ဇူလှိုင်လ ၁၇ ရက်နေ့က သံတွဲမြို့သို့ ရောက်ရှိလာသော ရခိုင်ပြည်နယ် ၀န်ကြီးချုပ် ဦးညီပုမှ မိမိတို့အား ထောက်ပြဝေဖန်မှုများ ပြုလုပ်နိုင်ကြောင်း ထုတ်ဖော်ပြောကြားလိုက်သည်။
သံတွဲမြို့ မြို့နယ်ခန်းမတွင် မြို့နယ် အတွင်းရှိ ဌာနဆိုင်ရာ အကြီး အကဲများ ၊ မြိုမိမြို့ဖများ၊ မြို့နယ် အတွင်းရှိ ကျေးရွာ အုပ်ချုပ်ရေးမှူးများနှင့် စာရေးဝန်ထမ်းများ၊ အရပ်ဘက် လူမှုအဖွဲ့အစည်းများနှင့် ဇူလှိုင်လ ၁၇ ရက်နေ့ ညနေ ၄ နာရီတွင် တွေ့ဆုံစဉ် ရခိုင်ပြည်နယ် ဝန်ကြီးချုပ်က ထိုသို့ ပြောကြားလိုက်ခြင်း ဖြစ်သည်။
ဝန်ကြီးချုပ် ဦးညီပုမှက အဖွင့် အမှာ စကာပြောကြားရာတွင် ယခုကဲ့သို့ ပြည်သူများနှင့် တွေ့ဆုံရသည်ကို အထုး ဝမ်းမြောက်ပါကြောင်း၊ မိမိတို့ အစိုးရသည် ပြည်သူများသဘောဆန္ဒနှင့် အညီ တင်မြောက် ထားသော အစိုးရတစ်ရပ် ဖြစ်ပါကြောင်း။ ပြည်သူများကို အထူးလေးစား၍ ပြည်သူကို ဗဟိုပြု၍ အမြဲစဉ်းစားပါကြောင်း၊ မိမိတို့အား ထောက်ပြဝေဖန်မူများ ပြုလုပ်နိင်ပါကြောင်း ပြောကြားသည်။
၎င်းပြင် ၀န်ကြီးချုပ် ဦးညီပုက ၎င်းအစိုးရ အနေဖြင့် ပွင့်လင်းမြင်သာအောင်ဆောင်ရွက်ပါကြောင်း၊ မိမိတို့သည် ပြည်သူများ ရုပ်ပိုင်းဆိုင်ရာဖွံ့ဖြိုးမှု၊ စိတ်ပိုင်းဆိုင်ရာ ဖွံ့ဖြိုးမူကို ဆောင်ရွက်သွားမည် ဖြစ်ပါကြောင်း၊ ၁၄-၇-၂၀၁၆ နေ့ရက်က ဆိုလျင် မိမိတို့ ခေါင်းဆောင် ဒေါ်အောင်ဆန်းစုကြည်၊ ဗဟို သံဃ နာယက ဆရာတော်ကြီး နှင့် ဗိုလ်ချူပ်မူးကြီး မင်းအောင်လှိုင်တို့နှင့် အတူတကွ တွေ့မြင်နိင်ပါကြောင်း၊ ထိုရက်ကို စောင့်စားခဲ့ရပါကြောင်း၊ ပေးဆပ်ခဲ့ရပါကြောင်း၊ နိင်ငံရေးအဖွဲ့အစည်းများ၊ လွတ်လပ်သည့် အဖွဲ့အစည်းများ အနေဖြင့် ပြည်သူနှင့် နီးကပ်သည့်အတွက် ပြည်သူ အကျိုးကိုထောက်ပြပြီး ပူးပေါင်း ပါဝင် ဆောင်ရွက်ရန် လိုပါကြောင်း၊ ယခု အခါတွင် အမျိုးသားရင်ကြားစေ့ရေး၊ ပူးပေါင်းဆောင်ရွက်ရေး၊ ဒီမိုကရေစီဖွံ့ဖြိုး တိုးတက်ရေး၊ ဖက်ဒရယ်ပေါ်ပေါက်ရေးတို့မှာ နီးကပ်လာပြီဖြစ်ကြောင်း၊ သံတွဲမြို့သို့ ရောက်သည်မှာ သုံးကြိမ်ရှိပြီ ဖြစ်ကြောင်း၊ ဒေသဖွံ့ဖြိုးရေးကို ဆွေနွေးကြမည် ဖြစ်ကြောင်း၊ ပြည်သူများ မှလည်း စေတနာ ဖြင့် ပွင့်လင်းစွာ ဆွေးနွေး လိုပါကြောင်းဖြင့် ပြောကြားသွားခဲ့သည်ဟု သိရသည်။
သံတွဲမြို့နယ်မှ ဒေသခေါင်းဆောင် တစ်ဆယ်ကျော်မှလည်း သံတွဲမြို့နယ်အတွင်း လိုအပ်ချက်များကို သာမက သံတွဲလူထု၏ စီးပွားရေး၊ လူမှုရေး၊ ပညာရေး၊ ကျန်းမာရေး အခြေအနေများကို အသီးသီးတင်ပြခဲ့ကြသည်။(တင်ပြခဲ့ကြသည့် အချက်အလက်များကို ဆက်လက် ဖော်ပြပေးပါမည်။)
No comments:
Post a Comment