တို့ပြည်တို့မြေ (ပုသိမ်မြို့အနီးတ၀ိုက်)

Galaxy Core Prime ကို အွန်လိုင်း၌ ရောင်းမည်

Mizzima

Verizon က ဆမ်ဆောင်းထုတ်ကုန်ဖြစ်သည့် Galaxy Core Prime စမတ်ဖုန်းကို ဖေဖော်ဝါရီ ၂၆ ရက်တွင် အွန်လိုင်း၌ ရောင်းချမည်ဟု CNET သတင်းတွင် ဖော်ပြထားသည်။

ယင်းစမတ်ဖုန်းတွင် Android OS ဗားရှင်း 4.4.4 KitKat ကို အသုံးပြုထားပြီး အရွယ် အစား ၄ ဒသမ ၅ လက်မရှိမည်ဟု CNET က ဖော်ပြထားသည်။

Quad-core 1.2 GHz Cortex-A53 CPU ကို အသုံးထားပြီး ဖုန်းအတွင်း သိုမှီးနိုင်မှုပမာဏ 8GB ရှိမည် ဖြစ်သည်။

ကင်မရာအရည်အသွေး 5MP ထည့် သွင်းထားပြီး ရှေ့ကင်မရာ 2MP ပါဝင်မည်ဟု CNET က ဆိုသည်။

ဖုန်းအတွင်းသိုမှီးနိုင်မှုကို 64GB အထိမြှင့်တင်အသုံးပြုနိုင်မည်ဖြစ်သည်။Li-Ion 2000 mAh ဘက်ထရီကို အသုံးပြုထားသည်။ မျက်နှာပြင်အရည်အသွေးသည် 480 x 800 pixels ရှိမည်ဖြစ်ပြီး ပုံရိပ်သိပ်သည်းဆ 207ppi ရှိမည်ဖြစ်သည်။ ဆမ်ဆောင်းက ၂ဝ၁၅ ခုနှစ်အတွင်း Galaxy A စီးရီးစမတ်ဖုန်းများကိုလည်း မိတ်ဆက်ခဲ့ သေးသည်။

မလေးရှားဆီအုန်းကုမ္ပဏီ MSPP လုပ်ကွက် ဆက်လက် မတိုးချဲ့ရန် ဒေသခံများ လိုလား

သစ်နေမိုး

မြိတ်ခရိုင် တနင်္သာရီမြို့နယ်အတွင်းရှိ မလေးရှားနိုင်ငံပိုင် ဆီအုန်းကုမ္ပဏီဖြစ်သော MSPP ကုမ္ပဏီ၏ ဆီအုန်းစိုက်ခင်းများ အတွက် လုပ်ကွက် တိုးချဲ့ခုတ်ထွင် ရှင်းလင်းနေခြင်းကို ဆက်လက် မလုပ်ဆောင်စေလိုကြောင်း ဒေသခံများက ပြောသည်။

ကုမ္ပဏီ၏ ဆီအုန်း စိုက်ခင်းဧရိယာ တိုးချဲ့ လုပ်ကိုင်လာသည့် ဖြစ်စဉ်တွင် ဒေသခံများ လုပ်ကိုင် စားသောက်နေသည့် ဥယျာဉ်ခြံမြေ ဧရိယာများ ပါဝင်မှု ရှိလာကြောင်းနှင့် ရေရှည်တွင် ၎င်းတို့ လုပ်ကုိုင်စားသောက်ရန် အခက်တွေ့လာမည်ကို စိုးရိမ်ကြောင်း ၎င်းတို့က ပြောသည်။

ကုမ္ပဏီလုပ်ကွက် ဧရိယာနှင့် ဆက်နွှယ်နေသော ကျေးရွာများ၏ ဦးဆောင်သူတဦးဖြစ်သည့် ဦးအေးထွန်းက “လုပ်ငန်းကို ဆက်မလုပ်ဖို့ တောင်းဆိုချင်တယ်။ လက်ရှိအတိုင်းပဲ ထားစေချင်တယ်။ အစိုးရကချပေးတဲ့ ဧရိယာအတိုင်း လုပ်မယ်ဆိုရင် ဘာမှကျန်မှာ မဟုတ်တော့ဘူး။ အခုရှင်းထားသလောက်နဲ့ပဲ ရပ်စေချင်တယ်” ဟု ပြောသည်။

ကုမ္ပဏီ၏ လက်ရှိလုပ်ကိုင်နေသော ဧရိယာတွင် ဘောစနွင်းရွာ ၁ ရွာတည်းသာ ပါဝင်နေသော်လည်း တခြား ရွာများဖြစ်သည့် သိမ်ပြင်၊ ပိန်းချောင်း၊ ပျဉ်းကတိုး၊ က၀က်၊ သာရဘွင်၊ စွယ်ချောင်း၊ ကော့မပြင်း စသော ကျေးရွာများမှ လုပ်ကိုင်နေကြသည့် ဥယျာဉ်ခြံ၊ သီးပင်စားပင်မြေများ ပါဝင်နေကြောင်း အဆိုပါဒေသခံများက ပြောသည်။

ဒေသခံ ဘောစနွင်း ရွာသားတဦးဖြစ်သူ ဦးမြင့်နိုင်က “ကုမ္ပဏီဝင်လာကတည်းက ရွာသားတွေကို ဆွေးနွေးတာ မရှိဘူး။ လုပ်ကွက်ဧရိယာမှာ ဘောစနွင်းတရွာတည်း ပါနေတယ်ဆိုပေမယ့် တခြားရွာတွေက ဥယျာဉ်ခြံမြေတွေ ပါသွားတာ” ဟု ပြောသည်။

သို့သော် ရွာသားများအနေဖြင့် ဥယျာဉ်ခြံမြေများ ပါဝင်သွားသည် ကိစ္စနှင့် ပတ်သက်၍ စာရင်းဇယားနှင့် လာရောက် တင်ပြပြီး ကုမ္ပဏီဘက်သို့ ညှိနှိုင်းမှုများ ယနေ့အချိန်အထိ မရှိသေးကြောင်း၊ လာရောက်ညှိနှိုင်း ဆွေးနွေးမှုများ ရှိလာပါက ကုမ္ပဏီဘက်မှ ပြေလည်အောင် ဖြေရှင်းပေးသွားရန် အသင့် ရှိကြောင်း MSPP ကုမ္ပဏီ မန်နေဂျာ ဦးအောင်မင်းသူက ပြောသည်။

၎င်းက “သူတို့ဘက်နေပြီး ကျနော့်ဧကဟာ ဘယ်နှဧက ရှိပါတယ်။ ဒါကို ချန်လှပ်ပေးပါပေါ့။ ဒါမှမဟုတ် ဒီဧရိယာကို ကျနော်တို့ မလုပ်လိုတော့ဘူး၊ ကုမ္ပဏီကို လွှဲပြောင်းပေးလိုက်မယ်။ ဒါကိုဘယ်လို ညှိနှိုင်းမလဲပေါ့။ အဲဒီလို ကမ်းလှမ်းမှု လုပ်တဲ့စာ ကျနော့်ဆီ တစောင်မှ မရောက်သေးဘူး” ဟု ပြောသည်။

ယင်းသို့ ကမ်းလှမ်း ဆွေးနွေးမှုများအတွက် ကုမ္ပဏီဘက်မှ အဆင်သင့်ရှိနေကြောင်း၊ ၎င်းတို့ စီမံကိန်းအနေဖြင့်လည်း ဒေသခံများနှင့်ပိုမို အဆင်ပြေမှသာ လုပ်သား လိုအပ်ချက်မှအစ ရေရှည် လုပ်ဆောင်မှုအတွက်ပါ အကျိုးရှိမည်ဖြစ်ကြောင်း ၎င်းက ပြောသည်။

ဦးအောင်မင်းသူက “သူတို့အနေနဲ့ ကျနော်တို့ အခုလက်ရှိ စိုက်နေတဲ့ နေရာမှာရော၊ တခြား ကျန်နေတဲ့ နေရာမှာရော သူတို့ရဲ့ ဥယျာဉ်ခြံမြေ ရှိပါတယ်လို့ တရားဝင် ကျနော်တို့ဆီ စာပို့မယ်ဆို ကျနော်တို့က သူတို့နဲ့ ညှိနှိုင်းဖို့ အသင့်ရှိတယ်။ ကျနော်တို့ လုံးဝ မထိဘူး၊ ကျနော်တို့ ဧက သောင်းချီလုပ်တဲ့နေရာမှာ ဧက ၁ ထောင် ၂ထောင်လောက် ရွာအတွက် ချန်ပေးရတာ ကျနော်တို့ ဘာအခက်အခဲ ဖြစ်မှာလဲ။ ဘာမှ အခက်အခဲမရှိဘူး။ နောက်တနည်း ပြောမယ်ဆိုရင် အလုပ်သမားတောင်ရဦးမှာ” ဟု ပြောသည်။

MSPP ကုမ္ပဏီသည် မလေး-မြန်မာ ဖက်စပ်လုပ်ကိုင်နေသည့် ဆီအုန်းကုမ္ပဏီတခုဖြစ်ပြီး မလေးနိုင်ငံဘက်မှ ၉၅ ရာခိုင်နှုန်း မြန်မာအစိုးရဘက်မှ ၅ ရာခိုင်နှုန်းပါဝင်က ရင်းနှီးမြှုပ်နှံမှုအတွက် သဘောတူလုပ်ကိုင်နေသည့် လုပ်ငန်းဖြစ်သည်။

မြန်မာနိုင်ငံ ရင်းနှီးမြှုပ်နှံမှု ကော်မရှင် (MIC) ခွင့်ပြုချက်ဖြင့် မြေဧက ၃၈၀၀ အပေါ်တွင် ဆီအုန်းစိုက်ခင်းနှင့် ဆီးကြမ်းစက်ရုံ တည်ဆောက်ရန် ၂၀၁၁ တွင် စတင်ဝင်ရောက် လုပ်ကိုင်ခဲ့ခြင်းဖြစ်ပြီး ရင်းနှီးမြှုပ်နှံမှုတန်ဖိုး အမေရိကန်ဒေါ်လာ ၃၆ သန်းရှိ စီမံကိန်းဖြစ်ကာ လက်ရှိတွင် ဒေါ်လာ ၁၂ သန်းခွဲခန့် မြှုပ်နှံပြီး ဖြစ်ကြောင်း ကုမ္ပဏီဘက်မှ အချက်အလက်များအရ သိရသည်။ လက်ရှိအချိန်တွင် ကုမ္ပဏီအနေဖြင့် ဆီအုန်းစိုက်ခင်းဧက ၂၂၂၁ ဧက စိုက်ပျိုးပြီးဖြစ်ပြီး ဆက်လက် ချဲ့ထွင်ရန်အတွက် တောခုတ်ရှင်းလင်းခြင်းကို လုပ်ဆောင်နေသည့် အခြေအနေ ဖြစ်သည်။

MSPP ဆီအုန်းကုမ္ပဏီ အနေဖြင့် ၎င်းတို့ လက်ရှိ လုပ်ပိုင်ခွင့် ရရှိထားသော ဧက ၃၈၀၀ ကို ဆက်လက် လုပ်ကိုင်နေပြီး ထပ်မံတိုးချဲ့ လုပ်ကိုင်ရန်အတွက် ဧက ၄၂၀၀ ကို မြန်မာနိုင်ငံ ရင်းနှီးမြှုပ်နှံမှု ကော်မရှင်သို့ ခွင့်ပြုမိန့်တောင်းခံထားပြီး ဖြစ်ကြောင်း သိရသည်။

လက်ရှိ MSPP ကုမ္ပဏီနှင့် မြေယာပြသနာ ဖြစ်ပွားနေသော ဒေသခံ ကျေးရွာများမှာ ယခင် တိုင်းရင်းသား လက်နက်ကိုင်များနှင့် အစိုးရစစ်တပ်တို့ ပဋိပက္ခဖြစ်ပွားရာ နယ်မြေများဖြစ်သဖြင့် စစ်ဘေးရှောင် ဒုက္ခသည်များနည်းတူ ရွာပစ်၊ အိမ်ပစ် ပုန်းရှောင်လေ့ရှိကြသည့် နေရာများ ဖြစ်သည်။

ထို့အတူ ၎င်းတို့ ဒေသခံ တိုင်းရင်းသားများ၏ မြေယာပိုင်ဆိုင်မှုနှင့် ပတ်သတ်သည့် ယူဆမှုမှာ ကိုယ်တိုင် ခုတ်ယူ ရှင်းလင်းထားသည့် တောင်ယာသည် ကိုယ့်မြေဖြစ်ပြီး ကိုယ့်မျိုးဆက်အတွက် ပိုင်ဆိုင်သည့် မြေသာဖြစ်သည်ဟု ယူဆကြကြောင်း ဒေသခံတိုင်းရင်းသားတို့က ပြောသည်။

ယင်းသို့သော အခြေအနေများတွင် တိုင်းရင်းသားများ၏ ရိုးရာ ဓလေ့ထုံးတမ်းစဉ်လာအရ မြေအသုံးချမှုနှင့် ပတ်သက်၍ အကာအကွယ်ပေးမည့် အချက်များ အမျိုးသား မြေယာမူဝါဒတွင် ပါရှိရန် လိုအပ်နေပြီဖြစ်သည်ဟု ဖွံ့ဖြိုးရေးကွန်ရက်နှင့် တိုင်းရင်းသားများ ရိုးယာဓလေ့ မြေယာကာကွယ်ရေးကော်မတီ အဖွဲ့ဝင်များ စုစည်း၍ ထုတ်ပြန်ချက်များ ထွက်ရှိခဲ့ဖူးသည်။

မြန်မာနိုင်ငံ၏ လက်ရှိထွက်ပေါ်ပြီးဖြစ်သော အမျိုးသားမြေယာအသုံးချမှု မူဝါဒမူကြမ်းတွင် ယင်းကဲ့သို့သော အချက်များ မပါရှိသကဲ့သို့ စစ်ဘေးရှောင် ဒုက္ခသည်များ နေရပ်ပြန်လည် ရောက်ရှိသည့်အခါ နေထိုင်နိုင်ရန် နေရာအတွက် ထည့်သွင်း စဉ်းစားထားသည့် မူများလည်း မပါရှိသည့်အတွက် အရပ်ဘက် အဖွဲ့အစည်းများနှင့် တိုင်းရင်းသားအဖွဲ့အစည်းများက ကန့်ကွက်ခဲ့ကြသည်။

စစ်ဘေးရှောင် ဒုက္ခသည်များကို မြန်မာနိုင်ငံ ကြက်ခြေနီမှ ကူညီ

ဖရဲသီးများအောက်တွင် ၀ှက်ယူလာသည့် တမလန်းသစ်လုံးများကို မူဆယ်လမ်းကြောင်းတွင် ဖမ်းဆီးရမိ

သီဟကိုကို

ဖရဲသီများအောက်တွင် သိုဝှက်သယ်ဆောင်လာသည့် တမလန်းသစ်အမျိုးအစားဟု ယူဆရသည့် သစ်လုံးတင်မော်တော်ယာဉ်များကို ဖမ်းဆီးရမိခဲ့သည်ဟု တရားမဝင်ကုန်သွယ်မှု တားဆီးထိန်းချုပ်ရေးအဖွဲ့မှ ထုတ်ပြန်ခဲ့သည်။

