ထိုင်းနိုင်ငံ တောင်ပိုင်း ယာလာမြို့ (Yala) တွင် ရခိုင်အလုပ်သမား ၁၇ ဦးကို ထိုင်းရဲက ဖမ်းဆီးခေါ်ဆောင် သွားသည်ဟု သတင်း ရရှိသည်။
“ သူတို့က ယာလာမြို့ ကြာဥဆိုတဲ့ နေရာမှာ လမ်းခင်း ကျောက်စီနေစဉ် မတ်လ ၁၅ ရက်နေ့ နံနက် ၁၀ နာရီခန့်မှာ ရဲက လာရောက် ဖမ်းဆီးခေါ်ဆောင်သွားတာ ဖြစ်ပါတယ်။ ဖမ်းဆီးခံရသူက စုစုပေါင်း ၁၇ ဦးပါ။ အကုန်လုံး ရခိုင်တွေပါဘဲ” ဟု ကိုစံရွှေခိုင်မှ နိရဉ္စရာသို့ ပြောကြားသည်။
ဖမ်းဆီးခံရသူ ၁၇ ဦးအထဲတွင် ရှစ်ဦးမှာ ပုဏ္ဍားကျွန်းမြို့နယ် တန်းခိုရွာမှ ဖြစ်ကြပြီး ကျန် ကိုးဦးမှာ ကျောက်တော်မြို့နယ်မှ ဖြစ်ကြောင်း သူက ပြောဆိုသည်။
တန်းခိုကျေးရွာမှ ဖမ်းဆီးခံရသူ ရှစ်ဦးမှာ နိုင်စိုးလင်း၊ ကျော်စိုးလှိုင်၊ မောင်လှယဉ်၊ အောင်ဖြူလှ၊ ဦးမောင်သန်း၊ မောင်ရွှေလှိုင်၊ ကျော်ဘအောင်နှင့် နောက်တစ်ဦးတို့ ဖြစ်ကြသည်ဟု သိရသည်။
ကျောက်တော်မြို့နယ်မှ ဖမ်းဆီးခံရသူ ကိုးဦးတွင် လင်မယားစုံတွဲ တစ်တွဲနှင့် မောင်အေးသိန်းနှင့် ကိုခိုင်ဇာတို့ကိုသာ မှတ်မိကြောင်း ကိုစံရွှေခိုင်မှ ပြောဆိုသည်။
“ ဖမ်းတာက ဘာကြောင့် ဖမ်းတယ်ဆိုတာ မသိရသေးဘူး။ အများစုမှာ ပတ်စ်ပို့နဲ့ ထိုင်းက ထုတ်ပေးတဲ့ အလုပ်သမားကတ်တွေလည်း ရှိကြပါတယ်။ လူတွေ အဖမ်းအဆီးရှိနေတော့ စုံစမ်းဖို့ ခက်ခဲနေပါတယ်” ဟု သူက ဆက်လက် ပြောဆိုသည်။
သူတို့ ၁၇ ဦးအား အခုအခါ ဆူခလ Songkhla သို့ ယူဆောင်သွားကြောင်း၊ သူဌေးမှ ငွေဖြင့် လိုက်နေသော်လည်း အချုပ်ခန်းထဲမှ ထုတ်၍ မရသေးကြောင်း သူက ဆက်လက် ပြောဆိုသည်။
No comments:
Post a Comment