ပုသိမ်မြို့နယ်၊ ချောင်းသာကမ်းခြေ ရဲစခန်းမှ စခန်းမှူး ရဲအုပ် အုန်းကျော်နှင့် ရဲအရာရှိ ၂ ဦးကို ရိုက်နှက်မှုဖြင့် ဖမ်းဆီး ထိမ်းသိမ်းခံနေရသူများအား အောက်တိုဘာလ ၂၉ ရက်နေ့တွင် ပုသိမ်မြို့နယ်တရားရုံး၌ ဒုတိယ အကြိမ် ရုံးထုတ်စစ်ဆေးသွားမည် ဖြစ်ကြောင်း သတင်းရရှိသည်။
ရွှေသောင်ယံမြို့နယ်ခွဲ၊ သဲကုန်းကျေးရွာ အုပ်ချုပ်ရေးမှုးရုံးမှ စာရေးနှင့် သူငယ်ချင်း ၃ ဦးတို့သည် အောက်တိုဘာလ ၁၄ ရက်နေ့ ညပိုင်းက ချောင်းသာကမ်းခြေရှိ Galaxy KTV ၌ သီချင်းဆိုနေကြစဉ် မိုက်မကောင်းသဖြင့် အချင်းများနေရာ ဆိုင်မန်နေဂျာက တိုင်ကြားသဖြင့် စခန်းမှူး ရဲအုပ် အုန်းကျော်နှင့်အဖွဲ့က လာရောက် တားဆီးသည်ကို ၎င်းတို့ ၄ ဦးက ပြန်လည် ရိုက်နှက်ခဲ့ကြောင်း ချောင်းသာရဲစခန်းထံမှ သိရသည်။
ထို့ကြောင့် ရဲအရာရှိများကို ပြန်လည်ရိုက်နှက်သည့် စွပ်စွဲချက်ဖြင့် ဖြိုးဇင်ထွန်း၊ ရဲလင်းအောင်၊ ဘိုဘိုစံနှင့် အောင်မိုးတို့ ၄ ဦးအား ချောင်းသာရဲစခန်းတွင် ပြစ်မှုအမှတ် ၆၉/၂၀၁၅၊ ပုဒ်မ ၃၃၂ (ပြည်သူ့ဝန်ထမ်းကို သာမာန်နာကျင်စေမှု)၊ ပုဒ်မ ၃၃၃ (ပြည်သူ့ဝန်ထမ်းကို အပြင်းအထန် နာကျင်စေမှု)၊ ပုဒ်မ ၂၉၄ (ညစ်ညမ်းစွာ ဆဲဆိုမှု) နှင့် ပုဒ်မ ၅၀၆ (ခြိမ်းခြောက်မှု) တို့ဖြင့် အမှုဖွင့် အရေးယူခဲ့ကြောင်း သိရသည်။
“သူတို့အချင်းချင်း စကားများရင်းနဲ့ ထိမ်းမရဖြစ်နေလို့ ကေတီဗီက လှမ်းဖုန်းဆက်တော့ ည ၁၀ နာရီခွဲလောက် ဖြစ်သွားပြီ။ အဲဒါနဲ့ နယ်ထိန်းခေါင်းဆောင်က သွားထိမ်းတာကို သူတို့က ခြေထောက်နဲ့ ကန်လွှတ်လိုက်တယ်။ နောက်တော့ စခန်းမှူးကပါ ၀င်လိုက်သွားပြီးတော့ ထိမ်းသိမ်းဖို့ လုပ်တာကို ၀ိုင်းထိုးကြပြီးတော့ ကျင်စက်တုတ် တွေပါလုပြီး ပြန်ရိုက်တာ” ဟု ချောင်းသာရဲစခန်းမှ အမည်မဖော်လိုသူ ရဲတပ်ဖွဲ့ဝင်တဦးက ဧရာဝတီကို ပြောသည်။
အဆိုပါ လူငယ် ၄ ဦး၏ ရိုက်နှက်မှုကြောင့် ချောင်းသာစခန်းမှူး ရဲအုပ်အုန်းကျော်မှာ လက်အရိုးကွဲဒဏ်ရာ၊ နယ်ထိန်းခေါင်းဆောင် ဒု ရဲအုပ် ဖုန်းထက်အာကာအောင်နှင့် အမှုစစ်အရာရှိ ဒု ရဲအုပ် ၀ဏ္ဏအောင်တို့မှာ ၀မ်းဗိုက်တွင် ဒဏ်ရာများ အသီးသီးရရှိခဲ့သည့်အတွက် ချောင်းသာဆေးရုံသို့ တင်ပို့၍ ဆေးကုသမှု ခံယူခဲ့ရသည်။
တရားခံအဖြစ် စွပ်စွဲခံနေရသည့် ဖြိုးဇင်ထွန်း အပါအ၀င် လူ ၄ ဦးအား အခင်းဖြစ်နေ့မှာပင် ဖမ်းဆီးပြီးနောက် တရားရုံးရမာန်ယူ၍ ပုသိမ်မြို့မရဲစခန်းတွင် ဖမ်းဆီးထိမ်းသိမ်းထားကြောင်း သိရသည်။
ပြီးခဲ့သည့် စက်တင်ဘာလ အတွင်းကလည်း ရန်ကုန်တိုင်း၊ သန်လျင်မြို့နယ်တွင် ထွက်ပြေးတိမ်းရှောင်နေသည့် လူသတ်တရားခံပြေး တင်မြင့်ဆိုသူကို သွားရောက်ဖမ်းဆီးခဲ့သော သန်လျင်မြို့မရဲစခန်းမှ နယ်ထိန်းအရာရှိ ရဲအုပ် အောင်နိုင်နှင့် အဖွဲ့အား တရားခံတင်မြင့်မှ ဓားဖြင့်ပြန်လည် ထိုးနှက်ခဲ့ရာ ရဲအုပ်အောင်နိုင်နှင့် နယ်ထိန်းတပ်ကြပ် သူရလွင်တို့ နေရာတွင်ပင် သေဆုံးခဲ့သည့်ဖြစ်ရပ် ဖြစ်ပွားခဲ့သည်။
No comments:
Post a Comment