ဖေဖော်ဝါရီ ၁၇ ရက်၌ နောင်ချိုအခြေပြု တရားမဝင်ကုန်သွယ်မှု တားဆီးထိန်းချုပ်ရေး ရွေ့လျားအဖွဲ့ (Mobile Team) မှ မန္တလေး-မူဆယ် လမ်းကြောင်းတွင် ဖရဲသီးများတင်ဆောင်လာသည့် Nissan Diesel ၁ဝ ဘီးယာဉ်ကို စစ်ဆေးစဉ် ဖရဲသီးများအောက်တွင် သိုဝှက်သယ်ဆောင်လာသည့် တမလန်းသစ်ဟု ယူဆရသည့် သစ်လုံးများကို တွေ့ရှိခဲ့ခြင်းဖြစ်သည်။

အဆိုပါဖရဲသီးများအောက်တွင် တမ လန်းသစ်များ သိုဝှက်သယ်ဆောင်လာသည့် မော်တော်ယာဉ်ကို အသေးစိတ်စစ်ဆေးစဉ် မော်တော်ယာဉ်မောင်းမှာ ထွက်ပြေးတိမ်း ရှောင်သွားခဲ့သည်ဟု ဆိုသည်။

ဖေဖော်ဝါရီ ၁၇ ရက်တွင်ပင် မန္တလေး- မူဆယ်လမ်းကြောင်း၌ ဖရဲသီးများ တင်ဆောင်လာသည့် Nissan Diesel ခြောက်ဘီးယာဉ်ကို ရပ်တန့်စစ်ဆေးစဉ်တွင် တမလန်း ဟုယူဆရသည့် သစ်လုံးများကို စစ်ဆေး တွေ့ရှိခဲ့သေးသည်။

တစ်ဖက်နိုင်ငံသို့ တင်ပို့မည့် ဖရဲသီးများအောက်တွင် သိုဝှက်သယ်ဆောင်လာသည့် တမလန်းသစ်ဟု ယူဆရသည့် သစ်လုံးများတင်ဆောင်လာသည့် ယာဉ်များကို သိမ်းဆည်းထားပြီး အကောက်ခွန်အမှုတွဲ ဖွင့်လှစ်ကာ မြို့နယ်သစ်တောဦးစီးဌာနနှင့် အကောက်ခွန်ဦးစီးဌာနတို့ကို အပ်နှံသွားမည်ဖြစ်သည်။

ဇန်နဝါရီလတွင်လည်း မူဆယ် ၁ဝ၅ မိုင် ကုန်သွယ်ရေးစခန်းရှိ Mobile Team မှ ပြည်ထောင်စုလမ်းမကြီး အေးရှားဝေါလ် တိုးဂိတ်အနီးတွင် မသင်္ကာဖွယ် မှန်လုံယာဉ်တစ်စီးကို စစ်ဆေးရာ တရားမဝင်သယ် ဆောင်လာသည့် ကျွန်းခွဲသား၊ ပိတောက်ခွဲသားများကို ဖမ်းဆီးရမိခဲ့သည်။

KNLA နှင့် BGF အပြန်အလှန် ပစ်ခတ်မှုကြောင့် တစ်ဦးသေ ၊ နှစ်ဦးဒဏ်ရာရ

စဖန်းရှောင်း

ကရင်အမျိုးသားအစည်းအရုံး(KNU) လက်အောက်ခံ ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၆)နှင့် ကရင်ပြည်နယ် နယ်ခြားစောင့်တပ်(BGF) အမှတ်(၁၀၂၂) တပ်ရင်းမှ တပ်သားအချို့ ယမန်နေ့ညက ပစ်ခတ်မှုဖြစ်ပွားပြီး KNLA ဘက်မှ တစ်ဦးသေ၊ တစ်ဦးဒဏ်ရာနှင့် BGF မှ တစ်ဦးဒဏ်ရာရခဲ့သည်။

မြ၀တီမြို့တောင်ဘက် ၆မိုင်အကွာ ညနေ ၆း၁၃နာရီအချိန်တွင် မြ၀တီမြို့နယ်အတွင်းရှိ မယ်ထော်သလေးရွာနှင့် တဘလုခို့ခီးရွာ အကြားတွင် (၁၅) မိနစ်ခန့် အပြန်အလှန် ပစ်ခတ်မှုဖြစ်ပွားခဲ့ပြီးနောက် ယင်းသို့ ထိခိုက်ကျဆုံးမှုများ ရှိခဲ့ခြင်းဖြစ်သည်ဟု KNU တပ်မဟာ(၆) KNLA ဌာနချုပ် အထူးစစ်ကြောင်းမှူး ဗိုလ်ကြီးစောလမင်းက ကေအိုင်စီသို့ အတည်ပြု ပြောဆိုသည်။

ဗိုလ်ကြီးစောလမင်းက “လွန်ခဲ့တဲ့ နှစ်ပတ်လောက်က သူတို့ အဲဒီနေရာမှာ စခန်းလာဆောက်တယ်။ ဦးတို့က ပြန်ဆင်းခိုင်းတယ်။ သူတို့ ပြန်ဆင်းသွားတယ်။ အဲဒါနဲ့ မနေ့ညက သူတို့ ပြန်တက်လာတယ်ကြားလို့ သွားကြည့် ရာကနေ သူတို့ဘက်က အနီးကပ် နေရာယူပြီးတော့ အရင်စပစ်တာလို့ သိရတယ်”ဟု ပြောသည်။

ထိုသို့ ပစ်ခတ်မှုဖြစ်ပွားရာတွင် KNU တပ်မဟာ(၆) KNLA မှ တပ်သားအဆင့် စောမောင်လေး အသက် (၂၂) မှာ ပွဲချင်းပြီး သေဆုံးသွားပြီး တပ်ကြပ်ကြီးအဆင့်ရှိ အသက် (၄၂)နှစ် စောတူဖိုးမှာ ပေါင်တွင် ဒဏ်ရာရရှိသွားသဖြင့် မြ၀တီဆေးရုံတွင် ဆေး ကုသမှု ခံယူလျှက်ရှိသည်ဟု ဆက်ပြောသည်။

ယင်းပစ်ခတ်မှုဖြစ်စဉ်နှင့်ပတ်သက်၍ BGF မှ အမည်မဖော်လိုသူ အရာရှိတစ်ဦးက “ပစ်ခတ်မှုဖြစ်တာတော့ သိတယ်။ နယ်မြေ ကိစ္စလေးတွေကြောင့် အောက်ခြေက ဖြစ်ပွားမှုလေးတွေပါ။ အစ်ကိုတို့ဘက်က တစ်ယောက် ဒဏ်ရာရတယ်လို့တော့ သတင်းရ တယ်။ အဲလို ထပ်မဖြစ်အောင် အစ်ကိုတို့ဘက်က လူကြီးတွေ ဆွေးနွေးနေတုန်းပဲ။ မကြာခင်လည်း အရေးပေါ်အစည်းအဝေး ခေါ်ဖို့ရှိတယ်”ဟု ကေအိုင်စီသို့ ပြောသည်။

အလားတူ ယမန်နေ့ နံနက်က ကရင်ပြည်နယ်၊ ကျိုက်ဒုံမြို့နယ်ခွဲအတွင်းရှိ အဇင်းကျေးရွာအနီးတွင် ယခင် ဒီမိုကရေစီအကျိုးပြု ကရင်တပ်မတော် (DKBA)မှ တပ်မှူးဟောင်း ဗိုလ်မှူးကြီးစောဆန်းအောင်အဖွဲ့နှင့် ကျိုက်ဒုံမြို့နယ်အခြေစိုက် မြန်မာအစိုးရတပ် စစ်ဆင်ရေးကွပ်ကဲမှုဌာနချုပ်-စကခ(၁၃) လက်အောက်ခံတပ်တို့ တိုက်ပွဲ ဖြစ်ပွားခဲ့သေးသည်။

ပြီးခဲ့သည့် ၂၀၁၄ခုနှစ်၊ စက်တင်ဘာ ၁၆ရက်နေ့ကလည်း KNLA တပ်မဟာ(၆)မှ ဗိုလ်ကြီးစောလမင်း၏ တပ်သားဖြစ်သူ စော တာနိုနှင့် BGF အမှတ်(၁၀၂၂) တပ်ရင်းမှ တပ်သားအချို့တို့ အချင်းဖြစ်ပွားရာ တပ်သားစောတာနိုမှာ အသတ်ခံခဲ့ရသည်။

သူတို့ ပြောစကား

ပြည်တရားရုံးအချုပ်မှ အချုပ်သားများ ခိုက်ရန်ဖြစ်ပွား၊ တစ်ဦးဆေးရုံရောက်

ရေခဲ (ပြည်)

ပဲခူးတိုင်း၊ ပြည်မြို့နယ်တရားရုံး အချုပ်တွင် ဖေဖော်ဝါရီ ၂ဝ ရက် ညနေပိုင်းက အမှုစစ်ရန် ရုံးထုတ်လာသော အချုပ်သားအချင်းချင်း စကားများရန်ဖြစ်ခဲ့ကြရာမှ အချုပ်သားတစ်ဦး ဆေးရုံတင်လိုက်ရသည်ဟု ပြည်ခရိုင် ရဲတပ်ဖွဲ့မှူးရုံးမှ ရဲတပ်ဖွဲ့ဝင် တစ်ဦးက ပြောသည်။

''တစ်ဖက်နဲ့တစ်ဖက် မိုက်ကြေးခွဲစကား နိုင်လုပြီး ရန်ဖြစ်ကြတာ၊ တစ်ဦးကို သုံးဦးက ဝိုင်းထိုးကြိတ်ပြီး တစ်ဦး သတိလစ်သွားတယ်။ ဆေးရုံရောက်တော့ သတိပြန်ရတယ်'' ဟု ရဲတပ်ဖွဲ့ဝင်က ဆိုသည်။

ထိုနေ့ ညနေ ၃ နာရီအချိန်က ဆဲဆိုမှု၊ အိမ်ကျော်နင်းဖျက်စီးမှုများဖြင့် ပြည်မြို့မ ရဲစခန်းတွင် အချုပ်ခံထားရ သော အောင်ဇင်ဝိုင်း၊ ကျော်သက်ဦးနှင့် ထွန်းထွန်းဝင်း တို့သုံးဦးနှင့် ရဲဘက်ပြေးအမှုဖြင့် ပြည်အကျဉ်းထောင် တွင် အချုပ်ခံထာရသော ရဲနောင်(ခ)ရဲဝင်း တို့စကားများရန်ဖြစ်ခဲ့ ကြသည်။ အောင်ဇင်ဝိုင်းပါ (၃)ဦးက ဝိုင်း ဝန်းထိုးကြိတ်ခဲ့ကြသဖြင့် ရဲနောင်သည် အပေါ်အောက် နှုတ်ခမ်းဖူးရောင်ဒဏ်ရာ၊ ဝဲဘက် နဖူး ဖုရောင်ဒဏ် ရာ၊ ဝဲလက်ပြင်နာ ကျင်ဒဏ်ရာများရရှိပြီး သတိလစ်ခဲ့သည်။

လုံးထွေးသတ်ပုတ်နေစဉ် ပြည်ခရိုင် တာဝန်ကျရဲတပ်ဖွဲ့ဝင်များမှ အချုပ်ခန်းအတွင်း ဝင်ရောက်ထိန်းသိမ်းခဲ့ရပြီး သတိလစ်မေ့မျောသွားသော အချုပ်သားကိုလည်း ပြည်မြို့ ပြည်သူ့ဆေးရုံကြီးကို ပို့ဆောင် ဆေးကုသပေးခဲ့ကြောင်း ရဲတပ်ဖွဲ့ ဝင်တစ်ဦးက ပြောသည်။

ပညာရေးနှင့် ကျန်းမာရေး အသုံးစရိတ် နည်းပါးဆဲဟု လွှတ်တော်တွင် ဝေဖန်

ထက်နိုင်ဇော်

သမ္မတ ဦးသိန်းစိန် အစိုးရလက်ထက် ပညာရေးနှင့် ကျန်းမာရေး အသုံးစရိတ်မှာ နည်းပါးနေဆဲ ဖြစ်သဖြင့် ပြည်ထောင်စု လွှတ် တော်တွင် လွှတ်တော် ကိုယ်စားလှယ်များက ဝေဖန် ထောက်ပြနေကြကြောင်း သတင်းရရှိသည်။

ပညာရေး အသုံးစရိတ် လျာထားချက်မှာ ဘတ်ဂျက် စုစုပေါင်း၏ ၆.၇၇ ရာခိုင်နှုန်း၊ ကျန်းမာရေး အသုံးစရိတ်မှာ ၃.၆၄ ရာခိုင်နှုန်း အသုံးပြုနေချိန် ကာကွယ်ရေး အသုံးစရိတ်မှာ ၁၃ ရာခိုင်နှုန်းအထိ လျာထားသဖြင့် လွှတ်တော် ကိုယ်စား လှယ်တချို့က ဝေဖန်ပြောဆိုလျက် ရှိသည်။

၂ဝ၁၅-၁၆ ဘဏ္ဍာနှစ်အတွက် တိုင်းပြည်၏ ကာကွယ်ရေး အသုံးစရိတ်ကို ကျပ် ၂၇၅၀ ဘီလီယံ အသုံးပြုမည်ဟု လျာထားချိန်တွင် ပညာရေး အသုံးစရိတ်သည် ကျပ် ၁၄၉.၉ ဘီလီယံ၊ ကျန်းမာရေး အသုံးစရိတ်သည် ကျပ် ၇၅၇.၄၃၆ ဘီလီယံသာ ရှိသဖြင့် လွှတ်တော် ကိုယ်စားလှယ်တချို့က ဘတ်ဂျက်များကို အတည်ပြုပေးရမည့် အမျိုးသား စီမံကိန်း ဥပဒေကြမ်းအား ဆွေးနွေးစဉ် ဝေဖန် ပြောဆိုကြခြင်း ဖြစ်သည်။

ပြည်သူ့ငွေစာရင်း ကော်မတီ အတွင်းရေးမှူး ဦးမောင်တိုးက “ပညာရေးဆိုရင် ၈ ရာခိုင်နှုန်းလောက်တော့ အနည်းဆုံး တိုးသင့်နေပါပြီ။ အရင်နှစ်တွေတုန်းကလည်း ပညာရေး အသုံးစရိတ်တွေကို တိုးသုံးခဲ့တာ ရှိပါတယ်။ ၂၀၀၂ ခုနှစ်က စပြီး တိုးလာပါတယ်။ စာ ရင်း ဇယားတွေကို ပြန်ကြည့်ရင် အစပိုင်းမှာ တိုးသလို ရှိပေမယ့် တကယ်တန်းမှာ ဘာမှ မတိုးဘူးဆိုတာ တွေ့ရမှာပါ”ဟု လွှတ်တော် တွင် ပြောကြားသည်။

