နိုင်ရှောင်းတို့အဖွဲ့လက်နက်အပ် ပြည်သူ့စစ်လုပ်ပြီ

မင်းချမ်း၊ ကောင်းဝါ

လက်ရှိနိုင်ရှောင်းဦးစီးသော မွန်ငြိမ်းချမ်းရေးထိန်းသိမ်းရေးတပ်ဖွဲ့ဝင်များ ယမန်နေ့တွင် စစ်အစိုးရထံလက်နက်ချအခမ်းအနားပြုလုပ်ခဲ့ပြီး ပြည်သူ့စစ်အသွင်ပြောင်းလဲဖွဲ့စည်းလိုက်ပြီဟု ယင်းအဖွဲ့နှင့်နီးစပ်သူ မြဝတီမြို့ခံစီးပွားရေးလုပ်ငန်းရှင်တစ်ဦးက ပြောသည်။

အဆိုပါအခမ်းအနားကို မော်လမြိုင်မြို့ရှိ အရှေ့တောင်တိုင်းစစ်ဌာချုပ်ဝင်းအတွင်း၌ ယမန်နေ့မွန်းလွဲပိုင်း(၃) နာရီခန့်တွင်ကျင်းပခဲ့သည်ဟု မွန်ပြည်သစ်ပါတီမှ အရာရှိတစ်ဦးအတည်ပြု ပြောကြားသည်။

“အခမ်းအနားက မြို့ခံတွေတောင်မှ သိပ်မသိကြပါဘူး၊ ဌာနဆိုင်ရာကအရာရှိအချို့နဲ့ နိုင်ရှောင်းတို့အဖွဲ့ဝင်တွေပဲ အကျဉ်းရုံးလုပ်လိုက်တာတာဖြစ်တယ်” ဟု မြဝတီမြို့ခံစီးပွားရေးလုပ်ငန်းက ဆက်ပြောသည်။

အဆိုပါအခမ်းအနားကို ယခင်ရတခတိုင်းမှူးဟောင်း ဗိုလ်ချုပ်သက်နိုင်ဝင်း တက်ရောက်ခဲ့သည်ဟု စရဖနှင့်နီးစပ်သူတစ်ဦးက ပြောသည်။

အခမ်းအနားကျင်းပသည့်သတင်းများကို ယနေ့ညပိုင်းတွင် စစ်အစိုးရတီဗွီသတင်းဌာနများမှ တုတ်လွှင့်နိုင်ဖွယ်ရှိသည်ဟု ယူဆနေကြသည်။

ယခုပြောင်းလဲဖွဲ့စည်းလိုက်သော ပြည်သူ့စစ်တပ်ဖွဲ့အမည်အပြည့်အစုံနှင့် အသေးစိတ်အချက်အလက်များကို မနက်ဖြန်စစ်အစိုးရထုတ်သတင်းစာများတွင် ဖတ်ရှုနိုင်မည်ဟု ယူဆနေကြသူများလည်း ရှိကြသည်။

“အခုနိုင်ရှောင်းတို့အဖွဲ့ကို မွန်ငြိမ်းချမ်းရေးပြည်သူ့စစ်အဖွဲ့လို့ စရဖတွေပြောဆိုနေတာကြားမိတယ်” ဟု မော်လမြိုင်မြို့ခံတစ်ဦးက ပြောသည်။

အတည်မပြုနိုင်သောသတင်းအရ စစ်အစိုးရအားနိုင်ရှောင်းတို့အဖွဲ့မှ လူအင်အား(၁၂၀) ကျော်၊ လက်နက်အင်အား(၆၀)လက်ခန့်၊ မှီခိုသူမိသားစုဝင်ပေါင်း (၄၀၀)ခန့် စာရင်းပေးထားသည်ဟု သိရသည်။

မွန်ငြိမ်းချမ်းရေးကာကွယ်ရေးတပ်ဖွဲ့ကို ကွယ်လွန်သူမွန်ပြည်သစ်ပါတီမှ ဗိုလ်ချုပ်ဟောင်းအောင်နိုင်(၂၀၀၈) ခုနှစ်ကစတင်ဖွဲ့စည်းခဲ့သည်။

လွန်ခဲ့သည့်သြဂုတ်လတွင် နိုင်အောင်နိုင်ကွယ်လွန်ပြီးနောက် နိုင်ရှောင်းက မွန်ငြိမ်းချမ်းရေးကာကွယ်ရေးတပ်ဖွဲ့ ဥက္ကဌအလိုလိုဖြစ်လာသည်။

နိုင်ရှောင်းသည် ဗိုလ်မှူးကြီးအဆင့်ဖြင့် မွန်ပြည်သစ်ပါတီမှအနားယူပြီးနောက် စစ်အစိုးရအားတိုက်ခိုက်ရန် ရာမညတပ်ဖွဲ့(မွန်ခွဲထွက်)အားဖွဲ့စည်းခဲ့ပြီး ယမန်နှစ်တွင်စစ်အစိုးရထံလက်နက်ချခဲ့ပြန်သည်။

“နယ်ခြားစောင့်တပ်မဖွဲ့တဲ့ မွန်ပြည်သစ်ပါတီကို တနည်းတဖုံဖိအားပေးဖို့စစ်အစိုးရဖန်တီးမှုတရပ်ပါ” ဟု ထိုင်းနယ်စပ်စစ်ရေးစောင့်ကြည့်လေ့လာသူများ သုံးသပ်ကြသည်။

သျှမ်းပြည်အလယ်ပိုင်း၌ ကြံ့ဖွံ့ စည်းရုံးရေးအရာမထင် မဲဆွယ်စာစောင်ကပ်သစ်ပင်ပါ ခုတ်လှဲခံရ

သျှမ်းသံတော်ဆင့်

သျှမ်းပြည်အလယ်ပိုင်းမြို့နယ်အချို့ ပြည်ခိုင်ဖြိုးပါတီစည်းရုံးရေး အရာမထင်သည့်အပြင် ခြံဝင်း၊ နံရံ၊ ဓါတ်တိုင်၊ သစ်ပင် များ၌ လိုက်လံကပ်သော စည်းရုံးရေးစာစောင်များပင်လျှင် ဒေသခံများ၏ ဖျက်ဆီးမှုခံရကြောင်း နယ် စပ်သတင်းရပ်ကွက် ကဆိုပါသည်။

“ ခြင်္သေ့တံဆိပ်နဲ့ မဲခြစ်တဲ့အကွက်ပါတဲ့ မဲဆွယ်စာစောင်တွေပေါ့။ ရပ်ကွက်သားတွေ လိုက်ဖျက် လိုက်ဖြဲ ဒုတ်နဲ့ထိုးပစ် တယ်။ သစ်ပင် အမြင့်ပိုင်း တက်ကပ်တာတောင် သစ်ပင်ကိုပါ အရင်းကနေ ခုတ်ပစ်ကြတာ” ဟု တာချီလိတ်ရောက် မိုင်းကိုင် ဒေသခံတဦးကပြောသည်။

ယခုလ ၁၅ ရက် မိုင်းကိုင်မြို့ ရပ်ကွက်တိုင်း၌ ပြည်ခိုင်ဖြိုးပါတီ၏ မဲဆွယ်စာစောင်အချို့ လိုက်လံဖျက်ဆီးကြခြင်း ဖြစ် သည်။ နောက်ပိုင်း ကျားဖြူပါတီကပ်သည့် မဲဆွယ်စာစောင်များကိုမူ ဖျက်ဆီးခြင်းမပြုကြဟုလည်း အဆိုပါ ဒေသခံကပြော၏။

အောက်တိုဘာ ၁၈ ရက်မိုင်းရှူးမြို့ကျေးလက်ပိုင်း ပြည်ခိုင်ဖြိုးပါတီ စည်းရုံးရေးဆင်းရာတွင်လည်း တိုက်နယ်ဥက္ကဌနှင့် ရွာသူကြီးများက တာဝန်မယူနိုင်ကြောင်းပြောသဖြင့် ခရီးမအောင်မြင်ခဲ့ကြောင်း မိုင်းရှူး ဒေသခံတို့ ပြောပြသည်။

“ဟိုင်းပါ အုပ်စုဘက် စည်းရုံးရေးဆင်းဖို့ လုံခြုံမှု ရှိ မရှိ အုပ်စု ဥက္ကဌကိုဆက်သွယ်တော့ ဟိုကလဲ အာမ မခံဘူးလို့ ပြန်ဖြေ တယ်။ ပြည်ခိုင်ဖြိုးလဲ မသွားရဲဘူး။ ၂၀ ရက်နေ့ကျတော့ ဟိုင်းပါဘက်ကိုဘဲ ကျားဖြူပါတီရောက်သွားတယ်။ ဘာမှမဖြစ်ဘဲ စည်းရုံးရေးခရီးအောင်မြင်ခဲ့တယ်။ နောက် ၂၃ ရက် ရောက်တော့ မိုးရှူး မယက ဥက္ကဌ စိုင်းစံဝင်းက ဟိုင်းပါအုပ်စု ဥက္ကဌကို ခေါ်ဆူပါလေရော” - ဟု ရှင်းပြသည်။

တိုက်နယ်သားများကမူ ကြံ့ဖွံ့ပါတီဘက်ရပ်တည်သည့် စိုင်းစံဝင်း၏ ဘက်လိုက်မှုအပေါ် မကျေမနပ်ဖြစ်ကြကြောင်း ၄င်းက ပြောသည်။

ပြီးခဲ့သည့် ၂၃-၂၄ ရက်နေ့ကလည်း လွယ်လင်မြို့နယ်၊ မိုင်းပွန်မြို့နယ်ဘက် ကျားဖြူပါတီစည်းရုံးရေးဆင်းရာ ကျေနပ် အားရမှုရှိကြောင်း အဖွဲ့ဝင်တဦးက ပြော၏။ လွယ်လင်မြို့အရှေ့ဘက် လွယ်မုံ့မိန်းအုပ်စုက ပအိုဝ်းရွာ ၄-၅ ရွာပင် လျှင်ကျားဖြူပါတီအား စောင့်မျှော်လျှက်ရှိသည်ဟု ဆို၏။ ပအိုဝ်းဒေသခံများမှာ ကြံ့ဖွံ့ပါတီအတွက်ပါ မဲဆွယ်စည်းရုံးပေး သော ဦးအောင်ခမ်းထီ၏ PNO ပအိုဝ်းပါတီ ကို မထောက်ခံလိုကြဟု လွယ်လင်မြို့ခံ ပအိုဝ်းလူငယ် တဦးကပြောသည်။

လွယ်လင် မိုင်းပွန်ဘက်တွင်မူ တိုင်းရင်းသားသွေးစည်းညီညွတ်ရေးပါတီ (တစည) လှုပ်ရှားမှု အားမကောင်းလှဟုလည်း ၄င်းက ပြော၏။ ထူးခြားချက်မှာ ပင်လုံမြို့နယ်အတွင်းစည်းရုံးသူ တဦးတည်းသော တစည EC အဖွဲ့ဝင် ဦးစိုင်းလုံ ( ၅၂ နှစ်) ဆိုသူက “ပင်လုံ လွယ်လင်မှာ ဘယ်ပါတီနိုင်နိုင် အဓိကကတော့ ကြံ့ဖွတ်ပါတီ မနိုင်ဖို့ဘဲ” ဟု အတည့်အလင်း ပြောဆို သည့်အပြင် ကြံ့ခိုင်ဖွံ့ဖြိုးရေးပါတီကို အထူးတိုက်ခိုက်ပြောဆိုရဲ သူအဖြစ် အဆိုပါ ပအိုဝ်းလူငယ်က ပြောပြသည်။

အာဏာပိုင်များ ခွင့်ပြုချက် မရ၍ မြေပုံမြို့နယ် ဂီရိ ဒုက္ခသည်များထံ အကူအညီများ ဖြန့်ဝေနိုင်ခြင်း မရှိသေး

မောင်အေး

မကြာသေးမီက ရခိုင်ပြည်နယ်တွင် တိုက်ခိုက်ခဲ့သည့် ဂီရိမုန်တိုင်းကြောင်း ဒုက္ခရောက်နေကြသည့် မြေပုံမြို့ နယ်မှ မုန်တိုင်း ဒုက္ခသည်များကို ကူညီ ထောက်ပံ့ ပေးရန် ရောက်ရှိနေသည့် ပစ္စည်းများကို အလှူရှင်များကို အာဏာပိုင်များမှ တိုက်ရိုက် လှူဒါန်းခွင့် မရ၍ ယနေ့တိုင် ဒုက္ခသည်များ အကူညီ မရရှိသေးကြောင်း သိရသည်။

ယခုကဲ့သို့ သက်ဆိုင်ရာမှတဆင့် လှူဒါန်းရမည်ဟု အာဏာပိုင်များ ပြောကြားသည့် အတွက် အလှူပစ္စည်းများ ရပ်တန့်နေကြောင်းကို မြေပုံသို့ ကူညီ ထောက်ပံ့ ပေးရန် ရောက်ရှိနေသူ တဦးက ယခုကဲ့သို့ပြောသည်။

“တနင်္လာနေ့ကတည်းက နိုင်ငံခြား NGO တွေနဲ့ ပြည်တွင်းက အလှူရှင်အဖွဲ့အစည်းခြောက်ခု စက်လှေတွေနဲ့ မြေပုံကိုရောက်နေတာ အခုဆို နှစ်ရက်ရှိပြီဖြစ်တယ်။ အာဏာပိုင်တွေက သူတို့ဆီက တဆင့် လှူရမယ်လို့ ပြောလို့အခက်ကြုံနေရတယ်။ အလှူရှင်တွေကလည်း ဒုက္ခသည်တွေကို တိုက်ရိုက် လှူချင်တယ်။ ဒီလိုနဲ့ အခုထိ ပစ္စည်းတွေ မဝေငှရသေးဘူး။”

မြေပုံသို့ကူညီထောက်ပံ့ရန် ရောက်ရှိနေသည့် အဖွဲ့အစည်းများမှာ မာတေဇအန်ဂျီအို၊ မင်္ဂလာမြန်မာ၊ မေတ္တာ ဖောင်ဒေးရှင်း၊ ဂရုဏာ ဖောင်ဒေးရှင်းနှင့် MSF တို့ ပါဝင်ကြောင်း သိရသည်။

မုန်တိုင်းဒုက္ခသည်များအဓိက လိုအပ်နေသည့် ပစ္စည်းများမှာ အမိုးအကာ၊ ဆေးဝါး၊ သောက်ရေနှင့် အစားအစာ များဖြစ်ကြောင်း သူကဆက်ပြောသည်။

လေဘေးသင့် ဒေသများတွင် ယခုအခါ ၀မ်းရောဂါစတင်ဖြစ်ပွားနေပြီး သေဆုံးမှုများရှိနေပြီဖြစ်ကြောင်း ကိုယ်တိုင် သွားရောက်ကူညီပေးနေသူတဦးက ယခုကဲ့သို့ပြောသည်။

“လွန်ခဲ့တဲ့ အင်္ဂါနေ့က တောင်ကြီးရင့်ကျေးရွာမှာ ၀မ်းရောဂါဖြစ်လို့ လူနှစ်ဦးသေဆုံးသွားပါတယ်။ တခြားလူ တွေလည်း ဖြစ်နေကြတယ်။ ဒီအတိုင်းဆိုရင် တခြားနေရာတွေကိုလည်း ၀မ်းရောဂါ ကူးသွားနိုင်တယ်။ နောက်ပြီး ဆေးရုံးမှာလည်း ဒဏ်ရာတွေနဲ့ လူနာ ၈၀ လောက်ရှိနေတယ် ဆေးဝါးမလုံမလောက်တာနဲ့ မနိုင်မနင်းဖြစ်နေတယ်။ အခြေခံကျန်းမာရေးစောင့်ရှောက်မှု အရေးတကြီး လိုနေတယ်။”

ယခုကဲ့သို့ ၀မ်းရောဂါ စတင်ဖြစ်ပွားလာပြီဖြစ်သည့်အတွက် အလှူရှင်များကို တိုက်ရိုက်သွားရောက် လှူဒါန်း ခွင့်ကို အာဏာပိုင်များမှ ခွင်ပြုသင့်ပြီဖြစ်ကြောင်း ရခိုင်တိုင်းရင်းသားများ တိုးတက်ရေး ပါတီ ဥက္ကဌ ဒေါက်တာ အေးမောင်က ယခုကဲ့သို့ပြောသည်။

“အဓိက ကျွန်တော်တို့ပါတီက လိုလားတာကတော့ ပြည်သူလူထုထိခိုက်မှုတွေ အသက်သာဆုံး ဖြစ်အောင် အာဏာပိုင်တွေ တားဆီးပိတ်ပင်နေတာတွေကို ကျွန်တော်တို့ မလိုလားဘူး။ အလှူရှင်တွေ နဲ့ လူထုကို တိုက်ရိုက်တွေ့ခွင့် ပေးပါ။ အဲဒီလို တွေ့ခွင့်ပေးတဲ့ အတွက် ဘယ်လောက်ထိ ပျက်စီး ထိခိုက် သွားတယ်ဆိုတာကို နိုင်ငံတကာကလည်း သိခွင့်ရမယ်။ ပြည်တွင်းက လူတွေလည်း သနား ကြင်နာ မှုပိုရနိုင်မှာဖြစ်တယ်။ ဒါကြောင်း သတင်းပိတ်ပင်တာတို့ တားဆီးတာတို့ အခုကာလမှာ မလုပ်သင့်ဘူးလို့ ကျွန်တော်တို့ မြင်တယ်။”

ယခုကဲ့သို့ အာဏာပိုင်များမှ အလှူရှင်များအား တားဆီးပိတ်ပင်မှုများ ဆက်လက်ပြုလုပ်နေလျှင် သေဆုံးသူ အရေအတွက် ယခုထက်ပိုပြီးများလာနိုင်ကြောင်း ဒေါက်တာအေးမောင်မှ ပြောကြားသွားသည်။

အာဆီယံ မြန်မာစစ်အစိုးရနဲ့ လုံခြုံရေး ပြဿနာ

စိုးနေလင်း

အာဆီယံအဖွဲ့ထဲ မြန်မာနိုင်ငံ ဝင်ခွင့်ရတဲ့ ၁၉၉၇ ကစပြီး အဖွဲ့ဝင်နိုင်ငံတွေမှာ မောင်ပြဿနာကြောင့် ရင်တမမ မျက်နှာပျက် အရှက်ရစရာ၊ စိုးရိမ်ကြောင့်ကြစရာ မတတ်သာလို့ လက်ခံ ခေါင်းညိတ်ခဲ့ရတာ၊ ရှေ့မျက်နှာ နောက်ထား အကာအကွယ်ပေး ပြောဆိုခဲ့ရတာတွေ ကြုံခဲ့ဖူးပေါင်း များလှပါပြီ။ မြန်မာနိုင်ငံဟာ သယံဇာတ ချမ်းသာခဲ့ပေမယ့် ဖွံဖြိုးတိုးတက်မှု အောက်တန်းနောက်တန်း ကျကျန်ခဲ့ရတာ၊ ပြည်သူလူထု ချွတ်ခြုံကျ ဆင်းရဲမွဲတေပြီး လူချင်းတူတူ သူချင်းမျှမျှ နေခွင့်မရ ဖြစ်နေကြရတာ တွေကိုလည်း သိကြပါ တယ်။ ဒါပေမဲ့ နိုင်ငံတခုချင်း အနေနဲ့ မြန်မာနိုင်ငံဆီက ရစရာ အကျိုးစီးပွားတွေ ရှိနေတဲ့အတွက် အဆင်ပြေအောင် ဆက်ဆံခဲ့ရ၊ ဆက်ဆံနေကြရဆဲပါ။

အာဆီယံအဖွဲ့ တခုလုံးအနေနဲ့ အရေးအကြီးဆုံး အခြေခံ မူဝါဒတွေထဲက အဖွဲ့ဝင်နိုင်ငံတွေရဲ့ ပြည်တွင်းရေးကို ဝင်ရောက် မစွက်ဖက်ရေး ဆိုတဲ့ မူကြီးကို ကျားကုတ်ကျားခဲ ကိုင်စွဲထားရတဲ့အတွက် မြန်မာနိုင်ငံက စစ်အစိုးရရဲ့ လုပ်ရပ်တွေကို မဟုတ်မှန်း မလျော်မှန်း သိသိကြီးနဲ့ တုံဏှိဘာဝေ လုပ်နေခဲ့ရ၊ လုပ်နေရဆဲ ဖြစ်ပါတယ်။ မြန်မာနိုင်ငံက ပြည်သူတွေအပေါ် စစ်အစိုးရက လူ့အခွင့်အရေး ချိုးဖောက်မှုတွေ အကြိမ်ကြိမ် အထပ်ထပ် ကျူးလွန်နေရုံမက နှိပ်စက်ညှဉ်းပန်း လုပ်ကြံ သတ်ဖြတ်နေတာကိုလည်း လက်ပိုက် ကြည့်နေခဲ့ရပါတယ်။

