နိုင်ငံသားတိုင်း နိုင်ငံရေးကို စိတ်ဝင်စားရမယ် ဆိုတဲ့ Miss Myanmar International 2015 အမရာငြိမ်းနဲ့ အင်တာဗျူး

ဧရာဝတီ

မြန်မာနိုင်ငံမှာ ပထမဆုံး နိုင်ငံ့ဂုဏ်ဆောင်တဲ့ Miss ကို ပြည်ပမှာ သွားရောက် ယှဉ်ပြိုင်စေခဲ့တဲ့၊ မြန်မာနိုင်ငံ ခရီးသွား အဖွဲ့ချုပ်က ပြုလုပ်တဲ့ Miss Myanmar International ရွေးချယ်ပွဲကို လေးကြိမ်မြောက် အဖြစ် ပြုလုပ်ပြီး ဖြစ်ပါတယ်။ ၂၀၁၂ ခုနှစ်မှာ နန်းခင်ဇေယျာ၊ ၂၀၁၃ ခုနှစ်မှာ ဂုဏ်ရည်အေးကျော်၊ ၂၀၁၄ ခုနှစ်မှာ ခင်ဝေဖြိုးဟန် တို့ကို Miss Myanmar International အဖြစ် ရွေးချယ်ပေးခဲ့ပြီး ဒီနှစ် ၂၀၁၅ ခုနှစ် အတွက် Miss Myanmar International 2015 ကိုတော့ အမရာငြိမ်းက ရရှိခဲ့ပါတယ်။

ခရီးသွားလုပ်ငန်းကို မြှင့်တင်ဖို့ ရည်ရွယ်ချက်နဲ့ ရွေးချယ်ပေးခဲ့တဲ့ ဒီနှစ်အတွက် Miss Myanmar International သရဖူ ဆုရှင် အမရာငြိမ်းဟာ ပြိုင်ပွဲမှာ လူကြိုက်များ ရေပန်းစားတဲ့ Popular Award ဆုနဲ့ မေးခွန်းများကို အကောင်းဆုံး ဖြေဆို နိုင်ခဲ့သူတဦးလည်း ဖြစ်ပါတယ်။ အမရာငြိမ်းက ခရီးသွား မြှင့်တင်ရေး လုပ်ငန်းများကို တထောင့်တနေရာကနေ ပါဝင်ပေးသွားမှာ ဖြစ်ပြီး အဖွဲ့ချုပ်နဲ့လည်း ပရဟိတ လုပ်ငန်းများကို တနှစ်တိတိ လက်တွဲ လုပ်ဆောင်သွားမှာ ဖြစ်ပါတယ်။ လာမယ့် နိုဝင်ဘာ ၈ ရက် ဂျပန်နိုင်ငံမှာ ကျင်းပမယ့် Miss International 2015 ကိုလည်း မြန်မာနိုင်ငံ ကိုယ်စားပြု အနေနဲ့ သွားရောက် ယှဉ်ပြိုင်မှာ ဖြစ်ပြီး မြန်မာ့ဂုဏ်ဆောင်မယ့် ပေါ်ထွက်လာတဲ့ Miss တယောက် အနေနဲ့ အမရာငြိမ်းကို ဧရာဝတီ သတင်းထောက် ယုမွန်ကျော်က တွေ့ဆုံ မေးမြန်းထားပါတယ်။

မေး။ ။ Miss Myanmar Internationalကို ဘယ်လို ဝင်ပြိုင်ဖြစ်ခဲ့ တာလဲ။ ပြိုင်ပွဲ မဝင်ခင် ဘာတွေ ကြုံတွေ့ ခဲ့ရတယ် ဆိုတာကို ပြောပြပေးပါ။

