ဖနိဒါ
မြန်မာနုိုင်ငံတွင် ဖက်ဒရယ် ဒီမုိုကရေစီ တည်ဆောက်ရန် တုိုင်းရင်းသား လက်နက်ကုိုင် အဖွဲ့အစည်းများအတွက် ဈေးစစ်၍ ဝယ်ယူရမည် ဖြစ်ကြောင်း ရှမ်းပြည်ပြန်လည် ထူထောင်ရေးကောင်စီ (RCSS) ဥက္ကဌ ဒုဗုိုလ်ချုပ်ကြီး ယွက်ဆစ်က ပထမနေ့ ထိပ်သီးအစည်းအဝေး မိန့်ခွန်းတွင် ပြောဆုိုထားသည်။
ထုိုင်းနုိုင်ငံ ချင်းမုိုင်မြို့တွင် မတ် ၂၄ ရက်က ပြုလုပ်သော တစ်နုိုင်ငံလုံး အပစ်အခတ် ရပ်စဲရေးသဘောတူစာချုပ်မူကြမ်း(NCA) လက်မှတ်ရေးထုိုးထားသော တုိုင်းရင်းသား လက်နက်ကုိုင် အဖွဲ့အစည်း ၈ ဖွဲ့၏ ဒုတိယအကြိမ်မြောက် ထိပ်သီးအစည်းအဝေးတွင် RCSS ဒုဗုိုလ်ချုပ်ကြီး ယွက်ဆစ်က မိန့်ခွန်းတွင် ထည့်သွင်းပြောဆုိုလုိုက်ခြင်း ဖြစ်သည်။
မြန်မာ့နုိုင်ငံရေးတွင် အဓိက ပြဿနာများဖြစ်သော အမျိုးသားရေး၊ နုိုင်ငံရေး၊ စီးပွားရေး၊ မြေယာနှင့် တပ်မတော်မှ ဖိနှိပ်ချုပ်ချယ်မှု စသည့် အချက် ၅ ချက်ကုို ယနေ့ အစည်းအဝေးတွင် ပွင့်ပွင်လင်းလင်း ဆွေးနွေးသွားကြရန် ဒုဗုိုလ်ချုပ် ယွပ်စစ်က တုိုက်တွန်းထားသည်။
“ အပြန်အလှန် ယုံကြည်မှုတွေ ရှိနုိုင်အောင် ဘယ်လုို ပြည်ထောင်စု မျိုးတည်ဆောက်ကြမလဲ။ ၂ အချက်ကတော့ နုိုင်ငံရေးပြဿနာ ဖြစ်ပါတယ်။ တဖက်မှာကတော့ ဖက်ဒရယ် ဒီမုိုကရေစီမျိုးကုို ရောင်းချပေးနေပါတယ်။ ဈေးစစ်နေပါတယ်။ အဲဒီ ဒီမုိုကရေစီရအောင် ဝယ်မယ်ဆုိုရင် ဘယ်လုို ဝယ်မလဲ၊ ဒီနေ့ အစည်းအဝေးမှာ ကျနော်တုို့ ပွင့်ပွင့်လင်းလင်း ဆွေးနွေးကြရမဲ့ အချက်ဖြစ်ပါတယ်။ တဖက်လည်း ၂၀၀၈ ဖွဲ့စည်းပုံကုို စွဲစွဲမြဲမြဲကုိုင်ထားပြီးတော့ တင်းမာနေပါတယ်။ ကျနေ်ာတို့ လုိုချင်တဲ့၊ ကျနော်တုို့ လုိုလားတဲ့ ဒီမုိုကရေစီကုို ဝယ်မယ်ဆုိုရင်လည်း တော်တော်လေး ဈေးစစ်ပြီးတော့ ယူရမှာ ဖြစ်ပါတယ်”ဟု မိန့်ခွန်းတွင် ပါရှိသည်။
အမျိုးသားရေးတွင် လူမျိုးအချင်းချင်း အမြင်မှား၍ တော်လှန်ရေးအဖွဲ့အစည်းများ ပေါ်ပေါက်လာရခြင်း၊ စီးပွားရေး ကျဆင်းမှုကြောင့် လူမျိုးတစ်မျိုးနှင့် တစ်မျိုးကြား အဆင့်အတန်း ကွဲပြားနေရခြင်း၊ မြေယာ ပြဿနာတွင်လည်း စစ်အာဏာဖြင့် မြေယာသိမ်းယူခြင်းသာမဟုတ်ဘဲ စီးပွားရေး အရင်းရှင်များမှလည်း အတင်းအဓမ္မ ဝယ်ယူခြင်းများ ရှိနေသည်ဟု ထည့်သွင်းပြောဆုိုထားသည်။
NCA ကုို လက်မှတ်ရေးထုိုးထားသော တုိုင်းရင်းသား လက်နက်ကုိုင် အဖွဲ့အစည်းများအနေဖြင့် စည်းလုံးညီညွတ်ကြရန် တုိုက်တွန်းထားသည်။
“ဒီကနေ့ နုိုင်ငံရေးပြဿ နာကိုဖြေရှင်းတယ်ဆုိုတဲ့ ထဲမှာ အဓိကအားဖြင့် ကျနော်တုို့ ဘယ်လောက်ထိ စည်းလုံးညီညွတ်မှု ရယူနုိုင်မလဲ။ ကျနော်တို့ ဘယ်လောက်ထိ လက်တွဲနုိုင်မလဲ၊ ညီညွတ်နုိုင်မလဲဆုိုတဲ့ အပေါ်မှာ မူတည်ပါတယ်။ အန်စီအေက ကျနော်တုို့ သွားနေတဲ့ ပန်းတုိုင်ကုို ရောက်ဖုို့အတွက် လမ်းတလမ်း ဖြစ်ပါတယ်။ အကယ်၍ုစုပေါင်း မညှိုနှုင်းနုိုင်ဘူးဆုိုရင်ဆုိုရင် ရန်သူ့လည့်ကွက်ထဲမှာ ကျရောက်သွားမှာ ဖြစ်ပါတယ်”ဟု ပါရှိသည်။
ထုိုအစည်းအဝေးသုို့ အဖွဲ့အစည်းတုိုင်းမှ ကုိုယ်စားလှယ်များနှင့် လေ့လာသူများ အပါအဝင် ၅၀ ကျော် တက်ရောက်နေပြီး ထုိုင်းနုိုင်ငံ ချင်းမုိုင်မြို့ရှိ Khum Phucome ဟုိုတယ်တွင် ပြုလုပ်နေခြင်း ဖြစ်သည်။ သဘာပတိများအဖြစ် RCSS ဥက္ကဌ ဒုဗုိုလ်ချုပ်ကြီး ယွပ်ဆစ်၊ PNLO ဥက္ကဌ ဦးခွန်မြင့်ထွန်းနှင့် ALP မှ ဒုဥက္ကဌ ဦးခုိုင်စုိုးနုိုင်အောင်တုို့ ပြုလုပ်ခဲ့သည်။
No comments:
Post a Comment