အမျိုးသမီးအခွင့်အရေး၊ တန်းတူညီမျှမှုနဲ့ မြန်မာနုိုင်ငံ

မေစပယ်ဖြူ

အမျိုးသမီး အခွင့်အရေးလုို့ ပြောလုိုက်ရင် မြန်မာနုိုင်ငံမှာတော့ ဒီလောက် အခွင့်အရေးတွေ ရနေပြီးသားကုို ဘာ ထပ်လုိုချင်သေးလုို့လဲလုို့ လူတွေ အများစုက ထင်တတ်ပါတယ်။ နောက်ပြီး အမျိုးသမီးတွေဆိုတာ အမျိုးသားတွေနဲ့ ဘယ်လုိုမှ မတူတဲ့အတွက် တန်းတူညီမျှ အခွင့်အရေး ပေးဖုို့ဆုိုတာ ဘယ်လုိုလုပ် ဖြစ်နိုင်မှာလဲလုို့ တချို့ကလည်း ဆုိုတတ်ကြပါတယ်။

ဒီထက်ဆုိုးတာကတော့ အမျိုးသမီး အခွင့်အရေးလုို့ ပြောလုိုက်ရင် အရှေ့အလယ်ပုိုင်း နိုင်ငံတွေက အမျိုးသမီးတွေနဲ့ အမြဲနှိုင်းယှဉ်လေ့ရှိပြီး မြန်မာနုိုင်ငံက အမျိုးသမီးတွေကုို အဲဒီလုို သိသာမြင်သာတဲ့ ခွဲခြား ဖိနှိပ်ထားတာ တွေမရှိဘဲ လူ့အဖွဲ့အစည်းထဲမှာ ပါဝင်ဆောင်ရွက်ခွင့်တွေ၊ နေရာပေး ဆက်ဆံမှုတွေ ရှိနေလျက်သားနဲ့ အမျိုးသမီး တွေက လုိုတာထက် ပိုပိုကဲကဲ အခွင့်အရေး လုိုချင်နေကြတာလုို့ ထင်မြင် ယူဆနေတာပါပဲ။

ဖွံ့ဖြိုးရေးသမားတွေနဲ့ တုိုင်းရင်းသား မျိုးနွယ်စုတွေကျပြန်တော့ ဒီလောက် ဆင်းရဲချို့တဲ့ပြီး အစစအရာရာမှာ တခြားနုိုင်ငံတွေလုို လူနေမှု အဆင့်အတန်း လုိုက်မမီသေးတာတွေ၊ လူ့အခွင့်အရေး ချိုးဖောက်မှုတွေ၊ ပြည်တွင်းစစ် ပဋိပက္ခတွေနဲ့ ရှိနေတော့ နိုင်ငံဖွံ့ဖြိုးတုိုးတက်ဖုို့၊ ပြည်တွင်း ငြိမ်းချမ်းရေး တည်ဆောက်နုိုင်ဖို့တွေက ပုိုအရေးကြီးတာမို့ နုိုင်ငံငြိမ်းချမ်းပြီး စီးပွားရေး ဖွံ့ဖြိုးတုိုးတက်လာတဲ့အခါ လူတုိုင်းလူတုိုင်းရဲ့အခွင့်အရေးတွေ ဟာလည်း သူ့အလုိုလုို ရလာမှာမုို့ အမျိုးသမီးတွေ အတွက်လည်း ကျွဲကူးရေပါ လာမှာပေါ့တဲ့။
အခွင့်အရေး ဆုံးရှုံးနေရတာချင်းအတူတူ အမျိုးသမီးတွေအတွက် တမူထူးပြီး စဉ်းစားပေးနေစရာ မလုိုဘူးလုို့ ထင်ကြပြီး စစ်မှန်တဲ့ ဒီမုိုကရေစီစနစ် ထွန်းကားလာတဲ့အခါ၊ တနည်းအားဖြင့် အခြေခံ လူ့အခွင့်အရေးတွေကုို လေးစားလုိုက်နာ တန်ဖုိုးထားမှုတွေ မြင့်တက်လာတဲ့အခါ အမျိုးသမီးတွေရဲ့ အခြေအနေဟာလည်း သူ့ဘာသာသူ တုိုးတက် ကောင်းမွန်လာမှာဖြစ်တယ်လုို့ ယုံကြည်ထားကြပါတယ်။