ဖြေ။ ။ ဝင်ပြိုင်ဖြစ်ခဲ့တာက ညီမက ဒီ Miss ပွဲတွေမှာ International ပွဲတပွဲတော့ နောက်ဆုံး ပြိုင်ဦးမယ် လုိ့ စဉ်းစား ထားတယ်။ အခု ဒီပွဲကလည်း တကယ်ကို ဂုဏ်သိက္ခာ ရှိတဲ့ ပွဲတပွဲလည်း ဖြစ်တဲ့ အတွက် ညီမ ဝင်ပြိုင်တာပါ။ ၀င်ပြိုင်တော့လည်း ဖောင်တင်တာက အစ အခက်အခဲ မရှိခဲ့ဘူး။ လူရွေးပြီးတော့ နောက်ပိုင်းမှာ ညီမ အတွက် အခက်အခဲက အဓိက ဘာဖြစ်လဲ ဆိုတော့ အရမ်းပင်ပန်းတယ်။ အမှန်အတိုင်း ပြောရရင် အရင်တုန်းက ညီမက သိပ် အပင်ပန်း မခံနိုင်ခဲ့ဘူး။ အိမ်နဲ့ ခွဲပြီး ငါးရက် ခြောက်ရက်လောက် နေခဲ့ရတယ်။ အရင်က အိမ်နဲ့ မခွဲခဲ့ဘူး။ တခုခု ဆိုရင်လည်း အမေ အမေ ဆိုပြီး ခေါ်နေခဲ့တာ။ အခု Training ကာလမှာကျတော့ တယောက်တည်း အစစအရာရာ အကုန်လုပ်၊ အပင်ပန်းခံ ခဲ့တယ်။ အဲဒါလေးတွေ အမှတ်တရ ဖြစ်ပါတယ်။ နောက်ပြီးတော့ အဲဒီ Training ကာလမှာပဲ ပိုပြီးတော့ Strong ဖြစ်လာတယ်။ ပိုပြီးတော့ ကြံ့ခိုင်တဲ့သူ၊ စိတ်ဓာတ်ပိုင်းဆိုင်ရာက အစပေါ့။ အဲဒီလို ဖြစ်လာတယ်။

မေး။ ။ Training ကာလကရော ဘာတွေ လုပ်ခဲ့ရလဲ။ ခရီးတွေကရော ဘယ်တွေကို သွားခဲ့ရတာလဲ။ ကိုယ့်အနေနဲ့ ရော ခရီးသွားလုပ်ငန်းနဲ့ ပတ်သတ်ပြီးတော့ ဘာတွေ သိထားပါသလဲ။

ဖြေ။ ။ ခရီးတွေက ပြည်၊ မကွေး၊ ရေနံချောင်း၊ ပုဂံနဲ့ နေပြည်တော်တွေကို ပါ။ ညီမအနေနဲ့ ပြောရရင် ခရီးသွား လုပ်ငန်းနဲ့ ပတ်သတ်ပြီး သိထားတဲ့ ဗဟုသုတက နည်းပါတယ်။ ခရီးသွားတဲ့ အခါမှာ ရခဲ့တဲ့ အတွေ့အကြုံတွေ၊ ဗဟုသုတတွေ ကတော့ အများကြီး ရှိပါတယ်။ ရေဘေးသင့် ပြည်သူတွေ ကိုလည်း တကယ့်ကို ကိုယ်တိုင်ကိုယ်ကျ သွားလှူခဲ့ရတယ်။ အဲဒီိ အတွက် အရမ်းလည်း ပိတီဖြစ် ပါတယ်။ ပြီးတော့ သမိုင်းကြောင်းတွေလည်း ကိုယ်အရင်က မသိခဲ့တာတွေ သိခဲ့ရတယ်။ ဥပမာ ပြည်မှာ ဆိုရင် သရေခေတ္တရာက သမိုင်းကြောင်းတွေ၊ ပုဂံမှာ ဆိုရင်လည်း ဘုရား သမိုင်းကြောင်းတွေ၊ နောက်ပြီး ပလတ်စတစ်နဲ့ ပတ်သက်တဲ့ Campaign တွေမှာ ပါဝင်ခဲ့တယ်။ သဘာဝ ပတ်ဝန်းကျင် ထိမ်းသိန်းမှု အပိုင်းတွေ အများကြီး သိခဲ့ရတယ်။ အရမ်းကို အတွေ့အကြုံ ဗဟုသုတတွေ ရခဲ့ပါတယ်။

မေး။ ။ ရှေ့မှာ အမရာငြိမ်း အရင်ပြိုင်ခဲ့တဲ့ပွဲက ဘာပွဲလဲ။ အတွေ့အကြုံတွေကရော တပွဲနဲ့ တပွဲ ဘာတွေ ကွာခြားမှု ရှိလာလဲ။

ဖြေ။ ။ ညီမရှေ့မှာ ပြိုင်ခဲ့တာက ၂၀၁၃ ခုနှစ်တုန်းက လုပ်တဲ့ Miss Universe Myanmar 2013 ပါ။ ပြိုင်ပွဲမှာ ပြိုင်ပွဲ မဝင်ခင် ပရဟိတ လုပ်ကြတာချင်း ကတော့ အတူတူပါပဲ။ အဲဒီကတည်းက သွားပြီး လှူခဲ့တဲ့ ကင်ဆာ ဖောင်ဒေးရှင်း ကိုလည်း အခုချိန်အထိ သွားရောက်လှူနေတုန်း ပါပဲ။ ပရဟိတ လုပ်ရတာ ပေးတဲ့ Feeling ချင်းကတော့ အတူတူပါပဲ။ ဘာကွာသွားလဲ ဆိုတော့ ညီမတို့ တုန်းက Miss Universe ကတော့ ခရီး မထွက်လိုက်ရဘူး။ အခု ကျတော့ ခရီးသွား လုပ်ငန်းကလည်း ဖြစ်တော့ ခရီးတွေ အများကြီး ထွက်ရတယ်။ ခရီးကလည်း မိသားစု မပါဘဲ ကိုယ့်အား ကိုယ်ကိုးရတော့ ကိုယ်တိုင်လည်း ပိုပြီးတော့ Strong ဖြစ်လာတယ်။ Tourism နဲ့ပတ်သတ်တဲ့ Knowledge တွေလည်း အများကြီး ရတယ်။ Training ကာလမှာလည်း စီးပွားရေးလုပ်ငန်းက PR တွေက စကားတွေ အများကြီး လာပြောပေးကြတယ်၊ စိတ်ကို ဘယ်လို ထားရမယ် ဆိုတာက အစ ပြောပြတယ်။ အဲဒီမှာ တကယ်ကို ဗဟုသုတတွေ ရခဲ့ပါတယ်။

မေး။ ။ ကိုယ်က အရင် မော်ဒယ်လ်လည်း လုပ်ခဲ့တယ် ဆိုတော့ အခု Miss တယောက် ဖြစ်လာတဲ့ အခါ မော်ဒယ်လ် တယောက်ရဲ့ အရည်အချင်း၊ စင်ပေါ်မှာ လမ်းလျှောက်တာက အစ ကိုယ့် အတွက် ဘာတွေ ပြောင်းလဲ လိုက်ရလဲ။

ဖြေ။ ။ Miss တယောက် မဖြစ်ခင် မော်ဒယ်လ် တယောက် ဖြစ်ခဲ့တဲ့ အတွက် ကိုယ့်အတွက် ဘာတွေ အားသာလဲ ဆိုတော့ Question ဖြေရတဲ့ အခါမှာ သိပ်ပြီးတော့ ပရိသတ်ကို မကြောက်တတ် တော့ဘူး ပေါ့။ မော်ဒယ်လ်က လမ်းလျှောက်ရင် မြန်တယ် လေ။ ပထမ Round မှာ လမ်းလျှောက်တော့ တုန်တောင် တုန်နေတယ်။ ပုံမှန် လုပ်ရတယ်။ နောက်ပြီး Miss တယောက်အနေနဲ့ ဘာတွေ ကွာခြားသွားမလဲ ဆိုရင် မော်ဒယ်လ်နဲ့ Miss ဆိုတာ လူတွေ မြင်တဲ့ အမြင်တွေ မတူဘူး။ လက်ခံတာခြင်းလည်း မတူဘူး။ Miss တယောက် ဖြစ်တဲ့ အတွက် အရင်ကထက် ပိုပြီး ထိန်းထိန်းသိမ်းသိမ်း နေရမယ့် အပိုင်းတွေ အများကြီး ရှိတယ်။ ဘယ်ဟာကို ပိုသဘောကျလဲ ဆိုရင် နှစ်ခုစလုံးကို သဘောကျတယ်။ မော်ဒယ်လ် အလုပ်က အစကတည်းက ကိုယ်အရမ်း သဘောကျတဲ့ အလုပ်ပါ။ အခု Miss တယောက် ဖြစ်လာတဲ့ အတွက်လည်း မြန်မာနိုင်ငံ ကိုယ်စားပြု မြန်မာ မ်ိန်းကလေးတွေ အားလုံးကိုယ်စားပြု ဖြစ်ခွင့် ရတဲ့ အတွက်လည်း အရမ်းကို ဂုဏ်ယူပါတယ်။

မေး။ ။ ပြိုင်ပွဲ အတွက် ဗဟုသုတပိုင်း ဆိုင်ရာ မေးခွန်းတွေ အတွက် ကိုယ့်ဘက်က ပြင်ဆင်ခဲ့မှု အပိုင်းကိုလည်း သိချင်ပါတယ်။

