မြင်ခရီးသည်တစ်ဦးက ပြောသည်။

ရာဇာမင်းနှင့် ရွှေလီရတနာ ခရီးသည်တင်ကားနှစ်စီး မီးရှို့ပျက်စီးပြီးနောက် လက်နက်ကိုင်တပ်ဖွဲ့မှ ကားသမားနှစ်ဦး၊ တပ်မတော်မှ ဗိုလ်ကြီးအဆင့်ရှိသူတစ်ဦး၊ ဒုလုံခြုံရေးတာဝန်ရှိသူနှင့် ရိုးရိုးဝန်ထမ်းတစ်ဦးအပါအဝင် စုစုပေါင်း ၁၀ ဦး ခေါ်ဆောင်သွားခဲ့သည်ဟု အထက်ပါ မျက်မြင်ခရီးသည်က ပြောသည်။

ဖမ်းဆီးခေါ်ဆောင်ခံရသူများကို မည့်သည့်အရပ်သို့ ခေါ်ဆောင်သွားသည်ကို မသိရှိရပေ။

ထိုလက်နက်ကိုင်တပ်ဖွဲ့သည် အင်အား ၅၀ ခန့်ရှိ စစ်ဝတ်စုံနှင့် လက်နက်အပြည့်အစုံဖြင့် စောင့်နေသည်။

ကရင်လက်နက်ကိုင်တပ်ဖွဲ့မှ ရာဇာမင်းနှင့် ရွှေလီရတနာကားပေါ်၌ပါလာသည့် ခရီးသည်များကို ယခု မီးရှို့လိုက်သည့် ကားနှစ်စီးကို နောက်ထပ်မစီးရန် ပြောကြားခဲ့ပြီး ယခုကဲ့သို့ နောက်ထပ် ထပ်မံပြုလုပ်အုံးမည်ဟု ပြောသွားခဲ့သည်။

ရာဇာမင်းမှန်လုံယာဉ်မှ ပါလာသည့် ခရီးသည်တစ်ဦးက “သူတို့က စစ်ဝတ်စုံအပြည့်စုံပဲ ဝတ်ထားတယ် တံဆိပ်ပါတပ်ထားတယ်၊ သူတို့အချင်းချင်းတော့ ကရင်လိုပြောတယ် ကျွန်တော်တို့ကိုကျတော့ မြန်မာလို ပြောတယ်” ဟု ပြောသည်။

၎င်းကားနှစ်စီးကို မီးရှို့နေချိန်တွင် အတက် အဆင်းကား အစီး ၃၀ ခန့် သွားလာမရပဲ ရပ်နားထားရသည်။

ယမန်နေ့က မီးရှို့ခံလိုက်ရသည့် ကားနှစ်စီးမှာ ကရင်လက်နက်ကိုင်တပ်ဖွဲ့မှ နှစ်စဉ်ကြေး ကောက်ခံလျှက်ရှိကာ ထိုဆက်ကြေးကို မပေးအပ်သည့်အတွက်ကြောင့် ဖြစ်သည်ဟု ရွှေလီမှန်လုံယာဉ်ဝန်ထမ်းမှ ပြောသည်။

ကားကုမ္မဏီတစ်ခုစီ ကျပ်ငွေ (၁၀) သိန်း ဆက်ကြေးပေးရန် တောင်းဆိုထားကြောင်း ထိုဝန်ထမ်းက ပြောသည်။

မှန်လုံယာဉ်ကားနှစ်စီးမီးရှို့ခံရသည့် ကိစ္စနှင့်ပက်သက်ပြီး ခရီးသည်များ ခရီးသွားလာရန် ထိန့်လန့်နေကြကြောင်း ယခုတွင် မော်လမြိုင်၊ မုဒုံ၊ သံဖြူဇရပ်၊ ရေးမြို့များတွင် မြို့အဝင်ဝနေရာမှာ စစ်တပ်မှ လုံခြုံရေး ထပ်မံတင်းကြပ်ထားကြောင်း ကျန်ရှိသော အခြားအဖွဲ့အစည်းများက မြို့တွင်းတွင် ထပ်မံတိုးချဲ့ ထားရှိသည်။

ကရင်တပ်ဖွဲ့ဝင်များက စစ်တပ်သွားလာ နိုင်သည့် တံတား ၃စင်းကို ဖျက်ဆီးခဲ့

ကေအိုင်စီ

နယ်ခြားစောင့်တပ်ရင်း (၁၀၁၂)မှ ဗိုလ်မှူးစောဘိ၏ တပ်ဖွဲ့ဝင်များနှင့် ကေအဲန်အယ်လ်အေ တပ်ဖွဲ့ဝင်များသည် ယနေ့ညနေ တွင် ကရင်ပြည်နယ်၊ ဖာပွန်မြို့နယ်အတွင်းရှိ တံတား ၃စင်းကို ဖျက်ဆီးပစ်ခဲ့သည်ဟု သိရသည်။

ကမမောင်းနှင့် ရွှေဂွန်းကျေးရွာကြားရှိ တခေါ့ဖိုးနေရာမှ တံတား ၂စင်းနှင့် မင်းဇီကျေးရွာရှိ တံတား ၁စင်းကို ဖျက်ဆီးပစ်ခဲ့ ကြောင်း ဗိုလ်မှူးစောဘိက ဆက်သွယ်ပြောဆိုလာသည်ဟု ကေအဲန်အယ်လ်အေ တပ်ဖွဲ့ဝင်များက ပြောသည်။

ကေအဲန်ယူ တပ်မဟာ(၇)မှ တပ်မှူးတစ်ဦးက “ဗိုလ်ဘိ ပြောပြတာက တခေါ့ဖိုးမှာ ကျနော်တို့ KNLA အဖွဲ့ဝင်တွေနဲ့ သူတို့အ ဖွဲ့တွေ ပူးပေါင်းတဲ့အဖွဲ့ဟာ ဗမာစစ်တပ်နဲ့ မနေ့ည ၁၀နာရီလောက်ကတည်းက ဆက်တိုက် တိုက်ပွဲဖြစ်တယ်။ ဒီညနေ ၄နာရီ လောက်မှာတော့ ကရင်အဖွဲ့တွေက မင်းဇီရွာက တံတားတစင်း၊ လာ့ခါးတံတားနဲ့ ထီးညာ့ဆားတံတားတွေကို ဖျက်ဆီးလိုက် တယ်လို့ အကြောင်းကြားလာတယ်။”ဟု ပြောသည်။

ယမန်နေ့ကတည်းက ယခုအချိန်ထိ ဖြစ်ပွားနေသည့် အဆိုပါတိုက်ပွဲတွင် ကရင်တပ်ဖွဲ့များဘက်မှ ထိခိုက်မှုမရှိဘဲ မြန်မာတပ် ဖွဲ့ဝင်များဘက်မှ ထိခိုက်ကျဆုံးမှုရှိပြီး အရေအတွက် အတိအကျကိုမူ မသိရှိရသေးပေ။

ပင်စင်စားများ လစာတိုး

မဇ္ဈိမသတင်းဌာန

အစိုးရဝန်ထမ်း ပင်စင်စားများ၏ ပင်စင်နှုန်းထားကို ဇူလိုင်လမှသည် တိုးမြှင့်ပြီး အလုပ်လုပ်စဉ်က ရရှိခဲ့တဲ့ လစာအတိုင်း ပေးမည်ဟု မြန်မာနိုင်ငံ ဘဏ္ဍာရေးဝန်ကြီးဌာနက ထုတ်ပြန်ချက်အား နိုင်ငံပိုင် မြန်မာ့ရုပ်သံက ကြာသပတေးနေ့တွင် ကြေညာလိုက်သည်။

ညနေ ၆ နာရီတွင် မြန်မာအသံ ရုပ်မြင်သံကြားက ထုတ်လွှင့်သွားရာမှာ ဒီဇင်ဘာ ၃၁ ရက် ၂ဝဝ၉ ခုနှစ်တွင် ပြင်ဆင်သတ်မှတ်ထားခဲ့သည့် လစာနှုန်းထားအသစ် အရ ခံစားခွင့်ကို လာမည့် ဇူလိုင်လ လစာမှ စတင်၍ ထုတ်ပေးသွားမည်ဟု ပါရှိသည်။

မြန်မာနိုင်ငံ တောင်သူလယ်သမားအရေး အပိုင်း (၂)

ဦးမျိုး (ဥပဒေ)

