မြန်မာနိုင်ငံ၏ စီးပွားရေးမူဝါဒ သတိထားကိုင်တွယ်ရန် အိန္ဒိယ စီးပွားရေးပညာရှင်များ သတိပေး

မင်းမင်း

မြန်မာနိုင်ငံ၏ မူဝါဒချမှတ်သူများအနေဖြင့် နိုင်ငံစီးပွားရေးကို ကိုင်တွယ်ဆောင်ရွက်ရာတွင် သတိဖြင့် လုပ်ဆောင် ရမည်ဖြစ်ကြောင်း နိုင်ငံသို့ အလည်အပတ်ရောက်ရှိခဲ့သော အိန္ဒိယ စီးပွားရေးပညာရှင်နှစ်ဦးက ပြောကြားလိုက်သည်။

ဈေးကွက်အင်အားစုများအတွင်း မသေချာမရေရာမှုများနှင့်အတူ ယင်းတို့ကို မည်ကဲ့သို့ ထိန်းချုပ် ကိုင်တွယ်ချိန်ညှိရမည်နှင့် ပတ်သက်၍အစိုးရပိုင်းက အထူးအလေးထားလုပ်ဆောင်ရမည်ဟု ပြောသည်။

၂၀၁၅ ခုနှစ် ဒီမိုကရေစီ အသွင် ကူးပြောင်းလာမှုနှင့်အတူ မြန်မာနိုင်ငံသည်လည်း ယင်း၏ လူမှုစီးပွားနှင့် လူသားအရင်းအမြစ် ဖွံ့ဖြိုးတိုးတက်မှုပိုင်းအတွက် စီမံချက်များ စတင်ချမှတ်လာခဲ့သည်။

ယခုအခါတွင်လည်း အိန္ဒိယနိုင်ငံ Jawaharlal Nehru တက္ကသိုလ်မှ ထင်ရှားသည့်စီးပွားရေးပညာရှင် ပါမောက္ခများဖြစ်သော JayatiGhosh နှင့် C P Chandrasekhar တို့ကို AcitionAid Myanmar နှင့် Mizzima မီဒီယာတို့မှ ဖိတ်ကြားခဲ့ကာ စီးပွားရေးဖွံ့ဖြိုးမှု မဟာဗျူဟာပိုင်းအပေါ် ထင်မြင်ယူဆချက်များ မျှဝေဖလှယ်နိုင်ရန်အတွက် မြန်မာနိုင်ငံမှ မူဝါဒချမှတ်သူများ၊ နယ်ပယ်အလိုက် ကျွမ်းကျင်ပုဂ္ဂိုလ်များ၊ အရပ်ဘက်အဖွဲ့အစည်းများ၊ အစိုးရတာဝန်ရှိသူများ နှင့် NGOs အဖွဲ့များနှင့် ချိတ်ဆက်ဆွေးနွေးစေခဲ့သည်။

သြဂုတ်လ ၂၅ ရက်က နေပြည်တော်တွင် စီမံကိန်းနှင့် ဘဏ္ဍာရေးဝန်ကြီးဌာနမှ တာဝန်ရှိသူများ၊ စီးပွားရေး ပူးပေါင်းညှိနှိုင်းရေးအဖွဲ့ဝင်များ နှင့် တွေ့ဆုံဆွေးနွေးပွဲတစ်ရပ်ကို ကျင်းပခဲ့ကြသည်။ ဆွေးနွေးပွဲ ကျင်းပရခြင်းမှာ စီးပွားရေးနှင့် ဖွံ့ဖြိုးတိုးတက်ရေးမူဝါဒပိုင်းနှင့်ပတ်သက်၍ ထင်မြင်ယူဆချက်များ အပြန်အလှန် ဖလှယ်နိုင်ရန်နှင့် ယင်းမှသာ ဧည့်ပညာရှင်များက အခြားဖွံ့ဖြိုးဆဲနိုင်ငံများဆီမှ အတွေ့အကြုံယူဆချက်များကို ယူဆောင်မျှဝေပေးနိုင်ရန် ရည်ရွယ်သည်။

ယင်းကဲ့သို့ အတွေ့အကြုံများ ဖလှယ်စေခြင်းဖြင့် နိုင်ငံ၏ စီးပွားရေးမူဝါဒများနှင့် ထင်မြင်ယူဆချက်များကို ပိုမို၍ ပြည်သူဗဟိုပြု ပြီးပြည့်စုံစေလာနိုင်စေမည်ဟု ပွဲစီစဉ်သူများက မျှော်လင့်ထားသည်။ ယင်းအပြင် အစိုးရနှင့် မူဝါဒရေးဆွဲသူများကလည်း ရှေ့တွင်ကျော်လွှားရမည့် ဖြစ်လာဖွယ် စိန်ခေါ်မှုများကို ခွဲခြားဖော်ထုတ်နိုင်မည်ဖြစ်သည်။

