ကန္တာရဝတီတိုင်း(မ်)/မဇ္ဈိမ
ဘောလခဲမြို့နယ်မဲဆန္ဒနယ်တွင် စစ်တပ်မှ လာပို့သည့်ကြိုတင်မဲများ လုံခြုံမှုမရှိကြောင်း ဘောလခဲမြို့နယ် ပြည်နယ်လွှတ်တော်အမှတ် ၁ တွင် ဝင်ပြိုင်မည့်ကိုယ်စားလှယ်လောင်း ကယားလူမျိုးစုပါတီမှ ဦးစောနီနီ ကပြောသည်။
၎င်းက “ ကြိုတင်မဲတွေကို ပလက်စတစ် အိတ်တွေနဲ့ထည့်လာတယ်။ အဝေးရောက်က တပ်ကနေ မြို့နယ်ကော်မရှင်ကို စာအိတ်ထည့်မပါဘဲ ကျွတ်ကျွတ်အိတ်နဲ့ ထားထားတယ်။
ကော်မရှင်ရုံးရောက်မှ စာအိတ်ထည့်တာ။” ဟု ပြောသည်။
ဘော်လခဲမြို့နယ်အတွင်းတွင် စစ်ဗျူဟာ ၆၁၅ ၊ ခမရ ၄၂၉ နှင့် နယ်ခြားစောင့်တပ် ၃၅၄ တပ်တို့ရှိကြပြီး ၎င်းစစ်တပ် ၃ တပ်တွင် မဲဆန္ဒရှင်စာရင်းစုစုပေါင်း ၁၁၉၄ ဦးရှိကာ ကြိုတင်မဲစာရင်း ၆၇၅ ဦးရှိသည်။
ဒီးမော့ဆိုမြို့နယ်အတွင်းရှိ တပ်ကြိုတင်မဲစာရင်းများအရ ခမရ ၁၀၂ တွင် ၁၆၂ ဦး ၊ ခမရ ၄၂၇ တွင် ၁၅၀ ဦး ၊ ခမရ ၃၆၀ တွင် ၆၅ ဦးပေးထားသည်ဟု သိရပြီး နိုဝင်ဘာလ ၇ ရက်နေ့တွင် မြို့နယ်ကော်မရှင်ရုံးသို့ လာရောက်ပို့ဆောင် ထားပြီးဖြစ်သည်။
လက်ရှိတပ်တွင်း မဲဆန္ဒရှင်စာရင်းများတွင် ကြိုတင်မဲထည့်သူများက ပိုများနေသည့်အတွက် စိုးရိမ်ရသည်ဟု လူမျိုးပေါင်းစုံဒီမိုကရေစီပါတီမှ လွှတ်တော်ကိုယ်စားလှယ်လောင်း ဦးမီရယ်ရဲအောင်က ပြောသည်။
“တခြားတော့ဘာမှမတွေ့ရဘူးဆိုပေမယ့် ကြိုတင်မဲရှေ့တန်းထွက်တဲ့သူတွေစာရင်းက အရမ်းများနေတယ်။” ဟု ဦးမီရယ်ရဲအောင်က ပြောသည်။
၁၀၂ တပ်ရင်းကြိုတင်မဲစာရင်းများတွင်လည်း အမျိုးသမီးများလည်းပါရှိနေသည်ကို ဒီးမော့ဆိုမြို့နယ် ငွေတောင်ကျေးရွာအုပ်စု ကောမရှင် စာရင်းအရ သိရသည်။
No comments:
Post a Comment