Monday, May 3, 2010

နောင်အရှည်မှန်းလို့ အောင်သပြေကမ်းစို့

ဇင်လင်း

အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က စစ်အစိုးရရဲ့ ရွေးကောက်ပွဲဥပဒေ တရားမျှတမှုမရှိတဲ့အတွက် နိုင်ငံရေးပါတီအဖြစ် မှတ်ပုံမတင်တော့ကြောင်း ပြီးခဲ့တဲ့ မတ်လ (၂၉) ရက်နေ့က ဆုံးဖြတ်လိုက်ပါတယ်။ ပြည်တွင်းပြည်ပ တနံတလျားအထိ အကြီးအကျယ် ဂယက်ရိုက်ခတ်သွားခဲ့ပါတယ်။

အမျိုးသားဒီမိုကရေစီအဖွဲ့ချုပ်အပါအ၀င် ပြည်တွင်းပြည်ပ ဒီမိုကရေစီအင်အားစုများက စစ်အစိုးရရဲ့ ၂၀၀၈ ဖွဲ့စည်းအုပ်ချုပ်ပုံကို ပြန်ပြင်ဖို့ ကန့်ကွက်ပြောဆိုနေကြပေမယ့် စစ်အစိုးရက နားမကြားသလို နေပြခဲ့ပါတယ်။ တချိန်တည်းမှာ စစ်တပ်က လွှတ်တော်နဲ့ အုပ်ချုပ်ရေးအဆင့်ဆင့်မှာ (၄) ပုံ (၁) ပုံ နေရာယူထားပေမယ့် လက်ရှိစနစ်လောက် ဆိုးမည်မထင် ဆိုသူတွေ၊ ဖွဲ့စည်းပုံ မရှိတာထက် ရှိတာက ပိုကောင်းနိုင်တယ်လို့ မစူးမစမ်း ပြောနေသူတွေလည်း ရှိနေပြန်ပါတယ်။ ဒါကြောင့် လူတချို့က “မတ်လ (၂၉) အန်အယ်လ်ဒီ သမိုင်းဝင် ဆုံးဖြတ်ချက်” ကို ဘ၀င်မကျနိုင် နားမလည်နိုင်ဖြစ်နေကြတာ အံ့သြစရာတော့မဟုတ်ပါ။

သမိုင်းဝင် ရှစ်လေးလုံးအရေးတော်ပုံကြီး ဆင်နွှဲခဲ့တာ ဒီနှစ်မှာ (၂၂) နှစ်ပြည့်ပါပြီ။ ဒီအရေးတော်ပုံကို မြန်မာ့မျက်မှောက်သမိုင်းရဲ့ အချိုးအကွေ့ကြီးတခုအဖြစ် မှတ်တမ်းတင်ကြပါတယ်။ ဘာကြောင့်လဲ။ အရေးတော်ပုံကြီးဟာ လူကို လူလို့မမြင်တဲ့ မဆလစစ်အာဏာရှင်စနစ်ကို ဖြိုလှဲနိုင်ခဲ့တယ်။ လွတ်လပ်ရေး၊ တရားမျှတရေးနဲ့ တန်းတူရေးဆိုတဲ့ ဒီမိုကရေစီနဲ့ လူ့အခွင့်အရေး အသိအမြင်တွေကို အရေးတော်ပုံက ရှင်သန်လာစေခဲ့တယ်။ စစ်အာဏာရှင်စနစ်ကို စိန်ခေါ်အန်တုနိုင်တဲ့ လူထုခေါင်းဆောင်တယောက်ကိုလည်း အရေးတော်ပုံက မွေးဖွားပေးခဲ့ပါတယ်။ တဆက်တည်းမှာ အမျိုးသားဒီမိုကရေစီအဖွဲ့ချုပ်နဲ့ ၁၉၉၀ ရွေးကောက်ပွဲရလဒ်တွေဟာလည်း အရေးတော်ပုံရဲ့ အောင်သီးအောင်ပွင့်တွေပါပဲ။ ဒီနေရာမှာ ပိုပြီးအရေးပါတဲ့အချက်က အရေးတော်ပုံရဲ့ သက်ရောက်မှုအရှိန်ကြောင့် မြန်မာ့နိုင်ငံရေး အတွေးအခေါ် အလှည့်အပြောင်း ထူးထူးခြားခြား ဖြစ်ခဲ့ခြင်းပါပဲ။ အဲဒီအလှည့်အပြောင်းက စစ်ဝါဒ၊ စစ်အာဏာရှင်ဝါဒ၊ ‘ပုရိသ ပဓာန၀ါဒ’ လွှမ်းမိုးနေမှုကို တပ်လှန့်စိန်ခေါ်လိုက်တဲ့ အသံလည်းဖြစ်တယ်။ စိန်ခေါ်သူအဖြစ် အရေးတော်ပုံက မွေးထုတ်ပေးလိုက်သူကတော့ ဒေါ်အောင်ဆန်းစုကြည်ပါပဲ။

မြန်မာနိုင်ငံမှာ ‘ပုရိသ ပဓာန၀ါဒ’ ကြီးစိုးနေတာ အတော်ကြာပါပြီ။ လူ့အဖွဲ့အစည်းရဲ့ ဦးဆောင်မှုအခန်းကဏ္ဍတွေမှာ မိန်းမသားတွေကို နေရာမပေးတာ ကြာလှပါပြီ။ ရှေ့နေချုပ်၊ တရားသူကြီးချုပ်၊ ပါမောက္ခချုပ်လို ရာထူးမျိုးမှာတောင် အမျိုးသမီးတွေကို နေရာပေးခဲ့ဖူးတာ မရှိပါဘူး။ ဒု-၀န်ကြီး၊ ၀န်ကြီးဆိုတဲ့ ရာထူးမျိုးကတော့ ပိုဝေးသေးတာပေါ့။ ဒီလိုဖြစ်ရတာ စစ်အာဏာရှင်တွေရဲ့ ပဒေသရာဇ်ဆန်တဲ့ အတွေးအခေါ်ကြောင့်ပါပဲ။ ဒီလိုအခြေအနေမျိုးမှာ ပြည်သူက ‘ဒေါ်အောင်ဆန်းစုကြည်’ ကို လူထုခေါင်းဆောင်အဖြစ် အသိအမှတ်ပြုလိုက်ခြင်းဟာ အရေးကြီးတဲ့ အတွေးအခေါ် အလှည့်အပြောင်းပါပဲ။

ဒီအလှည့်အပြောင်းကို လက်မခံနိုင်တဲ့ စစ်အာဏာရှင် ပုရိသကြီးတစုဟာ ယနေ့ထက်တိုင် ခုခံတိုက်ခိုက်နေတာ တွေ့နေရပါတယ်။ ၂၀၀၈ နာဂစ်ဖွဲ့စည်းပုံမှာ အမျိုးသမီးများကို ပဓာနကျတဲ့ ခေါင်းဆောင်မှုနေရာတွေ ရယူခွင့်မရှိအောင် ပြဋ္ဌာန်းဟန့်တားထားတာဟာ ‘ဒေါ်အောင်ဆန်းစုကြည်’ ကိုသာမက အမျိုးသမီးအားလုံးကိုပါ ခွဲခြားနှိမ့်ချလိုတာကြောင့် ဖြစ်ကြောင်း ထင်ရှားပါတယ်။ ၁၉၉၀ ရွေးကောက်ပွဲရလဒ်ကို နှစ်ပေါင်းများစွာ ငြင်းဆန်လက်မခံခဲ့တာဟာလည်း ဒီအတွေးအခေါ် အလှည့်အပြောင်းတိုက်ပွဲရဲ့ အဆက်ပါပဲ။ ရှစ်လေးလုံး ပြည်သူ့ဒီမိုကရေစီအရေးတော်ပုံရဲ့ တောင်းဆိုချက်က နိုင်ငံရေးပြုပြင်ပြောင်းလဲမှု (Political System Change) ဖြစ်ပါတယ်။ လွတ်လပ်ရေး၊ တရားမျှတရေးနဲ့ တန်းတူရေးဆိုတဲ့ ဒီမိုကရေစီပိုင်ခွင့်ကို တောင်းတာပါ။ ‘တန်းတူရေး’ လို့ ပြောတဲ့နေရာမှာ လူမျိုး၊ လူတန်းစား၊ နိုင်ငံရေးယုံကြည်ချက်နဲ့ ကိုးကွယ်တဲ့ ဘာသာတင်မက ‘လိင်’ ခွဲခြားဆက်ဆံမှု မပြုလုပ်ရေးလည်း ပါဝင်ပါတယ်။

ဒီမိုကရေစီကျင့်စဉ်ရဲ့ အနှစ်သာရဟာ လူ့အခွင့်အရေးဆိုင်ရာ ဥပဒေသများကို အခြေခံပါတယ်။ ဖွဲ့စည်းအုပ်ချုပ်ပုံ အခြေခံဥပဒေဟာ အမျိုးသမီးများကို အမျိုးသားများနဲ့ တန်းတူအခွင့်အရေးပေးရမယ်၊ တန်းတူအကာအကွယ်ပေးရမယ်၊ အမျိုးသမီးများကို နှိမ်ချခွဲခြားဆက်ဆံမှုများမှ အကာအကွယ်ပေးမယ့် လူထုလူတန်းစားဆိုင်ရာ အဖွဲ့အစည်းတွေကိုလည်း လွတ်လွတ်လပ်လပ် ဖွဲ့ခွင့်ပေးရမယ်။ လူပုဂ္ဂိုလ် တဦးတယောက်ကဖြစ်စေ၊ ပါတီအသင်းအဖွဲ့တခုခုကဖြစ်စေ၊ စီးပွားရေး လုပ်ငန်းတခုခုကဖြစ်စေ၊ အမျိုးသမီးများကို ခွဲခြားနှိမ်ချ ဆက်ဆံမှုမပြုနိုင်အောင် အခြေခံဥပဒေက ထိထိရောက်ရောက် အကာအကွယ်ပေးရမှာဖြစ်တယ်။

အမျိုးသမီးများရဲ့ အတွေ့အကြုံ အသိအမြင် အတွေးအခေါ် အစွမ်းအစတွေကို တန်ဖိုးထား နေရာမပေးတဲ့ လူ့အဖွဲ့အစည်းကို ဒီနေ့ခေတ်မှာ ဒီမိုကရေစီ လူ့အဖွဲ့အစည်းအဖြစ် ကမ္ဘာက အသိအမှတ်ပြုမှာ မဟုတ်တော့ဘူး။ ဒီနေ့ ကမ္ဘာ့လူဦးရေထက်ဝက်ဟာ အမျိုးသမီးများဖြစ်တယ်။ ကမ္ဘာ့စားနပ်ရိက္ခာနဲ့ ကုန်စည်ထုတ်လုပ်မှုကို စွမ်းဆောင်တဲ့ လူသားရင်းမြစ်ရဲ့ ထက်ဝက်ဟာလည်း အမျိုးသမီးများဖြစ်ပါတယ်။ နိုင်ငံအသီးသီးမှာ မဲဆန္ဒပေးပိုင်ခွင့်ရှိသူ ထက်ဝက်ဟာလည်း အမျိုးသမီးတွေပဲဖြစ်တယ်။ ဒါကြောင့် နိုင်ငံတခုရဲ့ မူဝါဒချမှတ်သူများ၊ အရေးကြီး ဆုံးဖြတ်ချက် ချမှတ်သူများကို ရွေးချယ်ရာမှာ အမျိုးသမီးတွေကို ချန်ထားဖို့ မဖြစ်နိုင်တော့ဘူး။ ဒါကြောင့် အရေးတော်ပုံက ‘ဒေါ်အောင်ဆန်း စုကြည်’ ကို လူထုခေါင်းဆောင်အဖြစ် အသိအမှတ်ပြုလိုက်ခြင်းဟာ အရေးကြီးတဲ့ အတွေးအခေါ် အလှည့်အပြောင်းဖြစ်တယ်လို့ ပြောနိုင်တာဖြစ်တယ်။

အမျိုးသမီးတွေကို မူဝါဒချမှတ်ခွင့်မရရှိအောင် ပိတ်ပင်ဟန့်တားနေသူများဟာ ပဒေသရာဇ်အတွေးအခေါ်ဟောင်းလက်ခံသူ လက်ရှိစစ်အာဏာရှင်များသာဖြစ်တယ်။ တကယ်တော့ လက်ရှိဗိုလ်သန်းရွှေခေါင်းဆောင်တဲ့ စစ်အုပ်စုက အတွေးအခေါ် အလှည့်အပြောင်း သမိုင်းဖြစ်စဉ်ကို ခုခံအန်တုနေတာဟာ အချည်းအနှီးအားထုတ်မှုသာဖြစ်တယ်။ ဘာကြောင့်လဲ။ “အမျိုးသမီးများအပေါ် ခွဲခြားဖိနှိပ်မှုများ ပပျောက်ရေးဆိုင်ရာ နိုင်ငံတကာသဘောတူညီချက်” The Convention on the Elimination of All Forms of Discrimination against Women (CEDAW) ကို နိုင်ငံပေါင်း (၁၃၀) ရဲ့ ထောက်ခံမှုနဲ့ ကုလသမဂ္ဂအထွေထွေညီလာခံ ဆုံးဖြတ်ချက် (၃၄/၁၈၀) အရ ၁၉၇၉ ဒီဇင်ဘာ (၁၈) မှာ အတည်ပြုထားပြီးဖြစ်တယ်။ ဒီသဘောတူညီချက်ကို မြန်မာနိုင်ငံကလည်း လက်မှတ်ရေးထိုးထားပြီးဖြစ်လို့ လိုက်နာကျင့်သုံးရမယ့် တာဝန်ရှိတယ်။ လက်မှတ်ရေးထိုးထားတဲ့ အဖွဲ့ဝင်နိုင်ငံတွေဟာ အမျိုးသမီးများကို အမျိုးသားများနဲ့တန်းတူ အခြေခံနိုင်ငံသားရပိုင်ခွင့်၊ အခြေခံလူ့အခွင့်အရေးရပိုင်ခွင့်တွေ ပေးရမှာဖြစ်တယ်။ နိုင်ငံ့အရေးအရာကိစ္စတွေကို စီမံခန့်ခွဲဆုံးဖြတ်ရာမှာလည်း အမျိုးသမီးတွေကို တန်းတူပါဝင်ခွင့်ပေးရမှာဖြစ်တယ်။

လက်ရှိ ပါလီမန်လွှတ်တော်များသမဂ္ဂ (အိုင်ပီယူ) ရဲ့ သုတေသနပြုချက်အရ နိုင်ငံတကာ ပါလီမန်လွှတ်တော်တွေမှာ အမျိုးသမီးလွှတ်တော်ကိုယ်စားလှယ် (၈,၀၁၇) ယောက်ရှိပြီး၊ အမျိုးသားလွှတ်တော်ကိုယ်စားလှယ်က (၃၆,၀၀၆) ဦး ရှိတာကြောင့် ပါလီမန်လွှတ်တော်များမှာ အမျိုးသမီးကိုယ်စားပြုမှု (၁၈.၂) ရာခိုင်နှုန်းရှိပါတယ်။ ဒီမိုကရေစီစနစ်ကျင့်သုံးတဲ့ နိုင်ငံ (၁၈၉) နိုင်ငံအနက် နိုင်ငံ (၃၀) မှာ အမျိုးသမီးခေါင်းဆောင်တွေ ဦးဆောင်နေတာလည်း တွေ့ရပါတယ်။ ဒါက ကမ္ဘာမှာဖြစ်ပေါ်နေတဲ့ အမျိုးသမီးအခွင့်အရေးဆိုင်ရာ သမိုင်းဖြစ်ပေါ်တိုးတက်မှု ညွှန်းကိန်းဖြစ်တယ်။ ဒီသမိုင်းပင်မရေစီးကို ခုခံဆန့်ကျင်နေခြင်းဟာ မိုက်မဲမှုသက်သက်ပါပဲ။

ဒီနေရာမှာ အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ရဲ့ မတ်လ (၂၉) ရက်နေ့ ဆုံးဖြတ်ချက်ကို ပြန်ကောက်ကြည့်ရအောင်။ စစ်အစိုးရရဲ့ ရွေးကောက်ပွဲဥပဒေ တရားမျှတမှုမရှိတဲ့အတွက် နိုင်ငံရေးပါတီအဖြစ် မှတ်ပုံမတင်တော့ဘူးလို့ အန်အယ်လ်ဒီက ကြေညာလိုက်တာဟာ ပါတီကို ဖျက်သိမ်းလိုက်ခြင်း အလျဉ်းမဟုတ်ဆိုတာ ဦးစွာသဘောပေါက်ဖို့လိုပါတယ်။ ဒါဟာ တိုက်ပွဲနည်းဗျူဟာ ပြောင်းလိုက်ခြင်းသာ ဖြစ်တယ်။ အန်အယ်လ်ဒီက လူထုနဲ့ပိုပြီး နီးနီးကပ်ကပ် လက်တွဲအလုပ်လုပ်နိုင်ဖို့ လုပ်ဟန်ပြောင်းလိုက်တဲ့သဘော ဖြစ်ပါတယ်။

အဖွဲ့ချုပ်ဟာ စတင်ဖွဲ့စည်းစဉ်ကတည်းက ဒီမိုကရေစီရေး၊ လူ့အခွင့်အရေးနဲ့ အာဏာရှင်မဟုတ်တဲ့ ဒီမိုကရေစီအစိုးရများ ပေါ်ပေါက်ရေးအတွက် အကြမ်းမဖက်တဲ့နည်းနဲ့ အမျိုးသားရင်ကြားစေ့ရေးကို မျက်နှာမူ အားထုတ်ခဲ့တာတွေ့နိုင်ပါတယ်။ ဒါပေမယ့် အန်အယ်လ်ဒီဟာ ကမ္ဘာမှာ အမြော်အမြင်အမဲ့ဆုံး၊ အရက်စက် အကြမ်းကြုတ်ဆုံး၊ စစ်အာဏာရှင်စနစ်နဲ့ ရင်ဆိုင်နေရတဲ့အတွက် ထင်သလောက် ခရီးမပေါက်တာ အမှန်ပါပဲ။ အန်အယ်လ်ဒီကလည်း ၀န်ခံပြီးပါပြီ။ ဒါပေမယ့် စစ်အစိုးရရဲ့ နာဂစ်ဖွဲ့စည်းပုံနဲ့ နိုင်ငံရေးပါတီများ မှတ်ပုံတင်ဥပဒေကို ရဲရဲရင့်ရင့် ငြင်းဆန်လိုက်တာဟာ အန်အယ်လ်ဒီအနေနဲ့ လူထုက လွှဲအပ်ထားတဲ့ အရေးတော်ပုံတိုက်ပွဲအလံကို ပိုမိုမြင့်မြင့်မားမား လွှင့်တင်လိုက်တာသာ ဖြစ်တယ်။ အာဏာရှင် ခြိမ်းခြောက်မှုကြောင့် အညံ့ခံ ဒူးထောက်သွားမှာမဟုတ်ဆိုတာ ပြသလိုက်တာဖြစ်တယ်။ အရေးတော်ပုံအလံ မလှဲသမျှ တိုက်ပွဲဆက်ရှိနေမယ်။ လူထုဆန္ဒကို အခြေခံထားတဲ့ အဖွဲ့ချုပ်မူဝါဒလည်း ဆက်လက်ရှင်သန်နေမှာဖြစ်တယ်။

အန်အယ်လ်ဒီဟာ လူထုတိုက်ပွဲထဲက ပေါ်ထွက်လာတဲ့ လူထုပါတီဖြစ်ပါတယ်။ စစ်အာဏာဘောင်ထဲမှာ မှတ်ပုံမတင်ရုံနဲ့ အန်အယ်လ်ဒီ ပျက်သုဉ်းသွားပြီလို့ သုံးသပ်နေသူတွေ သတိမူသင့်တဲ့အချက်က အန်အယ်လ်ဒီဟာ ဒီအရေးကြီး ဆုံးဖြတ်ချက်ကို မချမီ အောက်ခြေလူထုထဲမှာ သဘောထားကောက်ခံမှု လုပ်ခဲ့သေးတယ် ဆိုတာပါပဲ။ ဒေါ်အောင်ဆန်းစုကြည် ကိုယ်တိုင်လည်း ဒီအချက်ကို အလေးအနက် ထားခဲ့ပုံရပါတယ်။ ဒါကြောင့် ဒီဆုံးဖြတ်ချက်ဟာ ဒေါ်စုတဦးတည်းရဲ့ တင်ကြိုသဘောထားဖော်ပြမှုကြောင့် ဖြစ်လာရတယ်လို့ ဝေဖန်ရင် လုံးဝမှားပါတယ်။ နောက် သတိပြုသင့်တဲ့အချက်က ဒီဆုံးဖြတ်ချက်ဟာ ရေစီးအတိုင်း ရေသာခို မျှောလိုက်သွားတဲ့ သဘောမဟုတ်ဘူးဆိုတာပါပဲ။ ရေရှည်အမြင်နဲ့ ရေဆန်ကို ဆန်တက်လိုက်တာပါ။ ဆင်သေကောင်ကို စီးပြီး လိုက်ပါသွားတဲ့ ကျီးမိုက်မဟုတ်တာ သေချာပါတယ်။

၁၉၉၁ ခုနှစ် စာရေးသူ အင်းစိန်ထောင်အတွင်းရှိစဉ်က စစ်ဗိုလ်ဟောင်း အန်အယ်လ်ဒီအမတ်တဦးရဲ့ ဝေဖန်ချက်ကို အခုထိ မှတ်မိနေပါတယ်။ သူက ဒေါ်စုအနေနဲ့ ခေါင်းမာမနေဘဲ အင်္ဂလန်ပြန်သွားလိုက်ရင် သိပ်ကောင်းမှာပဲတဲ့။ ဒါဆိုရင် အန်အယ်လ်ဒီထဲက စစ်ဗိုလ်ဟောင်း ခေါင်းဆောင်များနဲ့ စစ်အစိုးရခေါင်းဆောင်များအကြား စေ့စပ်ညှိနှိုင်းလို့ရဖို့ အခွင့်အလမ်းများတယ်လို့ ဆိုပါတယ်။ သူက ဒေါ်စုကို အချောင်လမ်း လိုက်စေချင်တဲ့သဘောပါ။ ဒီအမြင်မျိုးက စိတ်ဓာတ်ကျနေသူတွေ၊ နိုင်ငံရေးအတွေးအခေါ် ချွတ်ခြုံကျနေသူတွေ၊ အချောင်သမားတွေမှာသာ ရှိတတ်တာဖြစ်တယ်။

ဒီနေ့ မြန်မာ့ဒီမိုကရေစီအရေးတော်ပုံကို ကမ္ဘာက အာရုံစိုက်လာတာဟာ အရေးတော်ပုံက မွေးထုတ်လိုက်တဲ့ ဒေါ်အောင်ဆန်းစုကြည်လို သန္နိဋ္ဌာန်ခိုင်မာ ရဲရင့်ထက်မြက်တဲ့ ခေါင်းဆောင်ကြောင့်ဖြစ်တယ်ဆိုတာ ငြင်းစရာ မလိုတဲ့ကိစ္စဖြစ်တယ်။ ဒေါ်စုသာ အင်္ဂလန်ပြန်သွားလိုက်ရင် အရေးတော်ပုံဟာ ခေါင်းဆောင်မှု အကျပ်အတည်း မလွဲမသွေ ကြုံရမှာဖြစ်တယ်။ ဒီလိုသာဖြစ်ခဲ့ရင် အမြတ်ထွက်မှာက စစ်အာဏာရှင်ပဲဖြစ်လိမ့်မယ်။ ဒီကနေ့ နှစ်ပေါင်း (၂၀) ကျော်ပေမယ့် အရေးတော်ပုံစိတ်ဓာတ် မှေးမှိန်မသွားသေးတာ အထင်အရှားပါပဲ။

အရေးတော်ပုံ မအောင်မြင်သေးတာနဲ့ ပတ်သက်လို့ အန်အယ်လ်ဒီနဲ့ ဒေါ်စုကိုပဲ အပြစ်ဖို့ကြမယ်ဆိုရင် အလွန်အမြင်ကျဉ်းရာ ကျပါလိမ့်မယ်။ အလားတူ ဒေါ်စုကို ဝေဖန်သူနောက်တဦးက Living Color မဂ္ဂဇင်းနဲ့ The Voice ဂျာနယ်ထုတ်ဝေသူ ဒေါက်တာနေ၀င်းမောင် (ဆောင်းပါးဆရာ အောင်ထွဋ်) ဖြစ်ပါတယ်။ သူက “ကျနော်သာ ဒေါ်အောင်ဆန်းစုကြည် နေရာမှာရှိခဲ့ရင် နံပါတ်တစ်က ဘာလုပ်မလဲဆိုတော့ ဒီ Road Map အတိုင်း လိုက်သွားလိုက်မယ်” လို့ မဇ္ဈိမသတင်းနဲ့ အင်တာဗျူးမှာ ပြောသွားတယ်။ ဒါ့အပြင် သူက အန်အယ်လ်ဒီအနေနဲ့ စစ်အစိုးရအခြေခံဥပဒေကို ထောက်ခံဖို့၊ ရွေးကောက်ပွဲဝင်ပြိုင်ဖို့၊ ပြိုင်တဲ့အခါ လွှတ်တော်နှစ်ရပ်မှာ တဝက်သာ ဝင်ပြိုင်ဖို့ စသဖြင့်လည်း အကြံပြုထားတယ်။ ရေစီးအတိုင်း ရေသာခို မျှောလိုက်သွားရေး သဘောပါပဲ။

ဒါပေမယ့် ဒေါက်တာနေ၀င်းမောင် သတိလွတ်နေတဲ့ အချက်က ဒေါ်အောင်ဆန်းစုကြည်ဟာ လူထုအရေးတော်ပုံက မွေးထုတ်လိုက်တဲ့ ကိုယ်ကျိုးစွန့်ခေါင်းဆောင်ဖြစ်ပြီး သူက လူထုအရေးတော်ပုံစည်းဝိုင်းအပြင်ကလူ ဖြစ်တဲ့အချက်ပါပဲ။ ဆိုလိုတာက ဒေါ်စုက ဒီနေ့မြန်မာ့နိုင်ငံရေး လက်တွေ့နယ်ပယ်ထဲမှာ သော့ချက်နေရာ ရောက်ရှိနေသူ၊ လူထုယုံကြည်ကိုးစားမှုကို ဦးထိပ်ရွက်ထားရသူဖြစ်တယ်။ သူကတော့ သူ့အကျိုးစီပွားကို ငဲ့ကွက်ပြီး စစ်အာဏာပိုင်များနဲ့ အလွမ်းသင့်အောင်နေရသူ၊ နိုင်ငံရေးလက်တွေ့နယ်ပယ်ထဲမှာ မရှိသူဖြစ်နေခြင်းပါပဲ။ ဒါကြောင့် ဒေါ်စုရဲ့ စဉ်းစားဆုံးဖြတ်ပုံကို နေ၀င်းမောင် ဉာဏ်မမီနိုင်လို့ဆိုပါရစေ။