ဖြေ။ ။ မေးခွန်းက အရင်တုန်းက ခရီးသွား လုပ်ငန်းနဲ့ ပတ်သက်တဲ့ မေးခွန်းတွေပဲ မေးခဲ့တယ်ပေါ့။ ဒီနှစ်မှာတော့ နိုင်ငံရေးနဲ့ ပတ်သက်တာ မေးခဲ့ပါတယ်။ နောက်ပြီးတော့ အရင်တုန်းက မေးခွန်းကို နောက်ဆုံး ဖြေရတဲ့ အထိ အင်္ဂလိပ်လိုပဲ ဖြေရပါတယ်။ ဒီနှစ်မှာတော့ မြန်မာလို ဖြေရပါတယ်။ ကိုယ်တိုင်လည်း အင်္ဂလိပ်လို ဖြေနိုင်ဖို့ အတွက် သေချာ ပြင်ဆင်ထားခဲ့ပါတယ်။ Tourism နဲ့ ပတ်သက်တာ ကိုလည်း အသည်းအသန်ကို လေ့လာထားခဲ့တာ။ စင်ပေါ်ရောက်မှ သိရတာပေါ့။ အဲဒါကြောင့် ဒါနဲ့ ပတ်သက်ပြီး ညီမ ပြောချင်တာက ဘာမေးခွန်း မေးမယ် ဆိုတာ ဘယ်သူမှ ကြိုတင် ခန့်မှန်းထားလို့ မရနိုင်ပါဘူး။ ပွင့်ပွင့်လင်းလင်း ပြောရရင် Tourism နဲ့ ပတ်သက်တဲ့ မေးခွန်းများ ခက်ခက်ခဲခဲ မေးလာရင် အရမ်းကြောက်ပါတယ်။ နိုင်ငံရေး မေးလိုက်တဲ့ အတွက် အရမ်းကို ပျော်သွားတယ်။ ညီမ ဒီမေးခွန်းကို ဖြေလိုက်တာနဲ့ ပတ်သက်ပြီးတော့လည်း ဝေဖန်သံတွေ အများကြီး ပြန်ကြားရပါတယ်။ ဒီလိုဖြေနိုင်တယ် ပေါ့၊ ဘယ်လိုများ သိတာလဲ ပေါ့။

ပွင့်ပွင့်လင်းလင်း ပြောရရင် ဒါဟာ ညီမ ကျင်လည်လာတဲ့ အသိုင်းအဝိုင်းနဲ့လည်း ဆိုင်တာပေါ့။ ညီမတို့ မိသားစု၊ ညီမတို့ မိဘတွေကရော နိုင်ငံရေးကို အရမ်း စိတ်ဝင်စားကြတဲ့ အသိုင်းအဝိုင်း ဖြစ်တဲ့ အတွက် တနေ့ကို အနည်းဆုံး ဂျာနယ် သုံးစောင်လောက်က ဖတ်ဖြစ်နေတယ်။ နောက်ပြီး သူတို့ ပြောနေတဲ့ စကားသံတွေကို ကြားနေရတော့ နိုင်ငံရေးနဲ့လည်း သိပ် မစိမ်းဘူးပေါ့။ နိုင်ငံရေးကလည်း စိတ်ဝင်စားဖို့ လိုတယ်။ မိဘတွေ ကလည်း ရိုက်သွင်း ပေးထားတဲ့ အတွက် ကိုယ်ကလည်း စိတ်ဝင်စားတယ်။ ဒါကြောင့် ဒီ မေးခွန်း ကလည်း ကိုယ်စိတ်ဝင်စားတဲ့ ကဏ္ဍဖြစ်နေတဲ့ အတွက်၊ ကိုယ်လေ့လာထားသလို ဖြစ်နေတဲ့ အတွက် ကောင်းကောင်းမွန်မွန် ဖြေနိုင်ခဲ့တာပါ။

Miss တယောက်က Personality လည်း လိုအပ်တယ်၊ လှဖို့ လိုတယ်၊ စမတ် ဖြစ်နေဖို့လည်း လိုတယ်။ ဒါတွေက ဘယ်သူမှ မငြင်းနိုင်တဲ့ အချက်တွေပါ။ နောက်ထပ် အရေးကြီးဆုံး အချက်လေး ပြောချင်တာ ကတော့ စိတ်ထား ကောင်းဖို့၊ Miss တယောက် ဖြစ်လာတဲ့သူက အဓိက အဲဒီစိတ်ထားက အရမ်း အရေးကြီး ပါတယ်။ ငါတို့ မြန်မာမိန်းကလေးတွေက အဲဒီလို စိတ်ထားရှိတယ် ဆိုတာ ကမ္ဘာက သိဖို့ လိုပါတယ်။ နောက်တခုက အမှန်ကို အမှန်အတိုင်း ပြောရဲတဲ့ သတ္တိရှိဖို့လည်း လိုပါတယ်။ ဒါက ညီိမရဲ့ အမြင်ပါ။ အလှအပ ဘက်ကိုလည်း ထိန်းမယ်။ ဒါကလည်း လိုအပ်တယ်။