အာဆီယံနိုင်ငံများတွင် မြန်မာနိုင်ငံသည် ပညာရေး အသုံးစရိတ် အနည်းဆုံး နိုင်ငံဖြစ်ပြီး ၂၀၀၂ ခုနှစ်တွင် လာအို နိုင်ငံ၏ ပညာရေး အသုံးစရိတ်မှာ ၆ ရာခိုင်နှုန်းဖြစ်သဖြင့် လာအိုနှင့်ယှဉ်လျှင် မြန်မာနိုင်ငံသည် ၁၄ နှစ်ခန့် နောက်ကျကျန်ခဲ့ပြီ ဖြစ်ကြောင်း၊ မလေးရှားနိုင်ငံသည် ၂၀ ရာခိုင်နှုန်း၊ အင်ဒိုနီးရှားနိုင်ငံက ၁၈ ရာခိုင်နှုန်း အသုံးပြုနေသည်ဟု လွှတ်တော် ကိုယ်စားလှယ်တချို့က ထောက်ပြကြ သည်။

ပြည်သူ့လွှတ်တော် ကိုယ်စားလှယ် ဦးမင်းသူကလည်း “ဘတ်ဂျက်က ကိန်းဂဏန်းအားဖြင့်တော့ တိုးနေတယ်။ အရင်က ပညာရေး ကို ပိုက်ဆံ ၁၀၀ ရှိရင် ၂ ကျပ် သုံးတယ်။ အခု ပိုက်ဆံ ၂၀၀ မှာ ၃ ကျပ် သုံးလာတယ်။ ၃ ကျပ်ဆိုပေမယ့် အရင်ကထက် တကျပ် လျော့သွားပြီ။ ကာကွယ်ရေး၊ လယ်ဆည်နဲ့ စက်မှုတို့အောက်မှာ ပညာရေးက ရှိနေတုန်းပဲ”ဟု ဧရာဝတီသို့ ပြောသည်။

ထို့အပြင် အာဆီယံနိုင်ငံများ၏ ကျန်းမာရေး အသုံးစရိတ်တွင် မလေးရှားနိုင်ငံသည် ၂၀၁၂ ခုနှစ်က လူတဦး၏ ကျန်းမာရေး အသုံး စရိတ်သည် အမေရိကန် ဒေါ်လာ ၄၁၀ အသုံးပြုနေပြီး မြန်မာနိုင်ငံ၏ ကျန်းမာရေး အသုံးစရိတ်သည် ၂၀၁၂ ခုနှစ်က ဒေါ်လာ ၂၀ ဖြစ်ကြောင်း၊ ယခု ၂၀၁၅ ခုနှစ်တွင် ၁၄ ဒေါ်လာခန့်သာ အသုံးပြုတော့ကြောင်း သိရသည်။

နော်ဝေနိုင်ငံက လူတဦးချင်းစီအတွက် ကျန်းမာရေး အသုံးစရိတ်သည် ၂၀၁၂ ခုနှစ်က ဒေါ်လာ ၉၀၀၀ ကျော် အသုံးပြုကြောင်း ကမ္ဘာဘဏ်က ထုတ်ပြန်ထားသည်။

ပြည်သူ့ငွေစာရင်း ကော်မတီ အတွင်းရေးမှူး ဦးမောင်တိုးက“ကျန်းမာရေး ဆိုရင်လည်း တိုးပြီး သုံးတယ်ဆိုပြီး တင်ပြထားပါတယ်။ တကယ်လည်း ငွေ Amount အရ တိုးပါတယ်။ တဦးချင်းစီရဲ့ ကျန်းမာရေး အသုံးစရိတ်ဟာ ၁၆၈၄ ကျပ်ကနေ ၇၀၀၀ ကျပ် အထိ ရှိပါတယ်”ဟု လွှတ်တော်တွင် ပြောသည်။

အစိုးရကမူ ပညာရေးနှင့် ကျန်းမာရေး အသုံးစရိတ်ကို ၂၀၀၂ ခုနှစ်မှ စတင်၍ ဆက်တိုက် တိုးမြင့်လာခဲ့ကြောင်း ၂၀၁၅ ခုနှစ် ဖေဖော် ၀ါရီလ ၅ ရက်နေ့ထုတ် အစိုးရပိုင် သတင်းစာများတွင် ကိန်းဂဏန်း ဇယားတချို့ဖြင့် ဖော်ပြခဲ့သည်။

အစိုးရ အသုံးစရိတ် ဘတ်ဂျက်များကို အတည်ပြုပေးရသည့် အမျိုးသား စီမံကိန်း ဥပဒေကြမ်းအား အစိုးရက ဦးဆောင် ရေးဆွဲနေခြင်းအား ပြည်သူ့ လိုအပ်ချက်နှင့် ကိုက်ညီမှုရှိရန် လွှတ်တော်ကိုယ်စားလှယ်များ ညှိနှိုင်းပြီးမှ ရေးဆွဲသင့်ကြောင်းလည်း လွှတ်တော် ကိုယ်စားလှယ်တချို့က အကြံပြုခဲ့ကြသည်။

ဥပဒေများ သိရှိအောင် ပွင့်လင်းမြန်မာ ရှေ့ဆောင်အဖွဲ့က အဓိကထား ဆောင်ရွက်မည်

နေ့အပူချိန် ၁၀၀ ဒီဂရီဖာရင်ဟိုက် ကျော်ကာ ခရမ်းလွန်ရောင်ခြည်ဆင့် 11+ အထိ ရောက်နိုင်

ခင်မြတ်မြတ်ဝေ

လာမည့် နွေရာသီ ပထမပတ်အတွင်း မြန်မာနိုင်ငံအလယ်ပိုင်းနှင့် မြစ်ဝကျွန်းပေါ် ဒေသများတွင် နေ့အပူချိန် ၁၀၀ ဒီဂရီဖာရင်ဟိုက် (၃၈ ဒီဂရီစင်တီဂရိတ်)အထက်ကို ကျော်လွန်ကာ အပူရှိန်မြင့်တက်လာမည်ဖြစ်ပြီး ခရမ်းလွန်ရောင်ခြည် ညွှန်းကိန်းသည်လည်း သတ်မှတ်ချက်ထက် ကျော်လွန်ကာ အန္တရာယ်ရောက်ရှိနိုင်သည့် အဆင့်ရှိနေသည်ဟု မိုးလေဝသနှင့် ဇလဗေဒ ပညာရှင် ဒေါက်တာ ထွန်းလွင်က မဇ္ဈိမကို ပြောသည်။

"ခရမ်းလွန်ရောင်ခြည်ကို စုပ်ယူနိုင်မှုက ခုနောက်ပိုင်း အိုဇုန်းလွှာက ပါးလားတော့ စုပ်ယူနိုင်မှု မရှိတော့ဘူး။ နေရောင်ခြည်ရဲ့ သတ်မှတ်ချက်က ၈ ခု ၁၁ ထက် ကျော်နေတယ်။ လူတွေအတွက် အန္တရာယ်ရှိတယ်" ဟု ဦးထွန်းလွင်က ပြောသည်။

ခရမ်းလွန်ရောင်ခြည် လွန်ကဲအဆင့်ရှိသည့် ဒေသများမှာ ကယားပြည်နယ်၊ ကရင်ပြည်နယ်၊ မွန်ပြည်နယ်၊ ရှမ်းပြည်နယ်တောင်ပိုင်း၊ အရှေ့ပိုင်း၊ ရန်ကုန်တိုင်း၊ ပဲခူးတိုင်း၊ ဧရာဝတီတိုင်း နှင့် တနင်္သာရီတိုင်းတို့တွင် ခရမ်းလွန်ရောင်ခြည် သတ်မှတ် အညွှန်းကိန်း 11+အထိ ဆက်လက် ရောက်ရှိနိုင်သည်ဟု ဦးထွန်းလွင်က တွက်ချက်ထားသည်။

နေရောင်ခြည်တွင်ပါသည့် ခရမ်းလွန်ရောင်ခြည်ကို တားဆီးနိုင်သည့် UVb နှင့် UVc တို့ အိုဇုန်းလွှာ ပါးလွှာလာခြင်းကြောင့် ခရမ်းလွန်ရောင်ခြည်ကို စုပ်ယူနိုင်စွမ်း မရှိတော့၍ မြန်မာနိုင်ငံ အလယ်ပိုင်းဒေသတွင် ခရမ်းလွန်ရောင်ခြည် ညွှန်းကိန်းကို ကျော်ကာ အန္တရာယ်ရှိသည့် အခြေအနေအထိ ရောက်နိုင်သည်ဟု ၎င်းက ရှင်းပြသည်။

ခရမ်းလွန်ရောင်ခြည် သတ်မှတ်ညွှန်းကိန်းထက် များသောကြောင့် ပြည်သူများအနေဖြင့် နံနက် ၁၁နာရီ မှ ၃နာရီ အတွင်း နေပူထဲသို့ သွားပါက ထီး၊ ဦးထုတ်စသည့် အကာအကွယ်ဖြင့် သွားလာသင့်သည်ဟု အကြံပြုထားသည်။

နေရောင်အောက်သို့ အကာအကွယ်မဲ့ သွားလာပါက အရေးပြား နေလောင်ခြင်း၊ မျက်စိထိခိုက်ခြင်းများ အပြင် အရေပြား ကင်ဆာဖြစ်နိုင်ခြင်း၊ DNA ပျက်ဆီးနိုင်ခြင်း၊ သားသမီးမရနိုင်ခြင်းတို့ ဖြစ်ပွားနိုင်သည်ဟုဆိုသည်။

ကချင်ဆရာမ ၂ ဦး အသတ်ခံရမှု ဒေသခံရွာသားမဖြစ်နိုင်ကြောင်း သမ္မတထံ စာပို့

ရွှေအောင်

ကချင်ဆရာမ ၂ ဦး အသတ်ခံရမှုမှာ တရားခံတွေဟာ ဒေသခံရွာသားတွေ မဖြစ်နိုင်ဘူးလို့ ကချင်နှစ်ခြင်းခရစ်ယာန် အသင်းချုပ် (ကေဘီစီ) စုံစမ်းရေးကော်မတီက သမ္မတထံ စာရေးသားပေးပို့ အကြောင်းကြားမှာ ဖြစ်ပါတယ်။

ဆရာမ ၂ ဦး အသတ်ခံရတာ ၁ လကျော်ကြာလာချိန်အထိ တရားခံ ဖော်ထုတ်နိုင်ခြင်း မရှိသေးတဲ့အပေါ် ကချင်နှစ်ခြင်းခရစ်ယာန်အသင်းချုပ်က သမ္မတနဲ့ တာဝန်ရှိသူတွေထံ စာပို့မှာဖြစ်ပြီး အဲ့ဒီစာထဲ အဓိကအချက် ၃ ချက် ပါဝင်တယ်လို့ အသင်းချုပ်အတွင်းရေးမှူး ဒေါက်တာဆန်ဆမ်က ပြောပါတယ်။

“အချက် ၃ ချက်ပေါ့။ ကျနော်တို့ စုံစမ်းရေးကော်မတီရဲ့ တွေ့ရှိချက်အရ ရွာကလူတွေ မဖြစ်နိုင်ကြောင်းကို ခိုင်ခိုင်မာမာတွေ့ရှိရကြောင်း တချက် ရေးတယ်။ ဒုတိယအချက်က အမှုမှန်ကို အပေါ်ကနေ ဖိအားပေးခြင်းမျိုး မဟုတ်ဘဲ အချိန်ယူပြီးမှ ဖော်ထုတ်ဖို့ လိုမယ်ဆိုတဲ့အကြောင်း ရေးထားတယ်။ နောက်ဆုံးတချက်က စုံစမ်းရေးကော်မတီကို နာမည်ပြောင်းလိုက်တယ်။ အမှုမှန်ဖော်ထုတ်ရေးကော်မတီဆိုပြီး အမည်ပြောင်းပြီး လူအင်အား တိုးလိုက်တယ်။ အမျိုးသမီးအဖွဲ့အစည်းပါမယ်၊ ကချင်ငြိမ်းချမ်းရေးကွန်ရက်ပါမယ်၊ အပြည်ပြည်ဆိုင်ရာ အဖွဲ့အစည်းထိ ပါပြီးမှ အထူးသဖြင့်တော့ ဒီအမှုကို တရားဥပဒေကြောင်းအရ ရှမ်းပြည်နယ်၊ ကချင်ရှေ့နေများအဖွဲ့က ဆောင်ရွက်သွားမယ်၊ အဲ့ဒီအချက် ၃ ချက်ကို သမ္မတဆီ စာရေးပို့မှာ။”

စာကို သမ္မတထံ လိပ်မူပြီး မိတ္တူကို ကာကွယ်ရေးဦးစီးချုပ်နဲ့ လွှတ်တော်ဥက္ကတွေထံ မတ်လ ၂ ရက်မှာ ပေးပို့မယ်လို့ ဆိုပါတယ်။

ကချင်နှစ်ခြင်းခရစ်ယာန် အသင်းချုပ် (ကေဘီစီ) စုံစမ်းရေးကော်မတီရဲ့ ကြေညာချက်တစောင်ကိုလည်း ဖေဖော်ဝါရီ ၂၈ ရက်မှာ ထုတ်ပြန်ခဲ့ပြီး အမှုနဲ့ပတ်သက်လို့ လိုအပ်ရင် ကုလသမဂ္ဂအပါအ၀င် အပြည်ပြည်ဆိုင်ရာအဖွဲ့အစည်းများနဲ့ ပူးပေါင်းလုပ်ဆောင်သွားမယ်လို့ ဖော်ပြထားပါတယ်။

ဆရာမ နှစ်ဦး အသတ်ခံရတဲ့ ၁ လပြည့် ဖေဖော်ဝါရီ ၁၉ ရက်မှာ ထုတ်ပြန်ခဲ့တဲ့ ကချင်ငြိမ်းချမ်းရေးကွန်ရက်ရဲ့ ကြေညာချက်မှာလည်း တရားမျှတမှုကို ဖော်ထုတ်ပေးဖို့၊ စုံစမ်းစစ်ဆေးမှုတွေမှာ သမာသမတ်ရှိ လူထုလေးစားယုံကြည်သူတွေ ပါဝင်ခွင့်ပေးဖို့၊ ပြစ်မှုနဲ့ မသက်ဆိုင်သူတွေကို စွပ်စွဲဖမ်းဆီးချုပ်နှောင်တာ၊ အပြစ်မဲ့ရွာသားတွေကို ခြိမ်းခြောက်အကျပ်ကိုင်တာတွေ မလုပ်ဖို့ တောင်းဆိုထားပါတယ်။

ဇန်န၀ါရီ ၁၉ ရက်နေ့ည သန်းခေါင်ယံမှာ မူဆယ်ခရိုင် ပန်ဆိုင်း(ကြူကုတ်) မြို့နယ် ကောင်းခါးကျေးရွာ ဘုရားရှိခိုးကျောင်းက နေအိမ်တွင်းမှာ ဆရာမ မရန်လုရာနဲ့ တန်ဘောင်ခေါန်နန်စင်တို့ ၂ ဦးစလုံး အဓမ္မပြုကျင့်သတ်ဖြတ်ခံခဲ့ရတာဖြစ်ပြီး အခု ၁ လကျော်တဲ့အချိန်ထိ တရားခံဖော်ထုတ်နိုင်ခြင်း မရှိသေးပါဘူး။