ARF လို့ခေါ်တဲ့ အာဆီယံ ရီဂျင်နယ် ဖိုရမ်ဆိုတာကို ဒေသတွင်း လုံခြုံရေးနဲ့ ငြိမ်းချမ်းရေး ကိစ္စတွေအတွက် ဖွဲ့စည်းထားတာ ရှိခဲ့ပေမယ့် မြန်မာနိုင်ငံတွင်းက ညှဉ်းပန်း နှိပ်စက်မှုတွေ၊ သတ်ဖြတ်မှုတွေဟာ ဒေသတွင်း လုံခြုံရေးကို ထိပါးလာတာ မရှိသေးဘူးဆိုပြီး လက်ကာ ထားခဲ့ပါတယ်။ ဒါပေမဲ့ အဲဒီအချိန်က အာဆီယံအဖွဲ့ရဲ့ မူလဖွဲ့စည်းပုံ အခြေခံမူဝါဒဟောင်း (ချာတာဟောင်း) အတိုင်း ကျင့်သုံးနေခဲ့တဲ့ အချိန်ကာလ ဖြစ်ပါတယ်။ ဒေသတွင်း လုံခြုံရေး ရှိချင်ရှိနေမှာ ဖြစ်ပေမယ့် မြန်မာပြည်သူ လူထုကြီးအတွက် လုံခြုံရေး မရှိတာတော့ ကာလ ရှည်ကြာခဲ့ပါပြီ။ ၂ဝဝ၇ မှာတော့ အာဆီယံအဖွဲ့ ပိုမို အားကောင်းခိုင်မာရေး၊ ပိုမို ပူးပေါင်းဆောင်ရွက်မှု ရရှိရေး၊ ပိုမိုဖွံ့ဖြိုး တိုးတက်လာရေး စတာတွေကို ဦးတည်တဲ့ ချာတာအသစ်တခု ရေးဆွဲပြီး၂ဝဝ၈ မှာ အဖွဲ့ဝင် နိုင်ငံတွေရဲ့လက်မှတ်ရေးထိုး သဘောတူညီမှုနဲ့ စတင် ကျင့်သုံးခဲ့ပါတယ်။ ထူးခြားတာက အဖွဲ့ရဲ့ လူ့အခွင့်အရေးဆိုင်ရာ ကော်မရှင် (Arsean Inter-Governmental Commission on Human rights) ကို ဖွဲ့စည်းခဲ့တာပါ။ ရည်ရွယ်ချက်ကတော့ လူ့အခွင့်အရေး ကိစ္စတွေမှာ ဒေသတွင်း ပိုမို ပူးပေါင်း ဆောင်ရွက်နိုင်ရေးနဲ့ အဖွဲ့ဝင် နိုင်ငံတွေမှာ နေထိုင်ကြတဲ့ ပြည်သူတွေအပေါ် လူ့အခွင့်အရေး ချိုးဖောက်မှုတွေ ပပျောက်ရအောင် ထိန်းချုပ် ဆောင်ရွက်နိုင်ဖို့ပါပဲ။ ရည်ရွယ်ချက်က ကောင်းပေမယ့် မြန်မာလို လူ့အခွင့်အရေး ဆိုးဆိုး ဝါးဝါး ချိုးဖောက်နေတဲ့ အဖွဲ့ဝင် နိုင်ငံမျိုးကို ခပ်မာမာပြောဖို့တောင် အတော်စဉ်းစားနေရတဲ့ အာဆီယံအနေနဲ့ လူ့အခွင့်အရေး ချိုးဖောက်မှုတွေကို အကာအကွယ်ပေးဖို့ ဆိုတာ မဖြစ်နိုင်သလောက်ပါပဲ။ မြန်မာပြည်သူတွေကတော့ စစ်အာဏာရှင်တွေရဲ့လူ့အခွင့်အရေး ချိုးဖောက်မှု၊ ဖိနှိပ်ညှဉ်းပန်း သတ်ဖြတ်မှု၊ မတရား ဖမ်းဆီးထောင်ချမှုတွေကို ဆက်လက် ခံစားနေရဆဲပါ။ အာဆီယံက အကာအကွယ် မပေးနိုင်သလို ကမ္ဘာ့ ကုလသမဂ္ဂ အဖွဲ့ကြီးကလည်း ခုချိန်ထိ အကာအကွယ် မပေးနိုင်တာက တကယ့် ပကတိ အခြေအနေပါပဲ။ “များစွာ စိတ်မကောင်း ဖြစ်ရပါသည်” တို့ “တိုက်တွန်းလိုက်ပါ သည်” တို့လောက်ပဲ ပြောနိုင်တာပါ။

ပြဿနာကတော့ တိုင်းပြည်တပြည်မှာ ရှိတဲ့အစိုးရက သူပြည်သူလူထုကို စိတ်ထင်တိုင်း ဖိနှိပ်ညှဉ်းပန်း အနိုင် ကျင့်နေတဲ့ ကိစ္စကို ပြည်တွင်းရေးသာ ဖြစ်သည်ဆိုပြီး လက်ပိုက် ကြည့်နေကြတဲ့ ကိစ္စပါ။ ဒေသတွင်း လုံခြုံရေး ကိုတော့ မြန်မာက ထိပါးစရာ အကြောင်းမရှိပါဘူး။ မြန်မာနိုင်ငံမှ မဟုတ်ပါဘူး၊ ဒီနေ့ခေတ်မှာ ဘယ်နိုင်ငံ မှ လက်နက်အင်အားသုံးပြီး တခြား တိုင်းပြည်တခုကို ခြိမ်းခြောက်တာ၊ ထိပါးနှိပ်စက်တာ၊ ကျူးကျော်ဝင်ရောက် သိမ်းပိုက်တာမျိုး လုပ်ဖို့ သိပ်မလွယ်တော့ပါဘူး။ ဒါပေမဲ့ မြန်မာနိုင်ငံ အစိုးရရဲ့သူ့ပြည်သူလူထု တိုင်းရင်းသား လူမျိုးစုတွေပေါ်မှာ အနိုင်ကျင့်ဖိနှိပ်မှု လူ့အခွင့်အရေး ချိုးဖောက်မှုတွေကြောင့် နိုင်ငံတွင်းမှာ ဒုက္ခခံစားနေရတဲ့ ပြည်သူတွေဟာ အသက်ရှင် ရပ်တည်ရေးအတွက် အိမ်နီးချင်းနိုင်ငံတွေ (အထူးသဖြင့် ထိုင်း) ကို ထွက်ပြေး တိမ်းရှောင်ကြ၊ အသက်မွေးဖို့ ကြိုးစားကြရတဲ့အခါ ဒေသတွင်းနိုင်ငံ တချို့ရဲ့ တရားဥပဒေ စိုးမိုးရေး၊ လုံခြုံရေး၊ ကျန်းမာရေး၊ လူမှုရေးတွေမှာ အနည်းနဲ့အများ ဆိုသလို အနှောက်အယှက် ဖြစ်ရပါတယ်။ မူးယစ်ဆေးဝါး ထုတ်လုပ်ဖြန့်ဖြူး ရောင်းချမှု၊ လူကုန်ကူးမှုတွေပါ လုပ်ကိုင်လာကြတော့ ပိုပြီးဆိုးဝါး ကုန်ပါတယ်။ တိုင်းရင်းသား လူမျိုးစုတွေကို မတရား အနိုင်ကျင့် ဖိနှိပ်နေတဲ့အတွက် မခံနိုင်လို့ လက်နက်စွဲကိုင် တိုက်ခိုက်မှုတွေ ရှိနေတဲ့အတွက် တကယ်လို့များ လက်နက်ကိုင် ပဋိပက္ခ ဟာ ဒီထက် ကြီးမားလာခဲ့ရင် ပြည်တွင်းစစ်မီးဟာ ဒေသတခုလုံးကို တိုက်ရိုက် မဟုတ်တောင် သွယ်ဝိုက်တဲ့နည်း နဲ့ ခြိမ်းခြောက်လာနိုင်ပါတယ်။

ARF က ကာကွယ် တားဆီးနိုင်ဖို့ ဒီလို အခြေအနေမျိုး ဖြစ်လာအောင် ဖန်တီ်းနေတဲ့ လက်သည်တရားခံကို အရေးယူ အပြစ်ပေးနိုင်ဖို့ လိုပါလိမ့်မယ်။ ဒေသတွင်း အိမ်နီးချင်းကောင်း ပီပီသသဖြစ်ရေးမှာ တိုင်းပြည်ရဲ့အချုပ်အခြာ အာဏာကို လေးစားဖို့ဆိုရင် အဲဒီ အချုပ်အခြာအာဏာကို မတရား ရယူထားတဲ့ စစ်အာဏာရှင်တွေအတွက် မဟုတ်ပဲ တကယ့် အချုပ်အခြာ အာဏာရဲ့မူလပိုင်ရှင်တွေ ဖြစ်တဲ့ ပြည်သူလူထုအတွက်သာ ဖြစ်သင့်တယ်။ အချုပ်အခြာ အာဏာကို မတရား လုယူထားတဲ့ အာဏာရှင်တွေအတွက် လေးစားလိုက်နာပေးတယ် ဆိုရင်တော့ ဓားပြ မုဒိမ်း လူသတ်သမားတွေရဲ့ အခွင့်အာဏာကို အကာအကွယ်ပေး လေးစားသလို ဖြစ်နေပါလိမ့်မယ်။ အာဆီယံ အဖွဲ့ကြီးအနေနဲ့ ဒီအချက်ကို အသေအချာ ထည့်သွင်း စဉ်းစားဖို့ လိုအပ်ပါတယ်။ အာဆီယံအဖွဲ့ကြီးတင် မဟုတ်ပါဘူး၊ ကမ္ဘာ့ ကုလသမဂ္ဂလို နိုင်ငံတကာ အဖွဲ့ကြီးအနေနဲ့လည်း အသေအချာ ပြန်လည်သုံးသပ်ဖို့ လိုနေပါပြီ။ ပဋိညာဉ် စာချုပ်ပါ အချက်တွေအရ အရေးယူ ဆောင်ရွက်လို့ မရနိုင်ဘူးဆိုရင်လည်း အဲဒီ ပဋိညာဉ် စာချုပ် သဘောတူညီချက်ကို ပြင်ဆင် ဖြည့်စွက်ရေးဆွဲဖို့လိုရင် ပြင်ဆင်ဖြည့်စွက် သင့်ပါတယ်။ ဒါမှပဲ လွတ်လပ်ခြင်း တရားမျှတခြင်း ငြိမ်းချမ်းခြင်း ဆိုတဲ့ တရားတွေ ထွန်းကားတဲ့ ကမ္ဘာကြီး ဖြစ်ပေါ်လာနိုင်မှာ ဖြစ်ပါတယ်။ ။

ယနေ့ မြန်မာ့ရေးရာ သတင်းများ Oct,28th,2010

( 40 )အန်ဒီအက်ဖ်၏ မဲဆွယ်ဆိုင်းဘုတ် ကြံ့ဖွံ့ဖြုတ်

( 39 )ကရင်ငြိမ်းချမ်းရေးအဖွဲ့ ခေါင်းဆောင် ကြံ့ဖွံ့ပါတီမှ ၀င်ရောက် အရွေးခံမည်

( 38 )Ban Ki Moon appeals to release political detainees in Myanmar

( 37 )ပြင်ဝန်းချောင်းတွင် မျောနေသော အလောင်များ မြုပ်နှံမည့်သူ မရှိ ဖြစ်နေ

( 36 )Burma FM hints at Suu Kyi’s release

( 35 )မုန်တိုင်းဒဏ်ခံခဲ့ရသည့် ဒေသများတွင် ၀မ်းရောဂါ ဖြစ်ပွား၍ ၃ ဦးသေဆုံး

( 34 )ASEAN leaders meet amid turbulence in region

( 33 )အထူး ပူးပေါင်းဆောင်ရွက်ရေး ကိုယ်စားလှယ် အမေရိကန် မခန့်အပ်နိုင်သေး

( 32 )Burma needs a war crimes inquiry

( 31 )ဂီရိ နောက်ဆက်တွဲ ကျန်းမာရေးစောင့်ရှောက်ရန် အာဏာပိုင်များ ခွင့်မပြု

( 30 )ASEAN summit opens in Hanoi

( 29 )အာဆီယံနိုင်ငံတချို့ မြန်မာ့ရွေးကောက်ပွဲ ဝေဖန်

( 28 )Persecution in Burma caught on camera

( 27 )ကြံ့ဖွံ့ပါတီက ကျေးရွာကော်မရှင် လူကြီးများကို လာဘ်ထိုးစည်းရုံး

( 26 )Free political prisoners, urges Ban

( 25 )ပြည်ပ ထွက်ခွာသူများကို ကြိုတင်မဲကောက်မည်

( 24 )Alleged Rangoon bomb plot foiled

( 23 )ကျောက်ဖြူမှာ လျှပ်စစ်နှင့် ဖုန်းလိုင်းများ ပြတ်တောက်

( 22 )Asean wants a joint poll observer team to Burma

( 21 )ခြစားမှု အများဆုံး နိုင်ငံစာရင်း မြန်မာ ဒုတိယချိတ်

( 20 )Myanmar top general will not run in elections

( 19 )Myanmar's Suu Kyi "could be freed next month"

( 18 )ဆုငွေနည်းသည့်ကိစ္စ နမ့်ခမ်းဘော်လုံးသမားများ မကျေနပ်

( 17 )Suu Kyi free after poll?

( 16 )ကျောက်မဲခရိုင်အတွင်း မဲရုံဆောက်လုပ်ရေးနှင့်တပ်ခြံစည်းရိုးကာရန် လူထုထံငွေကောက်

( 15 )ASEAN leaders gather amid currency tensions, territorial disputes

( 14 )ဂီရိလေဘေး အမေရိကန်က ဒေါ်လာတသိန်းဖိုးကူ

( 13 )Bomb plot to disrupt Myanmar poll foiled

( 12 )စလင်းဆည်ဖောက်၊ စိုက်ခင်းများ ပျက်စီး

( 11 )Myanmar poll far from open, U.N. says

( 10 )အာဆီယံနိုင်ငံတချို့ မြန်မာ့ရွေးကောက်ပွဲ ဝေဖန်

( 9 )Political prisoners hold little hope of release before polls

( 8 )အမေရိကန်နဲ့ ဗြိတိန် သံတမန်တွေ NLD နဲ့တွေ့ဆုံ

( 7 )Villagers defy regime with boycott call

( 6 )ဂီရိမုန်တိုင်း ကယ်ဆယ်ရေး အမေရိကန်နဲ့ ကုလ ကူညီ

( 5 )North Korea Could Boost Myanmar's Atomic Work, Expert Says

( 4 )မြစ်ကြီးနား NDF ပါတီ ရွေးကောက်ပွဲ စည်းရုံးရေး ဆိုင်းဘုတ်တွေ ဖြုတ်ခံရ

( 3 )The sneezing monkeys of Myanmar

( 2 )မြန်မာ့အရေး အာရှခရီးစဉ်မှာ အမေရိကန် ထိပ်တန်းခေါင်းဆောင်တွေ ဆွေးနွေးမည်

( 1 )Burma under pressure to act on poll 'credibility deficit'

နအဖ ထုတ်ပြန်သော အသေအပျောက် အပျက်အစီး စာရင်း ပကတိ အပျက်အစီး စာရင်းနှင့်

စံလင်း

နအဖ စစ်အစိုးရမှ ထုတ်ပြန်သော အသေ အပျောက်နှင့် အပျက်အစီး စာရင်းမှာ ဒေသခံများ ကောက်ယူ စုဆောင်း ထားသော စာရင်းများနှင့် များစွာ ကွဲလွဲမူ ရှိနေကြောင်း လူမူရေး ကယ်ဆယ်ရေး လုပ်နေသူ တစ်ဦးက ပြောသည်။

“ နအဖ စစ်အစိုးရက ဂီရိ မုန်တိုင်းကြောင့် သေဆုံးသူ ဦးရေ ၂၇ ယောက် ရှိကြောင်း ဖော်ပြထားပါတယ်။ လက်ရှိ အောက်တိုဘာလ ၂၆ ရက်နေ့ထိ ကောက်ခံ ရရှိတဲ့ စာရင်းအရ မြေပုံမြို့နယ် တစ်ခုတည်းမှာ သေဆုံးသူ ၇၄ ဦး ရှိနေပါပြီ။ ဒီထက် သေဆုံး သူ အရေ အတွက် ပိုများနိုင်တယ်လို့ အများက ခန့်မှန်း ထားကြပါတယ်။ ဒါကြောင့် နအဖ စစ်အစိုးရ စာရင်းဟာ ဒေသအတွင်းက ကောက်ခံ စုဆောင်းထားတဲ့ စာရင်းတွေနဲ အများကြီး ကွာဟနေပါတယ်” ဟု ပြောသည်။

နအဖ စစ်အစိုးရမှ သတင်းစာများမှ ကျေညာရာတွင် ဆိုင်ကလုန်းမုန်တိုင်းကြီး ဝင်ရောက် တိုက်ခတ်မှုကြောင့် မြေပုံမြို့နယ်တွင် လူ ၂၂ ဦးသေဆုံးပြီး ၁၅ ဦး ပျောက်ဆုံးနေကြောင်း ပြောသည်။

၎င်းပြင် တံတားနှစ်စင်း ကျိုးပြီး အိမ် ၂၀၈၈ လုံး၊ ဘုန်းကြီးကျောင်း ၈ ကျောင်း၊ ဌာနဆိုင်ရာ အဆောက်အအုံ ၃၄ လုံးနှင့် စာသင်ကျောင်း ၁၃ ကျောင်း ပျက်စီးကာ စက်လှေ အစင်း ၈၀ နစ်မြုပ်ပျက်စီးခဲ့သည်ဟု ထုတ်ပြန်သည်။

မင်းပြားမြို့နယ်တွင်လည်း လူ ၅ ဦး သေဆုံးပြီး အိမ် ၅၉၇ လုံး၊ ဌာနဆိုင်ရာ အဆောက်အအုံ သုံးလုံး၊ စာသင်ကျောင်း လေးကျောင်း ပျက်စီးကြောင်း ပြောသည်။

ကျောက်ဖြူမြို့နယ်တွင် အိမ် ၁၀၃၅ လုံး၊ ဌာနဆိုင်ရာ အဆောက်အအုံ အလုံး ၄၀၊ စာသင်ကျောင်း နှစ်ကျောင်း အမိုးလန်ပျက်စီးခဲ့ပြီး မုန်တိုင်းဝင်ရောက်ရာ လမ်းကြောင်း တလျောက် အဆောက်အအုံး အချို့ အမိုးလန် ပျက်စီးခဲ့ကြောင်း ဖော်ပြထားသည်။

သို့သော်လည်း နအဖ စစ်အစိုးရ စာရင်းတွင် လူ ၉ ဦးထိ သေဆုံးခဲ့ရပြီး လူပေါင်း သောင်းချီ၍ အိုးမဲ့ အိမ်မဲ့ ဖြစ်ခဲ့ကြရသော ပေါက်တောမြို့နယ် အကြောင်းကိုမူ တစုံတရာ ထုတ်ဖေါ် ပြောကြားခြင်း ယနေ့ထက်ထိ မရှိသေးကြောင်း သိရသည်။

“ အခု ကျွန်တော် စုဆောင်းထားတဲ့ စာရင်းအရ ကျောက်ဖြူ ငလကျွန်းမှာ တစ်ဦး၊ ပေါက်တောမှာ ၉ ဦး၊ မင်းပြားမှာ ၈ ဦးနဲ့ မြေပုံ တမြို့နယ်မှာတင် ၇၄ ဦးသေတယ်လို့ သိရပါတယ်။ တခြား လက်လှမ်း မမှီတဲ့ နေရာတွေ ကျွန်းတွေလည်း အများကြီး ရှိပါသေးတယ်” ဟု ကယ်ဆယ်ရေး လုပ်နေသူက ပြောသည်။