အန်အယ်လ်ဒီလည်း အလားတူပါပဲ။ လူထုတိုက်ပွဲအရေးတော်ပုံထဲက ပေါက်ဖွားလာတဲ့ ပါတီဖြစ်တယ်။ ကိုယ်မယုံကြည်တဲ့ အာဏာရှင်အကြိုက် ဖွဲ့စည်းပုံနဲ့ ရွေးကောက်ပွဲဥပဒေတွေကို ကာကွယ်စောင့်ရှောက်ပါမယ်လို့ သစ္စာဆိုလိုက်ရင် မူမရှိတဲ့ပါတီ၊ အချောင်လမ်းလိုက်တဲ့ ပါတီ၊ ၁၉၉၀ လူထု Mandate ကို စွန့်ပစ်တဲ့ပါတီဖြစ်သွားမယ်။ ဒါကြောင့် အန်အယ်လ်ဒီရဲ့ လက်ရှိဆုံးဖြတ်ချက်ဟာ နိုင်ငံရေးလက်တွေ့အပေါ် အခြေခံပြီး ရေရှည်တိုက်ပွဲအတွက် နည်းဗျူဟာအသစ် ပြင်ဆင်တာ ဖြစ်တယ်။ လူထုနဲ့ ပိုမိုထိတွေ့ ပေါင်းစပ်နိုင်ဖို့ အားထုတ်တာဖြစ်တယ်။ ပါတီဖျက်သိမ်းတာ လုံးဝမဟုတ်ကြောင်း မြင်ဖို့လိုတယ်။ ဒီနေရာမှာ ၂၀၀၃ ခုနှစ် (၅၅) နှစ်မြောက် လွတ်လပ်ရေးနေ့အခမ်းအနားမှာ ဒေါ်အောင်ဆန်းစုကြည် ပြောခဲ့တဲ့ မိန့်ခွန်းတပိုဒ်ကို လေ့လာကြည့်စေချင်တယ်။

“နိုင်ငံကို အကျိုးပြုမယ့် အဖွဲ့အစည်းတခုဆိုတာဟာ ပထမဦးဆုံးအားဖြင့် နိုင်ငံနဲ့ နိုင်ငံသူနိုင်ငံသားများအပေါ်မှာ ထားတဲ့ စေတနာဟာ မှန်ရမယ်။ ဇွဲ၊ လုံ့လ၊ ၀ိရိယရှိရမယ်။ ကိုယ်မှန်ကန်တယ်ထင်တဲ့ ကိစ္စတွေအပေါ်မှာ ရပ်တည်ပြီးတော့ သတ္တိရှိရှိနဲ့ လုပ်ရဲရမယ်။ ကိုယ်ကျိုးမရှာရဘူး။ ဒါ အခုကတည်းက ကျမတို့ အမျိုးသားဒီမိုကရေစီအဖွဲ့ချုပ်ဝင်တွေအားလုံးကို သတိပေးပါရစေ။ နေရာလိုချင်လို့၊ အခွင့်အရေးလိုချင်လို့ဆိုတဲ့ စိတ်ဓာတ်တွေ မထားပါနဲ့။ ကျမတို့အဖွဲ့အတွင်းမှာတောင်မှ နေရာလိုချင်တဲ့ ဟာလေးတွေ ကျမတို့ တွေ့နေရတယ်။ အခုကတည်းကနေပြီးတော့ ဒီစိတ်တွေ ဖျောက်ပါ။ ဒီစိတ်တွေ မွေးထားလို့ရှိရင် ပိုပြီးတော့ ကြီးထွားလာလို့ရှိရင် တနေ့မှာ ပြဿနာဖြစ်ပါလိမ့်မယ်။ နေရာလိုချင်လို့ အခွင့်အရေးလိုချင်လို့ နိုင်ငံရေးလုပ်တဲ့လူလောက် တိုင်းပြည်အတွက် အကျိုးယုတ်စေတဲ့သူမျိုး မရှိဘူးဆိုတာကို စွဲမှတ်ထားကြပါ။ ကျမတို့အဖွဲ့ချုပ်ထဲမှာ ဒီလိုလူတွေကို ဘယ်တော့မှ ကြာကြာထားမှာ မဟုတ်ပါဘူး။ တိုင်းပြည်အတွက် စေတနာမမှန်ဘူးဆိုတာ ပေါ်လာလို့ရှိရင် ဒီလိုပုဂ္ဂိုလ်တွေကို အဖွဲ့ချုပ်ထဲကနေ ဖယ်ထုတ်လိုက်ရမှာပဲ။ ကျမတို့အဖွဲ့ချုပ်ထဲမှာ ဒီလိုပုဂ္ဂိုလ်တွေ သိပ်များလာပြီဆိုရင် အဖွဲ့ချုပ်တခုလုံးကိုတောင် ဖျက်လိုက်ရမှာပဲ။ နိုင်ငံအကျိုးအတွက် ဒီအဖွဲ့ချုပ်ကို စွန့်ဖို့ရာ ကျမတို့ လုံးလုံးဝန်မလေးပါဘူး။ နိုင်ငံအကျိုးကို ဆက်ပြီးတော့ ထမ်းဆောင်သွားမှသာ ဒီအဖွဲ့ချုပ်ဟာ ရပ်တည်ပိုင်ခွင့်ရှိတာပါ။”

ဒေါ်အောင်ဆန်းစုကြည် နှိုးဆော်ထားသလို လက်ရှိနိုင်ငံရေးနယ်ပယ်မှာ ပါဝင်ပတ်သက်နေသူတို့အနေနဲ့ နိုင်ငံနဲ့ နိုင်ငံသူနိုင်ငံသားများအပေါ်မှာထားတဲ့ မိမိတို့စေတနာ မှန်မမှန် ဆန်းစစ်မိကြပါရဲ့လား။ အကျိုးမျှော်စိတ်၊ အခွင့်အရေးမျှော်စိတ်တွေ ပယ်သတ်နိုင်ခဲ့ကြပါရဲ့လား။ ‘နေရာလိုချင်လို့ အခွင့်အရေးလိုချင်လို့ နိုင်ငံရေးလုပ်တဲ့လူလောက် တိုင်းပြည်အတွက် အကျိုးယုတ်စေတဲ့သူမျိုး မရှိဘူးဆိုတာကို စွဲမှတ်ထားကြပါ’ ဆိုတဲ့ စကားဟာ အလွန်မှန်ပါတယ်။ အရေးတော်ပုံ တပ်သားများအကြားက အဓိက မသင့်မြတ်မှုတွေဟာ နေရာလုတာ အခွင့်အရေးလုတာက အစပျိုးတာပါပဲ။ ဒီနေ့ထက်ထိ အရေးတော်ပုံ ကြန့်ကြာနေရတာဟာ အထွေထွေညီညွတ်ရေး အားနည်းမှုလည်း တကြောင်းဖြစ်ပါတယ်။ နိုင်ငံ့အကျိုးထက် ကိုယ်ကျိုးရှေ့တန်းတင် စဉ်းစားရင် လုပ်ဖော်ကိုင်ဖက် အချင်းချင်းအကြား စိတ်ဝမ်းကွဲတတ်တာ သဘာဝပါပဲ။ ဒေါ်စုက သူ့မျှော်မှန်းချက်ကို အခုလို ဖော်ပြဖူးပါတယ်။

“ပြည်သူလူထုအတွက် ကျမ အလိုချင်ဆုံးကတော့ စစ်မှန်တဲ့ လွတ်လပ်ခွင့်အောက်မှာ လုံလုံခြုံခြုံနေရဖို့နဲ့ စစ်မှန်တဲ့ လုံခြုံမှုအောက်မှာ လွတ်လွတ်လပ်လပ် နေထိုင်နိုင်ဖို့ပါပဲ။ အကြောက်တရားကြီးစိုးမှု အနှောင်အဖွဲ့တွေကို ဖယ်ရှားနိုင်တဲ့ လူထုအဖြစ် ကျမ မြင်တွေ့လိုပါတယ်။ လွတ်လပ်တဲ့ လူသားတွေအဖြစ် မြန်မာပြည်သူတွေ ခေါင်းမော့ရင်ကော့နေနိုင်တာကို ကျမ မြင်တွေ့လိုပါတယ်။ ကျမတို့အားလုံးအတွက် ပိုပြီးသာယာချမ်းမြေ့တဲ့၊ ပိုပြီးလုံခြုံမှုရှိတဲ့ လူ့ဘောင်တခုကို စည်းစည်းလုံးလုံး ပျော်ပျော်ရွှင်ရွှင် ကြိုးပမ်းတည်ဆောက်နေကြတာကို ကျမ မြင်တွေ့လိုပါတယ်။” (“လွတ်လပ်မှုကိုပဲ ကျမတို့ လိုချင်တယ်” Parade မဂ္ဂဇင်း၊ မတ်လ ၉ ရက် ၂၀၀၃)

၁၉၈၈ ဒီမိုကရေစီအရေးတော်ပုံကြီး ဆင်နွှဲခဲ့တာ (၂၂) နှစ်ရှိပါပြီ။ အောင်ပွဲမရသေးတာမှန်ပေမယ့် အရေးတော်ပုံ ရှင်သန်နေဆဲရှိပါတယ်။ အထက်မှာဆိုခဲ့သလို အရေးတော်ပုံက စွမ်းအားတွေ အများအပြား ပေးခဲ့ပါတယ်။ ကြီးမားတဲ့ အတွေးအခေါ်အလှည့်အပြောင်းကို အရေးတော်ပုံက ဖန်တီးနိုင်ခဲ့တယ်။ စစ်အာဏာရှင်တွေကို ကြောက်ဒူးတုန်စေတဲ့ ဒီမိုကရေစီခေါင်းဆောင်ကိုလည်း မွေးဖွားပေးခဲ့တယ်။ ဒီမိုကရေစီခေါင်းဆောင်နဲ့အတူ လူထုကိုယ်စားပြု အရေးတော်ပုံပါတီ အန်အယ်လ်ဒီကိုလည်း ပေါ်ထွန်းစေခဲ့တယ်။ အန်အယ်လ်ဒီနဲ့အတူ လူငယ်မျိုးဆက်သစ်တွေလည်း မွေးထုတ်ပေးခဲ့တယ်။ ဒါကြောင့် ဒေါ်အောင်ဆန်းစုကြည်ရဲ့ ထူးချွန်ထက်မြက်တဲ့ ခေါင်းဆောင်မှု၊ လူငယ်မျိုးဆက်သစ်ရဲ့ နိုးကြားတက်ကြွမှုတို့နဲ့အတူ အန်အယ်လ်ဒီဟာ သူ့တာဝန်ကျေပွန်သည်အထိ ဆက်လက်တိုက်ပွဲဝင်ဦးမှာ အသေအချာဖြစ်ပါတယ်။

လူတယောက်သက်တမ်းနဲ့ ချိန်ထိုးကြည့်ရင်တော့ နှစ်ပေါင်း (၂၀) ဆိုတဲ့ကာလဟာ ကြာပေတာပေါ့။ ဒါပေမယ့် နိုင်ငံတခု လွတ်မြောက်ရေးအတွက်ကျတော့ လုံလောက်တဲ့ ကာလလို့ မဆိုနိုင်ဘူး။ သမိုင်းအလှည့်အပြောင်းနဲ့ တဆက်တစပ်တည်းရှိနေတဲ့ နိုင်ငံရေးတိုက်ပွဲတိုင်းဟာ အချိန်ယူရတတ်ပါတယ်။ ဥပမာ - သမ္မတ ‘အေဗရာဟင် လင်ကွန်း’ လက်ထက် ၁၈၆၅ မှာ ငွေဝယ်ကျွန်စနစ် ဖျက်သိမ်းတဲ့ ဥပဒေပြဋ္ဌာန်းခဲ့တယ်။ ဒါပေမယ့် နှစ်ပေါင်း (၁၀၀) ကျော် ကြာပြီး လူမည်း လူ့အခွင့်အရေးခေါင်းဆောင် ‘မာတင်လူသာကင်း’ ခေတ်အထိ လူမည်းအခွင့်အရေး ပြည့်ပြည့်၀၀ရဖို့ သွေးမြေကျခံ တိုက်နေခဲ့ကြရတုန်းပဲ။

၁၇၈၉ ခုနှစ် ပြင်သစ်တော်လှန်ရေးရဲ့ ဦးတည်ချက်က ‘သက်ဦးဆံပိုင်ဘုရင်စနစ် ဖျက်သိမ်းရေး၊ ဒီမိုကရေစီသမ္မတနိုင်ငံ ထူထောင်ရေး’ ဖြစ်တယ်။ ဒါပေမယ့် ၁၈၇၀ ပြင်သစ်-ပရပ်ရှားစစ်ပွဲမှာ တတိယ နပိုလျံဘုရင် စစ်ရှုံးပြီးမှ အခက်အခဲတွေကြားက ‘တတိယ ဒီမိုကရေစီသမ္မတနိုင်ငံ’ ထူထောင်နိုင်ခဲ့တယ်။ ကမ္ဘာစစ် (၂) ခုပြီးမှ ၁၉၄၆ မှာ ‘စတုတ္ထ ဒီမိုကရေစီသမ္မတနိုင်ငံ’၊ ၁၉၅၈ ပဉ္စမ ဖွဲ့စည်းပုံရေးဆွဲပြီးမှ ‘ပဉ္စမ ဒီမိုကရေစီသမ္မတနိုင်ငံ’ ထူထောင်နိုင်ခဲ့တာ ယနေ့ခေတ်အထိဖြစ်တယ်။ အဲဒီသမိုင်းတွေနဲ့ နှိုင်းချိန်ကြည့်ရင် မြန်မာနိုင်ငံ ရုန်းကန်အားထုတ်ရတဲ့ အချိန်ကာလခရီးတာကို ကြာလှတယ်လို့ ဆိုဖို့ခက်ပါတယ်။ ဒါကြောင့် နိုင်ငံရေးပြုပြင်ပြောင်းလဲမှု (Political System Change) အတွက် အန်အယ်လ်ဒီ ရှေ့ဆက်ရမယ့် ခရီးမှာ လူထုက ဆက်လက်ဝန်းရံပေးဖို့ လိုပါတယ်။ အန်အယ်လ်ဒီဟာ လူထုပါတီဖြစ်လို့ မူလဒီမိုကရေစီရည်မှန်းချက် အောင်သည်အထိ မတွန့်မဆုတ် ဆက်လက်ဝန်းရံကြဖို့လိုပါတယ်။

ကဗျာတပုဒ်နဲ့ ဆောင်းပါးကို နိဂုံးချုပ်ပါရစေ။ ကဗျာရှင်က ဆရာ ဟံသာဝတီ ဦးဝင်းတင် ဖြစ်ပါတယ်။ ၁၉၉၅ စစ်ခွေးတိုက်မရောက်မီအချိန်လောက်က အင်းစိန်ထောင်တွင်းထုတ် ဒီလှိုင်းစာစောင်မှာ ပါခဲ့တယ် ထင်ပါတယ်။ အဓိပ္ပာယ်ရော ကာရန်ပါ လှပလို့ မှတ်ဉာဏ်မှာ ကျန်နေတဲ့ ကဗျာပါ။

“အောင်သပြေကမ်းစို့”

• ဒို့အမျိုးသားတွေ
ပေါင်းစည်းစုလို့
ကောင်းချီးပြုစို့
ဒီမိုကရေစီ။

• တိုင်းရင်းသားတွေ
ညီနောင်သင့်လို့
ပြည်ထောင်မြှင့်စို့
ခွင့်တူညီ။

• ဒို့ပြည်သူတွေ
နောင်အရှည်မှန်းလို့
အောင်သပြေကမ်းစို့
အန်အယ်လ်ဒီ။

(ဟံသာဝတီ ဦးဝင်းတင်)






မွန်ဒုက္ခသည်ခလေးများနှင့်အမျိုးသမီးများကျန်းမာရေးပြဿနာများရင်ဆိုင်နေရ

ကိုသိုက်၊ ကောင်းဝါ

ထိုင်းမြန်မာနယ်စပ်၌ရှိသည့် ခလော့ဟနီဒုက္ခသည်စခမ်းကို တိမ်းရှောင်လာသော မွန်ပြည်သစ်ပါတီ ဗဟိုဌာနချုပ်ဝန်းကျင်ဒေသမှ မွန်ဒုက္ခသည်များအတွင်း ခလေးငယ်တွေနှင့်အမျိုးသမီးများသည် ကျန်းမာရေး ဆိုင်ရာပြသနာများနှင့် စတင်ရင်ဆိုင်နေရပြီးဟု ကျန်းမာရေးဝန်ထမ်းတစ်ဦးမှ ပြောပါသည်။

ခလော့ဟနီ ဒုက္ခသည် စခမ်းကို တိမ်းရှောင် လာသည့် မွန်ဒုက္ခသည် များသည် သောက်သုံးရေ အခက်အခဲ နှင့် ရင်ဆိုင်နေရ သလို ဆိုးဝါးသည့် ရာသီဥတု အပူဒါဏ်ကို ခံနေရသည်ဟု ဒုက္ခသည်များ မှပြောပါသည်။

ယခုအချိန် တွင် ခလေးငယ်များနှင့်အမျိုးသမီးများသည် နယ်စပ်ဒေသ၏ ငှက်ဖျားရောဂါဒါဏ် စတင်ခံစားနေရပြီးဟု ကျန်းမာ ရေးမှူးတစ်ဦးဖြစ်သူ မွန်အမျိုးသမီးအဖွဲ့အအတွင်းရေးမှူးမိဧကရီနွန်ကိုမေးမြန်းခဲ့ရာတွင်ယခုလိုပြောသည်။

“ကျွန်မတို့ခလော့ဟနီစခမ်းမှာ (၅)နှစ်အောက်ခလေးငယ်(၁၄)ဦးလောက်ဟာ အပူအဖျားတက် နေတယ်ပေါ့နော်။ အဖျားတက်ပြီးချောင်းဆိုးနေပါတယ်။ ပြီးတော့ အမျိုးသမီး(၁၁)ဦး လောက်ကတော့ အဖျားတက်နေတယ်။ အဲဒီအထဲမှာ ကိုယ်ဝန် (၅)လလောက်ရှိတဲ့ အမျိုးသမီးတစ်ဦးကလဲပါဝင်နေပါတယ်။” တိမ်းရှောင်လာသည့်ဒုက္ခသည်အမျိုးသမီးများထဲတွင် ကိုယ်ဝန်ဆောင်အမျိုးသမီး(၉)ယောက်လောက် ရှိသည်ဟုမိဧကရီနွန်မှပြောပါသည်။ အဆိုပါဒုက္ခသည်များကို ခလော့ဟနီစာသင်ကျောင်းတွင် နေရာချထား ပေးခဲ့သောလည်း ရောက်ရှိလာသည့်လူဦးရေနှင့် အိမ်သာလုံလောက်မှုမရှိသောကြောင့် ရေရှည်တွင် ဝမ်းရောဂါအပြင် အခြားကူးစက်ရောဂါဖြစ်ပွါးနိုင်မည်ဟု မိဧကရီနွန်မှ ပြောပါသည်။

မွန်ပြည်သစ်ပါတီနှင့်စစ်အစိုးရတို့အကြား စစ်ရေးအရတင်းမာမှုမရှိသေးသော်လည်း ဒေသခံကျေးရွာ သားများသည် ၄င်းတို့အတွက်ဘေးရန်လုံခြုံမည့် နယ်စပ်ဘက်သို့ ဧပြီလ(၂၂)ရက်နေ့မှ အခုအထိ တိမ်းရှောင် ရောက်ရှိနေဆဲဟုစခမ်းကော်မီတီတစ်ဦးမှပြောပါသည်။ ရောက်ရှိလာသောဒုက္ခသည်ရွာသားများကို မွန်ကယ်ဆယ် ရေးနဲ့ဖွံ့ဖြိုးရေးကော်မီတီနှင့် နယ်မြေခံNGO အဖွဲ့များမှ လိုအပ်သောအစားအစာ ဆေးဝါးများကို ကူညီပံ့ပိုး နေသော်လည်း လုံလောက်မှုမရှိသေးဟု ကယ်ဆယ်ရေးအဖွဲ့ဝင်တစ်ဦးမှပြောပါသည်။ ယခုလို ရာသီဥတု ကူးပြောင်းသည့်ကာလတွင် အမျိုးသမီးများနှင့်ခလေးများအတွက် ရေရှည်တွင် ကူးစက်ရောဂါဒါဏ်တွေကို ဆိုးရွားစွာခံနေရအုံးမည်ဟု ကျန်းမာရေးမှူးတစ်ဦးဖြစ်သူ မွန်အမျိုးသမီးအဖွဲ့၏ အတွင်းရေးမှူး မိဧကရီနွန်မှ ပြောပါသည်။

အမှောင်ကမ္ဘာအတွင်းမှ ငိုရှိုက်သံ

မင်းဟန်

(မေလ ၁ ရက်နေ့တွင် ကျရောက်သော ကမ္ဘာ့အလုပ်သမားနေ့သို့ …..)

(က)
ကျွန်နှင့် ကျွန်ပိုင်ရှင်….။
မြေယာလုပ်သားနှင့် မြေပိုင်ရှင်….။
စက်ရုံအလုပ်သမားနှင့် စက်ရုံပိုင်ရှင်…..။

လူတန်းစား ၂ ရပ်နှင့် သူတို့၏ ပဋိပက္ခတိုက်ပွဲက သွေးမတိတ်သည့် အနာအဖြစ်နှင့် ယနေ့တိုင် အသွင်သဏ္ဍာန်တမျိုးမျိုးနှင့် ရှိနေမြဲ။ ပြဿနာက …. အလေးအပေါ့၊ အပျော့အပြင်း၊ အထူအပါးသာလျှင် ခြားနားမည်။ ပျောက်ကွယ်သွားလိမ့်မည်ကား မဟုတ်….။

ဘုံအကျိုးစီးပွားတခုအပေါ်၌ အကျိုးတူပေါင်းဖက် လုပ်ကိုင်နေကြသည့် လုပ်ဖော်ကိုင်ဘက်များ ဖြစ်သည်ဟူ၍ သဘောထား၊ မထားရှိနိုင်သ၍ ရှိနေမည်ပင်…။

ထိုင်းနိုင်ငံအတွင်း တနံတလျား၊ လှည်းနေလှေအောင်း မြင်းဇောင်းမကျန် ဝင်ရောက်၍ အလုပ်လုပ်ကိုင်နေကြသည့် မြန်မာနိုင်ငံသား အလုပ်သမားများအတွင်း၌က …. ၂ မျိုး ၂ စား ရှိ၏။ ထိုင်းအစိုးရ၏ တရားဝင်နေထိုင်ခွင့်နှင့် အလုပ်လုပ်ကိုင်ခွင့် ရရှိထားကြသည့် မြန်မာအလုပ်သမားများနှင့် တရားမဝင် ဝင်ရောက်၍ လုပ်ကိုင်နေကြရသည့် မြန်မာအလုပ်သမားများဟူ၍ ဖြစ်သည်။ မြန်မာအလုပ်သမားအများစုက တရားမဝင် အလုပ်သမားများသာ ဖြစ်ကြ၏။

တနှစ်လျှင် … ထိုင်းဘတ်ငွေ ၄ဝဝဝ မျှအား ပေးချေ၍ တရားဝင် အလုပ်၊လုပ်ခွင့်ရရန် အကုန်အကျ မခံနိုင်ကြ…..။

“ကျနော်တို့ကို သူဋ္ဌေးက ပိုက်ဆံပုံမှန် ရှင်းမပေးဘူး။ အကြွေးဝယ်စားလို့ရတဲ့ ဆိုင်ကိုလည်း ပိတ်လိုက်တယ်။ အလုပ်ချိန်ကလည်း မနက် ၄ နာရီကနေ ည ၇ နာရီအထိ လုပ်ခိုင်းတယ်။ အချိန်ပိုကြေးကို တနာရီ ဘတ် ၂ဝ ပဲ ပေးတယ်။ အချိန်ပိုမဆင်းရင်လည်း တနေ့လုံး လုပ်ထားတဲ့ လုပ်အားခကို မပေးဘူး။ ပြီးတော့ ကျနော်တို့ နေထိုင်တဲ့ နေရာမှာ သောက်သုံးရေက လုံလောက်အောင် မရဘူး။ ဒါကြောင့် အလုပ်သမားတွေက အလုပ်မဆင်းဘူးဆိုပြီး ဆန္ဒပြကြလို့ သူဋ္ဌေးက ရဲကို ဖုန်းဆက်ခေါ်ပြီး ဖမ်းခိုင်းလိုက်တာ”

ထိုင်းနိုင်ငံ ဖူးခတ်ရှိ ဆောက်လုပ်ရေး လုပ်ငန်းတခုမှ မြန်မာနိုင်ငံသား အလုပ်သမား ၉၅ ဦး အဖမ်းခံကြရ၏။ ၉၅ ဦးထဲမှ ၇၇ ဦးကမူ ထိုင်းနိုင်ငံအတွင်း အလုပ်လုပ်ကိုင်နေထိုင်ခွင့် လက်မှတ်ရှိ၍ ထိုင်းရဲများက ပြန်လွှတ်ပေးလိုက်၏။ ကျန် ၁၈ ဦးကမူ အချုပ်အနှောင်အတွင်း၌ အဖမ်းခံနေကြရဆဲ….။

“ကျန်ခဲ့တဲ့ ၁၈ ယောက်ထဲမှာ ထိုင်းစကားကို ကျွမ်းကျွမ်းကျင်ကျင် ပြောတတ်ပြီး အလုပ်သမားတွေ ပြောတာတွေကို ဘာသာပြန်ပြောပေးတဲ့ သူတွေကို ဆန္ဒပြတဲ့နေရာမှာ ခေါင်းဆောင်တယ်ဆိုပြီး ဆက်ဖမ်းခံထားရတဲ့ သူတွေလည်း ပါတယ်။ အဲဒီလူတွေထဲက တယောက်မှာ ကလေးက ၄ လပဲ ရှိသေးတယ်။ သူ့မိန်းမကလည်း ဗိုက်ခွဲပြီး ကလေးမွေးထားလို့ ကျန်းမာရေး သိပ်မကောင်းဘူး။ အခု သူတို့နေတဲ့ နေရာကနေ သူဋ္ဌေးက မောင်းထုတ်နေတယ်။ သူတို့သားအမိ တော်တော်ဒုက္ခရောက်နေတယ်”


(ခ)

ညောင်ဦးကမ်းပါးပြိုခြင်းနှင့် စံပနဂိုက နွားမပေါင်းကျိုးခြင်းက ဆက်စပ်၍ မရသော်လည်း ….. အိမ်ဖြူတော်အပြိုကမူ ….. ထိုင်းနိုင်ငံရှိ မြန်မာအလုပ်သမားများနှင့်ကား ဆက်စပ်၍ နေသည်။ မြန်မာအလုပ်သမားများအား ထိ၏။

ဥရောပနှင့် အမေရိကန် ဈေးကွက်များမှ ဝယ်လိုအားကျလာသည့်အတွက် ထိုင်းလုပ်ငန်းရှင်များထံသို့ ဥရောပ၊ အမေရိကန် ဈေးကွက်များမှ ကုန်ပစ္စည်းအော်ဒါများ အမှာနည်းလာ၏။ ထုတ်လုပ်ပြီးသား ကုန်စည်များပင် ဝယ်လက်မရှိ၍ ရောင်းမထွက် ဖြစ်နေရ၏။ ဤတွင် စက်ရုံပိုင်ရှင်များက အလုပ်သမားများအား လျှော့၏။ ဦးစားပေးအလျှော့ခံရသည့် အလုပ်သမားများက မြန်မာအလုပ်သမားများ….။ မြန်မာအလုပ်သမားတို့ အလုပ်ဖြုတ်ခံကြရသည်။ ဤသို့သော …. အလုပ်ဖြုတ်ခံရသည့် မြန်မာအလုပ်သမားတို့က ထိုင်းနိုင်ငံ တနံတလျား၌ ရှိ၏။ ဤအတွင်း၌ …. မဟာချိုင်ခရိုင်အတွင်းရှိ ‘ကီလိုစီစုန်မုန်းမိုင်’ ရှိ အီလက်ထရောနစ် ပစ္စည်းထုတ်လုပ်သည့် စက်ရုံမှ မြန်မာအလုပ်သမား ၄ဝဝ ကျော်လည်း ပါရှိ၏။

