“ဘိန်းရောင်းတဲ့သူရော၊ သုံးတဲ့သူကိုရော ရဲက ဖမ်းပါတယ်။ ဒါပေမဲ့ ရောင်းတဲ့သူတွေကို ပိုက်ဆံ တောင်းပြီး ပြန်လွှတ်ပေးတယ်။ လက်ထဲမှာ ပစ္စည်းမဖမ်းမိလို့တဲ့။ ဒီမိုင်းဝီးမှာ ဘယ်သူက ဘာရောင်း တယ်ဆိုတာ သိနေကြတာဘဲ။ ရဲ တွေ အာဏာပိုင်တွေက သူ့တို့ရဲ့ထမင်းအိုးကိုတော့ ဘယ်ပြန်ခွဲမှာလဲ။ သူတို့ရဲ့ အဓိက စားပေါက်ဘဲလေ” ဟု မိုင်းဝီးဒေသခံ တစ်ဦးက ပြောပါသည်။
စက်တင်ဘာ ၁၂ ရက် နံနက် ၆:၃၀ နာရီခန့် မူစယ်၊ နမ့်ခမ်း၊ ကွတ်ခိုင်၊ မိုင်းဝီးမှရဲများ ပူးပေါင်းကာ မိုင်းဝီးကျေးရွာအုပ်စုအတွင်း မူးယစ် ဆေး ဝါးရောင်းဝယ်ဖောက်ကားသူများနှင့် သုံးစွဲသူများအား ဝင်ရောက်ဖမ်းဆီးရာ စုစုပေါင်း အယောက် ၂၀ ကျော် ဖမ်းမိကြောင်း၊ ယခုအ ခါရောင်း ချသူများအား ပြန်လွှတ်ပေးပြီး သုံးစွဲသူ ၁၅ ယောက်ခန့်သာ နမ့်ခမ်းရဲစခန်း၌ ဖမ်းထားကြောင်း၊ ပြန်လွတ်လာသည့် သူများမှာ စိုင်းကော် ရွှေ(တရုတ်)၊ စိုင်းအောင်ရွှေ(သျှမ်း)နှင့် စိုင်းကျိန်ဆေ(တရုတ်)တို့ ဖြစ်ကြောင်း ဆို၏။
“အာဏာပိုင်တွေက ဖမ်းတယ်ဆိုပေမဲ့ မိုင်းဝီးမှာ ရောင်းသူ၊ ဝယ်သူ အများကြီး ကျန်သေးတယ်။ ဖမ်း ရင်နာမည်ကောင်းရသလို ပိုက်ဆံလည်း ရတယ်လေ။ အသက် ၁၃-၁၄ နှစ်ကလေးတွေတောင် ဘိန်းစွဲ နေကြပြီ” ဟု ဒေ သခံနောက်တစ်ဦးကလည်း ပြောပါသည်။
မိုင်းဝီးဒေသသို့ မူးယစ်ဆေးဝါး သယ်ဆောင်/ရောင်းချပေးနေသူ ပလောင်အမျိုးသား စိုင်းကျော်သိန်း အား အရေးယူပေးရန် အာဏာပိုင် များ ထံ ဒေသခံ ရပ်မိရပ်ဖများက သွားရောက်ပြောကြားသော်လည်း စိတ်သောက မရောက်ရန်သာ ပြောဆိုကြောင်း ၎င်းကဆက်ပြော ပါသည်။
“ဒီကိစ္စ သူတို့ဖြေရှင်းပေးမယ်၊ စိတ်မပူပါနဲ့လို့ဘဲ ပြောလာတယ်။ ဖမ်းလည်းမဖမ်းဘူး။ ဒီအတိုင်းဘဲ လွှတ်ထားလို့ စုံစမ်းကြည့်တော့ သူက ရဲ တွေနဲ့ ရင်နှီးဝင်ဆန့်ပြီး ရဲခိုင်းသမျှ လုပ်ပေးနေတဲ့သူဖြစ်နေ တယ်။”
မိုင်းဝီးဒေသ၌ ဘိန်းဖြူ၊ ဘိန်းမဲ၊ ယာဘ စသည့် မူးယစ်ဆေးဝါး ပေါများသည်နှင့်အမျှ သုံးစွဲသူလည်း ပေါများရာ ခိုးယူလုယက်မှုလည်း များ ပြား လာကြောင်း သိရှိရပါသည်။
No comments:
Post a Comment