(၂၂) ကြိမ်မြောက် မြန်မာတိုင်းရင်းသား ရိုးရာယဉ်ကျေးမှု အဆို၊အက၊ အရေး၊ အတီး ပြိုင်ပွဲများမည့် ရခိုင်ပြည်နယ် ယဉ်ကျေးမှု အဖွဲ့ဝင်များသည် ယနေ့တွင် ရန်ကုန်မြို့မှ နေပြည်တော်သို့ ပြိုင်ပွဲဝင်ရန် ထွက်ခွာသွားကြမည်ဟု သတင်းရရှိသည်။
ပြိုင်ပွဲဝင်မည့် ရခိုင်အနုပညာရှင်များ အနေဖြင့် “ သာလီစွ ရခိုင်ပြည်နယ်” ရခိုင်ယိမ်း အပါအ၀င် “ ကရင်ဒုံးယိမ်း” တစ်ခုနှင့်ပါ ပါဝင်ယှဉ်ပြိုင်ကြမည် ဖြစ်ကြောင်း ရခိုင် ပြည်နယ် အဆို၊အက၊ အရေး၊ အတီး ပြိုင်ပွဲ တာဝန်ခံ ဦးအောင်ကျော်သန်း (ဂီတအဖွဲ့ခေါင်းဆောင်) က ပြောသည်။
(၂၂) ကြိမ်မြောက် အဆို၊ အက၊ အရေး၊ အတီးပြိုင်ပွဲတွင် “သာလီစွ ရခိုင်ပြည်နယ်” ယိမ်းနှင့် ” ကရင်ဒုံးယိမ်း” တစ်ခုတို့ကို ယှဉ်ပြိုင်ရန် ထည့်သွင်းထားကြောင်း သိရသည်။
၎င်းပြင် အဆိုပါ ပြိုင်ပွဲတွင် “ စာဆိုအမွီ ထိန်းပါလီ” ရခိုင်ယိမ်းကိုလည်း ရခိုင်အမျိုးသမီးငယ် ၂၄ ယောက်ဖြင့် ဖြေဖျော်တင်ဆက်သွားမည်ဟုသူက ပြောသည်။
ရခိုင်ယဉ်ကျေးမှု အဖွဲ့ကို ခရိုင်ပေါင်းစုံ ပြိုင်ပွဲတွင် ပထမရသော စစ်တွေခရိုင်ကိ အဓိက အခြေခံထားပြီး ခရိုင်တစ်ခုမှ အမျိုးသမီးငယ် ၂ ဦးကျစီဖြင့် ဖွဲ့စည်းထားခြင်း ဖြစ်ကြောင်း သိရသည်။
အောက်တိုဘာလ ၂၂ ရက်နေ့တွင် ရခိုင်ပြည်နယ် ယဉ်ကျေးမှု အဖွဲ့အနေဖြင့် ယှဉ်ပြိုင်ရမည်ဟု ခန့်မှန်းထားကြောင်း၊ အသေးစိတ် အစီအစဉ်ကို နေပြည်တော်ကိုရောက်မှ သိရမည် ဖြစ်ကြောင်း ဦးအောင်ကျော်သန်းက ပြောကြားသည်။
No comments:
Post a Comment