မေး။ ။ အမှန်ကို အမှန်အတိုင်း ပြောရဲဖို့ လိုတယ် ဆိုရင် အမရာငြိမ်းကရော ဘယ်နေရာ ရောက်ရောက် အမှန်ကို အမှန်အတိုင်း ပြောရဲတဲ့ သတ္တိရှိလား။

ဖြေ။ ။ ညီမကိုယ်တိုင်လည်း ကိုယ့်ကိုယ်ကိုယ် အရိုးသားဆုံး ဖြစ်အောင် အမြဲတမ်း အားထုတ်ပါတယ်။ မိဘတွေ ဆိုရင်လည်း အမြဲပြောပါတယ်။ ကိုယ့်ကိုယ်ကိုယ် အရိုးသားဆုံးနေပါ၊ အကောင်းဆုံးနေပါ၊ ဘာပဲဖြစ်ဖြစ် မှန်တာကိုပဲ လုပ်ပါ၊ မှန်တာကိုပဲ ပြောပါ။ အမှန်တရားက ဘယ်တော့ မဆို ကိုယ့်ရဲ့ အားနည်းချက် တခု ဖြစ်မလာပါဘူး။ ညီမကတော့ အမှန်တရားကို ဘယ်နေရာမှာ မဆို ပြောမှာပါ။ အမှန်တရား အတွက် ရပ်တည်မှာပါ။

မေး။ ။ မွေးထုတ်ပေးလိုက်တဲ့ နိုင်ငံ့ဂုဏ်ဆောင် Miss တွေက တကယ်ပဲ နိုင်ငံ ခရီးသွားလုပ်ငန်းကို မြှင့်တင်ပေး နိုင်မှာလား ဆိုတဲ့ အမေးကိုရော ဘယ်လိုိများ ပြန်ဖြေမှာပါလဲ။

ဖြေ။ ။ ပြောနိုင်တာပေါ့ ရှင်။ အခုဆိုရင် ညီမတို့ ဗီယက်နမ်ကို Trade Fair တခုသွားရမယ်။ Trade Fair တခုကို သွားပြီ ဆိုကတည်းက ဒါက ဥပမာတခု ပြောပြတာပါ၊ ကိုယ်တွေက Attraction တခုအနေနဲ့ ဖြစ်လာမယ်။ ဘာပဲ ပြောပြော လူတွေက စိတ်ဝင်စားကြမှာပဲ လေ။ ဒါကြောင့် ညီမတို့ Miss Myanmar International က တခြားထက် ဘာတွေ ထပ်လိုမလဲ ဆိုတော့ အဓိက ဘာသာစကားပေါ့။ အဲဒါလေးတခု ထပ်လိုလာတယ်။ ဘာဖြစ်လို့လဲ ဆိုတော့ ညီမတို့က နိုင်ငံတကာမှာ မြန်မာနိုင်ငံက ဒီလိုပါလား ဆိုတာကို ပြန်ရှင်းပြနိုင်ဖို့ လိုတယ်။ အရေးကြီးတယ်။ ဘာဖြစ်လို့လဲ ဆိုတော့ ညီမတို့တွေက တပြိုင်နက်မှာ Miss တယောက်အပြင် Tourism Brand Ambassador တွေလည်း ဖြစ်လာတာကိုး။ သေချာပေါက် အာရုံစိုက်ဖို့ လိုလာတာပေါ့။ ညီမတို့တွေက သေချာပေါက် ခရီးသွား လုပ်ငန်းကို မြှင့်တင်ပေးလို့ ရလာမှာပါ။ ဒါပေမယ့် ဒါကလည်း ညီမတို့ အားတခုတည်းနဲ့ တော့လည်း မရဘူးပေါ့။ ညီမတို့က တထောင့်တနေရာကနေ ပါဝင်နိုင်တဲ့သူတွေ ဖြစ်လာတာပေါ့။

မေး။ ။ ကိုယ့်အနေနဲ့ မြန်မာနိုင်ငံက ဘယ်နေရာတွေကို ခရီးသွားနေရာအဖြစ် အဓိထား မြှင့်တင်ပြီး ပြောပြဖြစ် မလဲ။ ခရီးသွားတွေ သွားဖြစ်ရင်ရော ဘယ်လို လေ့လာမှတ်သား ဖြစ်ပါသလဲ။