"ကျမတို့ အလုပ်ဆင်းသွားတာနဲ့ အလုပ်ဖြုတ်လိုက်ပြီလို့ အလုပ်သမားခေါင်းဆောင် (ဝဏ္ဏ) က ဆီးပြီးပြောပါတယ်။ ကျမတို့ တော်တော်နစ်နာပါတယ်။ ပုလိပ်ကြေး ဘတ် ၆ဝဝ အလုပ်ဆင်းတဲ့ ကားခဘတ်ငွေ ၂ဝဝ၊ ပြီးတော့ ဘတ်ဖိုးဆိုပြီး လစဉ် ဘတ် ၁၃ဝဝ လောက်က ပုံမှန်ဖြတ်ပါတယ်။ အလုပ်ပျက်ရက်ဆိုပြီးတော့လည်း ဖြတ်တယ်။ ပေးတဲ့ဈေးနှုန်းက တနေ့ကို ၂ဝ၃ ဘတ်၊ အချိန်ပိုကြေးက တနာရီ ၃၈ ဘတ်ပါ။ ဒါပေမဲ့ ကျမတို့ လစဉ် လစာထုတ်ရင် ဘတ် ၂ဝဝဝ ထက်ပိုပြီး မရဘူး။ မနေ့က ၁၅ ယောက် အလုပ်ဖြုတ်ခံရပါတယ်။ နေ့စဉ် ဖြုတ်လာလိုက်တာ အခုဆိုရင် လူ ၂ဝ ကျော်လောက်ပဲ ကျန်တယ်။ ဘာဖြစ်လို့ အလုပ်ဖြုတ်လဲဆိုတော့ လုပ်ထားတဲ့ ကုန်ပစ္စည်းတွေက ရောင်းမထွက်တော့ နောက်ထပ် လုပ်စရာ အလုပ်မရှိဘူးလို့ ပြောပါတယ်။ ကျမတို့ဆီက လစဉ်ဖြတ်ထားတဲ့ ငွေတွေကိုတော့ ပြန်ရချင်တာပေါ့နော်”

(ဂ)

ကမ္ဘာ့အလုပ်သမားများ၏ မေလ ၁ ရက်နေ့ … အလုပ်သမား တော်လှန်ရေးကြီး အောင်မြင်ပြီးမြောက်ခဲ့သည်မှာ ရာစုနှစ်တခုပင်လျှင် စွန်း၍နေခဲ့ပြီ….။

တနေ့လျှင် …. အလုပ်ချိန် ၈ နာရီသာ လုပ်ကိုင်ရန်….။
လုပ်အားခခေါင်းပုံဖြတ်မှု မရှိရေး….။
အလုပ်သမားများ၏ အခြေခံရပိုင်ခွင့်၊ အခွင့်အရေးများက ကမ္ဘာကြီး၏ နေရာဒေသအသီးသီးတွင် တည်တံ့အသက်ဝင်နေသော်လည်း …. ထိုင်းနိုင်ငံ “ရပ်ခ်ျဘူရီခရိုင်၊ တန်ဘွန်နမ်ကယောက်၊ အန်ဖေဆိုတာလန် အမှတ် ၅ဝ/၁” တွင် ရှိသည့် “ဖွိုင်ချော့ဖိုင်စစ်” ဆန်စက်ဝင်းအတွင်း၌မူ အသက်မဝင် …..။ ထိုဆန်စက်အတွင်း လုပ်ကိုင်ကြသည့် မြန်မာအလုပ်သမားများ၏ အခြေအနေက ကမ္ဘာဟောင်း အလုပ်သမားတို့၏ ဘဝအတိုင်းသာ ကျန်ရှိ၍နေဆဲ …..။

“ကျနော်တို့ မနက် ၇ နာရီခွဲကနေ နေ့လည် ၁၂ နာရီအထိ လုပ်ပြီး၊ နေ့လည် ၁၂ နာရီ မိနစ် ၄ဝ ဆိုရင် ပြန်ဆင်းရတယ်။ ညနေ ၆ နာရီမှ အလုပ်ပြီးပါတယ်။ မနက်ပိုင်းမှာ နာရီဝက်၊ နေလည်ထမင်းစားချိန်မှာ မိနစ် ၂ဝ၊ ညနေပိုင်းမှာ ၁ နာရီ အပိုလုပ်ပေးနေရတယ်။ လုပ်အားခက ပိုမပေးပါဘူး။ လူသစ်ကို တနေ့ ၁၅ဝ ၊ လူဟောင်းဆိုရင် ၁၈ဝ ပဲ ရပါတယ်။ အဆိုးဆုံးက လုပ်အားခ ၁၅ ရက်စာ ထုတ်မပေးဘူး။ ရက်ပေါင်ထားရတယ်။ ထွက်မယ်ဆိုရင် အဆုံးခံပြီး ထွက်ရတယ်။ သွားတောင်းရင်ပဲဖြစ်ဖြစ် အလုပ်ထွက်မယ်ဆိုရင်ပဲဖြစ်ဖြစ် သူဋ္ဌေးကို သွားပြောရင် ပုလိပ်ကို ဖမ်းခိုင်းလိုက်တော့တာပဲ”

ထိုထက်ဆိုးသည်က …. ဘန်ကောက်ရှိ ပိုက်ဆံအိတ်အမျိုးမျိုး ချုပ်သည့် စက်ရုံမှ မြန်မာအလုပ်သမများ၏ ဘဝ…..။

အသက် ၁၈ နှစ်မျှသာ ရှိသေးသည့် မြန်မာအလုပ်သမ ၁၃ ဦးနှင့် မြန်မာအလုပ်သမား ၂ ဦးတို့အား ဘန်ကောက်ရှိ “စံထော်ဘူလီတရားရုံး” က …. ထိုင်းနိုင်ငံအတွင်း အလုပ်လုပ်ကိုင်နေထိုင်ခွင့် လက်မှတ်အတု ကိုင်ဆောင်ထားမှုနှင့် ထောင်ဒဏ် ၄ နှစ်ခွဲစီ ချလိုက်၏။ အမှန်တွင်မူ …. အလုပ်သမများက …. သူတို့ကိုင်ဆောင်ထားသည့် လက်မှတ်အား အတုဟူ၍ မသိ….။ အလုပ်ရှင်သူဋ္ဌေးက အတုများ လုပ်ပေးထားခြင်း ဖြစ်၏။ အလုပ်သမားလက်မှတ် လုပ်ဆောင်ရန် ကုန်ကျစရိတ်များကိုမူ သူဋ္ဌေးက လစဉ်လုပ်အားခများအတွင်းမှ ဖြတ်ယူပြီး သူ၏ အိတ်ဖောင်းဖောင်းကြီး အတွင်းသို့ ထည့်၏။ သူ၏ ဝမ်းစူစူကြီးအတွင်းသို့ မြို၏။ အမှုရင်ဆိုင်ရသည့် အချိန်တွင်မူ …. မြန်မာအလုပ်သမားများသာ ထောင်နန်းစံသွားခဲ့ကြရ၏။ အလုပ်ရှင်သူဋ္ဌေးကမူ အေးရာအေးကြောင်း …..။

“မနေ့က ထောင်ဒဏ် ၄ နှစ်ခွဲ ချလိုက်ပါတယ်။ ကျမတို့လည်း ဘယ်သူ့ကို အကူအညီတောင်းရမယ်မှန်း မသိဘူးလေ။ သူဋ္ဌေးတော့ ဘာမှမဖြစ်ပါဘူး။ ဘန်ဘော်စံ ထောင်မှာလို့တော့ ကြားတယ်။ သူဋ္ဌေးကို ကျမတို့ နေထိုင်အလုပ်လုပ်ကိုင်ခွင့် လက်မှတ် (ဘတ်) လုပ်ခ တယောက်ကို ဘတ်ငွေ ၆ဝဝဝ ပေးရတယ်။ ပုလိပ်ဖမ်းတော့လည်း ရှင်းမပေးဘူး။ အခုတော့ ကျမသမီးတို့ ထောင်ကျခံနေရပြီ”


(ဃ)

ထိုင်းနိုင်ငံတောင်ပိုင်းရှိ ရာဘာခြံအလုပ်သမများ၏ အခြေအနေက …. လုပ်ငန်းခွင်လုံခြုံမှု ဟူသည်ကား နတ္တိ…..။ လုပ်ငန်း၏ သဘောအရသည်ပင် ကြက်ပေါင်းစေးခြစ်သည့် လုပ်ငန်းက ညဥ့်သန်းခေါင်ကျော် နံနက်လင်းအားကြီး အချိန်များ၌ လုပ်ရခြင်းဖြစ်သည်။ ရာဘာပင်ခြံကျယ်ကြီးအတွင်း ညအမှောင်၌ ရာဘာစေးခြစ်ကြရခြင်း ဖြစ်သည်။ ဆိတ်ကွယ်ရာအရပ် အမှောင်ထုနှင့် တဦးတည်း၊ တယောက်တည်း လုပ်ကိုင်နေကြရခြင်းက ဓားပြနှင့် မုဒိန်းကောင်များအတွက် အခွင့်အလမ်း ရှိနေသကဲ့သို့ ….။

“သူက ရာဘာပင်ဘက်ကို လှည့်ပြီး ရာဘာအစေး ခြစ်နေတုန်း နောက်ကနေ ရောက်လာတယ်။ ပြီးတော့ အတင်းဆွဲလှဲပြီး မုဒိန်းကျင့်ဖို့ ကြိုးစားတယ်။ ပါးစပ်ကိုလည်း လက်နဲ့ အတင်းပိတ်ထားတယ်။ ကောင်မလေးက အတင်းရုန်းကန်ပြီး ထွက်ပြေးတော့ နောက်ကနေ ဓားနဲ့ လှမ်းခုတ်လိုက်တာ နောက်စေ့ကိုထိပြီး လဲကျသွားလို့ သူတို့က သေပြီထင်ပြီး ထားခဲ့တာ။ ကောင်မလေးကလည်း သေချင်ဟန်ဆောင်ပြီး ငြိမ်နေလိုက်တယ်။ သူတို့ထွက်သွားတော့မှ သူ့ယောက်ျားကို အော်ခေါ်ပြီး ဆေးရုံသွားရတာ။ ဒဏ်ရာကို ၂၃ ချက် ချုပ်လိုက်ရတယ်။ ကောင်မလေးက အခုတော့ အိမ်ပြန်ရောက်နေပြီ။ ဒါပေမဲ့ စိတ်ပိုင်းဆိုင်ရာ ထိခိုက်မှုတွေ ရှိနေတယ်။ အလုပ်ပြန်လုပ်ဖို့ မပြောနဲ့ အပြင်ထွက်ရမှာကိုတောင် ကြောက်နေတယ်။ သူ့ရဲ့အနောက်မှာ လူအရိပ်တွေ လိုက်နေပြီး အန္တရာယ် ပေးနေသလို ခံစားနေရတယ်လို့ ကျနော်ကို ပြောပြတယ်။”

သောက …. နာကျဉ်မှု၊ မျက်ရည်များနှင့် မြန်မာအလုပ်သမတို့၏ ဘဝများ ….။ အမှောင်ကမ္ဘာအတွင်းမှ ငိုရှိုက်သံများ ….။ အမှောင်တွင်းမှပင် အလင်းရောင်အား ရှာဖွေ၍နေကြရ၏။

“အလုံးစုံသော ကာယ ဝဇီ.မနော.ဒုစရိုက် အညစ်အကြေးကို စင်ကြယ်သော သီလတည်းဟူသော ရေစင်ဖြင့် ဆေးကြောလတ္တံ ….

ချစ်သူအပေါင်းမှ ကွဲကွာကုန်သော သူတို့၏ မျက်ရည်ကို လက်နှင့်တူသော မေတ္တာစိတ်ဖြင့် သုတ်ပစ်လတ္တံ ….

စိတ်နှလုံးပူဆွေးသူတို့၏ နှပ်ရည်ကို ရေနှင့်တူသော ဂရုဏာဖြင့် ဆေးကြောပစ် လတ္တံ …..

လက်ယာလက်ဖြင့် ပြည်သူအပေါင်းအား ထမင်းမုန့်ပေးလတ္တံ …..

လက်ဝဲလက်ဖြင့် ပြည်သူအပေါင်းအား ပစ္စည်း၊ ဥစ္စာ၊ အဝတ်ပုဆိုးပေးလတ္တံ ….”

(မြန်မာသက္ကရာဇ် ၄ဝ၂ခုနှစ် ကျန်စစ်သားမင်းကြီး ရေးထိုးလှူဒါန်းခဲ့သော ရွှေစည်းခုံမွန် ကျောက်စာမှ)


ယနေ့ မြန်မာ့ရေးရာ သတင်းများ May,3rd,2010

( 25 )NLD Member Arrested and Tortured in Arakan

( 24 )Bangladeshi Villagers Protest Burmese Refugee Resettlement

( 23 )သုံးဘီးဆိုင်ကယ် လိုင်စင်ကြေး ကျပ် ၇ သိန်း တောင်းနေ

( 22 )Army Forces Villagers to Search for Bulbophyllum Auricomum Orchid

( 21 )Myanmar generals set up political party

( 20 )တန်းတူအခွင့်အရေးအတွက် တိုက်တွန်းသွားမည်ဟုထိုင်းအလုပ်သမားဝန်ကြီးပြော

( 19 )$500m ‘still needed’ for cyclone victims

( 18 )လောင်းကစားဒိုင်များ အင်တာနက် အထူးလိုင်း အသုံးပြု

( 17 )Aid gap threatens cyclone recovery plan

( 16 )မြန်မာရွှေ့ ပြောင်း အလုပ်သမား (၈) သိန်းကျော်နိုင်ငံသားစိစစ်ရေးလျှောက်လွှာ တင်သွင်းပြီး

( 15 )Pressure Mounts on Chevron

( 14 )လူကုန်ကူးသူများ နာဂစ်ဒေသကို ပစ်မှတ်ထား

( 13 )ဒေါ်စု နေအိမ်ပြင်ဆင်ရေး ပြန်လည် စတင်မည်

( 12 )Aid appeal for survivors of Burma's Cyclone Nargis

( 11 )တွံတေးမြို့နယ်တွင် ကလေး စစ်သား အဓမ္မ စုဆောင်းမှုနှင့် ပျောက်ဆုံးမှု ဆက်ဖြစ်နေဆဲ

( 10 )Burma's 'elections' should not be recognised

( 9 )New doubts on Myanmar

( 8 )ကျွဲများသေဆုံး၍ လယ်သမားများ ဒုက္ခရောက်နေ

( 7 )European Union's Policy on Burma

( 6 )နာဂစ်ဒေသတွင် အကူ အညီများ လိုနေဆဲ

( 5 )Suu Kyi's party bids farewell to politics but not to its hopes

( 4 )ပဲခူးတိုင် ကျောက်တံခါးမြို့နယ် စက်မှုလယ်ယာ ၀င်းအတွင် ဗုံးပေါက်ကွဲ

( 3 )European Union, Foreign Policy And Burma Sanctions

( 2 )နာဂစ်ဆိုင်ကလုန်း ၂ နှစ်ပြည့်ပေမဲ့ ဒေသခံတွေ အခက်တွေ့နေဆဲ

( 1 )Myanmar: Karen fleeing to border in their ‘thousands’

Sunday, May 2, 2010

စစ်တွေတွင် ငလျင်လှုပ်

စံလင်း (နိရဉ္စရာ)

ရခိုင်ပြည်နယ် စစ်တွေမြို့တွင် ဧပြီလ ၂၉ ရက်နေ့ ညသန်းခေါင်ကျော် အချိန်၌ အတော်အသင့် ပြင်းအားရှိသော ငလျင် တခု လှုပ်ခတ်သွားခဲ့သည်။

သို့သော်လည်း ထိခိုက်ဒဏ်ရာ ရရှိမူနှင့် အပျက်အစီး မရှိကြောင်း သိရသည်။

ငလျင်သည် ဧပြီလ ၂၉ ရက်နေ့ ညဥ့် သန်းခေါင်ကျော် အချိန် ၁၂ နာရီ ၃၃ မိနစ် တွင် အင်အား ၅.၁ ရက်ချက်စကေးဖြင့် လှုပ်ခတ်ခဲ့ပြီး စုစုပေါင်း ၁၃ စက္ကန့် ကြာမြှင့်သည်။

ငလျင်သည် စစ်တွေမြို့မှ မိုင် ၆၀ အကွာ ရှိသော ပင်လယ်ပြင်ကို ဗဟိုပြု၍ လှုပ်ခတ်ခဲ့ခြင်း ဖြစ်ကြောင်း စစ်တွေမြို့ မိုးလေဝသနှင့် ဇလဗေဒ ဦးစီးဌာနက ပြောသည်။

ငလျင် လူပ်မူကို မြို့သူမြို့သား တချို့သိရှိလိုက်သော်လည်း တချို့မှာ မသိရှိလိုက်ကြောင်း စစ်တွေမြို့ခံ အမျိုးသားတဦးက ယခုကဲ့သို့ ပြောသည်။

“လူတွေ အိပ်နေချိန်မှာ ငလျင် လှုပ်တော့ တချို့ကလည်း သိလိုက်တာပေါ့နော်။ တချို့ကလည်း အိပ်နေတော့ မသိလိုက်ဘူး။ ငလျင် ငလျင်ဆိုပြီး တချို့က ထအော်သလို တချို့ကလည်း ကြောက်ပြီး အိမ်ပေါ်က ဆင်းပြေးတဲ့ အတွက် ရုတ်ရုတ်ကလေး ဖြစ်သွားတာပေ့ါနော်” ဟုပြောသည်။

၂၀၀၄ ခုနှစ် ဒီဇင်ဘာလ၂၆ ရက်နေ့ကလည်း ရခိုင်ပြည်နယ်တွင် အင်အား အတော်အသင့် ပြင်းထန်သော ငလျင် တခု လူပ်ခတ်ခဲ့သဖြင့် မာန်အောင်ကျွန်းနှင့် ရဲကျွန်းတစ်ဝိုက်တွင် တည်ရှိသော ရွှံ့မီးတောင် ၉ လုံး ပေါက်ကွဲ ခဲ့သည်။


ပေါ့လျော့မှုကြောင့် ကျည်လွတ်ထွက် CF-SSA ခြုံခိုတိုက်သည်ဟု လားရှိုးဒုတိုင်းမှူးစွပ်စွဲ

သျှမ်းသံတော်ဆင့်

နအဖ စစ်ယာဉ်တန်းက မိမိဖာသာ ပေါ့လျော့မှုကြောင့် မိမိကျည်လွတ်ထွက်မှုကို အပစ်ရပ်သျှမ်းပြည် တပ်မတော်ခြုံ ခိုတိုက်ခိုက်သည်ဟု လားရှိုးဒုတိုင်းမှူးက SSA ရုံးတာဝန်ခံအားခေါ်ပြော စွပ်စွဲခဲ့ကြောင်း စုံစမ်းသိရှိရပါသည်။

မနေ့ကဖြစ် တဲ့ခြုံခို တိုက်ခိုက်မှု ဆိုတာ မဟုတ်ဘူး၊ ကျနော်တို့ အတိအကျ စုံစမ်း ပြီးပြီ။ စစ်ယာဉ် တန်းက နအဖ စစ်သား တွေပေါ့ လျော့ မှုကြောင့် သူတို့အော်တို သေနတ် MA 79 ကျည်လွတ် ထွက်ပြီး သူတို့ အချင်းချင်းပြန် ထိမိတာ၊ တယောက် သေတယ်၊ ၄ ယောက် ဒဏ်ရာ ရတယ်။ အဲဒါကို လားရှိုး ဒုတိုင်းမှူးက အသေအချာ မစစ်ဆေး ဘဲနဲ့ ကျနော်တို့ လားရှိုး ရုံး တာဝန်ခံကို ဆင့်ခေါ် ပြီး ‘တပ်မဟာ ၁ က ခြုံ ခိုတိုက် ခိုက်တာ၊ ဒီကိစ္စ တာဝန် မယူရင် စစ်ရေးနဲ့ ပြန်အရေး ယူမယ်’ ပြောတယ်၊ အကြောင်းမရှိ အကြောင်း ရှာပြီး စွပ်စွဲတာဘဲ” - ဟု တပ်မဟာ ၁ တပ်မှူး တဦးက ပြောပါသည်။


ဧပြီ ၂၉ ရက် ခမယ ၃၂၆ တန့်ယန်း စစ်ယာဉ်တန်း ၃ စီး တန့်ယန်းဘက်မှ လားရှိုးဘက်သို့ ခရီးထွက်စဉ် မိုင်း ရယ်မြ့နယ် ဟိုယကျေးရွာအုပ်စု - ဟိုယ နှင့် လွိုင်ငင်း အကြား ၎င်းတို့ပေါ့လျော့မှုကြောင့် မတော်တဆ ဖြစ်ရသည့် ကိစ္စအပေါ် ရမခ (အရှေ့မြောက် ပိုင်းတိုင်း စစ်ဌာနချုပ်) ဒုတိုင်းမှူးက မြောက်ပိုင်း အပစ်ရပ် သျှမ်းပြည် တပ်မတော် လက်ချက်အဖြစ် စွပ်စွဲသည်ဟု ဆိုသည်။

နအဖအာဏာပိုင်များ ပြဿနာအရင်းအမြစ် အတိအကျ စုံစမ်းသင့်ကြောင်း ၊ အပစ်ရပ် SSA ကို ယခုကဲ့ သို့ လက်လွတ် စပယ် လက်ညှိုးမထိုးသင့်ကြောင်း - ဤကဲ့သို့ ဆက်ပြော၏။

“(အပစ်ရပ်)သျှမ်းပြည်တပ်မတော် အနေနဲ့ စပစ်ဖို့ အမိန့်အာဏာမရှိ၊ နအဖ စစ်တပ်ကျူးကျော်လာမှ မိမိ ကိုယ်မိမိ ခုခံကာကွယ်ဖို့ဘဲရှိတယ်။ နအဖ နဲ့ ဗိုလ်မွန်းပေါင်းပြီး အကြံအဖန်ထုတ်တာလဲ ဖြစ်နိုင်တယ်။ တကယ်မတော်တဆဖြစ် တဲ့ကိစ္စ ဖြစ်ချင်ဖြစ်မယ်၊ တမင်ကြံဖန် လံကြိုပ် ဇာတ်လမ်းဆင်တာလဲဖြစ်နိုင်တယ်” - ဟုသျှမ်းသံ တော်ဆင့်သို့ပြန်လည် ပြောပြပါသည်။

၁၉၆၄ က စတင်တည်ထောင်ခဲ့သော သျှမ်းပြည်တပ်မတော်သည် ၁၉၈၉ တွင် (ထောင် ၁၀၆ နှစ် ကျခံနေ ရသည့် ) ဗိုလ်ချုပ်ဆေထဲန် ဦးဆောင် အပစ်ရပ်ခဲ့သည်။ အထူးဒေသ ၃ အပစ်ရပ် သျှမ်းပြည်တပ်မတော်အမည် ဖြင့် ရပ်တည် ခဲ့သော်လည်း ထိုစဉ် န၀တ က အထူးရဲ တပ်ဖွဲ့အနေဖြင့်သာ သဘောထားဆက်ဆံခဲ့သည်။

ယခုအသွင်ပြောင်းမည့်ကိစ္စတွင် CF - SSA အနေဖြင့် မူအားဖြင့်သာလက္ခံထားပြီး ‘လူသူလက်နက်စာရင်း တချို့ပေး ထားခဲ့သော်လည်း ရာနှုန်းပြည့်အသွင်ပြောင်းခြင်းမဟုတ်၊ သျှမ်းပြည်တပ်မတော် အမှတ်တံဆိပ် ဖြုတ်ပြီး ဌာနေ ပြည်သူ့ စစ်တံဆိပ်အစားထိုးတပ်ရမည်ဆိုပါက’ လုံးဝလက်ခံမည်မဟုတ်၊ ယခုအသွင်ပြောင်းစာရင်းပေးထားသည်မှာ လည်း ၁၀% လောက်သာရှိပြီး ၉၀% က လုံးဝ လက်မခံသေးကြောင်း အဆိုပါတပ်မှူး ကပြောပါသည်။



မြန်မာ့နိုင်ငံရေးဓလေ

ဦးအောင်ခင် (သုံးသပ်ချက်)

အစိုးရစနစ်ကို လေ့လာရာမှာ လူများစုအုပ်ချုပ်ရေး၊ လူတစုအုပ်ချုပ်ရေး၊ အကြွင်းမဲ့အာဏာရှင်စနစ်၊ သက်ဦးဆံပိုင်ဘုရင်စနစ် စသဖြင့် အမျိုးမျိုးခွဲခြားသတ်မှတ်ပြီး ကောင်းကျိုးဆိုးပြစ်ကို ဆန်းစစ်လေ့ရှိတယ်။ အခုခေတ်မှာ အကြွင်းမဲ့အာဏာရှင်စနစ်နဲ့ ဘုရင်စနစ်ကို လက်မခံကြတော့ဘူး။ အစဉ်အလာအရ ဘုရင်စနစ်ကျင့်သုံးနေတဲ့ နိုင်ငံတွေမှာလည်း ပြည်သူလူထုက ရွေးကောက်တင်မြှောက်ထားတဲ့ အစိုးရကသာ အာဏာရှိပြီး ဘုရင်ဟာ အမည်ခံသာဖြစ်လာတယ်။ လူတစုအုပ်ချုပ်ရေးစနစ်နဲ့ အာဏာရှင်စနစ်ကို မကောင်းတဲ့အစိုးရစနစ်အဖြစ် သတ်မှတ်ထားကြတယ်။

ဒါပေမယ့် မြန်မာနိုင်ငံအပါအ၀င် တိုင်းပြည်အချို့မှာ မကောင်းတဲ့အစိုးရစနစ်တွေ သက်ဆိုးရှည်နေတဲ့အတွက် နိုင်ငံရေးသိပ္ပံလေ့လာရာမှာ အုပ်ချုပ်ရေးစနစ် ပုံစံကိုသာမကဘဲ ဒီလိုအစိုးရစနစ်မျိုးကို လက်ခံထားတဲ့ လူ့အဖွဲ့အစည်းကိုလည်း ဆန်းစစ်ဖို့ လိုတယ်လို့ ယူဆလာကြတယ်။