ActionAid Myanmar မှ Country Director Mr Shihab Uddin Ahamad က အဖွင့်အမှာစကား ပြောကြားရာတွင် တာဝန်ရှိသူများအနေဖြင့် အလွတ်သဘောအရ အပြန်အလှန် ဆွေးနွေးစေလိုကြောင်း တိုက်တွန်းပြောကြားသွားသည်။

စီမံကိန်းနှင့် ဘဏ္ဍာရေးဒုဝန်ကြီး ဦးမောင်မောင်ဝင်းကလည်း အစိုးရသစ်၏ စီးပွားရေး အစီအစဉ်များနှင့် ပတ်သက်၍ စိတ်ရှည်ပေးပါရန် ပြောကြားသွားခဲ့သည်။ " အစိုးရသစ်ဟာ စီးပွားရေးမူဝါဒနှင့် လူသားအရင်းအမြစ် မူဝါဒတွေ ချမှတ်မှုပိုင်းမှာ နှေးကွေးနေခဲ့တယ်လို့ ထင်ရပါလိမ့်မယ်၊ တကယ်တမ်းဆိုရင် ကျွန်တော်တို့မှာ ငါးလနီးပါးရှည်ကြာတဲ့ အကူးအပြောင်း ကာလကိုဖြတ်ကျော်ခဲ့ရပါတယ်၊ အဲဒီငါးလအတွင်းမှာပဲ ကျွန်တော်တို့ အများကြီးလုပ်ထားခဲ့ပြီးပါပြီ" ဟု ၎င်းက ပြောသည်။

အစိုးရသစ်အနေဖြင့် ယခင်ဝန်ကြီးဟောင်းများနှင့် ရက်အနည်းငယ်သာ တွေ့ဆုံခဲ့ရသည့်အတွက် လက်ရှိ နိုင်ငံ၏ တည်ရှိမှုအခြေအနေနှင့် ဦးစားပေးလုပ်ဆောင်ရမည့်အချက်များကို တွက်ချက်သိရှိနိုင်ရန် လေ့လာကြည်ရှုနေရဆဲဖြစ်ကြောင်းလည်း ၎င်းက မှတ်ချက်ပြုသည်။

" အုပ်ချုပ်မှုအစိုးရယန္တရားအတွင်း အရပ်သားများ ၀င်ရောက်လာခြင်းက ကာလအနည်းငယ်သာ ကြာမြင့်နေသေးသည့်အချိန်တွင် နိုင်ငံတကာစောင့်ကြည့်သူများ၊ မီဒီယာများနှင့် စီးပွားရေးလုပ်ငန်းရှင်များအမြင်တွင် တိုးတက်စရာကိစ္စရပ်များ များစွာရှိနေသေးသည်ဟု ထင်မြင်မည်ပင်ဖြစ်ကြောင်း ၎င်းက ဆိုသည်။

အိန္ဒိယ ဧည့်စီးပွားရေးပညာရှင်နှစ်ဦးစလုံးကလည်း ၎င်းတို့လာရောက်ခြင်းမှာ မြန်မာအစိုးရကို စီးပွားရေးပိုင်း မည်ကဲ့သို့ကိုင်တွယ်ရမည်နှင့်ပတ်သက်၍ တတ်နိုင်သည့် အကြံဥာဏ်များ ပေးလိုကြောင်း ပြောကြားသွားသည်။

ပါမောက္ခ JayatiGhosh က တင်ဆက်ပြောကြားရာတွင် မြန်မာအပါအ၀င် ဖွံ့ဖြိုးဆဲနိုင်ငံများတွင် တွေ့ရလေ့ရှိသည့် ကိစ္စရပ်တစ်ချို့ကို ထုတ်နုတ်ပြောကြားသွားသည်။ အစိုးရသစ် ထုတ်ဖော်ထားသည့် စီးပွားရေးမူဝါဒ မှတ်တမ်းများအရ နိုင်ငံဖွံ့ဖြိုးတိုးတက်နိုင်ရေး၏ အဓိကအချက်မှာ စီးပွားရေးကို မျိုးခွဲလုပ်ဆောင်ခြင်းပင်ဖြစ်ပြီး၊ တန်ဖိုးနည်းပေါင်းထည့် လုပ်ဆောင်မှုမျိုးမှ ပြောင်းကာ တန်ဖိုးမြင့်ပေါင်းထည့် လုပ်ဆောင်မှုများသို့ ရွှေ့ပြောင်းလုပ်ဆောင်ခြင်းဖြစ်ကြောင်း ၎င်းက ပြောသည်။