ဖြေ။ ။ ညီိမ အနေနဲ့ဆိုရင် တောင်ကြီး အင်းလေးဘက်ကို အရမ်းသဘောကျတယ်။ အဲဒီဘက်က ဒေသခံတွေ ကလည်း ရိုးသားကြတယ်။ အင်းလေးကန် ဆိုရင်လည်း တကယ်ကို ထူးခြားတဲ့ ကန်ပေါ့။ ခြေထောက်နဲ့ လှေလှော်တာက အစ နိုင်ငံခြားသားတွေ စိတ်ဝင်စားကြတယ်။ အဲဒီနေရာလေးတွေကို ပြောပြချင်တယ်။ ခရီးတွေ သွားဖြစ်ရင်၊ အမှန်အတိုင်း ပြောရရင် လေ့လာမှတ်သားတာ သိပ် မရှိခဲ့ဘူး။ Trip သွားရပြီ ဆိုရင် အရမ်းပျော်ခဲ့တာ။ ညီိမ အဖေကလည်း သဘောင်္ကပ္ပတိန် တယောက် ဆိုတော့ သူပြန်လာရင် တနှစ်ကို တခေါက်တော့ ပြည်တွင်း ခရီးတွေ သွားကြတယ်။ ဒါကြောင့် ခရီးသွားရတာကို ကိုယ်က အစကတည်းက အရမ်းကြိုက်တယ်။

မေး။ ။ Miss International 2015 သွားပြိုင်ဖို့ အတွက် ဒီကြားထဲမှာ ကိုယ့်ဘက်က ပြင်ဆင်မှု အပိုင်းက ဘယ်လိုမျိုး ရှိနေမလဲ။

ဖြေ။ ။ နိုဝင်ဘာ ၈ ရက်နေ့ကျရင် ဂျပန်နိုင်ငံ တိုကျိုမြို့မှာ သွားပြိုင်ရမယ်။ ဒီကြားထဲမှာ ဘာတွေ ပြင်ဆင်မလဲ ဆိုရင် ညီမ Body Beauty ပိုင်းကို သေချာလေး ပြန် ပြင်ဆင်မယ်။ ပြိုင်ပွဲ အတွက် ညီမဘက်က လိုအပ်ချက်တွေ ရှိပါ သေးတယ်။ Language အပိုင်းက အစ ကိုယ့်ဘက်က ပြင်ဆင်စရာ ရှိတာကို ကိုယ်စွမ်း၊ ဉာဏ်စွမ်း ရှိသလောက် အစစ အရာရာ အကုန် ပြင်ဆင်နေမှာပါ။ ညီမက အရင်က ဘယ်လောက်ပဲ ကြောက်တတ်တဲ့ စိတ် ရှိရှိ၊ အပင်ပန်း မခံနိုင်တဲ့ စိတ်ရှိရှိ နိုင်ငံအတွက် ဆိုတော့ အဲဒါတွေ အကုန်လုံးဖျောက်ပြီး လုပ်နိုင်သမျှ အကောင်းဆုံး ကြိုးစား သွားမှာ ပါ။

မေး။ ။ မော်ဒယ်လ် ဘက်မှာလည်း လှုပ်ရှားမှုတွေ သိပ်မတွေ့ခဲ့ရဘူး နော်။ ဘာအတွက်ကြောင့် ပါလဲ။

ဖြေ။ ။ ညီမကို Dixan ဆပ်ပြာမှုန့် ကြော်ငြာနဲ့ သိကြသလို၊ စစခြင်းတုန်းက Michael learns အဖွဲ့နဲ့ ငွေဆောင်က ဟိုတယ် ကြော်ငြာ ရိုက်တာမှာ စသိကြတယ်။ အဲဒီမှာ ညီမကို ကောလာဟလနဲ့ အတူတူ လူတွေသိကြတယ်။ ဒါပေမယ့် အခု နောက်ပိုင်းတော့ အနုပညာအလုပ်တွေ ဆက် မလုပ်ဖြစ်ဘူး။ ပညာရေးကို ဆက်လုပ်ဖြစ်တာလည်း ပါတယ်။ အိမ်ကလည်း သဘော မကျတာ ပါပါတယ်။ ဖြစ်ချင်တဲ့ အတွက် အကုန်လုံး လိုက်လုပ်ပေးပေမယ့် သိပ် သဘောမကျဘူး ပေါ့။ ပညာရေးဘက်ကိုပဲ အာရုံစိုက် စေချင်တယ်။ အဲဒီအချိန်မှာ ညီိမ MBA တက်ပါတယ်။ အဲဒီ အတွက် ညီမ ဒီလောကနဲ့ အဆက်သွယ် ခဏပြတ်သွားတယ်။ ဒါပေမယ့် ပိုးက ရှိနေတော့ ဒီပြိုင်ပွဲလေးကို နောက်ဆုံး တခေါက် အနေနဲ့ ကြိုးစားကြည့်ဦးမယ် ဆိုပြီး ပြိုင်ကြည့်တယ်။

