သမ္မတအပေါ် သဘောထား စစ်တမ်းကောက်မည်

ဇာဏီထွဏ်း

သုံးနှစ်ခွဲကျော် သက်တမ်းရှိပြီဖြစ်သော သမ္မတ ဦးသိန်းစိန်အပေါ် ပြည်သူများ၏ သဘောထားအမြင်များကို စိမ်းလန်းအမိမြေ အသင်းမှ သုတေသန ပြုလုပ်သွားမည်ဖြစ်ကြောင်း အဆိုပါအသင်းဥက္ကဋ္ဌ ဦးဝင်းမျိုးသူ က ပြောသည်။

အဆိုပါ သုတေသနစစ်တမ်းကို စိမ်းလန်းအမိမြေအသင်း၏ မြန်မာ့ရေးရာ လူမှုစီးပွား သုတေသနအဖွဲ့က ဒီဇင်ဘာလတွင် စတုတ္တအကြိမ် သုတေသနပြုလုပ်မည်ဖြစ်ပြီး စီးပွားရေးအချက်အချာနှင့် လူနေ ထိုင်မှုများ သော ရန်ကုန်မြို့နှင့် မန္တလေးမြို့တို့တွင် လုပ်ဆောင်မည်ဖြစ်သည်ဟု ၎င်းက ဆိုသည်။

ယခင်အကြိမ်များက ပြုလုပ်ခဲ့သည့် သုတေသနစစ်တမ်းများတွင် သမ္မတအပေါ် ပြည်သူများ၏ သဘောထားအမြင်နှင့် လွှတ်တော် ကိုယ်စားလှယ်များအပေါ် သဘောထားအမြင်များကို ကောက်ယူခဲ့သော်လည်း ယခုအကြိမ်တွင် သမ္မတ အပေါ်သဘောထားအမြင်ကိုသာ ဦးစားပေး ကောက်ယူသွားမည်ဖြစ်သည်။

“အရင်တုန်းက ကောက်ခဲ့တာတွေလည်းရှိတယ်။ အဲဒီတုန်းကရတဲ့ မှတ်ချက်တွေ၊ အမြင်တွေနဲ့ နောက် ထပ်ရလာမယ့် အမြင်တွေ နှိုင်းယှဉ် မယ်။ အရင်က လွှတ်တော်ကိုယ်စားလှယ်တွေကို သိရှိမှုနှုန်း ကောက် ပေမယ့် မသိတာများတော့ မကောက်တော့ဘူး။ သမ္မတကြီးကတော့ အဓိကအရေးပါသူဖြစ်နေတော့ ပြည်သူ့ အမြင်ကို ဦးစားပေးကောက်တာ”ဟု ၎င်းက ဆိုသည်။

လူထုသဘောထား စစ်တမ်းများသည် ယခင်က မြန်မာနိုင်ငံတွင် မရှိခဲ့သဖြင့် ယခုကဲ့သို့ ကောက်ယူမှု သည် ကောင်းမွန်သည်ဟု ယူဆကြောင်း၊ သို့ရာတွင် စစ်တမ်းကောက်ယူသည့် နည်းလမ်းအပေါ်တွင် မူ တည်၍ ရရှိသည့် ရလဒ်မှာလည်း ပြောင်းလဲသွားနိုင် သည်ဟု နိုင်ငံရေးလေ့လာ သုံးသပ်သူ ဦးကျော်လင်း ဦးက ပြောသည်။

စိမ်းလန်းအမိမြေ အသင်းက သမ္မတ၊ အစိုးရနှင့် လွှတ်တော်ကိုယ်စားလှယ်များ အပေါ်လူထု စိတ်ကျေနပ် မှု သုတေသနပြု ဆန်းစစ်ချက်မှု စစ်တမ်းများကို ၂၀၁၂ ခုနှစ်တွင် တစ်ကြိမ်၊ ၂၀၁၃ ခုနှစ်အတွင်း နှစ်ကြိမ် ပြုလုပ်ပြီးဖြစ်သည်။

အိုဘားမားက သမ္မတနဲ့ ဒေါ်စုဆီကို ဖုန်းဆက်

ABC

အမေရိကန် ​သမ္မတ ​ဘာရက်အိုဘားမားက ​မြန်မာ ​သမ္မတ ​ဦးသိန်းစိန်နဲ့ ​ဒေါ်အောင်ဆန်းစုကြည်တို့ကို ​သီးသန့်စီ ​ဖုန်းနဲ့ ​ဆက်သွယ် ​စကားပြောခဲ့ပါတယ်။

ဒီကနေ့မှာ ​ပြုလုပ်မယ့် ​မြန်မာနိုင်ငံရဲ့ ​အဓိက ​ထိပ်သီးပုဂ္ဂိုလ်တွေ ​ပါဝင်တဲ့ ​လေးပွင့်ဆိုင် ​အစည်းအဝေးကြီး ​မစတင်ခင်မှာ ​အမေရိကန် ​သမ္မတက ​ဖုန်းခေါ်ဆိုတာနဲ့ ​တိုက်ဆိုင်နေပါတယ်။

ဒေါ်အောင်ဆန်းစုကြည်က ​လေးပွင့်ဆိုင် ​ဆွေးနွေးမှု ​ပြုလုပ်ပေးဖို့ ​နှစ်ချီကြာ ​တောက်လျှောက်တောင်းဆိုလာခဲ့ရာက ​သမ္မတက ​ပြုလုပ်ခဲ့တာ ​ဖြစ်ပါတယ်။

ဒီကနေ့ ​ပြုလုပ်မယ့် ​ဆွေးနွေးပွဲမှာ ​လွှတ်တော် ​အကြီးအကဲ၊ ​နိုင်ငံရေးအကြီးအကဲ၊ ​တိုင်းရင်းသားအပြင် ​အတိုက်အခံ ​အကြီးအကဲနဲ့ ​စစ်တပ် ​အကြီးအကဲတို့ ​ပါဝင်ကြမှာ ​ဖြစ်ပါတယ်။

အမေရိကန် ​သမ္မတက ​မနေ့တုန်းက ​ဒေါ်အောင်ဆန်းစုကြည်နဲ့ ​သမ္မတ ​ဦးသိန်းစိန်ကို ​ဖုန်းဆက်တယ်လို့သာ ​အိမ်ဖြူတော်က ​ထုတ်ပြန်ထားပြီး ​ဘယ်လို ​အကြောင်းအရာတွေ ​ပြောဆိုခဲ့ကြပြီး ​ဘာကြောင့် ​ခေါ်ဆိုခဲ့သလဲ ​ဆိုတာ ​ဖော်ပြခြင်း ​မရှိပါဘူး။

ဒါပေမဲ့ ​အမေရိကန် ​သမ္မတ ​အိုဘားမားဟာ ​နိုဝင်ဘာလ ​လယ်လောက်ကျရင် ​မြန်မာနိုင်ငံမှာ ​ကျင်းပမယ့် ​အာဆီယံ ​ထိပ်သီးညီလာခံနဲ့ ​ဒေသတွင်းနိုင်ငံတို့ရဲ့ ​အစည်းအဝေးကို ​တက်ရောက်ဖို့ ​ရှိပါတယ်။

တချို့လူတွေကလည်း ​သမ္မတ ​အိုဘားမား ​မလာခင်မှာ ​မျက်နှာကောင်းရအောင် ​အစိုးရက ​အခုလို ​ဒေါ်အောင်ဆန်းစုကြည် ​တောင်းဆိုထားတဲ့ ​လေးပွင့်ဆိုင် ​ဆွေးနွေးမှုကို ​ပြုလုပ်ပေးတာလို့ ​ပြောဆိုကြပြီး ​ထူးခြားတဲ့ ​ရလဒ်တွေ ​ထွက်လာမှာ ​မဟုတ်ဘူးလို့ ​ပြောကြကြောင်း ​ရိုက်တာ ​သတင်းမှာ ​ပါရှိပါတယ်။

Opera Mini Browser အသုံးပြုနိုင်ရေး တယ်လီနောနှင့် ပူးပေါင်း

စ, ချိူကို

နော်ဝေနိုင်ငံအခြေစိုက် ဆော့်ဖ်ဝဲလ်ကုမ္ပဏီ တစ်ခုဖြစ်သော Opera က ၎င်းတို့၏ Opera Mini Browser ကို အသုံးပြုရေးအတွက် တယ်လီနောနှင့် ပူးပေါင်းလုပ်ဆောင်သွားမည်ဟု အောက်တိုဘာ ၃၁ ရက်က ပြောကြားသည်။

Opera ၏ အမှုဆောင်အရာရှိချုပ် Lars Boilesen က “Opera Browser မှာ အင်တာနက်ကို လွယ်လွယ်ကူကူ အသုံးပြုဖို့ ပြုလုပ်ထား ပါတယ်။ဒါ့ကြောင့် ဒီပူးပေါင်းမှုမှာ အရည်အသွေးမြင့် မိုဘိုင်းအင်တာနက်အသုံးပြုမှု အတွေ့အကြုံကို ရရှိစေမှာပါ” ဟု ဆိုသည်။

Opera Mini Browser ကို မိုဘိုင်းဖုန်း application အဖြစ်လည်း ထုတ်လုပ်ထားပြီး တယ်လီနောနှင့် ပူးပေါင်းဆောင်ရွက်မှုတွင် တယ်လီနော ဖုန်းများတွင် ယင်း Browser ကို အသုံးပြုခြင်းဖြင့် ပြည်တွင်း နှင့် သက်ဆိုင်သော သတင်းစာမျက်နှာအချို့၊ Wikipedia နှင့် Facebook Zero ( အခမဲ့အသုံး ပြုနိုင်သော Facebook ) တို့ကို ကြည့်ရှုနိုင်မည်ဖြစ်သည်။ ထို့ပြင် Opera Browser သည် မိမိအသုံးပြုသည့် အင်တာနက် စာမျက်နှာ၏ ဒေတာပမာဏ ဖိုင်ဆိုဒ်ကို ၉၀ % အထိ ချုံ့ပေးထားသည်ဟု ဆိုသည်။

Opera Browser တွင် မြန်မာဘာသာ စကားများကိုလည်း ထောက်ပံ့ပေးထားနိုင်မည်ဟု တယ်လီနော၏ အမှုဆောင်အရာရှိချုပ် Mr.Petter Furberg က ဆိုသည်။ ထို့ပြင် Opera Mini ကို Android ၊ Java Me ၊ IOS ၊ Symbian OS ၊ Window Mobile ဖုန်းအားလုံးတွင်အသုံးပြုနိုင်ပြီး m.opera.com နှင့် m.telenor.com.mm တို့တွင် ဒေါင်းလုဒ်ဆွဲကာ ရယူနိုင်မည်ဖြစ်သည်။

Opera မှ မစ္စတာ ပီတာက “ တယ်လီနောရဲ့ Base Station တွေမှာ Opera Browser ကို အသုံးပြုပြီး စမ်းသပ်မှု ပြုလုပ်ထား ပါတယ်။အခြားစာမျက်နှာကနေ ဒေါင်းလုတ်ဆွဲတဲ့အခါ ၃၆ စက္ကန့်လောက် ကြာတဲ့ ဖိုင်ကို Opera နဲ့ အသုံးပြုတဲ့ အခါ ၁၆ စက္ကန့်ပဲ ကြာမြင့်ပါတယ်။ Opera Browser နဲ့ 500MB အထိ ကုန်ကျတဲ့ ဖိုင်ကို အခြား Browser နဲ့ သုံးတာ လေးဆလောက်ပိုမို ကုန်ကျပါတယ် ” ဟု ဆိုသွားသည်။

နော်ဝေနိုင်ငံ စတော့အိတ်ချိန်းတွင် ရုံးအခြေစိုက်သော Opera Software ကုမ္ပဏီကို ၁၉၉၅ ခုနှစ်က တတင် တည်ထောင်ခဲ့ပြီး Opera Mini Browser ကို ၂၀၀၆ ခုနှစ်က စတင်ထုတ်လုပ်ခဲ့ပြီး လစဉ်အသုံးပြုသူ သန်း ၂၅၀ ခန့် ရှိနေသည်ဟု ကုမ္ပဏီ၏ သတင်းအချက်အလက်အရ သိရသည်။

လိပ်ကျွန်းလူသတ်မှု တရားမျှတမှုရရေး ကူညီပေးဖို့ ဒေါ်အောင်ဆန်းစုကြည်ကို မြန်မာလူငယ် တောင်းဆို

ကျော်ခ

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အနေဖြင့် လိပ်ကျွန်းလူသတ်မှုမှာ တရားမျှတမှုရှိရေး ကူညီဆောင် ရွက်ပေးဖို့ စွပ်စွဲဖမ်းဆီးခံထားရတဲ့ မြန်မာလူငယ် ဇော်လင်းက မနေ့က တောင်းဆိုလိုက်တယ်လို့ သတင်းရရှိပါတယ်။

ထိုင်းနိုင်ငံ တောင်ပိုင်း ကော့စမွေ အကျဉ်းထောင်မှာ ထိန်းသိန်းခံထားရတဲ့ မောင်ဝင်းဇော်ထွန်းနဲ့ မောင်ဇော်လင်းတို့ ၂ဦး ကို မနေ့က မြန်မာသံရုံး အထူးအဖွဲ့ သွားရောက်တွေ့ဆုံချိန် ဇော်လင်းက အခုလို စကားပါးတောင်းဆိုလိုက်တာလို့ အဆိုပါအဖွဲ့ရဲ့ ဘာသာပြန် ဦးမိုးဝေက ဧရာဝတီကိုပြောပါတယ်။

“ဒီလိုတောင်းဆိုတဲ့ ဇော်လင်းက ဒေါ်အောင်ဆန်းစုကြည်ကို လေးစားတယ်ဆိုတဲ့ တယောက်ပါ။ သူတို့နှစ်ယောက်က ဒီအမှုမှာ ကျူးလွန်ခြင်းမရှိဘဲ ခြိမ်းခြောက်ရိုက်နှက်မှုတွေကြောင့် ဝန်ခံခိုင်းတာတွေ ကြုံတွေ့ခဲ့ရတယ်။ အပြစ်မရှိဘဲ ဖမ်းဆီး ချုပ်နှောင်ခံနေရတယ်။ ဒေါ်အောင်ဆန်းစုကြည် အနေနဲ့ တတ်နိုင်မယ်ဆိုရင် သူတို့ တရားမျှတမှု ရရှိရေး အတွက် လုပ်ပေး စေချင်တယ်ဆိုပြီး ပြောတာပါ” လို့ သံရုံး အထူးအဖွဲ့ ဘာသာပြန် ဦးမိုးဝေ က ပြောပါတယ်။

ဇော်လင်းဟာ အဖမ်းအဆီးမခံရခင်အချိန်ထိ လူမှုကွန်ရက် Facebook အသုံးပြုခဲ့ပြီး သူ့ရဲ့ စာမျက်နှာမှာ ဒေါ်အောင်ဆန်း စုကြည် ကို ဝေဖန်တိုက်ခိုက်နေသူတွေ သိစေဖို့အတွက် ဒေါ်အောင်ဆန်းစုကြည်ဘက်က ရပ်တည်ပြီး NLD ပါတီခေါင်း ဆောင် အကြောင်း ရုပ်သံမှတ်တမ်း တခုကို ဒီနှစ် သြဂုတ်လ ၂၁ ရက်နေ့က တင်ထားတာတွေ့ရပါတယ်။

အဲဒီရုပ်သံမှတ်တမ်းဟာ ဒီမိုကရက်တစ်မြန်မာ့အသံ DVB က ထုတ်လွှင့်ထားတာဖြစ်ပြီး ဒေါ်အောင်ဆန်းစုကြည်ရဲ့ ၁၉၈၈ ခုနှစ်ကစပြီး မြန်မာ့ ဒီမိုကရေစီအရေး ကြိုးပမ်းမှုတွေကို စုစည်းတင်ဆက်ထားတဲ့ ရုပ်သံမှတ်တမ်းဖြစ်ပါတယ်။

ထိုင်းနိုင်ငံရောက် မြန်မာ ရွှေ့ပြောင်း အလုပ်သမားတွေရဲ့ ပညာရေးနဲ့ ဖွံ့ဖြိုးတိုးတက်ရေး လုပ်ငန်းတွေကို ဆောင်ရွက်နေ တဲ့ (FED) အဖွဲ့ ဒါရိုက်တာ ဦးထူးချစ်ကလည်း မြန်မာလူငယ်နှစ်ဦး စွပ်စွဲဖမ်းဆီးခံနေရတဲ့ ဒီအမှုဟာ ထိုင်းနိုင်ငံရှိ ရွှေ့ ပြောင်း မြန်မာအလုပ်သမားတွေ အတွက်လည်း တရားဥပဒေ စိုးမိုးရေးနဲ့ တရားမျှတမှု ရရှိရေး အရေးပါနေတဲ့ အတွက် ဒေါ်အောင်ဆန်းစုကြည် အနေနဲ့ ပူးပေါင်းပါဝင် စေလိုကြောင်း ပြောပါတယ်။

“အခုကိစ္စက ဇော်လင်းနဲ့ ဝင်းဇော်ထွန်းတို့ နှစ်ယောက်တည်းရင်ဆိုင်နေရတဲ့ ပြဿနာမျိုးမဟုတ်ဘူးလို့ ကျနော်တို့က နားလည်တယ်။ ဒီကိစ္စက ထိုင်းနိုင်ငံမှာ အလုပ်လာလုပ်နေတဲ့ မြန်မာသန်းပေါင်းများစွာရှိတဲ့ ရွှေ့ပြောင်း အလုပ်သမား တွေရဲ့ တရားဥပဒေ စိုးမိုးရေးအတွက် အင်မတန်မှ အရေးကြီးတယ်လို့ မြင်တယ်” လို့ ဦးထူးချစ် က ဧရာဝတီကိုပြော ပါတယ်။

သူကဆက်ပြီး သမ္မတ ဦးသိန်းစိန်နဲ့ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ ကိုယ်တိုင်ကလည်း ထိုင်း အာဏာပိုင်တွေနဲ့ တွေ့တဲ့ အခါ တောင်းဆိုမှုတွေ ပြုလုပ်နေတဲ့ အချိန်မှာ တရားဥပဒေ စိုးမိုးရေးနဲ့ တည်ငြိမ်အေးချမ်းမှု ကော်မတီ ဥက္ကဋ္ဌ ရာထူးတာဝန်ကို ထမ်းဆောင်နေပြီး လူထုက အင်မတန်မှ လေးစားကြည်ညိုတဲ့ ဒေါ်အောင်ဆန်းစုကြည် အနေနဲ့ ထိုင်းအစိုးရ၊ ထိုင်းလူမျိုးတွေနဲ့ နိုင်ငံတကာက သိအောင် ပူးပေါင်းဆောင်ရွက်သင့်တယ်လို့မြင်ပါတယ် လို့ဆိုပါတယ်။

ပြီးခဲ့တဲ့ ၂၀၁၂ခု နှစ်မေလကုန်က ဒေါ်အောင်ဆန်းစုကြည်ဟာ ထိုင်းနိုင်ငံ ဘန်ကောက်မြို့ကိုရောက်ရှိခဲ့စဉ်က ထောင်နဲ့ချီ တဲ့ မြန်မာ ရွှေ့ပြောင်း အလုပ်သမားတွေက ကြိုဆိုခဲ့ကြပါတယ်။ လာရောက်ကြိုဆိုတဲ့ မြန်မာအလုပ်သမားတွေကို ပြောတဲ့ မိန့်ခွန်းထဲမှာ မြန်မာရွှေ့ပြောင်းအလုပ်သမားတွေကို ပြစ်ထားမှာမဟုတ်ကြောင်းနဲ့ ရပိုင်ခွင့် အခွင့်အရေးတွေကို ဥပဒေအရ ကာကွယ်စောင့်ရှောက်ပေးနိုင်ဖို့ ကြိုးစားသွားမယ်လို့ ကတိပေးပြောဆိုခဲ့ဘူးပါတယ်။

မကွေးမြို့ လွတ်လပ်ရေးကျောက်တိုင်ပန်းခြံ စားသောက်ဆိုင် ဆောက်ခြင်းအား ကန့်ကွက်

DVB

နေပြည်တော် ငါးပွင့်ဆိုင် တွေ့ဆုံပွဲ ထင်ရှားသည့် ရလာဒ်မထွက်သော်လည်း ထပ်မံတွေ့ရန် သဘောတူခဲ့

နေပြည်တော်သတင်းအဖွဲ့

နေပြည်တော်ရှိ သမ္မတအိမ်တော်တွင် တွေ့ဆုံခဲ့သည့် ငါးပွင့်ဆိုင်တွေ့ဆုံပွဲတွင် သိသာထင်ရှားသည့် နိုင်ငံရေး ရလာဒ်များ မထွက်ပေါ်ခဲ့သော်လည်း သင့်တင့်သည့်အချိန်တွင် ထပ်မံတွေ့ဆုံရန် သဘောတူညီခဲ့ကြသည်ဟု တွေ့ဆုံပွဲတွင် ပါဝင်သူများက ပြောသည်။

ဖက်ဒရယ် ဒီမိုကရေစီ မဟာမိတ်အဖွဲ့ (FDA )ကိုယ်စားပြု အမျိုးသားဒီမိုကရေစီအင်အားစုပါတီဥက္ကဋ္ဌ ဦးခင်မောင်ဆွေက "သိသာထင်ရှားတဲ့ ရလာဒ်ထွက်တာမျိုးတော့မရှိပါဘူး၊ အမြင်ချင်း ဖလှယ်တာလောက်ပဲရှိပါတယ်’’ ဟု တယ်လီဖုန်းမှတစ်ဆင့်ပြောသည်။

ယခုအစည်းအဝေးမှ ရှေ့ဆက်၍ မည်သည့်ကိစ္စများ ပြုလုပ်မည်၊ ရှေ့အလားအလာများကို ပြောဆိုဆွေးနွေးခြင်း မရှိကြောင်းလည်း ၎င်းက ဆက်လက်ပြောကြားသည်။

ညီညွှတ်သော တိုင်းရင်းသားများ မဟာမိတ်အဖွဲ့ ကိုယ်စားပြု ရှမ်းတိုင်းရင်းသားများ ဒီမိုကရေစီအဖွဲ့ချုပ် ဥက္ကဋ္ဌ ကိုယ်စား အတွင်းရေးမှူး ဦးစိုင်းညွန့်လွင်က ယခုတွေ့ဆုံမှုသည် ပထမဦးဆုံးခြေလှမ်းဖြစ်သည့်အတွက် ရလာဒ်မထွက်နိုင်ကြောင်း၊ ရလာဒ်ထွက်ပေါ်ပါကလည်း ခိုင်မာမည့်ရလာဒ်မဖြစ်နိုင်ဟု သုံးသပ်သည်။

၎င်းက "အကောင်းမြင်ဘက်ကဆို Initiative (အဦးဆုံး) ခြေလှမ်း၊ ပထမဦးဆုံးခြေလှမ်း၊ ပထမဦးဆုံးခြေလှမ်းနဲ့တော့ ပန်းတိုင်ဝင်ဖို့မစဉ်းစားနဲ့၊ ဒီလိုခြေလှမ်းမျိုးကို သူတို့နောက်တစ်ခါလှမ်းဖို့မသင့်တော့ဘူး၊ ဒီထက်ကောင်းတဲ့ခြေလှမ်းမျိုးသူတို့လှမ်းသင့်တယ်’’ ဟု အကြံပြုပြောသည်။

သမ္မတပြောရေးဆိုခွင့်ရှိသူ ဦးရဲထွဋ်ကမူ ယခုတွေ့ဆုံသူများသည် သက်ဆိုင်ရာအဖွဲ့အစည်းများတွင် ယနေ့ဆွေးနွေးပွဲအကြောင်းကို ပြန်လည်၍ရှင်းပြကာ နောက်တစ်ကြိမ်အစည်းအဝေးတွင် ပြန်လည်ဆွေးနွေးနိုင်သဖြင့် အောင်မြင်သည်ဟု ဆိုနိုင်သည်ဟု ပြောသည်။

တရားရေးမဏ္ဍိုင်မှ မပါဝင်ခဲ့သည့် အဆိုပါတွေ့ဆုံပွဲတွင် ဥပဒေပြုရေး၊ အုပ်ချုပ်ရေး၊ ပြည်ထောင်စုရွေးကောက်ပွဲကော်မရှင်၊ တပ်မတော်နှင့် နိုင်ငံရေးပါတီများကိုယ်စားပြုသူ ၁၄ ဦးတက်ရောက်ခဲ့ပြီး နောက်ထပ်သင့်လျော်သည့်အချိန်တွင် ထပ်မံတွေ့ဆုံရန် သဘောတူညီခဲ့သည်ဟုလည်း ၎င်းက ပြောသည်။

အဆိုပါဆွေးနွေးပွဲသို့ အုပ်ချုပ်ရေးပိုင်းမှ သမ္မတနှင့် ဒုသမ္မတနှစ်ဦး၊ ကာကွယ်ရေးဦးစီးချုပ်နှင့် ဒုတိယတပ်မတော်ကာကွယ်ရေးဦးစီးချုပ်၊ လွှတ်တော်ဥက္ကဌနှစ်ဦးနှင့် ဒေါ်အောင်ဆန်းစုကြည်၊ ရွေးကောက်ပွဲကော်မရှင်ဥက္ကဋ္ဌ၊ တစညကိုယ်စားလှယ် ဦးသိန်းထွန်း၊ ပြည်ခိုင်ဖြိုး ဒုတိယဥက္ကဋ္ဌ ဦးဌေးဦး၊ ညီနောင်တိုင်းရင်းသားများ မဟာမိတ်အဖွဲ့မှ ဦးခွန်ထွန်းဦး၊ စည်းလုံးညီညွတ်သော တိုင်းရင်းသားလူမျိုးများ မဟာမိတ်အဖွဲ့မှ ဦးစိုင်းအိုက်ပေါင်းနှင့် ဖယ်ဒရယ်ဒီမိုကရက်တစ်မဟာမိတ်အဖွဲ့တို့မှ ဦးခင်မောင်ဆွေတို့တက်ရောက်သည်။

