ဆွမ်ပရာဘွမ်က စစ်ပြေးဒုက္ခသည်တွေကို သွားကူရန် အစိုးရ လုံခြုံရေးတာဝန်မယူ၍ အကူအညီ မပေးနိုင်သေး

ဖနိဒါ

ကချင်ပြည်နယ် ဆွမ်ပရာဘွမ်မြို့နယ်က အစိုးရတပ် နှင့် ကေအိုင်အေ တိုက်ပွဲအတွင်း ထွက်ပြေး တိမ်းရှောင်နေရသည့် စစ်ပြေးဒုက္ခသည်များကို သွားကူရန် အစိုးရက လုံခြုံရေးမယူပေးနိုင်ရန် သွားမကူနိုင်သေးကြောင်း ကချင်နှစ်ခြင်းခရစ်ယာန်အဖွဲ့ချုပ် (KBC)က မဇ္ဈိမကို ပြောသည်။ -

ကချင်ပြည်နယ် ဝန်ကြီးချုပ် လဂျွန်ငံဆိုင်းထံသို့ KBC က ခွင့်ပြုမိန့်စာ တင်ပြခဲ့သည်။ ထိုမှ မြောက်ပိုင်းတိုင်း စစ်ဌာနချုပ် (ပခမ)သို့ ပြန်လည် တင်ပြခိုင်းသဖြင့် KBC က ဇူလိုင်လ ၁၆ ရက် သွားရောက် ညှိနှိုင်းခဲ့ရာ အဆိုပါ ဒေသခံသို့ ကုန်းလမ်းဖြင့် သွားရန်နှင့် အကယ်၍ ကုန်းလမ်းဖြင့် မဟုတ်ပါက လုံခြုံရေးတာဝန်မယူနိုင်ကြောင်း ပြောဆိုခဲ့သဖြင့် သွားရောက်နိုင်ခြင်း မရှိသေးကြောင်း KBC ၏ ပြန်ကြားရေးဌာန တာဝန်ခံ ဦးလမာယော်က ပြောသည်။

“မသွားရသေးဘူးဗျ။ ကျနော်တို့ ကူညီထောက်ပံ့ဖို့ရန်အတွက် ကူညီထောက်ပံ့မဲ့ပစ္စည်းတွေ၊ လူစာရင်းတွေ အပါအဝင် ဝန်ကြီးချုပ် ကို စာတင်တယ်။ ဝန်ကြီးချုပ်က တိုင်းကို ပြန်လွဲပေးလိုက်တယ်။ အဲတော့ မနေ့က ကျွန်တော်တို့ ရုံးက ဆရာသုံးယောက် တိုင်းမှာ သွားညှိနှိုင်းတယ်။ ခွင့်ပြုမိန့်တောင်းတာပေါ့။ အဲဒီအခါမှာ တိုင်းကကုန်းလမ်းဆိုရင် သွားပါ။ ရေကြောင်းလမ်းဆိုရင် လုံခြုံရေး အရ တာဝန်မယူနိုင်ဘူးလို့ပြောတယ်။ အဲကြောင့် ကျွန်တော်တို့က ကုန်းလမ်းကအခုချိန်မှာ မပေါက်ဘူး”ဟု သူက မဇ္ဈိမကိုပြောသည်။

လက်ရှိ မြစ်ကြီးနား-ဆွမ်ပရာဘွမ်ကားလမ်းသည် မိုးရာသီတွင် ဗွက်များထူထပ်ကာ လမ်းခရီး ကြမ်းတမ်းသဖြင့် ကုန်းလမ်းခရီးဖြင့် သွားရောက်နိုင်ခြင်း မရှိဘဲရေးကြောင်းဖြင့် သွားရောက် ပို့ဆောင်ရန် ခွင့်ပြုမိန့်တောင်းခံခြင်းဖြစ်သည်။

“ကုန်းလမ်းက လွန်ခဲ့တဲ့လူတွေ လမ်းခရီးမှာ ရက် ၂၀ ကျော်ကြာတယ်။ အဲဒါကြောင့် ကုန်းလမ်းက မဖြစ်နိုင်ဘူးပြောတယ်။ အဲဒါနဲ့ ကျွန်တော် ပြန်ဆိုင်းငံ့ထားတယ်။ ဗွက်တွေက ထရီးခေါင်းကားတွေတောင် တဝက်လောက်ထိ နစ်တယ်၊ ဒါကြောင့် အမြန်ဆုံး ခွင့်ပြုပေးပါလို့ တိုင်းကို ထပ်ပြီး ပြောထားတယ်။ အဲဒါစောင့်ရုံပဲ”ဟု သူက ပြောသည်။

