Tuesday, August 30, 2016

ရုပ်ရှင်နဲ့ ဗွီဒီယို သရုပ်ဆောင် မိုးအောင်ရင် မူးယစ်ဆေးမှုဖြင့် အဖမ်းခံရ

ဇေယျာမော်

ရုပ်ရှင်နှင့် ဗွီဒီယိုသရုပ်ဆောင် မိုးအောင်ရင်ကို ယနေ့မနက် ၄ နာရီဝန်းကျင်က ပုဇွန်တောင် မြို့နယ်၂ ရပ်ကွက်၊ သာယာကုန်းလမ်းရှိ နေအိမ်တစ်ခုတွင် မူးယစ်ဆေးဝါးများနှင့်အတူ ဖမ်းမိခဲ့ကြောင်း ပုဇွန်တောင်မြို့နယ် ရဲတပ်ဖွဲ့ စခန်းမှူး ရဲအုပ် မျိုးသန့်က မဇ္ဈိမသို့ ပြောသည်။

"သာယာကုန်းလမ်းက အိမ်ကိုတက်ရှာတယ်။ မိုးအောင်ရင်ကိုတွေ့တယ် ၊ ခါးပတ်ပတ်ထားတဲ့ သားရေအိတ်ထဲကနေ ice ၁ ဂရမ်ခန့်ကို သိမ်းဆည်းရမိတယ်" ဟု ရဲအုပ်မျိုးသန့်က ပြောသည်။

မူးယစ်ဆေးဝါးနှင့် စိတ်ကိုပြောင်းလဲစေတတ်သော ဆေးဝါးများဆိုင်ရာ ဥပဒေပုဒ်မ ၁၅/၁၆ (ဂ) ၊ ပုဇွန်တောင်မြို့မ ရဲစ ခန်း ပ ၆ /၁၆(မယ)ဖြင့် အမှုဖွင့်အရေးယူထားကြောင်း သိရသည်။

တာမွေမြို့နယ်ရှိ မိုးအောင်ရင်၏ နေအိမ် တွင် အလေးချိန် ဂရမ် ၄၀ ကျော်ရှိ ဆေးခြောက်ဟု ယူဆရသော အရွက် ခြောက်များနှင့်အတူ မူးယစ်ဆေးဝါး သုံးစွဲရာတွင် အသုံးပြုသည့် ပစ္စည်းအချို့ကို သိမ်းဆည်းရမိခဲ့ခြင်း၏ အဆက်ဖြစ်ပြီး သရုပ်ဆောင် မိုးအောင်ရင်ကို ပုဇွန်တောင်မြို့နယ်အတွင်း၌ ဖမ်းဆီးရမိခြင်း ဖြစ်သည်။

No comments: