တားမြစ်ဓာတုပစ္စည်းပါ အလှကုန် ၆ မျိုးသုံးစွဲရန် မသင့်ကြောင်း ကြေညာ

dvb

ပြည်တွင်းဈေးကွက်မှာရောင်းချနေတဲ့ အလှကုန်ပစ္စည်း ၆ မျိုးဟာ ကျန်းမာရေးအတွက် ဘေးအန္တရာယ်ဖြစ်စေနိုင်တဲ့ တားမြစ်ဓာတုပစ္စည်းပါနေလို့ သုံးစွဲဖို့ မသင့်ဘူးလို့ ကျန်းမာရေးနဲ့ အားကစားဝန်ကြီးဌာနက ဒီကနေ့ ကြေညာပါတယ်။

တရုတ်၊ ထိုင်းနဲ့ ဂျပန် ကုမ္ပဏီထုတ် မျက်နှာလိမ်းခရင်တွေမှာ ပြဒါး (မာကျူရီ) ပါဝင်မှု စစ်ဆေးတွေ့ရှိခဲ့ရတာပါ။

သုံးစွဲရန် မသင့်တဲ့ ကုန်ပစ္စည်းအမည်တွေနဲ့ ထုတ်လုပ်တဲ့ ကုမ္ပဏီတွေကတော့ အောက်ပါ အတိုင်းဖြစ်ပါတယ်။

၁။ Jiaoli Miraculous Cream; 1, 2/ Harbin Gelidai Jiabao Cosmetics Co., Ltd.,Nanyuan

၂။ Kone’ Facial Cream–WhiteningCream (4g)/ Kone Natural Herb Co., Ltd., Thailand/

၃။ Kim Whitening Pearl With Collagen Cream (ထိုင်းဘာသာဖြင့် ဖော်ပြထားပါသည်။)

၎။ Kim Whitening Pearl and Snow Lotus Cream (ထိုင်းဘာသာဖြင့် ဖော်ပြထားပါသည်။)

၅။ S’Zitang 7-Day Specific Whitening Anti-Speckle Cream (တရုတ်ဘာသာဖြင့်ဖော်ပြထားသည်။)

၆။ Shichade’Japanese Rich Herb 3 in 1 Excellent Care ( Made in Japan )

အဆိုပါအလှကုန်ပစ္စည်းတွေကို အများပြည်သူလူထု သုံးစွဲခြင်းမပြုကြရန်နဲ့ ပြည်တွင်း ဈေးကွက်မှာ တင်သွင်း၊ ဖြန့်ဖြူးရောင်းချပါက ပြည်သူ့ကျန်းမာရေးဆိုင်ရာ ပုဒ်မ၃၊ အပိုဒ်(၃)(ဃ)အရ အရေးယူမယ်လို့လည်း အသိပေးကြေညာထားပါတယ်။

အလှကုန်ပစ္စည်းတွေမှာပါတဲ့ ပြဒါးဟာ အရေပြားကနေတဆင့် သွေးထဲကို ရောက်သွားနိုင်ပြီး ဦးနှောက်နဲ့ အာရုံကြော ကျောက်ကပ်တွေကို ထိခိုက်နိုင်တာဖြစ်ပြီး ဥရောပနိုင်ငံတွေမှာ အလှကုန်ပစ္စည်းတွေမှာ ပြဒါးလုံးဝမထည့်ဖို့ ထားမြစ်ထားပါတယ်။