အဆိုပါတွေ့ဆုံမှုသည် ကန်သမ္မတ အိုဘားမား လာမည့်နိုဝင်ဘာလ ၁၁ ရက်နှင် ၁၂ ရက်တွင် နေပြည်တော်၌ ကျင်းပမည့် အာဆီယံထိပ်သီးအစည်းအဝေးမတိုင်မီ နိုင်ငံရေးဟန်ပြလုပ်ရပ်ဟု ဝေဖန်မှုများရှိသော်လည်း သမ္မတပြောရေးဆိုခွင့်ရှိသူ ဦးရဲထွဋ်က ငြင်းဆိုလိုက်သည်။

အဆိုပါတွေ့ဆုံပွဲတွင် နိုင်ငံတော်သမ္မတက “အမျိုးသားနိုင်ငံရေး အင်အားစုများအားလုံး နည်လမ်းရှာဖွေရန် ပွင့်ပွင့်လင်းလင်းဆွေးနွေးရန်" အဖွင့်မိန့်ခွန်းတွင် ပြောကြားခဲ့သည်ဟု ဆိုသည်။

ထို့ပြင် ၂၀၁၄ ကုန်ပိုင်း သို့မဟုတ် ၂၀၁၅ ခုနှစ်အစပိုင်းတွင် တစ်နိုင်ငံလုံးလွှမ်းခြုံသည့် အပစ်အခတ်ရပ်စဲရေးသဘောတူညီချက်ကို လက်မှတ်ရေးထိုးပြီး နိုင်ငံရေးဆွေးနွေးပွဲများ ဆက်လက်ကျင်းပရန် အခြေခံမူဘောင်များချမှတ်နိုင်ရန်အရေးကြီးသည်ဟု ဆိုသည်။

၂၀၁၆ ရွေးကောက်ပွဲအပြီးတွင် မည်သူတာဝန်ယူသည် ဖြစ်စေ ၊မည်သည့် အစိုးရက တက်သည်ဖြစ်စေ တိုင်းရင်းသား အဖွဲ့အစည်းများအနေဖြင့် ယုံကြည်စိတ်ချစွာဖြင့် နိုင်ငံရေးဆွေးနွေးပွဲများကို ဆွေးနွေးနိုင်မည်ဟု ဆွေးနွေးခဲ့ကြောင်း ၎င်းက ပြောသည်။

တပ်မတော် ကာကွယ်ရေး ဦးစီးချုပ် ကလည်း ဖွဲ့စည်းပုံ အခြေခံ ဥပဒေပြင်ဆင်ရေးကို သဘောတူကြောင်းပြောကြားခဲ့ပြီး အခြေခံဥပဒေပါပြဌာန်းချက်များအတိုင်း ပြင်ရန် ပြည်ထောင်စုလွှတ်တော်တွင် ဆွေးနွေးလိုအပ်သည်ဟု ပြောကြားခဲ့သော်လည်း ၄၃၆ကဲ့သို့ ပုဒ်မတစ်ခုချင်းအလိုက် မဆွေးနွေးခဲ့ဘဲ Process သာ ဆွေးနွေးသည်ဟု ဦးရဲထွဋ်က ပြောသည်။

အောက်တိုဘာ ၃၁ရက် နံနက် ၉ နာရီ၊ ၃၀ မိနစ်မှ ၁၁ နာရီ မိနစ် ၃၀ အထိ စုစုပေါင်း ၂ နာရီခန့် ဆွေးနွေးခဲ့သည့် အစည်းအဝေးတွင် တစ်ဦးလျှင် ဆယ်မိနစ်ခန့်သာ ပြောကြားခွင့်ရခဲ့သည်ဟု ဒေါ်အောင်ဆန်းစုကြည်က ပြောသည်။

ဒေါ်အောင်ဆန်းစုကြည်ကတွေ့ဆုံပွဲ၏ရလာဒ်နှင့် ပတ်သက်၍ "အောင်မြင်တယ်ဆိုတာ ဘယ်လိုသတ်မှတ်ထားလို့လဲတော့ မသိဘူးပေါ့နော်၊ တကယ်တော့ တစ်ယောက်ကို ဆယ်မိနစ်လောက်ပဲပြောကြရတာ’’ ဟု ပြောကြားသည်။

နေပြည်တော် ထိပ်သီး ဆွေးနွေးပွဲ တိုင်းရင်းသား အခန်း ကဏ္ဍအား ကိုယ်စားပြုမှု နည်းဟု ဆို

ချမ်းစွန်း

ငိမ်းချမ်း ရေးနှင့် အမျိုးသား ပြန်လည် သင့်မြတ်ရေး ခေါင်းစဉ်ဖြင့် မြန်မာနိုင်ငံ သမ္မတ၊ တပ်မတော် ကာကွယ်ရေး ဦးစီးချုပ်၊ လွှတ်တော် နာယက အပါအဝင် နိုင်ငံရေး ထိပ်သီး ခေါင်းဆောင်များ အောက်တိုဘာလ (၃၁) ရက်နေ့တွင် နေပြည်၌ တွေ့ဆုံ ဆွေးနွေး ခဲ့သည့် ဆွေးနွေး ပွဲသည် တိုင်းရင်းသား များအား ကိုယ်စားပြုမှု တ၀က် တပျက်သာ ပါဝင် သည်ဟု NCCT အဖွဲ့ ခေါင်းဆောင် နိုင်ဟံသာက ဝေဖန် ပြောဆိုသည်။

“တိုင်းရင်းသား တွေဘက်က ဆိုရင်ဦးခွန် ထွန်ဦးတို့၊ ဦးစိုင်း အိုက်ပေါင်းတို့ ပါမယ်။ အထိုက် အလျှောက်တော့ အမြင်တွေ ရတာပေါ့။ နိုင်ငံရေး ပဋိပက္ခ ဖြေရှင်း ရာမှာ အဓိက ကျတဲ့ လက်နက်ကိုင် တော်လှန်ရေး အင်အား စုတွေ မပါဘူး၊ အဲဒီလို ပါဝင် လာနိုင်ရင် ပိုမို ကျယ်ပြန့် လာမယ်လေ၊ ဒါကလည်း မြန်မာ့ နိုင်ငံရေး ပြသနာ ပြေလည်ဖို့ အဓိက ကျနေတဲ့ အချက်ပါ။ အခု တက်ရောက် ဆွေးနွေး နေတဲ့ အနေအထား ကတော့ တိုင်းရင်းသား အခန်းကဏ္ဍကို တစ်ဝတ် တစ်ပျက် လောက်ပဲကိုယ်စား ပြုနိုင်မယ်” ဟု မွန်ပြည်သစ် ပါတီ၏ ဒု-ဥက္ကဌလည်းဖြစ်သူ တနိုင်ငံလုံး အပစ်အခတ် ရပ်စဲရေး ညှိနှိုင်းရေး အဖွဲ့ (NCCT) အဖွဲ့ ခေါင်းဆောင်လည်း ဖြစ်သည့် နိုင်ဟံသာက ဝေဖန် ပြောဆိုသည်။

သမ္မတ ဦးသိန်းစိန် အစိုးရ လက်ထက်တွင် အကောင်အထည် ဖော်ခဲ့သည့် မြန်မာနိုင်ငံပြုပြင် ပြောင်းလဲရေးလုပ်ငန်းစဉ် များသည် အောင်မြင် ဖြစ်ထွန်း မှုများ ရှိခဲ့ကာ ဆက်လက် ကြိုးပမ်း ကျော်လွှား ရမည့် စိန်ခေါ်မှု များစွာ ရှိနေ သေးကြောင်း၊ ၎င်းမှာ မြန်မာ့ နိုင်ငံရေး၏ အရှိ တရားပင် ဖြစ်ကာ ထိုစိန်ခေါ်မှု များကို ကျော်လွှား နိုင်ရန် အတွက် အင်အား စုများ အားလုံး စုစည်း ကြိုးပမ်း ဆောင်ရွက် မှသာ အောင်မြင်မှု ရရှိနိုင်မည် ဖြစ်ကြောင်း နိုင်ငံတော် သမ္မတ ဦးသိန်းစိန်က တွေ့ဆုံပွဲ အဖွင့် မိန့်ခွန်းတွင် ထည့်သွင်း ပြောကြား သွားခဲ့သည်။

အောက်တိုဘာ ၃၁ ရက်နေ့ နေပြည်တော်တွင် ကျင်းပ ခဲ့သည့် အဆိုပါ ဆွေးနွေး ပွဲတွင် နိုင်ငံတော် သမ္မတ ဦးသိန်းစိန်နှင့် ဒု-သမ္မတ နှစ်ဦး၊ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်း စုကြည်၊ လွှတ်တော် ဥက္ကဌ နှစ်ဦး၊ ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ပြည်ထောင်စု ရွေးကောက်ပွဲ ကော်မရှင် ဥက္ကဌ၊ ညီညွတ်သော တိုင်းရင်းသား လူမျိုးများ မဟာမိတ် အဖွဲ့မှ ဦးခွန်ထွန်းဦးနှင့် ညီနောင် တိုင်းရင်းသား ပါတီများ ဖက်ဒရေးရှင်းမှ ဦးစိုင်း အိုက်ပေါင်းနှင့် အခြားပါတီ များမှ ကိုယ်စားလှယ် များတို့က အသီးသီး ကိုယ်စားပြု၍ တက်ရောက် ခဲ့ကြသည်။

တိုင်းရင်းသား အရေးနှင့် ပတ်သက် ၍လည်း တိုင်းရင်းသား လက်နက်ကိုင် အဖွဲ့ များ၏အခန်း ကဏ္ဍသည် ပို၍ အဓိက ကျပြီးထိုတွေ့ဆုံ ပွဲသည်ပြည်တွင်း တိုင်းရင်းသား နိုင်ငံရေး ပါတီ များသာ ပါဝင်သည့် အတွက် တိုင်းရင်းသား လက်နက်ကိုင် တပ်ဖွဲ့ များ၏ အခန်း ကဏ္ဍအား ချန်လှပ် ထားသကဲ့သို့ ဖြစ်သွား အဖြင့် ဆုံးဖြတ်ချက် များလည်း တစ်ဖက်တည်း ဖြစ်သွား နိုင်ကြောင်း နိုင်ဟံသာက ဆက်လက် ပြောဆိုသည်။

ကချင်ပြည်နယ် ဒီမိုကရေစီ ပါတီမှ ဥက္ကဌဒေါက်တာ တူးဂျာ ကလည်း ယခု တွေ့ဆုံ ပွဲသည် ငြိမ်းချမ်းရေးနှင့် အမျိုးသား ပြန်လည် သင့်မြတ် ရေးကို ခေါင်းစဉ် တပ်ထားသည့် အတွက် ငြိမ်းချမ်းရေးနှင့် ပတ်သက်၍ တိုင်းရင်းသား များဘက်မှ အားလုံး လွှမ်းခြုံ နိုင်သည့် အနေအထားဖြင့် ကိုယ်စားလှယ်များ ပါဝင် သင့်ကြောင်း ၎င်း၏အမြင်ကို ပြောဆိုသည်။

“ခေါင်းစဉ်က ငြိမ်းချမ်းရေး၊ အပစ်အခတ် ရပ်စဲရေး၊ နိုင်ငံရေး ဆွေးနွေး ပွဲပေါ့။ ငြိမ်းချမ်းရေး အဓိက ဖြစ်လာ နိုင်တယ်။ တိုင်းရင်းသား ပါတီ ဘက်က ပါသင့် ပါထိုက်တဲ့ ပုဂ္ဂိုလ်တွေ ပါမယ် ဆိုရင် တိုင်းရင်းသား အရေးနဲ့ ပတ်သက် ပြီးမှ လူကြီးပိုင်း ခေါင်းဆောင် တွေက ပိုပြီး သိရှိ နိုင်မှာပေါ့။ အဲဒါကြောင့် မို့လို့ တိုင်းရင်းသား တွေဘက်က ခေါင်းဆောင်တွေ ပါဝင်မှု အားနည်း နေတာ တွေ့ရတယ်” ဟု ၎င်း၏ အမြင်ကို ပြောသည်။

ဆွေးနွေးပွဲ တက်ရောက်မည့် ညီနောင် တိုင်းရင်းသား ပါတီများ ဖက်ဒရေးရှင်း (NBF) ပါတီမှ ဦးစိုင်းအိုက်ပေါင်းက အမျိုးသား ပြန်လည် သင့်မြတ်ရေး ခေါင်းစဉ် အောက်တွင် အပစ်အခတ် ရပ်စဲရေး၊ ငြိမ်းချမ်းရေးနှင့် ဖက်ဒရယ် အကြောင်းအရာ များကို ဆွေးနွေး သွားမည် ဖြစ်ကာ ၎င်းတို့ ဘက်မှတင်ပြ သွားမည့် အကြောင်းအရာ များအတွက် ဆွေးနွေး ထားပြီး ဖြစ်ကြောင်း ရွှေဟင်္သာ သတင်းဌာနသို့ ပြောကြား ခဲ့သည်။

ဤတွေ့ဆုံ ပွဲသည် အမေရိကန် သမ္မတ အိုဘားမား မြန်မာနိုင်ငံ ခရီးစဉ် လာရောက်ရန် ရှိသည့် ကာလ မတိုင်မှီ ခေါ်ဆို ခဲ့သော အစိုးရ၊ လွှတ်တော် ၊ အတိုက်အခံ နိုင်ငံရေး အင်အားစု များ၏ ပထမဆုံး အကြိမ် တွေ့ဆုံမှု ဖြစ်သော်လည်း တွေ့ဆုံ မှုတွင် သီးခြား တိကျသည့် ဆုံးဖြတ်ချက် ချမှတ် နိုင်ခဲ့ခြင်း မရှိပဲ မိမိ အဖွဲ့အစည်း တို့၏ အမြင် များအား တင်ပြ နိုင်ခဲ့ခြင်း ဖြင့်သာ အဆုံးသတ် ခဲ့ရသည်။

အမေရိကန် သမ္မတ အိုဘားမား အနေဖြင့် လာမည့် နိုဝင်ဘာလ အတွင်း မြန်မာနိုင်ငံသို့ ဒုတိယ အကြိမ် ခရီးစဉ် လာရောက်ရန် ရှိကာ ပြီးခဲ့သည့် အောက်တိုဘလာ (၃၀) ရက်နေ့၌ နိုင်ငံတော် သမ္မတ ဦးသိန်းစိန်နှင့် ဒေါ်အောင်ဆန်း စုကြည် ထံသို့ တယ်လီဖုန်းမှ တဆင့် ဆက်သွယ်၍ စကား ပြောကြား ခဲ့ကြောင်း အိမ်ဖြူတော်၏ သတင်း ထုတ်ပြန်ချက်၌ ဖော်ပြ ထားပါသည်။

လေးပွင့်ဆိုင်တွေ့ရေးကိုသာ ခိုင်ခိုင်မြဲမြဲ ဆုပ်ကိုင်ထားဟု ဒေါ်စုပြော

နေပြည်တော်သတင်းအဖွဲ့

သမ္မတ၊ ကာ/ချုပ်၊ သူရဦးရွှေမန်းနှင့် မိမိတို့ လေးပွင့်ဆိုင် တွေ့ဆုံနိုင်ရေးကိစ္စကိုသာ မိမိအနေဖြင့် စွဲစွဲမြဲမြဲဆုပ်ကိုင်ထားသည်ဟု ဒေါ်အောင်ဆန်းစုကြည်က အောက်တိုဘာ ၃၁ရက် နံနက်ပိုင်း သမ္မတအိမ်တော်၌ အစိုးရအဖွဲ့ ၊ ဥပဒေပြုရေးအဖွဲ့၊ ရွေးကောက်ပွဲကော်မရှင်၊ ကာကွယ်ရေးဦးစီးချုပ်နှင့် နိုင်ငံရေးပါတီများ ဟူသည့် ငါးပွင့်ဆိုင် တွေ့ဆုံပွဲအပြီး မီဒီယာများသို့ပြောခဲ့သည်။

“အန်တီတို့ ကတော့ လေးပွင့်ဆိုင်ကိစ္စကို စွဲစွဲမြဲမြဲ ဆုပ်ကိုင်ထားတယ်၊ ခေါင်းဆောင်စွဲ ပါတီစွဲကြောင့်လည်း မဟုတ်ဘူး၊ ဝါဒစွဲကြောင့်လည်းမဟုတ်ဘူး၊ လေးပွင့်ဆိုင်တွေ့ဖို့က လက်တွေ့ကျကျ လိုအပ်မယ်ထင်လို့ပါ” ဟု နေပြည်တော် စည်ပင်ဧည့်ရိပ်သာ၌ မီဒီယာများနှင့် တွေဆုံစဉ်ဖြေကြားခဲ့ခြင်းဖြစ်သည်။

အောက်တိုဘာ ၃၁ရက် နံနက်ပိုင်းက သမ္မတ၊ ဒု-သမ္မတနှစ်ဦး၊ ကာချုပ်၊ ဒု-ကာချုပ်၊ လွှတ်တော်ဥက္ကဋ္ဌနှစ်ဦး၊ ရွေးကောက်ပွဲ ကော်မရှင်ဥက္ကဋ္ဌ၊ဒေါ်အောင်ဆန်းစုကြည်နှင့် တိုင်းရင်းသားပါတီအချို့မှ ကိုယ်စားပြု ခေါင်းဆောင်များ၊ နိုင်ငံရေးပါတီအချို့မှ ကိုယ်စားပြု ခေါင်းဆောင်များစုစုပေါင်း ၁၄ဦးပါဝင်သည့် တွေ့ဆုံပွဲ၌ တစ်ဦးလျှင် ၁၀မိနစ်ခန့်သာ ပြောခွင့်ရခဲ့ပြီး အစည်းအဝေး မတိုင်မီ နှစ်ရက်အလိုက ရရှိခဲ့သည့်
ဖိတ်စာတွင် "ထိပ်တန်းလျို့ဝှက်" ဟု ပါရှိသည့်အတွက် CEC သဘောထားရရှိရန် အစည်းအဝေး မခေါ်နိုင်ခဲ့ခြင်းလည်း ကြုံခဲ့ရသည်ဟု ဒေါ်အောင်ဆန်းစုကြည်က ပြောသည်။

“ဒီတော့ ပြောချင်တိုင်းလည်း ပြောခွင့် မရခဲ့ဘူး၊ ထိပ်တန်းလျှို့ ဝှက် ဆိုတော့လည်း ဘယ်သူနဲ့ မှ (ကြိုတင်) မဆွေးနွေးခဲ့ဘူး၊ CEC ရဲ့ အစီအစဉ်တွေ သဘောထားတွေလည်း ဘာမှ မယူနိုင်ခဲ့ဘူး၊ တစ်ယောက် ၁၀ မိနစ်စီ ပြောပြီးတော့ နောက်ဆုံး အထွေထွေရှိသေးလား ဆိုတာမျိုးကတော့ အန်တီတို့ မြင်တဲ့ လေးပွင့်ဆိုင် ဆွေးနွေးပွဲ ပုံစံမျိုးတော့ မဟုတ်ပါဘူး”ဟုလည်း ပြောခဲ့သည်။

လေးပွင့်ဆိုင်တွေ့ ဆုံခွင့်ရရေးအတွက် ၂၀၁၃ နှစ်ကုန်ပိုင်းတွင် ဒေါ်အောင်ဆန်းစုကြည်က တောင်းဆိုခဲ့ပြီး သူရဦးရွှေမန်းကလည်းလေးပွင့်ဆိုင်တွေ့ ဆုံမှု မရှိပါက တစ်ဦးနှင့်တစ်ဦး သံသယများ ဝင်နိုင်ကြောင်း မီဒီယာသို့ ပြောကာ လေးပွင့်ဆိုင်ကိစ္စကို ထောက်ခံခဲ့သည်။

ထိုသို့ တွေ့ ဆုံနိုင်ရေးကို အစိုးအဖွဲ့ ၏ ပြောရေးဆိုခွင့်ရှိသူ (ထိုစဉ်က ပြန်ကြားရေး ဒုတိယ၀န်ကြီး) ဦးရဲထွဋ်က အကြောင်းအမျိုးမျိုးပြလျက်ရှောင်ရှားခဲ့သည်။

ယနေ့(အောက်တိုဘာ ၃၁ရက်)တွင် တွေ့ဆုံသည့် တွေ့ဆုံပွဲကိုမူ ဒီမိုကရေစီနည်းလမ်းကျသည်ဟု ပြန်ကြားရေးဝန်ကြီးက အဆိုပါတွေ့ဆုံပွဲအပြီးတွင် မီဒီယာများကို ပြောခဲ့ပြန်သည်။

“မြန်မာ့နိုင်ငံရေးဟာ အားလုံးပါဝင်ပတ်သက်တဲ့နိုင်ငံရေးဖြစ်လို့ ဒီလို အင်အားစုကြီးတွေ ပါဝင်ဆွေးနွေးတာမျိုးကို ပိုလိုလားတယ်၊ပြုပြင်ပြောင်းလဲရေးနဲ့ ဆက်စပ်နေတဲ့ ငြိမ်းချမ်းရေးနဲ့ အခြေခံဥပဒေပြင်ဆင်ရေး၊ ဒီကိစ္စတွေနဲ့ ပတ်သက်နေတဲ့ အင်အားစု ငါးစုနဲ့ လုပ်ရတာ၊ ခင်ဗျားတို့ပဲ အမြဲပြောတာ မြန်မာ့နိုင်ငံရေးဖြစ်စဉ်က လူတွေများများပါလေ ကောင်းလေဆို”ဟု ဦးရဲထွဋ်က ပြောသည်။

ဒေါ်အောင်ဆန်းစုကြည် တောင်းဆိုသကဲ့သို့ လေးပွင့်ဆိုင်တည်းသာတွေ့ ခဲ့ပါကတွေ့ ဆုံပြီးသည့်အခါ ထိုလေးယောက်က ကျန်သူများထံသွားပြီး အမိန့်ပေးကြရမည်၊ ထိုသို့  Top Down ဖြစ်မည့်အစား Bottom Up ဟုခေါ်သည့် ပါဝင်ပတ်သက်သူအားလုံး တတ်နိုင်သမျှ များများပါအောင် စီစဉ်ရခြင်းဖြစ်သည်ဟုလည်း ပြန်ကြားရေးဝန်ကြီးက ဖြည့်စွက်ပြောသည်။

ခြိမ်းခြောက်မှုကြောင့် ၀န်ခံရခြင်းဖြစ်ကြောင်း စွပ်စွဲခံလူငယ် ၂ ဦး ထပ်မံပြောကြား

DVB

ထိုင်းတောင်ပိုင်း လိပ်ကျွန်းမှာ ဗြိတိန်နိုင်ငံသား ၂ ဦးကို ပေါက်တူးအနောင့်ပိုင်းနဲ့ ရိုက်နှက်ခဲ့တယ်လို့ ထွက်ဆိုခဲ့တာဟာ ဘာသာပြန်နဲ့ ရဲတွေက သတ်မယ်လို့ ခြိမ်းခြောက်တဲ့အ တွက် ဖြစ်ကြောင်း ဖမ်းဆီးချုပ်နှောင်ခံနေကြတဲ့ ကိုဇော်လင်းနဲ့ ကိုဝင်းဇော်ထွန်းတို့က မြန်မာသံရုံးကိုယ်စားလှယ်အဖွဲ့ကို ဒီကနေ့ ထွက်ဆိုခဲ့ကြပါတယ်။

ထိုင်းနိုင်ငံဆိုင်ရာ မြန်မာသံရုံးက စစ်သံမှူး ဗိုလ်မှူး သန်းထိုက်အောင်၊ ရှေ့နေ ဦးအောင်မျိုးသန့်၊ ဦးကျော်သောင်း၊ ဘာသာပြန် ဦးမိုးဝေ နဲ့ မှတ်တမ်းတင်သူ စောခွန်နောင်ဦးတို့ ပါဝင်တဲ့ မြန်မာသံရုံးအထူးကိုယ်စားလှယ်အဖွဲ့ဟာ သံသယရှိသူ ၂ ဦးနဲ့ ဒီနေ့ နေ့ခင်း ၁၂ နာရီကနေ ၂ နာရီခွဲထိ တွေ့ဆုံစကားပြောခွင့်ရခဲ့ပါတယ်။

သူတို့ ၂ ဦးရဲ့ ပြောဆိုချက်တွေဟာ အောက်တိုဘာ ၂၄ ရက်နေ့က မိဘတွေနဲ့ တွေ့ဆုံစဉ် ပြောခဲ့တဲ့အတိုင်း ဒီအမှုမှာ သူတို့ပါဝင်ပတ်သက်ခြင်း မရှိဘူး ဆိုတာကို ထပ်လောင်းပြော ဆိုခဲ့တယ်လို့ ဦးအောင်မျိုးသန့်က ပြောပါတယ်။

“တကယ်ပြောမယ်ဆိုရင် သူတို့လုံးဝသိတဲ့ကိစ္စမဟုတ်ပါဘူး။ ဘာသာပြန်နဲ့ရဲတို့ ပူးပေါင်းပြီး သင်ထားတဲ့အတိုင်း လိုက်လုပ်ရတယ်လို့ ပြောပါတယ်။ ဘာသာပြန်ကပြောပါတယ်။ သရုပ်ပြတဲ့အချိန် မင်းတို့က သူတို့ပြောတဲ့အတိုင်း မြန်မြန်ဆန်ဆန်လုပ်ပြ၊ သတင်းထောက်တွေမေးရင် ဘာမှမပြောရဘူး၊ ပြောရင် မင်းတို့အသေပဲလို့ ပြောထားပါတယ်။”
အထူးသဖြင့် ဗြိတိန်နိုင်ငံသား ၂ ဦးကို ပေါက်တူးနဲ့ သတ်တယ်လို့ ပြောခဲ့တာဟာ သူတို့ခိုင်းတဲ့အတိုင်း ပြောရတာလို့ သွားတွေ့တဲ့အဖွဲ့ထဲ ပါဝင်သူ ဦးကျော်သောင်းက ဖြည့်စွက်ပြောဆိုပါတယ်။