တကယ်တော့ လူ့အခွင့်အရေးလုို့ ပြောလုိုက်ရင် အမျိုးသားတွေရော၊ အမျိုးသမီးတွေပါ လူသားတွေပဲ ဖြစ်တာမုို့ လူတုိုင်းနဲ့ သက်ဆုိုင်ပြီး မွေးရာပါ ရရှိပြီးသားဖြစ်လုို့ လူတိုင်း ရယူပုိုင်ဆုိုင်ခွင့်ရှိသလုို တန်းတူညီမျှ ခံစားခွင့် လည်းရှိပါတယ်။

တဦးချင်းစီနဲ့ လူအစုအဖွဲ့အလုိုက် အတွက် အခြေခံကျတဲ့ လွတ်လပ်ခွင့်တွေနဲ့ လူ့ဂုဏ်သိက္ခာနဲ့ အညီ နေထုိုင်ခွင့်တွေကုို သက်ဆုိုင်ရာအစုိုးရတွေက လေးစားလုိုက်နာဖုို့ တာဝန်ရှိသလုို လူတဦးချင်းစီနဲ့ လူအုပ်စုအလုိုက် ရသင့်တဲ့ အခွင့်အရေးတွေကုို မဆုံးရှုံးရအောင်၊ ဘယ်သူကမှ ချိုးဖောက်လုို့ မရအောင် အကာအကွယ်ပေးရမှာ ဖြစ်ပါတယ်။

အမျိုးသမီးတွေကလည်း သူတုို့ရသင့်တဲ့ အခွင့်အရေးကုို ပေးကြပါလုို့ ဘယ်သူ့ကုိုမှ အသနားခံ တောင်းပန်နေကြတာ မဟုတ်ပါဘူး။ သုို့သော် အမျိုးသမီးတွေအနေနဲ့ တန်းတူညီမျှ ခံစားထုိုက်တဲ့ မွေးရာပါ အခွင့်အရေး ကုို အသိအမှတ် မပြုတာ၊ ငြင်းဆန်နေတာတွေဟာ အမျိုးသမီးတွေရဲ့ လူ့အခွင့်အရေးကုို ကုိုယ်တုိုင်ချိုးဖောက် နေတာဖြစ်တယ် ဆုိုတာကို သတိပြုဖုို့လုိုပါတယ်။

လူ့အခွင့်အရေးဟာ တခုနဲ့တခု အပြန်အလှန် ဆက်စပ်နေလုို့ ဘယ်အခွင့်အရေးကပဲ ကုိုယ့်နုိုင်ငံ၊ ကုိုယ့်ယဉ် ကျေးမှုနဲ့ ကုိုက်ညီလုို့ ခံစားခွင့်ပြုနုိုင်မယ်၊ ဘယ်အခွင့်အရေးကုိုတော့ ခွင့်မပြုနုိုင်ဘူးဆုိုပြီး အစုိုးရက သော်လည်းကောင်း၊ မည်သူတစုံတဦး၊ အသင်းအဖွဲ့အစည်းတွေက သော်လည်းကောင်း ရွေးချယ်ကန့်သတ်ပိတ်ပင် တားဆီးလုို့ မရသလုို အဲဒီလုို လူတွေရဲ့ လွတ်လပ်ခွင့်နဲ့ လုံခြုံစွာ အသက်ရှင်နေထုိုင်ခွင့်ကုို ခံစားခွင့် မရစေတာဟာလည်း လူ့အခွင့်အရေးကုို ချိုးဖောက်နေတာပဲဖြစ်ပါတယ်။

လူတုိုင်းလူတုိုင်းကသာ အခြေခံကျတဲ့ လူ့အခွင့်အရေးတွေကုို လေးစားလုိုက်နာကြမယ်၊ သူတပါးရဲ့ အခွင့်အရေး တွေကုိုလည်း မချိုးဖောက်နုိုင်အောင် ကာကွယ်ကြမယ်ဆုိုရင် အမျိုးသမီးတွေရဲ့ အခွင့်အရေးအတွက် လှုပ်ရှားမှုတွေ ကမ္ဘာနဲ့ အဝှမ်းဆုိုသလုို ရှိခဲ့မှာ မဟုတ်ပါဘူး။

၁၉၄၈ ခုနှစ်၊ ဇွန်လမှာ အပြည်ပြည်ဆုိုင်ရာ လူ့အခွင့်အရေး ကြေညာစာတမ်း ပေါ်ထွက်လာပြီး ကုလသမဂ္ဂ အဖွဲ့ဝင်နိုင်ငံတုိုင်းက အစုိုးရတွေအနေနဲ့ နုိုင်ငံသားတွေရဲ့အခြေခံ လူ့အခွင့်အရေးတွေကုို လေးစားလုိုက်နာ အကာအကွယ် ပေးကြဖုို့ ကတိကဝတ်တွေ ပြုခဲ့ကြသည့်တုိုင်အောင် ၁၉၇၂ ခုနှစ်အထိ အမျိုးသမီးတွေဟာ ကဏ္ဍအသီးသီးမှာ အထူးသဖြင့် နုိုင်ငံရေးနဲ့ ဆုံးဖြတ်ချက် ချနုိုင်တဲ့နေရာတွေမှာ ပါဝင် ဆောင်ရွက်ခွင့်ရဖုို့ ခွဲခြား သတ်မှတ်ခံရတာတွေကုို ရင်ဆုိုင်ခဲ့ကြရပါတယ်။

အမျိုးသမီးတွေဟာ ၁၉ ရာစုအထိ တန်းတူမဲပေးခွင့်၊ စီးပွားရှာခွင့်၊ ပစ္စည်းဥစ္စာ ပုိုင်ဆုိုင်ခွင့်နဲ့ တက္ကသုိုလ်ပညာ သင်ကြားခွင့်တွေ အတွက် ဥရောပနုိုင်ငံတွေမှာတောင် ခက်ခက်ခဲခဲ တုိုက်ပွဲဝင် တောင်းဆုိုခဲ့ကြရတယ်။

အားကောင်းလာတဲ့ နုိုင်ငံတကာက အမျိုးသမီးအခွင့်အရေး လှုပ်ရှားမှုတွေကြောင့် နုိုင်ငံရေး၊ စီးပွားရေး၊ လုပ်ငန်းခွင်ဆုိုင်ရာ အခွင့်အရေးနဲ့ လုပ်ခလစာ တန်းတူရရှိရေးအတွက် လှုံ့ဆော်တုိုက်တွန်းမှုတွေဟာ ကမ္ဘာအနှံ့ ပျံ့နှံ့လာခဲ့တယ်။

အမျိုးသမီးတွေအပေါ် ခွဲခြားနှိမ်ချတဲ့ အမြင်တွေနဲ့ အမျိုးသားကြီးစိုးတဲ့ မဟာဖုိုဝါဒ စနစ်ကြီးတခုလုံးကုို ပြောင်းလဲနိုင်ဖုို့ ၁၉၇၉ခုနှစ်၊ ဒီဇင်ဘာလ ၁၈ ရက်နေ့မှာ ကုလသမဂ္ဂ အထွေထွေညီလာခံကနေ စီဒေါစာချုပ်လုို့ အများသိကြတဲ့ အမျိုးသမီးများအပေါ် နည်းမျိုးစုံနဲ့ ခွဲခြားဆက်ဆံမှု ပပျောက်ရေး နုိုင်ငံတကာ သဘောတူစာ ချုပ်ကုို အတည်ပြု ပြဌာန်းခဲ့တာ ဖြစ်ပါတယ်။

မြန်မာနိုင်ငံ အပါအဝင် ကုလသမဂ္ဂအဖွဲ့ဝင် နုိုင်ငံအများစုက ကတိကဝတ်ပြု လက်မှတ်ရေးထုိုးထားတဲ့ စီဒေါ စာချုပ်မှာ အပုိုဒ်ပေါင်း ၃၀ ပါဝင်ပြီး အခြေခံမူ ၃ ချက်အပေါ် လုိုက်နာဆောင်ရွက်ကြရတာ ဖြစ်ပါတယ်။