ထိုင်းနိုင်ငံရောက် အလုပ်သမားများ ပတ်စ်ပို့စ် အတွက် ပညာပေးရန်လိုအပ်

ကယ်ဆယ်ရေးယာဉ်တန်း အပစ်အခတ် ခံရမှု အတွေ့အကြုံ

ဧရာဝတီ

ကိုးကန့် ကိုယ်ပိုင်အုပ်ချုပ်ခွင့်ရဒေသ လောက်ကိုင်မြို့နယ်မှာ အစိုးရ တပ်မတော်နဲ့ ဖုန်ကြားရှင် ဦးဆောင်တဲ့ ကိုးကန့် တပ်ဖွဲ့တို့အကြား တိုက်ပွဲတွေ ပြင်းထန်စွာ ဖြစ်ပွားနေပြီး နှစ်ဘက်စလုံးမှာ အထိအခိုက် အကျအဆုံး များပြားစွာ ရှိနေသလို၊ အရပ်သားတွေပါ ထိခိုက်ဒဏ်ရာရ သေဆုံးမှုတွေ ရှိနေပါတယ်။

အဲဒီလို တိုက်ပွဲတွေကြောင့် ပိတ်မိနေတဲ့ အရပ်သားတွေနဲ့ ရွှေ့ပြောင်းလုပ်သားတွေကို ကယ်ဆယ်ပြီး ပြန်လာတဲ့ ကြက်ခြေနီ ယာဉ်တန်း တခုဟာ ဖေဖော်ဝါရီလ ၁၇ ရက်နေ့က လောက်ကိုင်-ချင်းရွှေဟော် ကားလမ်းတနေရာ လုံထန် ကျေးရွာ အနီးမှာ တိုက်ခိုက်ခံရပြီး ပြည်သူ ၂ ဦး ဒဏ်ရာရခဲ့ပါတယ်။ ပစ်ခတ်ခံခဲ့ရတဲ့ ယာဉ်တန်းမှာ ဧရာဝတီ ဓာတ်ပုံ သတင်းထောက် တဦးဖြစ်တဲ့ ကိုဂျေပိုင်လည်း လိုက်ပါလာပြီး အဲဒီဖြစ်စဉ်နဲ့ သူ့ရဲ့ အတွေ့အကြုံကို အခုလို ပြန်လည် ပြောပြခဲ့ပါတယ်။

“လောက်ကုိုင်မြို့ကနေ ဒုက္ခသည်တွေ ကယ်ပြီး ပြန်လာတဲ့ ကြက်ခြေနီ ယာဉ်တန်းက ချင်းရွှေဟော်မြို့ကို အပြန်၊ လမ်းတဝက်ဖြစ်တဲ့ လုံထမ်တောင်ကြား မရောက်ခင်မှာ တုိုက်ပွဲသံတွေကြားတော့ ၄၅ မိနစ်လောက် ကားတွေ နားနေခဲ့တယ်။ သေနတ်သံတွေ တိတ်သွားတော့မှ ချင်းရွှေဟော်ဘက်ကို ဆက်အထွက်မှာ လုံထမ်တောင်ထိပ်နား အရောက် ရှေ့ဆုံးက ဒုက္ခသည်တွေ သယ်လာတဲ့ ကြက်ခြေနီကားကုို သေနတ်နဲ့ လှမ်းပစ်ကြတယ်။ အဲဒီမှာ ကျည်ဆံတွေက ကားလမ်းပေါ်မှာ တထောက်ထောက်နဲ့ ကျနေတုန်း ကားကို ရပ်လုိုက်တဲ့အချိန်မှာပဲ သေနတ်နဲ့ ပစ်တဲ့ တောင်ပေါ်က နေပြီးတော့ လက်နက်ကြီးနဲ့ လှမ်းထုတာ ကျနော်တုို့စီးတဲ့ ၄ စီးမြောက်ကားရဲ့ ဘေးက လျှိုထဲကုို လက်နက်ကြီး ကျည်ကျသွားတယ်။ ပြီးတော့ ကားပေါ်ကနေ ပြေးဆင်းပြီး လမ်းဘေးရေမြောင်းထဲကို ကားတွေ ကွယ်ပြီး ဆင်းဝပ်လုိုက်ရတယ်။

၁၀ မိနစ်လောက် အကြာ သေနတ်သံငြိမ်တော့ ဒဏ်ရာရသလား ကြည့်လိုက်တဲ့အခါ ရှေ့ဆုံးက ကားမောင်းတဲ့ ကြက်ခြေနီနဲ့ ကယ်ဆယ်ရေး ကြက်ခြေနီတချို့ ဒဏ်ရာရကုန်တယ်။ သူတုို့က ကားနဲ့ ခြေလှမ်း ၇ လှမ်းလောက် အကွာက ခြံနားမှာ ၀ပ်နေတာကို တွေ့တော့ ကယ်မယ့်သူ မရှိဘူး။ ကျနော်တုို့လည်း လိုတဲ့ပုံတွေ သွားရုိုက်ပြီးဒဏ်ရာရသူတွေနဲ့ အနီးဆုံးကို သွားပြီး ကယ်ဖုို့ ပြင်တယ်။ ဓာတ်ပုံ သတင်းထောက်တွေ ဖြစ်တဲ့ Reuters က ကုိုစုိုးဇေယျာထွန်းနဲ့ EPA က ကိုလင်းဘုိုဘို တုို့က ကျည်ကာဦးထုပ်တွေ၊ ကျည်ကာအင်္ကျီတွေ ပါတော့ ဒဏ်ရာ ရသူတွေကို သွားဆွဲပြီး လုံခြုံတဲ့နေရာတွေဆီကို သယ်ဖုို့ပြင်တယ်။ ကုိုစုိုးဇေယျာထွန်းနဲ့ ကိုလင်းဘိုဘိုရယ်၊ ကြက်ခြေနီ ကယ်ဆယ်ရေး ၂ ယောက်ရယ်က ဒဏ်ရာရတဲ့သူ တယောက်ကို ကယ်ပြီးတော့ ကြက်ခြေနီကားပေါ် တင်တယ်၊ ကျနော်က ၀မ်းဗုိုက် ဒဏ်ရာရတဲ့ ကိုမိုးကျော်သန်းကုို ပေါင်ပေါ်တင်ထားပြီး ဒဏ်ရာကို မထိအောင် ဂရုစိုက်ပြီး ချင်းရွှေဟော် ရောက်တဲ့အထိ ခေါ်လာခဲ့တယ်။

အပစ်ခံရတဲ့ လုံထမ်တောင်ကနေ ၁၅ မိနစ်လောက် ကားမောင်းလာတော့ မြန်မာတပ်တွေ လုိုက်လာတာကုို တွေ့တယ်။ ဒဏ်ရာရတဲ့လူ ရှိလား၊ ရှိရင်ပြင်ထားတယ် နောက်မှာ လုိုက်လာနေပြီလို့ ပြောပြီး ရှေ့ဆက် တက်သွားတယ်။ ကျနော်တုို့ အပစ်ခံရတဲ့နေရာက ချင်းရွှေဟော်ကို တနာရီလောက် ကားစီးရတယ်”

အခု လက်ရှိအချိန်မှာတော့ ဧရာဝတီဓာတ်ပုံ သတင်းထောက် ဂျေပိုင် အပါအဝင် သတင်းထောက်တွေဟာ လုံခြုံစိတ်ချရတဲ့ လားရှိုးမြို့ကို ရောက်ရှိနေပြီလို့ သိရပါတယ်။

လွတ်လပ်ရေးကြိုးပမ်းမှုတွင် အဓိကနေရာမှ ပါဝင်ခဲ့သူ နိုင်ငံရေးသမားကြီး သခင်တင်မြ ကွယ်လွန်

ရန်ပိုင်

နိုင်ငံရေးသမားကြီး သခင်တင်မြ ၉၁ နှစ်သည် ယနေ့နံနက် ၇ နာရီခန့်က ဒဂုံမြို့သစ်အရှေ့ပိုင်း သူ့၏ နေအိမ်တွင် လူကြီးရောဂါဖြင့် ကွယ်လွန်သွားပြီ ဖြစ်သည်။

သခင်တင်မြသည် ၂၀၁၃ ခုနှစ်ခန့်တည်းက ကျန်းမာရေး ချို့ယွင်းလာခဲ့ခြင်းဖြစ်ကြောင်းသူ၏ ဇနီးဖြစ်သူ ဒေါ်သန်းသန်းညွန့်က ဧရာဝတီသို့ ပြောသည်။

သခင်တင်မြကို မအူပင်ခရိုင် ဓနုဖြူ မြို့နယ်တွင် မွေးဖွားခဲ့ပြီး၊ ၁၃၀၀ ပြည့်အရေးတော်ပုံမှ စတင်ကာ နိုင်ငံရေး လောကထဲသို့ စတင်ဝင်ရောက်ခဲ့သည်။ ၁၉၃၉ ခုနှစ်တွင် ဓနုဖြူမြို့နယ် ဒို့ဗမာအစည်းအရုံးဝင် သခင်တဦးဖြစ်လာကာ၊ ဒေသတွင်းရှိ အလုပ်သမား၊ လယ်သမားအရေးများတွင် ပါဝင်လှုပ်ရှားခဲ့သည်

ထိုစဉ်က အသက်အငယ်ဆုံး သခင်တဦးဖြစ်ခဲ့ပြီး ၁၉၄၀ ပြည့်နှစ် သာယာဝတီတွင် ကျင်းပသည့် နိုင်ငံလုံး ဆိုင်ရာ ဒို့ဗမာအစည်းအရုံး ညီလာခံအပြီး တရားစွဲဆိုခံရကာ သာယာဝတီထောင်နှင့် အင်းစိန်ထောင်တွင် ထောင်ကျခဲ့သည်။

ထောင်တွင်း၌ နိုင်ငံရေးပုရောဟိတ်များဖြစ်သည့် သခင်စိုး၊ သခင်နု၊ သခင်သန်းထွန်း၊ သခင်လေးမောင်၊ သခင်ကျော်စိန်၊ ဂိုရှယ်တို့နှင့် အတူတူနေရပြီး သခင်စိုးထံမှ နိုင်ငံရေးသင်တန်းနှင့် ကွန်မြူနစ်ဝါဒကို လေ့လာခွင့်ရခဲ့သည်။

ဒုတိယ ကမ္ဘာစစ် အာရှသို့ ကူးစက်လာချိန်တွင် အင်္ဂလိပ် အခက် မြန်မာအချက် ဆိုသည့် မူနှင့်အညီ သခင်ဗဟိန်း (ကွန်မြူနစ်ပါတီ ခေါင်းဆောင်)၊ ဦးကျော်ငြိမ်း၊ သခင်ချစ် တို့နှင့်လက်တွဲကာ အင်္ဂလိပ်ကို တော်လှန်၊ တပြိုင်နက်တည်းမှာပင် ဂျပန်ကိုလည်း ဆန့်ကျင်ဆိုသည့် အတွေးအခေါ်ဖြင့် မြေအောက်တော်လှန်ရေး လုပ်ငန်းများကို လုပ်ကိုင်ခဲ့သည်။

သခင်ဗဟိန်း အဖမ်းခံရပြီးနောက် မြေအောက်တော်လှန်ရေး လုပ်ငန်းများကို ရန်ကုန်၊ တောင်ငူ၊ ဖြူး၊မန်းလေး၊ ချောက်၊ ရေနံချောင်း၊ ပခုက္ကူ မြင်းခြံ စသည့် အထက်မြန်မာပြည်နှင့် ရခိုင်ဒေသ၊ မြစ်ဝကျွန်းပေါ် စသည့်ဒေသများသို့ သွားလာကာ လုပ်ကိုင်ခဲ့သည်။

အင်္ဂလိပ်အပြေး ဂျပန်အ၀င်တွင် ညောင်တုန်း၊ ဓနုဖြူ၊ မအူပင် စသည့် မြစ်ဝကျွန်းပေါ်ဒေသ လွတ်မြောက်ရေးနှင့် အုပ်ချုပ်ရေး တာဝန်များ ဆောင်ရွက်နေစဉ် ဘီအိုင်အေ တပ်သို့ ခေတ္တ၀င်ရောက်ကာ တဖက်မှ ဂျပန် ဆန့်ကျင်ရေးကိုလည်း ဆက်လက် လုပ်ကိုင်ခဲ့သည်။

ဘီအိုင်အေခေတ်တွင် ကြုံတွေရသည့် မြစ်ဝကျွန်းပေါ် ကရင်-ဗမာ အဓိကရုဏ်း၊ ဘီအိုင်အေ ဗိုလ်တချို့နှင့် သခင်တချို့၏ အာဏယစ်မူးမှုများကြောင် နိုင်ငံရေးစိတ်ဓာတ် ကျဆင်းနေစဉ် မန်းလေးထောင်မှ သခင်စိုးလွတ်မြောက် လာသည့်အခါ ဖက်ဆစ်ဆန့်ကျင်ရေးကို ဗမာပြည်ကွန်မြူနစ်ပါတီအနေဖြင့် နှစ်ဦးသား အတူ စတင်ခဲ့သည်။

ဖက်ဆစ်ဂျပန်ကို တော်လှန်ရန် တက်ဘုန်းကြီး သခင်သိန်းဖေ (ဦးသိန်းဖေမြင့်)၊ သခင်တင်ရွှေတို့ အိန္ဒိယသို့ သွားရောက်ရာတွင် အဓိကကူညီခဲ့ပြီး သူနှင့် သခင်စိုးမှာ မြန်မာပြည်တွင် ကျန်ရစ်ကာ ဂျပန်ကင်ပေတိုင်တို့အကြား သွားလာကာ မြေအောက်တော်လှန်ရေးလုပ်ကိုင်ခဲ့သည်။

သခင်တင်မြသည် မြေအောက်တော်လှန်ရေး ကေဒါများနှင့် သခင်စိုးအကြား ဆက်သားအဖြစ် အသက်စွန့် လှုပ်ရှားခဲ့သည့် အတွက် ဂျပန်တော်လှန်ရေး သမိုင်းတွင် အဓိက အရေးပါသူတဦးဟုလည်း ဆိုနိုင်သည်။

ဖက်ဆစ်တို့ကို တပြည်လုံးအတိုင်းအတာဖြင့် တော်လှန်ရန် ဗမာပြည်ကွန်မြူနစ်ပါတီ ကိုယ်စားလှယ် တဦးအနေဖြင့် တပ်တွင်းစည်းရုံးရေး လုပ်ငန်းများကို လုပ်ကိုင်ခဲ့သည်။

၁၉၄၅ ခုနှစ် မတ်လ ၁ရက်နေ့ ဗိုလ်ချုပ်အောင်ဆန်း နေအိမ်၌ ပြုလုပ်သည့် ဖက်ဆစ်တော်လှန်ရေး ဆွေးနွေးပွဲတွင် ဗမာပြည် ကွန်မြူနစ်ပါတီကို ကိုယ်စားပြု တက်ရောက်ခဲ့ပြီး ဖက်ဆစ်ဆန့်ကျင်ရေး ပြည်သူ့လွတ်မြောက်ရေး (ဖဆပလ) အဖွဲ့ဝင်ဖြစ်လာသည်။