လေ့လာသုံးသပ်ချက် စာတမ်း (အပိုင်း - ၂)

( ၂ ) ကိုလိုနီခေတ် တောင်သူလယ်သမားများ အခြေအနေ။

မြန်မာငွေကြေးပိုက်ဆံများအား တရားဝင်အဖြစ်မှ ရပ်စဲရန် ထုတ်ပြန်သည့် ၁၈၈၉ ခု မေလ ၂၂ ရက်နေ့စွဲပါ ကြေညာချက်တွင် -


(၁) ဒေါင်းဒင်္ဂါးများကို အထက်မြန်မာပြည် ငွေတိုက်များတွင် ၁၈၉ဝ ပြည့် မတ်လ ၃၁ ရက်နေ့အထိ အစိုးရအခွန် အကောက်များ ပေးသွင်းရာ၌သာ လက်ခံတော့မည်ဖြစ်ကြောင်း၊ အိန္ဒိယသုံးငွေများနှင့် လဲလှယ်ထုတ်ပေးတော့မည် မဟုတ်ကြောင်း၊

(၂) အောက်မြန်မာပြည်ရှိ အစိုးရငွေတိုက်များတွင် ၁၈၈၉ ခု ဇူလိုင်လ ၃၁ ရက်နေ့အထိသာ ဒေါင်းဒင်္ဂါးများအား အစိုးရကိစ္စများအတွက် ပေးသွင်းငွေအဖြစ် လက်ခံတော့မည်ဖြစ်ကြောင်း ထည့်သွင်းကြေညာသည်။

၁၈၉၂ ခုနှစ် မတ်လ ၃၁ ရက်နေ့တွင် မြန်မာ့ဒေါင်းဒင်္ဂါးများ တရားဝင်ငွေ အဖြစ်မှ အပြီးတိုင် ရပ်စဲသွားလေသည်။
(ဒေါ်ကြန်၊ ပဒေသရာဇ် မြန်မာနိုင်ငံ၏ ဇာတ်သိမ်း၊ မြန်မာမင်း၏ လက်ငုတ်လက်ရင်းတို့ကို ဖျက်သိမ်းခြင်း။ စာ- ၁၂၇၊ ၁၂၉ )

လွတ်လပ်ရေးတိုက်ပွဲများမှာ နှလုံးရည်လည်း သုံးကြရတယ်၊ လက်ရုံးရည်လည်း သုံးကြရတယ်ဆိုတာ သမိုင်းကို
ပြန်ကြည့်ရင် ကောင်းကောင်း တွေ့နိုင်မြင်နိုင်ပါတယ်။ သီပေါမင်း ပါတော်မူ ပြီးတဲ့နောက် မငြိမ်မသက် ဖြစ်နေလို့ ဗြိတိသျှ အစိုးရဟာ ၇ နှစ်လောက် ကောင်းကောင်း အုပ်ချုပ်လို့ မရပါဘူး။

ဗမာတွေသာ မကဘူး၊ လက်နက်စွဲကိုင်ပြီး အင်္ဂလိပ် နယ်ချဲ့သမားတို့ ခုခံတိုက်ခိုက်တာဟာ တိုင်းရင်းသား လူမျိုးပေါင်းစုံ ဖြစ်ပါတယ်။ စနစ်တကျ စုပေါင်း တိုက်ခိုက်ကြတာတော့လည်း မဟုတ်ဘူး။ ကိုယ့်ဒေသနဲ့ကိုယ် “ကျွန်မခံဘူး” ဆိုပြီး ခုခံတိုက်ခိုက်ကြတာပဲ။

ဒီနောက်လည့် ဗန္ဒကရသေ့ ခေါင်းဆောင်တဲ့ တောင်သူလယ်သမားများ၊ မင်းလောင်း မောင်သန့်နဲ့ နယ်သူနယ်သားများ၊ ဆရာစံနဲ့ လယ်သမားများက စုပြီး ၁၂ ကြိမ်လောက် ကိုယ့်နည်းကိုယ့်ဟန် ကိုယ့်အမြင်နဲ့ကိုယ် ဗြိတိသျှ နယ်ချဲ့သမားကို ခုခံတိုက်ခိုက်ခဲ့ကြပါတယ်။ ခေတ်မီမီ အစီအစဉ်မျိုးနဲ့ တိုက်ခိုက်တာ မဟုတ်ပေမယ့် နယ်ချဲ့ ဆန့်ကျင်ရေး လွတ်လပ်ရေး တိုက်ပွဲတွေ ဆင်နွှဲတာတော့ အမှန်ပဲ။
(လူထုဦးလှရဲ့ မိတ်ဆက်။ ၁၃ဝဝ ပြည့် မန္တလေး အရေးတော်ပုံ။ ကျော်ဝင်းမောင်)