အဲဒီအခြေခံမူ ၃ ချက်ကတော့ ခွဲခြားဆက်ဆံမှု မပြုရေး (Non Discrimination)၊ ပြည့်ဝသော တန်းတူညီ
မျှမှု (Substantive Equality) နဲ့ အစုိုးရများက တိကျစွာ လုိုက်နာဆောင်ရွက်ရမည့် လုပ်ငန်းတာဝန် (State Obligations) တွေ ဖြစ်ပါတယ်။

မြန်မာနုိုင်ငံ အစုိုးရအနေနဲ့ ၁၉၉၇ ခုနှစ်၊ ဇူလုိုင်လ ၂၂ ရက်နေ့ကတည်းက ဒီစီဒေါစာချုပ်ကုို ကတိကဝတ်ပြု လက်မှတ်ရေးထုိုး ခဲ့တာဖြစ်လုို့ စာချုပ်ရဲ့အခြေခံမူတွေ အပါအဝင် စာချုပ်ပါ အချက်အလက်တွေကုို လေးစား လုိုက်နာပြီး အမျိုးသမီးတွေရဲ့ အခြေခံကျတဲ့ အခွင့်အရေးတွေ ချိုးဖောက်မခံရအောင်၊ တန်းတူညီမျှ အခွင့်အရေးတွေ ရရှိခံစားရစေဖုို့ ဖြည့်ဆည်းပေးရန် သုို့မဟုတ် တုိုးတက်အောင် မြှင့်တင်ပေးရန် တာဝန်ရှိပါတယ်။

အပေါ်ယံကြည့်ရင် မြန်မာအမျိုးသမီးတွေဟာ သမုိုင်း အဆက်ဆက်ကတည်းက မဲပေးခွင့်၊ အလုပ်လုပ်ပြီး စီးပွားရှာခွင့်နဲ့ ပညာသင်ယူခွင့်တွေကုို ဥရောပနိုင်ငံတွေ ထက်တောင် စောပြီး ရနေခဲ့တာကြောင့် အမျိုးသားတွေနဲ့ တန်းတူညီမျှ အခွင့်အရေး ရနေပါတယ်လုို့ လူအများစုက ထင်မြင်ယူဆကြပါတယ်။

ဒါပေမယ့်လည်း အမျိုးသမီးတွေ အနေနဲ့ နုိုင်ငံကုို ဦးဆောင်အုပ်ချုပ် မယ့်သူတွေကုို မဲပေးရွေးချယ်ခွင့် ရှိပေမယ့် ကုိုယ်တုိုင် ဦးဆောင်အုပ်ချုပ်ခွင့် ရချင်တယ်ဆုိုရင် တန်းတူအခွင့် ရှိနေပါရဲ့လား။

အလုပ်လုပ် စီးပွားရှာခွင့် ရှိတယ်ဆုိုပေမယ့် ရာထူး၊ နေရာ၊ အဆင့်အတန်း၊ လုပ်ခလစာနဲ့ အကျိုးခံစားခွင့်၊ လုပ်ရတဲ့ အလုပ်တွေအပေါ် တန်ဖိုးထားနေရာပေးမှု အတူတူ ရှိနေပါရဲ့လား။ ပညာသင်ယူခွင့် တန်းတူရှိနေပေမယ့် သင်ကြား တတ်မြောက်ထားတဲ့ ပညာတွေကုို အသုံးချခွင့်၊ အဲဒီပညာတွေနဲ့ နိုင်ငံကုို အကျိုးပြုခွင့်ရော တန်းတူ ဖြစ်နေပါရဲ့လား ဆုိုတာကုို ထည့်စဉ်းစားဖုို့ လုိုပါတယ်။