“ကျနော်တို့ ဒီနေ့တွေ့တော့ ‘မင်းတို့ ငါတို့ကို ယုံပြီလား၊ ဒီမှာ မင်းတို့အဖေ၊ အမေ နဲ့ဓာတ်ပုံရိုက်ထားတာ သိပြီလားဆိုတော့ ရတယ်၊ ဦးလေးတဲ့ သိပြီတဲ့။ ကျနော်တို့က သူတို့ကို ကူညီနေတယ်ဆိုတာ သိပြီးနေပြီပေါ့နော်။ ဟုတ်ပြီ ဟေ့ကောင်တွေ ပထမတကြိမ်တုန်းကတော့ ငါမေးတယ်၊ ပေါက်တူးအသွားဘက်မဟုတ်ဘဲ အနောင့်နဲ့ ထုတာ တယောက်နှစ်ချက်ရိုက်တယ်လို့ ပြောတယ်၊ ကျနော်တို့ရိုက်တာက သေလောက်အောင်မဖြစ်ဘူး ပြောတယ်၊ အခု မင်းတို့အမေတို့လာတော့ မသတ်ဘူးလို့ ပြောတယ်။ ငါတို့က ရူးကြောင်မူးကြောင်ဖြစ်နေပြီ။ ဘယ်လိုဖြစ်တာတုန်း’လို့မေးတော့ ‘ဦးလေးတဲ့ အရင်တုန်းကပြောတာကတဲ့ ကျနော်တို့က တရားရုံးမှာကျမှ အမှန်အတိုင်းထွက်ဆိုမယ်၊ ဘယ်သူလာမေးမေး ကျနော်တို့ကိုရိုက်နှက်ထားတဲ့ ပုလိပ်နဲ့ ဘာသာပြန်တွေက မင်းတို့ ဘယ်မီဒီယာကပဲမေးမေး၊ ဘယ်သူပဲလာလာ သတ်တယ်လို့ပဲပြောလို့ ကျနော်တို့ ကြောက်လို့ ဒီအတိုင်းပြောတာပါတဲ့’။
“ဒီနေ့ ဒီချိန်ထိ ကလေးတွေဟာ ကြောက်တဲ့စိတ်ရှိနေသေးတယ်။ ကျနော်တို့က ပြောတာပေါ့နော်၊ ‘ကျနော်တို့မလာဘဲနဲ့ တစုံတယောက် လာမေးတာမြန်းတာရှိရင် မပြောကြနဲ့၊ စာရွက်တွေလာရင် လက်မှတ်မထိုးကြနဲ့’ လို့ ကျနော်တို့က သတိပေးတာပေါ့။ သတိပေးတဲ့အခါမှာ ဇော်လင်းက ဘာပြောလဲဆိုရင် ‘ဦးလေး ကျနော်လက်မှတ်မထိုးလို့ရှိရင် ကျနော် ရိုက်ခံရမှာပေါ့’ တဲ့။ ခုချိန်ထိ ကြောက်စိတ်က မပြေသေးဘူး။ သူတို့နှိပ်စက်ညှဉ်းပန်းခံရတာတွေကို ပြောပြတယ်။ အိတ်စွပ်ပြီးတော့ နှိပ်စက်ညှဉ်းပန်းတာတွေ။”
သူတို့ ၂ ဦးကို ရဲတွေက ၀န်ခံလက်မှတ်ထိုးခိုင်းရာမှာတော့ ထိုင်းစာတွေနဲ့သာ ရေးသားထားပြီး ဘာသာပြန်ပြတာ မရှိဘူးလို့လည်း သံရုံးအဖွဲ့ကို ပြောဆိုခဲ့ပါတယ်။

စက်တင်ဘာ ၁၅ ရက် မနက် ၂ နာရီကျော်လောက်က လူငယ် ၂ ဦးဟာ ဘီယာသောက်ပြီးတာနဲ့ ရေဆင်းကူးခဲ့ကြောင်း၊ ၁၅ မိနစ်လောက်အကြာ ကုန်းပေါ်ပြန်တက်လာတဲ့အခါ ဂစ်တာနဲ့ အင်္ကျီပါ ပျောက်သွားပြီး ရဲတွေက ခေါ်စစ်တဲ့အချိန်ကျမှ တရားခွင်မှာ သူတို့ဂီတာကို ပြန်တွေ့တာလို့ ဆိုပါတယ်။

သူတို့ဟာ အဲဒီနောက်ပိုင်း အဖမ်းမခံရခင်အထိ အလုပ်ကို ပုံမှန်ဆင်းနေခဲ့ကြောင်း၊ သေဆုံးသူ ၂ ဦးကိုလည်း တခါမှ မမြင်ဖူးကြောင်း၊ သတ်တယ်လို့ စွပ်စွဲခံရတော့ တော်တော်အံ့သြမိကြောင်း ပြောခဲ့တယ်လို့ ဦးအောင်မျိုးသန့်က ပြောပါတယ်။

ဒါ့အပြင် ဒီအန်အေ စစ်ရာမှာ ဇော်လင်းကို တံတွေးတခါ၊ ၀င်းဇော်ထွန်းကို တံတွေးတခါ ဆီးတခါပဲ ယူခဲ့တယ်လို့ ဆိုပါတယ်။ သွေးတွေ၊ သုတ်ပိုးတွေမစစ်ဘဲ ဒီအချက်နဲ့တင် တူတယ်လို့ ထိုင်းရဲတွေ ပြောဆိုတာ တခုပဲရှိကြောင်း၊ ဒါကြောင့် အစကတည်းက အမှုတွဲ မခိုင်လုံဘဲ ခုမှပြန်စစ်ခိုင်းကြောင်း ၊ ပြန်စစ်မစစ်ကတော့ လူငယ် ၂ ဦးရဲ့ ရှေ့နေတွေပေါ် မူတည်တယ်လို့ သူကဆက်ပြောပါတယ်။

လူငယ် ၂ ဦးရဲ့ ထွက်ဆိုချက်အားလုံးကို သူတို့ဘက်က ချေပပြောဆိုပေးမယ့် ထိုင်းရှေ့နေများအဖွဲ့ကို တင်ပြမှာဖြစ်ကြောင်း၊ ဒါ့အပြင် လူငယ် ၂ ဦးကို အကြိမ်ကြိမ်မေးမြန်းထားချက်တွေအရ အပြစ်ကင်းစင်တယ်လို့ ယူဆတဲ့အတွက် သူတို့လွတ်ရာလွတ်ကြောင်း အကောင်းဆုံးဖြစ်အောင် ဆောင်ရွက်သွားမယ်လို့ ဦးအောင်မျိုး သန့်က ဒီဗွီဘီကို ပြောသွားပါတယ်။

ရဲတပ်ဖွဲ့ မီဒီယာဌာန နမှုနာပုံစံတစ်ခုထူထောင်သွားဖို့ရှိ

DVB

စစ်ကိုင်းတိုင်း မုံရွာမြို့တွင် ကျပ်ငွေ ၁၂ ဘီလျံကုန်ကျမည့် တန်ဖိုးမျှအိမ်ရာစီမံကိန်း စတင်

နိုင်နိုင်ဇော်

ကျပ်ငွေ ၁၂ ဘီလျံကုန်ကျမည့် စစ်ကိုင်းတိုင်း မုံရွာမြို့တွင် တန်ဖိုးမျှအိမ်ရာစီမံကိန်း စတင်အကောင်အထည်ဖော်ရန် စီစဉ်နေကြောင်း စစ်ကိုင်းဒေသကြီး မြို့ရွာနှင့် အိုးအိမ်ဖွံ့ဖြိုးရေးဦးစီးဌာနက ပြောသည်။

စတုရန်းပေ ၅၁၅ ပေရှိသည့် တိုက်ခန်းပေါင်း ၈၈၀ ပါဝင်သည့် အဆိုပါစီမံကိန်းအား ၂၀၁၅ ခုနှစ် အတွင်း အပြီးတည်ဆောက်သွားရန် စီစဉ်နေကြောင်း အဆိုပါဌာန တိုင်းဦးစီးမှူး ဦးနိုင်လင်းက ပြောသည်။

၎င်းက“တိုင်းဒေသကြီးအစိုးရအဖွဲ့က ကြီးမှူးပြီး ဒီစီမံကိန်းအကောင်အထည်ဖော်နေတာ

ပါ။ ခန့်မှန်း ကုန်ကျငွေ ၁၂ ဘီလီယံ မှန်းထားပြီး ပုဂ္ဂလိကလုပ်ငန်းရှင်တွေကို တည်ဆောက်ခိုင်းမှာပါ။ ထွက်လာတဲ့အခန်း အရေအတွက်နဲ့ ကုန်ကျငွေကို တွက်ချက်ပြီး လုပ်ငန်းရှင်စိုက်ထုတ်ငွေနဲ့ အကျိုးအမြတ်ပြန်ခွဲပေးမှာ”ဟု ဆိုသည်။

မုံရွာမြို့နယ် နန္ဒ၀န်ရပ်ကွက်အတွင်းရှိ မြေဧရိယာ ငါးဧကပေါ်တွင် အဆိုပါစီမံကိန်းအကောင်အထည် ဖော်သွားမည်ဖြစ်ပြီး ရှစ်ခန်းတွဲ ငါးထပ်တိုက် ၁၂ လုံးပါဝင်မည်ဖြစ်ပြီး မန္တလေးတန်းဖိုးနည်းအိမ်ရာပုံစံကဲ့သို့ လုပ် ဆောင်နေခြင်းဖြစ်ကြောင်း ၎င်းက ထပ်မံပြောသည်။

တန်းဖိုးမျှတိုက်ခန်းတစ်ခုလျှင် ကျပ်သိန်း ၁၁၀ နီးပါးဖြင့်ရောင်းချနိုင်မည်ဟု မျှော်မှန်းထားသော်လည်း အသေးစိတ်အချက်အလက် များကို ဆောက်လုပ်ရေးလုပ်ငန်းပြီးစီးချိန်မှသာ အတိအကျပြောဆိုနိုင်မည်ဖြစ် ကြောင်း စစ်ကိုင်းဒေသကြီး မြို့ရွာနှင့် အိုးအိမ်ဖွံ့ဖြိုးရေးဦးစီးဌာနက ပြောသည်။

တိုင်းဒေသကြီးအစိုးရမှ အကောင်အထည်ဖော်သည်ဟုဆိုသော်လည်း ထွက်ရှိလာသည့် တိုက်ခန်းများကို အစိုးရ၀န်ထမ်းများ အပြင် ပြည်သူများကိုပါ တစ်ပြေးညီ ရောင်းချပေးမည်ဟုလည်း စစ်ကိုင်းဒေသကြီးအစိုးရအဖွဲ့ရုံးဝန်ထမ်းတစ်ဦးက ပြောသည်။

ပထမဆုံးစတင်သည့် ယင်းတန်ဖိုးမျှအိမ်ရာစီမံကိန်း အောင်မြင်ပါက တိုင်းဒေသသကြီးအတွင်းရှိ ကျန်နေရာများတွင် ထပ်မံ အကောင်အထည်ဖော်သွားမည် ဟုလည်း အစိုးရအဖွဲ့ဝင်တာဝန်ရှိသူက ထပ်မံ ပြောသည်။

၈၈ ရခိုင်မျိုးဆက်လူမှုဖွံ့ဖြိုးရေးအဖွဲ့ရုံး စစ်တွေတွင်ဖွင့်လှစ်

စံမောင်သန်း

များမကြာမီက ကျောက်ဖြူမြို့တွင် ဖွဲ့စည်းခဲ့သော ၈၈ မျိုးဆက်များလူမှုဖွံ့ဖြိုးရေးအဖွဲ့၏ ရုံးခန်းတစ်ခုအား စစ်တွေမြို့တွင် အောက်တိုဘာလ ၂၉ ရက်နေ့က ဖွင့်လှစ်ခဲ့သည်။

ရုံးခန်းပွဲနှင့် အတူ ဆိုင်းဘုတ်တင်ပွဲ အခမ်းအနားကို စစ်တွေမြို့၊ မြို့သူကြီးရပ်ကွက်၊ မောင်ရွှေလုံးလမ်း၊ အမှတ်(၉) နေအိမ်တွင် ကျင်းပပြုလုပ်ရာ ဥက္ကဌ ဖြစ်သူ ဦးသန်းနိုင် အပါအ၀င် ၈၈ မျိုးဆက်များလူမှုဖွံ့ဖြိုးရေးအဖွဲ့၏ ခေါင်းဆောင်များ၊ ရခိုင် အမျိုးသားပါတီမှ တာဝန်ရှိသူများ၊ ၀ါရင့်နိုင့်ရေးသမားများ၊ အမျိုးသမီးအဖွဲ့အစည်းမှ ခေါင်းဆောင်များနှင့် ဖိတ်ကြားထား သူများ စုစုပေါင်း (၇၀) နီးပါး တက်ရောက်ခဲ့ကြသည်။

အခမ်းအနားတွင် ၈၈ ရခိုင်မျိုးဆက်များ လူမှုဖွံ့ဖြိုးရေး အဖွဲ့ ဖြစ်ပေါ်လာပုံနှင့် ရှေ့လုပ်ငန်းစဉ်များကို ရှင်းလင်း ပြောကြား ခဲ့ကြသည်။ ၎င်းအဖွဲ့၏ ဥက္ကဌ ဖြစ်သူ ဦးသန်းနိုင်မှ ရုံးခန်းဖွင့်လှစ်ရသည့် ရည်ရွယ်ချက်ကို ယခုလို ပြောဆိုသည်။

“ ရခိုင်လူမျိုးတွေရဲ့ တိုးတက်ရာတိုးတက်ကြောင်းကို လုပ်ကိုင်နိုင်ဖို့ အတွက် စစ်တွေမှာ ရုံးဖွင့်ရတာ ဖြစ်ပါတယ်။စစ်တွေ အပြင် ကျောက်ဖြူနဲ့ သံတွဲတို့မှာလည်း ရုံးခန်းတွေ ဖွင့်လှစ် ဆောင်ရွက်သွားမှာပါ” ဟု ဆိုသည်။

ရခိုင်ပြည်နယ် ဖွံ့ဖြိုးတိုးတက်ရေး အတွက် ဆောင်ရွက်သွားမည်ဖြစ်သလို လတ်တလော လုပ်ငန်းစဉ် အနေဖြင့် စက်မှုဇုံများအတွင်းရှိ ကျေးရွာများကို စစ်တမ်းကောက်ယူခြင်းနှင့် အထက ခွဲရှိရာကျောင်းများ၌ ကွန်ပျူတာသင်တန်းများကို သင်ကြားပို့ချသွားမည်ဟု ၈၈ ရခိုင်မျိုးဆက်များ လူမှုဖွံ့ဖြိုးရေးအဖွဲ့ အတွင်းရေးမှူး ဦးပြည်သိမ်း (ခ) ထွန်းထွန်းက ပြောသည်။

“ပြည်ပမှ ၈၈ မျိုးဆက်များ ပြန်လည်ရောက်ရှိလာပြီး ၈၈ မျိုးဆက်ကွန်ယက်ကို ပထမဖွဲ့စည်းခဲ့ပါတယ်။ တစ်နှစ်ကျော် အချိန်ယူပြီးမှ ၈၈ ရခိုင်မျိုးဆက်များ လူမှုဖွံ့ဖြိုးရေးအဖွဲ့ကို ဖွဲ့စည်းနိုင်ခဲ့ပါတယ်။ ဒီလိုဖွဲ့စည်းပြီး ၆ လအတွင်းမှာ ကျယ်ပြန့်တဲ့အစည်းအဝေးတရပ်ကို ကျင်းပ သွားပါမယ်။ လူငယ်များအတွက် စွမ်းအားမြှင့်တင်ရေး လုပ်ငန်းများကို လုပ်ဆောင်ပြီး လူမှုဖွံ့ဖြိုးရေးလုပ်ငန်းတွေကို လုပ်ဆောင်ရာမှာ ကျွန်တော်တို့ အဖွဲ့အနေနဲ့ အဲဒီလူငယ်တွေနဲ့ ပူးပေါင်းဆောင်ရွက်သွားပါမယ်”ဟု ဆိုသည်။

ယင်းအခမ်းအနားသို့ ရခိုင်အမျိုးသားပါတီမှ ထိပ်ပိုင်းခေါင်းဆောင်များဖြစ်ကြသော ဦးအေးသာအောင်၊ ဥက္ကဌ ဒေါက်တာအေးမောင်၊ ဦးဦးလှစော၊ ဦးဇော်အေးမောင်၊ ဦးဦးလှမြင့်နှင့် အခြားထိပ်ပိုင်းခေါင်းဆောင်များ တက်ရောက်ခဲ့ကြသည်။

ရခိုင်အမျိုးသားပါတီ ဥက္ကဌ ဒေါက်တာအေးမောင်က ရခိုင်အမျိုးသားအကျိုးစီးပွားအတွက် ၈၈ ရခိုင်မျိုးဆက်များ လူမှုဖွံ့ဖြိုးရေးအဖွဲ့နှင့် ပူးပေါင်းဆောင်ရွက်သွားမည်ဟု ဂတိပြု ပြောကြားခဲ့သည်။

ရခိုင်အမျိုးသမီးကွန်ယက်ဥက္ကဌ ဒေါ်ညိုအေးက တစ်ယောက်ကို တစ်ယောက် လက်ညှိးထိုး ပြောဆိုနေကြမယ့် အစား ညှိနိုင်းတိုင်ပင် လုပ်ဆောင်ကြမည်ဆိုလျှင် အမျိုးသား ညီညွတ်ရေးကို ရရှိနိုင်ကြောင်း ပြောကြားသည်။

“ အခု အခမ်းအနားကို တက်ရောက်လာသူများထဲမှာ လူတိုင်းဟာ ပုံစံတစ်မျိုးနဲ့ ဖြတ်သန်းလာခဲ့သူတွေချည်းပါပဲ။ ကျွန်မတို့ဟာ ညီညွတ်ရေးလို့ ပြောရင် ညီညွတ်ရေး လမ်းစဖြစ်တဲ့ တစ်ဖွဲ့က လုပ်ရင် နောက်တစ်ဖွဲ့ကနေ ၀ိုင်းဝန်းကူညီကြရမယ်။ တစ်ယောက်ကို တစ်ယောက် လက်ညှိုးထိုးပြောနေကြမဲ့အစား အတူထိုင်ပြီး ညှိနှိုင်းပြောဆိုကြမယ်ဆိုရင် ညီညွတ်ရေးကို ရရှိနိုင်ပါတယ်” ဟု ဆိုသည်။

ANP ခေါင်းဆောင်တစ်ဦးဖြစ်သူ ဦးဦးလှစောကလည်း ၂၀၁၅ ရွေးကောက်ပွဲသည် ရခိုင်ပြည်သူများအတွက် အခွင့်အရေးတစ်ခုဖြစ်သလို စိန်ခေါ်မှုတစ်ခုလည်း ဖြစ်ကြောင်းပြောကြားသွားသည်။

ရခိုင်ဝါရင့်နိုင်ငံရေးသမား ဦးဝေစိန်အောင်ကလည်း ၈၈ မျိုးဆက်များ အနေဖြင့် ပြည်သူ့အကျိုးအတွက် ရပ်တည်တိုက်ပွဲဝင်ရန် လိုအပ်ကြောင်း ပြောကြားသည်။

“၈၈ စိတ်ဓါတ်နဲ့ ဆက်လက်ချီတက် တိုက်ပွဲဝင်ရမယ်။ နောက်ထပ် အာဏာရှင်ပေါ်လာရင်လည်း ဆက်လက်တိုက်ရမှာပဲ။ ၈၈ မျိုးဆက်တွေဟာ ဘင်္ဂလားဒေ့ခ်ျ၊ အိန္ဒိယ၊ ထိုင်းနိုင်ငံတို့သို့ အသီးသီးထွက်ခွာ သွားကြပြီးနောက် ပြန်လည် ဆုံစည်းကာ ဆက်လက် တိုက်ပွဲဝင်နေကြပါတယ်။ လူမှုအဖွဲ့အစည်း ဖြစ်ပေမယ့် ၈၈ မျိုးဆက်တွေ အနေနဲ့ ပြည်သူ့ အကျိုးအတွက် ရပ်တည် တိုက်ပွဲဝင်ဖို့ အမြဲတမ်း လိုအပ်နေပါတယ်”ဟု ပြောကြားသွားသည်။

၈၈ ရခိုင်မျိုးဆက်များ လူမှုဖွံ့ဖြိုးရေးအဖွဲ့သည် နိုင်ငံရေးအဖွဲ့အစည်းတစ်ခု မဟုတ်သော်လည်း အမျိုးသားနိုင်ငံရေးတွင် ပူးပေါင်းပါဝင် လုပ်ဆောင်သွားမည်ဖြစ်ကြောင်း အဖွဲ့အတွင်းရေးမှူး ဦးပြည်သိမ်းက ပြောကြားသွားသည်။

မန္တလေးမြို့မှာ အမျိုးစောင့်ဥပဒေ ပြဌာန်းပေးရေး ဆန္ဒပြ

DVB

၈၈ ရဲ့တိုင်းဆူ ပြည်ဖျက်များကို ဖော်ထုတ်ခြင်း အပိုင်း (၅)

နေမင်း

စာရေးသူ၏ အမှုအား ထောက်လှမ်းရေးများက ရုံးတင်စစ်ဆေးလျှင် အမှုမှန် အဖြစ်မှန်ကို လူထုသိရှိ သွားလျှင် နိုင်ငံရေး အရ လည်းကောင်း၊ ဥပဒေကြောင်း အရ လည်းကောင်း၊ စစ်အစိုးရ အမြတ် မထွက်ဘဲ အရှုံးပေါ်နိုင် သည်ဟု သုံးသပ်ပုံရပါသည်။

ထို့ကြောင့် စစ်အစိုးရသည် အရေးပေါ် စီမံမှုပုဒ်မ ၅(င)(ည) ဖြင့် စာရေးသူအား ရုံးမထုတ်ရဲတော့ ဘဲ နိုင်ငံတော်အား နှောင့်ယှက်ဖျက်ဆီးသူများ အန္တရာယ်မှ ကာကွယ်စောင့်ရှောက်သည့် ဥပဒေပုဒ်မ ၁၀ (က) အရ အင်းစိန် ထောင်အတွင်း ပို့၍ ထိန်းသိမ်းမှုကို ၁၉၈၈ ခုနှစ်၊ နိုဝင်ဘာလ နောက်ဆုံးပတ်တွင် ပြုလုပ်ခဲ့ပါသည်။ စာရေးသူ အင်းစိန် ထောင်ထဲသို့ ဝင်ခဲ့ရာတွင် ရေတပ်စစ်ဆွယ်တာ လက်ရှည်ဟောင်း တထည်နှင့် ဆပ်ပြာ၂ တုံးသာ လက်ဝယ်ပါသွားခဲ့ပါသည်။

အင်းစိန်ထောင်မှာ ဩဂုတ်လ ၂၆ ရက်နေ့ မှစ၍ မီးလောင် ပျက်စီးသွားခဲ့ပြီ ဖြစ်၍ စာရေးသူ ထောင်ထဲ ရောက်ရှိသွား သောအခါ စစ်အစိုးရသည် ပြင်ပရှိ လမ်းပေါ်မှ ဖမ်းဆီးလာခဲ့သော အခြေအနေမဲ့များ၏ လုပ်အားဖြင့် ထောင်အား ပြန်လည်ဆောက် လုပ်နေချိန်ဖြစ်ပါသည်။ အကျဉ်းသား၊ အချုပ်သား မှတ်ပုံတင်မှုကို ထောင်တံခါးမကြီး အနီး ထောင်နံရံ ဘေးတွင် စားပွဲချ၍ လုပ်ဆောင်နေပါသည်။

ထောင် ဝန်ထမ်းတဦးသည် နိုင်ငံရေးနှင့် ပတ်သက်သော အကျဉ်းသားဟု ယူဆလျှင် တရားလက်မဲ့ ရိုက်နှက်မှုနှင့် ဂဝံခဲများပေါ်တွင် ဒူးထောက်ခိုင်းသည့် ပြစ်ဒဏ်ကို အဓမ္မ လုပ်ဆောင်နေသည်ကို စာရေးသူတွေ့ရ ပါသည်။

ထို ဝန်ထမ်း စစ်မေး ရိုက်နှက် နေပုံကို ကြည့်ရခြင်း အားဖြင့် စာရေးသူသည် မိမိနာမည် ခေါ်မည့် အလှည့်ကို ရင်တထိတ် ထိတ်ဖြင့် စောင့်နေရပါသည်။

ထူးခြားသည်မှာ အကျဉ်းသားများကို ရိုက်နှက်နေသော ထိုဝန်ထမ်းသည် မိမိရိုက်နှက်တော့မည်ဟု ဟန်ပြင် တိုင်း ဘူးဝတံခါးကြီးပေါ်ရှိ ထောင်ပိုင်နေသော အိမ်၏ ပြတင်းတံခါးပေါက်ကို လေ့လာကြည့် ရှုပြီးမှ ရိုက်နှက် မှု ပြုသည်ကို စာရေးသူ တွေ့မြင် သုံးသပ်မိပါသည်။

ထောင်ပိုင်ကြီးအိမ် ပြတင်းပေါက်တွင် လူတယောက်ယောက် ရှိနေပါက အဆိုပါဝန်ထမ်းသည် ထောင်ထဲဝင် လာသည့် စာရေးသူတို့ လူသစ်များကို ပုံမှန်အတိုင်း စစ်မေးသည့်ဟန် ချက်ချင်းပြောင်းလဲ ပြုမူသည်ကို ထူး ထူးခြားခြား တွေ့ရ ပါသည်။ ဤသို့ ဖြင့် စာရေးသူ၏ နာမည်ကို ခေါ်သည့် အလှည့်ရောက် လာပါသည်။

