နေသာ
မြန်မာနိုင်ငံ၏ ဆီးချိုသွေးချို ရောဂါဖြစ်ပွားမှုနှုန်းနှင့် မကူးစက်နိုင်သောရောဂါဖြစ်ပွားမှုအကြောင်း စစ်တမ်းအရ လူအယောက်တစ်ရာတွင် ဆီးချိုသွေးချို ရောဂါဖြစ်ပွားမှုနှုန်း လူ (၁၀.၅) ယောက်ခန့် ဖြစ်နေသည်ကို တွေရှိရ ကြောင်း ကျန်းမာရေးဝန်ကြီးဌာန အမြဲတမ်းအတွင်းဝန် ပါမောက္ခ ဒေါက်တာသက်ခိုင်ဝင်းက ပြောသည်။ ကမ္ဘာ့ ကျန်းမာရေးနေ့ အခမ်းအနားကို နေပြည်တော်ရှိ ကျန်းမာရေးဝန်ကြီးဌာန အစည်းအဝေးခန်းမ၌ ဧပြီ ၇ ရက်နေ့ နံနက်က ကျင်းပရာတွင် ပြည်ထောင်စုဝန်ကြီးကိုယ်စား ကျန်းမာရေးဝန်ကြီးဌာန အမြဲတမ်းအတွင်းဝန် ပါမောက္ခ ဒေါက်တာသက်ခိုင်ဝင်းက ပြောကြားခဲ့ခြင်းဖြစ်သည်။
“ အသက် (၂၅) နှစ်မှ (၆၄) နှစ်အတွင်းဆီးချိုသွေးချိုရောဂါ ဖြစ်နှုန်းမှာ လူအယောက် ၁၀၀ တွင် (၁၀.၅) ခန့် ဖြစ်နေတာကို တွေ့ ရှိရပါတယ် ။ဒီဖြစ်ပွားမှုနှုန်း နဲ့ တွက်ချက်ကြည့်ရင် မြန်မာနိုင်ငံမှာ ဆီးချိုသွေးချို ရောဂါဖြစ်ပွားနေ သူပေါင်း (၂.၅) သန်းခန့် ဖြစ်ပွားနေတာကိုခန့် မှန်းနိုင်ပါတယ် ” ဟု အမြဲတမ်းအတွင်းဝန် ကပြောသည်။ ယခု ၂၀၁၆ ခုနှစ် ကမ္ဘာ့ ကျန်းမာရေးနေ့ ဆောင်ပုဒ်မှာ “ ကျန်းမာစေသည့် လူနေမှုဘ၀ ၊ နေ့ စဉ်ရွေးချယ်နေထိုင်မှ ဆီးချိုသွေးချို ကင်းဝေးရ ” ဟု ဆိုသည့် ဆောင်ပုဒ်ဖြစ်ပြီး ၂၀၃၀ခုနှစ်တွင် ယင်းရောဂါကြောင့် ကမ္ဘာတစ်ဝှမ်း သေဆုံးမှုမှာ အဆင့် ၇ ရောက်လာနိုင်သည်ဟုခန့် မှန်းထားကြောင်း ကမ္ဘာ့ကျန်းမာရေးအဖွဲ့ (WHO) ထုတ်ပြန်ထားသည်။
“ ၂၀၃၀ မှာဆီးချိုသွေးချိုကြောင့် ရောဂါကြောင့် သေဆုံးမှုနှုန်းဟာ အဆင့် (၇) နေရာကို ရောက်လိမ့်မယ်လို ကမ္ဘာ့ ကျန်းမာရေးအဖွဲ့ ကြီးက ခန့် မှန်းထားပါတယ် ” ဟု အမြဲတမ်းအတွင်းဝန်ကဆိုသည်။ ဆီးချိုသွေးချိုရောဂါသည် ကမ္ဘာတစ်ဝှမ်းတွင် ကပ်ရောဂါတစ်ခုကဲ့သို့ လျင်မြန်စွာ တိုးပွားများပြားလျှက်ရှိကာ အလယ်အလတ်ဝင်ငွေနည်းပါးသည့် နိုင်ငံများတွင် ၂၀၀၈ ခုနှစ်ကပင် ဆီးချိုသွေးချို ရောဂါဖြစ် ပွားသူဦးရေ (၃၄၇) သန်းခန့် ရှိနေကာ (၂၀၁၂) ခုနှစ်အရောက်တွင် ယင်းရောဂါကြောင့်တစ်နှစ်လျှင် သေဆုံးသူလူဦးရေ (၁.၅) သန်းခန့် ရှိနေကြောင်း ကမ္ဘာ့ ကျန်းမာရေးနေ့ အခမ်းအနားမှ သိရသည်။
No comments:
Post a Comment