စစ်ပြေးဒုက္ခသည်ပေါင်း (၁၀၀၀)အတွက် ဆန်၊ ဆီ၊ဆား၊ ဆေးဝါး၊ မိုးကာစသည့်ထောက်ပံ့ ပစ္စည်းများနှင့်အတူ ခွင့်ပြုမိန့်တောင်းခံ ထားခြင်း ဖြစ်ကြောင်းနှင့် ကုသသမဂ္ဂ ဒုက္ခသည်များဆိုင်ရာ မဟာမင်းကြီးရုံး(UNHCR)ကလည်း မိုးကာ အချပ် ၅၀ ချပ်ကို ကူညီထောက်ပံ့ရန် ရှိသည်ဟု သူက ပြောသည်။

ဇူလိုင်လဆန်းပိုင်းကစတင်၍ ကချင်ပြည်နယ်မြောက်ပိုင်း ဆွမ်ပရာဘွမ်မြို့နယ် ဧရာဝတီမြစ် အနောက်ဘက်ရှိ KIA တပ်မဟာ ၁ လက်အောက်ခံ တပ်ရင်း ၇ ဒေသ မလိယန်ကျေးရွာအနီးသို့ အစိုးရ စစ်တပ်က အင်အားအများအပြားဖြင့် ထိုးစစ်ဆင် တိုက်ခိုက်လာသဖြင့် တိုက်ပွဲ ဖြစ်ပွားခဲ့ခြင်း ဖြစ်သည်။

ဇူလိုင်လ ၁၁ ရက်မူ အစိုးရ စစ်တပ်က တိုက်လေယာဉ်များ အသုံးပြု၍ တိုက်ခိုက်ခဲ့သဖြင့် ပလိယန်ကျေးရွာသားများ အပါအဝင် အနီးအနားရှိ ကျေးရွာသားများ အပါအဝင် ၁၀၀၀ ကျော်က ဧရာဝတီမြစ်အရှေ့ဘက်ခြမ်းသို့ ထွက်ပြေး တိမ်းရှောင်နေရသည်ဟု သိရသည်။

ဇူလိုင်လ ၁၅ ရက်ကမူ KIA ၏ တပ်ရင်း ၇ ၏ မလိအောင် ရှေ့တန်း တစ်ခုကို အစိုးရ စစ်တပ်က သိမ်းယူခဲ့ပြီး ဖြစ်သလို၊ ယနေ့ထိ တိုက်ပွဲဖြစ်ပွားနေဆဲ ဖြစ်သည်ဟု မြစ်ကြီးနားမြို့ရှိ ကချင်ငြိမ်းချမ်းရေးအကျိုးဆောင်အဖွဲ့ (PCG) မှ ဦးဆန်အောင် ကပြောသည်။

“အစိုးရစစ်တပ်က တပ်ရင်း ခုနှစ်ရင်းလောက်နဲ့ တိုက်ခိုက်နေတာ၊ ကေအိုင်အေဘက်ကတော့ ၃၀ လောက်ပဲ ရှိတဲ့နေရာကို တိုက်တာ။ ၁၅ ရက်က ညနေပိုင်းကနေ ညသန်းခေါင်ထိ တိုက်တာ၊ ရွာသားတွေကို လမ်းပြခိုင်းပြီး မလိယန်နားက မလိအောင် ပိုစ့် တခု သိမ်းလိုက်တယ်၊ ဒီနေ့တိုက်ပွဲဖြစ်မဖြစ် မကြားသေးဘူး”ဟု ၎င်းက မဇ္ဈိမကို ပြောသည်။

တိုက်ပွဲဖြစ်ပွားနေသဖြင့် KIO ၏ ပဋိပက္ခ ညှိနှိုင်းဖြေရှင်းရေးအဖွဲ့က ဇူလိုင်လ ၁၃ မှ ၁၅ ရက်အတွင်း တွေ့ဆုံဆွေးနွေးရန် အကြောင်းကြားခဲ့သော်လည်း အစိုးရ ပဋိပက္ခ ညှိနှိုင်းဖြေရှင်းရေးအဖွဲ့က လူမစုံသေးဟု ပြောဆိုကာသဖြင့် ယနေ့ထိတွေ့ ဆုံနိုင်ခြင်း မရှိသေးသော်လည်း ဇူလိုင်လ ၂၀ ကျော်တွင် ပြန်လည် တွေ့ဆုံဆွေးနွေးနိုင်လိမ့်မည်ဟု မျှော်လင့်ကြောင်း ဦးဆန်အောင်က ပြောသည်။

အစိုးရဘက်က ပဋိပက္ခ ညှိနှိုင်းဖြေရှင်းရေးအဖွဲ့ ခေါင်းဆောင် ဗိုလ်မှူးကြီး သန်းအောင် နုတ်ထွက်သွားသဖြင့် သူ၏ နေရာတွင် အစားပြန်ထိုးမည့် ပုဂ္ဂိုလ် မည်သူဖြစ်မည်ကို မသိသေးဟု ဆိုသည်။