မင်းက ဘာမှုလဲဟု ဝန်ထမ်းက မေးပါ သည်။ စာရေးသူက “ဘီဘီစီကို သတင်းပို့လို့ပါ” ဟု ဖြေလိုက် သည်နှင့် “ဟားဟားဟား တိုင်းပြည်ကို ဖျက်တဲ့ ကောင် ရောက်လာပြီကိုး၊ ဒီကိုလာခဲ့” ဟု ခေါ်သံကြားချိန်တွင် စာရေးသူသည် ထောင်ပိုင်အိမ် ပြတင်းပေါက်ကို မျှော်လင့်ချက်ဖြင့် ကြည့်လိုက်မိ သော်လည်း စာရေးသူ အလှည့်တွင် တစုံတယောက် မျှ ပြတင်းပေါက်တွင် ပေါ်မလာပါ။ ဝန်ထမ်းသည် သူ့လက်ထဲရှိ ရော်ဘာတုတ်ကို ချိန်ဆသည့်ဟန် လုပ်ပြနေပါသည်။

အဆိုပါ ဝန်ထမ်းရှိသော နေရာသို့ တလှမ်းချင်း ပုံမှန်လျှောက်သွားခဲ့စဉ် အတွင်း စာရေးသူ အနေဖြင့် ကံစီမံရာကိုသာ လက်ခံရ ပါတော့မည်။ ဝဋ်ကြွေးရှိသမျှ ကျေအောင်ဆပ်မည်။ မိမိ၏ ရှေ့နေပညာ၊ ဥပဒေ ပညာအစွမ်းဖြင့် ဤအင်းစိန် ထောင်ကြီးနှင့် သာယာ ဝတီထောင်ကြီး အတွင်းမှ ဥပဒေနှင့် ဆန့်ကျင်အဖမ်း ခံရပြီး၊ မတရား အနှိပ်စက်ခံနေရသော အကျဉ်းသား အချုပ်သားများကို ၁၉၈၈ ခုနှစ်၊ ဇူလိုင်လ ၇ ရက်နှင့် ၈ ရက် ၂ ရက်နေ့တွင် ပြန်လည်လွတ်မြောက်သွား အောင် မိမိလုပ်ခဲ့ပြီးပြီ။

ဤကိစ္စ အကြောင်းအရာကို စာရေးသူနှင့် မဆလ ပါတီဥက္ကဋ္ဌ ဦးနေဝင်း၊ တရား သူကြီးဥက္ကဋ္ဌ ဦးတင်အောင် ဟိန်း၊ ဥပဒေ အကျိုးဆောင် အဖွဲ့ဥက္ကဋ္ဌ ဦးမြင့်မောင်၊ ဒေါက်တာ မောင်မောင်၊ သမ္မတ ဦးစန်းယုတို့နှင့်တကွ ပြင်ပအဖွဲ့အစည်း အနေဖြင့် ထိုစဉ်က ဗဟိုတရားရုံးရှေ့နေများ ကောင်စီဝင်အချို့၊ ရန်ကုန်ရှေ့နေအသင်းနှင့် အင်းစိန်ရှေ့နေ အသင်း တို့မှ မိတ်ဆွေအချို့တို့သာ မှတ်ဉာဏ်သတိ မချို့ယွင်းလျှင် သိနိုင်မည် ဖြစ်သည်။

ထိုကဲ့သို့ စာရေးသူက ထောင်ထဲတွင် မတရားနှိပ်စက်ခံနေရသူများကို လွတ်မြောက်အောင် လွန်ခဲ့သော ၄ လခန့်က လုပ်ဆောင်ပေးခဲ့သော်လည်း ယခုမိမိသည် စက္ကန့်ပိုင်း အတွင်း မတရား အနှိပ်စက် ခံရတော့မည် ဖြစ်ရာ မိမိဒုက္ခ ရောက်သည့် အချိန်တွင် မိမိကို ကယ်မည့်သူ မရှိတော့ပါလားဟု ကံကြမ္မာကိုပင် ယိုးမယ်ဖွဲ့မိ သည့် အတွေးက ဝင်လာ ပါသည်။

စာရေးသူသည် မိမိအားရိုက်နှက်မည့် ဝန်ထမ်း ရှေ့သို့ တလှမ်းချင်းလျှောက်သွားရင်း အဆိုပါဝန်ထမ်း၏ အမူအရာနှင့် မျက်နှာကို မပြတ် ကြည့်နေမိပါသည်။ အဆိုပါ ဝန်ထမ်း၏ မျက်နှာသည် ခက်ထန်သည့် အမူအရာမှ အံ့ဩတုန်လှုပ် သည့် အမူအရာဘက်သို့ ချက်ချင်းပြောင်းလွဲသွားပါသည်။ စက္ကန့်ပိုင်း အတွင်း၌ပင် နောက်မှ လူတယောက် ပြေးလာသံ နှင့်အတူ “ဟေ့ကောင် မလုပ်နဲ့၊ ဟေ့ကောင်.. အဲဒီလူကို မလုပ်နဲ့” ဟူသော အော်သံနှင့်အတူ ထောင်မှူးကြီး တယောက် စာရေးသူ အနားသို့ ပြေးဝင်လာပါသည်။

ရိုက်နှက်မည် ပြင်ဆင်ထားသော ဝန်ထမ်းအား “မင်း သူ့ကို ဘာမှ မေးစရာ စစ်စရာ မလိုဘူး” ဟုပြောပြီး စာရေးသူအား ၎င်းနှင့် လိုက်ခဲ့ရန် အဆိုပါ ထောင်မှူးကြီးက အနီးရှိ ရိက္ခာရုံး၊ ရုံးခန်းတခုအတွင်း ခေါ်သွား ပါသည်။

စာရေးသူ၏ ဘဝတွင် ကံကြမ္မာ အလှည့်အပြောင်းနှင့် မတည်မြဲမှု တရားသဘောကို မကြာခဏ ကြုံတွေ့ရ လေ့ ရှိပါသည်။ စာရေးသူ အရိုက်ခံရမည့် အခြေအနေမှ စက္ကန့်ပိုင်းအတွင်း လွတ်မြောက်အောင် ကယ်တင် သွားသူ ထောင်မှူးကြီးသည် ဗိုလ်ချုပ်မင်းခေါင် အနောက်ပိုင်းတိုင်း တိုင်းမှူးဘဝမှ ပြည်ထဲရေးဝန်ကြီး ဖြစ် လာချိန်တွင် ဗိုလ်ချုပ်မင်းခေါင် ကိုယ်တိုင် တပ်မှ ပြည်ထဲရေး လက်အောက်ခံ အကျဉ်းဦးစီးဌာနသို့ ထောင်မှူး ကြီး ရာထူးဖြင့် ခေါ်လာခဲ့သူ တပ်မတော်သား တဦးဖြစ်ကြောင်း စာရေးသူနောက်မှ သိရပါသည်။

ဗိုလ်ချုပ်မင်းခေါင်သည် စာရေးသူက ဦးနေဝင်း ထံတင်ပြတိုင်ကြားခဲ့သော အမှုတွဲအထောက်အထား များကြောင့် ပြည်ထဲရေးဝန်ကြီးတာဝန်မှ ပြုတ်သွားခဲ့ သူဖြစ်ပါသည်။

မိမိ၏ဆရာ ပြည်ထဲရေးဝန်ကြီးကို ရာထူးပြုတ်သွားစေခဲ့သော စာရေးသူအား အဆိုပါ ထောင်မှူးကြီးသည် အဘယ်စေ့ဆော်သော တရား သဘောကြောင့် စာရေးသူအား အန္တရာယ်ဘေးမှ လွတ်မြောက်စေခဲ့သည်ကို ယနေ့တိုင် မခန့်မှန်းနိုင် ခဲ့ပါ။

စာရေးသူ တခုတော့ ပြောနိုင်ပါသည်။ အဆိုပါ ထောင်မှူးကြီးသည် စာရေးသူအား ၎င်းနေထိုင်ရာ ရုံးခန်း အတွင်း ခေါ်သွားပြီးနောက် စာရေးသူအား “ခင်ဗျားရဲ့ အမှုကို ကျနော် အလွန် စိတ်ဝင်စားတယ် ဗျာ၊ ခင်ဗျားပြောနိုင်သမျှ ပြောပေးပါလား ဟု ထူးထူးခြားခြား မေတ္တာရပ်ခံသည့် သဘောမျိုး ပြောပါသည်။

စာရေးသူကလည်း မိမိအပေါ်တွင် ထောက်လှမ်းရေး စစ်ကြောမှုများ မပြီးဆုံးသေးကြောင်း၊ စစ်ကြောမှု မပြီးဆုံးသေးဘဲ သတင်းစာနှင့်တီဗွီတွင် စာရေးသူ၏ အမှုကို ကြိုတင်ပုံဖော် ရေးသားပြီး ထောင်ထဲသို့ ထည့်လိုက်သဖြင့်သာ မိမိ ထောင်ထဲရောက်လာရခြင်း ဖြစ်ပါသည်။ မကြာမီ ထောက်လှမ်းရေးများ ထောင်ထဲရောက်လာပြီး စစ်မေးဦးမည် ယူဆပါသည်။

စစ်ကြောရေး ကာလမပြီးဆုံးမီ မိမိ၏ဇာတ်လမ်း အကြောင်းအရာကို ပြင်ပပုဂ္ဂိုလ် တယောက်ကို ကြိုတင်ပြီး မပြောပါရစေနဲ့ဟု ပြန်ပြောသောအခါ အဆိုပါထောင်မှူးကြီးသည် နားလည်ခွင့်လွှတ်သည့် အနေဖြင့် ဒီလိုဆိုလည်း မပြောဘဲ နေနိုင်ပါသည်။ သက်ဆိုင်ရာက တရားဝင် မခေါ်မီ သူ့အနားမှာပဲ လွတ်လွတ် လပ်လပ်နေပါဟု စာရေးသူအား ခေါ်ထားခဲ့ပါသည်။

အန္တရာယ် စက်ဝန်းမှ ဘေးကင်းရာသို့ ခေါ်လာခဲ့သော ထောင်မှူးကြီးအား ယနေ့တိုင် ကျေးဇူးတင် ပါသည်။ သူ၏ ကြင်နာစွာ စောင့်ရှောက်မှုကြောင့် ဝမ်းသာရမှုသည် မိနစ်ပိုင်းမျှသာ ခံပါသည်။

တပ်ကြပ် အဆင့် ထောင်ဝန်ထမ်း တယောက် ထောင်မှူးကြီး ရုံးခန်းသို့ ရောက်လာပြီး “နေမင်းကို ထောင်ပိုင်ကြီး ဦးစိန်ဌေး စောင့်နေတယ်၊ ယခု လွှတ်လိုက်ပါ” ဟု ထောင်မှူးကြီးအား ပြောပြီ၊ ခင်ဗျား ယခုလိုက်ခဲ့ပါဟု ခေါ်ပါတော့သည်။ ထိုအခါတွင်မှ မိမိသည် တကယ့် အန္တရာယ် စက်ကွင်းအတွင်းသို့ သွားရတော့မည်ဟု သိလိုက်ရပါ တော့သည်။

စာရေးသူအား စောင့်နေသည်ဆိုသော ထောင်ပိုင်ကြီး ဦးစိန်ဌေးဆိုသူမှာ မျက်မှောက်ခေတ် အကျဉ်းထောင် သမိုင်း တွင် အကျဉ်းသားများအား အုပ်ချုပ်ရာတွင် ရက်စက်မှုအပေါင်း သရဖူဆောင်းသူဟု နာမည်ကြီးခဲ့ပြီး “ရေမှာ မရွေး၊ ကုန်းမှာ မြွေပွေး၊ ထောင်မှာ စိန်ဌေး” ဟု အကျဉ်းသားလောကမှ ကြောက်စရာကောင်းသော ထောင်ပိုင်အဖြစ် စာဖွဲ့ ထားခြင်း ခံရသူဖြစ်ပါသည်။

စာရေးသူသည် အဆိုပါ အင်းစိန်ထောင်ပိုင် ဦးစိန်ဌေးနှင့် သာယာဝတီ ထောင်ပိုင် ဦးဘိုကြည် တို့ ၂ ဦးအား နိုင်ငံတော် အစိုးရ၊ ရဲချုပ်တို့နှင့် အတူ ပူးတွဲတရားခံ အဖြစ် ဗဟို တရားရုံးတွင် တရားစွဲခဲ့ သော ရှေ့နေ ဖြစ်ပါသည်။

လွန်ခဲ့သော ၆ လခန့်က “ဖုန်းမော်ကော်မရှင်” ရန်ကုန်တွင် ဖွဲ့စည်းသည့် ၁၉၈၈ ခုနှစ် မတ်လ ၁၈ ရက်နေ့ တွင် ဖြစ်ပွား ခဲ့သော သိမ်ကြီးဈေး မီးရှို့မှု၊ ဗန္ဓုလပန်းခြံအနီး ရဲကားမီးရှို့မှု၊ မြို့တွင်းရုပ်ရှင်ရုံများ၊ ဈေးဆိုင်များ ဖျက်ဆီးခံရမှုများကို အကြောင်းပြု၍ ရန်ကုန်မြို့တွင်းက ဥပဒေမဲ့ လူဖမ်းအဖွဲ့နှင့် ဥပဒေနှင့် ဆန့်ကျင်သော ချုပ်မိန့်ရမန်များဖြင့် ထောင်သွင်း နှိပ်စက်ခံနေရသည့် အကြောင်းများကို အထောက် အထားများ ပူးတွဲ၍ ဗဟိုတရားရုံးတွင် တရားစွဲခဲ့ခြင်း ဖြစ်ပါသည်။

စာရေးသူ၏ အမှုတွဲ အထောက်အထားများကို အခြေပြု၍ မဆလဥက္ကဋ္ဌ ဦးနေဝင်းသည် ဝန်ကြီးချုပ် ဦးမောင်မောင်ခ၊ ပြည်ထဲရေး ဝန်ကြီး ဗိုလ်ချုပ်မင်းခေါင်၊ ရဲချုပ်နှင့် တခြား တာဝန်ရှိသူများကို ရာထူးမှ ထုတ်ပယ်ခဲ့ပြီး စာရေးသူ၏ အမှုသည် လူငယ်လေး အပါအဝင် ၁၉၈၈ ခု၊ မတ်လ၊ ဇွန်လ အရေးအခင်းတွင် အဖမ်းခံရသူ အားလုံးကို ဇူလိုင် ၇၊ ၈ ရက်များတွင် လွှတ်ပေးခဲ့ပါသည်။ အချုပ်အတွင်း မွန်းကျပ်၍ သေဆုံးသူ ၄၃ ဦး ရှိကြောင်းကိုလည်း အစိုးရမှ ပြည်သူများကို အသိပေး ဝန်ခံခဲ့ရပါသည်။

သို့သော်လည်း စာရေးသူက တရားခံစာရင်းတွင် ဖော်ပြ တရားစွဲခဲ့သော ထောင်ပိုင် ၂ ဦးစလုံးကို ဦးနေဝင်း က အရေးမယူဘဲ လက်ရှိရာထူးတွင် တာဝန် ပေးမြဲပေးခဲ့ ပါသည်။ ယခုစာရေးသူသည် မိမိတရားခံ အဖြစ် ထည့်သွင်း တရားစွဲခဲ့သော ထောင်ပိုင်ဦးစိန်ဌေး၏ ရှေ့မှောက်သို့ နိုင်ငံရေး အရ အထိန်းသိမ်းခံပုဂ္ဂိုလ် အဖြစ် ရောက်ရှိနေပြီ ဖြစ်ပါသည်။ စာရေးသူ၏ ကံ ကြမ္မာ အလှည့်အပြောင်းများမှာ မြန်ဆန်လွန်းပါသည်။

စာရေးသူအား အန္တရာယ်ကြားမှ ထောင်မှူးကြီး ကကယ်တင်ခဲ့သည်မှာ မိနစ်ပိုင်းမျှသာ ရှိပါသေးသည်။ ယခု ထောင်ပိုင်ကြီးက အကြပ်ဝန်ထမ်းဖြင့် ထောင်မှူးကြီးထံမှ စာရေးသူအား ၎င်းထံခေါ်ဆောင် လာရန် တောင်းဆိုလာ ပါသည်။

ဤသို့ဖြင့် အကြပ် ဝန်ထမ်းနှင့်အတူ စာရေးသူ ထောင်ပိုင်ရှိသည့်နေရာ သို့ လိုက်သွားရပါသည်။ ထောင်ပိုင် ဦးစိန်ဌေး သည် မိန်းဂျေးဖိုဝိုင်းကြီးရှေ့တွင် ဝန်ထမ်းအင်အား ၅၀ ခန့်က ၎င်းအား လခြမ်းပုံသဏ္ဌာန် ဝိုင်းရံ ထားစေပြီး အလယ် ဗဟိုတွင် အမြင့်ကုလားထိုင် တလုံးပေါ်၌ အခန့်သားထိုင်လျက် ဗိုလ်ရှုခံ အနေအထား ဖြင့် လူသူ ကင်းရှင်း နေသော မိန်းဂျေး လမ်းမကြီး တလျှောက်တွင် ထောက်လှမ်းရေးများ နှိပ်စက်ခဲ့သည့် ဒဏ်များကြောင့် မသက်မသာ လျှောက်လှမ်း လာရသည့် စာရေးသူအား စောင့်ကြည့်နေခဲ့ပါသည်။

အဆိုပါ ခရီးသည် ဘောလုံးကွင်းအလျား တခုစာမျှသာ ရှိသော်လည်း စာရေးသူအတွက် “ငရဲသို့ ခြေလှမ်း ၁၂၀” ဟုပင် တင်စားရလောက်အောင် ကိုယ်ရောစိတ်ပါ ဆင်းရဲလှပါသည်။ မိမိ တရားခံအဖြစ် တရားစွဲခဲ့သူ၊ ရက်စက်မှုနှင့် ကျော်ကြားသော ထောင်ပိုင်ရှေ့မှောက်သို့ ရာဇဝတ်သား ရှေ့နေအဖြစ် လပိုင်းအတွင်း ပြောင်းလဲ သက်ဆင်းရသည့် မိမိ အဖြစ်ကို မိမိကိုယ်တိုင် နာကြည်းခံပြင်းရ ပါသည်။

ထောင်ပိုင်ရှေ့ မရောက်မီ ဝါးတရိုက် အလိုတွင် အတူပါလာသူ အကြပ်ဝန်ထမ်းက စာရေးသူအား စီးထား သည့် ဖိနပ်ကို ချွတ်စေပြီး ထောင်ပိုင်ရှေ့သို့ ခြေ ၂ လှမ်းခန့် ဆက်သွား စေပြီးနောက် ရပ်ခိုင်းသဖြင့် ရပ်လိုက် ရပါသည်။ မိမိကို ထိလျှင် အဆိပ်ပြင်းသော မြွေပွေးဟု တင်စားခံရသော ထောင်ပိုင် ဦးစိန်ဌေးကို နဖူးတွေ့ ဒူးတွေ့ မြင်လိုက်ရ သည့်အခါ အလွန်အံ့ဩမိပါ တော့သည်။

ရက်စက်မှုအပေါင်း သရဖူဆောင်းသူ ထောင်ပိုင်ကြီး ဦးစိန်ဌေး၏ ပုံရိပ်သွင်ပြင် လက္ခဏာမှာ နာမည်ကျော် ရုပ်ရှင်မင်းသား ကျော်ဆွေကဲ့သို့ ဖြူဖြူနွဲ့နွဲ့ လူချောတယောက် ဖြစ်နေပြီး ၎င်း၏နှုတ်မှ “ခင်ဗျား ထောက်လှမ်း ရေးမှာ တော်တော်ခံခဲ့ရတဲ့ ပုံပါလား” ဟု ကရုဏာသက်သော စကားဖြင့် စာရေးသူအား ပထမဦးစွာ မိတ် ဆက်စကားပြော ပါသည်။

စာရေးသူကလည်း အမှတ် ၆ ထောက်လှမ်းရေး စခန်းတွင် ပထမဦးစွာ ကြုံခဲ့ရသည်များမှာ ထောက်လှမ်း ရေးထံ အစစ်ခံရသည်နှင့် မတူဘဲ အရက်မူးနေသော လူဆိုးဓားပြဂိုဏ်း လက်ထဲရောက် နေရသလို မစစ် ခင်ကလည်း ရိုက်၊ စစ်ဆေးနေတုန်း မှာလည်း ရိုက်၊ စစ်ဆေးပြီးလည်း အရိုက်အနှက်ခံခဲ့ရကြောင်း၊ ၎င်းတို့ နှိပ်စက်မှုကြောင့် စာရေးသူ အား ရုံးထုတ်သည့်အခါ ရုပ်ပျက်ဆင်းပျက် ဖြစ်ကုန်မှာ သိလာပြီးတဲ့ နောက်မှာ လျှပ်စစ်ကြိုးများ လက်ကောက် ဝတ်တွင် မြှုပ်နှံ၍ ရှော့တိုက် စစ်ဆေးတာကို ပြောင်းလဲခဲ့သဖြင့် ယခုရုပ်ဆင်း သဏ္ဌာန်ကို တွေ့ရတာဖြစ်ကြောင်း စာရေးသူက ထောင်ပိုင်အား ထောက်လှမ်း ရေးစခန်း အတွေ့အကြုံကို ပြောပြခဲ့ပါသည်။

ဦးစိန်ဌေးက စာရေးသူအား ခင်ဗျားယခုအချိန် ကစ၍ ကျနော်၏ အုပ်ချုပ်မှုအောက်ကို ရောက်ရှိ လာပြီ ဖြစ်သည်။ ကျနော် အုပ်ချုပ်သော ထောင်ထဲမှာ ခင်ဗျားတရားလက်မဲ့ နှိပ်စက်မခံရအောင် ကျနော် စောင့်ရှောက်မယ်၊ ခင်ဗျား စစ်ကြောရေး ပြီးဆုံးပြီလား ဟု စာရေးသူအား မေးပါသည်။

စာရေးသူက မပြီးဆုံးသေးကြောင်း ထောက်လှမ်းရေးများ ထောင်ထဲလာပြီး ဆက်လက်စစ်ဆေးမှု ရှိနိုင် ကြောင်း ပြန်လည် ပြောပြသောအခါ ထောင်ပိုင် ဦးစိန်ဌေးသည် ၎င်း အနီး ဝိုင်းရံနေသော ဝန်ထမ်းများအား “မင်းတို့ ဒီလူ ကို သေသေချာချာကြည့်ထားကြ၊ ဒီလူ့ကို ထောက် လှမ်းရေးတွေ ထောင်ထဲမှာ လာရောက်စစ် ဆေးမှုပြုလျှင် စစ်ကြော ရေးကို မြင်နိုင်၊ ကြားနိုင်တဲ့နေရာမှာ ဝန်ထမ်းတယောက် အမြဲရှိနေကြ၊ ဒီလူ့ကို ထောက်လှမ်းရေးတွေ နှိပ်စက်တာ တွေ့လျှင်တွေ့ချင်း၊ ထောင်ထဲမှာ ဒီလိုမလုပ်ပါနဲ့ဟု ချက်ချင်းတားပြီး ငါ့ဆီ ကို အမြန်သတင်းပို့ကြ” ဟု မှာကြားပါသည်။

စာရေးသူ ထင်မှတ်မထားသော စကားများနှင့် ဆက်ဆံမှုကို ဦးစိန်ဌေးထံမှ ကြားရမြင်ရသော အခါ အထူးပင် အံ့ဩဝမ်းသာ ဖြစ်ရပါသည်။

ထို့ထက်မက အံ့ဩရသော စကားကို ထောင်ပိုင် ဦးစိန်ဌေးထံမှ ၎င်း၏ဝန်ထမ်း များ ရှေ့မှောက်တွင် အတိ အလင်း စာရေးသူအား ပြောခဲ့သောစကားမှာ “ထောင်လောကမှာ ကျနော်ဟာ ရက်စက်တဲ့ လူတယောက် လို့ နာမည် ထွက်နေတာ၊ ပွင့်ပွင့်လင်းလင်း ပြောရရင် ကျနော် နာမည်ဆိုးနဲ့ ကျော် ကြားနေတာ ခင်ဗျား လည်း တဆင့်စကား တဆင့်နားနဲ့ ကြားခဲ့မှာပါ။ ထောင်ပိုင်ဆိုတာ လူဆိုးအများစုကို အုပ်ချုပ်ရတဲ့သူပါ။ သူတော်ကောင်းတွေရဲ့ တရားစခန်းကို အုပ်ချုပ်တဲ့ ယောဂီ သူတော်စင် မဟုတ်ပါဘူး။ ထောင်ထဲဝင် လာသူ တိုင်း လူဆိုး မဟုတ်ဘူး ဆိုတာလည်း ကျနော်သိ တယ်။ လူဆိုးလူကောင်းကို ကျနော် ခွဲခြားဆက်ဆံတတ် ပါတယ်။ ဆိုးတဲ့ လူတွေကိုတော့ နိုင်နင်းအောင် နှိပ်ကွပ်မှ ဖြစ်မှာမို့ ကျနော်အုပ်ချုပ်ခဲ့တဲ့ ထောင်မှန်သမျှ စနစ်တကျ ငြိမ်ဝပ်အောင် အုပ်ချုပ်နိုင်ခဲ့လို့ လူဆိုး အကျဉ်းသား လောကမှာ ကျနော်ဟာ နာမည်တလုံး နှင့် ရပ်တည်ခဲ့တဲ့ ထောင်ပိုင်ဖြစ်ပါတယ်။ ဒါပေမယ့် နှစ်တရာ သက်တမ်းရှိတော့မည့် မြန်မာနိုင်ငံရဲ့ အကြီးဆုံး ထောင်ဟာ ကျနော် အုပ်ချုပ်စဉ်မှာ ပျက်စီးသွား ခဲ့တယ်လို့ ပြင်ပလူထုတွေ ကတော့ မြင်ကြမှာပဲ။ ၈၈ အရေး အခင်းကာလ အတွင်း ထောင်ပိုင်ဖြစ်တဲ့ ကျနော်နဲ့ ကျနော့် ဝန်ထမ်းတွေဟာ ကြားထဲက အခြောက်တိုက် ဓားစာခံ နာမည်ပျက်ခဲ့ရတာပါ။ အခုဒီထောင်ကြီးအတွင်းကို စောစောစီးစီး ရှေ့နေသတင်းသမား တယောက် အနေနဲ့ ခင်ဗျားရောက်လာပြီး ဒီထောင်ကြီးမှာ ဘာတွေဘယ်လို ဖြစ်ခဲ့တယ် ဆိုတာ ခင်ဗျား မကြာမီ သိတော့ မယ်လို့ ကျနော် ကြိုတင်ခန့်မှန်း ထားပြီးသားပါ။ ကျနော်ဟာ ခင်ဗျားကို ဥပဒေနဲ့ ဆန့်ကျင်ပြီး ဘာအကူအညီ မှ မပေးနိုင်ဘူး ဆိုတာကိုလည်း သိထားပါ။ ဒီလိုပဲ ခင်ဗျားဟာ ဒီထောင်ထဲမှာ ဥပဒေနဲ့ ဆန့်ကျင်ပြီး နှိပ်စက်မ ခံရအောင် ကျနော် ထောင်ပိုင်တာဝန်ယူထားသရွေ့ အကာအကွယ်ပေးမယ်လို့ ကတိပေး ပါတယ်” ဟူသော စကားပင် ဖြစ်ပါသည်။

