နိုင်ငံရေးမူဘောင် သုံးသပ်ရန် အပစ်မရပ်သေးသည့် အဖွဲ့များလည်း ဖိတ်ခေါ်

ကျော်ခ

အစိုးရနှင့် တိုင်းရင်းသား လက်နက်ကိုင်များ အကြား နိုင်ငံရေး ဆွေးနွေးမှုဆိုင်ရာ မူဘောင် (မူကြမ်း) သုံးသပ်ခြင်း အစည်းအဝေးကို ယခုလ ၁၂ ရက် နေ့တွင် ပြုလုပ်မည်ဖြစ်ပြီး ထိုအစည်းအဝေးသို့ အပစ်အခတ်ရပ်စဲရေး လက်မှတ်မထိုးရသေးသော တိုင်းရင်းသား လက်နက်ကိုင် အဖွဲ့အစည်းများကိုလည်း အစိုးရက ဖိတ်ခေါ်လိုက်သည်။

အဆိုပါ အစည်းအဝေးကို ရန်ကုန်မြို့ ရွှေလီလမ်းရှိ အမျိုးသားပြန်လည် သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) ရုံးတွင် ပြုလုပ်မည်ဖြစ်ပြီး အစိုးရနှင့် အပစ်ရပ်ထားသော အဖွဲ့များအပြင် အပစ်မရပ်ရသေးသော အဖွဲ့များ အားလုံးကိုလည်း ဖိတ်ခေါ်ထားကြောင်း သိရသည်။

“ကျနော်တို့ ဆွေးနွေးတာက Framework ကို Review လုပ်တာ၊ ဒီ Review လုပ်တဲ့အခါမှာ အားလုံးကတော့ ကိုယ့်ရဲ့ သဘောထားတွေ ပေးကြမှာပါဘဲ၊ ပေးတဲ့အခါမှာ လက်မှတ်ထိုးတဲ့သူနဲ့ မထိုးတဲ့သူနဲ့ ခွဲခြားပြီးတော့ Framework Review မှာတော့ မရှိဘူးဗျ။ ဒါပေမယ့် UPDJC လယ်ဗယ်မှာကျတော့ ဒုတိယအပိုင်းပေါ့။ Framework အထိကတော့ ဘာပြဿနာမှ မရှိပါဘူး” ဟု ပြည်ထောင်စု ငြိမ်းချမ်းရေး ညီလာခံ – ၂၁ ရာစု ပင်လုံ အကြိုပြင်ဆင်ရေး ကော်မတီ အတွင်းရေးမှူး ဦးလှမောင်ရွှေက ဧရာဝတီသို့ ပြောသည်။

အပစ်မရပ်သေးသော တိုင်းရင်းသား လက်နက်ကိုင် အဖွဲ့အစည်းများ၊ အပစ်ရပ်ထားသော အဖွဲ့များနှင့် အစိုးရတို့အကြား သြဂုတ်လ ၁၂ ရက်နေ့တွင် နိုင်ငံရေးဆွေးနွေးမှုဆိုင်ရာ မူဘောင် (မူကြမ်း) ကို ပြန်လည်သုံးသပ်ခြင်း ပြုလုပ်သွားမည် ဖြစ်ပြီး ထိုအစည်းအဝေးအတွက် အဖွဲ့တဖွဲ့လျှင် ကိုယ်စားလှယ် ၂ ဦးနှုန်း ဖိတ်ကြားထားသည်ဟု သိရသည်။

ထို့အတူ သြဂုတ်လ ၁၃ ရက်နေ့တွင်လည်း အစိုးရ၊ တိုင်းရင်းသား လက်နက်ကိုင် အဖွဲ့အစည်းများနှင့် နိုင်ငံရေးပါတီများမှ ကိုယ်စားလှယ်များ အကြား မူဘောင် (မူကြမ်း) ကို ပြင်ဆင်ပြုစုသည့် အစည်းအဝေးကို တဆက်တည်း ပြုလုပ်သွားမည် ဖြစ်ကြောင်း သိရသည်။

ထိုအစည်းအဝေးမှ မူဘောင် (မူကြမ်း) အား ပြန်လည်သုံးသပ်ခြင်း၊ ပြင်ဆင်ပြုစုခြင်းများကို အစိုးရက ယခုလ ၃၁ ရက်နေ့ ပြုလုပ်မည်ဟု ကြေညာထားသည့် ပြည်ထောင်စု ငြိမ်းချမ်းရေး ညီလာခံ – ၂၁ ရာစု ပင်လုံ မတိုင်မီ ယခု လလယ်ပိုင်းတွင် ပြုလုပ်မည့် ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) အစည်းအဝေးတွင် အတည်ပြုဆွေးနွေးမည်ဟု သိရသည်။

