ရခိုင်ပြည်နယ်မှ မူဆလင်အသိုင်းအ၀ိုင်းဟု ခေါ်ဆိုမှုအား ရပ်တန့်ပေးရေးနှင့် ၁၉၈၂ ဥပဒေနှင့် အညီ နိုင်ငံသား စိစစ်ရေးတွင် ဒေသခံကိုယ်စားလှယ်များ ပါဝင်ခွင့်ရရှိရေး အတွက် ကျောက်ဖြူတွင် ဇူလှိုင်လ ၄ ရက် နေ့လယ်က လူတစ်သောင်းခန့် ဆန္ဒဖော်ထုတ်ခဲ့ကြသည်။
ဆန္ဒဖော်ထုတ်ရာတွင် ရည်ရွယ်ချက်နှစ်ချက်ရှိကြောင်း လက်ရှိအစိုးရမှ ရခိုင်ပြည်နယ်မှ မူဆလင်အသိုင်းအ၀ိုင်းဟု သုံးနုန်းခြင်းရပ်တန့်ပေးရေးနှင့် နိုင်ငံသားစိစစ်ရေးလုပ်ငန်းစဉ်မှာ အရပ်ဘက်ကိုယ်စားလှယ်တွေပါဝင်ခွင့်ရရှိရေးအတွက် ဆန္ဒပြတောင်းဆိုရတာဖြစ်တယ်ဟု ဦးဆောင်ဆန္ဒပြသူ ဦးစံထွန်းအောင် ကပြောသည်။
ဆန္ဒဖော်ထုတ်သူများသည် ကျောက်ဖြူမြို့၊ စေတီတောင်ရပ်ကွက်၊ ဘုရားကြီးတောင်ကွင်းတွင် စတင် စုဝေးခဲ့ပြီး ဘုရားကြီးလမ်း၊ ဈေးလမ်း၊ ဗိုလ်ချုပ်လမ်း အတိုင်း လမ်းလျှောက်ဆန္ဒဖော်ထုတ်ခဲ့ကြပြီး နာရီစင်ကွင်းတွင် ရပ်တန့် ခဲ့ကြောင်းသိရသည်။
၎င်းဆန္ဒဖော်ထုတ်ပွဲသို့ ကျောက်ဖြူမြို့နှင့် ကျေးလက်ဒေသမှလူပေါင်း တစ်သောင်းခန့်နှင့် သံဃာတော်(၇၀)ခန့် ပူးပေါင်းပါဝင်ခဲ့ကြသည်။
ရခိုင်ပြည်နယ်တွင်းမှ မူဆလင်အသိုင်းအ၀ိုင်းအသုံးအနုန်းကြောင့် ဇူလိုင်လ ၃ ရက်နေ့ကလည်း ရခိုင်ပြည်နယ် မြို့(၁၃)ခုတွင် ဆန္ဒဖော်ထုတ်ခဲ့ကြသည်။
No comments:
Post a Comment