ဒီမိုကရေစီအမည်ခံပြီး ရှင်ဘုရင်လို အာဏာရှင်စနစ်ကျင့်သုံးတာကို လက်ခံထားတဲ့ နိုင်ငံတွေရှိတယ်။ အစိုးရတခုရဲ့ အာဏာရှိမှု အတိုင်းအတာဟာ ဒီအစိုးရကို တိုင်းသူပြည်သားက ဘယ်လောက်လက်ခံထားသလဲဆိုတဲ့အပေါ်မှာ မူတည်တယ်။ တနည်းဆိုရင် တိုင်းပြည် (သို့မဟုတ်) လူ့အဖွဲ့အစည်းရဲ့ ဓလေ့ထုံးစံဟာ ကျင့်သုံးတဲ့အစိုးရစနစ်မှာ ရောင်ပြန်ဟပ်နေတဲ့သဘောပဲ။ တိုင်းပြည်ရဲ့ နိုင်ငံရေးဓလေ့ဟာ နေ့ချင်းညချင်း ပေါ်ထွက်လာတာမဟုတ်ဘူး။ သမိုင်းက မွေးထုတ်တာပါ။ ဒါပေမယ့် လူ့အဖွဲ့အစည်းရဲ့ ဓလေ့ထုံးစံနဲ့ စိတ်နေစိတ်ထားဟာ သမိုင်းကြောင်းကို ပြောင်းလဲစေနိုင်တဲ့ အကျိုးအာနိသင်ရှိတယ်ဆိုတဲ့ ဆိုရိုးစကားရှိတယ်။

နှစ်ပေါင်း (၁,၀၀၀) လောက် အကြွင်းမဲ့အာဏာရှင် ဘုရင်စနစ်အောက်မှာ နေခဲ့ရပြီး ဗြိတိသျှကိုလိုနီဘ၀မှာ နှစ်ပေါင်း (၁၀၀) လောက်နေခဲ့ရတဲ့ မြန်မာပြည်ဟာ ဘုရင်စနစ်ရဲ့ လောင်းရိပ်က ပိုပြိးကြီးမားနက်ရှိုင်းတယ်လို့ ကွယ်လွန်သူ သမိုင်းပါမောက္ခတွေ ဖြစ်တဲ့ ဒေါက်တာမောင်မောင်ကြီးနဲ့ ဒေါက်တာကျော်သက်တို့က သုံးသပ်ကြတယ်။ ဗြိတိသျှအုပ်ချုပ်ရေးက ထွက်ပေါ်လာတဲ့ တရားဥပဒေစိုးမိုးရေး၊ တရားမျှတရေး စတဲ့ လစ်ဘရယ် (Liberal) သဘောတရားတွေကို လွတ်လပ်ရေးရပြီး ဒီမိုကရေစီ အစိုးရစနစ် တည်ထောင်တဲ့အထိ မြန်မာပြည်သားအများစုက ကောင်းကောင်းနားလည်သေးတာမဟုတ်ဘူးလို့ ပါမောက္ခ ဦးမောင်မောင်ကြီးက ဆိုတယ်။

တိုင်းပြည်တပြည်ရဲ့ နိုင်ငံရေးဖြစ်စဉ်ကို လေ့လာတဲ့အခါ Political Culture လို့ အနောက်တိုင်းပညာရှင်တွေခေါ်တဲ့ နိုင်ငံရေးဓလေ့ကို ဆန်းစစ်ဖို့လိုတယ်။ ရာစုနှစ်ပေါင်းများစွာ တည်ရှိခဲ့တဲ့ နိုင်ငံရေးယုံကြည်ချက် အယူအဆအတွေးအခေါ်နဲ့ ရိုးရာဓလေ့ဟာ ဒီကနေ့အထိ တနည်းမဟုတ်တနည်းနဲ့ ဆက်လက်ရှင်သန်နေတုန်းပါပဲ။ ကွယ်ပျောက်ဖို့ အလွန်ခဲယဉ်းတယ်။ သေဆုံးသွားတဲ့မျိုးဆက်တွေ ထားရစ်ခဲ့တဲ့ ရိုးရာအစဉ်အလာတွေဟာ အသက်ရှင်နေသူတွေရဲ့ စိတ်သဘာဝကို အိပ်မက်ဆိုးကြီးလို ဖိစီးနေတယ်လို့ Karl Marx ကThe 18th Brumaire of Louis Bonaparte (ဘရူးမဲရား- လူးဝီဘိုးနာပတ်) ဆိုတဲ့ စာတမ်းမှာ ရေးထားတယ်။ အာဏာရှင် ဆန့်ကျင်တဲ့ ပြင်သစ်တော်လှန်ရေးထဲက အာဏာရှင်စနစ် ပေါ်လာပုံကို ရေးတာပါပဲ။ ပြင်သစ်တော်လှန်ရေးပြက္ခဒိန်မှာ ၁၇၉၉ နိုဝင်ဘာလ (၉) ရက်နေ့ကို ဘရူးမဲရား (၁၈) ရက်နေ့လို့ ခေါ်တယ်။ အဲဒီနေ့မှာ နပိုလီယံက စစ်အာဏာသိမ်းတဲ့အတွက် ပြည်သူ့တော်လှန်ရေးဟာ အာဏာရှင်ဘုရင်စနစ်အဖြစ် အသွင်ပြောင်းသွားပုံကို ဖော်ပြတာပါပဲ။

လွတ်လပ်ရေးရချိန်ကစပြီး ၁၉၅၈ ခုနှစ်အထိ (၁၀) နှစ်ကျင့်သုံးခဲ့တဲ့ ပါလီမန်ဒီမိုကရေစီ စနစ်ဟာ ဒီမိုကရေစီမစစ်မှန်ဘူးလို့ အဲဒီခေတ်အတိုက်အခံတွေက မကြာခဏ ဝေဖန်ကြတယ်။ ဒီမိုကရေစီနည်းနဲ့ ရွေးကောက်တင်မြှောက်ထားတဲ့ အစိုးရဖြစ်ပေမယ့် အာဏာရှင်ဆန်ဆန် အတိုက်အခံတွေကို ထင်သလို ဖမ်းဆီးထောင်ချမှု၊ ပြည်သူလူထု ပါဝင်တဲ့ အခန်းကဏ္ဍ နည်းပါးမှု စတဲ့အားနည်းချက်တွေကြောင့် ဒီမိုကရေစီမစစ်ဘူးလို့ ဝေဖန်ခဲ့ကြတာပါပဲ။ ရွေးကောက်တင်မြှောက်ထားတဲ့ ဒီမိုကရေစီအစိုးရကို ဗိုလ်ချုပ်နေ၀င်းက သစ္စာဖောက်ပြီး ၁၉၆၂ ခုနှစ်မှာ စစ်အာဏာသိမ်းလိုက်တယ်။ အဲဒီအချိန်ကစပြီး အကြွင်းမဲ့ အာဏာရှင်စနစ်ပြန်လည်ရှင်သန်အောင် စစ်အစိုးရ အဆက်ဆက်က အပတ်တကုတ် ကြိုးပမ်းနေတယ်။ ဗမာဘုရင်စနစ်ကို နေပြည်တော်ဆောက်တဲ့ ဗိုလ်သန်းရွှေအုပ်စုက အားကျနေတယ်။

ဒါကြောင့် အကြွင်းမဲ့အာဏာရှင် ဗမာဘုရင်စနစ်အကြောင်း ပထမဆုံး အကျဉ်းချုံးတင်ပြပါရစေ။ ရှေးဗမာတွေ နားလည်တဲ့ တခုတည်းသော အစိုးရစနစ်ဆိုတာ ဘုရင်စနစ်ပါ။ တိုင်းပြည်မှာ ဘုရင်ဟာ အာဏာအရှိဆုံး၊ ဘုန်းတန်ခိုးအရှိဆုံး၊ အမြင့်မြတ်ဆုံး ပုဂ္ဂိုလ်အဖြစ် သတ်မှတ်ထားတယ်။ မဟာသမ္မတ မင်းမျိုးက ဆင်းသက်သလိုလို ယုံထင်၊ ကြောင်ထင် ဖြစ်အောင် လုပ်ထားတာကြောင့် မင်းမျိုးမင်းနွယ်ကသာ တိုင်းပြည်ကို အုပ်ချုပ်ခွင့်ရှိတဲ့ သဘောမျိုးပါပဲ။ တိရစ္ဆာန်ကိုတောင် နန်းတွင်းမှာ မွေးထားရင် မြင့်မြတ်တယ်လို့ ယူဆကြတယ်။

မြန်မာ့သမိုင်းဆိုတာ ရှင်ဘုရင်တွေရဲ့ မှတ်တမ်းပါ။ မှန်နန်းရာဇ၀င်ဟာ ဘုရင့်အမိန့်အရ ရေးတဲ့စာတမ်းပါ။ ဒါကိုအားကျပြီး ဗိုလ်နေ၀င်းကလည်း န၀တအစိုးရလက်ထက်မှာ ‘သမိုင်းမှန်’ ပြုစုရေးဆိုပြီး သမိုင်းဆရာတစုကို စာအုပ်ရေးခိုင်းပါသေးတယ်။ စာပေ အနုပညာဆိုတာ ဘုရင့်နန်းတော်အသိုင်းအ၀ိုင်းမှာသာ ရှင်သန်ကြီးထွားနိုင်တာကြောင့် ရှေးဗမာတွေရဲ့ဘ၀ဟာ ကျဉ်းမြောင်းလှပါတယ်။ ဘုရင့်အသိုင်းအ၀ိုင်းဟာ အမြဲတမ်းမာန်မာန ထောင်လွှားပြီး ဘ၀င်မြင့်နေတာမို့ အပြင်လောကနဲ့ အဆက်အဆံ သိပ်မလုပ်ကြပါဘူး။ ဒါကြောင့် အသိဉာဏ်ဗဟုသုတနည်းပါးပြီး ကမ္ဘာ့အကြောင်းလည်း မသိတာများပါတယ်။ အပြင်လောကနဲ့ အဆက်အသွယ်နည်းလေ တိုင်းသူပြည်သားကို အယုံသွင်းရလွယ်လေပါပဲ။

တိုင်းသူပြည်သားကို အခိုင်းအစေ၊ ကျေးတော်မျိုး၊ ကျွန်တော်မျိုးလို့ သတ်မှတ်ပြီး ဘုရင်ကိုတော့ သက်ဦးဆံပိုင် အရှင်သခင်အဖြစ် သတ်မှတ်တယ်။ မင်းမျိုးမင်းနွယ်ဆိုတာ သာမန်လူသားမဟုတ်ဘဲ အထွတ်အမြတ်ထားရာ ကိုးကွယ်ရာ ဖြစ်တယ်လို့ နှစ်ပေါင်းများစွာ ၀ါဒဖြန့်ခဲ့တာကြောင့် မင်းမျိုးမင်းနွယ်ရဲ့ သွေးမြေမကျကောင်းဘူးလို့ ယုံကြည်ကြတယ်။ ဒါကြောင့် အချင်းချင်းအာဏာလုလို့ သတ်ကြဖြတ်ကြ အကြမ်းဖက်ကြတဲ့အခါမှာ ဓားနဲ့မခုတ်ဘဲ လည်မျိုကို တုတ်နဲ့ ရိုက်သတ်တာမျိုး မကြာခဏ လုပ်တတ်တယ်။ တိုင်းသူပြည်သားအချင်းချင်း သဘောတူချက်ရယူပြီး အစိုးရဖွဲ့တာကို လူမှုပဋိညာဉ်လို့ ခေါ်တယ်။ အင်္ဂလိပ်လို Social Contract လို့ လူသိများတယ်။

ဒီမိုကရေစီအစိုးရစနစ်ဟာ ဒီသဘောတရားမှာ အခြေခံတယ်။ အများပြည်သူသဘောတူတဲ့ လူမှုပဋိညာဉ်ကြောင့် အစိုးရနစ် ပေါ်ပေါက်ရပုံကို မြန်မာ့ရိုးရာနိုင်ငံရေး အတွေးအခေါ်မှာလည်း တွေ့နိုင်တယ်။ မြန်မာ့ရိုးရာလို့သာပြောရတယ် အိန္ဒိယက လာတာပါ။ ယဉ်ကျေးမှုဆိုတာ အမြဲတမ်းပြောင်းလဲနေတာမို့ ကိုယ်ပိုင်မရှိပါဘူး။ အကုန်ရောနှောနေတယ်။ မဟာသမ္မတမင်း (သို့မဟုတ်) အစိုးရပေါ်လာပုံနဲ့ ပတ်သက်ပြီး အိန္ဒိယပြည် မဇ္ဈိမဒေသက နိုင်ငံရေးအတွေးအခေါ်ကို မြန်မာမင်းအဆက်ဆက်က လက်ခံခဲ့တာ တွေ့ရတယ်။

မင်းကျင့်တရား (၁၀) ပါးဆိုတာ ရှိပေမယ့် လိုက်နာတဲ့မင်း အင်မတန်ရှားပါတယ်။ လက်တွေ့မှာ ဘုရင်က စိတ်ကြိုက်လုပ်ရတာ များတယ်။ အုပ်ချုပ်မင်းလုပ်သူတွေ လိုက်နာရမယ့် ၀တ္တရားရှိပေမယ့် မလိုက်နာလို့လည်း ဘာမှမဖြစ်ပါဘူး။ ဒါကြောင့်မို့ ‘တရားဥပဒေနဲ့အညီ’ (သို့မဟုတ်) ‘ဓမ္မဓိဋ္ဌာန်ကျကျ’ စတဲ့အယူအဆတွေကို ဗမာမင်းလက်ထက်မှာ ကျင့်သုံးခဲ့တာမဟုတ်ဘဲ အင်္ဂလိပ်အုပ်ချုပ်မှ သုံးလာတာလို့ ပါမောက္ခ ဆရာမောင်မောင်ကြီးက ဆိုတယ်။

အာဏာကို အကန့်အသတ်လုပ်တာမျိုး ဗမာမင်းက လက်မခံနိုင်ဘူး။ အောက်မြန်မာပြည် အင်္ဂလိပ်လက်ထဲ ကျသွားတာကို လက်မှတ်ထိုးအသိအမှတ်ပြုဖို့ မင်းတုန်းမင်းက ငြင်းဆန်ခဲ့တယ်။ လက်ရှိ စစ်အစိုးရကလည်း နိုင်ငံခြားအကူအညီ လိုချင်ပေမယ့် စည်းကမ်းသတ်မှတ်လာရင် လက်မခံနိုင်ဘူးလို့ ကြွေးကြော်တာဟာ ရှေးဗမာမင်းရဲ့ လုပ်ကိုင်ပုံနဲ့ အတော်တူတယ်။ အာဏာကို ကန့်သတ်လာရင် ဗမာမင်းက လက်မခံနိုင်တာမို့ နောက်ဆုံးမှာ မရှုနိုင် မရှိုက်နိုင်ဖြစ်တော့မှ အဖြစ်မှန်ကို သဘောပေါက်ကြတာ များတယ်။ အဲဒီအခါမှာ အချိန်လွန်ပြီး ရောဂါကျွမ်းနေပြီ။ နေရာတကာမှာ အာဏာရှင်ဘုရင်က ကြီးစိုးနေတာမို့ မကျေနပ်ရင် ပုန်ကုန်ရုံကလွဲပြီး အခြားနည်းလမ်းမရှိတော့ပါ။

ဗမာမင်းဟာ အာဏာရူးပဲ။ မင်းကျင့်တရား (၁၀) ပါးထဲက ‘အ၀ိရောဓန’ တရားကို ကုန်းဘောင်ခေတ်စာပေမှာ အထူးဖော်ပြတယ်။ အဓိပ္ပာယ်က အုပ်ချုပ်မင်းလုပ်သူဟာ ရဟန်းရှင်နဲ့ ပြည်သူ့ဆန္ဒကို ဆန့်ကျင်ပြီး မလုပ်ရဘူးလို့ ဆိုတာပဲ။ ပြည်သူ့ဆန္ဒဆန့်ကျင်တဲ့ အစိုးရကို ပြည်သူလူထုကပဲ ဖျက်ဆီးပစ်လိမ့်မယ်လို့ ယောအတွင်းဝန် ဦးဖိုးလှိုင်ရေးတဲ့ ရာဇဓမ္မသင်္ဂဟ ကျမ်းက ဆိုတယ်။ ဒီကျမ်းဟာ သီပေါမင်းကို ဆုံးမဖို့ရေးတဲ့ ကျမ်းဖြစ်တယ်။ ဘုရင်ရူးသန်းရွှေ ပျဉ်းမနားကြပ်ပြေး ရောက်သွားတာလဲ ပြည်သူ့ရန်ကြောက်လုိ့ပဲ။ ပုဂ္ဂိုလ်ကိုးကွယ်မှုကို အခြေခံပြီး ဘုရင်စနစ်တည်ဆောက်တာကို ဗိုလ်နေ၀င်းနဲ့ ဗိုလ်သန်းရွှေတို့က သက်သေပြနေတယ်။ အခုအထိတော့ မြန်မာ့နိုင်ငံရေးဓလေ့ဟာ ပုဂ္ဂိုလ်ကိုးကွယ်မှုအဆင့်ပဲ ရှိနေသေးတယ်။




တောင်ကုတ်မြို့က NLD အဖွဲ့ဝင် ဦးသန်းမောင် ဖမ်းဆီးခံရ

Narinjara News

တောင်ကုတ်မြို့မှ အမျိုးသား ဒီမိုကရေစီ အဖွဲ့ချုပ် အဖွဲ့ဝင် တဦးဖြစ်သူ ဦးသန်းမောင်ကို အာဏာပိုင်များက ဧပြီလ ၂၈ ရက်နေ့ ညဥ့်အချိန်တွင် သူ့နေအိမ်မှ ဖမ်းဆီး ခေါ်ဆောင် သွားသည်ဟု သတင်းရရှိသည်။

ဦးသန်းမောင်မှာ မြို့နယ်စီး အဖွဲ့ဝင်တဦး ဖြစ်ပြီး အန်အယ်ဒီ အဖွဲ့ချုပ်၏ အထောက်အကူပြု လုပ်ငန်းများနှင့် ကမ္ဘာအလုပ်သမား အဖွဲ့ချုပ် အိုင်အယ်လ်အို၏ လုပ်ငန်းများကို လုပ်ကိုင် ဆောင်ရွက်နေသူ တဦးဖြစ်ကြောင်း သိရှိရသည်။

အဖွဲ့ချုပ်အဖွဲ့ဝင် လူငယ် တဦးက “ သူကို မေဒေးနေ့မှာ တခုခု တောင်ကုတ်မှာ လူပ်ရှားမူ လုပ်မယ်ထင်ပြီး ဖမ်းဆီးခေါ်ဆောင်သွားတာ ဖြစ်ပါတယ်။ ဖမ်းဆီးတဲ့ အချိန်မှာ သူ့ကို အပြင်းအထန် ရိုက်ပုတ်ပြီး ကြိုးတုတ်ခေါ်ယူသွားတာ ဖြစ်ပါတယ်။ ရဲတွေသာမက စစ်သား တွေလည်း သူ့ကိုဖမ်းတဲ့ အထဲမှာ ပါဝင်ပါတယ်” ဟု ပြောသည်။

ဦးသန်းမောင်၏ နေအိမ်သို့ စစ်သားများနှင့် ရဲသားများသည် ဧည့်စာရင်း စစ်မည်ဟု ဆိုကာ ညဥ့်အချိန်မတော် ၀င်ရောက်လာပြီး ဖမ်းဆီး ခေါ်ဆောင်သွားခြင်း ဖြစ်ကြောင်း အဆိုပါ လူငယ်က ပြောသည်။

“ညဥ့်အချိန်မတော် သန်ခေါင်ယံမှာ ဧည့်စာရင်း စစ်စရာ ရှိတယ်ဆိုပြီး ဦးသန်းမောင်ရဲ့ အိမ်ကို သူတို့ဝင်လာတယ်။ ဦးသန်းမောင်က ညဥ့်အချိန်မတော် ပိုင်ရှင် ခွင့်ပြုချက်မရှိဘဲ ၀င်လာတဲ့အတွက် ပိုင်နက် ကျူးကျော်မူနဲ့ တရားစွဲမယ်ဆိုတော့ သူတို့က ဦးသန်းမောင်ကို ရိုက်နက်တယ်။ ကြိုးတုတ်တယ်။ ပီးရင် နေရာတခုကို ဆွဲခေါ်သွားပါတယ်။ သူတို့မှာ ဦးသန်းမောင်ကို ဖမ်းဖို့ နောက်ခံ အကြောင်း တခုခု ရှိတဲ့အတွက် ခုလို ဖမ်းတာလို့ ကျွန်တော်တို့က ယူဆပါတယ်။”

ဦးသန်းမောင်မှာ ဖမ်းဆီးခံရသည့် အချိန်မှ စပြီး ယခုအချိန်ထိ မိသားစုနှင့် မတွေ့ရသေးသဖြင့် မိသားစုများ အနေဖြင့် အထူး စိုးရိမ်နေကြသည်ဟု သိရသည်။

နိရဉ္စရာမှ တောင်ကုတ်ရဲစခန်းကို ဆက်သွယ်မေးမြန်းရာ ရဲသားတဦးက ဦးသန်းမောင်အား ဖမ်းဆီးထားခြင်းကို အတည်ပြုပြောကြားပြီး ဧည့်စာရင်း စစ်သူများကို မချေမငံ ပြော၍ ၀တ္တရား နှောင့်ယှက်မူဖြင့် ဖမ်းဆီး တရား စွဲဆိုထားကြောင်း ပြောကြားသည်။

ယခင်က တောင်ကုတ်မြို့မှ အဖွဲ့ချုပ် အဖွဲ့ဝင်များအား ဖမ်းဆီးရာတွင် စစ်သားများ ပါဝင်ခြင်း မရှိခဲ့ဘဲ ယခုတွင်မှ ဖမ်းဆီးရာတွင် စစ်သားများ ပါဝင်လာခြင်းမှာ တောင်ကုတ်မြို့အပါအ၀င် တချို့မြို့ကြီးများတွင် ဗုံးခွဲမည်ဆိုသော သတင်းများ ပျံ့နှံ့နေ၍ ရဲသားနှင့် စစ်သားများ ပူးတွဲ လုံခြုံရေး ယူထားသဖြင့် ယခုကဲ့သို့ အရပ်သားများကို ဖမ်းဆီးရာတွင် စစ်သားများ ပါဝင်လာခြင်း ဖြစ်ကြောင်း သိရသည်။


နဂါး ဒေါ်ဦး ၏ ဘ၀ စာမျက်နှာများ

ဘိုဘိုလန်းစင်

(၁)
ကျနော့်စိတ်ထဲတွင် စွဲကျန်နေသော မေမေဦး၏ ပုံရိပ်သွင်မှာ ဆရာ ဦးငွေကိုင် ဆွဲသည့် ဆီဆေး ကားလေးထဲမှ စပို့ရှပ် စိမ်းပြာ ရောင်ဝတ် ဆံလှိုင်းတွန့် အမောက်ဖွာထားသော ၁၉၅၀ ကျော် ဖက်ရှင်နှင့် ပြုံးလဲ့လဲ့အမျိုးသမီး တယောက်သာ ဖြစ်သည်။

ထိုရုပ်ပုံရှင် ဘွားကြီးတော်ဟု မြေးတသိုက်က ခေါ်စမှတ် ပြုသည့် အမေဦး ရာပြည့်ချိန် ရောက်လာပြီဆိုတော့ အဘေး ဖိုးထင် နှစ် တရာပြည့်ပြက္ခဒိန်အဟောင်းလေး နောက်ကျောတွင် မှတ်ထားခဲ့သော မဦး ၂၇.၄.၁၉၁၀ နေ့မွေးဆိုသည့် မင်နီစာကြောင်းလေး ကိုပဲ ပြန်မြင်မိတော့၏။

ရန်ကုန်မြို့  ဆင်းဒဝစ်လမ်းတိုက်ခန်းတွင် တွေ့စဉ် အန်ကယ် ထားဝယ် ဦးသန်းဆွေက“အမေဦးအကြောင်း ဘိုဘိုရေးပါလား”ဟု တိုက်တွန်းဖူးသော်လည်း တကယ်တမ်းဘာမှ မှတ်မှတ်သားသား မေးမြန်းမထားလိုက်ရသောကြောင့် ကလောင်တို့ဖို့ သတ္တိမရှိ လှပါ။ အဘွားရှိစဉ်က သူ့အစ်မ အကြောင်းပြောဖူးရေးခဲ့သမျှ၊ တခုသော နွေရာသီ မေမြို့ ၌ နဂါးဦးထွန်းချွန်တူ၊ ကျနော့်အဘိုးလေး မန္တလေးယူနီဗာစီတီကောလိပ် သမဂ္ဂ ဥက္ကဋ္ဌဟောင်း ဦးမောင်လေးတို့နှင့် ဆုံခိုက် မှတ်သားခဲ့သမျှ၊ ဟိုဟိုဒီဒီဖတ်မှတ်ဖူးသမျှနှင့်သာ စာဖွဲ့ရပါမည်။ လက်ဝဲမိသားစုဟု သတ်မှတ်ခံရသောအမျိုးတသိုက်ကြားတွင် တဘာသာထူးသော ဘာသာရေးအလှူအတန်းနှင့် နတ်ကနားအပေးသန် ပွဲကြိုက်သော ရွှေမန်းသင်္ကြန်၏ ထီးချက်စောင့် အမေဦးအကြောင်း။

တကယ်တမ်း မနေ့တနေ့ကဟု ထင်ထားခဲ့သည့် ရေနန်းသူဇာ နဂါးမယ် သင်္ကြန်မဏ္ဍပ်ခေတ် မရှိတော့သလို မန္တလေးမြို့ ထဲ အောင်ဆန်းလမ်း အာဇာနည်လမ်း စသောကျောက်လမ်းမကြီးများပေါ်က သင်္ကြန်သည်ပင် ပျောက်ကွယ်ခဲ့ပီး ကျုံးဘေးက ကြော်ငြာရေပက်ပွဲ၊ စတိတ်ရှိုးသင်္ကြန်၊ တောင်ပြုံးသင်္ကြန်သာ မန်းဟန်ပျက်လျက် ကျန်ခဲ့ပြီပဲ။ သို့ပေသိ ဤနှစ်တွင် အမေဦးတူမနှင့် ဓားတန်းဦးသန့်မြေး သမီးခင်ပွန်းပိုင် ရီမြင့်ရုပ်ရှင်မှ ရိုက်သော၊ တူ အဉ္စလီမောင်မောင် ဂီတမှူးလုပ်သည့် “သင်္ကြန်မိုး” ရုပ်ရှင် ငွေ ရတုတိုင်ပြီဆိုတော့လည်း ယူကျုပေါ်တွင် ပြန်ကြည့်ရင်း ရှေးခေတ်ကောင်းကို လွမ်းကြရပါသည်။ အေးချမ်းဖွံ့ဖြိုးနေသည့် တိုင်းပြည် ကြီးမှာ“အခါတွင်း ဗုံးပေါက်သတဲ့ အမေရယ်”ဟု ပြောလျှင် မန္တလေး တောင်မြောက်ဘက်ပင် သူပုန်အောက်က မလွတ်သေးခင် ကတည်းက စပြီး အနှစ် ၄၀ လောက် မဏ္ဍပ်ထိုး အလှပြကားထွက်ကာ သင်္ကြန်ခံလာသော နဂါးဒေါ်ဦး ဘာပြောမည်ကို သိချင် လှတော့သည်။

