သြဂုတ်လ ၂၄ ရက်နေ့ ညနေပိုင်းတွင် လှုပ်ခတ်ခဲ့သည့် ငလျှင်လှုပ်ခတ်မှုကြောင့် မကွေးတိုင်းဒေသကြီး အတွင်းရှိ မင်းဘူး၊ ချောက်၊ ရေနံချောင်းမြို့နယ်တို့ရှိ ရှေးဟောင်းစေတီပုထိုးများအပါအ၀င် အခြားမြို့နယ်များတွင်ပါ ပျက်စီးဆုံးရှုံးမှုများ ပြားခဲ့ ကြောင်း တိုင်းဒေသကြီး လွှတ်တော် ကိုယ်စားလှယ်အချို့က ပြောကြားသည်။
၂၀၁၆ ခုနှစ်၊ သြဂုတ်လ (၂၄) ရက်နေ့ မြန်မာစံတော်ချိန် ၅ နာရီ ၁၇ မိနစ်တွင် လှုပ်ခတ်သွားခြင်းဖြစ်ပြီး အင်အား ရစ်(ခ်)စတာစကေး ၆.၅ အဆင့်ရှိ ငလျှင်တစ်ခု လှုပ်ခတ်ခဲ့ခြင်း ဖြစ်သည်။
အဆိုပါ ငလျှင် လှုပ်ခတ်မှုသည် နှစ်ပေါင်း ၄၀အတွင်း အပြင်းထန်ဆုံး ဖြစ်ပြီး ငလျှင်လှုပ်ခတ်မှုကြောင့် မကွေး တိုင်းဒေသကြီး ရေနံချောင်းမြို့ရှိ ရှေးဟောင် စေတီတစ်ဆူဖြစ်သည့် ကျမ်းကိုင်စေတီ ပြိုကျ ပျက်စီးခဲ့ကြောင်း ရေနံချောင်းမြို့နယ် မဲဆန္ဒနယ်အမှတ် ၁ တိုင်းဒေသကြီးလွှတ်တော်ကိုယ်စားလှယ် ဦးတင့်လွင်က ပြောသည်။
ရေနံချောင်းမြို့နယ် ရှားပင်ရိုး အောက်တောရ ကျေးရွာတွင် ကမ်းပါးပြိုကျမှုကြောင့် န၀မတန်းကျောင်းသူ တစ် ဦးအပါ အ၀င် အမျိုးသမီးနှစ်ဦး ပိမိခဲ့ပြီး လက်ရှိတွင် တူးဖော်နေသည်ဟု သတင်းရရှိ ကြောင်း ၎င်းက ဆိုသည်။
ထို့ပြင် ချောက်မြို့နယ်၊ စလေမြို့ရှိ ရှေးဟောင်းဘုရားများဖြစ်သည့် သိမ်ဘုရား၊ ရွှေလည်ချောင်းဘုရား၊ ရွှေရည် ကျောင်းဘုရား၊ ရွှေကူမှန်ကင်းဘုရားအပြင် အမည် မ သိဘုရားနှစ်ဆူ ထိခိုက်သွားကြောင်း ချောက်မြို့နယ် တိုင်းဒေသကြီးလွှတ်တော်အမှတ်(၂) ကိုယ်စားလှယ် ဦးစိုးဝင်းက ပြောသည်။
မင်းဘူးမြို့နယ်တွင်လည်း ရှေးဟောင်း ချမ်းသာအေးဘုရားဝန်းအတွင်းရှိ စေတီ ၂ဆူ စိန်ဖူးတော် မြေခခဲ့ပြီး ၊ နဂါးပွက်တောင် ကမ်းပါးများအက်ကွဲထွက်ခဲ့ပြီး ချော်ရေများ လျှံထွက်ခဲ့သည့်အပြင် ရှေးဟောင်း ဟန္ဒိူဘုရားကျောင်း တစ်ကျောင်း၏ မုဒ်ဦးပြိုကျခြင်း၊ ခရစ်ယာန်ဘုရားကျောင်း တစ်ကျောင်း ပျက်စီးခဲ့ကြောင်း မင်းဘူးမြို့နယ် တိုင်းဒေသကြီးလွှတ်တော်အမှတ်(၁)မှ ဦးကျော်စွမ်းရည်က ပြောသည်။
အဆိုပါ ငလျှင် လှုပ်ခတ်မှုကြောင့် မကွေးတိုင်းဒေသကြီးအတွင်းရှိ မြို့နယ်အများအပြားတွင် ပျက်စီးဆုံးရှုံးမှုများ ဖြစ်ပွားခဲ့ခြင်း ဖြစ်သည်။
No comments:
Post a Comment