ထိုနောက် ဖက်ဆစ်တော်လှန်ရေးတွင် သရက်၊ အောင်လံ၊ မကွေး၊ မင်းဘူးခရိုင်တွင် အခြေစိုက်သည့် တိုင်း ၇ ၏ စစ်ရေးခေါင်းဆောင် ဗိုလ်မှူးအောင်နှင့်အတူ နိုင်ငံရေးခေါင်းဆောင်အဖြစ် သခင်တင်မြက တာဝန်ယူခဲ့သည်။

စစ်ပြီး ဗမာပြည်ကွန်မြူနစ်ပါတီ မြေပေါ်ပါတီအဖြစ် တရားဝင် ရပ်တည်ချိန်တွင် ဗဟိုကော်မတီဝင် ဖြစ်လာခဲ့ပြီး ကွန်မြူနစ် ပါတီ ၂ ခြမ်းကွဲသည့်အခါ သခင်စိုး ဦးဆောင်သည့် အလံနီ ကွန်မြူနစ်ပါတီဘက်မှ ရပ်တည်ခဲ့သည်။

သို့သော် နောက်ပိုင်းတွင် သခင်သန်းထွန်း၏ ဗမာပြည်ကွန်မြူနစ်ပါတီ (နစ်ဖြူ) သို့ ပြန်လည်ကူးပြောင်းခဲ့ပြီး၊ ၁၉၆၀ ခုနှစ် ရန်ကုန်မြေ အောက်တာဝန်ခံအဖြစ် ဆောင်ရွက်နေစဉ် သေနတ်ဖြင့်ပစ်၍ အဖမ်းခံခဲ့ရသည်။

အဖမ်းခံရစဉ်အတွင်း နာမည်ကျော် “ဘုံဘ၀မှာဖြင့်” ကိုယ်ရေးအတ္ထုပ္ပတ္တိကို စတင်ရေးသားခဲ့သည်၊ ထိုစာအုပ် ရေးသားနေစဉ် ၁၉၆၂ ခုနှစ်တွင် အချုပ်မှ လွတ်မြောက်ခဲ့သည်၊ ထိုနောက် ဘုံဘ၀မှာဖြင့်ကို မြ၀တီ မဂ္ဂဇင်းတွင် အခန်းဆက် ရေးသားခဲ့သည်။

အဆိုပါ စာအုပ်သည် နိုင်ငံရေးနှင့် လွတ်လပ်ရေးကြိုးပမ်းမှု သမိုင်းလေ့လာသူများအကြား ရေးပန်းစားခဲ့သော်လည်း မိခင်ပါတီဖြစ်သည့် ဗမာပြည်ကွန်မြူနစ်ပါတီကမူ သခင်တင်မြအနေဖြင့် စစ်အာဏာရှင် ဗိုလ်ချုပ်ကြီးနေ၀င်း၏ စစ်ထောက်လှမ်းရေးထံတွင် စာမေးပွဲ ဖြေဆိုခဲ့ရသည့် စာစဉ်တခုအဖြစ် သဘောထားသည်။

ထောင်မှလွတ်ပြီးနောက် အာဏာသိမ်း ဗိုလ်ချုပ်ကြီးနေ၀င်း၏ တော်လှန်ရေးကောင်စီက တောတွင်းအဖွဲ့အစည်းများနှင့် ပြည်တွင်းငြိမ်းချမ်းရေး ဆွေးနွေးရာတွင် သခင်တင်မြအား ထည့်သွင်းအသုံးပြုရန် ကြိုးစားခဲ့သော်လည်း ဗမာပြည်ကွန်မြူနစ်ပါတီက ကန့်ကွက်ခဲ့သည်။

ထိုနောက် သခင်တင်မြသည် မြန်မာဆိုရှယ်လစ် လမ်းစဉ်ပါတီတွင် ပါဝင်ခဲ့ပြီး ဗဟိုကော်မတီဝင်တဦး ဖြစ်လာသော်လည်း နောက်ပိုင်းတွင် ပါတီသန့်စင်ရေးတွင် ပါဝင်ခဲ့ရပြီး မြန်မာ့ဆိုရှယ်လစ် လမ်းစဉ်ပါတီမှ နှုတ်ထွက်ခဲ့သည်။

၁၉၈၈ ခုနှစ် မြန်မာ့ဆိုရှယ်လစ် လမ်းစဉ်ပါတီ အစိုးရကို ဖြုတ်ချရာတွင် နိုင်ငံရေးသမားတဦး အနေဖြင့် ပါဝင်ခဲ့ပြီး ဒေါ်အောင်ဆန်းစုကြည်၏ မြန်မာ့နိုင်ငံရေးခရီးအစတွင် သခင်တင်မြက ကူညီခဲ့ရသော်လည်း ပါတီဝင် မဖြစ်ခဲ့ကြောင်း လျှပ်တပြက် ဂျာနယ်နှင့် တွေ့ဆုံမေးမြန်းခန်းတွင် ဖော်ပြထားသည်။

၁၉၉၀ ပြည့်နှစ်တွင် အမျိုးသား ဒီမိုကရေစီ အဖွဲ့ချုပ်နှင့် ပတ်သက်မှုဖြင့် ထောင်ဒဏ် အနှစ် ၂၀ ချမှတ်ခံခဲ့ရသည်။ ကျန်းမာရေး အခြေအနေကြောင့် ၃ နှစ်အကြာတွင် ထောင်မှ ပြန်လွတ်လာခဲ့သည်။

နောက်ပိုင်းတွင် စစ်အစိုးရပြုလုပ်သည့် အမျိုးသားညီလာခံကို ထောက်ခံခဲ့ပြီး သူ၏ ဒီမိုကရေစီ အင်အားစုများနှင့် NLD ပါတီအပေါ် ဝေဖန်မှုများ၊ သူ၏ နိုင်ငံရေးအသွေးအရောင် ပြောင်းလဲတတ်မှုများကြောင့် သူ၏ အယူဝါဒကို လူကြိုက်နည်းခဲ့သည်။

နိုင်ငံရေးတွင် အင်္ဂလိပ်ခေတ် တို့ဗမာအစည်းအရုံးမှ အစပြုကာ ၁၉၈၈ ခုနှစ် ဒီမိုကရေစီ အရေးတော်ပုံတိုင်အောင် အဖွဲ့အစည်းပေါင်းစုံတွင် ခေါင်းဆောင်နေရာမှ ပါဝင်ဖူးခဲ့သူဖြစ်သည်။

သခင်တင်မြ၏ ဈာပနကို နိုင်ငံရေး၊ စာပေနှင့် မိသားစု အသိုင်းအ၀န်းက လိုက်ပါဆောင်ရွက်ပေးနေပြီး လာမည့် မတ်လ ၂ ရက်နေ့တွင် ရေဝေးသုဿာန်၌ သင်္ဂြိုဟ်မည်ဖြစ်ကြောင်း သိရသည်။

ကြက်ငှက်တုပ်ကွေး ရောဂါ အလှမွေး တိရစ္ဆာန်တွေကို ကူးစက်ဖို့ ခဲယဉ်း

လက်ပံတောင်းတောင် သပိတ်စခန်း ဝမ်ပေါင်၊ ဦးပိုင်နှင့် ဆွေးနွေးမှုပြု လုပ်လိုသော်လည်း ဆွေးနွေးခွင့် မရရှိသေး

ယုဝေ

လက်ပံတောင်းတောင် ကြေးနီစီမံကိန်း ဒေသ၊ တုံရွာအနီးတွင် ဖေဖော်ဝါရီလ ၁၅ ရက်က စတင်ဖွင့်လှစ်ထားသည့် လက်ပံတောင်း သပိတ်စခန်းမှ ဒေသခံများသည် ဝမ်ပေါင် ကုမ္ပဏီနှင့် ဦးပိုင် ကုမ္ပဏီတို့မှ တာဝန်ရှိသူများနှင့် ဆွေးနွေးမှုပြုလုပ်လိုသော်လည်း ဆွေးနွေးခွင့် မရရှိသေးဟု သပိတ်စခန်း ဖွင့်လှစ်ထားသည့် ဒေသခံများက မဇ္ဈိမကိုပြောသည်။

တုံရွာအနီး လျော်ကြေးငွေမယူသည့် လယ်ယာမြေများကို ဝမ်ပေါင်ကုမ္ပဏီက ဖေဖော်ဝါရီလ ၁၅ ရက် က မြေတူးစက်များဖြင့် တူးဖော်သည်ကို ဒေသခံများက တားဆီးနေသော်လည်း ဆက်လက်တူးဖော်နေသဖြင့် သိမ်းဆည်းခံ လယ်ယာမြေများ ပြန်လည်ရရှိရေး သပိတ်စခန်းကို ဖွင့်လှစ်ခဲ့ခြင်း ဖြစ်သည်။

''ဝမ်ပေါင်ကို ဆက်သွယ်တော့ တရုတ်တွေ မရှိဘူးပြောတယ်။ ဦးပိုင်ကို ဆက်သွယ်တော့ တရုတ်တွေ မရှိလို့ ဆွေးနွေးမှု မပြုလုပ်နိုင်သေးဘူးပြောလို့ ခုထိ မဆွေးနွေးရ သေးပါဘူး။ အခုထိ သက်ဆိုင်ရာက ညှိနှုင်း ပေးတာလည်း မရှိသေးပါဘူး'' ဟု သပိတ်စခန်းဖွင့်လှစ်ရာတွင် ပါဝင်သည့် ဒေသခံ အမာချိုက မဇ္ဈိမကို ပြောသည်။

သပိတ်စခန်းဖွင့်လှစ်ပြီး သုံးရက်အကြာ ဖေဖော်ဝါရီ ၁၈ ရက်က တွေ့ဆုံဆွေးနွေး ရန်သက်ဆိုင်ရာ တာဝန်ရှိသူများထံ ဖုန်းဖြင့် ဆက်သွယ်အကြောင်းကြားခဲ့ခြင်း ဖြစ်သည်ဟု ၎င်းက ဆက်လက်ပြောသည်။

လက်ပံတောင်းတောင် ကြေးနီစီမံကိန်းကြောင့် သိမ်းဆည်းခံခဲ့ရသည့် လယ်ယာမြေများ ပြန်လည်ရရှိရေး နှင့် ဒေသခံ ဒေါ်ခင်ဝင်းသေဆုံးမှု အမှုမှန်ပေါ်ပေါက်ရေး ဖွင့်လှစ်ထားသည့် ပထမသပိတ်စခန်း ကို ၂ဝ၁၄ ခုနှစ် ဒီဇင်ဘာလ ၂၉ ရက်က ဖွင့်လှစ်ခဲ့သော်လည်း ယနေ့တိုင် သက်ဆိုင်ရာက ဖြေရှင်းပေးမှု တစ်စုံတစ် ရာမရှိသေးဟု ဒေသခံ ကိုအောင်သူကပြောသည်။

နိုင်ငံပိုင်သတင်းစာ ကျပ်သန်း ၄၀၀၀ ကျော် မြတ်စွန်းဟု ပြန်ကြားရေးပြော

ရွှေအောင်

နိုင်ငံပိုင်သတင်းစာတွေ ထုတ်ဝေဖြန့်ချိရောင်းချရာကနေ ၂၀၁၄-၂၀၁၅ ဘဏ္ဍာနှစ်အတွင်း ကျပ်သန်းပေါင်း ၄၀၀၀ ကျော် အမြတ်အစွန်းရဖို့ရှိ တယ် လို့ ပြန်ကြားရေးဒုဝန်ကြီး ဦးပိုက်ထွေးက ပြောပါတယ်။
ကျင်းပနေတဲ့ ပြည်ထောင်စုလွှတ်တော်တခုမှာ အလုံမြို့နယ်အမတ် ဦးခိုင်မောင်ရည်က အများပြည်သူဝန်ဆောင်မှုသတင်းစာတွေ ပြောင်းလဲထုတ်ဝေတဲ့အခါ နိုင်ငံပိုင်ဘဏ္ဍာငွေတွေနဲ့ အရှုံးခံ မလုပ်သင့်ဘူးလို့ ဆွေးနွေးသွားချက်အပေါ် ဒုဝန်ကြီးက တုံ့ပြန်ပြောဆိုလိုက်တာ ဖြစ်ပါတယ်။

သတင်းစာထုတ်ဝေဖြန့်ချိရောင်းချရာကနေ ပြီးခဲ့တဲ့နှစ်တွေအတွင်း ကျပ်သန်းထောင်နဲ့ချီ အမြတ်ရခဲ့တာတွေကိုလည်း ဒုဝန်ကြီးက ကိန်းဂဏန်းအတိအကျနဲ့ ကြေးမုံသတင်းစာကို ပြောပြသွားပြီး သူ့ပြောဆိုချက်အပေါ် အမတ်တွေဖြစ်တဲ့ ဒေါ်စန္ဒာမင်း၊ ဒေါ်ခင်ဝိုင်းကြည်၊ ဦးဖုန်းမြင့်အောင် စတဲ့သူတွေက ထောက်ခံပြောကြားသွားကြပါတယ်။

နိုင်ငံပိုင်သတင်းစာတွေ အမြတ်အစွန်း ကျပ်သန်းထောင်နဲ့ချီ ရရှိနေချိန်မှာ ပုဂ္ဂလိကသတင်းစာတွေ အရှုံးပေါ်နေပြီး ဖြန့်ချိရေးကအစ ဘက်ပေါင်းစုံမှာ အကျပ်အတည်းပေါင်းစုံတွေ့ပြီး ရုန်းကန်နေကြရတာ ဖြစ်ပါတယ်။

အဲလဗင်းသတင်းစာအယ်ဒီတာချုပ် ဦးဝေဖြိုးကတော့ နိုင်ငံပိုင်သတင်းစာတွေ မြတ်နေတယ်ဆိုတာ ၀န်ထမ်း၊ အဆောက်အဦ၊ စက်ပစ္စည်း စတဲ့ကုန်ကျစရိတ်တွေ အားလုံး တွက်ချက်ပြီးမှ ပြောတာလားလို့ မေးခွန်းထုတ်ပါတယ်။

“ပြန်ကြားရေးဝန်ကြီးဌာနမှာ သုံးစွဲနေတဲ့ ပစ္စည်းတွေ၊ ၀န်ထမ်းစရိတ်အပါအ၀င် အဆောက်အဦးစရိတ်တွေ၊ ပစ္စည်းဝယ်တဲ့စရိတ်တွေ အကုန်လုံးကို တွက်ချက်ပြီးတော့ မြတ်တယ်လို့ ပြောတာလား။ အဲ့ဒါဆိုလို့ရှိရင် အစိုးရထုတ် မြန်မာ့အလင်းနဲ့ ကြေးမုံသတင်းစာတွေက ပြည်သူတွေလက်ထဲမှာ ဘယ်လောက်တောင် Reliable ဖြစ်ပြီး ဘယ်လောက်တောင် လူတွေက သဲသဲလှုပ်ဖတ်ပြီး စောင်ရေဘယ်လောက်များ သန်းချီနေသလဲ စဉ်းစားစရာ ရှိသွားပြီ၊ အဲ့လိုမျိုးတွေရှိလို့ ပြောတယ်ဆိုရင်တော့ အများကြီး သင့်တော်တာပေါ့ဗျာ။”

ပြန်ကြားရေးဝန်ကြီးဌာနကထုတ်တဲ့ နိုင်ငံပိုင်သတင်းစာတွေမှာ ၀န်ထမ်းစရိတ်၊ စက်ပစ္စည်းနဲ့ အဆောက်အဦဖိုး ကုန်ကျမှုမရှိဘူးလို့ ပုဂ္ဂလိက သတင်းစာထုတ်ဝေသူတွေက အစဉ်တစိုက် ထောက်ပြ ပြောဆိုနေကြတာ ဖြစ်ပါတယ်။

ပြန်ကြားရေးဝန်ကြီးဌာနဟာ ဖေဖော်ဝါရီလဆန်းပိုင်းမှာပဲ သတင်းစာကြော်ငြာခနှုန်းထားတွေကို လျှော့ချပေးခဲ့ပြီး ရုပ်မြင်သံကြားကြော်ငြာခတွေကို တိုးမြှင့်ကောက်ခံခဲ့ပါတယ်။

နိုင်ငံပိုင်သတင်းစာ ကြေးမုံနဲ့ မြန်မာ့အလင်းတို့ဟာ လက်ရှိမှာ စောင်ရေသိန်းနဲ့ချီ ဖြန့်ချိရောင်းချနေပြီး တစောင် ကျပ် ၅၀ နဲ့ ရောင်းချနေတာ ဖြစ်ပါတယ်။

ဆောက်လုပ်ရေးများတွင် အရည်အသွေး စစ်ဆေးခြင်းများ လုံလောက်မှု မရှိ

ရခိုင်အမျိုးသားပါတီ အမတ်လောင်းများ မတ်လတွင် စိစစ်ဆုံးဖြတ်မည်

ဟိန်းကိုစိုး

ရခိုင်အမျိုးသားပါတီ (ANP) မှ ၂ဝ၁၅ခုနှစ် အထွေထွေရွေးကောက်ပွဲသို့ ဝင်ရောက်ယှဉ်ပြိုင်မည့် ကိုယ်စားလှယ်လောင်းများကို မတ်လ ၁၅ ရက်မှ စတင်ကာ စိစစ်ဆုံးဖြတ်သွားမည်ဖြစ်ကြောင်း ပါတီ ဗဟိုအလုပ်မှုဆောင် ကော်မတီ (စီးအီးစီ) ဦးအေးသာအောင်က ဖေဖော်ဝါ ရီ ၂၅ ရက်တွင် မဇ္ဈိမကို ပြောသည်။

၎င်းးက ''ရွေးကောက်ပွဲမဝင်မယ့် ဒုဥက္ကဋ္ဌ၊ စီးအီးစီတွေပါတဲ့ ငါးယောက်အဖွဲ့က စတင်ပြီးစိစစ်ဆုံးဖြတ်မယ်၊ ဝင်မယ်ဆိုတဲ့ သူတွေရဲ့ ဖောင်တွေကို မြို့နယ်ကတစ်ဆင့် ဗဟိုကို ဖေဖော်ဝါရီ နောက်ဆုံး အပတ်မှာ အပြီးရောက်လာပါမယ်'' ဟု ဆိုသည်။

ရခိုင်အမျိုးသားပါတီသည် ၂ဝ၁၅ ခု အထွေထွေရွေးကောက်ပွဲတွင် ရခိုင်ပြည်နယ် တစ်ခုလုံး၏ ၁၇ မြို့နယ်ရှိ ပြည်သူ့ လွှတ်တော် ၁၇ နေရာ၊ အမျိုးသား လွှတ်တော် ၁၂ နေရာ၊ ပြည်နယ်လွှတ်တော် ၃၄ နေရာ အား လုံးအပြင် ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီးရှိ ရခိုင်တိုင်းရင်းသားရေးရာ ဝန်ကြီးနေရာ တို့ ကို ဝင်ရောက်မည်ဖြစ်သည်။

ရခိုင်ပြည်နယ်လွှတ်တော်ကို ဝင်ရောက်မည့် အမတ်လောင်းများသည် ရခိုင်ပြည်နယ်အတွင်း နေထိုင်သူများဖြစ်ရမည် ဖြစ်ပြီး ပြည်သူ့လွှတ်တော်နှင့် အမျိုးသားလွှတ်တော်သို့ ဝင်ရောက်မည့်သူများသည် ပါတီ ဝင်သက်တမ်း ခြောက်လထိရှိသည့် မည်သူမဆို ပါတီမူဝါဒနှင့် ညီညွတ်သူများ ဝင်ရောက်နိုင်သည်ဟု ဦးအေးသာအောင်က ဆိုသည်။

ရခိုင်အမျိုးသားပါတီသည် အမျိုးသမီးနှင့် လူငယ်များပါဝင်ရေးအတွက်ကိုလည်း ဦးစားပေး ရွေးချယ်မှုများ ရှိနိုင်သည်ဟု ပါတီဗဟို အလုပ်အမှုဆောင် ဦးဦးလှစောက ပြောသည်။

မဟာမိတ်ဖွဲ့ထားသည့် ဖက်ဒရယ် ယူနီယံပါတီ၊ တိုင်းရင်းသားလူမျိုးများ မဟာမိတ်နှင့် ဖက်ဒရယ် ဒီမိုကရေ စီ မဟာမိတ်တို့အတွင်းပါရှိသည့် တိုင်းရင်းသားပါတီအများစုသည် မိမိနယ်မြေများရှိ မဲဆန္ဒနယ်အားလုံး တွင် အပြည့်ဝင်ရောက် ယှဉ်ပြိုင်ကြမည်ဖြစ်ပြီး အခြားပြည်နယ်တိုင်းများအတွင်းရှိ သက်ဆိုင်ရာ တိုင်းရင်းသားရေးရာ ဝန်ကြီးနေရာများကို ဝင်ရောက်ယှဉ်ပြိုင်ကြမည်ဟု ဖက်ဒရယ် ယူနီယံပါတီထံမှ သိရသည်။

အတိုက်အခံပါတီ အမျိုးသားဒီမိုကရေစီအဖွဲ့ချုပ်နှင့် အာဏာရပါတီ ပြည်ခိုင်ဖြိုး တို့က မဲဆန္ဒနယ် အားလုံးတွင် ဝင်ရောက်မည်ဖြစ်ပြီး အခြားပါတီများနှင့် ပါတီငယ်များကမူ ပါတီစည်းရုံးမှု မြင့်သည့်နေရာများ နှင့် မဝင်မနေရ သုံးနေရာတို့တွင်သာ ဝင်ရောက်ရန် ပြင်ဆင်နေကြသည်။

''ကျွန်တော်တို့တော့ လတ်တလော သုံးနေရာလောက်ပဲ ဝင်ပြိုင်ဖို့မှန်းထားတယ်။ နာက်ပိုင်းတော့ ထပ်တိုး နိုင်တယ်။ ရန်ကုန်နဲ့ မန္တလေးမှာပဲ ဝင်ဖြစ်ပါမယ်'' ဟု မြန်မာ့လူ့ဘောင်သစ်ပါတီ တွဲဖက်အတွင်း ရေးမှူး ဦးအောင်ကြည်က မဇ္ဈိမကိုပြော သည်။

ဖွဲ့စည်းပုံအခြေခံဥပဒေအရ အစိုးရသက်တမ်း မကုန်ဆုံးမီ ခြောက်လအတွင်း ရွေးကောက်တင်မြှောက်ခြင်း လုပ်ငန်းများကိုဆောင်ရွက်ရမည်ဖြစ်သဖြင့် ၂ဝ၁၅ ရွေးကောက်ပွဲကို အောက်တိုဘာ အကုန်တွင် ကျင်းပရမည် ဖြစ်သည်။ ပြည်ထောင်စုရွေးကောက်ပွဲ ကော်မရှင်ကလည်း ရွေးကောက်ပွဲကို ၂ဝ၁၅ခု အောက်တိုဘာလကုန်နှင့် နိုဝင်ဘာ ပထမ အပတ်တွင်းကျင်းပမည်ဟု ထုတ်ပြန်ထားသည်။

တကျော့ပြန် တိုက်ပွဲများနှင့် လောက်ကိုင်မြို့ မြင်ကွင်း

ကျော်မျိုးထွန်း

ကွန်ကရစ်လမ်းများပေါ်တွင် စွန့်ပစ်ထားသည့် မော်တော်ယာဉ်တချို့၏ မှန်နှင့် ကိုယ်ထည်များ၌ ကျည်ဆန် ထိမှန်ထားသည့် အပေါက်ရာများကို အထင်းသားတွေ့နေရသည်။ လမ်းဘေးဝဲယာတွင် အခိုင်အမာ ဆောက်လုပ်ထားသည့် လူနေ ဆိုင်ခန်းများဖြင့် ပြည့်နှက်နေသော်လည်း အခန်းအားလုံးနီးပါး သော့ခတ် ပိတ်ထားကြသည်။ လူတဦးစ၊ နှစ်ဦးစ လှုပ်ရှား သွားလာနေသည်မှအပ ပတ်ဝန်းကျင်ရှိ အရာအားလုံးက တိတ်ဆိတ် ငြိမ်သက်လျက်ရှိသည်။

တပ်မ ၃၃ မှ တပ်မတော်သားများ အပြည့်တင်ဆောင်ထားသည့် ကားနှစ်စီးဖြင့် မြို့တွင်းတွင် ကင်းလှည့်နေကြသည်။ မြို့လယ်ရှိ ငြိမ်းချမ်းရေး ကျောက်တိုင်အနီးတွင် အသင့်အနေထားဖြင့် လုံခြုံရေုးုယူထားသည့် တပ်မတော်သား တချို့တွေ့ရပြီး မြို့တွင်းသွားလာနေသည့် ကားများကို ရပ်တန့် စစ်ဆေးလျက်ရှိသည်။

ရဲဘော်တဦးက ပေ ၃၀၀ ခန့်အကွာရှိ လမ်းကြိုလမ်းကြားတနေရာမှ လမ်းမပေါ်သို့ လမ်းလျှောက်လာသူတဦးကို သေနတ်ဖြင့် ရုတ်တရက် လှမ်းချိန်လိုက်ပြီး စိတ်ချရသည့် အနေအထားရှိမှာသာ သေနတ်ပြန်ချလိုက်သည်ကိုလည်း တွေ့လိုက်ရသည်။

ယင်းအခြေအနေများသည် လက်ရှိ အနက်ရောင်နယ်မြေအဖြစ် သတ်မှတ်ထားသည့် ကိုးကန့် ကိုယ်ပိုင် အုပ်ချုပ်ခွင့်ရဒေသ မြို့တော် လောက်ကိုင်၏ ဖေဖော်ဝါရီလ ၁၆ ရက်နေ့ မြင်ကွင်းများပင် ဖြစ်သည်။

လမ်းဆုံလမ်းခွ တနေရာတွင် ပလက်ဖောင်းပေါ်၌ အထုပ်အပိုးကိုယ်စီဖြင့် ကယ်ဆယ်ရေးကား အလာကို စောင့်မျှော်နေသည့် လူတစုကိုလည်း ကွမ်းလုံဒေသခံ ကြက်ခြေနီအဖွဲ့ဝင်များနှင့်အတူ တွေ့ရသည်။

တိုက်ပွဲများကြောင့် လုပ်ငန်းရှင် တရုတ်သူဌေးသည် သူအပါအဝင် ကြံခုတ်အလုပ်သမားများ၏ လုပ်အားခများ မရှင်းပေးဘဲ တရုတ်နိုင်ငံဘက်သို့ ထွက်ပြေး တိမ်းရှောင်သွားသဖြင့် လောက်ကိုင်မြို့ပေါ်၌ ပုန်းအောင်း စောင့်ဆိုင်းနေခဲ့ကြောင်း တောင်တွင်းကြီးမြို့နယ်၊ သစ်ခုတ်ကွင်းကျေးရွာမှ လာရောက်လုပ်ကိုင်နေသည့် ကိုလှဌေးက ပြောသည်။

“ကျနော်တို့က ဒီလောက်ကြီး ဖြစ်လိမ့်မယ်လို့ မထင်တော့ ဒီမှာ ဆက်နေလိုက်တာ။ နောက်ဆုံး ဘယ်လို့မှ နေမရတော့လို့ ဒကစ (ဒေသကွပ်ကဲရေးစစ်ဌာနချုပ်) မှာ ၅ ရက်လောက် သွားအိပ်ခဲ့ရတယ်။ ညတိုင်း တအုံးအုံး တဖုံးဖုံးနဲ့ အပြန် အလှန်ပစ်နေတာပဲ။ ကျနော်တို့ဆို အိပ်လို့တောင်မရဘူး” ဟု ၄င်းက ဆိုသည်။

လက်ရှိ လောက်ကိုင်မြို့ပေါ်၌ ပိတ်မိနေသည့် မြန်မာအလုပ်သမား ၂၀၀ မှ ၃၀၀ ခန့်အထိ ရှိနေသေးကြောင်း ကယ်ဆယ်ရေးလုပ်ငန်းများ လုပ်ကိုင်နေသည့် လောက်ကိုင်ခရိုင် ကြက်ခြေနီတပ်ဖွဲ့မှ ဦးစီးမှူး ဦးကျော်ဇောထူးက ပြောသည်။

ပိတ်မိနေသူများမှာ တိုက်ပွဲများကြောင့် ကြံခင်းများအတွင်း ပုန်းအောင်းနေသူများ၊ ကားမဝင်နိုင်သည့် လမ်းကြိုလမ်းကြားများ၌ နေထိုင်ပြီး ကယ်ဆယ်ရေးကားများဆီ ထွက်မလာရဲသူများ၊ အပြန်လမ်းတွင် ပစ်ခတ်တိုက်ခိုက်ခံရမည်ကို ကြောက်လန့်နေသူများ နှင့် နေအိမ်ဈေးဆိုင်များ ဖောက်ထွင်းခံရမည်ကို ကြောက်ပြီး ဆက်လက် နေထိုင်နေသူများဖြစ်ကြောင်း ကယ်ဆယ်ရေး ဆောင်ရွက်သူများက ပြောဆိုကြသည်။

ကယ်ဆယ်ရေးလုပ်ငန်းများ လုပ်ကိုင်နေသည့် ကွမ်းလုံ ဓမ္မစကူးလ်အဖွဲ့မှ မချစ်မီးက “တချို့ အလုပ်သမားတွေကျတော့ တိုက်ပွဲကြောင့် တရုတ်သူဌေးတွေ ထွက်ပြေးသွားလို့ သူတို့လုပ်အားခ မရသေးဘူးဆိုပြီး စောင့်နေတာတွေရှိတယ်။ သူတို့ကို ချော့မော့ပြီး ပြန်ခေါ်လာရတယ်” ဟု ဧရာဝတီကို ပြောသည်။

