Tuesday, August 30, 2016

KIO ကို NCA လက်မှတ် ထိုးရန် ကချင်ပြည်နယ် တိုင်းမှူး ဖိအား ပေး

Kachinnews


မြန်မာစစ်တပ် မြောက်ပိုင်းတိုင်း စစ်ဌာနချုပ် တိုင်းမှူး က ယမန်နေ့ မြစ်ကြီးနားမြို့ ကချင် ဓမ္မတက္ကသိုလ် KTCS သို့ အလည်အပတ် ရောက်လာစဉ် ကချင် လွတ်လပ်ရေး အဖွဲ့ KIO မှ NCA ငြိမ်းချမ်းရေး စာချုပ် ကို လက်မှတ် ထိုးရန် ဖိအားပေး ပြောကြားခဲ့သည်။

ကြာသပတေးနေ့ နောင်နန်း KTCS ဆရာများ၊ ကျောင်းသားများ ကို ‘KIO မှ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး NCA စာချုပ် လက်မှတ်ထိုးရင် တိုက်ပွဲတွေ ရပ်သွားမှာ ဖြစ်တယ်’ ဟု မပခ တိုင်းမှူး ဗိုလ်ချုပ် ညီညီဆွေ က ပြောကြောင်း တွေ့ဆုံမှုတွင် ပါဝင်သူများ ဆိုသည်။

ဆက်လက်ပြီး လွှတ်တော်ထဲမှာ စစ်တပ်က ၂၅% ပါဝင်ရခြင်း အကျိုးအကြောင်းကိုလည်း တိုင်းမှူးက ရှင်းပြခဲ့သည်။

တိုင်းမှူးက “ယခင် ပါလီမန် အစိုးရခေတ်က လွှတ်တော်မှာ စစ်တပ် မပါဝင်လို့ ကချင်ပြည်နယ်မှ Hpimaw၊ Galam၊ Kangfang နယ်တွေကို ပေးလိုက် ရတာမျိုး ဖြစ်ခဲ့တယ်။ အဲ့ဒါကြောင့် လွှတ်တော်မှာ ၂၅% ပါဝင် ရပါတယ်” ဟု အကြောင်းပြချက် ပေးခဲ့သည်။

နိုင်ငံအတွင်း ‘မည်သည့် ဘာသာနှင့်မဆို ငြိမ်းချမ်းစွာ နေထိုင်ခြင်းကို လိုလားကြောင်း’ ကချင် ဓမ္မတက္ကသိုလ် (Kachin Theological College and Seminary KTCS) နှင့် တွေ့ဆုံမှု တွင် တိုင်းမှူး ဗိုလ်ချုပ် ညီညီဆွေ က ပြောခဲ့သည်။

တိုင်းမှူးက ကချင် စီးပွားရေး လုပ်ငန်းရှင် Kareng La San နှင့် အတူ ရောက်လာခြင်း ဖြစ်ပြီး ကျောင်းအတွက်ကို အလှူငွေ ကျပ် ၁၀၅၀၀၀၀ ကို ပေးခဲ့သည်ဟု ကျောင်း က ဆိုပါသည်။ အမှန်က ယင်း အလှူငွေ လက်ဆောင်ကို လုပ်ငန်းရှင် Kareng La San မှ ထုတ်ပေးခြင်း ဖြစ်သည်ဟု ကချင် သတင်း ဌာန KNG မှ စုံစမ်း သိရသည်။

၂၀၁၁ ကချင်ဒေသ တိုက်ပွဲ တကျော့ပြန် ဖြစ်ပွားလာပြီးနောက် ‘ယခင် နိုင်ငံတော် အကြီးအကဲများလည်း မြစ်ကြီးနားမြို့ ကချင် ခရစ်ယာန် အသင်းတော် ဂိုဏ်းပေါင်းစုံ ခေါင်းဆောင်များနှင့် တွေ့ဆုံပြီး KIO မှ ငြိမ်းချမ်းရေး လက်မှတ်ထိုးရန်’ ဖိအားပေးမှုများ ပြုလုပ်ခဲ့သည်။

No comments: