ရခိုင်ပြည်နယ်၊ မောင်တော အကြမ်းဖက်မှုအပြီး၊ မိမိတို့နေရပ်စွန့်ခွာ၍ လုံခြုံရေး ကောင်းမွန်သည့် နေရာများသို့ ထွက်ပြေး ခိုလှုံနေကြသည့် ဒုက္ခသည်များအား စစ်တွေနှင့် မောင်တောမြို့၌ ဒုက္ခသည် စခန်းများတည်ဆောက်၍ နေရာချထားပေးမည် ဖြစ်ကြောင်း သိရသည်။
လုံခြုံရေး စိတ်မရသည့် ကျေးရွာများမှ ရခိုင်လူမျိုးများနှင့် ရခိုင်မျိုးနွယ်စုများသည် မောင်တောမြို့ပေါ်နှင့် စစ်တွေမြို့များသို့ နေ့စဉ်ပြောင်းရွှေ့လာကြရာ ယခုအခါ ဒုက္ခသည် ၂၀ဝ၀ ဝန်းကျင်အထိ ရှိလာပြီဖြစ်ကြောင်း သက်ဆိုင်ရာ အဖွဲ့အစည်းများက ဧရာဝတီကို ပြောသည်။
မောင်တောမြို့နယ် အတွင်းရှိ ကျေးရွာများမှ ထွက်ပြေးလာကြသည့် ဒုက္ခသည် ၅၀ဝ ကျော်အား မြို့ပေါ်ရှိ အလိုတော်ပြည့် ဘုန်းတော်ကြီးကျောင်းနှင့် သာသနာ့ ဗိမာန်ကျောင်း၌ နေရာချထားပေးထားကြောင်း၊ ဒုက္ခသည်များ၏ စားဝတ်နေရေးကို အအလှူရှင်များက ထောက်ပံ့ ပေးနေကြကြောင်း၊ ပြည်နယ်အစိုးရကလည်း ထောက်ပံ့ပေးနေကြောင်း သိရသည်။
မောင်တောမြို့နယ် အုပ်ချုပ်ရေးမှူး ဦးလှမြင့် က “လတ်တလော ဘုန်းကြီးကျောင်းမှာ ခဏထားပေမယ့် မကြာခင်မှာ ဒုက္ခသည် စခန်း တည်ဆောက်ပြီး လုံလုံခြုံခြုံ ထားပေးဖို့ စီစဉ်နေပါတယ်၊ စားနပ်ရိက္ခာတော့ အခက်အခဲ မရှိပါဘူး” ဟု ဧရာဝတီကို ပြောသည်။
No comments:
Post a Comment