ပေါက်တောမြို့နယ်တွင် အင်ဂရားချိုင်ကျွန်းမှ ဗျိုင်းသိုက်၊ ကျောက်မောင်း၊ ပြင်ကြီး၊ ငရီချိုင်၊ ရီပိုက်ချိုင်၊ သဲဒွေနှင့် ငမဲပြင် ကျေးရွာများ ဒီရေ လိူင်းများနှင့် အတူ မျောပါသွားခဲ့ပြီး လူသောင်းချီပြီး အိုးမဲ့ အိမ်မဲ့ ဖြစ်နေကြသော်လည်း ယခုအချိန်ထိ တရားဝင် အစိုးရမှ နေရာချထားပေးခြင်း အကူအညီပေးခြင်း မရှိကြောင်း သိရသည်။

ရခိုင်တိုင်းရင်းသားများ တိုးတက်ရေး ပါတီမှ ထုတ်ပြန်ချက်တွင်လည်း မြေပုံ တမြို့နယ်တည်းတွင် သေဆုံးသူ ၇၄ ဦးရှိကြောင်း ဖေါ်ပြသည်။

နိုင်ရှောင်းတို့အဖွဲ့လက်နက်အပ် ပြည်သူ့စစ်လုပ်ပြီ

မင်းချမ်း၊ ကောင်းဝါ

မင်းချမ်း(အောက်တိုဘာ-၂၇)။ ။ လက်ရှိနိုင်ရှောင်းဦးစီးသော မွန်ငြိမ်းချမ်းရေးထိန်းသိမ်းရေးတပ်ဖွဲ့ဝင်များ ယမန်နေ့တွင် စစ်အစိုးရထံလက်နက်ချအခမ်းအနားပြုလုပ်ခဲ့ပြီး ပြည်သူ့စစ်အသွင်ပြောင်းလဲဖွဲ့စည်းလိုက်ပြီဟု ယင်းအဖွဲ့နှင့်နီးစပ်သူ မြဝတီမြို့ခံစီးပွားရေးလုပ်ငန်းရှင်တစ်ဦးက ပြောသည်။

အဆိုပါအခမ်းအနားကို မော်လမြိုင်မြို့ရှိ အရှေ့တောင်တိုင်းစစ်ဌာချုပ်ဝင်းအတွင်း၌ ယမန်နေ့မွန်းလွဲပိုင်း(၃) နာရီခန့်တွင်ကျင်းပခဲ့သည်ဟု မွန်ပြည်သစ်ပါတီမှ အရာရှိတစ်ဦးအတည်ပြု ပြောကြားသည်။

“အခမ်းအနားက မြို့ခံတွေတောင်မှ သိပ်မသိကြပါဘူး၊ ဌာနဆိုင်ရာကအရာရှိအချို့နဲ့ နိုင်ရှောင်းတို့အဖွဲ့ဝင်တွေပဲ အကျဉ်းရုံးလုပ်လိုက်တာတာဖြစ်တယ်” ဟု မြဝတီမြို့ခံစီးပွားရေးလုပ်ငန်းက ဆက်ပြောသည်။

အဆိုပါအခမ်းအနားကို ယခင်ရတခတိုင်းမှူးဟောင်း ဗိုလ်ချုပ်သက်နိုင်ဝင်း တက်ရောက်ခဲ့သည်ဟု စရဖနှင့်နီးစပ်သူတစ်ဦးက ပြောသည်။

အခမ်းအနားကျင်းပသည့်သတင်းများကို ယနေ့ညပိုင်းတွင် စစ်အစိုးရတီဗွီသတင်းဌာနများမှ တုတ်လွှင့်နိုင်ဖွယ်ရှိသည်ဟု ယူဆနေကြသည်။

ယခုပြောင်းလဲဖွဲ့စည်းလိုက်သော ပြည်သူ့စစ်တပ်ဖွဲ့အမည်အပြည့်အစုံနှင့် အသေးစိတ်အချက်အလက်များကို မနက်ဖြန်စစ်အစိုးရထုတ်သတင်းစာများတွင် ဖတ်ရှုနိုင်မည်ဟု ယူဆနေကြသူများလည်း ရှိကြသည်။

“အခုနိုင်ရှောင်းတို့အဖွဲ့ကို မွန်ငြိမ်းချမ်းရေးပြည်သူ့စစ်အဖွဲ့လို့ စရဖတွေပြောဆိုနေတာကြားမိတယ်” ဟု မော်လမြိုင်မြို့ခံတစ်ဦးက ပြောသည်။

အတည်မပြုနိုင်သောသတင်းအရ စစ်အစိုးရအားနိုင်ရှောင်းတို့အဖွဲ့မှ လူအင်အား(၁၂၀) ကျော်၊ လက်နက်အင်အား(၆၀)လက်ခန့်၊ မှီခိုသူမိသားစုဝင်ပေါင်း (၄၀၀)ခန့် စာရင်းပေးထားသည်ဟု သိရသည်။

မွန်ငြိမ်းချမ်းရေးကာကွယ်ရေးတပ်ဖွဲ့ကို ကွယ်လွန်သူမွန်ပြည်သစ်ပါတီမှ ဗိုလ်ချုပ်ဟောင်းအောင်နိုင်(၂၀၀၈) ခုနှစ်ကစတင်ဖွဲ့စည်းခဲ့သည်။

လွန်ခဲ့သည့်သြဂုတ်လတွင် နိုင်အောင်နိုင်ကွယ်လွန်ပြီးနောက် နိုင်ရှောင်းက မွန်ငြိမ်းချမ်းရေးကာကွယ်ရေးတပ်ဖွဲ့ ဥက္ကဌအလိုလိုဖြစ်လာသည်။

နိုင်ရှောင်းသည် ဗိုလ်မှူးကြီးအဆင့်ဖြင့် မွန်ပြည်သစ်ပါတီမှအနားယူပြီးနောက် စစ်အစိုးရအားတိုက်ခိုက်ရန် ရာမညတပ်ဖွဲ့(မွန်ခွဲထွက်)အားဖွဲ့စည်းခဲ့ပြီး ယမန်နှစ်တွင်စစ်အစိုးရထံလက်နက်ချခဲ့ပြန်သည်။

“နယ်ခြားစောင့်တပ်မဖွဲ့တဲ့ မွန်ပြည်သစ်ပါတီကို တနည်းတဖုံဖိအားပေးဖို့စစ်အစိုးရဖန်တီးမှုတရပ်ပါ” ဟု ထိုင်းနယ်စပ်စစ်ရေးစောင့်ကြည့်လေ့လာသူများ သုံးသပ်ကြသည်။

ဝန်ထမ်းများအား မဲပေးရန် ဖိအားပေး

လင်းနိုင်ဦး / ၂၇ အောက်တိုဘာ ၂၀၁၀

အစိုးရဌာနဆိုင်ရာ ၀န်ထမ်းများအား ရွေးကောက်ပွဲတွင် မဲပေးရန် ပုံစံစာရွက်များ ဖြည့်ခိုင်းနေကြောင်း သိရသည်။

အဆိုပါ ပုံစံစာရွက်တွင် မဲပေးမည့်ပုံစံ၊ မိမိတို့၏မဲရုံတည်နေရာ၊ မဲရုံအမှတ်နှင့် မဲစာရင်းနံပါတ်တို့ကို ရေးသားတင်ပြရကြောင်း ဌာနဆိုင်ရာဝန်ထမ်းတို့က ပြောသည်။

တနင်္သာရီတိုင်း မြိတ်မြို့နယ်တွင် တာဝန်ကျနေသည့် ပြည်တွင်းအခွန်ဦးစီးဌာနမှ မြို့နယ်အခွန်ဦးစီးမှူးတဦးက “ကျနော်တို့ရုံးကို အထက်ကနေ ပုံစံတခုပို့လာတယ်။ အဲဒီပုံစံမှာ ၀န်ထမ်းအမည်၊ နေရပ်လိပ်စာ၊ ရပ်ကွက်ကော်မရှင်ရုံးအမည်၊ မဲရုံအမှတ်၊ မဲစာရင်းအမှတ်၊ မဲကိုကြိုပေးမှာလား၊ မဲရုံမှာသွားပေးမှာလား ဆိုတာတွေ ဖြည့်ပေးရပါတယ်” ဟု ပြောသည်။

ဌာနဆိုင်ရာဝန်ထမ်းများအနက် ၎င်းတို့အမည် မဲစာရင်းတွင် ပါမပါ သွားရောက်ကြည့်ရှုသူ နည်းပါးပြီး ထိုသို့ ပုံစံဖြည့်စွက်ရန် တောင်းခံလာသည့်အခါမှသာ သက်ဆိုင်ရာ ရပ်ကွက်ကော်မရှင်ရုံးသို့ သွားရောက်ပြီး အမည်စာရင်းကြည့်ကြကြောင်း၊ မဲစာရင်းတွင် နာမည်မပါသူများက အထက်ညွှန်ကြားချက်အရဟုဆိုကာ ရပ်ကွက်ကော်မရှင်ရုံး မဲစာရင်းတွင် ထည့်ပေးရန် တောင်းဆိုကြသည့်အတွက် ရပ်ကွက်ကလည်း ထည့်ပေးကြောင်း အဆိုပါ အခွန်ဦးစီးမှူးက ပြောသည်။

၎င်းက “တချို့ရပ်ကွက်ကျတော့ မဲစာရင်းမှာ အမည်ထည့်မပေးရဲဘူး။ ဒါနဲ့ သေသွားတဲ့သူနေရာမှာ အစားထိုးထည့်လိုက်တာမျိုး လုပ်တယ်။ အခုတော့ ၀န်ထမ်းတွေက ရပ်ကွက်ကော်မရှင်ရုံးသွား၊ မဲစာရင်းနံပါတ်တောင်း၊ ပုံစံမှာ ဖြည့်ကြပြီး အထက်ကို တင်ပြလိုက်ပြီ” ဟု ပြောသည်။

၎င်း၏ပြောပြချက်အရ ကြိုတင်မဲပေးသည့်စံနစ်ကို လူကြီးများက ကြိုက်နှစ်သက်ကြောင်း မြို့နယ်မှူးက ပြောဆိုသော်လည်း ၎င်းတို့ရုံးဝန်ထမ်း အားလုံးနီးပါးက မဲရုံသို့ ကိုယ်တိုင်သွားရောက်မဲပေးမည်ဟု တင်ပြထားကြောင်း သိရသည်။

ယခုကဲ့သို့ မဲပေးမည့်ပုံစံစာရွက် ဖြည့်တင်းမှုမျိုးကို ရန်ကုန်တိုင်း အခွန်ဦးစီးဌာနတွင်လည်း တောင်းခံကြောင်း ယင်းဌာနမှ အရာရှိတဦးက အတည်ပြုပြောကြားသည်။

ထိုသို့ အောက်ခြေကော်မရှင်မှ မဲစာရင်းဖြည့်စွက်ပေးမှု လုပ်ရပ်သည် ရွေးကောက်ပွဲဥပဒေကို ချိုးဖောက်ရာရောက်ကြောင်း ရန်ကုန်မြို့မှ ရွေးကောက်ပွဲ လေ့လာစောင့်ကြည့်သူတဦးက ပြောသည်။

၎င်းက “ဥပဒေအရဆိုရင် ကော်မရှင်က စက်တင်ဘာ (၂ဝ) မှာ မဲစာရင်းကြေညာတယ်။ (၂၆) အထိ မဲစာရင်းမှာ ကိုယ့်နာမည် ပါ မပါ၊ မှတ်ပုံတင်နဲ့ အချက်အလက်တွေ မှန် မမှန် စတာတွေ စောဒက တက်ချင်ရင် လုပ်လို့ရတယ်။ (၂၆) နောက်ပိုင်းဆို ပြီးပြီ။ မဲစာရင်းကို ပြင်လို့ မရတော့ဘူး။ မဲစာရင်းဖြည့်စွက်ပေးတာမျိုး လုပ်တာကတော့ ရွေးကောက်ပွဲ ဥပဒေကို ချိုးဖောက်တာပဲ” ဟု ပြောသည်။

ရန်ကုန်မြို့မှ သတင်းစာဆရာတဦးကလည်း ဝန်ထမ်းဖြစ်စေ၊ သာမန်လူ ဖြစ်စေ၊ လူတဦး မဲပေးခြင်း မပေးခြင်းသည် အခြေခံဥပဒေပါ ရပိုင်ခွင့်ဖြစ်ကြောင်း၊ မဲကို မည်သည့်ပုံစံဖြင့် ပေးမလဲဟုဆိုကာ ဖိအားပေး မဲပေးခိုင်းခြင်းသည် ဖွဲ့စည်းပုံ အခြေခံဥပဒေကို ချိုးဖောက်ခြင်း ဖြစ်သည်ဟု ပြောဆိုသည်။

စစ်အစိုးရ ရွေးကောက်ပွဲ ကော်မရှင်က ပြီးခဲ့သည့် စက်တင်ဘာ (၂ဝ) ရက်တွင် မဲစာရင်းများကို သက်ဆိုင်ရာ ရပ်ကွက်ကော်မရှင်ရုံးများတွင် ကပ်ထားခဲ့သည်။

နိုင်ငံရေးပါတီများကလည်း ပြည်သူများကိုယ်စား မဲစာရင်းစစ်ဆေးပေးနိုင်ခြင်း မရှိဘဲ စက်တင်ဘာ (၂၇) တွင် မဲစာရင်းများ အတည်ဖြစ်ခဲ့သည်။

ရွေးကောက်ပွဲကော်မရှင်က တနိုင်ငံလုံး မဲပေးပိုင်ခွင့်ရှိသူ (၂၉) သန်းကျော် ရှိသည်ဟုသာ ယေဘုယျ ကြေညာပြီး ရပ်ကွက်၊ ကျေးရွာ၊ မြို့နယ်၊ ပြည်နယ်၊ တိုင်းအလိုက် မဲပေးပိုင်ခွင့်ရှိသူများ၏ စာရင်းတိတိကျကျကိုမူ ကြေညာခြင်း မရှိပေ။

အန်ဒီအက်ဖ်၏ ဝါဒဖြန့်မှု အန်အယ်လ်ဒီ ရှင်းချက်ထုတ်

ဝီရ / ၂၇ အောက်တိုဘာ ၂၀၁၀

အမျိုးသားဒီမိုကရေစီအင်အားစု (အန်ဒီအက်ဖ်) ပါတီ၏ ခေါင်းဆောင်သည် ဒေါ်အောင်ဆန်းစုကြည် မဟုတ်ကြောင်းနှင့် ယင်းပါတီသည် အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ၏ အသက်ကယ်ပါတီလည်း မဟုတ်ကြောင်း အန်အယ်လ်ဒီက ယမန်နေ့က ကြေညာချက်ထုတ်ပြန်လိုက်သည်။

အန်အယ်လ်ဒီ ပြောရေးဆိုခွင့်ရှိသူ ဦးဉာဏ်ဝင်းက “အန်ဒီအက်ဖ်ပါတီက အဖွဲ့ချုပ်ရဲ့ ကိုယ်ပွားလိုလို၊ အဖွဲ့ချုပ်နဲ့ အတူတူပဲဆိုတဲ့ အဓိပ္ပာယ် သက်ရောက်စေတဲ့ မဲဆွယ်စည်းရုံးနေတဲ့အပေါ် မဟုတ်မှန်ကြောင်း ပြည်သူတွေ နားလည်အောင် အဖွဲ့ချုပ်က ကြေညာချက် ထုတ်ပြီး ရှင်းပြတာ ဖြစ်ပါတယ်။ ပြီးတော့ ခမောက် ဆိုတိုင်းလည်း အမျိုးသားဒီမိုကရေစီအဖွဲ့ချုပ်က မဟုတ်ဘူးဆိုတာ ထုတ်ပြန်တာလည်း ဖြစ်တယ်” ဟု ခေတ်ပြိုင်သို့ ပြောကြားသည်။

အန်အယ်လ်ဒီအပါအ၀င် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့်ပတ်သက်၍ ရွေးကောက်ပွဲဝင် အန်ဒီအက်ဖ်ပါတီက ၎င်းတို့၏ စည်းရုံးရေးခရီးစဉ်အတွင်း ထင်ယောင်ထင်မှား ဖြစ်စေသော ဝါဒဖြန့် ပြောဆိုနေမှုများသည် အန်အယ်လ်ဒီနှင့် မည်သို့မျှမသက်ဆိုင်ကြောင်း ရှင်းလင်းချက် ထုတ်ပြန်လိုက်ခြင်းဖြစ်သည်။

မြန်မာစစ်အစိုးရက ထုတ်ပြန်လိုက်သော ရွေးကောက်ပွဲဆိုင်ရာ ဥပဒေများသည် တရားမျှတမှု လုံးဝ မရှိ၍ နိုင်ငံရေးပါတီအဖြစ် ထပ်မံ မှတ်ပုံတင်ခြင်း ပြုမည်မဟုတ်ကြောင်း အန်အယ်လ်ဒီ၏ ဆုံးဖြတ်ချက်ကို ဒီမိုကရေစီကျင့်စဉ်အရ လိုက်နာခြင်း မရှိဘဲ အန်အယ်လ်ဒီ ပါတီဝင်အချို့က အန်ဒီအက်ဖ်ပါတီကို တည်ထောင်ခဲ့ခြင်းဖြစ်ကြောင်း အဆိုပါ ကြေညာချက်တွင် ဖော်ပြထားသည်။

“၂၀၁၀ ခု၊ မတ်လ (၂၉) ရက်နေ့က အဖွဲ့ချုပ် ဗဟိုဦးစီးအဖွဲ့ အစည်းအဝေးရဲ့ ဆုံးဖြတ်ချက်ကို မလိုက်နာဘဲ ပါတီအသစ်ထောင်တာ ဖြစ်တယ်။ ပြီးတော့ ဒေါ်အောင်ဆန်းစုကြည်လည်း သူတို့ပါတီရဲ့ ခေါင်းဆောင်လိုလို ပြောနေတဲ့အပေါ် မဟုတ်မှန်ကြောင်း ဒီကြေညာချက်ထဲမှာ အတိအလင်း ဖော်ပြထားပါတယ်” ဟု ဦးဉာဏ်ဝင်းက ပြောသည်။

အန်ဒီအက်ဖ်မှ ခေါင်းဆောင်တဦးဖြစ်သူ ဦးခင်မောင်ဆွေကမူ ဒေါ်အောင်ဆန်းစုကြည်သည် အများပြည်သူအားလုံးနှင့် သက်ဆိုင်သော မြန်မာ့ဒီမိုကရေစီ ခေါင်းဆောင်တဦး ဖြစ်သည်ဟု ဆိုသည်။

၎င်းက “ဒေါ်အောင်ဆန်းစုကြည်ဟာ အဖွဲ့တဖွဲ့တည်းနဲ့ ဆိုင်တဲ့ ခေါင်းဆောင် မဟုတ်ပါဘူး။ ပြည်သူအများက ရွေးချယ်တင်မြောက်ထားတဲ့ မြန်မာ့ဒီမိုကရေစီ ခေါင်းဆောင်ပါ။ သူ့ကို အန်အယ်လ်ဒီ ခေါင်းဆောင်တွေက အပိုင်စီးထားလို့ မရပါဘူး။ ကျနော်တို့ကလည်း သူ့ကို ပြည်သူ့ခေါင်းဆောင်၊ ဒီမိုကရေစီခေါင်းဆောင်တဦးအဖြစ် အသိအမှတ်ပြုတာ ဖြစ်တယ်။ ဒီလို သတ်မှတ်တာ မလွန်ဘူးလို့ပဲ ကျနော် ယူဆတယ်” ဟု ခေတ်ပြိုင်သို့ ပြောကြားသည်။

အန်အယ်လ်ဒီမှ စွပ်စွဲသကဲ့သို့ ဒေါ်အောင်ဆန်းစုကြည်အား အန်ဒီအက်ဖ်ပါတီ၏ ခေါင်းဆောင်အဖြစ် မဲဆွယ်စည်းရုံးနေသည်ဟု ဆိုခြင်းမှာ မဟုတ်မှန်ကြောင်းလည်း ဦးခင်မောင်ဆွေက ဆက်လက် ရှင်းပြသည်။

