တင်ရွှေ - မင်းဘူး
ယနေ့ကျင်းပသည့် မကွေးတိုင်းဒေသကြီးလွှတ်တော် ပထမပုံမှန်အစည်းအဝေး နဝမနေ့တွင် တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီးအဖြစ် တပ်မတော်သား လွှတ်တော်ကိုယ်စားလှယ် ဗိုလ်မှူးကြီးနိုင်ဦးနှင့် ချင်းတိုင်းရင်းသား လူမျိုးရေးရာဝန်ကြီးဦးလှထွန်းတို့ ကတိသစ္စာပြုသည်။
မကွေးတိုင်း ဒေသကြီး အစိုးရ အဖွဲ့ဝန်ကြီးချုပ်မှ အဆိုပြုလာသည့် လုံခြုံရေးနှင့် နယ်စပ်ရေးရာဝန်ကြီးအဖြစ် တပ်မတော်သားလွှတ်တော်ကိုယ်စားလှယ် ဗိုလ်မှူးကြီးနိုင်ဦးအား ကန့်ကွက်ဆွေးနွေးလိုသည့် လွှတ်တော် ကိုယ်စားလှယ်များ မရှိသည့်အတွက် လွှတ်တော်၏သဘောတူညီချက်ရယူကာ လွှတ်တော်က သဘောတူ အတည်ပြုကြောင်း မကွေးတိုင်းဒေသကြီးလွှတ်တော်ဥက္ကဌ၏ အတည်ပြုချက်အရ သိရှိရသည်၊
ယင်းပုဂ္ဂိုလ်၏အမည်စာရင်းနှင့် စပ်လျဉ်း၍ ၂၀၁၃ ခုနှစ် မကွေးတိုင်းဒေသကြီး လွှတ်တော်ဆိုင်ရာ နည်းဥပဒေ ၅၃ အရ လွှတ်တော်ကသဘောတူကြောင်း ဆုံးဖြတ်ချက်ကို မကွေးတိုင်း ဒေသကြီး ဝန်ကြီးချုပ်ထံ ပေးပို့သွားမည်ဖြစ်ကြောင်း လွှတ်တော်ဥက္ကဋ္ဌက ကြေညာခဲ့သည်။ ယင်းအပြင် ချင်းတိုင်းရင်းသားလူမျိုး မဲဆန္ဒနယ်မှ လွှတ်တော်ကိုယ်စားလှယ် ဦးလှထွန်းအား ချင်း တိုင်းရင်းသားလူမျိုးရေးရာဝန်ကြီးအဖြစ် ဆောင်ရွက်ရန် အဆိုပြုတင်ပြခြင်းကို လွှတ်တော်တွင်မှတ်တမ်း တင်ထားရှိမည်ဖြစ်ကြောင်း လွှတ်တော်ဥက္ကဋ္ဌက ကြေညာခဲ့သိရှိရသည်။
No comments:
Post a Comment