စာပေစိစစ်နှင့် မှတ်ပုံတင်ဌာန ညွှန်ကြားရေးမှူး ဦးတင့်ဆွေ (ဓာတ်ပုံ - ဧရာဝတီ)
စာပေစိစစ်ရေးသို့ မူကြမ်းတင်ပြနေရဆဲဖြစ်သည့် သတင်းဂျာနယ်၊ နိုင်ငံရေးနှင့် ဘာသာရေး စာနယ်ဇင်းအမျိုးအစားများ စိစစ်မှုကို သမ္မတ အမိန့်ဖြင့် ဖွဲ့စည်းမည့် စာနယ်ဇင်းကောင်စီ ပေါ်ပေါက်လာပါက ဇွန်လတွင် ဖျက်သိမ်းမည်ဖြစ်ကြောင်း သိရသည်။
ရန်ကုန်မြို့ရှိ စာပေစိစစ်ရေးရုံးတွင် ယမန်နေ့ မွန်းလွဲ ၂ နာရီခွဲက ကျင်းပသော စတ္တုတ္ထအဆင့် စာပေစိစစ်ရေးမူဝါဒများ ဖြေလျှော့ရေး ရှင်း လင်းသည့် အစည်းအဝေးတွင် စာပေစိစစ်နှင့် မှတ်ပုံတင်ဌာန ညွှန်ကြားရေးမှူး ဦးတင့်ဆွေက “စာနယ်ဇင်းကောင်စီ ပေါ်လာလို့ရှိရင် နိုင်ငံ ရေးနဲ့ ဘာသာရေးတွေကို ဖြေလျှော့ပေးလိုက်မှာပါ။ ၀န်ကြီး (ဦးကျော်ဆန်း) လည်း ပြောထားပြီးသားပဲ။ ဘာမှ မရှိတော့ဘူး။ ဒါ ကြောင့် မို့လို့ သာမန် အားဖြင့် ပြောရရင် ၂၀၁၂ ခုနှစ် ဇွန်လ ဆိုရင် ဆင်ဆာ လုပ်တာ တွေ မရှိ တော့ဘူး” ဟု ပြောသည်။
အဆိုပါ အစည်းအဝေးတွင် ၀တ္တုစာပေများအပေါ် စိစစ်မှုများ ဖျက်သိမ်းလိုက်ပြီး လုံးချင်းဝတ္တုများအပါအ၀င် ၀တ္တုအမျိုးအစားစာပေများ စာပေစိစစ်ရေး တင်ပြရန်မလိုတော့ဘဲ ထုတ်ဝေခွင့်ပြုလိုက်ကြောင်း ကြေညာသည်။
၂၀၁၁ ဇွန်လတွင် ကျန်းမာရေး၊ အားကစား၊ နည်းပညာ၊ အနုပညာ၊ ကလေးစာပေ စုစုပေါင်း စာနယ်ဇင်းအမျိုးအစား ၅ ခုနှင့် ဒီဇင်ဘာတွင် မှုခင်းနှင့် စီးပွားရေးဆိုင်ရာ ဂျာနယ်၊ မဂ္ဂဇင်း ၅၀ ကျော်ကို စာပေစိစစ်ရေးတင်ပြရန် မလိုဘဲ ထုတ်ဝေခွင့်ပြုခဲ့သည်။
မီဒီယာဥပဒေ မပေါ်သမျှ ကာလပတ်လုံး ၁၉၆၂ ပုံနှိပ်ဥပဒေ အသက်ဝင်နေပြီး လေးစားလိုက်နာရမည်ဖြစ်ကြောင်း သိရသည်။
လတ်တလောတွင် ပြန်ကြားရေးဝန်ကြီးဌာနက ရေးဆွဲထားသော မီဒီယာဥပဒေကြမ်းကို ရှေ့နေချုပ်ရုံးသို့ တင်ပြထားကြောင်း ဦးတင့် ဆွေ က ဆိုသည်။
“လောလောဆယ် လျှို့ဝှက်ဥပဒေအရ မီဒီယာဥပဒေကို ချပြလိုမရသေးဘူး။ သို့သော်လည်း ချပြလို့ရတဲ့ အချိန်ကျရင် ချပြရမယ်။ ဇူလိုင်လ လွှတ်တော်မှာ ဥပဒေကြမ်းတင်မယ်။ အဆင်ပြေခဲ့ရင်တော့ သြဂုတ်လလောက်ဆိုရင် လုံးဝကို စိစစ်ရေးရှိတော့မှာမဟုတ်ဘူး” ဟု ဦးတင့် ဆွေက ဆိုသည်။
စာပေစိစစ်ရေးတင်ပြရန် မလိုသော်လည်း အသေးစိတ် အခြေခံရမည့်မူများတွင် ဒို့တာဝန်အရေးသုံးပါးကို မထိပါးရန်၊ နိုင်ငံတော်၏မူဝါဒ နှင့် နိုင်ငံတော်အစိုးရကို အဖျက်သဘော ဝေဖန် ရေးသားခြင်း မပြု ရန်၊ နိုင်ငံတကာနှင့် ချစ်ကြည်ရင်းနှီးမှု ထိခိုက်စေမည့် အချက်များကို မဖော်ပြရန်၊ အဂတိလိုက်စားမှု၊ တရားမ၀င် မူးယစ်ဆေးဝါး ထုတ်လုပ်ရောင်းဝယ်မှု၊ အဓမ္မလုပ်အားပေးခိုင်းစေမှု၊ လူကုန်ကူးမှု၊ က လေး စစ်သား စသော အကြောင်းအရာတို့နှင့် ပတ်သက်၍ အရင်းအမြစ်မခိုင်မာဘဲ ရေးသားဖော်ပြခြင်းမပြုရန်၊ နိုင်ငံ တော်အား ဆန့်ကျင် နှောင့်ယှက်နေသော လူပုဂ္ဂိုလ် အဖွဲ့အစည်းများနှင့်ပတ်သက်၍ လှုံ့ဆော် အားပေး ထောက်ခံသည့် အရေး သားများ ရေးသား ဖော်ပြ ခြင်း မပြုရန်၊ ဌာဆိုင်ရာ လုပ်ငန်များ ပုဂ္ဂလိက လုပ်ငန်း များ၏ အားနည်း ချက်များ ထောက်ပြ ဝေဖန် ရာတွင် အချိန်၊ နေရာ၊ အဖွဲ့ အစည်း အ မည် စသည်ဖြင့် သတင်း ရင်းမြစ်နှင့် အထောက် အထား ခိုင်ခိုင် လုံလုံ ရေးသား ဖော်ပြရန် အပါ အ၀င် အချက် ၁၅ ချက်ကို လေးစား လိုက်နာ ရမည် ဖြစ်ကြောင်း သိရှိ ရသည်။
No comments:
Post a Comment