လောက်ကိုင်မြို့နယ်၊ လော်ပါကျိုင်း ကျေးရွာမှ ကြံခုတ်လုပ်သား ကိုဝင်းထွန်းခိုင်က ကျေးရွာတွင် တိုက်ပွဲဖြစ်ပွားခြင်း မရှိသော်လည်း ပစ်ခတ် တိုက်ခိုက်သံများကို ကျယ်လောင်စွာ ကြားနေရကြောင်း၊ ပြန်ရန် လမ်းစရိတ် မရှိသဖြင့် ကြံခင်းများထဲတွင် ပုန်းအောင်းနေခဲ့ရကြောင်း ပြောဆိုသည်။

“အရင်ရက်တွေက ပြန်ဖို့စရိတ် လောက်လောက်ငှငှ မရှိတော့ ဒီအတိုင်းနေ နေရတယ်။ မနေ့ကတော့ ပြန်တော့မယ်လို့ ယတိပြတ် ဆုံးဖြတ်လိုက်ပြီး ရွာကားလမ်းဘေးကို ထွက်လာတုန်း ဒီကယ်ဆယ်ရေးအဖွဲ့နဲ့ တွေ့လို့ ကျနော်တို့တဖွဲ့လုံး ပါလာတာ” ဟု ၄င်းက ရှင်းပြသည်။

ထွက်ပြေး တိမ်းရှောင်သွားသည့် တရုတ်လုပ်ငန်းရှင် တချို့မှာ ၄င်းတို့ပိုင် နေအိမ်ဈေးဆိုင်များကို ပိတ်ထားခဲ့ပြီး မြန်မာဝန်ထမ်းတချို့ကို ပုံမှန်လုပ်အားခထက် ပိုပေးကာ အစောင့်အဖြစ်ထားခဲ့ကြကြောင်း သိရသည်။

“တညစောင့်ရင် ယွမ် ၂၀၀ (ကျပ် သုံးသောင်းခွဲခန့်) ရတယ်။ အရင်တုန်းက တလလုံးလုပ်မှ ယွမ် ၂၀၀၀၊ ၂၅၀၀ ဆိုတာ မိုင်ကုန်ပဲလေ။ အခုက အရင်ထက် ၃ ဆလောက်ကို ပိုရတယ်” ဟု လောက်ကိုင်မြို့ရှိ စွမ်းဖူး စက်ပစ္စည်းအရောင်းဆိုင်၌ လုံခြုံရေးအစောင့်အဖြစ် လုပ်ကိုင်နေသည့် မုံရွာသား ကိုဇော်ကြီးက ဆိုသည်။

မြို့ပေါ်၌ တိုက်ပွဲကြီးများ မဖြစ်ပွားသော်လည်း ချောင်းမြောင်း ပစ်ခတ်တိုက်ခိုက်မှုများ နေ့စဉ် ဖြစ်ပွားလျက်ရှိကြောင်း သိရှိရသည်။

တိုက်ပွဲများကြောင့် ထွက်ပြေး တိမ်းရှောင်သွားကြသည့် မြို့ခံများ၏ နေအိမ်နှင့် ဈေးဆိုင်ခန်းတချို့မှာ ဖောက်ထွင်း ခံထားရသည်။ တံခါးမရှိ ဓားမရှိ တွေ့သမျှ မြင်သမျှပစ္စည်းများကို ဝင်ရောက်ရှာဖွေ ယူငင်နေသူများကိုလည်း နေရာအနှံ့ တွေ့နေရသည်။

“လုတာယက်တာတော့ မရှိဘူး။ ဖောက်ထွင်းတာတွေပဲရှိတယ်။ ဒေသခံ တရုတ်ဆေးသမားတွေက ရှေ့ကနေ ဦးဆောင် ဖောက်ပေးတယ်။ ဗမာတွေက နောက်ကလိုက်ပြီး နည်းနည်းပါးပါး ယူတာတွေရှိတယ်” ဟု စွမ်းဖူး စက်ပစ္စည်းအရောင်းဆိုင်၌ လုံခြုံရေးအဖြစ် လုပ်ကိုင်နေသူ ကိုဌေးဦးက ဆိုသည်။

တိုက်ပွဲများကြောင့် လောက်ကိုင်မြို့တွင် တရားဥပဒေ စိုးမိုးမှု မရှိသလောက်ဖြစ်နေပြီး ပြန်ပေးဆွဲမှုတခုလည်း ဖေဖော်ဝါရီ ၁၅ ရက်က ဖြစ်ပွားခဲ့သေးသည်။

နေအိမ်ခြံဝင်းထဲ၌ ရှိနေသည့် ကြံလုပ်ငန်းရှင် ခင်ပွန်းသည်ကို တရုတ်လူငယ် ၃ ဦးက လာရောက် ဖမ်းဆီး ခေါ်ဆောင်သွားကြောင်း တုံချိန်ရပ်ကွက်မှ ဒေါ်နန်းအေပိုင်းက ဧရာဝတီကို ပြောသည်။

“ဘယ်နားမှာ ရှိတယ်ဆိုပြီး သူတို့က မပြောပြဘူး။ အခုတရုတ်ငွေ ၁၅ သိန်း (ကျပ်သိန်း ၂၀၀ ကျော်) နဲ့ လာရွေးဖို့ ပြောနေတယ်” ဟု ၄င်းက ဆိုသည်။

ယင်းပြန်ပေးဆွဲသည့် လူငယ်များသည် ကိုးကန့် လက်နက်ကိုင်တပ်ဖွဲ့ဝင်များ မဟုတ်ကြောင်းလည်း ၄င်းက ပြောသည်။

ကိုးကန့်တပ်ဖွဲ့ဝင်များမှာ လောက်ကိုင်မြို့အထွက်ရှိ ဒေသကွပ်ကဲရေးစစ်ဌာနချုပ် (ဒကစ) နှင့် ရဲစခန်းများကိုသာ အဓိက ပစ်မှတ်ထား တိုက်ခိုက်လျက်ရှိသည်ဟု သိရသည်။

လွန်ခဲ့သည့် ၂၀၀၉ ခုနှစ်က လောက်ကိုင်မြို့ပေါ်၌ တပ်မတော်နှင့် ဖုန်ကြားရှင် တပ်ဖွဲ့များအကြား ဖြစ်ပွားခဲ့သည့် တိုက်ပွဲများထက် ယခုတိုက်ပွဲမှာ ပိုမိုပြင်းထန်ကြောင်း၊ တိုက်ပွဲအများစုမှာ ညဘက်တွင်သာ ဖြစ်ပွားလေ့ရှိပြီး နေ့ခင်းတွင် ဖြစ်ပွားမှု မရှိသလောက် နည်းပါးကြောင်း ဒေသခံများက ပြောဆိုသည်။

“ပြန်ချင်တဲ့စိတ်တော့ ပေါ်တာပေါ့။ မိသားစုတွေတော့ လွှတ်လိုက်ပြီ။ မြန်မာပြည်ပြန်လည်း လုပ်ငန်းက သိပ်မရှိဘူးလေ။ စီးပွားရေး အခြေအနေအရ မှေးနေရတာပေါ့လေ” ဟု လုံခြုံရေးဝန်ထမ်း ကိုဌေးဦးက ဆိုသည်။

မြို့ပေါ်တိုက်ပွဲများအတွင်း နှစ်ဖက် ပစ်ခတ်တိုက်ခိုက်နေသည့် ပစ်ကွင်းကြား ရောက်ရှိသွားသည့် ပြည်သူတချို့မှာ သေဆုံးမှုများရှိကြောင်း လောက်ကိုင်မြို့မှ မိသားစုလိုက် ထွက်ပြေးတိမ်းရှောင်လာသည့် မုံရွာသား ဦးသိန်းထွန်းက ပြောပြသည်။

လောက်ကိုင်ခရိုင် ကြက်ခြေနီတပ်ဖွဲ့ ဦးစီးမှူး ဦးကျော်ဇောထူးက “လောလောဆယ်တော့ ဒီနေ့ (ဖေဖော်ဝါရီ ၁၆ ရက်) အလောင်း ၁၇ လောင်းတွေ့တယ်။ အရပ်သားလား၊ လက်နက်ကိုင်တွေလား ဆိုတာတော့ မသိဘူး။ မြန်မာလူမျိုး ၂ ယောက် ၃ ယောက်လောက်ပဲ ပါပါတယ်။ သူတို့က မှောက်နေတော့ သေချာမမြင်ရဘူး” ဟု ပြောသည်။

ကိုးကန့် ရဲတပ်ဖွဲ့ဝင်အဖြစ် တာဝန်ထမ်းဆောင်နေသူ တချို့မှာ တကျော့ပြန်တိုက်ပွဲများတွင် မြန်မာနိုင်ငံ လူမျိုးစုများ ဒီမိုကရေစီ မဟာမိတ် တပ်ပေါင်းစု (NMDAA) ကိုးကန့်တပ်ဖွဲ့ဘက်မှ ဝင်ရောက်တိုက်ခိုက်လျက်ရှိကြောင်းလည်း သိရသည်။

“တိုက်ပွဲမဖြစ်ခင်တုန်းက အလုပ်လုပ်ရင်း လျှိုဝင်နေတဲ့သူတွေက တကယ်တန်းကျတော့ သူပုန်တွေ ဖြစ်နေတယ်။ အခုလို တိုက်တဲ့အခါကျတော့ အကုန်လုံးထွက်ပြီး တိုက်ကြတာ။ အရင်တုန်းက မိတ်ဆွေတွေကလည်း အခု ရန်သူတွေဖြစ် ကုန်တာပေ့ါ” ဟု လောက်ကိုင်မြို့၌ ၁၀ နှစ်ကျော်နေထိုင်လာသူ မြို့ခံတဦးက ပြောသည်။

လောက်ကိုင်မြို့ပေါ်၌ လုံခြုံရေးယူထားသည့် တပ်မ ၃၃ မှ တပ်သား တဦးက ကိုးကန့်ပြည်သူနှင့် ကိုးကန့် လက်နက်ကိုင် တပ်ဖွဲ့ဝင်များကို ခွဲခြားတတ်ကြောင်း၊ အပြစ်မဲ့ပြည်သူများ မထိခိုက်အောင် အတတ်နိုင်ဆုံးဆောင်ရွက် လျက်ရှိကြောင်း ဧရာဝတီကို ပြောကြားသည်။

“ဒီကောင်တွေက အရပ်ဝတ်တွေနဲ့ ကျနော်တို့ကို ခြုံခိုတိုက်တယ်။ တိုက်ပေါ်ကနေလည်း ပစ်တယ်။ ဟိုတယ်ပေါ်ကနေလည်း ကျနော်တို့ကို ဝင်ချတယ်။ အပြင်တော့ လုံးဝမထွက်လာရဲဘူး။ သူတို့လည်း ပိတ်မိနေပြီ။ ကျနော်တို့လည်း ဝိုင်းထားတယ်” ဟု ၄င်းက ဆက်လက်ပြောကြားသည်။

ပြီးခဲ့တဲ့ ရက်ပိုင်းအတွင်း မြို့တွင်းတိုက်ပွဲတခုတွင် တပ်မတော်မှ လက်နက်အလက် ၁၀၀ ကျော်ရရှိခဲ့ပြီး MNDAA တပ်ဖွဲ့ ဝင် ၃၀ ကျော် ကျဆုံးခဲ့ကြောင်း သိရသည်။

ဖေဖော်ဝါရီလ ၉ ရက်နေ့က စတင်ခဲ့သည့် တိုက်ပွဲများကြောင့် ကိုးကန့်ဒေသရှိ ဒေသခံပြည်သူများ၊ တရုတ်နိုင်ငံသားများ၊ အစိုးရဝန်ထမ်းများ၊ ရွေ့ပြောင်း အလုပ်သမားများ အပါအဝင် သောင်းနှင့်ချီ စစ်ဘေးလွတ်ရာ ထွက်ပြေးတိမ်းရှောင် လျက်ရှိသည်။

ထို့သို ထွက်ပြေးတိမ်းရှောင်ရင်း မတော်တဆ ယာဉ်တိမ်းမှောက်မှုကြောင့် ကျောင်းအုပ်ဆရာမကြီး ၁ ဦးနှင့် ဆရာမ ၂ ဦးအပါအဝင် လူ ၁၅ ဦးထက်မနည်း သေဆုံးခဲ့ကြောင်း ဧရာဝတီက စုံစမ်းသိရှိရသည်။

ဖေဖော်ဝါရီ ၁၅ ရက် ညပိုင်း၌ ကိုးကန့်တပ်ဖွဲ့မှ ကားအစီး ၅၀ ခန့်ဖြင့် လောက်ကိုင်မြို့ရှိ ဒကစ စခန်းကို ဝင်ရောက် တိုက်ခိုက်ခဲ့ပြီး တပ်မတော်မှ ပြန်လည် ပစ်ခတ်မှုကြောင့် နောက်ကြောင်းပြန်လှည့် ထွက်ပြေးသွားကြောင်း တပ်မတော် အရာရှိကြီးတဦး၏ ပြောကြားချက်အရ သိရသည်။

ဖေဖော်ဝါရီလ ၁၇ နေ့ ရရှိသည့် သတင်းများအရ ယမန်နေ့ ညပိုင်း၌ လောက်ကိုင်မြို့တွင်း တိုက်ပွဲများ အပြင်းအထန် ဖြစ်ပွားခဲ့ပြီး အဆောက်အဦးတချို့ လက်နက်ကြီးဖြင့် ပစ်ခတ်ခံရကြောင်း သတင်းရရှိသည်။

“ညက တညလုံး လက်နက်ကြီးတွေနဲ့ ပစ်တာ။ အခန်းထဲမှာ ပုန်းနေတာတောင် ကိုယ်ခေါင်းနားက ဖြတ်သွားတဲ့ အတိုင်းပဲ။ ဒီမနက် ၉ နာရီလောက်အထိ ပစ်ခတ်နေတုန်းပဲ။ မနေရဲတော့ဘူး” ဟု တုံချိန်ရပ်ကွက်မှ ထွက်ပြေးတိမ်းရှောင်လာသူ ကိုကြည်မြင့်က ပြောသည်။

တိုက်ပွဲပြင်းထန်သဖြင့် မြို့တွင်း၌ ကျန်ရှိနေသေးသည့် ပုန်းအောင်းနေသူ တချို့မှာလည်း ထွက်ပြေး တိမ်းရှောင်လာနေပြီ ဖြစ်ကြောင်း ၄င်းက ဆက်ပြောသည်။

ကိုးကန့်တပ်ဖွဲ့ဝင်များ ခိုအောင်းနေသည့် လောက်ကိုင်မြို့ကို ယခုရက်ပိုင်းအတွင်း တပ်မတော်မှ အကြီးအကျယ် ထိုးစစ်ဆင်တော့မည်ဟုလည်း သတင်းများ ကျယ်ကျယ်ပြန့််ပြန့် ထွက်ပေါ်လျက်ရှိသည်

ယာဉ်မောင်းလိုင်စင် ပိတ်သိမ်းနိုင်တဲ့ ပြဌာန်းချက် အသစ်ဖြစ်ဖို့ ကြိုးစားနေ

တရုတ်နိုင်ငံ၏ အိမ်ခြံမြေဈေးကွက် ကျဆင်းနေမှုကြောင့် မြန်မာ့ အိမ်ခြံမြေ ဈေးကွက်အပေါ် ရိုက်ခတ်မှုများ ရှိလာနိုင်