မြန်မာနုိုင်ငံမှာ အမျိုးသမီးတွေကုို ခွဲခြားဆက်ဆံမှုတွေ မရှိပါဘူး၊ မြန်မာ အမျိုးသမီးတွေဟာ အမျိုးသားတွေ လုိုပဲ တန်းတူညီမျှ အခွင့်အရေးတွေ ရရှိနေပါတယ်လုို့ ပြောရင် နိစ္စဓူဝ လမ်းပေါ်မှာ၊ အများပြည်သူဆုိုင်ရာ နေရာတွေမှာ၊ အိမ်ထဲမှာ၊ နောက်ဆုံး ကုိုယ့်အိပ်ယာပေါ်အထိ လသားအရွယ်နဲ့ ၁၀ နှစ်အောက် လူမမယ်ကလေး ကစလုို့ သီလရှင်တွေအလယ်၊ အသက် ၇၀ ကျော် အဖွားအုိုတွေအဆုံး အကြမ်းဖက် အနိုင်ကျင့်မှု အမျိုးမျိုး နဲ့ ကြုံတွေ့နေရတာကုိုက အမျိုးသမီးတွေရဲ့ လူ့အခွင့်အရေးကုို အဆုံးစွန် ချိုးဖောက်ခံနေရခြင်းနဲ့ ခွဲခြား ဆက်ဆံမှုတွေ ရှိနေတာကုို ဖော်ပြနေခြင်း ဖြစ်ပါတယ်။

အမျိုးသမီးတွေ ခေါင်းဆောင်မှုနဲ့ ဆုံးဖြတ်ချက် ချနုိုင်မယ့်နေရာတွေမှာ ပါဝင်ဆောင်ရွက်ခွင့်ရဖုို့ တုိုက်တွန်း ပြောဆုိုတဲ့ အခါတုိုင်းမှာ အရည်အချင်းရှိရင် အမျိုးသမီးတွေလည်း ခေါင်းဆောင်ခွင့် ရမှာပါဆုိုတဲ့ တုံ့ပြန်မှုတွေ ရတတ်တယ်။

တကယ်တော့ အဲဒီလုိုအမြင် ရှုထောင့်တွေဟာ ခေတ်အဆက်ဆက်မှာ အိမ်ထောင့်တာဝန်နဲ့ သားသမီး တာဝန်တွေကုို အမျိုးသမီးတွေ အပေါ်ချည်း လုံးလုံး ပုံချထားခြင်းခံရပြီး အိမ်ရဲ့ပြင်ပက ရပ်ရွာ ပတ်ဝန်းကျင်နဲ့ သတင်း အချက်အလက်တွေကုို အမျိုးသားများလို လက်လှမ်းမီရရှိခွင့်၊ အများပြည်သူနဲ့ ထိတွေ့ ဆက်ဆံခွင့်၊ သင်ယူ လေ့လာခွင့်တွေကို မသိမသာရော၊ သိသိသာသာပါ အမှောင်ချ ပိတ်ဆုို့ခံနေရတဲ့ အဖြစ်တွေကုို ထည့်မတွက်ရာ ရောက်ပါတယ်။

အဲဒီလုိုပဲ အမျိုးသမီးတွေရဲ့ အမျိုးသားတွေနဲ့ မတူညီတဲ့ လုိုအပ်ချက်တွေနဲ့ စိတ်ဝင်စားမှုတွေကုို ထည့်သွင်း စဉ်းစားခြင်းမရှိဘဲ ရေးဆွဲပြဌာန်းထားတဲ့ နုိုင်ငံရဲ့ ဖွဲ့စည်းအုပ်ချုပ်ပုံစနစ်နဲ့ ဥပဒေတွေ၊ မူဝါဒတွေနဲ့ ပြည်သူ့ဝန် ဆောင်မှုတွေ (System & Structural Barriers) အပါအဝင် လူ့အဖွဲ့အစည်းရဲ့အမျိုးသမီးတွေအပေါ် မတူညီတဲ့ တန်ဖုိုးထား နေရာပေး ဆက်ဆံမှုနဲ့ ပုံသေကားကျ သတ်မှတ်ထားတဲ့ ရှေးရုိုးစွဲ အမြင်တွေ (Cultural Barriers) ရှိနေတာတွေကုို ဒီနေ့ခေတ်အထိ လျစ်လျူရှုခံထားရဆဲပါ။

