“အရင် ၀န်ကြီးရေးဆွဲခဲ့တဲ့ Media Law ကို မသုံးတော့ဘူး။ ၀န်ကြီး ဦးအောင်ကြည် ကိုယ်တိုင် လည်း မကြိုက်ဖူးလို့ ဆိုပါတယ်။ မီဒီယာဥပဒေ အသစ်ပြန်ဆွဲဖို့ ဖြစ်လာတော့ စာနယ်ဇင်းကောင်စီကိုပါ အသစ်ပြန်ဖွဲ့ဖို့ ဆွေးနွေးပါ တယ်” ဟု မြန်မာနိုင်ငံ စာနယ်ဇင်းကွန်ရက် (MJN) ၏အ ထွေ ထွေ အတွင်းရေးမှူး ဦးမြင့်ကျော်က ဧရာဝတီသို့ ပြောသည်။
ပြန်ကြားရေးဝန်ကြီး ဦးအောင်ကြည်နှင့် မြန်မာနိုင်ငံ စာနယ်ဇင်းကွန်ရက်တို့ ရန်ကုန်မြို့ ဗဟိုပုံနှိပ်စက်ရုံရှိ ဝန်ကြီးရုံးတွင် တွေ့ဆုံဆွေးနွေး ရာ တွင် စာနယ်ဇင်းကောင်စီသစ်နှင့် မီဒီယာဥပဒေ ပြန်လည်ရေးဆွဲရေးအတွက် ဆွေးနွေးခဲ့ကြကြောင်း သိရသည်။
ယာယီဖွဲ့စည်းမည့် စာနယ်ဇင်းကောင်စီသည် စာနယ်ဇင်းသမားများ လိုက်နာရမည့် ကျင့်ဝတ်ဆိုင်ရာ Code of Conducts ကို ရေးဆွဲ မည် ဖြစ်ကြောင်း၊ ပြန်ကြားရေးဝန်ကြီးဌာနမှ ချပေးမည့် အခြေခံမူဘောင်အပေါ် မီဒီယာဥပဒေ ကနဦး ရေးဆွဲပြီး အစဆုံးမူကြမ်း (Zero Draft) အဖြစ် သတ်မှတ်မည်ဖြစ်ကြောင်း ဝန်ကြီး ဦးအောင်ကြည်က ပြောသည်ဟု သိရှိရသည်။
မီဒီယာဥပဒေမူကြမ်းကို စာနယ်ဇင်းသမားများကို ကိုယ်စားပြုသည့် စာနယ်ဇင်းကောင်စီသို့ ချပြ အကြံ ဉာဏ် တောင်းခံမည်ဖြစ်ကြောင်း ဦး မြင့် ကျော်က ပြောသည်။
မြန်မာနိုင်ငံ စာနယ်ဇင်းသမဂ္ဂ (MJU) မှ ဖြစ်မြောက်ရေးအဖွဲ့ဝင် ဦးဇော်သက်ထွေးက “အရင်က ရေး ဆွဲထား တဲ့ မီဒီယာဥပဒေဆိုတာကို ကျ နော်တို့ မမြင်ခဲ့ရဘူး။ ဖတ်လည်း မဖတ်ခဲ့ရဘူး။ ပြန်ကြားရေး ၀န်ကြီးဌာနကနေပြီးတော့ ဒါကို မီ ဒီယာသမားတွေကို ဖြန့်ဝေပေးခဲ့တာ မရှိပါ ဘူး။ ဒါကြောင့် ဒီဥပဒေကို ကျနော်တို့က ချိုသည်၊ ခါးသည်၊ ကောင်းသည်၊ ဆိုးသည်၊ ဝေဖန် လို့မရပါဘူး။ ဒါပေမယ့် ၀န်ကြီးအသစ်က မီဒီ ယာဥပဒေ မူကြမ်းကို ကျနော်တို့ကို ချပြပြီးတော့ ကျနော်တို့ သင့်တော်တဲ့ အကြံဉာဏ်တွေ ပေး ရမယ်ဆိုတဲ့ နေရာမှာ ကျနော်အနေနဲ့ကတော့ ဒီဥပဒေမူကြမ်းကို ဖတ်ပြီးမှ ဝေဖန်လို့ရပါမယ်” ဟု ပြောသည်။
စာနယ်ဇင်းကောင်စီကို တိုးချဲ့ဖွဲ့စည်းခြင်းသာဖြစ်ပြီး MJU အနေဖြင့် အဖွဲ့အစည်း၏ သဘောထား ကောက်ယူပြီးမှသာစာနယ်ဇင်းကောင် စီ (ယာယီ) တွင် ပါဝင်သင့်၊ မပါဝင်သင့် ဆုံးဖြတ်မည်ဖြစ်ကြောင်း ဦးဇော်သက်ထွေးက ဆက်ပြောသည်။
ပြန်လည်ဖွဲ့စည်းမည့် စာနယ်ဇင်းကောင်စီ (ယာယီ) တွင် ဦးခင်မောင်အေး၊ ဒေါက်တာအောင်ထွန်းသက်၊ ဒေါက်တာခင်အေး၊ ဒေါက်တာ တင် လှိုင်၊ ဦးမော်သန်း၊ ဒေါက်တာ မျိုးသန့်တင်၊ ဒေါက်တာ ကျော်ဇောနိုင်၊ ဦးကိုကိုကြီး၊ ဦးတင်လှိုင်၊ ဒေါ်ချိုချိုတင်၊ ဦးခင်မောင်လေး (ဖိုး သော ကြာ)၊ ဦးစိုးသိမ်း (ဆရာမောင်ဝံသ)၊ ဦးကိုကို (စက်မှု)၊ ဦးအောင်လှထွန်း၊ ဦးသီဟစော၊ ဦးဇော်သက်ထွေး၊ ဒေါ်အေးအေးဝင်း၊ ဦး ချစ်ဝင်း မောင်၊ ဦးမြင့်ကျော်၊ ဒေါ်တင်ဇာဇော်၊ ဒေါက်တာ တင်ထွန်းဦး၊ ဒေါက်တာ သာထွန်းဦး၊ ဒေါက်တာ သိန်းမြင့်၊ ဦးသောင်းစုငြိမ်း၊ ဒေါ်နန်းက လျာဝင်း၊ ဦးကိုကိုကြီး (ဟန်ဂေရီ )၊ ဦးဖေမြင့်၊ ဦးကျော်မင်းဆွေ၊ ဦးရဲမင်းဦး၊ ဦးခင်မောင်ဋ္ဌေး (Family Entertainment) တို့ကို လျာထား ကြောင်း သိရသည်။
လျာထားအဖွဲ့ဝင် စာရင်းအရ ယခင် ပြန်ကြားရေးဝန်ကြီး ဦးကျော်ဆန်း ဖွဲ့စည်းခဲ့သည့် အမြုတေ စာနယ်ဇင်း ကောင်စီဝင်များ ဆက်လက် ပါဝင် နေသည်။
ပြန်ကြားရေးဝန်ကြီးဌာန ပြည်ထောင်စုဝန်ကြီး အပြောင်းအလဲဖြစ်ပြီးနောက် ၀န်ကြီးသစ် ဦးအောင်ကြည်သည် စာနယ်ဇင်း အဖွဲ့အစည်း များ ဖြစ်သော မြန်မာနိုင်ငံ သတင်းစာ ဆရာအသင်း (MJA)၊ MJU, MJN တို့နှင့် တွေ့ဆုံဆွေးနွေးမှုများ ဆက်တိုက်ပြုလုပ်ခဲ့သည်။
No comments:
Post a Comment