ဧရာဝတီတိုင်းအတွက် ဘတ်ဂျက်ငွေမှာ သုံးငွေ နှင့် ရငွေ မမျှတ၍ အမြဲလိုငွေပြနေ

စည်သူမောင်မောင်

ဧရာဝတီတိုင်း​ဒေသကြီး အစိုးရအဖွဲ့တွင် ရသုံးမှန်း​ခြေ​ငွေစာရင်း​ရေးဆွဲရာ၌ အကျုံးဝင်​သည့်​ ဌာန၆၈ခု၊ တိုင်းအဆင့်​​ရေးဆွဲဌာန ၂၃ခုသာရှိ​ကြေင်း နှင့် ဝင်​​ငွေရှာနိုင်​သည့်​ ဌာန၅ခုသာရှိ​ကြောင်း ဇူလိုင် ၃ရက်က ပုသိမ်​ဟိုတယ်​တွင်​ ကျင်းပသည့်​ ရသုံးမှန်း​ခြေ ​ရေးဆွဲဆိုင်​ရာ အလုပ်​ရုံ​ဆွေး​နွေးပွဲမှ သိရှိရသည်။

"နိုင်​ငံ​တော်​ ဘတ်ဂျက်​က ရတဲ့​ငွေအ​ပေါ်မှာ မူတည်​ပြီးသုံးတယ်​။ ရ​ငွေကို မူတည်​ပြီးသုံး​တော့ ဘတ်ဂျက်​ကို​ရေးဆွဲတဲ့အခါမှာ ဧရာဝတီတိုင်း​ဒေသအ​နေနဲ့ ကြည့်​ရင်​ သုံးတဲ့ဌာနများပြီး ရှာတဲ့ ဌာန၅ခုပဲရှိတယ်​။ နိုင်​ငံ​တော်​အစိုးရက သူစည်းကြပ်​ခွင့်​ပြုထားတဲ့ ပစ္စည်း ၁၉ မျိုးမှာ ဧရာဝတီတိုင်း​ဒေသကြီးမှာ အခွန်​​ကောက်​ခံနိုင်​တဲ့ လုပ်​ငန်းက ၉ခုပဲရှိတယ်​ဆို​တော့ ဧရာဝတီတိုင်း​ဒေသအ​နေနဲ့ ဘတ်​ဂျက်​​ရေးဆွဲရင်​အမြဲတမ်းလို​ငွေပြ​နေမယ်​"ဟု ဆွေးနွေးပွဲတွင် စီးပွားရေးပညာရှင် ဦးဇင်အောင်က ပြောသည်။

"တိုင်း​ဒေသကြီးမှာ ၂၃ဌာနပဲရှိပါတယ်​။ အဲဒီ၂၃ဌာနမှာလည်း တကယ့်​တကယ် ​အခွန်​အ​ကောက်​နဲ့ရ​ငွေကို
ရှာနိုင်​တာ ၅ဌာန အမှန်​ပါပဲ။ ဝင်​​ငွေ ၇ ဘီလီယံထက် မကျော်​ပါဘူး။" ဟု ဧရာဝတီတိုင်း ရသုံးမှန်းခြေ​ငွေစာရင်း​ဌာန ညွန်​ကြား​ရေးမှူးဦးသန်းရီက ​အလုပ်​ရုံ​ဆွေး​နွေးပွဲတွင်​​ ထောက်ခံဆွေးနွေးခဲ့သည်။

ဆက်​လက်​ပြီး စီးပွားရေးပညာရှင် ဦးဇင်အောင်က ဆွေးနွေးသည်မှာ "ဒီလို​ငွေကို ဘယ်​က​ပေးမလဲ နိုင်​ငံ​တော်​အ​နေနဲ့ တိုင်း​ဒေသကြီးပြည်​နယ်​အဆင့်​မှာ လိုအပ်​တဲ့​ငွေကို ​ထောက်​ပံ့​ငွေအဖြစ်​ ဖြည့်​ဆည်း​ပေးတာရှိပါတယ်။ ပြည်​​ထောင်​စုရဲ့ စုစု​ပေါင်းလို​ငွေနဲ့ တိုင်း​ဒေသကြီးပြည်​နယ်​များကို ​ထောက်​ပံ့​ငွေကို နှိုင်းယှဉ်​မယ်​ဆိုရင်​ ပြည်​နယ်​တိုင်း​ဒေသကြီးများကို​ ထောက်​ပံ့​ငွေဟာ ပြည်​​ထောင်​စုလို​ငွေရဲ့ ၅၀ရာနှုန်း​လောက်​ရှိ​နေတာကို​ တွေ့ရပါတယ်​။ လို​ငွေကို ​လျော့​အောင်​ ရ​ငွေများများရှာမယ်​။ ရ​ငွေကိုရှာတဲ့အခါ အခွန်​အ​ကောက်​ရ​ငွေရယ်​၊ ကုန်​သွယ်​လုပ်​ငန်းခွန်​ရယ်​" ဟု ၎င်းက အကြံပြုဆွေးနွေးခဲ့သည်။ အလုပ်​ရုံ​ဆွေး​နွေးပွဲတွင်​ဆက်​လက်​​ပြောသည်​။

အလုပ်​ရုံ​ဆွေး​နွေးပွဲတွင်​ ဘဏ္ဍာ​ရေးနှစ်​ဘက်​ဂျက်​များ ​ရေးဆွဲရာတွင်​ ကိုယ်​စားလှယ်​များ ပူး​ပေါင်​​ရေးဆွဲရန်​ ဧရာဝတီတိုင်း​ဒေသကြီး လူမှု​ရေးဝန်​ကြီး​ဒေါက်​တာလှမြတ်​​သွေးက ဝင်​​ရောက်​​ဆွေး​နွေးခဲ့သည်​။

၂၀၁၅ခုနှစ်​ပြည်​​ထောင်​စု သမ္မတမြန်​မာနိုင်​ငံ​တော်​ဖွဲ့စည်းပုံအ​ခြေခံဥပ​ဒေကို ပြင်​ဆင်​သည့်​ ဥပ​ဒေအရ ​နောက်​ထပ်​ အခွန်​အခ ၂၀မျိုးကို တိုးချဲ့စည်းကြပ်​ခွင့်​ပြုထားသည်ဟုလည်းသိရသည်။

၂၀၁၆-၁၇ ဘဏ္ဍာ​ရေးနှစ်​တွင်​ ရန်​ကုန်​တိုင်း​ဒေသကြီးနှင့်​ မန္တ​လေးတိုင်း​ဒေသကြီးတို့မှအပ တခြားတိုင်း​ဒေသကြီးနှင့်​ ပြည်​နယ်​များ ပြည်​​ထောင်​စုအစိုးရ​ထောက်​ပံ့​ငွေ​ လျော့ပါးမသွားခဲ့​ကြောင့်​​တွေ့ရှိရပါသည်​။

ဧရာဝတီတိုင်းဒေသကြီး အစိုးရအဖွဲ့မှ ကြီးမှူး၍ အက်ရှင့်အေ့ဒ်မြန်မာနှင့် မဇ္ဈိမ မီဒီယာတို့ ပူးပေါင်းကျင်းပသော ဧရာဝတီတိုင်းဒေသကြီး အဆင့် ရသုံးမှန်းခြေ ငွေစာရင်းဆိုင်ရာ စကားဝိုင်းဆွေးနွေးပွဲကို ဇူလိုင် လ ၃ ရက်နေ့တွင် ပုသိမ်မြို့ ပုသိမ်ဟိုတယ်၌ ပြုလုပ်ခဲ့ခြင်းဖြစ်သည်။