မြန်မာနိုင်ငံရှိ လူဦးရေ ၁ဝဝ လျှင် ၈၅ ဦးခန့်သည် လယ်ယာလုပ်ကိုင်သူများ သို့မဟုတ် လယ်ယာလုပ်ငန်းနှင့် ဆက်စပ် အသက်မွေးနေသူများသာ ဖြစ်သည်။ ထို့ကြောင့် မြန်မာနိုင်ငံ၏ စီးပွားရေးသည် လယ်ယာစိုက်ပျိုးရေး လုပ်ငန်းအပေါ်တွင် အဓိက တည်လျက်ရှိပေသည်။

ဒုတိယ ကမ္ဘာစစ်ကြီး မဖြစ်မီက ဧကပေါင်း ၁၈ ၈၁၅ ဝဝဝ တွင် စိုက်ပျိုးခဲ့ကြသော်လည်း စစ်အပြီးတွင်မူ ယင်းဧရိယာ၏ သုံးပုံ နှစ်ပုံကျော် ဖြစ်သော မြေယာဧကပေါင်း ၁၂ ၅၁၈ ဝဝဝ တွင်သာ စိုက်ပျိုးနိုင်ခဲ့ပေသည်။ စပါးစိုက်သည့် ဧကမှာ ၁၉၄ဝ -၄၁ ခုနှစ်တွင် ဧရိယာ စုစုပေါင်း ၁၂ ၅၁၈ ဝဝဝ ဖြစ်ခဲ့သော်လည်း စစ်ကြီးပြီးစ ပထမနှစ် ဖြစ်သော ၁၉၄၅- ၄၆ ခုနှစ်တွင် ဧရိယာ စုစုပေါင်း ၆၆ ၄၂ ၉၅၉ မျှသာ စပါး စိုက်ပျိုးနိုင်သည်ကို ကြည့်ခြင်းအားဖြင့် ဂျပန်ခေတ်တွင် လယ်ယာစိုက်ပျိုးရေးလုပ်ငန်း မည်မျှ ပျက်ပြားသွားသည်ကို ကောင်းစွာ သိရှိနိုင်ပေသည်။ (Department of Agricultural, Burma Rice, 1956, p-111)

