ရခိုင်ပြည်နယ် အတွင်း ရွေးကောက်ပွဲ နီးလာသည်နှင့် အမျှ ပါတီဆိုင်းဘုတ်များအား ဖျက်ဆီးမှုများလည်း တိုးပွားလာနေသည်ဟု သိရသည်။
ရခိုင်ပြည်နယ်မြို့တော် စစ်တွေမြို့ပေါ်တွင် ရခိုင်မျိုးချစ်ပါတီ (APP) ဆိုင်းဘုတ်တစ်ခု စက်တင်ဘာလ ၂၄ ရက်နေ့ နံနက်ပိုင်းက ဖျက်ဆီးခံလိုက်ရသလို စက်တင်ဘာ၂၂ရက်နေ့ကလည်း ရခိုင်အမျိုးသားပါတီ (ANP) ဆိုင်းဘုတ် တစ်ခု အမ်းမြို့နယ်တွင် ဖျက်ဆီးခံခဲ့ရသည်ဟု သတင်းရရှိသည်။
ရခိုင်မျိုးချစ်ပါတီ စစ်တွေရုံးတာဝန်ခံ ဦးခင်မောင်ထွန်းက “ကျွန်တော် စက်တင်ဘာလ ၂၄ ရက်နေ့ နံနက်ပိုင်း ၈ နာရီခွဲလောက်မှာ ဖြတ်သွားတော့ အဲ့ဒီဆိုင်းဘုတ်က အကောင်းသား ရှိနေခဲ့တာကို သတိပြုမိခဲ့ပါတယ်။ မွန်းတည့် ၁၂ ရီလောက်မှာတော့ ပျက်စီးနေတာကို တွေ့ခဲ့ရပါတယ်”ဟု ပြောသည်။
ဖျက်ဆီးခံရသော ရခိုင်မျိုးချစ်ပါတီ၏ ဆိုင်းဘုတ်သည် စစ်တွေမြို့ အထွေထွေရောဂါကု ဆေးရုံကြီးနှင့် မြို့လယ် နာရီစင်အသစ် အကြားတွင်တည်ရှိပြီး၊ ဆိုင်းဘုတ်ဖျက်ဆီးခံရမှုနှင့်ပတ်သက်၍ စစ်တွေမြို့ အမှတ် (၁) ရဲစခန်းတွင် စာရေးသားတိုင်ကြားထားကာ မိတ္တူကို မြို့နယ်ရွေးကောက်ပွဲကော်မရှင်နှင့် စည်ပင်သာယာရေးသို့ ပေးပို့ထားသည်ဟု ဦးခင်မောင်ထွန်းက ဆိုသည်။
အမ်းမြို့နယ် ဒလက်အုပ်စု၊ အနောက်ရွာတွင် ရခိုင်အမျိုးသားပါတီ ဆိုင်းဘုတ်ဖျက်ဆီးခံရခြင်းနှင့် ပတ်သက်ပြီး ပါတီ၏ အမ်းမြို့နယ် တွဲဘက် အတွင်းရေးမှူး ဦးဇော်မင်း က ယခုလို ပြောသည်။
“ ပါတီဆိုင်းဘုတ်အဖျက်ခံရတာဟုတ်ပါတယ်။ ပါတီဆိုင်းဘုတ်အဖျက်ခံရတာနဲ့ ပတ်သက်ပြီးတော့ စက်တင်ဘာ ၂၃ရက်နေ့မှာ ကျေးရွာပါတီက အနောက်ရွာရဲစခန်းမှာ တိုင်တန်းထားပါတယ်” ဟု ပြောသည်။
ယခုနှစ် ဖေဖော်ဝါရီလတုန်းကလည်း အမ်းမြို့နယ် မွှားအုပ်စု၊ ပဒဲကြောကျေးရွာတွင် ရခိုင်အမျိုးသားပါတီ ဆိုင်းဘုတ်နှင့် ချင်းအမျိုးသားဒီမိုကရေစီအဖွဲ့ချုပ် ဆိုင်းဘုတ် တစ်ညတည်းတွင် ဖျက်ဆီးခံရဖူးကြောင်း သိရသည်။
စက်တင်ဘာ၂၃ ရက်နေ့ကလည်း ဒလက်အုပ်စု၊ အနောက်ရွာ၌ ချင်းဒီမိုကရေစီအ ဖွဲ့ချုပ် ပါတီ ဆိုင်းဘုတ်ကို ဖြုတ်ချရန် လူတစ်စုက ဖိအားပေးမှုများရှိသည်ဟု ၎င်းကျေးရွာသားတွေက ဖုန်းဆက်၍ ပြောဆိုကြောင်း ဦးဇော်မင်း ကပြောသည်။
No comments:
Post a Comment