စီးပွားရေးစီမံကိန်းနှင့် ပတ်သက်၍ သတိထားလုပ်ဆောင်ရမည်ဖြစ်ကြောင်း၊ အစိုးရသစ်အနေဖြင့် ယင်းမူဝါဒကို ဂရုတစိုက်ချဉ်းကပ်လုပ်ဆောင်ရန်လိုလှကြောင်း ၎င်းက ထပ်မံသတိပေးသွားသည်။

ဖွံ့ဖြိုးတိုးတက်မှုကို ရယူရန်ကြိုးပမ်းနေသည့် နိုင်ငံတစ်နိုင်ငံအတွက် စီမံကိန်းရေးဆွဲမှုကို ရှောင်ခွာပါက အမှားတစ်ခုကျူးလွန်ခြင်းပင်ဖြစ်ကြောင်း ၎င်းက ပြောသည်။ ယင်းအတွက်ကြောင့် ရှင်းလင်းသေချာသည့် အစိုးရ၏ မဟာဗျူဟာတစ်ရပ် ရှိသင့်ကြောင်း၊ ယင်းအပြင် ကုန်သွယ်ရေးနှင့် စက်မှုလုပ်ငန်းဆိုင်ရာ မူဝါဒတစ်ရပ်လည်း လိုအပ်ကြောင်း ၎င်းက ဆိုသည်။

ပါမောက္ခ JayatiGhosh က လူမှုမူဝါဒတစ်ခု၏ အရေးပါပုံကိုလည်း ဆွေးနွေးသွားသည်။ နောဒစ် နိုင်ငံများရှိ ဖွံ့ဖြိုးမှု ဥပမာများကို ၎င်းက ထောက်ပြညွှန်းဆိုခဲ့သည်။ ကျန်းမာသန်စွမ်းပြီး ထုတ်လုပ်နိုင်စွမ်းနှင့် ကျွမ်းကျင်မှုရှိသော လုပ်သားထု နှင့် အလုပ်အကိုင်များ ပိုမို တိုးတက်ရရှိစေနိုငမည့် လူမှု မူဝါဒတစ်ခုကို မည်ကဲ့သို့ ရယူနိုင်မည်ကို ညွှန်းဆိုသွားသည်။

အလားတူ ပါမောက္ခ C P Chandrasekhar ကလည်း ယင်းအစည်းအဝေးတွင် ပြောကြားရာ၌ အာဏာရှင်နိုင်ငံစနစ်မှ ဒီမိုကရေစီ စနစ်သို့ ကူးပြောင်းထားသော နိုင်ငံတစ်နိုင်ငံအတွက် စိန်ခေါ်မှုများက အမြဲရှိနေမည်ဖြစ်ကြောင်း၊ မြန်မာနိုင်ငံသည်လည်း ပြောင်းလဲနေရသည့်လုပ်ငန်းစဉ်ထဲတွင် ရောက်နေကြောင်း ပြောသွားသည်။

ယင်းအခြေအနေမျိုးတွင် နိုင်ငံရေး ပြောင်းလဲမှုနှင့် ဈေးကွက်ပြောင်းလဲမှုတို့ထဲတွင် အပြိုင်အဆိုင်ဖြစ်နေသည်ဟု နိုင်ငံတကာစီးပွားရေးပညာရှင်များ ပြောလေ့ပြောထရှိကြောင်း ၎င်းက ဆိုသည်။

မြန်မာနိုင်ငံတွင်မူ ယင်း၏ သဘာဝအရင်းအမြစ်များ၊ လူသားအရင်းအမြစ်များဖြင့် အံ့သြလောက်ဖွယ် အခွင့်အလမ်းများ ရှိနေကြောင်း ပါမောက္ခ C P Chandrasekhar က ပြောသည်။

နိုင်ငံတော်သမ္မတ ဦးထင်ကျော်နှင့် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့၏ ဦးဆောင်မှုဖြင့် အစိုးရသစ်အနေဖြင့် နိုင်ငံကို ဖွံ့ဖြိုးတိုးတက်စေပြီး ငြိမ်းချမ်းစေနိုင်ရေး လုပ်ဆောင်ရာတွင် စိန်ခေါ်မှုများ ရှိနေလျက်ရှိသည်။

နိုင်ငံ၏ တစ်နှစ်တာ စီးပွားရေးတိုးတက်မှုနှုန်းထားသည် ၇ ရာခိုင်နှုန်းခန့် ရှိနေရာ အာဆီယံဒေသတွင်မူ တောက်ပသည့် ကြယ်တစ်ပွင့်သဖွယ် ဖြစ်နေလျက်ရှိသည်။ သို့သော်လည်း ဆယ်စုနှစ်ငါးစုကြာ စစ်အုပ်ချုပ်ရေးအောက် ကျရောက်ခဲ့ရသဖြင့် စီးပွားရေးနှင့် အခြေခံအဆောက်အအုံ တိုးတက်မှုပိုင်းသည် အခြားသော အာဆီယံနိုင်ငံများထက် သိသိသာသာ နောက်ကျကျန်ရစ်နေစေခဲ့ခြင်းကြောင့် ယခုအခါအောက်ခြေအဆင့်မှ ပြန်ကာ ပြုပြင်တည်ဆောက်နေရလျက်ရှိသည်။