အန်အယ်လ်ဒီပါတီကမူ တိုင်းပြည်နှင့် ပြည်သူလူထု၏ ပစ္စုပ္ပန်နှင့် အနာဂတ်အကျိုးစီးပွားများကို ရှေးရှု၍ ၂၀၁၀ ရွေးကောက်ပွဲကို လုံးဝဥဿုံ သပိတ်မှောက်လိုက်ကြောင်း ကြေညာသည့် ကြေညာချက်တစောင်ကိုလည်း ယမန်နေ့က သီးခြား ထုတ်ပြန်ခဲ့သည်။

ယင်းကြေညာချက်တွင် နိုင်ငံသားများအနေဖြင့် မဲပေးရန် အခွင့်အရေး ရှိသကဲ့သို့ မဲမပေးခြင်းသည်လည်း ဥပဒေအရ အခွင့်အရေး ဖြစ်ကြောင်း၊ အတင်းအဓမ္မ မဲပေးခိုင်းခြင်းသည် ဥပဒေကို ချိုးဖောက်ခြင်း ဖြစ်ကြောင်း၊ အန်အယ်လ်ဒီ မပါ၍ မည်သူ့ကို မဲထည့်ရမည်ဆိုလျှင် မိမိကြိုက်သည့် ပါတီ မပါလျှင် မဲမထည့်ပဲ နေနိုင်ကြောင်းဆိုသည့် ဒေါ်အောင်ဆန်းစုကြည်၏ သဘောထားကိုလည်း ဖော်ပြထားသည်။

အောက်တိုဘာ (၂၆) ရက်၊ ယမန်နေ့က ထုတ်ပြန်လိုက်သည့် အန်အယ်လ်ဒီ၏ ကြေညာချက် (၂) စောင်နှင့်ပတ်သက်၍ ဒေါ်အောင်ဆန်းစုကြည်ကလည်း သဘောတူလက်ခံကြောင်း၊ ကြေညာချက်များကို အဖွဲ့ချုပ်ဝင်များသာမက ပြည်သူလူထုအကြား ကျယ်ကျယ်ပြန့်ပြန့် ရောက်ရှိနိုင်စေရန် ဖြန့်ဝေသွားမည် ဖြစ်ကြောင်း ဦးဉာဏ်ဝင်းက ပြောကြားသည်။

၎င်းက “ကိုယ်ဖြတ်သန်းရမယ့် ရွေးကောက်ပွဲဟာ ဘယ်လိုရွေးကောက်ပွဲမျိုးလဲ၊ ဘာအတွက် မဲထည့်မှာလဲ ဆိုတဲ့ မေးခွန်းတွေကိုလည်း မဲဆန္ဒရှင်တွေအနေနဲ့ ကိုယ့်ကိုယ်ကို ပြန်မေးဖို့ ဒေါ်အောင်ဆန်းစုကြည်က ထပ်မှာကြားလိုက်ပါတယ်”ဟု ပြောသည်။

လာမည့် အောက်တိုဘာ (၂၉) ရက်နေ့တွင် နေပြည်တော် ဗဟိုတရားရုံးသို့ လျှောက်လဲရန်ရှိသည့် ဒေါ်အောင်ဆန်းစုကြည်၏ နေအိမ်အကျယ်ချုပ် ပြစ်ဒဏ်နှင့် ပတ်သက်သည့် အထူးအယူခံဝင်ရေးအတွက် ညှိနှိုင်းဆွေးနွေးရန် ၎င်း၏ ရှေ့နေများဖြစ်သော ဦးကြည်ဝင်း၊ ဦးဉာဏ်ဝင်းနှင့် ဒေါ်ခင်ဌေးကြွယ်တို့က ဒေါ်အောင်ဆန်းစုကြည်နှင့် ယမန်နေ့က သွားရောက်တွေ့ဆုံခဲ့ကြသည်။

အန်အယ်လ်ဒီ လူငယ်များ မဲမပေးရေး ကန်ပိန်း ပြုလုပ်

အောင်ထက် / ၂၇ အောက်တိုဘာ ၂၀၁၀

လာမည့် ရွေးကောက်ပွဲတွင် ပြည်သူတို့က မဲမပေးရေး ကန်ပိန်း တရပ်ကို ယနေ့ အောက်တိုဘာ (၂၇) ရက် နံနက် (၈) နာရီခွဲခန့်၌ ပြုလုပ်ခဲ့ကြသည်ဟု ကန်ပိန်းတွင် ပါဝင်သူ လူငယ်တဦးက ပြောသည်။

“သင်္ကန်းကျွန်းမြို့နယ်၊ စံပြဈေးအတွင်းနဲ့ ဈေးဝန်းကျင်မှာ ဒေါ်အောင်ဆန်းစုကြည်ပုံပါတဲ့ ပို့စ်ကတ်လေးတွေနဲ့ သြဂုတ် (၂၅) ရက်နေ့က ဒေါ်အောင်ဆန်းစုကြည် ပြောခဲ့တဲ့ ကိုယ်ကြိုက်တဲ့ ပါတီ မပါရင် မဲမပေးဘဲ နေလိုက်ပါ။ ရွေးကောက်ပွဲ ဥပဒေနှင့် ဆန့်ကျင်ပြီး မသမာမှု တွေ့ရှိရင် ပြည်သူတွေအနေနဲ့ ရဲစခန်းကို တိုင်ရမယ်ဆိုတဲ့ မိန့်ဟ စကားတွေပါတဲ့ လက်ကမ်းစာစောင်တွေ လိုက်ဝေတယ်” ဟု အန်အယ်လ်ဒီ လူငယ်တဦးက ပြောသည်။

သက်ဆိုင်ရာ ဒေသအာဏာပိုင်များ လိုက်လံ စောင့်ကြည့်နေသည့်ကြားမှပင် အန်အယ်လ်ဒီ လူငယ် (၃၀) ခန့်က ထင်သာမြင်သာစွာ၊ ရိုးရှင်း ပွင့်လင်းစွာပင် လက်ကမ်းစာစောင်များ ဝေငှခဲ့ကြသည်ဟု သိရသည်။

“တချို့က လိုလိုလားလား တောင်းယူကြတယ်။ တချို့က ကြောက်လို့ မယူရဲကြဘူး။ အခု နံနက် (၁၁) နာရီမှာ တောင်ဥက္ကလာပမြို့နယ်၊ ဟေမ၀န်ဈေးအတွင်းနဲ့ အပြင်က ဈေးဆိုင်တန်းတွေ၊ ဈေးဝယ်တွေကို လက်ကမ်းစာစောင်တွေ လိုက်ဝေနေတယ်” ဟု အဆိုပါအန်အယ်လ်ဒီ လူငယ်တဦးက ပြောသည်။

ယခု လိုက်လံဝေငှနေသည့် ဒေါ်အောင်ဆန်းစုကြည်ပုံပါ ပို့စ်ကတ်ပေါ်တွင် `မဲပေးပိုင်ခွင့် ရှိသလို မဲမပေးဘဲ နေပိုင်ခွင့် ရှိတယ်´ ဟု ဖော်ပြထားသည်။

လက်ကမ်းစာစောင်ပေါ်တွင်မူ `ရွေးကောက်ပွဲဆိုင်ရာ အခွင့်အရေး ဆိုသည်မှာ မဲပေးခြင်း မပြုဘဲ နေနိုင်သော အခွင့်အရေးကို ဆိုလိုသည်´ ဟု လည်းကောင်း၊ `အတင်းအကြပ် ခြိမ်းခြောက် မဲပေးခိုင်းသူသည်သာ ရွေးကောက်ပွဲဆိုင်ရာ ပြစ်မှု ကျူးလွန်သူ ဖြစ်သည်´ ဟု လည်းကောင်း၊ `ခြိမ်းခြောက်ပြီး မဲပေးခိုင်းခြင်းသည် ရဲ အရေးယူပိုင်ခွင့်ရှိသော ပြစ်မှုဖြစ်သည်´ ဟု လည်းကောင်း၊ `ကြိုတင်မဲကို အတင်းပေးခိုင်း၍ မရ၊ လျှိူ့ဝှက်စွာ ပေးရမည်၊ မပေးဘဲလည်း နေနိုင်သည်´ ဟု လည်းကောင်း ဖော်ပြထားပြီး၂၀၀၈ ဖွဲ့စည်းပုံ အခြေခံဥပဒေ၊ ရွေးကောက်ပွဲ နည်းဥပဒေများပါ ပုဒ်မများနှင့် ဖော်ပြပုံနှိပ်ထားသည်ဟု သိရသည်။

နိုင်ငံတဝန်း အင်တာနက်လိုင်းများ ပြတ်

ရန်ပိုင် Wednesday, October 27, 2010

မြန်မာနိုင်ငံ အတွင်းသို့ ဂီရိဆိုင်ကလုန်း မုန်တိုင်း ၀င်ရောက်ခဲ့ပြီး နောက်ပိုင်း ရန်ကုန်မြို့နှင့် တခြား မြို့ကြီးများတွင် အင်တာနက် သုံးစွဲရန် ခက်ခဲနေကြောင်း သိရသည်။

ရန်ကုန်မြို့ခံလူငယ်တဦးက “မနေ့က မနက်ပိုင်း ခဏသုံးလို့ရသေးတယ်။ နောက်ပိုင်း မရဘူး။ အခုထိပဲ အားလုံး ပြတ်နေ တယ်” ဟု ဧရာဝတီသို့ပြောသည်။

မြန်မာနိုင်ငံသို့ မုန်တိုင်း ၀င်ရောက်လာချိန်တွင် လျှပ်စစ် ဓာတ်အားလိုင်း တချို့နှင့် အင်တာနက် လိုင်းများကို ဖြတ်တောက် ထားမည်ဟူသော သတင်းများလည်း ဆိုင်ကလုန်း မုန်တိုင်း မတိုက်မီ အစောပိုင်းက ထွက်ပေါ်ခဲ့သည်။

စစ်အစိုးရ တည်ထောင် ထားသည့် မန္တလေး အခြေစိုက် ရတနာပုံ ၀က်ဘ်ပေါ်တယ် (http://yatanarpon.com.mm/) ကို မုန်တိုင်းကြောင့် ရပ်ဆိုင်း ထားခဲ့ရာမှ ပြန်လည် လည်ပတ်ရန် မစတင်နိုင်သေးခြင်း ဖြစ်ကြောင်း ရတနာပုံ တယ်လီပို့ (YTP) နှင့် နီးစပ်သူ တဦးကလည်း ဧရာဝတီသို့ ပြောသည်။

ဘင်္ဂလား ပင်လယ်အော်မှ ဂီရိ ဆိုင်ကလုန်း မုန်တိုင်းသည် အောက်တိုဘာ ၂၂ ရက်နေ့တွင် ရခိုင်ပြည်နယ် ကျောက်ဖြူ မြို့နယ် သို့ ဖြတ်သန်း ဝင်ရောက်ခဲ့ပြီး မန္တလေးတိုင်း ဘက်သို့ အရောက်တွင် အားပျော့သွားသည်။ မုန်တိုင်းကြောင့် မန္တလေးတိုင်း၊ စစ်ကိုင်းတိုင်းနှင့် မကွေးတိုင်း တို့တွင် မိုးရွာသွန်းမှုများ ဖြစ်ပွားခဲ့သည်။

ရတနာပုံတယ်လီပို့ကို စစ်အစိုးရက မလေးရှားနိုင်ငံမှ နည်းပညာကုမ္ပဏီတခု၏ အကူအညီဖြင့် တည်ဆောက်ခဲ့ကြောင်း၊ ပြည်တွင်းရှိ ကွန်ပျူတာနှင့် နည်းပညာ တက္ကသိုလ်၊ ကောလိပ်များမှ ကျောင်းဆင်းလာသူများကို ၀န်ထမ်းအဖြစ် စုဆောင်းခဲ့ပြီး ၎င်းတို့သည် တယ်လီပို့ရှိ ရုံးအဆောက်အအုံ ၇ ခုတွင် အလုပ်လုပ်ကိုင်နေကြကြောင်း သိရသည်။

မန္တလေးမြို့ခံ စာနယ်ဇင်းသမားတဦးက ယခုကဲ့သို့ အင်တာနက်လိုင်းများ ပြတ်တောက်သွားခြင်းသည် မုန်တိုင်း တိုက်ခတ်မှုကြောင့် မဟုတ်နိုင်ဘဲ မုန်တိုင်းတိုက်ခတ်မှုကြောင့် ဖြစ်ပေါ်လာသည့် အပျက်အစီးသတင်းများကို ပြည်ပမှ သိရှိမည်ကို စိုးရိမ်သည့်အတွက် ဖြတ်တောက်ထားခြင်းလည်း ဖြစ်နိုင်ကြောင်း ပြောသည်။

လာမည့် နိုဝင်ဘာ ၇ ရက်တွင် ကျင်းပမည့် ရွေးကောက်ပွဲ အကြိုကာလနှင့် ရွေးကောက်ပွဲကာလများတွင် စစ်အစိုးရသည် အင်တာနက်လိုင်းများကို ဖြတ်တောက်ခြင်း၊ နှေးကွေးရန် ပြုလုပ်ခြင်းများ လုပ်ဆောင်လိမ့်မည်ဟု လေ့လာသုံးသပ်သူများက ပြောသည်။

မြန်မာ သံဃာတော်များ အလံသစ်ကို မီးရှို့ဆန္ဒပြ

ဇာနည်မာန် Wednesday, October 27, 2010

သီရိလင်္ကာရောက် မြန်မာ ကျောင်းသား ရဟန်းတော်များအဖွဲ့ (MSMA) က နိုင်ငံတော်အလံသစ်ကို ကန့်ကွက်ရှုတ်ချခြင်းနှင့် အလံသစ်ကို မီးရှို့ဖျက်ဆီးခြင်းကို အောက်တိုဘာ ၂၆ ရက် ညနေပိုင်းက ကိုလံဘိုမြို့ရှိ မကုဋာရာမ ကျောင်းတိုက်တွင် ပြုလုပ်ခဲ့ကြောင်း သတင်းရရှိသည်။

ရွေးကောက်ပွဲအပြီး ပေါ်ထွန်းလာမည့် လွှတ်တော်မှ အတည်မပြုသေးဘဲ နိုင်ငံတော်အလံသစ်ကို လွှင့်တင်ခြင်းဖြစ်၍ တရားဝင်မှုမရှိဟု သံဃာ့အစည်းအဝေးတွင် မိန့်ကြားကြောင်း သိရသည်။

“ဒီအလံသစ်နဲ့ ပတ်သက်ပြီး ယတြာတွေဘာတွေ ပြောနေတာတော့ အများကြီးပေါ့။ ဒါပေမယ့် အဲဒါတွေထက် နိုင်ငံတော်အလံဆိုတာ နိုင်ငံတခုရဲ့ တန်ဖိုးထားရတဲ့၊ လေးစားရတဲ့ အထိမ်းအမှတ်ဖြစ်တာကို ပြည်သူတွေ ရွေးကောက်ထားတဲ့ အစိုးရက အတည်မပြုပေးသေးတဲ့ ဒီအလံကြီးကို လုပ်ချင်ရာလုပ်တာဟာ အဓိပ္ပာယ်မရှိလို့ ကန့်ကွက်၊ ဆန္ဒပြ၊ ရှုတ်ချတဲ့အနေနဲ့ မီးရှို့ရတာပါ” ဟု MSMA ဦးဆောင်ဆရာတော်တပါးဖြစ်သည့် အရှင်ဥက္ကဋ္ဌက ဧရာဝတီသို့ မိန့်သည်။

သီရိလင်္ကာရောက် သံဃာတော်များ အနေနှင့် လွတ်လပ်ရေး ရပြီးခါစ ကာလက ကြယ်ဖြူကြီးကို ကြယ်ဖြူ ၅ လုံး ၀န်းရံထား သည့် အလံကိုလည်းကောင်း၊ စပါးနှံ၊ စက်သွားနှင့် ကြယ်ဖြူ ၁၄ လုံး ပါရှိသည့် မြန်မာ့ ဆိုရှယ်လစ် လမ်းစဉ်ပါတီ (မဆလ)
လက်ထက်က အတည်ပြု ပြဌာန်းခဲ့သော နိုင်ငံတော်အလံကိုလည်းကောင်း၊ ယခု ပြောင်းလဲလိုက်သည့် သုံးရောင်ခြယ် အလံ သစ် ၏ ပုံသဏ္ဍာန်ကိုလည်းကောင်း နှစ်သက်သည်၊ မနှစ်သက်သည်ကို ပြောဆိုလိုခြင်းမဟုတ်ဘဲ စစ်အစိုးရ၏ တရား လက် လွတ် ပြုမှုနေခြင်းကိုသာ ကန့်ကွက်လိုခြင်းဖြစ်ကြောင်း ဆရာတော်က ဆက်လက်မိန့်ကြားသည်။

အလံသစ် လွှင့်ထူခြင်းများကို စစ်အစိုးရ ဌာနဆိုင်ရာ ရုံးများတွင် အောက်တိုဘာ ၂၁ ရက်နေ့က ပြုလုပ်ခဲ့သည်။ အလံဟောင်းကို မီးရှို့ဖျက်ဆီးကြောင်း၊ ယတြာနည်းလမ်းအရ ထိုသို့ပြုလုပ်ခြင်းဖြစ်ကြောင်း သတင်းများ ထွက်ပေါ်ခဲ့သည်။

MSMA က မကြာမီ ကျင်းပတော့မည့် ရွေးကောက်ပွဲကို ဆန့်ကျင်ကြောင်းလည်း ထုတ်ပြန်ကြေညာခဲ့သည်။

စစ်အစိုးရ ပြုလုပ်မည့် ရွေးကောက်ပွဲသည် ပြည်သူများက ကန့်ကွက်ခဲ့သည့် မတရားသဖြင့် အတည်ပြု ပြဌာန်းထားသော ၂၀၀၈ ခုနှစ် အခြေခံ ဥပဒေကို အခြေခံသောကြောင့် အဆိုပါ ရွေးကောက်ပွဲကိုလည်း ကန့်ကွက်ရခြင်းဖြစ်ကြောင်း သိရသည်။

အရှင်ဥက္ကဋ္ဌက “ရွေးကောက်ပွဲ လုပ်တာ၊ မလုပ်တာကို ဦးပဉ္ဇင်းတို့က မပြောလိုပါဘူး။ ဒါပေမယ့် ဒါဟာ ဘယ်လိုမှ တရားမျှတ မှာ မဟုတ်ဘူးဆိုတာ ပြောချင်တယ်။ လောလောဆယ်မှာလည်း နည်းမျိုးစုံနဲ့ ကောက်ကျစ်ပြီး လုပ်နေတာ အားလုံး ကြားနေရတာပဲ။ ဒါကြောင့် ရွေးကောက်ပွဲဟာလည်း တရားမျှတမှာလား ဆိုတာ စဉ်းစားကြစေချင်တယ်” ဟု မိန့်သည်။

ဆရာတော်က ဆက်၍ “ပြည်သူတွေ အနေနဲ့ ကိုယ့်ရဲ့ကြောက်စိတ်ကို ဖျောက်ပြီးတော့ နောင်တချိန် ကိုယ့်သားစဉ်မြေးဆက် ကို ဒုက္ခပေးမယ့် အဖွဲ့အစည်း၊ ဒုက္ခပေးမယ့် ဥပဒေကို မထောက်ခံဘဲနဲ့ ကိုယ့်အတွက် အကောင်းဆုံးဖြစ်မယ့် နည်းလမ်းကိုပဲ ရှာကြပါလို့ ဦပဉ္ဇင်းတို့ကတော့ ဒီလိုပဲ ပြောချင်ပါတယ်”ဟု မိန့်ကြားသည်။

မြန်မာပြည်သူလူထုသည် အခြေအနေအရ မိမိတို့ကို အကျိုးပြုမည့်သူနှင့် အန္တရာယ်ဖြစ်စေမည့်သူတို့ကို သိနားလည်ပြီး ဖြစ်ကြ သကဲ့သို့ ရွေးကောက်ပွဲကာလတွင်လည်း ၉၀ ပြည့်နှစ် ရွေးကောက်ပွဲ ကာလများကကဲ့သို့ မိမိတို့၏ဆန္ဒကို အပြည့်အ၀ ထုတ် ဖော် ပြကြလိမ့်မည်ဟု သုံးသပ်ရှုမြင်ကြောင်း ဆရာတော်က မိန့်ကြားသည်။

