ရဲနိုင် (လောက်ကိုင်)
ဇူလိုင်(၂၉)ရက်က အစိုးရက ထုတ်ပြန်လိုက်သည့် စီးပွားရေးမူဝါဒသည် ရည်ရွယ်ချက်ကောင်းမွန်သော်လည်း အကြောင်းအရာ ကျယ်ဝန်းသည့်အတွက် အစိုးရအနေဖြင့် လက်တွေ့ကျကျလုပ်ဆောင်ရာတွင် အခက်အခဲရှိနိုင်ကြောင်း ကမ္ဘာ့ရတနာဘဏ် ဒုတိယဦးဆောင်ညွှန်ကြားရေးမှူး (မြန်မာနိုင်ငံဗဟိုဘဏ် ဒုတိယညွှန်ကြားရေးမှူး အငြိမ်းစား) ဒေါက်တာလှညွှန့်ကဆိုသည်။
“ဒီစီးပွားရေးမူဝါဒကို ဖတ်လိုက်ရတော့ ထောင့်စုံသွားတယ်ပေါ့။ အခြေခံကော၊ အလတ်စား၊ အသေးစား လုပ်ငန်းတွေကော ဖွံ့ဖြိုးအောင်လုပ်မယ်ဆိုတဲ့ ရည်ရွယ်ချက်တွေလည်းရှိတယ်။ သူများနိုင်ငံလုပ်သလို ဆရာတို့နိုင်ငံမှာ ပုံတူကူးချဖို့မလွယ်ဘူး။ ဘာကြောင့်လဲဆိုတော့ တိုင်းပြည်ရဲ့သွားနေတဲ့ စီးပွားရေးမူဝါဒနဲ့ ကိုယ့်တိုင်းပြည်ရဲ့ လက်ရှိအခြေအနေနဲ့ သဟာဇာတဖြစ်ဖို့လိုတယ်”ဟု ဒေါက်တာလှညွှန့်က မဇ္ဈွိမကို ပြောသည်။
စီးပွားရေးမူဝါဒမှာလက်ရှိတွင် မူကြမ်းမျှသာရှိသေးပြီး အစိုးရသက်တမ်း ၅နှစ်တွင်ဖော်ဆောင်မည့် အသေးစိတ်အချက်အလက်များကို သက်ဆိုင်ရာဝန်ကြီးဌာနများက အကောင်အထည်ဖော်ရန် လိုအပ်ကြောင်း Thura Swiss ကုမ္ပဏီမှ CEO ဦးအောင်သူရကပြောသည်။
“အဓိကတော့ တိုင်းပြည်တစ်ခုလုံးကိုတိုးတက်စေချင်တယ်ဆိုရင် ဒီစီးပွားရေးဘက်က တိုးတက်ဖို့လိုတယ်။ အစိုးရ အနေနဲ့က မြန်မာပြည်တစ်ခုလုံးရဲ့ စီးပွားရေးတိုးတက်လာဖို့ကိုစဉ်းစားဖို့လိုမယ်” ဟု ဦးအောင်သူရက ဆိုသည်။
အစိုးရက ချမှတ်လိုက်သည့် စီးပွားရေး မူဝါဒတွင် တိုင်းဒေသကြီး နှင့် ပြည်နယ်များကြား ဘက်ညီမျှတစွာ ဖွံ့ဖြိုးတိုးတက်စေသည့် စီးပွားရေး အခြေအနေကောင်းရရေး၊ နိုင်ငံသားများ ပူးပေါင်းပါဝင်ပြီး တီထွင်ဆန်းသစ်မှု နှင့် ကြိုးပမ်းအားထုတ်မှုဖြင့် တိုးတက်သည့် ရလာဒ်ကောင်းများကို ထိန်းသိမ်းနိုင်သည့် စီးပွားရေးစနစ် ထူးထောင်ရေးစသည့် နိုင်ငံ၏ ရည်မှန်းချက်များ အပါအဝင် စီးပွားရေးမူဝါဒတွင် ၁၂ရပ်ကို ပါဝင်သည်။
No comments:
Post a Comment