၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်၊ ကိုကိုကြီးတို့ ရန်ကုန်မြို့ သင်္ကန်းကျွန်း မြို့နယ်ရှိ ၄င်းတို့၏ ယာယီ ရုံးခန်းတွင် ဧရာဝတီနှင့် တွေ့ဆုံစဉ် ပြောကြားခြင်းဖြစ်သည်။
“ကျနော်တို့က အချိန်ရပါသေးတယ်။ ၂၀၁၅ ခုနှစ်အတွက် ၃ နှစ်လောက် အချိန်ရပါသေးတယ်။ ဒီအတောအတွင်းမှာ ကျနော်တို့လည်း ပြော နေကြတာကတော့ လွှတ်တော်နိုင်ငံရေးက ဘယ်လောက် အား ကောင်းလာမလဲ၊ လွှတ်တော် နိုင်ငံရေးအပေါ်မှာ ကျနော်တို့ ပုံ အော လို့ရတဲ့ အခြေ အနေ ဖြစ်ပြီလား ဆိုတာ မူတည် ပါတယ်” ဟု ကိုကိုကြီးက ပြောသည်။
လွှတ်တော် နိုင်ငံရေးသည် မြန်မာ့နိုင်ငံရေး ပြဿနာများအားလုံး ဖြေရှင်းရာတွင် လွှတ်တော်တွင်းကသာ ဖြေရှင်း၍ အာမခံချက် ရသွား သည့် အခြေအနေရှိပါက လွှတ်တော်တွင်းသို့ အမြန်ဆုံး ၀င်ရောက် မည်ဖြစ်ကြောင်း၊ တချို့ ပြဿနာများသည် လွှတ်တော်တွင်း တခု တည်းနှင့် ဖြေရှင်း၍ မရ နိုင်ကြောင်း ကိုကိုကြီးက ဆက်ပြော သည်။
၎င်းက “တိုင်းရင်းသားပြဿနာတွေက လွှတ်တော်ဘောင်ထဲမှာ ဖြေရှင်းလို့ မရနိုင်လို့ဘဲ အခု ပြင်ပမှာ သီးခြားစီ လိုက်ဆွေးနွေးနေရတာ” ဟု ပြောသည်။
ကိုမင်းကိုနိုင်ကလည်း ယေဘုယျအားဖြင့် လွှတ်တော်တွင်းနှင့် လွှတ်တော်ပြင်ပ နိုင်ငံရေးဟူ၍ နှစ်မျိုးခွဲကြည့်ကြောင်း၊ နိုင်ငံရေး ပါတီ ထောင်၊ ရွေးကောက်ပွဲ ၀င်ကြသူများက ခြေတဖက်အဖြစ် လွှတ်တော် တွင်းက ရုန်းကန်ကြရမည်ဖြစ်ပြီး လွှတ်တော်ပြင်ပက နောက်ထပ် ခြေတဖက်အဖြစ် ရုန်းကန်ကာ ဘယ်ညာ ခြေနှစ်ဖက် ဟန်ချက်ညီ လှုပ်ရှားရုန်းကန်ရမည်ဖြစ်ကြောင်း ပြောသည်။
“ကျနော်တို့ဆီမှာ အရေးကြီးတဲ့ တချက်ပဲ၊ လွှတ်တော်ပြင်ပ နိုင်ငံရေးဟာ ဥပဒေပြင်ပ နိုင်ငံရေး မဟုတ်ဘူးဆိုတဲ့ အချက်ကိုတော့ သိ သာ ထင်ရှားဖို့ လိုတယ်” ဟု ကိုမင်းကို နိုင်က ဆိုသည်။
သမ္မတဦးသိန်းစိန်၏ တနှစ်ပြည့်မိန့်ခွန်းကို ၈၈ မျိုးဆက် ကျောင်းသားများက ရိုးသားစွာဖြင့် ကြိုဆိုခဲ့ခြင်းဖြစ်ကြောင်း၊ တဖက်က ကမ်း လာ သည့်လက်ကို နွေးထွေးစွာ ကြိုဆိုခြင်းဖြစ်ကြောင်း၊ ပြုပြင် ပြောင်း လဲရေး လုပ်ဆောင်လိုသူများ ရှိသည်ဟု လက်ခံနားလည်ပြီး ပြုပြင်ပြောင်းလဲရေး မလုပ်လိုသူများအကြား အားပြိုင်ရလျှင် တကယ် ပြုပြင်ပြောင်းလဲရေး လုပ်သူများဖက်မှ အားဖြည့် သွားမည် ဖြစ် ကြောင်း ၎င်းက ဆက်ပြောသည်။
ဒီမိုကရေစီ လူ့ဘောင်ကို သွားရာတွင် အဓိက အရေးကြီးသည့် လူထုအခြေပြု လူ့အဖွဲ့အစည်း (Civil Society) အားကောင်း လာစေရေး အတွက် ၈၈ မျိုးဆက် ကျောင်းသား များကလည်း ကြိုးပမ်း နေ ကြောင်း၊ အကြောင်းမှာ အာဏာပိုင်နှင့် ဆက်ဆံရာတွင် နိုင်ငံသားများ ဖက်က ပွင့်လင်းစွာဆက်ဆံရန် ကြောက်ရွံ့နေသည့်အတွက်ဖြစ်ကြောင်း၊ ပြည်သူ့အသံ စစ်စစ်ကို နားထောင်ပြီး ငြိမ်းချမ်း ပွင့်လင်း လွတ်လပ် သည့် လူ့အဖွဲ့အစည်း ပေါ်ပေါက်လာရေး ကြိုးစားနေကြောင်း ၄င်းတို့ နှစ်ဦးက ပြောသည်။