MSMA သည် ၂၀၀၇ ခုနှစ်အတွင်းက ဖွဲ့စည်းခဲ့ပြီး စက်တင်ဘာအရေးအခင်း ဖြစ်ပွားစဉ် ကာလတလျှောက်တွင် မြန်မာနိုင်ငံမှ အခြေအနေများကို သီရိလင်္ကာပြည်သူများ သိရှိစေရန် ရည်ရွယ်၍ စီတန်းလှည့်လည်ခြင်းနှင့် နိုင်ငံရေး လှုံ့ဆော်မှုများကို ပြုလုပ်ခဲ့သည်။

သီရိလင်္ကာတွင် မြန်မာစာသင်သား ရဟန်းတော် အပါး ၂၀၀ ကျော် ရှိကြောင်း သိရသည်။

မဲရုံဆောက် လုပ်အားပေးစေခိုင်း

သျှမ်းသံတော်ဆင့်

နိုဝင်ဘာ ၇ ရက်တွင် ကျင်းပမည့် ရွေးကောက်ပွဲအတွက် မဲရုံဆောက်ရာတွင် သျှမ်းပြည် (မြောက်ပိုင်း) မူစယ်မြို့နယ်၌ ကျေးလက်ပြည်သူများအား လုပ်အားပေးစေခိုင်းနေကြောင်း သိရသည်။

ယခုလ ၂၅ ရက်နေ့ မူစယ်မြို့နယ် တုန့်ခန်ကျေးရွာ စာသင်ကျောင်းဝင်းအတွင်း၌ မဲရုံဆောက်ရာ တုန့်ခန်ကျေးရွာအုပ်စုဝင် ရွာ ၄ ရွာမှ ရွာသား ၄၀ ခန့်သည် နံနက် ၈ နာရီမှ ၁၂ နာရီအထိ လုပ်အားပေးခဲ့ရကြောင်း ကိုယ်တိုင်ပါဝင်ခဲ့သူ ရွာ သားတစ်ဦးက သျှမ်းသံတော်ဆင့်သို့ ပြောသည်။

“၁၀၅ မိုင်နားက တုန့်ခန်ရွာအုပ်စုမှာ မဲရုံဆောက်တယ် အုပ်စုထဲမှာ ၄ ရွာပါတာပေါ့ တစ်ရွာကို ၁၀ ယောက်နူန်း ၀ါး ၁၀ လုံး ယူခဲ့ရမယ်ဆိုပြီး တုန့်ခန်အုပ်စုဥက္ကဋ္ဌ စစ်မှုထမ်းဟောင်း ဦးစံမောင်က ခေါ်ခိုင်းတယ်” ဟု သူက ဆိုသည်။

အဆိုပါ ကျေးရွာအုပ်စုတွင် အထကတုန့်ခန်၊ အောက်တုန့်ခန်၊ ဟိုလောင်နှင့် ကချင်ရွာတစ်ရွာတို့ ပါဝင်ကြောင်း သိရသည်။

မူစယ်ခရိုင် မဲဆန္ဒနယ်မြေ၌ မဲရုံများအား ယခုလ ၂၅ ရက်နေ့ အပြီးဆောက်ရန် ခရိုင်ရွေးကောက်ပွဲ ကော်မရှင် အစည်း အဝေးက ဆုံးဖြတ်ထားရာ မူစယ်မြို့ပေါ်နှင့် ကျေးရွာအချို့တွင် မဲရုံများ ဆောက်လုပ်ပြီးစီးပြီ ဖြစ်ကြောင်း သိရသည်။

မဲမရနိုင်သူ စည်းရုံးရေးမှူးများ အား ငွေ ပြန်အပ်ရမည်ဟု ယူအက်စ်ဒီပီ ပြော

ခိုနူမ်းထုန်သတင်း၊

ရွေးကောက်ပွဲတွင် ၀င်ရောက်ယှဉ်ပြိုင်မည့် ယူအက်စ်ဒီပီကိုယ်စားလှယ်လောင်းများအတွက် မဲမရပါက ပေးထားသည့် ငွေ များ ပြန်အပ်ရမည်ဟု ယူအက်စ် ဒီပီပါတီခေါင်းဆောင်များက ဒေသခံစည်းရုံးရေးမှူးများအား ယခုလ အောက်တိုဘာလ ဆန်းကတည်းက ပြောထားကြောင်း သိရသည်။

ချင်းပြည်နယ်မတူပီမြို့နယ် မဲဆန္ဒနယ်မြေမှ ယူအက်စ်ဒီပီစည်းရုံးရေးစရိတ်အတွက် ကျေးရွာအသီးသီးရှိ စည်းရုံးရေးမှူးများ အား ငွေများအား ပါတီစည်းရုံးရေးအတွက် ငွေများထုတ်ပေးထားခြင်းဖြစ်ပြီး ရွေးကောက်ပွဲတွင် မဲ မရပါက ၄င်းငွေများကို ပြန်လည်အပ်ရမည်ဟု ပြောထားခြင်းဖြစ်ကြောင်း သိရသည်။

” မဲဆန္ဒရှင်အနည်းအများအလိုက် စည်းရုံးရေးမှူးတွေကို ငွေပေးထားတယ်၊ ဒါပေမဲ့ ရွေးကောက်ပွဲမဲအခြေအနေကို ကြည့်ပြီး ငွေတွေကို ပြန်လည်အပ်ခိုင်းတာဖြစ်တယ်၊ ဘယ်လောက်ပေးတယ်ဆိုတာတော့ အတိအကျမသိရပါ ” ဟု
မတူ ပီမြို့နယ် ဝေတူးရွာသားက ပြောသည်။

မတူပီမြို့နယ်၊ ဘနိုင်ရွာ ( အိမ်ခြေ ၂၀) မှ ယူအက်စ်ဒီပီပါတီစည်းရုံးရေးမှူးဖြစ်သူ ဦးယုံဒေါ့ကို ၄င်းတို့ပါတီက
စည်းရုံးရေး စရိတ်အတွက် ကျပ်ငွေ တသိန်းကြိုတင်ထုတ်ပေးထားကြောင်း သိရပြီး မဲပိုမိုရရှိပါက နောက်ထပ် ငွေများပြန်လည် ထုတ် ပေးမည်ဖြစ်ကြောင်း ထပ်မံသိရသည်။

ယူအက်စ်ဒီပီပါတီသည် ၄င်းတို့အတွက် မဲပေးနိုင်မည်ဟု ယူဆရသော ပြည်သူများကို ဓါတ်ပုံတွေ ရိုက်ခြင်း၊ ကိုယ်ရေး မှတ်တမ်းယူခြင်းများ ပြုလုပ်ထားပြီးဖြစ်သည်ဟု သိရသည်။

“ဓါတ်ပုံတွေ၊ ကိုယ်ရေးအချက်အလက်တွေ ယူထား ဆိုတော့ မဲမပေးယင် တခုခုများ လုပ်ကြမလား စိုးရိမ်တယ် ” ကျောင်း ဆရာတဦးက ပြောသည်။

အဆိုပါ ငွေများကို ယခုလမှ စပြီး ကျေးရွာ ရယက အဖွဲ့ဝင်များအား စတင်ပေးခြင်းဖြစ်ပြီး ဒေသခံများကိုမူ အုပ်စုစာ ရေး တွေဆီကနေ တဆင့် ပေးခိုင်းနေခြင်းဖြစ်ကြောင်း ကြံ့ဖွံ့ပါတီမဲ ဆွယ်ရေးအတွက် ပေးနေခြင်းဖြစ်ကြောင်း သိရသည်။

” ယူအက်စ်ဒီပီကို မဲပေးပါ လို့တော့ မပြောကြဘူး၊ ဒါပေမဲ့ အဲဒီအတွက်ဖြစ်မှာပါ ” ဟု မတူပီမြို့နယ် ဘနိုင်ရွာသားတဦးက ပြောသည်။

အလားတူ ချင်းပြည်နယ်၊ ဖလမ်းမြို့နယ် ယူအက်စ်ဒီပီပါတီသည် ဒေသခံများအား ပါတီတံဆိပ်ပါ စွပ်ကျယ်အင်္ကျီများအား အခမဲ့ဖြန့်ဝေနေသည်။

မတူပီဒေသခံများသည် ယူအက်ဒ်ဒီပီပါတီမှ ငွေကြေးများသုံးစွဲပြီး စည်းရုံးနေသော်လည်း တခြားနိုင်ငံရေးပါတီများကို သာ မဲပေးရန် ဆန္ဒရှိကြကြောင်း သိရသည်။

” ကိုယ့်အမျိုးသားရေး ရေရှည်အတွက်တော့ ယူအက်စ်ဒီပီကို မဲမပေးသင့်ဘူး၊ ပြည်သူတွေလဲဒီလိုပဲ စဉ်းစားကြတယ်” ဟု ဒေသခံလူကြီးတဦးက ပြောသည်။

မတူပီမြို့နယ်မဲဆန္ဒနယ်မြေတွင် ယူအက်စ်ဒီပီ ပါတီမှ လူမျိုးစုကိုယ်စားလှယ်အဖြစ် ဦးအာမိ ၊ ပြည်သူ့ လွှတ်တော်ကိုယ် စားလှယ်အဖြစ်ဒေါက်တာရိုအုပ် ၊ ပြည်နယ်ကိုယ်စားလှယ် အဖြစ် ဦးအုန်းလွင်၊ ဦး နီလင်းတို့ ပါဝင်ယှဉ်ပြိုင်ကြ မည်ဖြစ် သည်။

ပေါက်တောမြို့နယ်တွင် လူ ၉ ဦးသေ၊ ကျေးရွာ အများအပြား ရေထဲပါ၊ လူပေါင်း

နိရဉ္စရာ

ရ ခိုင်ပြည်နယ် ပေါက်တောမြို့နယ်တွင် လူ ၉ ဦးသေဆုံးပြီး ကျေးရွာအများအပြား ဒီရေနှင့် အတူ မျောပါသွားကာ လူပေါင်းသောင်းချီ၍ အိုးမဲ့အိမ်မဲ့ ဖြစ်နေကြောင်း သတင်း ရရှိသည်။

ပေါက်တော မြို့ခံ လူကြီး တစ်ဦးက “ သေဆုံးသွားသူတွေက အင်းဂရားချိုင်ကျွန်း ဗျိုင်းသိုက်အုပ်စုက ငရီချိုင်မှာ ၃ ယောက်သေပြီး ရီပိုက်ချိုင်မှာ ၆ ဦး စုစုပေါင်း ၉ ဦးသေဆုံးပါတယ်။ လူတွေ စုစုပေါင်း ၂၀၀၀၀ ကျော်ကတော့ အိုးမဲ့ အိမ်မဲ့ ဖြစ်နေကြရပါတယ်။ အကူအညီကတော့ ဒီကနေ့ထိတော့ မရရှိသေးပါဘူး” ဟု ပြောသည်။

၎င်းပြင် ပင်လယ် ကမ်းနီး ကျေးရွာ အများအပြား ဒီရေလိူင်းများနှင့် ရေထဲ မျောပါသွားခဲ့သည်ဟု သူက ပြောသည်။

ဒီရေက လိူင်းနဲ့ အတူ ၁၂ ပေထိ မြင့်တက်လာပြီးတော့ အိမ်တွေ ဘုန်းတော်ကြီးကျောင်းတွေ အကုန်လုံး ဆွဲယူသွားတဲ့ အတွက် တချို့ရွာတွေဆိုရင် အိမ်တစ်လုံးမှ မရှိတော့ဘဲ ဖြစ်နေပါတယ်။ အခုလို အိမ်တစ်လုံးမှ မရှိဘဲ ဖြစ်နေကြတဲ့ ရွာတွေကတော့ ပြောရမယ်ဆိုရင် အင်းဂရားချိုင် ကျွန်းက ဗျိုင်းသိုက်၊ ကျောက်မောင်း၊ ပြင်ကြီး၊ ငရီချိုင်၊ ရီပိုက်ချိုင်၊ သဲဒွေနဲ့ ငမဲပြင်ကျေးရွာတွေ ဖြစ်ကြပါတယ်” ဟုပြောသည်။

ယခုအခါ အဆိုပါ ကျေးရွာများမှ ရွာသားများ နေထိုင်စရာ အိမ်များ မရှိတော့သဖြင့် လွင်တီးခေါင်းပြင်တွင် သစ်ရွက် သစ်ခက်များဖြင့် တဲထိုး၍ နေထိုင်နေကြရသည်ဟု သိရသည်။

“ အကူအညီကတော့ လူပေါင်း ၂၀၀၀၀ ကျော်အတွက် လိုအပ်နေပါတယ်။ အဓိက ရေထဲ ပါသွားတဲ့ ကျေးရွာတွေ အပြင် တခြား ပျက်စီးသွားတဲ့ ကျေးရွာတွေလည်း အများအပြား ရှိပါတယ်။ ခန်မှန်းခြေ လူပေါင်း ၄၀၀၀၀ ခန့် ပေါက်တောမြို့နယ်မှာ မုန်တိုင်း ဒဏ်ကို ခံခဲ့ကြရပါတယ်။”

ပေါက်တောမြို့နယ်တွင် အင်ဂရားချိုင်ကျွန်း အပြင် တခြား ထိခိုက်ခဲ့သော နေရာများမှာ မြေငုံကျွန်း ဗျိုင်းတောင် အုပ်စု၊ စောမဲကျီ၊ ကုလားသိမ်၊ ဇီးရွှေမော်၊ ကံပြင်၊ ကွမ်းသီးဖက်၊ ငပြီတက်၊ ပုဏ္ဍားကြီး အုပ်စု၊ ဆင်ပိုက် အုပ်စုများ ဖြစ်ကြောင်း သိရသည်။

ယခုကဲ့သို့ ပြည်သူ အများအပြား လေဘေးနှင့်ရေဘေးကြောင့် အကြီးအကျယ် ထိခိုက် နေသော်လည်း သက်ဆိုင်ရာ နအဖ စစ်အာဏာပိုင်များက ထိထိရောက်ရောက် ကူညီပေးမူ တစုံတရာ မရှိကြောင်း သိရသည်။

ကေအဲန်အက်စ်အို တပ်ဖွဲ့ဝင်တဦး ကရင်နီတပ်မတော်နှင့် လာရောက်ပူးပေါင်း

- အောလို

အပစ်ခတ်ရပ်စဲရေးအဖွဲ့ ဖြစ်သော ကရင်နီအမျိုးသားသွေးစည်းညီညွတ်ရေး (ကေအဲန်အက်စ်အို)မှ တပ်ဖွဲ့ဝင် စောဖေးနဲ ဆိုသူသည် အောက်တိုဘာလ ၃ ရက်နေ့က ကရင်နီတပ်မတော်ထံသို့ လာရောက်ပူးပေါင်းခဲ့သည်။

ဗိုလ်မှူး ထူးကာရီ ဦးဆောင်သော ကေအဲန်အက်စ်အို အဖွဲ့မှ အသက် ၂၇ နှစ်ရှိ အဆိုပါ တပ်ဖွဲ့ဝင်သည် ဆယ့်ခြောက်တလက်၊ ကျည်ဆံအလုံး ၂၀ ခန့်နှင့်အတူ ယူဆောင်ပြီး မော်ချီးဒေသ၌ လှုပ်ရှားနေသော ကရင်နီတပ်မ တော်တို့နှင့် လာရောက်ပူးပေါင်းခဲ့ခြင်း ဖြစ်သည်ဟု ကရင်နီတပ်မတော် ဗိုလ်မှူးကြီး တဦးက ပြောသည်။

“ဗိုလ်မှူး ထူးကာရီရဲ့ လက်အောက်ခံတပည့် စောဖေးနဲက မော်ချီး အနီးမှာ လှုပ်ရှားနေတဲ့ ကျနော်တို့ ကရင်နီတပ်မတော်တွေနဲ့ လာရောက်ပူးပေါင်း ခဲ့တာပါ။ သူက ဆယ့်ခြောက်တလက်၊ ကျည်ဆံအလုံး ၂၀ လောက်နဲ့ ယူလာခဲ့တယ်” ဟု ၎င်းက ပြောသည်။

ကရင်နီတပ်မတော်နှင့် လာရောက်ပူးပေါင်းခဲ့သော ကေအဲန်အက်စ်အို တပ်ဖွဲ့ဝင်တဦးသည် ကရင်နီတပ်မတော်တို့နှင့်အတူ အမျိုးသားခုခံ တော်လှန်ရေး အလုပ်ကို ဆက်လုပ်မည်လော၊ အရပ်သားပြည်သူကဲ့သို့ ပြန်လည်နေထိုင်မည်လော ဆိုသည်ကို မသိရသေးကြောင်း ၎င်းက ဆိုသည်။

ကေအဲန်အက်စ်အို တပ်ဖွဲ့အတွင်း၌ နေထိုင်ရာတွင် ခက်ခဲမှု အမျိုးမျိုးနှင့် တွေ့ကြုံနေရကြောင်း၊ စိတ်ဓါတ် ကျည်းကျပ်ပြီး ပျော်မွေ့မှု မရှိကြောင်း ကရင်နီတပ်မတော်နှင့် လာရောက်ပူးပေါင်းခဲ့ပြီး အရပ်သားပြည်သူလို ပြန်လည်နေထိုင်သော ကေအဲန်အက်စ်အို တပ်ဖွဲ့ဝင်ဟောင်းတဦးကလည်း ပြောပြခဲ့ဖူးသည်။

ကေအဲန်အက်စ်အိုသည် လူအင်အား သေးငယ်လှသည့် အဖွဲ့ဖြစ်ရာ ကရင်နီလူမျိုးပေါင်းစုံ ပြည်သူ့လွတ်မြောက်ရေးတပ်ဦး (ကလလတ)၏ ထောက်ခံအားပေးမှု မရှိလျှင် ၎င်းတို့ အဖွဲ့ ရပ်တည်နိုင်မှု မရှိကြောင်း ထိုင်း-မြန်မာနယ်စပ်တလျှောက် ကူညီစောက်ရှောက်ရေး ညွန်းပေါင်း အသင်း (တီဘီဘီစီ)မှ ထုတ်ပြန်ထားသော ၂၀၀၉ ခုနှစ် အစီရင်ခံစာတွင် ဖော်ပြထားသည်။

၎င်းအဖွဲ့သည် ကလလတနှင့် စီးပွာရေးအရ ချိနဲမှုကြောင့် မကြာသေးမီက ၎င်းတို့ ထိန်းချုပ်ရာ နယ်မြေဒေသများ၌ ဘိန်းခင်းများ တိုးချဲ့ စိုက်ပျိုးပြီး အိမ်းနီးနာချင်း ရှမ်းပြည်ရှိ ဘိန်းကုန်ကူးသူများနှင့် အချိတ်အဆက် လုပ်ထားကြောင်း အစီရင်ခံစာက ဆိုသည်။

ဗိုလ်မှူး ထူးကာရီ ဦးစီးသော လူအင်အား ၂၀၀ ကျော် ရှိသော ကရင်နီအမျိုးသားသွေးစည်းညီညွတ်ရေး (ကေအဲန်အက်စ်အို) သည် ကရင်နီအမျိုးသားတိုးတက်ရေးပါတီ (ကေအဲန်ပီပီ)မှ ခွဲထွက်ပြီး မြန်မာစစ်အစိုးရနှင့် ၂၀၀၂ ခုနှစ် နိုဝင်ဘာလ ၉ ရက်နေ့တွင် အပစ်အခတ် ရပ်စဲမှု ပြုလုပ်ခဲ့သည်။

ထိပ်တိုက်တွေ့နေတဲ့ တွေးခေါ်မှုနှစ်ရပ်

ရဲဘော်ဖိုးသံချောင်း

ဒီနေ့ မြန်မာပြည်နိုင်ငံရေးဇာတ်ခုံမှာ တွေးခေါ်မှုနှစ်ရပ်နဲ့ ပဋိပက္ခကို အထင်ရှား တွေ့နေရပါတယ်။

လူ့အဖွဲ့အစည်းထဲမှာ ပဋိပက္ခဆိုတာ အများကြီးရှိတာကတော့ အမှန်ပါပဲ။ ဒါပေမယ့် အချိန်အခါလိုက်လို့ တခုသော ပဋိပက္ခဟာ အဓိက ရှေ့တန်းရောက်နေတတ်ပါတယ်။ ဒါဟာ တရားပါ။ အခုလည်း မြန်မာပြည်နိုင်ငံရေး တွေးခေါ်မှုတွေထဲမှာ အဓိက ရှေ့တန်းရောက်နေတဲ့ ပဋိပက္ခတွေထဲမှာ စစ်အုပ်စုအုပ်စိုးမှုအောက်မှာ ဆက်လက်လုပ်ကိုင်သွားရင်း တိုင်းပြည်ကို တိုးတက်ကောင်းမွန်အောင် လုပ်လို့ရတယ်ဆိုတဲ့ တွေးခေါ်မှုနဲ့ စစ်အုပ်စုအုပ်စိုးမှုအောက်မှာ ဆက်ပြီး သွားနေလို့ကတော့ တိုင်းပြည်ဟာ တိုးတက်ကောင်းမွန်လာမှာ မဟုတ်ဘူးဆိုတဲ့ တွေးခေါ်မှုတို့ရဲ့ ပဋိပက္ခဟာ အဓိက ဆုံချက်ဖြစ်ပါတယ်။

