ဖနိဒါ
ထုိုင်းတောင်ပုိုင်း လိပ်ကျွန်း လူသတ်မှုတွင် ထုိုင်းလူ့အခွင့်အရေးအဖွဲ့နှင့် ထုိုင်းရှေ့နေများကောင်စီတုို့ ကွင်းဆင်းစစ်ဆေးသည့် အချိန်တွင် ဖမ်းဆီးခံ မြန်မာလုပ်သားနှစ်ဦးမှာ နှိပ်စက်ခံထားရပြီး ပေးသည့် ဖြောင့်ချက်မှာ တရားမဝင်ကြောင်း ထုိုင်းလူ့အခွင့်အရေးအဖွဲ့များက တရားခွင်သို့ တင်ပြခဲ့သည်ဟု မြန်မာသံရုံး စုံစမ်းစစ်ဆေးအဖွဲ့မှ ရှေ့နေ ဦးအောင်မျိုးသန့်က ပြောသည်။
စက်တင်ဘာလ ၂၄ ရက်က တရားခွင်သုို့ ထုိုင်းလူ့အခွင့်အရေးအဖဖွဲ့၊ ထိုင်းရှေ့နေများကောင်စီမှ ကုိုယ်စားလှယ် နှစ်ဦးနှင့် ဆူရတ်ဌာနီမှ မြန်မာလုပ်သား တစ်ဦးတို့ကို စစ်ဆေးခဲ့သည်။ “သူတို့ကတော့ တရားခံတွေနဲ့ ပတ်သက်လုို့ ကွင်းဆင်းစစ်ဆေးတဲ့အခါမှာ နှိ်ပ်စက်ခံရပါတယ် ဆိုတာကို တင်ပြတာပါ။ ရှေ့နေများကောင်စီက ကိုယ်စားလှယ်ကလည်း တုိုင်ကြားစာကုို မူတည်ပြီးတော့ စစ်ဆေးတဲ့ အခါမှာ အမှန်အကန်ဖြစ်တယ်ဆုိုပြီးတော့ ဒီတရားခွင်ကို ဒီကလေးတွေရဲ့ ဖြောင့်ချက်က တရားမဝင်ဘူး။ နှိပ်စက်ခံရလို့ပါဆုိုပြီးတော့ ထွက်ဆုိုသွားတာပါ”ဟု ဦးအောင်မျိုးသန့်က ပြောသည်။
မြန်မာအလုပ်သမား တစ်ဦးကလည်း ကိုဝင်းဇော်ထွန်း ဆူရတ်ဌာနီကုို ရောက်လာခြင်းသည် အလုပ်လုပ်ရန် ရောက်လာခြင်း ဖြစ်ပြီး တရားလိုဘက်မှ စွပ်စွဲထားသည့်အတိုင်း လူသတ်မှုကျူးလွန်၍ ထွက်ပြေးလာခြင်း မဟုတ်ကြောင်း ထွက်ဆုိုခဲ့သည်ဟု သဆိုသည်။ ယင်းအပြင် အသက်အန္တရာယ်ကုို ခြိမ်းခြောက်မှုနှင့် နှိပ်စက် ရိုက်နှက် ခံရသည်ကို မခံနုိုင်တော့၍ နောက်ဆုံး ဝန်ခံခဲ့ရသည်ဟု လူသတ်မှုဖြင့် ဖမ်းဆီးခံထားရသူ ကုိုဇော်လင်းက စက်တင်ဘာလ ၂ ရက်က ကော့စမွေတရားရုံးတွင် ထွက်ဆုိုထားကြောင်း ထိုင်းရဲတပ်ဖွဲ့မှ ဘာသာပြန် ကိုကမာက ဆိုသည်။
တရားလုို ထုိုင်းရဲတပ်ဖွဲ့ဘက်က သက်သေအဖြစ် လူပေါင်း ၃၆ ဦးကို စစ်ဆေးခဲ့ပြီးနောက် စက်တင်ဘာလ ၁၁ ရက်မှ ယနေ့ထိ စစ်ဆေးခဲ့သူပေါင်း ၈ ဦးကို တရားရုံးတွင် စစ်ဆေးခဲ့သည်။ တရားခံပြသက်သေ အဖြစ် ထွက်ဆုိုရန်လည်း ၃၁ဦးကို တရားခွင်သုို့ တင်ပြထားသည်ဟု သိရသည်။ မြန်မာသံရုံးအဖွဲ့မှ ဒုတိယ သံအမတ် ဦးထွန်းအေး၊ ဘာသာပြန် ဦးအောင်စုိုး၊ ဆရာမ ဒေါ်သူဇာနွယ်တုို့ကုိုလည်း စက်တင်ဘာလ ၂၄ ရက်နှင့် ၂၅ ရက်များတွင် စစ်ဆေးသွားမည်ဟု ရှေ့နေ ဦးအောင်မျိုးသန့်က ပြောသည်။ ၂၀၁၄ ခုနှစ် စက်တင်ဘာလ ၁၅ ရက်က ဗြိတိန်နုိုင်ငံသား ဟန်နာ ဝစ်သာရစ်နှင့် ဒေးဗစ်မေလာတို့ လိပ်ကျွန်းကမ်းခြေတွင် အသတ်ခံရမှု၌ မြန်မာရွှေ့ပြောင်းအလုပ်သမား ကုိုဇော်လင်းနှင့် ကုိုဝင်းဇော်ထွန်းတုို့ကုို ထုိုင်းရဲတပ်ဖွဲ့က တရားလုို ပြုလုပ်၍ လူသတ်မှုဖြင့် တရားစွဲဆိုထားခြင်း ဖြစ်သည်။
No comments:
Post a Comment