တနိုင်ငံမြိုင်ယံခြားရုံမက မိုင်ထောင်ချီဝေးသည့် မြောက်ကျွန်းရောက်နေသည်မို့ သင်္ကြန်နီးလျှင် တခြိမ်းခြိမ်း အကတိုက်နေသော နဂါးဆေးလိပ်ခုံ တိုက်ကြီးပေါ်က ဆိုင်းသံဗုံသံတွေကို ပြန်ကြားချင်သလို လူယောင်ဆောင်နဂါးမလေးများ ရေကန်သာတွင် ရေချိုး ဆင်းပုံ နောက်ခံကားကြီးရှေ့မဏ္ဍပ်ပေါ်တွင် နဂါးမယ်ကသည့် ဗျောလို နဂါးသင်္ကြန်သီချင်း စည်းချက်အလိုက် ကနေကြသည့် အင်္ကျီနီ ခပ်ရဲရဲထဘီ ဒီဇိုင်းနှင့် အမျိုးသမီးတသိုက်၊ ထိုအထဲက အစ်မနှင့် ညီမပေါက်စ၏ မိတ်ကပ်ရဲရဲပုံတွေကိုပဲ ပြန်မြင်မိသည်။

မိန်းကလေး ၁၀၀-၁၅၀လောက်ကို နေ့တွက်ပေး ထမင်းကျွေးပြီး တနှစ်တခါ စပ်ခိုင်းသည့် ဆေးလိပ်ကြော်ငြာ မပါသော သီချင်း အသစ်နှင့် ဆိုင်းဝိုင်းငှား အကတိုက်ခိုင်းရုံမက သူကိုယ်တိုင် အထာမကျသည့် မိန်းကလေးတွေကို ဝင်သင်ပေးလိုက်သေးသည်ဟု အဘွားက သူ့အစ်မအကြောင်း ရေးဖူးသည်။ စင်ပေါ် ကိုယ်တိုင်မကသော်လည်း စိတ်ထဲက လက်ချိုးခါးညွှတ်လုပ်နေမည့် အမေဦး။ ငယ်ကတည်းက တီးဝိုင်းနှင့်လှည့်သော ဓာတ်ရှင်ကြော်ငြာကားလာလျှင် သင်ပေးမည့်သူမရှိဘဲ ခေါင်း ခါး ကျန ကတတ်သော အမေဦး။

(၂)
နဂါးသည် လက်နှင့်လိပ်သည့်ဆေးလိပ်ခုံများထဲတွင် ပထမဆုံး နိုင်ငံအနှံ့ ဖြန့်ချိနိုင်သူ ဖြစ်ပါသတဲ့။ ဆေးလိပ်သမ ၅၅၀၀ နှင့် တနေ့ ကို အလိပ်ရေ ၂၇ သိန်းခွဲ လိပ်နိုင်ပါသတဲ့။ အဘွားရေးသော အဘိုး အတ္ထုပ္ပတ္တိတွင် ဆိုသလို နဂါးဆေးလိပ် စက္ကူပတ် ရိုက်ရသော ပုံနှိပ်ခနှင့်ပင် အရင်းရှင်ကြီးများနှင့် အစိုးရကြော်ငြာမရသည့် လူထုသတင်းစာမှာ အစိုးရအာမခံကြေး အကြိမ်ကြိမ်တောင်းသည့် ဒဏ်ကို တောင့်ခံနိုင်ခဲ့သည်တဲ့လေ။

ဒေါ်ဦးပေးသော ဂရန့်ကြောင့် သတင်းစာဆရာ၊ ကဗျာဆရာ၊ ပန်းချီဆရာစသည့် အနုပညာရှင်ပေါင်းစုံကို လူထု က မကြောင့်မကြ စင်တင်ပေးနိုင်ခဲ့သည် ။ ထို့ပြင်တဝ လူထုသတင်းစာဟောင်းများမှ ၁၉၄၉ မန္တလေးကို လက်နက်ကိုင်တပ် သုံးတပ် လက်က ဖဆပလ အစိုးရတပ်များ ပြန်သိမ်းပြီး နဂါးဆေးလိပ်ခုံတွင် ယာယီရုံးစိုက်ကြောင်းဆိုသော သတင်းဟောင်းလေးကို သတိရမိသလို ပြည်တွင်းစစ်မီးကြားက ဥမမယ်စာမမြောက် တပ်မတော် သက်သာ ချောင်ချိရေး အတွက် မင်းကတော်တသိုက်နှင့် ကူညီခဲ့သည့် အမေဦးပုံကိုလည်း ပြန်မြင်သည်။

ဖဆပလ ကြီးကွဲရခြင်း လတ်တလောအကြောင်းက ပင်လုံဒေါ်နုယဉ်ကို ဆန်တင်ဒါချပေးသည့်ကိစ္စဆိုတာမျိုးလို အာဏာရ အသိုင်း အဝိုင်းနှင့် အမေဦး အလွန်အကျွံ ဒွေးရောယှက်တင်တော့ ရှိပုံမပေါ်။ ရေသဘင်တွင် ဦးနု ရေအလောင်းခံရတာမျိုးက မိတ်ဆွေ ကဏ္ဍ ဖြစ်လိမ့်မည်။ အဘွား သူငယ်ချင်း ဒေါ်မာလာ၏ ဖဆပလ ညီလာခံသွား အတွေ့အကြုံကို ရေးသော နှစ်ထပ်ဆလံ ဝတ္ထု (၁၉၄၆)တွင် မန္တလေး အမျိုးသမီး လွတ်လပ်ရေးအဖွဲ့ ငွေထိန်းမှူး နဂါးနီ ဒေါ်ဦးနှင့် တွဲဖက်အတွင်းရေးမှူး ညီမ မတင်တင် ဟု ဖော်ပြထားသည်။ စစ်ပြီးခေတ် အထက်ဗမာပြည် အမျိုးသမီးလှုပ်ရှားမှုများမှာ အမ်အေ ဒေါ်အုန်း၊ ဒေါ်ဦး၊ ဒေါ်အမာ စသည့် မန္တလေးသူတို့နှင့် မကင်းလှ။

ဆေးရွက်ကြီးနံ့ လှိုင်နေသော နဂါးတိုက်အောက်ထပ်ခန်းမကြီးထဲမှ ၁၉၅၀ ကျော်ပုံ မာစီဒီး အနက်ရောင် ရှေ့ရိုက်ထားသည့် မူလတန်း ကျောင်းသား ကျနော့်ဓာတ်ပုံကို ပြန်တွေ့လျှင် ဖိုးပါကြီး၊ ကြည်ကြည်ဌေးတို့ စီးခဲ့တာ ဒီကားမျိုးတွေနေမှာဟု အောက်မေ့ရင်း ဖဆပလ ခေတ် ချောင်ချိသော ဆိုရှယ်လစ်စီးပွားရေးအောက်တွင် ပေါ်ထွန်းလာသော တိုင်းရင်းဓနရှင် လူတန်း စား၏ ဆယ်နှစ်အတွင်း ဘုံကြိုးပြတ်ခန်းကို သတိရသည်။ ပြည်သူပိုင် ဒလကြမ်းသိမ်းသည့်ခေတ်မှာ ကုန်သည်လုပ်ငန်းရှင်တွေကို ဆူဇကာပုဒ်မနှင့် ထောင်ချကြမ်းနေချိန်တွင် အမေဦးလည်း အမြတ်တော်နှင့် ရောင်းခွန်တော် နှိပ်စက်မှုကြောင့် ဆေးလိပ်ခုံနှင့် တိုက်တွေ ချိတ်ပိတ်ခံရ၊ အမရပူရ အဝင်က ဆေးပေါင်းရုံတွေ မြေတွေအသိမ်းခံရ နောက်ဆုံးထောင်ပါကျရရှာသည်။

အလုပ်သမားခေါင်းတို့၏ မရိုးမသားခိုးယူမှုများကို သိသော်လည်း ဝါဏိဇ္ဇ ပဋိပက္ခ ဥပဒေနှင့် အလုပ်ရှင်တွေကို နှိပ်စက်သည့် အလုပ်သမားကောင်စီကို ကြောက်ရသဖြင့် အလုပ်မလည်ပတ်နိုင်တော့မှ လျော်ကြေးပေးပြီး လျှော့ပစ်ရသည်။ ထိုအထဲ ကျောင်း တော်ရန်စရှိသည့် အလံနီ လက်နက်ချ ဒေါ်စောမြ မဆလ တွင် ဘုန်းတောက်သည့်အခါနှင့် သွားကြုံသည်။

ဖဆပလ အဖွဲ့မပေါ်ခင် စပြီးစည်းရုံးကြစဉ်ကတည်းက ဒေါ်ဦးသည် ဖဆပလကိုရော၊ ကွန်မြူနစ်ပါတီကိုပါ အဘက်ဘက်က ထောက်ခံ အားပေးသူ၊ နောက်ပြီး နဂါးဆေးလိပ်ခုံ အလုပ်သမားသမဂ္ဂ စဖွဲ့တော့လည်း လိုလိုလားလား အားပေးခွင့်ပြုခဲ့သူဖြစ် သည်။

၁၉၂၁ က မြန်မာပြည်တွင် ဗော်လ်ရှီဗစ်ဝါဒ အကြောင်း အစောဆုံးဖော်ပြခဲ့သည့် နေပြည်တော်ဂျာနယ်အယ်ဒီတာဦးရှင်၏ တူမ၊ ဆိုဗီယက် ရုရှားအကြောင်း စစ်ကြီးမဖြစ်ခင်ကပင် စာအုပ်ရေးခဲ့သည့် ကြီးပွားရေး ဦးလှ မရီးပေမို့ ဤသို့ အလုပ်သမားရေးနိုးကြားမှု ရှိသလော မဆိုတတ်။ ဖြစ်ချင်တော့ နဂါးဆေးပေါ့လိပ်ရုံ အလုပ်သမားတွေက ဆေးလိပ်လိပ်ခ တိုးပေးဖို့ တောင်းဆိုရာက မပြေ လည်ဘဲ ဆက်ဆံရေး ပျက်ခဲ့ရသည်။

၁၉၄၅ က ပထမဆုံးဖွဲ့သည့် အမျိုးသမီးတပ်က ဗိုလ်ဟောင်း ဒေါ်စောမြမှာ နဂါးတိုက်ပေါ်တွင် ဒေါ်ဦးကျွေးမွေး အဝတ်ဆင်ခဲ့ပြီး နောက်ပိုင်းနှင်ချခဲ့သည့် ရဲဘော်မ တသိုက်တွင် ပါလေသည်။ ထို့ပြင် ဖဆပလ ခေတ်က ရန်ကုန် ဘားလမ်းတိုက်သို့ မြင်းပွဲရှုံးတိုင်း ပိုက်ဆံလာတောင်းလွန်းသဖြင့် မရှိဘူးပြောခိုင်းပြီး ပုန်းနေတတ်သည်ကို မှတ်ထားသော စစ်ဦးစီးချုပ်ကြီး၂၆ နှစ် မိုးကောင်းသည့် ခေတ်တွင် တခြားသော အမျိုးသားငွေရှင်ကြီးများနည်းတူ အမေဦးလည်း အထိနာခဲ့သည်။ မနှစ်က ပုဂ္ဂလိကလုပ်ငန်းတွေ အဆောက်အအုံတွေ ပြန်ပေးမည်ဆိုသည့်အထဲ နဂါးပစ္စည်းတွေပါသည်တော့ မကြားမိသေး။ မန္တလေး နန်းတွင်းထောင်က အမေဦး နေခဲ့သည့် တိုက်ကလေးမှာ ဗိုလ်ချုပ်အောင်ကြီးနှင့် ခွန်ဆာလည်း နေခဲ့သည်ဟု ကြားဖူးသည်။

(၃)
တခါသား မုံရွာ အနောက်ကမ်း လက်တောင်းကြီး အမျိုးအလှူကအပြန် ဖိုးဝင်းတောင်အဝင် ဇရပ်တခုတွင် အမေဦး ဓာတ်ပုံကြီးက ခန့်ခန့်ကြီး ကြိုနေပါသည်။ မနေ့ကမှ ရွာမှာတွေ့ခဲ့သေးသည်ပဲ။ ထို့အတူ မင်းဘူး စက္ကိန္တဲ၊ အလောင်းတော် ကဿပ ၊ ကျောက်တန်း ရေလယ်ဘုရား စသည့် အနေရာရာက ဘုရားကျောင်းကန်အနှံ့ သူ့ကုသိုလ်နှင့် ရှောင်မလွတ်ပေ။ သူ ဆောက်လှူသော ရန်ကုန် အရှေ့ ပိုင်းက ရာမာခရစ်ရှနား ဆေးရုံ အဆောင်ကို သမ္မတကြီး ဦးဝင်းမောင်ကတော် ဖွင့်ပေးသည်။ မန္တလေး အရှေ့ ပြင် မနောရမ္မံ က အနာကြီးရောဂါသည်များအတွက် အမေဦး လှူဒါန်းသော နဂါးကွက်သစ်ကို အစိုးရသိမ်းပြီး အကွက်ချရောင်းခဲ့သည်။
မန္တလေး ၁၃၀၀ပြည့် အရေးတော်ပုံ အာဇာနည် ၁၇ ဦး အရေးအခင်း၊ စစ်ပြီး ငြိမ်းချမ်းရေးလှုပ်ရှားမှုတို့တွင် ဦးဆောင်ဆရာတော် ရဟန်းပျို ဥက္ကဋ္ဌ ဦးကလျာဏ(အဂ္ဂမဟာ ပဏ္ဍိတ) ဈာပနချဆောင်လာပုံတွင် ဇာတ်သမများနှင့် နဂါးယာဉ်၊ တရုတ်တန်းဘုံကျောင်း ယာဉ် စသည့် ဈေးချိုတော်ရှေ့ က ယာဉ်တန်းကြီးကို အာဏာသိမ်းပြီးစ လူထု သတင်းစာဟောင်းများတွင် ပြန်တွေ့ရလျှင် နဂါး တိုက်တွင် တွေ့နေကျ ဂျစ်ကားကိုယ်တိုင်မောင်းသည့် ဗိုလ်ကုခေါ် ဆရာတော်ဦးကုသလကို သတိရသည်။

၁၉၅၈တွင် တည်မြဲအမာခံအဖြစ် ဓားထက်ခဲ့ပြီး ၁၉၆၅ သံဃာအရေးအခင်းနောက်ပိုင်း ထောင်ကျောင်းစံ ဗိုလ်ကု၏ မန္တလေး တောင်ခြေ ရဟန်းပျိုအဖွဲ့ချုပ်မှာ ၈၈ အရေးအခင်း ဂဠုန်နီခေတ်အထိ အထက်မြန်မာပြည်၏ နိုင်ငံရေးဥသျှောင်တခုဖြစ်သလို လူထုအပေါ်သြဇာညောင်းရာ အကြည်ညိုခံရမှုတွင်လည်း ယခုကာလ မဟန နှင့် တနံစီဖြစ်သည်။

မြောက်ပြင် စတုဘုမ္မိက နဂါးရိပ်သာ ကျောင်းအစ်မကြီးကို မဆလ ခေတ်တွင် ဘူဇွာဟု ချောင်ထိုးခဲ့သလောက် နဝတ ခေတ်ဦးကျ မန္တလေးနန်းမြင့်ကို ဖွင့်ခိုင်းခြင်း၊ အဂ္ဂမဟာ သီရိသုဓမ္မ သိင်္ဂီဘွဲ့ကို ပထမဆုံးပေးခြင်း စသည့် ပါဝါအပျော့များဖြင့် သိမ်းသွင်း ခဲ့ကြ သေးသည်။

အရေးအခင်းပြီးစ ဒေါ်အောင်ဆန်းစုကြည် မန္တလေးလာစဉ် အဘွားက “မမဦးရော ကျမဆီ လာတွေ့ပါဦးလား” ဟု ခေါ်မိရာ “ဒေါ်စုက ငါ့တွေ့ချင်ရင် ငါ့ဆီလာခဲ့ပေါ့”ဟု ပြန်ပြောသည့် အမေဦး စကားက အမျိုးများကြား ပြောစမှတ်ဖြစ်ကျန်ခဲ့သည်။ အန်တီစုကို ပထမဆုံး ၆ နှစ်ကြာ အကျယ်ချုပ်က ပြန်လွှတ်သည့် ညနေက သတင်းလေးတော့ သိသွားပါစေဆိုပြီး အဘွားက ပြောခိုင်းပေမင့် အမေဦး သိမသွားရှာဘဲ နောက်တနေ့ပင် ဆုံးရှာသည်။

နဂါးတိုက်အပေါ်ဆုံးက နတ်ရုပ်တွေထားသောအထပ်ကို သိပ်မတက်ဝံ့ခဲ့ကြသော်လည်း အင်တာနက်ပေါ်ကရသည့် နတ်ဒိုး နတ်ချင်း ရသမျှ စုထားပြီး လန်ဒန်တွင် ကနားပေးလျှင် သွားကြည့်ကြမည်ဟု ကျနော်တို့ မောင်နှမ ကြံစည်ထားကြသည်။

လူထုဂျာနယ်တွင် ၁၉၅၀ကျော်က အဘွားရေးခဲ့သည့် “မထွက်သေးသော အဖြေ” ဆိုသည့် ဝတ္ထုထဲမှ သူဌေးမကြီးနှင့် မောင် တက္ကသိုလ်ကျောင်းသားတို့ အချီအချဆွေးနွေးခန်းတွင် မမက ခေတ်ဆိုးကြီးထဲမှာ အနုကြမ်းစီး ပြန်ပေးဆွဲ လက်ဝဲသမားတွေက ပစ္စည်းသိမ်း စတဲ့ဘေးတွေကြောက်လို့ ဘိုးတော်ကိုးကွယ်တာလို မဟုတ်မဟတ်အယူတွေကို စွဲလမ်းနေတာ၊ ဘယာဘေးကြောက် လို့၊ လာဘ်လာဘမျှော်ကိုးလို့ သက်သက်ဖြင့် ကုသိုလ်မလုပ်သင့်ဘူး စသည့် ဒိုင်ယာလော့ကို ဖတ်တိုင်း အမေဦးနှင့် သီရိစန္ဒာ မယ်တော်ကြီးရော အဘိုးလေးများကိုပါ မြင်လာမိသလို အဘွားတို့ အဘိုး စတုဘုမ္မိက မဂ္ဂင်တရားပြ ဆရာကြီး ဘိုးစိုးဂေါင်၏
“ဘယာလာဘကုလကြဉ်ရှောင်တဲ့အေ့” ဆိုသော ဆုံးမစကားကိုလဲ သတိရမိပါသေး။ ယခုထိ ခေတ်နောက်ပြန်ဆွဲအယူသီးမှုများ နေပြည်တော်က ယတြာရွှေတိဂုံအထိ လွှမ်းမိုးဆဲ မဟုတ်ပါလား။ မိုးဦးကျ ပဒတ်ပေါ်လျှင် ပဒတ်ကြော်နှင့် သရက်သီးကို အမေ အဘွားများ တင်သပြီးမှ စားသော အမေဦး၏ ဒေါင်းလန်းနီလေးပေါ်မှ ဆီးဖြူသီးနှင့် ငါးကြင်းကြော်ချက်၊ ပဲနှပ် စသော အညာ စမဲ ဟင်းခွက်များကိုကား လွမ်းဆွတ်မိပါ၏။

စစ်မဖြစ်ခင်က အမေဦးတို့ စုံတွဲ ကားတစင်းနှင့် ရှမ်းပြည်ဘက် လျှောက်သွားကြစဉ်က ရိုက်ခဲ့သော အယ်လ်ဘမ်ဟောင်းလေးတွင် It's a jolly journey! ဟု ရေးထားသလို ခရီးသွားရတာ အမေဦးဟော်ဘီဖြစ်သည်။ မနက်ခင်းလမ်းလျှောက်ဖို့ကို မြစ်ထဲက ကျွန်းပေါ် မော်တော်နဲ့ သွားတတ်သူ ဖြစ်၏။ တပေါင်း မင်းလွင် ထချိန် ရှမ်းပြည်မြေလတ် ပင်းဒယမှ ရွှေပုထိုးဘုရားပွဲကို အမေဦး၏ ကားတန်းကြီးနှင့် သိုက်သိုက်ဝန်းဝန်းသွားခဲ့ရပုံကို အခုထိ အောက်မေ့မိသည်။ ဦးညို (ညီပုလေး) အဖမ်းခံရစက စိတ်ပြေ လက်ပျောက် အဘွားနှင့် ညီအစ်မ ပခန်း ပခုက္ကူ ဘုရားဖူးလာကြစဉ်က အိမ်နီးချင်းတွေ သူ့ကို လာလာကြည့်ကြ၊ ဆေးခန်းထဲက လူနာတွေကို သူကထိုင်ဧည့်ခံနှင့် ဆရာမောင်စွမ်းရည် ရေးဖူးသလို ညီမ သတင်းစာဆရာ စာရေးဆရာမကြီး ထက်ပင် ဘုရား အစ်မ ကျောင်းအစ်မကြီးက မျက်နှာပွင့်လေသည်။

သို့ဖြင့် စီးပွားရေး၊ သာသနာပြု ဒါန အရေးတို့တွင် အမျိုးသမီးများ ဦးဆောင်မှုကို မြှင့်တင်ခဲ့သူ၊ ယဉ်ကျေးမှု ပွဲလမ်းသဘင်များကို စီးပွားရေးမတွက် ခုံခုံမင်မင် အားပေးတတ်သော ပွဲကြိုက်ခင် အမေဦး တခမ်းတနား ကော်ဇောနှင့် ပွဲကြည့်လာပုံမှာ ဦးဆူးငှက်လို မန္တလေးဘွဲ့ ဆရာများ မှတ်တမ်းဖွဲ့စရာ ဖြစ်လာသည်။ ကြည်အေး ရေးသော ရွှေမင်းသားဝတ္ထုထဲက မကြင်ကိုပဲ သတိရသေးတော့။ သို့ပေမင့် ထင်ပေါ်ကျော်ကြားမြန်မာများဟူ၍ ၁၉၈၇ ခန့်က ဝင်းတင်ဝင်း မီဒီယာက ဗီဒီယိုရိုက်ကူး မေးမြန်းခြင်း၊ ၁၉၉၀ ကျော်က စီးပွားရေးမဂ္ဂဇင်း တချိ့နှင့် တွေ့ဆုံခြင်းမှအပ အမေဦး အကြောင်း သူ့ ညီမအပြင် မည်သူမျှ သတ်သတ်မှတ်မှတ် ရေးသည် မတွေ့သေးပါ။

ဆန်ရှင်တွေ၊ ဓာတ်ငွေ့တွေနှင့် ဝရချီး လည်နေသည့် မြန်မာ့ဓန ဥစ္စာသိုက်ကို သားတူညီများအုပ်စိုးမှု ဘေးမှ ကင်းဝေးသည့်၊ ထိုထက် အမေဦးနှင့် စပ်တူ ဂျပန်က ဟီးနိုးသွင်းရင်း သူ့ကိုနှပ်ချသွားသည့် ဒေါ်ထူး အမျိုးများ မြန်မာ့စီးပွားရေး မောင်ပိုင်စီး မထားနိုင်တော့သည့် နောက်တခေတ်တွင် ကျန်းမာရေးနှင့် ညီညွတ်သော စီးပွားရေးလုပ်ရင်း သာသနာ၊ ယဉ်ကျေးမှုနှင့် လူမှု အကျိုးကို ဆောင်လှည့်ပါဦး မေမေဦးရယ်ဟု သွားလေသူ ကျောင်းအစ်မကြီးကိုပဲ တမ်းတမိပါသည်။

နဂါးနီတန်ခိုးနှင့် အမျိုးဂုဏ်တက်ခဲ့ပြီ၊ လူမွဲတွေပဲ မနှေးခေတ်မီ အမြန်ဆုံး လူတန်းစေ့နိုင်ကြပါစေ။ လက်ဝေခံ ကော်ဇော အိတ် သမား ခေတ်ကုန်ပြီး တိုင်းကျိုးပြည်ဆောင် အမျိုးသားဓနရှင် လူတန်းစား ကြီးပွားထွန်းကားပါစေ။



ယနေ့ မြန်မာ့ရေးရာ သတင်းများ May,2nd,2010

( 18 )ကလေးပျောက်ဆုံးမှုကို နယ်မြေခံ တပ်ကြောင့်ဟု မိဘများက ပြောဆို

( 17 )Myanmar's military maneuvers to keep power

( 16 )နယ်ခြားစောင့် တပ်ဖွဲ့ရေး ကေအန်ယူ ငြင်းဆို

( 15 )Burma's junta preparing for elections

( 14 )တရားစွဲခံရသည့် လယ်သမားများ စားဝတ်နေရေး အခက်အခဲဖြစ်

( 13 )Life or death for Suu Kyi's party?

( 12 )နိုင်ငံရေး အကျဉ်းသား ဒေါ်စမ်းစမ်းတင် နှင့် ကိုမြအေး ကျန်းမားရေး ဆိုးဝါး

( 11 )A Disastrous taste of democracy

( 10 )ဒေသ တစ်ချို့တွင် မိုးသည်းထန်ပြီး လေပြင်းတိုက်ခတ်မှုများ ဖြစ်

( 9 )Myanmar to establish software development offshore center

( 8 )ရောင်းစားခံရသည့် ပြည်ပရောက် ကလေးငယ်များကို စစ်အစိုးရ လစ်လျူရှု

( 7 )Myanmar's junta chief warns of election disruptions

( 6 )စခန်းတွေထဲမှာ နှစ်ရှည် နေထိုင်နေကြရတဲ့ ဒုက္ခသည် သန်းနဲ့ချီရှိ

( 5 )Donors View Civil Society in New Light after Nargis

( 4 )အလုပ်သမား ဘ၀ကျပ်တည်းမှု စစ် အစိုးရမှာ တာဝန်ရှိ

( 3 )Myanmar Junta Members Go Civilian

( 2 )ပဲခူးတိုင်း ကျောက်တံခါးမှာ ဗုံးပေါက်ကွဲ

( 1 )On the road to Myanmar

Saturday, May 1, 2010

မွန်ပြည်သစ်ပါတီအခြေခံဒေသတွင် စစ်အစိုးရတပ်မှပေါ်တာဖမ်းဆီးခြင်းပြုလုပ်ပြီး

ဆူးပန်း၊ ကောင်းဝါ

ဌာနေပြည်သူ့စစ်ဖွဲ့စည်းရန် ငြင်းဆိုထားသည့် မွန်ပြည်သစ်ပါတီ၏အခြေခံဒေသဖြစ်သော ရေးမြို့နယ်အတွင်း ရှိ ကျေးရွာသားများကို မြန်မာစစ်တပ်မှ ပေါ်တာအတင်းအဓမ္မဖမ်းဆီးခြင်းပြုလုပ်နေသည်ဟု ဒေသခံတစ်ဦး မှပြောပါသည်။ ဧပြီလ(၂၈)ရက်နေ့တွင် ရေးမြို့အတွင်းနှင့် အခြားကျေးရွာများတွင် စစ်အစိုးရတပ်များမှ ပေါ်တာ ဖမ်းဆီးသည့်အပေါ် ရေးမြို့နယ်ခံတစ်ဦးက အခုလိုပြောပါသည်။


“ရေးမြို့အဏ္ဏဝါအပိုင်းမှာပေါ်တာတွေဖမ်းတယ်။ လူလဲပြေးကြတယ်တအားဘဲ။ နောက်ပြီးတော့ ကျောင်းရွာ မှာလဲဖမ်းတယ်ခင်ဗျ။ ရွာကလေး ဝယ်ရဟိုင်း အဲဒီမှာသူတို့ဆက်ဖမ်းတယ်။ လူတွေအားလုံး ရုပ်ရုပ်သဲသဲ ဖြစ်နေတယ်ပေါ့နော်။ ဒီနေ့အခြေအနေမှာ အပရိုင်တို့ စုံပတောက်တို့ စုံနံ့သာရွာတို့ဆို ယောက်ျားတွေအားလုံး ရွာမှာမအိပ်ရဲကြဘူး။”

အထူးသဖြင့် မွန်ပြည်သစ်ပါတီတပ်ဖွဲ့များနှင့် ဆက်စပ်မှုရှိသည့် ကျေးရွာများတွင် ဖမ်းဆီးမှုပိုမိုများပြား လာသည်ဟု နယ်မြေခံတစ်ဦးမှပြောပါသည်။ ၄င်းဒေသအတွင်း ပေါ်တာဖမ်းဆီးမှုအခြေအနေများကို နယ်မြေခံ တစ်ဦးမှ ယခုလိုပြောပါသည်။

“(၅၉၁) (၅၈၃)ကျောင်းရွာ တပ်ရင်းနှစ်ရင်းကနေ ဒီဝယ်ရဟိုင်းတို့ ရွာကလေးတို့ အဲဒီကိုဘဲ သူတို့ဦးတည် လာတယ်ပေါ့နော်။ ဖမ်းဆီးခံရတာခန့်မှန်းရရင် ရွာကလေးနဲ့ ဝယ်ရဟိုင်းမှာ ဆိုရင်စုစုပေါင်း သူတို့အယောက် (၁ဝဝ)လောက်တော့ ရမလားမသိဘူး။ ခန့်မှန်းခြေအရတော့ တွက်ဆမိတာပေါ့နော်။”

ဖမ်းဆီးထားသည့်ပေါ်တာများကို နယ်စပ်စစ်ဆင်ရေးတွင်အသုံးပြုသွားမည်ဟုယူဆကြောင်း အဆိုပါဒေသခံ မှ ပြောပါသည်။

ယခုလိုပေါ်တာဖမ်းသည် စစ်အစိုးရတပ်များအနေနှင့် ပါတီရဲ့ဆက်သွယ်ရေးလမ်းကြောင်းကို ဖြတ်တောက်ရန်နှင့် မွန်ပြည်သစ်ပါတီဗဟိုဌာနချုပ်ဝန်းကျင်ဒေသကို ထိမ်းချုပ်ရန်ရည်ရွယ်ထားသည်ဟု မွန်ပြည် သစ်ပါတီ၏ အမည်မဖေါ်လိုသူ တာဝန်ရှိသူတစ်ဦးက ပြောပါသည်။

စစ်အစိုးရကနေ ဖိအားပေးဖွဲ့ခိုင်းထားသည့် ဌာနေပြည်သူ့စစ်တပ်ကို မွန်ပြည်သစ်ပါတီအနေနှင့်လက်မခံနိုင်ကြောင်း ဧပြီလ (၂၂)ရက်နေ့တွင် စစ်အစိုးရထံ အကြောင်းပြန်ထားခဲ့ပြီးဖြစ်ပါသည်။ ယခုလောလောဆယ်ဆယ် အနေအထား တွင်မူ မွန်ပြည်သစ်ဗဟို ဝန်းကျင်ဒေသမှ တပ်မိသားစုများအပါအဝင် ရွာသားများကို စစ်ဘေးလွတ်ရာသို့ ကြိုတင်နေရာပြောင်းရွှေ့ ထားပြီးဖြစ်သလို သက်ဆိုင်ရာတပ်ရင်း၊တပ်ဖွဲ့များကိုလည်း အလစ်ငိုက်တိုက်ခိုက်ခြင်း မခံရလေအောင် သတိ အနေအထားတွင် စောင့်ကြည့်နေရသည်ဟု မွန်ပြည်သစ်ပါတီ အလယ်အလတ် ခေါင်းဆောင်တစ်ဦးမှ ပြောပါသည်။

ပါတီခေါင်းဆောင် ၀န်ကြီးချုပ်ဖြစ်နေမှု ဥပဒေနှင့် ကိုက်ညီခြင်းမရှိ

မင်းနိုင်သူ Saturday, May 01, 2010

ပြည်ထောင်စု ကြံ့ခိုင်ရေးနှင့်ဖွံ့ဖြိုးရေး ပါတီ ခေါင်းဆောင်အနေဖြင့် ၀န်ကြီးချုပ် ရာထူး ဆက်လက်ကိုင်စွဲထားခြင်းသည် ပါတီ မှတ်ပုံတင်ခြင်း ဥပဒေများနှင့် ကိုက်ညီခြင်းမရှိကြောင်း တခြားသော ပါတီများက ဝေဖန်မှုများရှိနေသည်။

ယမန်နေ့ထုတ် အစိုးရ သတင်းစာများတွင် ဦးသိန်းစိန်ပါ(၂၇) ဦးသည် “ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ”ကို မှတ်ပုံ တင်ခွင့် လျှောက်ထားကြောင်း ဖော်ပြထားပြီး ဦးသိန်းစိန်သည် ၀န်ကြီးချုပ်ရာထူးဖြင့် ဘိလပ်မြေစက်ရုံဖွင့်ပွဲ တက်ရောက်နေသည် ကိုလည်း တွေ့ရှိရသည်။

နိုင်ငံရေး ပါတီများ မှတ်ပုံတင်ခြင်း ဥပဒေ အခန်း(၂) အပိုဒ်(၄)တွင် ပါတီတည်ထောင်လိုသူများသည် နိုင်ငံ့ဝန်ထမ်း မဖြစ်ရဟု ပါရှိ သည်။


ပြည်ထောင်စု မြန်မာနိုင်ငံ အမျိုးသားနိုင်ငံရေး အဖွဲ့ချုပ် ပါတီမှ ဦးအေးလွင်က“စစ်တပ်က နားလိုက်ရုံနဲ့ သူက ၀န်ထမ်းမဟုတ် တော့ ဘူးလား၊ ၀န်ကြီးချုပ် ဆိုတာ တိုင်းပြည်ရဲ့ အမြင့်ဆုံးဝန်ထမ်းမဟုတ်ဘူးလား၊ မှတ်ပုံတင်ဖို့ လျှောက်ကတည်းက အစိုးရ ၀န်ထမ်းမဖြစ်ရဆိုတဲ့ အချက် ပါတယ်ဗျ၊ အခုဟာကတော့ ၀န်ကြီးချုပ်ဆိုတာ နိုင်ငံ ၀န်ထမ်း မဟုတ်ဘူးလို့ မြင်ပြီးလုပ်နေသလား မသိဘူး"ဟု ပြောသည်။

ဒီမိုကရက်တစ်ပါတီ(မြန်မာ) ဥက္ကဌ ဦးသုဝေကလည်း ပါတီခေါင်းဆောင်သည် ၀န်ကြီးချုပ်ရာထူးဆက်လက် ရယူထားသည့်အပေါ် ရှင်းလင်းမှုမရှိဟု ပြောဆိုသည်။

“ဖဆပလ ခေတ်တုန်းကတော့ ၀န်ကြီးတွေက ရွေးကောက်ပွဲဝင်နိုင်တယ်လေ၊ အခုဟာကတော့ ဘယ်လိုသဘောလဲမရှင်းဘူး၊ ကျနော်တို့ ပါတီ တည်ထောင်ခွင့် အတွက် လျှောက်လွှာသွားတင်ရင်း ဒီအချက်တွေကို မေးသွားဖို့ရှိပါတယ်"ဟု ၎င်းက ဆိုသည်။

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးအသင်း(ကြံ့ဖွံ့)သည် ပါတီ ဖွဲ့စည်းလာလိမ့်မည် ဆိုသည်ကိုမူ မြန်မာ့နိုင်ငံရေး အသိုင်း အ၀ိုင်း က ကြိုတင် မှန်းဆထားကြပြီးဖြစ်ကြောင်းလည်း ဦးသုဝေက ပြောသည်။

“ဒီလိုပဲလုပ်မယ်ဆိုတာကို ကျနော်တို့တွက်ပြီးသားပါ။ ဒါပေမယ့် ကြံ့ခိုင်ရေးဆိုတဲ့ နာမည်သုံးတာကိုတော့ ကျနော်တို့ သိပ်မကြိုက် ဘူး၊ ဘာဖြစ်လို့ ဒီနာမည်ယူသုံးသလဲ၊ ကြံ့ခိုင်ဖွံ့ဖြိုးရေးအဖွဲ့ဆိုတာ လူမှုရေးအသင်းအဖွဲ့ကြီးပါလို့ သူတို့ အစဉ်တစိုက် ပြောခဲ့တာ ရှိတယ်လေ"ဟု ဦးသုဝေက ဆက်လက် ပြောဆိုသည်။

ကြံ့ဖွံ့သင်းသည် ဗိုလ်ချုပ်မှူးကြီး သန်းရွှေ ကာကွယ်ရေးဦးစီးချုပ် ဖြစ်လာပြီး နောက်တနှစ် ၁၉၉၃ ခုနှစ်တွင် လူမှုရေးအသင်း အမည်ခံ ပေါ်ပေါက်လာခြင်း ဖြစ်သည်။ တရားဝင် ထုတ်ပြန်ချက်များအရ အသင်းဝင် ၂၄ သန်း ရှိသည်ဟု ဆိုသည်။ စစ်ခေါင်း ဆောင်များသည် ကြံ့ဖွံ့ ၏ နာယက အဖွဲ့ဝင်များ ဖြစ်ကြသည်။ ယင်းကြံ့ဖွံ့အသင်းအဖွဲ့ဝင်များတွင် အစိုးရ၀န်ထမ်းများ ၊ ကျောင်း သားများလည်း ပါဝင်သည်။

၂၀၀၃ ခုနှစ် မေလက ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ်(NLD)ပါတီဝင်များကို စစ်ကိုင်းတိုင်း ဒီပဲယင်း မြို့နယ်၌ အကြမ်းဖက်တိုက်ခိုက်မှုတွင် ကြံ့ဖွံ့က ဦးဆောင်ခဲ့ကြောင်း မျက်မြင်သက်သေများက ပြောဆိုခဲ့ကြသည်။

ဝန်ကြီးချုပ် ဦးသိန်းစိန် ဦးဆောင်သည့် ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီ တွင် ၀န်ထမ်းများ ၊ ကျောင်းသားများ ပါဝင်လာနိုင်ဖွယ် ရှိမရှိကိုလည်း တခြားသော နိုင်ငံရေး ပါတီများက စောင့်ကြည့်နေကြကြောင်း သိရသည်။

ယခုကဲ့သို့ စစ်အစိုးရအဖွဲ့ဝင်များ အရပ်သားအသွင်ပြောင်းကာ ပါတီဖွဲ့လိုက်ခြင်းသည် အနာဂါတ်နိုင်ငံရေးဖြစ်စဉ်တွင် အရပ် သားများ၏ အခန်းကဏ္ဍမရှိသလောက်ဖြစ်သွားရန် ပြုလုပ်လိုက်ခြင်းဖြစ်သည်ဟု အမျိုးသားဒီမိုကရေစီအဖွဲ့ချုပ် ဗဟို အလုပ် အမှုဆောင် ဦးဝင်းတင် က ပြောဆိုသည်။

KNU နယ်မြေအတွင်း လှုပ်ရှားနေသော နအဖတပ်များ

သျှမ်းသံတော်ဆင့်

ကရင်အမျိုးသား လွတ်မြောက်ရေး တပ်မတော် (KNLA) နယ်မြေအတွင်း၌ လက်ရှိအချိန်တွင် မြန်မာစစ်တပ်မှ တိုက်ခိုက် ရေး တပ်ရင်း တစ်ရာကျော်ခန့် နေရာယူလှုပ်ရှားနေကြောင်း မကြာသေးမီကရရှိသည့် စစ်ရေးအစီရင်ခံစာတစ်စောင်အရ သိရသည်။


ကရင်လက်နက်ကိုင်တပ်များရှိရာ မြန်မာနိုင်ငံ အရှေ့တောင်ဘက်ရှိ ကရင်နှင့် မွန်ပြည်နယ် ၊ ပဲခူးနှင့် သနင်္သာရီတိုင်း အတွင်းရှိ နယ်မြေများတွင် မြန်မာစစ်တပ်၏ ပင်မ မြေပြင် တိုက်ခိုက်ရေး တပ်မ၂ ခု နှင့် စကခ (ခေါ်) စစ်ဆင်ရေး ကွပ်ကဲမှု ဋ္ဌာနချုပ် (၈)ခုတို့ ပုံမှန်လှုပ်ရှားကြောင်း သိရသည်။

အဆိုပါ တပ်များတွင် တပ်မ ၂၂ ၊ ၄၄ နှင့် စကခ ၂ ၊ ၄ ၊ ၅ ၊ ၇ ၊ ၈ ၊ ၁၀ ၊၁၉ ၊ ၂၁ စသည့် ကွပ်ကဲမှုတပ်များပါဝင်ပြီး တပ်ရင်းပေါင်း တစ်ရာကျော်ခန့်ရှိကြောင်း သိရသည်။

ကရင်လက်နက်ကိုင်များနှင့်ရင်ဆိုင်နေသည့် လက်ရှိ မြန်မာစစ်တပ်၏ အင်အားသည် ယခင်ထက်စာလျှင် တပ်မ ၂ ခုခန့် လျှော့နည်း နေကြောင်း တရုတ်နယ်စပ်ရှိ စစ်ရေးနိုင်ငံရေးအကဲခတ် ဦးအောင်ကျော်ဇောက သုံးသပ်သည်။

“ကရင်နယ်မြေဘက်မှာ အဓိကကတော့ စကခတွေပဲများတယ် တပ်မ ၂၂ နဲ့ ၄၄ က ပုံမှန်ရှိတယ် တစ်ခုက ခါတိုင်းရှိတဲ့ တပ်မ ၆၆ နဲ့ ၇၇ ကတော့မပါဘူး ထုတ်ထားတဲ့သဘောရှိတာပေါ့ ခါတိုင်းထက် တပ်မ ၂ခုလောက်လျှော့နေတဲ့ သဘောပေါ့ ”


“တရုတ်နယ်စပ်ဘက် လိုရင်လည်းသုံးရအောင်ပေါ့ အရင်ဘင်္ဂလားနယ်စပ်ပြဿနာပေါ်ကတည်းက ထုတ်ထားတာလေ အဲဒီကတည်းက ပြန်မသွင်းတာ တစ်ခုလုံးလိုအပ်ချက်အရ ထုတ်ထားတာဖြစ်နိုင်တယ် ” လို့ သူက ပြောသည်။

လွန်ခဲ့သည့်နှစ်အတွင်းက သျှမ်းပြည်(မြောက်ပိုင်း) ကိုးကန့်အထူးဒေသ (၁) တပ်ဖွဲ့အား ထိုးစစ်ဆင် တိုက်ခိုက်ချိန်မှစ၍ အဆိုပါ ဒေသလုံခြုံရေးအတွက် မြန်မာစစ်တပ်က တပ်မ ၃၃ နှင့် ၉၉ ကို ကိုးကန့်ဒေသတစ်ဝိုက်တွင် အမြဲတမ်းတပ်စွဲထား ရသည်။

မြန်မာစစ်တပ်၌ ပင်မမြေပြင်တိုက်ခိုက်ရေး တပ်မ ၁၀ ခုခန့် ရှိသည့်အနက် နောက်ထပ်ပြောင်းရွှေ့လှုပ်ရှားနိုင်သည့် တပ်မ အနေဖြင့် ၅ ခုခန့်သာရှိကြောင်း သိရသည်။

ကရင်အမျိုးသားလွတ်မြောက်ရေးတပ်မတော်သည် ကရင့်အမျိုးသားအစည်းအရုံး (KNU) လက်အောက်ခံ လက်နက်ကိုင် တပ်ဖြစ်ပြီး ကရင်အမျိုးသားရပိုင်ခွင့်အတွက် နှစ်ပေါင်း ၆၀ ကျော်ကြာ လက်နက်ကိုင်တိုက်ခိုက်နေသည့် အဖွဲ့ဖြစ်သည်။

ဆင်ဖြူတော်နှင့် ဘောင်းဘီချွတ်သူ

ရန်ကုန်သားတာတေ

ကြွက်စုတ်။ ။ တိုက်ပွဲကား တဖြည်းဖြည်း ပြင်းထန်လျက် ရှိလေပြီ။

ဖိုးရှုပ်။ ။ ဘာလဲဟ … ထိုင်းက ရှပ်နီ၊ ရှပ်ဝါ၊ ရှပ်ရောင်စုံတွေနဲ့ စစ်တပ်တွေလား။

ကြွက်စုတ်။ ။ မဟုတ် … လားလားမှ မဟုတ်။

ဖိုးရှုပ်။ ။ သြော်သိပြီ … နယ်ခြားစောင့်တပ် ဖွဲ့ဖို့ ပြောထားတဲ့ အပစ်ရပ်အဖွဲ့တွေနဲ့ နအဖ တပ်တွေလား။ ငါလည်း သိ … သိ။

ကြွက်စုတ်။ ။ နိုး … မဟုတ်။ တိုက်ပွဲကား တဖြည်းဖြည်း ပြင်းထန်သည်ထက် ပြင်းထန်လျှက် ရှိလေသည်။

ဖိုးရှုပ်။ ။ အင်း … ကြွက်စုတ် … နင်ပဲ ရူးသွားတာလား၊ ငါပဲ ကြောင်သွားတာလား ဟင်။

ကြွက်စုတ်။ ။ ငြိမ်ငြိမ်နေစမ်းပါ ဖိုးရှုပ်ရယ်။ အာရုံပျက်လိုက်တာ။ ငါ ဆြာတေကို အားကျလို့ စာရေးဆရာလုပ်မလို့ဟ။

ဖိုးရှုပ်။ ။ စာရေးဆရာ … ဟုတ်လား။ မွဲဆေးက ဖော်တော့မယ်။ စာရေးဆရာ ဘယ်လို လုပ်မှာလဲ၊ ဘယ်တော့ လုပ်မှာလဲ၊ ဘာကြောင့်လုပ်မှာလဲ၊ ဘယ်မှာလုပ်မှာလဲ။

ကြွက်စုတ်။ ။ မင်းကလည်း အခုမှ အခြေခံသတင်းစာ သင်တန်းပြီးထားမှန်း သိသာလိုက်တာ။ အခုပဲစာရေးဆရာ လုပ်မှာ … အခုကို စရေးနေပြီ၊ ပါးစပ်နဲ့။ ဒီခေတ်မှာ မြန်မာစာကို ဇော်ဂျီဖောင့်နဲ့ ရိုက်တတ်သူတိုင်း စာရေးဆရာ လုပ်လို့ရတယ်၊ ဂျီတော့မှာ ချက်ရွန်း ထိုင်သူတိုင်း စာရေးဆရာ လုပ်လို့ရတယ်၊ ဘလော့ရှိသူတိုင်း စာရေးဆရာ လုပ်လို့ရတယ်၊ ခေတ်မီသူတိုင်း စာရေးဆရာ လုပ်ကြတယ် …။ အဲဒီတော့ ငါလည်း စာရေးဆရာ လုပ်မှာပေါ့။

ဖိုးရှုပ်။ ။ ကဲပါ … စာရေးတာတော့ ဟုတ်ပါပြီ။ နင်က ဘာရေးမှာလဲ။

ကြွက်စုတ်။ ။ အင်တာနက်ပေါ်က တိုက်ပွဲခေါ်သံ ဆိုတဲ့ ဖြစ်ရပ်မှန် ဝတ္ထုရှည်ကြီးရေးမလို့ ...။ နင်လုပ်တာနဲ့ ငါ အာရုံ ပျက်သွားတာ။ ဘယ်ရောက်သွားပါလိမ့်။

ဖိုးရှုပ်။ ။ တိုက်ပွဲကား ပြင်းထန်သည်ထက် ပြင်းထန်ရာက တဖြည်းဖြည်း မယုံနိုင်လောက်အောင် ပြင်းထန်လာလေပြီ။ ဆက်ရေးတော့။

ကြွက်စုတ်။ ။ အေး ဟုတ်တယ် ...။ ဆက်ရေးမယ်။ ထိုသို့ လေလှိုင်း … လျှပ်လှိုင်း … ဒီဂျစ်တယ် လှိုင်း … အင်တာနက် … အင်တာဖြူ … အင်တာပြာ များပေါ်တွင် ပြင်းထန်စွာ တဘက်နှင့် တဘက် … အော်ဆဲသူကဆဲ … စကားလုံးနှင့် နရင်းရိုက် သူကရိုက် … ဗုံးထောင်သူကထောင် … ဗုံးကြဲသူက ကြဲ ဖြစ်ချင်တိုင်း ဖြစ်နေကြချိန်၌ … ၌ … ၌ ...။

ဖိုးရှုပ်။ ။ ဘယ်သူနဲ့ ဘယ်သူဖြစ်တာလဲဟ။

ကြွက်စုတ်။ ။ ခက်ပါလား … ပို့စ်မော်ဒန်နည်းနဲ့ ရေးထားတာ။ ဘယ်သူနဲ့ ဘယ်သူဖြစ်တယ် ဆိုတာ နောက်တော့ တဖြည်းဖြည်း သဘောပေါက်လာလိမ့်မယ် ...။ မထူးပါဘူးကွာ … ပြောပြမယ်။ နအဖ ဆွေမျိုးနီးစပ် တွေနဲ့ အင်တာနက် နိုင်ငံရေး သမားတွေ ဖြစ်တာ။

ဖိုးရှုပ်။ ။ အင်းအင်း … သိပြီ ဆက်ပြော။

ကြွက်စုတ်။ ။ ဘယ်ရောက်သွားပါလိမ့် … သိပြီ။ ထိုသို့ ဖြစ်ချင်တိုင်းဖြစ်နေ ကြချိန်၌ တခုသော လုံခြုံရာအရပ် ကြပ်ပြေး နေပြည်တော်ကြီးတွင် … အောက်လမ်း နည်းပညာများကို တဘက်ကမ်းခတ် ကျွမ်းကျင်သူ တပ်ချုပ်ကြီးမှာ ဇနီးသည် အကူအညီယူ၍ ယတြာ စစ်မျက်နှာသစ် တခု ဖွင့်ရန် အပြင်းအထန် အားထုတ်နေတော့သည်။ ဒန်တန့်တန် ...။

ဖိုးရှုပ်။ ။ အောင်မယ် … မင်းဟာက တယ်ဟုတ်ပါလား။

ကြွက်စုတ်။ ။ ဟုတ်ဆို … စာရေးဆရာမကြီး ဒေါ်ခင်မျိုးချစ် ရေးတဲ့ နှစ်လောက တိုက်ပွဲဆိုတဲ့ စာအုပ်ထဲကနေ ခိုးချထားတာ ကိုးဟ။ အဲဒီစာအုပ်ထဲမှာက ဒုတိယကမ္ဘာစစ်အတွင်းမှာ ဂျာမန်နဲ့ မဟာမိတ်တပ်တွေ ရေပြင်၊ မြေပြင်၊ လေပြင်မှာ တိုက်ပွဲ ဖြစ်နေ ကြတုန်း သူတို့ရဲ့ ဝိညာဉ်လိပ်ပြာတွေအချင်းချင်း စုန်းအတတ်၊ မှော်အတတ်တွေနဲ့ ပုံစံအမျိုးမျိုးလုပ်ပြီး တိုက်ကြတဲ့အကြောင်း ရေးထားတာ … အဟဲ။

ဖိုးရှုပ်က ကြွက်စုတ်ကို မျက်စောင်း ထိုးလိုက်သည်။ ထိုစဉ် သူတို့လေပေါနေရာ ချင်းမိုင်ကျုံးနဘေးသို့ ဦးရုက္ခစိုးပါ ရောက်လာလေသည်။ ဦးရုက္ခစိုးမှာ နတ်ဖြစ်သောကြောင့် ကြွက်စုတ်၏ အကြံအစည် အားလုံးကို သိထားပြီးဖြစ်ရာ ပြန်လည် ရှင်းပြစရာ မလိုတော့ပေ။ ဦးရုက္ခစိုး နောက်တွင် ချိုကုပ်ဒူးကြီးလည်း ပါလာသည်။ ကြွက်စုတ် စကားကို နားစွန်နားဖျား ကြားလိုက်သည့် ချိုကုပ်ဒူးကြီးက အငမ်းမရမေးတော့သည်။

ချိုကုပ်။ ။ ဟာ … အရမ်း စိတ်ဝင်စားတယ် ကြွက်စုတ်ရာ … မင်းရေးထားတဲ့ စာအုပ်လား ...။ ပေးဖတ်စမ်းပါဦး။

ဖိုးရှုပ်။ ။ သူရေးတဲ့ စာအုပ်က ထွက်ဖို့ နေနေသာသာ တလုံးတောင် မရေးရသေးဘူး။ ခုမှ သူများရေးတာကို ခိုးချဖို့ လုပ်တုန်း။ ဒါနဲ့ … ချိုကုပ်ဒူးကြီးက ဘယ်က ဘယ်လို ချင်းမိုင်ရောက်လာတာလဲ။ မနေ့ကတင် နေပြည်တော်မှာ ကဆုန်ညောင်ရေ သွန်းနေတာ မဟုတ်လား။

ချိုကုပ်။ ။ ဟုတ်တယ်လေ။ မနေ့ကတင် ကဆုန်ညောင်ရေသွန်းတယ်။ ဒီမနက် ဆင်ဖြူတော်စီးပြီး ချင်းမိုင်လာတယ်။ဦးရုက္ခစိုးဆီက ယတြာလေး ဘာလေး ရမလား လာတောင်းတာ။ ကွိုင်ကွိုင်က လွှတ်လိုက်တာလေ။

ကြွက်စုတ်။ ။ မဖြစ်နိုင်တာဗျာ။ ဆင်ဖြူတော်နဲ့ ဘယ်လိုလုပ် ချင်းမိုင်ရောက်မှာလဲ။ လေယာဉ်စီးလာတာ မဟုတ်လား။

ရုက္ခစိုး။ ။ ခက်ပါ့ ကြွက်စုတ်ရယ်၊ မင်းကို ရှင်းရတာက တမျိုး။ ဆင်ဖြူတော်ဆိုတာ လေယာဉ်ရဲ့ နာမည်ကို ပြောတာဟ။ သူ့ဗေဒင်ဆရာက သူ့ကို အဲဒီလိုပဲ ပြောရမယ်လို့ မှာထားတာ။

ချိုကုပ်။ ။ ဟုတ်တယ် … ဟုတ်တယ်။ ဆင်ဖြူတော် ပိုင်သတော်မူသော မင်းတြားကြီးပေ့ါ။ ဟဲဟဲ။

ဖိုးရှုပ်။ ။ ဆင်ဖြူတော်ဆိုတာ မင်းကျင့်တရား ၁၀ ပါးနဲ့ အညီ အုပ်ချုပ်တဲ့ မင်းတွေဆီကို အလိုလို ရောက်လာတတ်တာတဲ့ … ကြားဖူးတာပဲ။ ချိုကုပ်ဒူးကြီးဆီကိုကော ဒီဆင်ဖြူတော်လေယာဉ်က ဘယ်လို ရောက်လာတာလဲ။