မှန်ပါတယ်။ ဒီနေ့တည်ရှိနေတဲ့ ပါတီအဖွဲ့အစည်းတွေနဲ့ လူပုဂ္ဂိုလ်တွေဟာ အထက်မှာပြောဆိုခဲ့တဲ့ စကားလုံးတွေအတိုင်း ဒီအတွေးအခေါ်တွေကို ဖော်ပြတာ၊ ပြောဆိုတာ မဟုတ်ပါဘူး။ ကိုယ့်နည်းနဲ့ကိုယ် ဖော်ပြကြတာဖြစ်ပါတယ်။ တချို့က ဒီအတိုင်း တိုက်ရိုက်ပြောမယ်၊ တချို့က ကွေ့ပတ်ပြောမယ်၊ တချို့က သကာလူးပြီးပြောမယ်၊ တချို့က စောင်းပါးရိပ်ခြေပြောမယ်။ အလားတူပဲ နအဖစစ်အစိုးရရဲ့ ဒီမိုကရေစီအောက်မှာ ဒုတိယအမျိုးအစား အတွေးအခေါ် ရှိသူတွေကတော့ ကိုယ့်အနေအထားနဲ့ကိုယ် သတိထားပြောကြရပါတယ်။ သဘာဝကျစွာပဲ ပြည်တွင်းမှာနေသူနဲ့ ပြည်ပမှာနေသူတို့ဟာလည်း ပြောကြားပုံ၊ တင်ပြပုံတွေ ခြားနားကြပါတယ်။

စစ်အစိုးရလက်အောက်မှာ ဆက်လက်လုပ်ကိုင်သွားရင်း တိုင်းပြည်ကို တိုးတက်ကောင်းမွန်အောင် လုပ်သွားနိုင်မယ်ဆိုတဲ့ တွေးခေါ်နည်းကို ကိုင်စွဲထားသူတွေထဲမှာ “အမျိုးသားနိုင်ငံရေးမှာ တပ်မတော်၏ဦးဆောင်မှုအခန်း” ဆိုတာကို တင်နေကြသူတွေ၊ “၂၀၀၈ ခုနှစ် ဖွဲ့စည်းအုပ်ချုပ်ပုံ အခြေခံဥပဒေမှာ ဒီမိုကရေစီအတွက် အာမခံချက်တွေ အပြည့်အစုံ မပါပေမယ့် တဖြည်းဖြည်းချင်း ပြုပြင်ယူသွားမယ်” လို့ဆိုသူတွေ၊ “ခြေတလှမ်းရရ၊ နှစ်လှမ်းရရ ယူထားရမယ်” လို့ ဆိုသူတွေ၊ “ဒီအချိန်မှာ လူထုတိုက်ပွဲစကားပြောသူတွေဟာ မိုက်ရူးရဲတွေ၊ နိုင်ငံရေးသူငယ်နာ မစင်သူတွေ” လို့ ပြောနေသူတွေ၊ “အခြားအစားထိုးစရာနည်းလမ်းတွေမရှိဘဲ ရွေးကောက်ပွဲကို ဆန့်ကျင်ခြင်းသည် လေလုံးထွားခြင်းသာဖြစ်သည်” လို့ဆိုသူတွေ၊ လေမတူသော်လည်း အခြေခံစိတ်သဘောထားတူသူတွေ အားလုံးပါဝင်ပါတယ်။ ဒီနေရာမှာ စိတ်သဘောထားဆိုတာက လာတော့မယ့်ရွေးကောက်ပွဲကို ထောက်ခံတာကို ဆိုလာတာဖြစ်ပါတယ်။

တဖက်မှာကတော့ နအဖ ဒီလိုလုပ်နေပုံမျိုးကို ၂၀၀၈ ခုနှစ် ဖွဲ့စည်းပုံအခြေခံဥပဒေ ဆိုတာရဲ့ အောက်မှာဖြစ်စေ၊ ရွေးကောက်ပွဲကတဆင့်ပဲဖြစ်စေ၊ တခြားဘယ်နည်းနဲ့ပဲဖြစ်စေ ဆက်လက်လုပ်ဆောင်သွားတာကို ဆန့်ကျင်သူတွေ ဖြစ်ပါတယ်။ မြန်မာပြည်ကို စစ်အုပ်စုရဲ့ အရိပ်သြဇာအောက်က လုံးဝလွတ်ကင်းတဲ့ အစိုးရတရပ် ပေါ်ထွက်ရေးအတွက် လုံးပန်းရမယ်လို့ဆိုသူတွေ ပါဝင်ပါတယ်။ ဒါပေမယ့် ဒါကို ပြည်ပမှာ နေထိုင်သူတွေသာ ဒီအတိုင်းတိုက်ရိုက် ပြောဆိုနိုင်ကြပါတယ်။ ပြည်တွင်းမှာနေတဲ့လူတွေကတော့ အမြီးရှိတဲ့လူတွေ ရိပ်မိကြနော်ဆိုတာမျိုးလောက်ပဲ အလွန်ဆုံးပြောနိုင်ပါတယ်။

အခုတင်ပြနေတာဟာ တွေးခေါ်မှုပြဿနာဖြစ်ပါတယ်။ သာမန်အယူအဆတခုကိစ္စကို ပြောတာမဟုတ်ပါဘူး။ ပိုမိုနက်ရှိုင်းစွာ အမြစ်တွယ်နေတဲ့ဟာ ဖြစ်ပါတယ်။ နောက်ပြီး အယူအဆအားလုံးတို့ရဲ့ အခြေခံ အစပြုရာလည်း ဖြစ်ပါတယ်။ လူရဲ့ တွေးခေါ်မှုဆိုတာ သူချည်းသီးခြား တည်ရှိနေတာမဟုတ်ပါဘူး။ နောက်ခံသမိုင်း၊ မြစ်ဖျားခံရာ စသဖြင့် ရှိပါတယ်။ ဒီနေရာမှာတော့ အဲဒီအထိ တင်ပြဆွေးနွေးဖို့ မသင့်သေးဘူးထင်ပါတယ်။ ဒါကြောင့် ဖြစ်ပေါ်နေတာတွေကိုပဲ တင်ပြသွားပါမယ်။

ဒီတွေးခေါ်မှုနှစ်မျိုးရဲ့ ဆုံချက်နေရာဟာ နအဖရဲ့ ၂၀၀၈ ခုနှစ် ဖွဲ့စည်းပုံအခြေခံဥပဒေနဲ့ ၂၀၁၀ ရွေးကောက်ပွဲဖြစ်ပြီး အယူအဆအရ အခြေခံအားဖြင့် ညှိမရတာဟာ မြန်မာပြည်နိုင်ငံရေးမှာ စစ်တပ်ရဲ့အခန်းကဏ္ဍဆိုတာ ဖြစ်ပါတယ်။ ဒါတွေဟာ ဒီနေ့ နိုင်ငံရေးရဲ့စံ၊ မှတ်ကျောက်လို့ ဆိုရင် မမှားဘူးထင်ပါတယ်။

အခုအခါမှာ အဖွဲ့အစည်းဖြစ်စေ၊ လူပုဂ္ဂိုလ်တဦးချင်းဖြစ်စေ နိုင်ငံရေးစကားတွေ ဝေအောင်ပြောနေကြပါတယ်။ လူကြားကောင်းမယ့် ဝေါဟာရမှန်သမျှလိုလိုကို အသုံးပြုနေကြတာပါ။ “တိုင်းရင်းသားစည်းလုံးညီညွတ်ရေး၊ ဈေးကွက်စီးပွားရေး၊ ဒီမိုကရေစီရေး” စတာတွေကို လိုလားထောက်ခံပါကြောင်း အဖွဲ့အစည်းတိုင်း၊ လူတိုင်းလိုလိုပဲ ပြောကြရေးကြပါတယ်။ ဒါပေမယ့် အဲဒီအသံရှင်တွေကို အထက်က စံ-မှတ်ကျောက်နဲ့ တင်ကြည့်လိုက်ရင် ဘီလူးစည်း လူ့စည်း ကွဲသွားတာ တွေ့ရပါမယ်။ အဲဒီကိစ္စတွေအပေါ် ဘယ်လိုသဘောထားသလဲလို့ ဖြေခိုင်းလိုက်ရင် ရပ်တည်ချက်အမှန်ဟာ ပေါ်ထွက်လာမှာပါ။

မြန်မာပြည်နိုင်ငံရေးမှာက နိုင်ငံရေးဝေါဟာရတွေကို လက်တလုံးခြားအသုံးချကြတဲ့ အစဉ်အလာသာမက လူနာမည်၊ အမှတ်အသားစတာတွေကိုလည်း ကိုယ့်အတွက်၊ ကိုယ့်ပါတီအတွက် အသုံးချလေ့ရှိတာဟာ လွတ်လပ်ရေးရပြီးကတည်းကလို့ ဆိုရမလိုပါပဲ။ ဖဆပလတွေဟာ ရွေးကောက်ပွဲဝင်တဲ့အခါမှာ မဲပုံးပေါ်မှာ ဗိုလ်ချုပ်အောင်ဆန်းရုပ်ပုံကို တင်ထားပါတယ်။ ဗိုလ်ချုပ်အောင်ဆန်းရုပ်ပုံကို အသုံးချပြီး မဲတောင်းတာပါ။ ဒါကြောင့်မို့ အဲဒီတုန်းက သင်္ကြန်တခုမှာ သံချပ်ထိုးကြတော့ “ဗိုလ်ချုပ်အောင်ဆန်း သနားစရာ-သူ့ခမျာ မဲပုံးတံဆိပ်” လို့ အော်တာ ကြားခဲ့ရဖူးပါတယ်။ အလားတူပဲ ဒီတခါ နအဖရဲ့ ရွေးကောက်ပွဲမှာလည်း ခမောက်တံဆိပ်ကို မောင်ပိုင်စီးချင်တာ၊ မြန်မာတမျိုးသားလုံးက ပိုင်ဆိုင်တဲ့ ခွပ်ဒေါင်းအလံကိုတောင်မှ ကိုယ်မဲရရေးအတွက် မဲပုံးတံဆိပ်အဖြစ် အသုံးချချင်တာ စတဲ့ မရိုးသားတဲ့ ကြံစည်မှုတွေကို တွေ့ရတယ်မဟုတ်ပါလား။ ဒါတင်မက တချို့ဆိုရင် အမျိုးသားဒီမိုကရေစီအဖွဲ့ချုပ်နဲ့ လမ်းခွဲခဲ့ပြီးတာတောင်မှာ ဒေါ်အောင်ဆန်းစုကြည်ရဲ့ နာမည်နဲ့ဂုဏ်ကို အသုံးချနိုင်အောင် ပြောဆိုနေတာလည်း ကြားရပါတယ်။ ဒီတော့ သူတို့ဘာသာသူတို့ ဘာခမောက်ပဲဆောင်းဆောင်း၊ ဘာအလံပဲထူထူ အထက်ကကိစ္စတွေအပေါ် ဘယ်လိုသဘောထားသလဲလို့ မေးလိုက်ရင် သဲကွဲသွားမှာပါ။

ထပ်ပြောပါမယ်။ ပထမအမျိုးအစားတွေးခေါ်မှုကို နအဖစစ်အုပ်စုထိပ်သီးတွေက လက်ခံသဘောကျပါတယ်။ ဒါပေမယ့် ဒုတိယအမျိုးအစားတွေးခေါ်မှုကိုတော့ သူတို့က အကြီးအကျယ် မုန်းတီးဆန့်ကျင်ပါတယ်။ ဒီလို နအဖထိပ်သီးတွေရဲ့ သဘောထားကိုက ဒီ စံ၊ မှတ်ကျောက်ကို အတည်ပြုနေတာလို့ပြောရင် ရမယ်ထင်ပါတယ်။

စိတ်ပျက်စရာကောင်းတာက ပထမအမျိုးအစား တွေးခေါ်မှုရှိသူတချို့က ဒီနေ့နိုင်ငံရေးမှာ ပြည်သူလူထုကို လိမ်လို့ရနိုင်မယ်လို့ ထင်နေကြတာပါပဲ။ လိမ်လို့မရမှန်း သူတို့သိတဲ့အခါကျတော့ ကိစ္စတွေက နောက်ကျကုန်ပြီဆိုတာကို တွေ့ကြရပါလိမ့်မယ်။

ယနေ့ မြန်မာ့ရေးရာ သတင်းများ Oct,27th,2010

( 37 )China halts Burma war crimes inquiry

( 36 )Burma's Nuclear Adventure

( 35 )ရွေးကောက်ပွဲ တီရှပ်များ အပြိုင်အဆိုင် ဝတ်ဆင်

( 34 )Burma's brutal repression continues with a sham election

( 33 )ထိုင်း-မြန်မာ နယ်စပ်ဂိတ်များ မနက်ဖြန်မှစ၍ ပိတ်မည်

( 32 )Warnings US will further isolate Burma after election

( 31 )နိုင်ငံရေးအကျဉ်းသားများ လွှတ်ပေးရန် ဘန်ကီမွန်း ထပ်မံပြောဆို

( 30 )Still hope for Myanmar poll credibility - Indonesia

( 29 )မွန် ခွဲထွက်အဖွဲ့၏ လက်နက်အပ်ပွဲ ရတခ၌ ကျင်းပ

( 28 )Protesters in Japan decry Myanmar 'sham election' plan

( 27 )နိုင်ငံရေး အကျဉ်းသားများနှင့် အလှမ်းဝေးသည့် ရွေးကောက်ပွဲ

( 26 )Cyclone deaths top 100 as US pledges aid

( 25 )ဒုတိယ ပင်လုံကို ကျောင်းသားလူငယ်များ ထောက်ခံ

( 24 )Myanmar elections, China bullying in South China Sea likely to dominate Asia summit in Vietnam

( 23 )ရွေးကောက်ပွဲ ရက်ရွှေ့ရန် ရခိုင်ပါတီ ပြော

( 22 )Philippines calls Myanmar elections a 'farce'

( 21 )ရန်ကုန်နှင့် နယ်များ အင်တာနက်လိုင်း နှေးကွေး

( 20 )Vote will prolong dictatorship, Suu Kyi’s party says

( 19 )N.Korea could 'speed up' Burma nuclear plan

( 18 )ပဲခူး ဖောက်ခွဲမှု စစ်အစိုးရ ABSDF ကိုစွပ်စွဲ

( 17 )Election vote ‘will prolong the dictatorship’

( 16 )Myanmar polls aid dictatorship

( 15 )သတ္ထုတွင်း စီမံကိန်းကြောင့် လူ့အခွင့်အရေး ချိုးဖောက်မှုများရှိ

( 14 )Indonesia maintains struggle against defiant Burma

( 13 )ရခိုင်လေဘေး အမေရိကန် ကူညီရန်ကမ်းလှမ်း

( 12 )မြန်မာ့ရွေးကောက်ပွဲ အများလက်ခံနိုင်အောင် လုပ်ဖို့ အချိန်မနှောင်းသေး

( 11 )John Key asked to raise concern on Philippines

( 10 )ဒေါ်အောင်ဆန်းစုကြည်အမှု နေပြည်တော် တရားရုံးချုပ်မှာ ၂၉ ရက်နေ့ ကြားနာမည်

( 9 )Oil pipeline blast in Magway kills at least 13

( 8 )ဂီရိမုန်တိုင်း ကယ်ဆယ်ရေး ရန်ပုံငွေ ရှာဖွေမှု စစ်အစိုးရ ကန့်သတ်

( 7 )Borderland: Sex trafficking on the China-Myanmar border

( 6 )ဂီရိမုန်တိုင်း ကယ်ဆယ်ရေး ကုလသမဂ္ဂ ကြိုးပမ်း

( 5 )Why Burma (Myanmar) may see a new Aung San Suu Kyi after her release

( 4 )အဂတိလိုက်စားမှု အများဆုံးနိုင်ငံထဲ မြန်မာ ပါဝင်

( 3 )Cyclone Damage in Burma

( 2 )မြန်မာနိုင်ငံမှာ အင်တာနက် ဆက်သွယ်မှု နှေးကွေး

( 1 )Obama Administration Considers Additional Sanctions on Burma

တရုတ်-မြန်မာနယ်စပ် မတည်မငြိမ်ဖြစ်

မင်းနိုင်သူ Tuesday, October 26, 2010

ရွေးကောက်ပွဲ ကျင်းပရန် ၁၁ ရက်သာ လိုတော့ချိန်တွင် တရုတ်-မြန်မာ နယ်စပ်၌ အခြေအနေများ မတည်မငြိမ် ဖြစ်နေကြောင်း နယ်စပ်သတင်း ရပ်ကွက်များမှ သိရသည်။

ပြီးခဲ့သည့် သတင်းတပတ်အတွင်း တရုတ်နယ်စပ်တလျှောက်ရှိ ကချင်ပြည်နယ်နှင့် ရှမ်းပြည်နယ်ရှိ လက်နက်ကိုင်တပ်များ ထိန်းချုပ်ရာ နေရာ ၃ ခုတွင် မီးလောင်မှုနှင့် ပစ်ခတ်မှုများ ဖြစ်ပွားခဲ့ခြင်းဖြစ်သည်။

တရုတ်-မြန်မာနယ်စပ်ရှိ ကချင်လွတ်မြောက်ရေး အဖွဲ့ (KIO) ထိန်းချုပ်ထားသော လိုင်ဇာဈေး မီးလောင်ရာတွင် ဆိုင်ခန်း ၁၁၉ ခန်း ပါသွားကြောင်း၊ တရုတ်ယွမ်ငွေ ၃၅ သိန်း (ကျပ်ငွေ သိန်းပေါင်း ၃ သောင်း) ကျော် ဆုံးရှုံးကြောင်း သိရသည်။

KIO ထောက်လှမ်းရေး အရာရှိတဦးကမူ ဈေးမီးလောင်မှုသည် အသက်အရွယ်ကြီးပြီဖြစ်သော တရုတ် လင်မယားက ဘုရားမီးပူဇော်ရာမှ လောင်ကျွမ်းခဲ့ခြင်းဖြစ်ကြောင်း၊ လိုင်ဇာဈေးကြီးမဟုတ်ဘဲ နယ်စပ်ဈေးတန်းဖြစ်ကြောင်း ပြောသည်။

စစ်ရေးအခြေအနေနှင့် စပ်လျဉ်း၍ ထိုအရာရှိက “နအဖနဲ့ ဆက်ဆံရေး အခြေအနေကတော့ အခုချိန်ထိ ဘာမှမရှိသေးဘူး။ သူတို့ကတော့ ဆွေးနွေးညှိနှိုင်းရေးကို ဆန္ဒရှိပုံ မပေါ်ပါဘူး။ သူတို့ တာစူနေတာက ရွေးကောက်ပွဲကို ကလိမ်ကကျစ်နဲ့ ဘယ်လိုနည်းနဲ့ အနိုင်ရဖို့လုပ်မလဲဆိုတာပဲ အဓိကကျတာပါ။ အဲဒီအပေါ်မူတည်ပြီးတော့ လုံခြုံရေးကို ဘယ်အကန့်အထိ ချဲ့မလဲ၊ လုံခြုံရေးအကန့်ကို သူတို့ တိုးချဲ့လာတဲ့အချိန်မှာ လက်နက်ကိုင်အဖွဲ့အစည်းတွေနဲ့ တင်းမာမှုတွေက အနည်းနဲ့အများ ဖြစ်လာမှာပဲ” ဟု ပြောသည်။

လိုင်ဇာဈေး မီးလောင်ချိန်တွင် ဒေသခံလူထု တရုတ်နိုင်ငံဘက်သို့ ကူးပြေးမလာစေရန် တရုတ်ဘက်မှ ပင်မဂိတ်ကို ပိတ်ထားခဲ့ကြောင်း ၎င်းက ဆက်လက်ပြောသည်။