နိုင်ငံ၏ အခြေခံအဆောက်အအုံ၊ စက်မှုလုပ်ငန်း၊ စိုက်ပျိုးရေး၊ လူသားအရင်းအမြစ် စသည်တို့ကို မည်ကဲ့သို့ တိုးတက်စေရန် လုပ်ဆောင်သွားမည်နှင့် ပတ်သက်၍ အစိုးရသစ်က အစမ်းသပ်ခံသွားရမည်ဖြစ်သည်။

ကမ္ဘာ့ဘဏ်၏ ဖော်ပြချက်အရ မြန်မာနိုင်ငံ လူဦးရေ ၇၅ ရာခိုင်နှုန်းသည် ဆင်းရဲနွမ်းပါးမှု လိုင်းနှင့် နီးကပ်နေလျက်ရှိသည်။

ပါမောက္ခ JayatiGhoshand နှင့် C P Chandrasekhar တို့သည် နိုင်ငံသို့ လေးရက်တာခရီး ရောက်ရှိခဲ့ခြင်းဖြစ်သည်။ ပါမောက္ခ JayatiGhoshand သည် ကမ္ဘာ့ဦးဆောင် စီးပွားရေးပညာရှင်များထဲမှ တစ်ဦးအပါအ၀င်ဖြစ်သည်။ သူမသည် နယူးဒေလီရှိ Jawaharlal Nehru တက္ကသိုလ်မှ စီးပွားရေး လေ့လာမှုပညာနှင့် စီမံကိန်းရေးရာ စင်တာမှ စီးပွားရေးပညာရှင်ပါမောက္ခတစ်ဦးဖြစ်သည်။ သူမသည် Cambridge တက္ကသိုလ်မှာ စီးပွားရေး ပါရဂူဘွဲ့ကို ရရှိခဲ့သည်။ သူမသည် ပြည်တွင်းနှင့် နိုင်ငံတကာများရှိ အဖွဲ့အစည်းများ၊ လူမှုလှုပ်ရှားမှုများတွင်နီးနီးကပ်ကပ် ပါဝင်ထားခဲ့သည်။ လက်ရှိအချိန်တွင် သူမသည် နိုင်ငံတကာ ဖွံ့ဖြိုးရေး စီးပွားအသင်းအဖွဲ့ IDEAs တွင် အမှုဆောင်အတွင်းရေးမှူးဖြစ်သည်။

သူမသည် ကျယ်ပြန့်သည့် စီးပွားရေးရာမူဝါဒများ၊ အလုပ်အကိုင် ခန့်ထားမှု၊ ကျားမရေးရာ နှင့် လူသားအရင်းအမြစ်ဖွံ့ဖြိုးတိုးတက်မှု၊ ဗဟိုမှ လုပ်ပိုင်ခွင့်ခွဲဝေမှု၊ နိုင်ငံတကာ စီးပွားရေးရာ စသည့် နယ်ပယ်များတွင် သုတေသန လုပ်ဆောင်လျက်ရှိသည်။ အလားတူ သူမသည် လက်ရှိ ထင်ရှားသော စီးပွားရေးစာပေရေးသားသူတစ်ဦးလည်းဖြစ်သည်။

ပါမောက္ခ C P Chandrasekhar မှာ Jawaharlal Nehru တက္ကသိုလ်မှ စီးပွားရေးပညာရပ် လေ့လာမှုနှင့် လူမှုသိပ္ပံ စီမံကိန်းကျောင်းမှ ပါမောက္ခတစ်ဦးဖြစ်သည်။ ၎င်းသည် JNU မှ Ph D ဘွဲ့ရရှိခဲ့သည်။ ၎င်းသည် စက်မှုလုပ်ငန်းဆိုင်ရာ မူဝါဒများ၊ ကုန်သွယ်မှု၊ ရင်းနှီးမြှုပ်နှံမှု နှင့် WTO တို့ အပါအ၀င် ကမ္ဘာ့စီးပွားရေးမူဝါဒနယ်ပယ်များတွင် လုပ်ကိုင်ခဲ့ဖူးသည်။ အလားတူ ၎င်းသည် IDEAs ၏ အဖွဲ့ဝင်တစ်ဦးလည်းဖြစ်သည်။ အလားတူ ၎င်းသည် ဦးဆောင် စီးပွားရေးဂျာနယ်များ၊ မဂ္ဂဇင်းများ၊ သတင်းစားများတွင် ပုံမှန်ပါဝင်ရေးသားနေခဲ့သူဖြစ်သည်။