သီဟကိုကို

တရုတ်နိုင်ငံ၏ အိမ်ခြံမြေစီးပွားရေး ဈေးကွက်ကျဆင်းနေမှုသည် မြန်မာ့အိမ်ခြံမြေ ဈေးကွက်အပေါ် သက်ရောက်မှုများ ရှိလာနိုင်သည်ဟု မြန်မာနိုင်ငံအခြေစိုက် အွန်လိုင်း အိမ်ခြံမြေဈေးကွက် House.com.mm က ပြောသည်။

တရုတ်နိုင်ငံ၏ စီးပွားရေးတိုးတက်မှုနှုန်း ကျဆင်းခဲ့ခြင်းကြောင့် တရုတ်အိမ်ခြံမြေ ဈေးကွက်အပေါ် အကျိုးသက်ရောက်မှု များ ဖြစ်ပေါ်နေပြီး ဈေးကွက် ကျဆင်းမှုများ ဖြစ်ပေါ်နေခြင်းဖြစ်သည်။ တရုတ်အိမ်ခြံမြေ ဈေးကွက် ကျဆင်းမှု အနေအထားကြောင့် မြန်မာ့ အိမ်ခြံမြေ ဈေးကွက်အပေါ် အကျိုးသက်ရောက်နိုင်မည့် အခြေအနေများကို အိမ်ခြံမြေလုပ်ငန်းရှင် အသိုင်းအဝိုင်းက စောင့်ကြည့်လျက်ရှိသည်။

ပြည့်ဝစေ အိမ်ခြံမြေ အကျိုးဆောင်လုပ်ငန်းမှ မန်နေဂျင်းဒါရိုက်တာဖြစ်သူ ဦးစိုးလှထွန်းက ''အိမ်နီးချင်းနိုင်ငံ တစ်ခုအနေနဲ့ တရုတ်ဟာ မြန်မာနိုင်ငံအတွင်းမှာ ရင်းနှီးမြှုပ်နှံမှုအများအပြားကို ပြုလုပ်ထားပြီး တရုတ်အိမ် ခြံမြေဈေးကွက် ကျဆင်းမှုဟာ မြန်မာ့အိမ်ခြံမြေ ဈေးကွက်အပေါ်ကိုလည်း အကျိုးသက်ရောက်မှုတွေ ရှိလာနိုင်ပါတယ်'' ဟု ပြောကြားခဲ့သည်။

တရုတ်နိုင်ငံသည် မြန်မာနိုင်ငံ၏ အိမ်ခြံမြေကဏ္ဍများအတွင်း အကြီးဆုံးရင်းနှီး မြှုပ်နှံသူဖြစ်သည့်အတွက် တရုတ်အိမ်ခြံ မြေကျဆင်းမှုမှ မြန်မာ့အိမ်ခြံမြေဈေးကွက်အပေါ် ရိုက်ခတ်လာမည်ကို မြန်မာ့အိမ်ခြံမြေလုပ် ငန်းရှင်များက စိုးရိမ်သည်။

House.com.mm ၏ Country Manager Jan Sommerfeld က ''တရုတ်အိမ်ခြံမြေ ဈေးကွက်ကျဆင်းမှုကနေ အိမ်ခြံမြေဟာ လုံခြုံတဲ့ ရင်းနှီးမြှုပ်နှံမှု ပြုလုပ်စရာ အခွင့်အလမ်းဆိုတဲ့ ယုံကြည်မှုကို ပပျောက်စေခဲ့မယ်ဆိုရင် လူတွေဟာ သူတို့ရဲ့ငွေကြေးတွေကို အိမ်ခြံမြေကဏ္ဍအတွင်းမှာ ရင်းနှီး မြှုပ်နှံမှုပြုလုပ်မယ့် အစား စတော့ရှယ်ယာ၊ ရွှေစတဲ့ တခြားနေရာတွေမှာ ရင်းနှီးမြှုပ်နှံပါလိမ့်မယ်'' ဟု သုံးသပ်သည်။

မြန်မာနိုင်ငံအတွင်း လက်ရှိတည်ဆောက်လျက်ရှိသည့် အဆင့်မြင့်အိမ်ရာဆောက်လုပ်ရေး စီမံကိန်းအများစုသည် တရုတ်နှင့် စင်ကာပူအခြေပြု ရင်းနှီးမြှုပ်နှံသူများဖြစ်ပြီး တရုတ်အိမ်ခြံမြေ ဈေးကွက် ကျဆင်းမှုကို ခန့်မှန်းမိသည့်အတွက် အိမ်နီးချင်းနိုင်ငံများတွင် လာရောက်ရင်းနှီးမြှုပ်နှံထားခြင်းဖြစ် သည်ဟု ၎င်းက ဆိုသည်။

စီးပွားရေးတိုးတက်မှုနှုန်း မြင့်မားခဲ့သည့် တရုတ်နိုင်ငံသည် ၁၉၉၈ ခုနှစ်နောက်ပိုင်း ပထမဆုံးအကြိမ် အဖြစ်အစိုးရ၏ သတ်မှတ်ထားသော တိုးတက်မှုနှုန်း ၇ ဒသမ ၅ ရာခိုင် နှုန်းကို လွဲချော်ခဲ့ပြီးနောက် စီးပွား ရေးတိုး တက်မှုနှုန်း ကျဆင်းနေချိန်တွင် အိမ်ခြံမြေဈေးကွက်မှာ ပိုမိုလျင်မြန်စွာ ကျဆင်းလာနေခြင်း ဖြစ်သည်။

၂ဝ၁၄-၁၅ ဘဏ္ဍာနှစ် ဇန်နဝါရီလ အထိ တရုတ်နိုင်ငံမှ မြန်မာနိုင်ငံအတွင်း ရင်းနှီးမြှုပ်နှံမှုသည် အမေရိ ကန်ဒေါ်လာ ၁၄ ဘီလီယံကျော် ရှိသည်ဟု ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနက ထုတ်ပြန်ထားသည်။

အရည်အသွေးစစ်ဆေးသည့်ကဏ္ဍ မြန်မာတွင် မရှိသလောက်ဖြစ်

ပိုင်စိုး

ဆောက်လုပ်ရေးအပါအ၀င် လုပ်ငန်းတော်တော်များများမှာ အရည်အသွေးစစ်ဆေးတဲ့ ကဏ္ဍက မရှိသလောက် ဖြစ်နေတယ်လို့ ပညာရှင်တွေက ထောက်ပြ ပြောဆိုလိုက်ပါတယ်။

အရည်အသွေးကို သေချာမစစ်ကြလို့ တိုက်တွေ ပြိုကျတာ၊ ယိမ်းယိုင် နိမ့်ဆင်းတာတွေ ဖြစ်သလို ဆောက်လုပ်တဲ့ ပုံစံ မမှန်ကန်လို့လည်း လူနေထိုင်ဖို့ မသင့်လျော်တာတွေ ရှိနေတာပါ။

ရန်ကုန်မြို့တော် စည်ပင်သာယာရေးကော်မတီ မြို့ပြစီမံကိန်း အကြံပေး ဒေါက်တာ ကျော်လတ်က “လူသားဆန်တဲ့အိမ်တွေ ဆောက်ဖို့လိုတယ်။ လူသားဆန်တဲ့ ပတ်ဝန်းကျင်လည်း ရှိရမယ်’’ လို့ ပြောပါတယ်။

အဆောက်အအုံတွေနဲ့ပတ်သက်လာရင်တော့ ဗိသုကာ ပညာရှင်တွေရဲ့ အခန်းကဏ္ဍဟာ အရေးကြီးပေမယ့် မြန်မာနိုင်ငံမှာတော့ ဗိသုကာ ပညာရှင်ကို သုံးရကောင်းမှန်းတောင် မသိဘူးလို့ သူက ဆက်ပြောပါတယ်။

ပုဂ္ဂလိကပိုင်းရော၊ အများပြည်သူနဲ့ဆိုင်တဲ့ ဆောက်လုပ်ရေး စီမံကိန်းကြီးတွေမှာပါ အရည်အသွေးနဲ့ ပတ်သက်ပြီး ဂရုမစိုက်ကြဘူးလို့ ပညာရှင်တွေက ဝေဖန်လိုက်တာပါ။

အစားအသောက်၊ ဆေးဝါးတွေကို အရည်အသွေး ကြပ်မတ်ကြသလို ကျန်တဲ့ ကဏ္ဍတွေမှာလည်း အရည်အသွေးနဲ့ပတ်သက်ပြီး သေသေချာချာ လိုက်နာဆောင်ရွက်ဖို့ လိုနေတာပါ။

အထူးသဖြင့် လူအများနဲ့ပတ်သက်တဲ့ ကိစ္စတွေ၊ သဘာဝပတ်ဝန်းကျင်ကိုပါ ထိခိုက်နိုင်မယ့် ကိစ္စမျိုးတွေမှာ ပိုပြီး ဂရုစိုက်သင့်တယ်လို့ အရည်အသွေး စစ်ဆေးတဲ့ ကုမ္ပဏီတခုဖြစ်တဲ့ Myanmar Inspection and Technology-MIT ရဲ့ ဒါရိုက်တာ ဦးသန်းထွန်းဇော်ကပြောပါတယ်။

“ဒီမှာ တခုလွဲနေတာရှိတယ်။ အရည်အသွေးစစ်ဆေးဖို့ တာဝန်ရှိသူက တတိယလူဖြစ်ရမယ်။ ပိုင်ရှင်ဘက်ကနေပြီး လုပ်ငန်းကို စစ်ဆေးရမှာ။ ခုကတော့ လုပ်ငန်းဆောင်ရွက်သူက ငှားနေတာမျိုးတွေလည်း ကြုံရတယ်။’’

ပြည်ပနိုင်ငံတွေမှာတော့ သူ့နိုင်ငံထဲကို တင်သွင်းတဲ့ အစားအသောက် စတာတွေအပြင် သစ်ပင်၊ ပန်းပင်တွေကိုပါ အရည်အသွေးထောက်ခံချက်နဲ့မှ တင်သွင်းခွင့် ပြုနေတာပါ။

မြန်မာပြည်တွင်းမှာ လာရောက်လုပ်ကိုင်နေတဲ့ နိုင်ငံခြားစီမံကိန်းတွေကတော့ နိုင်ငံတကာ အဆင့်မီ အရည်အသွေးစစ်ဆေးတဲ့ ကုမ္ပဏီတွေကို ငှားရမ်းလုပ်ကိုင်နေတာဖြစ်ပါတယ်။

မြန်မာနိုင်ငံမှာတော့ ဗိသုကာ ကောင်စီဖွဲ့စည်းလိုက်ပြီဖြစ်ပြီး ဥပဒေအရ ဆောက်လုပ်ရေးလုပ်ငန်းတွေရဲ့ အရည်အသွေးကို စစ်ဆေးသွားဖို့ ရှိနေပါတယ်။

ယနေ့ မြန်မာ့ရေးရာသတင်းများ March, 1st,2015

( 30 )ရန်ကုန်တွင် ၁ ပတ်အတွင်း ယာဉ်မတော်တဆမှု ၄၀ ကျော်ဖြစ်ပွား

( 29 )Myanmar man found dead on Samui

( 28 )ကျပ်သိန်း ၅ဝ နီးပါးစာ စက္ကူလွတ်တွေပါဝင်မှု တရားစွဲဆိုဖို့ စီစဉ်

( 27 )Myanmar to loosen import rules

( 26 )မကွေးတွင် တောင်သူလယ်သမားနေ့ အခမ်းအနား ခွင်ပြုမိန့် မရသော်လည်း ကျင်းပပြုလုပ်မည်

( 25 )Letter from Pazungtaung

( 224 )ကျောင်းသားသပိတ်စစ်ကြောင်းကို အရေးယူဖို့ ဒုတိယမြောက် သတိပေး

( 23 )Towards an Inclusive Approach

( 22 )ယခုအစိုးရ လက်ထက် တိုင်းရင်းသား လူမျိုးများရေးရာ ဝန်ကြီးဌာန ပေါ်ပေါက်လာရန် နည်းဥပဒေ အမြန်ဆုံးထွက်ရှိရန် လိုအပ်နေ

( 21 )The Search for Solutions

( 20 )ငြိမ်းချမ်းရေးဆွေးနွေးပွဲ မတ်လ ၁၆ ရက်နေ့ ပြန်လည်စတင်ဖို့ သဘောတူ

( 19 )Freelance Photographer Detained over Facebook Post Mocking Authorities

( 18 )ဆန္ဒပြကျောင်းသား ၅ ဦး တရားစွဲခံရ

( 17 )Students Cry Foul Over Education Ministry Proposals

( 16 )အလုပ်သမားသပိတ် ကူညီမှုနဲ့ ဖမ်းဆီးခံရသူ မိသားစုနဲ့တွေ့ခွင့်မရ

( 15 )China respects Myanmar's sovereignty, territorial integrity

( 14 )ရွှေပြည်သာ အလုပ်သမားတွေ တရားဝင်ဆန္ဒပြခွင့် ငြင်းပယ်ခံရ

( 13 )Labor Official Warns Migrants to Complete Thai Work Registration

( 12 )အမျိုးသားပညာရေးဥပဒေပြင်ဆင်ရေး အမျိုးသားလွှတ်တော်တွင် စတင်ဆွေးနွေးတော့မည်

( 11 )Shan mining protestors block trucks

( 10 )ပညာရေး ဥပဒေကြမ်း ပြင်ဆင်ရန် အကြံပြုစာများသောကြောင့် ကျောင်းသားများနှင့် တွေ့ဆုံရန် ရက်မသတ်မှတ်နိုင်သေးဟုဆို

( 9 )US$300 million loan approved for rural development

( 8 )ပညာရေးဥပဒေ ပြင်ဆင်သည့် ဥပဒေကြမ်းတွင် ပြင်ဆင်ဖြည့်စွက်ထားသည့် ပုဒ်မသည် ကလေးများ ကျောင်းပညာသင်ခွင့် မဆုံးရှုံစေရန်ဟု ဆို

( 6 )အာဆီယံအဖွဲ့ဝင် နိုင်ငံများတွင် မြန်မာတစ်နိုင်ငံတည်းသာ အမျိုးသမီးများကို အကြမ်းဖက်မှုမှ ကာကွယ်ရေး ဥပဒေ ပြဋ္ဌာန်းရန် ကျန်ရှိနေဟုဆို

( 5 )Govt Wrong to Suggest Wa, China Involvement in Kokang Conflict

( 4 )စစ်ပွဲတွေကြောင့် ခြောက်ကပ်တိတ်ဆိတ်နေတဲ့ ချင်းရွှေဟော်မြို့

( 3 )Let Us Stick to Humanitarian Work

( 2 )မိကျောင်းကန် သပိတ်စခန်းဖျက်သိမ်းပြီး ၁၄ ဦးကို ဖမ်းဆီး

( 1 )Two Injured After Blaze at Mae Sot Migrant School