အမျိုးသမီးတွေကုို ကုိုယ့်ကုိုယ်ကုိုယ် ကာကွယ်စောင့်ရှောက်မှု မပြုနုိုင်တဲ့၊ တနည်းအားဖြင့် ယုံလွယ် ဉာဏ်နုံ့နည်း သူတွေအဖြစ် မိဘ သုို့မဟုတ် တစုံတဦးရဲ့ ဆုံးဖြတ်ချက်နဲ့ အကူအညီ၊ အကာအကွယ် ပေးမှုကုို လုိုအပ်သူတွေအဖြစ် နုိုင်ငံတော်နဲ့ လူ့အဖွဲ့အစည်းက မြင်ထားနေဆဲပါ။

အမျိုးသမီးတွေရဲ့ ခန္ဓာကုိုယ်နဲ့ မျိုးဆက်ပြန့်ပွားနုိုင်မှုကုို ထိန်းချုပ် အသုံးချစရာ တခုအဖြစ် လက်ခံနေဆဲပါ။ လူမျိုး တမျိုးနဲ့ တမျိုး၊ လူအုပ်စုတခုနဲ့ တခု အနုိုင်ယူ တုိုက်ခုိုက်ချင်တဲ့အခါ၊ ပဋိပက္ခတွေ ဖြစ်ပွားတဲ့အခါ အမျိုးသမီးများအပေါ် အကြမ်းဖက်မှုကုို လက်နက်တခုလုို အသုံးပြုနေကြဆဲပါ။

မြန်မာနုိုင်ငံမှာ အမျိုးသမီးတွေ အခွင့်အရေး တန်းတူညီမျှ ရနေပါပြီလားဆုိုတဲ့ မေးခွန်းကုို အမျိုးသမီးတွေရဲ့ ကုိုယ်ပုိုင်အဆင့်အတန်းနဲ့ ပင်ကုိုယ် အရည်အသွေးတွေ (Right to status & identity) ကို အမျိုးသားတွေနဲ့ တန်းတူလက်ခံ အသိအမှတ်ပြုလာတဲ့ တနေ့၊ အမျိုးသမီးတွေရဲ့ လိင်မှုဆုိုင်ရာနဲ့ မျိုးဆက်ပွားခြင်းဆုိုင်ရာ အခွင့်အရေးတွေ (Sexual & Reproductive Rights) ကို အမျိုးသမီးတွေ ကုိုယ်တုိုင် ဆုံးဖြတ်ပုိုင်ခွင့်ရလာတဲ့ တနေ့၊အမျိုးသမီး ဖြစ်ခြင်းကြောင့် သီးသန့်ကြုံတွေ့နေရတဲ့ အကြမ်းဖက်မှု အမျိုးမျိုးကနေ ဘေးကင်းလုံခြုံစွာ နေထုိုင်ခွင့် (Rights to security & protection from Violence) ရလာတဲ့ တနေ့၊ တူညီသော အလုပ်အတွက် လုပ်ခလစာနဲ့ အကျိုးခံစားခွင့်၊ တန်ဖုိုးထား သတ်မှတ်ချက်တွေ တန်းတူ (Labor- Rights) ဖြစ်လာတဲ့ တနေ့၊ ဘယ်လူမျိုး၊ ဘယ်ဘာသာဝင် အမျိုးသမီးမဆုို မြေယာ၊ ပစ္စည်းဥစ္စာနဲ့ အမွေ ဆက်ဆံပုိုင်ခွင့်တွေကုို အမျိုးသားများကဲ့သုို့ ပုိုင်ဆုိုင်ရယူခွင့် ရှိလာတဲ့တနေ့ (Property & Inheritance Rights)၊ အခြေခံ လူမှုဝန်ဆောင်မှုတွေကုို အမျိုးသမီးတွေ အခက်အခဲမရှိ လက်လှမ်းမီရရှိလာတဲ့ တနေ့ (Rights to basic social services)၊ နုိုင်ငံရေးနဲ့ အများပြည်သူ ဆုိုင်ရာ ဘဝတွေမှာ အမျိုးသားများကဲ့သုို့ အချိုးညီ ပါဝင်ဆောင်ရွက်ခွင့် ရလာတဲ့ တနေ့ (Rights to participate in political & public life) ကျတော့မှပဲ ရနေပါပြီလုို့ အကြွင်းမဲ့ ဖြေနုိုင်မှာ ဖြစ်ပါတယ်။

