စက်တင်ဘာလ ၂၂ရက်၊ မနက် ၇နာရီကျော်က DKBA ကလို့ထူးဘော လက် အောက်ခံ အမှတ်(၉၀၉)တပ်ရင်းမှ တပ်စုမှူးဗိုလ်စောနေ ရော့ (ခေါ်) စောကျော်ဝါး သည် ၎င်းတို့အဖွဲ့ သွားလာရန် ပို့ဆောင်ခိုင်းသည့် ထော်လာဂျီမှာ ဘီးပေါက်နေ သည်ကို M-16 သေနတ်ဖြင့် ပစ်ခတ် ရာ အသက် ၂၂နှစ်အရွယ် ထော်လာဂျီ ပိုင် ရှင် ရွာသား စောဒူးဒူ၏ ခြေထောက်ကို ထိမှန်ခဲ့ခြင်းဖြစ်သည်။
အမည်မဖော်လိုသူ ဒေသခံတဦးက “အဲဒီ DKBA အဖွဲ့က ထော်လာဂျီနဲ့ သူတို့ကို သွားပို့ခိုင်းတယ်။ စောဒူးဒူက သူ့ထော်လာဂျီဘီးလေ လျော့နေလို့ လေဖြည့်တဲ့ အခါ စောင့်နေတဲ့ DKBA တပ်စုမှူးက ဘီးကို သေနတ်နဲ့ ပစ်လိုက်တာ ဘီးမ ထိဘဲ စောဒူးဒူ ခြေသလုံးကို ထိသွား တယ်”ဟု ကေအိုင်စီသို့ ပြောသည်။
ယင်းသို့ သေနတ်ဒဏ်ရာရရှိသွားသည့် စောဒူးဒူမှာ ခြေသလုံးအရိုး ကျိုးသွားပြီး ယခုအချိန်တွင် ထိုင်း-မြန်မာနယ်စပ် တာ့ခ်ခရိုင်၊ အုန်းဖန် မြို့နယ်ရှိ အုန်းဖန်ဆေးရုံ၌ ဆေးကုသမှု ခံယူနေရသည်ဟု သိရသည်။
ကော့ကရိတ်မြို့နယ်အတွင်းရှိ ထီးသဲလယ်ရွာ အနီးအနားတွင် ဖောပလဲထာ့၊ ဖောဘုလာ့ထာ့၊ ကလော်ဝေါ်၊ ကော့ချဲ၊ လယ်ဂေါ်၊ အူးဖိုး ထာ့ စ သည့်ကျေးရွာများ တည်ရှိပြီး ကလို့ထူးဘော DKBA လက်အောက်ခံ အမှတ်(၉၀၉)တပ်ရင်းကို ဒုဗိုလ်မှူးကြီး စောအယ်ဖိုးကဦး ဆောင်လျှက် ရှိသည်။
ထိုကိစ္စနှင့်ပတ်သက်၍ DKBA သို့ ကေအိုင်စီမှ ဆက်သွယ်မေးမြန်းရာ ၎င်းတို့အနေဖြင့် မသိရှိရကြောင်း ပြန်လည်ဖြေကြားခဲ့သည်။
No comments:
Post a Comment