စာရေးသူကလည်း ထောင်ပိုင် ဦးစိန်ဌေးအား ဝန်ထမ်းများ ရှေ့တွင် ၂ ဦးသားချင်း နားလည်မှု ရှိသည့်အမူ အရာဖြင့် အင်းစိန်ထောင်တွင် ဖြစ်ပွားခဲ့သော အဖြစ်အပျက်များကို စာရေးသူလည်း သိသင့် သိထိုက်သမျှ ကြိုတင် သိရှိခဲ့ပြီး ဖြစ်ပါကြောင်း ပြန်လည်ပြောပြခဲ့ ပါသည်။

ဤသို့ဖြင့် စာရေးသူသည် အင်းစိန်ထောင်တွင်းရှိ အမှတ် ၁ တိုက်သို့ ရောက်ရှိခဲ့ပါသည်။ များမကြာမီ စာရေး သူ သိရှိရသည်မှာ မိမိအား ပုဒ်မ ၅(င)(ည) ဖြင့် အရေးယူမှု ရပ်ဆိုင်း၍ ပုဒ်မ ၁၀ (က) အရ နိုင်ငံရေးကြောင့် ထိန်းသိမ်းခံရသူ ဖြစ်သွားခဲ့ပါသည်။ ဤပုဒ်မအရဆိုလျှင် ထောင်ပိုင် ဦးစိန်ဌေးသည် စာရေးသူအား တိုက် ရိုက် အုပ်ချုပ်နိုင်ခွင့် ဆုံးရှုံးသွား ပြန်ပါသည်။ သူ၏လုပ်ပိုင်ခွင့်မှာ တရားရုံးပြစ်ဒဏ်ကျ အကျဉ်းသားနှင့် အချုပ်သား အပေါ်တွင်သာ စီမံခန့်ခွဲပိုင်ခွင့် ရှိသောကြောင့် ဖြစ်ပါသည်။

ဦးစိန်ဌေးက စာရေးသူအား ထောင်ပိုင် တယောက်အနေဖြင့် အကူအညီ မပေးနိုင်တော့ပါကြောင်း အဘယ် ကြောင့် ဆိုသော် နိုင်ငံရေးအရ ထိန်းသိမ်းခံရသူများသည် ပြည်ထဲရေး၊ ကာကွယ်ရေး၊ နိုင်ငံခြားရေး ဝန်ကြီး ၃ ယောက် ပူးတွဲ အာဏာဖြင့် ထိန်းသိမ်းခြင်း ဖြစ်ရာ ပြည်ထဲရေး လက်အောက်ခံ ထောင်ပိုင်၏ လုပ်ပိုင်ခွင့် ဖြင့် အထိန်းသိမ်းခံများအား ထင်သလို အကျဉ်းသား၊ အချုပ်သား အခွင့်အရေး မပေးနိုင်ပါကြောင်း၊ ထောက် လှမ်းရေး ခွင့်ပြုချက် ရသူသာ မိမိအိမ်မိသားစုနှင့် အဆက်အသွယ် အထောက်အပံ့ ရနိုင်မည်ဟု ပြောပါ သည်။

ထိုအချိန် ကစ၍ စာရေးသူသည် သာမန်ထောင်ကျ အကျဉ်းသား၊ အချုပ်သား၏ အခွင့်အရေးပင် မရတော့ပါ။ ဖျာကြမ်းကွက်ကျဲပေါ်တွင် ထမင်းစားသံပန်းကန်ပြားကို ခေါင်းအုံးလုပ်ပြီး နေခဲ့စားခဲ့ရပါသည်။

၁၉၈၉ နှစ်ဆန်းပိုင်း ရက်တရက် စာရေးသူ ရှိသော ၁ တိုက်သို့ ထောင်ပိုင်ဦးစိန်ဌေး ရောက်ရှိ လာပြီး ထူးထူး ခြားခြား စာရေးသူ၏ ကျန်းမာရေး အခြေအနေကို မေးပါသည်။ ထောက်လှမ်းရေး ပေးလိုက်သော ဒဏ်ရာ ဒဏ်ချက်များနှင့် သံမံတလင်းပေါ်တွင် အိပ်နေရသူ၏ ကျန်းမာရေး အခြေအနေကို ယခုမှ ဘာလို့ လာမေးရ သည်ကိုပင် အံ့ဩရပါသည်။ ဦးစိန်ဌေးသည် စာရေးသူ တောင်းဆိုခြင်း မရှိဘဲ ဆေးရုံ စားအထူးရိက္ခာ (Special Diet) ပေးရန် ညွှန်ကြားပြီး စာရေးသူ အိပ်ရန် သစ်သားကွပ်ပျစ် တလုံးကို ချက်ချင်းစီစဉ်၍ ဆရာ ဝန်နှင့် ဆေးစစ်စေပြီး လိုအပ်သော ကုသမှုများ ပြုလုပ်ပေးပါသည်။

အလွန် ဆိုးဝါးနိမ့်ကျသော အခြေအနေမှ ရုတ်တရက် ပြောင်းလွဲသွားပြန်ပါသည်။ နောင်မှ စုံစမ်းသိရှိရ သည် မှာ စာရေးသူ၏ ကျေးဇူးရှင် မိတ်ဆွေကြီး ဘာတေးလ်လင့်တနာက စာရေးသူ၏ ကျန်းမာရေး အခြေအနေ ဆိုးဝါးနေသည် ဟူသော သတင်းဟုတ်၊ မဟုတ် ဗိုလ်ခင်ညွန့်အား သတင်းစာရှင်းလင်းပွဲတွင် မေးခွန်းထုတ် ခဲ့မှု၏ အကျိုးဆက်ကြောင့် စာရေးသူ ကျန်းမာစွာ ရှိကြောင်း ပုံရိပ်ကို ပြန်လည်ဖော်ထုတ်နိုင်ရန် ထောင်ပိုင် ဦးစိန်ဌေးအား အထက်မှ ညွှန်ကြားမှု ပြုခဲ့သည်ဟု ဆိုပါသည်။

ဦးစိန်ဌေးသည် မိမိလုပ်ပိုင်ခွင့် ရရှိသည်နှင့် စာရေးသူထံ ချက်ချင်းလာပြီး သူကူညီနိုင်သည် ကို ချက်ချင်း ကူညီလုပ်ဆောင်ပေးခဲ့ခြင်း ဖြစ်ပါသည်။

ဤကာလများ အတွင်း ဦးစိန်ဌေးသည် ၎င်း ယုံကြည်စိတ်ချသော လက်ရင်း တပည့်များကိုသာ စာရေးသူ၏ တိုက်တွင် တာဝန်ချထား ပါသည်။ စာရေးသူကလည်း မိမိသိလိုသော ဩဂုတ်လ ၂၆ ရက် ထောင်ဆူမှုနှင့် ထောင်အခြေအနေ အရပ်ရပ်ကို အဆိုပါ ဝန်ထမ်းများထံ စုံစမ်းမေးမြန်းခဲ့ပါသည်။ ဦးစိန်ဌေး၏ သွေးသား မကင်းသော ဝန်ထမ်းတဦးမှာ ဘွဲ့ရပညာတတ်တယောက်ဖြစ်၍ စာရေးသူအား ၈၈ ကာလအခြေအနေကို အသေးစိတ် ပြောပြပါသည်။

အခြားသော ဝန်ထမ်းများကလည်း အလားတူ ဖြစ်ရပ်များကို ထုတ်ဖော် ပြောကြားကြ ပါသည်။ စာရေးသူ ထောင်ပြင်တွင် စုံစမ်းသိရှိခဲ့ သမျှနှင့် ယခု ထောင်တွင်းမှ ထောင်ဝန်ထမ်းများ၏ ပြောဆိုချက်များမှာ ကွဲလွဲ မှုမရှိ မှန်ကန်နေသည်ကို တွေ့ရှိရပါသည်။

၁၉၈၉ ခုနှစ် နှစ်ကုန်ပိုင်းတွင် အကျဉ်းနည်း စစ်ခုံရုံးများ ပေါ်ပေါက်လာသည့်အခါ စာရေးသူနှင့် စာရေးဆရာ မောင်သော်ကတို့ နှစ်ဦး ပုဒ်မ ၁၀(က) နိုင်ငံရေး ထိန်းသိမ်းခံ ဘဝမှ ဗွေဆော်ဦး စစ်ခုံရုံး ထုတ်ပြီး ထောင်ချ ခြင်း ခံရချိန်မှစ၍ အကျဉ်းသားဘဝ ကူးပြောင်းသွားပြီး အင်းစိန်ထောင် ၆ တိုက်သို့ ရောက်ရှိသွားခဲ့ပါသည်။ ၆ တိုက်တွင် ကျနော် တွေ့လိုသော၊ ၈၈ အရေးတော်ပုံ ကာလအတွင်း အင်းစိန် ထောင်ထဲ၌ နောက်ဆုံးကျန် ရှိခဲ့သည့် ၆၂ ယောက် သော အကျဉ်းသား အုပ်စုနှင့်အတူ မိမိနေခဲ့ရပြီး သူတို့ထံမှ ထောင်တွင်း သတင်း များကိုပါ ရခဲ့ပါသည်။

အထက်ပါ အခြေအနေအရပ်ရပ်နှင့် အကျဉ်းဌာန ဝန်ထမ်းများ၊ လက်ကျန် အကျဉ်းသား ၆၂ ယောက် အုပ်စု ဝင်များ၊ ဩဂုတ်လ ၂၆ ရက် ထောင်ဆူစဉ်က ပါဝင်ခဲ့ပြီး ထောင်ပြင်သို့ ခေတ္တ လွတ်မြောက်သွားရာမှ ကလောမြို့တွင် ဖမ်းဆီးခံရပြီး ထောင်ထဲပြန်ဝင်လာရသူ မန်းငွေအောင်၏ တပည့် တွတ်ကီ (ခ) ခင်မောင် လင်း အပါအဝင် အခြား ကိုယ်တွေ့ ကြုံခဲ့သူများထံမှ ရရှိသော သတင်းအချက် အလက်များနှင့် စာရေးသူ ထောင်ပြင်တွင် စုံစမ်း သိရှိခဲ့သမျှ သတင်းအချက်အလက်ကို စုပေါင်း၍ စာဖတ်သူ ပြည်သူလူထုနှင့် ၈၈ ဒီမိုကရေစီ အရေးတော်ပုံကြီးကို ရိုးရိုးသားသား ပါဝင်ဆင်နွှဲခဲ့သူများ၏ ဂုဏ်သိက္ခာကို မှန်မှန်ကန်ကန်မြှင့် တင် အသိအမှတ် ပြုနိုင်ရန် ရည်သန်၍ အောက်ပါအဖြစ်မှန် သတင်းကို ဖော်ထုတ်တင်ပြအပ်ပါသည်။

နိုင်ငံရေး ထိပ်သီး ဆွေးနွေးပွဲ ရလဒ်မထွက်

ဧရာဝတီ

ယနေ့ (အောက်တိုဘာ ၃၁) နံနက် ၉ နာရီခွဲ နေပြည်တော်ရှိ သမ္မတအိမ်တော် ငုရွှေဝါခန်းမတွင် ကျင်းပခဲ့သော နိုင်ငံရေးထိပ်သီးဆွေးနွေးဝိုင်းမှ မည်သည့် ရလဒ်မျှ မထွက်ခဲ့ဘဲ တက်ရောက်သူများက ၎င်းတို့ ကိုယ်စားပြုသော အဖွဲ့အစည်းများ၏ နိုင်ငံရေး မျှော်မှန်းချက်များကိုသာ ပြောဆိုခဲ့ကြကြောင်း သိရသည်။

တွေ့ဆုံပွဲအပြီး ကျင်းပပြုလုပ်သော သတင်းစာ ရှင်းလင်းပွဲတွင် သမ္မတ ဦးသိန်းစိန်၏ ပြောရေးဆိုခွင့်ရှိသူ ပြန်ကြားရေး ၀န်ကြီး ဦးရဲထွဋ်က နိုင်ငံရေး ထိပ်သီး ဆွေးနွေးပွဲကို အမျိုးသား နိုင်ငံရေး အင်အားစုကြီး ၅ ဖွဲ့မှ ဦးဆောင် ဆွေးနွေးခြင်း ဖြစ်သည်ဟု သတင်းမီဒီယာများကို ပြောဆိုသည်။

“လာမယ့် နိုဝင်ဘာလမှ သမ္မတကြီး အနေနဲ့ ပြင်ပခရီးစဉ်တွေ အများကြီး သွားစရာရှိလို့ ဒီအောက်တိုဘာလအတွင်းမှာ ပြီးပြတ်အောင် ဒီဆွေးနွေးပွဲကို လုပ်တာ။ ဒီတကြိမ်တည်း မဟုတ်ဘူး။ ပူးပေါင်းဆောင်ရွက်မှု ရလဒ်အပေါ်မှာ မူတည်ပြီးတော့ ဆောင်ရွက်သွားမှာ” ဦးရဲထွဋ်က ပြောဆိုသည်။

သို့သော် ဆွေးနွေးပွဲနှင့် ပတ်သက်ပြီး ဒေါ်အောင်ဆန်းစုကြည်၏ သဘောထားကို ဂျပန် သတင်းဌာန NHK က မေးမြန်းရာ “ဒီလို တစ်ယောက် ၁၀ မိနစ်ပြောပြီး နောက်ဆုံး အထွေထွေ ရှိသေးလား ဆိုတာ ကတော့ အန်တီတို့ အနေနဲ့ ၄ ပွင့်ဆိုင်ဆွေးနွေးပွဲမျိုးကို မြင်တဲ့ ပုံစံတော့ မဟုတ်ပါဘူး” ဟု ဒေါ်အောင်ဆန်းစုကြည်က ပြန်လည်ဖြေဆိုခဲ့ကြောင်း သိရသည်။ ဒေါ်အောင်ဆန်းစုကြည်အနေဖြင့် ၂၀၀၈ ဖွဲ့စည်းပုံ အခြေခံဥပဒေပြင်ဆင်ရေး သမ္မတ ဦးသိန်းစိန်၊ ပြည်ထောင်စုလွှတ်တော် နာယက ဦးရွှေမန်း၊ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နှင့် တွေ့ဆုံဆွေးနွေးရေးကို တောင်းဆိုထားခဲ့သည်။

ဆွေးနွေးပွဲတွင် အစိုးရကို ကိုယ်စားပြု၍ သမ္မတ ဦးသိန်းစိန်နှင့် ဒုသမ္မတ ၂ ဦး၊ လွှတ်တော် ကိုယ်စားပြု သူရဦးရွှေမန်းနှင့် ဦးခင်အောင်မြင့်၊ တပ်မတော် ကိုယ်စားပြု ကာချုပ် မင်းအောင်လှိုင်နှင့် ဒု-ကာချုပ် စိုးဝင်း၊ နိုင်ငံရေး အင်အားစု ကိုယ်စားပြု ဒေါ်အောင်ဆန်းစုကြည်၊ ဦးဌေးဦး၊ ဦးခွန်ထွန်းဦး၊ ဦးခင်မောင်ဆွေ၊ ဦးစိုင်းအိုက်ပေါင်း၊ ဦးသိန်းထွန်း၊ ရွေးကောက်ပွဲကော်မရှင် ကိုယ်စားပြု ဦးတင်အေးတို့ တွေ့ဆုံခဲ့ကြခြင်း ဖြစ်သည်။

ယခုတွေ့ဆုံပွဲသည် နေပြည်တော်တွင် ရှေ့လ ကျင်းပမည့် အမေရိကန် သမ္မတ အိုဘားမား လာတက်မည့် အရှေ့အာရှ ထိပ်သီး အစည်းအဝေးနှင့် အမေရိကန်-အာဆီယံ ထိပ်သီးစည်းဝေးပွဲများ မတိုင်မီ ရုတ်ချည်းဆိုသလို ဖြစ်လာခဲ့သဖြင့် အမေရိကန်အစိုးရ၏ ဖိအားပေးမှုများ ရှိနေသလားဟု မေးခွန်းထုတ်စရာဖြစ်သည်။

ကြာသပတေးနေ့ကလည်း အိုဘားမားက ဦးသိန်းစိန်နှင့် ဒေါ်အောင်ဆန်းစုကြည် တို့ တဦးချင်းထံ သီးခြားစီခွဲပြီး တယ်လီဖုန်း ဆက်သွယ် စကားပြောဆိုခဲ့ကြောင်း ၀ါရှင်တန် သမ္မတ အိမ်ဖြူတော်က သတင်းထုတ်ပြန်သည်။

သမ္မတအိုဘားမားက ဦးသိန်းစိန်အစိုးရ၏ ငြိမ်းချမ်းရေးအတွက် လုပ်ဆောင်မှုတွေကို ကြိုဆိုကြောင်း၊ ၂၀၁၅ ရွေးကောက်ပွဲ ကျင်းပရာတွင် နိုင်ငံတကာက အသိမှတ်ပြုလက်ခံသည့် လုပ်ဆောင်မှုဖြစ်ရန် လိုအပ်ကြောင်း၊ မြန်မာအစိုးရ ရေးဆွဲထားသော ရခိုင် Action Plan ကို ပြန်လည် သုံးသပ်ရန်အပါအဝင် ရခိုင်ပြည်နယ်တွင်း လူ့အခွင့် အရေးဆိုင်ရာ ကိစ္စရပ်များအား တိုးမြှင့်ဆောင်ရွက်ရန် အရေးကြီးကြောင်း သမ္မတ ဦးသိန်းစိန်ကို ပြောကြားခဲ့သည်ဟု အိမ်ဖြူတော် ထုတ်ပြန် ကြေညာချက်တွင် ဖေါ်ပြထားသည်။

ထို့ကြောင့် နေပြည်တော် ထိပ်သီး တွေ့ဆုံပွဲသည် မြန်မာနိုင်ငံ၏ ပြုပြင်ပြောင်းလဲရေးကို အစိုးရအနေနှင့် တကယ်လိုအပ်၍ တွေ့ဆုံသည့် သဘောမျိုးလား၊ သို့တည်းမဟုတ် သမ္မတ အိုဘားမားခရီးစဉ် အတွက် မျက်နှာကောင်း ပြနိုင်ရေးအတွက် တွေ့ဆုံသည့် သဘောမျိုးလားဆိုသည့် အချက်ကိုတော့ နိုင်ငံရေး လေ့လာသုံးသပ်သူများက မေးခွန်းထုတ်
နေကြသည်။

“ဒေါ်အောင်ဆန်းစုကြည် ဒီလို တွေ့ဆုံဖို့ တောင်းထားတာ တနှစ်နီးပါးလောက်ရှိပြီ။ အခုမှ လုပ်တယ်ဆိုတာက နိုင်ငံတကာရဲ့ ဖိအားပေးမှုနဲ့လည်း နည်းနည်းဆိုင်တယ်။ နိုင်ငံတကာ ဆက်ဆံရေးနဲ့လည်း ပတ်သက်တယ်။ အဲဒီအချက်ပေါ်မှာ ကြည့်ပြီး သုံးသပ်ရရင် တွေ့ဆုံမှု လုပ်တဲ့အချိန်က အိုဘားမား ခရီးစဉ်နဲ့ ချိန်ကိုက်ဖြစ်နေတာကိုက သံသယဖြစ်စရာပေါ့။ ဒါက တမင် ရည်ရွယ်ပြီး လုပ်လား၊ ဒီအချိန်ကျမှ လုပ်လားဆိုတဲ့ ပုံစံမျိုး စဉ်းစားစရာတော့ ရှိတယ်” ဟု မြန်မာနိုင်ငံရေး လေ့လာသုံးသပ်သူ ဒေါက်တာ ရန်မျိုးသိမ်းက ဆိုသည်။

အမေရိကန် သမ္မတ အိုဘာမား မလာမီ ရုပ်ပြကောင်းရန် နိုင်ငံရေး အင်အားစုများကို ခေါ်ယူတွေ့ဆုံခြင်းလား၊ တွေ့ဆုံ ဆွေးနွေးမှုကို ဘာကြောင့် အခုမှ လုပ်ရပါသလဲဟု ဧရာဝတီက မေးမြန်းရာ ထိုသို့ မဟုတ်ကြောင်း ဦးရဲထွဋ်က ပြောဆိုသည်။

“ကျနော်တို့ သမ္မတကြီး ဦးသိန်းစိန် စတင် တာဝန်ယူပြီး ပြုပြင်ပြောင်းလဲရေးတွေ လုပ်တဲ့ အခါတိုင်းမှာ နိုင်ငံနဲ့ ပြည်သူအတွက် လိုအပ်တဲ့ ဒီမိုကရေစီ လုပ်ဆောင်နိုင်ဖို့ပဲ လုပ်ခဲ့တယ်။ လူတဦး တယောက်အတွက် မျက်နှာသာရဖို့ ပါတီအဖွဲ့အစည်းတခု မျက်နှာသာရဖို့ အတွက် ဘယ်သူခရီးစဉ်ကြောင့် ဘယ်ဝါ ခရီးစဉ်ကြောင့်ဆိုပြီး လုပ်ခဲ့တာ မရှိဘူး။ ခင်ဗျား ပြန်ကြည့်မယ်ဆိုရင် ဒေါ်အောင်ဆန်းစုကြည်တို့က ဖွဲ့စည်းပုံ အခြေခံ ဥပဒေ ပြင်ဆင်ရေးအတွက် ဒေါ်အောင်ဆန်းစုကြည်တို့က ၄ ပွင့်ဆိုင် တွေ့ဆုံရေးတောင်းဆိုတုန်းကကျနော်တို့ရဲ့ တုန့်ပြန်ချက်ထဲမှာ ပါတဲ့ တချက် ရှိပါတယ်။ ပြည်ထောင်စု လွှတ်တော်ထဲမှာ ဖွဲ့စည်းပုံ ပြင်ဆင်ရေး ကော်မတီက ဆောင်ရွက်နေတာ ရှိတယ်။ အဲဒီ ကော်မတီရဲ့ သဘောထားကိုလည်းထည့်သွင်းစဉ်းစားဖို့ လိုတယ်။ အားလုံးရဲ့ သဘောထားကို ထည့်သွင်းစဉ်းစားဖို့ လိုတယ်။ ဒီ ၄ ယောက်တည်းနဲ့ မလုပ်သင့်သေးဘူး ဆိုတာ ကျနော်တို့ ပြောခဲ့တာ ရှိတယ်” ဟု ဦးရဲထွဋ်က ဖြေဆိုသည်။

၂၀၁၄ ခုနှစ် အောက်တိုဘာလ ၂၂ ရက်နေ့က ပြည်ထောင်စု လွှတ်တော် ကော်မတီက ဖွဲ့စည်းပုံ ပြင်ဆင်ရေး အစီရင်ခံစာ တင်သွင်းလာခြင်း၊ ငြိမ်းချမ်းရေးဖြစ်စဉ်တွင် အတော်အသင့် ခိုင်မာသော ရလဒ်များ ရရှိလာခြင့်တို့ကြောင့် ယခုတွေ့ဆုံပွဲကို စီစဉ်ရခြင်း ဖြစ်ကြောင်း သူက ဆက်လက် ပြောဆိုသည်။

တွေ့ဆုံပွဲတွင် သမ္မတ ဦးသိန်းစိန် က ကဏ္ဍ ၃ ခုနှင့် ပတ်သက်ပြီး တက်ရောက်လာသူများကို တင်ပြခဲ့ပြီး အမျိုးသား နိုင်ငံရေး အင်အားစုများ အားလုံး ပူးပေါင်းဆောင်ရွက်ပြီး နည်းလမ်းရှာဖွေကြရန်နှင့် အားလုံး ပွင့်ပွင့် လင်းလင်း ဆွေးနွေးကြရန် ဖိတ်ခေါ်ခဲ့သည်ဟု သိရသည်။

ဦးသိန်းစိန်၏ တင်ပြချက် ၃ ခုမှာ “လက်ရှိ ဖြစ်ထွန်းနေသော ဒီမိုကရေစီပြုပြင်ပြောင်းလဲရေး လုပ်ငန်းစဉ်များနှင့် နိုင်ငံရေး ဖြစ်စဉ်များ အဆင့်ဆင့် ဆက်လက် ရှင်သန် ဖြစ်ထွန်းစေရန်၊ ယင်းဖြစ်စဉ်များမှ တဆင့် ဒီမိုကရေစီ စနစ် အမြစ်တွယ် ခိုင်မာပြီး ပွင့်လင်းလွတ်လပ်သော မြန်မာ့ လူ့အဖွဲ့အစည်း ပေါ်ပေါက်ရေး၊ နိုင်ငံအတွက် အထူးလိုအပ်နေသော အမျိုးသားပြန်လည် စည်းလုံး ညီညွှတ်ရေးအတွက် လက်ရှိ ရထားသည့် ငြိမ်းချမ်းရေး ဖြစ်စဉ် အဆင့်ဆင့် အပေါ်မှာ အခြေခံပြီး ခိုင်မာအောင် ဆောင်ရွက်သွားရေး၊ ဒီမိုကရေစီ အသွင်ကူး ပြောင်းရေးမှာ အဓိကကျ အရေးကြီးသည့် အဆင့်တဆင့် အနေဖြင့် ဖြတ်သန်းရမည့် ၂၀၁၅ ခုနှစ် အထွေထွေ ရွေးကောက်ပွဲများကို အောင်မြင်စွာ ကျင်းပနိုင်ရေးအတွက် လက်ရှိ ရရှိထားတဲ့ နိုင်ငံရေး တည်ငြိမ်မှုများကို ဆက်လက် ထိန်သိမ်းထားနိုင်ရေး” တို့ ဖြစ်ကြောင်း ဦးရဲထွဋ်က ပြောဆိုသည်။

