Tuesday, August 18, 2015

ရခိုင်ရေဘေး လူအသေအပျောက်စာရင်း ကွဲလွဲမှုများ ဖြစ်ပေါ်နေ

နိရဉ္စရာ

ရခိုင်ပြည်နယ် အတွင်း ဖြစ်ပေါ်ခဲ့သော ရေကြီးမှုကြောင့် သေဆုံးသူအရေအတွက်မှာ ၅၆ ဦးရှိကြောင်း သြဂုတ်လ ၁၂ ရက်နေ့က ရခိုင်ပြည်နယ်အစိုးရအဖွဲ့၏ သတင်းထုတ်ပြန်ရေးနှင့် မှတ်တမ်းပြုစုရေး ဆပ်ကော်မတီ ဥက္ကဋ္ဌ ဦးလှသိန်းမှ ပြောကြားသည်။

စစ်တွေမြို့ရှိ ပြည်နယ် ဥပဒေချုပ် ရုံးခန်းတွင် ရခိုင်ရှိ မီဒီယာအချို့ တွေ့ဆုံစဉ် ဦးလှသိန်းက ထိုသို့ အတည်ပြု ပြောဆိုခဲ့ခြင်းဖြစ်သည်။

သို့သော် ၀ံလက် ဖောင်ဒေးရှင်း ဒါရိုက်တာ ဦးခိုင်ကောင်းစံကမူ ရခိုင်ပြည်နယ်တွင် သေဆုံးသူ အရေအတွက်မှာ ၇၇ ဦးရှိကြောင်း နိရဉ္စရာသို့ ပြောဆိုသည်။

သြဂုတ် ၁၅ ရက် နေ့စွဲဖြင့် ထုတ်ဝေသော 7 Day Daily တွင် ရခိုင်ပြည်နယ်တွင် ရေဘေးကြောင့် သြဂုတ်လ ၁၁ ရက်နေ့ထိ (၃) လအတွင်း သေဆုံးသူ ၆၂ ဦးရှိကြောင်း ဖော်ပြထားသည်။

ရခိုင်အမျိုးသားပါတီ၏ စာရင်းတွင် မြောက်ဦးမြို့နယ်တွင် သေဆုံးသူ ၁၆ ဦး၊ မင်းပြားမြို့နယ်တွင် သေဆုံးသူ ၁၆ ဦး၊ ကျောက်တော်တွင် ၄ ဦး၊ မြေပုံမြို့နယ်တွင် ၁ ဦး၊ အမ်းမြို့နယ် တွင် ၁ ဦး၊ ပေါက်တောမြို့နယ်တွင် ၂ ဦး၊ ရသေ့တောင်မြို့နယ်တွင် ၅ ဦးဟု ဖော်ပြထားသည်။

အဆိုပါ ရခိုင်အမျိုးသား ပါတီ၏ စာရင်းထဲတွင် ဘူးသီးတောင်တွင် သေဆုံးသွားသော ဘင်္ဂလီ ၁၈ ဦးနှင့် မင်းပြားမြို့နယ်တွင် ဘင်္ဂလီ ၂ ဦး၏ စာရင်း ပါဝင်ခြင်း မရှိပေ။

သို့အတွက် ရေကြီး ရေလျှံမှု ဖြစ်သည်မှာ ၁၅ ရက်ခန့် ကြာမြှင့်လာပြီ ဖြစ်သော်လည်း ရခိုင်ရေဘေးကြောင့် သေဆုံးသူ အရေအတွက်စာရင်းမှာ တိတိကျကျ ထွက်ပေါ်လာခြင်း မရှိဘဲ ကွဲလွဲမှုများ ဖြစ်ပေါ်နေကြောင်း သိရှိရသည်။

No comments: