စည်သူမောင်မောင်
ဧရာဝတီတိုင်းဒေသကြီးအစိုးရအဖွဲ့ဝင် ဝန်ကြီး ၅ ဦး၏ အမည်စာရင်းကို တိုင်းဒေသကြီးလွှတ်တော်သို့ တိုင်းဝန်ကြီးချုပ်မန်းဂျော်နီမှ ဧပြီလ ၅ ရက်တွင် တင်သွင်းမည်ဖြစ်ကြောင်း သိရှိရသည်။ တိုင်းဒေသကြီးဝန်ချုပ်ပေးပို့သည့် ဝန်ကြီးများစာရင်တွင် ကိုယ်စားလှယ်မဟုတ်သူများမှ ဝန်ကြီးစာရင်း တင်သွင်းခံရသူ၃ဦးပါရှိပြီး၊ ကိုယ်စားလှယ်များထဲမှ ၂ဦးသာပါရှိသည်။
ယင်းအမည်စာရင်းကို လွှတ်တော်ကိုယ်စားလှယ်များက ဆွေးနွေးရန်မရှိပါက ထိုငါးဦးကို အတည်ပြုမည်ဖြစ်ကာ လွှတ်တော်ဥက္ကဋ္ဌ ရှေ့မှောက်တွင် ကတိသစ္စာပြုရမည်ဖြစ်သည်။ "ပြင်ပသူတွေ ပညာရှင်တွေပါလာတယ်။ ကိုယ်စားလှယ်က ၂ယောက်ပဲပါတယ်"ဟု ကိုယ်စားလှယ်တစ်ဦးထံမှ သိရှိရသည်။
အရပ်သားမှရွေးချယ်သူများတွင် စိုက်ပျိုးရေးပညာရှင်များ၊ စာရင်းအင်းပညာရှင်နှင့် ဆောက်လုပ်ရေးပညာရှင်တို့ ဖြစ်ကြောင်းသိရှိရပြီး စည်ပင်သာယာရေးနှင့် လူမှုရေးဝန်ကြီးနေရာတို့အား ကိုယ်စားလှယ်များထဲမှ တာဝန်ယူမည်ဟု သိရသည်။
No comments:
Post a Comment