ဘန်ကောက်ပို့စ်
ထိုင်းနိုင်ငံရောက် နေရပ်စွန့်ပြေးမြန်မာများကို အချိန်သင့်ချိန် လုံခြုံဘေးကင်းစွာနေရပ်ပြန်ခေါ်ရေးအတွက် ထိုင်းနှင့် မြန်မာ နှစ်ဖက်သဘောတူညီမှုရသည်။
ဇွန် ၂၄ ရက်က ထိုင်းနိုင်ငံ အစိုးရအိမ်တော်ရာတွင် ထိုင်းဝန်ကြီးချုပ် ပရာယွတ်ချန်အိုချာနှင့် မြန်မာနိုင်ငံ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့၏ ပူးတွဲသတင်းစာရှင်းလင်းပွဲတွင် ပြောကြားခဲ့သည်။
ဧပြီလ NLD အစိုးရအာဏာရပြီးချိန်မှစကာ ဒေါ်အာင်ဆန်းစုကြည်၏ ပထမဆုံးထိုင်းခရီးစဉ်အဖြစ် ယခုခရီးစဉ်၏ ဇွန် ၂၄ ရက် အစီအစဉ်သည် မြန်မာရွှေ့ပြောင်းအလုပ်သမားများနှင့် နေရပ်စွန့်ထွက်ပြေးလာသည့် ဒုက္ခသည်များအရေးကို ဆွေးနွေးခြင်းဖြစ်သည်။ နှစ်နိုင်ငံ အစိုးရဌာနဆိုင်ရာများကြား ထိုင်းနိုင်ငံတွင် မြန်မာရွှေ့ပြောင်းအလုပ်သမားအရေးပြဿနာအား ဖြေရှင်းနိုင်ရေး ရည်ရွယ်သည့် ပဋိညာဉ် သုံးရပ်ကို လက်မှတ်ရေးထိုးနိုင်ခဲ့သည်။
နေရပ်စွန့်ကာ ထိုင်းနိုင်ငံရောက်နေသည့် မြန်မာဒုက္ခသည်အားလုံးကို သင့်တော်သည့် အချိန်ရောက်ရင် အိမ်ပြန်ခေါ်မည်ဖြစ်ကြောင်း ဒေါ်အောင်ဆန်းစုကြည်က ပြောသည်။
“ကျွန်မတို့ ပြည်သူတွေ အရေးအတွက် ထိုင်းအစိုးရရဲ့ လုပ်ဆောင်ပေးမှုများကို ကျေးဇူးတင်ပါတယ်။ ဒါပေမယ့် ထိုင်းရောက် မြန်မာတွေအနေနဲ့က နိုင်ငံရင်း မြန်မာနိုင်ငံကို ပြန်လာရမှာ ပဲဖြစ်ပါတယ်။”ဟု ဒေါ်အောင်ဆန်းစုကြည်က ပြောပြီး ယင်းကိစ္စက အစိုးရ၏ တာဝန်ပင်ဖြစ်ကြောင်း ဖြည့်စွက်ပြောသည်။
ထို့ပြင် ဒေါ်အောင်ဆန်းစုကြည်က “ထိုင်းနိုင်ငံက ကျွန်မတို့ မြန်မာနိုင်ငံသားအားလုံးအတွက် တာဝန်ယူကြောင်း”လည်း ပြောခဲ့သည်။
ထိုင်းနိုင်ငံတွင် ဒုက္ခသည်စခန်း ကိုးခုရှိကာ မြန်မာဒုက္ခသည်ပေါင်း တစ်သိန်းဝန်းကျင် ရှိနေကြောင်း ခန့်မှန်းထားသည်။
No comments:
Post a Comment