ယခုတွေ့ဆုံပွဲသည် ဒေါ်အောင်ဆန်းစုကြည်နှင့် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ အကြား ပထမဆုံး အကြိမ် တရားဝင် တွေ့ဆုံမှုလည်း ဖြစ်သည်။ တွေ့ဆုံဆွေးနွေးပွဲအပြီး ဒေါ်အောင်ဆန်းစုကြည်နှင့် ပျူငှာရင်းနှီးစွာ နေ့လည်စာစားရန် အတူသွားခဲ့သည့် ကာချုပ်မင်းအောင်လှိုင်ကလည်း ပြုပြင်ပြောင်းလဲရေး လုပ်ငန်းများတွင် တပ်မတော်အနေဖြင့် အပြည့်အ၀ ပါဝင်နေကြောင်း၊ ငြိမ်းချမ်းရေးနှင့် ပတ်သက်ပြီး တပ်မတော်က စိတ်ရှည်သည်းခံကြောင်း၊ သို့သော် စည်းကမ်းကို အားလုံးက လိုက်နာရန် လိုကြောင်း၊ နိုင်ငံရေး ပြဿနာများကို နိုင်ငံရေးနည်းဖြင့် ဖြေရှင်းပြီး ထိပ်တိုက် တွေ့ဆုံမှုတွေ ရှောင်ရှားရန်လိုကြောင်း၊ ဥပဒေများ ပြုတဲ့အခါတွင်လည်း မဲဆန္ဒအများစုဖြင့် အနိုင်ယူခြင်းအစား လူနည်းစု၏ ဆန္ဒကိုလည်း အလေးဂရုပြုရန် လိုကြောင်း ဆွေးနွေးဝိုင်း၌ ပြောဆိုသည်ဟု သိရသည်။

ယခုလို တွေ့ဆုံမှုသည် ကောင်းမွန်ကြောင်း၊ အစိုးရဘက်မှလည်း ပွင့်ပွင့်လင်းလင်း ရှိကြောင်းကို ဖက်ဒရယ် ဒီမိုကရေစီ မဟာမိတ်အဖွဲ့ (FDA) ခေါင်းဆောင် ဦးခင်မောင်ဆွေက ပြောသည်။ “ တွေ့ဆုံမှုက ကောင်းပါတယ်။ ပွင့်ပွင့်လင်းလင်းနဲ့ နွေးနွေးထွေးထွေး ရှိပါတယ်။ စားပွဲဝိုင်းမှာလည်းပဲ အားလုံးလည်း ဆန့်ကျင်တဲ့ သဘောမျိုး မရှိကြပါဘူး။ သဘောထား တူကြတယ်လို့လည်း ယူဆလို့ ရပါတယ်” ဟု ၄င်းက ဆိုသည်။

လေးပွင့်ဆိုင် တွေ့ဆုံရေး တောင်းဆိုထားသည့် အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည် အနေနှင့်လည်း ၂၀၀၈ အခြေခံ ဥပဒေပြင်ဆင်ရေးကိုသာ အဓိကထား ပြောကြားခဲ့ကြောင်း ဦးခင်မောင်ဆွေက ပြောဆိုသည်။ “သူတို့အနေနဲ့ အခြေခံ ဥပဒေပြင်ရေးကို လိုလားတယ်။ အခြေခံ ဥပဒေပြင်တဲ့အခါမှာလည်း လွှတ်တော်ထဲကနေ တရားဥပဒေနဲ့ အညီ ပြင်ဖို့ ရှိပါတယ်။ နိုင်ငံရေး မတည်မငြိမ်ဖြစ်တာကို သူလည်း လက်မခံပါဘူး။ သူဖြေကြားသွားတာ ဒီလောက်ပါပဲ” ဟု ဦးခင်မောင်ဆွေက ဧရာဝတီ၏ မေးမြန်းမှုကို ပြန်ပြောပြသည်။

မကြာသေးမီက အမျိုးသားဒီမိုကရေစီအဖွဲ့ချုပ် နှင့် ၈၈ မျိုးဆက် ကျောင်းသားအဖွဲ့များ ကမကထပြုလုပ်ပြီး ထောက်ခံသူများ၏ လက်မှတ်များ ကောက်ခံခဲ့ရာ လက်မှတ် ၅ သန်းရရှိခဲ့သည်။ သို့သော် တပ်မတော်သားများနှင့် အာဏာရ ကြံ့ခိုင်ရေးပါတီက ကြီးစိုးထားသည့် လွှတ်တော်နှင့် အစိုးရက ပုဒ်မ ၄၃၆ ပြင်ဆင်ရေးကို လက်မခံကြပေ။

အကယ်၍ ရွေးကောက်ပွဲကို ၂၀၁၅ တွင် လွတ်လပ်မျှတစွာ ကျင်းပလျှင် ဒေါ်အောင်ဆန်းစုကြည်ဦးဆောင်သော အမျိုးသားဒီမိုကရေစီအဖွဲ့ချုပ်က မဲအများစုဖြင့် အနိုင်ရရှိဖွယ် ရှိပြီး လွှတ်တော်ကို ကြီးစိုးနိုင်မည်ဟု နိုင်ငံရေးဝေဖန်စောင့်ကြည့်သူများက ဟောကိန်းထုတ်နေကြသည်။

ထိုသို့ အတိုက်အခံ လွှမ်းမိုးသည့် လွှတ်တော်ကို ထိန်းမရလျှင် နိုင်ငံတော်သမ္မတ၊ တပ်မတော်ကာကွယ်ရေး ဦးစီးချုပ်တို့ အပါအဝင် အဖွဲ့ဝင် ၁၁ ဦးပါဝင်သော အမျိုးသား ကာကွယ်ရေးနှင့် လုံခြုံရေးကောင်စီ (ကာ/လုံ) ၏ တာဝန်တွင် “လွှတ်တော်တွေဖျက်သိမ်းဖို့ သင့်၊ မသင့် နိုင်ငံတော်သမ္မတကို အကြံပြု ရမည်” ဟူသော ပြဋ္ဌာန်းချက်သစ်ကို ၂၀ဝ၈ ဖွဲ့စည်းပုံ အခြေခံဥပဒေတွင် ထည့်သွင်းရန် တပ်မတော်သား လွှတ်တော် ကိုယ်စားလှယ်များက မကြာသေးမီကပင် လွှတ်တော်၌ တင်ပြလာသည်။ ယင်းကို နိုဝင်ဘာလလယ် လွှတ်တော်တွင် ဆွေးနွေးရန် ရှိနေသည်။

အိမ်ဌားခန်း ကျပ်နှစ်သိန်း အပေါ်သူတို့ပြောစကား

DVB

နွေရာသီ ရန်ကုန်တွင် မီးပျက်မှာ မစိုးရိမ်ရဟု လျှပ်စစ်ဓာတ်အားပေးအဖွဲ့ ကတိပြု

လပြည့်ဝန်း

လာမည့် နွေရာသီတွင် လျှပ်စစ်မီး ရာနှုန်းပြည့်ပေးမည်ဟု ရန်ကုန်မြို့တော် လျှပ်စစ်ဓါတ်အား ပေးရေးအဖွဲ့မှ ဒုတိယ အင်ဂျင်နီယာချုပ်က မဇ္ဈိမကို ပြောသည်။

“ခါတိုင်းနှစ်ထက် ဒီနှစ်မှာ လျှပ်စစ်မီး ၁၀၀ခိုင်နှုန်း အပြည့်အဝ ပေးဖို့လျာထားတယ်။ အဲ့ဒီအတွက်လည်း အခုကတည်းက မြို့နယ်တွေမှာ ထရန်စဖော်မာတွေ လဲပေးနေပြီ။ လျှပ်စစ်မီးအပြည့်ပေး နိုင်ဖို့ မြို့နယ်တိုင်းမှာ နေ့တိုင်းပြင်ဆင်မှုတွေ လုပ်နေပါတယ် ” ဟု ၎င်းက ပြောသည်။

ရွှေပြည်သာစက်မှုဇုန်မှ ကြွေထည်မြေထည်လုပ်ငန်းရှင် ဦးဘတင့်ဆွေက “လျှပ်စစ်မီးက တစ်ခါတလေ ပျက်တာကလွဲပြီး အရင်နှစ်ထက်စာရင် ဒီနှစ်မှာ မှန်မှန်လာတယ်လို့ ပြောလို့ရတယ်။ ဒါပေမယ့် သုံးစွဲတဲ့ ဓါတ်အားခနှုန်းထားတွေကတော့ အရင်နှစ်တွေထက် ပိုပိုများလာတယ်။ အရင်နှစ်က တစ်လကို မီးတာခ ငါးသိန်း၊ ခြောက်သိန်းလောက် ဆောင်ရရင် ဒီနှစ်မှာ တစ်လကို ၁၅သိန်းလောက် အထိတော့ သွားကျတယ်” ဟု ပြောသည်။

သို့သော် ရန်ကုန်တိုင်းအတွင်း မြို့သစ်အချို့နှင့် မြို့နယ်အချို့တွင်မူ လျှပ်စစ်မီး လာချိန်၌ပင် မီးအား အပြည့်အဝမရရှိသည့် အခက်အခဲနှင့် ကြုံတွေ့နေရသည်ဟု ဆိုသည်။

ယုဇနဥယျာဉ်မြို့တော်နေ ကိုကျော်ကျော်က “ ဒီလထဲမှာ မနက်တိုင်းလိုလို မီးပျက်တယ်။ မီး လာတော့လည်း အိမ်သုံးအတွက် မီးအားက ဗို့အား ၂၀၀ လောက်တောင် အပြည့်မရချင်ဘူး” ဟု ပြော သည်။

ရန်ကုန်မြို့တွင် လျှပ်စစ်ဓါတ်အားဖြန့်ဖြူးရေးကြိုးများ အသစ်လဲလှယ်နေခြင်းနှင့် လျှပ်စစ်ဘေး အန္တရယ်ကင်းရှင်းရေးအတွက် အပင်များခုတ်ထွင် ရှင်းလင်းမှုများကြောင့် အပတ်စဉ် စနေ၊ တနင်္ဂနွေ နေ့များတွင် မြို့နယ်အချို့တွင် အချိန်ပိုင်း မီးပြတ်တောက်မှုများ ရှိနေသည်။ ထို့အတွက်လည်း နိုင်ငံပိုင် သတင်းစာများ အချိန်ပိုင်းမီးဖြတ်တောက်မှုများနှင့် ပတ်သက်၍ ကြိုတင်ကြေညာမှုများ ပြုလုပ်ခဲ့သည်။

လျှပ်စစ်စွမ်းအားဝန်ကြီးဌာနက တာဝန်ရှိသူ တစ်ဦးမှ လာမည့် ၂၀၁၅-၁၆ ခုနှစ်အတွင်း မြန်မာ နိုင်ငံတစ်ဝန်းအိမ်ထောင်စု၏ ၅၀ ရာခိုင်နှုန်း ဓါတ်အားသုံးစွဲနိုင်ရေး ကြိုးစား အကောင်အထည်ဖော် ဆောင်ရွက်ရန် စီစဉ်နေကြောင်း အောက်တိုဘာ ၂၁ ရက်နေ့ထုတ် မြန်မာ့အလင်းသတင်းစာတွင်ပြော ကြားထားသည်။

တစ်နိုင်ငံလုံးအတိုင်းအတာဖြင့် လျှပ်စစ်ဓါတ်အားရရှိရေးအတွက် တစ်နိုင်ငံလုံး အိမ်ထောင်စု ကိုးသန်းကျော်မှ သုံးသန်းနီးပါးကို လျှပ်စစ်ဓါတ်အားပေးနိုင်နေပြီဖြစ်ကြောင်း၊ ရာခိုင်နှုန်းအားဖြင့် တစ်နိုင်ငံလုံးမှ ၃၇ ရာခိုင်နှုန်းကို လျှပ်စစ်မီးပေးဝေနိုင်ပြီး ကျေးလက် မီးလင်းရေး စီမံချက်အရကျေးရွာပေါင်း ၆၄၉၁၇ ရွာအနက် ၂၃၀၃၄ ရွာကို လျှပ်စစ်မီးဖြန့်ဖြူးပေးနိုင်ပြီး ရာခိုင်နှုန်းအားဖြင့် ၃၆ရာခိုင်နှုန်း ပေးဝေနိုင်ပြီးဖြစ်ကြောင်း လျှပ်စစ်စွမ်းအားဝန်ကြီးဌာနမှ ထုတ်ပြန်ထားသည်။

လိပ်ကျွန်းသူကြီးသား DNA ကိုက်ညီမှုမရှိဟု ထိုင်းရဲတပ်ဖွဲ့ အထွေထွေ ဆေးရုံကြီး ထုတ်ပြန်

လင်းသန်

လိပ်ကျွန်းလူသတ်မှု၌ သံသယဖြစ်ခံရသူ ကျွန်းသူကြီးသား၏ DNA သည် အသတ်ခံရသည့် ဗြိတိန် ၂ ဦးထံမှ ရရှိသည့် DNA နှင့် ကိုက်ညီမှု မရှိကြောင်း ထိုင်းရဲတပ်ဖွဲ့ အထွေထွေ ဆေးရုံကြီး၏ မှုခင်းဌာနက ပြောကြားလိုက်သည်။

လိပ်ကျွန်းသူကြီး AC ဘားဆိုင်ပိုင်ရှင်၏ သားဖြစ်သူ Warot Tuwichian အား DNA စစ်ဆေးမှု ယမန်နေ့က ပြုလုပ်ခဲ့ခြင်းဖြစ်ပြီး မုဒိန်းကျင့်၍ သတ်ခံရသည့် ဗြိတိန်နိုင်ငံသူ မစ္စ ဟန်နာ ၀စ်သရစ်ခ်ျနှင့် အသတ်ခံရသူ ဗြိတိန်နိုင်ငံသား မစ္စတာ ဒေးဗစ်မီလာတို့ ကိုယ်ခန္ဓာမှ ရရှိသည့် DNA တို့ တိုက်ဆိုင်စစ်ဆေးရာတွင် ကိုက်ညီမှု မရှိကြောင်း ထိုင်းရဲတပ်ဖွဲ့ အထွေထွေဆေးရုံကြီး မှုခင်းဌာန၏ ပြောကြားချက်ကို ကိုးကား၍ ဘန်ကောက်ပို့စ် သတင်းတွင် ဖော်ပြထားသည်။

အဆိုပါ ကျွန်းသူကြီး၏ သားဖြစ်သူထံမှ သွေးနှင့် တံတွေး နမူနာတို့ကို DNA စစ်ဆေးရန် ဆေးရုံ ၄ ခုမှ ယမန်နေ့က ရယူခဲ့ခြင်းဖြစ်သည်။

ယခုအခါ ထိုင်းရဲတပ်ဖွဲ့ အထွေထွေဆေးရုံကြီးအပြင် တခြား ဆေးရုံများဖြစ်သည့် ချူလာလောင်ကွန်း အောက်မေ့ဖွယ် ဆေးရုံ၊ သီရီရာ့ခ်ျ ဆေးရုံနှင့် ရာမထိဘိုဒီး ဆေးရုံ တို့မှ ထွက်ပေါ်လာမည့် DNA နမူနာယူထားမှု စစ်ဆေးချက် ရလဒ်ကိုလည်း ထိုင်းရဲတပ်ဖွဲ့က စောင့်ဆိုင်းနေကြောင်း သိရသည်။

စစ်ဆေးချက်ရလဒ်များကို စနေနေ့ထက် နောက်မကျစေဘဲ လူသိရှင်ကြား ထုတ်ပြန်သွားမည်ဟု ထိုင်းရဲတပ်ဖွဲ့ ပြောခွင့်ရ အရာရှိကြီး မစ္စတာ Prawut Thawornsiri က ပြောဆိုကြောင်း ဘန်ကောက်ပို့စ် သတင်းတွင် ဖော်ပြ ထားသည်။

လိပ်ကျွန်းလူသတ်မှုတွင် အဓိက ပါဝင်ပတ်သက်နိုင်သည်ဟု ကျွန်းသူကြီးလည်းဖြစ် AC ဘားဆိုင်ပိုင်ရှင်လည်း ဖြစ်သူ၏ သားအား ဝေဖန်မှုများ ကျယ်ကျယ်ပြန့်ပြန့် ဖြစ်ပေါ်ခဲ့ပြီးနောက်၊ လွန်ခဲ့သည့်ရက်ပိုင်းက ထိုင်းရဲချုပ်နှင့်အတူ သတင်းစာရှင်းလင်းပွဲ ပြုလုပ်ကာ DNA စစ်ဆေးမှု ခံယူခဲ့ခြင်းဖြစ်သည်။

ထိုင်းနိုင်ငံ ရဲချုပ် ရဲဗိုလ်ချုပ်ကြီး မစ္စတာ Somyot Pumpanmuang က မှုခင်းရဲတပ်ဖွဲ့ အနေဖြင့် အခင်းဖြစ်ပွားစဉ်က ကျွန်းသူကြီးသား Warot မှာ ကျွန်းပေါ်တွင် မရှိခဲ့၍ ၎င်းအား ယခင်က DNA စစ်ဆေးမှု မပြုလုပ်ခြင်းဖြစ်ကြောင်း အဆိုပါ သတင်းစာရှင်းလင်းပွဲတွင် ပြောဆိုခဲ့သည်။

လိပ်ကျွန်းလူသတ်မှုတွင် စွပ်စွဲခံ မြန်မာ ၂ ဦးဖြစ်သည့် ဇော်လင်းနှင့် ၀င်းဇော်ထွန်းတို့၏ မိဘများနှင့် တွေ့ဆုံသည့်အခါ ၄င်းတို့အား ထိုင်းရဲနှင့် စကားပြန်တို့က နှိပ်စက်ညှဉ်းပန်း ခြိမ်းခြောက်၍ ရဲစခန်းတွင် ကျူးလွန်ခဲ့သည်ဟု ၀န်ခံခဲ့ရကြောင်း ပြီးခဲ့သည့်ရက်ပိုင်းက ပြောဆိုခဲ့သည်။

ဝင်းဇော်ထွန်းနှင့် ဇော်လင်းတို့၏ မိဘများလည်း သားဖြစ်သူများ၏ ရဲစခန်း ၀န်ခံချက် တရားဝင် ရုပ်သိမ်းကြောင်း၊ ပြစ်မှုကို လုံးဝ မကျူးလွန်ကြောင်း ရေးသားထားသည့် စာအား ထိုင်းရှေ့နေချုပ်ရုံးတွင် ထိုင်းလူ့အခွင့်အရေး ကော်မရှင်နှင့် ထိုင်းရှေ့နေများ ကောင်စီမှ ရှေ့နေများနှင့်အတူ သွားရောက်အပ်နှင်းကာ လိပ်ကျွန်း လူသတ်မှု တရားမျှတ မှန်ကန် လွတ်လပ်စွာဖြင့် အမှုမှန်ပေါ်ပေါက်ရေး တောင်းဆိုခဲ့သည်။

ဘန်ကောက်ပို့စ် သတင်းစာတွင် သေဆုံးသူ ဗြိတိန်နိုင်ငံသား ၂ ဦးမှာ လိပ်ကျွန်း သူကြီး၏ AC ဘားဆိုင်တွင် အခင်းဖြစ်သည့်ညက တချို့သူများနှင့် ရန်ဖြစ်ခဲ့ကြကြောင်း ဖော်ပြထားသည်။

အာဆီယံဒေသအဆင့်မသန်စွမ်းသူများအနုပညာ ပွဲတော်

DVB

နိုင်ငံသားပြုခွင့်ရသူများကို လဝက ဝန်ကြီးကိုယ်တိုင် နိုင်ငံသားကတ်ပြားပေးမည်

ကေဇူး

ရခိုင်ပြည်နယ် မြေပုံမြို့နယ် ဒုက္ခသည် စခန်းတွင် ၁၉၈၂ ဥပဒေအရ စိစစ်ပြီး နိုင်ငံသားဖြစ်ခွင့်ရရှိပြီး သူများကို လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန၊ ဝန်ကြီး ဦးခင်ရီ ကိုယ်တိုင် နိုင်ငံသား အသိအမှတ်ပြုကတ်များ ပေးအပ်သွားမည်ဟု ရခိုင်ပြည်နယ် လ၀က ဦးစီးမှူးဦးခင်စိုးက ပြောသည်။

နိုင်ငံသားပြုခွင့် လျှောက်ထားသူ ငါးရာကျော်ကို ပြည်ထောင်စုအဆင့် စိစစ်ရန် တင်ပြထားပြီး ပြုခွင့်ရသူ အရေအတွက်ကိုမူ ထုတ်ပြန်ပေးခြင်း မရှိသေးဟု ဆိုသည်။

ဦးခင်စိုးက “ဘယ်နှစ်ယောက် နိုင်ငံသားပြုခွင့်ရတယ်ဆိုတာ ၀န်ကြီးလာမှသိမယ် အခုတော့ ပြည်နယ်ကိုလည်း ပြန်မပြောသေးဘူး” ဟု မဇ္ဈိမကိုပြောသည်။

လက်ရှိတွင် ၁၉၈၂ နိုင်ငံသားဖြစ်ခွင့် ဥပဒေဖြင့် နိုင်ငံသားစိစစ်ခြင်းကို ခေတ္တရပ်နားထားပြီး ဆက်လက် လုပ်ဆောင်ရေးနှင့်ပတ်သက်သည့် အချက်များကို နိုဝင်ဘာ ၁ရက်တွင် ဝန်ကြီးက လာရောက် ဆွေးနွေးမည်ဟုလည်း ဦးခင်စိုးကပြောသည်။

ပြည်နယ်အဆင့် ညှိနှိုင်းရေးအဖွဲ့ဝင် ဦးသာပွင့်က “အစိုးရက ဘင်္ဂလီလို့ လက်ခံပေမယ့် ဒီဘက်ကမှ ရိုဟင်ဂျာလို့ ထည့်မယ့်သူတွေ ချည်းပဲရှိတဲ့အတွက်၊ မြေပြင်မှာ ဖြစ်နေတဲ့ အနေအထားအရ ၈၂ ဥပဒေကို တိတိကျကျ အကောင်အထည်ဖော်ဖို့ မလွယ်ကူဘူး”ဟု သုံးသပ်သည်။

ရခိုင်ပြည်နယ် မြေပုံမြို့တွင် ၁၉၈၂ နိုင်ငံသားဖြစ်ခွင့်ဥပဒေကို သြဂုတ်လက စတင်၍ လူတွေ့စစ်ဆေးခဲ့ပြီး နိုင်ငံသားပြုခွင့် ရရှိရေးအတွက် ပြည်ထောင်စုအဆင့် တင်ပြထားသူ ၅၃၄ ဦးရှိသည်။

အမှန်တရား လမ်းစပေါ်လာတဲ့ လိပ်ကျွန်းလူသတ်မှု

ကျော်ခ

ထိုင်းရဲတပ်ဖွဲ့က လိပ်ကျွန်းလူသတ်မှု သံသယ တရားခံတွေအဖြစ် စွပ်စွဲဖမ်းဆီးထားတဲ့ ဝင်းဇော်ထွန်းနဲ့ ဇော်လင်းတို့ကို တွေ့ဖို့ မြန်မာနိုင်ငံကနေ လိုက်လာကြတဲ့ မိဘတွေနဲ့ အတူ ထိုင်းနိုင်ငံဆိုင်ရာ မြန်မာသံရုံးက အထူးအဖွဲ့တို့ဟာ ကော့စမွေ အကျဉ်းထောင်ကို အောက်တိုဘာ ၂၄ ရက်နေ့က ရောက်ရှိလာကြပါတယ်။

ထိုင်းကို ရောက်လာကြတဲ့ မိဘဆွေမျိုးတွေကတော့ ဝင်းဇော်ထွန်းရဲ့မိဘတွေ ဖြစ်တဲ့ ဦးထွန်းထွန်းထိုက်နဲ့ ဒေါ်မေသိန်း၊ ဇော်လင်းရဲ့ မိခင် ဒေါ်ဖြူချေနုနဲ့ ဦးလေးဖြစ်သူ ဦးသိန်းရွှေအောင်တို့ ဖြစ်ကြပါတယ်။

သူတို့အားလုံးရဲ့ မျက်နှာတွေမှာ တက်ကြွတောက်ပမှုတွေ ကင်းနေပြီး ဝင်းဇော်ထွန်းနဲ့ ဇော်လင်းတို့ဆီကနေ တခုခုကို မျှော်လင့်နေကြဟန်က မျက်နှာတွေပေါ်မှာ အထင်းသား။ သားဇောနဲ့ အပူမီးတောက်နေတဲ့ ဝင်းဇော်ထွန်းရဲ့ မိခင် ဒေါ်မေသိန်းကတော့ မတိတ်နိုင်သေးတဲ့ မျက်ရည်တွေနဲ့အတူ သားရှိတဲ့ အကျဉ်းထောင်ထဲကို လိုက်ပါသွားခဲ့ပါတယ်။

တွေ့ဆုံခွင့်ရရှိပြီး ပြန်ထွက်လာချိန်မှာတော့ သူတို့အားလုံးရဲ့ မျက်နှာတွေက ဝင်သွားတုန်းကနဲ့ မတူဘဲ ဖုံးဖိမထားနိုင်လောက်အောင် အပြုံးတွေက ပေါ်လွင်နေပါတယ်။ ပြန်ထွက်လာတဲ့ တဖွဲ့လုံးမှာ အသိသာ အထင်ရှားဆုံး နှစ်ယောက်ကတော့ မိခင်တွေဖြစ်တဲ့ ဒေါ်မေသိန်းနဲ့ ဒေါ်ဖြူချေနုတို့ပါ။ သူတို့မျက်ဝန်းတွေက တောက်ပပြီး မျက်နှာတွေမှာလည်း တပြုံးပြုံးနဲ့ပါ။

မျက်ရည်တွေ မခြောက်သေးဘဲ အကျဉ်းထောင်ထဲကို ဝင်သွားခဲ့တဲ့ ဒေါ်မေသိန်း ဆိုရင် ပြန်ထွက်လာတဲ့ အချိန်မှာ လိုချင်တာရလာတဲ့ ကလေးတယောက်ရဲ့ အပြုံးမျိုးနဲ့ ဖျတ်လတ်တဲ့ ခြေလှမ်းတွေနဲ့ ထွက်လာပါတယ်။ အရင်က ငူငူငိုင်ငိုင်ဖြစ်နေပေမယ့် အခု ကလေးတယောက်လို ပေါ့ပေါ့ပါးပါးပါပဲ။

အခြေအနေတွေကို သိလိုဇောနဲ့ စောင့်ကြိုနေတဲ့ သတင်းထောက်တွေရဲ့ မေးခွန်းတွေကိုတော့ ဝင်းဇော်ထွန်းရဲ့ ဖခင် ဦးထွန်းထွန်းထိုက်က တက်တက်ကြွကြွ ဖြေပါတယ်။ သူတို့တွေ အကျဉ်းထောင်ထဲကို ဝင်သွားပြီး ပြန်ထွက်လာတဲ့ အချိန်မှာ သူတို့ရဲ့ ယုံကြည်ချက်ကို ခိုင်မာစေတဲ့ ခွန်အားတခု ရရှိလာခဲ့ပါတယ်။ အဲဒါကတော့ သားဖြစ်သူတွေ နှုတ်ဖျားကနေ ပြောလိုက်တဲ့ စကားကြောင့်ပါ။

“ကျနော့်သားကလည်း သူမဟုတ်ကြောင်း၊ သူ့ကို ညှင်းပန်းနှိပ်စက်လို့ ဝန်ခံရပါတယ်ဆိုကြောင်းကို ကျနော်တို့ကို ပြောလိုက်လို့ ကျနော်တို့ ဒီနေ့ ပျော်ပါတယ်ခင်ဗျား၊ ပျော်ပါတယ်” ဆိုပြီး သတင်းမီဒီယာတွေကို ဖြေဆိုရင်း ပီတိ မျက်ရည်တွေ စီးကျနေတဲ့ ဦးထွန်းထွန်းထိုက်က လက်မထောင် ကြွေးကြော်လိုက် ပါတယ်။

သူတို့အဖွဲ့ အကျဉ်းထောင်အတွင်းကို ဝင်သွားချိန်မှာ ပထမဆုံး တွေ့ရသူကတော့ မိဘနဲ့ ၆ နှစ်ကျော်အကြာ ဝေးကွာနေခဲ့ရတဲ့ ဇော်လင်းပါ။ ဆေးစစ်မှုတွေပြုလုပ်ပြီး ပြန်လာတဲ့ ဇော်လင်းကိုတွေ့တော့ မိခင် ဒေါ်ဖြူချေနု တချိန်လုံး ထိန်းချုပ်ထားခဲ့တဲ့ မျက်ရည်တွေ မဆည်နိုင်တော့ဘဲ သားဖြစ်သူကို ဖက်ပြီးငိုချလိုက်ပါတယ်။

သံခြေကျင်းတွေ ခတ်ထားတဲ့ ဇော်လင်းလည်း ငိုကြွေးရင်းကနေ “အမေ၊ မငိုနဲ့၊ ကိုယ့်ကျန်းမာရေးကို ဂရုစိုက်။ သားအတွက် ဘာမှ စိတ်မပူနဲ့၊ တရားရုံးက မေးလာရင် သားတို့ အမှန်အတိုင်း ထွက်ဆိုတော့မယ်” ဆိုပြီး ဇော်လင်းက မိခင်ဖြစ်သူကို အားပေးလိုက်တယ်လို့ ဒေါ်ဖြူချေနုက ရခိုင်သံဝဲဝဲနဲ့ ပြန်ရှင်းပြပါတယ်။

ဇော်လင်းတို့ မိသားစုတွေ ငိုကြွေးနေတုန်းမှာပဲ သူတို့ ထိုင်နေတဲ့နေရာကို သံခြေကျင်းတွေ ခတ်ထားတဲ့ ဝင်းဇော်ထွန်း ရောက်လာပါတယ်။ သားဖြစ်သူသတင်း ကြားကတည်းက တချိန်လုံး သောကမီးတွေ တောက်လောင်နေခဲ့ရတဲ့ မိခင်ဖြစ်သူ ဒေါ်မေသိန်းနဲ့ ဖခင်ဖြစ်သူ ဦးထွန်းထွန်းထိုက်တို့ဟာ ဝင်းဇော်ထွန်းအဖြစ်ကို ကြည့်ပြီး ငိုကြွေးကြတယ်လို့ ဆိုပါတယ်။

“ဝင်းဇော်ထွန်းက လုံးဝ မျက်ရည်မကျဘူး။ စိတ်ခိုင်တယ်။ ကျနော်တို့ ငိုနေတဲ့ နှစ်ယောက်ကိုတောင် သူက ပြန်နှစ်သိမ့်တယ်။ အဖေတို့ အမေတို့ မငိုကြဖို့ပေါ့ဗျာ။ သားလည်း ကျန်းကျန်းမာမာရှိနေတယ်။ သူ့အတွက်မပူဖို့ အဓိက ကတော့ ကျနော်တို့ အနေနဲ့ ကျန်းမာရေးကိုပဲ ဂရုစိုက်ဖို့ပေါ” လို့ ဦးထွန်းထွန်းထိုက်က ပြန်ပြောပြပါတယ်။

မိသားစုတွေ ငိုကြွေးနှစ်သိမ့်နေကြချိန်မှာ စိုးရိမ်စိတ်တွေနဲ့ စောင့်ဆိုင်းနေကြသူတွေက သံရုံးက လွှတ်လိုက်တဲ့ အထူးအဖွဲ့တွေပါ။ သူတို့တွေစိုးရိမ်နေတာက လိပ်ကျွန်းလူသတ်မှုနဲ့ ပတ်သက်ပြီး အရင်တခေါက်က တွေ့ဆုံခွင့်ရချိန်မှာ ဝင်းဇော်ထွန်းနဲ့ ဇော်လင်းတို့နှစ်ဦးက ပွင့်ပွင့်လင်းလင်း ပြောဆိုခြင်းမရှိတဲ့အပေါ် ဒီတခေါက်ရော ဘယ်လိုပြောမလဲ ဆိုတာကို သူတို့ တဖွဲ့လုံး စိတ်လှုပ်ရှားနေကြတာပါ။

“ကျနော်ဆိုရင် စိတ်တွေ ဆောက်တည်ရာမရဘူး။ သူတို့ ဘယ်လိုဖြေမလဲဆိုတာကို မစောင့်နိုင်လောက်အောင် တော်တော်လေး စိတ်ပူနေတာ။ သူတို့ကိုယ်တိုင် သတ်တယ်လို့ ရဲကို ဝန်ခံထားတယ်ဆိုတဲ့ အပေါ်မှာ ကျနော်က မယုံကြည်နိုင်ဘူး ဖြစ်နေတာ။ ကျနော်တို့ သူတို့နှစ်ယောက်နဲ့ တရားရုံးမှာတွေ့တုန်းက သူ့တို့ကို ကတိတောင်းဖူးတယ်။ မင်းတို့ မိဘတွေကို ခေါ်လာပေးရင် မင်းတို့ အမှန်တိုင်း ဝန်ခံမလားဆိုတော့ ပြောမယ်လို့ ဝင်းဇော်ထွန်းက ပြောတယ်။ အခုရောက်လာတော့ သူတို့ ပြောမယ်ဆိုတဲ့ အမှန်အတိုင်းဆိုတာက ဘာလဲဆိုပြီး တွေးပူနေတာ” လို့ သံရုံး အထူးအဖွဲ့ရဲ့ စကားပြန် ကိုမိုးဝေက သူ့ရဲ့စိတ်ပူပင်မှုကို ပြန်ပြောပြပါတယ်။

သံရုံးအဖွဲ့က အခင်းဖြစ်စဉ်နဲ့ ပတ်သက်ပြီး မေးမြန်းချိန်မှာတော့ ဝင်းဇော်ထွန်းနဲ့ ဇော်လင်းတို့က ဗြိတိသျှနှစ်ဦးကို သတ်ဖြတ်မှု၊ အဓမ္မ ပြုကျင့်မှုတွေမှာ သူတို့ လုံးဝ မပါဝင်ခဲ့ကြောင်း၊ ညှင်းပန်းနှိပ်စက်မှုတွေ၊ ခြိမ်းခြောက်မှုတွေကြောင့် ဝန်ခံပေးခဲ့ရတာ ဖြစ်ကြောင်း မိဘတွေရှေ့မှောက်မှာ ရှင်းပြခဲ့ပြီး သူတို့နှစ်ဦးလုံး ကြုံတွေ့ခဲ့ရတဲ့ ငရဲခန်းရဲ့ အသေးစိတ်ကိုလည်း မေးသမျှရှင်းပြခဲ့တယ်လို့ ဆိုပါတယ်။

ဝင်းဇော်ထွန်းကို ဖမ်းဆီးစစ်ဆေးချိန်မှာ ထိုင်းရဲနဲ့ စကားပြန် ကိုရဲတို့က မျက်နှာနဲ့ ခန္ဓာကိုယ်ကို ရိုက်နှက် ကန်ကျောက်မှုတွေ ပြုလုပ်ခဲ့ပြီး၊ စကားပြန် ကိုရဲက မြန်မာသံရုံးက ထုတ်ပေးထားတယ်ဆိုတဲ့ ကဒ်ပြားကို ထုတ်ပြခဲ့တယ်လို့ ဆိုပါတယ်။

ဒါ့အပြင် “လူသတ်မှုတွင် ပါဝင်ခဲ့သည်ဟု မဝန်ခံပါက၊ ခြေလက်များကို ဖြတ်ပြီး ဂုန်နီအိတ်ထဲထည့်ကာ မြစ်ထဲ မျှောပစ်မည်။ ကားတာယာကွင်းများနှင့် ပတ်ပြီးရေနံဆီလောင်းကာ မီးရှို့သတ်ဖြတ်ပစ်မည်ဟု ခြိမ်းခြောက်ခဲ့” တဲ့ အကြောင်း ဝင်းဇော်ထွန်း ကိုယ်တိုင် သံရုံးအဖွဲ့ကို ရှင်းပြထားတဲ့ မှတ်တမ်းထဲမှာ တွေ့ရပါတယ်။

ဒီလိုခြိမ်းခြောက်မှုတွေနဲ့ မေးမြန်းခဲ့သလို လူသတ်တရားခံဖြစ်ကြောင်း ဝန်ခံပေးလိုက်ရင် ထောင် လေး၊ ငါးနှစ်သာ ကျနိုင်ကြောင်း ဖျားယောင်းသိမ်းသွင်း ပြောဆိုမှုတွေလည်း ရှိတဲ့အကြောင်း သံရုံးအထူး အဖွဲ့ဝင်တွေနဲ့ မိဘတွေကို ဝင်းဇော်ထွန်းက ရှင်းပြ ပြောဆိုလိုက်တယ်လို့ ဆိုပါတယ်။

တခါ ဇော်လင်းကိုလည်း “ဘီယာသွားဝယ်တဲ့ CCTV က ပုံတွေကိုပြပြီး မင်းတို့ မဟုတ်လားလို့ မေးတယ်။ ဟုတ်တယ်ဆိုတော့ သတ်တာလဲ မင်းတို့ပဲဆိုပြီး ခြိမ်းခြောက်နှိပ်စက် ထိုးနှက်ပါတယ်” လို့ ဇော်လင်း ကိုယ်တိုင် ရှင်းပြထားတဲ့ သံရုံးအဖွဲ့မှတ်တမ်းထဲမှာ တွေ့ရပါတယ်။

“မျက်နှာကို စွပ်ထားတဲ့ အ၀တ်ပိတ်ကို ပါးစပ်ပေါ်အောင်လှန်ပြီး မျက်နှာကိုမမြင်ရ၊ မြန်မာတယောက် ဘယ်သူမှန်းမသိဘူး ထမင်းလာကျွေးတယ်။ အဲ့ဒီနောက်မှာ စကားပြန်ဝင်လာတယ်။ မင်းသတ်လား အမှန်အတိုင်းပြော၊ မပြောရင် မင်းတို့ ဒီထက်နာမယ်။ မင်းတို့သွားတွေကို ပလာယာနဲ့ နုတ်ပစ်မယ်။ မျက်နှာကို ခြေထောက်နဲ့ ကန်တယ်။ ဒီမှာ လူသတ်တဲ့ပုံစံ သိတယ်မဟုတ်လား၊ တပိုင်းစီပိုင်းပြီး အင်္ဂတေနဲ့လောင်း ရေထဲမြှုပ်ပစ်လိုက်မယ်၊ ၀န်ခံရင်တော့ မင်းတို့ သက်သာမယ်။ ငါတို့လည်း ကူပေးမယ် ဆိုပြီးပြောပါတယ်” လို့ ခြိမ်းခြောက် ထွက်ဆိုခိုင်းတဲ့အကြောင်း ဇော်လင်းကို မေးမြန်းထားတဲ့ မှတ်တမ်းမှာ တွေ့ရပါတယ်။

ဒါ့အပြင် ဇော်လင်းရဲ့ ထွက်ဆိုချက်ထဲမှာ “နောက်တရက်လည်း အဲဒီမှာပဲထားပြီး ခြိမ်းခြောက်တယ်။ မင်းတို့ဟာ တရားဝင် လာနေတဲ့သူတွေ မဟုတ်ဘူး။ အချိန်မရွေးသတ်ပြီး ကျောက်တုံးနဲ့ တွဲမြုပ်လိုက်မယ်လို့ ခြိမ်းခြောက်ပြီး ၀န်ခံစေပါတယ်။ ပေါက်တူးနဲ့ရိုက်ပြီး သတ်တယ်လို့ ပြောစေပါတယ်” လို့လည်း ပါဝင်ပါတယ်။

အခင်းဖြစ်တဲ့ ညက ဇော်လင်း၊ ဝင်းဇော်ထွန်းနဲ့ မောင်မောင်တို့ သူငယ်ချင်းသုံးယောက်ဟာ စတိုးဆိုင်မှာ ဘီယာသွားဝယ်ပြီး ကမ်းစပ်သောင်ပြင်မှာ ဘီယာနဲ့ လက်ကျန်ဝိုင်ကို သောက်ခဲ့ကြပြီး မောင်မောင်ကတော့ စောစောပြန်သွားခဲ့တယ်လို့ ဆိုပါတယ်။ သူတို့နှစ်ယောက် ကျန်နေတဲ့အချိန်မှာ ဘီယာသောက် သီချင်းဆိုပြီး ကမ်းစပ်မှာ ရေကူးပြီးနောက် အိမ်ကိုပြန်အိပ်ခဲ့ကြတယ်လို့ ပြောပါတယ်။

လစာမထုတ်ခင် တရက်အလိုမှာ အဖမ်းခံလိုက်ရတဲ့အတွက် လစာတောင် မထုတ်လိုက်ရဘူးလို့ ဇော်လင်းက ပြောတယ်လို့ ဆိုပါတယ်။ အခင်းဖြစ်စဉ်မှာ သေဆုံးသူကို ဝိုင်ပုလင်းနဲ့ ရိုက်တယ်။ ပေါက်ပြားနဲ့ ရိုက်တယ် ဆိုတာတွေကလည်း ခြိမ်းခြောက်ပြီး လိမ်လည်ထွက်ဆိုခိုင်းခဲ့တာ ဖြစ်ကြောင်းကိုလည်း ရှင်းလင်းပြောဆိုလိုက်တယ်လို့ သိရပါတယ်။

မိဘတွေနဲ့ သံရုံး အထူးအဖွဲ့တွေရဲ့ရှေ့မှာ သူတို့လေးလေးနက်နက် ဝန်ခံပြောဆိုလိုက်ကြတာက “ဒီအမှုမှာ သူတို့နှစ်ယောက် လုံးဝ ပတ်သက်မှု မရှိဘူး” ဆိုတာပါပဲ။ ဒီစကားကြောင့် မိဘတွေနဲ့ သံရုံး အထူးအဖွဲ့တွေ စိတ်အေးသွားခဲ့ကြရပြီး ရှေ့ဆက် လုပ်ကိုင်ရမယ့် လုပ်ငန်းတွေကို ခိုင်ခိုင်မာမာ ဆုံးဖြတ်နိုင်ခဲ့ကြပြီလို့ ဆိုပါတယ်။

“ကလေးတွေအနေနဲ့ အခုလိုမျိုး ပွင့်ပွင့်လင်းလင်း ထုတ်ပြောလာတာကို အင်မတန်မှကို ကြိုဆိုတယ်။ သူတို့ရဲ့ တိုင်းပြည်နဲ့ လူမျိုးအပေါ်မှာထားတဲ့ သတ္တိကိုလည်း အသိအမှတ်ပြုတယ်။ ကျနော်တို့ လုပ်ကိုင်ဆောင်ရွက်ပေးနေရတဲ့ သူတွေအနေနဲ့လည်း အင်မတန်မှ ဝမ်းသာတယ်။ သူတို့ဘက်ကလိုက်ပြီး ဆောင်ရွက်ပေးနေတဲ့ ရှေ့နေများကောင်စီ အတွက်လည်း ပိုပြီးတော့ လုပ်ရကိုင်ရတာလည်း အဆင်ပြေချောမွေ့သွားမယ်လို့ ယုံကြည်တယ်” လို့ သံရုံး အထူးအဖွဲ့ဝင် တဦးဖြစ်တဲ့ ဦးထူးချစ်က ရှင်းပြပါတယ်။

မြန်မာသံရုံး အထူးအဖွဲ့ဝင် တခြားတဦးဖြစ်တဲ့ ကိုမင်းဦးကလည်း “ကျနော်တို့ မနားမနေကြိုးစားခဲ့တာတွေ ဒီနေ့ ကြိုးစားရကျိုး နပ်တဲ့နေ့ပဲ။ ကျေနပ်တယ်ဗျာ။ အစတုန်းက သူတို့ခြိမ်းခြောက် ခံရမှုတွေ လွှမ်းမိုးနေပြီး ကျနော်တို့ အဖွဲ့ကိုတောင် မယုံကြည်ဘူးဖြစ်နေတာ။ ဒါကြောင့် အရင်တခေါက်က ကျနော်တို့ သွားမေးတော့ သူတို့ အမှန်အတိုင်း မဝန်ခံခဲ့တာ။ အခုမိဘတွေပါလာမှပဲ ထုတ်ပြောပြတော့တာ” လို့ ဝမ်းသာအားရ ရှင်းပြပါတယ်။

ဝင်းဇော်ထွန်းနဲ့ ဇော်လင်းတို့ကို လူသတ်တရားခံလို့ ထိုင်းရဲတွေက ထုတ်ပြချိန်ကတည်းက ထိုင်းပြည်သူတွေ၊ မှုခင်းပညာရှင်တွေနဲ့ အတိုက်အခံ နိုင်ငံရေးခေါင်းဆောင်တွေက အယုံအကြည် မရှိခဲ့ကြဘဲ ဝေဖန်ခဲ့ကြပါတယ်။ အလားတူ မြန်မာပြည်သူတွေနဲ့ ထိုင်းနိုင်ငံရောက် မြန်မာ့အရေး ဆောင်ရွက်နေကြတဲ့ အဖွဲ့အစည်းအသီးသီးကလည်း အယုံအကြည် မရှိကြပါဘူး။

တကမ္ဘာလုံး စိတ်ဝင်စားနေကြတဲ့ ဒီလူသတ်မှုမှာ သူတို့နှစ်ဦး တရားခံ မဟုတ်ဘူးလို့ ယုံကြည်နေမှုတွေဟာ အပြင်မှာတင် မဟုတ်ဘဲ ဝင်းဇော်ထွန်းနဲ့ ဇော်လင်းတို့ ရောက်ရှိနေတဲ့ ကော့စမွေ အကျဉ်းထောင်ထဲမှာ အကြောင်း အမျိုးမျိုးနဲ့ အကျဉ်းကျနေတဲ့ မြန်မာအကျဉ်းသားတွေကလည်း မယုံကြည်ကြဘူးလို့ ဆိုပါတယ်။

ထောင်ထဲကိုရောက်လာတဲ့ ဝင်းဇော်ထွန်းနဲ့ ဇော်လင်းတို့ နှစ်ဦးကို မြန်မာအကျဉ်းသားတွေက အားမငယ်ဖို့၊ စိတ်ဓာတ်မကျဖို့နဲ့ သူတို့တွေရှိနေကြောင်း စိတ်ဓာတ်တွေ မြှင့်တင်ပေးခဲ့တယ်လို့ သူတို့နှစ်ဦး ပြောပြချက်တွေအရ ပြန်သိရပါတယ်။ သူတို့နှစ်ယောက်ကို စိတ်ဓာတ် မကျအောင် အချိန်တိုင်း အားပေးနေတဲ့ အထဲမှာ ကော့စမွေ အကျဉ်းထောင်က တာဝန်ရှိသူတွေလည်း ပါဝင်တယ်လို့ သိရပါတယ်။

ဝင်းဇော်ထွန်းနဲ့ ဇော်လင်းတို့ နှစ်ဦး ကော့စမွေ အကျဉ်းထောင်ကို ရောက်ရှိလာချိန်က ကိုယ့်ကိုယ်ကို သတ်သေသွားနိုင်တဲ့ အတွက် စောင့်ကြည့်နေရကြောင်း၊ နောက်ပိုင်းမှာ ဒဏ်ရာတွေကြောင့် ဆေးရုံတင်ရကြောင်း စတဲ့ သတင်းတွေ ထွက်လာခဲ့တာဟာ သတင်းမှားတွေဖြစ်ပြီး ဒီအပေါ်မှာ ထောင်မှူးကြီးက စိတ်ပျက်မိတဲ့အကြောင်း မြန်မာသံရုံး အထူးအဖွဲ့တွေကို ညည်းညူလိုက်သေးတယ်လို့ ဆိုပါတယ်။

ကော့စမွေအကျဉ်းထောင်ထဲမှာ တွေ့ဆုံနေတဲ့အချိန် ဝင်းဇော်ထွန်းနဲ့ ဇော်လင်းတို့ ပေးလိုက်တဲ့ ဖြောင့်ချက်တွေဟာ သူတို့ရဲ့ မိဘတွေအတွက် ဝမ်းသာပီတိဖြစ်သွားစေသလို ဒီအမှုကို မြန်မာအစိုးရဘက်ကနေ လိုက်ပါစုံစမ်းပေးနေတဲ့ မြန်မာသံရုံး အထူးအဖွဲ့အတွက်လည်း ခွန်အားတွေဖြစ်သွားစေခဲ့ပါတယ်။

“အန်ကယ်တို့ အနေနဲ့ ပြောရမယ်ဆိုရင်တော့ ၈၀ ရာခိုင်နှုန်း ဆောင်ရွက်ရကျိုး နပ်တယ်လို့ ပြောရမယ်။ ၂၀ ရာခိုင်နှုန်း ချန်ထားတယ် ဆိုတာကတော့ သူတို့အမှုတွဲ မပိတ်မချင်းက တရားခွင်မှာ အန်ကယ်တို့ ရှင်းရဦးမှာပါ။ ဒါပေမယ့် အမှုနဲ့ ပတ်သက်လို့ ခြုံငုံကြည့်မယ်ဆိုရင် ပြစ်ဒဏ်ကြီးတဲ့ ဒီလိုပြစ်မှုကြီးတွေမှာ အမှုတွဲတည်ဆောက်တဲ့လူဟာ ပေါ့ပေါ့တန်တန် တည်ဆောက် ပြီးတော့ တရားခံကို အပြစ်ပေးလို့ မရဘူး။ ဒါကြောင့်မို့ တရားခံသည် သံသယအကျိုးကို ခံစားရမယ်ဆိုတာ ဥပဒေမှာရှိတယ်။ ဒီအတိုင်းဖြစ်အောင်လုပ်မှာ” လို့ သံရုံး အထူးအဖွဲ့ရဲ့ ရှေ့နေ ဦးအောင်မျိုးသန့်က ပြောပါတယ်။

ဇော်လင်းနဲ့ ဝင်းဇော်ထွန်းတို့က ဒီအမှုနဲ့ပတ်သက်ပြီး လုံးဝ ပတ်သက်မှု မရှိကြောင်း ပြောဆိုလိုက်ပြီးတဲ့နောက် မြန်မာသံရုံး အဖွဲ့ဟာ နာရီပိုင်းအတွင်းမှာပဲ သက်ဆိုင်ရာ ကော့စမွေမြို့နယ် တရားသူကြီးရုံးမှာ ကန့်ကွက်လွှာ တင်လိုက်သလို ၄ ရက်အကြာမှာ ဘန်ကောက်မြို့ပေါ်မှာရှိတဲ့ တရားရုံးချုပ်မှာလည်း ကန့်ကွက်လွှာ ထပ်တင်ခဲ့ပါတယ်။

မြန်မာနိုင်ငံသားနှစ်ဦးကို လူသတ်တရားခံအဖြစ် သံသယနဲ့ စွပ်စွဲပြီး ထိုင်းရဲတပ်ဖွဲ့က အမှုဖွင့်ထားတဲ့အတွက် ထိုင်းနိုင်ငံဆိုင်ရာ မြန်မာသံရုံး အထူးအဖွဲ့အနေနဲ့ အမှုမှန်ပေါ်ပေါက်ရေး ထိုင်းနိုင်ငံ ရှေ့နေများကောင်စီနဲ့ ပူးပေါင်းဆောင်ရွက်မှုတွေ ပြုလုပ်နေပါတယ်။

“ဒီအမှုက မှန်မှန်ကန်ကန်နဲ့ အမှုမှန်ပေါ်ပေါက်ဖို့ လိုပါတယ်။ မှားယွင်းဆုံးဖြတ်ခဲ့ရင် ထိုင်း၊ မြန်မာနဲ့ ဗြိတိန်တို့ ၃ နိုင်ငံအကြားမှာ နစ်နာစရာတွေ ဖြစ်ကုန်မယ်။ ကျနော်တို့ကတော့ ဥပဒေအတိုင်း မှန်မှန်ကန်ကန်ဖြစ်အောင် အဆုံးအထိ လုပ်မှာပါ” လို့ ထိုင်းနိုင်ငံဆိုင်ရာ မြန်မာသံအမတ်ကြီး ဦးဝင်းမောင်ကလည်း ပြောပါတယ်။

ထိုင်းနိုင်ငံတောင်ပိုင်း လိပ်ကျွန်းပေါ်က ဗြိတိန်နိုင်ငံသား နှစ်ဦး အသတ်ခံရမှုနဲ့ ပတ်သက်ပြီး ခြိမ်းခြောက်မှုတွေ၊ နှိပ်စက်မှုတွေ၊ ဖျားယောင်းမှုတွေနဲ့ လူသတ်တရားခံအဖြစ် ဝန်ခံခဲ့ရတယ်ဆိုတဲ့ ဝင်းဇော်ထွန်းနဲ့ ဇော်လင်းတို့ရဲ့ ဖွင့်ဟဝန်ခံချက်တွေဟာ အမှုတခုလုံးကို ပြောင်းပြန်ဖြစ်သွားစေနိုင်တဲ့ အနေအထားကို ရောက်ရှိသွားပြီ ဖြစ်ပါတယ်။

သူတို့ရဲ့ဝန်ခံချက်ဟာ လိုက်ပါဆောင်ရွက်ပေးနေတဲ့ ထိုင်းဥပဒေပညာရှင်တွေ၊ မြန်မာသံရုံး အထူးအဖွဲ့တွေ အတွက် အရေးပါတဲ့ အထောက်အကူဖြစ်သလို စောင့်ကြည့်နေကြတဲ့ ထိုင်း-မြန်မာပြည်သူတွေအတွက်လည်း အားရကျေနပ်စေခဲ့ပါတယ်။

အထူးသဖြင့် သားဖြစ်သူ ဝင်းဇော်ထွန်းရဲ့ သတင်းကိုကြားကတည်းက မစားနိုင်မအိပ်နိုင်ဘဲ သားဇောနဲ့ အိမ်ပေါ်က ခုန်ချပြီး ကိုယ့်ခေါင်းကို ခဲနဲ့ ထုနှက်ခဲ့တဲ့ ဒေါ်မေသိန်း တယောက်လည်း သားဖြစ်သူနဲ့ ကော့စမွေ အကျဉ်းထောင်မှာတွေ့ပြီး ပြန်ထွက်လာ ကတည်းက အပြုံးမပျက်နိုင်ဘူး ဖြစ်နေပါတယ်။

ကော့စမွေ အကျဉ်းထောင်မှာ တွေ့ခွင့်ရတုန်းက သားဖြစ်သူ အနားမှာထိုင်ပြီး တချိန်လုံး ဖက်တွယ်နေတဲ့ ဒေါ်မေသိန်း က “သတင်းကြားရတဲ့နေကတော့ သားလေးကို ဘာလုပ်လိုက်ကြမလဲလို့ စိတ်ထိခိုက်တာပေါ့။ ဒီအမှုမှာ လုံးဝ ပါဝင်ပတ်သက်မှု မရှိဘူးလို့ ဒီနေ့ သားက သူပွင့်ပွင့်လင်းလင်းနဲ့ ပြောပြလိုက်တဲ့အတွက် စိတ်ထဲမှာ လုံးဝပေါ့သွားတယ်။ သား ပြန်လွတ်လာမယ်လို့ စိတ်ထဲမှာ ယုံကြည်သွားတယ်” လို့ ပြောပါတယ်

ကျန်းမာရေးအာမခံနဲ့ ရာသီဥတုအခြေပြညွှန်းကိန်း အာမခံ

DVB

ကိုပါကြီးက သတင်းထောက်ဟု မထွက်ဆိုဘဲ DKBA အဖွဲ့ကဟုသာ ထွက်ဆိုခဲ့ကြောင်း တပ်မတော်ထုတ်ပြန်

မင်းဟိန်းထက်

လက်နက်လုယူမှုကြောင့် စစ်တပ်က အသေပစ်ခတ် ဖမ်းဆီးခဲ့သည်ဟု သတင်းထုတ်ပြန်ခဲ့သည့် ကိုအောင်ကျော်နိုင်(ခ) ကိုပါကြီးကို နယ်မြေခံရဲတပ်ဖွဲ့နှင့် စစ်တပ်မှ မသင်္ကာမှုဖြင့် မေးမြန်းခဲ့ရာတွင် သတင်းထောက်ဟု ပြောဆိုခဲ့ခြင်းမရှိဘဲ DKBA အဖွဲ့၏ လက်အောက်ခံ အဖွဲ့ငယ် ဖြစ်သော KKO ဗိုလ်မှူးကြီး စောဆန်းအောင်အဖွဲ့မှ ပြန်ကြားရေးတာဝန်ခံ ဗိုလ်ကြီးအဆင့်ရှိ အောင်နိုင်ဟုသာ ထွက်ဆိုခဲ့ကြောင်း ကာကွယ်ရေးဝန်ကြီးဌာနမှ အောက်တိုဘာ ၃၁ ရက်တွင် ထပ်မံထုတ်ပြန်လိုက်သည်။

ကာကွယ်ရေးဝန်ကြီးဌာနမှ အောက်တိုဘာ ၃၁ ရက်တွင် ပေးပိုခဲ့သည့် ထုတ်ပြန်ချက်ကို မြန်မာနိုင်ငံ စာနယ်ဇင်းကောင်စီ(ယာယီ)မှ သတင်းစာတိုက်များသို့ ထုတ်ပြန်ပေးခဲ့ခြင်းဖြစ်သည်။

ကိုအောင်နိုင်ကို ဖမ်းဆီးမိချိန်တွင် သတင်းထောက်ဟု ပြောဆိုခဲ့ခြင်းမရှိသလို သတင်းထောက်များ အသုံးပြုလေ့ရှိသော ကင်မရာ၊ အသံဖမ်းစက်၊ စာရွက်စာတမ်း၊ ကတ်ပြားစသည့် စာနယ်ဇင်းနှင့် သက်ဆိုင်သော အထောက်အထားများကိုလည်း မတွေ့ရှိခဲ့ကြောင်း ထုတ်ပြန်ချက်တွင် ရေးသားထားသည်။

ယင်းအပြင် ကိုအောင်နိုင်သည် သတင်းထောက်တစ်ဦးဖြစ်စေကာမူ ဖမ်းဆီးမိခဲ့သည့် ကျိုက်မရောမြို့ စက်လှေဆိပ်သည် တိုက်ပွဲနယ်မြေနှင့်ဆက်စပ်နေပြီး ပဋိပက္ခနယ်မြေသို့ သွားရောက်လိုလျှင် သက်ဆိုင်ရာ တာဝန်ရှိ အဖွဲ့အစည်းများ၏ သတ်မှတ်စည်းကမ်းများနှင့် အညီခွင့်ပြုချက်ယူရန် လိုအပ်သော်လည်း လုပ်ဆောင်ခဲ့ခြင်းမရှိဟု ဆိုသည်။

“တပ်မတော်အနေဖြင့် ကိုပါကြီးကို ဖမ်းဆီးရမိချိန်မှာ ရန်သူတစ်ဦးအနေနှင့်သာ ဖမ်းဆီးရမိခြင်းဖြစ်သည်။”ဟု ထုတ်ပြန်ချက်တွင် ဖော်ပြသည်။

ထို့ပြင် ကိုအောင်နိုင်၏ ပြောကြားချက်အရ စက်တင်ဘာလ ၂၆ ရက်နေ့တွင် KKO မှ စောဆန်းအောင်နှင့်အတူ MPC အစည်းအဝေးသို့ သွားရောက်ခဲ့ပြီး အစည်းအဝေးပြီးလျှင် တပ်မတော်မှ လက်နက်များ သိမ်းယူသွားသော စောဝင်းဇော်နှင့် အဖွဲ့ထံ သွားရောက် ပူးပေါင်းမည့် စောဆန်းအောင်နှင့်အတူ ရွှေဝါချောင်ကျေးရွာသို့ လိုက်ပါခဲ့ကြောင်း ထွက်ဆိုခဲ့သည်ဟုဆိုသည်။

ယခုကဲ့သို့ တပ်မတော်က ထုတ်ပြန်သော်လည်း ကိုပါကြီးသည် DKBA အဖွဲ့၏ မည်သည့် အဖွဲ့အစည်းနှင့်မျှ ပတ်သက်မှုမရှိကြောင်း DKBA စစ်ဌာနချုပ် ဗျူဟာမှူး ဗိုလ်မှူးကြီး စောထွန်းထွန်းက မဇ္ဈိမကို အတည်ပြု ပြောဆိုထားသည်။

ဇနီးဖြစ်သူ မသန္တာ ကမူ “ ကျွန်မယောက်ျားက ဘယ်လက်နက်ကိုင်အဖွဲ့ကမှ မဟုတ်ပါဘူး။ သူကရန်တောင် ဖြစ်ဖူးတာ မဟုတ်ပါဘူး။ သူ့သေဆုံးမှုဟာ လူ့အခွင့်အရေးချိုးဖောက်ခံရပြီး ညှင်းပန်းနှိပ်စက်ခံရလို့ဖြစ်ခဲ့တာပါ။ ဒါကို ပွင့်လင်းမြင်သာမှုရှိရှိနဲ့ ပြန်စစ်ဆေးပေးပါ။ တရားမျှတမှုရှိအောင် လုပ်ပေးပါ။ ” ဟု ပြောဆိုထားသည်။

ယင်းအပြင် ကိုပါကြီးသည် လက်နက်ကိုင်များနှင့် တွေ့ရစဉ်ဟု တပ်မတော်က မူလထုတ်ပြန်ထားသည့် ဓါတ်ပုံသည် ၂၀၁၀ ပြည့်နှစ်အတွင်း အစိုးရစစ်တပ်နှင့် DKBA တပ်ဖွဲ့များတိုက်ပွဲဖြစ်ပွားခဲ့သောကြောင့် ထိုင်းမြန်မာနယ်စပ်သို့ ထွက်ပြေးလာသည့် စစ်ရှောင်ဒုက္ခသည်များကို ကူညီရန်သွားခဲ့သည့် အဖွဲ့နှင့် ကိုပါကြီးသည် သတင်းယူရန် လိုက်ပါခဲ့ခြင်းဖြစ်ကြောင်း အဆိုပါ ဓါတ်ပုံတွင်ပါဝင်သူ ဦးကိုကိုအောင်က ထုတ်ဖော်ပြောကြားထားသည်။

ထို့ပြင် မွန်၊ ကရင်ပြည်နယ်ရှိ သတင်းထောက်အချို့ကလည်း ကိုပါကြီးသည် အလွတ်သတင်းထောက်တစ်ဦး ဖြစ်ကြောင်း သက်သေခံနိုင်သည်ဟု မဇ္ဈိမကို ပြောဆိုဖူးသည်။

အလွတ်သတင်းထောက် ကိုပါကြီးကို စစ်တပ်မှ ဖမ်းဆီးပစ်သတ်ခဲ့သည့် လုပ်ရပ်နှင့် ပတ်သက်၍ အဖွဲ့အစည်းအသီးသီးက တပ်မတော်ကို ရှုတ်ချထားသည်။

ထို့ပြင် ကိုပါကြီးသေဆုံးမှုဖြစ်စဉ်အပေါ် မြန်မာနိုင်ငံအမျိုးသားလူ့အခွင့်အရေးကော်မရှင် ဥပဒေပါ ပြဌာန်းချက်များနှင့်အညီ စစ်ဆေးပြီး လူ့အခွင့်ရေးကိစ္စနှင့် စပ်လျဉ်းသည့် အထူးအစီရင်ခံစာကို နိုင်ငံတော်သမ္မတထံ အမြန်ဆုံး တင်ပြရန် ညွှန်ကြားထားကြောင်း နိုင်ငံတော် သမ္မတရုံးမှ အောက်တိုဘာ ၃၀ ရက်စွဲဖြင့် သတင်းထုတ်ပြန်လိုက်သည်။

မွန်ပြည်နယ် ကျိုက်မရောမြို့မ ရဲစခန်းမှလည်း ဇနီးဖြစ်သူ အမှုဖွင့်တိုင်ကြားချက်အရ ကိုပါကြီးအလောင်းကို ဆေးစစ်ချက်ယူနိုင်ရန် အထက်အဆင့်ဆင့်သို့ အလောင်းတူးဖော်ခွင့် တောင်းခံထားဆဲဟု ဒုရဲအုပ် သိန်းစန်း ၀င်းက အောက်တိုဘာ ၂၇ ရက်တွင် ပြောဆိုခဲ့သည်။

လက်ရှိအချိန်တွင် ကိုပါကြီးသေဆုံးမှုကို ပြန်စစ်ဆေးပေးရန် ပြည်တွင်းရှိ နိုင်ငံရေးအဖွဲ့အစည်းများဖြစ်သော ၈၈ မျိုးဆက်ကျောင်းသားခေါင်းဆောင်များနှင့် နိုင်ငံရေးတက်ကြွလှုပ်ရှားသည့် အဖွဲ့ပေါင်း ၄၀ ကျော်မှ တောင်းဆို နေကြသလို ရန်ကုန်အခြေစိုက် အမေရိကန်နှင့် ဗြိတိန် သံရုံးတို့ကလည်း မြန်မာအစိုးရအနေဖြင့် ပွင့်လင်းမြင် သာသည့် စုံစမ်းစစ်ဆေးမှု ပြုလုပ်ရန် တောင်းဆိုလိုက်သည်။

ကိုပါကြီးသေဆုံးမှု စုံစမ်းစစ်ဆေးရေး အစီရင်ခံစာ အမြန်တင်ရန် သမ္မတရုံး ညွှန်ကြား

DVB

ကိုပါကြီး သေဆုံးတဲ့ဖြစ်စဉ်ကို စုံစမ်းစစ်ဆေးပြီး အစီရင်ခံစာတစောင် အမြန်တင်ပေးဖို့ သမ္မတရုံးက မြန်မာနိုင်ငံအမျိုးသားလူ့အခွင့်အရေးကော်မရှင်ကို ညွှန်ကြားလိုက်ပါတယ်။

ကိုပါကြီး သေဆုံးပြီး ၁ လလောက်အကြာမှာ သမ္မတရုံး ညွှန်ကြားချက်ထွက်ပေါ်လာတာ ဖြစ်ပြီး ညွှန်ကြားချက်ထဲမှာ တပ်မတော်က သတင်းထုတ်ပြန်ထားတဲ့ ကေကေအို စောဆန်းအောင်အဖွဲ့မှ ပြန်ကြားရေးတာဝန်ခံ ဗိုလ်ကြီးအဆင့်ရှိ အောင်နိုင် သေဆုံးမှုနဲ့ ပတ်သက်ပြီး စုံစမ်းစစ်ဆေးဖို့ ဆိုပြီး ဖော်ပြပါရှိပါတယ်။

သမ္မတရုံးညွှန်ကြားချက်နဲ့ ပတ်သက်ပြီး မြန်မာနိုင်ငံအမျိုးသားလူ့အခွင့်အရေးကော်မရှင် ဥက္ကဋ္ဌ ဦးဝင်းမြက “အမြန်ဆုံး သွားရောက်စစ်ဆေးဖို့ လုပ်နေပါတယ်။ စုံစမ်းစစ်ဆေးတဲ့ အနေအထား၊ တွေ့မယ့်သူတွေပေါ်မှာ ဘယ်လောက်အချိန်ယူရမလဲဆိုတာပေါ် မူတည်တာပေါ့။ အတိအကျပြောလို့ မရပေမယ့် ပြောလိုတာကတော့ အမြန်ဆုံးလုပ်ဖို့ အစီအစဉ်ရှိပါတယ်။ ဒါက အင်မတန် ရှုပ်ထွေးတဲ့ကိစ္စ၊ ကျနော်တို့က တတ်နိုင်သမျှ အမှန်ဆုံးဖြစ်အောင် စုံစမ်းစစ်ဆေးမှာ ပါ” လို့ ပြောပါတယ်။

ပြည်တွင်းမှာ လူ့အခွင့်အရေး ပညာပေးလုပ်ဆောင်နေတဲ့ Equality Myanmar ရဲ့ ဒါရိုက်တာ ဦးအောင်မျိုးမင်းက ဒီအမှုမှာ တပ်မတော်က ပါဝင်ပတ်သက်နေတာမို့ တပ်ရဲ့ ပူးပေါင်းပါဝင်မှု ဘယ်လောက် ရှိမလဲ စောင့်ကြည့်ရမယ်လို့ ပြောပါတယ်။

“လူ့အခွင့်အရေးနဲ့ ပတ်သက်ရင် ပူးပေါင်းပါဝင်မှုနည်းတဲ့ အစိုးရဌာနတွေထဲမှာ စစ်တပ်က အမြဲတမ်း ထိပ်ဆုံးက ပါဝင်နေတာဆိုတော့ ဒါက ကျနော်တို့ ဆက်လက်စောင့်ကြည့်ရဖို့ လိုအပ်ပါတယ်။ တပ်ရဲ့ ပူးပေါင်းပါဝင်မှု မရှိဘူးဆိုရင်တော့ ကော်မရှင်လည်း လုံးဝ လုပ်နိုင်မှာ မဟုတ်ပါဘူး။ ကော်မရှင်မှာ လုပ်ပိုင်ခွင့်ကို ဥပဒေအရ ပေးထားတယ်။ ဒါပေမယ့် လုပ်တဲ့အခါ ဘယ်လောက်အထိ ပူးပေါင်းပါဝင်မှု ရှိမလဲ။ စုံစမ်းစစ်ဆေးတဲ့ ကော်မရှင်ရဲ့ ကျွမ်းကျင်မှုနဲ့ အမှန်တရား မြတ်နိုးမှုပေါ်လည်း အခြေတည်နေတာ တွေ့ရပါတယ်။”

အာရှ လူ့အခွင့်အရေးကော်မရှင်က ရှေ့နေ ဦးမင်းလွင်ဦးကတော့ ဥပဒေနားလည်ကျွမ်းကျင်တဲ့ သီးခြား လွတ်လပ်တဲ့အဖွဲ့တဖွဲ့ ဖွဲ့ပြီး စုံစမ်းစစ်ဆေး ဖော်ထုတ်သင့်တယ်လို့ ပြောပါတယ်။

“ကိုပါကြီးအမှု တကယ်တမ်းအဖြစ်မှန် ပေါ်ပေါက်ရေးအတွက်ကို အလေးအနက်ထား ဆောင်ရွက်မယ်ဆိုရင် ဥပဒေပိုင်း အထူးကျွမ်းကျင်တဲ့သူတွေ၊ ပြစ်မှုဆိုင်ရာ ကျင့်ထုံးဥပဒေနဲ့အညီ ဆောင်ရွက်ပေးနိုင်ဖို့အတွက် လမ်းညွှန်ပေးနိုင်တဲ့သူတွေ၊ သက်သေခံဥပဒေအတိုင်း သက်သေခံ အထောက်အထားတွေ မပျောက်ပျက်နိုင်ဖို့အတွက် ကျွမ်းကျင်တဲ့ ဥပဒေပညာရှင်တွေ တရားသူကြီးဟောင်းတွေ ဥပဒေ၀န်ထမ်းဟောင်းတွေ ပါဝင်တဲ့ မြန်မာနိုင်ငံ လူ့အခွင့်အရေးကော်မရှင်ကသူတွေ မပါဝင်တဲ့ အဖွဲ့ဖွဲ့စည်းပေးပြီးတော့ အစီရင်ခံစာ တင်ခိုင်းတာက ပိုကောင်းမယ်လို့ မြင်ပါတယ်။”

သုံးရောင်ခြယ် အဖွဲ့ဝင်ဟောင်းဖြစ်တဲ့ အလွတ်သတင်းထောက် ကိုပါကြီးဟာ ပြီးခဲ့တဲ့ စက်တင်ဘာလကုန်ပိုင်းက ဒီကေဘီအေနဲ့ အစိုးရစစ်တပ် တိုက်ပွဲသတင်းလိုက်ပြီး အပြန် စစ်တပ်က ဖမ်းဆီးခေါ်ဆောင်သွားရာမှာ အစောင့်ရဲ့ သေနတ်ကို လုယူထွက်ပြေးတဲ့အတွက် ပစ်ခတ်ဖမ်းဆီးခဲ့ရပြီး သေဆုံးခဲ့တယ်လို့ မြန်မာ့တပ်မတော်က အောက်တိုဘာ ၂၃ ရက်စွဲနဲ့ သတင်းထုတ်ပြန်ခဲ့ပါတယ်။

ယနေ့ မြန်မာ့ရေးရာသတင်းများ November,1st,2014

( 40 )ဘားအံမြို့တွင် လယ်မြေပြန်ရရေး ဆန္ဒပြသူ ၁၀ ဦးကို စီရင်ချက်ချ

( 39 )Suu Kyi disappointed by quadripartite meeting

( 38 )မြန်မာသမ္မတ နဲ့ ဒေါ်စုကို သမ္မတ အိုဘားမား ဆက်သွယ် စကားပြော

( 37 )F&N loses Myanmar beer case

( 36 )စွပ်စွဲခံ မြန်မာလူငယ် ၂ ဦး သံခြေချင်းခတ်ဘ၀က လွတ်မြောက်

( 35 )Meeting of Burma’s Big Political Players Yields Little

( 34 )အလွတ်သတင်းထောက် ကိုပါကြီးအမှု စုံစမ်းတင်ပြဖို့ သမ္မတ ညွှန်ကြား

( 33 )Lawyers to Sue Over Privatization of Historic Building

( 32 )သမ္မတအိမ်တော် တွေ့ဆုံပွဲအခြေအနေ မေးမြန်းချက်

( 31 )WFP cuts aid to Meikhtila IDPs

( 30 )ကိုပါကြီး သတ်ဖြတ်ခံရမှု တာဝန်ယူဖော်ထုတ်ရေး မြန်မာ အစိုးရကို RSF တိုက်တွန်း

( 29 )Myanmar president opens unprecedented multi-lateral talks

( 28 )ဇီဝိတဒါန သံဃာ့ဆေးရုံကြီးတွင် ဆရာဝန်များနှင့်ရန်ပုံငွေ လိုအပ်

( 27 )Aung San Suu Kyi meets with Burma's president in milestone talks

( 26 )WFP ရံပုံငွေပြဿနာ မြန်မာ ဒုက္ခသည်တွေ ထိခိုက်

( 25 )Obama Urges Progress in Burma Ahead of Rare Roundtable

( 24 )ဦးပါကြီး သေဆုံးမှု အထူးအစီရင်ခံစာ တင်ပြရန် သမ္မတရုံး ညွှန်ကြား

( 23 )Investors invited for privatization of domestic airports

( 22 )မြေယာမူဝါဒ မူကြမ်း TNI အဖွဲ့ ဝေဖန်

( 21 )Rights group to probe death of journalist Ko Par Gyi

( 20 )ထိုင်း-မြန်မာ နယ်စပ်ဂိတ်တွင် ခွင့်ပြုချက်မရဘဲ သယ်သည့် ထိုင်းဘတ်ငွေ ၂ သန်း ဖမ်းမိ

( 19 )Myanmar leader in talks with Suu Kyi

( 18 )သမ္မတ ဦးသိန်းစိန် နဲ့ ဒေါ်အောင်ဆန်းစုကြည် တို့ကို အမေရိကန်သမ္မတ ဖုန်းဆက်ပြောဆို

( 17 )Ooredoo promotes women empowerment in Myanmar

( 16 )ကော်သူးလေတပ်မတော် ဖွဲ့စည်းရတဲ့အပေါ် မေးမြန်းချက်

( 15 )Slain reporter’s widow calls for inquiry

( 14 )မဂျာဆိုင်းအိန် သေနတ် မှန်သေဆုံးမှု ဖော်ထုတ်ပေးဖို့ ဖခင်တောင်းဆို

( 13 )Obama calls for 'inclusive' vote process in Myanmar

( 12 )ငွေချေးသက်သေခံ လက်မှတ်လုပ်ငန်း ဈေးကွက် ကူးပြောင်းကာလအဖြစ် ၂၀၂၀ မတ်လအထိ သတ်မှတ်

( 11 )‘We Must Push for an Investigation, but I Can’t Do It Alone’

( 10 )ချိန်ခါမဟုတ် မိုးကြီးနိုင်ကြောင်း ဒေါက်တာ ထွန်းလွင် သတိပေး

( 9 )Obama speaks to Myanmar's political leaders

( 8 )လွှတ်တော်အရပ်ရပ် ၁၀ ရက်ကြာ ရပ်နားပြီ

( 7 )Thousands in Mandalay Rally for Faith Laws

( 6 )သိမ်းဆည်းလယ်မြေ ပြန်ရရှိရေး ဆန္ဒပြသူ ၄ ဦးကို ထောင် ဒဏ်တွေ ချမှတ်

( 5 )Concerns Grow Over Severe Slump in Rice Prices

( 4 )မတ္ထီလာ ဒုက္ခသည်များကို အရေးပေါ် ထောက်ပံ့ကြရန် ကုလပြော

( 3 )Myanmar may change some parts of Rakhine State Action Plan

( 2 )ကိုထင်ကျော်ကို နောက် ထပ် ထောင်ဒဏ်၂ နှစ် ချမှတ်

( 1 )Suu Kyi to Hold Constitutional Reform Rally in Karenni State