လိုင်ဇာဈေး မီးလောင်မှုမဖြစ်မီ အောက်တိုဘာ ၂၄ ရက်နေ့ ညပိုင်းကလည်း ရှမ်းပြည်နယ်နှင့် တရုတ်နယ်စပ် မူဆယ်ခရိုင် မုံးကိုးမြို့နယ်အတွင်း၌ ပစ်ခတ်မှု ဖြစ်ပွားခဲ့ကြောင်း သိရသည်။

မုံးကိုးမြို့နယ်အတွင်း ပြည်သူ့စစ်အင်အား ၇ ယောက်ခန့်ရှိသည့် တပ်စခန်းတခုကို အမည်မသိအဖွဲ့က စီးနင်းတိုက်ခိုက်ခဲ့ရာ ပြည်သူ့စစ် ၁ ဦးသေဆုံးပြီး လက်နက်တချို့ ပါရှိသွားခဲ့ကြောင်း တရုတ်-မြန်မာနယ်စပ် စစ်ရေးနှင့်နိုင်ငံရေး အကဲခတ် ဦးအောင်ကျော်ဇောက ပြောသည်။

“မုံးကိုးမှာက ခလရ တပ်ရင်း ၁၄၅ ထိုင်ထားတာပေါ့။ အတိုက်ခံလိုက်ရတဲ့ ပြည်သူ့စစ် စခန်းကတော့ ၆ ယောက် ၇ ယောက်လောက်ပဲ ထိုင်ထားတဲ့စခန်း။ မနက် ဝေလီဝေလင်းကြီးမှာ အတိုက်ခံရတာ။ တိုက်ခိုက်ချိန်က ၁၀ မိနစ်လောက်ပဲဆိုတော့ တပ်ကူတွေလည်း မလာနိုင်ဘူး” ဟု ၄င်းက ဆိုသည်။

လောက်ကိုင်မြို့ရှိ အမှတ် ၁၀၆ တပ်ရင်း လက်နက်တိုက်စောင့်ကို ပစ်သတ်ကာ လက်နက်များ ယူဆောင်သွားမှုတရပ်လည်း အောက်တိုဘာ ၂၃ ရက်နေ့က ဖြစ်ပွားခဲ့သေးကြောင်း ဦးအောင်ကျော်ဇောက ပြောသည်။

အင်းစိန်နှင့် မင်္ဂလာဒုံ တကျောတွင် မဲမပေးရေး စာရွက်များဖြန့်

ဇာနည်မာန် Tuesday, October 26, 2010

ရွေးကောက်ပွဲတွင် မဲမပေးဘဲ နေခွင့်ရှိကြောင်း ရေးသားထားသည့် စာများကို အမျိုးသား ဒီမိုကရေစီ အဖွဲ့ချုပ် (NLD) အဖွဲ့ဝင် လူငယ်များက ရန်ကုန်တိုင်း အင်းစိန်နှင့် မင်္ဂလာဒုံမြို့နယ်များတွင် ယနေ့နံနက်က လိုက်လံပေးဝေခဲ့ကြောင်း သတင်းရရှိသည်။

အင်းစိန်၊ ဖော့ကန်၊ အောင်ဆန်း၊ မင်္ဂလာဒုံ၊ မှော်ဘီနှင့် ထောက်ကြန့် အရပ်များရှိ လူစည်ကားရာ ဈေးများတွင် NLD လူငယ်များက စာရွက်များကို လိုက်လံပေးဝေခဲ့ကြကြောင်း ဒေသခံများက ဆိုသည်။

“ဒေါ်အောင်ဆန်းစုကြည်ပြောတဲ့ ရွေးကောက်ပွဲမှာ မဲပေးပိုင်ခွင့်ရှိသလို မဲမပေးဘဲ နေနိုင်ခွင့်လည်းရှိတယ်ဆိုတဲ့အချက် တွေပါတဲ့ စာရွက် ကမ်းတယ်။ ပြည်သူလူထုကိုလည်း ဒီအကြောင်း ရှင်းပြတယ်။ စောင့်ကြည့်တာ နှောင့်ယှက်တာတော့ မရှိဘူး။ ထောက်ကြန့်ဈေးမှာတော့ ကျနော်တို့ စာရွက်တွေ လိုက်ဝေပြီးလို့ ကားပေါ်အတက်မှာ သတင်းတပ်ဖွဲ့ဝင်တွေက ဓာတ်ပုံ လိုက်ရိုက်တယ်” ဟု NLD လူငယ် တဦးက ပြောသည်။

ပြည်သူများအနေနှင့် လာမည့်ရွေးကောက်ပွဲတွင် မဲပေးရန်ေ၀၀ါးနေဆဲဖြစ်ပြီး တချို့ကမူ NLD ပါတီ ရွေးကောက်ပွဲ ၀င်မည်ဟု ထင်မှတ်နေကြကြောင်း သူက ဆိုသည်။

“တချို့က မသိကြဘူး။ ခွပ်ဒေါင်းတွေ၊ ခမောက်တွေပါတော့ NLD က ရွေးကောက်ပွဲဝင်တယ် ထင်ကြတယ်။ ကျနော်တို့က NLD ရွေးကောက်ပွဲ မ၀င်ဘူးဆိုတာရယ်၊ ဘာကြောင့် မဝင်ဘူးဆိုတာရယ်ကို ရှင်းပြရတယ်” ဟု ၎င်းက ဆက်ပြောသည်။

ယခုကဲ့သို့ ပြည်သူလူထုကို ရှင်းပြ၍ မဲမပေးဘဲ နေခွင့်ရှိကြောင်း စာရွက်များ ဖြန့်ဝေမှုကို တခြား မြို့နယ်များတွင်လည်း ဆက်လက် အရှိန်မြှင့် ပြုလုပ်သွားမည်ဖြစ်ကြောင်းနှင့် ရွေးကောက်ပွဲတွင် မဲမပေးရေး၊ ရွေးကောက်ပွဲ သပိတ်မှောက်ရေး အတွက် အထိုက်အသင့် အောင်မြင်မှုရှိလိမ့်မည်ဖြစ်ကြောင်း NLD လူငယ်များက ဆိုသည်။

ပြီးခဲ့သည့် ရက်ပိုင်းကလည်း သန်လျင်မြို့နယ် NLD အဖွဲ့ဝင် လူငယ်များက သန်လျင်မြို့နှင့် ပတ်ဝန်းကျင် ကျေးရွာများတွင် မဲမပေးဘဲ နေခွင့်ရှိကြောင်း စာရွက်များ လိုက်လံပေးဝေခဲ့သေးသည်ဟု သိရသည်။

“စစ်အစိုးရရဲ့ ရွေးကောက်ပွဲဟာ မတရားဘူးဆိုတာ ပြည်သူတွေ သိဖို့လိုတယ်။ ကျနော်တို့ ဒီလိုလုပ်တော့ မသိတဲ့သူတွေ သိသွားလို့ ထိရောက်မှု တခုဖြစ်တယ်” ဟု NLD လူငယ်တဦးက ပြောသည်။

စစ်အစိုးရက လာမည့် နိုဝင်ဘာ ၇ ရက်နေ့တွင် ရွေးကောက်ပွဲ ပြုလုပ်ပေးမည်ဟု ကြေညာထားသည်။

အဆိုပါ ရွေးကောက်ပွဲသည် စစ်အစိုးရက တဖက်သက် အတည်ပြုပြဌာန်းထားသော ၂၀၀၈ အခြေခံ ဥပဒေကို အခြေခံ၍ ကျင်းပမည်ဖြစ်သောကြောင့် ရွေးကောက်ပွဲ ၀င်မည်မဟုတ်ကြောင်း NLD ပါတီက ထုတ်ပြန်ထားသည်။

ရွေးကောက်ပွဲအချိန် နီးကပ်လာသည်နှင့်အမျှ ရွေးကောက်ပွဲဝင်မည့် ပါတီများ၏ စည်းရုံးဟောပြောမှုများ ရှိနေပြီး ရွေးကောက်ပွဲတွင် မဲမပေးရန်၊ သပိတ်မှောက်ရန် စည်းရုံး လှုံ့ဆော်မှုများကိုလည်း နိုင်ငံအ၀န်းရှိ တက်ကြွလှုပ်ရှားသူ လူငယ်များက နည်းလမ်းမျိုးစုံဖြင့် ပြုလုပ်လျက်ရှိသည်။

NLD ပါတီ ထိပ်ပိုင်း ခေါင်းဆောင်များကလည်း ပြည်နယ်နှင့်တိုင်း အသီးသီးသို့ သွားရောက်၍ ရွေးကောက်ပွဲနှင့် ပတ်သက်သည့် အကြောင်းအရာများကို ကိုယ်တိုင်ကွင်းဆင်း ရှင်းပြမှုများ ပြုလုပ်လျက်ရှိသည်။

သံလွင်အရှေ့ခြမ်း ပုံပါကျင်မြို့နယ်ခွဲ ကျားဖြူနှင့် အခြားပါတီ အကြိတ်အနယ် ယှဉ်ပြိုင်ရဖွယ်ရှိ

သျှမ်းသံတော်ဆင့်

သံလွင်အရှေ့ခြမ်း ပုံပါကျင်မြို့နယ်ခွဲအတွင်း၌ ကျားဖြူပါတီနှင့် တခြားနိုင်ငံရေးပါတီများ အကြိတ်အနယ် ယှဉ်ပြိုင်ရဖွယ် ရှိကြောင်း စုံစမ်းသိရှိရပါသည်။

“ကျနော်တို့ဒေသမှာ ကြံဖွတ်ရှိမယ်၊ တစညတော့ အဲလောက်မကောင်းဘူး၊ နောက်ပြီး လားဟူပါတီလဲ ရှိသေးတယ်၊ အစ တုန်းကတော့ ကြံဖွတ်အားသာမလိုလိုနဲ့ အခုတော့ ကျားဖြူပါတီကိုဘဲ လူငယ်တွေ စိတ်ဝင်စားလာတယ်။ ရွေးကောက်ပွဲ လဲ ၁၂ ရက်ဘဲလိုတော့တယ်ဆိုတော့ ဘယ်ပါတီအားကောင်းမလဲဆိုတာ သိသာလာတယ်၊ ကြံ့ဖွတ်အတွက်လဲ အကြိတ် အနယ်ယှဉ်ပြိုင်ရလိမ့်မယ်” - ခေတ် ပညာတတ်လူငယ်တဦးကပြောပါသည်။

သျှမ်းတိုင်းရင်းသားများဒီမိုကရက်တစ်ပါတီ မဲဆန္ဒနယ်အမှတ် ၇ အမျိုးသားလွှတ်တော် အမတ်လောင်း၏ စည်းရုံးဟော ပြောမှု ကောင်းသဖြင့် ပုံပါကျင်လူငယ်အများအပြားသျှမ်းပါတီအား ပြန်လည်စိတ်ဝင်စား နားလည်လာကြောင်း စုံစမ်းသိရှိရ သည်။

“ကျနော်တို့ ကျားဖြူပါတီက ၂၃-၂၄ ရက်က စပြီး ပုံပါကျင်ဘက် စည်းရုံးရေးပြန်ဆင်း နေပြီ။ စစ်သားကောက်မှုပြသနာ ဖြစ်ပြီးနောက်ပိုင်း အခုစည်းရုံးရေးပြန်ဆင်းတော့ လူတွေတော်တော်များများပြန်ပြီး စိတ် ၀င်စားနားလည်လာတယ်။ ကျနော် တို့လဲပိုပြီးအားတက်တယ်” ဟု စည်းရုံးရေးအဖွဲ့မှ အဖွဲ့ဝင်တဦးက ပြော၏။

အောက်တိုဘာလကုန်နောက်ဆုံးထား စည်းရုံးရေးအပြီး လုပ်ရမည်ဟုဆိုသဖြင့် အလျင်မီရန်လုပ်နေရကြောင်းစည်းရုံးရေး လုံးဝရပ်နားထားပါကလည်း ရွေးကောက်ပွဲ ဥပဒေ ညှိစွန်းရာရောက်မည်ဖြစ်ကြောင်း ၄င်းက ဆက်ပြော၏။

“အစကတည်းက ပုံပါကျင်မှာ ကျားဖြူကိုဘဲ ထောက်ခံအားပေးတယ်လေ။ အခုလဲ လူငယ်တွေ ပြန်ပြီး နားလည်လာတော့ ကြံ့ဖွတ်တို့၊ စပါးနှံတို့ဆိုတာ ၀င်နိုင်မယ့်ပုံ မရှိတော့ဘူး” - ကျားဖြူပါတီကိုထောက်ခံသော ပုံပါကျင်မှ အစိုးရ၀န်ထမ်း တဦး က ပြောသည်။

ယခုလ ၁၆ ရက် သျှမ်းပြည်တပ်မတော်တောင်ပိုင်းက ပုံပါကျင်ဒေသခံများအား စစ်သား သစ်ကောက်ယူ စုဆောင်းမှုကိစ္စ ဖြစ်ပွါးပြီးနောက်ပိုင်း ကျားဖြူပါတီက စည်းရုံးရေးပြန်ဆင်းခြင်းဖြစ်သည်။

၁၄ ရက်နေ့ကလည်း မိုင်းတုံမြို့နယ် USDP ဥက္ကဌ ဦးစိုင်းအောင်ကြည်၏ ဇာတိ မဲ့ကဲန်း သို့ ကျားဖြူပါတီ စည်းရုံးရေး အဖွဲ့ ၀င်ရောက်စည်းရုံးရာ သျှမ်းလူဦးရေများသော ထိုဒေသ၌၄င်းတို့အဖွဲ့အား အားတက် သရောကြိုဆိုအားပေးကြောင်း၊ အကျဉ်း ချုံး အနည်းငယ်သာ ဟောပြောခဲ့ရသော်လည်း ဒေသခံလူထုတို့နားလည်လွယ်ကြောင်း အဆိုပါ စည်းရုံးရေးအဖွဲ့ ၀င်တဦးက ပြောသည်။

“နန်းငွေမြက စည်းရုံးရေးမှာ အားတက်သရောရှိတယ်။ ဖြစ်နိုင်တာတွေဘဲပြောသွားတော့ မလွန်ဆန်နိုင်လို့ ကြံ့ဖွတ်ပါတီ ကိုဘဲ မဲပေးကြမယ့် လူငယ် လူထုတွေ ကျားဖြူပါတီဘက် ပြန်ပြီးယိမ်းယိုင်လာကြတယ်”-ဟု ပုံပါကျင်ဒေသခံလူလတ်ပိုင်း အမျိုး သမီးတဦးကပြော၏။

“၂၈ ရက်နေ့ကျရင် မိုးတုံ မိုင်းဆတ်ဘက်ထပ်သွားဦးမယ်။ ပုံပါကျင်က လားဟူဒေသခံတချို့ကတောင် ကျားဖြူပါတီကို ထောက်ခံအားပေးကြတယ်။ ပြည်သူ့စစ်တပ်ဆောက်ဖို့အညာအကြေကလာတဲ့ ဗမာအလုပ် သမား ၁၅၀ ကျော်တောင်မှ ကျားဖြူပါတီကို စိတ်ဝင်စားအားပေးကြတာ။ သူတို့တွေဟာ ဧည့်သည်တွေဆို ပေမယ့်လဲ မြို့နယ်ရွေးကောက်ပွဲကော်မရှင် ဆီ နာမည်စာရင်းသွားပေးရင် မဲပေးလို့ရတယ်လေ”- ဟု ၄င်းက ရှင်းပြသည်။

အောက်တိုဘာ ၁၆ ရက် မိုင်းတုံမြို့နယ် နှင့် ပုံပါကျင်မြို့နယ်ခွဲအတွင်း သျှမ်းပြည်တပ်မတော်တောင်ပိုင်းက တပ်သားသစ် အဓမ္မကောက်ယူစုဆောင်းသည့်သတင်း ဘီဘီစီမှထုတ်လွှင့်ပြီးနောက်ပိုင်း သျှမ်းပါတီ သျှမ်းအဖွဲ့အစည်းအပေါ် အထင် အမြင် လွှဲနေသည့်လူထုက ကျားဖြူပါတီစည်းရုံးရေးကိုပါ လက်မခံသောကြောင့် ဆိုက်ဆင်းခရီးစဉ်ရပ်နားထားရာမှ ယခုလ ၂၃ နှင့် ၂၄ ရက် နေ့တွင် စည်းရုံးရေးခရီး ပြည်လည်စတင်ခဲ့ခြင်းဖြစ်သည်။

သျှမ်းပြည်အရှေ့ပိုင်း မိုင်းတုံမြို့နယ်အတွင်း ၀င်ရောက်ယှဉ်ပြိုင်မည့် ပါတီများမှာ သျှမ်းတိုင်းရင်းသားများ ဒီမို ကရက်တစ် ပါတီ၊ ကြံ့ဖွတ်ပါတီဟု လူသိများသည့် ပြည်ခိုင်ဖြိုးပါတီ နှင့် လားဟူအမျိုးသားဖွံ့ဖြိုးတိုးတက်ရေး ပါတီတို့ဖြစ်ပါသည်။

မွန်ပြည်သစ်ရုံး ဆိုင်းဘုတ်များကို အာဏာပိုင်တို့ ဖြုတ်ခိုင်း

ဝီရ / ၂၆ အောက်တိုဘာ ၂၀၁၀

ပါတီ တရားဝင်ခြင်း မရှိတော့ဟု အကြောင်းပြ၍ မြို့များ၌ ချိတ်ဆွဲထားသော မွန်ပြည်သစ်ပါတီရုံး ဆိုင်းဘုတ်များကို သက်ဆိုင်ရာ အာဏာပိုင်တို့က ဖြုတ်ခိုင်းလိုက်ကြောင်း စုံစမ်းသိရှိရသည်။

မွန်ပြည်သစ် ဗဟိုကော်မတီဝင်တဦးက “မွန်ပြည်သစ်ဟာ တရားဝင်ပါတီ၊ တရားဝင် လက်နက်ကိုင်အဖွဲ့အစည်း မဟုတ်တော့ဘူး။ ဒါကြောင့် ရုံးတွေကို သာမန်နေအိမ်တွေလိုပဲ အာဏာပိုင်တွေက သဘောထားတယ်တဲ့။ မြို့ပေါ်က ရုံးဆိုင်းဘုတ်တွေ ဖြုတ်ပေးပါလို့ လာပြောတယ်။ ရုံးစောင့်တွေကလည်း အဲဒါကို ဖြုတ်ပေးလိုက်တယ်။ ဒါက မွန်ပြည်သစ်ရဲ့ မြို့ပေါ်ရုံးတွေ၊ လုပ်ငန်းတွေ၊ လှုပ်ရှားမှုတွေကို အသိအမှတ်မပြုတော့ဘူးဆိုတာ ပြလိုက်တာပါပဲ” ဟု ပြောသည်။

ထိုင်း-မြန်မာနယ်စပ် ဘုရားသုံးဆူမြို့ပေါ်ရှိ မွန်ပြည်သစ်၏ ဆက်ဆံရေးရုံးနှင့် စီးပွားရေးရုံး ဆိုင်းဘုတ်များမှလွဲ၍ ပြည်တွင်း မော်လမြိုင်၊ သံဖြူဇရပ်၊ ရေးမြို့တို့ရှိ ပါတီရုံးဆိုင်းဘုတ်များကို စစ်အစိုးရ အာဏာပိုင်တို့က ပြီးခဲ့သည့်ရက်ပိုင်းအတွင်းတွင် ဖြုတ်ခိုင်းခဲ့ခြင်း ဖြစ်သည်။

လာမည့် ရွေးကောက်ပွဲကို အသိအမှတ်ပြုမည် မဟုတ်ကြောင်းနှင့် ပြည်သူများအနေဖြင့် မတရားသော ရွေးကောက်ပွဲကို ဆန့်ကျင်ကန့်ကွက်ကြရန် မွန်ပြည်သစ်ပါတီက ပြီးခဲ့သည့် အောက်တိုဘာ (၁၈) ရက်နေ့၌ ကြေညာချက် ထုတ်ပြန်ခဲ့ပြီးသည့်နောက် ပါတီအပေါ် ယခုကဲ့သို့ ဖိအားပေးလာခြင်း ဖြစ်သည်။