စစ်ကြီးပြီးသည့်နောက် ဗြိတိသျှ အစိုးရတို့ မြန်မာနိုင်ငံသို့ ပြန်လည်ဝင်ရောက်လာသောအခါ သီးစားအက်ဥပဒေနှင့် ၁၉၄၅ ခုနှစ် မြေယာပဋိပက္ခ အက်ဥပဒေများကို အရေးတကြီး ထုတ်ပြန်ဆောင်ရွက်လေသည်။ ထိုသို့ အရေးတကြီး စီမံရခြင်းအကြောင်းမှာ စစ်ကြီးပြီးစတွင် တကမ္ဘာလုံး စားနပ်ရိက္ခာ ရှားပါး၍ ဆန်စပါးဈေးများ အလွန် မြင့်တက်နေချိန်တွင် ရှေးက မြန်မာနိုင်ငံတွင် အမြတ်ထုတ်ခဲ့ကြသော ဗြိတိသျှ အရင်းရှင် ကုမ္ပဏီကြီးများ ဆန်စပါးကို အချိန်မီ ဝယ်ယူ၍ ပြည်ပသို့ တင်ပို့ရောင်းချခြင်းဖြင့် အမြတ်ကြီးစွာ ရရှိစေရန် အဓိကဖြစ်ပေသည်။ ၁၉၄၅ ခုနှစ် အလယ်လောက်တွင် ဗြိတိသျှ စစ်အုပ်ချုပ်ရေးအဖွဲ့သည် တောင်သူလယ်သမားများအား ကောက်ပဲသီးနှံ အမျိုးစုံနိုင်သလောက် စုံအောင် စိုက်ပျိုးကြရန် တိုက်တွန်းနှိုးဆော်ခဲ့လေသည်။ ၁၉၄၅-၄၆ ခုနှစ်တွင် ဗြိတိသျှ အစိုးရတို့သည် တောင်သူလယ်သမားများအား လယ်လုပ်ကိရိယာများ၊ အဝတ်အစားများနှင့် အိမ်သုံးပစ္စည်းများကို အကြွေးရောင်းချခြင်းဖြင့် လယ်ယာတိုးချဲ့ စိုက်ပျိုးလာအောင် ပရိယာယ်အမျိုးမျိုးဖြင့် ကြိုးစားခဲ့လေသည်။ ယင်းတိုးချဲ့စိုက်ပျိုးသော မြေယာအတွက် တဧကလျှင် ဆုငွေ ၁၂ ကျပ် ချီးမြှင့်မည်ဖြစ်ကြောင်းလည်း ကြေညာသည်။ ၁၉၄၆-၄၇ ခုနှစ် ဧပြီလတွင် ဘဏ္ဍာတော် မင်းကြီးကိုယ်တိုင် ကျွဲ၊ နွား၊ မျိုးစပါးနှင့် လယ်ယာလုပ်ငန်းတွင် မရှိမဖြစ်သော ပစ္စည်းများကို ဝယ်ယူရန်အတွက် တောင်သူလယ်သမားများအား အမတော်ကြေးငွေများ အမြဲထုတ်ချေးရန် အမိန့်တရပ်ကိုလည်း ထုတ်ပြန်ကြေညာခဲ့ပြန်သည်။ ထို့နောက် ၁၉၄၇ ခုနှစ်တွင် လယ်ယာလုပ်ငန်းဆိုင်ရာ ကြွေးမြီများ ဆိုင်းငံ့ထားရေး အက်ဥပဒေ တရပ်ကိုလည်း ပြဋ္ဌာန်းခဲ့သေးသည်။ ထိုဥပဒေတွင် ၁၉၄၅ ခုနှစ် အောက်တိုဘာလ ၁၆ ရက်နေ့ မတိုင်မီက တင်ရှိသော လယ်ယာလုပ်ငန်းဆိုင်ရာ ကြွေးမြီများကို ၆ လ ဆိုင်းငံ့ထားကြောင်း ပါရှိလေသည်။

စစ်အတွင်းက ပျက်စီးခဲ့သော ဗြိတိသျှ ကုမ္ပဏီကြီးများအနေဖြင့် ဆန်စပါး လုပ်ငန်းပေါ်တွင် အခြေပြု၍ ပြန်လည် ထူထောင်နိုင်စေရန်နှင့် ကမ္ဘာ့ ရိက္ခာပြဿနာကို ဖြေရှင်းရင်း ဆက်လက်၍ အကြီးအကျယ် အမြတ်ထုတ်နိုင်စေရန် တဖက်က ရည်ရွယ်ဆောင်ရွက်ခြင်း ဖြစ်သည်။ ထို့အပြင် စစ်ပြီးပြီးချင်း ဗြိတိသျှ အစိုးရတို့က မြန်မာနိုင်ငံ
တောင်သူလယ်သမားများ လက်တွင် အများဆုံး ရောက်ရှိနေသော ဂျပန်ငွေစက္ကူများကို လုံးဝ တန်ဖိုးမရှိကြောင်း
ကြေညာလိုက်သဖြင့် တောင်သူ လယ်သမားထု တရပ်လုံး စားရမဲ့ သောက်ရမဲ့ ဘဝရောက်ခဲ့ကြခြင်း၊ ထိုကာလတွင် မြန်မာအစိုးရက ပြည်ပသို့ ဆန်အမြောက်အမြား တင်ပို့ခဲ့သဖြင့် ပြည်တွင်းဆန် မလုံမလောက်ဖြစ်၍ အငတ်ပြဿနာများ ပေါ်ခဲ့ခြင်း စသော အကြောင်းများကြောင့် မြန်မာတောင်သူလယ်သမားများမှာ စီးပွားရေး အလွန့်အလွန် ကျပ်တည်းလာသဖြင့် အချို့ဒေသများတွင် သူပုန်များပင် ထကြလေသည်။

