ကတ်အမျိုးအစားများ အနေနှင့် နိုင်ငံသားစိစစ်ရေးကတ် ၁၆၈၃၉ ကတ်၊ အမျိုးသား သက်သေခံကတ်ပြား ၁၀၉၇ ကတ်၊ နိုင်ငံသားပြုခွင့်ကတ် ၁၁ ကတ်နှင့် နိုင်ငံသားစိစစ်ခံရမည့်သူ၏ သက်သေခံကတ်ပြား ၃၉၆၀ ကတ် တို့ကို ဇွန်လ ၅ ရက်နေ့က စတင်၍ စိစစ်ကာ ပြန်လည်ထုတ်ပေးထားကြောင်း သိရသည်။
“ကတ်ပြန်အပ်ဖို့ ကာလတော့ မတိုးပေးတော့ဘူး၊ အခုကတ်အစားထိုး ပြန်ထုတ်ပေးနေတာကိုတော့ ရက် အကန့်အသတ် မရှိ လုပ်သွားမယ်။ ပြန်အပ်တဲ့အထဲက ၂ ဦးတော့ ဆုံးသွားတာ ရှိတယ်” ဟု ဦးတင်ချစ်က ဧရာဝတီသို့ ပြောသည်။
နိုင်ငံသားစိစစ်ရေး ကတ်များကို တိုင်းရင်းသား လူမျိုးစုများကိုသာ ထုတ်ပေးထားခြင်းဖြစ်ပြီး ရခိုင်ပြည်နယ်မှ ဝှိုက်ကတ် ပြန်လည် အပ်နှံထားသည့် ဘင်္ဂါလီများကို နိုင်ငံသား စိစစ်ခံရမည့်သူ၏ သက်သေခံကတ်ပြားများ ထုတ်ပေးထားကြောင်း သိရသည်။
ဝှိုက်ကတ်များ အစားထိုး ပြန်လည်ထုတ်ပေးခြင်းနှင့် ပတ်သက်၍ အစိုးရပိုင်းက သေချာရှင်းလင်းအောင် ဆောင်ရွက်ပေးရန် လိုအပ်ပြီး ဒေသခံများ နားလည် သဘောပေါက်အောင် လုပ်ဆောင် ဖို့လိုကြောင်း ဒီမိုကရေစီနှင့် လူ့အခွင့်အရေးပါတီဥက္ကဋ္ဌ ဦးကျော်မင်းက ပြောသည်။
“အရင်က ၂ နှစ်စာအတွက် ဆိုပြီး နံပါတ်မပါ၊ လူမျိုးမပါတဲ့ကတ်တွေ ပေးတယ်။ လူတွေက ဒါကို သဘောမကျဘူး၊ ဘယ် ဥပဒေအရ ထုတ်ပေးလဲဆိုတာလဲ မပါဘူး။ ဒါကို အစိုးရက သေချာစိစစ်ပြီး နိုင်ငံသားပေးသင့်သူကို ပေးဖို့ လုပ်ပေးစေချင်တယ်” ဟု ဦးကျော်မင်းက ဆိုသည်။
ပြည်ထောင်စုလွှတ်တော်က ဝှိုက်ကတ် ကိုင်ဆောင်သူများ မဲပေးခွင့်ကို ပယ်ဖျက်ခဲ့ပြီးနောက် ပြန်လည် ပြင်ဆင်သည့် ရွေးကောက်ပွဲ နည်းဥပဒေအရ နိုင်ငံသား၊ ဧည့်နိုင်ငံသား၊ နိုင်ငံသားပြုခွင့်ကတ် ကိုင်ဆောင်သူများသာ မဲပေးခွင့်ရမည် ဖြစ်သည်။
လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာနအနေဖြင့် နိုင်ငံသား လျှောက်ထားမှုများကိုလည်း လက်ခံ ဆောင်ရွက်ပေးလျက် ရှိရာတွင် ရခိုင်ပြည်နယ်အတွင်း လာရောက်လျှောက်ထားသူမှာ လွန်စွာနည်းပါး လျက်ရှိနေသေးကြောင်း သိရသည်။
နိုင်ငံသားအဖြစ် လျှောက်ထားမှုများကို ၁၉၈၂ ခုနှစ် မြန်မာနိုင်ငံသား ဥပဒေဖြင့်သာ ဆက်လက် စိစစ် ဆောင်ရွက် သွားမည်ဖြစ်ပြီး နိုင်ငံသားအဖြစ် လာရောက် လျှောက်ထားကြစေလိုကြောင်း ဦးတင်ချစ်က ပြောကြားသည်။
ဝှိုက်ကတ် ခေါ် ယာယီသက်သေခံလက်မှတ်များမှာ သက်တမ်းကုန်ဆုံးပြီး နောက်ဆုံး အပ်နှံရမည့် မေလ ၃၁ ရက် နေ့အထိ တနိုင်ငံလုံး အတိုင်းအတာဖြင့် အပ်နှံသူ ၄၆၉၁၈၃ ဦးရှိခဲ့ကြောင်း လူဝင်မှုကြီးကြပ်ရေးနှင့် အမျိုးသား မှတ်ပုံတင်ရေးဦးစီးဌာနမှ သိရသည်။
No comments:
Post a Comment