“မွန်ပြည်သစ်ကို မတရားအသင်းလို့ အတိအလင်း ကြေညာတာ မရှိသေးပါဘူး။ ကျန်ခဲ့တဲ့ ရုံးတွေကို သိမ်းတာလည်း မရှိသေးပါဘူး။ စစ်ရေးအရ နှစ်ဖက်အခြေအနေ တင်းမာလာတာမျိုးလည်း မရှိသေးပါဘူး။ ဒါပေမယ့် ကျနော်တို့ရုံးတွေရဲ့ ဆိုင်းဘုတ်တွေကို အခုလို ဖြုတ်ဖို့ ပြောလာတော့ အခြေအနေက အဆိုးဘက်ကို ဦးတည်သွားတယ်လို့ မြင်ပါတယ်” ဟု အထက်ပါ ဗဟိုကော်မတီဝင်က ခေတ်ပြိုင်သို့ ပြောသည်။

မြို့ပေါ်ရုံးများကို စောင့်ရှောက်နေသူများအား ခြိမ်းခြောက်ခြင်း၊ နှင်ထုတ်ခြင်း မရှိသော်လည်း အဆိုပါ ရုံးများသို့ လာရောက်တည်းခိုသူများအား ဧည့်စာရင်းတိုင်ကြားရန် သက်ဆိုင်ရာ အာဏာပိုင်တို့က ပြောကြားထားကြောင်းလည်း သိရသည်။

မွန်ပြည်သစ် ခရိုင်ကော်မတီဝင်တဦးက “တိုက်ဆိုင်တာ တခုက မဲရုံကိုမသွားဘဲ သပိတ်မှောက်ဖို့၊ မဖြစ်မနေ သွားရမယ်ဆိုရင်လည်း ပယ်မဲတွေ ဖြစ်အောင် လုပ်ပြီး ဒီရွေးကောက်ပွဲကို ဆန့်ကျင်သွားဖို့ ပါတီက ကြေညာချက် ထုတ်ခဲ့တယ်။ အဲဒီနောက်ပိုင်း အာဏာပိုင်တွေက ဒီလိုလုပ်လာတာပဲ” ဟု ပြောသည်။

မွန်ပြည်သစ် ထိန်းချုပ်နယ်မြေရှိ ပြည်သူများသည် လာမည့် နိုဝင်ဘာ (၃) ရက်နေ့မှစ၍ ကြိုတင်မဲထည့်နိုင်ကြောင်း၊ မဲထည့်နိုင်ရန် စီစဉ်ပေးမည် ဖြစ်ကြောင်း စစ်အစိုးရ အာဏာပိုင်တို့၏ ကမ်းလှမ်းမှုကို ပါတီက အဆိုပါ ကြေညာချက်ဖြင့် တုန့်ပြန်ခဲ့ခြင်း ဖြစ်သည်ဟု ယင်း ခရိုင်ကော်မတီဝင်က ပြောသည်။

ကြေညာချက်တွင် “မိမိတို့အခွင့်အရေးဟု ယူဆ၍ မိမိတို့စိတ်ကြိုက် မဲပေးခြင်းကိုမူ မွန်ပြည်သစ်ပါတီအနေဖြင့် ဟန့်တားခြင်း ပြုမည်မဟုတ်ကြောင်း” ပါရှိသည်။

မွန်ပြည်သစ်ပါတီအနေဖြင့် ဌာနေပြည်သူ့စစ် လက်ခံ မခံဆိုသည်ကို စက်တင်ဘာ (၁) ရက်နေ့ နောက်ဆုံးထား၍ အကြောင်းပြန်ရန်၊ ထိုသို့လက်မခံပါက နဂိုမူလအတိုင်း လက်နက်ကိုင်သောင်းကျန်းသူအဖြစ် သတ်မှတ်မည်ဖြစ်ပြီး ဥပဒေအရ တရားဝင် ဆက်ဆံမှု ပြုလုပ်တော့မည် မဟုတ်ကြောင်း စစ်အစိုးရဘက်က သတိပေးခဲ့သည်။

ထို့နောက် မွန်ပြည်သစ်ပါတီက ၎င်းတို့၏ မြို့ပေါ်ရုံးတာဝန်ခံများကို ပြန်လည်ရုပ်သိမ်းခဲ့ပြီး ထိန်းချုပ်နယ်မြေအတွင်း၌သာ နေထိုင်ကြရန် ၎င်းတို့၏ ပါတီဝင်များကို အမိန့်ထုတ်ထားသည်။ ရန်ကုန်မြို့ရှိ မွန်ပြည်သစ်ရုံးများကိုမူ နှစ်ဖက်အခြေအနေ တင်းမာခဲ့သည့် ယခုနှစ် ဧပြီလကုန်ပိုင်းကတည်းက ရုပ်သိမ်းခဲ့ပြီးဖြစ်သည်။

နယ်ခြားစောင့်တပ် အသွင်ပြောင်းရန် ငြင်းဆန်နေသည့် အပစ်ရပ်တိုင်းရင်းသား လက်နက်ကိုင်အဖွဲ့များအနက်မှ တခုဖြစ်သည့် ကချင်ပြည်လွတ်မြောက်ရေးတပ်မတော် (ကေအိုင်အေ) ကိုလည်း ယခုလ (၁၃) ရက်နေ့၌ ဖြစ်ပွားခဲ့သည့် ဗုံးပေါက်ကွဲမှုနှင့် ပတ်သက်၍ အစိုးရသတင်းစာများက သတင်းဖော်ပြရာတွင် “ကေအိုင်အေ သောင်းကျန်းသူ” ဟု သုံးနှုန်းရေးသားခဲ့သည်။

ကိုးကန့်ပါတီအသုံးစရိတ်အားလုံး အေးရှားဝေါလ်ကုမ္မဏီပိုင်ရှင်အကုန်ကျခံ

သျှမ်းသံတော်ဆင့်

လားရှိုး၊ သိန္နီ၊ ကွန်လုံဘက်၌ အဓိကထားယှဉ်ပြိုင်သည့် ကိုးကန့်ဒီမိုကရေစီနှင့် စည်းလုံးညီညွတ်ရေးပါတီ KDUP ၏ ကုန် ကျမှုစရိတ် အားလုံး အေးရှားဝေါ ကုမ္မဏီပိုင်ရှင် လော်ရှင်းဟန်နှင့် လော်ရှင်းမင်တို့ညီအစ်ကိုက အကုန်ကျခံ သည်ဟု စုံစမ်းသိရှိရသည်။

“အဓိက လားရှိုး၊ သိန္နီ၊ ကွန်လုံ သုံးမြို့နယ်ထဲတင် အသုံးစရိတ်က ကျပ်သိန်း ၂၄၀ လောက်ကုန်ကျနေပြီ။ ပျှမ်းမျှ တမြို့နယ် ကျပ်သိန်း ၈၀ လောက်ကုန်တာပေါ့။ အချိန်မရွေးလိုသလောက် ပိုက်ဆံထုတ်နိုင်တယ်။ လောရှင်းဟန် လော်ရှင်းမင်တို့ ညီအစ်ကိုက ထုတ်ပေးတယ်” - ကိုးကန့်ပါတီဝင်တဦးက ပြောပြသည်။

ကိုးကန့်ပါတီ စည်းရုံးရေးဆင်းရာတွင်လည်း “KDUP ကိုမဲမပေးချင်ရင်လဲ USDP ကိုမဲပေးလို့ရတယ်” ဟု လော်ရှင်းဟန်က ပြောဆိုစည်းရုံးခိုင်းကြောင်း လားရှိုးသားတဦးကပြောသည်။

ကိုးကန့်ဒီမိုကရေစီနှင့်သွေးစည်းညီညွတ်ရေးပါတီ ဥက္ကဌ လော်ရှင်းကွမ်းမှာ လားရှိုးမှ အမျိုးသားလွှတ်တော် အဆင့် ယှဉ်ပြိုင်မည်ဖြစ်ပြီးလော်ရှင်းဟန်၊ လော်ရှင်းမင်တို့နှင့်မျိုးနွယ်စုချင်းတော်စပ်ကာ “ကော်ဝင်ရှောက်ရှော်” တရုတ်အထက် တန်းကျောင်း ကျောင်းအုပ်ဆရာ လည်းဖြစ်၏။ ကျောင်းမှရသော လခ ကျပ် နှစ်သိန်း ငါးသောင်းနှင့် လော်ရှင်းဟန်က ပေးသော ကျပ် တစ်သိန်း စုစုပေါင်းတလကျပ် သုံးသိန်း ငါးသောင်း ရရှိသည်ဟု အဆိုပါကျောင်းမှ ကျောင်းသူဟောင်း တဦးကပြောပြသည်။

“ကျမတို့ ကော်ဝင်ရှောက်ရှော် တရုတ်အထက်တန်းကျောင်းဟာ လားရှိုးကြီး ရပ်ကွက် ၁၂ (ဟတ်ကာ လမ်းထဲ) ကန်မိန်း ကျောင်း တိုက်ရှေ့နားမှာရှိတယ်။ ကျောင်းသား ခုနှစ်ရာကျော်ရှိတယ်။ ဦးလော်ရှင်းကွမ်း ကျောင်းအုပ် လုပ်တာ ငါးနှစ် ခြောက်နှစ်ရှိပြီ” ဟု အဆိုပါကျောင်းသူက ရှင်းပြသည်။

အဆိုပါ ကော်ဝင်ရှောက်ရှော်ကျောင်းအပါအ၀င် လားရှိုးမြို့တွင် တရုတ်စာသင်ကျောင်း ၄ ကျောင်းရှိရာ ၀မ့်အိုင်တိုက်ရွာ ရပ်ကွက် ၅ ၌ ဟေမိုးလုံ ချူးကျုံးအထက်တန်းကျောင်း၊ ပန်လုံးရပ်၌ ကော်ပန်း အလယ်တန်း ကျောင်း နှင့် ပန်အွတ်ရပ်ရှိ (လော်ရှင်း ဟန်နာမည်ဖြင့်ဖွင့်ထားသော) ကော်ရှင်းကျောင်းတို့ဖြစ်သည်။ ကော်ရှင်းကျောင်း၏ ကျောင်းဆရာများမှာ ကိုးကန့်တရုတ်လူမျိုးသိပ်မရှိဘဲ တရုတ်ကြီးများသာ ဖြစ်သည်ဟု ကျောင်းသားမိဘ တဦး ကပြောသည်။

လောရှင်းဟန် နှင့် လောရှင်းမင် ညီအစ်ကိုတို့သည် MTA ခေါင်းဆောင် ခွန်ဆာလက်နက်မချ မီကတည်းက နာမည် ကျော် ဘိန်းဘုရင်များဖြစ်ခဲ့ကြသည်။ ၎င်းတို့အား စစ်အစိုးရက အကာအကွယ်ပေး ပြီး ငွေမည်းမှ ငွေဖြူခ၀ါချရန် အေးရှားဝေါလ် ကုမ္မဏီ တည်ထောင်ခွင့်ပေးခဲ့သည်။ အာရှတိုက်၏ အမှတ် ၁၄ လမ်းမ မန္တလေး - လားရှိုး - မူဆယ် မှ တရုတ်ပြည်ရွှေလီသို့ ဆက်သွယ်သည့်လမ်းကိုလည်း အေးရှားဝေါလ် ကုမ္မဏီတာဝန်ယူ တည် ဆောက်၍ လမ်းခွန်များ စောင့်ကြပ်ကောက်ယူဆဲဖြစ်သည်။

မုံးဂိုးတွင် ပြည်သူ့စစ် ၃ ဦး၊ ရဲ ၁ ဦး ပစ်သတ်ခံရ

KNG



မြန်မာနိုင်ငံ၊ ရှမ်းပြည်မြောက်ပိုင်း၊ မုံးဂိုးဒေသ (ယခင် ဒူဝါမုန်ဆာလအုပ်ချုပ်ရာဒေသ) တွင် ပြည်သူ့စစ်သား ၃ ဦးနှင့် ရဲသား ၁ ဦး သည် နှစ်ရက်အတွင်း ပစ်သတ်ခံခဲ့ရသည်။

ပြီးခဲ့သည့် စနေနေ့ အောက်တိုဘာ ၂၃ ရက်၊ မွန်းလွဲ ၁ နာရီနှင့် ၂ နာရီကြား၊ မုံးဂိုးပြည်သူ့စစ်စခန်း (ယခင် မုံးဂိုး အမှတ်(၁) စစ်စခန်း) တွင် ပြည်သူ့စစ်သား ၃ ဦးအား ပစ်သတ်ပြီး ၎င်းတို့၏လက်နက်များ (တရုတ်လုပ် အမ်-၂၂ တစ်လက်၊ အမ်-၂၁ နှစ်လက်နှင့် ကျည်ဆံ အတောင့် ၂၀၀ ကျော်) ကိုပါ ယူဆောင်သွားကြောင်း ဒေသခံတစ်ဦးပြောသည်။

ပစ်သတ်ခံရသည့် ပြည်သူ့စစ် ၃ ဦးမှာ ဒူဝါဇုတ်ဒေါင်နှင့် သား ဆရာနော်ခမ်းတို့ဦးစီးသော အင်အား ၁၀၀ ကျော်ရှိ မုံးဂိုးပြည်သူ့စစ်အဖွဲ့မှဖြစ်ကြောင်း သိရသည်။

ရန်ကုန်တွင်အနေများသူ ဒူဝါဇုတ်ဒေါင်နှင့် လာရှိုးတွင် ခရစ်ယာန်ဓမ္မဆရာလုပ်နေသူ ဆရာနော်ခမ်း တို့ သားအဖသည် နိုဝင်ဘာ ၇ ရွေးကောက်ပွဲ ကိစ္စ မိမိတို့ ဌာနေသို့ ပြန်လာစဉ် မုံးဂိုး မရောက်ခင် ၃ နာရီအလိုတွင် ၎င်းတို့၏ပြည်သူ့စစ် ၃ ဦး အသတ်ခံရခြင်းဖြစ်သည်။

နောက်နေ့ တနင်္ဂနွေနေ့တွင်လည်း မုံးဂိုး-ဖောင်းဆိုင်လမ်း ဒေသခံများမှ အဓ္ဓငွေကောက်ရာတွင် နာမည်ဆိုးနှင့်ကျော်ကြားသော မြန်မာစစ်အစိုးရ ဂိတ်တွင် ညနေ ၅ နာရီကျော်၌ ယင်းဂိတ်ရှိ ရဲအရာရှိတစ်ဦးလည်း ချောင်းမြောင်းပစ်သတ်သွားခြင်း ခံရပါသည်။

၎င်းဂိတ်စောင့်များသည် ဖြတ်သန်းသွားကြသော ဒေသခံလယ်သမားများကိုပါ ဂိတ်ကြေးအတင်း ကောက်ခံ နေကြောင်း ဒေသခံများ ပြောသည်။

ယခုချိန်ထိ ဖြစ်ရပ်နှစ်ခုနှင့်ပတ်သက်ပြီး ကျူးလွန်သတ်ဖြတ်သူများ မည်သူမည်ဝါ မည်သည့်အဖွဲ့မှဖြစ်ကြောင်း ကို မသိရပေ။

ယခုလိုဆက်တိုက် စစ်အစိုးရလူ ၄ ဦးပစ်သတ်ခံခဲ့ရပြီးနောက် မုံးဂိုးရှိမြန်မာစစ်သားနှင့်ရဲများသည် အခြား မုံးဂိုးပြည်သူ့စစ်အဖွဲ့များ နှင့် ဒေသခံပြည်သူများကို အဓိကထား စစ်ဆေးနေကြောင်း သိရသည်။

ယခုချိန်မှာ မြန်မာစစ်တပ် တပ်ရင်း ၃ ရင်း အား မုံးဂိုးဒေသသို့ ပို့ထားပြီး ၎င်းတို့သည် မုံးဂိုး နှင့် ဖောင်းဆိုင် ဒေသခံပြည်သူများအား စစ်ဘန်ကာကတုတ်ကျင်းများပြုလုပ်ရာတွင် အဓ္ဓမ စေခိုင်းနေကြောင်း သိရသည်။

ထိုတပ်ရင်းများသည် ကွတ်ခိုင်မှ ခလရ ၄၅၊ နန်ဖတ်ကာမှ ခလရ ၁၂၃ နှင့် ဟိုပန်းမှ ခလရ ၁၄၅ တို့ဖြစ်သည်။

မုံးကိုးပြည်သူ့စစ်စခန်းကို အမည်မသိအဖွဲ့က စီးနင်းတိုက်ခိုက်

သျှမ်းသံတော်ဆင့်

သျှမ်းပြည် (မြောက်ပိုင်း) မူစယ်ခရိုင် မုံးကိုးမြို့နယ်ခွဲအတွင်းရှိ နအဖစစ်တပ် ကျောထောက်နောက်ခံပြုထားသည့် ပြည်သူ့ စစ်စခန်းတစ်ခုအား အမည်မသိလက်နက်ကိုင်တစ်ဖွဲ့က ယမန်နေ့မနက်အစောပိုင်း၌ စီးနင်းတိုက်ခိုက်ခဲ့ရာ သေဆုံးမှုများ ရှိကြောင်း သိရသည်။

မုံးကိုးမြို့တွင်းရှိ နအဖတပ်ရင်းရုံး အပြင်စည်းလုံခြုံရေးယူထားသော ပြည်သူ့စစ်အင်အား ရ ယောက်ခန့်ရှိသည့် တပ်စခန်း တိုက်ခိုက်ခံခဲ့ရာ ပြည်သူ့စစ် ၁ ဦးသေဆုံးပြီး လက်နက်အချို့ဆုံးရှုံးမှုရှိကြောင်း တရုတ်နယ်စပ်အခြေဆိုက် စစ်ရေး/ နိုင်ငံ ရေး လေ့လာသူဦးအောင်ကျော်ဇောက သျှမ်းသံတော်ဆင့်သို့ ပြောသည်။

“မနေ့ကဝေလီဝေလင်းအချိန်ပေါ့ ပြည်သူ့စစ် ၆/ရယောက်လောက်ထိုင်ထားတဲ့ စခန်းတစ်ခုအတိုက်ခံရတယ် ပြည်သူ့စစ် ၁ ယောက်သေပြီး လက်နက်ငယ် ၃ လက်နဲ့ ကျည်ဆံတွေ ပါသွားတယ် ပစ်ခတ်ချိန်က ၁၀ မိနစ်လောက်ဆိုတော့ တပ်ကူ ချက်ခြင်းမလာနိုင်ဘူး” ဟု သူက ဆိုသည်။

မုံးကိုးမြို့၌ ခလရ ၁၄၅ တပ်ရင်း တာဝန်ယူထားပြီး တိုက်ပွဲဖြစ်အပြီး ယမန်နေ့ညနေပိုင်းတွင် နောက်ထပ် တပ်ရင်းတစ် ရင်း အင်အားထပ်ဖြည့်လိုက်ကြောင်း သိရသည်။

ယခုဖြစ်ရပ်သည် မုံးကိုးကာကွယ်ရေးတပ် MDA အတွင်း အာဏာလုမှု ဖြစ်ပွားခဲ့သည့် ၁၀ နှစ်ပြည့်ချိန်နှင့် တိုက်ဆိုင်နေပြီး နိုဝင်ဘာလ ၇ ရက်တွင် ကျင်းပမည့် ရွေးကောက်ပွဲအတွက် အစည်းအဝေးခေါ်ယူ သည့် နေ့၌ တိုက်ခိုက်ခံခဲ့ရခြင်း ဖြစ်ကြောင်း သိရသည်။

“အခုဖြစ်တာက မုံးကိုးအရေးအခင်း ၁၀ နှစ်မြောက်ချိန် နောက်ပြီး ရွေးကောက်ပွဲ အတွက် အစည်းအဝေးခေါ်တဲ့အချိန်မှာ ဖြစ်တာဆိုတော့ ဖြစ်နိုင်ခြေတွေတော့ အများကြီးရှိတာပေါ့ ဘယ်အဖွဲ့ကလုပ်တယ်ဆိုတာတော့ အတိအကျပြောဖို့ခက် တယ်” ဟု သူက ဆိုသည်။

၂၀၀၀ အောက်တိုဘာဆန်းပိုင်းက မုံးကိုးကာကွယ်ရေးတပ်ဖွဲ့ ဥက္ကဋ္ဌ မုံဆာလထံမှ လီနင်မင်ဦးဆောင်သည့် အဖွဲ့ များက အာဏာသိမ်းခဲ့ရာ ဒီဇင်ဘာလဆန်းပိုင်းတွင် နအဖစစ်တပ်က ၂ ဖွဲ့စလုံးအား တိုက်ခိုက်ချေမှုန်းပြီး မုံးကိုးဒေသ တစ်ခုလုံး ထိန်းချုပ်လာခဲ့သည်။