မေး။ ။ Miss တွေ အများကြီး ထွက်ပေါ်လာတယ်။ ဒါပေမယ့် ပရဟိတကိုလည်း ပေါ်ပင် သဘောမျိုး လုပ်ကြတယ် လို့ ထင်မြင်ကြတဲ့ အပေါ်ကိုရော ဘယ်လိုများ ပြောပြချင်ပါလဲ။

ဖြေ။ ။ ညီမတို့ကျတော့ မိသားစု အလိုက် လှူဖြစ်ကြတယ်။ အခုလည်း ပုံမှန်လုပ်နေကျ အတိုင်းပဲ ဆက်ပြီး လှူဖြစ် နေဦးမှာ ပါပဲ။ ပေါ်ပင်လုပ်တယ် တို့၊ For Show လုပ်တယ်တို့ ပြောကြတဲ့ အပေါ်မှာတော့ ကိုယ်ကတော့ နိုင်သလောက် လုပ်နေဦးမှာပါပဲ၊ ဘာဖြစ်လို့လဲ ဆိုတော့ ညီမတို့ တိုင်းပြည်က လိုအပ်ချက်တွေ များတဲ့ တိုင်းပြည် ဖြစ်နေတဲ့ အတွက်ပါ။ လိုအပ်ချက်တွေ များတဲ့ တိုင်းပြည် ဖြစ်နေတဲ့ အတွက် ပရဟိတ လုပ်တဲ့သူတွေ ကတော့ ရှိနေရဦးမှာ ပါပဲ။ ကိုယ်တတ်နိုင်သလောက် တနိုင်တပိုင် လုပ်နိုင်တာကိုလည်း လုပ်နေဦးမှာ ပါပဲ။ လိုအပ်ချက်တွေ များတဲ့ နိုင်ငံ ဖြစ်တဲ့ အတွက် ပရဟိတ စိတ်ဝင်စားသလို၊ နိုင်ငံရေးဘက်ကိုလည်း စိတ်ဝင်စားဖို့ လိုပါတယ်။

မေး။ ။ နိုင်ငံရေးကို စိတ်ဝင်စားတဲ့ သူတွေရှိသလို၊ စိတ် မဝင်စားတဲ့ လူငယ်တွေလည်း ရှိကြတယ်။ သူတို့ စိတ်ဝင်စားဖို့ ကိုရော အမရာ ဘယ်လိုပြောပြချင်လဲ။

ဖြေ။ ။ အဲဒါဆိုရင် ညီမတို့ ဖေဖေပြောတဲ့ စကားလေးကိုပဲ ပြောပြချင်ပါတယ်။ မြန်မာနိုင်ငံသား ဖြစ်နေတဲ့ အတွက် မြန်မာ့ နိုင်ငံရေးကို စိတ်ကို ဝင်စားရပါမယ်။ ဘယ်နိုင်ငံသားပဲ ဖြစ်ဖြစ် ကိုယ့်နိုင်ငံရဲ့ အကြောင်းကို သိထားသင့် ပါတယ်။ ကိုယ့်နိုင်ငံရဲ့ အုပ်ချုပ်မှု စနစ်တွေကိုလည်း လေ့လာထားသင့် ပါတယ်။ နိုင်ငံရေးဆိုတာ ငါနဲ့ မဆိုင်ဘူး ဆိုတဲ့ စကားမျိုး အဲဒီ နိုင်ငံသားတယောက် ဖြစ်နေရင်တော့ ပြောကို မပြောသင့်ဘူးလို့ ထင်ပါတယ်။ ကိုယ့်နိုင်ငံရဲ့ တိုးတက်မှု အရေးက နိုင်ငံသားတိုင်းမှာ တာဝန်ရှိပါတယ်။ လူငယ်တွေဆိုတာ နောင်အနာဂတ်မှာ နိုင်ငံကို ဦးဆောင် မယ့် လူတွေ ပါ။ လူကြီးနေရာကို ရောက်လာမယ့် လူတွေပါ။ အဲဒီလူတွေက နိုင်ငံရေးကို စိတ်မဝင်စားဘူးလို့ ပြောနေရင် နောင်တချိန် ခေါင်းဆောင်ပိုင်းကို ရောက်လာခဲ့ရင် နိုင်ငံ အခြေအနေက ဘယ်လိုရှိနေမလဲ ဆိုတာ စဉ်းစားလို့ ရပါတယ်။ ဒါကြောင့် နိုင်ငံသားတိုင်း ကိုယ့်နိုင်ငံရဲ့ အရေးကို စိတ်ဝင်စားဖို့ လိုတယ်လို့ ပြောချင်ပါတယ်။