ဆန်စပါးကို ဒုတိယ ကမ္ဘာစစ်ကြီး ပြီးစနှစ် ၁၉၄ဝ-၄၁ ခုနှစ်တွင် စိုက်ပျိုးလုပ်ကိုင်သည့် ဧရိယာ ဧကစုစုပေါင်း၏ တဝက်ကျော်မျှသာ စိုက်ပျိုးလုပ်ကိုင်ခဲ့ရာ ၁၉၄၈-၄၉ ခုနှစ်တွင်မူကား ငါးပုံ လေးပုံအထိ တိုးတက် စိုက်ပျိုးနိုင်ခဲ့လေသည်။ စစ်ကြီး မဖြစ်ပွားမီ အခြေအနေသို့ ပြန်လည်ရောက်ရှိရန် နောက်ထပ် ဧကပေါင်း ၂ ၇၂၂ ၁၉၄ တိုးချဲ့၍ စိုက်ပျိုးလုပ်ကိုင်ရန်သာ လိုလေသည်။ သို့မှသာ ဗြိတိသျှ အရင်းရှင်ကြီးများသည် ရှေးခေတ်ကကဲ့သို့
နိုင်ငံခြားသို့ ဆန်စပါး အမြောက်အမြား တင်ပို့၍ အမြတ်ထုတ်နိုင်ပေမည်။ ဤရည်ရွယ်ချက် ရှိနေသောကြောင့်
နိုင်ငံအစိုးရသည် လယ်ယာ စိုက်ပျိုးရေး လုပ်ငန်းများ တိုးချဲ့နိုင်ရန်အတွက် -

(၁) တိုးချဲ့စိုက်ပျိုးရေးနှင့်
(၂) တဧကထွက် သီးနှံ ပိုမို ထွက်ရှိရေး - များကို အထူးပင် ကြိုးပမ်းအားထုတ်ခဲ့လေသည်။

မြန်မာနိုင်ငံသို့ ပြန်လည်ဝင်ရောက်လာသော ဗြိတိသျှ အစိုးရက လယ်ယာမြေ ဖွံ့ဖြိုးရေးနှင့် ပတ်သက်၍ အမျိုးမျိုး လုပ်ဆောင်ရာတွင် သီးစားအက်ဥပဒေတရပ် ပြဋ္ဌာန်းပေးလိုက်ခြင်းသည် ထူးခြားချက်တရပ်ပင် ဖြစ်သည်။ ကိုလိုနီ တခေတ်လုံးတွင် သီးစားခ သက်သာရေးကို ဘာတခုမျှ မဆောင်ရွက်ခဲ့သော ဗြိတိသျှ အစိုးရသည် ယခုမှ အဘယ်ကြောင့် သီးစားခ အက်ဥပဒေကို ပြဋ္ဌာန်းရလေသနည်း။ တောင်သူလယ်သမားများအား ညှာတာ
ထောက်ထား၍ ဥပဒေပြဋ္ဌာန်းပေးလိုက်ခြင်း မဟုတ်ပါ။ စစ်ကြီးအတွင်းက ဖရိုဖရဲ ပြိုကွဲလုနီးနီး ဖြစ်ပွားခဲ့သော
မြေရှင်စနစ်ကြီးကို အက်ဥပဒေဖြင့် ပြန်လည်တည့်မတ်ပေးခြင်းသာ ဖြစ်ပေသည်။ စစ်ကြီးအတွင်းက လယ်ယာ လုပ်ငန်း မကောင်းသဖြင့် သီးစားခ လုံးဝမရဘဲ ဖြစ်နေသော မြေရှင်များအား တရားဝင် သီးစားခပေးရန် ဥပဒေ
ပြဋ္ဌာန်းပေးလိုက်ခြင်းသာ ဖြစ်ပေသည်။ (လယ်ယာမြေ သမိုင်း အတွဲ ၂ စာ ၂ဝ)

