ကျော်မင်း (စစ်တွေ)
ရခိုင်ပြည်နယ်၊ တောင်ကုတ်မြို့နယ်၊ ကမာကျေးရွာတွင် ဧပြီ ၁ ရက် နေ့လည် ၃ နာရီအချိန်ခန့်က မိုးကြိုးထိမှန်ပြီး လူကြီးတစ်ဦးနှင့် ကလေးငယ်တစ်ဦး သေဆုံးခဲ့ကြောင်း သိရသည်။
မိုးကြိုးထိမှန်ပြီး သေဆုံးသွားသူများမှာ ကမာကျေးရွာနေ အသက် ၃၄ နှစ်အရွယ် ကိုသက်နိုင်ဦး (ဘ) ဦးဖြူလှချေ နှင့် အသက် ၃ နှစ်အရွယ် မပြည့်ဖူးခိုင် (ဘ) ဦးမြဝင်းတို့ဖြစ်ပြီး မိုးကြိုးထိမှန်မှန်ချင်း သေဆုံးခဲ့ခြင်း ဖြစ်ကြောင်း တောင်ကုတ်မြို့နယ် ရဲစခန်းက အတည်ပြု ပြောကြားခဲ့သည်။
"မှန်ပါတယ်။ မိုးကြိုးထိမှန်ပြီး သေဆုံးတယ်ဆိုတာ။ သေမှုသေခင်းဆိုင်ရာ ဥပဒေပုဒ်မ လမု/၃/၂၀၁၆ နဲ့ ဆက်လက်ဆောင်ရွက်နေပါတယ်" ဟု တောင်ကုတ်မြို့နယ် လမု ရဲစခန်းမှ ရဲအုပ် မိုးအောင်က မဇ္ဈိမကို ပြောသည်။
ဖြစ်ပွားခဲ့ပုံမှာ လေပြင်းတိုက်နေစဉ်အတွင်း သေဆုံးသူ ကိုကိုသက်နိုင်ဦးက အိမ်နီးချင်းဖြစ်သူ မသန်းသန်းမြင့်၏ နေအိမ်သို့ဝင်ရောက်ပြီး မပြည့်ဖူးငုံကို နှုတ်ဆက်ရာမှ မိုးကြိုးပစ်ခံရခြင်းဖြစ်ကြောင်း တောင်ကုတ်မြို့နယ်၊ လမုရဲစခန်းက အတည်ပြု ပြောကြားခဲ့သည်။
No comments:
Post a Comment