မြန်မာနိုင်ငံ ငါးလုပ်ငန်းဦးစီးဌာနက ရှားခဲအင်းကို စီးပွားရေးလုပ်ငန်းရှင်ကုမ္ပဏီကြီးများအား လေလံပေးရောင်းချသဖြင့် ဒေသခံများ၏ အသက်မွေးဝမ်းကျောင်း လုပ်ငန်းများကိုထိခိုက်သည်ဟုဆိုကာ ယ မန်နေ့က အင်းအနီးရှိ ရှားခဲ ကျေးရွာအပါအဝင် ကျေးရွာစု ၆ စုမှ လူ ၁၅၀ ခန့်က ဆန္ဒပြတောင်းဆိုမှုများပြုလုပ်ပြီးနောက် ရှားခဲအင်းကို လေလံမတင်ဘဲ ရပ်တန့်ထားခြင်းဖြစ်သည်ဟု ဆိုသည်။
“ဒီနေ့လေလံမှာတော့ ရှားခဲအင်းမပါဘူးဗျ။ အင်းအနားက ရွာတွေက ဆန္ဒပြတောင်းဆိုလို့တဲ့။ တခြားအင်းတွေတော့ လေလံ ပါ တယ်” ဟု လေလံပွဲတက်ရောက်ခဲ့သူ လုပ်ငန်းရှင် တဦးက ဧရာဝတီသို့ ပြော သည်။
အင်းကို လေလံပေးခြင်း ရပ်တန့် ထားသော်လည်း ရွာသားများကို လုပ်ကိုင်ခွင့်ချပေးမပေးကိုမူ မသိရသေးဟု ဆိုသည်။
ဒေသခံများအား လုပ်ကိုင်ခွင့်ပေးရန်နှင့် စီးပွားရေးလုပ်ငန်းရှင် ကုမ္ပဏီများကို လေလံမပေးရန် ယမန်နေ့ နံနက်ပိုင်းက ရှားခဲ ကျေးရွာ အုပ်ချုပ်ရေးမှူးရုံးသို့ ဒေသခံ ၁၅၀ ကျော်က သွားရောက်ဆန္ဒပြခဲ့ပြီး ရဲနှင့် မီးသတ် ၅၀ ကျော်က ပိတ်ဆို့ တားဆီးခဲ့ကြပြီး လေလံ မပေး ရန် ဖြေရှင်း ပေးမည်ဖြစ် ကြောင်း သဘော တူခဲ့ကြ သည်ဟု ဆိုသည်။
“အင်းက ဒီကုမ္ပဏီတွေ လုပ်ကိုင်ခွင့်ပေးလိုက်ကတည်းက ကျနော်တို့မှာ ဘာမှလုပ်စားလို့ မရဘူးဖြစ်နေတယ်။ ဒီမှာက တံငါအလုပ်ပဲ အားလုံးလို လုပ်ကိုင်စားသောက်ကြတာ။ ကျနော်တို့ကလည်း ဘာမှ နားမလည်ဘူး။ ဒီလိုအခွင့် အရေးတွေရှိတယ်ဆိုတာ၊ ILO က ပြောပြလို့ ကျနော် တို့က ကိုယ့်ရပိုင် ခွင့်ကို အခုလို တောင်းဆိုတာ” ဟု ရှားခဲ ရွာသားတဦးက ဧရာဝတီသို့ ပြောသည်။
အလျား ၁၃ မိုင် အနံ ၆ မိုင် ကျယ်ဝန်းသော ရှားခဲအင်းကို ၁၉၉၈ ခုနှစ် မတိုင်မီ သမဝါယမ ဝန်ကြီးဌာနထံ အခွန်ဆောင်ကာ ဒေသ ခံများ က အင်းအတွင်း ငါးဖမ်းခြင်းဖြင့် အသက်မွေးဝမ်းကျောင်း လုပ်ကိုင် ခဲ့ကြပြီး ထိုနှစ်မှစတင်ကာ မြန်မာနိုင်ငံ ငါးလုပ်ငန်း ဦးစီး ဌာနက ကုမ္ပဏီများကို လေလံပေး ရောင်းချခဲ့သည်။