ပြည်သူများက အာဏာပိုင်နှင့် အာဏာကို ကြောက်ရွံ့နေဆဲဖြစ်၍ အခက်အခဲများကို ၈၈ မျိုးဆက် ကျောင်းသားများတွင် အာဏာ မရှိ သော်လည်း အားကိုးတကြီး လာရောက်ရင်ဖွင့် တိုင်ကြားမှု များရှိ ကြောင်း၊ လွှတ်တော်ပြင်ပ နိုင်ငံရေးအတွက် အဆိုပါကိစ္စသည် အား ကောင်းသည့် အရင်းအမြစ်တခုဟု မြင်ကြောင်း ၄င်းတို့က ဆိုသည်။
နိုင်ငံရေးတွင် အားလုံး ပါဝင်နိုင်သည့် နိုင်ငံရေးဖြစ်စဉ်ဆိုသည့် စကားရပ်နှင့် တရားဥပဒေ စိုးမိုးရေးဆိုသည့် စကားရပ်ကြောင့် နိုင်ငံတော် သမ္မတ၏ မိန့်ခွန်းသည် အလွန်ကောင်းမွန်ပြီး စကားလုံးများက တဆင့် လက်တွေ့ အကောင်အထည် ဖော်ဆောင်နိုင်ရန်သာ လိုအပ်ကြောင်း ကိုကိုကြီးက ပြောသည်။
တိုင်းရင်းသားလက်နက်ကိုင် ပြဿနာသည် မြန်မာနိုင်ငံ၏ အရေးတကြီး ဖြေရှင်းရမည့် အချက်ဖြစ်ကြောင်း၊ ယခင်က ဖြေရှင်းသည့် တိုင်း ရင်းသား ခေါင်းဆောင်များနှင့် အစိုးရ ခေါင်းဆောင်များသာ တွေ့ဆုံ၍ အပစ်အခတ်ရပ်ဆဲရေး စကားပြောဖြေရှင်းသည့် နည်းစနစ်သည် မအောင်မြင်ကြောင်း၊ ထို့ကြောင့် ငြိမ်းချမ်းရေးနှင့် ပွင့်လင်းသော လူ့အဖွဲ့အစည်း ပေါ်ပေါက်ရန်လိုကြောင်း ကိုမင်းကိုနိုင်က ဆိုသည်။
“ဒေသခံ ပြည်သူအများစုရဲ့ အသံတွေရယ်၊ ဆန္ဒတွေရယ်၊ သူတို့ ပါဝင်နိုင်မှုတွေရယ် ပါဝင်ရမယ်ဆိုတာ ကျနော်တို့ သွားနား ထောင်တဲ့ အခါမှာ အင်မတန် အဖိုး တန်တဲ့ အချက် အလက်တွေ ရလာ ခဲ့တယ်” ဟု ၎င်းက ပြောသည်။
အတိုက်အခံများကြောင့် စီးပွားရေး ဒဏ်ခတ်ခံရသည် ယခင်စစ်အစိုးရက ပြောဆိုခဲ့ခြင်းမှာ နိုင်ငံရေးလက်နက်အဖြစ် အသုံးပြုသည်ဟု နား လည်ကြောင်း၊ မြန်မာ့ပြုပြင်ပြောင်းလဲရေးအပေါ် မူတည်ပြီး သက် ဆိုင်ရာ နိုင်ငံများက ချမှတ်ထားသည့် စံချိန်စံညွှန်းအတိုင်း ရုပ် သိမ်း သွားကြမည်သာဖြစ်ကြောင်း၊ စီးပွားရေး ဒဏ်ခတ်မှု ရှိနေခြင်းကြောင့် အစိုးရနှင့် တချို့စီးပွားရေးသမားများ အကျိုး အမြတ် ရှိနေ ကြောင်း ကိုကိုကြီးက ဆိုသည်။
“ဒီ Sanction ရှိနေလို့ စားပွဲခုံအောက်မှာ လက်သိပ်ထိုးပေးရတဲ့ အကျိုးအမြတ်တွေကို ခံစားနေရတဲ့ အင်အားစုတွေရှိတယ်။ Sanction ရှိနေတာတောင်မှ အာဏာပိုင်အဖွဲ့အစည်းနဲ့ ပတ်သက်နေတဲ့ စီးပွား ရေး သမားတွေဟာ အကျိုးအမြတ် ရနေတာတွေရှိတယ်” ဟု ၎င်းက ဆိုသည်။
၈၈ မျိုးဆက်ကျောင်းသားသည် နိုင်ငံခြားတိုင်းပြည်များသို့ သွားရောက် လေ့လာလိုသဖြင့် နိုင်ငံကူးလက်မှတ် လျှောက်ထားသော်လည်း ယခုအထိ မရရှိသေးကြောင်း သိရသည်။
“နိုင်ငံရေးလုပ်ရင် တဆင့်နိမ့်နိုင်ငံသားလို ဖြစ်နေတယ်။ ပတ်စ်ပို့လျှောက်ထားတာ ပုံမှန်ဆို သူများတွေ သုံးပတ်ဆို အဖြေသိပြီ။ ကျနော်တို့ အခုထိ မသိရသေးဘူး” ဟု ကိုကိုကြီးက ပြောသည်။
No comments:
Post a Comment