ချိုကုပ်။ ။ ဝယ်လိုက်တာလေ ...။ အဲ … အလိုလို ရောက်လာတာပေါ့။ ကျုပ်လည်းမင်းကျင့်တရား ၁၀ ပါးနဲ့ အညီအုပ်ချုပ်တာပဲ။ သူတော်ကောင်းမင်းဗျ၊ ဘာမှတ်လဲ။ ၉ ပါးသီလကို ၉ စက္ကန့် စောင့်ထားတာ။ ကဲ ဦးရုက္ခစိုး … ယတြာပေးတော့။

ရုက္ခစိုး။ ။ ကျုပ်က ယတြာပေးရအောင် ဗေဒင်ဆရာလည်း မဟုတ်ဘူး။ ကိုယ့်ဘာသာ အေးအေး နေစမ်းပါရစေဗျာ။

ချိုကုပ်။ ။ ဟာ … ပေးပါ ဦးရုက္ခစိုးရယ်။ ခု ဆို ကျုပ် နိုင်ဖို့ ဘာမှ မလိုတော့ဘူး။ လမ်းပျောက်မြေပုံက တဖြည်းဖြည်း ပုံပေါ်နေပြီ။ အခု … သိန်းဂိန်ကိုလည်း ဘောင်းဘီ ချွတ်လိုက်ပြီ။ နောက်ထပ် နည်းနည်းဆို နိုင်ပြီ။

ကြွက်စုတ်။ ။ ဒီအရွယ်ကြီး ရောက်မှ ဘောင်းဘီချွတ်တာ မရှက်ဘူးလားဗျာ။ အဲဒါကော ယတြာပဲလား။

ချိုကုပ်။ ။ အာ ဘောင်းဘီချွတ်တယ် ဆိုတာက ဗိုလ်သိန်းဂိန်ကနေ ဦးသိန်းဂိန်လုပ်လိုက်တာ။ ယတြာချေတာ မဟုတ်ဘူး။ တကယ်ချွတ်တာ။

ဖိုးရှုပ်။ ။ သူ ဘောင်းဘီချွတ်တာကလည်း ခိုးကြောင် ခိုးဝှက်နဲ့ပါလားဗျ။ ကြေလည်း မကြေညာပါလား။

ချိုကုပ်။ ။ မကြေညာဘူး ဆိုတာက သူက ရှက်တတ်တယ်လေ။ လူရှေ့သူရှေ့ သိပ်ထွက်ချင်တာ မဟုတ်ဘူး။ သူ့ ထိပ်ကြီးကလည်း အရမ်းပြောင်နေတယ် မဟုတ်လား။

ရုက္ခစိုး။ ။ ဟင် … ဘာမှလည်း မဆိုင်ဘူး။

ချိုကုပ်။ ။ ဆိုင်တော့ မဆိုင်ဘူးပေါ့။ ဒီလိုပဲ လျှောက်ပြောရတာပေါ့ ...။ တကယ်တော့ ကျုပ်လည်း နည်းနည်း ရှက်လုိ့ပါ။ အဟီး။ ကျုပ်တို့လုပ်မယ့်ဟာတွေ အားလုံး လူတွေက ကြို ကြိုသိနေတာ ဆိုတော့လေ ... နည်းနည်း ပြောင်များ ကျနေမလားလို့။ အဲဒါနဲ့ ဆော်ကြမ်း ကို မြန်မာ့အမှောင်မှာ မသိမသာလေး ပြောင်းရေးပေးဖို့ ပြောလိုက်တာပါ။

ရုက္ခစိုး။ ။ မှတ်သားလောက်ပါပေ့ဗျာ။

ချိုကုပ်။ ။ မှတ်သားလောက်ရင် ယတြာပေးတော့ဗျာ။ ကျုပ်နောက်ကျနေရင် ကွိုင်ကွိုင်က ဆူဦးမယ်။

ကြွက်စုတ်။ ။ နေပါဦးဗျ။ ဦးသိန်းဂိန် ဘောင်းဘီချွတ်ပြီးတော့ ဘာဆက်လုပ်မှာလဲ။

ချိုကုပ်။ ။ ဘောင်းဘီချွတ်ပြီးတော့ အတွင်းခံပါ ချွတ် … အာ ယောင်ကုန်ပြီ။ ဘောင်းဘီချွတ်ပြီး ပုဆိုးဝတ်ပေးမှာပေါ့။ ပြီးရင် ရွေးကောက်ပွဲဝင် … သမ္မတလုပ်။ ဒါပဲလေ။ သိန်းဂိန်တင်မကဘူး တခြားချိုကုပ်တွေကိုလည်း ဘောင်းဘီချွတ်ပြီး ပုဆိုးဝတ် ပေးမလို့ နေပြည်တော်မှာ ပုဆိုးတွေဝယ်စုနေတယ်။

ရုက္ခစိုး။ ။ အဲဒါက သိပြီးသား ဇာတ်လမ်းဟောင်းကြီးပဲ။ ဘာယတြာလိုသေးလို့လဲ။ NLD လည်း မရှိတော့ဘူး။ ခင်ဗျားပဲ နိုင်မှာပဲဟာ။

ချိုကုပ်။ ။ ဒါတော့ ဒါပေါ့ ဦးရုက္ခစိုးရယ် … ဒါပေမယ့် ခုနက ကြွက်စုတ်ပြောသလို … ဟိုဘက်က အတိုက်အခံတွေ၊ နိုင်ငံရေး သမားတွေ၊ သူတို့ အမျိုးတွေ၊ သားမြေးတီတွတ် ကျွတ်တွေက ကျုပ်ကို အောက်လမ်းတွေ၊ ၁၂ ကြိုးတွေ … ဇော်ကနီ၊ ဇော်ကနက်တွေနဲ့ တိုက်ရင် ဘယ်လို လုပ်မလဲ။ နည်းနည်းတော့ ကာဗာ လုပ်ထားမှ ဖြစ်မယ်။ ပွဲက ပြီးခါနီးလေ … တခုခု မှားမှာ ကြောက်လေပဲ။ ယတြာကောင်းရင် မင်းတောင် အလောင်းဖြစ်ဆိုလား ဘာလား ရှိတယ်မဟုတ်လား။

ဖိုးရှုပ်။ ။ ချိုကုပ်ဒူးကြီးမှာလည်း ဗေဒင်ဆရာတွေ ရှိတယ်မဟုတ်လား။ သူတို့က မပေးဘူးလား။

ချိုကုပ်။ ။ သူတို့ ရှိတော့ ရှိတာပေါ့လေ။ ဒါပေမယ့် ခေတ်မီသွားအောင် နိုင်ငံခြားက ယတြာလေး လိုချင်လို့ပါ။

ကြွက်စုတ်။ ။ ပြောမရရင်လည်း ပေးလိုက်ပါတော့ ဦးရုက္ခစိုးရယ်။

ရုက္ခစိုး။ ။ အင်း မပေးရင်လည်း ပြန်မယ့်ပုံမပေါ်ဘူး။ ကဲကဲ ဒီလိုလုပ် … ချိုကုပ်ဒူးကြီးဆီမှာ ဆင်ဖြူတော် အစစ်ရှိလား။ လေယာဉ်ပျံတွေ ပြောတာမဟုတ်ဘူးနော်။

ချိုကုပ်။ ။ မရှိဘူးလေ။ ဖင်တွန့်ရှာထားတာပဲ ရှိတယ်။ အဲဒီ ဆင် ၃ ကောင်နဲ့တော့ မပတ်သက်ချင်လို့ မင်းဓမ္မကုန်းဘက် သွားတောင် မသွားဘူး။

ရုက္ခစိုး။ ။ အင်း ဒါဆို ကိုယ့်ဘာသာ တွေ့အောင်ရှာပေါ့။ တွေ့ရင် … အဲဒီဆင်ဖြူတော် ပါထားတဲ့ အီးတုံး ၃ တုံးကို တကြိမ်တည်းနဲ့ အာမထိ လျှာမထိ မြိုပြီး … အောင်ပြီ … အောင်ပြီ … လို့ ၃ ခါတိတိအော် … ။ ဒါပဲ။

ပြောပြောဆိုဆိုနှင့် ဦးရုက္ခစိုး ကိုယ်ရောင်ဖျောက်ကာ ထွက်သွားသည်။ ချိုကုပ်ဒူးကြီးက “အဲဒီလို လုပ်ရင် ဘာဖြစ်မှာလဲ ဦးရုက္ခစိုး” ဟု လှမ်းမေးသည်ကိုလည်း ပြန်မဖြေတော့ပေ။ မည်သို့ပင်ဆိုစေကာမူ ချိုကုပ်ဒူးကြီးမှာ သူလိုချင်သည့် ယတြာရပြီ ဖြစ်သောကြောင့် ပျော်ရွှင်စွာဖြင့် ဆင်ဖြူတော်လေယာဉ်စီးကာ ဌာနေပြန်သွားလေတော့၏။

ထိုနေ့မှစ၍ နေ့စဉ် သတင်းများထဲ၌ ချိုကုပ်ဒူးကြီးတယောက် ဆင်ဖြူတော်ကို တောနင်း ရှာဖွေနေကြောင်း၊ ဆင်ဖြူတော် မတွေ့ပါက ဆင်မည်းတကောင်ကို ထုံးသုတ်ကာဝမ်းနှုတ်မည် ဖြစ်ကြောင်း ဖိုးရှုပ်နှင့် ကြွက်စုတ်တို့ ဖတ်ရှုနေရ လေတော့သည်။

ရန်ကုန်သင်္ကြန် ဗုံးကြောင့် ထိခိုက် ဒဏ်ရာရသူ ၃၂ ဦးသာ ဆေးရုံတွင် ကျန်ရှိနေ

Narinjara News

ဧပြီလ ၁၅ ရက်နေ့က ရန်ကုန်မြို့ ကန်တော်ကြီးစောင်း X2O မဏ္ဍပ်အား ဗုံးဖြင့် တိုက်ခိုက်ခဲ့ရာ လူပေါင်း ၁၇၀ ဒဏ်ရာ ရရှိခဲ့ပြီး ထိုအထဲမှ ယခုအခါ လူနာ ၃၂ ဦးသာ ရန်ကုန်ပြည်သူ့ ဆေးရုံကြီးတွင် ဆေးဝါး ကုသ၍ ကျန်ရှိနေကြောင်း မြန်မာ စစ်အစိုးရ အာဏာပိုင်များက ပြောသည်။

ထိုအထဲတွင် အမျိုးသား ၁၉ ဦးနှင့် အမျိုးသမီး ၁၃ ဦးဖြစ်သည်ဟု ဆိုသည်။

အမျိုးသား ၄၂ ဦးနှင့် အမျိုးသမီး ၁၈ ဦး စုစုပေါင်း ၆၀ ဦးအား ဆေးဝါးကုသရန် ကျန်နေခဲ့ပြီး ထိုအထဲမှ လူနာ အများအပြားမှာ ဆေးရုံမှ ဆင်းသွားသဖြင့် ယခုအခါ ရန်ကုန် ပြည်သူ့ ဆေးရုံကြီးတွင် လူနာ ၃၂ ဦးသာ ကျန်ရှိတော့ကြောင်း သိရသည်။

ရန်ကုန် သင်္ကြန်မဏ္ဍပ် X2O အား လက်ပစ်ဗုံးဖြင့် ပစ်ခတ် တိုက်ခိုက်ခံခဲ့ရသဖြင့် လူ ၁၀ ဦးသေဆုံးခဲ့ပြီး လူပေါင်း ၁၇၀ ဒဏ်ရာ ရရှိခဲ့သည်။

ဗုံးမှာ ဗိုလ်ချုပ်မှူးကြီး သန်းရွှေ၏ မြေးတော်သူ ဖိုးလပြည့်အား တမင် ရည်ရွယ် တိုက်ခိုက်ပုံရကြောင်းနှင့် သေဆုံးသွားသူ အများစုမှာ နအဖ စစ်အစိုးရနှင့် ဆက်နွယ် ပတ်သက်နေသူများ ဖြစ်ကြောင်းနှင့် ရန်ကုန်မှ လာသော သတင်းများတွင် ဖေါ်ပြသည်။

ဗုံးခွဲ တိုက်ခိုက်မူမှာ ၁၅ ရက်ကျော် ကြာလာပြီ ဖြစ်သော်လည်း လက်သည် တရားခံကို ယခုအချိန်ထိ ဖေါ်ထုတ်နိုင်ခြင်း မရှိသေးကြောင်း သိရသည်။

အပစ်ရပ် SSA နယ်မြေအတွင်း တိုက်ပွဲဖြစ်

သျှမ်းသံတော်ဆင့်

သျှမ်းပြည် မြောက်ပိုင်း အပစ်ရပ် SSA နယ်မြေ အတွင်း အမည်မသိ လက်နက်ကိုင် တစုနှင့် နအဖ စစ်ယာဉ်တန်း တို့တိုက်ပွဲ ဖြစ်ပွား ခဲ့ကြောင်း စုံစမ်း သိရှိရ ပါသည်။

တိုက်ပွဲဖြစ်တာက မနေ့က မနက်ပိုင်း၊ မိုင်းရယ်ကနေ တန့်ယန်း အသွားလမ်းမှာ၊ အဲဒီဒေသက လမ်းမြောက် ဘက်ခြမ်း ဆိုရင် မန့်ပန်ဌာနေပြည်သူ့စစ်နယ်မြေ၊ တောင်ဘက်ခြမ်းက ကျနော်တို့တပ်ဖွဲ့” - ဟု အပစ်ရပ် SSA တပ်မှူး တဦးက ပြောပါသည်။

ဧပြီ ၂၉ ရက် လားရှိုးအခြေစိုက် ခလရ ၆၈ စစ်ယာဉ်တန်းတို့ မိုင်းရယ်မှ တန့်ယန်းဘက် ခရီးထွက်စဉ် ဟိုယ ကျေးရွာ အုပ်စုတွင် အမည်မသိ လက်နက်ကိုင်တစုက ခြုံခိုတိုက်ခိုက်ခဲ့ခြင်းဖြစ်၏။ တိုက်ခိုက်မှုကြောင့် ဗမာ့ တပ်မတော်သားတဦး အပြင်းအထန်ဒဏ်ရာရရှိခဲ့ကြောင်း - ဆိုပါသည်။

“အပစ်ရပ် သျှမ်းပြည်တပ်မတော်မှာ တပ်မဟာသုံးခုရှိတယ်။ ၂ ခုက အင်အားတချို့စာရင်းပြပြီး အသွင်ပြောင်း ဖို့ လက်ခံထားတယ်။ ကျနော်တို့ တပ်မဟာ ၁ က မဟာမိတ်တပ်ဖွဲ့ သဘောတူညီချက်အရ လက်မခံဘူး။ အဲဒါ့ ကြောင့် ကျနော်တို့လက်ခံလာအောင်ဖိအားတခုအနေနဲ့သော်လည်းကောင်း၊ ခေါင်းမာနေတဲ့ ကျနော်တို့တပ်ဖွဲ့ ကိုအပစ်ရှာ တိုက်ခိုက်နိုင်အောင် ဗမာ့တပ်မတော် နဲ့ ဗိုလ်မွန်းဦးဆောင်တဲ့ မန့်ပန်ဌာနေပြည်သူ့စစ်ပေါင်းပြီး အကွက်ဆင်တာလဲ ဖြစ်နိုင်တယ်။ အမှန်တကယ်ဘယ်သူ့ လက်ချက်လဲဆိုတာ ကျနော်တို့ စုံစမ်းနေဆဲ” - အဆိုပါတပ်မှူးက သျှမ်းသံတော်ဆင့်သို့ပြော၏။

အပစ်ရပ်သျှမ်းပြည်တပ်မတော် တပ်မဟာ ၁ က နအဖ စစ်ယာဉ်တန်းကို ခြုံ ခိုတိုက်ခိုက်သည့် သတင်းကြောင့် အင်အားတောင့်တင်းသည့် မဟာမိတ်တပ်ဖွဲ့ ၀ပြည်သွေးစည်းရေးတပ်မတော် တပ်မှူးတဦး ကလည်း အပစ်ရပ် SSA တပ်ဖွဲ့အား ‘တဘက်က နအဖနဲ့ ပူးပေါင်းပြီး တဘက်ကလည်း နအဖကို ပြန်တိုက်နေတာ နားမလည်ဖြစ် မိကြောင်း’ သျှမ်းသံတော်ဆင့်သို့ ပြောပြပါသည်။

ထို့အထူ ထိုင်းနယ်စပ် လွယ်တိုင်းလျဲန်းအခြေစိုက် တပ်မှူးတဦးကလည်း ကြားတွင်ပိတ်ညှပ်နေသည့် အပစ်ရပ် SSA နယ်မြေ၏ လက်ရှိအခြေအနေအပေါ်သုံးသပ်ကြည့်ပါက -
၁။ အသွင်ပြောင်းဖို့ အမည်စာရင်းပေးထား သည့် အဖွဲ့နှင့် လုံးဝလက်မခံသည့်အဖွဲ့တို့မှာ မိခင် SSA တပ်မတော်တခုတည်းဖြစ်သည့်အတွက်ကြောင့် သံယောဇဉ်ဖြတ် ရန် မလွယ်ကူမှု ဖြစ်နေကြသည်ကိုတွေ့ရကြောင်း၊
၂။ ကိုးကန့်အရေးအခင်းကြောင့် မဟာမိတ် တပ်ဖွဲ့များနှင့်လည်း ရာနှုန်းပြည့်မယုံရဲကြောင်း၊
၃။ လွယ်တိုင်းလျဲန်းအခြေစိုက် SSA နှင့် ပူးပေါင်းမည်ဆိုပါက လည်း စစ်ပွဲဖြစ်ပွားရန် တွန်းပို့ သလိုဖြစ်မည်ကို စိုးရိမ်နေပုံရကြောင်း - ပြော၏။

မည်သို့ပင်ဆိုစေ အပစ်ရပ်တပ်ဖွဲ့များအပေါ် ဧပြီ ၂၈ ရက်နောက်ဆုံး အသွင်ပြောင်းရန် နအဖ ဖိအားပေးသည့်နောက်ဆုံး သတ်မှတ်ရက်က ကျော်လွန်ခဲ့ပြီဖြစ်ပါသည်။ ပေးထားသည့် ရာဇဒဏ်အတိုင်း နအဖ ဆက်လုပ်မည် ဆိုပါကပြည်တွင်း စစ်မီးဖြစ်ပွားမည်မှာမလွဲကြောင်း သျှမ်းခေါင်းဆောင်တချို့က သုံးသပ်ပါသည်။

အနောက်တိုင်း သံတမန်များ မြန်မာ ဒုက္ခသည် စခန်းများကို သွားရောက် လည်ပတ်

နိုင်ငံ ၈ နိုင်ငံမှ အနောက်နိုင်ငံ သံအမတ်များသည် ယမန်နေ့က ဘင်္ဂလာဒေခ်ျ့ နိုင်ငံ ကော့ဘဇားခရိုင်တွင် တည်ရှိသော မြန်မာနိုင်ငံမှ မူဆလင် ဒုက္ခသည်များ နေထိုင်ရာ စခန်း ၂ ခုသို့ သွားရောက် လည်ပတ်ခဲ့သည်ဟု သတင်း ရရှိသည်။

သွားရောက်လည်ပတ်ခဲ့သူ သံအမတ်များမှာ အမေရိကန်၊ ကနေဒါ၊ ပြင်သစ်၊ ဒိန်းမတ်၊ဂျာမဏီ၊ ဆွစ်ဇာလန်နှင့် တခြား နိုင်ငံ နှစ်ခုမှ သံအမတ်များ ဖြစ်ကြသည်။

သူတို့သည် ရှေ့ဦးစွာ အိုကီးယား မြို့နယ်တွင် တည်ရှိသော ကူတိုပလောင် ဒုက္ခသည် စခန်းသို့ သွားရောက်ခဲ့ပြီး စခန်းတွင်းရှိ ဒုက္ခသည်များနှင့် တွေ့ဆုံကာ ၎င်းနောက်ပိုင်းတွင် စခန်းတွင်းတွင် ကလေးငယ်များ အတွက် တည်ဆောက်ပေးထားသော စာသင်ကျောင်းများ၊ ကွန်ပျူတာ သင်ကျောင်းနှင့် ဆေးခန်းမျာကို သွားရောက် ကြည့်ရှု့ခဲ့သည်ဟု သိရသည်။

၎င်းနောက်ပိုင်းတွင် သံတမန် အဖွဲ့သည် တက်ကနက် မြို့နယ်တွင် တည်ရှိသော နာယာပါရာ ဒုက္ခသည် စခန်းအား သွားရောက် လည်ပတ်ခဲ့ပြီး အဆိုပါ စခန်းတွင် ၂ နာရီကြာ နေထိုင်ခဲ့ပြီး ဒုက္ခသည်များနှင့် တွေ့ဆုံဆွေးနွေးခဲ့သည်။

အဆိုပါ စခန်းများသို့ သွားရောက်လည်ပတ်ပြီးနောက် အနောက်တိုင်း သံတမန် အဖွဲ့သည် ကော့ဇားမြို့သို့ ပြန်လည် ထွက်ခွာလာခဲ့ပြီး ကော့ဘဇားမြို့တွင် အစိုးရ အရာရှိများ၊ အစိုးရ မဟုတ်သော အန်ဂျီအိုများမှ အရာရှိများနှင့် တွေ့ဆုံဆွေးနွေးခဲ့သည်ဟု သိရသည်။

၎င်းနောက်ပိုင်း သံတမန်အဖွဲ့မှ သတင်းထောက်များနှင့်တွေ့ဆုံပြီး သတင်းထောက်များ မေးမြန်းခြင်းကို ပြန်လည် ဖြေကြားခဲ့သည်။

ဘင်္ဂလာဒေခ်ျ့ ဆိုင်ရာ အမေရိကန် သံအမတ် James F Moriarty က မူဆလင် ဒုက္ခသည်များကို မြန်မာနိုင်ငံသို့ ပြန်ပို့ရန်မှာ တစုံတရာ အခက်အခဲ မရှိပါကြောင်း၊ မြန်မာ စစ်အစိုးရမှ ရိုးဖြောင့်စွာဖြင့် ဒုက္ခသည်များကို လက်ခံမည်ဆိုပါက ယခု အချိန်ကပင် စပြီး ဒုက္ခသည်များကို မြန်မာနိုင်ငံသို့ ပြန်ပို့နိုင်မည် ဖြစ်ကြောင်း ပြောဆိုသွားခဲ့သည်ဟု သိရသည်။

လက်ရှိ ဒုက္ခသည် စခန်းနှစ်ခုတွင် UNHCR ကုလ မဟာမင်းကြီးရုံးမှ အသိအမှတ် ပြုထားသော မြန်မာ ဒုက္ခသည် ၂၈၀၀၀ ခန့် ရှိပြီး အများမှာ မြန်မာနိုင်ငံသို့ ပြန်သွားလိုစိတ် မရှိဘဲ တတိယ နိုင်ငံ တခုခုတွင် ခိုလုံခွင့် ရရှိလိုနေကြသည်ဟု သိရသည်။

ယခု ခရီးစဉ်ကို UNHCR မှ စီစဉ်ခြင်း ဖြစ်ကြောင်း သိရသည်။

တိုက်ပွဲမှသည် အောင်ပွဲဆီသို့

ဝေလင်း

၂၀၀၅ ခုနှစ် ဖေဖော်ဝါရီလအတွင်း ဘရပ်ဆဲလ်ညီလာခံရဲ့ စက်မှုဇုန်လုပ်သားများအရေး ထုတ်ပြန်ချက်မှာ တရုတ်ပြည် အလုပ်သမားတွေ တနာရီ ဆင့် (၂၀) တလ (၄၇.၃၂၀) ဒေါ်လာ၊ သီရိလင်္ကာမှာ တနာရီ (၄၀) ဆင့် တလ အမေရိကန် (၉၄.၆၄ ဒေါ်လာ)၊ ထိုင်းအလုပ်သမားတွေက ဆင့် (၇၈) ဆင့် တလ အမေရိကန် (၁၈၄.၅၄၈) ဒေါ်လာ၊ ဘင်္ဂလားဒေ့ရ်ှမှာ တနာရီ (၈) ဆင့် တလကို အမေရိကန် (၁၈.၉၂၈) ဒေါ်လာနှုန်းစီ လုပ်ခတွေ အသီးသီး ရနေကြတယ်လို့ ဆိုထားပါတယ်။

ထိုင်း၊ ဗီယက်နမ်၊ လာအို၊ ကမ္ဘောဒီးယားက စက်မှုဇုန်လုပ်သားတွေ တလကို ဒေါ်လာ (၁၀၀- ၁၂၀) လောက်ရနေချိန်မှာ အိန္ဒိယ၊ ဘင်္ဂလားဒေ့ရှ်၊ ပါကစ္စတန်၊ မြန်မာနိုင်ငံ စက်မှုဇုန်လုပ်သားတွေကတော့ တလကို အမေရိကန်ဒေါ်လာ (၂၀ - ၃၀) ၀န်းကျင်လောက်သာ ရနေကြပါတယ်။

၂၀၀၉ အောက်တိုဘာလ (၇) ရက်နေ့မှာ နိုင်ငံစုံ အလုပ်သမားအခွင့်အရေးလှုပ်ရှားသူတို့က တရုတ်၊ ဟောင်ကောင်နဲ့ အိန္ဒိယ အပါအ၀င် အာရှဒေသတွင်း အထည်ချုပ်လုပ်သားအားလုံးအတွက် အကျုံးဝင်မယ့် ဘုံအခြေခံ စံနမူနာ လစာငွေတရပ် ချမှတ်ရေးဆွဲခဲ့ကြရာမှာ သာမန်အလုပ်သမား မိသားတစု (လူကြီး ၂ ဦး၊ ကလေး ၂ ဦး အပါအ၀င်) အတွက် လစဉ် စားသောက်နေထိုင်ရေး၊ ကျန်းမာရေး၊ ပညာရေး အစရှိတဲ့ ကိစ္စအားလုံး ဖြေရှင်းနိုင်ဖို့ဆိုရင် အမေရိကန်ဒေါ်လာ (၄၇.၅) ဒေါ်လာ လိုအပ်တယ်လို့ ကြေညာထားပါတယ်။ ဒါကြောင့် ဘင်္ဂလားဒေ့ရ်ှနဲ့ လှိုင်သာယာစက်မှုဇုန်က လုပ်သားတွေ ရကြတဲ့ လစာဟာ ဒီစံနှုန်းထားထက် ခေါက်ချိုးမက နည်းပါးလွန်းလှတဲ့လစာပါ။ ဒီလို ၀င်ငွေနည်းတာချင်းအတူတူ အိမ်နီးချင်း ဘင်္ဂလားဒေ့ရှ် စက်မှုဇုန်လုပ်သားတွေမှာ အလုပ်သမားအခွင့်အရေးတိုက်ပွဲ သက်သက်သာမက တခြားပါတီ၊ အသင်းအဖွဲ့တွေနဲ့ပါ နိုင်ငံရေးအရ ပူးတွဲဆန္ဒပြ လှုပ်ရှားနိုင်ခွင့်ရှိနေတာကတော့ မြန်မာစက်မှုဇုန်လုပ်သားများထက် ပိုပြီးကံကောင်းနေတဲ့ အချက်တခုလို့ ဆိုရမလိုပါ။ စဉ်ဆက်မပြတ် တိုက်ခိုက်နေကြတဲ့ စက်မှုဇုန်ဆန္ဒပြမှုများစွာအနက် ၂၀၀၆ ခုနှစ်တုန်းက ဘင်္ဂလားဒေ့ရှ် စက်မှုဇုန်လုပ်သားတွေရဲ့ အောင်ပွဲရ သပိတ်ကြီးတခုအကြောင်း ဆက်စပ် နှိုင်းယှဉ်ကြည့် သင့်တာမို့ မိတ်ဆက်ပေးလိုက်ပါရစေ။