ရှားခဲအင်းကို ဧရာရွှေဝါ ကုမ္ပဏီသည် ၁၄ နှစ်တာကာလအတွင်း နှစ်အများဆုံး လုပ်ကိုင်ခွင့်ရသော ကုမ္ပဏီဖြစ်ပြီး အင်းအတွင်း ငါးများကို မွေးမြူထုတ်လုပ်ရောင်းချခြင်းပြုလုပ်ကာ အင်းအနီးနေထိုင်သူ ဒေသခံများကိုလည်း အင်းအတွင်း သွားလာမှုများ ကန့်သတ်ခြင်းများ ပြု လုပ် သည်ဟု ဆိုသည်။ ဧရာရွှေဝါ ကုမ္ပဏီသည် လက်ရှိပြည်သူ့လွှတ်တော် ဥက္ကဌ ဦးရွှေမန်း၏ သား ဦးအောင်သက်မန်း ပိုင် ကုမ္ပဏီ ဖြစ်ကြောင်း သိရသည်။
ထိုအင်းကို ကျုံပျော်မြိုပေါ်တွင်အခြေစိုက်သော ခလရ ၃၆ တပ်ရင်းကို အခကြေးငွေပေး၍ လုံခြုံရေး တာဝန်ယူစေကာ အင်းအနီး သွား လာသူ ဒေသခံတချို့ကို ငါးခိုးမှုနှင့် ဖမ်းဆီးရိုက်နှက်ခြင်း၊ ပစ်ခတ် ခြင်း များလည်း ရှိခဲ့ကြောင်း၊ ထို့ကြောင့် ဒေသခံရွာသားများ အလုပ်ကိုင်ရရှိစေရန်၊ လွတ်လပ်စွာသွားလာခွင့်ရစေရန်အတွက် ယမန်နေ့က ဆန္ဒပြခဲ့ရခြင်းဖြစ်ကြောင်း ရွာသားများက ပြောဆို သည်။
အလားတူ ပဲခူးတိုင်း ထန်းတပင်မြို့နယ်၊ ဇရပ်ကြီးမြို့နယ်၏ အရှေ့ဘက် ၃ မိုင်ခန့်တွင်ရှိသော နောင်ချီအင်း ကိုလည်း ငါးလုပ်ငန်း ဦးစီးဌာနက၂၀၀၈ ခုနှစ်မှ စတင်၍ တောင်ပိုင်းတိုင်း စစ်ဌာနချုပ် လက် အောက်ခံ ခလရ ၇၃ တပ်ရင်းမှ ဒုရင်းမှူး ဗိုလ်မှူး တင့်နိုင်၏ ဇနီး ကြံ့ခိုင်ရေးပါတီဝင် ဒေါ်ထွေးထွေးခိုင်အား ၄ နှစ်ဆက်တိုက် လုပ်ကိုင်ခွင့်ပေးထားသဖြင့် ၎င်းတို့၏လုပ်ငန်းများ ထိခိုက်ကြောင်း ဒေသခံ များက ဧရာဝတီသို့ ပြောပြသည်။
“ဒီအင်းက အရင်တုန်းက ကျနော်တို့ကိုယ်တိုင် ငါးဦးစီးကို အခွန်ပေးလုပ်နေရတာ။ အခု တဆင့်ခံ အမြတ်ကြီးပေးပြီး လုပ်နေရတာ ကျ နော်တို့မှာလည်း အချိန်ကုန်လူပန်း အရှုံးကြီးပဲ။ ဘယ်သူ့မှလည်း သွားမတိုင်ရဲဘူးလေ။ သူ့နောက်မှာက စစ်တပ်ဆိုတော့ ကျနော် တို့ မိသားစုတွေ ဒုက္ခမရောက်စေချင်ဘူး” ဟု နောင်ချီအင်း တံငါ လုပ်ငန်းရှင် တဦးက ပြောသည်။
၂၀၁၁-၂၀၁၂ ဘဏ္ဍာနှစ်တွင် နောင်ချီအင်းအတွက် တနှစ်စာ အခွန်ငွေမှာ ကျပ် ၁၅ သိန်း ဖြစ်သော်လည်း ဒေါ်ထွေးထွေးခိုင် က ဒေသခံ တံငါလုပ်ငန်းရှင်များထံ ကျပ် ၁၇၅ သိန်းဖြင့် ပြန်လည် ရောင်းချခဲ့ ကြောင်း ထိုနှစ်အတွင်းတွင် ရာသီဥတု ဖောက်ပြန်သဖြင့် တံငါ လုပ် ငန်ရှင် များမျာ ကျပ် သိန်း ၅၀ ကျော် အရှုံးပေါ်ခဲ့ကြောင်း ပြောဆိုကြသည်။
No comments:
Post a Comment