အမျိုးသမီး အခွင့်အရေးလုို့ ပြောလုိုက်ရင် အမျိုးသားတွေ ရထားတဲ့အထဲက တချို့တဝက်ကုို ခွဲဝေပေးရမှာ မဟုတ်သလုို အမျိုးသမီးတွေရဲ့ပါဝင်ဆောင်ရွက်ခွင့် ဆုိုတာဟာ အမျိုးသားတွေ လက်ရှိရယူထားတဲ့ နေရာတွေကုို ဖယ်ပေးဖုို့ တောင်းဆုိုနေတာ မဟုတ်ပါ။

လူသားတဦးအနေနဲ့ အမျိုးသားတွေလုိုပဲ ရယူခွင့်ရှိပြီးသား ဖြစ်ပေမယ့် ဒီကနေ့အထိ ငြင်းပယ် လျစ်လျူရှုထား ခြင်းခံရတဲ့ အခွင့်အရေးတွေအတွက် အမျိုးသမီးတွေက တောင်းဆုိုနေတာ ဖြစ်တယ်။ အမျိုးသမီးတွေကုို အပြည့်အဝ အခွင့်အရေးပေးပြီး ပါဝင်ခွင့်ပေးခြင်းအားဖြင့် ဘာတွေ ရလာမှာမုို့လုို့လဲ ဆုိုရင်တော့ စီးပွားရေးဖွံ့ဖြိုး တုိုးတက်ပြီး တည်ငြိမ်အေးချမ်းတဲ့ နိုင်ငံအများစုဟာ ကျား၊ မ တန်းတူညီမျှမှုကုို အလေးထား ဆောင်ရွက်တဲ့ နုိုင်ငံတွေ ဖြစ်တယ်ဆုိုတာ တွေ့ရမှာဖြစ်ပါတယ်။

ရာစုနှစ်များစွာ ပြည်တွင်းစစ် ပဋိပက္ခနဲ့ အာဏာရှင် စနစ်ဆုိုးကြောင့် နလန်မထူနုိုင်ခဲ့တဲ့ နုိုင်ငံကုို ဖွံ့ဖြိုးတုိုးတက်အောင်၊ တည်ငြိမ် အေးချမ်းအောင် ပြောင်းလဲ တည်ဆောက်တဲ့နေရာမှာ အမျိုးသမီးတွေရဲ့ အမြင်နဲ့ ပါဝင် ဆောင်ရွက်မှုတွေကုို လျစ်လျူရှု ထားခဲ့မယ်ဆုိုရင် ရေရှည်တည်တံ့ ခုိုင်မာတဲ့ ဖွံ့ဖြိုးတိုးတက်ရေးအတွက် နှောင့်နှေး ကြန့်ကြာစေမှာ ဖြစ်ပါတယ်။

နုိုင်ငံလူဦးရေ ထက်ဝက်ကျော်ကုို ကုိုယ်စားပြုတဲ့ အမျိုးသမီးတွေရဲ့ကာယ၊ ဉာဏ်အားကုို အပြည့်အဝ ထည့်ဝင် လုပ်ဆောင်စေမယ်ဆုိုရင် အမျိုးသားများချည်း လုပ်ဆောင်နေခြင်းထက် ပိုမုို အကျိုးရှိ ထိရောက်ပြီး နုိုင်ငံတွင်းမှာရှိတဲ့ လူ့စွမ်းအား အရင်းအမြစ်တွေကုို အမြော်အမြင်ရှိရှိ အသုံးပြုရာရောက်မှာ ဖြစ်ပါတယ်။

စစ်မှန်တဲ့ ဒီမုိုကရေစီစနစ်နဲ့ ပြည်တွင်း ငြိမ်းချမ်းရေးအတွက် တန်းတူညီမျှ ကျားနဲ့ မ၊ သာတူခွင့်ရေး ဆောင်ရွက်ပေးခြင်းဖြင့် ခွင့်တူညီမျှ ဝါဒဖြူစင်တဲ့နုိုင်ငံကုို တည်ဆောက်သွားနုိုင်ဖုို့ ဆန္ဒပြုပါတယ်။