ဘင်္ဂလားဒေ့ရ်ှနိုင်ငံမှာ ၁၉၇၀ ခုနှစ် ကတည်းကစပြီး ရယ်ဒီမိတ် အထည်ချုပ်လုပ်ငန်းတွေ ဖွံ့ဖြိုးလာခဲ့တာပါ။ နိုင်ငံအနှံ့ လုပ်ငန်းပေါင်း (၄,၀၀၀) လောက် တည်ထောင်ထားသလို အလုပ်သမား (၂) သန်းခွဲလောက်က ဒီအထည်တွေကို ထုတ်လုပ်ပေးနေရတာပါ။ ထွက်ကုန်အများစုကို အနောက်ဥရောပ (EU) နိုင်ငံတွေနဲ့ အမေရိကန်ဘက် တင်ပို့နေပြီး စက်ရုံများက လုပ်သားအများစုဟာ ဆင်းရဲတဲ့ အမျိုးသမီးအလုပ်သမားတွေပါ။ (မှတ်ပုံတင်၊ မှတ်ပုံတင်မဲ့) စက်ရုံပေါင်း (၃,၄၈၀) ကနေ အလုပ်သမပေါင်း (၁.၈) သန်းကို အလုပ်ကိုင် ရှာဖွေပေးနိုင်ခဲ့ပါတယ်။

ဘင်္ဂလားဒေ့ရ်ှမှာ (၁၀၀) ရာခိုင်နှုန်းပြည့် နိုင်ငံခြားရင်းနှီးမြှုပ်နှံမှုများကို လုပ်ကိုင်ခွင့်ပြုပေးထားတာမို့ ၂၀၀၈ ခုနှစ် စာရင်းဇယားတွေအရ နိုင်ငံခြားရင်းနှီးမြှုပ်နှံမှုတန်ဖိုး အမေရိကန်ဒေါ်လာ (၄၈၁၇.၀၅ ) သန်းမှာ ရေနံနဲ့သဘာဝဓာတ်ငွေ့ကဏ္ဍ (၁၂၀၃.၄၀) သန်း၊ ဆက်သွယ်ရေးကဏ္ဍ (၁၄၀၅.၉၆) သန်း၊ ချည်ထည်ထွက်ကုန် အထည်ချုပ်လုပ်ငန်း (၉၂၅.၀၃ ) သန်း စသည်ဖြင့် အထည်ချုပ်စက်မှုဇုန်တွေဟာ နိုင်ငံဝင်ငွေ အဓိကရှာဖွေပေးတဲ့ တတိယမြောက် လူသားရင်းမြစ် ကဏ္ဍတခုလည်း ဖြစ်ပါတယ်။ အထည်ချုပ်လုပ်ငန်းတွေကနေပြီး နှစ်စဉ် အသားတင်ဝင်ငွေ အမေရိကန်ဒေါ်လာ (၇) ဘီလီယံဖိုး ရရှိနေတာ ဖြစ်ပြီး ဘင်္ဂလားဒေ့ရှ် နိုင်ငံခြား တင်ပို့ကုန်အားလုံးရဲ့ (၇၀) ရာခိုင်နှုန်းလောက်ကို ဒီလုပ်သားတွေက ထုတ်လုပ်ပေးနေကြတာပါ။

၂၀၀၈ ခုနှစ် နိုင်ငံခြားပို့ကုန် စုစုပေါင်းတန်ဖိုးပေါင်းက (၁၅.၅၇) ဘီလီယံ အမေရိကန်ဒေါ်လာပါ။ အထည်ချုပ်ကဏ္ဍကနေ ၂၀၀၈ ခုနှစ်မှာ ပို့ကုန် အမေရိကန်ဒေါ်လာ (၁၁) ဘီလီယံ၊ ၂၀၁၀ မှာ (၁၃) ဘီလီယံဖိုး တိုးတက်ထုတ်လုပ်ဖို့လည်း ရည်ရွယ်ထားတာမို့ နောင်ဆိုရင် အမျိုးသားထုတ်ကုန် (၈၀) ရာခိုင်နှုန်းပမာဏကို တပြည်လုံးရှိ အလုပ်သမားဦးရေ စုစုပေါင်း (၄၀) ရာခိုင်နှုန်းလောက်သုံးပြီး တိုးချဲ့လုပ်ကိုင်သွားဖို့ရှိပါတယ်။ အလုပ်လက်မဲ့ဖောင်းပွမှုကို ထိန်းညှိထားနိုင်ပါတယ်လို့ အစိုးရ ကြေညာနေချိန်မှာ အလုပ်သမားတွေခမျာ လစာငွေကို (၂) လလောက် နောက်ကျခံစားနေရပြီး (၁) လမှာ အမေရိကန်ဒေါ်လာ (၂၀) ၀န်းကျင်လောက်ပဲ လစာငွေရကြတာကြောင့်လည်း ဒက္ကာမြို့လယ် လမ်းမပေါ်ကို မကြာခဏထွက်ပြီး အလုပ်သမားတွေ ဆန္ဒပြနေကြရတာပါ။

ဘင်္ဂလားဒေ့ရှ် အထည်ချုပ်အလုပ်သမားတွေဟာ သူတို့လစာငွေ၊ အချိန်ပိုလုပ်ခတွေကို ပုံမှန်မရကြတဲ့အပြင် ရက်သတ္တပတ်မှာ နားရက်ဆိုတာကလည်း လုံးဝရှိကြပြန်တာမဟုတ်ပါဘူး။ သူတို့လစာငွေထဲက (၂) ရာခိုင်နှုန်းကို အလုပ်ရှင်တွေက ဖြတ်ယူတတ်ပါသေးတယ်။ ပြီးခဲ့တဲ့ ၂၀၀၅ ခုနှစ် ဧပြီလအတွင်း ဒက္ကာမြို့အပြင်ဘက်က စက်ရုံတခုပြိုကျပြီး အလုပ်သမ (၆၃) ယောက် သေ၊ (၈၄) ယောက် ဒဏ်ရာရရှိခဲ့သလို ဖေဖော်ဝါရီလတုန်းကလည်း စက်ရုံမီးလောင်ပြီး လုပ်သား (၅၀) သေ၊ (၁၀၀) ကျော်ဒဏ်ရာရတဲ့ အဖြစ်မျိုးတွေလည်း ရှိခဲ့ပါသေးတယ်။ အလုပ်ရှင်တွေဘက်က စစ်တကောင်း၊ ဒက္ကာလို မြို့ကြီးတွေမှာတောင် လိုအပ်တဲ့ လျှပ်စစ်ဓာတ်အား အလုံအလောက် မရတာမို့ စက်စွမ်းအင် အပြည့်မလည်ပတ်နိုင်ဘဲ ထုတ်လုပ်မှု (၅၀) ရာခိုင်နှုန်း ကျဆင်းနိုင်တယ်လို့ တွက်ချက်နေသလို စီးပွားကပ်ပျက်ကြောင့်လည်း ထုတ်လုပ်မှုစရိတ်မှာ (၂၀) ရာခိုင်နှုန်း တိုးမြင့်လာတယ်လို့ ဆိုနေကြပြန်ပါတယ်။

ဒက္ကာမြို့အနီး စက်မှုမြို့တော် ဆာဗား သိုးမွှေးထည် စက်ရုံအုပ်စုမှာ၂၀၀၆ ခုနှစ် မေလ (၂၃) ရက်နေ့က အလုပ်သမားလုပ်ခတွေ အပါအ၀င် အပတ်စဉ် အလုပ်ပိတ် အားလပ်ခွင့် ခံစားခွင့်တွေ ရရှိဖို့ တောင်းဆိုထားခဲ့တဲ့ တောင်းဆိုချက် (၁၁) ရပ်ကို စက်ရုံပိုင်ရှင်တွေ ငြင်းပယ်ခဲ့ရုံမက အလုပ်သမားတွေကိုပါ စက်ရုံထဲပိတ်လှောင် ရေဖြတ်မီးဖြတ် ချုပ်နှောင်ထားခဲ့ရာကနေ မခံမရပ်ဖြစ်ကြပြီး သပိတ်မှောက်အလုပ်သမားတွေက စက်ရုံနဲ့တကွ ကားတွေ စက်ကိရိယာတွေကို မီးတင်ရှို့ခဲ့ကြသလို တိုင်းတပါး ရင်းနှီးမြှုပ်နှံသူတွေကိုလည်း မောင်းထုတ်ပစ်ခဲ့ကြပါတော့တယ်။ ဒီ ၂၀၀၆ ခုနှစ်လို သပိတ်မျိုးတွေက နှစ်တိုင်း ဘင်္ဂလားဒေ့ရ်ှမှာ ဖြစ်ပွားနေကျမို့ သိပ်မထူးဆန်းတော့ဘူးလို့ ဆိုရင်ဖြင့် ဒီလို သပိတ်မှောက်ခွင့်ရကြတဲ့ ဘင်္ဂလားဒေ့ရှ် စက်မှုဇုန်လုပ်သားတွေရဲ့ နိုင်ငံရေး လွတ်လပ်ခွင့်ကို နည်းနည်းလေး ဆက်လေ့လာကြည့်ဖို့တော့ လိုလာပါလိမ့်မယ်။

တွဲဆက်လက်များ

၂၀၀၆ ခုနှစ် အရေးအခင်းအတွင်း ပျက်စီးခဲ့တဲ့ စက်ရုံပေါင်း (၂၅၀) ကျော်အနက် (၃၀) ဟာ ဆာဗား ပို့ကုန်အုပ်စု နိုင်ငံခြားသားပိုင် စက်ရုံတွေပဲ ဖြစ်ကြပါတယ်။ ဘင်္ဂလားဒေ့ရှ် အထည်ချုပ် ထုတ်လုပ်တင်ပို့သူများအစည်းအရုံး ဒု-ဥက္ကဋ္ဌ တဦးဖြစ်သူ ဆာဟာဒတ် ဟော့စိန် ချောင်ဒရီကတော့ ဆာဗားစက်မှုဇုန်က စက်ရုံ (၂၁) ရုံအပါအ၀င် စက်ရုံပေါင်း (၃၀၀) နီးပါး မီးရှို့ခံရပြီး (၃) ရက်တာကြာမြင့်ခဲ့တဲ့ စက်မှုဇုန်အလုပ်သမားအဓိကရုဏ်းမှာ စုစုပေါင်း အမေရိကန်ဒေါ်လာ (၄) ဘီလီယံဖိုး (တက်ကာ ငွေ သန်း ၇၀) နီးပါး ဆုံးရှုံးနစ်နာခဲ့ရကြောင်း၊ အလုပ်သမား (၃) ဦး သေဆုံးပြီး ရာနဲ့ချီ ဒဏ်ရာရရှိခဲ့ကြောင်း ပြောပါတယ်။

အလုပ်သမားအခွင့်အရေး လှုပ်ရှားသူ အလုပ်သမားသမဂ္ဂ အမျိုးသမီးခေါင်းဆောင် ရှရင်းအာတာကတော့ လုံးဝ အလုပ်နားရက် မရှိတာကြောင့် အခုလို အလုပ်သမားတွေ ဒေါသထွက်ပြီး အဓိကရုဏ်းဖြစ်ရတာပဲလို့ အပြစ်တင်ပါတယ်။ ပိုင်ရှင်တွေက အလုပ်သမားတွေကို လုပ်ခနဲ့ အိုဗာတိုင်ကြေး ပုံမှန်မပေးကြတဲ့အပြင် အလုပ်ရှင်က သူတို့လုပ်ခနဲ့ အိုဗာတိုင်ကြေးပေါ်ကနေပြီး (၂) ရာခိုင်နှုန်း ဖြတ်လေ့ရှိတယ်လို့ အလုပ်သမားတွေ ယုံကြည်နေကြကြောင်းကိုလည်း သူမက စွပ်စွဲထားပြန်ပါတယ်။

အစိုးရပြည်ထဲရေးဝန်ကြီး လာဖိုဇာမန်က ဒါဟာ အစိုးရအတွက် အဖျက်လုပ်ရပ်များဖြစ်သလို အိန္ဒိယနယ်ခြားစက်မှုဇုန်တွေက ကူးစက်လာတဲ့ ပြဿနာများလို့ ပြောပါတယ်။

အတိုက်အခံပါတီ ခေါင်းဆောင် ရှိတ်ဟာစီန၀ါဂျစ်ကတော့ လက်ရှိအစိုးရရဲ့ မအောင်မြင်ချက်တွေ အားလုံးကို အလုပ်သမားတွေအပေါ် အပြစ်ပုံချနေတယ်လို့ပြောပြီး အလုပ်သမားတွေအပေါ် လက်ရှိ (BNP) ပါတီ အစိုးရရဲ့ ဗိုလ်ကျကြီးစိုးမှု ပြန့်ပွားလာတာပဲလို့ ထောက်ပြဝေဖန်ခဲ့ပါတယ်။

နိုင်ငံရေးသမားမဟုတ်တဲ့ ဘင်္ဂလား စီးပွားရေးရှေ့ဆောင်တွေကလည်း အလုပ်ရှင်ရော အစိုးရကပါ လုပ်သားတွေအပေါ် ဗိုလ်ကျအနိုင်ကျင့်နေတယ်လို့ စွပ်စွဲပြီး ဘင်္ဂလား စီးပွားရေးအသင်း ဥက္ကဋ္ဌ ကွာစီခိုလီကွစ်ဇာမန်ကတော့ ဒီပြဿနာဟာ ရေရှည်မဖြေရှင်းနိုင်မယ့် ပြဿနာတရပ်ပဲလို့ အခိုင်အမာထပ်ပြီး ထောက်ပြပါတယ်။

ဘင်္ဂလား အလုပ်သမားအရေး လေ့လာရေးသိပ္ပံ (BILS) ကတော့ ၁၉၉၇-၂၀၀၁ မှာ အထည်ချုပ်လုပ်ငန်းရှင်တွေဘက်က ပြဿနာကိုတားဆီးဖို့ သဘောတူညီချက် (၄) ချက် လက်မှတ်ရေးထိုးခဲ့ပြီး ဖြစ်ပေမယ့်လည်း အစိုးရ သတ်မှတ်ကြေညာ ပေးထားတဲ့ အနိမ့်ဆုံးလစာ (၂၅) ဒေါ်လာနှုန်းကို ၂၀၀၁ ခုနှစ်တုန်းကတည်းက အာမမခံခဲ့သလို စက်ရုံလုပ်ငန်းကြီးများအတွက် လမ်းညွှန်ချက် (၂၄) ရပ်အပြင် အခြားအလုပ်သမားဥပဒေ ဘယ်တခုကိုမှ စက်မှုဇုန်လုပ်ငန်းရှင်တွေ မလိုက်နာကြဘူးလို့ ဆိုပါတယ်။

တဆက်တည်းမှာ ဘင်္ဂလားဒေ့ရ်ှနိုင်ငံရေးနဲ့ အလုပ်သမားသပိတ်တွေ တခုနဲ့တခု ဆက်နွှယ်ပတ်သက်နေတာကိုလည်း တွေ့ရနိုင်ပါသေးတယ်။ အတိုက်အခံ ရှိတ်ဟာစီနာဝါဂျစ်ရဲ့ ညွန့်ပေါင်း (၁၄) ပါတီက ရွေးကောက်ပွဲဥပဒေကို ပြန်လည်ပြင်ဆင်ဖို့ ဇွန် (၁၃-၁၄) ရက်အထိ (၃၆ ) နာရ်ီကြာ သပိတ်မှောက်ဖို့နဲ့ ရွေးကောက်ပွဲကော်မရှင် ဥက္ကဋ္ဌ ပြန်လည်ရွေးချယ်ဖို့ တိုက်ပွဲဝင် တောင်းဆိုလိုက်ပြီးတဲ့နောက် လူတွေ ရာနဲ့ချီ ဒဏ်ရာရရှိခဲ့တဲ့ ၂၀၀၆ ခုနှစ် ဇွန်လ (၁၁) ရက်နေ့ ဒက္ကာ သပိတ်မှောက် အရေးခင်းမှာ ပုလိပ်တွေရဲ့ အတိုက်ခံခေါင်းဆောင်တွေနဲ့ အလုပ်သမားများအပေါ် ပြုမူချက်တွေကို အရေးယူပေးဖို့ တောင်းဆိုခဲ့ပါတယ်။

ဒါတွေအားလုံးဟာ ဘင်္ဂလားဒေ့ရ်ှက အလုပ်သမားသပိတ်တွေနဲ့ တခြားသော နိုင်ငံရေး၊ စီးပွားရေး၊ လူမှုရေး အဖွဲ့အစည်းတွေ ဆက်စပ်မှုရှိရှိ အပြန်အလှန် ထောက်ခံအားပေး တိုက်ပွဲဝင်နေကြပုံတွေပါ။

၂၀၀၆ ခုနှစ် ဇွန်လထဲမှာ အခြေအနေတွေ ဆက်ဆိုးဝါးနေပြီး သပိတ်တိုက်ပွဲတွေဟာ ဒက္ကာ ပြုပြင်ထုတ်လုပ်ဇုန်ကနေ ဆာဗား၊ အရှူလီရာ၊ ဂါဇီပါလ် နယ်မြေအထိ ပျံ့နှံ့သွားပါတော့တယ်။ ၂၀၀၆ မေ (၂၃) ရက်နေ့ မှာတော့ ဖြစ်ပွားမှုအရှိန် မြင့်တက်ခဲ့ပြီး စက်ရုံလုံခြုံရေး၊ ပုလိပ်တွေ၊ ပြည်သူ့စစ်များအပြင် ဘင်္ဂလားနယ်ခြားစောင့် ရိုင်ဖယ်တပ်အင်အား (၃,၀၀၀) ကို ခေါ်ယူဖြေရှင်းခဲ့ရပါတော့တယ်။ အစိုးရက စက်ရုံတွေကို အတင်းဝင်ရောက်စီးနင်းပြီး အလုပ်သမားတွေကို မောင်းထုတ်၊ စက်မှုဇုန်ကို သံဆူးကြိုးကာရံ ထိန်းချုပ်ခဲ့သလို အရေးပေါ် ဆူပူမှုနှိမ်နင်းရေးတပ်ဖွဲ့တွေပါ ၀င်ရောက်ဖြေရှင်းပေးရတဲ့ နိုင်ငံတော်လုံခြုံရေးထိခိုက်မှုအဆင့်ထိ အခြေဆိုက်ရောက်သွားခဲ့ပါတော့တယ်။

နောက်ဆုံး အစိုးရဘက်က ဖမ်းဆီးထားတဲ့ အလုပ်သမားခေါင်းဆောင်တွေ၊ အလုပ်သမားသမဂ္ဂ၀င်တွေ ပြန်လွှတ်ပေးဖို့ အခြေခံလုပ်ခလစာ စီစဉ်သတ်မှတ်ပေးဖို့ အလုပ်သမားကိုယ်စားလှယ်တွေနဲ့ တွေ့ဆုံဆွေးနွေးဖို့ဆိုတဲ့ အလုပ်သမားတို့ရဲ့ တောင်းဆိုချက်တွေကို လိုက်လျောပေးခဲ့ရပါတော့တယ်။ စက်မှုဇုန်လုပ်သား တောင်းဆိုချက်အများစုကို အစိုးရနဲ့ အလုပ်ရှင်တွေဘက်က လိုက်လျောပေးခဲ့လို့လည်း စနေ၊ တနင်္ဂနွေ အားလပ်ခွင့်ရက်၊ မီးဖွားခွင့်ရက်၊ လုပ်သားမှတ်ပုံတင်၊ ပြင်ပထွက်ခွင့် လက်မှတ် စတဲ့ အခွင့်အရေးများအပြင် အဓိကကျတဲ့ လုပ်ခလစာငွေကလည်း အရင် အလုပ်သမားသပိတ်မတိုင်မီ တက်ကာငွေ (၉၄၀) အမေရိကန် (၁၄.၀၃) ဒေါ်လာကနေ အခု တက်ကာငွေ (၃,၀၀၀) အမေရိကန် (၄၄.၇၉) ဒေါ်လာထိတိုးပြီး သတ်မှတ်ပေးခဲ့တာမို့ ၂၀၀၆ မေလ အလုပ်သမားသပိတ် လုံးဝအောင်မြင်ခဲ့တယ်လို့ ပြောရမှာပါ။ (New Age, 29 June 2006)

အခုလိုအောင်မြင်မှုဟာ ၂၀၀၆ ခုနှစ် တနှစ်တည်း ပွဲပြီးမီးသေ အရှိန်တန့်မသွားခဲ့ပါဘူး။ ၂၀၀၈-၂၀၀၉ ခုနှစ်တွေမှာ နောက်ထပ် စက်မှုဇုန်အလုပ်သမားဆန္ဒပြပွဲတွေ တခုပြီးတခု ဆက်တိုက်ဖြစ်ပွားခဲ့ပါသေးတယ်။ ၂၀၀၆ မေ၊ ဇွန် အလုပ်သမား တိုက်ပွဲတွေအပြင် ၂၀၀၈ ခုနှစ် ဧပြီ ပထမအပတ်အတွင်း ဒက္ကာစက်မှုဇုန် စက်ရုံ (၄) ရုံက အထည်ချုပ်လုပ်သားတွေ လစာငွေ (၂) ဒေါ်လာကနေ (၃) ဒေါ်လာအထိ ထပ်တိုးပေးဖို့ ဆန္ဒပြခဲ့ရာ ပုလိပ်တွေ ရိုက်နှက်ဖြိုခွင်းခဲ့လို့ လူ (၅၀) ဒဏ်ရာရရှိခဲ့ကြသလို ၂၀၀၈ ခုနှစ် ဧပြီ ဒုတိယပတ် (၁၅) ရက်နေ့မှာလည်း လုပ်သားပေါင်း (၁) သောင်းခွဲလောက်ဟာ ကုန်ဈေးနှုန်းမြင့်တက်လာလို့ နဂိုသဘောတူထားပြီးဖြစ်တဲ့ လစာငွေ (၁) လကို အမေရိကန် (၂၅) ဒေါ်လာနှုန်းရရှိရေး စက်ရုံရှေ့ထိုင်ပြီး ဆန္ဒပြခဲ့ကြ ပြန်ပါတယ်။ ဒက္ကာစက်မှုဇုန်မှာ ဆန္ဒပြမှုတွေဟာ လှိုင်းတံပိုး၊ မုန်တိုင်းတွေလိုပဲ နှစ်စဉ်မပြတ် ပြင်းပြင်းထန်ထန် မရပ်မနား ဆက်လက်တိုက်ခတ်နေခဲ့ပါတယ်။

၁၉၆၀ လွန်ကာလ စက်မှုဇုန်သစ်တွေနဲ့အတူ စတင်သန္ဓေတည်လာခဲ့တဲ့ အလုပ်ရှင် အလုပ်သမားကြား မပြေလည်မှု ပြဿနာတွေဟာ ဘင်္ဂလားဒေ့ရှ် စက်မှုန်ဇုန်လုပ်ငန်းရှင်တွေအဖို့တော့ မွေးရာပါ ရောဂါဆိုးကြီးတရပ်လိုပါပဲ။ အလုပ်သမား အခွင့်အရေးတခု ချိုးဖောက်ခံရတိုင်းမှာ ဆန္ဒပြဖို့ရာ ပြဿနာအသစ်တွေ ထပ်တလဲလဲ ပေါ်ပေါက်လာစမြဲ မဟုတ်ပါလား။



ယနေ့ မြန်မာ့ရေးရာ သတင်းများ May,1st,2010

( 31 )မေဒေးနေ့ လှုပ်ရှားမှုများ ပြုလုပ်

( 30 )Burma Question Needs the UN Intervention

( 29 )ရွေးကောက်ပွဲ အဖျက်သမား တိုက်ဖျက်ရန် ဗိုလ်ချုပ်မှူးကြီး တိုက်တွန်း

( 28 )Burmese leader says 'saboteurs' threaten national polls

( 27 )ပြည်နယ်နှင့်တိုင်းတချို့ အပူချိန်လွန်ကဲမှုဒဏ် ခံနေရ

( 26 )'Saboteurs' threaten Myanmar vote

( 25 )ဒီဗွီဘီ သတင်းထောက် မလှလှဝင်း အယူခံကို မကွေးတိုင်း တရားရုံးက ပယ်ချ

( 24 )Two Years after Nargis, Life Is Far from Normal

( 23 )ဒေါ်စုကို အာဏာပိုင်များက အိမ်ပြုပြင်ခွင့်ပြု

( 22 )More Funds Needed for Nargis Recovery

( 21 )အဖွဲ့ချုပ်ပါတီ ဖျက်သိမ်းခံရမည့် ကိစ္စ တားပေးရန် တရားစွဲဆိုလွှာတင်

( 20 )Election 'saboteurs' warning

( 19 )Judson student reunites with family from Myanmar

( 18 )စစ်တကောင်း တောင်တန်းနယ်မှ ဗုဒ္ဓဘာသာ မာရမာ လူငယ်များ ခရစ်ယာန် ဘာသာသို့ စတင် ကူးပြောင်း

( 17 )Myanmar top leader warns against conspiracy ahead of election

( 16 )ရခိုင်ပြည်နယ်မှ ပါတီတခုကို မှတ်ပုံ တင်ခွင့် ပြုလိုက်ပြီ

( 15 )Funding Gap Hinders Recovery In Myanmar

( 14 )ဘူးသီးတောင်မြို့နယ်တွင် ရေရှားပါး၍ တောနေလူထု အခက်ကြုံနေရ

( 13 )Turbo-Mech plans to enter Myanmar

( 12 )နိုင်ငံရေး စာအုပ်များ ရောင်းအားကောင်း

( 11 )Myanmar prime minister forming new political party

( 10 )နာဂစ်မုန်တိုင်းဒဏ်သင့်သူတွေ အကူအညီ ဒေါ်လာသန်းပေါင်းများစွာ လိုအပ်ဆဲ

( 9 )More funds needed to help Myanmar recover, rebuild from devastating 2008 cyclone, UN says

( 8 )ဘာသာရေး ဖိနှိပ်မှု အဆိုးဝါးဆုံး တိုင်းပြည်များတွင် မြန်မာပါဝင်

( 7 )Funding gap hinders recovery in Myanmar, two years after cyclone

( 6 )လက်ရှိဝန်ကြီးချုပ် ပါတီထောင်သည့်ကိစ္စ ဥပဒေကို ချိုးဖောက်

( 5 )More funds needed for Myanmar cyclone recovery

( 4 )၀န်ကြီးချုပ်နဲ့ကြံ့ဖွံ့ပါတီ ရွေးကောက်ပွဲ ၀င်မယ့်အပေါ် မြန်မာ့နိုင်ငံရေး အသိုင်းအ၀န်း စိုးရိမ်မကင်းဖြစ်

( 3 )Burma still among worst states for press freedom

( 2 )စစ်အစိုးရအပေါ် NLD နဲ့ ဒေါ်အောင်ဆန်းစုကြည် တရားစွဲဆိုမှု တရားရုံးချုပ် စတင်ကိုင်တွယ်

( 1 )Burma Army reported attacked by ceasefire Shan Army