နိုင်ငံရေး ဆွေးနွေးမှုဆိုင်ရာ မူဘောင်ကို ယခင်အစိုးရလက်ထက်တွင် ပစ်ခတ်တိုက်ခိုက်မှု ရပ်စဲရေးသဘောတူ စာချုပ် (NCA) ကို လက်မှတ်ထိုးထားသော ၈ ဖွဲ့၊ အစိုးရ၊ လွှတ်တော်၊ တပ်မတော်နှင့် နိုင်ငံရေးပါတီများ ပါဝင်သည့် ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) က ရေးဆွဲ ချမှတ်ခဲ့ခြင်းဖြစ်သည်။

နိုင်ငံရေး ဆွေးနွေးမှု ဆိုင်ရာ မူဘောင် (Framework for Political Dialogue) ကို နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ဖိတ်ခေါ်ထားသည့် “ပြည်ထောင်စု ငြိမ်းချမ်းရေး ညီလာခံ – ၂၁ ရာစု ပင်လုံ” မတိုင်ခင် အစိုးရနှင့် တိုင်းရင်းသား လက်နက် ကိုင် အဖွဲ့များကြား ပြင်ဆင်ထားကြရမည် ဖြစ်သည်။

ယင်းအစည်းအဝေးမတိုင်မီ သြဂုတ်လ ၁၁ ရက်နေ့တွင် NRPC ရုံးတွင် အစိုးရ၊ တပ်မတော်၊ လွှတ်တော်နှင့် နိုင်ငံရေးပါတီ ကိုယ်စားလှယ်များ၊ အပစ်ရပ်လက်နက်ကိုင် အဖွဲ့အစည်း ၈ ဖွဲ့မှ ကိုယ်စားလှယ်များ ပါဝင်သည့် ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) အစည်းအဝေးပြုလုပ်သွားမည်ဟုလည်းသိရသည်။

ထို့အတူ ပြည်ထောင်စုငြိမ်းချမ်းရေးညီလာခံ မတိုင်မှီ နိုင်ငံရေးဆွေးနွေးပွဲမူဘောင် သုံးသပ်ရေးနှင့် စပ်လျဉ်းပြီး ညီညွတ်သော တိုင်းရင်းသားလူမျိုးများ ဖယ်ဒရယ်ကောင်စီ (UNFC) ၏ နိုင်ငံရေးဆိုင်ရာ တွေ့ဆုံညှိနှိုင်းရေးအဖွဲ့ DPN နှင့် တနိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူ စာချုပ်လက်မှတ်ရေးထိုးထားသော လက်နက်ကိုင်အဖွဲ့ ၈ ဖွဲ့၏ Coordination Team ခေါင်းဆောင်များ သြဂုတ်လ ၉-၁၀ ရက်တွင် ထိုင်းနိုင်ငံ ချင်းမိုင်မြို့တွင် ဆွေးနွေးနေကြသည်။

NRPC ရုံးတွင် ယခုလ ၁၂ ရက်နေ့ ၁၃ ရက်နေ့များတွင်ပြုလုပ်မည့် အစည်းအဝေးသို့ တက်ရောက်ရန် အစိုးရနှင့် အပစ်ရပ် ထားသော တိုင်းရင်းသား လက်နက်ကိုင် အဖွဲ့အစည်း ၈ ဖွဲ့ အပြင် UNFC တပ်ပေါင်းစု အဖွဲ့ဝင်များနှင့် ‘ဝ’ ပြည်သွေးစည်း ညီညွှတ်ရေး တပ်မတာ် (UWSA)၊ အမျိုးသား ဒီမိုကရေစီ မဟာမိတ်တပ်မတော် – မိုင်းလားအဖွဲ့ (NDAA) နှင့် နာဂ အမျိုးသားဆိုရှယ်လစ်ကောင်စီ – ကပ်ပလန် (NSCN-K) ကိုဖိတ်ခေါ်ထားကြောင်းသိရသည်။

ထို့အပြင် ပလောင် (တအာင်း) အမျိုးသားလွတ်မြောက်ရေး တပ်မတော် (TNLA)၊ မြန်မာအမျိုးသားဒီမိုကရေစီ မဟာမိတ် တပ်မတော် (MNDAA) နှင့် ရက္ခိုင့်တပ်မတော် (AA) တို့ကိုလည်း ဆွေးနွေးပွဲတက်နိုင်ရန် ဖိတ်ခေါ်သွားမည်ဟု သိရသည်။