လယ်ယာမြေ ၂ နှစ် စီမံကိန်း

၁၉၄၆ ခုနှစ် စက်တင်ဘာလတွင် ဗိုလ်ချုပ်အောင်ဆန်း ခေါင်းဆောင်သော ဘုရင်ခံ၏ အမှုဆောင် ဝန်ကြီးများအဖွဲ့ခေါ် ကြားဖြတ်အစိုးရ ဖွဲ့စည်းပြီးသည့်နောက် ၁၉၄၇ ခုနှစ် ဇွန်လ ၆ ရက်နေ့တွင် ဆိုရန်တိုဗီလာ Sorrento Villa အဆောက်အအုံ၌ ဗိုလ်ချုပ်အောင်ဆန်း ဦးစီးလျက် မြန်မာနိုင်ငံ၏ စီးပွားရေး ကွန်ဖရင့်ကြီးကို ကျင်းပပြုလုပ်ခဲ့သည်။ ယင်းကွန်ဖရင့်တွင် စီးပွားတိုးတက်ရေး ၂ နှစ် စီမံကိန်းကို ချမှတ်ပြဋ္ဌာန်းခဲ့ရာ လယ်ယာမြေ တိုးချဲ့လုပ်ကိုင်ရေးနှင့် ပတ်သက်သော ၂ နှစ် စီမံကိန်းကိုလည်း ထည့်သွင်းသတ်မှတ်ခဲ့လေသည်။ ထိုလယ်ယာမြေ စိုက်ပျိုးရေး ၂ နှစ် စီမံကိန်းမှာ စစ်ပြီးခေတ် မြန်မာနိုင်ငံ၏ အခြေအနေနှင့် လိုက်လျောညီစွာ ရေးဆွဲထားသော စီမံကိန်းဟု ဆိုရပေမည်။ ယင်းစီမံက်ိန်းမှာ ရည်ရွယ်ချက် ၃ ချက်ရှိရာ ၎င်းတို့မှာ -

(၁) မြေပိုင်ရှင်စနစ်ကို ဖျက်၍ ကိုယ်ထိလက်ရောက် လုပ်သော တောင်သူလယ်သမားများအား လယ်ယာမြေများကို မျှတစွာ ဝေငှရန်နှင့် တောင်သူ လယ်သမားလက်မှ မြေပိုင်ရှင်လက်သို့ နောက်ထပ် လယ်မြေများ မရောက်စေရန်၊

(၂) မြန်မာနိုင်ငံ၌ လူဦးရေ အများဆုံးဖြစ်သည့် တောင်သူလယ်သမားများကို ကြီးပွားချမ်းသာစေရန်နှင့်
ခေတ်မီသော လောကဓာတ်ပညာနှင့် လယ်ယာစိုက်ပျိုး၍ ယင်းသို့ ရသင့်ရထိုက်သော စီးပွားရေး ဝေစုကို အကျိုးတူ ခံစားခွင့်ရရန် စပါးဈေးကို ”ငှက်ခါးပျံသလို ” နိမ့်ချည်မြင့်ချည် မကစားစေဘဲ တည်တံ့စွာ ရှိစေခြင်းဖြင့် ယင်းတို့အား အကျိုးခံစားစေရန်၊

(၃) စစ်မဖြစ်မီက မြန်မာနိုင်ငံမှ ထွက်သော ဆန်စပါး စံချိန်ကို အမီ မြန်နိုင်သမျှ မြန်အောင် ထွက်စေပြီးလျှင် အခြား ဆီ၊ ငရုတ်၊ ကြက်သွန် စသည့် ကောက်ပဲသီးနှံများကို နိုင်ငံသားများအဖို့ ဖူလုံနိုင်စေရန် စိုက်ပျိုးမည့် သီးနှံဇယားများကို
ရေးဆွဲချမှတ်ရန်၊ ဖြစ်ပါသည်။

(အပိုင်း - ၃) အား ဆက်လက်ထုတ်ပြန်ပါမည်။

ယနေ့ မြန်မာ့ရေးရာ သတင်းများ July,1st,2011

( 37 )၀န်ထမ်းပင်စင်နှင့် နိုင်ငံရေး ပင်စင် လစာများ တိုးမည်

( 36 )အသိမ်းခံလယ်မြေပြန်ရရေး ကြိုးပမ်းမှုကြောင့် ဖမ်းဆီးခံရသူများ ပြစ်ဒဏ်လျှော့

( 35 )ကယန်းပြည်သစ်ဒုဥက္ကဋ္ဌ ကွယ်လွန်

( 34 )Burma Army commander ambushed

( 33 )ကံမလယ်သမား​ ၅ ဦး​ကို ရွာစဉ်တ​လျှောက် ကြိုဆို

( 32 )Uncertainty over Kevin Rudd's meeting with Aung San Suu Kyi

( 31 )အစိုးရတပ် ရှားတောဒေသခံရွာသားများကို တပ်ရိက္ခာထမ်းခိုင်း

( 30 )Michelle Yeoh "shocked and terribly saddened" by Myanmar deportation

( 29 )ကျောက်ပန်းတောင်း ဆေးရုံ ဆရာဝန်ကြီးရဲ့ စရိတ်မျှပေးဆေးဆိုင်

( 28 )The Burma Campaign, By Frank McLynn

( 27 )ပင်စင်လစာများကို အစိုးရသစ်တိုးမြှင့်သတ်မှတ်ပေး

( 26 )Phuket Set to Vote; Brits Die in Bus Crash; Burma Blow-up; Tamarine's Triumph; Phuket People

( 25 )အိမ်ပိုင်တရားမမှု ရှုံးသူက သမ္မတကို တိုင်

( 24 )ကချင်နှင့် အပစ်ရပ်ဖို့ သဘောတူညီချက် ရလုနီးပြီ

( 23 )For Burmese refugees, English lessons at work build school ties

( 22 )လွတ်မြောက်သော်လည်း ဒန်ကလေ အယူခံဝင်ဦးမည်

( 21 )ဦးဝင်းတင် ရုံးပြန်တက်သဖြင့် လူငယ်များ အားတက်ဟုဆို

( 20 )Burma Draws Foreign Envoys

( 19 )ပြည်သူနဲ့ထိတွေ့ဖို့ ဒေါ်အောင်ဆန်းစုကြည် မကြာခင်နယ် ခရီးစဉ်စမည်

( 18 )Suu Kyi to plan first trip since release

( 17 )လယ်မြေသိမ်းမှုမှာ ထောင်ဒဏ် စီရင်ခံခဲ့ရတဲ့ လယ်သမားတွေ အမှုနိုင် ပြန်လွတ်

( 16 )Support of democracies key for Myanmar

( 15 )မြန်မာအစိုးရတပ်နဲ့ ကချင် အပစ်ရပ်ရေး တရားဝင် ဆွေးနွေးကြပြီ

( 14 )နိုင်ငံရေးမကစားဖို့ အစိုးရသတင်းစာ သတိပေး

( 13 )Handunnethi Rannulu Piyasiri – Sri Lanka’s New Ambassador to Myanmar

( 12 )ပြည်နယ်၊ တိုင်းဒေသကြီး ၀န်ကြီးဌာန ၉ ခု ပြင်ဆင်ဖွဲ့စည်း

( 11 )Bans on Suu Kyi threaten Rudd meeting

( 10 )NLD ကို အစိုးရသတိပေးချက် အပေါ် ကုလသမဂ္ဂနဲ့ အမေရိကန်တို့ တုံ့ပြန်

( 9 )Is China quietly supporting Burma’s war against Kachin people?

( 8 )မြန်မာနိုင်ငံဆိုင်ရာ အထူးကိုယ်စားလှယ် စေလွှတ်ရေး အမေရိကန် ဆီးနိတ် ကြားနာပွဲ ပြုလုပ်

( 7 )Britain warns Burma over 'menacing' tone towards Aung San Suu Kyi

( 6 )ဒေါ်စုကို နိုင်ငံရေး လုပ်ခွင့်ပေးဖို့ အမေရိကန် တောင်းဆို

( 5 )Burma’s ethnic insurgencies erupt in a chain reaction

( 4 )ဂျပန်နိုင်ငံ ဒုတိယ နိုင်ငံခြားရေး ဝန်ကြီး ဒေါ်အောင်ဆန်းစုကြည် နဲ့ တွေ့ ဆုံ

( 3 )Military Man in Court for Incest

( 2 )မြန်မာကို နိုင်ငံတကာ ပူးပေါင်း တွန်းအားပေးဖို့ အမေရိကန် အထူးသံ ကြိုးပမ်းမည်

( 1 )Burma frees Australian newspaper boss