မေး။ ။ အမရာငြိမ်းရဲ့ ရှေ့ဆက်ပြီး စဉ်းစားထားတဲ့ အနာဂတ်က ဘာများပါလဲ။

ဖြေ။ ။ Miss တယောက်ရဲ့ တာဝန်က အရမ်းကြီးတဲ့အတွက် အခု Organization နဲ့ အလုပ်လုပ်နေတဲ့ တနှစ်တာ အတွင်းမှာတော့ ညီမ ပညာရေးကို ခဏနားပါတယ်။ အနုပညာ အလုပ်တွေကိုလည်း အခွင့်အရေးရရင် ရသလို လုပ်သွားဦးမှာ ပါ။

မေး။ ။ သရဖူဆောင်းလိုက်တဲ့ Miss တယောက်ဖြစ်တဲ့ အခါကျတော့ မော်ဒယ်လ်ပိုင်းမှာရော ကန့်သတ်ပြီး မလုပ်တော့ဘူး လို့ ဆုံးဖြတ်ထားတဲ့ လှုပ်ရှားမှုတွေရော ရှိမလား။

ဖြေ။ ။ အဲဒီလိုတော့ မရှိပါဘူး။ Image တခုကို ထိန်းသိမ်းတဲ့အနေနဲ့ ပရိသတ်မျက်စိထဲမှာ Cross ဖြစ်တာ လေးတွေတော့ ရှောင်ရမှာပေါ့။ Miss တယောက်ကို မော်ဒယ်လ် တယောက်အနေနဲ့ မမြင်တဲ့ ပရိသတ်တွေလည်း ရှိတော့ သူတို့ကို လေးစားတဲ့ အနေနဲ့ ထိန်းသိမ်းရပါမယ်။ ပြည်သူကြောင့် ညီမတို့က ရပ်တည်လာ နိုင်တဲ့သူ ဖြစ်တဲ့ အတွက် ပရိသတ်ကိုလည်း ကြည့်ရပါမယ်။ ပရိသတ် မမြင်ချင်တဲ့ ပုံစံမျိုးနဲ့ မမြင်ရအောင် ကိုယ့်ဘက်က အတတ်နိုင် ဆုံး ထိန်းပြီးတော့ နေသွားမှာပါ။

မေး။ ။ အလှအပ ထိန်းသိမ်းမှု အပိုင်းကရော ဘယ်လိုရှိပါသလဲ။

ဖြေ။ ။ အမှန်အတိုင်း ပြောရရင် ညီမက အဲဒီလို ထိန်းသိမ်းမှု အပိုင်းမှာ နည်းနည်း ပျင်းပါတယ်။ ပြိုင်ပွဲ ဆိုရင်လည်း ပြိုင်ပွဲဝင်တော့မယ့် တလ အလိုလောက် ကျတော့မှ GYM ကို နေ့တိုင်း သေချာဆော့ တယ်။ ခန္ဓာကိုယ် ထိန်းသိမ်းမှု အပိုင်း အားနည်းတာ ပေါ့။ နောက်ပြီး ညီမတို့ ခန္ဓာကိုယ်က တက်လွယ် ကျလွယ်တဲ့ အထဲမှာ ပါတယ်။ စားရင် စားသလောက် ချက်ချင်း ဝတယ်။ မော်ဒယ်လ် လုပ်နေရင်းနဲ့ တအားကို ဝသွားသေးတယ်။ အဲဒီလို မျိုးတွေ ဖြစ်တော့ ခန္ဓာကိုယ်ပိုင်းနဲ့ ဆိုရင် လိုအပ်ချက်တွေ ရှိပါတယ်။ ကြိုးစားပြီး ပြင်ဆင်သွားရမှာ ပါ။ အွန်လိုင်းက သူငယ်ချင်း တွေ ရော၊ ဒိုင်တွေရောက ညီမကို ဖြည့်စွက်ပြီး မြင်ပေးလို့ Winner ဆုနဲ့ Popular ဆုကို ရတာပါ။ အခု International မှာ သွားပြိုင်ရင်တော့ မြန်မာပရိသတ်တွေ မျက်နှာ မငယ်ရအောင် ကြိုးစားပြီး ထိန်းသိမ်း သွားမှာပါလို့ ပြောချင် ပါတယ်။ ။